Ġenerali1.Jinnota li hemm tliet tipi ta’ aġenziji tal-UE, aġenziji deċentralizzati, aġenziji eżekuttivi u korpi oħra;
2.Ifakkar li din ir-riżoluzzjoni tkopri 31 mit-33 aġenzija deċentralizzata u tnejn mill-erba’ korpi l-oħra (l-Istitut Ewropew tal-Innovazzjoni u t-Teknoloġija (EIT), u l-Aġenzija Fornitriċi tal-Euratom (ESA)); jenfasizza li l-proċedura baġitarja u l-proċedura ta’ kwittanza għal żewġ aġenziji deċentralizzati ffinanzjati bis-sħiħ minnhom infushom, jiġifieri l-Uffiċċju Komunitarju tal-Varjetajiet tal-Pjanti (CPVO) u l-Uffiċċju tal-Proprjetà Intellettwali tal-Unjoni Ewropea (EUIPO), huma amministrati mill-Kunsill Amministrattiv tas-CPVO u mill-Kumitat Baġitarju tal-EUIPO, rispettivament, u mhumiex parti minn din ir-riżoluzzjoni; jinnota li, bl-istess mod, il-proċedura baġitarja u ta’ kwittanza annwali tal-Bord Uniku ta’ Riżoluzzjoni (SRB) hija biss taħt ir-responsabbiltà tal-Bord tiegħu; jissottolinja l-ħtieġa li jiġi żgurat użu effiċjenti tar-riżorsi Ewropej; f’konformità mal-Qorti tal-Awdituri (“il-Qorti”), jitlob evalwazzjoni bir-reqqa tal-aġenziji deċentralizzati, bil-għan li jiġu vvalutati r-riformi possibbli, tiġi eliminata d-duplikazzjoni tal-isforzi, tissaħħaħ l-effiċjenza u jinkiseb l-iffrankar tal-ispejjeż; ifakkar fl-importanza li jissaħħu l-istrutturi ta’ governanza filwaqt li jiġi żgurat li l-aġenziji jibqgħu effettivi u jwieġbu għall-ħtiġijiet li qed jevolvu;
3.Jenfasizza l-importanza tal-proċedura ta’ kwittanza peress li mhijiex biss obbligu bbażat fuq it-trattat, iżda tippromwovi u għandha l-għan ukoll li tiżgura t-trasparenza, l-obbligu ta’ rendikont u d-djalogu miftuħ dwar il-finanzi tal-Unjoni; jinnota li tagħti wkoll lill-aġenziji l-possibbiltà li juru xogħolhom u l-valur miżjud tagħhom lill-Unjoni u liċ-ċittadini tagħha; jisħaq, barra minn hekk, li l-aġenziji jipprovdu tweġibiet għall-kwestjonarji mibgħuta mill-Parlament u huma mistiedna għal seduti pubbliċi mill-awtorità ta’ kwittanza u li dan jagħti liċ-ċittadini, lill-kumpaniji, lill-NGOs u lil partijiet ikkonċernati oħra l-possibbiltà li jsegwu l-laqgħat u jkollhom il-garanzija li d-dħul u l-infiq ikunu konformi mal-prinċipji ta’ ġestjoni finanzjarja tajba;
4.Iqis li l-kunċett ta’ għoti ta’ kwittanza minn awtorità ta’ kwittanza interna bħal fil-każ tal-EUIPO, tas-CPVO u tal-SRB jista’ potenzjalment iwassal għal kunflitt ta’ interess; jemmen li l-kwittanza mogħtija mill-Parlament tevita l-potenzjal ta’ kunflitti ta’ interess u tikkontribwixxi għat-trasparenza u għall-immaġni pubblika tal-aġenziji;
5.Huwa tal-fehma li, minkejja l-qafas legali, l-istess prinċipji ta’ obbligu ta’ rendikont u trasparenza għandhom jiġu applikati għall-korpi kollha relatati mal-UE;
6.Ifakkar fil-punt 58 tal-Approċċ Komuni dwar l-aġenziji ffinanzjati bis-sħiħ minnhom infushom biex jiġi żgurat l-iskrutinju pubbliku mill-Parlament li jiddikjara: “Għandhom jiġu esplorati l-possibbiltajiet biex jiġi żgurat obbligu ta’ rendikont għall-aġenziji ffinanzjati bis-sħiħ minnhom infushom (jiġifieri ffinanzjati mill-klijenti tagħhom), peress li huma korpi tal-Unjoni inkarigati mill-implimentazzjoni tal-politiki tal-UE iżda mhux soġġetti għal kwittanza skont it-tifsira tat-TFUE. Possibbiltà tista’ tkun li l-aġenziji inkwistjoni, jippreżentaw lill-Parlament Ewropew, lill-Kunsill u lill-Kummissjoni rapport annwali dwar l-eżekuzzjoni tal-baġit tagħhom u jikkunsidraw talbiet jew rakkomandazzjonijiet maħruġa mill-Parlament u mill-Kunsill.”;
7.Jirrimarka li filwaqt li l-istabbiliment jew l-espansjoni tal-aġenziji tal-UE huma maħsuba biex itejbu l-kapaċitajiet tal-Unjoni, huwa kruċjali li jiġi żgurat li dan il-proċess ikun iggwidat minn evalwazzjonijiet bir-reqqa, valutazzjonijiet tal-impatt u turija ċara tal-valur miżjud; biex ikunu jistgħu jittieħdu tagħlimiet u biex tingħata kunsiderazzjoni lit-terminazzjoni tal-mandat tagħhom jekk ikun meħtieġ; jenfasizza li dan l-approċċ mhux biss jiżgura regolamentazzjoni aħjar iżda jtejjeb ukoll l-effettività, l-obbligu ta’ rendikont, it-trasparenza u l-koerenza tax-xenarju istituzzjonali tal-Unjoni;
8.Ifakkar li l-punt 60 tal-Approċċ Komuni jiddikjara li kull aġenzija tal-UE għandha tiġi evalwata kull 5 snin; iħeġġeġ lill-Kummissjoni tesplora aktar sinerġiji u konsolidazzjoni fl-attivitajiet, u l-amalgamazzjoni possibbli tal-aġenziji ma’ attivitajiet komplementari, sabiex tiġi żgurata l-kosteffettività u jiġu ssimplifikati l-funzjonijiet tal-aġenziji, inklużi rieżamijiet potenzjali tal-mandat fejn jeżistu ineffiċjenzi jew ridondanzi ; jinkoraġġixxi l-applikazzjoni tal-klawżola ta’ estinzjoni/rieżami fejn meħtieġ biex tinżamm l-effiċjenza u jiġi żgurat l-aħjar użu tar-riżorsi; jemmen li l-effiċjenza baġitarja hija essenzjali għall-funzjonament tal-aġenziji; itenni r-rakkomandazzjoni tal-Qorti fir-Rapport Speċjali 22/2020 Future of EU agencies – Potential for more flexibility and cooperation” (Il-futur tal-aġenziji tal-UE – Potenzjal għal aktar flessibbiltà u kooperazzjoni) https://op.europa.eu/webpub/eca/special-reports/agencies-performance-audit-22-2020/en/. li tagħti parir lill-Kummissjoni biex iżżid l-użu ta’ evalwazzjonijiet trażversali tal-aġenziji fil-kuntest tal-kontrolli tal-idoneità mill-Kummissjoni tal-oqsma ta’ politika differenti;
9.Jafferma mill-ġdid l-importanza tat-trasparenza, l-obbligu ta’ rendikont u l-ibbaġitjar abbażi tal-prestazzjoni fl-aġenziji kollha tal-UE, filwaqt li tiġi żgurata ġestjoni finanzjarja effettiva; jenfasizza li l-aġenziji jeħtiġilhom iżommu strettament mal-mandati tagħhom; jirrikonoxxi li xi aġenziji jistgħu jirrikjedu mandat imsaħħaħ; jitlob li jissaħħu l-mekkaniżmi ta’ governanza biex tiġi evitata d-duplikazzjoni tal-kompetenzi u tittejjeb l-effiċjenza operattiva;
10.Jisħaq fuq il-ħtieġa ta’ riżorsi suffiċjenti biex jiġi żgurat li l-aġenziji jkunu kapaċi jwettqu kompiti ġodda meħtieġa minnhom minn leġiżlazzjoni ġdida;
11.Jenfasizza l-importanza li l-aġenziji jsaħħu l-preżenza tagħhom fil-media, fuq l-internet, u fil-media soċjali kollha biex iżidu s-sensibilizzazzjoni tal-pubbliku dwar il-ħidma tagħhom;
12.Jindika l-konfużjoni dejjem tikber li tirriżulta mill-għadd kbir ta’ każijiet fejn l-ismijiet u l-akronimi tal-aġenziji jkunu jew identiċi jew kważi identiċi; jistieden lill-korpi rispettivi jesploraw modi kif itejbu s-sitwazzjoni;
Governanza13.Ifakkar li l-Approċċ Komuni L-Approċċ Komuni mhuwiex legalment vinkolanti; l-istituzzjonijiet qablu li jqisu dan meta jieħdu deċiżjonijiet dwar l-aġenziji deċentralizzati. jagħti ħarsa ġenerali lejn l-istruttura ta’ governanza tal-aġenziji deċentralizzati; jirrikonoxxi l-progress li sar mill-aġenziji tal-UE fit-titjib tal-ġestjoni finanzjarja u l-istrutturi ta’ governanza filwaqt li jirrikonoxxi l-ħtieġa ta’ aktar titjib fl-effiċjenza u l-obbligu ta’ rendikont; ifakkar li l-bordijiet ta’ tmexxija tal-aġenziji deċentralizzati kollha għandhom rwol kruċjali biex jiżguraw governanza tajba u obbligu ta’ rendikont; ifakkar li l-Approċċ Komuni jissuġġerixxi li l-bord ta’ tmexxija għandu jikkonsisti minn rappreżentant wieħed minn kull Stat Membru, żewġ rappreżentanti mill-Kummissjoni, membru wieħed iddeżinjat mill-Parlament Ewropew (meta jkun xieraq), u għadd “pjuttost limitat” ta’ rappreżentanti tal-partijiet ikkonċernati (meta jkun xieraq), filwaqt li jiġi żgurat li jirreflettu firxa varja ta’ interessi u l-proċess ta’ selezzjoni tagħhom kien trasparenti;
14.Josserva li l-istruttura ta’ governanza tal-aġenziji deċentralizzati hija ġeneralment pjuttost simili għall-aġenziji kollha; jinnota li kollha kemm huma għandhom Bord ta’ Tmexxija/Amministrattiv u Direttur; jinnota li disa’ aġenziji għandhom Bord Eżekuttiv (is-Cedefop, l-EUDA, l-ENISA, l-ERA, l-EU-OSHA, il-Eurofound, il-Eurojust, l-FRA, l-EIT) Iċ-Ċentru Ewropew għall-Iżvilupp ta’ Taħriġ Vokazzjonali, l-Aġenzija tal-Unjoni Ewropea dwar id-Drogi, l-Aġenzija tal-Unjoni Ewropea għaċ-Ċibersigurtà, l-Aġenzija tal-Unjoni Ewropea għall-Ferroviji, l-Aġenzija Ewropea għas-Sigurtà u s-Saħħa fuq il-Post tax-Xogħol, il-Fondazzjoni Ewropea għat-Titjib tal-Kundizzjonijiet tal-Ħajja u tax-Xogħol, l-Aġenzija tal-Unjoni Ewropea għall-Kooperazzjoni fil-Ġustizzja Kriminali, l-Aġenzija tal-Unjoni Ewropea għad-Drittijiet Fundamentali, l-Istitut Ewropew tal-Innovazzjoni u t-Teknoloġija. filwaqt li l-aġenziji relatati mal-programm spazjali tal-Unjoni Ewropea biss għandhom Bord għall-Akkreditazzjoni tas-Sigurtà; jinnota, barra minn hekk, li ġie stabbilit Bord tar-Regolaturi jew tas-Superviżuri mit-tliet awtoritajiet Superviżorji Ewropej (l-Awtorità Bankarja Ewropea, (l-EBA), l-Awtorità Ewropea tat-Titoli u s-Swieq (l-ESMA) u l-Awtorità Ewropea tal-Assigurazzjoni u l-Pensjonijiet tax-Xogħol (l-EIOPA) u żewġ aġenziji fil-grupp tas-suq uniku (l-Aġenzija tal-Unjoni Ewropea għall-Kooperazzjoni tar-Regolaturi tal-Enerġija (l-ACER), u l-Aġenzija għall-Appoġġ għall-BEREC (l-Uffiċċju tal-BEREC);
15.Ifakkar li l-bordijiet ta’ tmexxija tal-Eurofound, tas-Cedefop u tal-EU-OSHA għandhom struttura tripartitika; jinnota li kull Stat Membru huwa rrappreżentat f’kull bord minn gvern, minn impjegatur u minn membru tat-trade unions (total ta’ 81 rappreżentant); jinnota li l-Kummissjoni għandha tliet rappreżentanti, u li hemm espert indipendenti (mingħajr drittijiet tal-vot) maħtur mill-Parlament Ewropew; ifakkar fid-daqs iżgħar tal-bord ta’ tmexxija tal-ETF, li jinkludi 27 rappreżentant mill-Istati Membri (mingħajr sħab soċjali), tliet rappreżentanti tal-Kummissjoni (li jikkondividu vot wieħed fil-Bord), tliet esperti maħtura mill-Parlament (meta mqabbla ma’ wieħed għal kull aġenzija tripartitika), u tliet rappreżentanti tal-pajjiżi sħab maħtura mill-Kummissjoni Evaluation of EU Agencies: Eurofound, Cedefop, ETF and EU-OSHA (Evalwazzjoni tal-Aġenziji tal-UE: il-Eurofound, is-Cedefop, l-ETF u l-EU-OSHA) SWD(2024) 222 final, p. 42, https://www.parlament.gv.at/dokument/XXVII/EU/198502/imfname_11414247.pdf.;
16.Jieħu nota tal-konklużjonijiet tal-evalwazzjoni tal-Eurofound, tas-Cedefop, tal-ETF u tal-EU-OSHA dwar l-istruttura ta’ governanza tripartitika (il-Eurofound, is-Cedefop u l-EU-OSHA); josserva li l-istruttura tripartitika tipprovdi benefiċċji bħar-rappreżentanza, id-direzzjoni strateġika u l-kondiviżjoni tal-għarfien iżda d-daqs u d-diversità tal-bordijiet ta’ tmexxija jippreżentaw sfidi biex jiġu ġestiti l-kompromessi fuq deċiżjonijiet kummerċjali u amministrattivi ewlenin; jirrimarka li l-evalwazzjoni qieset mudelli alternattivi ta’ governanza biex is-sħab soċjali jiġu involuti b’mod aktar effiċjenti; jenfasizza ż-żieda fil-potenzjal għall-iffrankar u s-sinerġiji fl-attivitajiet ta’ dawn l-aġenziji; jisħaq fuq il-ħtieġa ta’ sorveljanza finanzjarja rigoruża tal-aġenziji tal-UE biex tiġi żgurata l-kosteffettività u jiġi evitat l-użu ħażin tal-fondi pubbliċi; jissottolinja l-ħtieġa ta’ approċċ responsabbli u bbażat fuq il-ħtiġijiet għall-finanzjament tal-aġenziji, li jipprevjeni l-espansjoni burokratika filwaqt li jiżgura li l-aġenziji jkollhom riżorsi adegwati biex jissodisfaw il-mandati tagħhom;
17.Jieħu nota tal-konklużjonijiet tar-rapport dwar l-evalwazzjoni tar-Regolament (UE) 2019/1896 dwar il-Gwardja Ewropea tal-Fruntiera u tal-Kosta (Frontex) Ir-Regolament (UE) 2019/1896 tal-Parlament Ewropew u tal-Kunsill tat-13 ta’ Novembru 2019 dwar il-Gwardja Ewropea tal-Fruntiera u tal-Kosta u li jħassar ir-Regolamenti (UE) Nru 1052/2013 u (UE) 2016/1624, (ĠU L, 295, 14.11.2019, ELI: http://data.europa.eu/eli/reg/2019/1896/oj). u s-sejbiet tiegħu li jqisu dak ir-regolament xieraq għall-iskop tiegħu, inkluż rieżami tal-Korp Permanenti ppubblikat fi Frar 2024: jinnota li filwaqt li r-regolament jipprovdi qafas għal ġestjoni effettiva tal-fruntieri, għad hemm sfidi fil-governanza, l-obbligu ta’ rendikont u l-effiċjenza; jirrikonoxxi li l-istruttura ta’ governanza tirrikjedi aġġustamenti biex jiġi żgurat li l-Frontex tkun tista’ timplimenta bis-sħiħ il-mandat tagħha, inkluż l-indirizzar tal-bilanċ tar-rappreżentanza fil-bord maniġerjali, is-simplifikazzjoni tal-proċessi interni tat-teħid tad-deċiżjonijiet u l-evitar ta’ responsabbiltajiet sovrapposti; jilqa’ l-istruttura organizzattiva l-ġdida adottata mill-bord maniġerjali f’Novembru 2023 bħala pass lejn it-titjib tal-governanza, il-koordinazzjoni strateġika u l-allokazzjoni tar-riżorsi; jirrikonoxxi l-ineffiċjenzi amministrattivi enfasizzati fir-rapport ta’ evalwazzjoni, b’mod partikolari fir-rigward tal-proċeduri ta’ rimborż u l-ostakli burokratiċi li jiffaċċjaw l-Istati Membri meta jibagħtu persunal lejn il-Frontex; jistieden lill-Kummissjoni tesplora modi kif tissimplifika dawn il-proċessi biex tnaqqas il-piżijiet bla bżonn fuq l-awtoritajiet nazzjonali; jinnota l-importanza tal-implimentazzjoni tar-rakkomandazzjonijiet mir-rapport annwali tal-Uffiċjal għad-Drittijiet Fundamentali (FRO); filwaqt li jirrikonoxxi l-progress li sar, jistieden lill-Frontex tkompli ssaħħaħ it-trasparenza, tikkoopera bis-sħiħ mal-investigazzjonijiet u timplimenta miżuri li jiżguraw il-forom ta’ protezzjoni tad-drittijiet fundamentali fl-attivitajiet kollha tagħha;
18.Jisħaq li approċċ ibbilanċjat, li jgħaqqad il-kontroll effettiv tal-fruntieri ma’ salvagwardji robusti tad-drittijiet fundamentali, huwa essenzjali biex tinżamm żona Schengen sigura u qafas kredibbli għall-ġestjoni tal-migrazzjoni għall-Unjoni; itenni, għalhekk, l-importanza ta’ taħriġ dwar id-drittijiet fundamentali strutturali u kontinwu għall-uffiċjali tal-Korp Permanenti (Frontex), filwaqt li jiġu żgurati l-għarfien u l-konformità tagħhom mal-obbligi u l-istandards rilevanti tad-drittijiet fundamentali u mad-drittijiet internazzjonali tal-bniedem u d-dritt umanitarju https://eur-lex.europa.eu/legal-content/MT/TXT/HTML/?uri=CELEX:52024DC0075 - parti 3.; jisħaq, barra minn hekk, fuq l-importanza li jiġi rrapportat ksur tad-drittijiet fundamentali, meta wieħed jara tali ksur, permezz tal-ħruġ ta’ Rapporti ta’ Inċidenti Serji;
Ġestjoni baġitarja u finanzjarja19.Jinnota li d-dħul finali totali għall-2023 (wara l-baġits emendatorji) u ċ-ċifri komparattivi għall-2022 għat-33 aġenzija tal-UE li huma parti minn din ir-riżoluzzjoni kellhom it-tqassim li ġej Data skont id-dikjarazzjonijiet tad-dħul u l-infiq għas-sena finanzjarja 2023 kif ippubblikati fil-ĠU għal kull aġenzija individwali.:
Dħul għall-2023 f’euro
Dħul għall-2022 f’euro
∆
|
ACER
EUR 29,582,967
EUR 24,827,843
19,15 %
|
BEREC
EUR 7,697,265
EUR 7,428,456
3,62 %
|
CDT Surplus riportat mis-sena finanzjarja preċedenti mnaqqas.
EUR 47,140,900
EUR 48,721,800
-3,24 %
|
CEDEFOP
EUR 20,140,610
EUR 18,434,420
9,26 %
|
CEPOL
EUR 14,211,723
EUR 13,805,510
2,94 %
|
EASA Korrezzjonijiet baġitarji li jikkorrispondu għal surplus akkumulat imnaqqas.
EUR 169,665,375
EUR 163,367,860
3,85 %
|
EBA
EUR 52,672,002
EUR 50,315,014
4,68 %
|
ECDC
EUR 102,526,724
EUR 112,796,588
-9,10 %
|
ECHA
EUR 123,280,140
EUR 116,981,740
5,38 %
|
EEA
EUR 76,114,130
EUR 92,863,021
-18,04 %
|
EFCA
EUR 30,862,554
EUR 35,734,297
-13,63 %
|
EFSA
EUR 148,954,729
EUR 134,773,287
10,52 %
|
EIGE
EUR 9,358,919
EUR 8,432,920
10,98 %
|
EIOPA
EUR 36,714,492
EUR 34,571,120
6,20 %
|
EIT
EUR 367,607,241
EUR 448,920,650
-18,11 %
|
ELA
EUR 39,973,330
EUR 34,689,842
15,23 %
|
EMA
EUR 448,603,000
EUR 421,815,000
6,35 %
|
EUDA (EMCDDA)
EUR 22,082,074
EUR 18,839,136
17,21 %
|
EMSA
EUR 111,954,231
EUR 115,807,270
-3,33 %
|
ENISA
EUR 25,183,495
EUR 39,207,625
-35,77 %
|
ERA
EUR 38,532,447
EUR 33,983,956
13,38 %
|
ESA
EUR 258,160
EUR 167,000
54,59 %
|
ESMA
EUR 72,509,657
EUR 68,068,551
6,52 %
|
ETF
EUR 28,542,956
EUR 25,051,848
13,94 %
|
EUAA
EUR 170,135,127
EUR 168,842,192
0,77 %
|
EU-LISA
EUR 300,524,142
EUR 296,508,265
1,35 %
|
EU-OSHA
EUR 17,038,950
EUR 16,405,100
3,86 %
|
EUROFOUND
EUR 25,369,931
EUR 22,438,000
13,07 %
|
EUROJUST
EUR 59,324,460
EUR 49,086,843
20,86 %
|
EUROPOL
EUR 212,925,809
EUR 197,759,722
7,67 %
|
EUSPA
EUR 76,922,866
EUR 65,392,492
17,63 %
|
FRA
EUR 26,191,031
EUR 25,857,952
1,29 %
|
FRONTEX
EUR 829,352,752
EUR 693,122,858
19,65 %
|
TOTAL
EUR 3,741,954,189
EUR 3,605,018,178
3,80 %
|
20.Jenfasizza li ż-żieda fid-dħul bejn l-2022 u l-2023 kienet sinifikanti f’xi aġenziji, billi tirrappreżenta 54,59 % għall-ESA, 20,86 % għall-Eurojust, 19,65 % għall-Frontex u 19,15 % għall-ACER; jilqa’ ż-żieda fil-finanzjament għall-aġenziji tal-infurzar tal-liġi;
21.Jinnota li fl-ESA ż-żieda hija prinċipalment dovuta għall-iżvilupp kontinwu tas-sistema tal-IT tal-Osservatorju Nukleari u tal-Ġestjoni tal-Informazzjoni tal-ESA (NOEMI) u l-forniment ta’ servizzi tal-kontabbiltà lill-aġenzija; fil-Eurojust, iż-żieda hija prinċipalment dovuta għar-riżorsi addizzjonali meħtieġa biex jitwettqu l-kompiti miżjuda minn tliet proposti tal-Kummissjoni għal regolamenti u l-impatt partikolarment sever tal-inflazzjoni Dokument ta’ ħidma III abbozz tal-baġit 2023, p. 24.; fil-Frontex, iż-żieda fil-baġit għandha l-għan li tkompli tibni l-Korp Permanenti tal-gwardji tal-fruntiera, inkluż it-tagħmir Dokument ta’ ħidma III abbozz tal-baġit 2023, p. 26.; fil-każ tal-ACER, iż-żieda hija prinċipalment dovuta għall-kompiti addizzjonali delegati fir-regolamenti riveduti ppjanati dwar l-infrastruttura tal-enerġija u t-tnaqqis tal-emissjonijiet tal-metan Dokument ta’ ħidma III abbozz tal-baġit 2023, p. 21., l-indiċjar tar-remunerazzjoni annwali relatat, spejjeż legali ogħla u allokazzjoni baġitarja ogħla derivata minn tariffi għal proġetti speċifiċi;
22.Jirrikonoxxi t-tweġiba għall-mistoqsija bil-miktub li tindika li r-riporti tal-Frontex (45 % fl-2023) huma marbuta maċ-ċiklu operatorju tagħha, li ma jallinjax ruħu mas-sena kalendarja u ma jistax jiġi aġġustat faċilment peress li jinvolvi lill-Istati Membri kollha; huwa konxju li l-prijoritajiet politiċi tal-Kummissjoni u l-aspettattivi taċ-ċittadini tal-Unjoni għas-sigurtà huma l-ispjegazzjonijiet applikati biex jiżdied il-baġit tal-Frontex; jinsisti li huwa essenzjali li jiġu żgurati riżorsi adegwati għall-funzjonament effettiv tal-Frontex, filwaqt li jiġi vvalutat kontinwament jekk il-baġit tagħha huwiex adattat għall-iskop tiegħu u jekk jagħtix riżultati; ifakkar fil-ħtieġa li jiġi mmonitorjat il-progress fil-kapaċità ta’ assorbiment tal-aġenzija, b’mod partikolari permezz tar-reklutaġġ ta’ persunal tal-gwardja tal-fruntiera u tal-kosta, filwaqt li jenfasizza l-importanza ta’ ppjanar sod biex tiġi żgurata l-effikaċja tagħha; jistieden, barra minn hekk, lill-EUAN jikkollabora mal-aġenziji u mal-Qorti biex jiżviluppa preżentazzjoni standardizzata tar-riporti li tallinja ruħha aħjar mal-prinċipju tal-annwalità tar-regolament finanzjarju;
23.Ifakkar li l-maġġoranza tal-aġenziji tal-UE jirċievu l-finanzjament tagħhom kompletament minn kontribuzzjonijiet mill-baġit tal-Unjoni; jinnota, madankollu, li xi aġenziji huma ffinanzjati kompletament jew parzjalment permezz ta’ sorsi alternattivi ta’ dħul, inklużi ċertifikati, awtorizzazzjonijiet, reġistrazzjoni ta’ sustanzi, kontribuzzjonijiet, ġbir tad-data, sorveljanza tas-suq, superviżjoni, u servizzi oħra bħat-traduzzjoni u t-terminoloġija kif ipprovduti miċ-Ċentru tat-Traduzzjoni għall-Korpi tal-Unjoni Ewropea (CdT);
24.Jirrikonoxxi, b’mod speċifiku, li:- –l-aġenziji parzjalment iffinanzjati minnhom infushom jinkludu l-Aġenzija Ewropea tas-Sikurezza tal-Avjazzjoni (l-EASA), l-Aġenzija tal-Unjoni Ewropea għall-Ferroviji (l-ERA), l-Aġenzija għall-Kooperazzjoni tar-Regolaturi tal-Enerġija (l-ACER), l-Aġenzija Ewropea għas-Sustanzi Kimiċi (l-ECHA), l-Aġenzija Ewropea għall-Mediċini (l-EMA);
- –l-aġenziji ffinanzjati bis-sħiħ minnhom infushom jinkludu s-CdT; kif ukoll
- –l-aġenziji parzjalment kofinanzjati mill-awtoritajiet pubbliċi nazzjonali jinkludu l-Awtorità Bankarja Ewropea (l-EBA), l-Awtorità Ewropea tal-Assigurazzjoni u l-Pensjonijiet tax-Xogħol (l-EIOPA) u l-Awtorità Ewropea tat-Titoli u s-Swieq (l-ESMA);
25.Jinnota li għall-2023, is-sors ta’ finanzjament għall-aġenziji ffinanzjati minnhom infushom li huma parti minn din ir-riżoluzzjoni kellu t-tqassim li ġej:
Dħul għall-2023 f’euro
Sussidju mill-UE
%
Dħul proprju
%
Oħrajn
|
ACER
EUR 29,576,964
EUR 19,418,599
66 %
EUR 10,158,245
34 %
EUR 120
|
CDT
EUR 47,140,900
EUR 0
0 %
EUR 46,295,800
98 %
EUR 845,100
|
EASA
EUR 169,665,375
EUR 44,329,433
26 %
EUR 120,937,434
71 %
EUR 4,398,508
|
EBA
EUR 52,672,002
EUR 19,428,306
37 %
EUR 31,479,331
60 %
EUR 1,764,364
|
ECHA
EUR 123,280,140
EUR 81,274,568
66 %
EUR 33,107,484
27 %
EUR 8,898,088
|
EIOPA
EUR 36,714,492
EUR 13,470,715
37 %
EUR 22,086,958
60 %
EUR 1,156,819
|
EMA
EUR 448,603,000
EUR 50,027,000
11 %
EUR 398,209,000
89 %
EUR 367,000
|
ERA
EUR 38,532,447
EUR 27,418,274
71 %
EUR 10,312,858
27 %
EUR 801,315
|
EMSA
EUR 72,509,657
EUR 18,588,578
26 %
EUR 52,224,114
72 %
EUR 1,696,965
|
TOTAL
EUR 1,018,694,977
EUR 273,955,473
EUR 724,811,224
EUR 19,928,279
|
26.Jieħu nota tal-osservazzjoni tal-Qorti li l-Aġenzija tal-Unjoni Ewropea għall-Kooperazzjoni tar-Regolaturi tal-Enerġija (l-ACER), l-Aġenzija tas-Sikurezza tal-Avjazzjoni tal-Unjoni Ewropea (lEASA), l-Aġenzija Ewropea għas-Sustanzi Kimiċi (l-ECHA), l-Aġenzija tal-Unjoni Ewropea għall-Ferroviji (l-ERA), u l-Awtorità Ewropea tat-Titoli u s-Swieq (l-ESMA) huma legalment meħtieġa jidentifikaw u jqisu b’mod separat l-ispejjeż tal-attivitajiet iffinanzjati mid-dħul proprju; jinnota li dawn l-aġenziji għandhom stabbiliti sistemi biex jikkonformaw ma’ dan ir-rekwiżit u jinnota li ċerti aġenziji bħall-EMA, l-EASA u l-ERA jmorru lil hinn minn dawn ir-rekwiżiti;
27.Josserva li r-regolamenti fundaturi għat-tliet awtoritajiet superviżorji Ewropej (l-EBA, l-EIOPA u l-ESMA – bl-eċċezzjoni tal-attivitajiet iffinanzjati minn tariffi superviżorji) jistabbilixxu li, inizjalment, il-kontribuzzjonijiet li jirċievu mill-awtoritajiet nazzjonali kompetenti għandhom jammontaw għal 60 % tal-baġits tagħhom, bl-40 % li jifdal jiġu mill-baġit tal-Unjoni; jinnota li dan l-arranġament jirrifletti t-taħlita ta’ kompiti regolatorji, li huma xierqa għall-finanzjament tal-UE, u għall-kompiti ta’ konverġenza superviżorja, li huma xierqa għall-kontribuzzjonijiet mill-awtoritajiet nazzjonali kompetenti, fil-mandati tat-tliet awtoritajiet; jenfasizza li, minħabba n-nuqqas ta’ delineazzjoni ċara bejn l-attivitajiet iffinanzjati miż-żewġ sorsi fir-regolamenti fundaturi, dawn l-awtoritajiet ma jagħmlux differenza bejn il-kostijiet koperti mis-sussidju tal-baġit tal-Unjoni u dawk koperti mill-kontribuzzjonijiet nazzjonali;
28.Jistieden lill-EBA, lill-EIOPA u lill-ESMA jiżviluppaw din il-kapaċità biex jidentifikaw u jqisu separatament l-ispejjeż tal-attivitajiet li jiġġeneraw kull wieħed mill-flussi ta’ dħul tagħhom stess sabiex itejbu t-teħid ta’ deċiżjonijiet tagħhom u l-kwalità tal-informazzjoni li jipprovdu lill-partijiet ikkonċernati fir-rigward tad-defiċits jew tas-surpluses li tali attivitajiet jipproduċu;
29.Jinnota li s-CdT għandu sistema stabbilita biex jimmonitorja l-ispiża ta’ kull attività u prodott li jiġġenera d-dħul tiegħu stess, u b’hekk ikun jista’ jikkalkula l-profitti jew it-telf; jenfasizza li fl-2023, 10 mis-17-il prodott ewlieni tas-CdT irrapportaw telf li jammonta għal EUR 3,4 miljun;
30.Jissottolinja li matul l-aħħar 10 snin, is-CdT esperjenza 7 snin ta’ defiċits baġitarji u 6 snin ta’ telf kontabilistiku minħabba volumi dejjem jonqsu ta’ negozju; jieħu nota li, biex jiġi indirizzat it-tnaqqis fil-volumi tan-negozju, is-CdT kien qed juża riżerva speċjali li ġiet stabbilita fl-2011 biex tiġi żgurata l-istabbiltà tal-baġit u tal-prezzijiet; jinnota li din ir-riżerva laħqet massimu ta’ EUR 15,6-il miljun fl-2014, sussegwentement naqset għal EUR 10,3 miljun fl-2022 u EUR 8,9 miljun fl-2023; huwa konxju li ladarba r-riżerva tiġi kompletament eżawrita, kwalunkwe defiċit ieħor ikollu jiġi kopert mis-sussidji baġitarji tal-Unjoni, kif previst mir-regolament fundatur tas-CdT; jistieden lis-CdT jirrapporta lura lill-awtorità ta’ kwittanza dwar il-pjanijiet tiegħu biex jimmitiga r-riskji tal-kontinwità tal-operat;
31.Jinnota l-ħtieġa li l-aġenziji jtejbu r-rappurtar finanzjarju u l-mekkaniżmi ta’ kontroll intern; jistieden lill-aġenziji jipprovdu fuq bażi annwali analiżi dettaljata tal-infiq, inkluża data diżaggregata dwar kuntratti esterni, servizzi ta’ konsulenza u sottokuntratturi; jinsisti fuq il-ħtieġa ta’ għodod ta’ rapportar diġitali f’ħin reali li jtejbu s-sorveljanza finanzjarja u l-obbligu ta’ rendikont lejn il-Parlament Ewropew u l-pubbliku; jinkoraġġixxi aktar progress fir-rakkomandazzjonijiet tal-awditjar;
Ħarsa ġenerali lejn ir-riżultati tal-awditjar39.Jinnota li l-Qorti ħarġet opinjoni tal-awditjar mhux kwalifikata dwar l-affidabbiltà tal-kontijiet tal-aġenziji kollha; jinnota li l-Qorti ħarġet opinjoni mhux kwalifikata dwar il-legalità u r-regolarità tad-dħul li fuqu huma bbażati l-kontijiet għall-aġenziji kollha; josserva, madankollu, li filwaqt li ngħatat opinjoni mhux kwalifikata dwar il-legalità u r-regolarità tal-pagamenti li fuqhom huma bbażati l-kontijiet għall-biċċa l-kbira tal-aġenziji, ġew osservati eċċezzjonijiet għal erba’ aġenziji: l-Istitut Ewropew tal-Innovazzjoni u t-Teknoloġija (EIT), l-Awtorità Ewropea tax-Xogħol (ELA), l-Aġenzija tal-Unjoni Ewropea għaċ-Ċibersigurtà (ENISA) u l-Aġenzija tal-Unjoni Ewropea għat-Tmexxija Operattiva ta’ Sistemi tal-IT fuq Skala Kbira (eu-LISA);
40.Josserva li, għall-EIT, il-kwalifika tikkonċerna pagamenti irregolari ta’ għotjiet, fejn l-EIT wettaq verifika ex post fuq kampjun ta’ 174 element ta’ kost; jinnota li l-EIT irrifjuta l-ispejjeż relatati ma’ 27 element ta’ kost u li l-Qorti identifikat tliet element ta’ kost addizzjonali li għalihom l-EIT ma setax jipprovdi evidenza li l-benefiċjarji ssodisfaw il-kundizzjonijiet essenzjali tal-ftehim ta’ għotja, li jirriżultaw f’total stmat ta’ EUR 12,2-il miljun f’pagamenti ta’ għotjiet irregolari, li jikkorrispondi għal rata ta’ żball stmata ta’ 3,4 %; jinnota li l-EIT jikkontesta wieħed mill-iżbalji rrapportati mill-Qorti, li jaffettwa tliet elementi ta’ kost, li, fl-opinjoni tiegħu huma eliġibbli; jinnota wkoll li skont l-EIT, mingħajr dan il-każ, ir-rata stmata ta’ żball irrapportata mill-Qorti tkun taħt il-limitu ta’ materjalità ta’ 2 %, li jwassal għal opinjoni ta’ awditjar pożittiva dwar il-legalità u r-regolarità tal-pagamenti tal-EIT;
41.Jirrikonoxxi li, fir-rigward tal-ELA, il-kwalifika hija relatata ma’ pagamenti li jammontaw għal EUR 1,6 miljun fl-2023, li jirrappreżentaw 3,8 % tal-approprjazzjonijiet ta’ pagament totali disponibbli; jinnota li dan l-ammont jinkludi EUR 1,3 miljun relatati ma’ kuntratt meqjus irregolari fir-rapport tal-awditjar tal-2022 minħabba l-valur mogħti li jaqbeż il-limitu massimu stabbilit tal-kuntratt, u EUR 0,3 miljun assoċjati ma’ defiċjenzi fil-kontrolli ex ante fuq l-implimentazzjoni tal-kuntratt; jieħu nota tat-tweġiba tal-ELA li tispjega li l-kuntratt irregolari ntemm fi Frar 2024, u ġie sostitwit bi ftehim qafas ġdid stabbilit f’Novembru 2023; huwa konxju mid-deċiżjoni tal-ELA li tkompli bil-kuntratt irregolari temporanjament biex timmitiga r-riskji, tipproteġi r-reputazzjoni tagħha, u tiżgura servizzi mingħajr interruzzjoni, li jippermettilha żżomm operazzjonijiet konsistenti u tissodisfa l-attivitajiet ippjanati sakemm il-ftehim il-ġdid ikun daħal fis-seħħ;
42.Jinnota li, għall-ENISA, il-kwalifika hija relatata ma’ pagamenti irregolari ta’ EUR 1,8 miljun li saru fl-2023, li jirrappreżentaw 4,1 % tal-approprjazzjonijiet ta’ pagament totali disponibbli fl-2023; ifakkar li f’Awwissu 2022, l-ENISA rċeviet EUR 15-il miljun addizzjonali fil-baġit tagħha biex tipprovdi appoġġ imtejjeb għaċ-ċibersigurtà lill-Istati Membri wara l-invażjoni tar-Russja fl-Ukrajna; jinnota wkoll li f’Settembru 2022, l-ENISA bdiet proċedura ta’ akkwist bi 28 lott u sussegwentement iffirmat 28 kuntratt qafas separat b’valur ta’ EUR 14,4-il miljun; huwa konxju li fil-bidu tal-2023, il-bord ta’ tmexxija għamel eċċezzjoni biex jiddevja temporanjament mir-regolamenti finanzjarji tiegħu ħalli jissodisfa t-talbiet riveduti ta’ appoġġ għaċ-ċibersigurtà mill-Istati Membri; jieħu nota li skont it-tweġiba tal-ENISA, id-deċiżjoni tal-Bord ta’ Tmexxija kienet tikkostitwixxi eċċezzjoni (limitata fiż-żmien u fl-ambitu) biex tiġi indirizzata sitwazzjoni eċċezzjonali partikolari f’kuntest internazzjonali estremament diffiċli; jinnota li din l-eċċezzjoni ġiet irreġistrata kif xieraq skont l-applikazzjoni tal-Qafas ta’ Kontroll Intern tal-ENISA u għaldaqstant irrapportata fir-Rapport Annwali tal-Attività Konsolidat tal-2023;
43.Josserva li, għall-eu-LISA, il-kwalifika tikkonċerna pagamenti irregolari li jammontaw għal EUR 12,6-il miljun li saru fl-2023, li jirrappreżentaw 3,2 % tal-approprjazzjonijiet ta’ pagament totali disponibbli, inklużi EUR 2,7 miljun għal kuntratti awditjati fl-2023 u EUR 9,9 miljun għal kuntratti vvalutati bħala irregolari fir-rapport tal-awditjar tal-2022;
44.Jinnota bi tħassib ir-rikorrenza ta’ opinjoni kwalifikata dwar il-legalità u r-regolarità tal-pagamenti tal-eu-LISA, li tirrifletti l-kwistjonijiet persistenti mqajma mill-Qorti f’rapporti preċedenti mill-2020; jieħu nota tal-osservazzjoni tal-Qorti li l-biċċa l-kbira tal-kuntratti affettwati minn żball skadew jew ġew itterminati mill-eu-LISA fl-2023;
45.Josserva li l-bażi għal opinjoni kwalifikata (eu-LISA) fl-2023 kienet tinkludi l-irregolaritajiet li ġejjin:- –irregolarità tal-Kuntratt Qafas: jinnota li l-eu-LISA għamlet bidliet sinifikanti f’xi elementi tal-ipprezzar tal-offerti finanzjarji ta’ żewġ offerenti, li jmorru lil hinn mill-korrezzjonijiet permessi skont l-Artikolu 151 tal-Regolament Finanzjarju, li jaffettwaw direttament l-eżitu tal-offerta, b’pagamenti relatati li jammontaw għal EUR 2,7 miljun fl-2023;
- –Proċedura Nnegozjata mhux ġustifikata: jinnota wkoll il-pagament irregolari ta’ EUR 7,7 miljun marbut ma’ kuntratt qafas mogħti permezz ta’ proċedura nnegozjata mingħajr ġustifikazzjoni xierqa, bi ksur tal-istandards tal-akkwist;
- –Emenda mhux awtorizzata tal-Kuntratt: josserva li pagamenti li jammontaw għal EUR 1,8 miljun ġew ikklassifikati bħala irregolari wara emenda mhux awtorizzata li żiedet il-valur ta’ kuntratt ta’ prezz fiss b’EUR 3,6 miljun;
- –nuqqas ta’ konformità mat-Termini tal-Kuntratt Qafas: jinnota bi tħassib li l-pagamenti tal-kuntratt qafas għaż-żamma ta’ infrastruttura kondiviża li jammontaw għal EUR 0,4 miljun kienu irregolari, peress li l-kuntratt speċifiku ddevja mill-kuntratt qafas;
46.Jesprimi tħassib serju dwar ir-rikorrenza ta’ kwistjonijiet bl-akkwist li jirriżultaw f’opinjoni kwalifikata għar-raba’ sena konsekuttiva u jħeġġeġ lill-eu-LISA tieħu azzjoni korrettiva immedjata biex tindirizza u tipprevjeni dawn il-problemi fil-prattiki futuri tal-ġestjoni finanzjarja u tal-akkwist, filwaqt li tiżgura konformità sħiħa mar-Regolament Finanzjarju; jappella sabiex il-Parlament Ewropew jiġi infurmat dwar il-progress inkwistjoni qabel it-30 ta’ Ġunju 2025;
47.Jilqa’ l-fatt li l-Qorti, matul is-seduta Laqgħa tal-Kumitat CONT, 4 ta’ Diċembru 2023., irrikonoxxiet li minkejja l-opinjoni maħruġa għall-2023 (eu-LISA), in-nuqqasijiet identifikati qed jiġu indirizzati u ġie osservat titjib;
48.Jinsisti li għalkemm ir-Regolament Finanzjarju ma jistabbilix limiti massimi għar-riporti, livelli rikorrenti u eċċessivi ta’ riporti jimminaw il-prinċipju baġitarju tal-annwalità u huma indikattivi ta’ problemi strutturali fil-proċess tal-baġit u fiċ-ċiklu ta’ implimentazzjoni; jinnota li f’14-il Aġenzija (l-ENISA, il-Eurofound, l-EIGE, l-eu-LISA, l-EMA, l-EUSPA, l-ELA, l-FRA, l-EFCA, l-ECDC, l-EU-OSHA, l-ACER, il-Frontex u l-ESA) il-livell ta’ riporti li jaffettwa t-titoli kollha flimkien huwa ogħla minn 15 %; jinnota li fil-każ tal-Frontex u tal-ESA, ir-riporti jilħqu aktar minn 40 % u 50 % rispettivament;
49.Ifakkar li l-qafas regolatorju jagħti mandat lill-aġenziji jagħmlu pagamenti sa skadenzi speċifiċi; jinnota li kwalunkwe nuqqas li jiġu ssodisfati dawn l-iskadenzi jista’ jirriżulta fil-fatt li l-kredituri jkunu intitolati għal imgħax ta’ inadempjenza; josserva li, għas-sena 2023, il-Qorti tirrapporta li filwaqt li l-ammont totali ta’ mgħax ta’ inadempjenza mġarrab tqies bħala immaterjali, ta’ min jinnota li disa’ aġenziji (l-ACER, l-ECDC, l-EEA, l-EUDA, l-ENISA, l-ERA, l-EU-OSHA, il-Eurojust u l-Frontex) ta’ spiss naqsu milli jirrispettaw l-iskadenzi għall-pagamenti tagħhom; jitlob lill-aġenziji inkwistjoni biex jiżguraw konformità mal-limiti ta’ żmien legali għall-pagamenti; jenfasizza li għalkemm l-ammont ta’ mgħax ta’ inadempjenza mġarrab kien minuri, il-frekwenza għolja ta’ pagamenti tard tista’ taffettwa b’mod negattiv ir-reputazzjoni tal-aġenziji;
50.Jenfasizza li l-Qorti ħarġet paragrafi ta’ “osservazzjoni” biex tissottolinja kwistjoni ppreżentata jew iddivulgata fil-kontijiet li hija tant ta’ importanza li hija fundamentali biex il-qarrejja jifhmu l-kontijiet, jew id-dħul jew il-pagamenti ta’ bażi; jinnota wkoll li, għas-sena finanzjarja 2023, il-Qorti użat il-paragrafi ta’ “osservazzjoni” għall-aġenziji li ġejjin li huma parti minn din ir-riżoluzzjoni: is-CdT, l-EBA, l-EIT, l-EMA, l-ERA, l-ESMA, il-Eurojust, l-eu-LISA u l-Frontex;
51.Ifakkar li s-CdT jipprovdi divulgazzjonijiet fir-rapporti finanzjarji tiegħu dwar it-tnaqqis fid-dħul operatorju, li affettwa b’mod negattiv l-eżitu ekonomiku tiegħu;
52.Jiġbed l-attenzjoni għad-divulgazzjonijiet fil-kontijiet annwali tal-ERA u tal-Eurojust dwar l-implimentazzjoni tal-SUMMA Fl-2022, sistema baġitarja, kontabilistika u finanzjarja ġdida bdiet bħala proġett pilota.; jinnota li, matul l-2023, il-kwistjonijiet tekniċi komplew jikkontribwixxu għal żieda fil-pagamenti tard (50 % fl-2023) u l-każijiet ta’ nuqqas ta’ konformità fil-Eurojust; jinnota li l-ERA esperjenzat kwistjonijiet tekniċi matul l-ewwel trimestru, għalkemm sar titjib sostanzjali meta mqabbel mal-2022;
53.Jinnota li l-kontijiet tal-ESMA u tal-EBA jinkludu divulgazzjoni ta’ inċertezza rigward l-eżitu ta’ kawża UniSystems Luxembourg u Unisystems systimata pliroforikis vs ESMA – il-Kawża T-750/22.; jieħu nota li l-ESMA ġiet innotifikata formalment b’każ legali relatat ma’ proċedura ta’ akkwist konġunt fejn, minbarra l-ESMA, ipparteċipaw tliet aġenziji oħra tal-UE (l-EBA, l-EIOPA u l-ERA); huwa konxju li l-proċedura rriżultat f’kuntratt qafas b’valur ta’ EUR 40,2 miljun, u sa tmiem l-2023, l-ESMA u l-EBA ffirmaw kuntratti speċifiċi li jammontaw għal total ta’ EUR 2 185 226 u EUR 6 306 786 fil-każ tal-EBA;
54.Huwa mħasseb li l-applikant qed ifittex annullament ta’ deċiżjoni ta’ sejħa għall-offerti u kumpens monetarju li jvarja bejn EUR 400 000 u EUR 3,5 miljun; jinnota li minħabba l-istadju bikri tal-proċedimenti, il-maniġment tal-ESMA u dak tal-EBA ma jistgħux jipprovdu stima affidabbli tal-ispejjeż potenzjali li jirriżultaw mill-kawża Il-Kontijiet Annwali tal-EBA p. 26, u l-QEA dwar l-ESMA p. 139.;
55.Jiġbed l-attenzjoni għad-divulgazzjoni fil-kontijiet tal-ESMA ta’ indeboliment ta’ EUR 368 300, li jikkorrispondi għal tariffi pendenti minn entitajiet taħt superviżjoni ta’ pajjiżi terzi; jinnota li l-indeboliment huwa marbut mal-fatt li r-Regolament dwar l-Infrastruttura tas-Suq Ewropew (EMIR) ma jipprovdix lill-ESMA mekkaniżmu effettiv għall-infurzar tal-ġbir ta’ tariffi pendenti minn barra l-Unjoni; jilqa’ l-fatt li l-ftehim reċenti tal-koleġiżlaturi biex jiġi emendat ir-regolament (EMIR 3) introduċa l-possibbiltà li l-ESMA tirtira r-rikonoxximent minn entitajiet taħt superviżjoni ta’ pajjiżi terzi li ma jħallsux it-tariffi tagħhom;
56.Jinnota li l-kontijiet tal-EBA jinkludu divulgazzjonijiet dwar l-impatti sinifikanti tal-Att dwar ir-Reżiljenza Operazzjonali Diġitali għas-settur finanzjarju (DORA) u r-Regolament dwar is-Swieq fil-Kriptoassi (MiCAR) fir-rigward tar-riżorsi mhux iffinanzjati meħtieġa biex jiġu stabbiliti l-kompiti relatati u tiġi implimentata politika ta’ sorveljanza xierqa li saret fl-2023 qabel ma seta’ jibda l-ġbir tat-tariffi; jieħu nota li l-EBA kellha talloka mill-ġdid ir-riżorsi għal dawn l-attivitajiet preparatorji;
57.Jieħu nota li l-kontijiet tal-EIT jiddivulgaw suppożizzjonijiet li ntużaw biex jiġu stmati l-ispejjeż operatorji (l-ispejjeż tal-għotjiet), li huma dovuti u ppreżentati fil-karta tal-bilanċ bħala element li qed jonqos ta’ assi ta’ prefinanzjament; ifakkar li d-dovut għall-ispejjeż tal-għotjiet huwa stima sinifikanti li inevitabbilment tinvolvi inċertezza;
58.Jinnota li l-EMA tipprovdi divulgazzjonijiet sinifikanti fil-kontijiet annwali tagħha relatati mal-fond li kellha qabel f’Londra u l-inċertezzi maħluqa mill-fatt li l-kumpanija omm tas-subinkwilin iddikjarat falliment; jinnota bi tħassib li l-EMA tista’ tinżamm responsabbli għall-ammont kollu li għad irid jitħallas taħt il-lokazzjoni prinċipali; huwa konxju li l-ammont massimu, inkluża obbligazzjoni ta’ taxxa tal-kunsill, li se jkun pagabbli mill-EMA jekk il-fond jibqa’ vakanti għall-bqija tal-lokazzjoni, huwa ta’ EUR 550 miljun; jinnota li l-EMA bħalissa qed tinnegozja mill-ġdid il-kundizzjonijiet tas-sullokazzjoni mal-fergħa tar-Renju Unit tal-grupp u bħala parti minn dawn in-negozjati mill-ġdid, l-EMA qablet ma’ differiment ta’ pagamenti ta’ kiri għall-ewwel żewġ trimestri tal-2024 u tnaqqis fil-kera tas-subinkwilin mill-1 ta’ Jannar 2024; jinnota li f’dan ir-rigward l-EMA għamlet provvediment għal kuntratt oneruż fl-ammont ta’ EUR 131,4 miljun; jieħu nota li s-subinkwilin tal-Aġenzija ssodisfa l-obbligi kuntrattwali tiegħu għas-sena 2023, b’pagamenti ta’ kiri li jkopru l-perjodu sal-31 ta’ Diċembru 2023 u jħeġġeġ lill-EMA u lill-Kummissjoni jsibu soluzzjoni sostenibbli biex jitterminaw il-kuntratt u l-obbligi assoċjati kollha qabel il-proċedura ta’ kwittanza li jmiss fl-2024;
59.Josserva li l-kontijiet tal-eu-LISA jinkludu divulgazzjoni rigward is-sitwazzjoni finanzjarja ta’ kuntrattur ewlieni b’żewġ kuntratti qafas attivi; jinnota li l-eu-LISA għandha żewġ kuntratti qafas attivi ma’ kuntrattur li huwa membru ta’ konsorzju u li dan il-kuntrattur issostitwixxa l-kumpanija omm tiegħu fil-kuntratti u huwa responsabbli għall-implimentazzjoni u għaż-żamma tas-Sistema ta’ Dħul u Ħruġ u għall-forniment ta’ servizzi fl-ambitu tal-Lott 1 tal-Qafas tal-Operazzjonijiet Trażversali; jieħu nota li l-ammonti kuntrattati pendenti huma ta’ EUR 97,5 miljun u EUR 41 miljun rispettivament; jinnota li sabiex jiġu indirizzati r-riskji potenzjali relatati mal-vijabbiltà finanzjarja tal-kumpanija omm, l-eu-LISA timmonitorja mill-qrib is-saħħa finanzjarja tal-kuntrattur bl-użu ta’ għodod ta’ valutazzjoni tar-riskju indipendenti u mistoqsijiet diretti; jinnota li, barra minn hekk, l-eu-LISA tivvaluta regolarment il-progress tal-Assi taħt Żvilupp (AuDs) biex tiżgura li ma jkun hemm l-ebda impatt negattiv fuq il-mandat tagħhom u li jkunu proattivi fil-ġestjoni u fil-mitigazzjoni tar-riskji assoċjati mat-tfixkil fil-katina tal-provvista fil-limiti tar-regola finanzjarja Il-kontijiet annwali tal-eu-LISA, p. 25.;
60.Ifakkar fl-approċċi differenti rikorrenti tal-Frontex u tal-Qorti rigward il-kalkolu tal-kontribuzzjonijiet mill-Pajjiżi Assoċjati ma’ Schengen (SAC) għall-baġit tal-Frontex; jieħu nota li l-Qorti tqis li l-interpretazzjoni tal-Frontex hija żbaljata, u li dan iwassal biex l-SAC jikkontribwixxu madwar EUR 3,5 miljun (7 %) anqas għall-baġit tal-Frontex milli kieku jiddetta d-daqs tal-ekonomiji tagħhom, meta mqabbel mad-daqs tal-ekonomija tal-Unjoni; jieħu nota li l-uffiċjal tal-kontabbiltà ad interim eżamina s-sitwazzjoni u, b’mod simili għall-MB, iqis li ma hemmx bżonn li l-Frontex tirrevedi l-metodoloġija attwali ta’ kalkolu dwar il-kontribut tal-SAC għall-baġit tal-Frontex Il-kontijiet annwali tal-Frontex, p. 37.; jieħu nota tar-rapport ta’ segwitu tal-Frontex għar-rapport ta’ kwittanza tal-2022 li jiddikjara li l-aġenzija ma għandhiex l-intenzjoni li tbiddel il-metodoloġija użata għal dawn il-kalkoli; jitlob lill-Aġenzija tirrapporta lura lill-awtorità ta’ kwittanza bi spjegazzjoni dettaljata tal-metodoloġija użata f’dawn il-kalkoli;
Prestazzjoni61.Jinnota li l-Approċċ Komuni dwar l-aġenziji deċentralizzati jintroduċi l-kunċett ta’ Indikaturi Ewlenin tal-Prestazzjoni (KPIs) li għandhom l-għan li jtejbu t-traċċar tal-prestazzjoni għall-aġenziji;
62.Jinnota wkoll li skont il-pjan direzzjonali żviluppat mill-Kummissjoni Pjan direzzjonali dwar is-segwitu għall-Approċċ Komuni dwar l-aġenziji deċentralizzati tal-UE., il-KPIs għandhom jiġu żviluppati fir-rigward tal-ħidma kemm tal-aġenzija kif ukoll tad-Direttur tagħha; jinnota, barra minn hekk, li l-Kummissjoni pproponiet ukoll li jiġu żviluppati mudelli għall-programm ta’ ħidma annwali jew għall-evalwazzjoni;
63.Jirrimarka li, skont il-Pjan Direzzjonali, l-aġenziji u l-Kummissjoni għandhom jiżviluppaw KIPs fuq bażi annwali u għalhekk dawn jinbidlu minn sena għal sena, u jagħmlu t-traċċar tal-prestazzjoni tal-aġenzija fuq perjodu itwal diffiċli peress li xi KPIs għandhom imnejn ma jiġux segwiti tul diversi snin;
64.Jirrakkomanda li l-Aġenziji jieħdu azzjoni biex jissodisfaw l-indikaturi pendenti jew imdewma u jaġġustaw regolarment il-KPIs tagħhom biex itejbu l-prestazzjoni;
65.Jissottolinja li l-linji gwida tal-Kummissjoni Il-Kummissjoni Ewropea, Dokument ta’ Ħidma tal-Persunal tal-Kummissjoni, Guidelines on key performance indicators (KPI) for directors of EU decentralised agencies (Linji gwida dwar l-indikaturi ewlenin tal-prestazzjoni (KPI) għad-diretturi tal-aġenziji deċentralizzati), 13-03-2015, p. 3. għall-KPIs fil-każ tad-Diretturi tal-aġenziji deċentralizzati tal-UE jiffokaw kompletament fuq il-prestazzjoni tad-Diretturi tal-aġenziji, jiġifieri, prinċipalment relatati mal-ġestjoni tal-baġit u tar-riżorsi umani u ma jintużawx biex jagħtu valutazzjoni tar-riżultati jew tal-effiċjenza u l-effikaċja tal-operazzjonijiet skont il-mandati tal-aġenziji Ir-Rapport Speċjali 22/2020 tal-QEA dwar Il-futur tal-aġenziji tal-UE – Potenzjal għal aktar flessibbiltà u kooperazzjoni.;
66.Jisħaq, barra minn hekk, li, minħabba li ma hemm l-ebda approċċ standard għall-preżentazzjoni tal-KPIs fir-Rapporti Annwali tal-Attività (RAA) tal-aġenziji, huwa diffiċli li jkun hemm ħarsa ġenerali lejn l-istatus tal-prestazzjoni ta’ kull aġenzija;
67.Jissottolinja li, abbażi tal-konklużjonijiet tal-Qorti, il-KPIs ma jikkontribwixxux għat-traċċar tal-prestazzjoni tal-aġenziji f’termini ta’ operazzjonijiet u ġestjoni finanzjarja u tar-riżorsi umani;
68.Jitlob rieżami indipendenti tal-prestazzjoni tal-aġenziji kollha biex jiġi vvalutat jekk l-attivitajiet tagħhom jallinjawx ruħhom b’mod effettiv mal-prijoritajiet tal-politika tal-Unjoni u jwasslux għal riżultati tanġibbli; jinsisti fuq l-introduzzjoni ta’ bbaġitjar ibbażat fuq il-prestazzjoni u parametri referenzjarji tal-effiċjenza biex jiġu żgurati allokazzjoni ottimali tar-riżorsi u governanza xprunata mill-impatt;
69.Jilqa’ l-fatt li l-ECHA, b’kooperazzjoni mal-Awtorità Ewropea dwar is-Sigurtà fl-Ikel (EFSA), ħadet passi biex tippromwovi l-prinċipju ta’ “sustanza waħda – valutazzjoni waħda” biex tiżgura konsistenza akbar fil-valutazzjoni tal-perikli u tar-riskju ta’ sustanzi attivi; jistieden lill-aġenziji jkomplu jippromwovu l-kooperazzjoni ma’ aġenziji oħra tal-UE u ma’ organizzazzjonijiet internazzjonali, u jrawmu djalogu mal-partijiet ikkonċernati u maċ-ċittadini;
70.Ifakkar fl-approċċ tal-Unjoni ta’ “tolleranza żero” għas-sajd Illegali, Mhux Irrappurtat u Mhux Irregolat (IUU) u fil-kontribut vitali tal-Aġenzija Komunitarja għall-kontroll tas-Sajd (EFCA) fl-implimentazzjoni tal-politika komuni tas-sajd (PKS), b’mod partikolari fir-rigward tal-kontroll tas-sajd u l-ġlieda kontra s-sajd IUU;
71.Jisħaq fuq ir-responsabbiltà primarja tal-Istati Membri għall-kontroll tal-attivitajiet tas-sajd, filwaqt li l-kompiti tal-Aġenzija huma limitati għall-appoġġ u l-koordinazzjoni, kif ukoll biex tiġi pprovduta assistenza f'dan il-qasam lill-Istati Membri; jistieden lill-Aġenzija tappoġġja lill-Istati Membri biex jimmonitorjaw u jidentifikaw ksur serju rigward ix-xogħol furzat u tipprovdi taħriġ adegwat għall-ispetturi dwar dan il-ksur serju;
72.Jistieden lill-EUSPA tkompli bl-isforzi tagħha bħala kontributur ewlieni għall-implimentazzjoni tal-Programm Spazjali tal-UE, filwaqt li ssaħħaħ il-bażi industrijali, il-kompetittività u l-innovazzjoni tal-Unjoni; jinkoraġġixxi l-prijoritizzazzjoni tal-akkwist Ewropew, b’mod partikolari f’oqsma kritiċi għar-reżiljenza, l-awtonomija strateġika u s-sovranità tal-Unjoni; jenfasizza r-rwol vitali ta’ Galileo u tas-Servizz Pubbliku Regolat tiegħu fis-sigurtà u d-difiża tal-Unjoni, flimkien mal-benefiċċji fuq terminu qasir ta’ GOVSATCOM u l-valur strateġiku fit-tul tal-IRIS2; jisħaq li l-inizjattivi tal-kapaċità tad-difiża u tas-sigurtà tal-Unjoni għandhom jisfruttaw l-għarfien espert u l-infrastruttura tas-settur spazjali tal-Unjoni biex tiġi evitata duplikazzjoni bla bżonn;
73.Jieħu nota tal-pjan direzzjonali l-ġdid dwar l-interoperabbiltà; jirrikonoxxi li l-iskeda ta’ żmien il-ġdida għall-introduzzjoni u l-interoperabbiltà tas-sistemi ta’ informazzjoni tal-Unjoni kienet meħtieġa minħabba dewmien fl-iżvilupp tas-Sistema ta’ Dħul/Ħruġ (EES), is-Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS) u s-Sistema Ewropea ta’ Informazzjoni ta’ Rekords Kriminali dwar ċittadini ta’ pajjiżi terzi (ECRIS-TCN); jissottolinja li skambju ta’ informazzjoni rapidu, effettiv u affidabbli, konformi mal-leġiżlazzjoni applikabbli, huwa kritiku għas-sostenn u t-tisħiħ tal-ispazju ta’ libertà, sigurtà u ġustizzja tal-Unjoni; f’dan ir-rigward jirrikonoxxi l-ħidma u t-titjib miksuba mill-eu-LISA;
74.Jinnota l-isforzi taċ-Ċentru tat-Traduzzjoni għall-Korpi tal-Unjoni Ewropea (“iċ-Ċentru”) biex jippermetti u jippromwovi l-multilingwiżmu fl-Unjoni, pereżempju fir-rigward tal-komunikazzjonijiet tal-aġenziji tal-UE u l-iżvilupp ta’ terminoloġija f’oqsma ta’ suġġetti speċjalizzati sabiex tittejjeb il-kwalità tat-traduzzjonijiet; jilqa’ l-istabbiliment ta’ grupp ta’ ħidma dwar l-intelliġenza artifiċjali (IA) f’Ġunju 2023 u d-deċiżjoni li l-ħidma ta’ dak il-grupp titkompla fi grupp konsultattiv ġdid dwar l-IA;
75.Jistieden lill-EFCA tappoġġja lill-Istati Membri biex jimmonitorjaw u jidentifikaw ksur serju relatat mal-applikazzjoni tal-Artikolu 90(2), il-punt (p), tar-Regolament (UE) 2023/2842 dwar ix-xogħol furzat, u tipprovdi taħriġ adegwat għall-ispetturi dwar dan il-ksur serju;
76.Jinnota li, fl-2023, l-EFCA rrapportat 44 993 spezzjoni (fuq il-baħar u fuq l-art), li wasslu għad-detezzjoni ta’ ksur suspettat f’mill-inqas 4 230 minn dawk l-ispezzjonijiet; jinnota li din id-data kollettivament tirrappreżenta tnaqqis żgħir fl-għadd totali ta’ spezzjonijiet (5 % anqas spezzjonijiet meta mqabbla mal-2022), kif ukoll tnaqqis ta’ 18 % fl-għadd totali ta’ spezzjonijiet fejn ġie identifikat ksur suspettat; jirrimarka li l-ispezzjonijiet u attivitajiet oħra ta’ segwitu għandhom rwol ewlieni mhux biss fil-ġestjoni xierqa tal-istokkijiet tal-ħut iżda anke biex jiġu żgurati kundizzjonijiet ekwi għas-sajjieda tal-Unjoni;
77.Ifaħħar l-isforzi tal-Eurojust lejn id-diġitalizzazzjoni tal-ġustizzja, jiġifieri l-implimentazzjoni ta’ Sistema ġdida ta’ Ġestjoni tal-Każijiet wara l-aħħar emenda għar-Regolament dwar l-Eurojust Ir-Regolament (UE) 2023/2131 tal-Parlament Ewropew u tal-Kunsill tal-4 ta’ Ottubru 2023 li jemenda r-Regolament (UE) 2018/1727 tal-Parlament Ewropew u tal-Kunsill u d-Deċiżjoni tal-Kunsill 2005/671/ĠAI, fir-rigward tal-iskambju ta’ informazzjoni diġitali f’każijiet ta’ terroriżmu (ĠU L, 2023/2131, 11.10.2023, ELI: http://data.europa.eu/eli/reg/2023/2131/oj)., u l-implimentazzjoni tal-Pjattaforma l-ġdida ta’ Kollaborazzjoni tas-SIK Ir-Regolament (UE) 2023/969 tal-Parlament Ewropew u tal-Kunsill tal-10 ta’ Mejju 2023 li jistabbilixxi pjattaforma ta’ kollaborazzjoni sabiex tappoġġa l-funzjonament tal-iskwadri ta’ investigazzjoni konġunti u li jemenda r-Regolament (UE) 2018/1726 (ĠU L, 132, 17.5.2023, ELI: http://data.europa.eu/eli/reg/2023/969/oj).; jinnota r-rwol tal-Eurojust bħala l-punt ta’ kuntatt għal pajjiżi terzi u organizzazzjonijiet internazzjonali rigward it-talbiet tal-ECRIS-TCN fil-kuntest ta’ proċedimenti kriminali;
78.Jisħaq fuq l-importanza tal-appoġġ kontinwu tal-Eurojust lill-Ukrajna, bis-SIK li tinvestiga allegati delitti internazzjonali ewlenin imwettqa fl-Ukrajna, billi topera l-Bażi ta’ Data ta’ Evidenza dwar Delitti Internazzjonali Ewlenin (CICED) biex tippreserva, taħżen u tanalizza l-evidenza ta’ delitti kriminali internazzjonali ewlenin f’bażi tad-data unika, sigura u ċentrali, billi tiżgura metodu ta’ trażmissjoni tad-data diġitali sikur għas-sottomissjoni tal-evidenza, u l-analiżi tagħha; jilqa’ wkoll it-tnedija taċ-Ċentru Internazzjonali l-ġdid għall-Prosekuzzjoni tad-Delitt ta’ Aggressjoni kontra l-Ukrajna (ICPA) fil-Eurojust bl-għan li jappoġġja l-investigazzjonijiet nazzjonali u jaqbel dwar strateġiji komuni ta’ investigazzjoni u prosekuzzjoni, u billi jikkontribwixxi b’mod attiv għall-ħidma tat-Task Force “Iffriżar u Sekwestru” sabiex tiġi żgurata l-implimentazzjoni effettiva tas-sanzjonijiet tal-Unjoni madwar l-Unjoni Ewropea;
79.Jenfasizza r-rwol tal-FRA bħala gwardjan ewlieni tad-drittijiet fundamentali u tal-istat tad-dritt, kif minqux fil-Karta tad-Drittijiet Fundamentali, u jfaħħar l-appoġġ tagħha biex tiżgura r-rispett, il-ħarsien u l-garanzija tad-drittijiet fundamentali fil-liġijiet u l-politiki eżistenti u futuri tal-UE fl-oqsma tal-ugwaljanza u l-ġlieda kontra d-diskriminazzjoni, bħad-dritt u l-politiki tal-Unjoni li jiġġieldu r-razziżmu, l-antisemitiżmu u l-iżlamofobija, tappoġġja l-ġbir ta’ data dwar l-ugwaljanza u l-implimentazzjoni ta’ strateġiji dwar l-ugwaljanza u l-ġlieda kontra r-razziżmu bħall-oqfsa strateġiċi nazzjonali għar-Rom, u tipprovdi kontribut għar-rieżami ta’ nofs it-terminu tal-istrateġija dwar l-ugwaljanza tal-LGBTIQ 2020-2025, għall-protezzjoni tas-soċjetà ċivili u tad-difensuri tad-drittijiet tal-bniedem f’riskju, kif ukoll tappoġġja r-reviżjoni tad-direttiva dwar id-drittijiet tal-vittmi, il-Pjan ta’ azzjoni għall-ġlieda kontra r-razziżmu u l-Istrateġija tal-Unjoni dwar il-ġlieda kontra l-antisemitiżmu u s-sostenn tal-ħajja Lhudija, u tagħti pariri dwar il-konformità mad-drittijiet fundamentali rigward l-iżvilupp u l-użu tas-sistemi tal-IA u l-implimentazzjoni u l-użu tal-fondi tal-UE;
80.Jenfasizza l-gwida u l-involviment tal-FRA fl-oqsma tal-ażil u l-migrazzjoni, il-fruntieri u l-interoperabbiltà u l-enfasi importanti tagħha fuq id-drittijiet fundamentali, l-obbligi internazzjonali tal-Istati Membri u d-dritt tal-Unjoni dwar id-drittijiet tal-bniedem f’dan il-qasam, inkluża l-kooperazzjoni mal-Aġenzija tal-Unjoni Ewropea għall-Ażil (l-EUAA) bil-ħsieb li jissaħħaħ il-fehim tal-importanza tal-kustodji u tar-rappreżentanti legali li jassistu lit-tfal mhux akkumpanjati li jfittxu protezzjoni internazzjonali fi ħdan l-Unjoni u t-taħriġ ipprovdut lill-persunal tal-Europol li jsaħħaħ is-sensibilizzazzjoni u l-fehim tal-kunsiderazzjonijiet tad-drittijiet fundamentali f’kuntesti operattivi rilevanti; jilqa’ l-kontribut f’waqtu tal-FRA dwar l-implimentazzjoni tad-direttiva dwar il-protezzjoni temporanja fil-kuntest tar-rifuġjati li qed jaħarbu mill-Ukrajna, dwar l-identifikazzjoni tal-isfidi fir-rigward tal-implimentazzjoni tad-dritt tal-Unjoni dwar ir-residenza fit-tul, kif ukoll dwar l-identifikazzjoni tan-nuqqasijiet fil-Kodiċi dwar il-Viżi u l-lista ta’ azzjonijiet li jistgħu jieħdu l-Unjoni u l-Istati Membri tagħha biex inaqqsu l-fatalitajiet fuq il-baħar;
81.Jilqa’ l-kontribut tal-FRA għall-evalwazzjoni tar-Regolament dwar il-Gwardja Ewropea tal-Fruntiera u tal-Kosta (“ir-Regolament EBCG”), il-parteċipazzjoni fil-laqgħat tal-Bord Maniġerjali tal-Aġenzija Ewropea tal-Fruntiera u tal-Kosta (il-Frontex) u l-kopresidenza tal-Forum Konsultattiv tal-Frontex dwar id-Drittijiet Fundamentali, u l-kooperazzjoni mal-Uffiċċju għad-Drittijiet Fundamentali tal-Frontex;
82.Jinnota b’sodisfazzjon li l-FRA pprovdiet analiżi tad-drittijiet fundamentali u għarfien espert biex tappoġġja l-attivitajiet u l-ħidma ta’ aġenziji oħra tal-UE fil-qasam tal-ġustizzja u l-affarijiet interni (ĠAI), inklużi l-EUAA, il-Frontex, il-Europol, l-Aġenzija tal-Unjoni Ewropea għat-Tmexxija Operattiva ta’ Sistemi tal-IT fuq Skala Kbira fl-Ispazju ta’ Libertà, Sigurtà u Ġustizzja (l-eu-LISA), u l-Aġenzija tal-Unjoni Ewropea għat-Taħriġ fl-Infurzar tal-Liġi (is-CEPOL); jilqa’ l-kontributi tal-FRA fl-2023 għall-avvanz tar-rispett għad-drittijiet fundamentali, inkluż permezz ta’ gwida dwar il-fondi tal-Unjoni u l-indirizzar tal-isfidi ppreżentati minn teknoloġiji ġodda; jistieden lill-FRA tiddetermina kif l-istat tad-dritt u d-drittijiet fundamentali huma intrinsikament marbuta u kif il-ħidma tagħha tista’ tiġi inkorporata jew żviluppata f’sinerġija ma’ dik tal-Kummissjoni Ewropea fil-qafas tar-Rapport Annwali dwar l-Istat tad-Dritt;
83.Ifaħħar l-introduzzjoni b’suċċess min-naħa tal-Europol tal-PERCI (il-Pjattaforma tal-UE dwar il-Kontenut Illegali Online), b’mod partikolari bl-implimentazzjoni sħiħa tar-rakkomandazzjonijiet tal-Kontrollur Ewropew għall-Protezzjoni tad-Data (l-EDPS); japprezza l-kooperazzjoni b’saħħitha mal-EDPS u l-grupp ta’ ħidma konġunt stabbilit mal-Frontex biex jingħata segwitu għar-rakkomandazzjonijiet tal-EDPS fir-rigward tal-programm PeDRA tal-Frontex (Ipproċessar ta’ data personali għall-analiżi tar-riskju) fejn iż-żewġ aġenziji jaqsmu interess qawwi fil-protezzjoni tad-drittijiet fundamentali filwaqt li javvanzaw is-sigurtà;
84.Jilqa’ l-implimentazzjoni tar-Regolament dwar il-Europol Ir-Regolament (UE) 2016/794 tal-Parlament Ewropew u tal-Kunsill tal-11 ta’ Mejju 2016 dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u li jissostitwixxi u jħassar id-Deċiżjonijiet tal-Kunsill 2009/371/ĠAI, 2009/934/ĠAI, 2009/935/ĠAI, 2009/936/ĠAI u 2009/968/ĠAI (ĠU L, 135, 24.5.2016, ELI: http://data.europa.eu/eli/reg/2016/794/oj). kif emendat fl-2022, speċjalment il-ħatra rapida ta’ uffiċjal għad-drittijiet fundamentali f’Jannar 2023, li timmarka pass sinifikanti lejn it-tisħiħ tal-impenn tal-Europol għad-drittijiet tal-bniedem fl-operazzjonijiet tagħha;
85.Jirrikonoxxi l-importanza ta’ inizjattivi lokalizzati li jsaħħu s-sistemi tas-saħħa u l-inizjattivi ambjentali, filwaqt li jżidu l-kollaborazzjoni mal-Istati Membri u mal-Aġenziji (l-ECDC, l-ECHA, l-EEA, l-EFSA, l-EMA); jappella għal titjib fl-approċċ tad-distribuzzjoni tal-finanzjament, li tingħata prijorità lit-tnaqqis tal-piżijiet amministrattivi u li r-riżorsi jiġu allokati direttament lir-riċevituri finali billi jiġu ssimplifikati l-proċeduri biex tissaħħaħ l-aċċessibbiltà għall-atturi ekonomiċi fuq il-post.
86.Jinnota li wara l-valutazzjoni mid-DĠ MOVE, li jiżgura s-superviżjoni tat-tliet Aġenziji, il-prestazzjoni tagħhom tat-tliet Aġenziji fl-2023 (l-EASA, l-EMSA, l-ERA) kienet kompletament allinjata mal-objettivi miftiehma tal-Kummissjoni: l-attivitajiet regolari ta’ monitoraġġ u superviżjoni ma identifikaw l-ebda kwistjoni partikolari li jista’ jkollha impatt materjali fuq l-aċċertament; barra minn hekk, ir-rapporti mill-awdituri esterni u interni ma enfasizzaw l-ebda kwistjoni ewlenija li tista’ tqajjem tħassib addizzjonali għad-DĠ MOVE;
87.Jinnota li fl-2023, l-EASA saħħet b’mod sinifikanti l-kooperazzjoni tagħha mal-organizzazzjonijiet militari fil-kamp ta’ applikazzjoni pprovdut mill-pjan ta’ Azzjoni tal-UE dwar il-mobbiltà militari 2.0 u issa hija mistiedna għal-laqgħat kollha tal-Kumitat tal-Avjazzjoni tan-NATO; jieħu nota tal-approvazzjoni tal-istrateġija ta’ Kooperazzjoni Militari Ċivili tal-Aġenzija – il-prijorità tagħha għal żmien twil – li tappoġġja l-involviment tagħha f’kompiti ta’ ċertifikazzjoni għall-inġenji tal-ajru militari li jirriżultaw minn dawk ċivili bbażati fuq il-kunċett “ċivili kemm jista’ jkun, militari kemm meħtieġ”.
88.Jinnota li fl-2023, l-EMSA kompliet tipprovdi assistenza effettiva ħafna biex tgħin fit-tnaqqis tal-impatt tas-settur tat-trasport marittimu fuq l-ambjent, inkluż permezz tal-involviment tagħha fil-bosta inizjattivi relatati mal-Patt Ekoloġiku Ewropew; jieħu nota b’mod partikolari tal-għarfien espert tekniku li pprovdiet fil-kuntest tar-rieżami tal-Pakkett dwar is-Sikurezza Marittima; ifaħħar l-appoġġ tal-Aġenzija lill-Kummissjoni u lill-Istati Membri fl-adozzjoni finali tal-proposti li saru bħala parti mill-pakkett “Lesti għall-mira ta’ 55 %”, b’mod partikolari dwar l-estensjoni tas-Sistema għall-Iskambju ta’ Kwoti tal-Emissjonijiet (l-ETS) għat-trasport marittimu u r-Regolament FuelEU Maritime; f’dan il-kuntest, japprezza r-riċerka kontinwa tiegħu dwar il-potenzjal ta’ diversi fjuwils alternattivi u l-kunsiderazzjonijiet ta’ sikurezza assoċjati li jirriżultaw mill-adozzjoni u mill-użu ta’ sorsi alternattivi sostenibbli tal-enerġija għall-vapuri; jilqa’ l-adattament tas-sistema THETIS-MRV għar-rekwiżiti tal-leġiżlazzjoni tal-ETS;
99.Jilqa’ l-kooperazzjoni kontinwa u dejjem akbar tal-ħames aġenziji (il-EUROFOUND, is-CEDEFOP. l-ETF, l-EU-OSHA, l-ELA) u l-kondiviżjoni tar-riżorsi bejniethom u ma’ istituzzjonijiet oħra, inklużi aġenziji oħra tal-UE, il-Kummissjoni u l-Parlament;
90.Jistieden lill-Kummissjoni tiżgura użu aħjar tal-għarfien espert tal-Aġenziji (il-EUROFOUND, is-CEDEFOP. l-ETF, l-EU-OSHA, l-ELA) fl-oqsma ta’ politika rilevanti rigward, pereżempju, it-tfassil ta’ rapporti u studji u t-twettiq ta’ riċerka u stħarriġ, li jista’ jippermetti użu aktar effiċjenti tar-riżorsi tal-baġit tal-Unjoni eżistenti meta mqabbel ma’ soluzzjonijiet alternattivi; japprezza l-isforzi tal-ħames aġenziji biex jiżviluppaw aktar il-komunikazzjoni diġitali u online tagħhom bil-għan li jżidu l-viżibbiltà tagħhom u jqajmu kuxjenza dwar il-ħidma b’impatt għoli tagħhom; jisħaq, f’dan ir-rigward, fuq il-potenzjal mhux użat għall-għoti ta’ informazzjoni speċifika u rilevanti u l-istess prodotti ta’ kwalità bħall-konsulenti esterni, meta l-mandati tal-aġenziji jippermettu dan;
91.Jilqa’ l-isforzi tal-aġenziji (il-EUROFOUND, is-CEDEFOP. l-ETF, l-EU-OSHA, l-ELA) biex jimplimentaw politiki dwar id-diversità u l-inklużività, b’mod partikolari fir-rigward tal-persuni b’diżabbiltà; iħeġġeġ lill-aġenziji jtejbu l-ġbir ta’ data komparabbli dwar l-impjieg ta’ persuni b’diżabbiltà; jirrikonoxxi l-progress li sar fi ħdan l-aġenziji biex jilħqu bilanċ bejn il-ġeneri fost il-persunal tagħhom: jappella sabiex isiru aktar sforzi biex jiġi żgurat bilanċ bejn il-ġeneri anke fil-livell tal-maniġment superjuri u biex il-ġeneru jiġi integrat fl-attivitajiet kollha tagħhom;
92.Jinnota li l-isforzi ta’ monitoraġġ tal-baġit matul is-sena finanzjarja 2023 irriżultaw f’rata ta’ implimentazzjoni tal-baġit tal-approprjazzjonijiet ta’ impenn tas-sena attwali b’medja ta’ aktar minn 97 %, bl-eċċezzjonijiet tas-CdT u tal-ELA, li kellhom rati ta’ 89,55 % u 93,72 % rispettivament; jinnota li l-aġenziji li juru l-anqas rata ta’ eżekuzzjoni tal-approprjazzjonijiet ta’ pagament tas-sena attwali huma kif ġej, elenkati f’ordni axxendenti flimkien mal-perċentwali rispettivi tagħhom: l-ESA b’47,61 %, il-Frontex b’55,37 %, l-EU-OSHA bi 68,83 %, l-ACER b’70,69 % u l-ECDC b’71,79 %;
93.Jinnota ż-żieda fil-baġit tal-EUAA fl-2023 minn EUR 168 miljun għal EUR 170 miljun (+0,77 %) u fil-persunal tagħha minn 519 għal 529 (+2 %); itenni r-rwol importanti tal-Aġenzija tal-Unjoni Ewropea għall-Ażil fl-appoġġ lill-Istati Membri fl-implimentazzjoni tas-Sistema Ewropea Komuni tal-Ażil u fil-monitoraġġ tal-implimentazzjoni korretta tagħha; ifakkar li fir-rapport ta’ kwittanza tagħha tal-2022 tal-Aġenzija tal-Unjoni Ewropea għall-Ażil, l-awtorità ta’ kwittanza enfasizzat it-tħassib dwar il-ġestjoni interna u l-proċeduri tal-Aġenzija, filwaqt li nnotat li l-OLAF kien beda investigazzjoni, li issa ġiet konkluża, li allegatament kienet tinvolvi n-nepotiżmu u kwistjonijiet oħra li jaffettwaw il-ġestjoni finanzjarja tagħha; jiddispjaċih li d-direttur eżekuttiv tal-Aġenzija evita li jipprovdi tweġibiet matul is-seduta ta’ smigħ preparatorja dwar il-kwittanza fil-Kumitat CONT; jinsab allarmat li l-Bord tal-Aġenzija jirrifjuta li jiżvela l-kontenut u r-rakkomandazzjoni tal-imsemmi rapport tal-OLAF lill-awtorità ta’ kwittanza; jistieden lill-Aġenzija tagħmel is-sejbiet tar-rapport disponibbli minnufih;
94.Iqis li r-Rapport Finali tal-OLAF (OC-2022-0717) dwar l-EUAA jasal għal konklużjonijiet li joħoqu ħafna tħassib dwar fatti stabbiliti li jpoġġu f’riskju l-istabbiltà, il-governanza u r-reputazzjoni tal-Aġenzija, u b’hekk kellha tittieħed id-deċiżjoni li l-kwittanza lill-Aġenzija fir-rigward tas-sena finanzjarja 2023 tiġi posposta; ifakkar, barra minn hekk, li l-OLAF stabbilixxa u kkwantifika impatt finanzjarju, li ma jistax jiġi rkuprat, li jikkorrobora l-impatt negattiv fuq il-ġestjoni finanzjarja tajba tar-riżorsi tal-aġenzija; jitlob, għalhekk, segwitu komprensiv mill-bord tat-tmexxija li jagħti dettalji dwar il-miżuri kollha meħuda sabiex jiġu kkoreġuti d-dgħufijiet misjuba;
95.Iħeġġeġ lill-Aġenzija tiċċara bis-sħiħ il-kwistjonijiet miftuħa kollha, timplimenta r-rakkomandazzjonijiet tal-OLAF b’mod kredibbli u trasparenti u tistabbilixxi mekkaniżmi robusti ta’ kontroll intern, sorveljanza etika u obbligu ta’ rendikont; jistieden lill-Aġenzija tinforma lill-awtorità ta’ kwittanza dwar kwalunkwe miżura ta’ rimedju meħuda mingħajr dewmien bla bżonn;
Akkwist96.Jinnota bi tħassib li d-dgħufijiet fl-akkwist pubbliku għadhom l-akbar sors ta’ pagamenti irregolari; jenfasizza li l-Qorti għamlet 38 osservazzjoni dwar id-dgħufijiet fl-akkwist pubbliku fl-2023 (meta mqabbla ma’ 41 fl-2022 u 28 fl-2021) Ir-rapport tal-QEA, p. 37. Huma biss l-osservazzjonijiet li jirreferu għall-parti tal-aġenziji ta’ din ir-riżoluzzjoni.; iħeġġeġ lill-aġenziji jintroduċu miżuri biex jiżguraw rispett sħiħ tar-regolamenti dwar l-akkwist u l-prinċipji tat-trasparenza, tal-kompetizzjoni u tal-kosteffettività; ifakkar fil-ħtieġa ta’ programmi ta’ taħriġ regolari għall-persunal dwar il-ġestjoni finanzjarja, ir-regoli tal-akkwist u l-prevenzjoni tal-frodi; jitlob miżuri ta’ obbligu ta’ rendikont aktar stretti li jiżguraw li kwalunkwe defiċjenza persistenti twassal għal azzjonijiet korrettivi mmirati u konsegwenzi għal nuqqas ta’ konformità ripetut;
97.Jinnota li, skont il-Qorti, 13 Osservazzjonijiet mis-snin preċedenti li jaffettwaw il-pagamenti fl-2023: EASA EUR 1,6 miljun; EIGE EUR 59 600; ELA EUR 1,32 miljun u bażi għal opinjoni kwalifikata; ETF żewġ osservazzjonijiet EUR 175 500 u EUR 300 600; Eurojust EUR 59 300; EUAA EUR 123 800; eu-LISA 3 osservazzjonijiet EUR 7,7 miljun, EUR 1,8 miljun, EUR 0,4 miljun, u bażi għal opinjoni kwalifikata; CEPOL EUR 85 000; CdT żewġ osservazzjonijiet EUR 17 300 u EUR 257 200. mill-osservazzjonijiet dwar id-dgħufijiet li jwasslu għal pagamenti irregolari fl-2023 jirreferu għal irregolaritajiet identifikati u msemmija f’awditi preċedenti; jinnota li għall-25 osservazzjoni li jifdal, disa’ affettwaw il-pagamenti u s-16 l-oħra ma wasslux għal pagamenti irregolari fl-2023; jinnota li l-osservazzjonijiet tas-sena li ma affettwawx il-pagamenti huma relatati mal-aġenziji ACER, EBA, eu-LISA, ESMA, EMSA, ENISA, ERA, EIGE, ECDC, EEA, EUDA, EUAA u CEPOL; jieħu nota tat-tweġibiet tal-Aġenziji u jistedinhom jieħdu miżuri biex jikkoreġu d-dgħufijiet identifikati u jirrapportaw lura lill-awtorità ta’ kwittanza dwar l-azzjonijiet meħuda biex jindirizzawhom;
98.Jiġbed l-attenzjoni għad-disa’ osservazzjonijiet tas-sena magħmula mill-Qorti li jaffettwaw il-pagamenti; jinnota li fil-każ tal-ENISA, tal-eu-LISA, kif ukoll tal-ELA, l-irregolaritajiet identifikati, flimkien ma’ dawk identifikati f’awditi preċedenti li rriżultaw f’pagamenti tal-2023 (għall-eu-LISA u għall-ELA biss), jiffurmaw il-bażi għal opinjoni kwalifikata mill-Qorti u ġew deskritti taħt l-intestatura “Ħarsa ġenerali lejn ir-riżultati tal-awditjar” ta’ din ir-riżoluzzjoni;
99.Josserva li l-osservazzjonijiet li jifdal tas-sena li jaffettwaw il-pagamenti jirreferu għas-CdT, għall-EIGE, għall-EFCA, għall-ERA u għall-EU-OSHA b’osservazzjoni waħda għal kull aġenzija, bl-eċċezzjoni tal-aġenzija tal-aħħar li għandha tnejn; jinnota li r-raġuni għall-osservazzjoni, kif ukoll it-tweġiba tal-aġenziji għall-osservazzjoni tal-Qorti għandhom it-tqassim li ġej:- –Fil-każ tas-CdT, l-osservazzjoni tirreferi għall-użu żbaljat tal-proċedura ta’ għoti dirett minflok it-tnedija ta’ proċedura kompetittiva bbażata fuq stima tal-ispejjeż futuri, li tirriżulta f’pagamenti irregolari fil-qafas ta’ dawn il-kuntratti li fl-2023 ammontaw għal EUR 25 800; jieħu nota tat-tweġiba tas-CdT li se jorganizza proċeduri kompetittivi simplifikati għas-servizzi ta’ manutenzjoni li jkunu jiswew aktar minn EUR 1 000;
- –Fil-każ tal-ERA, l-osservazzjoni hija relatata mal-iffirmar ta’ kuntratt speċifiku mingħajr ftuħ mill-ġdid tal-kompetizzjoni kif meħtieġ mill-kuntratt qafas li wassal għal total ta’ EUR 254 400 ta’ pagamenti b’rabta ma’ dan il-kuntratt; jinnota t-tweġiba tal-ERA li mill-2024 l-aġenzija bdiet tapplika l-ftuħ mill-ġdid tal-kompetizzjoni tagħha stess għas-servizzi inkwistjoni;
- –L-osservazzjoni tal-EIGE tirreferi għall-applikazzjoni żbaljata ta’ kontrolli ex ante li jaqbżu l-limitu massimu tal-kuntratt qafas, u applikazzjoni żbaljata tar-rati ta’ kuljum li rriżultat f’pagamenti irregolari ta’ EUR 76 500; jinnota li l-EIGE se jiżgura implimentazzjoni xierqa tal-kuntratti qafas interistituzzjonali b’attenzjoni għall-kuntratti relatati mar-riżorsi umani;
- –L-EFCA użat kuntratt qafas interistituzzjonali għall-forniment ta’ arranġamenti tal-ivvjaġġar lil hinn mill-ambitu tagħha għall-akkwist ta’ servizzi ta’ organizzazzjoni ta’ avvenimenti u l-pagamenti assoċjati tal-2023 ta’ EUR 257 300 kienu irregolari; jinnota li skont l-EFCA, l-aġenzija sabet sitwazzjonijiet mhux mistennija li jwasslu għal dewmien proċedurali u se tiżviluppa bħala azzjoni korrettiva pjan ta’ kontinġenza biex jittaffa l-impatt ta’ avvenimenti mhux mistennija;
- –L-EU-OSHA għandha żewġ osservazzjonijiet:
- 1)Irregolaritajiet fl-għoti ta’ tliet proċeduri nnegozjati ma’ operatur ekonomiku wieħed, mingħajr il-pubblikazzjoni ta’ avviż ta’ kuntratt li skont il-Qorti ma ssodisfax il-kundizzjonijiet stabbiliti fil-punt 11.1(c) tal-Anness I tar-Regolament Finanzjarju u li fl-2023 wassal għal EUR 67 100 f’pagamenti irregolari; jieħu nota tat-tweġiba tal-EU-OSHA li kienet f’sitwazzjoni ta’ urġenza estrema u ma kellha l-ebda għażla vijabbli oħra biex tiżgura l-kontinwità tal-operat;
- 2)Żewġ kuntratti mogħtija direttament irriżultaw f’pagamenti irregolari ta’ EUR 29 700; jinnota li dawn il-kuntratti kellhom jiġu kkombinati fi proċedura kompetittiva waħda peress li kienu għal servizzi kważi identiċi, bi ksur tal-Artikolu 160 tar-Regolament Finanzjarju, li jipprojbixxi l-qsim tal-kuntratti; jinnota li l-EU-OSHA se ttejjeb id-dokumentazzjoni tal-prospetti tas-suq tagħha u tesplora għodod alternattivi ta’ akkwist;
100.Itenni r-rakkomandazzjoni tal-Qorti li, meta jimplimentaw kuntratti qafas, l-aġenziji kkonċernati għandhom jużaw biss kuntratti speċifiċi biex jakkwistaw prodotti jew servizzi koperti mill-kuntratt qafas assoċjat; itenni wkoll ir-rakkomandazzjoni tal-Qorti li l-aġenziji kkonċernati għandhom jiżguraw ukoll li jikkonformaw mar-regoli stabbiliti fir-Regolament Finanzjarju għall-modifika tal-kuntratti eżistenti, li l-kuntratti speċifiċi jiddefinixxu l-kwantitajiet tal-prezzijiet u ż-żminijiet għall-konsenja u li l-implimentazzjoni tal-kuntratti tkun soġġetta għal kontrolli adegwati relatati ma’ dawn l-elementi ewlenin;
101.Ifakkar fl-importanza li l-proċeduri ta’ akkwist pubbliku kollha jiżguraw oġġetti u servizzi ta’ kwalità, kompetizzjoni ġusta bejn l-offerenti u li l-oġġetti u s-servizzi li jiġu akkwistati jkunu dawk l-aktar vantaġġjużi ekonomikament, filwaqt li jagħtu preferenza lill-kumpaniji Ewropej fuq kumpaniji mhux Ewropej u filwaqt li jiġu rrispettati l-prinċipji tat-trasparenza, tal-proporzjonalità, tat-trattament indaqs u tan-nondiskriminazzjoni;
102.Jinsisti fuq il-ħtieġa li tissaħħaħ il-kooperazzjoni fl-akkwist bejn l-EUAN u l-Kummissjoni Ewropea;
103.Jenfasizza l-importanza li tissaħħaħ id-diġitalizzazzjoni fi ħdan l-aġenziji, kemm għall-operazzjonijiet interni u għall-ġestjoni, kif ukoll għall-aċċellerazzjoni tad-diġitalizzazzjoni proċedurali; jenfasizza l-ħtieġa li wieħed jibqa’ proattiv; jappoġġja, f’dan ir-rigward, aktar investimenti fl-għodod diġitali u l-innovazzjoni biex jittejbu l-kompiti proċedurali, kif ukoll biex jiġi evitat distakk diġitali bejn l-aġenziji;
Il-politika dwar il-persunal, l-ugwaljanza bejn il-ġeneri, l-inklużjoni, il-kunflitt ta’ interess u l-prevenzjoni tal-frodi104.Jinnota li, fl-2023, it-33 aġenzija deċentralizzata rrapportaw li jimpjegaw total ta’ 10 580 membru tal-persunal (meta mqabbel ma’ 10 146 fl-2022), li jinkludu uffiċjali, aġenti temporanji, aġenti kuntrattwali u esperti nazzjonali sekondati (SNEs), li jirrappreżentaw żieda ta’ 4,27 % meta mqabbel mal-2022;
105.Jinnota li ġew irreġistrati każijiet ta’ burnout (b’kollox 25) f’sitt aġenziji, jiġifieri l-EASA (ħames każijiet), l-EEA (erba’ każijiet), l-EFCA (każ wieħed), l-EFSA (żewġ każijiet), l-EMA (għaxar każijiet) u l-Europol (tliet każijiet); jinnota madankollu, li mhux l-aġenziji kollha, inklużi l-ECDC, l-ECHA, l-EMSA, l-ENISA, l-ERA, l-FRA, il-Frontex, jiġbru data relatata ma’ każijiet ta’ burnout minħabba l-protezzjoni tad-data; jesprimi t-tħassib tiegħu dwar in-nuqqas ta’ ġbir ta’ data medika peress li din hija importanti sabiex jiġi segwit il-benesseri mentali tal-persunal tal-aġenziji; iħeġġeġ lill-aġenziji jieħdu azzjoni immedjata biex jindirizzaw l-għadd dejjem jikber ta’ każijiet ta’ burnout fost il-persunal; jinnota li fl-2022 diversi impjegati għamlu s-sahra fi 19-il aġenzija (13 fl-2021); jinnota b’mod partikolari li għadd kbir ta’ impjegati għamlu s-sahra fl-EFSA (81 % tal-persunal) u l-Eurofound (97 % tal-persunal); ifakkar, f’dan ir-rigward, fl-importanza li tiġi żviluppata politika fit-tul dwar ir-riżorsi umani, inklużi strutturi ta’ appoġġ għas-saħħa mentali, li tiżgura approċċ komprensiv għall-bilanċ bejn ix-xogħol u l-ħajja privata, inklużi dispożizzjonijiet għat-telexogħol u l-iżvilupp tal-karriera; jisħaq, barra minn hekk, fuq l-importanza li jiġu ssalvagwardjati s-saħħa mentali u l-benesseri tal-persunal;
106.Jinnota li d-Direttur tal-EIT, waqt li tkellem f’isem in-Network tal-Aġenziji tal-UE, fl-4 ta’ Diċembru 2024, matul il-laqgħa tal-Kumitat għall-Kontroll tal-Baġit, qabel li jwettaq riċerka dwar it-tipi ta’ kuntratti għall-persunal tat-tindif li jaħdem fl-aġenziji deċentralizzati; jitlob lin-Network tal-Aġenziji tal-UE jinforma lill-awtorità ta’ kwittanza dwar it-tipi ta’ kuntratti tal-persunal tat-tindif li jaħdem fl-aġenziji deċentralizzati, inkluż il-proporzjon ta’ kuntratti fit-tul u fuq terminu qasir;
107.Jappoġġja l-isforzi kontinwi tal-Frontex biex issaħħaħ lill-uffiċjal għad-drittijiet fundamentali tagħha, filwaqt li jinnota r-reklutaġġ ta’ 46 Osservatur tad-Drittijiet Fundamentali fl-2023; jisħaq fuq l-importanza li jiġi żgurat li l-Osservaturi tad-Drittijiet Fundamentali kollha jiġu reklutati fil-grad AD, biex ikomplu jissaħħu l-kapaċità u l-indipendenza tagħhom; jirrikonoxxi li l-Frontex ħadet passi sinifikanti biex twieġeb għall-opinjonijiet tal-uffiċjal għad-drittijiet fundamentali, b’mod partikolari dwar kwistjonijiet bħall-integrazzjoni tal-perspettiva tal-ġeneri u t-traffikar tal-bnedmin;
108.Jinnota bi tħassib li, fl-2023, ir-rata tad-dawran tal-persunal kienet aktar minn 5 % fi 18 minn 33 aġenzija (jiġifieri s-Cedefop, is-CEPOL, l-EBA, l-EFCA, l-EIGE, l-EIOPA, l-EIT, l-ELA, l-EUDA, l-EUAA, l-eu-LISA, il-Eurofound, il-Eurojust, il-Europol, l-EUSPA), u li tlieta minnhom qabżu r-rata ta’ 10 % (jiġifieri l-Uffiċċju tal-BEREC, is-CdT, il-Eurojust); ifaħħar lill-aġenziji li ħadu miżuri li għandhom l-għan li jipprevjenu rati għoljin ta’ dawran tal-persunal; jenfasizza l-importanza li l-aġenziji kollha jimplimentaw miżuri bil-ħsieb li jtejbu l-ġestjoni u ż-żamma tat-talent; jistrieħ fuq l-EUAN biex ikun forum għall-aġenziji membri tiegħu fir-rigward tal-iskambju ta’ prattiki tajba u, meta jkun possibbli, jagħmel ħidma kollettiva f’dan ir-rigward; jistieden lill-Kummissjoni tappoġġja b’mod attiv lill-aġenziji fir-reklutaġġ tal-għarfien espert meħtieġ biex iwettqu l-mandati tagħhom, filwaqt li tinkoraġġixxi kooperazzjoni aktar mill-qrib mal-universitajiet u ma’ istituzzjonijiet rilevanti oħra;
109.Jenfasizza li l-bilanċ ġeografiku għadu sfida għal diversi aġenziji li għalihom perċentwali konsiderevoli tal-membri tal-persunal kumplessiv tagħhom huma ċittadini tal-Istat Membru fejn jinsabu l-aġenziji;
110.Jirrikonoxxi li l-attrazzjoni tat-talent u l-iżgurar ta’ forza tax-xogħol ġeografikament diversa huma marbuta mal-ispeċifiċitajiet individwali tal-aġenziji (eż. il-post, l-infrastruttura, l-edukazzjoni, il-qasam tal-politika), kif ukoll ma’ fatturi esterni li jillimitaw (eż. kompetizzjoni mas-settur privat, inċertezza tax-xogħol minħabba kuntratti fuq żmien qasir, koeffiċjenti ta’ korrezzjoni baxxi); jinnota b’apprezzament mir-rapport ta’ segwitu tal-EUAN għall-kwittanza għall-2021, l-azzjonijiet meħuda mill-EUAN biex jirrimedja n-nuqqas ta’ attrazzjoni u jtejjeb ir-rappreżentattività tal-persunal tal-aġenziji f’termini ta’ età, ġeneru u oriġini ġeografika;
111.Ifakkar li l-aġenziji li jinsabu f’pajjiżi b’koeffiċjent ta’ korrezzjoni relattivament baxx qed jiffaċċjaw sfidi kontinwi biex jattiraw persunal ikkwalifikat u ġeografikament divers; jistieden lill-Kummissjoni tanalizza din il-kwistjoni flimkien mal-Istat Membru rispettiv u tikkunsidra l-użu ta’ inċentivi ekonomiċi biex tgħin sabiex il-problema tittaffa; ifakkar, barra minn hekk, li l-koeffiċjent ta’ korrezzjoni jqiegħed fil-prattika l-prinċipju ġenerali ta’ trattament ugwali;
112.Jenfasizza li xi aġenziji jagħmlu użu estensiv minn konsulenti esterni, prinċipalment fil-qasam tal-ICT iżda wkoll fl-oqsma tan-negozju ewlieni tagħhom, li jikkostitwixxu partijiet sinifikanti tal-baġit operattiv tagħhom (eż. l-ACER, l-ETF, l-ELA, eċċ.); jistieden lill-aġenziji kollha jagħtu prijorità lill-persunal permanenti fuq il-konsulenti esterni u l-persunal bil-kuntratt, sabiex jiġu ggarantiti kundizzjonijiet tax-xogħol ta’ kwalità għolja, u għall-prevenzjoni tat-telfien tal-għarfien u l-esperjenza; jistieden, barra minn hekk, lill-aġenziji jipprevjenu l-inċertezza tal-impjiegi minħabba kuntratti fuq terminu qasir u jagħtu prijorità lill-impjiegi fit-tul; jappella, f’dan ir-rigward, għall-flessibbiltà għall-aġenziji biex jikkonvertu karigi ta’ esperti nazzjonali sekondati (ENS) f’karigi ta’ aġenti temporanji, filwaqt li jiżguraw iż-żamma tal-għarfien espert, il-funzjonalità operattiva u l-kontinwità tal-operat; jinsisti wkoll li tiġi evitata l-esternalizzazzjoni tal-kompiti għall-konsulenzi meta l-għarfien ikun disponibbli internament;
113.Jirrikonoxxi l-progress li sar fi ħdan l-aġenziji biex jilħqu bilanċ bejn il-ġeneri fost il-persunal tagħhom: jappella sabiex jiġu intensifikati l-isforzi biex jiġi żgurat bilanċ bejn il-ġeneri anke fil-livell tal-maniġment superjuri u biex l-ugwaljanza bejn il-ġeneri tiġi integrata sistematikament fil-politiki, fil-proċeduri u fl-attivitajiet kollha tal-aġenziji;
114.Jistieden lill-Aġenziji jistabbilixxu miri u skedi ta’ żmien ċari biex jinkisbu l-bilanċ bejn il-ġeneri u d-diversità ġeografika fil-maniġment superjuri u fil-korpi tat-teħid tad-deċiżjonijiet, u jirrapportaw b’mod sistematiku dwar il-progress;
115.Jinnota li d-distribuzzjoni tal-ġeneru tjiebet fl-2023 meta mqabbla mal-2022 fil-livell tal-maniġment superjuri u intermedju B’64 % rġiel u 36 % nisa (67 % u 33 %, rispettivament fl-2022). B’54 % rġiel u 46 % nisa (54 % u 46 %, rispettivament fl-2022). u fost il-membri tal-bord maniġerjali Bi 58 % rġiel u 42 % nisa (60 % u 40 %, rispettivament fl-2022).; jinnota li l-bilanċ bejn il-ġeneri rrapportat għall-persunal b’mod ġenerali B’54 % rġiel u 46 % nisa (54 % u 46 %, rispettivament fl-2022). ma nbidilx; iħeġġeġ lill-ACER, lill-Uffiċċju tal-BEREC, lis-Cedefop, lill-ECDC, lill-ECHA, lill-EFSA, lill-EIOPA, lill-EMCDDA, lill-EMSA, lill-ENISA, lill-ERA, lill-eu-LISA, lill-ELA, lill-Europol, lill-EUAA, lill-EUSPA, u lill-Frontex jappoġġjaw lin-nisa meta japplikaw għal-pożizzjonijiet ta’ maniġment; itenni l-appelli tiegħu lill-Kummissjoni u lill-Istati Membri biex josservaw il-bilanċ bejn il-ġeneri meta jinnominaw u jaħtru membri tal-maniġment jew tal-bordijiet amministrattivi; ifakkar fl-ambizzjoni tal-aġenziji li jallinjaw ruħhom mal-Kummissjoni biex jilħqu bilanċ bejn il-ġeneri ta’ 50 % fil-livelli kollha tal-maniġment tagħhom sal-aħħar tal-2025; jistieden lill-aġenziji jkomplu jqisu dawn l-aspetti fir-rigward tar-reklutaġġ futur kollu tal-persunal u jaħdmu lejn it-titjib ulterjuri tal-bilanċ bejn il-ġeneri fil-livell tal-maniġment superjuri;
116.Iħeġġeġ lill-aġenziji deċentralizzati jsaħħu l-politiki dwar l-ugwaljanza bejn il-ġeneri fil-livelli kollha, filwaqt li jiżguraw opportunitajiet indaqs fir-reklutaġġ, fil-progressjoni tal-karriera u fil-kundizzjonijiet tax-xogħol għall-persunal kollu; iħeġġeġ lill-aġenziji kollha jadottaw u jimplimentaw strateġiji robusti ta’ diversità u inklużjoni li jippromwovu l-ġustizzja u l-bilanċ, filwaqt li jiżguraw opportunitajiet indaqs u rappreżentanza tan-nisa u l-minoranzi f’pożizzjonijiet ta’ tmexxija; jistieden lill-aġenziji jiżviluppaw strateġiji komprensivi biex jivvalutaw il-progress u jidentifikaw oqsma għal titjib; ifakkar li l-Parlament se jivvaluta l-konformità ma’ dawn il-prinċipji fil-proċess ta’ kwittanza annwali;
117.Jinnota li l-aġenziji kollha stabbilew miżuri biex itejbu l-benesseri tal-persunal fil-bilanċ bejn ix-xogħol u l-ħajja privata; jinnota li l-għadd u l-impatt ta’ tali miżuri jvarjaw b’sinifikanti minn aġenzija għall-oħra u li ma jidher li jeżisti l-ebda qafas komuni ta’ referenza fost l-aġenziji; jistieden lill-EUAN jikkoordina l-isforzi għall-iżvilupp ta’ qafas komuni ta’ referenza f’dan ir-rigward; jinnota b’sodisfazzjon li l-maġġoranza l-kbira tal-aġenziji stabbilew miżuri għall-integrazzjoni tal-persuni b’diżabbiltà; iħeġġeġ lill-aġenziji jżommu prattiki tajbin tal-benesseri tal-persunal, l-inklużjoni u l-integrazzjoni tal-persuni b’diżabbiltà u jkomplu jindirizzaw il-bilanċ bejn ix-xogħol u l-ħajja privata, kif ukoll it-tagħlim tul il-ħajja u l-iżvilupp tal-karriera; jisħaq fuq l-importanza li jiġu intensifikati l-isforzi biex jinkiseb bilanċ bejn il-ġeneri u bilanċ ġeografiku fost il-persunal istituzzjonali u fil-pożizzjonijiet maniġerjali superjuri; jissottolinja r-rwol utli li l-iskambji tal-aħjar prattika jista’ jkollhom fil-qasam tal-ġestjoni tal-persunal; jistieden lill-aġenziji jipprovdu taħriġ rilevanti u regolari lill-persunal tagħhom;
118.Iħeġġeġ lill-aġenziji kollha jimplimentaw politika għas-salvagwardja tad-dinjità personali u l-prevenzjoni tal-fastidju psikoloġiku u sesswali u jipparteċipaw fit-task force interaġenzjali ta’ konsulenti kunfidenzjali; jitlob, f’dan ir-rigward, l-introduzzjoni ta’ taħriġ preventiv obbligatorju kontra l-fastidju li għandu jiġi segwit mill-impjegati tal-aġenziji tal-UE; jinnota, bi tħassib li, skont it-tweġibiet għall-kwestjonarju standard, l-ENISA kkomunikat lill-awtorità ta’ kwittanza li żewġ inkjesti amministrattivi relatati ma’ allegat fastidju kienu miftuħa fl-2023; barra minn hekk, hija tat l-informazzjoni li waħda minnhom ingħalqet fl-2024 wara li rċeviet rapport finali mill-OLAF; jistenna li l-Aġenzija ssegwi bir-reqqa l-każijiet li għaddejjin bħalissa, kif ukoll tintroduċi miżuri b’saħħithom biex tipprevjeni kwalunkwe każ simili fil-futur; jistieden lill-aġenziji jwettqu rappurtar regolari, permezz tar-rapport ta’ segwitu, dwar il-progress f’dan il-qasam;
119.Jinnota li l-kunflitt ta’ interess perċepit jista’ jikkostitwixxi riskju għar-reputazzjoni tal-aġenzija u li għandu jiġi indirizzat anke jekk jirriżulta li ma jkunx sostanzjat;
120.Iħeġġeġ lill-Aġenziji kollha jkomplu jsaħħu l-prevenzjoni u l-ġestjoni tal-kunflitti ta’ interess, inklużi d-dikjarazzjonijiet sistematiċi tal-interessi mill-maniġment superjuri, l-esperti esterni u l-membri tal-bord tat-tmexxija, ippubblikati b’mod proattiv u aċċessibbli;
121.Jissottolinja l-importanza li tiġi ssalvagwardjata l-indipendenza tal-aġenziji tal-UE minn influwenza mhux xierqa tal-industrija biex tinżamm il-fiduċja pubblika fit-teħid tad-deċiżjonijiet tagħhom; jesprimi tħassib dwar in-nuqqasijiet regolatorji u l-kunflitti ta’ interess potenzjali fi ħdan ċerti aġenziji; jenfasizza kwistjonijiet relatati ma’ rabtiet mill-qrib mal-industrija u rapporti ta’ influwenza indebita, b’mod partikolari permezz ta’ revolving doors bejn l-istituzzjonijiet pubbliċi u l-kumpaniji privati; jisħaq fuq il-ħtieġa ta’ trasparenza akbar, mekkaniżmi ta’ sorveljanza aktar b’saħħithom u impenn sod biex tingħata prijorità lis-saħħa u s-sikurezza pubblika fuq l-interessi finanzjarji;
122.Jinnota li, għall-2023, il-Qorti ma rrapportat l-ebda każ ewlieni ta’ kunflitt ta’ interess bl-eċċezzjoni tal-Frontex u tal-EMCDDA;
123.Iqis li bħalissa, il-biċċa l-kbira tal-aġenziji għandhom proċeduri robusti u komprensivi stabbiliti biex iqajmu kuxjenza u jipprevjenu l-kunflitti ta’ interess, filwaqt li jagħtu l-aċċertament meħtieġ tal-indipendenza tal-membri tal-persunal tagħhom lill-partijiet ikkonċernati u lill-pubbliku;
124.Jinnota b’sodisfazzjon il-kollaborazzjoni b’saħħitha mal-Aġenziji tal-Ġustizzja u l-Affarijiet Interni, b’mod partikolari l-konklużjoni ta’ arranġament ta’ ħidma ġdid mal-Uffiċċju Ewropew ta’ Kontra l-Frodi (OLAF), il-ftuħ ta’ 15-il każ ġdid fejn il-Eurojust appoġġjat lill-Uffiċċju tal-Prosekutur Pubbliku Ewropew (UPPE), kif ukoll il-kooperazzjoni dwar 42 każ mal-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol), jisħaq li l-Eurojust u l-Europol nedew proġett pilota għall-iskambju sistematiku u strutturali ta’ data għall-finijiet ta’ detezzjoni tal-links, li se jiġi rieżaminat fl-ewwel nofs tal-2024; jilqa’ l-Pjan ta’ Azzjoni Eurojust-OLAF 2022-2023 għall-ġlieda kontra r-reati li jaffettwaw l-interessi finanzjarji tal-Unjoni Ewropea;
Kontroll intern125.Jinnota bi tħassib is-sejbiet tal-Qorti fil-qasam tas-sistemi ta’ ġestjoni u ta’ kontroll li jaffettwaw 9 aġenziji, jiġifieri l-EMA, il-Europol, l-EUSPA, il-Eurofound, l-EIT, il-Eurojust, l-ACER, l-ENISA u l-EEA;
126.Jenfasizza li fil-każ tal-Europol u tal-EIT, fl-2023, tnejn minn tliet osservazzjonijiet irriżultaw f’pagamenti irregolari;
127.Ifakkar li fl-2022, il-Qorti sabet li l-Europol kienet irrimborżat b’mod irregolari l-VAT permezz ta’ għotjiet lill-awtoritajiet pubbliċi billi qisitha bħala spiża eliġibbli u li fl-2023 ir-rimborż għal dan il-kunċett kien jammonta għal EUR 279 900; jilqa’ d-deċiżjoni tal-Europol li ma tibqax tikkunsidra l-VAT bħala spiża eliġibbli għal għotjiet operazzjonali ġodda;
128.Jinnota li fil-każ tal-EIT, waħda mill-osservazzjonijiet tifforma l-bażi għal opinjoni kwalifikata dwar il-legalità u r-regolarità tal-pagamenti sottostanti għall-kontijiet li ġew deskritti taħt l-intestatura “Ħarsa ġenerali lejn ir-riżultati tal-awditjar” ta’ din ir-riżoluzzjoni;
129.Huwa mħasseb li t-tieni osservazzjoni tal-Qorti dwar l-EIT tirreferi għall-bidla tal-aġenzija għal struttura ta’ ftehim ta’ għotja pluriennali, iżda l-proċeduri u l-linji gwida għall-kontrolli ex post tal-pagamenti ta’ għotjiet ma ġewx aġġornati biex iqisu l-implikazzjonijiet; jilqa’ l-fatt li l-EIT diġà jinsab fil-proċess li jaġġorna l-mekkaniżmu ta’ kontroll ex post tiegħu biex jindirizza dawn l-implikazzjonijiet;
130.Huwa konxju li matul l-ewwel trimestru tal-2023, l-EMA wettqet migrazzjoni tad-data iżda ma rrispettatx l-iskadenzi għal 48 spezzjoni veterinarja, li rriżulta f’dewmien sinifikanti fil-ħruġ tal-fatturi mhux irrapportat fir-reġistru tal-eċċezzjonijiet u dħul riżervat b’mod żbaljat; jinnota li dan imur kontra r-regolament finanzjarju tal-EMA u jiżvela dgħufija fis-sistemi ta’ ġestjoni u ta’ kontroll tagħha; jieħu nota tal-għan tal-EMA li ttejjeb il-proċess fil-kuntest tal-implimentazzjoni tar-Regolament dwar it-Tariffi l-Ġodda;
131.Jinnota li l-Eurofound għamlet pagament ta’ EUR 38 600, marbut ma’ kuntratt għall-valutazzjoni tal-kwalità tad-data tal-istħarriġ mingħajr ma ġabret xi dokumenti ġustifikattivi ewlenin relatati mar-riżultati kuntrattwali;
132.Jinnota li, fl-2023, il-Eurojust osservat żieda fit-tranżazzjonijiet mhux standard ikklassifikati bħala eċċezzjonijiet jew avvenimenti ta’ nuqqas ta’ konformità, bl-għadd jikber minn 43 għal 71 u l-ammont totali kkonċernat jiżdied minn EUR 294 000 għal EUR 566 400 meta mqabbel mal-2022; jirrikonoxxi r-rispons tal-Eurojust għall-osservazzjoni li tattribwixxi l-maġġoranza tal-avvenimenti ta’ nuqqas ta’ konformità totali fl-2023 għal avveniment wieħed għal għotja fir-rigward tal-Iskwadra ta’ Investigazzjoni Konġunta (JIT); jieħu nota li skont l-Aġenzija, iż-żieda hija primarjament dovuta għal riżorsi umani insuffiċjenti u ineffiċjenzi fil-proċess intern u jilqa’ l-fatt li l-Eurojust indirizzat il-kwistjoni billi rrevediet il-proċedura attwali għar-reġistrazzjoni u għar-rapportar ta’ avvenimenti ta’ nuqqas ta’ konformità fl-2024;
133.Jinnota li d-direttur eżekuttiv tal-EUSPA kien ikkonferma bidu bikri għall-attivitajiet ta’ monitoraġġ qabel l-iffirmar ta’ ftehim ta’ għotja, li rriżulta fit-twettiq ta’ attivitajiet mingħajr impenn baġitarju; jenfasizza li dan ma ġiex irrapportat fir-reġistru tal-eċċezzjonijiet jew fir-rapport annwali tal-attività, li jmur kontra r-Regolament Finanzjarju; jinnota li l-EUSPA targumenta li ma kienx hemm bżonn li jiġi rreġistrat il-bidu bikri tal-attivitajiet mingħajr impenn baġitarju fir-Reġistru tal-Eċċezzjonijiet iżda tirrikonoxxi li l-każ ma ġiex irrapportat fir-rapport annwali tal-attività kif meħtieġ;
134.Jieħu nota tal-ħatra mill-ACER ta’ uffiċjal tal-kontabbiltà ġdid, li kien ukoll il-mexxej tat-tim tal-baġit, tal-finanzi u tad-dipartiment tal-akkwist, bi ksur tar-regolament finanzjarju tal-ACER li jirrikjedi segregazzjoni tad-dmirijiet għall-uffiċjali awtorizzanti u għall-uffiċjali tal-kontabbiltà; huwa konxju li mill-1 ta’ Mejju 2024 seħħet riorganizzazzjoni, u l-kap tat-tim tal-Baġit, tal-Finanzi u tal-Akkwist tneħħewlha d-dmirijiet ta’ tmexxija tat-tim tagħha;
135.Jinnota li f’Settembru 2023, id-Direttur Eżekuttiv tal-ENISA ppermetta lil 15-il membru tal-persunal interim jassumu rwoli fiċ-ċirkwit finanzjarju mingħajr approvazzjoni minn qabel, bi ksur tar-regolamenti; huwa konxju li skont it-tweġiba tal-aġenzija, l-ENISA kienet qed tuża aġenti interim u SNEs minħabba l-ħtiġijiet tan-negozju u n-nuqqas ta’ riżorsi, u se tfittex li tidderoga mir-regoli finanzjarji jekk in-nuqqas ta’ riżorsi jippersisti;
136.Jinnota, barra minn hekk, li l-Uffiċjal tal-Kontabbiltà tal-ENISA nħatar ukoll bħala l-Koordinatur tal-Kontroll Intern, li huwa kuntrarju għar-regolamenti li jistipulaw is-segregazzjoni tad-dmirijiet; jieħu nota tar-rikonoxximent mill-ENISA tal-osservazzjoni, iżda jqis ir-rwoli tal-Koordinatur tal-Kontroll Intern u tal-Uffiċjal tal-Kontabbiltà mhux neċessarjament inkompatibbli peress li l-Uffiċjal Awtorizzanti ma kien iddelega l-ebda setgħa lill-Koordinatur tal-Kontroll Intern; jilqa’ l-fatt li l-ENISA se tiċċara r-rwoli u r-responsabbiltajiet tal-Koordinatur tal-Kontroll Intern fil-proċessi interni tagħha; jappella sabiex il-Parlament Ewropew jiġi infurmat dwar il-progress inkwistjoni qabel it-30 ta’ Ġunju 2025;
137.Josserva li l-EEA approvat pagamenti ta’ għotjiet ta’ somma f’daqqa mingħajr ma setgħet turi kif ġie kkalkolat l-ammont, u dan joħloq riskju li ma kienx proporzjonat mas-servizzi pprovduti; jieħu nota li l-EEA tqis li d-deċiżjoni bil-miktub dwar il-ħlas ta’ somma f’daqqa hija konformi bis-sħiħ mal-klawżoli rilevanti tar-Regolament Finanzjarju; jisħaq li l-Aġenzija se tiżgura li l-ammonti ta’ somma f’daqqa jiġu ddeterminati u dokumentati kif xieraq għal każijiet fejn l-ispejjeż jiġu ddikjarati minn kumpanija magħmula minn persuna waħda/sieħeb li jaħdem għal rasu fl-ETCs (Ċentri Tematiċi Ewropej) Iċ-Ċentri Tematiċi Ewropej (ETCs) huma konsorzji ta’ organizzazzjonijiet f’pajjiżi membri taż-ŻEE b’għarfien espert f’oqsma ambjentali speċifiċi, imqabbda mill-EEA biex jappoġġjaw l-implimentazzjoni tal-programmi ta’ ħidma tal-EEA.;
138.Jieħu nota li l-EEA esternalizzat kontrolli finanzjarji ex ante lil kuntrattur estern u li l-Qorti sabet nuqqasijiet fl-arranġamenti ta’ kontroll; jinnota li b’rispons għal dan, l-EEA rrikonoxxiet l-osservazzjoni tal-Qorti u se taġġorna l-proċeduri għal kontrolli ex ante biex tiżgura li dan ir-riskju jiġi indirizzat;
139.Jistieden lill-aġenziji jimplimentaw minnufih u sistematikament l-osservazzjonijiet tal-Qorti u jieħdu miżuri korrettivi konkreti biex jindirizzaw id-dgħufijiet identifikati fil-qafas ta’ kontroll intern; iħeġġeġ l-istabbiliment ta’ miżuri ta’ obbligu ta’ rendikont aktar stretti, li jiżguraw li kwalunkwe defiċjenza persistenti twassal għal azzjonijiet korrettivi mmirati u konsegwenzi għal nuqqas ta’ konformità ripetut;
Ċibersigurtà, etika u trasparenza140.Jiġbed l-attenzjoni għall-ħtieġa li jittieħdu l-miżuri ta’ sigurtà kollha meħtieġa biex tiġi ssalvagwardjata l-integrità online tal-informazzjoni pproċessata, jinsisti li tiżdied ir-reżiljenza tal-aġenziji għal attakki ċibernetiċi jew tentattivi ta’ infiltrazzjoni li joriġinaw b’mod partikolari mir-Russja jew minn kwalunkwe pajjiż terz ieħor; jissottolinja li l-akkwist konġunt f’dan il-qasam bejn l-aġenziji jista’ jirriżulta fi spejjeż finanzjarji mnaqqsa u riżultati mtejba;
141.Jilqa’ l-kooperazzjoni tal-FRA mal-Aġenzija tal-Unjoni Ewropea għaċ-Ċibersigurtà (ENISA) dwar is-salvagwardja tal-privatezza u l-protezzjoni tad-data matul l-iżvilupp u l-implimentazzjoni ta’ inizjattivi taċ-ċibersigurtà, u mal-eu-LISA dwar il-garanzija li d-disinn u l-użu tas-sistemi tal-IT jaderixxu mal-istandards tad-drittijiet fundamentali.
142.Jinnota li l-aġenziji deċentralizzati tal-Unjoni Ewropea stabbilew diversi mekkaniżmi biex jindirizzaw l-attivitajiet ta’ trasparenza u ta’ lobbjar fl-oqsma ta’ politika rispettivi tagħhom; jissottolinja, madankollu, li, skont il-Qorti, l-aġenziji mhux dejjem jirnexxilhom jiksbu livelli sodisfaċenti ta’ trasparenza u valur għall-flus f’offerti b’regoli u proċeduri tal-akkwist kumplessi Eżempju: L-Awtorità Bankarja Ewropea (EBA) - il-QEA, p. 97; L-Aġenzija Ewropea għas-Sigurtà Marittima (EMSA) - il-QEA, p. 122; Iċ-Ċentru Ewropew għall-Monitoraġġ tad-Droga u d-Dipendenza fuq id-Droga (EMCDDA) - il-QEA, p. 287.; jinnota bi tħassib il-kwistjonijiet li fadal rigward it-trasparenza, li min-naħa tagħhom jaffettwaw il-koerenza, l-effikaċja u fuq kollox l-obbligu ta’ rendikont;
143.Jenfasizza l-progress pożittiv fl-implimentazzjoni tal-miri tad-Drittijiet Fundamentali, inkluża l-eżekuzzjoni kontinwa tal-Pjan ta’ Azzjoni għad-Drittijiet Fundamentali u l-evalwazzjoni indipendenti tal-konformità tal-Aġenzija mal-Qafas tad-Drittijiet Fundamentali, f’konformità mar-Regolament EBCG; jilqa’ s-segwitu proattiv mill-Frontex dwar l-ilmenti relatati mad-drittijiet fundamentali, fejn il-maġġoranza ġiet miċħuda minħabba nuqqas ta’ ammissibbiltà; jilqa’ l-impenn imsaħħaħ tal-Frontex għat-trasparenza u l-obbligu ta’ rendikont;
144.Jenfasizza li, għall-finijiet ta’ ċarezza u trasparenza sħaħ u f’konformità mal-osservazzjoni tal-Qorti, l-aġenziji li jiġbru d-dħul proprju għandhom jiddivulgaw dik l-istess informazzjoni b’mod faċli biex jinftiehem fil-kontijiet annwali finali tagħhom, fir-rapporti annwali konsolidati tal-attività u fid-dokumenti uniċi ta’ programmazzjoni, peress li dawn ir-rapporti jaqdu skopijiet differenti;
145.Jinnota, barra minn hekk, li fl-2023, il-Frontex irrifjutat li tagħti aċċess pubbliku għal rapport mill-Uffiċjal għad-Drittijiet Fundamentali tagħha dwar operazzjoni tal-Frontex fl-Albanija (każ 652/2023/V), li wassal għal investigazzjoni mill-Ombudsman; l-Ombudsman ikkunsidrat li l-Frontex kellha tagħti aċċess għal xi partijiet tar-rapport u l-Frontex aċċettat il-proposta tal-Ombudsman għal soluzzjoni;
146.Jesprimi dispjaċir għall-fatt li l-applikazzjoni tar-Reġistru tat-Trasparenza għal kuntatti esterni mhijiex obbligatorja għall-aġenziji deċentralizzati; jinnota, madankollu, li skont il-Ftehim Interistituzzjonali tal-20 ta’ Mejju 2021 Il-Ftehim Interistituzzjonali tal-20 ta’ Mejju 2021 bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar Reġistru Obbligatorju ta’ Trasparenza bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar reġistru tat-trasparenza obbligatorju, l-aġenziji għandhom il-possibbiltà li jużaw ir-Reġistru tat-Trasparenza fuq bażi volontarja;
147.Iħeġġeġ lill-aġenziji kollha jagħmlu użu minn din il-possibbiltà volontarja u jsegwu l-eżempju tal-eu-LISA u tal-Frontex li huma l-uniċi żewġ aġenziji li qed jirrikjedu li l-kuntatti esterni ta’ partijiet terzi jirreġistraw fir-Reġistru tat-Trasparenza;
148.Jenfasizza li l-firmatarji tal-Ftehim Interistituzzjonali jippromwovu u jħeġġu l-użu tar-Reġistru tat-Trasparenza; ifakkar fit-talba qawwija biex l-aġenziji deċentralizzati kollha jagħmlu użu sħiħ mir-reġistru;
149.Jinnota li l-eu-LISA ffukat fuq iċ-ċibersigurtà u l-ġlieda kontra t-theddid fil-qasam ċibernetiku, b’mod partikolari billi għamlet it-tħejjijiet meħtieġa għall-obbligi li jirriżultaw mir-regolamenti l-ġodda tal-Unjoni dwar is-sigurtà tal-informazzjoni u ċ-ċibersigurtà; jenfasizza li l-eu-LISA topera u żżomm pjattaforma ta’ monitoraġġ tas-sigurtà, pjan għall-inċidenti taċ-ċibersigurtà, playbooks ta’ rispons, u arranġamenti ta’ xogħol stand-by il-ħin kollu biex tiżgura l-identifikazzjoni f’waqtha tat-theddid ċibernetiku u r-rispons għalih; jilqa’ r-rwol tal-eu-LISA fl-appoġġ tal-eżerċizzji taċ-ċibersigurtà bejn l-aġenziji b’kooperazzjoni man-Network tal-Aġenziji tal-ĠAI (JHAAN) In-network tal-aġenziji tal-Ġustizzja u Affarijiet Interni (ĠAI) - in-network jinkludi disa’ aġenziji: is-CEPOL, l-EASO, l-EIGE, l-EMCDDA, l-eu-LISA, il-Eurojust, il-Europol, l-FRA u l-Frontex.; jissottolinja l-importanza li l-aġenziji deċentralizzati jkollhom il-kapaċità sħiħa li jiddefendu lilhom infushom kontra l-attakki ċibernetiċi; jinkoraġġixxi kooperazzjoni aktar mill-qrib bejn eu-LISA u l-aġenziji l-oħra biex jinbena rispons kollettiv aktar reżiljenti kontra ċ-ċiberkriminalità; jisħaq, f’dan ir-rigward, fuq l-importanza li jissaħħu l-miżuri taċ-ċibersigurtà fl-aġenziji kollha, fid-dawl tar-riskji dejjem akbar ta’ theddid ċibernetiku u ksur tad-data; jappella għal investimenti addizzjonali f’infrastruttura tal-IT sigura u taħriġ dwar iċ-ċibersigurtà għall-persunal tal-aġenzija; iħeġġeġ lill-aġenziji jippreżentaw rapport annwali ta’ valutazzjoni tar-riskju għaċ-ċibersigurtà lill-Parlament u lill-Qorti;
150.Iħeġġeġ lill-Frontex tiżgura, mingħajr aktar dewmien, l-implimentazzjoni sħiħa tar-rakkomandazzjonijiet kollha mill-korpi Ewropej tal-awditjar u l-iskrutinju, b’mod partikolari mill-OLAF u dawk mill-Grupp ta’ Ħidma ta’ Skrutinju tal-Frontex tal-Parlament Ewropew, l-Ombudsman Ewropew, il-Qorti, u l-Grupp ta’ Ħidma tal-Frontex dwar id-Drittijiet Fundamentali u l-Aspetti Operattivi Legali tal-Operazzjonijiet (WG FRaLO);
151.Jinnota li l-aġenziji kollha għandhom politika dwar l-informaturi fis-seħħ; jistieden lill-aġenziji kollha biex jiżguraw li jkollhom kanali ta’ rapportar speċifiċi, sikuri u effettivi fis-seħħ f’konformità mar-rekwiżiti rilevanti tad-Direttiva (UE) 2019/1937 tal-Parlament Ewropew u tal-Kunsill dwar il-whistleblowing;
152.Jesprimi ruħu favur l-inklużjoni sistematika ta’ valutazzjonijiet tar-riskju speċifiċi għall-IA fl-awditi interni tal-aġenziji, filwaqt li tiġi żgurata l-konformità mal-linji gwida etiċi u mal-istandards taċ-ċibersigurtà tal-Unjoni; jitlob mandat usa’ tal-ENISA biex tinkludi sorveljanza speċifika tar-riskji relatati mal-użu tal-intelliġenza artifiċjali fi ħdan l-aġenziji tal-UE;