(1)L-Unjoni tilqa’ l-investimenti barranin peress li jikkontribwixxu għat-tkabbir tagħha billi jtejbu l-kompetittività tagħha, joħolqu l-impjiegi u l-ekonomiji ta’ skala, u jġibu kapital, teknoloġiji, innovazzjoni u għarfien espert.

(3)Madankollu, l-Artikolu 21(2) tat-TUE jiddikjara li l-politiki u l-azzjonijiet tal-Unjoni għandhom l-għan li jissalvagwardjaw il-valuri, l-interessi fundamentali, is-sigurtà, l-indipendenza u l-integrità tagħha. Dawk il-prinċipji u l-objettivi jsejsu l-politika kummerċjali komuni tal-Unjoni, kif stabbilit fl-Artikolu 207 tat-TFUE, inkluż fir-rigward tal-investiment barrani. F’dak il-kuntest, l-impenji internazzjonali meħuda fl-Organizzazzjoni Dinjija tal-Kummerċ (WTO), l-Organizzazzjoni għall-Kooperazzjoni u l-Iżvilupp Ekonomiċi (OECD), u l-ftehimiet ta’ kummerċ u investiment konklużi ma’ pajjiżi terzi, jippermettu lill-Unjoni u lill-Istati Membri li jirrestrinġu l-investimenti diretti barranin (IDB) għal raġunijiet ta’ sigurtà jew ordni pubbliku, soġġetti għal ċerti rekwiżiti.

(4)F’konformità mar-Regolament (UE) 2019/452 tal-Parlament Ewropew u tal-Kunsill4, ġie stabbilit qafas għall-iskrinjar tal-IDB fl-Unjoni mill-Istati Membri. B’mod partikolari, dak ir-Regolament stabbilixxa mekkaniżmu ta’ kooperazzjoni li jippermetti lill-Istati Membri u lill-Kummissjoni jiskambjaw informazzjoni dwar l-IDB u jqajmu tħassib dwar ir-riskji għas-sigurtà jew għall-ordni pubbliku. Dak il-mekkaniżmu ta’ kooperazzjoni kien jirrikjedi li l-Istat Membru fejn l-IDB kien ippjanat jew ikkompletat (l-Istat Membru ospitanti) iqis kif xieraq il-kummenti maħruġa minn Stati Membri oħra u l-opinjoni maħruġa mill-Kummissjoni fid-deċiżjoni tal-iskrinjar tagħha.

__________________

4 Ir-Regolament (UE) 2019/452 tal-Parlament Ewropew u tal-Kunsill tad-19 ta’ Marzu 2019 li jistabbilixxi qafas għall-iskrinjar tal-investimenti diretti barranin fl-Unjoni (ĠU L 79I, 21.3.2019, p. 1, ELI: http://data.europa.eu/eli/reg/2019/452/oj).

(8)Maġġoranza sinifikanti tal-Istati Membri, iżda mhux kollha, għandhom strument leġiżlattiv fis-seħħ li jipprevedi mekkaniżmu għall-iskrinjar tal-IDB. F’ħafna Stati Membri, il-liġijiet nazzjonali jestendu wkoll għall-iskrinjar tal-investimenti intra-Unjoni. Fost l-Istati Membri, hemm differenzi sostanzjali fir-rigward tal-kamp ta’ applikazzjoni, il-limiti u l-kriterji użati biex jiġi vvalutat jekk investiment huwiex probabbli li jaffettwa b’mod negattiv is-sigurtà jew l-ordni pubbliku. Hemm ukoll differenzi fil-proċessi ta’ skrinjar. F’ċerti Stati Membri, l-investiment jista’ jiġi implimentat qabel ma jkun irċieva approvazzjoni fir-rigward tal-impatt fuq is-sigurtà u l-ordni pubbliku. Madankollu, oħrajn jeħtieġu li l-investiment jiġi ffinalizzat biss wara awtorizzazzjoni skont il-mekkaniżmu ta’ skrinjar. Diverġenzi bħal dawn joħolqu problema għall-funzjonament bla xkiel tas-suq intern. Pereżempju, dawk l-inkonsistenzi joħolqu kundizzjonijiet mhux ekwi u jżidu l-kostijiet tal-konformità għall-investituri li jeħtieġ li jinnotifikaw tranżazzjonijiet f’diversi Stati Membri. Dan ir-Regolament jgħin fl-armonizzazzjoni tal-elementi ewlenin tal-mekkaniżmi implimentati fil-livell nazzjonali. Dan huwa kruċjali biex tiġi żgurata l-prevedibbiltà għall-investituri dwar ir-reġimi nazzjonali applikabbli u l-karatteristiċi tagħhom, u b’hekk jitnaqqsu l-kostijiet tal-konformità assoċjati. Dan huwa aktar u aktar rilevanti meta jitqies il-livell għoli ta’ integrazzjoni fis-suq intern, li jista’ jirriżulta f’tranżazzjoni waħda li jkollha impatt fuq diversi Stati Membri madwar l-Unjoni. Pereżempju huwa possibbli li tranżazzjoni bl-għan li tiġi akkwistata kumpanija fil-mira fi Stat Membru wieħed taffettwa wkoll is-sigurtà u l-ordni pubbliku fi Stati Membri oħra, minħabba l-istruttura tal-katina tal-provvista jew elementi ekonomiċi oħra li jgħaqqdu l-mira ma’ kumpaniji oħra bbażati fi Stati Membri differenti. Sabiex jiġu indirizzati dawn il-problemi tas-suq intern u jiġu żgurati konsistenza u prevedibbiltà akbar, huwa xieraq li l-kriterji u l-elementi li għandhom jintużaw għall-valutazzjoni tal-investimenti barranin jiġu stabbiliti permezz ta’ azzjoni tal-Unjoni.

(9)Sabiex jiġi żgurat approċċ konsistenti għall-iskrinjar tal-investiment barrani madwar l-Unjoni, jenħtieġ li l-Istati Membri kollha jkunu meħtieġa jiskrinjaw l-investimenti barranin għal raġunijiet ta’ sigurtà jew ordni pubbliku. Għalhekk, l-elementi ewlenin tal-mekkaniżmi nazzjonali ta’ skrinjar jenħtieġ li jiġu armonizzati. Dik l-armonizzazzjoni jenħtieġ li tinkludi wkoll il-kamp ta’ applikazzjoni tal-investimenti li għandhom jiġu skrinjati, il-karatteristiċi essenzjali tal-proċedura ta’ skrinjar, u l-interazzjoni bejn il-mekkaniżmu nazzjonali u l-mekkaniżmu ta’ kooperazzjoni tal-Unjoni, inklużi skedi ta’ żmien konsistenti għall-proċeduri ta’ skrinjar. Barra minn hekk, jenħtieġ li l-Istati Membri jkunu jistgħu jestendu l-kamp ta’ applikazzjoni tal-mekkaniżmu ta’ skrinjar nazzjonali tagħhom biex jinkludi tipi oħra ta’ investimenti barranin, investimenti barranin f’setturi oħra, entitajiet fil-mira tal-Unjoni jew attivitajiet ekonomiċi addizzjonali li l-Istat Membru rilevanti jqis kritiċi għas-sigurtà jew l-ordni pubbliku tiegħu. Meta jagħmlu dan, tali skrinjar jenħtieġ li jikkonforma wkoll mad-dispożizzjonijiet ta’ dan ir-Regolament. Huwa essenzjali li jiġi stabbilit approċċ armonizzat u razzjonalizzat fl-Istati Membri kollha, li jiżgura li l-investimenti barranin li jista’ jkollhom implikazzjonijiet għas-sigurtà u għall-ordni pubbliku jkunu soġġetti għal skrutinju konsistenti u teħid tad-deċiżjonijiet effiċjenti. Għal dak il-għan, il-mekkaniżmi ta’ skrinjar jenħtieġ li jimminimizzaw il-kumplessità amministrattiva, jevitaw dewmien bla bżonn u jqisu r-riżorsi limitati tal-intrapriżi żgħar u medji (SMEs) meta jiġu applikati għalihom. Barra minn hekk, il-Kummissjoni jenħtieġ li tiżvolġi rwol ta’ koordinazzjoni biex tiżgura sigurtà akbar għall-Unjoni filwaqt li timminimizza l-ineffiċjenzi u l-approċċi frammentati.

(12)L-iskrinjar tal-investimenti barranin jenħtieġ li jitwettaq f’konformità ma’ dan ir-Regolament, filwaqt li titqies l-informazzjoni fattwali kollha disponibbli u b’konformità mal-prinċipju tal-proporzjonalità u prinċipji oħra minquxa fit-Trattati. Barra minn hekk, l-iskrinjar tal-investimenti barranin li jitwettqu permezz ta’ sussidjarji tal-investitur barrani stabbilit fl-Unjoni jenħtieġ li fil-każijiet kollha jikkonforma mar-rekwiżiti li jirriżultaw mid-dritt tal-Unjoni, u b’mod partikolari mad-dispożizzjonijiet tat-Trattat dwar il-libertà tal-istabbiliment u l-moviment liberu tal-kapital, kif interpretati fil-ġurisprudenza tal-Qorti tal-Ġustizzja tal-Unjoni Ewropea, b’mod konsistenti mal-objettiv li jiġi ppreservat suq intern li jiffunzjona, miftuħ, reżiljenti u inklużiv. Kwalunkwe restrizzjoni għal-libertà tal-istabbiliment u l-moviment liberu tal-kapital fl-Unjoni, inklużi l-iskrinjar u l-miżuri li jirriżultaw mill-iskrinjar, bħal miżuri ta’ mitigazzjoni u projbizzjonijiet, jenħtieġ li jkunu bbażati fuq theddida ġenwina u serja biżżejjed għal interess fundamentali tas-soċjetà, u jenħtieġ li jkunu xierqa u meħtieġa kif stabbilit fil-ġurisprudenza tal-Qorti tal-Ġustizzja. Fl-istess ħin, l-ispeċifiċitajiet tal-investimenti fl-Unjoni operati permezz ta’ sussidjarja ta’ investitur barrani jenħtieġ li jitqiesu meta jiġu vvalutati l-ġustifikazzjoni u l-proporzjonalità ta’ kwalunkwe restrizzjoni fuq il-libertà tal-istabbiliment jew fuq il-moviment liberu tal-kapital, inkluż fejn xieraq fi kwalunkwe opinjoni jew deċiżjoni tal-Kummissjoni adottata skont dan ir-Regolament. Dan jenħtieġ li jsir b’kont meħud tal-integrazzjoni tal-iskemi tal-Istati Membri f’mekkaniżmu ta’ kooperazzjoni għall-Unjoni kollha.

(14)Huwa meħtieġ ukoll li l-Istat Membru ospitanti jsir aktar responsabbli lejn il-Kummissjoni u lejn dawk l-Istati Membri li jesprimu tħassib debitament ġustifikat dwar l-ordni pubbliku jew is-sigurtà tagħhom jew tal-Unjoni.

(15)Il-qafas komuni stabbilit f’dan ir-Regolament jenħtieġ li jkun mingħajr preġudizzju għar-responsabbiltà esklużiva ta’ kull Stat Membru li jissalvagwardja s-sigurtà nazzjonali tiegħu kif previst fl-Artikolu 4(2) TUE. Jenħtieġ li jkun ukoll mingħajr preġudizzju għall-protezzjoni tal-interessi essenzjali tas-sigurtà tal-Istati Membri f’konformità mal-Artikolu 346 TFUE.

(17)Investimenti barranin greenfield iseħħu meta l-investitur barrani jew sussidjarja ta’ investitur barrani fl-Unjoni jistabbilixxu faċilitajiet ġodda jew impriża ġdida fl-Unjoni għat-twettiq ta’ attività ekonomika ġdida. Bl-istabbiliment ta’ faċilitajiet ġodda, investitur barrani jista’ jkollu impatt fuq is-sigurtà u l-ordni pubbliku, inkluż meta dak ir-riskju jikkonċerna inputs ekonomiċi essenzjali. Għalhekk, l-Istati Membri jenħtieġ li jinkludu investimenti barranin greenfield fil-kamp ta’ applikazzjoni tat-tranżazzjonijiet koperti mill-mekkaniżmi ta’ skrinjar tagħhom.

(18)Sabiex jiġu żgurati proċessi ta’ skrinjar konsistenti u prevedibbli, huwa xieraq li jiġu stabbiliti l-karatteristiċi essenzjali tal-mekkaniżmi ta’ skrinjar li għandhom jiġu implimentati mill-Istati Membri. Dawk il-karatteristiċi jenħtieġ li tal-anqas jinkludu l-kamp ta’ applikazzjoni tat-tranżazzjonijiet li jkunu soġġetti għal rekwiżit ta’ awtorizzazzjoni, skadenzi għall-iskrinjar, il-possibbiltà għall-impriżi kkonċernati mid-deċiżjoni tal-iskrinjar li jfittxu rikors kontra tali deċiżjonijiet u l-kapaċità tal-awtoritajiet tal-iskrinjar li jindirizzaw b’mod effettiv każijiet ta’ nonkonformità jew ċirkomvenzjoni. Ir-regoli u l-proċeduri relatati ma’ mekkaniżmi ta’ skrinjar jenħtieġ li jkunu trasparenti u ma jiddiskriminawx bejn pajjiżi terzi. Il-proċedura għall-preżentazzjoni ta’ talba għal awtorizzazzjoni jenħtieġ li tiżgura li r-rekwiżiti tal-konformità jkunu minimi.

(19)Il-mekkaniżmu ta’ kooperazzjoni stabbilit fir-Regolament (UE) 2019/452 jippermetti lill-Istati Membri jikkooperaw u jgħinu lil xulxin meta investiment dirett barrani fi Stat Membru wieħed jista’ jaffettwa s-sigurtà jew l-ordni pubbliku ta’ Stati Membri oħra jew tal-Unjoni, jew ta’ proġetti jew programmi ta’ interess għall-Unjoni. S’issa dan il-mekkaniżmu wera li huwa utli ħafna, u għalhekk jenħtieġ li jinżamm, jissaħħaħ u jitwessa’ skont dan ir-Regolament biex jiġi żgurat approċċ aktar unifikat għall-investimenti barranin madwar l-Unjoni.

(20)Sabiex jiġi żgurat li l-investimenti barranin li x’aktarx jaffettwaw b’mod negattiv is-sigurtà jew l-ordni pubbliku fl-Unjoni jiġu identifikati b’mod adegwat, jenħtieġ li l-Istati Membri jiskrinjaw l-investimenti barranin meta l-entità fil-mira tal-Unjoni tkun parti minn jew tipparteċipa fi proġett jew programm ta’ interess għall-Unjoni jew meta l-attività ekonomika fil-mira tal-Unjoni tkun relatata ma’ teknoloġija, materjali, assi, faċilità, tagħmir, network, sistema jew servizz ta’ importanza partikolari għas-sigurtà jew għall-interessi tal-ordni pubbliku tal-Unjoni. L-Istati Membri jenħtieġ li jiskrinjaw ukoll l-investimenti barranin greenfield f’tali programmi jew setturi sensittivi meta jinħoloq riskju speċifiku mill-karatteristiċi tal-investitur u d-daqs tat-tranżazzjoni. Minbarra dawn il-kriterji, il-mekkaniżmi ta’ skrinjar jistgħu japplikaw għal setturi, entitajiet fil-mira tal-Unjoni jew attivitajiet ekonomiċi oħra li l-Istat Membru rilevanti jqis kritiċi għas-sigurtà jew għall-ordni pubbliku tiegħu.

(21)Sabiex jiġi żgurat li l-mekkaniżmu ta’ kooperazzjoni jiffoka biss fuq dawk l-investimenti barranin fejn il-karatteristiċi tal-investitur barrani jew l-entità fil-mira tal-Unjoni jagħmlu effett fuq is-sigurtà jew l-ordni pubbliku probabbli, huwa xieraq li jiġu stabbiliti kundizzjonijiet ibbażati fuq ir-riskju għan-notifika tal-investimenti barranin li jkunu għaddejjin minn skrinjar fi Stat Membru lill-Istati Membri l-oħra u lill-Kummissjoni. B’mod partikolari, l-Istat Membru jenħtieġ li jivvaluta jekk l-investitur barrani huwiex ikkontrollat jew influwenzat minn gvern ta’ pajjiż terz. Il-kontroll jew l-influwenza jistgħu jiġu ddeterminati abbażi ta’ kriterji bħal-limiti tas-sjieda diretta jew indiretta, in-natura u l-portata tal-finanzjament pubbliku ta’ pajjiżi terzi u arranġamenti speċifiċi ta’ governanza bħall-azzjonijiet tad-deheb. Każijiet ta’ struttura ta’ sjieda opaka jew mhux ċara, jew meta l-benefiċjarju aħħari ma jkunx magħruf, jenħtieġ li jiġu inklużi wkoll bħala tali kundizzjoni. Meta investiment barrani ma jissodisfa l-ebda waħda mill-kundizzjonijiet, l-Istat Membru fejn l-investiment barrani jkun qed jiġi skrinjat jista’ jinnotifika l-investiment barrani lill-Istati Membri l-oħra u lill-Kummissjoni, inkluż meta l-entità fil-mira tal-Unjoni jkollha operazzjonijiet sinifikanti fi Stati Membri oħra, jew tkun tappartjeni għal grupp korporattiv li jkollu diversi kumpaniji fi Stati Membri differenti.

(22)Sabiex jiġi żgurat li l-effett probabbli ta’ investimenti barranin fuq is-sigurtà jew l-ordni pubbliku ta’ Stat Membru wieħed jew aktar jiġi identifikat b’mod adegwat, jenħtieġ li l-Istati Membri jkunu jistgħu jipprovdu kummenti lil Stat Membru li fih ikun ippjanat jew tlesta investiment barrani anki jekk dak l-Istat Membru ma jkunx qed jiskrinja dak l-investiment barrani jew jekk l-investiment barrani jiġi skrinjat iżda mhux innotifikat lill-mekkaniżmu ta’ kooperazzjoni. It-talbiet għal informazzjoni, tweġibiet u kummenti mill-Istati Membri jenħtieġ li jiġu nnotifikati lill-Kummissjoni fl-istess ħin biex tiġi żgurata trasparenza tul il-proċess kollu.

(23)Sabiex jiġi żgurat li l-effett probabbli ta’ investiment barrani fuq is-sigurtà jew l-ordni pubbliku ta’ aktar minn Stat Membru wieħed jew tal-Unjoni kollha kemm hi jiġi identifikat b’mod adegwat, jenħtieġ li jkun possibbli għall-Kummissjoni li toħroġ opinjoni skont it-tifsira tal-Artikolu 288 tat-TFUE lill-Istat Membru ospitanti anki jekk dak l-investiment barrani ma jkunx qed jiġi skrinjat f’dak l-Istat Membru jew jekk dak l-investiment barrani jiġi skrinjat iżda mhux innotifikat lill-mekkaniżmu ta’ kooperazzjoni. Biex jiġu żgurati t-trasparenza u l-prevedibbiltà, l-opinjonijiet tal-Kummissjoni jenħtieġ li jkunu bbażati fuq riskji speċifiċi u dokumentati u jenħtieġ li jsegwu kriterji ta’ ħruġ stabbiliti, inklużi riskji għas-sigurtà dokumentati jew tħassib transfruntier.

(24)Barra minn hekk, biex tiżgura l-protezzjoni tas-sigurtà jew tal-ordni pubbliku fejn l-effett probabbli jirriżulta minn investiment barrani f’entità fil-mira tal-Unjoni li tipprevedi l-iżvilupp, il-manutenzjoni jew l-akkwist ta’ infrastruttura, teknoloġiji jew inputs, li huma kritiċi għall-Unjoni kollha kemm hi, jenħtieġ li l-Kummissjoni titħalla toħroġ opinjoni. Dan iservi ta’ għodda għall-Kummissjoni biex tipproteġi proġetti u programmi li jservu l-Unjoni kollha kemm hi u jirrappreżenta kontribut importanti għas-sigurtà jew l-ordni pubbliku tal-Unjoni. Opinjoni tal-Kummissjoni li tidentifika l-impatt probabbli fuq proġetti jew programmi ta’ interess għall-Unjoni għal raġunijiet ta’ sigurtà jew ordni pubbliku jenħtieġ li tiġi nnotifikata lill-Istati Membri kollha.

(25)Barra minn hekk, jenħtieġ li jkun possibbli għall-Kummissjoni li tadotta opinjoni indirizzata lill-Istati Membri kollha jekk tidentifika diversi investimenti barranin li, meħuda flimkien, x’aktarx ikollhom impatt fuq is-sigurtà jew l-ordni pubbliku tal-Unjoni. Dan jista’ jkun il-każ b’mod partikolari fejn diversi investimenti barranin jippreżentaw karatteristiċi komparabbli. Dawn jinkludu fejn l-investimenti barranin isiru mill-istess investitur barrani, jew investituri barranin li jippreżentaw riskji simili, jew fejn diversi investimenti barranin jikkonċernaw l-istess entità fil-mira jew infrastruttura tal-Unjoni, inkluża l-infrastruttura trans-Ewropea għat-trasport, l-enerġija u l-komunikazzjoni. L-Istati Membri u l-Kummissjoni jenħtieġ li jiddiskutu l-analiżi tar-riskju u l-modi possibbli biex jiġu indirizzati r-riskji identifikati fl-opinjoni, filwaqt li jiżguraw approċċ ikkoordinat.

(26)Sabiex tiġi protetta s-sigurtà jew l-ordni pubbliku filwaqt li tiġi pprovduta ċertezza akbar lill-investituri, jenħtieġ li l-Istati Membri jkollhom il-possibbiltà li jagħmlu kummenti u l-Kummissjoni jenħtieġ li jkollha l-possibbiltà li toħroġ opinjoni dwar l-investimenti barranin li jkunu tlestew iżda li ma jkunux ġew innotifikati fi żmien 15-il xahar mit-tlestija tal-investiment barrani.

(27)Għal aktar ċarezza, il-lista ta’ proġetti jew programmi ta’ interess għall-Unjoni jenħtieġ li tkun elenkata fl-Anness I. Dawn jenħtieġ li jinkludu kwalunkwe investiment barrani li jsir fuq in-networks trans-Ewropej tat-trasport, l-enerġija u l-komunikazzjoni, kif ukoll programmi li jipprovdu finanzjament għar-riċerka u l-iżvilupp għal attivitajiet rilevanti għas-sigurtà jew l-ordni pubbliku tal-Unjoni. Minħabba l-importanza ta’ dawn il-proġetti u l-programmi għas-sigurtà u l-ordni pubbliku tal-Unjoni u n-natura intrinsikament transfruntiera u l-karattru ta’ network tagħhom, jenħtieġ li l-Istati Membri jiskrinjaw l-investimenti barranin f’impriżi tal-Unjoni li huma parti minn dawn il-proġetti jew programmi jew li jipparteċipaw fihom, inklużi dawk li jirċievu finanzjament mill-Unjoni.

(28)Sabiex jiġi żgurat li l-effett probabbli ta’ investiment barrani fuq is-sigurtà jew l-ordni pubbliku ta’ Stat Membru wieħed jew aktar jiġi indirizzat b’mod adegwat, l-Istati Membri li jirċievu kummenti debitament ġustifikati minn Stati Membri oħra jew opinjoni mill-Kummissjoni jenħtieġ li jagħtu l-akbar kunsiderazzjoni lil tali kummenti jew opinjoni, inkluż meta jqisu li s-sigurtà jew l-ordni pubbliku tagħhom stess ma jkunux affettwati. L-Istat Membru jenħtieġ li jikkoordina mal-Kummissjoni u mal-Istati Membri kkonċernati jekk ikun meħtieġ u jipprovdilhom l-abbozz ta’ deċiżjoni tiegħu, flimkien ma’ feedback bil-miktub dwar kif il-kummenti u l-opinjoni jkunu ngħataw l-akbar kunsiderazzjoni. L-abbozz ta’ deċiżjoni jenħtieġ li jibqa’ miftuħ għal emendi biex jitqiesu l-fehmiet espressi mill-Istati Membri kkonċernati u mill-Kummissjoni.

(29)Sabiex jiġi żgurat il-funzjonament effettiv tal-mekkaniżmu ta’ kooperazzjoni, huwa importanti li jkun meħtieġ li l-Istat Membru li jinnotifika l-investiment barrani lill-mekkaniżmu ta’ kooperazzjoni jipprovdi sett minimu ta’ informazzjoni f’format standardizzat. Fejn il-kooperazzjoni tikkonċerna investiment barrani mhux innotifikat lill-mekkaniżmu ta’ kooperazzjoni, l-Istat Membru ospitanti jenħtieġ li jkun jista’ jipprovdi mill-inqas l-istess sett minimu ta’ informazzjoni. Il-Kummissjoni u l-Istati Membri jistgħu jitolbu informazzjoni addizzjonali mill-Istat Membru fejn l-investiment barrani jkun ippjanat jew tlesta. Tali talba għal informazzjoni addizzjonali jenħtieġ li tkun debitament ġustifikata, limitata għall-informazzjoni meħtieġa biex l-Istati Membri jipprovdu kummenti jew biex il-Kummissjoni toħroġ opinjoni, proporzjonata għall-fini tat-talba u mhux ta’ piż bla bżonn għall-Istat Membru notifikanti u għall-kumpaniji kkonċernati. Meta rilevanti, il-Kummissjoni tista’ titlob informazzjoni minn korpi oħra tal-Unjoni bħall-Awtorità Ewropea tat-Titoli u s-Swieq, l-Awtorità Bankarja Ewropea, l-Awtorità Ewropea tal-Assigurazzjoni u l-Pensjonijiet tax-Xogħol, il-Mekkaniżmu Superviżorju Uniku jew il-Bank Ċentrali Ewropew.

(30)Sabiex jiġi żgurat li l-kooperazzjoni tkun ibbażata fuq informazzjoni kompluta u preċiża, investitur barrani jew impriża jenħtieġ li jipprovdu kwalunkwe informazzjoni rilevanti mitluba mill-Istat Membru fejn ikunu stabbiliti jew mill-Istat Membru ospitanti. F’ċirkostanzi eċċezzjonali, meta, minkejja l-aħjar sforzi tiegħu, Stat Membru ma jkunx jista’ jikseb informazzjoni mitluba minn Stat Membru ieħor jew mill-Kummissjoni, jenħtieġ li jinnotifikahom mingħajr dewmien. F’każ bħal dan, kwalunkwe kumment maħruġ minn Stat Membru ieħor, jew kwalunkwe opinjoni maħruġa mill-Kummissjoni bħala parti mill-mekkaniżmu ta’ kooperazzjoni jenħtieġ li jkunu bbażati fuq l-informazzjoni disponibbli għalihom.

(31)Sabiex jiġi żgurat li l-mekkaniżmu ta’ kooperazzjoni jintuża esklużivament għall-fini tal-protezzjoni tas-sigurtà jew tal-ordni pubbliku, jenħtieġ li l-Istati Membri jiġġustifikaw kif xieraq kwalunkwe talba għal informazzjoni rigward investiment barrani speċifiku fi Stat Membru ieħor u kwalunkwe kumment li joħorġu lil dak l-Istat Membru. Dan huwa essenzjali biex jiġi evitat l-użu ħażin tal-mekkaniżmu u biex jiġi żgurat li jkun iffukat unikament fuq it-tħassib li jirrigwarda s-sigurtà u l-ordni pubbliku. L-istess rekwiżiti japplikaw meta l-Kummissjoni titlob informazzjoni dwar investiment barrani partikolari jew toħroġ opinjoni lil Stat Membru.

(32)L-Istati Membri jew il-Kummissjoni, kif adatt, jistgħu jqisu informazzjoni rilevanti riċevuta minn operaturi ekonomiċi, organizzazzjonijiet tas-soċjetà ċivili, sħab soċjali (bħal trade unions) dwar investiment barrani li x’aktarx jaffettwa b’mod negattiv is-sigurtà jew l-ordni pubbliku. Dik l-informazzjoni jenħtieġ li tiġi vvalutata bir-reqqa u tista’ twassal għall-bidu ta’ proċedura ta’ skrinjar mill-Istat Membru ospitanti.

(33)Stat Membru ospitanti jista’ jinforma lill-Istati Membri l-oħra jew lill-Kummissjoni jekk isir konxju ta’ ċirkostanzi ġodda jew informazzjoni ġdida li jista’ jkollha impatt fuq il-valutazzjoni ta’ investiment barrani notifikat. L-Istati Membri l-oħra u l-Kummissjoni jistgħu mbagħad jingħataw żmien addizzjonali biex jikkomplementaw il-valutazzjoni tagħhom tal-investiment barrani. F’tali każijiet, kwalunkwe estensjoni tal-perjodu ta’ valutazzjoni jenħtieġ li tkun minima u jenħtieġ li ma ddewwimx bla bżonn il-proċedura ta’ skrinjar ġenerali.

(34)Sabiex jiġu żgurati l-effiċjenza u l-effettività tal-mekkaniżmu ta’ kooperazzjoni, huwa meħtieġ li l-iskadenzi u l-proċeduri jiġu allinjati meta diversi investimenti barranin marbuta mal-istess tranżazzjoni usa’ jiġu skrinjati f’diversi Stati Membri. F’tali tranżazzjonijiet multinazzjonali, l-applikant jenħtieġ li jippreżenta t-talbiet differenti għall-awtorizzazzjoni fl-Istati Membri kkonċernati fi ħdan skeda ta’ żmien limitata. Barra minn hekk, jenħtieġ li dawk l-Istati Membri jagħmlu ħilithom biex jinnotifikaw it-talbiet lill-mekkaniżmu ta’ kooperazzjoni fi ħdan skeda ta’ żmien limitata. Sabiex jiġi żgurat trattament effiċjenti ta’ dawn it-tranżazzjonijiet multinazzjonali, l-Istati Membri kkonċernati jenħtieġ li jikkoordinaw u jaqblu dwar jekk l-investimenti barranin humiex notifikabbli u dwar l-allinjament tal-iskedi ta’ żmien proċedurali tagħhom. Barra minn hekk, l-Istati Membri kkonċernati jenħtieġ li jikkoordinaw ukoll dwar il-kontenut tad-deċiżjoni finali tagħhom. Jekk l-Istati Membri kkonċernati jkollhom l-intenzjoni li jawtorizzaw l-investiment barrani b’kundizzjonijiet, jenħtieġ li jiżguraw li dawn il-kundizzjonijiet ikunu kompatibbli ma’ xulxin u jindirizzaw ir-riskji transfruntiera b’mod adegwat. Qabel ma jipprojbixxu investiment barrani, l-Istati Membri kkonċernati jenħtieġ li jikkunsidraw jekk awtorizzazzjoni kondizzjonali b’miżuri koordinati u l-infurzar koordinat tagħhom hijiex biżżejjed biex tindirizza l-effett probabbli fuq is-sigurtà jew l-ordni pubbliku. Jenħtieġ li l-Kummissjoni tkun tista’ tipparteċipa bis-sħiħ f’tali koordinazzjoni.

(35)Sabiex jiġi żgurat approċċ konsistenti għall-iskrinjar tal-investimenti madwar l-Unjoni, huwa essenzjali li l-istandards u l-kriterji użati biex jiġu vvalutati r-riskji probabbli għas-sigurtà u l-ordni pubbliku jkunu dawk stabbiliti fil-livell tal-Unjoni f’dan ir-Regolament. Dawk jenħtieġ li jinkludu l-impatt fuq is-sigurtà, l-integrità, il-funzjonament u r-reżiljenza tal-infrastruttura kritika u tas-suq intern, id-disponibbiltà u l-adozzjoni ta’ teknoloġiji u għarfien kritiċi (inklużi teknoloġiji abilitanti essenzjali), il-provvista kontinwa ta’ inputs kritiċi għas-sigurtà jew għall-ordni pubbliku, li t-tfixkil, il-falliment, it-telf jew il-qerda tagħhom ikollhom impatt sinifikanti fuq is-sigurtà u l-ordni pubbliku fi Stat Membru wieħed jew aktar jew fuq l-Unjoni kollha kemm hi, is-sigurtà tal-faċilitajiet militari u ta’ faċilitajiet pubbliċi sensittivi oħra, u l-kapaċità li jiġu indirizzati d-dipendenzi strateġiċi. F’dak ir-rigward, jenħtieġ li l-Istati Membri u l-Kummissjoni jqisu wkoll il-kuntest u ċ-ċirkostanzi tal-investiment barrani. Dan jenħtieġ li jinkludi, b’mod partikolari, jekk investitur wettaqx attivitajiet illegali, inkluż nuqqas ripetut li jikkonforma mal-istandards legali tal-Unjoni, jekk huwiex involut fl-ilħuq tal-objettivi ta’ politika ta’ pajjiżi terzi, jew għandux l-għan li jiffaċilita l-kapaċitajiet militari tagħhom jew il-ksur tad-dritt internazzjonali. L-ilħuq tal-objettivi ta’ politika ta’ pajjiż terz jista’ jinvolvi li l-gvern tiegħu jeżerċita influwenza fuq l-impriżi, li jwassal għal distorsjonijiet sinifikanti tas-suq. F’dan il-kuntest, jekk applikabbli, jenħtieġ li l-Istati Membri u l-Kummissjoni jikkunsidraw ukoll għaliex l-investitur barrani, is-sid benefiċjarju tiegħu jew kwalunkwe waħda mis-sussidjarji tiegħu jew persuna li taġixxi f’isem jew taħt id-direzzjoni ta’ tali investitur barrani huma soġġetti għal kwalunkwe tip ta’ miżuri restrittivi tal-Unjoni skont l-Artikolu 215 tat-TFUE.

(36)Meta l-Istat Membru ospitanti jqis li investiment barrani x’aktarx jaffettwa b’mod negattiv is-sigurtà jew l-ordni pubbliku fl-Unjoni, huwa xieraq li dak l-Istat Membru jintalab jieħu miżuri xierqa biex itaffi r-riskji, fejn tali miżuri jkunu disponibbli, u jqis li dawn ikunu adegwati, filwaqt li jitqiesu bis-sħiħ il-kummenti maħruġa minn Stati Membri oħra u l-opinjoni maħruġa mill-Kummissjoni, jekk applikabbli. Jenħtieġ li l-investimenti barranin ikunu pprojbiti biss fuq bażi eċċezzjonali, u fejn il-miżuri ta’ mitigazzjoni jew il-miżuri disponibbli skont il-liġi tal-Unjoni jew dik nazzjonali għajr il-mekkaniżmu ta’ skrinjar ma jkunux biżżejjed biex itaffu l-effett fuq is-sigurtà jew l-ordni pubbliku.

(37)Sabiex tiġi appoġġata l-implimentazzjoni tal-mekkaniżmu ta’ kooperazzjoni u jitrawwem l-iskambju ta’ prattiki tajba fost l-Istati Membri, jenħtieġ li jinżamm il-grupp ta’ esperti dwar l-iskrinjar tal-investimenti barranin stabbilit skont ir-Regolament (UE) 2019/452 u jenħtieġ li l-kompiti tiegħu jiġu aġġornati f’konformità ma’ dan ir-Regolament.

(39)Sabiex tiġi żgurata l-effikaċja tal-mekkaniżmu ta’ koordinazzjoni, il-punti ta’ kuntatt stabbiliti mill-Istati Membri u l-Kummissjoni jenħtieġ li jitqiegħdu strateġikament b’mod xieraq fi ħdan l-amministrazzjonijiet rispettivi. Il-punti ta’ kuntatt jenħtieġ li jkollhom il-persunal kwalifikat u s-setgħat meħtieġa biex iwettqu l-ħidma tagħhom taħt il-mekkaniżmu ta’ koordinazzjoni u jiżguraw trattament xieraq tal-informazzjoni kunfidenzjali bi qbil mal-oqfsa legali applikabbli.

(40)L-Istati Membri u l-Kummissjoni jenħtieġ li jiġu inkoraġġuti jikkooperaw attivament mal-awtoritajiet responsabbli ta’ pajjiżi terzi li huma tal-istess fehma dwar kwistjonijiet relatati mal-iskrinjar ta’ investimenti barranin li jistgħu jaffettwaw is-sigurtà jew l-ordni pubbliku. Tali kooperazzjoni amministrattiva jenħtieġ li jkollha l-għan li ssaħħaħ l-effettività tal-qafas għall-iskrinjar ta’ investimenti barranin mill-Istati Membri u l-kooperazzjoni bejn l-Istati Membri u l-Kummissjoni skont dan ir-Regolament. Jenħtieġ li l-Kummissjoni tinżamm infurmata dwar tali kuntatti bilaterali sal-punt li jkunu relatati ma’ kwistjonijiet sistemiċi, tendenzi jew l-aħjar prattiki relatati mal-iskrinjar tal-investiment. Jenħtieġ li jkun ukoll possibbli għall-Kummissjoni li timmonitorja l-iżviluppi fir-rigward tal-mekkaniżmi ta’ skrinjar f’pajjiżi terzi.

(41)L-Istati Membri u l-Kummissjoni jenħtieġ li jiżguraw l-ogħla livell ta’ kunfidenzjalità tal-informazzjoni li jipprovdu jew jirċievu fl-applikazzjoni ta’ dan ir-Regolament, f’konformità mal-liġi nazzjonali u tal-Unjoni. Fejn l-iżvelar mhux awtorizzat ta’ informazzjoni jikkawża gradi differenti ta’ preġudizzju għall-interessi tal-Unjoni Ewropea, jew ta’ Stat Membru wieħed jew aktar, l-oriġinatur tal-informazzjoni jenħtieġ li jikklassifika l-informazzjoni f’konformità mal-liġi nazzjonali u tal-Unjoni. Meta jwieġbu għal talbiet ta’ aċċess għal dokumenti ttrattati fl-applikazzjoni ta’ dan ir-Regolament, l-Istati Membri u l-Kummissjoni jenħtieġ li jikkoordinaw u jipprovdu mill-inqas il-livell ta’ protezzjoni tal-interessi protetti disponibbli skont l-Artikolu 4 tar-Regolament (KE) Nru 1049/20015, bil-ħsieb li jissalvagwardjaw l-integrità tal-investigazzjonijiet. Jenħtieġ li l-Kummissjoni tieħu l-miżuri kollha meħtieġa biex tiżgura l-protezzjoni tal-informazzjoni kunfidenzjali f’konformità, b’mod partikolari, mad-Deċiżjoni tal-Kummissjoni (UE, Euratom) 2015/4436 u d-Deċiżjoni tal-Kummissjoni (UE, Euratom) 2015/4447. Bl-istess mod, l-Istati Membri u l-Kummissjoni jenħtieġ li jieħdu l-miżuri kollha meħtieġa biex jiżguraw il-konformità mal-Ftehim bejn l-Istati Membri tal-Unjoni Ewropea, imlaqqgħin fil-Kunsill, dwar il-protezzjoni ta’ informazzjoni klassifikata skambjata fl-interessi tal-Unjoni8. Dan jinkludi, b’mod partikolari, l-obbligu li tinżamm il-kunfidenzjalità tal-informazzjoni klassifikata u li ma jkunx hemm tnaqqis fil-grad jew id-deklassifikazzjoni ta’ tali informazzjoni mingħajr il-kunsens bil-miktub minn qabel tal-oriġinatur. Kwalunkwe informazzjoni sensittiva li mhijiex klassifikata jew informazzjoni li tingħata fuq bażi kunfidenzjali jenħtieġ li tiġi ttrattata bħala tali mill-awtoritajiet.

__________________

5 Ir-Regolament (KE) Nru 1049/2001 tal-Parlament Ewropew u tal-Kunsill tat-30 ta’ Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU L 145, 31.5.2001, p. 43-48, ELI: http://data.europa.eu/eli/reg/2001/1049/oj).

6 Id-Deċiżjoni tal-Kummissjoni (UE, Euratom) 2015/443 tat-13 ta’ Marzu 2015 dwar is-Sigurtà fil-Kummissjoni (ĠU L 72, 17.3.2015, p. 41, ELI: http://data.europa.eu/eli/dec/2015/443/oj).

7 Id-Deċiżjoni tal-Kummissjoni (UE, Euratom) 2015/444 tat-13 ta’ Marzu 2015 dwar ir-regoli tas-Sigurtà għall-protezzjoni ta’ informazzjoni klassifikata tal-UE (ĠU L 72, 17.3.2015, p. 53, ELI: http://data.europa.eu/eli/dec/2015/444/oj).

8 Il-Ftehim bejn l-Istati Membri tal-Unjoni Ewropea, imlaqqgħin fil-Kunsill, dwar il-protezzjoni ta’ informazzjoni klassifikata skambjata fl-interessi tal-Unjoni Ewropea (ĠU C 202, 8.7.2011, p. 13).

(43)Il-Kummissjoni jenħtieġ li tfassal rapport annwali dwar l-implimentazzjoni ta’ dan ir-Regolament u tippreżentah lill-Parlament Ewropew u lill-Kunsill. Għal aktar trasparenza, ir-rapport jenħtieġ li jsir pubbliku. Ir-rapport jenħtieġ li jkun ibbażat, fost affarijiet oħra, fuq rapporti ppreżentati mill-Istati Membri kollha lill-Kummissjoni fuq bażi kunfidenzjali bir-rispett dovut għall-ħtieġa li tiġi żgurata l-protezzjoni tal-kunfidenzjalità ta’ ċerta informazzjoni, b’mod partikolari fejn il-pubblikazzjoni tad-data tista’ taffettwa s-sigurtà jew l-ordni pubbliku tal-Unjoni jew tipperikola l-kunfidenzjalità kummerċjali. Ir-rapport jenħtieġ li jinkludi informazzjoni dwar it-tendenzi u l-fatturi ta’ riskju emerġenti kif ukoll aġġornamenti dwar l-iżviluppi leġiżlattivi fl-Istati Membri.

(44)Il-Kummissjoni jenħtieġ li tevalwa l-funzjonament u l-effettività ta’ dan ir-Regolament 3 snin wara d-data tal-applikazzjoni ta’ dan ir-Regolament u kull 5 snin minn hemm ’il quddiem u tippreżenta rapport lill-Parlament Ewropew u lill-Kunsill. Dak ir-rapport jenħtieġ li jinkludi, b’mod partikolari, valutazzjoni tal-kontribut ta’ dan ir-Regolament għas-sigurtà ekonomika tal-Unjoni. Jenħtieġ li jinkludi valutazzjoni ta’ jekk dan ir-Regolament jeħtieġx jiġi emendat jew le. Fejn ir-rapport jipproponi l-emendar ta’ dan ir-Regolament, huwa jista’ jiġi akkumpanjat minn proposta leġiżlattiva.

(46)Meta investiment barrani jikkostitwixxi konċentrazzjoni li taqa’ fil-kamp ta’ applikazzjoni tar-Regolament tal-Kunsill (KE) Nru 139/200412, jenħtieġ li l-applikazzjoni ta’ dan ir-Regolament tkun mingħajr preġudizzju għall-applikazzjoni tal-Artikolu 21(4) tar-Regolament (KE) Nru 139/2004. Jenħtieġ li dan ir-Regolament u l-Artikolu 21(4) tar-Regolament (KE) Nru 139/2004 jiġu applikati b’mod konsistenti. Sa fejn il-kamp ta’ applikazzjoni rispettiv ta’ dawk iż-żewġ Regolamenti jikkoinċidi, jenħtieġ li r-raġunijiet għall-iskrinjar stabbiliti fl-Artikolu 1 ta’ dan ir-Regolament u l-kunċett ta’ interessi leġittimi fis-sens tal-Artikolu 21(4), it-tielet subparagrafu, tar-Regolament (KE) Nru 139/2004 jiġu interpretati b’mod koerenti, mingħajr preġudizzju għall-valutazzjoni tal-kompatibbiltà tal-miżuri nazzjonali li għandhom l-għan li jipproteġu dawk l-interessi bil-prinċipji ġenerali u dispożizzjonijiet oħra tad-dritt tal-Unjoni.

__________________

12 Ir-Regolament tal-Kunsill (KE) Nru 139/2004 tal-20 ta’ Jannar 2004 dwar il-kontroll ta’ konċentrazzjonijiet bejn impriżi (ĠU L 24, 29.1.2004, p. 1, ELI: http://data.europa.eu/eli/reg/2004/139/oj).

(49)Sabiex jitqiesu l-iżviluppi relatati ma’ proġetti jew programmi ta’ interess għall-Unjoni u sabiex tiġi adattata l-lista ta’ teknoloġiji, materjali, assi, faċilitajiet, tagħmir, networks, sistemi, servizzi u attivitajiet ekonomiċi ta’ importanza partikolari għas-sigurtà jew għall-interessi tal-ordni pubbliku tal-Unjoni, b’mod partikolari fid-dawl tal-valutazzjonijiet tar-riskju li għandhom jitwettqu fl-ambitu tal-Istrateġija Ewropea ta’ Sigurtà Ekonomika, is-setgħa li jiġu adottati atti skont l-Artikolu 290 TFUE jenħtieġ li tiġi ddelegata lill-Kummissjoni fir-rigward tal-emendi għall-Annessi għal dan ir-Regolament. Il-lista ta’ proġetti u programmi ta’ interess għall-Unjoni stabbilita fl-Anness I jenħtieġ li tkopri proġetti jew programmi koperti mid-dritt tal-UE li jipprevedu l-iżvilupp, il-manutenzjoni jew l-akkwist ta’ infrastruttura kritika, teknoloġiji kritiċi jew inputs kritiċi li huma essenzjali għas-sigurtà jew l-ordni pubbliku. Il-lista ta’ teknoloġiji, materjali, assi, faċilitajiet, tagħmir, networks, sistemi, servizzi u attivitajiet ekonomiċi ta’ importanza partikolari għas-sigurtà jew għall-interessi tal-ordni pubbliku tal-Unjoni stabbiliti fl-Anness II jenħtieġ li tinkludi oqsma fejn investiment barrani jista’ jaffettwa s-sigurtà jew l-ordni pubbliku f’aktar minn Stat Membru wieħed jew fl-Unjoni kollha kemm hi permezz ta’ entità fil-mira tal-Unjoni, li ma tipparteċipax fi jew ma tirċevix fondi minn proġett jew programm ta’ interess għall-Unjoni. Il-Kummissjoni jenħtieġ li, b’mod partikolari, taġġorna l-Anness I fil-każ li proġetti jew programmi ġodda ta’ interess għall-Unjoni jiġu stabbiliti fil-kuntest tal-Oqfsa Finanzjarji Pluriennali futuri. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, ukoll fil-livell ta’ esperti, u li dawk il-konsultazzjonijiet jiġu mwettqa f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet16. B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

__________________

16 ĠU L 123, 12.5.2016, p. 1.

(50)Sabiex jiġu żgurati kundizzjonijiet uniformi għall-implimentazzjoni ta’ dan ir-Regolament, b’mod partikolari fir-rigward tal-forom li għandhom jintużaw biex tiġi pprovduta informazzjoni minima dwar l-investimenti barranin u biex jiġu ppreżentati talbiet għal awtorizzazzjoni, jenħtieġ li l-Kummissjoni tingħata setgħat ta’ implimentazzjoni. Jenħtieġ li dawk is-setgħat ikunu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill17.

__________________

17 Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13, ELI: http://data.europa.eu/eli/reg/2011/182/oj).

(51)Jenħtieġ li r-Regolament (UE) Nru 2019/452 jitħassar. Sabiex l-Istati Membri u l-entitajiet ikollhom biżżejjed żmien biex iħejju għall-implimentazzjoni, jenħtieġ li dan ir-Regolament japplika minn [żid id-data: 12-il xahar wara d-dħul fis-seħħ]. Jenħtieġ li jkun applikabbli irrispettivament mill-istabbiliment tal-portal uniku għall-preżentazzjoni ta’ talbiet għal awtorizzazzjoni. Fil-perjodu tranżitorju bejn id-dħul fis-seħħ u l-applikazzjoni ta’ dan ir-Regolament, ir-Regolament (UE) 2019/452 jenħtieġ li jkompli japplika,

1.Dan ir-Regolament jistabbilixxi qafas tal-Unjoni għall-iskrinjar, mill-Istati Membri, ta’ investimenti barranin fit-territorju tagħhom, għal raġunijiet ta’ sigurtà jew ordni pubbliku, inkluża s-sigurtà ekonomika.

2.Dan ir-Regolament jistabbilixxi mekkaniżmu ta’ kooperazzjoni li jippermetti lill-Istati Membri u lill-Kummissjoni jiskambjaw informazzjoni rilevanti dwar investimenti barranin, jivvalutaw l-impatt potenzjali tagħhom fuq is-sigurtà jew l-ordni pubbliku, u jidentifikaw u jindirizzaw tħassib potenzjali.

3.L-Istati Membri jistgħu jadottaw jew iżommu fis-seħħ dispożizzjonijiet nazzjonali f’oqsma mhux koperti minn dan ir-Regolament, dment li tali dispożizzjonijiet ma jimminawx l-objettivi ta’ dan ir-Regolament u jkunu konsistenti magħhom.

5.Dan ir-Regolament huwa mingħajr preġudizzju għall-obbligi tal-Istati Membri skont it-Trattati, b’mod partikolari l-Artikoli 49 u 63 tat-TFUE, u għad-dritt tagħhom li jieħdu miżuri li jkunu ġustifikati għal raġunijiet ta’ politika pubblika jew sigurtà pubblika skont l-Artikolu 65 tat-TFUE. L-Istati Membri għandhom jiżguraw li kwalunkwe miżura meħuda fil-qafas ta’ dan ir-Regolament tikkonforma ma’ dawk l-obbligi. Dan ir-Regolament huwa mingħajr preġudizzju għas-setgħat tal-Kummissjoni skont l-Artikolu 258 tat-TFUE biex tiżgura l-konformità mal-liġi tal-Unjoni.

(1)“investiment barrani” tfisser investiment ta’ kwalunkwe tip, imwettaq minn investitur barrani nnifsu jew permezz ta’ sussidjarja ta’ investitur barrani fl-Unjoni, bl-għan li jistabbilixxi jew iżomm rabtiet dejjiema u diretti bejn l-investitur barrani u entità fil-mira tal-Unjoni, li għalih l-investitur barrani jagħmel kapital disponibbli sabiex iwettaq attività ekonomika fi Stat Membru, filwaqt li jippermetti parteċipazzjoni attiva fil-ġestjoni jew fil-kontroll ta’ dik l-entità fil-mira tal-Unjoni;

imħassar

imħassar

(7)“sussidjarja ta’ investitur barrani fl-Unjoni” tfisser impriża stabbilita skont il-liġijiet ta’ Stat Membru li tissodisfa l-kundizzjonijiet stabbiliti fl-Artikolu 22(1) tad-Direttiva 2013/34/UE tal-Parlament Ewropew u tal-Kunsill tas-26 ta’ Ġunju 201318, u kkontrollata direttament jew indirettament minn investitur barrani;

__________________

18 Id-Direttiva 2013/34/UE tal-Parlament Ewropew u tal-Kunsill tas-26 ta’ Ġunju 2013 dwar id-dikjarazzjonijiet finanzjarji annwali, id-dikjarazzjonijiet finanzjarji kkonsolidati u r-rapporti relatati ta’ ċerti tipi ta’ intrapriżi, li temenda d-Direttiva 2006/43/KE tal-Parlament Ewropew u tal-Kunsill u li tħassar id-Direttivi tal-Kunsill 78/660/KEE u 83/349/KEE (ĠU L 182, 29.6.2013, p. 19-76, ELI: http://data.europa.eu/eli/dir/2013/34/oj).

(8)“entità fil-mira tal-Unjoni” tfisser impriża stabbilita jew li għandha tiġi stabbilita skont il-liġijiet ta’ Stat Membru;

(9)“entità fil-mira tal-Unjoni ekonomikament attiva f’wieħed mill-oqsma elenkati fl-Anness II” tfisser entità fil-mira tal-Unjoni attiva jew maħsuba li tkun attiva fit-tfassil, l-iżvilupp, l-estrazzjoni, l-ipproċessar, il-produzzjoni, ir-riċiklaġġ jew il-provvista tat-teknoloġiji, il-materjali, l-assi, il-faċilitajiet, it-tagħmir, in-networks, is-sistemi, is-servizzi u l-attivitajiet ekonomiċi elenkati fl-Anness II;

(18)“proġetti jew programmi ta’ interess għall-Unjoni” tfisser proġetti jew programmi koperti mid-dritt tal-Unjoni li jipprevedu l-iżvilupp, il-manutenzjoni jew l-akkwist ta’ infrastruttura kritika, teknoloġiji kritiċi, servizzi kritiċi u essenzjali jew inputs kritiċi li huma essenzjali għas-sigurtà jew għall-ordni pubbliku u li huma elenkati fl-Anness I;

2.L-Istati Membri għandhom jiżguraw li l-mekkaniżmu ta’ skrinjar imsemmi fil-paragrafu 1 japplika mill-inqas għal investimenti soġġetti għal rekwiżit ta’ awtorizzazzjoni skont l-Artikolu 4(4) u (4a).

3.Kull Stat Membru għandu jinnotifika lill-Kummissjoni bil-miżuri adottati skont il-paragrafu 1 mhux aktar tard minn ... 12-il xahar mid-data tad-dħul fis-seħħ ta’ dan ir-Regolament]. Wara dan, l-Istati Membri għandhom jinnotifikaw lill-Kummissjoni bi kwalunkwe emenda għall-mekkaniżmu ta’ skrinjar tagħhom fi żmien 30 jum mill-adozzjoni tal-emenda.

4.Il-Kummissjoni għandha tagħmel disponibbli għall-pubbliku lista tal-mekkaniżmi ta’ skrinjar tal-Istati Membri mhux aktar tard minn 3 xhur wara li tkun irċeviet in-notifiki kollha msemmija fil-paragrafu 3 jew sa ... 15-il xahar mid-data tad-dħul fis-seħħ ta’ dan ir-Regolament], skont liema jseħħ l-ewwel. Il-Kummissjoni għandha żżomm dik il-lista aġġornata.

(a)għandhom jiġu previsti proċeduri adegwati għall-awtorità tal-iskrinjar biex tiddetermina jekk għandhiex ġuriżdizzjoni fuq investiment barrani ppreżentat għal awtorizzazzjoni. L-iskrinjar għandu jinkludi rieżami inizjali ta’ mhux aktar minn 35 jum kalendarju wara l-wasla tat-talba kompluta għal awtorizzazzjoni, segwit minn, fejn meħtieġ, investigazzjoni fil-fond biex tiddetermina jekk dak l-investiment barrani huwiex probabbli li jaffettwa b’mod negattiv is-sigurtà jew l-ordni pubbliku, filwaqt li jitqiesu mill-inqas il-kriterji stabbiliti fl-Artikolu 13. L-għan tal-investigazzjoni fil-fond għandu jkun, b’mod partikolari, li tiddetermina jekk deċiżjoni tal-iskrinjar kif imsemmi fl-Artikolu 14(1) hijiex xierqa u li tiddetermina l-kontenut tagħha;

(b)l-awtorità tal-iskrinjar għandha timmonitorja u tiżgura l-konformità mal-mekkaniżmu ta’ skrinjar u mad-deċiżjonijiet tal-iskrinjar. B’mod partikolari, hija għandha tistabbilixxi proċeduri u riżorsi adegwati biex tidentifika, tindirizza u tipprevjeni ċ-ċirkomvenzjoni tal-mekkaniżmu ta’ skrinjar u tad-deċiżjonijiet tal-iskrinjar;

(c)l-awtorità tal-iskrinjar għandha tingħata s-setgħa li tibda l-iskrinjar tal-investimenti barranin bl-inizjattiva tagħha stess fi żmien 15-il xahar mit-tlestija ta’ investiment barrani li ma jkunx soġġett għal rekwiżit ta’ awtorizzazzjoni meta l-awtorità tal-iskrinjar ikollha raġunijiet biex tqis li l-investiment barrani jista’ jaffettwa s-sigurtà jew l-ordni pubbliku;

(d)informazzjoni kunfidenzjali magħmulha disponibbli għall-Istat Membru li jwettaq l-iskrinjar, inkluża informazzjoni sensittiva kummerċjalment u informazzjoni ddeżinjata bħala kunfidenzjali mill-impriżi kkonċernati, għandha tkun protetta;

(e)investituri barranin, sussidjarji ta’ investituri barranin fl-Unjoni li permezz tagħhom jitwettaq l-investiment barrani u l-impriżi kkonċernati minn deċiżjoni tal-iskrinjar għandu jkollhom il-possibbiltà li jfittxu rikors ġudizzjarju kontra dik id-deċiżjoni tal-iskrinjar b’mod effettiv u f’waqtu;

(f)rapport annwali għandu jsir pubbliku, u għandu jinkludi informazzjoni dwar l-iżviluppi leġiżlattivi rilevanti fl-Istat Membru u d-data aggregata u anonimizzata dwar l-investimenti skrinjati, inkluż l-eżitu tad-deċiżjonijiet tal-iskrinjar, in-nazzjonalitajiet, jew il-pajjiż ta’ stabbiliment skont il-każ, tal-partijiet għall-investimenti nnotifikati lill-awtorità tal-iskrinjar, u s-setturi ekonomiċi li fihom ikunu seħħew dawk it-tranżazzjonijiet, kif ukoll il-proġetti jew il-programmi ta’ interess għall-Unjoni kkonċernati, fejn applikabbli;

(g)l-investimenti barranin soġġetti għal rekwiżit ta’ awtorizzazzjoni kif imsemmi fil-paragrafi 4 u 4a għandhom jiġu ppreżentati mill-applikant li jitlob awtorizzazzjoni mal-awtorità tal-iskrinjar u għandhom jiġu skrinjati qabel ma jitlesta l-investiment barrani;

(h)l-awtorità tal-iskrinjar għandha tingħata s-setgħa li timponi miżuri ta’ mitigazzjoni, tipprojbixxi, jew ixxolji investimenti barranin soġġetti għal rekwiżit ta’ awtorizzazzjoni kif imsemmi fil-paragrafi 4 jew 4a li ma jkunux ġew ippreżentati jew li jkunu ġew ippreżentati wara t-tlestija u, fejn applikabbli, tindirizza b’mod effettiv il-konsegwenzi ta’ nuqqas ta’ konformità mal-miżuri ta’ mitigazzjoni;

3.Qabel ma jieħdu deċiżjoni li tawtorizza investiment barrani soġġett għal miżuri ta’ mitigazzjoni jew li tipprojbixxi investiment barrani, l-Istati Membri għandhom jinfurmaw lill-applikant li jitlob awtorizzazzjoni u jiddikjaraw ir-raġunijiet li dwarhom beħsiebhom jieħdu d-deċiżjoni tagħhom, soġġett għall-protezzjoni ta’ informazzjoni li l-iżvelar tagħha jmur kontra l-interessi tas-sigurtà jew tal-ordni pubbliku tal-UE jew ta’ Stat Membru wieħed jew aktar u mingħajr preġudizzju għal-liġi tal-Unjoni u dik nazzjonali dwar il-protezzjoni ta’ informazzjoni kunfidenzjali. L-Istati Membri għandhom jagħtu lill-investitur barrani l-opportunità li jesprimi l-fehmiet tiegħu u għandhom iqisu dak l-input qabel ma jittrażmettu l-abbozz ta’ deċiżjoni tagħhom skont l-Artikolu 7(8).

(a)tkun parti minn jew tipparteċipa f’wieħed mill-proġetti jew mill-programmi ta’ interess għall-Unjoni elenkati fl-Anness I, inkluż bħala riċevitur ta’ fondi kif definit fl-Artikolu 2, il-punt (59), tar-Regolament (UE) 2024/2509 tal-Parlament Ewropew u tal-Kunsill19a, jew

__________________

1.L-Istati Membri għandhom jinnotifikaw lill-Kummissjoni u lill-Istati Membri l-oħra permezz tal-mekkaniżmu ta’ kooperazzjoni bi kwalunkwe investiment barrani f’entità fil-mira tal-Unjoni fit-territorju tagħhom li:

(a)jirrispetta l-kundizzjonijiet stabbiliti fl-Artikolu 4(4), il-punt (a), jew fl-Artikolu 4(4a); jew

(i)l-investitur barrani jew is-sussidjarja tal-investitur barrani fl-Unjoni jkunu direttament jew indirettament ikkontrollati mill-gvern, inklużi korpi tal-istat, awtoritajiet reġjonali jew lokali jew forzi armati, ta’ pajjiż terz, inkluż permezz ta’ struttura ta’ sjieda, finanzjament sinifikanti, drittijiet speċjali jew diretturi jew maniġers maħtura mill-Istat, jew karatteristiċi oħra bl-għan li jinfluwenzaw id-deċiżjonijiet tal-maniġment;

(ii)l-investitur barrani, persuna fiżika jew entità li tikkontrolla l-investitur barrani, is-sid benefiċjarju tal-investitur barrani, kwalunkwe waħda mis-sussidjarji tal-investitur barrani, jew kwalunkwe parti oħra li tkun proprjetà ta’ jew ikkontrollata minn, jew li taġixxi f’isem jew taħt id-direzzjoni ta’, tali investitur barrani jkun soġġett għal miżuri restrittivi tal-Unjoni skont l-Artikolu 215 tat-TFUE;

(iii)l-investitur barrani jew kwalunkwe waħda mis-sussidjarji tiegħu kienu involuti f’investiment barrani preċedentement skrinjat minn Stat Membru li ma kienx awtorizzat jew awtorizzat biss b’kundizzjonijiet; biex jiddetermina dan, l-Istat Membru notifikanti għandu jibbaża fuq l-informazzjoni disponibbli għalih, inkluża l-informazzjoni li tinsab fil-bażi tad-data sigura stabbilita skont l-Artikolu 7(10) u l-informazzjoni pprovduta mill-investitur barrani dwar din il-kwistjoni; jew

2.L-Istati Membri għandhom jinnotifikaw lill-Kummissjoni u lill-Istati Membri l-oħra bi kwalunkwe investiment barrani fit-territorju tagħhom li ma jkunx ġie nnotifikat skont il-paragrafu 1, meta jibdew investigazzjoni fil-fond skont il-proċeduri ta’ skrinjar tagħhom.

L-Istati Membri għandhom jinnotifikaw kwalunkwe investiment barrani li ma jissodisfax il-kundizzjonijiet stabbiliti fil-paragrafi 1 u 2 jekk l-Istat Membru ospitanti jqis li investiment barrani jista’ jkun ta’ interess għall-Istati Membri l-oħra u għall-Kummissjoni minn perspettiva ta’ sigurtà jew ordni pubbliku, inkluż fejn l-entità fil-mira tal-Unjoni jkollha operazzjonijiet sinifikanti fi Stati Membri oħra, jew tkun tappartjeni għal grupp korporattiv li għandu diversi kumpaniji fi Stati Membri differenti li huma ekonomikament attivi f’wieħed mill-oqsma elenkati fl-Anness II.

imħassar

1.L-Istati Membri għandhom jiżguraw li notifika skont l-Artikolu 5 jkun fiha l-informazzjoni msemmija fl-Artikolu 10(1) u tintbagħat lill-Kummissjoni u lill-Istati Membri l-oħra:

(a)fi żmien 15-il jum kalendarju minn meta tasal it-talba kompluta għal awtorizzazzjoni għal investimenti barranin li jissodisfaw kwalunkwe waħda mill-kundizzjonijiet stabbiliti fl-Artikolu 5(1), (2a) jew (3);

(b)fi żmien 5 ijiem kalendarji minn meta tinbeda investigazzjoni fil-fond għal investimenti barranin li jissodisfaw il-kundizzjonijiet stabbiliti fl-Artikolu 5(2).

imħassar

Kummenti mill-Istati Membri u opinjonijiet u deċiżjonijiet mill-Kummissjoni dwar investimenti barranin notifikati

Kwalunkwe Stat Membru jista’ joħroġ kummenti debitament motivati lill-Istat Membru notifikanti. Stat Membru jista’ joħroġ tali kummenti jekk huwa:

Il-Kummissjoni tista’ toħroġ opinjoni debitament motivata indirizzata lill-Istat Membru notifikanti. Il-Kummissjoni għandha toħroġ tali opinjoni jekk:

3.Il-Kummissjoni għandha toħroġ opinjoni debitament motivata indirizzata lill-Istati Membri kollha jekk tqis li diversi investimenti barranin jew investimenti simili oħra li kieku kellhom isiru, meħuda flimkien, u b’kont meħud tal-karatteristiċi tagħhom jistgħu jaffettwaw is-sigurtà jew l-ordni pubbliku tal-Unjoni. Wara li tinħareġ opinjoni tal-Kummissjoni, il-Kummissjoni għandha, kif xieraq, tiddiskuti mal-Istati Membri l-miżuri biex jiġu indirizzati r-riskji identifikati.

(a)tibgħat opinjonijiet li jissodisfaw il-kundizzjonijiet stabbiliti fil-punti (a) u (c) tal-paragrafu 2 lill-Istati Membri kollha li pprovdew kummenti u jinnotifika lill-Istati Membri l-oħra li nħarġet opinjoni;

(b)tibgħat opinjonijiet li jissodisfaw il-kundizzjonijiet stabbiliti fil-punt (b) tal-paragrafu 2 u opinjonijiet li jissodisfaw il-kundizzjonijiet fil-paragrafu 3 lill-Istati Membri kollha.

5.Meta Stat Membru ospitanti jirċievi kumment minn Stat Membru ieħor skont il-paragrafu 1 jew opinjoni mill-Kummissjoni skont il-paragrafu 2 jew 3, huwa għandu jagħti l-akbar kunsiderazzjoni lil tali kumment jew opinjoni.

6.Wara li jirċievi kumment skont il-paragrafu 1 jew opinjoni skont il-paragrafu 2, l-Istat Membru ospitanti għandu jikkonsulta lill-Istati Membri li taw kummenti, meta applikabbli, u lill-Kummissjoni. Fil-qafas ta’ dik il-konsultazzjoni, l-Istat Membru ospitanti għandu jorganizza laqgħa ma’ dawk l-Istati Membri, meta applikabbli, u mal-Kummissjoni sabiex jiddiskutu kif l-aħjar jiġu indirizzati r-riskji identifikati. Jekk l-Istat Membru ospitanti ma jaqbilx mar-riskji identifikati jew, jekk applikabbli, mal-miżura proposta fil-kumment jew fl-opinjoni, l-Istati Membri u l-Kummissjoni għandu jkollhom l-għan li jidentifikaw soluzzjonijiet alternattivi. Meta l-kumment jew l-opinjoni jikkonċernaw tranżazzjoni multinazzjonali, l-Istati Membri l-oħra li nnotifikaw l-investiment barrani għandhom ukoll jiġu mistiedna għal dik il-laqgħa biex jiddiskutu jekk l-eżiti maħsuba humiex kompatibbli ma’ xulxin u, fejn applikabbli, jekk il-kundizzjonijiet maħsuba jkunux jistgħu jindirizzaw ir-riskji transfruntiera identifikati b’mod adegwat.

imħassar

8.Wara l-laqgħa msemmija fil-paragrafu 6, l-Istat Membru ospitanti għandu jibgħat lill-Istati Membri rispettivi u lill-Kummissjoni l-abbozz ta’ deċiżjoni tal-iskrinjar tiegħu u jipprovdi spjegazzjoni bil-miktub dwar:

imħassar

imħassar

9.Meta Stat Membru jew il-Kummissjoni jikkunsidraw li abbozz ta’ deċiżjoni tal-iskrinjar imsemmi fil-paragrafu 8 ta’ dan l-Artikolu, li jawtorizza investiment barrani skont l-Artikolu 14(1), il-punt (a), jew l-Artikolu 14(2) ma jindirizzax jew ma jimmitigax b’mod xieraq ir-riskji għas-sigurtà u l-ordni pubbliku, jistgħu jressqu oġġezzjoni debitament ġustifikata. L-oġġezzjoni għandha tiġi nnotifikata lill-Istat Membru ospitanti u, meta applikabbli, lill-Istati Membri l-oħra li taw il-kummenti u lill-Kummissjoni. L-Istat Membru ospitanti għandu jissospendi l-proċedura ta’ skrinjar tiegħu sakemm il-Kummissjoni tkun adottat deċiżjoni skont il-paragrafi 9b u 9c ta’ dan l-Artikolu. L-Istat Membru ospitanti għandu jinforma lill-investitur barrani dwar is-sospensjoni.

imħassar

Skadenzi u proċeduri applikabbli għall-mekkaniżmu ta’ kooperazzjoni u għad-deċiżjonijiet tal-Unjoni

(a)l-Istati Membri għandhom jinfurmaw lill-Istat Membru notifikanti li huma jirriżervaw id-dritt tagħhom li jagħtu kummenti sa mhux aktar tard minn 15-il jum kalendarju wara li jirċievu n-notifika skont l-Artikolu 5;

(b)il-Kummissjoni għandha tinforma lill-Istat Membru notifikanti li hija tirriżerva d-dritt tagħha li tagħti opinjoni sa mhux aktar tard minn 20 jum kalendarju wara li tirċievi n-notifika skont l-Artikolu 5.

(a)meta Stat Membru jirriżerva d-dritt tiegħu li jagħti kummenti dwar investiment barrani notifikat mingħajr ma jitlob informazzjoni addizzjonali mill-Istat Membru notifikanti, il-kummenti rispettivi għandhom jiġu indirizzati lill-Istat Membru notifikanti sa mhux aktar tard minn 35 jum kalendarju wara l-wasla tan-notifika kompluta tal-investiment barrani;

(b)meta l-Kummissjoni tirriżerva d-dritt tagħha li tagħti opinjoni dwar investiment barrani notifikat mingħajr ma titlob informazzjoni addizzjonali mingħand l-Istat Membru notifikanti, l-opinjoni rispettiva għandha tiġi indirizzata lill-Istat Membru notifikanti sa mhux aktar tard minn 45 jum kalendarju wara l-wasla tan-notifika kompluta tal-investiment barrani;

(c)meta Stat Membru jirriżerva d-dritt tiegħu li jagħti kummenti dwar investiment barrani notifikat u jitlob informazzjoni addizzjonali mill-Istat Membru notifikanti, il-kummenti rispettivi għandhom jiġu indirizzati lill-Istat Membru notifikanti sa mhux aktar tard minn 20 jum kalendarju wara l-wasla tal-informazzjoni addizzjonali kompluta;

(d)meta l-Kummissjoni tirriżerva d-dritt tagħha li tagħti opinjoni u titlob informazzjoni addizzjonali mill-Istat Membru notifikanti, l-opinjoni rispettiva għandha tingħata lill-Istat Membru notifikanti sa mhux aktar tard minn 30 jum kalendarju wara l-wasla tal-informazzjoni addizzjonali kompluta.

imħassar

4.L-Istat Membru notifikanti għandu jinnotifika lill-Kummissjoni u lill-Istati Membri l-oħra dwar kwalunkwe informazzjoni jew ċirkostanza sostanzjali ġdida rilevanti għall-valutazzjoni ta’ investiment barrani li jkun diġà ġie nnotifikat skont l-Artikolu 5. Jekk din l-informazzjoni ssir disponibbli qabel jagħlqu l-iskadenzi stabbiliti fil-paragrafu 3, l-Istat Membru notifikanti, il-Kummissjoni u l-Istati Membri l-oħra għandhom, b’mod reċiproku, jaqblu dwar estensjoni aċċettabbli tal-iskadenza. Jekk l-iskadenzi għall-valutazzjoni tan-notifika inizjali stabbiliti fil-paragrafu 3 jkunu għaddew, dawn għandhom jerġgħu jibdew skont l-iskadenzi stabbiliti fil-paragrafu 3, il-punti (c) u (d).

5.L-Istat Membru notifikanti għandu jipprovdi l-informazzjoni addizzjonali kompluta mitluba mill-Kummissjoni jew minn Stati Membri oħra skont il-paragrafu 2 mingħajr dewmien żejjed. Meta l-Istat Membru notifikanti jipprovdi informazzjoni addizzjonali lil Stat Membru, tali informazzjoni addizzjonali għandha tintbagħat lill-Kummissjoni simultanjament.

8.Meta, minħabba ċirkostanzi eċċezzjonali, l-Istat Membru notifikanti jqis li s-sigurtà jew l-ordni pubbliku tiegħu jeħtieġu l-ħruġ ta’ deċiżjoni tal-iskrinjar skont l-Artikolu 14(1) qabel ma jagħlqu l-iskadenzi msemmija fil-paragrafu 3, huwa għandu jinnotifika lill-Istati Membri l-oħra u lill-Kummissjoni bl-intenzjoni tiegħu u jiġġustifika kif xieraq il-ħtieġa għal azzjoni immedjata. L-Istati Membri l-oħra u l-Kummissjoni għandhom jipprovdu kummenti jew jagħtu opinjoni mingħajr dewmien. Din il-proċedura ma għandhiex tiġi invokata biex isservi purament l-interessi kummerċjali tal-applikant li jitlob l-awtorizzazzjoni.

1.Meta Stat Membru jqis li investiment barrani fit-territorju ta’ Stat Membru ieħor li ma jkunx ġie nnotifikat lill-mekkaniżmu ta’ kooperazzjoni x’aktarx li jaffettwa b’mod negattiv is-sigurtà jew l-ordni pubbliku tiegħu jew meta l-Kummissjoni tqis li tali investiment barrani x’aktarx jaffettwa b’mod negattiv is-sigurtà jew l-ordni pubbliku ta’ aktar minn Stat Membru wieħed jew il-proġetti jew il-programmi ta’ interess għall-Unjoni għal raġunijiet ta’ sigurtà u ordni pubbliku, l-Istat Membru jew il-Kummissjoni jistgħu jiftħu proċedura fuq inizjattiva proprja fir-rigward ta’ dak l-investiment barrani. Qabel il-ftuħ tal-proċedura, l-Istat Membru jew il-Kummissjoni għandhom jivverifikaw li l-Istat Membru ospitanti ma għandux l-intenzjoni li jinnotifika l-investiment barrani lill-mekkaniżmu ta’ kooperazzjoni.

2.L-Istati Membri u l-Kummissjoni għandhom jingħataw sa massimu ta’ 15-il xahar, wara li l-investiment barrani jkun tlesta, biex jeżerċitaw id-dritt li jiftħu l-proċedura stabbilita fil-paragrafu 1, dment li sadanittant l-investiment barrani rispettiv ma jkunx ġie nnotifikat lill-mekkaniżmu ta’ kooperazzjoni.

imħassar

imħassar

5.L-Istati Membri jew il-Kummissjoni għandhom jiftħu l-proċedura fuq inizjattiva proprja billi jibagħtu talba debitament motivata għal informazzjoni lill-Istat Membru ospitanti. Kwalunkwe talba għal informazzjoni skont dan il-paragrafu għandha tkun debitament ġustifikata, limitata għall-informazzjoni meħtieġa biex l-Istati Membri jipprovdu kummenti jew biex il-Kummissjoni tagħti opinjoni, proporzjonata għall-fini tat-talba u li ma tkunx ta’ piż bla bżonn għall-Istat Membru ospitanti. Meta t-talba għall-informazzjoni tiġi ppreżentata minn Stat Membru, dak l-Istat Membru għandu jibgħat it-talba lill-Kummissjoni simultanjament.

6.L-Istat Membru ospitanti għandu jipprovdi l-informazzjoni kompluta mitluba mill-Istati Membri l-oħra jew mill-Kummissjoni skont il-paragrafu 5 mingħajr dewmien żejjed. Meta l-Istat Membru ospitanti jipprovdi tali informazzjoni lil Stat Membru, dik l-informazzjoni għandha tintbagħat lill-Kummissjoni simultanjament.

7.Wara li tasal l-informazzjoni msemmija fil-paragrafu 6, l-Istati Membri jistgħu jipprovdu kummenti u l-Kummissjoni tista’ tipprovdi opinjoni lill-Istat Membru ospitanti, mhux aktar tard minn 30 jum kalendarju wara li jirċievu l-informazzjoni kompluta mitluba skont il-paragrafu 5. F’każijiet li fihom il-proċedura nbdiet minn Stat Membru, il-Kummissjoni għandha tingħata 15-il jum kalendarju addizzjonali biex toħroġ l-opinjoni tagħha. L-Istat Membru ospitanti għandu jagħti l-akbar kunsiderazzjoni tiegħu lil tali kumment jew opinjoni.

imħassar

imħassar

1.L-Istati Membri għandhom jipprovdu, bħala minimu, l-informazzjoni li ġejja fin-notifika msemmija fl-Artikolu 5 u bi tweġiba għat-talba għal informazzjoni msemmija fl-Artikolu 9(5):

(e)l-attivitajiet tal-investitur barrani, l-isem u l-indirizz tiegħu;

imħassar

4.Fejn meħtieġ, l-Istat Membru ospitanti jista’ jitlob lill-applikant li jitlob awtorizzazzjoni jew lil kwalunkwe impriża rilevanti oħra biex jipprovdu, fost oħrajn, l-informazzjoni msemmija fil-paragrafu 1 ta’ dan l-Artikolu u fl-Artikolu 8(2). It-talba għall-informazzjoni tista’ tikkonċerna informazzjoni meħtieġa biex l-Istat Membru jiddetermina jekk kwalunkwe waħda mill-kundizzjonijiet stabbiliti fl-Artikolu 5(1) hijiex issodisfata. L-impriża kkonċernata għandha tipprovdi l-informazzjoni mitluba lill-Istat Membru fejn l-investiment barrani huwa ppjanat jew tlesta fi żmien 15-il jum kalendarju mit-talba.

5.L-Istat Membru ospitanti u l-Kummissjoni jistgħu jitolbu lil Stati Membri oħra jfittxu informazzjoni mingħand impriżi fit-territorju tagħhom, dment li din l-informazzjoni tkun rilevanti u strettament meħtieġa għall-valutazzjoni ta’ investiment barrani skont l-Artikolu 13. L-Istat Membru li jirċievi t-talba biex ifittex informazzjoni għandu, mingħajr dewmien, jitlob lill-impriża tipprovdi dik l-informazzjoni u għandu jinnotifikaha lill-Istat Membru ospitanti u lill-Kummissjoni, f’konformità mal-proċedura stabbilita fl-Artikolu 8(5) u fl-Artikolu 9(6) kif applikabbli.

6.Stat Membru għandu jinnotifika lill-Kummissjoni u lill-Istati Membri l-oħra kkonċernati jekk, f’ċirkostanzi eċċezzjonali, ma jkunx jista’, minkejja l-aħjar sforzi tiegħu, jipprovdi l-informazzjoni msemmija fil-paragrafi 4 jew 5 ta’ dan l-Artikolu, fl-Artikolu 8(2) jew fl-Artikolu 9(5). Dak l-Istat Membru għandu jispjega kif xieraq ir-raġunijiet għaliex ma jkunx jista’ jipprovdi l-informazzjoni.

1.L-Istati Membri għandhom jipprovdu r-riżorsi u l-mezzi legali u amministrattivi meħtieġa biex iwettqu, b’mod effettiv u effiċjenti, il-kompiti assenjati lilhom biex jissodisfaw l-objettivi ta’ dan ir-Regolament, inkluża l-parteċipazzjoni effiċjenti u effettiva tagħhom fil-mekkaniżmu ta’ kooperazzjoni.

4.Il-mekkaniżmi ta’ skrinjar tal-Istati Membri għandhom jagħtu biżżejjed mezzi biex jivvalutaw il-kummenti ta’ Stati Membri oħra u l-opinjonijiet tal-Kummissjoni, u jagħtuhom l-akbar kunsiderazzjoni, qabel ma tittieħed deċiżjoni tal-iskrinjar. Dan jinkludi li jkollhom il-mezzi u s-setgħat legali kollha meħtieġa biex jikkunsidraw it-tħassib espress jew l-impatti probabbli identifikati minn Stat Membru ieħor jew mill-Kummissjoni fid-deċiżjoni tal-iskrinjar tagħha jew fi kwalunkwe strument rilevanti ieħor għad-dispożizzjoni tagħha.

5.L-Istati Membri għandhom jiżguraw li l-liġijiet nazzjonali tagħhom jippermettu konformità mal-obbligi stabbiliti fl-Artikolu 7.

7.Meta l-miżuri ta’ mitigazzjoni f’deċiżjoni tal-iskrinjar jirrikjedu konformità mill-impriżi stabbiliti f’aktar minn Stat Membru wieħed, l-Istati Membri kkonċernati għandhom jikkooperaw ma’ xulxin dwar il-monitoraġġ u l-infurzar tad-deċiżjoni tal-iskrinjar. L-Istati Membri għandhom jiżguraw li jkollhom il-mezzi legali u s-setgħat kollha meħtieġa biex jindirizzaw b’mod effettiv il-konsegwenzi tan-nuqqas ta’ konformità mal-miżuri ta’ mitigazzjoni previsti f’deċiżjoni tal-iskrinjar ta’ Stat Membru ieħor jew tal-Kummissjoni.

1.L-informazzjoni li tasal f’konformità mal-proċeduri stabbiliti fl-Artikoli 5, 7, 9 u 9a għandha tintuża biss għall-iskop li għalih tkun intalbet, sakemm:

(b)il-Qorti tal-Ġustizzja tal-Unjoni Ewropea jew qorti tal-Istat Membru ospitanti titlob tali informazzjoni għall-fini ta’ proċedimenti legali.

imħassar

2.Il-Kummissjoni għandha tiddetermina, għall-fini li tagħti opinjoni debitament motivata skont l-Artikolu 7(2) jew (3) jew l-Artikolu 9(7), jew deċiżjoni skont l-Artikolu 7(9b) jew (9c), jekk tqisx li investiment barrani ikunx probabbli li jaffettwa b’mod negattiv is-sigurtà jew l-ordni pubbliku.

3.Meta jiddeterminaw jekk investiment barrani huwiex probabbli li jaffettwa b’mod negattiv is-sigurtà jew l-ordni pubbliku, l-Istati Membri jew il-Kummissjoni għandhom jikkunsidraw b’mod partikolari jekk l-investiment ikkonċernat huwiex probabbli li jaffettwa b’mod negattiv:

(a)is-sigurtà, l-integrità, il-funzjonament u r-reżiljenza tal-infrastruttura kritika, inklużi l-art u l-proprjetà kritiċi għall-użu ta’ tali infrastruttura kritika, kemm fiżika kif ukoll virtwali; f’dak il-kuntest, abbażi tal-informazzjoni disponibbli, għandu jiġi vvalutat ukoll jekk l-investiment barrani huwiex probabbli li jaffettwa b’mod negattiv ir-reżiljenza ta’ kwalunkwe waħda mill-entitajiet kritiċi li jkunu identifikaw skont id-Direttiva (UE) 2022/2557 tal-Parlament Ewropew u tal-Kunsill20 kif ukoll l-entitajiet fil-kamp ta’ applikazzjoni tad-Direttiva (UE) 2022/2555 tal-Parlament Ewropew u tal-Kunsill21. Għandhom jitqiesu wkoll ir-riżultati tal-valutazzjonijiet tar-riskju kkoordinati fil-livell tal-Unjoni, inklużi dawk li jirrigwardaw il-ktajjen tal-provvista kritiċi mwettqa f’konformità mal-Artikolu 22(1) tad-Direttiva (UE) 2022/2555, li jkopru fatturi ta’ riskju kemm tekniċi kif ukoll mhux tekniċi;

__________________

20 Id-Direttiva (UE) 2022/2557 tal-Parlament Ewropew u tal-Kunsill tal-14 ta’ Diċembru 2022 dwar ir-reżiljenza tal-entitajiet kritiċi u li tħassar id-Direttiva tal-Kunsill 2008/114/KE (ĠU L 333, 27.12.2022, p. 164–198, ELI: http://data.europa.eu/eli/dir/2022/2557/oj).

21 Id-Direttiva (UE) 2022/2555 tal-Parlament Ewropew u tal-Kunsill tal-14 ta’ Diċembru 2022 dwar miżuri għal livell għoli komuni ta’ ċibersigurtà madwar l-Unjoni kollha, li temenda r-Regolament (UE) Nru 910/2014 u d-Direttiva (UE) 2018/1972, u li tħassar id-Direttiva (UE) 2016/1148 (ĠU L 333, 27.12.2022, p. 80–152, ELI: http://data.europa.eu/eli/dir/2022/2555/oj).

(b)id-disponibbiltà u l-adozzjoni ta’ teknoloġiji kritiċi, is-sigurtà tat-teknoloġija u l-ħrib tat-teknoloġija;

(c)is-sigurtà u r-reżiljenza tal-ktajjen tal-provvista għal inputs kritiċi;

(d)il-protezzjoni ta’ informazzjoni sensittiva, inkluża data personali kif definita fl-Artikolu 4, il-punt (1), tar-Regolament (UE) 2016/6791a, b’mod partikolari fir-rigward tal-kapaċità tal-investitur barrani li jaċċessa, jikkontrolla, u b’xi mod ieħor jipproċessa tali informazzjoni;

(e)il-libertà u l-pluraliżmu tal-mezzi tal-komunikazzjoni, inklużi l-pjattaformi online u tal-media soċjali li jistgħu jintużaw għal diżinformazzjoni fuq skala kbira jew għal attivitajiet kriminali, id-drittijiet fundamentali, id-diskors ċiviku u l-proċessi elettorali, kif ukoll in-newtralità, l-oġġettività u l-pluraliżmu tal-edukazzjoni; jew

(a)jekk l-investitur barrani, persuna fiżika jew entità li tikkontrolla l-investitur barrani, is-sid benefiċjarju tal-investitur barrani, kwalunkwe sussidjarja tal-investitur barrani, jew kwalunkwe parti oħra proprjetà ta’ jew ikkontrollata minn, jew li taġixxi f’isem jew taħt id-direzzjoni tal-investitur barrani kinitx involuta f’investiment barrani preċedentement skrinjat minn Stat Membru jew, fejn ikun disponibbli, minn pajjiż terz li għandu mekkaniżmu ta’ skrinjar ta’ investiment dirett barrani stabbilit, li miegħu l-Unjoni tikkoopera fi kwistjonijiet ta’ skrinjar tal-investiment u li ma kienx awtorizzat jew kien awtorizzat biss b’kundizzjonijiet; biex jiddeterminaw dan, l-Istati Membri u l-Kummissjoni għandhom joqogħdu fuq l-informazzjoni disponibbli għalihom, inkluża l-informazzjoni li tinsab fil-bażi tad-data sigura stabbilita skont l-Artikolu 12a (6a);

(d)jekk l-investitur barrani jew kwalunkwe waħda mis-sussidjarji tiegħu kinux involuti f’attivitajiet illegali jew kriminali, inklużi l-ħasil tal-flus u ċ-ċirkomvenzjoni tal-miżuri restrittivi tal-Unjoni skont l-Artikolu 215 TFUE;

(e)jekk ikunx hemm il-probabbiltà li l-investitur barrani, persuna fiżika jew entità li tikkontrolla l-investitur barrani, is-sid benefiċjarju tal-investitur barrani, kwalunkwe waħda mis-sussidjarji tal-investitur barrani, jew kwalunkwe parti oħra li tkun proprjetà ta’ jew ikkontrollata minn, jew li taġixxi f’isem jew taħt id-direzzjoni tal-investitur barrani, issegwi l-objettivi ta’ politika ta’ pajjiż terz, tappoġġa riskji ta’ ksur tad-dritt internazzjonali minn pajjiż terz, jew tiffaċilita l-iżvilupp tal-kapaċitajiet militari ta’ pajjiż terz;

Deċiżjonijiet tal-iskrinjar dwar investimenti barranin

Meta, b’kont meħud tal-kriterji stabbiliti fl-Artikolu 13, u fejn applikabbli, fid-dawl tal-kummenti pprovduti minn Stati Membri oħra skont l-Artikolu 7(1) jew l-Artikolu 9(7), jew opinjoni pprovduta mill-Kummissjoni skont l-Artikolu 7(2) jew (3) jew l-Artikolu 9(7), u mingħajr preġudizzju għas-setgħa tal-Kummissjoni li tadotta deċiżjoni skont l-Artikolu 7(9c),l-Istat Membru ospitanti jikkonkludi li l-investiment barrani x’aktarx jaffettwa b’mod negattiv is-sigurtà jew l-ordni pubbliku fi Stat Membru wieħed jew aktar, inkluż fejn ikun ikkonċernat proġett jew programm ta’ interess għall-Unjoni, huwa għandu joħroġ deċiżjoni tal-iskrinjar biex:

Id-deċiżjoni tal-iskrinjar għandha tikkonforma mal-prinċipju tal-proporzjonalità, tkun ibbażata fuq riskji dokumentati u tqis iċ-ċirkostanzi kollha tal-investiment barrani.

2.Meta l-Istat Membru ospitanti jikkonkludi li l-investiment barrani x’aktarx li ma jaffettwax b’mod negattiv is-sigurtà jew l-ordni pubbliku jew iqis li miżuri oħra skont il-liġi tal-Unjoni jew nazzjonali huma disponibbli u xierqa biex jindirizzaw b’mod effettiv l-effett tal-investiment barrani fuq is-sigurtà u l-ordni pubbliku, u bl-eċċezzjoni tal-każijiet fejn il-Kummissjoni tkun ħadet deċiżjoni skont l-Artikolu 7(9c), l-investiment barrani għandu jiġi awtorizzat mingħajr kundizzjonijiet.

L-Istati Membri u l-Kummissjoni jistgħu jikkooperaw mal-awtoritajiet responsabbli ta’ pajjiżi terzi u jinvolvu ruħhom permezz ta’ pjattaformi bilaterali u multilaterali dwar kwistjonijiet relatati mal-iskrinjar tal-investimenti għal raġunijiet ta’ sigurtà u ordni pubbliku. Dik il-kooperazzjoni tista’ tinvolvi l-iskambju ta’ informazzjoni u tal-aħjar prattiki, kif ukoll appoġġ tekniku u għat-tisħiħ tal-kapaċitajiet. Fil-kuntest ta’ dik il-kooperazzjoni, il-Kummissjoni għandha tinkoraġġixxi l-istabbiliment ta’ mekkaniżmi ta’ skrinjar tal-investiment minn pajjiżi terzi, b’mod partikolari dawk li huma kandidati għall-adeżjoni mal-Unjoni u pajjiżi fil-viċinat tal-Unjoni.

1.Sal-31 ta’ Marzu ta’ kull sena li tibda fi [żid id-data: l-ewwel sena tal-applikazzjoni], l-Istati Membri għandhom jirrapportaw lill-Kummissjoni, fuq bażi kunfidenzjali, dwar l-attivitajiet tagħhom skont il-mekkaniżmu ta’ skrinjar tagħhom u skont il-mekkaniżmu ta’ kooperazzjoni għas-sena kalendarja preċedenti. Dan ir-rapport għandu jkun fih:

(c)l-għadd ta’ investimenti barranin ipprojbiti, l-għadd ta’ investimenti barranin irtirati jew stralċjati;

(e)informazzjoni dwar l-oriġini tal-investituri barranin u s-settur tal-attività tal-entità fil-mira tal-Unjoni tal-investimenti barranin skrinjati, awtorizzati mingħajr kundizzjonijiet, awtorizzati b’kundizzjonijiet, u investimenti barranin ipprojbiti, rispettivament;

(f)deskrizzjoni tar-riskji u l-vulnerabbiltajiet identifikati fl-investimenti barranin li wasslu għal deċiżjoni tal-iskrinjar;

2.Abbażi tal-informazzjoni li tkun waslet f’konformità mal-paragrafu 1, il-prattika tal-implimentazzjoni tagħha, u l-valutazzjoni tagħha tax-xejriet u l-iżviluppi, il-Kummissjoni għandha tipprovdi rapport annwali dwar l-implimentazzjoni ta’ dan ir-Regolament lill-Parlament Ewropew u lill-Kunsill sat-30 ta’ Settembru ta’ kull sena li tibda fi ... [l-ewwel sena li fiha japplika dan ir-Regolament]. Dak ir-rapport għandu jsir pubbliku.

1.Il-Kummissjoni għandha tevalwa l-funzjonament u l-effettività ta’ dan ir-Regolament 3 snin wara d-data tal-applikazzjoni ta’ dan ir-Regolament u kull 5 snin wara dan u tippreżenta rapport lill-Parlament Ewropew u lill-Kunsill. L-Istati Membri għandhom ikunu involuti f’dan il-proċess ta’ evalwazzjoni u, jekk ikun meħtieġ, jipprovdu lill-Kummissjoni informazzjoni addizzjonali għat-tħejjija ta’ dak ir-rapport. Dak ir-rapport għandu jinkludi analiżi tal-evoluzzjoni tal-investimenti barranin fl-Unjoni kif ukoll valutazzjoni tal-kontribut ta’ dan ir-Regolament għas-sigurtà ekonomika tal-Unjoni. Għandu jinkludi valutazzjoni ta’ jekk il-kundizzjonijiet stabbiliti fl-Artikolu 4(4) u (4a) għandhomx jiġu emendati sabiex jiġi żgurat approċċ konsistenti għall-iskrinjar tal-investimenti barranin, filwaqt li jitqiesu l-kriterji stabbiliti fl-Artikolu 13(3) u (4), inkluża s-sigurtà ta’ faċilitajiet militari u ta’ faċilitajiet pubbliċi sensittivi oħra. Ir-rapport għandu jivvaluta wkoll il-kostijiet ta’ konformità li jiffaċċjaw in-negozji.

2.Il-Kummissjoni għandha s-setgħa li tadotta atti delegati f’konformità mal-Artikolu 20 għall-finijiet tal-emendar, fejn meħtieġ, tal-lista tat-teknoloġiji, il-materjali, l-assi, il-faċilitajiet, it-tagħmir, in-networks, is-sistemi, is-servizzi u l-attivitajiet ekonomiċi ta’ importanza partikolari għas-sigurtà jew għall-interessi tal-ordni pubbliku tal-Unjoni stabbiliti fl-Anness II sabiex jitqiesu l-bidliet fiċ-ċirkostanzi rilevanti għall-interessi tas-sigurtà jew tal-ordni pubbliku tal-Unjoni. B’mod partikolari, dawn il-kunsiderazzjonijiet għandhom jinkludu dan li ġej:

2.Is-setgħa li tadotta atti delegati msemmija fl-Artikolu 19 għandha tingħata lill-Kummissjoni għal perjodu ta’ ħames snin minn … [id-data tad-dħul fis-seħħ ta’ dan ir-Regolament]. Il-Kummissjoni għandha tfassal rapport fir-rigward tad-delega ta’ setgħa mhux iktar tard minn disa’ xhur qabel it-tmiem tal-perjodu ta’ ħames snin. Id-delega ta’ setgħa għandha tiġi estiża awtomatikament għal perjodi ta’ żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux iktar tard minn tliet xhur qabel it-tmiem ta’ kull perjodu.

imħassar

2.L-atti ta’ implimentazzjoni msemmija fl-Artikolu 10(2), fl-Artikolu 12a(3), fl-Artikolu 12a(6) u fl-Artikolu 16(1a) għandhom jiġu adottati skont il-proċedura konsultattiva msemmija fl-Artikolu 22(2).

Ir-Regolament (UE) 2019/452 huwa mħassar b’effett minn ... [12-il xahar mid-data tad-dħul fis-seħħ ta’ dan ir-Regolament].

Dan għandu japplika minn ... [12-il xahar mid-data tad-dħul fis-seħħ ta’ dan ir-Regolament].

Ir-Regolament (UE) 2024/1679 tal-Parlament Ewropew u tal-Kunsill tat-13 ta’ Ġunju 2024 dwar linji gwida tal-Unjoni għall-iżvilupp tan-network trans-Ewropew tat-trasport, li jemenda r-Regolamenti (UE) 2021/1153 u (UE) Nru 913/2010 u li jħassar ir-Regolament (UE) Nru 1315/2013 (ĠU L 2024/1679, 28.6.2024, ELI:. http://data.europa.eu/eli/reg/2024/1679/oj).

Lista tat-teknoloġiji, il-materjali, l-assi, il-faċilitajiet, it-tagħmir, in-networks, is-sistemi, is-servizzi u l-attivitajiet ekonomiċi ta’ importanza partikolari għas-sigurtà jew għall-interessi tal-ordni pubbliku tal-Unjoni

a.Teknoloġiji tas-semikondutturi:

–id-disinn ta’ ċirkwiti integrati u semikondutturi oħra, inklużi mikroproċessuri, proċessuri grafiċi, mikrokontrolluri, ċipep loġiċi, ċipep tal-memorja, ċipep bi frekwenza tar-radju, ċipep fotoniċi, ċipep analogi, ċipep tal-kwantum, semikondutturi ottiċi, semikondutturi ta’ potenza, semikondutturi diskreti u sensuri/mikrosistemi, kif ukoll il-qalba tal-proprjetà intellettwali tas-semikondutturi relatata

–software ta’ awtomatizzazzjoni tad-disinn elettroniku għad-disinn ta’ ċirkwiti integrati u semikondutturi oħra, jew għad-disinn ta’ imballaġġ avvanzat

–il-fabbrikazzjoni front-end ta’ ċirkwiti integrati u semikondutturi oħra

–assemblaġġ, ittestjar u imballaġġ ta’ ċirkwiti integrati u semikondutturi oħra, inklużi bordijiet ta’ ċirkwiti stampati u imballaġġ avvanzati

b.Teknoloġiji tal-intelliġenza artifiċjali, jiġifieri kwalunkwe teknoloġija jew għarfien prattiku relatat ma’ sistema bbażata fuq magna li hija ddisinjata biex topera b’livelli varji ta’ awtonomija u li tista’ turi adattabbiltà wara li tiġi introdotta, u li, għal objettivi espliċiti jew impliċiti, tiddeduċi, mill-input li tirċievi, kif tiġġenera outputs bħal previżjonijiet, kontenut, rakkomandazzjonijiet, jew deċiżjonijiet li jistgħu jinfluwenzaw ambjenti fiżiċi jew virtwali (“sistema tal-IA”), użati għall-applikazzjonijiet li ġejjin:

–sistemi tal-IA ġenerattivi mħarrġa bl-użu ta’ aktar minn 10^25 FLOPS (operazzjonijiet b’punt varjabbli)

–sistemi tal-IA ġenerattivi mħarrġa f’parti sinifikanti dwar data bijoloġika/ġenomika, jew iddisinjati biex jintużaw f’kuntest bijoteknoloġiku, spazjali jew ta’ difiża

imħassar

imħassar

–Komunikazzjonijiet u konnettività diġitali siguri, bħar-RAN & Open RAN (Network ta’ Aċċess bir-Radju), 5G u 6G, komunikazzjoni bil-laser u bid-dawl

–Teknoloġiji taċ-ċibersigurtà inklużi s-sorveljanza ċibernetika, il-kriptaġġ, is-sistemi ta’ sigurtà u ta’ prevenzjoni u detezzjoni ta’ intrużjoni, il-forensika diġitali

h.It-teknoloġiji tal-enerġija, is-servizzi u l-infrastruttura:

–Teknoloġiji nukleari, reatturi u ġenerazzjoni tal-enerġija, teknoloġiji ta’ konverżjoni/arrikkiment/riċiklaġġ fil-qasam radjoloġiku, ħżin nukleari u rimi ta’ skart nukleari

–Teknoloġiji b’emissjonijiet żero netti, inklużi l-infrastruttura fotovoltajka u solari termali, kif ukoll teknoloġiji tal-enerġija rinnovabbli fuq l-art u lil hinn mill-kosta

–Grilji Ewropej u transfruntiera, inklużi grilji u soluzzjonijiet ta’ ħżin tal-enerġija intelliġenti, batteriji, teknoloġiji tal-batteriji għall-applikazzjonijiet tal-grilji u l-integrazzjoni tal-enerġija rinnovabbli

5.L-entitajiet u l-attivitajiet kritiċi li ġejjin fis-sistema finanzjarja tal-Unjoni: