(10)Is minic a áirítear in ábhar mí-úsáide gnéasaí leanaí, gan beann ar a mhodh cruthaithe, lena n-áirítear trí intleacht shaorga a úsáid, íomhánna ina dtaifeadtar mí-úsáid ghnéasach leanaí á déanamh ag daoine fásta. D’fhéadfadh íomhánna de leanaí atá rannpháirteach in iompar gáirsiúil, nó íomhánna dá mbaill dhlúthphearsanta, a bheith i gceist le hábhar mí-úsáide gnéasaí leanaí freisin, i gcásanna ina ndéantar na híomhánna sin a chruthú agus a úsáid go príomha chun críoch gnéasach agus ina dtagtar i tír orthu agus a fhios ag an leanbh nó i ngan fhios dó. Thairis sin, cumhdaítear le coincheap an ábhair mí-úsáide gnéasaí leanaí freisin íomhánna réalaíocha de leanbh, i gcás ina bhfuil leanbh rannpháirteach in iompar gáirsiúil go príomha chun críoch gnéasach nó ina léirítear leanbh mar a bheith rannpháirteach in iompar den sórt sin , chomh maith le ‘lámhleabhair treoracha’ mar a thugtar orthu, a bhfuil sé beartaithe leo comhairle, treoraíocht nó treoracha a sholáthar maidir le hábhar mí-úsáide gnéasaí leanaí a ghiniúint, a dháileadh nó a fháil agus maidir le mí-úsáid ghnéasach leanaí, teacht i dtír gnéasach nó sirtheoireacht leanaí a dhéanamh.

(11)Tá sé léirithe sa taighde nach amháin go bhfuil sé ríthábhachtach scaipeadh ábhair mí-úsáide gnéasaí leanaí a theorannú chun athíospairt atá nasctha le cúrsaíocht íomhánna agus físeán den mhí-úsáid a sheachaint ach go bhfuil sé bunriachtanach freisin mar chineál coiscthe ar thaobh an chiontóra, ós rud é gur minic gurb é rochtain a fháil ar ábhar mí-úsáide gnéasaí leanaí an chéad chéim i dtreo mí-úsáid phraiticiúil, gan beann ar an léirítear fíormhí-úsáid agus fíortheacht i dtír nó mí-úsáid agus teacht i dtír a bhfuil cuma réalaíoch orthu ann. Tá coinne leis go dtiocfaidh fás as cuimse ar fhorbairt leanúnach na bhfeidhmchlár intleachta saorga atá in ann íomhánna réalaíocha a chruthú nach féidir a idirdhealú ó fhíoríomhánna, líon na n-íomhánna ‘domhainbhrionnúcháin’, mar a thugtar orthu, líon na mbréag-ghrianghraf agus na bhfíseán arna nginiúint le córais intleachta saorga nó arna gcruthú trí aon mhodh ríomhairithe eile ina léirítear mí-úsáid ghnéasach leanaí sna blianta amach romhainn. Ina theannta sin, ní chumhdaítear go hiomlán leis an sainmhíniú atá ann cheana forbairt timpeallachtaí réaltachta breisithe, réaltachta leathnaithe agus réaltachta fíorúla a bhaineann úsáid as abhatáir lena n-áirítear aisfhotha céadfach, e.g. trí ghléasanna lenar féidir teagmháil a bhrath. Le tagairt shainráite do léirithe arna nginiúint ‘trí mheán ar bith’ agus leis an tagairt do ‘macasamhlacha agus léirithe’ gan beann ar a modh cruthaithe nó ionramhála, ba cheart a áirithiú go gcumhdaítear leis an sainmhíniú ar ábhar mí-úsáide gnéasaí leanaí iad sin agus forbairtí teicneolaíocha a thiocfaidh chun cinn amach anseo ar bhealach atá neodrach go leor ó thaobh na teicneolaíochta de agus, dá bhrí sin, a sheasfaidh an aimsir.

(12)Chun cionta a bhaineann le mí-úsáid ghnéasach leanaí a chosc, ba cheart treoracha maidir le conas mí-úsáid ghnéasach a bhaint as leanaí agus teacht i dtír ar leanaí a áireamh leis an sainmhíniú ar ábhar mí-úsáide gnéasaí leanaí, gan beann ar an gcaoi a dtugtar na treoracha sin. Leis na treoracha sin, lena n-áirítear i bhfoirm lámhleabhar, tugtar comhairle maidir le conas leanaí a aimsiú, conas mealltóireacht agus mí-úsáid a dhéanamh orthu agus conas a sheachaint go ndéanfaí an ciontóir a aithint agus a ionchúiseamh nó treoraíocht a thabhairt maidir le conas ábhar mí-úsáide gnéasaí leanaí a ghiniúint, a dháileadh nó a fháil. Ba cheart samhlacha digiteacha nó leideanna lena gcumasaítear ábhar mí-úsáide gnéasaí leanaí a ghintear leis an intleacht shaorga a chruthú a mheas freisin mar threoracha maidir le conas mí-úsáid ghnéasach a bhaint as leanaí nó conas teacht i dtír ar leanaí agus, dá bhrí sin, a thagann faoin sainmhíniú ar ábhar mí-úsáide gnéasaí leanaí. Trí bhacainní a ísliú agus an fios gnó is gá a sholáthar, cuidíonn siad le ciontóirí a ghríosú agus tacaíonn siad le mí-úsáid ghnéasach. Mar thoradh ar a scaipeadh ar líne, tá Ballstáit áirithe tar éis a ndlí coiriúil a leasú agus seilbh agus dáileadh treoracha den sórt sin a choiriúlú go sainráite. Mar gheall ar an easpa comhchuibhithe, tá leibhéal míchothrom cosanta ann ar fud an Aontais.

(14)Agus reachtaíocht maidir leis an dlí coiriúil substainteach á glacadh aige, ba cheart don Aontas Eorpach comhsheasmhacht na reachtaíochta sin a áirithiú go háirithe maidir le leibhéal na bpionós a ghearrtar. Toisc go bhfuil líon an-ard de chionta éagsúla luaite sa Treoir seo, is gá, chun na leibhéil éagsúla tromchúise a léiriú, idirdhealú níos mó a dhéanamh inti idir leibhéal na bpionós ná mar ba cheart a sholáthar de ghnáth in ionstraimí dlí de chuid an Aontais Eorpaigh. Ba cheart a áirithiú leis an Treoir seo go gcumhdaítear cionta arna n-éascú leis an teicneolaíocht leis na pionóis chéanna le cionta eile, ós rud é go bhfuil an tromchúis agus an tráma a eascraíonn as na cionta sin coibhéiseach.

(15)Ba cheart cineálacha tromchúiseacha den mhí-úsáid ghnéasach leanaí agus den teacht i dtír gnéasach ar leanaí a bheith faoi réir pionóis atá éifeachtach, comhréireach agus athchomhairleach. Áirítear leis sin, go háirithe, cineálacha éagsúla den mhí-úsáid gnéasach leanaí agus den teacht i dtír gnéasach ar leanaí a éascaítear trí úsáid a bhaint as teicneolaíocht faisnéise agus cumarsáide, amhail sirtheoireacht leanaí a dhéantar ar líne chun críoch gnéasach trí shuíomhanna gréasáin líonra shóisialta agus trí sheomraí comhrá. Ba cheart an sainmhíniú ar ábhar mí-úsáide gnéasaí leanaí a shoiléiriú agus a thabhairt níos gaire don sainmhíniú atá sna hionstraimí idirnáisiúnta. Ar bhonn níos leithne, ba cheart an téarmaíocht a úsáidtear sa Treoir seo a thabhairt i gcomhréir leis na caighdeáin idirnáisiúnta aitheanta amhail na Treoirlínte Téarmeolaíochta um Leanaí a Chosaint ar Theacht i dTír Gnéasach agus Mí-Úsáid Ghnéasach arna nglacadh ag an Meitheal Idirghníomhaireachta i Lucsamburg an 28 Eanáir 2016. Thairis sin, chun cur chun feidhme éifeachtúil na Treorach seo a fheabhsú, ba cheart do na Ballstáit an teanga a úsáidtear ina ndlí náisiúnta a chomhchuibhiú agus a nuachóiriú chun í a ailíniú leis an teanga a úsáidtear sa Treoir seo. Mar bheart tosaigh ríthábhachtach, is éard atá i gceist leis sin ‘ábhar mí-úsáide gnéasaí leanaí’ a chur in ionad an téarma ‘pornagrafaíocht leanaí’.

(20)I gcomhthéacs ábhair mí-úsáide gnéasaí leanaí, leis an téarma ná meastar go ndearnadh é gan cheart, cuirtear ar chumas na mBallstát cosaint a sholáthar i leith iompar a bhaineann le hábhar a d’fhéadfadh a bheith ina ábhar mí-úsáide gnéasaí leanaí a bhfuil mar shampla, cuspóir leighis, cuspóir eolaíochta nó cuspóir eile comhchosúil ag gabháil leis. Thairis sin, ní chuirtear as an áireamh leis an téarma ‘gan cheart’ cosaintí dlíthiúla ná prionsabail ábhartha comhchosúla lena mbaintear freagracht de dhuine faoi imthosca sonracha. Leis sin freisin, ceadaítear gníomhaíochtaí a dhéantar faoi chumhachtaí dlí intíre, amhail ábhar mí-úsáide gnéasaí leanaí a bheith ina seilbh go dlisteanach ag na húdaráis chun imeachtaí coiriúla a sheoladh nó chun coireacht a chosc, a bhrath nó a fhiosrú , nó gníomhaíochtaí a dhéanann eagraíochtaí a ghníomhaíonn ar mhaithe le leas an phobail in aghaidh mí-úsáid ghnéasach leanaí, amhail beolínte, i gcás inar thug na húdaráis inniúla sna Ballstáit ina bhfuil siad bunaithe údarú dóibh. Áirítear ar na gníomhaíochtaí sin, go háirithe, tuairiscí maidir le hábhar mí-úsáide gnéasaí leanaí amhrasta a ghlacadh, a chruthú, agus anailís a dhéanamh orthu, lena n-áirítear cinneadh an tsuímh ina ndéantar an t-ábhar dá dtagraítear sna tuairiscí a óstáil, ar tuairiscí iad a chuireann úsáideoirí ar líne nó eagraíochtaí eile atá ag gníomhú ar mhaithe le leas an phobail in aghaidh mí-úsáid ghnéasach leanaí faoina mbráid, chomh maith le cuardaigh a dhéanamh chun scaipeadh ábhair mí-úsáide gnéasaí leanaí a bhrath.

(22)Is bagairt a bhfuil gnéithe sonracha ag gabháil léi atá i sirtheoireacht leanaí chun críoch gnéasach i gcomhthéacs an Idirlín, ós rud é go dtugtar anaithnideacht nach bhfacthas a leithéid riamh roimhe d’úsáideoirí leis an Idirlíon, toisc gur féidir leo a bhfíorchéannacht agus a dtréithe pearsanta, amhail a n-aois, a cheilt. Le deich mbliana anuas, le húsáid teicneolaíochtaí faisnéise agus cumarsáide, tá rochtain níos éasca ag ciontóirí ar leanaí, agus is minic a thosaítear an teagmháil nuair a mheallann an ciontóir an leanbh chuig cora míchuibhiúla san fhíorshaol agus sa domhan fíorúil araon, mar shampla trí ligean air gur piaraí é nó trí iompar eile dallamullógach nó moltach. Mar thoradh ar an rochtain mhéadaithe sin ar leanaí, tá fás tapa tagtha ar fheiniméin amhail comhéigean gnéis. Tagraíonn comhéigean gnéis leanaí don bhagairt ábhar dlúthphearsanta ina bhfuil íospartach linbh a dháileadh chun airgead, ábhar mí-úsáide gnéasaí leanaí, nó cineálacha eile gnóthachain a fháil, faoin mbagairt an t-ábhar sin a chomhroinnt gan toiliú an duine léirithe, rud a dhéanann difear do leanaí faoi bhun agus os cionn na haoise toilithe gnéis. Tá borradh tagtha le blianta beaga anuas ar chomhéigean gnéis a bhfuil cúiseanna airgid mar bhunús leis arna dhéanamh ag grúpaí coireachta eagraithe a dhíríonn go háirithe ar bhuachaillí sna déaga, agus mar thoradh air sin chuir go leor de na leanaí sin lámh ina mbás féin. Dá bhrí sin tá sé ríthábhachtach go gcumhdófaí na feiniméin sin go léir go hiomchuí i ndlí na mBallstát. An tráth céanna, aithníonn na Ballstáit an tábhacht a bhaineann le sirtheoireacht linbh lasmuigh de chomhthéacs an Idirlín a chomhrac, go háirithe i gcás nach ndéantar an tsirtheoireacht sin trí úsáid a bhaint as teicneolaíocht faisnéise agus cumarsáide. Maidir leis an iompar i gcás ina ndéantar sirtheoireacht linbh i láthair an linbh nó i ngaireacht dó chun go mbuailfeadh sé leis an gciontóir chun críoch gnéasach, mar shampla i bhfoirm chion ullmhaitheach ar leith, i bhfoirm iarracht na cionta dá dtagraítear sa Treoir seo a dhéanamh nó i bhfoirm ar leith den mhí-úsáid ghnéasach, iarrtar ar na Ballstáit an t-iompar sin a choiriúlú. Cibé acu réiteach dlíthiúil a roghnófar chun ‘mealltóireacht as líne’ a choiriúlú, ba cheart do na Ballstáit déantóirí na gcionta sin a ionchúiseamh.

(23)I bhfianaise na bhforbairtí teicneolaíochta le déanaí agus, go háirithe, i bhfianaise fhorbairt na hintleachta saorga agus fhorbairt na dtimpeallachtaí réaltachta breisithe, réaltachta leathnaithe agus réaltachta fíorúla, tá géarghá le haghaidh a thabhairt ar shirtheoireacht leanaí ar bhealach níos éifeachtaí agus meastóireachtaí tréimhsiúla a dhéanamh ar an gcreat dlíthiúil: níor cheart coiriúlú sirtheoireachta leanaí a bheith teoranta do chomhráite gutha, téacs nó poist, ach ba cheart go n-áireofaí ann freisin teagmhálacha, malartuithe nó cruinnithe a bhíonn ar siúl san fhíorshaol nó i ndomhain fhíorúla lena n-áirítear i suíomhanna réaltachta breisithe, leathnaithe nó fíorúla, chomh maith le sirtheoireacht mhórscála leanaí trí úsáid a bhaint as botaí comhrá atá oilte chun na críche sin, ós rud é go meastar go dtiocfaidh méadú ar an bhfeiniméan sin féin i bhfianaise éabhlóid intuartha na bhfeidhmchlár intleachta saorga. Dá bhrí sin, ba cheart ‘trí bhíthin teicneolaíocht faisnéise agus cumarsáide’ a thuiscint ar bhealach atá leathan go leor chun na forbairtí teicneolaíochta sin go léir a chumhdach.

(24)Ní rialaítear leis an Treoir seo beartais na mBallstát maidir le gníomhaíochtaí gnéasacha comhthoiliúla a bhféadfadh leanaí a bheith rannpháirteach iontu agus ar féidir iad a mheas a bheith ina gcuid den ghnáthphróiseas foghlama gnéis le linn forbairt dhaonna, agus aird á tabhairt ar na traidisiúin éagsúla chultúrtha agus dhlíthiúla agus ar dhóigheanna nua chun caidreamh i measc leanaí agus ógánach a bhunú agus a chothú, lena n-áirítear trí úsáid a bhaint as teicneolaíocht faisnéise agus cumarsáide. Maidir leis na Ballstáit a bhainfidh leas as na féidearthachtaí dá dtagraítear sa Treoir seo, déanfaidh siad amhlaidh agus a n-inniúlachtaí á bhfeidhmiú acu. Go háirithe, ba cheart do na Ballstáit a bheith in ann gníomhaíochtaí gnéasacha comhthoiliúla a bhaineann go heisiach le leanaí os cionn na haoise toilithe gnéis a dhíolmhú ó choiriúlú, chomh maith le gníomhaíochtaí gnéasacha comhthoiliúla lena mbaineann piaraí. Ba cheart do na Ballstáit a áirithiú go gcosnófar piaraí ar ionchúiseamh i gcás gníomhaíocht ghnéasach chomhthoiliúil agus neamhshaothraithe, ar choinníoll nach bhfuil aon ghné de chomhéigean, de mhí-úsáid muiníne ná de spleáchas idir na piaraí. Tá sé beartaithe leis na leasuithe ar an Airteagal sin raon feidhme an mhaolaithe a shoiléiriú, ós rud é go ndealraíonn sé go bhfuil léirmhíniú róleathan ag roinnt Ballstát ar a fhoclaíocht bhunaidh (e.g. trí dhíolmhú ó choiriúlú gníomhaíochtaí comhthoiliúla idir mionaoisigh atá os cionn aois an toilithe agus daoine fásta d’aois ar bith, a mheastar a bheith ina ‘bpiaraí’ in ainneoin difríocht shuntasach aoise). Níor cheart na forálacha a bhaineann le haois an toilithe a léirmhíniú ar bhealach lena dteorannaítear ar bhealach ar bith coiriúlú mí-úsáide gnéasaí leanaí agus teacht i dtír ar leanaí a bhfuil aois an toilithe bainte amach acu toisc nach féidir le haon leanbh toiliú le mí-úsáid ghnéasach.

(25)Ba cheart do na Ballstáit foráil a dhéanamh maidir le himthosca géaraitheacha ina ndlí náisiúnta i gcomhréir leis na rialacha is infheidhme arna mbunú lena gcórais dlí maidir le himthosca géaraitheacha. Ba cheart aois an íospartaigh, cóireálacha atá dírithe ar ghnéaschlaonadh nó féiniúlacht inscne duine a athrú (‘teiripe tiontaithe’ mar a thugtar air) agus an fíoras gur cúis leis an gcion ceann amháin nó níos mó de na forais a chosnaítear faoi Airteagal 21 de Chairt um Chearta Bunúsacha an Aontais Eorpaigh a chur san áireamh mar imthoisc ghéaraitheach. Ba cheart dóibh a áirithiú go bhfuil na himthosca géaraitheacha sin ar fáil do bhreithiúna lena gcur san áireamh agus pianbhreith á cur ar chiontóirí acu, cé nach bhfuil aon oibleagáid ar bhreithiúna na himthosca géaraitheacha sin a chur i bhfeidhm. Níor cheart go ndéanfaí foráil i ndlí na mBallstát maidir leis na himthosca géaraitheacha i gcás ina bhfuil siad neamhábhartha agus cineál an chiona shonraigh á chur san áireamh. Ba cheart meastóireacht ar ábharthacht na n-imthosca géaraitheacha éagsúla dá bhforáiltear sa Treoir seo a dhéanamh ar an leibhéal náisiúnta i leith gach ceann de na cionta dá dtagraítear sa Treoir seo.

(26)Maidir le héagumas fisiciúil nó meabhrach faoin Treoir seo, ba cheart é a mheas mar ní lena n-áirítear freisin an staid mhíchumais fhisiciúil nó mheabhraigh ina bhfuil duine mar thoradh ar thionchar drugaí, cógas agus alcóil, nó aon substaint a d'fhéadfadh saorthoil duine a chur i mbaol. Ní féidir le daoine aonair atá i riocht éagumais toiliú feasach agus deonach a thabhairt, lena ndéantar aon ghníomh gnéasach faoi na cúinsí sin neamh-chomhthoiliúil go bunúsach.

(31)Is minic nach mbíonn íospartaigh na mí-úsáide gnéasaí leanaí agus an teacht i dtír ghnéasaigh ar leanaí in ann an choir a thuairisciú go ceann roinnt mhaith blianta tar éis a déanta mar gheall ar an náire, an chiontacht agus an féinmhilleán a d’fhéadfadh a bheith bainteach leis an stiogma sóisialta agus cultúrtha, i measc nithe eile, atá fós ag gabháil le mí-úsáid ghnéasach, an rúndacht ina dtarlaíonn an mhí-úsáid, iompar bagrach nó milleánach ón déantóir, agus/nó tráma. Mar gheall ar leochaileachtaí sonracha agus teorainneacha forbartha leanaí, d’fhéadfadh sé nach dtuigfidís go hiomlán gur mí-úsáid a bhí ann, go háirithe má bhí an mí-úsáideoir ina dhuine fásta iontaofa. D’fhéadfadh sé go nglacfaidh sé go dtí go bhfuil marthanóirí ina ndaoine fásta chun an aibíocht mhothúchánach a fhorbairt chun an mhí-úsáid a aithint mar a bhí agus chun a héifeachtaí fadtéarmacha a thuiscint. Is féidir le tráma a bheith ina chúis le híospartaigh na cuimhní a chur faoi chois nó a bhlocáil mar bheart cosanta ar feadh na mblianta. Maidir le déantóirí na mí-úsáide gnéasaí agus an teacht i dtír ghnéasaigh ar leanaí, murab ionann agus déantóirí coireanna foréigneacha eile, bíonn siad gníomhach go dtí an tseanaois de ghnáth, agus is bagairt ar leanaí i gcónaí iad. I bhfianaise an mhéid sin, ní féidir cionta a bhaineann le mí-úsáid ghnéasach leanaí agus teacht i dtír gnéasach ar leanaí a imscrúdú agus a ionchúiseamh go héifeachtach, agus cúnamh agus tacaíocht iomchuí a thabhairt d’íospartaigh, ach amháin má scriostar reachtanna na dtréimhsí.

(34)Ba cheart do na Ballstáit aon duine a bhfuil eolas aige nó a bhfuil amhras air faoi mhí-úsáid ghnéasach leanaí nó faoi theacht i dtír gnéasach ar leanaí a spreagadh chun an t-eolas nó an t-amhras sin a thuairisciú do na seirbhísí inniúla. Go háirithe, ba cheart do na Ballstáit faisnéis a chur ar fáil do leanaí maidir leis an bhféidearthacht an mhí-úsáid a thuairisciú, lena n-áirítear do línte cabhracha agus trí na hardáin chumarsáide is minice a úsáideann daoine óga. Is ar gach Ballstát atá an fhreagracht cinneadh a dhéanamh maidir le cé hiad na húdaráis inniúla ar cheart an t-amhras sin a thuairisciú dóibh. Níor cheart na húdaráis inniúla sin a bheith teoranta do sheirbhísí cosanta leanaí nó do sheirbhísí sóisialta ábhartha. Ba cheart é a bheith d’aidhm ag an gceanglas amhrais ‘de mheon macánta’ cosc a chur ar an bhforáil a agairt chun údarú a thabhairt do líomhaintí atá go hiomlán samhailteach nó bréagach agus a dhéantar de mheon mailíseach.

(35)Ba cheart rialacha maidir le dlínse a leasú chun a áirithiú go ndéanfar daoine atá rannpháirteach i mí-úsáid ghnéasach leanaí ón Aontas nó i dteacht i dtír gnéasach ar leanaí ón Aontas a ionchúiseamh fiú má dhéanann siad na coireanna lasmuigh den Aontas, go háirithe trí thurasóireacht ghnéis, mar a thugtar air. Ba cheart teacht i dtír gnéasach ar leanaí sa taisteal nó sa turasóireacht a thuiscint mar theacht i dtír gnéasach ar leanaí ag duine nó daoine a thaistealaíonn amach as a ngnáth-thimpeallacht chuig áit thar lear ina mbíonn caidreamh gnéasach acu le leanaí agus ina ndéanann siad cion mar a thuairiscítear sa Treoir seo. I gcás ina dtarlaíonn teacht i dtír gnéasach ar leanaí sa taisteal nó sa turasóireacht lasmuigh den Aontas, iarrtar ar na Ballstáit iarracht a dhéanamh, trí na hionstraimí náisiúnta agus idirnáisiúnta atá ar fáil, lena n-áirítear conarthaí déthaobhacha agus iltaobhacha maidir le heiseachadadh, cúnamh frithpháirteach nó aistriú na n-imeachtaí agus comhar le tríú tíortha agus eagraíochtaí idirnáisiúnta a mhéadú d’fhonn teacht i dtír gnéasach ar leanaí thar lear a chomhrac. Ba cheart do na Ballstáit idirphlé oscailte agus cumarsáid le tíortha lasmuigh den Aontas a chothú chun bheith in ann déantóirí na gcionta a thaistealaíonn lasmuigh de theorannacha an Aontais chun críoch teacht i dtír gnéasach ar leanaí sa taisteal nó sa turasóireacht a ionchúiseamh faoin reachtaíocht náisiúnta ábhartha.

(36)Ba cheart bearta a dhéanamh chun íospartaigh linbh a chosaint ar bhealach cuimsitheach chun a leasa, agus measúnú ar a gcuid riachtanas á chur san áireamh. Tá gá le cur chuige uile-shochaí chun leanaí a chosaint go héifeachtach. Leis an leanbh ag an gcroílár, ba cheart do na húdaráis agus na seirbhísí ábhartha uile oibriú le chéile chun an leanbh a chosaint agus chun tacú leis, chun a leasa féin. Is é an tsamhail ‘Barnahus’ a bhaineann le timpeallacht atá fabhrach do leanaí a sholáthar a bhfuil speisialtóirí ó gach disciplín ábhartha ag obair inti, is é sin an sampla is forbartha faoi láthair de chur chuige atá fabhrach do leanaí i leith an cheartais agus chun athíospairt a sheachaint. Tá forálacha ábhartha na Treorach seo bunaithe ar phrionsabail na samhla sin. Is é is aidhm don tsamhail sin a áirithiú go bhfaighidh gach leanbh atá rannpháirteach in imscrúduithe maidir le mí-úsáid leanaí nó teacht i dtír gnéasach ar leanaí measúnú ardchaighdeáin i dtimpeallachtaí atá fabhrach do leanaí, as tacaíocht shíceasóisialta iomchuí agus as seirbhísí cosanta leanaí. Leis an Treoir seo, féachtar lena áirithiú go seasfaidh na Ballstáit uile leis na prionsabail sin atá dírithe ar íospartaigh agus go gcuirfidh siad córais cosanta leanaí atá oiriúnach ó thaobh aoise de agus ildisciplíneach i bhfeidhm chun cúram éifeachtach agus tacaíocht dhlíthiúil a chur ar fáil d’íospartaigh ar leanaí iad, cé nach gceanglaítear léi i ndáiríre ar na Ballstáit samhail Barnahus a chur chun feidhme. I gcás inar gá scrúduithe leighis a dhéanamh ar an leanbh chun críocha na n-imscrúduithe coiriúla, mar shampla chun fianaise ar mhí-úsáid a bhailiú, ba cheart iad sin a theorannú don mhéid atá fíor-riachtanach chun teorainn a chur leis an ath-thrámú. Níor cheart go gcuirfeadh an oibleagáid sin cosc ar scrúduithe leighis eile atá riachtanach ar mhaithe le leas an linbh. Ba cheart rochtain éasca a bheith ag íospartaigh linbh ar cheartas lena dtacaítear le leanaí, ar leigheasanna dlí agus ar bhearta chun aghaidh a thabhairt ar choinbhleachta leasa i gcásanna ina ndéantar mí-úsáid ghnéasach leanaí nó teacht i dtír gnéasach ar leanaí laistigh den teaghlach. I gcás inar cheart ionadaí speisialta a cheapadh do leanbh le linn imscrúdú coiriúil nó le linn imeacht coiriúil, d’fhéadfadh duine dlítheanach, institiúid nó údarás an ról sin a chomhlíonadh freisin. Thairis sin, ba cheart íospartaigh linbh a chosaint ó phionóis, mar shampla faoi reachtaíocht náisiúnta maidir le striapachas, má dhéanann siad aird na n-údarás inniúil a tharraingt ar a gcás. Ina theannta sin, níor cheart, a mhéid is féidir, tráma breise a chruthú d’íospartaigh linbh mar thoradh ar a rannpháirtíocht in imeachtaí coiriúla, mar thoradh ar agallaimh ná ar theagmháil amhairc le ciontóirí. Ba cheart oiliúint a chur ar na húdaráis uile a bhfuil baint acu leis na himeachtaí i gceartas lena dtacaítear le leanaí. Le tuiscint mhaith ar leanaí agus ar a n-iompar nuair a bhíonn eispéiris thrámacha os a gcomhair, cuideofar lena áirithiú go mbaileofar fianaise ar ardchaighdeán agus go laghdófar an strus a chuirfear ar leanaí agus na bearta is gá á ndéanamh. I gcás ina nglacann íospartaigh ar leanaí iad nó finnéithe ar leanaí iad páirt in imeachtaí coiriúla, ba cheart don chúirt a n-aois agus a n-aibíocht a chur i gcuntas go hiomlán i seoladh na n-imeachtaí agus ba cheart di a áirithiú go bhfuil na himeachtaí inrochtana agus sothuigthe don leanbh. Ba cheart tosaíocht a thabhairt do cheart an linbh éisteacht a fháil agus páirt fhóinteach a ghlacadh, lena n-áiritheofar go n-éistfear le tuairimí an linbh agus go n-urramófar iad le linn an phróisis.

(37)Ba cheart do na Ballstáit cúnamh gearrthéarmach agus fadtéarmach atá saincheaptha agus cuimsitheach a thabhairt d’íospartaigh linbh agus do mharthanóirí gan beann ar ghearán foirmiúil a bheith déanta acu. Ba cheart marthanóirí a thuiscint mar dhaoine a d’fhulaing foréigean gnéasach mar leanaí, gan beann ar a stádas dlíthiúil agus ar a n-aitheantas mar íospartach coireachta ag córas dlí. Is suntasach an díobháil a dhéantar de dheasca mí-úsáid ghnéasach agus teacht i dtír gnéasach ar leanbh agus ba cheart aghaidh a thabhairt uirthi a luaithe is féidir tar éis chéad teagmháil an íospartaigh leis na húdaráis. Tá sé ríthábhachtach cúnamh láithreach a thabhairt d’íospartaigh roimh imscrúduithe agus imeachtaí coiriúla agus lena linn chun teorainn a chur leis an tráma fadtéarmach a bhaineann leis an mí-úsáid a fulaingíodh. Chun soláthar mear cúnaimh a éascú, lena n-áirítear na seirbhísí tacaíochta ábhartha a shainaithint, ba cheart do na Ballstáit treoirlínte agus prótacail a eisiúint do ghairmithe cúraim sláinte, oideachais agus seirbhísí sóisialta, lena n-áirítear foireann na línte cabhrach . De dheasca chineál an dochair a bhíonn ann mar thoradh ar mhí-úsáid ghnéasach agus ar theacht i dtír gnéasach, ba cheart leanúint leis an gcúnamh sin a thabhairt chomh fada agus is gá le haghaidh théarnamh fisiciúil agus síceolaíoch an linbh agus féadfar leanúint leis más gá go dtí go mbeidh an leanbh ina dhuine fásta. Ba cheart breithniú a dhéanamh ar chúnamh agus comhairle a thabhairt do thuismitheoirí , cúramóirí nó caomhnóirí na n-íospartach linbh i gcás nach bhfuil baint acu mar dhaoine atá faoi dhrochamhras maidir leis an gcion lena mbaineann, chun cuidiú leo cúnamh a thabhairt do na híospartaigh linbh i gcaitheamh na n-imeachtaí.

(39)Le Treoir 2012/29/AE déantar tacar de chearta íospartach in imeachtaí coiriúla a bhunú, lena n-áirítear an ceart chun cosanta agus an ceart cinneadh a fháil maidir le cúiteamh ón gciontóir agus ó aon eagraíocht faoi dhliteanas maidir mí-úsáid ghnéasach leanaí agus teacht i dtír ar leanaí. Leis an togra le haghaidh athbhreithniú ar an Treoir maidir le Cearta Íospartach, déantar foráil maidir le leasuithe spriocdhírithe ar chearta na n-íospartach uile. I dteannta na gceart a bhunaítear faoin Treoir sin, ba cheart rochtain ar chomhairleoireacht dhlíthiúil agus, i gcomhréir le ról na n-íospartach sa chóras ábhartha ceartais, ar ionadaíocht dhlíthiúil, lena n-áirítear chun cúiteamh a éileamh, a thabhairt d’íospartaigh na mí-úsáide gnéasaí leanaí, an teacht i dtír ghnéasaigh ar leanaí agus an ábhair mí-úsáide gnéasaí leanaí. D’fhéadfadh na húdaráis inniúla an chomhairleoireacht dhlíthiúil sin agus an ionadaíocht dhlíthiúil sin a sholáthar chun cúiteamh a éileamh ón Stát. Is é is cuspóir do chomhairleoireacht dhlíthiúil a chur ar chumas na n-íospartach a bheith ar an eolas faoi na féidearthachtaí éagsúla atá ar fáil dóibh agus comhairle a fháil maidir leis na féidearthachtaí sin. Ba cheart do dhuine a bhfuil oiliúint dhlíthiúil iomchuí faighte aige an chomhairleoireacht dhlíthiúil a sholáthar, ach ní gá go mbeadh sé ina dhlíodóir. Ba cheart comhairleoireacht dhlíthiúil agus, i gcomhréir le ról na n-íospartach sa chóras ábhartha ceartais, ionadaíocht dhlíthiúil a sholáthar saor in aisce, ar a laghad nuair nach bhfuil acmhainní airgeadais leordhóthanacha ag an íospartach, ar bhealach atá i gcomhréir le nósanna imeachta inmheánacha na mBallstát. Níor cheart ceart na n-íospartach chun cúitimh a bheith faoi réir tréimhse teorann.

(40)Ba cheart do Lárionad an Aontais Eorpaigh um Chosaint Leanaí (‘Lárionad an Aontais’), a bunaíodh le Rialachán [.../.../AE lena leagtar síos rialacha chun mí-úsáid ghnéasach leanaí a chosc agus a chomhrac]16 , tacú le hiarrachtaí agus oibleagáidí coisctheacha na mBallstát agus lena n-iarrachtaí agus a n-oibleagáidí maidir le cúnamh d’íospartaigh faoin Treoir seo. Tá sé ríthábhachtach na rialacha sin a leagan síos agus Lárionad an Aontais a bhunú gan moill mhíchuí chun cuíchóiriú agus feabhsú a dhéanamh ar an iliomad iarrachtaí chun mí-úsáid ghnéasach leanaí a chosc agus a chomhrac ar fud an Aontais. Ba cheart dó malartú dea-chleachtas san Aontas agus lasmuigh de a éascú. Ba cheart do Lárionad an Aontais idirphlé a spreagadh idir na páirtithe leasmhara ábhartha uile chun cabhrú le cláir choisc úrscothacha a fhorbairt. Thairis sin, trí chomhoibriú leis na Ballstáit agus trí rannchuidiú le caighdeánú a dhéanamh ar bhailiú sonraí maidir le mí-úsáid ghnéasach leanaí agus teacht i dtír gnéasach ar leanaí ar fud an Aontais, ba cheart Lárionad an Aontais a bheith ina acmhainn chun tacú le beartas fianaisebhunaithe maidir le cosc agus maidir le cúnamh d’íospartaigh. Ba cheart do na Ballstáit údaráis náisiúnta nó eintitis choibhéiseacha a bhunú de réir mar a mheasann siad is iomchuí de réir a n-eagrúcháin inmheánaigh, agus an gá atá le struchtúr íosta le cúraimí sainaitheanta á chur san áireamh, lena mbeifear in ann measúnuithe a dhéanamh ar threochtaí i mí-úsáid ghnéasach leanaí, staitisticí a bhailiú, tomhas a dhéanamh ar thorthaí gníomhaíochtaí chun mí-úsáid ghnéasach leanaí a chosc agus a chomhrac, agus tuairisciú rialta a dhéanamh ar threochtaí, staitisticí agus torthaí den sórt sin. Ba cheart do na húdaráis náisiúnta sin feidhmiú mar phointe teagmhála náisiúnta agus ba cheart dóibh cur chuige comhtháiteach ilpháirtithe leasmhara a ghlacadh ina gcuid oibre. Ina theannta sin, ba cheart do na Ballstáit na sásraí is gá a bhunú ar an leibhéal náisiúnta chun comhordú agus comhar éifeachtach a áirithiú i bhforbairt agus i gcur chun feidhme beart chun mí-úsáid ghnéasach leanaí agus teacht i dtír gnéasach ar leanaí a chosc agus a chomhrac, ar líne agus as líne araon, i measc na ngníomhaithe ábhartha poiblí agus príobháideacha uile, chomh maith le comhar le Lárionad an Aontais agus leis an gCoimisiún a éascú. Ós rud é go mbunaítear Lárionad an Aontais le Rialachán [../../AE lena leagtar síos rialacha chun mí-úsáid ghnéasach leanaí a chosc agus a chomhrac], ba cheart feidhm a bheith ag forálacha uile na Treorach seo ina dtagraítear di ó dháta theacht i bhfeidhm an Rialacháin sin.

__________________

16 COM(2022) 209, 11.5.2022.

(42)Ba cheart do na Ballstáit gníomhaíocht a dhéanamh chun gníomhartha a bhaineann le mí-úsáid ghnéasach leanaí a chur chun cinn agus mí-úsáid ghnéasach leanaí agus teacht i dtír gnéasach ar leanaí sa taisteal nó sa turasóireacht a chosc nó a thoirmeasc. D’fhéadfaí bearta coisctheacha éagsúla a bhreithniú, amhail cód iompair agus sásraí féinrialála i dtionscal na turasóireachta a tharraingt suas agus a atreisiú, cód eitice nó ‘lipéid cháilíochta’ nó beartas follasach a chur ar bun le haghaidh eagraíochtaí turasóireachta a bhfuil mí-úsáid ghnéasach leanaí agus teacht i dtír gnéasach ar leanaí sa taisteal nó sa turasóireacht á gcomhrac acu. Ba cheart do na Ballstáit na huirlisí atá ar fáil dóibh faoi dhlí an Aontais, faoin dlí náisiúnta agus faoi chomhaontuithe idirnáisiúnta a ghiaráil chun mí-úsáid ghnéasach leanaí agus teacht i dtír gnéasach ar leanaí sa taisteal nó sa turasóireacht trína gcríoch nó i dtreo a gcríche a chosc, go háirithe trí ghníomhaíocht iomchuí a dhéanamh tar éis dóibh faisnéis ábhartha a fháil ó thríú tíortha, lena n-áirítear seiceálacha breise a dhéanamh nó diúltú cead isteach a eisiúint i gcomhthéacs Rialachán (AE) 2018/1861 maidir le Córas Faisnéise Schengen (CFS) a bhunú, a oibriú agus a úsáid i réimse na seiceálacha teorann17 .

__________________

17 Rialachán (AE) Uimh. 2018/1861 ó Pharlaimint na hEorpa agus ón gComhairle an 28 Samhain 2018 maidir le Córas Faisnéise Schengen (CFS) a bhunú, a oibriú agus a úsáid i réimse na seiceálacha teorann, lena leasaítear an Coinbhinsiún lena gcuirtear Comhaontú Schengen chun feidhme, agus lena leasaítear agus lena n-aisghairtear Rialachán (CE) Uimh. 1987/2006 IO L 312, 7.12.2018, lgh. 14–55, ELI: http://data.europa.eu/eli/reg/2018/1861/oj.

(43)Ba cheart do na Ballstáit beartais a bhunú nó a neartú chun mí-úsáid ghnéasach leanaí agus teacht i dtír gnéasach ar leanaí a chosc, lena n-áirítear bearta a dhéanamh chun an t-éileamh lena gcothaítear gach cineál teacht i dtír ar leanaí a dhíspreagadh agus a laghdú, agus bearta a dhéanamh chun laghdú ar dhéanamh ar an riosca go mbeadh leanaí ina n-íospartaigh, trí leas a bhaint as feachtais feasachta, lena n-áirítear do thuismitheoirí, saorálaithe, cúramóirí, múinteoirí, oideoirí, gairmithe cosanta leanaí, gairmithe cúraim shóisialta agus altrama, traenálaithe, cóitseálaithe, gairmithe dlí, breithiúnaí cúirte teaghlaigh, póilíní túslíne, gairmithe cúraim sláinte, ceannairí pobail reiligiúnacha agus don tsochaí i gcoitinne, agus as cláir thaighde agus oideachais lena n-áirítear gnéasoideachas. Leis na tionscnaimh sin, ba cheart do na Ballstáit cur chuige bunaithe ar chearta an linbh a ghlacadh. Ba cheart aire a thabhairt chun a áirithiú go mbeidh na feachtais feasachta atá dírithe ar leanaí iomchuí agus sách sothuigthe, agus saincheaptha do riachtanais shonracha leanaí ó aoisghrúpaí éagsúla, lena n-áirítear leanaí réamhscoile chomh maith le leanaí atá an-leochaileach, lena n-áirítear leanaí faoi mhíchumas meabhrach, intleachtúil, céadfach nó fisiciúil, leanaí i gcomhthéacs imirce, idir neamhthionlactha nó thionlactha, nó leanaí nach gcomhlíonann gnáthnoirm a bhaineann le gnéaschlaonadh, féiniúlacht inscne agus léiriú inscne nó saintréithe gnéis. I mbearta coisctheacha ba cheart cur chuige iomlánaíoch a ghlacadh i leith fheiniméan na mí-úsáide gnéasaí agus an teacht i dtír ghnéasaigh ar leanaí, trí aghaidh a thabhairt ar na gnéithe a bhaineann leis ar líne agus as líne agus trí na páirtithe leasmhara ábhartha uile a shlógadh. Go háirithe i gcás na gné ar líne, ba cheart a áireamh ar na bearta forbairt scileanna litearthachta digití, lena n-áirítear rannpháirtíocht chriticiúil sa saol digiteach, chun cabhrú le húsáideoirí iarrachtaí ar mhí-úsáid ghnéasach leanaí ar líne a shainaithint agus aghaidh a thabhairt orthu, tacaíocht a lorg agus an mhí-úsáid a chosc. Ba cheart aird ar leith a thabhairt ar chosc a chur ar mhí-úsáid ghnéasach leanaí agus ar theacht i dtír gnéasach ar leanaí a dtugtar aire dóibh i saoráid ghrúpa seachas i gcomhthéacs cúraim theaghlachbhunaithe . I gcás nach bhfuil a leithéid i bhfeidhm cheana féin, ba cheart breithniú a dhéanamh ar línte cabhracha nó beolínte tiomnaithe a bhunú. Ba cheart do leanaí a bheith in ann faisnéis agus comhairle a fháil maidir leis na cionta dá dtagraítear in Airteagail 3 go 8b trí na bealaí sin.

scriosta

(50)I gcás inarb iomchuí, mar gheall ar an mbaol a bhaineann leis na ciontóirí agus leis an riosca a d’fhéadfadh a bheith ann go ndéanfaidís na cionta arís, ba cheart ciontóirí atá ciontaithe a chosc go sealadach nó go buan ar a laghad ó ghníomhaíochtaí gairmiúla agus deonacha a dhéanamh lena mbaineann teagmháil dhíreach agus rialta le leanaí nó laistigh d’eagraíochtaí a oibríonn ar son leanaí nó d’eagraíochtaí a ghníomhaíonn ar mhaithe le leas an phobail sa chomhrac in aghaidh mí-úsáide gnéasaí leanaí . Maidir le fostóirí a bhfuil daoine á n-earcú acu le haghaidh post lena mbainfidh teagmháil dhíreach agus rialta le leanaí, ba cheart do na fostóirí sin eolas a iarraidh faoi chiontuithe i gcionta gnéasacha in aghaidh leanaí atá iontráilte sa taifead coiriúil, nó faoi aon dícháiliúchán atá ann. Chun críocha na Treorach seo, ba cheart freisin go gcumhdódh an téarma ‘fostóirí’ daoine a bhfuil eagraíocht á reáchtáil acu agus atá gníomhach in obair dheonach a bhaineann le maoirseacht a dhéanamh ar leanaí nó le cúram leanaí lena mbaineann teagmháil dhíreach agus rialta le leanaí , lena n-áirítear i dtimpeallachtaí pobail amhail scoileanna, ospidéil, seirbhísí cúraim shóisialta, clubanna spóirt nó pobail reiligiúnacha . Maidir leis an mbealach a ndéantar an fhaisnéis sin a sholáthar, amhail rochtain tríd an duine lena mbaineann mar shampla, agus ábhar beacht na faisnéise, an bhrí atá leis na gníomhaireachtaí deonacha eagraithe agus an teagmháil dhíreach agus rialta le leanaí, ba cheart iad sin a leagan síos de réir an dlí náisiúnta. Mar sin féin, ba cheart na taifid ábhartha uile atá stóráilte ag aon Bhallstát ina gcláir náisiúnta um thaifid choiriúla, agus na taifid ábhartha uile is féidir a fháil go héasca ó thríú tíortha, amhail faisnéis is féidir a fháil ón Ríocht Aontaithe tríd an gcainéal arna bhunú i gcomhréir le Teideal IX de Chuid a Trí den Chomhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile, ba cheart na taifid sin a bheith san fhaisnéis a tharchuirtear ó údarás inniúil amháin chuig údarás inniúil eile19 .

__________________

19 IO L 149, 30.4.2021, lch. 10, ELI: http://data.europa.eu/eli/agree_internation/2021/689(1)/ojhttp://data.europa.eu/eli/agree_internation/2021/689(1)/oj.

(52)Maidir le faisnéis nach bhfuil ar fáil sa Chóras Faisnéise Eorpach um Thaifid Choiriúla (ECRIS) nó nach bhfuil ar fáil ann go fóill, mar shampla faisnéis a bhaineann le náisiúnaigh tríú tír a dhéanann cionta go dtí go gcuirfear Rialachán (AE) 2019/816 ó Pharlaimint na hEorpa agus ón gComhairle20 chun feidhme ina iomláine, ba cheart do na Ballstáit úsáid a bhaint as bealaí eile chun an fhaisnéis ábhartha uile a sholáthar d’fhostóirí a earcaíonn le haghaidh poist lena mbaineann teagmháil dhíreach rialta le leanaí. Níl sé d’aidhm ag an Treoir seo comhchuibhiú a dhéanamh ar rialacha a bhaineann le toiliú an duine lena mbaineann agus faisnéis ó na cláir choiriúla á malartú, i.e. an toiliú sin a cheangal nó gan é a cheangal. Cibé acu an gceanglaítear an toiliú nó nach gceanglaítear é faoin dlí náisiúnta, ní bhunaítear aon oibleagáid nua leis an Treoir seo chun an dlí náisiúnta agus nósanna imeachta náisiúnta a athrú i ndáil leis sin.

__________________

20 Rialachán (AE) 2019/816 ó Pharlaimint na hEorpa agus ón gComhairle an 17 Aibreán 2019 lena mbunaítear córas láraithe leis na Ballstáit a shainaithint ag a bhfuil faisnéis faoi chiontuithe náisiúnach tríú tír agus daoine gan stát (ECRIS-TCN) chun an Córas Faisnéise Eorpach um Thaifid Choiriúla a fhorlíonadh agus lena leasaítear Rialachán (AE) Uimh. 2018/1726 (IO L 135, 22.5.2019, lch. 1, ELI: http://data.europa.eu/eli/reg/2019/816/oj.

Leis an Treoir seo, bunaítear rialacha íosta maidir leis an sainmhíniú ar chionta coiriúla agus maidir le smachtbhannaí i réimse na mí-úsáide gnéasaí leanaí, an teacht i dtír ghnéasaigh ar leanaí, an ábhair mí-úsáide gnéasaí leanaí agus na sirtheoireachta leanaí chun críoch gnéasach, lena n-áirítear má dhéantar iad trí bhíthin teicneolaíocht faisnéise agus cumarsáide. Tugtar isteach léi freisin forálacha chun an cosc ar na cionta coiriúla sin a neartú agus chun íospartaigh na gcionta coiriúla sin a chosaint.

(a)aon ábhar ina léirítear leanbh agus é rannpháirteach in iompar gáirsiúil, bíodh an t-iompar sin fíor nó ionsamhlaithe;

(b)léiriú, cibé slí ar bith, ar bhaill dhlúthphearsanta linbh go príomha chun críoch gnéasach;

(c)Aon ábhar a léiríonn íomhá d’aon duine ar cosúil gur leanbh é nó í agus atá rannpháirteach in iompar gáirsiúil, bíodh sé fíor nó ionsamhlaithe, nó aon íomhá de bhaill dhlúthphearsanta aon duine ar cosúil gur leanbh é nó í a léirítear go príomha chun críoch gnéasach;

(d)aon íomhánna réalaíocha, bréag-ghrianghraif, macasamhlacha nó léirithe de leanbh atá ag gabháil d’iompar gáirsiúil nó de bhaill dhlúthphearsanta linbh, chun críoch gnéasach go príomha, gan beann ar an modh cruthaithe nó ionramhála, lena n-áirítear trí intleacht shaorga, teicneolaíochtaí domhainbhrionnúcháin, nó suíomhanna réaltachta breisithe, sínte nó fíorúla a úsáid;

(e)aon ábhar, gan beann ar a fhoirm, a bhfuil sé beartaithe leis comhairle, treoraíocht nó treoracha a sholáthar maidir le conas aon cheann de na cionta dá dtagraítear in Airteagail 3 go 8b a dhéanamh, lena n-áirítear aon treoir le haghaidh córais intleachta saorga;

(4)ciallaíonn ‘teacht i dtír ar leanaí sa striapachas’ leanbh a úsáid le haghaidh gníomhaíochtaí gnéasacha i gcás ina ndéantar airgead nó aon chineál eile luacha saothair, gnóthachain, buntáiste, tairbhe nó comaoine a thabhairt nó a ghealladh mar mhalairt ar an leanbh a bheith rannpháirteach i ngníomhaíochtaí gnéasacha, gan beann ar cé acu don leanbh nó do thríú páirtí a thugtar an íocaíocht, an gealltanas, an gnóthachan, an buntáiste, an tairbhe nó an chomaoin sin;

(5)ciallaíonn ‘taibhiú mí-úsáide gnéasaí leanaí’ taispeántas beo a dhírítear ar lucht féachana ina bhfuil duine amháin nó níos mó i gceist, lena n-áirítear trí bhíthin teicneolaíocht faisnéise agus cumarsáide, de:

(a)leanbh atá rannpháirteach i ngníomhartha gnéasacha nó in iompar gáirsiúil, bíodh sé fíor nó ionsamhlaithe; nó

(b)baill dhlúthphearsanta linbh a léirítear go príomha chun críoch gnéasach;

(8)ciallaíonn ‘piaraí’ daoine atá gar dá chéile ó thaobh aoise agus leibhéal forbartha síceolaíche agus fisiciúla de, agus ó thaobh leibhéal aibíochta de.

Cionta a bhaineann le mí-úsáid ghnéasach leanaí

1.Déanfaidh na Ballstáit na bearta is gá chun a áirithiú go mbeidh an t-iompar d’aon ghnó dá dtagraítear i míreanna 2 go 8 inphionóis.

2.Iompar lena gcuirtear faoi deara do leanbh nach bhfuil an aois toilithe gnéis slánaithe aige, nó leanbh atá os cionn na haoise toilithe gnéis agus nach bhfuil toiliú tugtha aige a bheith mar fhinné ar ghníomhaíochtaí gnéasacha, lena n-áirítear leanbh a nochtadh d’ábhar pornagrafach, chun críoch gnéasach, fiú gan iallach a bheith air a bheith rannpháirteach iontu, beidh sé sin inphionóis le huastéarma príosúnachta aon bhliain amháin ar a laghad.

3.Iompar lena gcuirtear faoi deara do leanbh nach bhfuil an aois toilithe gnéis slánaithe aige, nó leanbh atá os cionn na haoise toilithe gnéis agus nach bhfuil toiliú tugtha aige, a bheith mar fhinné ar mhí-úsáid ghnéasach, chun críoch gnéasach, fiú gan iallach a bheith air a bheith rannpháirteach inti, beidh sé sin inphionóis le huastéarma príosúnachta 2 bhliain ar a laghad.

4.A bheith rannpháirteach i ngníomhaíochtaí gnéasacha le leanbh nach bhfuil an aois toilithe gnéis slánaithe aige nó ina ndéantar an leanbh a bheith rannpháirteach i ngníomhaíochtaí gnéasacha le duine eile nó leis féin, beidh sé sin inphionóis le huastéarma príosúnachta 10 mbliana ar a laghad.

(a)má bhaintear mí-úsáid as seasamh aitheanta iontaoibhe, as údarás nó as an tionchar ar leanbh atá ag duine, beidh sé sin inphionóis le huastéarma príosúnachta 12 bhliain ar a laghad; nó

(b)má bhaintear mí-úsáid as staid an-leochaileach an linbh, go háirithe mar gheall ar mhíchumas meabhrach, intleachtúil, céadfach nó fisiciúil nó mar gheall ar staid spleáchais, beidh sé sin inphionóis le huastéarma príosúnachta 12 bhliain ar a laghad; nó

(c)má bhaintear úsáid as comhéigean, forneart, foréigean fisiciúil nó síceolaíoch, dúmhál nó bagairtí eile, beidh sé sin inphionóis le huastéarma príosúnachta 14 bliana ar a laghad;

6.Má chuirtear iallach le comhéigean, forneart nó bagairt ar leanbh a bheith rannpháirteach i ngníomhaíochtaí gnéasacha le tríú páirtí nó leis féin, beidh sé sin inphionóis le huastéarma príosúnachta 14 bliana ar a laghad.

7.Beidh an t-iompar d’aon ghnó seo a leanas inphionóis le huastéarma príosúnachta 16 bliana ar a laghad:

8.Beidh na cineálacha iompair dá dtagraítear i mír 7 inphionóis le huastéarma príosúnachta 16 bliana ar a laghad i gcás ina bhfuil an leanbh os cionn na haoise toilithe gnéis agus nach bhfuil toiliú tugtha aige.

9.Chun críoch mhíreanna 2, 3, 4 agus 8, áiritheoidh na Ballstáit an méid a leanas:

(a)tuigtear gur gníomh neamhthoiliúil é gníomh a dhéantar gan toiliú an linbh, nó i gcás nach bhfuil an leanbh in ann saorthoil a thabhairt mar gheall ar imthosca dá dtagraítear i mír 5, nó mar gheall ar imthosca eile, lena n-áirítear riocht fisiciúil nó meabhrach an linbh amhail riocht neamh-chomhfhiosachta, codlata, meisce, iontais, reo, tinnis nó díobhála coirp;

(c)ní féidir an easpa toilithe a bhréagnú le tost an linbh, le neamhfhriotaíocht bhriathartha nó fhisiciúil nó le hiompar gnéasach a bhí ann cheana nó atá ann faoi láthair nó leis an gcaidreamh a bhí nó atá aige le ciontóir.

Cionta a bhaineann le teacht i dtír gnéasach leanaí

1.Déanfaidh na Ballstáit na bearta is gá chun a áirithiú go mbeidh an t-iompar d’aon ghnó dá dtagraítear i míreanna 2 go 7a inphionóis.

2.Má chuirtear faoi deara do leanbh a bheith rannpháirteach i dtaibhiú mí-úsáide gnéasaí leanaí , nó má bhaintear brabús as leanbh nó má thagtar i dtír air ar bhealach eile chun na gcríoch sin, beidh sé sin inphionóis le huastéarma príosúnachta 6 bliana ar a laghad.

3.Má chuirtear iallach le comhéigean nó le forneart ar leanbh a bheith rannpháirteach i dtaibhiú mí-úsáide gnéasaí leanaí , nó má dhéantar bagairt ar leanbh chun na gcríoch sin, beidh sé sin inphionóis le huastéarma príosúnachta 9 mbliana ar a laghad.

4.Má fhreastalaíonn duine go feasach ar thaibhiú mí-úsáide gnéasaí leanaí lena mbaineann rannpháirteachas linbh, beidh sé sin inphionóis le huastéarma príosúnachta 3 bliana ar a laghad.

5.Má chuirtear faoi deara do leanbh páirt a ghlacadh i dteacht i dtír sa striapachas , nó má bhaintear brabús as leanbh nó má thagtar i dtír air ar bhealach eile chun na gcríoch sin, beidh sé sin inphionóis le huastéarma príosúnachta 12 bhliain ar a laghad.

6.Má chuirtear iallach le comhéigean nó le forneart ar leanbh a bheith rannpháirteach i dteacht i dtír sa striapachas , nó má dhéantar bagairt ar leanbh chun na gcríoch sin, beidh sé sin inphionóis le huastéarma príosúnachta 14 bliana ar a laghad.

7.Má ghlactar páirt i ngníomhaíochtaí gnéasacha le leanbh, i gcás ina ndéantar teacht i dtír sa striapachas , beidh sé sin inphionóis le huastéarma príosúnachta 12 mbliana ar a laghad.

2.Má dhéantar ábhar mí-úsáide gnéasaí leanaí a fháil nó a shealbhú, lena n-áirítear an t-ábhar dá dtagraítear in Airteagal 2, pointe (3)(d) a shealbhú, le haghaidh úsáid phríobháideach, beidh sé sin inphionóis le huastéarma príosúnachta 2 bhliain ar a laghad.

3.Má dhéantar rochtain a fháil go feasach ar ábhar mí-úsáide gnéasaí leanaí, trí bhíthin teicneolaíocht faisnéise agus cumarsáide, beidh sé sin inphionóis le huastéarma príosúnachta 2 bhliain ar a laghad.

4.Má dhéantar ábhar mí-úsáide gnéasaí leanaí a dháileadh, a scaipeadh nó a tharchur, beidh sé sin inphionóis le huastéarma príosúnachta 4 bliana ar a laghad.

5.Má dhéantar ábhar mí-úsáide gnéasaí leanaí a thairiscint, a sholáthar nó a chur ar fáil, beidh sé sin inphionóis le huastéarma príosúnachta 4 bliana ar a laghad.

6.Má dhéantar ábhar mí-úsáide gnéasaí leanaí a tháirgeadh, lena n-áirítear táirgeadh an ábhair dá dtagraítear in Airteagal 2, pointe (3)(d), le haghaidh úsáid phríobháideach, beidh sé sin inphionóis le huastéarma príosúnachta 8 mbliana ar a laghad.

Chun críoch mhír 1, ní mheasfar go ndearnadh na hiompair dá dtagraítear i míreanna 2, 3 agus an tarchur dá dtagraítear i mír 4 gan cheart go háirithe i gcás ina ndearna eagraíocht amhail beolíne atá bunaithe sa Bhallstát agus í ag gníomhú ar mhaithe le leas an phobail in aghaidh mí-úsáid ghnéasach leanaí, nó thar ceann nó faoi fhreagracht na heagraíochta sin, atá údaraithe ag údaráis inniúla an Bhallstáit sin nuair a rinneadh na gníomhartha sin i gcomhréir leis na coinníollacha a leagtar amach san údarú sin.

Áireofar sna coinníollacha sin an ceanglas maidir leis na heagraíochtaí a fhaigheann na húdaruithe sin go mbeidh an saineolas agus an neamhspleáchas is gá acu, go mbeidh sásraí iomchuí tuairiscithe agus formhaoirseachta acu chun a áirithiú go ngníomhóidh na heagraíochtaí go gasta, go dícheallach agus ar mhaithe le leas an phobail, agus go mbainfidh na heagraíochtaí úsáid as bealaí slána cumarsáide chun na gníomhaíochtaí a chumhdaítear leis an údarú a dhéanamh.

8.Soláthróidh na Ballstáit creat dlíthiúil do na heagraíochtaí a ghníomhaíonn ar mhaithe le leas an phobail in aghaidh mí-úsáid ghnéasach leanaí dá dtagraítear i mír 7 agus áiritheoidh siad go gceadófar leis na húdaruithe arna bhfáil ag na heagraíochtaí sin ó údaráis inniúla Ballstáit na gníomhaíochtaí uile seo a leanas:

a.tuairiscí maidir le hábhar mí-úsáide gnéasaí leanaí amhrasta, a chuireann íospartaigh, úsáideoirí ar líne nó eagraíochtaí eile faoina mbráid agus iad ag gníomhú ar mhaithe le leas an phobail in aghaidh mí-úsáid ghnéasach leanaí, na tuairiscí sin a ghlacadh agus a anailísiú;

b.i gcás ina dtuairiscítear ábhar neamhdhleathach ar líne, fógra a thabhairt faoi go pras d’údarás forfheidhmithe dlí ábhartha an Bhallstáit ina bhfuil an t-ábhar á óstáil;

c.dul i gcomhar le heagraíochtaí a ghníomhaíonn ar mhaithe le leas an phobail in aghaidh mí-úsáid ghnéasach leanaí agus a bhfuil údarú acu tuairiscí maidir le hábhar mí-úsáide gnéasaí leanaí amhrasta a ghlacadh i gcomhréir le pointe (a) sa Bhallstát nó sa tríú tír ina bhfuil an t-ábhar á óstáil

d.cuardaigh a dhéanamh ar ábhar a bhfuil rochtain ag an bpobal air ar sheirbhísí óstála chun scaipeadh ábhair mí-úsáide gnéasaí leanaí a bhrath, agus an eagraíocht ag baint úsáid as tuairiscí maidir le hábhar mí-úsáide gnéasaí leanaí amhrasta dá dtagraítear sa litir (a) nó arna iarraidh sin d’íospartach.

(a)tairiscint a dhéanamh, lena n-áirítear trí bhíthin teicneolaíocht faisnéise agus cumarsáide, bualadh le leanbh, ar líne nó go pearsanta, d’fhonn ceann ar bith de na cionta dá dtagraítear in Airteagal 3(4), (5), (6) agus (7), Airteagal 4 agus in Airteagal 5(6) a dhéanamh, i gcás ina ndearnadh gníomhartha ábhartha i ndiaidh na tairisceana sin a bhféadfaí teacht le chéile den sórt sin leanúint as, beidh sé sin inphionóis le huastéarma príosúnachta 1 bhliain ar a laghad;

Maidir le hiarracht a bheith déanta ag duine fásta, lena n-áirítear trí bhíthin teicneolaíocht faisnéise agus cumarsáide, na cionta dá bhforáiltear in Airteagal 5(2) agus (3) maidir le sirtheoireacht a dhéanamh ar leanbh chun ábhar mí-úsáide gnéasaí leanaí a sholáthar , déanfaidh na Ballstáit na bearta is gá chun a áirithiú go mbeidh sé inphionóis le huastéarma príosúnachta 1 bhliain ar a laghad.

An t-iompar dá dtagraítear sa chéad fhomhír, beidh sé sin inphionóis le huastéarma príosúnachta 2 bhliain ar a laghad i gcás ina mbaintear úsáid as comhéigean, forneart nó bagairtí.

Maidir le hiarracht a bheith déanta ag duine fásta, lena n-áirítear trí bhíthin teicneolaíocht faisnéise agus cumarsáide, na cionta dá bhforáiltear in Airteagal 4(2) agus (5) a dhéanamh trína chur faoi deara do leanbh a bheith rannpháirteach i dtaispeántais mí-úsáide gnéasaí leanaí agus teacht i dtír gnéasach, déanfaidh na Ballstáit na bearta is gá chun a áirithiú go mbeidh sé sin inphionóis le huastéarma príosúnachta 3 bliana ar a laghad.

An t-iompar dá dtagraítear sa chéad fhomhír, beidh sé sin inphionóis le huastéarma príosúnachta 6 bliana ar a laghad i gcás ina mbaintear úsáid as comhéigean, forneart nó bagairtí.

Sirtheoireacht mí-úsáid ghnéasach nó teacht i dtír gnéasach a dhéanamh, lena n-áirítear beoshruthú

Maidir le hairgead nó aon chineál eile luacha saothair nó comaoin a ghealladh d’aon ghnó nó a thabhairt d’aon duine, chun é a chur faoi deara dó aon cheann de na cionta a liostaítear in Airteagal 3(4), (5), (6), (7), agus (8), Airteagal 4(2) agus (3) agus Airteagal 5(6) a dhéanamh, lena n-áirítear beoshruthú, déanfaidh na Ballstáit na bearta is gá chun a áirithiú go mbeidh sé sin inphionóis le huastéarma príosúnachta 6 bliana ar a laghad.

Maidir le seirbhís sochaí faisnéise a oibriú nó a riar d’aon ghnó, ar seirbhís é atá ceaptha chun aon cheann de na cionta a liostaítear in Airteagail 3 go 7 a éascú nó a spreagadh, déanfaidh na Ballstáit na bearta is gá chun a áirithiú go mbeidh sé sin inphionóis le huastéarma príosúnachta 10 mbliana ar a laghad.

1.Maidir le haon cheann de na cionta dá dtagraítear in Airteagail 3 go 8b, déanfaidh na Ballstáit na bearta is gá chun a áirithiú go mbeidh sé inphionóis daoine a ghríosú chun na cionta sin a dhéanamh nó a bheith ag cabhrú leo agus á neartú.

2.Déanfaidh na Ballstáit na bearta is gá chun a áirithiú go mbeidh sé inphionóis iarracht a dhéanamh aon cheann de na cionta dá dtagraítear in Airteagal 3(4), (5), (6), (7) agus (8), in Airteagal 4(2), (3), (5), (6) agus (7), in Airteagal 5(4), (5) agus (6), in Airteagal 7 agus Airteagal 8b a dhéanamh.

1.Áiritheoidh na Ballstáit, i gcomhthéacs Airteagal 3(2), (4) agus (7), go dtabharfar díolúine ó choiriúlú maidir le gníomhaíochtaí gnéasacha comhthoiliúla idir piaraí, ar choinníoll nach bhfuil aon mhí-úsáid mhuiníne ná spleáchais ann idir na piaraí.

2.Áiritheoidh na Ballstáit, i gcomhthéacs Airteagal 4(4) go dtabharfar díolúine ó choiriúlú maidir le taispeántas a bheidh ar siúl i gcomhthéacs caidrimh chomhthoiliúil i gcás ina bhfuil an aois toilithe gnéis slánaithe ag an leanbh nó idir piaraí , a mhéid nár bhain aon mhí-úsáid ná teacht i dtír leis na gníomhartha agus nach dtabharfar aon airgead ná aon fhoirm eile luacha saothair ná comaoine mar íocaíocht mar mhalairt ar an taispeántas.

Áiritheoidh na Ballstáit, i gcomhthéacs Airteagal 5(2), (3), (4) agus (6), go dtabharfar díolúine ar choiriúlú maidir le táirgeadh, fáil nó seilbh , nó rochtain ar, ábhar a bhaineann leo siúd a leanas, agus leo siúd amháin:

i gcás ina dtáirgtear agus a sealbhaítear an t-ábhar sin le toiliú na leanaí lena mbaineann agus le haghaidh úsáid phríobháideach na ndaoine lena mbaineann agus le haghaidh na húsáide sin amháin, ar choinníoll nach bhfuil aon mhí-úsáid mhuiníne ná spleáchais ann idir na piaraí.

4.Áiritheoidh na Ballstáit, i gcomhthéacs Airteagal 6, go dtabharfar díolúine ó choiriúlú maidir le tairiscintí, comhráite, teagmháil nó malartuithe idir piaraí, ar choinníoll nach bhfuil aon mhí-úsáid mhuiníne ná spleáchais ann idir na piaraí.

Chun críoch mhíreanna 1 go 4 den Airteagal seo, ní féidir a mheas gur thoiligh leanbh atá os cionn na haoise toilithe gnéis le gníomhaíocht ach amháin i gcás inar thug an leanbh an toiliú dá dheoin féin agus go soiléir agus ar bhealach eolasach soiléir, de thoradh shaorthoil an linbh arna mheasúnú i gcomhthéacs na n-imthosca, mar a shainmhínítear in Airteagal (2), pointe (2a). Ní mheasfar gur thoiligh leanbh atá os cionn na haoise toilithe gnéis i gcás nach bhfuil an leanbh in ann saorthoil a thabhairt mar gheall ar imthosca dá dtagraítear in Airteagal 3(5) nó mar gheall ar imthosca eile, lena n-áirítear riocht fisiciúil nó meabhrach an linbh amhail riocht neamhaireachtála, codlata, meisce, ionaidh, reo, tinnis nó díobhála coirp.

Ní féidir an easpa toilithe a bhréagnú mar gheall ar an leanbh a bheith ina thost, toisc nár chuir sé in aghaidh an ghnímh go briathartha nó go fisiciúil, nó mar gheall ar a iompar gnéasach san am a chuaigh thart nó le haon chaidreamh a bhí nó atá aige nó aici le ciontóir.

6.Ní féidir comhroinnt chomhthoiliúil íomhánna, físeán dlúthchaidrimh duine nó ábhar comhchosúil a léirmhíniú mar thoiliú i leith ath-chomhroinnt nó athscaipeadh na híomhá céanna sin, an fhíseáin chéanna sin nó an ábhair chomhchosúil sin, lena n-áirítear i leagan ionramháilte nó athraithe. Le haghaidh aon chomhroinnte nó ath-chomhroinnte ina dhiaidh sin, ag an bhfaighteoir bunaidh nó aon chomhpháirtí eile, beidh toiliú follasach eolasach ón duine atá léirithe ag teastáil.

(a)má rinneadh an cion in aghaidh leanbh a bhí in aon staid an-leochaileach, amhail in aghaidh leanbh óg, leanbh atá faoi mhíchumas meabhrach, intleachtúil, céadfach nó fisiciúil, leanbh nach bhfuil saor nó a bhfuil srian a shaoirse an linbh, leanbh atá i staid spleáchais nó leanbh atá i staid éagumas fisiciúil nó meabhrach;

1.Chun an riosca go ndéanfaí cionta arís a sheachaint, déanfaidh na Ballstáit na bearta is gá chun a áirithiú go bhféadfar duine nádúrtha a ciontaíodh in aon cheann de na cionta dá dtagraítear in Airteagail 3 go 9 a chosc go sealadach nó go buan, ar a laghad ó ghníomhaíochtaí gairmiúla agus gníomhaíochtaí eagraithe deonacha a dhéanamh lena mbaineann nó lena n-éascaítear teagmháil dhíreach agus rialta le leanaí.

2.Déanfaidh na Ballstáit na bearta is gá chun a áirithiú go gceanglófar ar fhostóirí, agus daoine á n-earcú acu le haghaidh gníomhaíochtaí gairmiúla nó le haghaidh gníomhaíochtaí deonacha eagraithe lena mbaineann teagmháil dhíreach agus rialta le leanaí, agus ar eagraíochtaí a ghníomhaíonn ar mhaithe le leas an phobail in aghaidh mí-úsáid ghnéasach leanaí, agus baill foirne, comhairleoirí agus oibrithe deonacha á n-earcú nó á bhfostú ar conradh acu, faisnéis a iarraidh i gcomhréir leis an dlí náisiúnta trí bhíthin aon mhodh iomchuí, amhail trí rochtain arna hiarraidh sin nó tríd an duine lena mbaineann, maidir le ciontuithe coiriúla a bheith ann i leith aon cheann de na cionta dá dtagraítear in Airteagail 3 go 9, atá iontráilte sa taifead coiriúil nó maidir le haon dícháiliúchán a bheith ann ó ghníomhaíochtaí a dhéanamh lena mbaineann teagmháil dhíreach agus rialta le leanaí a eascraíonn as na ciontuithe coiriúla sin.

3.Maidir le míreanna 1 agus 2 den Airteagal seo a chur i bhfeidhm, arna iarraidh sin d’údaráis inniúla, déanfaidh na Ballstáit na bearta is gá chun a áirithiú go dtarchuirfear faisnéis maidir le ciontuithe coiriúla ó na húdaráis chuig an bpáirtí is iarrthóir i leith aon cheann de na cionta dá dtagraítear in Airteagail 3 go 9 a bheith ann, nó maidir le haon dícháiliúchán ó ghníomhaíochtaí a rinneadh lena mbaineann teagmháil dhíreach agus rialta le leanaí a eascraíonn as na ciontuithe coiriúla sin, agus go mbeidh an fhaisnéis tharchurtha sin chomh cruinn agus is féidir agus go gcuimseofar léi, ar a laghad, faisnéis maidir le ciontuithe coiriúla nó dícháiliúcháin a eascraíonn as ciontuithe coiriúla arna coinneáil ag aon Bhallstát. Chun na críche sin, tarchuirfear an fhaisnéis sin trí ECRIS nó tríd an sásra malartaithe faisnéise taifead coiriúil a bhunaítear le tríú tíortha.

Pionóis do dhaoine dlítheanacha

1.Déanfaidh na Ballstáit na bearta is gá chun a áirithiú go mbeidh duine dlítheanach a chuirfear faoi dhliteanas de bhun Airteagal 13 inphionóis le pionóis atá éifeachtach, comhréireach agus athchomhairleach, lena n-áireofar fíneálacha coiriúla nó neamhchoiriúla agus go bhféadfar pionóis eile a bheith ar áireamh orthu freisin, amhail na pionóis seo a leanas:

2.I gcás daoine dlítheanacha a chuirfear faoi dhliteanas de bhun Airteagal 13, déanfaidh na Ballstáit na bearta is gá chun a áirithiú, maidir le cionta atá inphionóis le huastéarma príosúnachta 2 bhliain ar a laghad le haghaidh daoine nádúrtha, go mbeidh na cionta sin inphionóis le fíneálacha nár cheart a n-uasleibhéal a bheith níos lú ná 1 faoin gcéad de láimhdeachas iomlán domhanda an duine dhlítheanaigh sa bhliain ghnó roimh an mbliain ghnó ina ndearnadh an cion nó sa bhliain ghnó roimh an gcinneadh chun an fhíneáil a ghearradh, nó méid a chomhfhreagraíonn do EUR 8 000 000, gearrfar an méid is airde eatarthu.

3.I gcás daoine dlítheanacha a chuirfear faoi dhliteanas de bhun Airteagal 13, déanfaidh na Ballstáit na bearta is gá chun a áirithiú, maidir le cionta atá inphionóis le huastéarma príosúnachta 3 bliana ar a laghad le haghaidh daoine nádúrtha, go mbeidh na cionta sin inphionóis le fíneálacha nár cheart a n-uasleibhéal a bheith níos lú ná 5 faoin gcéad de láimhdeachas iomlán domhanda an duine dhlítheanaigh sa bhliain ghnó roimh an mbliain ghnó ina ndearnadh an cion nó sa bhliain ghnó roimh an gcinneadh chun an fhíneáil a ghearradh, nó méid a chomhfhreagraíonn do EUR 40 000 000, gearrfar an méid is airde eatarthu.

Imscrúdú agus ionchúiseamh

scriosta

scriosta

scriosta

scriosta

scriosta

3.Déanfaidh na Ballstáit na bearta is gá chun a áirithiú go mbeidh uirlisí imscrúdaitheacha éifeachtacha, amhail na huirlisí a úsáidtear sa choireacht eagraithe nó i gcásanna eile coireachta tromchúisí, ar fáil do dhaoine, d’aonaid nó do sheirbhísí atá freagrach as na cionta dá dtagraítear in Airteagail 3 go 9 a imscrúdú nó a ionchúiseamh. I gcás inarb iomchuí, áireofar leis na huirlisí sin uirlisí imscrúdaitheacha speisialta, amhail na huirlisí sin a úsáidtear chun coireacht eagraithe nó cásanna eile coireachta tromchúisí a chomhrac, mar shampla an fhéidearthacht imscrúduithe faoi cheilt a dhéanamh, úsáid a bhaint as ‘meallchórais’, idircheapadh cumarsáidí, faireachas ceilte lena n-áirítear faireachas leictreonach agus faireachán a dhéanamh ar chuntais bhainc nó ar imscrúduithe airgeadais eile i gcomhréir leis an dlí náisiúnta.

4.Áiritheoidh na Ballstáit maidir le daoine, aonaid nó seirbhísí a dhéanann na cionta dá dtagraítear in Airteagail 3 go 9 a imscrúdú agus ionchúiseamh, go mbeidh dóthain foirne agus saineolais, lena n-áirítear coireanna a dhéantar trí bhíthin teicneolaíocht faisnéise agus cumarsáide, a imscrúdú agus a ionchúiseamh go héifeachtach i gcomhréir leis na rialacha is infheidhme faoi dhlí an Aontais nó faoin dlí náisiúnta.

2.Déanfaidh na Ballstáit na bearta is gá chun aon duine a bhfuil a fhios aige go ndearnadh aon cheann de na cionta dá dtagraítear in Airteagail 3 go 9 , nó a bhfuil amhras air, de mheon macánta, go ndearnadh amhlaidh, a spreagadh chun an méid sin a thuairisciú do na húdaráis inniúla , gan dochar d’Airteagal 18 de Rialachán (AE) 2022/2065 ó Pharlaimint na hEorpa agus ón gComhairle24 agus d’Airteagal 12 de Rialachán (AE) .../...25 [ina leagtar síos rialacha chun mí-úsáid ghnéasach leanaí a chosc agus a chomhrac].

__________________

24 Rialachán (AE) 2022/2065 ó Pharlaimint na hEorpa agus ón gComhairle an 19 Deireadh Fómhair 2022 maidir le Margadh Aonair do Sheirbhísí Digiteacha agus lena leasaítear Treoir 2000/31/CE (an Gníomh um Sheirbhísí Digiteacha) (IO L 277, 27.10.2022, lch. 1, ELI: http://data.europa.eu/eli/reg/2022/2065/oj).

25 Rialachán (AE)

3.Áiritheoidh na Ballstáit maidir le gach gairmí agus oibrí deonach atá ag obair i ndlúth-theagmháil le leanaí, lena n-áirítear sna hearnálacha cosanta leanaí oideachais, spóirt, cúraim leanaí agus cúraim sláinte, chomh maith le gairmithe dlí, múinteoirí agus oideoirí, breithimh cúirte teaghlaigh agus póilíní túslíne, go mbeidh siad ar an eolas agus oilte chun mí-úsáid ghnéasach leanaí a aithint.

4.Gairmithe atá gníomhach i gcomhthéacs clár atá ceaptha do dhaoine a ciontaíodh i gcion coiriúil atá inphionóis faoin Treoir seo nó do dhaoine a bhfuil eagla orthu gur féidir go ndéanfaidís aon cheann de na cionta atá inphionóis faoin Treoir seo, díolmhóidh na Ballstáit iad ón oibleagáid tuairiscithe dá bhforáiltear i mír 3.

1.I dteannta cearta íospartach nuair atá gearrán á dhéanamh acu faoi Airteagal 5 de Threoir 2012/29/AE, agus Airteagal 5a faoi Threoir (AE) .../... [Treoir atá beartaithe lena leasaítear Treoir 2012/29/AE lena mbunaítear íoschaighdeáin maidir le cearta, tacaíocht agus cosaint íospartaigh na coireachta], áiritheoidh na Ballstáit go mbeidh íospartaigh in ann na cionta dá dtagraítear in Airteagail 3 go 9 den Treoir seo a thuairisciú do na húdaráis inniúla saor in aisce, go sábháilte agus ar bhealach éasca, rúnda agus inrochtana. Áireofar leis sin an fhéidearthacht na cionta coiriúla sin a thuairisciú, agus fianaise a chur isteach nuair is féidir, trí bhíthin teicneolaíochtaí faisnéise agus cumarsáide ar féidir teacht orthu go héasca agus atá soláimhsithe.

2.Áiritheoidh na Ballstáit go mbeidh na nósanna imeachta tuairiscithe dá dtagraítear i mír 1 sábháilte, rúnda agus deartha ar bhealach agus i bhfriotal atá fabhrach do leanaí, i gcomhréir lena n-aois agus lena n-aibíocht. Áiritheoidh na Ballstáit nach mbeidh an tuairisciú coinníollach ar thoiliú tuismitheora agus go gcuirfear faisnéis iomchuí ar fáil faoi nósanna imeachta tuairiscithe agus faoi sheirbhísí tacaíochta.

3.Áiritheoidh na Ballstáit maidir leis na húdaráis inniúla a thagann i dteagmháil le híospartaigh agus iad ag tuairisciú cionta mí-úsáide gnéasaí leanaí nó cionta teacht i dtír gnéasaigh go mbeidh toirmeasc ar na húdaráis inniúla sin sonraí pearsanta a bhaineann le stádas cónaitheora an íospartaigh a aistriú chuig na húdaráis inimirce inniúla, agus iad a úsáid chun nósanna imeachta um fhilleadh a dhéanamh.

6.I gcás ina dtagann cion coiriúil dá dtagraítear in Airteagail 3 go 9 faoi dhlínse níos mó ná Ballstát amháin, oibreoidh na Ballstáit sin i gcomhar le chéile chun a chinneadh cén Ballstát a sheolfaidh imeachtaí coiriúla. Déanfar an t-ábhar a chur os comhair Eurojust, i gcás inarb iomchuí agus i gcomhréir le hAirteagal 12 de Chinneadh Réime 2009/948/CGB agus cuirfear gach údarás inniúil náisiúnta ar an eolas dá réir sin chun comhar trasteorann a éascú.

1.Maidir le híospartaigh na gcionta dá dtagraítear in Airteagail 3 go 9 ar leanaí iad, áiritheoidh na Ballstáit go dtabharfar cúnamh, tacaíocht agus cosaint dóibh i gcomhréir le hAirteagail 21 agus 22 , agus leas an linbh á chur san áireamh, gan beann ar má chuir siad gearán foirmiúil isteach nó murar chuir.

1.Déanfaidh na Ballstáit na bearta is gá chun a áirithiú go dtabharfar cúnamh agus tacaíocht speisialaithe agus iomchuí d’íospartaigh roimh imeachtaí coiriúla, lena linn agus ar feadh tréimhse iomchuí tar éis dóibh a bheith tugtha chun críche, chun a chur ar chumas na n-íospartach na cearta a fheidhmiú a leagtar amach i dTreoir 2012/29/AE, i dTreoir (AE) .../... [Treoir atá beartaithe lena leasaítear Treoir 2012/29/AE lena mbunaítear íoschaighdeáin maidir le cearta, tacaíocht agus cosaint íospartaigh na coireachta] agus sa Treoir seo. Cuirfidh na Ballstáit rochtain ar fáil go háirithe d’íospartaigh na gcionta dá dtagraítear in Airteagail 3 go 9 ar ionaid atreorúcháin atá inrochtana go héasca, a fhéadfaidh a bheith ina gcuid den chóras náisiúnta cúraim sláinte, chun tacaíocht a áirithiú d’íospartaigh mí-úsáide gnéasaí nó teacht i dtír gnéasach ar leanaí iad agus chun bainistiú cliniciúil ar fhoréigean gnéasach a áirithiú, lena n-áirítear cúnamh maidir le coinneáil agus doiciméadú fianaise, i gcomhréir le hAirteagal 9a de Threoir (AE) .../... [Treoir atá beartaithe lena leasaítear Treoir 2012/29/AE lena mbunaítear íoschaighdeáin maidir le cearta, tacaíocht agus cosaint íospartaigh na coireachta]. Tabharfaidh na hionaid sin tacaíocht thráma-íogair agus, i gcás inar gá, atreorúchán go tacaíocht tráma speisialaithe agus comhairleoireacht d’íospartaigh ar leanaí iad. Áiritheoidh na Ballstáit go mbeidh rochtain ag íospartaigh mí-úsáide gnéasaí nó teacht i dtír ghnéasaigh ar leanaí iad ar imscrúduithe leighis agus fóiréinseacha a fhéadfar a sholáthar sna hionaid sin nó trína n-atreorú chuig ionaid nó aonaid speisialaithe. Áiritheoidh na Ballstáit comhordú idir na hionaid atreorúcháin agus na hionaid leighis agus fhóiréinseacha inniúla. Soláthrófar na seirbhísí uile dá dtagraítear san Airteagal seo ar bhealach atá fabhrach do leanaí. Féadfaidh na Ballstáit a fhoráil go gceanglófaí na hionaid sin leis na hionaid arna mbunú faoi Airteagal 28 de Threoir (AE) 2024/1385 maidir le foréigean in aghaidh ban agus foréigean teaghlaigh a chomhrac. Déanfaidh na Ballstáit, go háirithe, na bearta is gá chun a áirithiú go dtabharfar cosaint do leanaí a dhéanfaidh cásanna mí-úsáide laistigh dá dteaghlach a thuairisciú, ar aon dul le leas an linbh.

2.Áiritheoidh na Ballstáit go dtabharfar cúram leighis atá inrochtana, fabhrach do leanaí, cuimsitheach, speisialaithe, comhordaithe, oiriúnach ó thaobh riachtanais agus aoise de d’íospartaigh agus dá dteaghlaigh, lena n-áirítear rochtain ar sheirbhísí cúraim sláinte gnéis agus atáirgthe, tacaíocht mhothúchánach, shíceasóisialta, shíceolaíoch, dhlíthiúil, oideachais agus riaracháin, chomh maith le haon tacaíocht iomchuí eile atá saincheaptha go háirithe do chásanna mí-úsáide gnéasaí, agus aird ar leith á tabhairt ar théarnamh fadtéarmach na n-íospartach. Beidh an tacaíocht sin ar fáil in aon áit amháin, bunaithe ar mhúnla ‘Barnahus’.

3.I gcás inar gá, áiritheoidh na Ballstáit go soláthrófar cóiríocht eatramhach do leanaí. Cuirfear leanaí i gcúram le baill eile dá dteaghlach mar thosaíocht, agus leas an linbh á chur san áireamh, i dtithíocht shealadach nó bhuan más gá, ina mbeidh seirbhísí tacaíochta ar fáil.

4.Íospartaigh de chionta atá inphionóis faoin Treoir seo, áiritheoidh na Ballstáit go mbeidh rochtain acu ar na hionaid atreorúcháin a bhunaítear faoi Airteagal 26 de Threoir [.../.../AE Treoir atá beartaithe maidir le foréigean in aghaidh na mban]26.

__________________

26 COM(2022) 105, 08.03.2022.

7.Íospartaigh aon cheann de na cionta dá dtagraítear in Airteagail 3 go 9 ar leanaí iad, measfar gur íospartaigh an-leochaileach iad laistigh de chiall Airteagal 22(2) de Threoir 2012/29/AE agus de bhun Threoir (AE) .../... [Treoir atá beartaithe lena leasaítear Treoir 2012/29/AE lena mbunaítear íoschaighdeáin maidir le cearta, tacaíocht agus cosaint íospartaigh na coireachta].

9.Tacófar go réamhghníomhach le hiarrachtaí na mBallstát ag Lárionad an Aontais, a luaithe a bheidh sé ar bun, i ndáil le cúnamh d’íospartaigh mar a leanas:

Linbh a chosaint in imscrúduithe coiriúla agus in imeachtaí coiriúla

1.Déanfaidh na Ballstáit na bearta is gá chun a áirithiú, in imscrúduithe coiriúla agus in imeachtaí coiriúla, i gcomhréir le ról na n-íospartach sa chóras ábhartha ceartais, go gceapfaidh na húdaráis inniúla ionadaí speisialta don íospartach ar leanbh é i gcás, faoin dlí náisiúnta, ina bhfuil cosc ar dhaoine a bhfuil freagracht tuismitheora acu ionadaíocht a dhéanamh don leanbh de dheasca coinbhleacht leasa a bheith ann idir iad agus an t-íospartach ar leanbh é, nó i gcás ina bhfuil an leanbh neamhthionlactha nó scartha ón teaghlach. Cuirfear oiliúint ar na húdaráis uile a bhfuil baint acu leis na himeachtaí i gceartas lena dtacaítear le leanaí.

(a)cuirfear agallaimh ar an íospartach ar leanbh é nó, i gcás inarb infheidhme, ar fhinné ar leanbh é, gan mhoill nach bhfuil bonn cirt léi tar éis na fíricí a bheith tuairiscithe do na húdaráis inniúla;

(b)cuirfear agallaimh ar an íospartach ar leanbh é nó, i gcás inarb infheidhme, ar fhinné ar leanbh é, ar láthair atá deartha nó curtha in oiriúint chun na críche sin;

(c)is iad gairmithe atá oilte chun na críche sin a chuirfidh agallaimh ar an íospartach ar leanbh é nó, i gcás inarb infheidhme, ar fhinné ar leanbh é;

(d)is iad na daoine céanna, i gcás inar féidir sin agus inarb iomchuí, a chuirfidh na hagallaimh ar fad ar an íospartach ar leanbh é nó, i gcás inarb infheidhme, ar fhinné ar leanbh é;

(f)féadfaidh an t-íospartach ar leanbh é nó, i gcás inarb infheidhme, an finné ar leanbh é, a bheith faoi thionlacan a ionadaí dhlíthiúil nó, i gcás inarb iomchuí, duine fásta dá rogha féin, mura bhfuil cinneadh réasúnaithe dá mhalairt déanta i leith an duine sin.

4.Déanfaidh na Ballstáit na bearta is gá chun a áirithiú, in imscrúduithe coiriúla a bhaineann le haon cheann de na cionta dá dtagraítear in Airteagail 3 go 9 , go bhféadfar gach agallamh le híospartach ar leanbh é nó, i gcás inarb infheidhme, le finné ar leanbh é, a fhístaifeadadh agus go bhféadfar na hagallaimh fhístaifeadta sin a úsáid mar fhianaise in imeachtaí coiriúla cúirte, i gcomhréir leis na rialacha faoin dlí náisiúnta.

(b)go bhfaighidh an t-íospartach ar leanbh é nó, i gcás inarb infheidhme, finné ar leanbh é, éisteacht i seomra na cúirte gan é a bheith i láthair, go háirithe, trí bhíthin teicneolaíochtaí cumarsáide iomchuí.

6.Déanfaidh na Ballstáit na bearta is gá, i gcás inar mhaithe le híospartaigh linbh nó, i gcás inarb infheidhme, finnéithe linbh, é sin a dhéanamh agus leasa sáraitheacha eile á gcur san áireamh, chun príobháideachas, céannacht agus íomhá íospartach linbh agus finnéithe linbh a chosaint, agus chun scaipeadh poiblí aon fhaisnéise lena bhféadfaí iad a shainaithint a chosc.

7.Déanfaidh na Ballstáit na bearta is gá chun a áirithiú, i gcás ina bhfuil gá le rannpháirtíocht linbh in imeachtaí cúirte coiriúla a bhaineann le haon cheann de na cionta dá dtagraítear in Airteagail 3 go 9, go gcuirfidh an chúirt leochaileachtaí an linbh san áireamh sna himeachtaí cúirte ábhartha, lena n-áirítear na cinn sin a bhaineann le haois, aibíocht agus folláine mheabhrach agus fhisiciúil an linbh. Áiritheoidh na Ballstáit go mbeidh feidhm aige sin maidir le gach leanbh, lena n-áirítear na linbh a bhfuil amhras fúthu nó na linbh atá cúisithe nó ciontaithe i gcoir.

2.I dteannta a gceart faoi Airteagal 16a de Threoir (AE) .../... [Treoir atá beartaithe lena leasaítear Treoir 2012/29/AE lena mbunaítear íoschaighdeáin maidir le cearta, tacaíocht agus cosaint íospartaigh na coireachta], ceadófar d’íospartaigh cúiteamh a iarraidh i gcomhthéacs imeachtaí coiriúla i leith aon díobháil a rinneadh dóibh le haon cheann de na cionta atá inphionóis faoin Treoir seo. Áiritheoidh na Ballstáit nach mbeidh aon tréimhse theorann i bhfeidhm maidir le ceart na n-íospartach chun cúitimh.

scriosta

scriosta

scriosta

scriosta

Bunóidh nó ceapfaidh na Ballstáit údaráis náisiúnta nó eintitis choibhéiseacha chun na gníomhaíochtaí seo a leanas a dhéanamh:

Go háirithe, beidh na húdaráis náisiúnta freagrach as na hoibleagáidí maidir le bailiú sonraí, taighde agus tuairisciú dá dtagraítear in Airteagal 31.

Cuirfidh na Ballstáit sásraí iomchuí ar bun chun comhordú agus comhar éifeachtach a áirithiú maidir le bearta a fhorbairt agus a chur chun feidhme chun mí-úsáid ghnéasach leanaí agus teacht i dtír gnéasach ar leanaí a chomhrac, ar líne agus as líne araon, ag an leibhéal náisiúnta, le húdaráis, gníomhaireachtaí agus comhlachtaí ábhartha, lena n-áirítear údaráis áitiúla agus réigiúnacha, gníomhaireachtaí forfheidhmithe dlí, an córas breithiúnach, ionchúisitheoirí poiblí, soláthraithe seirbhísí tacaíochta chomh maith le soláthraithe seirbhísí sochaí faisnéise, eagraíochtaí neamhrialtasacha, lena n-áirítear na beolínte agus na línte cabhrach sin, seirbhísí sóisialta, lena n-áirítear údaráis cosanta leanaí nó údaráis leasa leanaí, soláthraithe oideachais agus cúraim sláinte, comhpháirtithe sóisialta, gan dochar dá neamhspleáchas, agus eagraíochtaí agus eintitis ábhartha eile. Áireofar leis na sásraí sin freisin go mbeidh comhordú agus comhar éifeachtach ann i measc na mBallstát, le Lárionad an Aontais agus leis an gCoimisiún agus gníomhaireachtaí agus comhlachtaí eile de chuid an Aontais.

scriosta

1.Déanfaidh na Ballstáit na bearta is gá chun a áirithiú maidir le daoine a bhfuil eagla orthu gur féidir go ndéanfaidís aon cheann de na cionta dá dtagraítear in Airteagail 3 go 9 , go mbeidh rochtain acu ar chláir idirghabhála nó ar bhearta idirghabhála atá éasca agus anaithnid agus atá tiomnaithe agus éifeachtach arna gceapadh chun meastóireacht a dhéanamh ar an riosca go ndéanfaí na cionta sin agus chun an riosca sin a chosc agus ar chainéil inrochtana, soláimhsithe, sábháilte agus ar fáil go réidh amhail línte cabhrach agus comhráite ar líne, arna n-oibriú ag foireann atá oilte go hiomchuí.

2.Áiritheoidh na Ballstáit go mbeidh fáil ar na cláir nó na bearta dá dtagraítear i mír 1 gan srianta míchuí i gcomhréir leis na caighdeáin náisiúnta maidir le cúram sláinte, agus go dtugtar acmhainní do na cláir i gceart agus go leanúnach.

1.Chun an t-éileamh a chothaíonn gach cineál teacht i dtír ghnéasaigh ar leanaí a dhíspreagadh agus a laghdú, déanfaidh na Ballstáit bearta iomchuí, amhail oideachas agus oiliúint, feachtais faisnéise agus mhúscailte feasachta maidir leis na hiarmhairtí ar feadh an tsaoil a bhaineann le mí-úsáid ghnéasach leanaí agus teacht i dtír gnéasach ar leanaí, a neamhdhleathacht, agus an fhéidearthacht go mbeidh rochtain ar chláir idirghabhála atá tiomnaithe agus éifeachtach ag daoine a bhfuil eagla orthu gur féidir go ndéanfaidís cionta gaolmhara. Forbróidh na Ballstáit straitéis cumarsáide agus pleananna gníomhaíochta náisiúnta agus cuirfidh siad idirphlé agus comhar le heagraíochtaí na sochaí sibhialta, beolínte, línte cabhrach, údaráis phoiblí, agus seirbhísí ábhartha na sochaí faisnéise chun cinn.

2.Déanfaidh na Ballstáit gníomhaíocht iomchuí, lena n-áirítear trí bhíthin an Idirlín, amhail feachtais faisnéise agus feachtais mhúscailte feasachta agus taighde, cláir nó ábhair oideachais agus oiliúna, lena n-áirítear maidir le litearthacht dhigiteach, gnéasoideachas atá oiriúnach d’aois a dhíríonn ar choincheap an toilithe, ar chleachtais shábháilte ar líne agus as líne, chomh maith le húsáid cheart an idirlín agus teicneolaíochtaí nua, i gcomhar le heagraíochtaí ábhartha sochaí sibhialta agus le páirtithe leasmhara eile i gcás inarb iomchuí, ar gníomhaíochtaí iad a bheidh dírithe ar an bhfeasacht a mhúscailt agus an riosca go mbeidh leanaí ina n-íospartaigh ag an mí-úsáid ghnéasach nó ag an teacht i dtír gnéasach a laghdú.

3.Áiritheoidh na Ballstáit go ndéanfar oiliúint thráthrialta agus speisialaithe, lena n-áirítear sa cheartas atá fabhrach do leanaí, a chur chun cinn nó a thairiscint do ghairmithe, breithiúna agus oifigigh ar dócha go mbeidh teagmháil acu le híospartaigh mí-úsáide gnéasaí nó teacht i dtír ghnéasaigh ar leanaí iad, lena n-áirítear, ach gan a bheith teoranta do, ghairmithe cosanta leanaí, gairmithe dlí, múinteoirí, baill foirne a oibríonn i gcúram do leanaí, gairmithe cúraim sláinte agus oideoirí, oibrithe deonacha agus cóitseálaithe, breithiúna cúirte teaghlaigh agus póilíní túslíne, ar oiliúint í a mbeidh sé d’aidhm léi a chur ar a gcumas luathchomharthaí mí-úsáide, mí-úsáide féideartha nó teacht i dtír féideartha a bhrath, íospartaigh mí-úsáide gnéasaí nó teacht i dtír ghnéasaigh ar leanaí iad agus íospartaigh fhéideartha mí-úsáide gnéasaí nó teacht i dtír ghnéasaigh ar leanaí iad a shainaithint agus déileáil leo.

Déanfaidh na Ballstáit bearta iomchuí chun a áirithiú go gcuirfear cosc ar an mí-úsáid gnéasaí leanaí i dtimpeallachtaí pobail, lena n-áirítear scoileanna, ospidéil, seirbhísí cúraim shóisialta, cúram altrama, cúram lae, clubanna spóirt nó pobail reiligiúnacha trí scileanna leordhóthanacha a thabhairt do leanaí agus do dhaoine fásta, lena n-áirítear tuismitheoirí agus oideoirí, chun iompar mailíseach a d’fhéadfadh a bheith ann a bhrath.

(a)gníomhaíochtaí tiomnaithe oiliúna agus múscailte feasachta do bhaill foirne, do chomhairleoirí agus d’oibrithe deonacha atá ag obair i ndlúth-theagmháil le leanaí, lena n-áirítear maidir le conas mí-úsáid ghnéasach leanaí agus teacht i dtír gnéasach ar leanaí a chosc agus a shainaithint agus freagairt a chur ar fáil atá oiriúnach ó thaobh aoise de, inscne-íogair agus feasach ar thráma;

(b)beartais riachtanacha maidir le cosaint leanaí, treoirlínte tiomnaithe, prótacail inmheánacha tiomnaithe agus caighdeánacha tiomnaithe chun dea-chleachtais a shainaithint, amhail sásraí a bhunú maidir le maoirseacht agus cuntasacht le haghaidh ball foirne atá ag obair i ndlúth-theagmháil le leanaí i dtimpeallachtaí den sórt sin;

(c)spásanna sábháilte agus inrochtana, arna mbainistiú ag foireann tiomnaithe a bhfuil oiliúint iomchuí orthu, a chruthú, inar féidir le leanaí, tuismitheoirí, cúramóirí agus baill den phobal iompar míchuí a thuairisciú.

Le bearta coisctheacha tabharfar aird faoi leith ar an ngá atá le leanaí atá an-leochaileach a chosaint, lena n-áirítear leanaí atá faoi mhíchumais mheabhracha, intleachtúla, chéadfacha nó fhisiciúla.

5.Chun críocha na Treorach seo, tacóidh Lárionad an Aontais go réamhghníomhach, a luaithe a bheidh sé ar bun, leis na Ballstáit mar a leanas:

(c)éascóidh sé giniúint agus malartú eolais, treoirlínte do ghairmithe túslíne, dea-chleachtas agus saineolais i measc na mBallstát, institiúidí, comhlachtaí, oifigí agus ghníomhaireachtaí an Aontais agus tríú tíortha trí bhunachar sonraí poiblí a choinneáil maidir le bearta agus cláir choisctheacha arna gcur chun feidhme i ngach Ballstát agus i dtríú tíortha.

(b)go n-aontaíonn siad páirt a ghlacadh sna cláir nó sna bearta agus na fíorais go hiomlán ar eolas acu;

2.Féadfaidh na Ballstáit bearta a dhéanamh go pras chun rochtain ar leathanaigh ghréasáin a bhfuil ábhar mí-úsáide gnéasaí leanaí iontu nó lena ndéantar é a scaipeadh i dtreo úsáideoirí idirlín ina gcríoch a bhlocáil. Ní mór na bearta sin a shocrú trí nósanna imeachta trédhearcacha agus ní mór coimircí leordhóthanacha a sholáthar leo, go háirithe chun a áirithiú nach rachaidh an srian thar an méid is gá agus is comhréireach, agus go gcuirfear úsáideoirí ar an eolas faoin gcúis leis an srianadh. Áireofar an fhéidearthacht leigheas breithiúnach a fháil sna coimircí sin.

1.Beidh córas ar bun ag na Ballstáit chun sonraí staidrimh anaithnidithe a thaifeadadh, a tháirgeadh agus a sholáthar maidir leis na céimeanna tuairiscithe, imscrúdaithe agus breithiúnacha i ndáil leis na cionta coiriúla dá dtagraítear in Airteagail 3 go 9 chun faireachán a dhéanamh ar éifeachtacht a mbeart chun mí‑úsáid ghnéasach leanaí agus teacht i dtír gnéasach ar leanaí a chomhrac.

2.Áireofar sna staitisticí sin na sonraí seo a leanas a bheidh imdhealaithe de réir gnéis, inscne, aois an íospartaigh agus an chiontóra, an gaol idir an t-íospartach agus an ciontóir agus cineál an chiona:

(b)an líon bliantúil cionta a tuairiscíodh, daoine a ionchúisíodh agus a ciontaíodh i leith na gcionta dá dtagraítear in Airteagail 3 go 9, arna fháil ó fhoinsí riaracháin náisiúnta;