P10_TA(2025)0108Emenda tar-Regolament (UE) 2023/956 fir-rigward tas-simplifikazzjoni u t-tisħiħ tal-mekkaniżmu ta’ aġġustament tal-karbonju fil-fruntieriEmendi adottati mill-Parlament Ewropew fit-22 ta' Mejju 2025 dwar il-proposta għal regolament tal-Parlament Ewropew u tal-Kunsill li jemenda r-Regolament (UE) 2023/956 fir-rigward tas-simplifikazzjoni u t-tisħiħ tal-mekkaniżmu ta’ aġġustament tal-karbonju fil-fruntieri (COM(2025)0087 – C10-0035/2025 – 2025/0039(COD)) Il-każ ġie mgħoddi lura għan-negozjati interistituzzjonali lill-kumitat responsabbli, skont l-Artikolu 60(4), ir-raba' subparagrafu (A10-0085/2025).(Proċedura leġiżlattiva ordinarja: l-ewwel qari)Test propost mill-KummissjoniEmendaEmenda 1Proposta għal regolamentPremessa 25a (ġdida)

(25a)Is-CBAM japplika għall-importazzjoni tal-elettriku, iżda jenħtieġ li ma japplikax għall-elettriku ġġenerat interament fiż-żona ekonomika esklużiva ta’ Stat Membru taż-ŻEE u importat direttament fit-territorju doganali tal-Unjoni;

Emenda 2Proposta għal regolamentArtikolu 1 – paragrafu 1 – punt 1 – punt ba (ġdid)Regolament (UE) 2023/956Artikolu 2 – paragrafu 3b (ġdid)

(ba)jiddaħħal il-paragrafu 3b li ġej:

3b. B’deroga mill-paragrafi 1 u 2, dan ir-Regolament ma għandux japplika għall-elettriku ġġenerat interament fiż-żona ekonomika esklużiva ta’ Stat Membru taż-ŻEE u importat direttament fit-territorju doganali tal-Unjoni.

Emenda 3Proposta għal regolamentAnness I – paragrafu 1 – punt 1a (ġdid)Regolament (UE) 2023/956Anness IV – punt 3 – paragrafu 1 – subparagrafu 5

(1a)Fil-punt 3, fin-noti li jispjegaw il-formula għas-SEEg fl-ewwel paragrafu, in-nota għall-EEInpMat hija sostitwita b’dan li ġej:

EEInpMat

huma l-emissjonijiet integrati tal-materjali ta’ input (prekursuri) ikkonsmati fil-proċess tal-produzzjoni. Għandhom jiġu kkunsidrati biss il-materjali tal-input (prekursuri) elenkati bħala rilevanti għall-konfini tas-sistema tal-proċess tal-produzzjoni kif speċifikat fl-att ta' implimentazzjoni adottat skont l-Artikolu 7(7). L-EEInpMat rilevanti jiġu kkalkolati kif ġej:

huma l-emissjonijiet integrati tal-materjali ta’ input (prekursuri) ikkonsmati fil-proċess tal-produzzjoni. Għandhom jiġu kkunsidrati biss il-materjali tal-input (prekursuri) elenkati fl-Anness I u li joriġinaw f’pajjiżi u territorji terzi li mhumiex eżentati skont l-Anness III, il-Punt 1. L-EEInpMat rilevanti jiġu kkalkolati kif ġej: