(-1)Cuirtear an méid seo a leanas in ionad Aithris 68:

‘(68) Thairis sin, ba cheart don Choimisiún measúnú a dhéanamh ar riosca an dífhoraoisithe agus an díghrádaithe foraoisí ar leibhéal tíre nó codanna di bunaithe ar réimse critéar lena léirítear sonraí cainníochtúla, oibiachtúla agus sonraí a aithnítear go hidirnáisiúnta, agus ar thásca go bhfuil na tíortha rannpháirteach go gníomhach sa chomhrac in aghaidh an dífhoraoisithe agus an díghrádaithe foraoisí. Le faisnéis tagarmharcála den sórt sin ba cheart a éascú d’oibreoirí san Aontas dícheall cuí a fheidhmiú agus do na húdaráis inniúla faireachán a dhéanamh ar chomhlíontacht agus í a fhorfheidhmiú, agus dreasacht á soláthar freisin do thíortha táirgeachta chun inbhuanaitheacht a gcóras táirgeachta talmhaíochta a mhéadú agus a dtionchar dífhoraoisithe a laghdú. Ba cheart an méid sin a bheith ina chuidiú le cur le trédhearcacht agus le hinbhuanaitheacht slabhraí soláthair. Ba cheart an córas tagarmharcála sin a bheith bunaithe ar chóras ceithre chiseal chun tíortha a aicmiú mar thíortha ísealriosca, riosca chaighdeánaigh, ardriosca nó gan riosca ar bith. Chun trédhearcacht agus soiléireacht iomchuí a áirithiú, ba cheart don Choimisiún, go háirithe, na sonraí atá á n-úsáid le haghaidh na tagarmharcála, na cúiseanna le hathrú beartaithe an aicmithe agus freagra na tíre lena mbaineann, a chur ar fáil go poiblí. Le haghaidh táirgí ábhartha ó thíortha ísealriosca nó codanna díobh, ba cheart a cheadú d’oibreoirí dícheall cuí simplithe a fheidhmiú. Maidir le táirgí ábhartha ó thíortha ardriosca nó codanna díobh ba cheart a cheangal ar na húdaráis inniúla grinnscrúdú feabhsaithe a chur i bhfeidhm. Níor cheart táirgí ábhartha ó thíortha gan riosca agus ó chodanna díobh a bheith faoi réir na gcoinníollacha sin. Ba cheart go mbeadh sé de chumhacht ag an gCoimisiún gníomhartha cur chun feidhme a ghlacadh chun na tíortha nó codanna díobh a shuíomh, lena mbaineann ísealriosca nó ardriosca.’

(-1a)Cuirtear an méid seo a leanas in ionad Aithris 86:

‘(86) Ba cheart tréimhse réasúnach a thabhairt d’oibreoirí, do thrádálaithe agus do na húdaráis inniúla chun iad féin a ullmhú chun ceanglais an Rialacháin seo a chomhlíonadh. Sa tréimhse roimh dháta an chur i bhfeidhm, agus chun aon mhoill a sheachaint, ba cheart don Choimisiún tosaíocht a thabhairt do bharrfheabhsú an ardáin chun faisnéis a mhalartú idir na geallsealbhóirí ábhartha agus na húdaráis inniúla. Geallann an Coimisiún freisin an t-aicmiú riosca a fhoilsiú ionas gur féidir leis na geallsealbhóirí ábhartha ullmhú do raon feidhme sainordaitheach sainithe an Rialacháin seo. Ba cheart an t-ardán chun faisnéis a mhalartú agus an t-aicmiú riosca a bheith ar fáil agus lánfheidhmiúil sé mhí ar a laghad roimh dháta an chur i bhfeidhm. I gcás tuilleadh moille, ba cheart dáta an chur i bhfeidhm a chur siar dá réir.’

(-1b)in Airteagal 3, cuirtear an méid seo a leanas in ionad na coda réamhráití:

‘1. Ní dhéanfar tráchtearraí ábhartha ná táirgí ábhartha ó thíortha nó ó na codanna díobh, a mbaineann ísealriosca, riosca chaighdeánaigh nó ardriosca leo i gcomhréir le hAirteagal 29, a chur ná a chur ar fáil ar an margadh, ná a onnmhairiú ach amháin má chomhlíontar na coinníollacha uile seo a leanas:

(-1c)in Airteagal 3, cuirtear an mhír seo a leanas leis:

(-1d)in Airteagal 4, cuirtear an mhír seo a leanas leis:

(-1e)in Airteagal 5, cuirtear an mhír seo a leanas isteach:

(-1f)in Airteagal 16, cuirtear an mhír seo a leanas isteach:

(-1g)in Airteagal 29, cuirtear an méid seo a leanas in ionad mhír 1:

‘1. Bunaítear leis an Rialachán seo córas ceathair-chiseal chun measúnú a dhéanamh ar thíortha nó ar chodanna díobh. Chun na críche sin, déanfar Ballstáit agus tríú tíortha, nó codanna díobh, a aicmiú i gceann de na catagóirí riosca seo a leanas:

(a)tagraíonn ‘ardriosca’, do thíortha nó codanna díobh, inar sainaithníodh, de réir an mheasúnaithe dá dtagraítear i mír 3, go bhfuil ardriosca ann go dtáirgfear sna tíortha sin nó i gcodanna díobh, tráchtearraí ábhartha nach gcomhlíonann na táirgí ábhartha Airteagal 3(a) ina leith;

(b)tagraíonn ‘ísealriosca’ do thíortha, nó codanna díobh, a meastar ina leith, de réir an mheasúnaithe dá dtagraítear i mír 3, go bhfuil dóthain muiníne ann gurb eisceachtúil iad na cásanna ina dtáirgtear sna tíortha sin nó i gcodanna díobh, tráchtearraí ábhartha nach gcomhlíonann na táirgí ábhartha Airteagal 3, pointe (a) ina leith;

(c)tagraíonn ‘gnáthriosca’ do thíortha nó codanna díobh, nach dtagann faoi chatagóir an ‘ardriosca’ ná an catagóir ‘gan riosca’;