A.de bhrí, i litir dar dáta an 12 Feabhra 2025, go ndeachaigh an Chomhairle i gcomhairle le Parlaimint na hEorpa maidir le Lucian Romașcanu a ainmniú mar Chomhalta den Chúirt Iniúchóirí;

B.de bhrí go ndeachaigh Coiste um Rialú Buiséadach Pharlaimint na hEorpa ar aghaidh le meastóireacht a dhéanamh ar dhintiúir Lucian Romașcanu, go háirithe i bhfianaise na gceanglas a leagtar síos in Airteagal 286(1) den Chonradh ar Fheidhmiú an Aontais Eorpaigh; de bhrí go bhfuair an coiste, agus an mheastóireacht sin á déanamh aige, curriculum vitae ó Lucian Romașcanu, chomh maith lena chuid freagraí ar an gceistneoir i scríbhinn a cuireadh chuige;

C.de bhrí gur thionóil an coiste sin ina dhiaidh sin éisteacht le Lucian Romașcanu an 18 Márta 2025, ina ndearna sé ráiteas tosaigh agus inar fhreagair sé ina dhiaidh sin ceisteanna ó chomhaltaí an choiste;