(19)Dan ir-Regolament ma jipprevedix bażi ġuridika għall-istabbiliment jew iż-żamma ta’ bażijiet ta’ data fil-livell nazzjonali għall-ħżin ta’ data bijometrika fl-Istati Membri. Barra minn hekk, dan ir-Regolament ma jipprevedix bażi ġuridika għall-istabbiliment jew iż-żamma ta’ bażi ta’ data ċentralizzata fil-livell tal-Unjoni. Kif fakkar il-Kontrollur Ewropew għall-Protezzjoni tad-Data fl-opinjoni 21/2024 tiegħu, l-istabbiliment jew iż-żamma ta’ bażijiet ta’ data fil-livell nazzjonali għall-ħżin ta’ data bijometrika fl-Istati Membri, jew analogament, l-istabbiliment jew iż-żamma ta’ bażi ta’ data ċentralizzata fil-livell tal-Unjoni, flimkien mal-użu potenzjali ta’ tali data għal finijiet oħra, ikollhom jgħaddu minn test rigoruż ta’ neċessità u proporzjonalità fl-ambitu tal-Karta, kif interpretat il-ġurisprudenza rilevanti tal-Qorti tal-Ġustizzja.

(20)Jenħtieġ li l-aċċess għall-immaġnijiet tal-wiċċ li jinħażnu fil-medium ta’ memorja tal-identità u fid-dokumenti ta’ residenza jsir biss mill-persunal debitament awtorizzat tal-awtoritajiet nazzjonali kompetenti għall-finijiet ta’ verifika tal-awtentiċità tad-dokument u tal-identità tad-detentur. Tali aċċess jenħtieġ li jirrispetta l-leġiżlazzjoni tal-Unjoni dwar il-protezzjoni tad-data. L-immaġnijiet tal-wiċċ jenħtieġ li ma jinżammux għal aktar żmien milli jkun neċessarju għal dawk il-finijiet, jenħtieġ li jitħassru malli jintlaħqu dawk il-finijiet u jenħtieġ li ma jiġux ittrasferiti lil pajjiżi terzi jew lil organizzazzjonijiet internazzjonali sakemm ma jkunx permess mil-leġiżlazzjoni tal-Unjoni dwar il-protezzjoni tad-data. Dawk is-salvagwardji huma maħsuba biex jiżguraw protezzjoni xierqa tal-immaġni tal-wiċċ filwaqt li ma jipprojbux l-użu tagħha.

(23)Mingħajr preġudizzju għall-ġurisprudenza tal-Qorti tal-Ġustizzja1a, jenħtieġ li l-Istati Membri jkunu jistgħu jiddeċiedu jekk jinkludux il-ġeneru ta’ persuna fuq dokument kopert minn dan ir-Regolament. Meta Stat Membru jinkludi l-ġeneru ta’ persuna fuq tali dokument, jenħtieġ li jintużaw l-ispeċifikazzjonijiet tad-Dokument 9303 tal-ICAO “F”, “M” jew “X”, jew l-inizjali unika korrispondenti użata fil-lingwa jew lingwi ta’ dak l-Istat Membru, kif ikun xieraq.

(26)Meta l-Istati Membri jiltaqgħu ma’ diffikultajiet biex jiġbru l-identifikaturi bijometriċi, jenħtieġ li jiżguraw li jkun hemm stabbiliti proċeduri xierqa li jirrispettaw id-dinjità tal-persuna kkonċernata. Għalhekk, jenħtieġ li jitqiesu kunsiderazzjonijiet speċifiċi relatati mal-ġeneru u mal-ħtiġijiet speċifiċi tat-tfal u tal-persuni vulnerabbli. Il-persunal kwalifikat jenħtieġ li jirċievi taħriġ dwar l-aħjar prattiki għall-ġbir tal-identifikaturi bijometriċi mit-tfal u mill-persuni vulnerabbli, filwaqt li tiġi żgurata s-sensittività għall-ħtiġijiet speċifiċi għall-ġeneru u għall-età filwaqt li jirrispetta d-dinjità tal-individwi kollha.

(32)Jenħtieġ li l-Istati Membri jiskambjaw ma’ xulxin tali informazzjoni skont kif ikun meħtieġ rigward l-aċċess, l-awtentikazzjoni u l-verifika tal-informazzjoni li tinsab fil-medium ta’ memorja sigur. Il-formati użati għall-medium ta’ memorja sigur jenħtieġ li jkunu interoperabbli, inkluż fir-rigward ta’ punti awtomatizzati tal-qsim tal-fruntiera. Jenħtieġ li l-Kummissjoni tippromwovi l-kooperazzjoni bejn l-Istati Membri bil-għan li tali objettivi jingħataw appoġġ.

(43)Jenħtieġ li l-Kummissjoni tirrapporta dwar l-implimentazzjoni ta’ dan ir-Regolament sentejn u ħdax-il sena wara d-data li fiha jidħol fis-seħħ, inkluż dwar l-idoneità tal-livell ta’ sigurtà, filwaqt li tqis l-impatt tiegħu fuq id-drittijiet fundamentali u l-prinċipji tal-protezzjoni tad-data. F’konformità mal-Ftehim Interistituzzjonali tat-13 ta’ April 2016 dwar ir-Regolamentazzjoni Aħjar30, jenħtieġ li, sitt snin wara d-data li fiha jidħol fis-seħħ dan ir-Regolament, u kull sitt snin wara, il-Kummissjoni tagħmel evalwazzjoni ta’ dan ir-Regolament, fosthom abbażi tal-informazzjoni li tinġabar permezz ta’ arranġamenti ta’ monitoraġġ speċifiċi, sabiex tivvaluta l-effetti reali ta’ dan ir-Regolament u l-ħtieġa li tittieħed kwalunkwe azzjoni ulterjuri. Għall-fini tal-monitoraġġ, l-Istati Membri jenħtieġ li jiġbru statistika dwar l-għadd ta’ karti tal-identità u dokumenti ta’ residenza li joħorġu.

_________________

30 ĠU L 123, 12.5.2016, p. 1, ELI: http://data.europa.eu/eli/agree_interinstit/2016/512/oj.

B’deroga mill-ewwel subparagrafu, in-numru tad-dokument jista’ jiddaħħal fiż-żona I u l-indikazzjoni tal-ġeneru ta’ persuna għandha tkun fakultattiva. Meta Stat Membru jinkludi l-ġeneru ta’ persuna fuq dokument kopert minn dan id-dokument, għandhom jintużaw l-ispeċifikazzjonijiet tad-Dokument 9303 tal-ICAO “F”, “M” jew “X”, jew l-inizjali unika korrispondenti użata bil-lingwa jew lingwi uffiċjali ta’ dak l-Istat Membru, kif ikun xieraq.

5.Il-karti tal-identità għandhom jinkludu medium ta’ memorja sigur ħafna li għandu jkun fih data bijometrika li tikkonsisti esklużivament f’immaġni tal-wiċċ tad-detentur tal-karta u żewġ marki tas-swaba’ f’formati diġitali interoperabbli. Fir-rigward tal-ġbir ta’ żewġ tipi ta’ identifikaturi bijometriċi, l-Istati Membri għandhom japplikaw l-ispeċifikazzjonijiet tekniċi kif stabbiliti mid-Deċiżjoni ta’ Implimentazzjoni tal-Kummissjoni C(2018) 776733 kif emendata bid-Deċiżjoni ta’ Implimentazzjoni tal-Kummissjoni C(2021) 372634.

_________________

33 Id-Deċiżjoni ta’ Implimentazzjoni tal-Kummissjoni C(2018) 7767 tat-30 ta’ Novembru 2018 li tistabbilixxi l-ispeċifikazzjonijiet tekniċi tal-format uniformi għal permessi ta’ residenza għal ċittadini ta’ pajjiż terz u li tħassar id-Deċiżjoni C(2002) 3069.

34 Id-Deċiżjoni ta’ Implimentazzjoni tal-Kummissjoni C(2021) 3726 tal-4 ta’ Ġunju 2021 li temenda l-Anness III tad-Deċiżjoni ta’ Implimentazzjoni C(2018) 7767 fir-rigward tal-lista ta’ referenzi normattivi.

3.L-identifikaturi bijometriċi li jinħażnu għall-fini tal-personalizzazzjoni tal-karti tal-identità jew tad-dokumenti ta’ residenza għandhom jinżammu b’mod sigur ħafna u biss sad-data meta jinġabar id-dokument u fi kwalunkwe każ mhux aktar tard minn 90 jum mid-data tal-ħruġ ta’ dak id-dokument. Wara dan il-perjodu, dawk l-identifikaturi bijometriċi għandhom jitħassru jew jinqerdu minnufih. L-ipproċessar ta’ dik id-data għal finijiet oħra għandu jkun suġġett għal limitazzjonijiet u kundizzjonijiet previsti mil-leġiżlazzjoni nazzjonali u tal-Unjoni dwar il-protezzjoni tad-data.

4.Il-kooperazzjoni mal-fornituri tas-servizzi esterni ma għandha teskludi l-ebda responsabbiltà min-naħa ta’ Stat Membru li tista’ tirriżulta skont id-dritt tal-Unjoni jew dak nazzjonali dwar ksur ta’ obbligi fir-rigward tad-data personali. L-Istati Membri għandhom jiżguraw li l-fornituri esterni kollha jirrispettaw l-leġiżlazzjoni tal-Unjoni u dik nazzjonali dwar il-protezzjoni tad-data, u għandhom jiġu adottati miżuri xierqa li jimpedixxu kwalunkwe aċċess mhux awtorizzat jew użu ħażin tad-data personali matul il-proċessi esternalizzati.

L-aċċess għall-immaġni tal-wiċċ tad-detentur li tinħażen fil-medium ta’ memorja tal-karti tal-identità u d-dokumenti ta’ residenza għandu jsir biss minn persunal debitament awtorizzat tal-awtoritajiet nazzjonali kompetenti, tal-aġenziji tal-Unjoni u ta’ entitajiet privati u f’konformità mal-leġiżlazzjoni tal-Unjoni dwar il-protezzjoni tad-data għall-finijiet tal-verifika:

L-aċċess għaż-żewġ marki tas-swaba’ tad-detentur li jinħażnu fil-medium ta’ memorja għandu jsir biss minn persunal awtorizzat kif xieraq tal-awtoritajiet nazzjonali kompetenti u tal-aġenziji tal-Unjoni, għall-finijiet stabbiliti fl-ewwel subparagrafu f’konformità mal-leġiżlazzjoni tal-Unjoni u ma’ dik nazzjonali dwar il-protezzjoni tad-data.

Rapportar u evalwazzjoni

1.Mhux aktar tard minn [sitt snin wara li dan ir-Regolament jidħol fis-seħħ], u kull sitt snin wara, il-Kummissjoni għandha tagħmel evalwazzjoni ta’ dan ir-Regolament u tippreżenta rapport dwar is-sejbiet prinċipali lill-Parlament Ewropew, lill-Kunsill u lill-Kumitat Ekonomiku u Soċjali Ewropew. B’mod partikolari, ir-rapport għandu jiffoka fuq: