–ag féachaint don iarraidh ar tharscaoileadh dhíolúine Mariusz Kamiński ó Ionchúisitheoir Ginearálta Phoblacht na Polainne, dar dáta an 29 Iúil 2024, lena dtarchuirtear iarraidh arna tíolacadh ag Oifig an Ionchúisitheora Réigiúnaigh i Vársá, i ndáil le himeachtaí coiriúla arna dtionscnamh i gcoinne Mariusz Kamiński agus a fógraíodh i suí iomlánach an 16 Meán Fómhair 2024,
–tar éis di éisteacht a thabhairt do Mariusz Kamiński an 30 Eanáir 2025 i gcomhréir le Riail 9(6) dá Rialacha Nós Imeachta agus ag féachaint do na doiciméid a thíolaic sé,
–ag féachaint d’Airteagail 8 agus 9 de Phrótacal Uimh. 7 ar Phribhléidí agus Díolúintí an Aontais Eorpaigh, agus d’Airteagal 6(2) d’Ionstraim an 20 Meán Fómhair 1976 maidir le toghadh Fheisirí Pharlaimint na hEorpa trí vótáil chomhchoiteann dhíreach,
–ag féachaint do na breithiúnais a thug Cúirt Bhreithiúnais an Aontais Eorpaigh an 21 Deireadh Fómhair 2008, an 19 Márta 2010, an 6 Meán Fómhair 2011, an 17 Eanáir 2013, 19 Nollaig 2019 agus an 5 Iúil 2023 breithiúnas ón gCúirt Bhreithiúnais an 21 Deireadh Fómhair 2008, Marra v De Gregorio agus Clemente, C-200/07 agus C-201/07, ECLI:EU:C:2008:579; breithiúnas ón gCúirt Ghinearálta an 19 Márta 2010, Gollnisch v an Pharlaimint, T-42/06, ECLI:EU:T:2010:102; breithiúnas ón gCúirt Bhreithiúnais an 6 Meán Fómhair 2011, Patriciello, C 163/10, ECLI: AE:C:2011:543; breithiúnas ón gCúirt Ghinearálta an 17 Eanáir 2013, Gollnisch v an Pharlaimint, T-346/11 agus T-347/11, ECLI:EU:T:2013:23; breithiúnas ón gCúirt Bhreithiúnais an 19 Nollaig 2019, Junqueras Vies, C-502/19, ECLI:EU:C:2019:1115. breithiúnas ón gCúirt Ghinearálta an 5 Iúil 2023,Puigdemont i Casamajó agus páirtithe eile v an Pharlaimint, T-272/21, ECLI:EU:T:2023:373.,
–ag féachaint d’Airteagail 105(2) agus (5) de Bhunreacht Phoblacht na Polainne:
–ag féachaint do Riail 5(2), do Riail 6(1) agus do Riail 9 dá Rialacha Nós Imeachta,
–ag féachaint don tuarascáil ón gCoiste um Ghnóthaí Dlíthiúla (A10-0032/2025),
A.de bhrí gur tharchuir Ard-Ionchúisitheoir na Polainne, le litir dar dáta an 29 Iúil 2024, iarraidh ar tharscaoileadh dhíolúine Mariusz Kamiński, arna déanamh ag Oifig an Ionchúisitheora Réigiúnaigh i Vársá, i ndáil le cionta líomhnaithe faoi Airteagal 244 de Chód Coiriúil na Polainne i gcomhar le hAirteagal 12 den Chód sin;
B.de bhrí go léirítear san iarraidh gur sháraigh na gníomhaíochtaí a rinne Mariusz Kamiński an 21 agus an 28 Nollaig 2023 i Vársá, le hintinn réamhbheartaithe agus ag eatraimh ghearra, an toirmeasc cúig bliana ar sheasamh poiblí a shealbhú a forchuireadh i mbreithiúnas críochnaitheach agus ceangailteach a thug an Chúirt Réigiúnach i Vársá an 20 Nollaig 2023, a mhéid a chomhlíon Mariusz Kamiński dualgais Chomhalta Sejm (teach íochtarach Pharlaimint na Polainne) de Phoblacht na Polainne trí pháirt a ghlacadh i seisiún an Sejm a tionóladh an 21 Nollaig 2023, lenar áiríodh páirt a ghlacadh i vótaí, agus páirt a ghlacadh i gcruinniú a thionóil Coiste um Riarachán agus um Ghnóthaí Inmheánacha Sejm an 28 Nollaig 2023; de bhrí gur cion faoi Airteagal 244 de Chód Coiriúil na Polainne iad na caingne líomhnaithe i gcomhar le hAirteagal 12 den Chód sin;
C.de bhrí gur tugadh na cúisimh thuas i gcoinne Mariusz Kamiński an 18 Aibreán 2024; de bhrí gur toghadh Mariusz Kamiński chuig Parlaimint na hEorpa sna toghcháin Eorpacha i mí an Mheithimh 2024; de bhrí nach raibh Mariusz Kamiński ina Fheisire de Pharlaimint na hEorpa tráth an chiona líomhnaithe;
D.de bhrí nach mbaineann an cion líomhnaithe agus an iarraidh ina dhiaidh sin ar tharscaoileadh a dhíolúine le tuairim arna tabhairt ag Mariusz Kamiński ná le vóta arna chaitheamh aige i gcomhlíonadh a dhualgas de réir bhrí Airteagal 8 de Phrótacal Uimh. 7 ar Phribhléidí agus Díolúintí an Aontais Eorpaigh;
E.de bhrí, de bhun Airteagal 9, an chéad mhír, pointe (a), de Phrótacal Uimh. 7 ar Phribhléidí agus Díolúintí an Aontais Eorpaigh, go dteachtfaidh Feisirí de Pharlaimint na hEorpa ar an gcríoch náisiúnta féin na díolúintí a thugtar do chomhaltaí pharlaimint a dtíre féin;
F.de bhrí, i gcomhréir le hAirteagal 105(2) agus (5) de Bhunreacht na Polainne, ón lá a fógraíodh torthaí na dtoghchán go dtí an lá a rachaidh a shainordú nó a sainordú in éag, nach gcuirfear Teachta faoi réir cuntasacht choiriúil gan toiliú Sejm Phoblacht na Polainne agus nach gcoinneofar ná nach ngabhfar é nó í gan toiliú an Sejm, ach amháin i gcásanna inar gabhadh é nó í agus cion á dhéanamh aige nó aici agus inar gá é nó í a choinneáil chun conair cheart na n-imeachtaí a áirithiú;
G.de bhrí gurb é is cuspóir do dhíolúine pharlaiminteach ná Parlaimint na hEorpa agus a Feisirí a chosaint ar imeachtaí dlíthiúla a bhaineann le gníomhaíochtaí a dhéantar agus dualgais pharlaiminteacha á gcomhlíonadh agus nach féidir a scaradh ó na dualgais sin;
H.de bhrí, i gcomhréir le Riail 5(2) dá Rialacha Nós Imeachta, nach pribhléid phearsanta í díolúine pharlaiminteach d’fheisire, ach gur ráthaíocht í ar neamhspleáchas na Parlaiminte ina hiomláine agus a Feisirí;
I.de bhrí, sa chás seo, nár aimsigh an Pharlaimint aon fhianaise ar fumus persecutionis, is é sin le rá gnéithe fíorasacha a léiríonn gurb é an rún atá leis na himeachtaí dlíthiúla i dtrácht ná an bonn a bhaint ó ghníomhaíocht pholaitiúil an Fheisire ina cháil mar Fheisire de Pharlaimint na hEorpa;
J.de bhrí nach féidir le Parlaimint na hEorpa ról cúirte a ghlacadh, agus de bhrí nach féidir, i nós imeachta um dhíolúine a tharscaoileadh, Feisire a mheas mar chosantóir breithiúnas ón gCúirt Ghinearálta an 30 Aibreán 2019, Briois v Parlaimint, T-214/18, ECLI:EU:T:2019:266;;