–ag féachaint don iarraidh ar tharscaoileadh dhíolúine Petr Bystron, a fuarthas i litir dar dáta an 27 Lúnasa 2024 ó Aireacht Chónaidhme Dlí agus Cirt na Gearmáine, lena dtarchuirtear iarraidh ó Phríomh-Ionchúisitheoir Poiblí München I, i dtaca le himeachtaí coiriúla atá ar feitheamh os comhair Chúirt Dúiche München, agus a fógraíodh i suí iomlánach an 16 Meán Fómhair 2024,
–tar éis éisteacht a thabhairt do Petr Bystron i gcomhréir le Riail 9(6) dá Rialacha Nós Imeachta an 29 Eanáir 2025 agus ag féachaint do na doiciméid a thíolaic sé le linn na héisteachta,
–ag féachaint d’Airteagail 8 agus 9 de Phrótacal Uimh. 7 ar Phribhléidí agus Díolúintí an Aontais Eorpaigh agus d’Airteagal 6(2) d’Ionstraim an 20 Meán Fómhair 1976 maidir le toghadh Fheisirí Pharlaimint na hEorpa trí vótáil chomhchoiteann dhíreach,
–ag féachaint do na breithiúnais a thug Cúirt Bhreithiúnais an Aontais Eorpaigh an 21 Deireadh Fómhair 2008, an 19 Márta 2010, an 6 Meán Fómhair 2011, an 17 Eanáir 2013, 19 Nollaig 2019 agus an 5 Iúil 2023 Breithiúnas ón gCúirt Bhreithiúnais an 21 Deireadh Fómhair 2008, Marra v De Gregorio agus Clemente, C-200/07 agus C-201/07, ECLI:EU:C:2008:579; breithiúnas ón gCúirt Ghinearálta an 19 Márta 2010, Gollnisch v Parlaimint na hEorpa, T-42/06, ECLI:EU:T:2010:102; breithiúnas ón gCúirt Bhreithiúnais an 6 Meán Fómhair 2011, Patriciello, C-163/10, ECLI: EU:C:2011:543; breithiúnas ón gCúirt Ghinearálta an 17 Eanáir 2013, Gollnisch v Parlaimint na hEorpa, T-346/11 agus T-347/11, ECLI:EU:T:2013:23; breithiúnas ón gCúirt Bhreithiúnais an 19 Nollaig 2019, Junqueras Vies, C-502/19, ECLI:EU:C:2019:1115. breithiúnas ón gCúirt Ghinearálta an 5 Iúil 2023, Puigdemont i Casamajó agus Páirtithe eile v Parlaimint na hEorpa, T-272/21, ECLI:EU:T:2023:373.,
–ag féachaint d’Airteagal 46 de Dhlí Bunúsach Phoblacht Chónaidhme na Gearmáine,
–ag féachaint do Riail 5(2), do Riail 6(1) agus do Riail 9 dá Rialacha Nós Imeachta,
–ag féachaint don tuarascáil ón gCoiste um Ghnóthaí Dlíthiúla (A10-0030/2025),
A.de bhrí gur iarr Príomh-Ionchúisitheoir Poiblí München I díolúine pharlaiminteach Petr Bystron, Feisire de Pharlaimint na hEorpa, a tharscaoileadh, i gcomhthéacs líomhaintí a tugadh ina choinne faoi Roinn 86a de Chód Coiriúil na Gearmáine agus i dtaca le Roinn 86 den Chód sin, maidir le húsáid líomhnaithe siombailí d’eagraíochtaí míbhunreachtúla agus sceimhlitheoireachta;
B.de bhrí go léirítear san iarraidh, tar éis Ambasadóir na hÚcráine chun na Gearmáine a bhriseadh as oifig an 12 Iúil 2022, gur líomhnaíodh gur fhoilsigh Petr Bystron montáis grianghraf ar a chuntas Twitter, a thaispeáin gearrthóga ó phictiúir de dhaoine a bhí i seilbh ardoifige poiblí roimhe seo, agus gach duine acu ag coinneáil a láimhe deise nó a láimhe clé suas leis an lámh sínte amach agus na méara ag díriú suas; de bhrí go bhfuil an fotheideal ‘Slán! [...] Fágann polaiteoirí na Gearmáine slán!’ Aistriúchán Gaeilge ar an mbuntéacs. ag gabháil leis an gcolláis fhoilsithe; de bhrí gur cuireadh i leith Petr Bystron gur ghlac sé ar a laghad go hintuigthe go bhfágfadh an mhontáis grianghraf sin úsáideoir oibiachtúil Twitter leis an tuiscint gurbh é an ‘cúirtéis Hitler’ an seasamh láimhe a léiríodh, toisc gur cineál beannachta é sin a d’úsáid réimeas na Naitsithe; de bhrí gur cúisíodh Petr Bystron as siombailí d’eagraíochtaí míbhunreachtúla agus sceimhlitheoireachta a dháileadh nó a úsáid go poiblí sa Ghearmáin;
C.de bhrí, tar éis imscrúduithe a dhéanamh, gur chuir na húdaráis inniúla iarraidh isteach ar dhíolúine Petr Bystron a tharscaoileadh, iarraidh a díríodh chuig Bundestag na Gearmáine, a raibh sé ina chomhalta de ag an am; de bhrí go ndearna Bundestag na Gearmáine a dhíolúine a tharscaoileadh an 7 Meán Fómhair 2023;
D.de bhrí gur toghadh Petr Bystron chuig Parlaimint na hEorpa sna toghcháin Eorpacha in 2024; de bhrí, tar éis thoradh deiridh an toghcháin a fhógairt, go ndearna na húdaráis inniúla, le cinneadh an 9 Iúil 2024, na himeachtaí coiriúla ina choinne a chur ar fionraí go sealadach chun dul ar aghaidh leis an iarraidh ar tharscaoileadh a dhíolúine;
E.de bhrí nach raibh Petr Bystron ina Fheisire de Pharlaimint na hEorpa tráth an chiona líomhnaithe;
F.de bhrí nach mbaineann an cion líomhnaithe agus an iarraidh ina dhiaidh sin ar tharscaoileadh a dhíolúine le tuairim arna tabhairt ag Petr Bystron ná le vóta arna chaitheamh aige i gcomhlíonadh a dhualgas de réir bhrí Airteagal 8 de Phrótacal Uimh. 7 ar Phribhléidí agus Díolúintí an Aontais Eorpaigh;
G.de bhrí, de bhun Airteagal 9, an chéad mhír, pointe (a), de Phrótacal Uimh. 7 ar Phribhléidí agus Díolúintí an Aontais Eorpaigh, go dteachtfaidh Feisirí de Pharlaimint na hEorpa ar an gcríoch náisiúnta féin na díolúintí a thugtar do chomhaltaí pharlaimint a Stáit féin;
H.de bhrí go bhforáiltear mar a leanas le hAirteagal 46(2), (3) agus (4) de Dhlí Bunúsach Phoblacht Chónaidhme na Gearmáine:- (2)‘I gcás gníomh atá inphionóis, ní fhéadfar Feisire a chur faoi dhliteanas ná a ghabháil ach amháin le formheas an Bundestag, mura rud é gur gabhadh é nó í i mbun gnímh nó an lá tar éis an lae a rinne sé an gníomh sin.
- (3)Beidh formheas an Bundestag de dhíth freisin chun aon srian eile maidir le saoirse an duine a chur ar Fheisire nó chun imeachtaí a thionscnamh i gcoinne Feisire faoi Airteagal 18.
- (4)Déanfar aon imeachtaí coiriúla agus aon nósanna imeachta de réir Airteagal 18, arna dtionscnamh i gcoinne Feisire, aon choinneáil nó aon srianadh eile ar a shaoirse nó a saoirse pearsanta a chur ar fionraí ar iarratas ón Bundestag.’;
I.de bhrí gurb é is cuspóir do dhíolúine pharlaiminteach ná Parlaimint na hEorpa agus a Feisirí a chosaint ar imeachtaí dlíthiúla a bhaineann le gníomhaíochtaí a dhéantar agus dualgais pharlaiminteacha á gcomhlíonadh agus nach féidir a scaradh ó na dualgais sin;
J.de bhrí, i gcomhréir le Riail 5(2) dá Rialacha Nós Imeachta, nach pribhléid phearsanta í díolúine pharlaiminteach d’fheisire, ach gur ráthaíocht í ar neamhspleáchas na Parlaiminte ina hiomláine agus a Feisirí;
K.de bhrí, sa chás seo, nár aimsigh an Pharlaimint aon fhianaise ar fumus persecutionis, is é sin le rá gnéithe fíorasacha a léiríonn gurb é an rún atá leis na himeachtaí dlíthiúla i dtrácht ná an bonn a bhaint ó ghníomhaíocht pholaitiúil an Fheisire ina cháil mar Fheisire de Pharlaimint na hEorpa;
L.de bhrí nach féidir le Parlaimint na hEorpa ról cúirte a ghlacadh, agus de bhrí nach féidir, i nós imeachta um dhíolúine a tharscaoileadh, Feisire a mheas mar chosantóir breithiúnas ón gCúirt Ghinearálta an 30 Aibreán 2019, Briois v Parlaimint na hEorpa, T-214/18, ECLI:EU:T:2019:266;;