(1)Is díol sásaimh don Aontas infheistíochtaí coigríche toisc go gcuireann siad lena fhás trí fheabhas a chur ar a iomaíochas, trí phoist agus barainneachtaí scála a chruthú, agus trí chaipiteal, teicneolaíochtaí, nuálaíocht agus saineolas a thabhairt isteach leo.

(3)Mar sin féin, luaitear in Airteagal 21(2) CAE go bhfuil sé d’aidhm ag beartais agus gníomhaíochtaí an Aontais a luachanna, a leasanna bunúsacha, a shlándáil, a neamhspleáchas agus a shláine a choimirciú. Tá na prionsabail agus na cuspóirí sin mar bhonn agus mar thaca ag comhbheartas tráchtála an Aontais, mar a leagtar amach in Airteagal 207 CFAE, lena n-áirítear i ndáil le hinfheistíocht choigríche. Sa chomhthéacs sin, leis na gealltanais idirnáisiúnta a rinneadh san Eagraíocht Dhomhanda Trádála (EDT), san Eagraíocht um Chomhar agus Forbairt Eacnamaíochta (ECFE), agus sna comhaontuithe trádála agus infheistíochta a tugadh i gcrích le tríú tíortha, ceadaítear don Aontas agus do na Ballstáit srian a chur ar infheistíochtaí díreacha coigríche (IDCanna) ar fhorais na slándála nó an oird phoiblí, faoi réir ceanglais áirithe.

(4)I gcomhréir le Rialachán (AE) 2019/452 ó Pharlaimint na hEorpa agus ón gComhairle4 tá creat leagtha síos chun go ndéanfaidh na Ballstáit IDCanna isteach san Aontas a scagadh. Go sonrach, leagadh amach sásra comhair leis an Rialachán sin lenar cuireadh ar chumas do na Ballstáit agus don Choimisiún faisnéis a mhalartú faoi IDCanna agus ábhair imní a chur in iúl faoi rioscaí don tslándáil nó don ord poiblí. Leis an sásra comhair sin, cuireadh de cheangal ar an mBallstát ina raibh sé beartaithe IDC den sórt sin a dhéanamh nó ina ndearnadh an IDC sin (an Ballstát óstach) aird chuí a thabhairt ar na barúlacha arna n-eisiúint ag na Ballstáit eile agus ar an tuairim arna heisiúint ag an gCoimisiún ina chinneadh maidir le scagadh.

__________________

4 Rialachán (AE) 2019/452 ó Pharlaimint na hEorpa agus ón gComhairle an 19 Márta 2019 lena gcuirtear ar bun creat maidir le hinfheistíochtaí díreacha coigríche isteach san Aontas a scagadh (IO L 79I, 21.3.2019, lch. 1, ELI: http://data.europa.eu/eli/reg/2019/452/oj).

(8)Tá ionstraim reachtach lena ndéantar foráil maidir le sásra chun IDCanna a scagadh i bhfeidhm i dtromlach mór de na Ballstáit, ach níl ionstraim acu uile. I roinnt mhaith Ballstát, baineann dlíthe náisiúnta le hinfheistíochtaí laistigh den Aontas a scagadh freisin. I measc na mBallstát, tá difríochtaí móra maidir leis an raon feidhme, na tairseacha agus na critéir a úsáidtear chun measúnú a dhéanamh ar cé acu is dócha nó nach dócha go ndéanfaidh infheistíocht difear diúltach don tslándáil nó don ord poiblí. Tá difríochtaí sna próisis scagtha freisin. I mBallstáit áirithe, is féidir an infheistíocht a chur chun feidhme sula mbeidh imréiteach faighte i leith an tionchair ar an tslándáil agus ar an ord poiblí. Mar sin féin, cuireann Ballstáit eile de cheangal ar eintitis gan an infheistíocht a thabhairt chun críche ach amháin tar éis a húdaraithe faoin sásra um scagadh. Le héagsúlachtaí den sórt sin, cruthaítear fadhb d’fheidhmiú rianúil an mhargaidh inmheánaigh. Mar shampla, leis na neamhréireachtaí sin cruthaítear easpa cothroime iomaíochta agus méadaítear costais chomhlíontachta d’infheisteoirí ar gá dóibh fógra a thabhairt faoi idirbhearta i roinnt Ballstát. Cuidíonn an Rialachán seo le príomhghnéithe na sásraí a chuirtear chun feidhme ar an leibhéal náisiúnta a chomhchuibhiú. Tá sé sin ríthábhachtach chun an intuarthacht a áirithiú d’infheisteoirí maidir leis na córais náisiúnta is infheidhme agus lena saintréithe, rud lena laghdaítear na costais chomhlíontachta bhainteacha. Is amhlaidh is ábhartha an méid sin i bhfianaise an ardleibhéil comhtháthaithe sa mhargadh inmheánach, a fhágann go bhféadfadh idirbheart aonair difear a dhéanamh do Bhallstáit éagsúla ar fud an Aontais. Is féidir, mar shampla, i gcás idirbheart arb é is aidhm dó sprioc-chuideachta a fháil i mBallstát amháin, go ndéanann an t-idirbheart sin difear don tslándáil agus don ord poiblí i mBallstáit eile freisin, i ngeall ar struchtúr an tslabhra soláthair nó gnéithe eacnamaíocha eile lena nasctar an sprioc-chuideachta le cuideachtaí eile atá bunaithe i mBallstáit dhifriúla. Chun aghaidh a thabhairt ar na fadhbanna sin a bhaineann leis an margadh inmheánach agus chun comhsheasmhacht agus intuarthacht níos mó a áirithiú, is iomchuí freisin go leagfar síos trí ghníomhaíocht an Aontais na critéir agus na gnéithe a bheidh le húsáid chun measúnú a dhéanamh ar infheistíochtaí coigríche.

(9)Chun cur chuige comhsheasmhach ar fud an Aontais a áirithiú i leith infheistíocht choigríche a scagadh, ba cheart é a chur de cheangal ar na Ballstáit uile infheistíochtaí coigríche a scagadh ar fhorais na slándála nó an oird phoiblí. Dá bhrí sin, ba cheart bunghnéithe na sásraí náisiúnta um scagadh a chomhchuibhiú. Ba cheart go n-áireofaí leis an gcomhchuibhiú sin raon feidhme na n-infheistíochtaí atá le scagadh, tréithe bunriachtanacha an nós imeachta um scagadh, agus an idirghníomhaíocht idir an sásra náisiúnta agus sásra comhair an Aontais lena n-áirítear amlínte comhsheasmhacha le haghaidh nósanna imeachta um scagadh. Ina theannta sin, ba cheart na Ballstáit a bheith in ann raon feidhme a sásra náisiúnta um scagadh a leathnú chun cineálacha infheistíochtaí coigríche eile, infheistíochtaí coigríche in earnálacha eile, sprioc-chuideachtaí breise de chuid an Aontais nó gníomhaíochtaí eacnamaíocha a chuimsiú a measann an Ballstát ábhartha ina leith go bhfuil siad ríthábhachtach dá shlándáil nó dá ord poiblí. I gcás ina ndéanann siad amhlaidh, ba cheart an scagadh sin forálacha an Rialacháin seo a chomhlíonadh freisin. Tá sé bunriachtanach cur chuige comhchuibhithe cuíchóirithe a bhunú ar fud na mBallstát, lena n-áiritheofar go mbeidh infheistíochtaí coigríche, a bhféadfadh impleachtaí a bheith acu don tslándáil agus don ord poiblí, faoi réir grinnscrúdú comhsheasmhach agus cinnteoireacht éifeachtúil. Chuige sin, ba cheart go ndéanfaí castacht riaracháin a íoslaghdú agus moilleanna neamhriachtanacha a sheachaint le sásraí um scagadh agus go gcuirfí acmhainní teoranta fiontar beag agus meánmhéide (FBManna) san áireamh nuair a chuirtear na sásraí sin i bhfeidhm maidir leo. Thairis sin, ba cheart ról comhordúcháin a bheith ag an gCoimisiún chun slándáil níos fearr a áirithiú don Aontas agus neamhéifeachtúlachtaí agus cineálacha cur chuige ilroinnte á n-íoslaghdú ag an am céanna.

(12)Ba cheart an scagadh ar infheistíochtaí coigríche a dhéanamh i gcomhréir leis an Rialachán seo, agus an fhaisnéis fhíorasach uile dá bhfuil ar fáil á cur san áireamh agus ba cheart cloí le prionsabal na comhréireachta agus na prionsabail eile a chumhdaítear leis na Conarthaí leis an scagadh sin. Thairis sin, scagadh na n-infheistíochtaí coigríche a dhéantar trí fhochuideachtaí an infheisteora coigríche atá bunaithe san Aontas, ba cheart na ceanglais a eascraíonn as dlí an Aontais a chomhlíonadh leis an scagadh sin, agus go háirithe forálacha an Chonartha maidir leis an tsaoirse bunaíochta agus saorghluaiseacht chaipitil, mar a léirmhínítear i gcásdlí Chúirt Bhreithiúnais an Aontais Eorpaigh, go comhsheasmhach leis an gcuspóir margadh inmheánach cuimsitheach, athléimneach, oscailte agus feidhmiúil a chaomhnú. Aon srian ar an tsaoirse bunaíochta agus ar an tsaorghluaiseacht chaipitil san Aontas, lena n-áirítear an scagadh agus na bearta a eascraíonn as an scagadh, amhail bearta maolaitheacha agus toirmisc, ba cheart iad a bheith bunaithe ar fhíorbhagairt sách tromchúiseach do leas bunúsach na sochaí, agus ba cheart na srianta sin a bheith iomchuí agus gá a bheith leo mar a leagtar amach i gcásdlí na Cúirte Breithiúnais. An tráth céanna, ba cheart sainiúlachtaí na n-infheistíochtaí laistigh den Aontas arb infheistíochtaí iad a fheidhmítear trí fhochuideachta infheisteora coigríche a chur san áireamh nuair a bheidh measúnú á dhéanamh ar an údar atá le haon srian ar an tsaoirse bunaíochta agus ar an tsaorghluaiseacht chaipitil agus ar chomhréireacht na srianta sin, lena n-áirítear i gcás inarb iomchuí in aon tuairim nó aon chinneadh ón gCoimisiún a ghlacfar de bhun an Rialacháin seo. Ba cheart é sin a dhéanamh agus comhtháthú scéimeanna na mBallstát i sásra comhair uile-Aontais á chur san áireamh.

(14)Is gá freisin go mbeidh an Ballstát óstach níos cuntasaí don Choimisiún agus do na Ballstáit sin a chuireann ábhair imní in iúl a bhfuil údar cuí leo maidir lena n-ord poiblí nó slándáil nó le slándáil nó ord poiblí an Aontais.

(15)Ba cheart an creat coiteann a leagtar amach sa Rialachán seo a bheith gan dochar d’fhreagracht aonair gach Ballstáit as a shlándáil náisiúnta a choimirciú, mar a fhoráiltear in Airteagal 4(2) CAE. Ba cheart é a bheith gan dochar freisin do chosaint leasanna slándála bunriachtanacha na mBallstát i gcomhréir le hAirteagal 346 CFAE.

(17)Déantar infheistíochtaí coigríche i láithreán úrnua i gcás ina gcuireann an t-infheisteoir coigríche nó fochuideachta infheisteora coigríche san Aontas saoráidí nua nó gnóthas nua ar bun san Aontas chun gníomhaíocht eacnamaíoch nua a dhéanamh. Trí shaoráidí nua a chur ar bun, is féidir tionchar a bheith ag infheisteoir coigríche ar an tslándáil agus ar an ord poiblí, lena n-áirítear i gcás ina mbaineann an riosca sin le hionchuir eacnamaíocha bunriachtanacha. Dá bhrí sin, ba cheart do na Ballstáit infheistíochtaí coigríche i láithreán úrnua a chuimsiú i raon feidhme na n-idirbheart a chumhdaítear lena sásraí um scagadh.

(18)Chun próisis scagtha chomhsheasmhacha agus intuartha a áirithiú, is iomchuí tréithe bunriachtanacha na sásraí um scagadh a bheidh le cur chun feidhme ag na Ballstáit a leagan síos. Ba cheart go n-áireofaí ar na tréithe sin, ar a laghad, raon feidhme na n-idirbheart a bheidh faoi réir ceanglas údarúcháin, sprioc-amanna le haghaidh an scagtha, deis a bheith ag gnóthais lena mbaineann an cinneadh maidir le scagadh cúlárach a iarraidh in aghaidh na gcinntí sin agus cumas na n-údarás scagtha aghaidh a thabhairt go héifeachtach ar chásanna neamhchomhlíonta nó imchéimnithe. Ba cheart rialacha agus nósanna imeachta a bhaineann le sásraí um scagadh a bheith trédhearcach agus níor cheart aon idirdhealú a dhéanamh leo idir tríú tíortha. Leis an nós imeachta chun iarraidh ar údarú a chomhdú, ba cheart go n-áiritheofaí nach mbeidh go leor ceanglais chomhlíontachta i gceist leis.

(19)Leis an sásra comhair a leagtar síos i Rialachán (AE) 2019/452, cuirtear ar chumas na mBallstát dul i gcomhar agus cuidiú le chéile i gcás ina bhféadfadh infheistíocht dhíreach choigríche i mBallstát amháin difear a dhéanamh don tslándáil nó don ord poiblí i mBallstáit eile nó san Aontas, nó do thionscadail nó do chláir atá chun leasa an Aontais. Cruthaíodh go dtí seo go raibh an sásra sin an-úsáideach, dá bhrí sin, ba cheart é a choinneáil ar bun, agus a neartú agus a leathnú faoin Rialachán seo chun cur chuige níos aontaithe a áirithiú i leith infheistíochtaí coigríche ar fud an Aontais.

(20)Chun a áirithiú go ndéanfar infheistíochtaí coigríche ar dócha go ndéanfaidh siad difear diúltach don tslándáil nó don ord poiblí san Aontas a shainaithint go leormhaith, ba cheart do na Ballstáit infheistíochtaí coigríche a scagadh i gcás ina bhfuil an sprioc-chuideachta de chuid an Aontais ina cuid de thionscadail nó de chlár atá chun leasa an Aontais nó rannpháirteach i dtionscadal nó i gclár den sórt sin, nó i gcás ina mbaineann gníomhaíocht eacnamaíoch na sprioc-chuideachta de chuid an Aontais le teicneolaíocht, ábhair, sócmhainn, saoráid, trealamh, líonra, córas nó seirbhís lena mbaineann tábhacht ar leith chun leasanna slándála nó oird phoiblí an Aontais. Ba cheart do na Ballstáit scagadh a dhéanamh freisin ar infheistíochtaí coigríche i láithreán úrnua i gcláir nó in earnálacha íogaire den sórt sin nuair a eascraíonn riosca sonrach as saintréithe an infheisteora agus as méid an idirbhirt. I dteannta na gcritéar sin, d’fhéadfadh feidhm a bheith ag sásraí um scagadh maidir le hearnálacha eile, le sprioc-chuideachtaí eile de chuid an Aontais nó le gníomhaíochtaí eacnamaíocha eile a measann an Ballstát ábhartha ina leith go bhfuil siad ríthábhachtach dá shlándáil nó dá ord poiblí.

(21)Chun a áirithiú nach ndíreoidh an sásra comhair ach amháin ar na hinfheistíochtaí coigríche sin ina bhfágann saintréithe an infheisteora coigríche nó na sprioc-chuideachta de chuid an Aontais gur dócha go mbeidh éifeacht ag an infheisteoir nó ag an sprioc-chuideachta ar an tslándáil nó ar an ord poiblí, is iomchuí na coinníollacha rioscabhunaithe a bhunú maidir le fógra a thabhairt do na Ballstáit eile agus don Choimisiún faoi infheistíochtaí coigríche ar a bhfuil scagadh á dhéanamh i mBallstát. Go háirithe, ba cheart do na Ballstáit measúnú a dhéanamh i dtaobh an bhfuil an t-infheisteoir coigríche faoi rialú nó faoi thionchar rialtais tríú tír. Féadfar rialú nó tionchar a chinneadh bunaithe ar chritéir amhail tairseacha úinéireachta dírí nó indírí, cineál agus méid chistiú an rialtais tríú tír agus socruithe sonracha rialachais amhail scaireanna órga. Ba cheart cásanna ina mbíonn struchtúr úinéireachta doiléir nó deacair a thuiscint, nó i gcás nach eol an tairbhí deiridh, a áireamh mar choinníoll den sórt sin freisin. I gcás nach gcomhlíonfaidh infheistíocht choigríche aon cheann de na coinníollacha, an Ballstát ina bhfuil scagadh á dhéanamh ar an infheistíocht choigríche, d’fhéadfadh sé fógra a thabhairt faoin infheistíocht choigríche do na Ballstáit eile agus don Choimisiún, lena n-áirítear i gcás ina bhfuil oibríochtaí suntasacha ag an sprioc-chuideachta de chuid an Aontais i mBallstáit eile, nó ina mbaineann an sprioc-chuideachta sin le grúpa corparáideach a bhfuil roinnt cuideachtaí i mBallstáit dhifriúla aige.

(22)Chun a áirithiú go ndéanfar an éifeacht is dócha a bheidh ag infheistíocht choigríche ar an tslándáil nó ar an ord poiblí i mBallstát amháin nó níos mó a shainaithint go leormhaith, ba cheart na Ballstáit a bheith in ann barúlacha a sholáthar do Bhallstát ina bhfuil sé beartaithe infheistíocht choigríche den sórt sin a dhéanamh nó ina ndearnadh an infheistíocht choigríche sin fiú mura bhfuil an Ballstát sin ag scagadh na hinfheistíochta coigríche sin nó má tá an infheistíocht choigríche á scagadh ach nach bhfuil fógra fúithi tugtha don sásra comhair. Iarrataí ar fhaisnéis, freagraí agus barúlacha ó na Ballstáit, ba cheart fógra a thabhairt fúthu don Choimisiún go comhuaineach chun trédhearcacht a áirithiú le linn an phróisis.

(23)Chun a áirithiú go ndéanfar an éifeacht is dócha a bheidh ag infheistíocht choigríche ar an tslándáil nó ar an ord poiblí i níos mó ná Ballstát amháin nó san Aontas ina iomláine a shainaithint go leormhaith, ba cheart é a bheith indéanta ag an gCoimisiún tuairim a eisiúint de réir bhrí Airteagal 288 CFAE don Bhallstát óstach, fiú mura bhfuil scagadh á dhéanamh ar an infheistíocht choigríche sin sa Bhallstát sin nó má tá an infheistíocht choigríche á scagadh ach nach bhfuil fógra fúithi tugtha don sásra comhair. Chun trédhearcacht agus intuarthacht a áirithiú, ba cheart tuairimí ón gCoimisiún a bhunú ar rioscaí sonracha agus doiciméadaithe agus ba cheart critéir eisiúna shocraithe a leanúint leo, lena n-áirítear rioscaí slándála doiciméadaithe nó ábhair imní trasteorann.

(24)Thairis sin, chun cosaint na slándála nó an oird phoiblí a áirithiú i gcás ina n-eascraíonn an éifeacht dhóchúil as infheistíocht choigríche i sprioc-chuideachta de chuid an Aontais arb infheistíocht í sin lena ndéantar foráil maidir le bonneagar, teicneolaíochtaí nó ionchuir a fhorbairt, a choinneáil ar bun nó a fháil, ar bonneagar, teicneolaíochtaí nó ionchuir iad sin atá criticiúil don Aontas ina iomláine, ba cheart an Coimisiún a bheith in ann tuairim a eisiúint. A bhuí leis sin bheadh uirlis ag an gCoimisiún chun tionscadail agus cláir a chosaint, ar tionscadail agus cláir iad a fhónann don Aontas ina iomláine agus a chuireann leis an Aontas ar bhealach tábhachtach i dtaca lena shlándáil nó lena ord poiblí. Tuairim ón gCoimisiún lena sainaithnítear an tionchar is dócha a bheidh ar thionscadail nó ar chláir atá chun leasa an Aontais ar fhoras na slándála nó an oird phoiblí, ba cheart fógra a thabhairt faoin tuairim sin do na Ballstáit uile.

(25)Thairis sin, ba cheart é a bheith indéanta ag an gCoimisiún tuairim a ghlacadh a dhíreofar ar na Ballstáit uile má shainaithníonn sé roinnt infheistíochtaí coigríche arb amhlaidh, agus iad á meas in éineacht le chéile, gur dócha go mbeidh tionchar acu ar shlándáil nó ar ord poiblí an Aontais. D’fhéadfadh sé gurbh amhlaidh é sin i gcás ina mbaineann saintréithe inchomparáide le roinnt infheistíochtaí coigríche. Áirítear orthu sin cás ina ndéanann an t-infheisteoir coigríche céanna, nó infheisteoirí coigríche lena mbaineann rioscaí comhchosúla, na hinfheistíochtaí coigríche, nó cás ina mbaineann roinnt infheistíochtaí coigríche leis an sprioc-chuideachta chéanna nó leis an mbonneagar céanna de chuid an Aontais, lena n-áirítear bonneagar tras-Eorpach le haghaidh an iompair, an fhuinnimh agus na cumarsáide. Ba cheart do na Ballstáit agus don Choimisiún an anailís riosca a phlé mar aon leis na bealaí lena bhféadfaí aghaidh a thabhairt ar na rioscaí a shainaithnítear sa tuairim, agus cur chuige comhordaithe á áirithiú.

(26)Chun an tslándáil nó an t-ord poiblí a chosaint agus níos mó deimhneachta a sholáthar d’infheisteoirí an tráth céanna, ba cheart é a bheith indéanta ag na Ballstáit barúlacha a dhéanamh agus ba cheart é a bheith indéanta ag an gCoimisiún tuairim a eisiúint maidir le hinfheistíochtaí coigríche a cuireadh i gcrích ach nach bhfuil fógra tugtha fúthu laistigh de 15 mhí tar éis don infheistíocht choigríche a bheith tugtha i gcrích.

(27)Ar mhaithe le tuilleadh soiléireachta, ba cheart liosta na dtionscadal nó na gclár atá chun leasa an Aontais a liostú in Iarscríbhinn I. Ba cheart go n-áireofaí ar na tionscadail nó ar na cláir sin aon infheistíocht choigríche a dhéantar ar na gréasáin thras-Eorpacha le haghaidh iompair, fuinnimh agus cumarsáide, mar aon le cláir lena soláthraítear cistiú le haghaidh taighde agus forbartha ar mhaithe le gníomhaíochtaí atá ábhartha do shlándáil nó d’ord poiblí an Aontais. I ngeall ar thábhacht na dtionscadal agus na gclár sin do shlándáil agus d’ord poiblí an Aontais, chomh maith lena gcineál bunúsach trasteorann agus ós rud é gur gréasáin iad, ba cheart do na Ballstáit scagadh a dhéanamh ar infheistíochtaí coigríche i ngnóthais de chuid an Aontais atá ina gcuid de na tionscadail nó de na cláir sin, nó atá rannpháirteach iontu, lena n-áirítear na tionscadail nó na cláir sin a fhaigheann cistiú ón Aontas.

(28)Chun a áirithiú go dtabharfar aghaidh go leormhaith ar an éifeacht is dócha a bheidh ag infheistíocht choigríche ar an tslándáil nó ar an ord poiblí i mBallstát amháin nó níos mó, Ballstáit a fhaigheann barúlacha a bhfuil údar cuí leo ó Bhallstáit eile nó tuairim ón gCoimisiún, ba cheart dóibh na barúlacha nó an tuairim sin a bhreithniú go dian, lena n-áirítear i gcás ina measfaidh an Ballstát nach ndéantar difear dá shlándáil nó dá ord poiblí féin. Ba cheart don Bhallstát comhordú leis an gCoimisiún agus leis na Ballstáit lena mbaineann más gá agus a dhréachtchinneadh a chur ar fáil dóibh, mar aon le haiseolas i scríbhinn faoin mbealach a breithníodh na barúlacha agus an tuairim go dian. Ba cheart go bhféadfaí leasú a dhéanamh ar an dréachtchinneadh chun na tuairimí arna gcur in iúl ag na Ballstáit lena mbaineann agus ag an gCoimisiún a chur i gcuntas.

(29)Chun feidhmiú éifeachtach an tsásra comhair a áirithiú, tá sé tábhachtach é a chur de cheangal ar an mBallstát a thugann fógra faoin infheistíocht choigríche don sásra comhair tacar íosta faisnéise a sholáthar i bhformáid chaighdeánaithe. I gcás ina mbaineann an comhar le hinfheistíocht choigríche nach bhfuil fógra tugtha fúithi don sásra comhair, ba cheart don Bhallstát óstach a bheith in ann ar a laghad an tacar íosta faisnéise céanna a sholáthar. Féadfaidh an Coimisiún agus na Ballstáit faisnéis bhreise a iarraidh ar an Ballstát ina bhfuil sé beartaithe infheistíocht choigríche den sórt sin a dhéanamh nó ina ndearnadh an infheistíocht choigríche sin. Ba cheart údar cuí a bheith le haon iarraidh ar fhaisnéis bhreise, agus í teoranta don fhaisnéis is gá chun go soláthróidh na Ballstáit barúlacha nó go n-eiseoidh an Coimisiún tuairim, comhréireach le cuspóir na hiarrata agus gan ualach míchuí a chur ar an mBallstát a thugann fógra ná ar na cuideachtaí lena mbaineann. I gcás inarb ábhartha, féadfaidh an Coimisiún faisnéis a iarraidh ar chomhlachtaí eile de chuid an Aontais amhail an tÚdarás Eorpach um Urrúis agus Margaí, an tÚdarás Baincéireachta Eorpach, an tÚdarás Eorpach um Árachas agus Pinsin Cheirde, an Sásra Aonair Maoirseachta nó an Banc Ceannais Eorpach.

(30)Chun a áirithiú go mbeidh an comhar bunaithe ar fhaisnéis chruinn agus iomlán, ba cheart d’infheisteoir coigríche nó do ghnóthas aon fhaisnéis ábhartha a sholáthar arna hiarraidh ag an mBallstát ina bhfuil sé bunaithe nó arna hiarraidh ag an mBallstát óstach. In imthosca eisceachtúla, inarb amhlaidh, in ainneoin a dhícheall, nach mbeidh Ballstát in ann faisnéis arna hiarraidh ag Ballstát eile nó ag an gCoimisiún a fháil, ba cheart dó fógra a thabhairt dóibh gan mhoill. I gcás den sórt sin, aon bharúil a eiseoidh Ballstát eile nó aon tuairim a eiseoidh an Coimisiún mar chuid den sásra comhair, ba cheart é a bheith bunaithe ar an bhfaisnéis atá ar fáil dóibh.

(31)Chun a áirithiú nach n-úsáidfear an sásra comhair ach amháin chun an tslándáil nó an t-ord poiblí a chosaint, ba cheart do na Ballstáit údar cuí a thabhairt le haon iarraidh a dhéanfaidh siad ar fhaisnéis faoi infheistíocht dhíreach choigríche shonrach i mBallstát eile, agus le haon bharúil a eiseoidh siad chuig an mBallstát sin. Tá sé sin bunriachtanach chun mí-úsáid an tsásra a chosc agus chun a áirithiú go mbeidh sé dírithe go hiomlán ar ábhair imní a bhaineann leis an tslándáil agus leis an ord poiblí. Tá feidhm ag na ceanglais chéanna i gcás ina n-iarrann an Coimisiún faisnéis faoi infheistíocht dhíreach choigríche ar leith nó ina n-eisíonn sé tuairim do Bhallstát.

(32)D’fhéadfadh na Ballstáit nó an Coimisiún a mheas, de réir mar is iomchuí, gurb ábhartha í an fhaisnéis a fuarthas ó oibreoirí eacnamaíocha, ó eagraíochtaí na sochaí sibhialta, ó chomhpháirtithe sóisialta (amhail ceardchumainn), faoi infheistíocht choigríche ar dócha go ndéanfaidh sí difear diúltach don tslándáil nó don ord poiblí. Ba cheart measúnú críochnúil a dhéanamh ar an bhfaisnéis sin agus d’fhéadfadh an Ballstát óstach nós imeachta um scagadh a thionscnamh mar thoradh uirthi.

(33)Féadfaidh Ballstát óstach Ballstáit eile nó an Coimisiún a chur ar an eolas má thagann an Ballstát sin ar an eolas faoi imthosca nua nó faoi fhaisnéis nua a bhféadfadh tionchar a bheith acu nó aici ar an measúnú ar an infheistíocht choigríche faoina dtugtar fógra. D’fhéadfaí am breise a dheonú do na Ballstáit eile agus don Choimisiún ansin chun a measúnú ar an infheistíocht choigríche a chomhlánú. Sna cásanna sin, ba cheart aon síneadh ar an tréimhse mheasúnúcháin a choinneáil chomh gearr agus is féidir agus níor cheart moill mhíchuí a chur ar an nós imeachta foriomlán um scagadh.

(34)Chun éifeachtúlacht agus éifeachtacht an tsásra comhair a áirithiú, is gá sprioc-amanna agus nósanna imeachta a ailíniú nuair a dhéantar scagadh i roinnt Ballstát ar roinnt infheistíochtaí coigríche atá nasctha leis an idirbheart níos leithne céanna. Maidir le hidirbhearta ilnáisiúnta den dóigh sin, ba cheart don iarratasóir na hiarrataí difriúla ar údarú a chomhdú sna Ballstáit lena mbaineann laistigh de thréimhse theoranta ama. Ina theanta sin, ba cheart do na Ballstáit féachaint le fógra a thabhairt faoi na hiarrataí don sásra comhair laistigh de thréimhse theoranta ama. Chun a áirithiú go láimhseálfar na hidirbhearta ilnáisiúnta sin go héifeachtúil, ba cheart do na Ballstáit lena mbaineann comhordú a dhéanamh agus comhaontú a dhéanamh i dtaobh an bhfuil na hinfheistíochtaí coigríche infhógartha agus maidir le ailíniú a dhéanamh ar a n-amlínte nós imeachta. Thairis sin, ba cheart do na Ballstáit lena mbaineann comhordú a dhéanamh maidir le hábhar a gcinnidh chríochnaithigh freisin. Má bheartaíonn na Ballstáit lena mbaineann an infheistíocht choigríche a údarú in éineacht le coinníollacha, ba cheart dóibh a áirithiú go bhfuil na coinníollacha sin comhoiriúnach le chéile agus go dtugtar aghaidh ar rioscaí trasteorann go leormhaith. Sula ndéanann siad infheistíocht choigríche a thoirmeasc, ba cheart do na Ballstáit lena mbaineann breithniú a dhéanamh i dtaobh nach leor údarú coinníollach in éineacht le bearta comhordaithe agus forfheidhmiú comhordaithe na mbeart sin chun aghaidh a thabhairt ar an éifeacht dhóchúil ar an tslándáil nó ar an ord poiblí. Ba cheart don Choimisiún a bheith ábalta a bheith go hiomlán rannpháirteach sa chomhordú sin.

(35)Chun cur chuige comhsheasmhach ar fud an Aontais a áirithiú i leith infheistíochtaí a scagadh, tá sé fíor-riachtanach gurb ionann na caighdeáin agus na critéir a úsáidtear chun measúnú a dhéanamh ar rioscaí dóchúla don tslándáil agus don ord poiblí agus na caighdeáin agus na critéir sin a leagtar síos ar leibhéal an Aontais sa Rialachán seo. Ba cheart a chuimsiú leis na caighdeáin agus leis na critéir sin an tionchar ar shlándáil, sláine, feidhmiú agus athléimneacht an bhonneagair chriticiúil agus an mhargaidh inmheánaigh, infhaighteacht agus glacadh na dteicneolaíochtaí criticiúla agus eolas (lena n-áirítear príomhtheicneolaíochtaí cumasúcháin), soláthar leanúnach na n-ionchur criticiúil don tslándáil nó don ord poiblí, a mbeadh tionchar suntasach ag a gcur isteach, a gcliseadh, a gcaillteanas nó a scriosadh ar an tslándáil agus ar an ord poiblí i mBallstát amháin nó níos mó ná sin nó ar an Aontas ina iomláine, ar shlándáil saoráidí míleata agus ar shaoráidí poiblí íogaire eile, agus ar an acmhainneacht aghaidh a thabhairt ar spleáchais straitéiseacha. Ina leith sin, ba cheart do na Ballstáit agus don Choimisiún comhthéacs agus imthosca na hinfheistíochta coigríche a chur i gcuntas freisin. Ba cheart a áireamh leis sin, go háirithe, i dtaobh an raibh infheisteoir ag gabháil do ghníomhaíochtaí neamhdhleathacha, lena n-áirítear mainneachtain arís agus arís eile caighdeáin dhlíthiúla an Aontais a chomhlíonadh, i dtaobh an bhfuil baint aige le cuspóirí beartais tríú tíortha a shaothrú, nó an bhfuil sé mar aidhm aige a gcumais mhíleata nó a sáruithe ar an dlí idirnáisiúnta a éascú. D’fhéadfadh sé go mbeadh ar rialtas tríú tír tionchar a imirt ar ghnóthais chun cuspóirí beartais an tríú tír a shaothrú, rud a d’fhágfadh saobhadh suntasach ar an margadh. Sa chomhthéacs sin, más infheidhme, ba cheart do na Ballstáit agus don Choimisiún breithniú a dhéanamh freisin ar an gcúis a bhfuil an t-infheisteoir coigríche, a úinéir tairbhiúil nó aon cheann dá fhochuideachtaí nó duine atá ag gníomhú thar cheann nó faoi stiúir an infheisteora coigríche sin, faoi réir aon chineáil de bhearta srianta an Aontais de bhun Airteagal 215 CFAE.

(36)I gcás ina measann an Ballstát óstach gur dócha go mbeidh tionchar diúltach ag infheistíocht choigríche ar an tslándáil nó ar an ord poiblí san Aontas, is iomchuí a cheangal ar an mBallstát sin bearta iomchuí a dhéanamh chun na rioscaí a mhaolú, i gcás ina mbeidh na bearta sin ar fáil, agus go measann sé go bhfuil siad leormhaith, agus na barúlacha arna n-eisiúint ag Ballstáit eile agus an tuairim arna heisiúint ag an gCoimisiún, más infheidhme, á gcur san áireamh go hiomlán. Níor cheart infheistíochtaí coigríche a thoirmeasc ach ar bhonn eisceachtúil amháin, agus i gcás nach leor bearta maolaitheacha ná bearta atá ar fáil faoi dhlí an Aontais ná faoin dlí náisiúnta seachas an sásra um scagadh chun an éifeacht ar an tslándáil nó ar an ord poiblí a mhaolú.

(37)Chun tacú le cur chun feidhme an tsásra comhair agus chun malartú na ndea-chleachtas i measc na mBallstát a chothú, ba cheart an grúpa saineolaithe maidir le scagadh na n-infheistíochtaí coigríche arna chur ar bun de bhun Rialachán (AE) 2019/452, a choinneáil ar bun agus a chúraimí a thabhairt cothrom le dáta i gcomhréir leis an Rialachán seo.

(39)Chun éifeachtúlacht an tsásra comhair a áirithiú, ba cheart na pointí teagmhála a chuireann na Ballstáit agus an Coimisiún i bhfeidhm a bheith suite go straitéiseach laistigh de na riaracháin faoi seach. Ba cheart an fhoireann cháilithe agus na cumhachtaí is gá a bheith ag na pointí teagmhála chun a gcuid oibre a dhéanamh faoin sásra comhordúcháin agus a áirithiú go láimhseálfar faisnéis rúnda go cuí i gcomhréir leis na creataí dlíthiúla is infheidhme.

(40)Ba cheart na Ballstáit agus an Coimisiún a spreagadh chun dul i gcomhar go gníomhach le húdaráis fhreagracha na dtríú tíortha atá ar aon intinn maidir le saincheisteanna a bhaineann le scagadh na n-infheistíochtaí coigríche a d’fhéadfadh difear a dhéanamh don tslándáil dó don ord poiblí. Ba cheart é a bheith mar aidhm ag an gcomhar riaracháin sin neartú a dhéanamh ar éifeachtacht an chreata lena ndéanann na Ballstáit scagadh ar infheistíochtaí coigríche agus ar an gcomhar idir na Ballstáit agus an Coimisiún de bhun an Rialacháin seo idir. Ba cheart an Coimisiún a choinneáil ar an eolas faoi na teagmhálaithe déthaobhacha sin a mhéid a bhaineann siad le saincheisteanna córasacha, treochtaí, nó dea-chleachtais a bhaineann le scagadh infheistíochtaí. Ba cheart an deis a bheith ag an gCoimisiún freisin faireachán a dhéanamh ar fhorbairtí maidir le sásraí um scagadh i dtríú tíortha freisin.

(41)Ba cheart do na Ballstáit agus don Choimisiún an leibhéal is airde rúndachta a áirithiú maidir leis an bhfaisnéis a sholáthraíonn siad nó a fhaigheann siad agus an Rialachán seo á chur i bhfeidhm acu, i gcomhréir leis an dlí náisiúnta agus le dlí an Aontais. I gcás ina bhféadfadh nochtadh neamhúdaraithe faisnéise céimeanna éagsúla dochair a dhéanamh do leasanna an Aontais Eorpaigh, nó do leasanna Ballstáit amháin nó níos mó ná sin, ba cheart do thionscnóir na faisnéise an fhaisnéis a rúnaicmiú i gcomhréir leis an dlí náisiúnta agus le dlí an Aontais. Agus freagra á thabhairt ar iarrataí ar rochtain ar dhoiciméid a láimhseáiltear i gcur i bhfeidhm an Rialacháin seo, ba cheart do na Ballstáit agus don Choimisiún leibhéal cosanta na leasanna cosanta atá ar fáil faoi Airteagal 4 de Rialachán (CE) 1049/20015 a chomhordú agus a sholáthar ar a laghad, d’fhonn sláine na n-imscrúduithe a choimirciú. Ba cheart don Choimisiún na bearta uile is gá a dhéanamh chun cosaint na faisnéise rúnda a áirithiú i gcomhréir, go háirithe, le Cinneadh (AE, Euratom) 2015/4436 ón gCoimisiún agus Cinneadh (AE, Euratom) 2015/4447 ón gCoimisiún. Ar an gcaoi chéanna, ba cheart do na Ballstáit agus don Choimisiún na bearta uile is gá a dhéanamh chun a áirithiú go gcomhlíonfar an Comhaontú idir Ballstáit an Aontais Eorpaigh, ag teacht le chéile dóibh i dtionól na Comhairle, maidir le cosaint na faisnéise rúnaicmithe a mhalartaítear ar mhaithe le leas an Aontais8. Áirítear leis sin, go háirithe, an oibleagáid rúndacht na faisnéise rúnaicmithe a choinneáil ar bun agus gan an fhaisnéis sin a íosghrádú ná a scaoileadh ó rúnaicmiú gan toiliú i scríbhinn a fháil roimh ré ón tionscnóir. Aon fhaisnéis de chineál íogair nach bhfuil rúnaicmithe nó aon fhaisnéis a chuirtear ar fáil ar bhonn rúnda, ba cheart do na húdaráis í a láimhseáil amhlaidh.

__________________

5 Rialachán (CE) Uimh. 1049/2001 ó Pharlaimint na hEorpa agus ón gComhairle an 30 Bealtaine 2001 maidir le rochtain phoiblí ar dhoiciméid ó Pharlaimint na hEorpa, ón gComhairle agus ón gCoimisiún (IO L 145, 31.5.2001, lch. 43, ELI: http://data.europa.eu/eli/reg/2001/1049/oj).

6 Cinneadh (AE, Euratom) 2015/443 ón gCoimisiún an 13 Márta 2015 maidir le Slándáil sa Choimisiún (IO L 72, 17.3.2015, lch. 41, ELI: http://data.europa.eu/eli/dec/2015/443/oj).

7 Cinneadh (AE, Euratom) 2015/444 ón gCoimisiún an 13 Márta 2015 maidir leis na rialacha slándála chun faisnéis rúnaicmithe an Aontais Eorpaigh a chosaint (IO L 72, 17.3.2015, lch. 53, ELI: http://data.europa.eu/eli/dec/2015/444/oj).

8 Comhaontú idir Ballstáit an Aontais Eorpaigh, ag teacht le chéile dóibh i dtionól na Comhairle, maidir le faisnéis rúnaicmithe a mhalartaítear ar mhaithe le leas an Aontais Eorpaigh a chosaint (IO C 202, 8.7.2011, lch. 13).

(43)Ba cheart don Choimisiún tuarascáil bhliantúil ar chur chun feidhme an Rialacháin seo a tharraingt suas agus í a chur faoi bhráid Pharlaimint na hEorpa agus na Comhairle. Ar mhaithe le trédhearcacht níos fearr, ba cheart an tuarascáil a chur ar fáil don phobal. Ba cheart an tuarascáil a bheith bunaithe, i measc nithe eile, ar thuarascálacha arna gcur faoi bhráid an Choimisiúin ag na Ballstáit uile ar bhonn rúnda agus aird chuí á tabhairt ar an ngá atá le rúndacht faisnéise áirithe a chosaint, go háirithe i gcás ina bhféadfaí difear a dhéanamh do shlándáil nó d’ord poiblí an Aontais le foilsiú na sonraí nó an rúndacht tráchtála a chur i mbaol leis. Ba cheart don tuarascáil faisnéis maidir le treochtaí agus tosca riosca atá ag teacht chun cinn a áireamh chomh maith le nuashonruithe ar fhorbairtí reachtacha ábhartha sna Ballstáit.

(44)Ba cheart don Choimisiún meastóireacht a dhéanamh ar fheidhmiú agus éifeachtacht an Rialacháin seo 3 bliana tar éis dháta chur i bhfeidhm an Rialacháin seo agus gach 5 bliana ina dhiaidh sin agus tuarascáil a chur faoi bhráid Pharlaimint na hEorpa agus na Comhairle. Ba cheart a áireamh sa tuarascáil sin go háirithe measúnú ar rannchuidiú an Rialacháin seo le slándáil eacnamaíoch an Aontais. Ba cheart measúnú a chuimsiú inti i dtaobh ar cheart nó nár cheart an Rialachán seo a leasú. I gcás ina moltar sa tuarascáil sin go leasófaí an Rialachán seo, féadfaidh togra reachtach a bheith ag gabháil leis.

(46)Nuair is é atá san infheistíocht choigríche comhchruinniú a thagann faoi raon feidhme Rialachán (CE) Uimh. 139/200412 ón gComhairle, ba cheart nár dhochar cur chun feidhme an Rialacháin seo do chur i bhfeidhm Airteagal 21(4) de Rialachán (CE) Uimh. 139/2004. Ba cheart an Rialachán seo agus Airteagal 21(4) de Rialachán (CE) Uimh. 139/2004 a chur i bhfeidhm go comhsheasmhach. A mhéid atá raon feidhme an dá rialachán sin faoi seach ag forluí ar a chéile, ba cheart na forais atá leis an scagadh a leagtar amach in Airteagal 1 den Rialachán seo agus coincheap na leasanna dlisteanacha de réir bhrí Airteagal 21(4), an tríú fomhír, de Rialachán (CE) Uimh. 139/2004, a léirmhíniú ar bhealach comhleanúnach, gan dochar don mheasúnú ar chomhoiriúnacht na mbeart náisiúnta atá dírithe ar na leasanna sin a chosaint le prionsabail ghinearálta agus le forálacha eile de dhlí an Aontais.

__________________

12 Rialachán (CE) Uimh. 139/2004 ón gComhairle an 20 Eanáir 2004 maidir le comhchruinnithe a rialú idir gnóthais (IO L 24, 29.1.2004, lch. 1, ELI: http://data.europa.eu/eli/reg/2004/139/oj).

(49)Ionas gur féidir forbairtí a bhaineann le tionscadail agus cláir atá chun leasa an Aontais a chur san áireamh agus chun oiriúnú a dhéanamh ar an liosta teicneolaíochtaí, ábhar, sócmhainní, saoráidí, trealaimh, líonraí, córas, seirbhísí agus gníomhaíochtaí eacnamaíocha lena mbaineann tábhacht ar leith do leasanna slándála nó oird phoiblí an Aontais, go háirithe i bhfianaise na measúnuithe riosca atá le cur i gcrích faoi Straitéis Slándála Eacnamaíche an Aontais, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún i leith leasuithe ar na hIarscríbhinní a ghabhann leis an Rialachán seo. Le liosta na dtionscadal agus na gclár atá chun leasa an Aontais a leagtar amach in Iarscríbhinn I, ba cheart tionscadail nó cláir a chumhdach ar tionscadail nó cláir iad a chumhdaítear le dlí an Aontais agus lena ndéantar foráil maidir le bonneagar criticiúil, teicneolaíochtaí criticiúla nó ionchuir chriticiúla a fhorbairt, a choinneáil ar bun nó a fháil agus atá ríthábhachtach don tslándáil nó don ord poiblí. An liosta teicneolaíochtaí, ábhar, sócmhainní, saoráidí, trealaimh, líonraí, córas, seirbhísí agus gníomhaíochtaí eacnamaíocha lena mbaineann tábhacht ar leith chun leasanna slándála nó oird phoiblí an Aontais agus a leagtar amach in Iarscríbhinn II, ba cheart réimsí a chuimsiú leis an liosta sin i gcás ina bhféadfadh infheistíocht choigríche difear a dhéanamh don tslándáil nó don ord poiblí i níos mó ná aon Bhallstát amháin nó san Aontas ina iomláine trí sprioc-chuideachta de chuid an Aontais, nach bhfuil rannpháirteach i dtionscadal ná i gclár atá chun leasa an Aontais ná nach bhfaigheann cistí ó thionscadal ná ó chlár den sórt sin. Ba cheart don Choimisiún, go háirithe, Iarscríbhinn I a thabhairt cothrom le dáta i gcás ina mbunófar tionscadail nó cláir nua atá chun leasa an Aontais i gcomhthéacs Creataí Airgeadais Ilbhliantúla a bheidh ann sa todhchaí. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr16. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

__________________

16 IO L 123, 12.5.2016, lch. 1.

(50)Chun coinníollacha aonfhoirmeacha a áirithiú maidir leis an Rialachán seo a chur chun feidhme, go háirithe a mhéid a bhaineann leis na foirmeacha atá le húsáid chun faisnéis íosta a sholáthar faoi infheistíochtaí coigríche agus chun iarrataí ar údarú a chomhdú, ba cheart cumhachtaí cur chun feidhme a thabhairt don Choimisiún. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle17.

__________________

17 Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13, ELI: http://data.europa.eu/eli/reg/2011/182/oj).

(51)Ba cheart Rialachán (AE) 2019/452 a aisghairm. Chun go mbeidh tréimhse leordhóthanach ag na Ballstáit agus eintitis chun ullmhú le haghaidh chur chun feidhme an Rialacháin, ba cheart feidhm a bheith aige amhail ón [cuir dáta isteach: 12 mhí tar éis a theacht i bhfeidhm]. Ba cheart é a bheith infheidhme gan beann ar bhunú na tairsí aonair chun iarrataí ar údarú a chomhdú. San idirthréimhse idir teacht i bhfeidhm agus cur i bhfeidhm an Rialacháin seo, ba cheart feidhm fós a bheith ag Rialachán (AE) 2019/452,

1.Leis an Rialachán seo, bunaítear creat de chuid an Aontais chun go ndéanfaidh na Ballstáit scagadh ar infheistíochtaí coigríche ina gcríoch, ar fhorais na slándála nó an oird phoiblí, lena n-áirítear an tslándáil eacnamaíoch.

2.Bunaítear sásra comhair leis an Rialachán seo chun é a chur ar chumas do na Ballstáit agus don Choimisiún faisnéis ábhartha faoi infheistíochtaí coigríche a mhalartú, measúnú a dhéanamh ar an tionchar a d’fhéadfadh a bheith acu ar an tslándáil nó ar an ord poiblí agus ábhair imní a d’fhéadfadh a bheith ann a shainaithint agus aghaidh a thabhairt orthu.

3.Féadfaidh na Ballstáit forálacha náisiúnta a ghlacadh nó a choinneáil i bhfeidhm i réimsí nach gcumhdaítear leis an Rialachán seo, ar choinníoll nach mbainfidh na forálacha sin an bonn ó chuspóirí an Rialacháin seo agus go bhfuil siad comhsheasmhach leo.

5.Tá an Rialachán seo gan dochar d’oibleagáidí na mBallstát faoi na Conarthaí, go háirithe Airteagail 49 agus 63 CFAE, agus dá gceart bearta a dhéanamh a bhfuil bonn cirt leo ar fhoras an bheartais phoiblí nó na slándála poiblí faoi Airteagal 65 CFAE. Áiritheoidh na Ballstáit go gcomhlíonfaidh aon bheart a dhéanfar faoi chuimsiú an Rialacháin seo na hoibleagáidí sin. Tá an Rialachán seo gan dochar do chumhachtaí an Choimisiúin faoi Airteagal 258 CFAE chun comhlíonadh dhlí an Aontais a áirithiú.

(1)ciallaíonn ‘infheistíocht choigríche’ infheistíocht d’aon chineál, arna déanamh ag infheisteoir coigríche é féin nó trí fhochuideachta infheisteora coigríche san Aontas, arb é is aidhm di naisc fhadtéarmacha dhíreacha a bhunú nó a choinneáil ar bun idir an t-infheisteoir coigríche agus sprioc-chuideachta de chuid an Aontais, dá gcuireann an t-infheisteoir coigríche caipiteal ar fáil chun gníomhaíocht eacnamaíoch a dhéanamh i mBallstát, lena gcumasaítear rannpháirtíocht éifeachtach i mbainistiú nó i rialú na sprioc-chuideachta sin de chuid an Aontais;

scriosta

scriosta

(7)ciallaíonn ‘fochuideachta infheisteora coigríche san Aontas’ gnóthas atá gníomhach ar bhonn eacnamaíoch agus atá bunaithe faoi dhlíthe Ballstáit a chomhlíonann na coinníollacha a leagtar amach in Airteagal 22(1) de Threoir 2013/34/AE ó Pharlaimint na hEorpa agus ón gComhairle an 26 Meitheamh 201318, agus atá faoi rialú díreach nó indíreach ag infheisteoir coigríche;

__________________

18 Treoir 2013/34/AE ó Pharlaimint na hEorpa agus ón gComhairle an 26 Meitheamh 2013 maidir leis na ráitis airgeadais bhliantúla, na ráitis airgeadais chomhdhlúite agus tuarascálacha gaolmhara maidir le cineálacha áirithe gnóthas, lena leasaítear Treoir 2006/43/CE ó Pharlaimint na hEorpa agus ón gComhairle agus lena n-aisghairtear Treoir 78/660/CEE agus Treoir 83/349/CEE ón gComhairle (IO L 182, 29.6.2013, lgh. 19-76, ELI: http://data.europa.eu/eli/dir/2013/34/oj).

(8)ciallaíonn ‘sprioc-chuideachta de chuid an Aontais’ gnóthas a bhunaítear nó atá le bunú faoi dhlíthe Ballstáit;

(9)ciallaíonn ‘sprioc-chuideachta de chuid an Aontais atá gníomhach ar bhonn eacnamaíoch i gceann de na réimsí a liostaítear in Iarscríbhinn II’ sprioc-chuideachta de chuid an Aontais atá gníomhach nó a bheartaíonn a bheith gníomhach i gceapadh, forbairt, asbhaint, próiseáil, táirgeadh, athchúrsáil nó soláthar na dteicneolaíochtaí, na n-ábhar na sócmhainní, na saoráidí, an trealaimh, na líonraí, na gcóras, na seirbhísí agus na ngníomhaíochtaí eacnamaíocha a liostaítear in Iarscríbhinn II;

(18)ciallaíonn ‘tionscadail nó cláir atá chun leasa an Aontais’ tionscadail nó cláir a chumhdaítear le dlí an Aontais lena ndéantar foráil maidir le bonneagar criticiúil, teicneolaíochtaí criticiúla, seirbhísí criticiúla agus riachtanacha nó ionchuir chriticiúla a fhorbairt, a chothabháil nó a fháil, ar tionscadail nó cláir iad atá riachtanach don tslándáil nó don ord poiblí agus a liostaítear in Iarscríbhinn I;

2.Áiritheoidh na Ballstáit go mbeidh feidhm ar a laghad ag an sásra um scagadh dá dtagraítear i mír 1 i leith infheistíochtaí atá faoi réir ceanglas údarúcháin de bhun Airteagal 4(4) agus (4a).

3.Tabharfaidh gach Ballstát fógra don Choimisiún faoi na bearta arna nglacadh de bhun mhír 1 tráth nach déanaí ná ... [12 mhí ó dháta theacht i bhfeidhm an Rialacháin seo]; Tabharfaidh na Ballstáit fógra don Choimisiún faoi aon leasú ar a sásra um scagadh laistigh de 30 lá ón tráth a ghlactar an leasú.

4.Cuirfidh an Coimisiún liosta de shásraí na mBallstát um scagadh ar fáil go poiblí tráth nach déanaí ná 3 mhí tar éis na fógraí uile dá dtagraítear i mír 3 a fháil nó faoin ... [15 mhí ó dháta theacht i bhfeidhm an Rialacháin seo], cibé acu is túisce a tharlóidh. Coimeádfaidh an Coimisiún an liosta sin cothrom le dáta.

(a)déanfar foráil maidir le nósanna imeachta agus acmhainní oiriúnacha don údarás scagtha chun a chinneadh an bhfuil dlínse aige ar infheistíocht choigríche arna comhdú lena húdarú. Beidh athbhreithniú tosaigh i gceist sa scagadh nach faide ná 35 lá féilire tar éis an iarraidh iomlán ar údarú a fháil, agus, i gcás inar gá, grinn-imscrúdú ina dhiaidh sin chun a chinneadh an dócha go ndéanfaidh an infheistíocht choigríche sin difear diúltach don tslándáil nó don ord poiblí, lena gcuirtear i gcuntas ar a laghad na critéir a leagtar síos in Airteagal 13. Is é an cuspóir a bheidh ag an ngrinn-imscrúdú, go háirithe, a chinneadh an iomchuí cinneadh maidir le scagadh dá dtagraítear in Airteagal 14(1) agus chun ábhar an chinnidh sin a chinneadh;

(b)déanfaidh an t-údarás scagtha faireachán ar an gcomhlíontacht leis an sásra um scagadh agus le cinntí maidir le scagadh agus áiritheoidh sé an chomhlíontacht sin. Go sonrach, cuirfidh sé nósanna imeachta agus acmhainní leormhaithe i bhfeidhm chun imchéimniú an tsásra um scagadh agus na gcinntí maidir le scagadh a shainaithint, chun aghaidh a thabhairt ar an imchéimniú sin agus chun é a chosc;

(c)tabharfar de chumhacht don údarás scagtha tosú ar infheistíochtaí coigríche a scagadh ar a thionscnamh féin laistigh de 15 mhí ón infheistíocht choigríche a bheith tugtha i gcrích arb infheistíocht choigríche í sin nach bhfuil faoi réir ceanglas údarúcháin i gcás ina mbeidh foras ag an údarás scagtha chun a mheas go bhféadfadh an infheistíocht choigríche difear a dhéanamh don tslándáil nó don ord poiblí;

(d)cosnófar faisnéis rúnda a chuirfear ar fáil don Bhallstát a dhéanfaidh an scagadh, lena n-áirítear faisnéis atá íogair ó thaobh na tráchtála de agus faisnéis atá ainmnithe mar fhaisnéis rúnda ag na gnóthais lena mbaineann;

(e)infheisteoirí coigríche, fochuideachtaí infheisteoirí coigríche san Aontas ar tríothu a dhéantar an infheistíocht choigríche agus gnóthais a bhaineann le cinneadh maidir le scagadh, beidh sé indéanta acu cúlárach breithiúnach a lorg in aghaidh an chinnidh sin maidir le scagadh ar bhealach tráthúil agus éifeachtach;

(f)cuirfear tuarascáil bhliantúil ar fáil go poiblí, agus cuimseofar inti faisnéis faoi fhorbairtí reachtacha ábhartha sa Bhallstát agus sonraí anaithnidithe agus comhiomlánaithe ar na hinfheistíochtaí a scagadh, lena n-áirítear toradh na gcinntí maidir le scagadh, náisiúntacht, nó tír thionscnaimh, de réir mar a bheidh, na bpáirtithe sna hinfheistíochtaí faoina dtugtar fógra don údarás scagtha, agus na hearnálacha eacnamaíocha ina ndearnadh na hidirbhearta sin, chomh maith leis na tionscadail nó na cláir lena mbaineann atá chun leasa an Aontais, i gcás inarb infheidhme;

(g)infheistíochtaí coigríche atá faoi réir ceanglas údarúcháin dá dtagraítear i míreanna 4 agus 4a, déanfaidh an t-iarratasóir a iarrfaidh údarú iad a chomhdú leis an údarás scagtha agus scagfar na hinfheistíochtaí sin sula dtabharfar an infheistíocht choigríche i gcrích;

(h)tabharfar de chumhacht don údarás scagtha bearta maolaitheacha a fhorchur, infheistíochtaí coigríche atá faoi réir ceanglas údarúcháin dá dtagraítear i míreanna 4 nó 4a a thoirmeasc, nó a leachtú, arb infheistíochtaí iad nár comhdaíodh nó a comhdaíodh tar éis dóibh a bheith tugtha i gcrích agus, i gcás inarb infheidhme, tabharfaidh an t-údarás scagtha aghaidh go héifeachtach ar iarmhairtí na neamhchomhlíontachta leis na bearta maolaitheacha;

3.Sula ndéanfar cinneadh chun infheistíocht choigríche a údarú faoi réir bearta maolaitheacha nó infheistíocht choigríche a thoirmeasc, cuirfidh na Ballstáit an t-iarratasóir a iarrann údarú ar an eolas agus luafaidh siad na cúiseanna atá leis an gcinneadh atá beartaithe acu a dhéanamh, faoi réir cosaint faisnéise rúnda a mbeadh nochtadh na faisnéise sin bunoscionn le leasanna slándála nó oird phoiblí an Aontais nó le leasanna Ballstáit amháin nó níos mó agus gan dochar do dhlí an Aontais ná don dlí náisiúnta a bhaineann le faisnéis rúnda a chosaint. Tabharfaidh na Ballstáit deis don infheisteoir coigríche a thuairimí a chur in iúl agus cuirfidh siad an t-ionchur sin san áireamh sula dtarchuirfidh siad a ndréachtchinneadh de bhun Airteagal 7(8).

(a)ina cuid de cheann de na tionscadail nó de na cláir atá chun leasa an Aontais nó rannpháirteach i dtionscadal nó i gclár den sórt sin a liostaítear in Iarscríbhinn I, lena n-áirítear mar fhaighteoir cistí mar a shainmhínítear in Airteagal 2, pointe 59, de Rialachán (AE) 2024/2509 ó Pharlaimint na hEorpa agus ón gComhairle19a, nó

__________________

1.Tabharfaidh na Ballstáit fógra don Choimisiún agus do na Ballstáit eile tríd an sásra comhair faoi aon infheistíocht choigríche i sprioc-chuideachta de chuid an Aontais ina gcríoch:

(a)a chomhlíonann na coinníollacha a leagtar amach in Airteagal 4(4), pointe (a), nó Airteagal 4(4a); nó

(i)a bhfuil an t-infheisteoir coigríche nó fochuideachta an infheisteora coigríche san Aontas faoi rialú díreach nó indíreach, ag rialtas tríú tír, lena n-áirítear comhlachtaí stáit, údaráis réigiúnacha nó áitiúla nó fórsaí armtha tríú tír, lena n-áirítear trí struchtúr úinéireachta, cistiú suntasach, cearta speisialta nó stiúrthóirí nó bainisteoirí arna gceapadh ag an stát, nó gnéithe eile atá dírithe ar thionchar a imirt ar chinntí bainistíochta;

(ii)a bhfuil an t-infheisteoir coigríche, duine nádúrtha nó eintiteas a bhfuil an t-infheisteoir coigríche faoina rialú, úinéir tairbhiúil an infheisteora coigríche, aon cheann d’fhochuideachtaí an infheisteora coigríche, nó aon pháirtí eile atá faoi úinéireacht nó faoi rialú infheisteoir coigríche sin den sórt sin, nó atá ag gníomhú thar cheann nó faoi stiúir an infheisteora sin, faoi réir bhearta sriantacha an Aontais de bhun Airteagal 215 CFAE;

(iii)a raibh an t-infheisteoir coigríche nó aon cheann dá fhochuideachtaí rannpháirteach in infheistíocht choigríche a scag Ballstát roimhe nár údaraíodh nó nár údaraíodh ach in éineacht le coinníollacha; chun é sin a chinneadh, braithfidh an Ballstát a thugann fógra ar an bhfaisnéis a bheidh ar fáil dóibh, lena n-áirítear an fhaisnéis atá sa bhunachar sonraí slán arna bhunú de bhun Airteagal 7(10) agus ar fhaisnéis arna soláthair ag an infheisteoir coigríche maidir leis an ábhar sin; nó

2.Tabharfaidh na Ballstáit fógra don Choimisiún agus do na Ballstáit eile faoi aon infheistíocht choigríche ar a gcríoch nár tugadh fógra faoi de bhun mhír 1, i gcás ina dtionscnaíonn siad grinn-imscrúdú faoina nósanna imeachta um scagadh.

Tabharfaidh na Ballstáit fógra faoi aon infheistíocht choigríche nach gcomhlíonfaidh na coinníollacha a leagtar amach i míreanna 1 agus 2 má mheasann an Ballstát óstach go bhféadfadh infheistíocht choigríche a bheith ina díol spéise do na Ballstáit eile agus don Choimisiún ó thaobh na slándála nó an oird phoiblí de, lena n-áirítear i gcás ina bhfuil oibríochtaí suntasacha ag an sprioc-chuideachta de chuid an Aontais i mBallstáit eile, nó ina mbaineann an sprioc-chuideachta sin do ghrúpa corparáideach a bhfuil roinnt cuideachtaí i mBallstáit dhifriúla aige atá gníomhach ar bhonn eacnamaíoch i gceann de na réimsí a liostaítear in Iarscríbhinn II.

scriosta

1.Áiritheoidh na Ballstáit go mbeidh i bhfógra de bhun Airteagal 5 an fhaisnéis dá dtagraítear in Airteagal 10(1) agus go seolfar chuig an gCoimisiún agus chuig na Ballstáit eile é:

(a)laistigh de 15 lá féilire tar éis dóibh an iarraidh iomlán a fháil ar údarú le haghaidh infheistíochtaí coigríche a chomhlíonann aon cheann de na coinníollacha a leagtar amach in Airteagal 5(1), (2a) nó (3);

(b)laistigh de 5 lá féilire tar éis dóibh grinn-imscrúdú a thionscnamh le haghaidh infheistíochtaí coigríche a chomhlíonann na coinníollacha a leagtar amach in Airteagal 5(2).

scriosta

Barúlacha ó na Ballstáit agus tuairimí agus cinntí ón gCoimisiún maidir le hinfheistíochtaí coigríche faoina dtugtar fógra

Féadfaidh aon Bhallstát barúlacha cuí-réasúnaithe a eisiúint don Bhallstát a thugann fógra. Féadfaidh Ballstát barúlacha den sórt sin a eisiúint:

Féadfaidh an Coimisiún tuairim chuí-réasúnaithe a eisiúint chuig an mBallstát a thugann fógra. Déanfaidh an Coimisiún an tuairim sin a eisiúint má:

3.Déanfaidh an Coimisiún tuairim atá réasúnaithe mar is cuí a eisiúint a dhíreofar ar na Ballstáit uile má mheasann sé go bhféadfadh roinnt infheistíochtaí coigríche nó infheistíochtaí comhchosúla eile dá ndéanfaí iad, agus iad á meas in éineacht le chéile, agus ag féachaint dá saintréithe, difear a dhéanamh do shlándáil nó d’ord poiblí an Aontais. Tar éis tuairim ón gCoimisiún a eisiúint, déanfaidh an Coimisiún, de réir mar is iomchuí, plé leis na Ballstáit maidir leis na bearta chun aghaidh a thabhairt ar na rioscaí sainaitheanta.

(a)tuairimí a chomhlíonann na coinníollacha a leagtar amach i bpointí (a) agus (c) de mhír 2 a sheoladh chuig na Ballstáit uile a sholáthair barúlacha agus fógra a thabhairt do na Ballstáit eile gur eisíodh tuairim;

(b)tuairimí a chomhlíonann na coinníollacha a leagtar amach i bpointe (b) de mhír 2 agus tuairimí lena gcomhlíontar na coinníollacha i mír 3 a sheoladh chuig na Ballstáit uile.

5.I gcás ina bhfaighidh Ballstát óstach barúil ó Bhallstát eile de bhun mhír 1 nó tuairim ón gCoimisiún de bhun mhír 2 nó 3, breithneoidh sé go dian barúil nó tuairim den sórt sin.

6.Tar éis barúil a fháil de bhun mhír 1 nó tuairim a fháil de bhun mhír 2, rachaidh an Ballstát óstach i gcomhairle leis na Ballstáit a d’eisigh barúlacha, i gcás inarb infheidhme, agus leis an gCoimisiún. Faoi chuimsiú an chomhairliúcháin sin, cuirfidh an Ballstát óstach cruinniú ar bun leis na Ballstáit sin, i gcás inarb infheidhme, agus leis an gCoimisiún chun plé a dhéanamh ar an mbealach is fearr chun aghaidh a thabhairt ar na rioscaí a shainaithníodh. Má easaontaíonn an Ballstát óstach leis na rioscaí a sainaithníodh nó, más infheidhme, leis an mbeart a moladh leis an mbarúil nó leis an tuairim, beidh sé mar aidhm ag na Ballstáit agus ag an gCoimisiún réitigh mhalartacha a shainaithint. I gcás ina mbaineann an bharúil nó an tuairim le hidirbheart ilnáisiúnta, tabharfar cuireadh freisin do na Ballstáit eile a thug fógra faoin infheistíocht choigríche chuig an gcruinniú sin chun plé a dhéanamh ar cibé atá na torthaí atá beartaithe comhoiriúnach lena chéile agus, i gcás inarb infheidhme, ar cibé atá na coinníollacha atá beartaithe in ann aghaidh a thabhairt go leormhaith ar rioscaí trasteorann sainaitheanta.

scriosta

8.Tar éis an chruinnithe dá dtagraítear i mír 6, déanfaidh an Ballstát óstach an dréachtchinneadh atá beartaithe aige maidir le scagadh a tharchur chuig na Ballstáit faoi seach agus chuig an gCoimisiún agus soláthróidh sé míniú i scríbhinn maidir leis an méid seo a leanas:

scriosta

scriosta

9.I gcás ina measfaidh Ballstát nó an Coimisiún nach dtugtar aghaidh go leormhaith le dréachtchinneadh maidir le scagadh dá dtagraítear i mír 8 den Airteagal seo, ar dréachtchinneadh é lena n-údaraítear infheistíocht choigríche faoi Airteagal 14(1), pointe (a), nó faoi Airteagal 14(2), ar na rioscaí don tslándáil agus don ord poiblí nó nach maolaítear na rioscaí sin go leormhaithe, féadfaidh sé agóid a bhfuil údar cuí léi a dhéanamh. Tabharfar fógra faoin agóid don Bhallstát óstach agus, i gcás inarb infheidhme, do na Ballstáit eile a d’eisigh barúlacha agus don Choimisiún. Cuirfidh an Ballstát óstach a nós imeachta um scagadh ar fionraí go dtí go mbeidh cinneadh glactha ag an gCoimisiún de bhun mhíreanna 9b agus 9c den Airteagal seo. Cuirfidh an Ballstát óstach an t-infheisteoir coigríche ar an eolas faoin bhfionraí.

scriosta

Sprioc-amanna agus nósanna imeachta is infheidhme maidir le sásra comhair agus cinntí an Aontais

(a)Cuirfidh na Ballstáit an Ballstát a thugann fógra ar an eolas go bhforchoimeádann siad a gceart barúlacha a eisiúint tráth nach déanaí ná 15 lá féilire tar éis dóibh an fógra de bhun Airteagal 5 a fháil;

(b)cuirfidh an Coimisiún an Ballstát a thugann fógra ar an eolas go bhforchoimeádann sé a cheart tuairim a eisiúint tráth nach déanaí ná 20 lá féilire tar éis dó an fógra de bhun Airteagal 5 a fháil.

(a)i gcás ina gcoimeádann Ballstát a cheart barúlacha a eisiúint maidir le hinfheistíocht choigríche ar tugadh fógra fúithi gan faisnéis bhreise a iarraidh ón mBallstát a thugann fógra, cuirfear na barúlacha faoi seach faoi bhráid an Bhallstáit a thugann fógra tráth nach déanaí ná 35 lá féilire tar éis fógra iomlán a fháil faoin infheistíocht choigríche;

(b)i gcás ina gcoimeádann an Coimisiún a cheart tuairim a eisiúint maidir le hinfheistíocht choigríche ar tugadh fógra fúithi gan faisnéis bhreise a iarraidh ón mBallstát a thugann fógra, cuirfear an tuairim faoi seach faoi bhráid an Bhallstáit a thugann fógra tráth nach déanaí ná 45 lá féilire tar éis fógra iomlán faoin infheistíocht choigríche a fháil;

(c)i gcás ina gcoimeádann Ballstát a cheart barúlacha a eisiúint maidir le hinfheistíocht choigríche ar tugadh fógra fúithi agus ina n-iarrann sé faisnéis bhreise ón mBallstát a thugann fógra, cuirfear na barúlacha faoi seach faoi bhráid an Bhallstáit a thugann fógra tráth nach déanaí ná 20 lá féilire tar éis an fhaisnéis bhreise iomlán a fháil;

(d)i gcás ina bhforchoimeádann an Coimisiún a cheart tuairim a eisiúint agus ina n-iarrann sé faisnéis bhreise ón mBallstát a thugann fógra, eiseofar an tuairim faoi seach chuig an mBallstát a thugann fógra tráth nach déanaí ná 30 lá féilire tar éis an fhaisnéis bhreise iomlán a fháil.

scriosta

4.Tabharfaidh an Ballstát a thugann fógra, fógra don Choimisiún agus do na Ballstáit eile maidir le haon fhaisnéis nó imthosca suntasacha nua atá ábhartha maidir le measúnú a dhéanamh ar infheistíocht choigríche ar tugadh fógra fúithi cheana de bhun Airteagal 5. Má chuirtear an fhaisnéis sin ar fáil sula rachaidh na sprioc-amanna a leagtar amach i mír 3 in éag, tiocfaidh an Ballstát a thugann fógra, an Coimisiún agus na Ballstáit eile ar chomhaontú maidir le síneadh ama ar an sprioc-am a bheidh inghlactha go frithpháirteach. Más rud é go bhfuil na sprioc-amanna le haghaidh an mheasúnaithe ar an bhfógra tosaigh a leagtar amach i mír 3 caite, cuirfear tús leo arís i gcomhréir leis na sprioc-amanna a leagtar amach i bpointe (c) agus (d) de mhír 3.

5.Soláthróidh an Ballstát a thugann fógra an fhaisnéis bhreise iomlán arna hiarraidh ag an gCoimisiún nó ag na Ballstáit eile de bhun mhír 2 gan moill mhíchuí. I gcás ina soláthróidh an Ballstát a thugann fógra faisnéis bhreise do Bhallstát, seolfar an fhaisnéis bhreise sin chuig an gCoimisiún go comhuaineach.

8.Más rud é, de bharr imthosca eisceachtúla, go measann an Ballstát a thugann fógra go bhfuil gá, ar mhaithe lena shlándáil nó lena ord poiblí, cinneadh maidir le scagadh a eisiúint de bhun Airteagal 14(1) sula rachaidh na sprioc-amanna dá dtagraítear i mír 3 in éag, tabharfaidh sé fógra do na Ballstáit eile agus don Choimisiún faoin méid atá beartaithe aige agus tabharfaidh sé údar cuí leis an ngá le gníomhaíocht láithreach. Soláthróidh na Ballstáit eile agus an Coimisiún barúlacha nó eiseoidh siad tuairim go gasta. Ní dhéanfar an nós imeachta sin a agairt chun freastal ar leasanna tráchtála an iarratasóra a bhfuil an t-údarú á iarraidh aige, agus chun na leasanna sin amháin.

1.I gcás ina measann Ballstát gur dócha go ndéanfaidh infheistíocht choigríche i gcríoch Ballstáit eile, nár tugadh fógra ina leith don sásra comhair, difear diúltach don tslándáil nó don ord poiblí nó i gcás ina measann an Coimisiún gur dócha go ndéanfaidh an infheistíocht choigríche sin difear diúltach do shlándáil nó ord poiblí níos mó ná Ballstáit amháin nó do thionscadail nó cláir atá chun leasa an Aontais ar fhorais na slándála agus an oird phoiblí, féadfaidh an Ballstát nó an Coimisiún nós imeachta féintionscnaimh a thionscnamh i ndáil leis an infheistíocht choigríche sin. Sula gcuirfear tús leis an nós imeachta, seiceálfaidh an Ballstát nó an Coimisiún nach bhfuil sé ar intinn ag an mBallstát óstach fógra a thabhairt faoin infheistíocht choigríche don sásra comhair.

2.Deonófar suas le 15 mhí do na Ballstáit agus don Choimisiún, tar éis an infheistíocht choigríche a bheith déanta, an ceart chun tús a chur leis an nós imeachta a leagtar amach i mír 1, ar choinníoll nár tugadh fógra don sásra comhair idir an dá linn faoin infheistíocht choigríche faoi seach.

scriosta

scriosta

5.Cuirfidh na Ballstáit nó an Coimisiún tús le nós imeachta féintionscnaimh trí iarraidh atá réasúnaithe go cuí ar fhaisnéis a sheoladh chuig an mBallstát óstach. Beidh údar cuí le haon iarraidh ar fhaisnéis de bhun na míre seo, agus í teoranta don fhaisnéis is gá chun go soláthróidh na Ballstáit barúlacha nó chun go n-eiseoidh an Coimisiún tuairim, a bheidh comhréireach le cuspóir na hiarrata agus gan ualach míchuí a chur ar an mBallstát óstach. I gcás ina gcuirfidh Ballstát an iarraidh ar fhaisnéis isteach, seolfaidh an Ballstát sin an iarraidh chuig an gCoimisiún go comhuaineach.

6.Soláthróidh an Ballstát óstach an fhaisnéis bhreise iomlán arna hiarraidh ag a Ballstáit eile nó ag an gCoimisiún de bhun mhír 5 gan moill mhíchuí. I gcás ina soláthróidh an Ballstát óstach an fhaisnéis sin do Bhallstát, seolfar an fhaisnéis sin chuig an gCoimisiún ag an am céanna.

7.Tar éis dóibh an fhaisnéis dá dtagraítear i mír 6 a fháil, féadfaidh na Ballstáit barúlacha a sholáthar agus féadfaidh an Coimisiún tuairim a thabhairt don Bhallstát óstach, tráth nach déanaí ná 30 lá féilire tar éis dóibh an fhaisnéis iomlán arna hiarraidh de bhun mhír 5 a fháil. I gcásanna inar thionscain Ballstát an nós imeachta, tabharfar 15 lá féilire breise don Choimisiún chun a thuairim a eisiúint. Tabharfaidh an Ballstát óstach an aird is mó is féidir ar an mbarúil nó ar an tuairim sin.

scriosta

scriosta

1.Soláthróidh na Ballstáit, ar a laghad, an fhaisnéis seo a leanas san fhógra dá dtagraítear in Airteagal 5 agus mar fhreagairt ar an iarraidh ar fhaisnéis dá dtagraítear in 9(5):

(e)gníomhaíochtaí an infheisteora coigríche, a ainm agus a sheoladh;

scriosta

4.I gcás inar gá, féadfaidh an Ballstát óstach a iarraidh ar an iarratasóir a bhfuil údarú á iarraidh aige nó ar aon ghnóthas ábhartha eile, inter alia, an fhaisnéis dá dtagraítear i mír 1 den Airteagal seo agus in Airteagal 8(2) a sholáthar. D’fhéadfadh an iarraidh ar fhaisnéis a bheith bainteach le faisnéis is gá chun a chinneadh an bhfuil aon cheann de na coinníollacha a leagtar amach in Airteagal 5(1) á gcomhlíonadh. Soláthróidh an gnóthas lena mbaineann an fhaisnéis a iarrtar don Bhallstát ina bhfuil an infheistíocht choigríche beartaithe nó ina bhfuil sí curtha i gcrích laistigh de 15 lá féilire ón iarraidh.

5.Féadfaidh an Ballstát óstach agus an Coimisiún iarraidh ar Bhallstáit eile faisnéis a lorg ó ghnóthais ina gcríoch, ar choinníoll go bhfuil an fhaisnéis sin ábhartha agus ar choinníoll go bhfuil géarghá leis chun measúnú a dhéanamh ar infheistíocht choigríche de bhun Airteagal 13. Iarrfaidh an Ballstát a fhaigheann an iarraidh ar fhaisnéis a lorg, gan mhoill, ar an ngnóthas an fhaisnéis sin a sholáthar agus tabharfaidh sé fógra fúithi don Bhallstát óstach agus don Choimisiún, i gcomhréir leis an nós imeachta a leagtar amach in Airteagal 8(5) agus in Airteagal 9(6) de réir mar is infheidhme.

6.Tabharfaidh Ballstát fógra don Choimisiún agus do na Ballstáit eile lena mbaineann más rud é, in imthosca eisceachtúla, nach bhfuil sé in ann, d’ainneoin a dhícheall, an fhaisnéis dá dtagraítear i míreanna 4 nó 5 den Airteagal seo, Airteagal 8(2) nó Airteagal 9(5) a sholáthar. Tabharfaidh an Ballstát sin míniú cuí ar na cúiseanna nach raibh sé in ann an fhaisnéis a sholáthar.

1.Soláthróidh na Ballstáit na hacmhainní dlíthiúla agus riaracháin is gá chun na cúraimí a shanntar dóibh a chur i gcrích ar bhealach éifeachtach agus éifeachtúil chun cuspóirí an Rialacháin seo a chomhlíonadh, lena n-áirítear a rannpháirtíocht éifeachtúil agus éifeachtach sa sásra comhair.

4.Leis na sásraí um scagadh de chuid na mBallstát, tabharfar dóthain acmhainní chun measúnú a dhéanamh ar bharúlacha agus ar thuairimí ón gCoimisiún ó na Ballstáit eile agus chun an aird is mó is féidir a thabhairt orthu sula ndéanfar cinneadh maidir le scagadh. Áirítear leis sin gach modh dlíthiúil agus gach cumhacht dhlíthiúil is gá a bheith aige chun ábhair imní arna gcur in iúl nó tionchair dhóchúla arna sainaithint ag Ballstát eile nó ag an gCoimisiún ina chinneadh maidir le scagadh nó in aon ionstraim ábhartha eile atá ar fáil dó a bhreithniú.

5.Áiritheoidh na Ballstáit go gceadófar lena ndlíthe náisiúnta comhlíonadh na n-oibleagáidí a leagtar amach in Airteagal 7.

7.I gcás ina gceanglófar le bearta maolaitheacha i gcinneadh maidir le scagadh go gcomhlíonfaidh gnóthais atá bunaithe i níos mó ná Ballstát amháin na ceanglais sin, comhoibreoidh na Ballstáit lena mbaineann le chéile maidir le faireachán a dhéanamh ar an gcinneadh maidir le scagadh agus forfheidhmiú an chinnidh sin. Áiritheoidh na Ballstáit go mbeidh na modhanna dlíthiúla agus na cumhachtaí dlíthiúla uile is gá acu chun aghaidh a thabhairt go héifeachtach ar na hiarmhairtí a bhaineann le neamhchomhlíonadh na mbeart maolaitheach a sholáthraítear i gcinneadh maidir le scagadh ó Bhallstát eile nó ón gCoimisiún.

1.Ní úsáidfear faisnéis a fhaightear i gcomhréir leis na nósanna imeachta a leagtar amach in Airteagal 5, 7, 9 agus 9a ach amháin chun na críche ar ina leith a iarradh í, ach amháin:

(b)má iarrann Cúirt Bhreithiúnais an Aontais Eorpaigh nó cúirt de chuid an Bhallstáit óstaigh an fhaisnéis sin chun críche imeachtaí dlíthiúla.

scriosta

2.Cinnfidh an Coimisiún, chun tuairim atá réasúnaithe go cuí a eisiúint de bhun Airteagal 7(2) nó (3) nó Airteagal 9(7), nó cinneadh de bhun Airteagal 7(9b) nó (9c), an dócha go ndéanfadh infheistíocht choigríche difear diúltach don tslándáil nó don ord poiblí.

3.Agus cinneadh á dhéanamh cé acu is dócha nó nach dócha go ndéanfaidh infheistíocht choigríche difear diúltach don tslándáil nó don ord poiblí, breithneoidh na Ballstáit nó an Coimisiún, go háirithe, cé acu is dócha nó nach dócha go mbeidh tionchar diúltach ag an infheistíocht lena mbaineann ar na nithe seo a leanas:

(a)slándáil, sláine, feidhmiú agus athléimneacht an bhonneagair chriticiúil, lena n-áirítear an talamh agus an mhaoin atá criticiúil d’úsáid an bhonneagair chriticiúil sin, bíodh sé fisiciúil nó fíorúil; sa chomhthéacs sin, bunaithe ar an bhfaisnéis atá ar fáil, déanfar measúnú freisin ar cé acu is dócha nó nach dócha go ndéanfaidh an infheistíocht choigríche difear diúltach d’athléimneacht aon cheann de na heintitis chriticiúla a shainaithin siad faoi Threoir (AE) 2022/2557 ó Pharlaimint na hEorpa agus ón gComhairle chomh maith le heintitis faoi raon feidhme Threoir (AE) 2022/2555 ó Pharlaimint na hEorpa agus ón gComhairle21. Déanfar torthaí na measúnuithe ar riosca slándála comhordaithe ar leibhéal an Aontais, lena n-áirítear iad siúd a bhaineann le slabhraí soláthair criticiúla arna ndéanamh i gcomhréir le hAirteagal 22(1) de Threoir (AE) 2022/2555 a chur i gcuntas, lena gcumhdaítear tosca riosca teicniúla agus neamhtheicniúla araon;

__________________

20 Treoir (AE) 2022/2557 ó Pharlaimint na hEorpa agus ón gComhairle an 14 Nollaig 2022 maidir le hathléimneacht eintiteas criticiúil agus lena n-aisghairtear Treoir 2008/114/CE ón gComhairle (IO L 333, 27.12.2022, lgh. 164–198, ELI: http://data.europa.eu/eli/dir/2022/2557/oj).

21 Treoir (AE) 2022/2555 ó Pharlaimint na hEorpa agus ón gComhairle an 14 Nollaig 2022 maidir le bearta le haghaidh ardleibhéal comhchoiteann cibearshlándála ar fud an Aontais, lena leasaítear Rialachán (AE) Uimh. 910/2014 agus Treoir (AE) 2018/1972 agus lena n-aisghairtear Treoir (AE) 2016/1148 (IO L 333, 27.12.2022, lgh. 80–152, ELI: http://data.europa.eu/eli/dir/2022/2555/oj).

(b)teicneolaíochtaí criticiúla a bheith ar fáil agus glacadh na dteicneolaíochtaí criticiúla sin, slándáil teicneolaíochta agus sceitheadh teicneolaíochta;

(c)slándáil agus athléimneacht slabhraí soláthair le haghaidh ionchuir chriticiúla;

(d)cosaint faisnéise íogaire, lena n-áirítear sonraí pearsanta mar a shainmhínítear in Airteagal 4, pointe (1), de Rialachán (AE) 2016/6791a, go háirithe maidir le cumas an infheisteora coigríche an fhaisnéis sin a rochtain, a rialú, agus a phróiseáil ar shlí eile;

(e)saoirse agus iolrachas na meán, lena n-áirítear ardáin ar líne agus ardáin na meán sóisialta is féidir a úsáid le haghaidh bréagaisnéise nó gníomhaíochtaí coiriúla ar mórscála, cearta bunúsacha, dioscúrsa sibhialta agus próisis toghcháin, chomh maith le neodracht, oibiachtúlacht agus iolrachas an oideachais; nó

(a)cé acu a bhí nó nach raibh an t-infheisteoir coigríche, duine nádúrtha nó eintiteas a bhfuil an t-infheisteoir coigríche faoina rialú, úinéir tairbhiúil an infheisteora coigríche, aon cheann d’fhochuideachtaí an infheisteora coigríche, nó aon pháirtí eile faoi úinéireacht nó faoi rialú an infheisteora coigríche páirteach in infheistíocht choigríche a ndearna Ballstát scagadh uirthi roimhe sin, nó, i gcás ina bhfuil sé ar fáil, a ndearna tríú tír scagadh uirthi roimhe sin, ar tír í ag a bhfuil sásra bunaithe um scagadh ar infheistíocht dhíreach choigríche lena gcomhoibríonn an tAontas ó thaobh scagadh infheistíochtaí, agus nár údaraíodh nó nár údaraíodh ach amháin faoi choinníollacha; chun é sin a chinneadh, braithfidh na Ballstáit agus an Coimisiún ar an bhfaisnéis a bheidh ar fáil dóibh, lena n-áirítear an fhaisnéis atá sa bhunachar sonraí slán arna bhunú de bhun Airteagal 12a (6a);

(d)cé acu a bhí nó nach raibh an t-infheisteoir coigríche nó aon cheann dá fhochuideachtaí ag gabháil do ghníomhaíochtaí neamhdhleathacha nó do ghníomhaíochtaí coiriúla, lena n-áirítear sciúradh airgid agusimchéimniú beart sriantach an Aontais de bhun Airteagal 215 CFAE;

(e)cé acu is dócha nó nach dócha go ndéanfaidh an t-infheisteoir coigríche, duine nádúrtha nó eintiteas a bhfuil an t-infheisteoir coigríche faoina rialú, úinéir tairbhiúil an infheisteora coigríche, aon cheann d’fhochuideachtaí an infheisteora coigríche, nó aon pháirtí eile atá faoi úinéireacht nó faoi rialú an infheisteora coigríche, nó a ghníomhaíonn thar ceann nó faoi threoir an infheisteora coigríche, go ndéanfaidh sé cuspóirí beartais tríú tír a shaothrú, tacú le rioscaí go sáróidh tríú tír an dlí idirnáisiúnta, nó forbairt chumais mhíleata tríú tír a éascú;

Cinntí maidir le scagadh i dtaca le hinfheistíochtaí coigríche

I gcás ina gcinnfidh an Ballstát óstach, agus na critéir a leagtar síos in Airteagal 13 á gcur i gcuntas agus, i gcás inarb infheidhme, i bhfianaise barúlacha arna soláthar ag Ballstáit eile de bhun Airteagal 7(1) nó Airteagal 9(7), nó i bhfianaise tuairime arna tabhairt ag an gCoimisiún de bhun Airteagal 7(2) nó (3) nó Airteagal 9(7), agus gan dochar do chumhacht an Choimisiúin cinneadh a ghlacadh de bhun Airteagal 7(9c), gur dócha go ndéanfaidh an infheistíocht eachtrach difear diúltach don tslándáil nó don ord poiblí i mBallstát amháin nó níos mó, lena n-áirítear i gcás tionscadal nó clár atá chun leasa an Aontais, eiseoidh sé cinneadh maidir le scagadh chun an méid seo a leanas a dhéanamh:

Leis an gcinneadh maidir le scagadh, comhlíonfar prionsabal na comhréireachta, beidh sé bunaithe ar rioscaí doiciméadaithe agus déanfar imthosca uile na hinfheistíochta coigríche a chur san áireamh.

2.I gcás ina gcinnfidh an Ballstát óstach nach dócha go ndéanfaidh an infheistíocht choigríche difear diúltach don tslándáil ná don ord poiblí nó ina measfaidh sé go bhfuil bearta eile ar fáil de bhun dhlí an Aontais nó an dlí náisiúnta agus go bhfuil siad iomchuí chun aghaidh a thabhairt go héifeachtach ar éifeacht na hinfheistíochta coigríche ar an tslándáil agus ar an ord poiblí, agus seachas i gcásanna ina mbeidh cinneadh déanta ag an gCoimisiún de bhun Airteagal 7(9c), déanfar an infheistíocht choigríche a údarú gan choinníollacha.

Féadfaidh na Ballstáit agus an Coimisiún dul i gcomhar le húdaráis fhreagracha tríú tíortha agus dul i mbun rannpháirtíochta trí ardáin dhéthaobhacha agus iltaobhacha maidir le saincheisteanna a bhaineann le hinfheistíochtaí a scagadh ar fhorais na slándála agus an oird phoiblí. Féadfaidh malartú faisnéise agus dea-chleachtas, chomh maith le tacaíocht theicniúil agus tacaíocht forbartha acmhainní a bheith i gceist leis an gcomharsin. I gcomhthéacs an chomhair sin, spreagfaidh an Coimisiún tríú tíortha chun sásraí um scagadh ar infheistíochtaí a bhunú, go háirithe tíortha sin is iarrthóirí ar aontachas leis an Aontas agus tíortha i gcomharsanacht an Aontais.

1.Faoin 31 Márta gach bliain dar tús [cuir dáta isteach: an chéad bhliain den chur i bhfeidhm], tuairisceoidh na Ballstáit don Choimisiún, ar bhonn rúnda, maidir lena ngníomhaíochtaí faoina sásra um scagadh agus faoin sásra comhair le haghaidh na bliain féilire roimhe. Beidh an méid seo a leanas sa tuarascáil sin:

(c)an líon infheistíochtaí coigríche arna dtoirmeasc, an líon infheistíochtaí coigríche arna dtarraingt siar nó a leachtaíodh;

(e)faisnéis maidir le tionscnamh na n-infheisteoirí coigríche agus maidir le hearnáil gníomhaíochta sprioc-chuideachtaí na n-infheistíochtaí coigríche arna scagadh, arna n-údarú gan choinníollacha, arna n-údarú le coinníollacha, agus infheistíochtaí coigríche arna dtoirmeasc, faoi seach;

(f)tuairisc ar na rioscaí agus na leochaileachtaí a sainaithníodh sna hinfheistíochtaí coigríche as ar eascair cinneadh maidir le scagadh;

2.Bunaithe ar an bhfaisnéis a fuarthas i gcomhréir le mír 1, ar a chleachtas cur chun feidhme, agus ar a mheasúnú ar threochtaí agus ar fhorbairtí, soláthróidh an Coimisiún tuarascáil bhliantúil maidir le cur chun feidhme an Rialacháin seo do Pharlaimint na hEorpa agus don Chomhairle faoin 30 Meán Fómhair gach bliain ag tosú i... [an chéad bhliain a chuirfear an Rialachán seo i bhfeidhm] Cuirfear an tuarascáil sin ar fáil go poiblí.

1.Déanfaidh an Coimisiún meastóireacht ar fheidhmiú agus éifeachtacht an Rialacháin seo 3 bliana tar éis dháta chur i bhfeidhm an Rialacháin seo agus gach 5 bliana ina dhiaidh sin agus tuarascáil a chur faoi bhráid Pharlaimint na hEorpa agus na Comhairle. Beidh na Ballstáit páirteach sa phróiseas meastóireachta seo, agus más gá, cuirfidh siad ar fáil don Choimisiún faisnéis bhreise le haghaidh ullmhú na tuarascála sin. Áireofar sa tuarascáilsin anailís ar éabhlóid na n-infheistíochtaí coigríche isteach san Aontas mar aon le measúnú ar rannchuidiú an Rialacháin seo le slándáil eacnamaíoch an Aontais. Ba cheart a áireamh ann measúnú ar cheart na coinníollacha a leagtar amach in Airteagal 4(4) agus (4a) a leasú chun cur chuige comhsheasmhach a áirithiú maidir le hinfheistíochtaí coigríche a scagadh, agus na critéir a leagtar amach in Airteagal 13(3) agus (4) á gcur san áireamh, lena n-áirítear slándáil saoráidí míleata agus saoráidí poiblí íogaire eile. Déanfar measúnú sa tuarascáil freisin ar na costais chomhlíonta a bhíonn ar ghnólachtaí.

2.Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 20 chun leasú a dhéanamh, i gcás inar gá, ar liosta na dteicneolaíochtaí, na n-ábhar, na sócmhainní, na saoráidí, an trealaimh, na líonraí, na gcóras, na seirbhísí agus na ngníomhaíochtaí eacnamaíocha lena mbaineann tábhacht ar leith maidir le leasanna slándála nó oird phoiblí an Aontais a leagtar amach in Iarscríbhinn II chun athruithe sna himthosca is ábhartha do leasanna slándála nó oird phoiblí an Aontais a chur san áireamh. Go háirithe, áireofar an méid seo a leanas sna breithnithe sin:

2.Déanfar an chumhacht chun gníomhartha tarmligthe a ghlacadh dá dtagraítear in Airteagal 19 a thabhairt don Choimisiún ar feadh tréimhse 5 bliana ón ... [dáta theacht i bhfeidhm an Rialacháin seo]. Déanfaidh an Coimisiún, tráth nach déanaí ná 9 mí roimh dheireadh na tréimhse 5 bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

scriosta

2.Glacfar na gníomhartha cur chun feidhme dá dtagraítear in Airteagal 10(2), Airteagal 12a(3), Airteagal 12a(6) agus Airteagal 16(1a) i gcomhréir leis an nós imeachta comhairleach dá dtagraítear in Airteagal 22(2).

Aisghairtear Rialachán (AE) 2019/452 le héifeacht ón ... [12 mhí ó dháta theacht i bhfeidhm an Rialacháin seo];

Beidh feidhm aige ó ... [12 mhí ó dháta theacht i bhfeidhm an Rialacháin seo];

Rialachán (AE) 2024/1679 ó Pharlaimint na hEorpa agus ón gComhairle an 13 Meitheamh 2024 maidir le treoirlínte an Aontais chun an gréasán tras-Eorpach iompair a fhorbairt, lena leasaítear Rialacháin (AE) 2021/1153 agus (AE) Uimh. 913/2010 agus lena n-aisghairtear Rialachán (AE) Uimh. 1315/2013 (IO L 2024 1679, 28.6.2024, ELI: http://data.europa.eu/eli/reg/2024/1679/oj).

Liosta na dteicneolaíochtaí, na n-ábhar, na sócmhainní, na saoráidí, an trealaimh, na líonraí, na gcóras, na seirbhísí agus na ngníomhaíochtaí eacnamaíocha lena mbaineann tábhacht ar leith chun leas shlándáil nó ord poiblí an Aontais

a.Teicneolaíochtaí leathsheoltóirí:

–dearadh ciorcad iomlánaithe agus leathsheoltóirí eile, lena n-áirítear micreaphróiseálaithe, próiseálaithe grafacha, micrearialaitheoirí, sliseanna loighce, sliseanna cuimhne, sliseanna radaimhinicíochta, sliseanna fótónaice, sliseanna analógacha, sliseanna candamacha, leathsheoltóirí optúla, leathsheoltóirí cumhachta, comhpháirteanna scoite agus braiteoirí / micreachórais, chomh maith le croíleacán leathsheoltóra maoine intleachtúla gaolmhar;

–bogearraí dearaidh leictreonaigh uathoibrithe chun ciorcaid iomlánaithe agus leathsheoltóirí eile a dhearadh, nó chun ardphacáistíocht a dhearadh

–monarú tosaigh ciorcad iomlánaithe agus leathsheoltóirí eile

–cóimeáil, tástáil agus pacáistiú ciorcad iomlánaithe agus leathsheoltóirí eile, lena n-áirítear ardchláir ciorcad phriontáilte agus ardphacáistíocht

b.Teicneolaíochtaí intleachta saorga, mar atá aon teicneolaíocht nó fios gnó a bhaineann le córas meaisínbhunaithe atá deartha chun oibriú ar leibhéil éagsúla neamhspleáchais agus a d’fhéadfadh oiriúnaitheacht a thaispeáint tar éis a himscartha, agus, ar chuspóirí sainráite nó intuigthe, a infeiríonn, ón ionchur a fhaigheann sí, conas aschuir a ghiniúint amhail tuartha, inneachar, moltaí, nó cinntí ar féidir leo tionchar a imirt ar thimpeallachtaí fisiceacha nó fíorúla (‘córas IS’), a úsáidtear le haghaidh na bhfeidhmchlár seo a leanas:

–córais intleachta saorga ghiniúnacha a oiltear le níos mó ná 10^25 FLOPS (oibríochtaí snámhphointe);

–córais intleachta saorga ghiniúnacha atá oilte go pointe suntasach ar shonraí bhitheolaíocha/ géanómaíocha, nó atá deartha lena n-úsáid i gcomhthéacs bith-theicneolaíoch, spáis nó cosanta

scriosta

scriosta

–Cumarsáid agus nascacht dhigiteach shlán, amhail RAN agus Open RAN (Líonra Rochtana Raidió), 5G agus 6G, cumarsáid léasair agus solais

–Teicneolaíochtaí cibearshlándála, an cibearfhaireachas, criptiú, córais slándála agus córais coiscthe agus braite ionraidh, fóiréinsic dhigiteach san áireamh

h.Teicneolaíochtaí,seirbhísí agus bonneagar fuinnimh:

–Teicneolaíochtaí núicléacha, imoibreoirí agus giniúint cumhachta, teicneolaíochtaí tiontaithe/saibhrithe/athchúrsála raideolaíocha, stóráil núicléach agus diúscairt dramhaíola radaighníomhaí

–Teicneolaíochtaí glan-nialasachta, lena n-áirítear fótavoltachas agus bonneagar teirmeach gréine, chomh maith le teicneolaíochtaí fuinnimh in-athnuaite ar tír agus amach ón gcósta

–Eangacha Eorpacha agus trasteorann, lena n-áirítear eangacha cliste agus réitigh stórála fuinnimh, ceallraí, teicneolaíochtaí ceallraí le haghaidh feidhmeanna eangaí agus comhtháthú fuinnimh in-athnuaite

5.Na heintitis chriticiúla agus na gníomhaíochtaí criticiúla seo a leanas i gcóras airgeadais an Aontais: