‘1. Faoi réir mhíreanna 2 go 5, comhlíonfaidh na Ballstáit an sprioc líonta de 83 % maidir le hacmhainn chomhiomlán gach saoráide stórála gáis faoi thalamh atá lonnaithe ar chríoch an Bhallstáit féin agus atá idirnasctha go díreach le limistéar margaidh ar a gcríoch agus i gcás na saoráidí stórála a liostaítear in Iarscríbhinn Ib ag am ar bith idir an 1 Deireadh Fómhair agus an 1 Nollaig gach bliain.’;

‘2. D’ainneoin mhír 1 agus gan dochar d’oibleagáidí na mBallstát eile na saoráidí stórála gáis faoi thalamh lena mbaineann a líonadh, beidh sprioc líonta do gach Ballstát ina bhfuil na saoráidí stórála gáis faoi thalamh lonnaithe laghdaithe do thoirt arb ionann í agus 32,28 % den mheántomhaltas bliantúil gáis thar an 5 bliana roimhe sin sa Bhallstát sin.’;

‘5a. D’ainneoin mhír 1 agus gan dochar d’oibleagáid na mBallstát eile na saoráidí stórála gáis faoi thalamh lena mbaineann a líonadh, féadfaidh na Ballstáit a chinneadh imeacht suas le ceithre phointe céatadáin ón sprioc líonta a leagtar amach i mír 1 do gach Ballstát, más rud é go bhfuil dálaí an mhargaidh neamhfhabhrach chun saoráidí stórála gáis faoi thalamh a líonadh.

5b.I gcásanna a bhfuil údar cuí leo ina bhfuil dálaí margaidh atá neamhfhabhrach go leanúnach, agus ar choinníoll nach mbaintear an bonn de shlándáil sholáthar an Aontais agus na mBallstát, tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 19 chun an Rialachán seo a leasú tríd an imeacht ceadaithe do Bhallstáit a mhéadú suas le 4 phointe céatadáin, mar a leagtar síos i mír 5a.

Ina mheasúnú, cuirfidh an Coimisiún san áireamh go háirithe an leibhéal líonta stórála sna Ballstáit, an soláthar domhanda gáis, ionchas soláthair séasúrach ENTSOG, agus tásca cúblála margaidh. Féadfaidh sé bearta na mBallstát a chur san áireamh freisin, amhail bearta chun an t-éileamh ar ghás a laghdú le haghaidh gáis lena mbaintear amach laghduithe coibhéiseacha ar ghás le linn an tséasúir aistarraingthe ina dhiaidh sin.

5c.Féadfaidh na Ballstáit dá dtagraítear i mír 2, faoi na coinníollacha céanna dá bhforáiltear i mír 5a, a chinneadh imeacht suas le 1.55 % faoi bhun an mhéid a leagtar amach i mír 2.

5d.Sula n-úsáidfidh gach Ballstát aon cheann de na himeachtaí dá bhforáiltear i míreanna 5a agus 5c, rachaidh sé i gcomhairle leis an gCoimisiún agus soláthróidh sé údar cuí lena chinneadh gan moill mhíchuí. Cuirfidh an Coimisiún GCG ar an eolas go pras faoi éifeachtaí carnacha na n-imeachtaí uile de bhun mhíreanna 5a agus 5c agus aon Bhallstáit a ndéantar difear díreach dóibh.’;

‘6. Chun an sprioc líonta a bhaint amach, déanfaidh na Ballstáit gach beart is gá agus féachfaidh siad leis an bplean líonta a shainmhínítear i gcomhréir le mír 7 a leanúint.

7. Déanfaidh na Ballstáit a bhfuil saoráidí stórála gáis faoi thalamh acu plean líonta táscach don bhliain féilire iomlán a chur faoi bhráid an Choimisiúin in am trátha chun an sprioc bhliantúil líonta stórála gáis a leagtar amach i mír 1 a bhaint amach. Áireofar sa phlean faisnéis theicniúil maidir leis na saoráidí stórála gáis faoi thalamh atá ar a chríoch agus beidh sé idirnasctha go díreach lena limistéar margaidh i bhfoirm chomhiomlán.’;

‘10. Déanfaidh údarás inniúil gach Ballstáit faireachán leanúnach ar an gcomhlíontacht maidir leis an sprioc líonta mar a leagtar amach i bplean líonta agus tuairisceoidh sé go tráthrialta agus uair sa mhí ar a laghad don choimisiún agus do GCG. Má fhoráiltear nach féidir an sprioc a bhaint amach, déanfaidh an t-údarás inniúil, gan mhoill, bearta éifeachtacha chun an sprioc a bhaint amach. Cuirfidh na Ballstáit an Coimisiún agus GCG ar an eolas maidir leis na Bearta a rinneadh.

11.I gcás ina n-imeoidh Ballstát go suntasach agus go marthanach ón bplean líonta, rud a chuireann comhlíonadh na sprice líonta i mbaol nó i gcás ina n-imeoidh sé ón sprioc líonta, déanfaidh an Coimisiún, i gcás inarb iomchuí, tar éis dó dul i gcomhairle le GCG agus leis na Ballstáit lena mbaineann, moladh a eisiúint don Bhallstát sin nó do na Ballstáit eile lena mbaineann maidir le bearta atá le déanamh láithreach chun an t-imeacht a leigheas nó chun an tionchar ar shlándáil an tsoláthair a íoslaghdú, i bhfianaise inter alia dálaí margaidh neamhfhabhracha a d’fhéadfadh a bheith ann agus sainiúlachtaí na mBallstát, amhail saintréithe teicniúla agus méid na saoráidí stórála gáis faoi thalamh i ndáil leis an tomhaltas gáis intíre, tábhacht laghdaitheach na saoráidí stórála gáis calracha faoi thalamh do shlándáil an tsoláthair gáis, agus an acmhainn stórála GNL atá ann cheana.

11a.I gcás nach gcomhlíonann Ballstát an sprioc líonta a leagtar síos i mír 1, rud a chuireann slándáil sholáthar an Aontais i mbaol, glacfaidh an Coimisiún gníomh cur chun feidhme lena socrófar plean líonta don Bhallstát sin don bhliain ina dhiaidh sin, bunaithe ar an bhfaisnéis theicniúil arna soláthar ag gach Ballstát agus an measúnú ar GCG á chur san áireamh. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 18a(2). Beidh sé bunaithe ar mheasúnú ar staid ghinearálta shlándáil an tsoláthair gáis agus ar fhorbairt ar an éileamh ar ghás agus ar fhorbairt an tsoláthair gáis san Aontas agus i mBallstáit aonair d’fhonn slándáil an tsoláthair gáis a choimirciú.’;

‘1. Déanfaidh na Ballstáit gach beart is gá, chun na spriocanna líonta de bhun Airteagal 6a a chomhlíonadh. Agus comhlíonadh na sprice líonta á áirithiú acu, tabharfaidh na Ballstáit tús áite, i gcás inar féidir, do bhearta margadhbhunaithe.’;

‘2. Beidh na bearta arna nglacadh ag na Ballstáit de bhun mhír 1 teoranta don mhéid is gá chun an sprioc líonta a bhaint amach. Sainmhíneofar na bearta sin go soiléir, agus beidh siad trédhearcach, comhréireach, neamh-idirdhealaitheach agus infhíoraithe. Ní dhéanfaidh siad saobhadh míchuí ar iomaíocht ná ar dhea-oibriú an mhargaidh inmheánaigh sa ghás, ní mhéadóidh siad costais fuinnimh go míchuí agus ní chuirfidh siad slándáil sholáthar gáis na mBallstát eile nó an Aontais i mbaol. Déanfaidh na Ballstáit an Coimisiún agus GCG a chur ar an eolas maidir le haon beart den chineál sin.’;

‘1. Áiritheoidh Ballstát nach bhfuil aon saoráidí stórála gáis faoi thalamh acu go mbeidh socruithe i bhfeidhm ag rannpháirtithe sa mhargadh laistigh den Bhallstát sin le hoibreoirí córais stórála faoi thalamh nó le rannpháirtithe eile sa mhargadh i mBallstáit a bhfuil saoráidí stórála gáis faoi thalamh acu. Forálfar leis na socruithe sin, faoin 1 Nollaig, d’úsáid na dtoirteanna stórála a chomhfhreagraíonn do 15 % ar a laghad dá n-ídiú bliantúil gáis den mheántomhaltas bliantúil gáis thar an 5 bliana roimhe sin sa Bhallstát nach bhfuil socruithe stórála gáis faoi thalamh aige. Mar sin féin, i gcás ina gcuirtear, le hacmhainn tarchurtha trasteorann nó srianta teicniúla eile, cosc ar Bhallstát nach bhfuil aon saoráidí stórála gáis faoi thalamh aige úsáid iomlán a bhaint as 15 % de na toirteanna stórála sin, ní stórálfaidh an Ballstát sin ach na toirteanna sin atá indéanta go teicniúil.’;

Léireoidh na Ballstáit nach bhfuil saoráidí stórála gáis faoi thalamh acu go gcomhlíonfaidh siad le mír 1 agus tabharfaidh siad fógra don Choimisiún dá réir.’;

‘(a) áiritheoidh siad, faoin 1 Nollaig, go gcomhfhreagraíonn toirteanna stórála do mheánúsáid, ar a laghad, na hacmhainne stórála na 5 bliana roimhe sin, arna cinneadh, inter alia, tríd na sreafaí le linn an tséasúir aistarraingthe thar na 5 bliana roimhe sin ó na Ballstáit ina bhfuil na saoráidí stórála lonnaithe; nó’;

‘6. Mura sonraítear a mhalairt in Iarscríbhinn Ib, i gcás saoráidí stórála gáis faoi thalamh atá lonnaithe i mBallstát amháin nach gcumhdaítear le mír 5 ach atá nasctha go díreach le limistéar margaidh Ballstáit eile, áiritheoidh an Ballstát eile sin, idir an 1 Deireadh Fómhair an 1 Nollaig, go gcomhfhreagróidh na toirteanna stórála, ar a laghad, don mheán-acmhainn stórála arna chur in áirithe ag an bpointe trasteorann ábhartha thar an 5 bliana roimhe sin.

‘1. Tuairisceoidh na hoibreoirí córais stórála an leibhéal líonta don údarás inniúil i ngach Ballstát ina bhfuil na saoráidí stórála gáis faoi thalamh lena mbaineann lonnaithe agus, más infheidhme, d’eintiteas arna ainmniú ag an mBallstát sin (‘an t-údarás ainmnithe’) mar a shocraítear de bhun Airteagal 6a

2.Déanfaidh an t-údarás inniúil agus, más infheidhme, eintiteas ainmnithe gach Ballstáit faireachán ar leibhéil líonta na saoráidí stórála gáis faoi thalamh ina gcríocha ag deireadh gach míosa agus tuairisceoidh siad gach mí na torthaí don Choimisiún gan aon mhoill. Cuirfidh an t-údarás inniúil faisnéis san áireamh freisin maidir leis an sciar gáis de thionscnamh Chónaidhm na Rúise atá á stóráil sa Bhallstát sin, i gcás ina bhfuil an fhaisnéis sin ar fáil.

Féadfaidh an Coimisiún, i gcás inarb iomchuí, iarraidh ar Ghníomhaireacht an Aontais Eorpaigh um Chomhar idir Rialálaithe Fuinnimh (ACER) cuidiú le faireachán den sórt sin.’;

‘4. Tabharfaidh GCG cúnamh don Choimisiún leis an bhfaireachán a dhéanfar ar an sprioc líonta, agus forbróidh sé treoraíocht don Choimisiún maidir le bearta leormhaithe chun ailiniú níos fearr a áirithiú i gcás nach gcuireann na Ballstáit bac ar na rátaí líonta a bhaint amach nó chun a áirithiú go gcomhlíonfar an sprioc líonta.

4a.I gcás inarb iomchuí, cuirfidh an Coimisiún bearta chun feidhme a chuidíonn leis na Ballstáit an sprioc líonta a bhaint amach, lena n‑áirítear bearta chun rannpháirtíocht a spreagadh sa sásra um chomhiomlánú éilimh agus ceannach comhpháirteach arna bhunú faoi Rialachán (AE) 2022/2576 (‘AggregateEU’)* .

5.Déanfaidh na Ballstáit agus, i gcás inarb iomchuí, an Coimisiún na bearta is gá chun an sprioc líonta a bhaint amach agus chun na hoibleagáidí stórála a fhorfheidhmiú ar rannpháirtithe sa mhargadh. Féadfar a áireamh ar na bearta sin smachtbhannaí agus fíneálacha atá sách díspreagthach, amhail pionóis leormhaithe airgeadais.

___________________

* Rialachán (AE) 2022/2576 ón gComhairle an 19 Nollaig 2022 lena bhfeabhsaítear an dlúthpháirtíocht trí chomhordú níos fearr a dhéanamh ar cheannacháin gháis, trí thagarmharcanna praghais iontaofa agus trí mhalartuithe gáis thar theorainneacha (IO L 335, 29.12.2022, lch. 1, ELI: http://data.europa.eu/eli/reg/2022/2576/oj).’;

‘(da) an fhaisnéis faoin sciar gáis de thionscnamh Chónaidhm na Rúise a stóráiltear i stórais an Aontais, arna soláthar ag na Ballstáit i gcomhréir le hAirteagal 6d(2).’;

‘Beidh feidhm ag Airteagal 2, pointí (27) go (31), Airteagal 6a go Airteagal 6d, Airteagal 16(3), Airteagal 17a, Airteagal 18a, Airteagal 20(4) agus Iarscríbhinn Ib go dtí an 31 Nollaig 2027.’;