A.billi, fil-11 ta’ Settembru 2015, Monsanto Europe S.A./N.V., f’isem Monsanto Company, ibbażata fl-Istati Uniti, ressqet applikazzjoni quddiem l-awtorità kompetenti nazzjonali tan-Netherlands (“l-applikazzjoni”), f’konformità mal-Artikolu 5 u mal-Artikolu 17 tar-Regolament (KE) Nru 1829/2003, għat-tqegħid fis-suq ta’ ikel, ingredjenti tal-ikel u għalf li fihom, li jikkonsistu jew li huma prodotti mill-fażola tas-sojja modifikata ġenetikament MON 87705 × MON 87708 × MON 89788 (“fażola tas-sojja ĠM”). L-applikazzjoni kopriet ukoll it-tqegħid fis-suq ta’ prodotti li fihom jew li jikkonsistu minn fażola tas-sojja ĠM għal użi oħrajn għajr l-ikel u l-għalf, bl-eċċezzjoni tal-kultivazzjoni;

B.billi, fit-2 ta’ April 2020, l-EFSA adottat opinjoni favorevoli dwar il-fażola tas-sojja ĠM, li ġiet ippubblikata fit-18 ta’ Mejju 2020; billi, l-EFSA qieset il-mistoqsijiet u l-kwistjonijiet speċifiċi kollha mqajma mill-Istati Membri fil-kuntest tal-konsultazzjoni mal-awtoritajiet kompetenti nazzjonali kif stipulat fl-Artikolu 6(4) u l-Artikolu 18(4) tar-Regolament (KE) Nru 1829/2003;

C.billi l-EFSA, madankollu, ma setgħetx tiffinalizza l-valutazzjoni tar-riskju u tikkonkludi dwar is-sikurezza tal-fażola tas-sojja ĠM minħabba n-nuqqas ta’ studju ta’ 90 jum dwar il-fażola tas-sojja ĠM u n-nuqqas ta’ pjan ta’ monitoraġġ ta’ wara t-tqegħid fis-suq li jqis il-profil tal-aċidu xaħmi mibdul tal-fażola tas-sojja ĠM;

D.billi fit-3 ta’ Ottubru 2024, l-EFSA adottat dikjarazzjoni, li ġiet ippubblikata fit-28 ta’ Ottubru 2024, li tikkomplementa l-opinjoni xjentifika tagħha tat-2 ta’ April 2020, ibbażata fuq id-data addizzjonali pprovduta mill-applikant Bord tal-EFSA dwar l-OĠM, Dikjarazzjoni li tikkomplementa l-Opinjoni Xjentifika tal-EFSA dwar l-applikazzjoni (EFSA-GMO-NL-2015-126) għall-awtorizzazzjoni ta’ ikel u għalf li fihom, li jikkonsistu minn u li huma prodotti mis-sojja ġenetikament modifikata MON 87705 × MON 87708 × MON 89788’, Ġurnal tal-EFSA 2024;22(10):e9061, https://doi.org/10.2903/j.efsa.2024.9061., l-EFSA kkonkludiet li l-fażola tas-sojja ĠM, kif deskritta fl-applikazzjoni, hija sikura daqs il-kontroparti konvenzjonali tagħha u l-varjetajiet ta’ fażola tas-sojja mhux ġenetikament modifikati ttestjati fir-rigward tal-effetti potenzjali tagħha fuq is-saħħa tal-bniedem u tal-annimali u l-ambjent. L-EFSA kkonkludiet ukoll li l-konsum tal-fażola tas-sojja ĠM ma jirrappreżentax tħassib nutrittiv;

E.billi l-fażola tas-sojja ĠM ġiet modifikata biex tkun tolleranti għall-erbiċidi bbażati fuq il-glifosat u d-dikamba u biex tbiddel il-profil tal-aċidu xaħmi tagħha;

Nuqqas ta’ valutazzjoni tal-erbiċida komplementari

F.billi r-Regolament ta’ Implimentazzjoni tal-Kummissjoni (UE) Nru 503/2013 Ir-Regolament ta’ Implimentazzjoni tal-Kummissjoni (UE) Nru 503/2013 tat-3 ta’ April 2013 dwar applikazzjonijiet għal awtorizzazzjoni ta’ ikel u għalf ġenetikament modifikat skont ir-Regolament (KE) Nru 1829/2003 tal-Parlament Ewropew u tal-Kunsill u li jemendaw ir-Regolamenti (KE) Nru 641/2004 u (KE) Nru 1981/2006 (ĠU L 157, 8.6.2013, p. 1, ELI: http://data.europa.eu/eli/reg_impl/2013/503/oj). jeżiġi valutazzjoni dwar jekk il-prattiki agrikoli mistennija jaffettwawx l-eżitu tal-punti tat-tmiem studjati; billi, skont dak ir-Regolament ta’ Implimentazzjoni, dan huwa speċjalment rilevanti għal pjanti tolleranti għall-erbiċidi;

G.billi l-maġġoranza l-kbira tal-għelejjel ĠM ġew ġenetikament modifikati sabiex ikunu tolleranti għal erbiċida “komplementari” wieħed jew aktar li jistgħu jintużaw matul il-perjodu kollu tal-kultivazzjoni tal-għalla ĠM, mingħajr ma l-għalla tinqatel, kif ikun il-każ għal għalla mhux tolleranti għall-erbiċidi; billi hemm għadd ta’ studji li juru li l-għelejjel ĠM tolleranti għall-erbiċidi jwasslu għal użu akbar ta’ erbiċidi komplementari, fil-biċċa l-kbira minħabba li jfeġġ ħaxix ħażin tolleranti għall-erbiċidi Ara, pereżempju, Bonny, S., ‘Genetically Modified Herbicide-Tolerant Crops, Weeds, and Herbicides: Overview and Impact” (Għelejjel Ġenetikament Modifikati Tolleranti għall-Erbiċidi, Ħaxix Ħażin, u Erbiċidi: Ħarsa Ġenerali u Impatt), Environmental Management, Jannar 2016, 57(1), pp. 31-48, https://www.ncbi.nlm.nih.gov/pubmed/26296738, u Benbrook, C.M., “Impacts of genetically engineered crops on pesticide use in the U.S. – the first sixteen years” (L-impatti ta’ għelejjel ġenetikament modifikati fuq l-użu tal-pestiċidi fl-Istati Uniti – l-ewwel sittax-il sena), Environmental Sciences Europe, 28 ta’ Settembru 2012, Vol. 24(1), https://enveurope.springeropen.com/articles/10.1186/2190-4715-24-24.;

H.billi l-għelejjel ĠM li huma tolleranti għall-erbiċidi jżommu lill-bdiewa f’sistema ta’ ġestjoni tal-ħaxix ħażin li hija fil-biċċa l-kbira jew kompletament dipendenti fuq l-erbiċidi; billi dipendenza akbar fuq erbiċidi komplementari fuq azjendi agrikoli li jħawlu l-għelejjel ĠM se tħaffef il-feġġa u t-tixrid ta’ ħaxix ħażin reżistenti għal dawk l-erbiċidi, u b’hekk tiskatta l-ħtieġa ta’ aktar użu ta’ erbiċidi, ċirku vizzjuż magħruf bħala “l-ispirall tal-erbiċidi”;

I.billi l-impatti negattivi li jirriżultaw mid-dipendenza eċċessiva fuq l-erbiċidi se jwasslu għal deterjorament tas-saħħa tal-ħamrija, il-kwalità tal-ilma, u l-bijodiversità ta’ fuq u ta’ taħt l-art, u se jwasslu wkoll għal żieda fl-esponiment tal-bniedem u tal-annimali, potenzjalment ukoll permezz ta’ żieda fir-residwi tal-erbiċidi fl-ikel u fl-għalf;

J.billi d-dikamba hija volatili ħafna, li jfisser li ladarba tiġi applikata, hija suxxettibbli li tiċċaqlaq fl-arja u mbagħad tinfirex bir-riħ sakemm tinżel fl-art, filwaqt li tesponi lin-nies u lill-pjanti, id-dwieli, is-siġar u l-arbuxelli mhux fil-mira għal ħsara potenzjali u serja, speċjalment meta l-esponiment iseħħ fuq diversi snin;

K.billi studju tal-2020 minn xjentisti tal-gvern tal-Istati Uniti, ippubblikat fil-ġurnal rivedut bejn il-pari International Journal of Epidemiology, sab li l-użu qawwi tad-dikamba żied ir-riskju li jiġu żviluppati kanċers fil-fwied u fil-kanal biljari intraepatiku fost l-applikaturi;

L.billi l-istudju tal-2020 jiddikjara li l-approvazzjoni ta’ għelejjel reżistenti għad-dikamba ĠM hija mistennija li twassal għal żieda fl-użu agrikolu tad-dikamba fis-snin li ġejjin Lerro, C.C., Hofmann, J.N., Andreotti, G., Koutros, S., Parks, C.G., Blair, A., Albert, P.S., Lubin, J.H., Sandler, D.P., Beane Freeman, L.E., “Dicamba use and cancer incidence in the agricultural health study: an updated analysis”, International Journal of Epidemiology, Awwissu 2020; 49(4), pp. 1326-1337, https://academic.oup.com/ije/advance-article-abstract/doi/10.1093/ije/dyaa066/5827818?redirectedFrom=fulltext. u s-Sistema ta’ Data dwar l-Użu tal-Pestiċidi tal-Heartland Health Research Alliance tikkonferma li dan huwa l-każ, bid-dikamba tintuża sa 10 darbiet fil-Midwest tal-Istati Uniti meta mqabbla ma’ għaxar snin ilu https://hh-ra.org/projects/measuring-pesticide-use/interactive-herbicide-use-tables/.;

M.billi għad hemm dubji dwar il-karċinoġeniċità tal-glifosat; billi l-EFSA kkonkludiet, f’Novembru 2015, li huwa improbabbli li l-glifosat huwa karċinoġeniku u l-Aġenzija Ewropea għas-Sustanzi Kimiċi kkonkludiet f’Marzu 2017 li l-ebda klassifikazzjoni ma kienet iġġustifikata; billi, għall-kuntrarju, fl-2015, l-Aġenzija Internazzjonali għar-Riċerka dwar il-Kanċer, l-aġenzija speċjalizzata fil-kanċer tal-Organizzazzjoni Dinjija tas-Saħħa, ikklassifikat il-glifosat bħala sustanza probabbilment karċinoġenika għall-bnedmin; billi għadd ta’ studji xjentifiċi riċenti rieżaminati bejn il-pari jikkonfermaw il-potenzjal karċinoġeniku tal-glifosat Ara, pereżempju: https://www.sciencedirect.com/science/article/pii/S1383574218300887, https://academic.oup.com/ije/advance-article/doi/10.1093/ije/dyz017/5382278, https://journals.plos.org/plosone/article?id=10.1371/journal.pone.0219610 and https://www.ncbi.nlm.nih.gov/pmc/articles/PMC6612199/.;

N.billi studju ta’ evalwazzjoni bejn il-pari sab li l-glifosat jakkumula fil-fażola tas-sojja ĠM, b’impatt negattiv korrispondenti fuq il-kompożizzjoni nutrittiva meta mqabbla ma’ fażola tas-sojja mhux ġenetikament modifikata https://www.ncbi.nlm.nih.gov/pubmed/24491722.; billi proġett pilota mwettaq fl-Arġentina sab livelli sorprendenti għoljin ta’ residwi tal-glifosat fuq fażola tas-sojja ĠM https://www.testbiotech.org/en/resource/high-levels-residues-spraying-glyphosate-found-soybeans-argentina/;

O.billi fil-pjanti ĠM, tista’ tkun il-ġenetika mmodifikata nnifisha li tiddetermina l-mod kif l-erbiċidi komplementari jiddekomponu skont il-pjanta, kif ukoll il-kompożizzjoni u għalhekk it-tossiċità tal-prodotti ta’ dekompożizzjoni (“metaboliti”) Dan huwa fil-fatt il-każ għall-glifosat, kif iddikjarat fl-EFSA “Review of the existing maximum residue levels for glyphosate according to Article 12 of Regulation (EC) No 396/2005” (Rieżami tal-EFSA tal-livelli massimi ta’ residwi eżistenti għall-glifosat skont l-Artikolu 12 tar-Regolament (KE) Nru 396/2005), EFSA Journal 2018;16(5):e05263, p. 12, https://efsa.onlinelibrary.wiley.com/doi/abs/10.2903/j.efsa.2018.5263.;

P.billi l-valutazzjoni tar-residwi ta’ erbiċidi u l-metaboliti misjuba fi pjanti ĠM hija kkunsidrata li ma taqax taħt il-kompetenza tal-Bord tal-EFSA dwar OĠM u għalhekk ma titwettaqx bħala parti mill-proċess ta’ awtorizzazzjoni għall-OĠM;

L-iżgurar ta’ kundizzjonijiet ekwi globali u r-rispett tal-obbligi internazzjonali tal-Unjoni

Q.billi l-kultivazzjoni tal-fażola tas-sojja ĠM mhijiex permessa fl-Unjoni;

R.billi l-konklużjonijiet tad-Djalogu Strateġiku dwar il-Futur tal-Agrikoltura “Strategic Dialogue on the Future of EU Agriculture - A shared prospect for farming and food in Europe” (Djalogu Strateġiku dwar il-Futur tal-Agrikoltura tal-UE - Prospett kondiviż għall-biedja u għall-ikel fl-Ewropa), Settembru 2024, https://agriculture.ec.europa.eu/document/download/171329ff-0f50-4fa5-946f-aea11032172e_en?filename=strategic-dialogue-report-2024_en.pdf. fl-UE jistiednu lill-Kummissjoni tivvaluta mill-ġdid l-approċċ tagħha stess għall-aċċess għas-suq għall-importazzjonijiet u l-esportazzjonijiet agroalimentari, minħabba l-isfida tal-istandards diverġenti tal-Unjoni u tas-sħab kummerċjali tagħha; billi r-relazzjonijiet kummerċjali aktar ġusti li huma konsistenti mal-miri għal ikel tajjeb għas-saħħa u ambjent li jibża’ għas-saħħa, globalment, kienu waħda mit-talbiet ewlenin tal-bdiewa matul id-dimostrazzjonijiet tal-2023 u tal-2024;

S.billi rapport tal-2017 mir-Rapporteur Speċjali tan-Nazzjonijiet Uniti (NU) dwar id-dritt għall-ikel sab li, b’mod partikolari fil-pajjiżi li qed jiżviluppaw, il-pestiċidi perikolużi għandhom impatti katastrofiċi fuq is-saħħa A/HRC/34/48: Rapport tar-Rapporteur Speċjali dwar id-dritt għall-ikel https://www.ohchr.org/en/documents/thematic-reports/ahrc3448-report-special-rapporteur-right-food.; billi l-Mira 3.9 tal-Għan ta’ Żvilupp Sostenibbli (“SDG tan-NU”) tan-NU għandha l-għan li sal-2030 tnaqqas b’mod sostanzjali l-għadd ta’ mwiet u mard ikkawżat minn sustanzi kimiċi perikolużi u mit-tniġġis u mill-kontaminazzjoni tal-arja, tal-ilma u tal-ħamrija https://indicators.report/targets/3-9/.;

T.billi l-Qafas Globali tal-Bijodiversità ta’ Kunming-Montreal (“Qafas ta’ Kunming-Montreal”), miftiehem fil-COP15 tal-Konvenzjoni tan-Nazzjonijiet Uniti dwar id-Diversità Bijoloġika (KDB tan-NU) ta’ Diċembru 2022, jinkludi mira globali biex sal-2030 ir-riskju tal-pestiċidi jitnaqqas b’mill-inqas 50 % ara: https://ec.europa.eu/commission/presscorner/detail/mt/ip_22_7834.;

U.billi r-Regolament (KE) Nru 1829/2003 jiddikjara li l-ikel jew l-għalf ĠM ma jridx ikollu effetti negattivi fuq is-saħħa tal-bniedem, is-saħħa tal-annimali jew l-ambjent, u jeżiġi li l-Kummissjoni tqis kwalunkwe dispożizzjoni rilevanti fid-dritt tal-Unjoni u fatturi leġittimi oħra rilevanti għall-kwistjoni taħt kunsiderazzjoni meta tkun qed tabbozza d-deċiżjoni tagħha; billi tali fatturi leġittimi għandhom jinkludu l-obbligi tal-Unjoni skont l-SDGs tan-NU u l-KDB tan-NU;

V.billi l-awtorizzazzjoni tal-Unjoni tal-fażola tas-sojja ĠM ma tkunx konsistenti mal-impenji internazzjonali dwar it-tnaqqis tal-pestiċidi F’Diċembru 2022, intlaħaq qbil dwar qafas globali dwar il-bijodiversità fil-COP15 tal-Konvenzjoni tan-Nazzjonijiet Uniti dwar id-Diversità Bijoloġika, li jinkludi mira globali għat-tnaqqis tar-riskju tal-pestiċidi b’mill-inqas 50 % sal-2030 (ara: https://ec.europa.eu/commission/presscorner/detail/mt/ip_22_7834)., minħabba ż-żieda fl-esponiment tal-bniedem u dak ambjentali għall-erbiċidi f’pajjiżi li jkabbru għelejjel ĠM tolleranti għall-erbiċidi, flimkien mar-riżultati fil-qasam tas-saħħa potenzjalment serji assoċjati;

W.billi d-deforestazzjoni hija kawża ewlenija tat-tnaqqis tal-bijodiversità; billi l-emissjonijiet mill-użu tal-art u mit-tibdil fl-użu tal-art, l-aktar minħabba d-deforestazzjoni, huma t-tieni l-akbar kawża tat-tibdil fil-klima wara l-ħruq tal-fjuwils fossili Il-Komunikazzjoni tal-Kummissjoni tat-23 ta’ Lulju 2019, “Stepping up EU action to Protect and Restore the World’s forests” (It-Tisħiħ tal-Azzjoni tal-UE għall-Protezzjoni u għar-Restawr tal- Foresti tad-Dinja), COM(2019)0352, p. 1.; billi l-Ftehim ta’ Pariġi dwar il-Klima u l-Pjan Strateġiku għall-Bijodiversità 2011-2020 adottat fi ħdan il-KDB tan-NU u l-Miri tal-Bijodiversità ta’ Aichi jippromwovu l-ġestjoni sostenibbli tal-foresti, l-isforzi ta’ protezzjoni u ta’ restawr Idem, paġna 2.; billi l-SDG 15 tan-NU jinkludi l-mira li titwaqqaf id-deforestazzjoni sal-2020 Ara l-mira 15.2: https://www.un.org/sustainabledevelopment/biodiversity/.; billi l-foresti għandhom rwol multifunzjonali li jappoġġjaw l-ilħuq tal-biċċa l-kbira tal-SDGs tan-NU Komunikazzjoni tal-Kummissjoni tat-23 ta’ Lulju 2019, “Stepping up EU action to Protect and Restore the World’s forests” (It-Tisħiħ tal-Azzjoni tal-UE għall-Protezzjoni u għar-Restawr tal-Foresti tad-Dinja), COM(2019)0352, p. 2.;

X.billi n-nirien fil-foresti fl-Amażonja huma xprunati minn livelli għoljin ta’ deforestazzjoni; billi f’Komunikazzjoni tal-2019, il-Kummissjoni sostniet l-ambizzjoni tagħha li tipproteġi u treġġa’ lura l-foresti tad-dinja Komunikazzjoni tal-UE dwar It-Tisħiħ tal-Azzjoni tal-UE għall-Protezzjoni u għar-Restawr tal-Foresti tad-Dinja, https://eur-lex.europa.eu/legal-content/MT/TXT/HTML/?uri=CELEX:52019DC0352&from=MT.; billi l-protezzjoni globali tal-bijodiversità, inklużi l-foresti, hija objettiv ewlieni tal-Istrateġija tal-UE għall-bijodiversità Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni: “Strateġija tal-UE għall-bijodiversità għall-2030: Inreġġgħu n-natura lura f’ħajjitna”, COM(2020)0380.;

Y.billi l-produzzjoni tas-sojja hija xprunatur ewlieni tad-deforestazzjoni tal-foresti fl-Amażonja, f’Cerrado u fi Gran Chaco fl-Amerka t’Isfel; billi 97 % tas-sojja kkultivata fil-Brażil u 100 % tas-sojja kkultivata fl-Arġentina hija sojja ĠM Servizz Internazzjonali għall-akkwist ta’ applikazzjonijiet agrobijotekniċi, “Global status of commercialized biotech/GM crops in 2017: Biotech Crop Adoption Surges as Economic Benefits Accumulate in 22 Year”, ISAAA Brief Nru. 53 (2017), pp. 16 u 21, http://www.isaaa.org/resources/publications/briefs/53/download/isaaa-brief-53-2017.pdf.;

Z.billi analiżi mill-Kummissjoni sabet li s-sojja storikament kienet il-kontributur ewlieni tal-Unjoni għad-deforestazzjoni globali u l-emissjonijiet relatati, u tirrappreżenta kważi nofs id-deforestazzjoni inkorporata fl-importazzjonijiet kollha tal-Unjoni Rapport tekniku tal-Kummissjoni Ewropea 2013 - 063 intitolat “The impact of EU consumption on deforestation: Comprehensive analysis of the impact of EU consumption on deforestation” (L-impatt tal-konsum tal-UE fuq id-deforestazzjoni: Analiżi komprensiva tal-impatt tal-konsum tal-UE fuq id-deforestazzjoni), https://op.europa.eu/en/publication-detail/-/publication/c1d3ef3e-d07e-4229-91e5-41001b47dba8/language-en, pp. 23-24: Bejn l-1990 u l-2008, l-Unjoni importat għelejjel u prodotti mill-bhejjem li jinkorporaw 90 000 km2 ta’ deforestazzjoni. Il-prodotti tal-għelejjel ammontaw għal 74 000 km2 (82 %) minn dawn, u l-għelejjel taż-żejt għandhom l-akbar sehem (52 000 km2). Il-fażola tas-sojja u l-espellent tas-sojja ammontaw għal 82 % ta’ dan (42 600 km2), ekwivalenti għal 47 % tal-importazzjoni totali tal-Unjoni ta’ deforestazzjoni inkorporata.;

It-tnaqqis tad-dipendenza fuq l-għalf importat

AA.billi waħda mit-tagħlimiet mill-kriżi tal-COVID-19 u l-gwerra li għadha għaddejja fl-Ukrajna hija l-ħtieġa li l-Unjoni ttemm id-dipendenzi fuq xi materjali kritiċi; billi fl-ittra ta’ missjoni tagħha lill-Kummissarju Christophe Hansen, il-President tal-Kummissjoni, Ursula von der Leyen, titolbu jfittex modi kif jitnaqqsu l-importazzjonijiet ta’ komoditajiet kritiċi https://commission.europa.eu/document/2c64e540-c07a-4376-a1da-368d289f4afe_en.;

AB.billi l-ftehimiet kummerċjali jinċentivaw l-importazzjonijiet lejn l-Unjoni ta’ ikel u għalf tal-annimali li fihom, li jikkonsistu minn jew li huma prodotti minn OĠM; billi l-Brażil u l-Arġentina huma fost l-akbar produtturi tal-OĠM u utenti tal-pestiċidi fid-dinja, inklużi l-OĠM u l-pestiċidi pprojbiti fl-Unjoni għal raġunijiet ambjentali jew ta’ saħħa;

Proċess deċiżjonali mhux demokratiku

AC.billi, fit-tmien leġiżlatura tiegħu, il-Parlament adotta total ta’ 36 riżoluzzjoni li joġġezzjonaw għall-introduzzjoni fis-suq ta’ OĠM għall-ikel u għall-għalf (33 riżoluzzjoni) u għall-kultivazzjoni ta’ OĠM fl-Unjoni (tliet riżoluzzjonijiet); billi, fid-disa’ leġiżlatura tiegħu, il-Parlament adotta 38 oġġezzjoni għall-introduzzjoni fis-suq ta’ OĠM u fl-għaxar leġiżlatura attwali diġà adotta 10 riżoluzzjonijiet oħra li joġġezzjonaw għall-introduzzjoni fis-suq ta’ OĠM;

AD.billi minkejja r-rikonoxximent tagħha stess tan-nuqqasijiet demokratiċi, in-nuqqas ta’ appoġġ mill-Istati Membri u l-oġġezzjonijiet tal-Parlament, il-Kummissjoni qed tkompli tawtorizza l-OĠM;

AE.billi mhija meħtieġa ebda bidla fil-liġi biex il-Kummissjoni tkun tista’ ma tawtorizzax l-OĠM meta ma jkunx hemm maġġoranza kwalifikata ta’ Stati Membri favur fil-Kumitat ta’ Appell Il-Kummissjoni “tista’”, u mhux “għandha”, tmexxi bl-awtorizzazzjoni jekk ma jkun hemm l-ebda maġġoranza kwalifikata ta’ Stati Membri favur fil-Kumitat ta’ Appell, skont l-Artikolu 6(3) tar-Regolament (UE) Nru 182/2011.;

AF.billi l-votazzjoni fit-28 ta’ Frar 2025 tal-Kumitat Permanenti dwar il-Pjanti, l-Annimali, l-Ikel u l-Għalf imsemmi fl-Artikolu 35 tar-Regolament (KE) Nru 1829/2003 ma tat l-ebda opinjoni, li jfisser li l-awtorizzazzjoni ma kinitx appoġġjata minn maġġoranza kwalifikata tal-Istati Membri;