(10)Il-materjal ta’ abbuż sesswali tat-tfal, irrispettivament mill-mod ta’ kif inħoloq, inkluż bl-użu tal-intelliġenza artifiċjali, ħafna drabi jinkludi stampi li juru l-abbuż sesswali tat-tfal min-naħa tal-adulti. Jista’ jinkludi wkoll stampi ta’ tfal involuti f’imġiba sesswalment espliċita, jew tal-partijiet intimi tagħhom, u tali stampi jkunu prodotti jew użati għal skopijiet primarjament sesswali u sfruttati bil-għarfien tat-tfal jew mingħajru. Inoltre, il-kunċett ta’ materjal ta’ abbuż sesswali tat-tfal ikopri wkoll stampi realistiċi tat-tfal, fejn it-tfal ikunu involuti jew rappreżentati bħala involuti f’imġiba sesswalment espliċita għal skopijiet primarjament sesswali , kif ukoll l-hekk imsejħa “manwali tal-istruzzjonijiet”, maħsuba biex jipprovdu pariri, gwida jew struzzjonijiet dwar kif il-materjal ta’ abbuż sesswali tat-tfal jiġi ġġenerat, imxerred jew akkwistat u kif jitwettqu l-abbuż sesswali tat-tfal, l-isfruttament sesswali tat-tfal jew is-solleċitazzjoni tat-tfal.

(11)Ir-riċerka wriet li l-limitazzjoni tat-tixrid ta’ materjal ta’ abbuż sesswali tat-tfal mhix biss kruċjali biex tiġi evitata r-rivittimizzazzjoni marbuta maċ-ċirkolazzjoni ta’ stampi u filmati tal-abbuż iżda hija essenzjali wkoll bħala forma ta’ prevenzjoni għan-naħa tat-trasgressuri, peress li l-aċċess għal materjal ta’ abbuż sesswali tat-tfal spiss ikun l-ewwel pass lejn abbuż prattiku, irrispettivament minn jekk jurix abbuż u sfruttament reali jew wieħed sempliċiment realistiku. L-iżvilupp kontinwu ta’ applikazzjonijiet tal-intelliġenza artifiċjali li kapaċi joħolqu stampi realistiċi li ma jintgħarfux minn stampi reali, l-għadd tal-hekk imsejħa stampi, psewdoritratti u vidjos “deep-fake”, iġġenerati mill-intelligenza artifiċjali jew maħluqa permezz ta’ kwalunkwe mezz kompjuterizzat ieħor, li juru abbuż sesswali tat-tfal huwa mistenni li jikber b’mod esponenzjali fis-snin li ġejjin. Barra minn hekk, l-iżvilupp ta’ ambjenti ta’ realtà awmentata, estiża u virtwali li jagħmlu użu minn avatars inkluż feedback sensorjali, pereżempju permezz ta’ apparati li jipprovdu perċezzjoni tal-mess mhumiex koperti bis-sħiħ mid-definizzjoni eżistenti. Jenħtieġ li l-inklużjoni ta’ referenza espliċita għal repreżentazzjonijiet iġġenerati “bi kwalunkwe mezz” u r-referenza għal “riproduzzjonijiet u rappreżentazzjonijiet irrispettivament mill-metodu ta’ kif inħolqu jew ġew immanipulati” jiżguraw li d-definizzjoni ta’ materjal ta’ abbuż sesswali tat-tfal tkopri dawn l-iżviluppi teknoloġiċi u dawk futuri b’mod li jkun teknoloġikament newtrali biżżejjed u għalhekk validu għall-futur.

(12)Sabiex jiġu evitati reati li jinvolvu l-abbuż sesswali tat-tfal, id-definizzjoni ta’ materjal ta’ abbuż sesswali tat-tfal jenħtieġ li tinkludi struzzjonijiet dwar kif it-tfal jiġu sesswalment abbużati u sfruttati, irrispettivament mill-forma li biha jingħataw l-istruzzjonijiet. Dawn l-istruzzjonijiet, inkluż fil-forma ta’ manwali, jipprovdu pariri dwar kif jinstabu, jiġu soġġetti għal grooming u abbużati t-tfal u kif wieħed jista’ jevita li jiġi identifikat u jitressaq għall-prosekuzzjoni jew jagħtu gwida dwar kif il-materjal ta’ abbuż sesswali tat-tfal jiġi ġġenerat, imxerred jew akkwistat. Jenħtieġ li l-mudelli jew il-prompts diġitali li jippermettu l-ħolqien ta’ materjal ta’ abbuż sesswali tat-tfal iġġenerat mill-IA jitqiesu wkoll bħala struzzjonijiet dwar kif it-tfal jiġu sesswalment abbużati jew sfruttati u għalhekk jaqgħu fid-definizzjoni ta’ materjal ta’ abbuż sesswali tat-tfal. Billi jnaqqsu l-ostakli u jipprovdu l-għarfien prattiku meħtieġ, dawn jikkontribwixxu biex jinċitaw lit-trasgressuri u jappoġġaw it-twettiq ta’ abbuż sesswali. It-tixrid online tagħhom diġà wassal lil ċerti Stati Membri biex jemendaw il-liġi kriminali tagħhom u jikkriminalizzaw b’mod espliċitu l-pussess u d-distribuzzjoni ta’ tali struzzjonijiet. In-nuqqas ta’ armonizzazzjoni joħloq livell mhux uniformi ta’ protezzjoni fl-UE kollha.

(14)Fl-adozzjoni ta’ leġiżlazzjoni dwar id-dritt kriminali sostantiv, l-Unjoni jenħtieġ li tiżgura l-konsistenza ta’ din il-leġiżlazzjoni b’mod partikolari fir-rigward tal-livell ta’ pieni. Din id-Direttiva, billi fiha numru eċċezzjonalment għoli ta’ reati differenti, teħtieġ, sabiex tirrifletti l-gradi diversi ta’ serjetà, differenzjazzjoni fil-livell ta’ pieni li tmur lil hinn minn dak li normalment jenħtieġ li jkun previst fl-istrumenti legali tal-Unjoni. Jenħtieġ li din id-Direttiva tiżgura li r-reati mwettqa bl-għajnuna tat-teknoloġija jkunu koperti bl-istess pieni bħal reati oħra, għax is-serjetà tar-reati u t-trawma li tirriżulta minħabba fihom huma ekwivalenti.

(15)Il-forom serji ta’ abbuż sesswali u sfruttament sesswali tat-tfal jenħtieġ li jkunu soġġetti għal pieni effettivi, proporzjonati u dissważivi. Dan jinkludi, b’mod partikolari, diversi forom ta’ abbuż sesswali u sfruttament sesswali tat-tfal iffaċilitat mill-użu ta’ teknoloġija tal-informazzjoni u l-komunikazzjoni, bħas-solleċitazzjoni bl-Internet ta’ tfal għal skopijiet sesswali permezz ta’ networks soċjali u ta’ chat rooms. Id-definizzjoni ta’ materjal ta’ abbuż sesswali tat-tfal jenħtieġ li tkun iċċarata u allinjata aktar qrib għal dik li tinsab fi strumenti internazzjonali. B’mod aktar wiesa’, jenħtieġ li t-terminoloġija użata f’din id-Direttiva tinġieb konformi ma’ standards internazzjonali rikonoxxuti bħal-Linji Gwida ta’ Terminoloġija għall-Protezzjoni tat-Tfal minn Sfruttament Sesswali u Abbuż Sesswali adottati mill-Grupp ta’ Ħidma bejn l-Aġenziji fil-Lussemburgu fit-28 ta’ Jannar 2016. Barra minn hekk, biex titjieb l-implimentazzjoni effiċjenti ta’ din id-Direttiva, jenħtieġ li l-Istati Membri jarmonizzaw u jimmodernizzaw il-lingwaġġ użat fil-liġi nazzjonali tagħhom biex jallinjawh mal-lingwaġġ użat f’din id-Direttiva. Dan jinvolvi s-sostituzzjoni tat-terminu “pedopornografija” b’“materjal ta’ abbuż sesswali tat-tfal” bħala l-ewwel miżura essenzjali.

(20)Fil-kuntest tal-materjal ta’ abbuż sesswali tat-tfal , it-terminu “ma għandux jitqies li twettaq mingħajr dritt” jippermetti lill-Istati Membri jipprovdu difiża fir-rigward tal-imġiba marbuta ma’ materjal li jista’ jikkostitwixxi materjal ta’ abbuż sesswali tat-tfal li jkollu, pereżempju, skop mediku, xjentifiku jew simili. Barra minn hekk, it-terminu “mingħajr dritt” ma jeskludix id-difiżi legali jew prinċipji relevanti simili li jeżoneraw persuna mir-responsabbiltà f’ċirkostanzi speċifiċi. Jippermetti wkoll li jsiru attivitajiet skont setgħat legali domestiċi, bħall-pussess leġittimu tal-materjal ta’ abbuż sesswali tat-tfal mill-awtoritajiet bl-iskop li jmexxu proċedimenti kriminali jew li jipprevjenu, jiskopru jew jinvestigaw reati, jew attivitajiet imwettqa minn organizzazzjonijiet, bħall-hotlines, li jaġixxu fl-interess pubbliku kontra l-abbuż sesswali tat-tfal, meta dawn l-organizzazzjonijiet ikunu ġew awtorizzati mill-awtoritajiet kompetenti tal-Istat Membru li jkunu stabbiliti fih. Dawn l-attivitajiet jinkludu, b’mod partikolari, ir-riċeviment, l-analiżi u l-ħolqien ta’ rapporti ta’ materjal suspettat ta’ abbuż sesswali tat-tfal, inkluż id-determinazzjoni tal-post fejn jiġi ospitat il-materjal imsemmi fir-rapporti, sottomess lilhom minn utenti online jew organizzazzjonijiet oħra li jaġixxu fl-interess pubbliku kontra l-abbuż sesswali tat-tfal, kif ukoll it-twettiq ta’ tfittxijiet biex jiġi identifikat it-tixrid ta’ materjal ta’ abbuż sesswali tat-tfal.

(22)Is-solleċitazzjoni tat-tfal għal skopijiet sesswali hija theddida b’karatteristiċi speċifiċi fil-kuntest tal-Internet, billi dan jagħti anonimità mingħajr preċedent lill-utenti minħabba li jistgħu jaħbu l-identità vera tagħhom u l-karatteristiċi personali ta’ dak li jkun, bħalma hi l-età tagħhom. Fl-aħħar deċennju, l-użu ta’ teknoloġiji tal-informazzjoni u tal-komunikazzjoni pprovda lit-trasgressuri b’aċċess dejjem aktar faċli għat-tfal, fejn il-kuntatt spiss jibda bit-trasgressur iħajjar lit-tfal, pereżempju, billi jippretendi li jkun tamparhom jew bi mġiba oħra qarrieqa jew kumplimentuża, biex jispiċċaw f’sitwazzjonijiet kompromettenti kemm fid-dinja reali kif ukoll f’dik virtwali. Dan l-aċċess akbar għat-tfal wassal għat-tkabbir rapidu ta’ fenomeni bħall-estorsjoni sesswali. L-estorsjoni sesswali tat-tfal tirreferi għall-att li bih persuna tiġi mhedda li jitqassam materjal intimu li jkun fih tfal vittmi sabiex jinkisbu flus, materjal ta’ abbuż sesswali tat-tfal, jew forom oħra ta’ gwadann, bit-theddida li dan il-materjal jiġi kondiviż mingħajr il-kunsens tal-persuna murija, li jaffettwaw lit-tfal kemm taħt l-età tal-kunsens sesswali kif ukoll dawk li qabżuha. Fl-aħħar snin, kien hemm żieda ta’ estorsjoni sesswali motivata finanzjarjament minn gruppi tal-kriminalità organizzata mmirati b’mod partikolari lejn subien adoloxxenti, li wasslet għal diversi każijiet fejn dawk it-tfal neħħew ħajjithom. Għalhekk, huwa essenzjali li dawn il-fenomeni kollha jkunu koperti b’mod xieraq fil-liġi tal-Istati Membri. Fl-istess waqt, l-Istati Membri jirrikonoxxu l-importanza tal-ġlieda wkoll kontra s-solleċitazzjoni tat-tfal barra mill-kuntest tal-Internet, b’mod partikolari fejn tali solleċitazzjoni ma ssirx bl-użu tat-teknoloġija tal-informazzjoni u l-komunikazzjoni. L-Istati Membri huma inkoraġġiti jikkriminalizzaw l-imġiba fejn is-solleċitazzjoni tat-tfal għal laqgħa mat-trasgressur għal skopijiet sesswali sseħħ fil-preżenza jew fil-prossimità tat-tfal, pereżempju fil-forma ta’ reat preparatorju partikolari, tentattiv ta’ kommissjoni ta’ reati msemmija f’din id-Direttiva jew bħala forma partikolari ta’ abbuż sesswali. Tkun liema tkun is-soluzzjoni legali magħżula għall-kriminalizzazzjoni tal-“grooming offline”, l-Istati Membri jenħtieġ li jiżguraw li jressqu għall-prosekuzzjoni lill-awturi ta’ tali reati.

(23)Fid-dawl tal-iżviluppi teknoloġiċi reċenti u, b’mod partikolari, tal-iżvilupp tal-intelliġenza artifiċjali, u ta’ ambjenti ta’ realtà awmentata, estiża u virtwali, hemm ħtieġa urġenti li s-solleċitazzjoni tat-tfal tiġi indirizzata b’mod aktar effettiv u li jitwettqu evalwazzjonijiet perjodiċi tal-qafas legali: jenħtieġ li l-kriminalizzazzjoni tas-solleċitazzjoni tat-tfal ma tkunx limitata għal konverżazzjonijiet bil-vuċi, testwali jew bil-posta, iżda tkun tinkludi wkoll kuntatti, skambji jew laqgħat li jseħħu fid-dinja reali jew virtwali inkluż f’settings ta’ realtà awmentata, estiża jew virtwali, kif ukoll solleċitazzjoni fuq skala kbira tat-tfal permezz tal-użu ta’ chat-bots imħarrġa għal dak il-għan, peress li dan il-fenomenu nnifsu mistenni jiżdied fl-isfond tal-evoluzzjoni prevedibbli tal-applikazzjonijiet tal-intelliġenza artifiċjali. Għalhekk “permezz tat-teknoloġija tal-informazzjoni u l-komunikazzjoni” jenħtieġ li tinftiehem b’mod wiesa’ biżżejjed biex tkopri dawk l-iżviluppi teknoloġiċi kollha.

(24)Din id-Direttiva ma tirregolax il-linji politiċi tal-Istati Membri rigward attivitajiet sesswali kunsenswali li fihom jistgħu jkunu involuti t-tfal u li jistgħu jiġu kkunsidrati bħala l-iskoperta normali tas-sesswalità fil-kors tal-iżvilupp uman, b’kont meħud tat-tradizzjonijiet kulturali u legali differenti u ta’ forom ġodda fejn jiġu stabbiliti u jinżammu relazzjonijiet fost it-tfal u l-adolexxenti, inkluż permezz ta’ teknoloġiji tal-informazzjoni u l-komunikazzjoni. L-Istati Membri li jużaw il-possibilitajiet imsemmija f’din id-Direttiva, jagħmlu dan fl-eżerċizzju tal-kompetenzi tagħhom. B’mod aktar partikolari, jenħtieġ li l-Istati Membri jkunu jistgħu jeżentaw mill-kriminalizzazzjoni attivitajiet sesswali kunsenswali li jinvolvu esklużivament tfal li jaqbżu l-età tal-kunsens sesswali, kif ukoll attivitajiet sesswali kunsenswali li jinvolvu lill-pari. Jenħtieġ li l-Istati Membri jiżguraw li l-pari jkunu protetti mill-prosekuzzjoni għal attività sesswali kunsenswali u mhux ta’ sfruttament, dment li ma jkun hemm l-ebda element ta’ koerċizzjoni, abbuż ta’ fiduċja jew dipendenza bejn il-pari. L-emendi ta’ dan l-Artikolu huma maħsuba biex jiċċaraw il-kamp ta’ applikazzjoni tad-deroga, fid-dawl tal-fatt li xi Stati Membri jidhru li interpretaw il-formulazzjoni oriġinali tagħha b’mod wiesa’ wisq (pereż. billi jeżentaw mill-kriminalizzazzjoni attivitajiet kunsenswali bejn minuri li jaqbżu l-età tal-kunsens u adulti ta’ kwalunkwe età, meqjusa bħala “pari” minkejja differenza sinifikanti fl-età). Jenħtieġ li d-dispożizzjonijiet relatati mal-età tal-kunsens ma jiġux interpretati b’mod li jillimita b’xi mod il-kriminalizzazzjoni tal-abbuż sesswali tat-tfal u l-isfruttament ta’ tfal li jkunu laħqu l-età tal-kunsens billi t-tfal ma jistgħux jagħtu kunsens għall-abbuż sesswali.

(25)Jenħtieġ li l-Istati Membri jipprovdu għal ċirkostanzi aggravanti fil-liġi nazzjonali tagħhom f’konformità mar-regoli applikabbli stabbiliti mis-sistemi legali tagħhom dwar ċirkostanzi aggravanti. Jenħtieġ li l-età tal-vittma, it-trattamenti bil-għan li jibdlu l-orjentazzjoni sesswali jew l-identità tal-ġeneru ta’ persuna (l-hekk imsejħa “terapija ta’ konverżjoni”) u l-fatt li r-reat kien motivat minn raġuni waħda jew aktar protetti skont l-Artikolu 21 tal-Karta tad-Drittijiet Fundamentali tal-Unjoni Ewropea jitqiesu bħala ċirkostanzi aggravanti. Huma jenħtieġ li jiżguraw li dawn iċ-ċirkostanzi aggravanti jkunu disponibbli biex l-imħallfin jikkunsidrawhom meta jagħtu sentenzi fir-rigward ta’ trasgressuri, għalkemm m’hemm l-ebda obbligu fuq l-imħallfin biex japplikaw dawk iċ-ċirkostanzi aggravanti. Iċ-ċirkostanzi aggravanti jenħtieġ li ma jkunux previsti mill-Istati Membri fil-liġi nazzjonali meta jkunu irrelevanti b’kont meħud tan-natura tar-reat speċifiku. Ir-relevanza tad-diversi ċirkostanzi aggravanti previsti f’din id-Direttiva jenħtieġ li tiġi evalwata fil-livell nazzjonali għal kull wieħed mir-reati msemmija f’din id-Direttiva.

(26)L-inkapaċità fiżika jew mentali skont din id-Direttiva jenħtieġ li tinftiehem bħala li tinkludi wkoll l-istat tal-inkapaċità fiżika jew mentali kkawżata mill-influwenza tad-drogi, il-mediċini u l-alkoħol jew ta’ kwalunkwe sustanza li tista’ tikkomprometti r-rieda ħielsa ta’ persuna. L-individwi fi stat tal-inkapaċità ma jistgħux jagħtu kunsens informat u volontarju, u dan jagħmel kwalunkwe att sesswali f’ċirkostanzi bħal dawn intrinsikament mhux kunsenswali.

(31)Il-vittmi ta’ abbuż sesswali u sfruttament sesswali tat-tfal spiss ma jkunux jistgħu jirrapportaw ir-reat għal diversi għexieren ta’ snin wara li jkun twettaq minħabba l-mistħija, il-ħtija u l-awtoħtija, li jistgħu jkunu relatati, fost l-oħrajn, mal-istigma soċjali u kulturali li għad hemm rigward l-abbuż sesswali, is-segretezza li fiha jseħħ l-abbuż, l-imġiba ta’ theddid jew l-għoti ta’ ħtija mill-awtur tar-reat, u/jew it-trawma. Minħabba l-vulnerabbiltajiet speċifiċi tat-tfal u l-limitazzjonijiet tal-iżvilupp tagħhom, jista’ jkun li huma ma jifhmux għalkollox li dak li jkun seħħ kien abbużiv, speċjalment jekk min ikun abbuża kien adult fdat. Jista’ jkun li s-superstiti jkollhom isiru adulti biex jiżviluppaw il-maturità emozzjonali biex jirrikonoxxu l-abbuż u jifhmu l-effetti fit-tul tiegħu. It-trawma tista’ twassal lill-vittmi biex irażżnu jew jimblukkaw il-memorji, bħala miżura protettiva, għal snin sħaħ. L-awturi ta’ abbuż sesswali u sfruttament sesswali tat-tfal, għall-kuntrarju ta’ awturi ta’ reati vjolenti oħra, għandhom it-tendenza li jibqgħu attivi sal-età avvanzata, u jkomplu jkunu ta’ theddida għat-tfal. Fid-dawl ta’ dan, l-investigazzjoni u l-prosekuzzjoni effettivi ta’ reati li jinvolvu abbuż sesswali u sfruttament sesswali tat-tfal, kif ukoll assistenza u appoġġ xierqa għall-vittmi, jistgħu jiġu pprovduti biss jekk l-istatuti tal-limitazzjonijiet jiġu aboliti.

(34)Jenħtieġ li l-Istati Membri jinkoraġġixxu lil kwalunkwe persuna li għandha għarfien jew suspett ta’ abbuż sesswali jew ta’ sfruttament sesswali ta’ tfal biex tirrapporta lis-servizzi kompetenti. B’mod partikolari, jenħtieġ li l-Istati Membri jagħmlu disponibbli informazzjoni lit-tfal dwar il-possibbiltà li jirrapportaw l-abbuż, inkluż dwar il-helplines, permezz tal-pjattaformi ta’ komunikazzjoni li ż-żgħażagħ jużaw l-aktar ta’ sikwit. Hija r-responsabbiltà ta’ kull Stat Membru li jiddetermina l-awtoritajiet kompetenti fejn jistgħu jiġu rapportati tali suspetti. Dawk l-awtoritajiet kompetenti jenħtieġ li ma jkunux limitati għal servizzi ta’ protezzjoni tat-tfal jew servizzi soċjali relevanti. Ir-rekwiżit ta’ suspett “in bona fede” jenħtieġ li jkollu l-għan li jimpedixxi l-invokazzjoni tad-dispożizzjoni biex tiġi awtorizzata d-denunzja ta’ fatti purament imaġinarji jew mhux veri mwettqa b’intenzjoni malizzjuża.

(35)Jenħtieġ li r-regoli dwar il-ġuriżdizzjoni jiġu emendati sabiex ikun żgurat li dawk fl-Unjoni li jabbużaw sesswalment minn jew jisfruttaw sesswalment it-tfal, jiffaċċjaw il-prosekuzzjoni anke jekk ir-reati tagħhom isiru barra mill-Unjoni, permezz tal-hekk imsejjaħ turiżmu sesswali. L-isfruttament sesswali tat-tfal fl-ivvjaġġar jew fit-turiżmu jenħtieġ li jinftiehem bħala sfruttament sesswali tat-tfal minn persuna jew persuni li jivvjaġġaw mill-ambjent tas-soltu tagħhom lejn destinazzjoni barra minn pajjiżhom fejn ikollhom kuntatt sesswali mat-tfal u jieħdu sehem f’reati deskritti f’din id-Direttiva. Fejn l-isfruttament sesswali tat-tfal fl-ivvjaġġar jew fit-turiżmu jseħħ barra mill-Unjoni, l-Istati Membri huma mħeġġin iżidu, permezz tal-istrumenti nazzjonali u internazzjonali disponibbli, inklużi t-trattati bilaterali jew multilaterali dwar l-estradizzjoni, l-assistenza reċiproka jew it-trasferiment tal-proċedimenti, il-kooperazzjoni ma’ pajjiżi terzi u organizzazzjonijiet internazzjonali, bil-għan li jikkumbattu l-isfruttament sesswali tat-tfal barra mill-pajjiż. Jenħtieġ li l-Istati Membri jrawmu d-djalogu miftuħ u l-komunikazzjoni mal-pajjiżi barra mill-Unjoni biex, taħt il-leġiżlazzjoni nazzjonali relevanti, dawn ikunu jistgħu jħarrku lill-awturi li jivvjaġġaw barra mill-fruntieri tal-Unjoni għall-iskopijiet tal-isfruttament sesswali tat-tfal fl-ivvjaġġar jew fit-turiżmu.

(36)Jenħtieġ li jiġu adottati miżuri li jipproteġu t-tfal vittmi b’mod komprensiv fl-aħjar interess tagħhom, b’kont meħud ta’ stima tal-ħtiġijiet tagħhom. Il-protezzjoni effettiva tat-tfal teħtieġ approċċ tas-soċjetà kollha kemm hi. Bit-tfal fiċ-ċentru, l-awtoritajiet u s-servizzi rilevanti kollha jenħtieġ li jaħdmu flimkien biex jipproteġu u jappoġġaw lit-tfal, fl-aħjar interessi tagħhom. Il-mudell “Barnahus” li jipprovdi ambjent adattat għat-tfal b’persunal ta’ speċjalisti mid-dixxiplini rilevanti kollha bħalissa huwa l-aktar eżempju avvanzat ta’ approċċ għall-ġustizzja mfassal apposta għat-tfal u biex tiġi evitata r-rivittimizzazzjoni. Id-dispożizzjonijiet rilevanti ta’ din id-Direttiva huma mibnija fuq il-prinċipji ta’ dak il-mudell. Dak il-mudell għandu l-għan li jiżgura li t-tfal kollha involuti fl-investigazzjonijiet dwar l-abbuż tat-tfal jew l-isfruttament sesswali tat-tfal jibbenefikaw minn valutazzjoni ta’ kwalità għolja f’ambjenti adatti għat-tfal, appoġġ psikosoċjali xieraq u servizzi protettivi għat-tfal. Din id-Direttiva tipprova tiżgura li l-Istati Membri kollha jirrispettaw dawn il-prinċipji orjentati lejn il-vittmi u jkollhom fis-seħħ sistemi ta’ protezzjoni tat-tfal li jkunu adattati għall-età tagħhom u multidixxiplinarji biex jipprovdu kura u appoġġ legali effettivi lit-tfal vittmi, għalkemm ma teħtieġx li l-Istati Membri jimplimentaw il-mudell Barnahus bħala tali. Meta l-eżamijiet mediċi tat-tfal ikunu meħtieġa għall-finijiet tal-investigazzjonijiet kriminali, pereżempju biex tinġabar evidenza ta’ abbuż, dawn jenħtieġ li jkunu limitati għal dawk strettament meħtieġa sabiex tiġi limitata r-retrawmatizzazzjoni. Jenħtieġ li dan l-obbligu ma jipprevjenix eżamijiet mediċi oħra meħtieġa għall-benesseri tat-tfal. It-tfal vittmi jenħtieġ li jkollhom aċċess faċli għal ġustizzja adattata għat-tfal, rimedji legali u miżuri biex jindirizzaw il-kunflitti ta’ interess fejn l-abbuż sesswali jew l-isfruttament sesswali tat-tfal isiru fil-familja. Meta jkollu jinħatar rappreżentant speċjali għat-tfal waqt investigazzjoni jew proċediment kriminali, dan ir-rwol jista’ wkoll jitwettaq minn persuna ġuridika, istituzzjoni jew awtorità. Barra minn dan, jenħtieġ li t-tfal vittmi jkunu protetti minn pieni, pereżempju taħt leġiżlazzjoni nazzjonali dwar il-prostituzzjoni, jekk iġibu l-każ tagħhom għall-attenzjoni tal-awtoritajiet kompetenti. Barra dan, jenħtieġ li l-parteċipazzjoni ta’ tfal vittmi fi proċedimenti kriminali, sa fejn ikun possibbli, ma tikkawżax iktar trawma bħala riżultat ta’ intervisti jew kuntatt viżwali mat-trasgressuri. L-awtoritajiet kollha involuti fil-proċedimenti jenħtieġ li jitħarrġu f’ġustizzja mfassla apposta għat-tfal. Li jkun hemm fehim tajjeb tat-tfal u ta’ kif iġibu ruħhom meta jiltaqgħu ma’ esperjenzi trawmatiċi se jiżgura kwalità għolja ta’ teħid ta’ evidenza u jnaqqas l-istress fuq it-tfal meta jkunu qed jitwettqu l-miżuri meħtieġa. Meta tfal vittmi jew tfal xhieda jipparteċipaw fi proċedimenti kriminali, jenħtieġ li l-qorti tqis bis-sħiħ l-età u l-maturità tagħhom fit-twettiq tal-proċedimenti u jenħtieġ li tiżgura li l-proċedimenti jkunu aċċessibbli u jinftiehmu mit-tfal. Jenħtieġ li d-dritt tat-tfal li jinstemgħu u li jipparteċipaw b’mod sinifikattiv jingħata prijorità, filwaqt li jiġi żgurat li l-fehmiet tat-tfal jinstemgħu u jiġu rispettati matul il-proċess kollu.

(37)Jenħtieġ li l-Istati Membri jipprovdu assistenza fit-terminu l-qasir u fit-terminu t-twil li tkun imfassla apposta u komprensiva lit-tfal vittmi u lis-superstiti, irrispettivament minn jekk ikunux ressqu lment formali. Superstiti għandhom jinftiehmu bħala persuna li esperjenzat vjolenza sesswali bħala tfal, irrispettivament mill-istatus legali tagħha u r-rikonoxximent tagħha bħala vittma ta’ reat minn sistema legali. Kull ħsara kkawżata mill-abbuż sesswali u l-isfruttament sesswali tat-tfal hija sinifikanti u jenħtieġ li tiġi indirizzata malajr kemm jista’ jkun wara l-ewwel kuntatt tal-vittma mal-awtoritajiet. L-assistenza immedjata lill-vittmi qabel u matul l-investigazzjonijiet u l-proċedimenti kriminali hija essenzjali biex tiġi limitata t-trawma fit-tul marbuta mal-abbuż li jkunu sofrew. Sabiex jiġi ffaċilitat l-għoti rapidu ta’ assistenza, inkluża l-identifikazzjoni tas-servizzi ta’ appoġġ rilevanti, jenħtieġ li l-Istati Membri joħorġu linji gwida u protokolli għall-professjonisti tal-kura tas-saħħa, tal-edukazzjoni u tas-servizzi soċjali, inkluż il-persunal tal-helplines. Minħabba n-natura tal-ħsara kkawżata mill-abbuż sesswali u l-isfruttament sesswali, tali assistenza jenħtieġ li tkompli għal kemm ikun hemm bżonn għall-irkupru fiżiku u psikoloġiku tat-tfal u tista’ tkompli sa meta jsiru adulti jekk ikun hemm bżonn. Jenħtieġ li l-għajnuna u l-konsulenza jitqiesu li jiġu estiżi għall-ġenituri, il-persuni li jindukraw u l-persuni li jkollhom it-tutela tat-tfal vittmi fejn ma jkunux involuti bħala persuni suspettati fir-rigward tar-reat ikkonċernat, sabiex jingħataw għajnuna dwar kif għandhom jassistu t-tfal vittmi tagħhom matul il-proċedimenti.

(39)Id-Direttiva 2012/29/UE tistabbilixxi sett ta’ drittijiet tal-vittmi fi proċedimenti kriminali, inkluż id-dritt għal protezzjoni u d-dritt li wieħed jirċievi deċiżjoni dwar kumpens mit-trasgressur u minn kwalunkwe organizzazzjoni responsabbli għall-abbuż u l-isfruttament sesswali tat-tfal. Il-proposta għar-reviżjoni tad-Direttiva dwar id-Drittijiet tal-Vittmi tipprevedi emendi mmirati għad-drittijiet tal-vittmi kollha. Barra mid-drittijiet stabbiliti fl-ambitu ta’ dik id-Direttiva, tfal vittmi ta’ abbuż sesswali, sfruttament sesswali u materjal ta’ abbuż sesswali tat-tfal jenħtieġ li jkollhom aċċess għall-konsulenza legali, u, f’konformità mar-rwol tal-vittmi fis-sistemi tal-ġustizzja rilevanti, għal rappreżentanza legali, inkluż għall-fini li jitolbu kumpens. Tali konsulenza legali u rappreżentazzjoni legali jistgħu jiġu pprovduti wkoll mill-awtoritajiet kompetenti għall-fini ta’ talba ta’ kumpens mill-Istat. Il-fini tal-konsulenza legali huwa biex tippermetti lill-vittmi jkunu informati u jirċievu parir dwar il-possibilitajiet diversi li huma miftuħin għalihom. Il-konsulenza legali jenħtieġ li tingħata minn persuna li tkun irċeviet taħriġ legali adatt mingħajr ma neċessarjament tkun avukat. Il-konsulenza legali u, f’konformità mar-rwol tal-vittmi fis-sistemi tal-ġustizzja relevanti, ir-rappreżentanza legali jenħtieġ li jingħataw mingħajr ħlas għall-inqas meta l-vittma ma għandhiex riżorsi finanzjarji suffiċjenti b’mod konsistenti mal-proċeduri interni tal-Istati Membri. Jenħtieġ li d-dritt tal-vittmi għal kumpens ma jkunx soġġett għal perjodu ta’ limitazzjoni.

(40)Jenħtieġ li ċ-Ċentru tal-UE għall-Protezzjoni tat-Tfal (“iċ-Ċentru tal-UE”), stabbilit bir-Regolament […/…/UE li jistabbilixxi regoli għall-prevenzjoni u l-ġlieda kontra l-abbuż sesswali tat-tfal]16, jappoġġa l-Istati Membri fl-isforzi u l-obbligi għall-prevenzjoni u l-assistenza tal-vittmi skont din id-Direttiva. Huwa ta’ importanza kbira li jiġu stabbiliti dawn ir-regoli u li jitwaqqaf iċ-Ċentru tal-UE mingħajr dewmien żejjed sabiex jiġu simplifikati u mtejba d-diversi sforzi ta’ prevenzjoni u ġlieda kontra l-abbuż sesswali tat-tfal fl-Unjoni kollha. Jenħtieġ li huwa jiffaċilita l-iskambju tal-aħjar prattiki fl-Unjoni u lil hinn minnha. Iċ-Ċentru tal-UE jenħtieġ li jħeġġeġ id-djalogu bejn il-partijiet ikkonċernati rilevanti kollha biex jgħin fl-iżvilupp ta’ programmi ta’ prevenzjoni tal-ogħla livell. Barra minn hekk, billi jikkoopera mal-Istati Membri u jikkontribwixxi għall-istandardizzazzjoni tal-ġbir tad-data dwar l-abbuż sesswali u l-isfruttament sesswali tat-tfal fl-Unjoni kollha, jenħtieġ li ċ-Ċentru tal-UE jkun ta’ vantaġġ fl-appoġġ ta’ politika bbażata fuq l-evidenza kemm dwar il-prevenzjoni kif ukoll dwar l-assistenza lill-vittmi. Jenħtieġ li l-Istati Membri jistabbilixxu awtoritajiet nazzjonali jew entitajiet ekwivalenti kif iqisu l-aktar xieraq skont l-organizzazzjoni interna tagħhom, filwaqt li jqisu l-ħtieġa għal struttura minima b’kompiti identifikati, li tkun kapaċi twettaq valutazzjonijiet tax-xejriet fl-abbuż sesswali tat-tfal, tiġbor statistika, tkejjel ir-riżultati ta’ azzjonijiet għall-prevenzjoni u l-ġlieda kontra l-abbuż sesswali tat-tfal, u tirrapporta regolarment dwar tali xejriet, statistika u riżultati. Tali awtoritajiet nazzjonali jenħtieġ li jservu bħala punt ta’ kuntatt nazzjonali u jenħtieġ li jieħdu approċċ integrattiv b’diversi partijiet ikkonċernati fil-ħidma tagħhom. Barra minn hekk, jenħtieġ li l-Istati Membri jistabbilixxu l-mekkaniżmi meħtieġa fil-livell nazzjonali biex jiżguraw koordinazzjoni u kooperazzjoni effettivi fl-iżvilupp u fl-implimentazzjoni ta’ miżuri għall-prevenzjoni u għall-ġlieda kontra l-abbuż sesswali tat-tfal u l-isfruttament sesswali tat-tfal, kemm online kif ukoll offline, fost l-atturi pubbliċi u privati rilevanti kollha, kif ukoll għall-iffaċilitar tal-kooperazzjoni maċ-Ċentru tal-UE u mal-Kummissjoni. Peress li ċ-Ċentru tal-UE huwa stabbilit bir-Regolament [../../UE li jistabbilixxi regoli li jipprevjenu u jiġġieldu kontra l-abbuż sesswali tat-tfal], id-dispożizzjonijiet kollha ta’ din id-Direttiva li jirreferu għalih jenħtieġ li japplikaw mid-data ta’ dħul fis-seħħ ta’ dak ir-Regolament.

__________________

16 COM (2022) 209, 11.5.2022.

(42)Jenħtieġ li l-Istati Membri jwettqu azzjoni għall-prevenzjoni u l-projbizzjoni ta’ atti relatati mal-promozzjoni tal-abbuż sesswali tat-tfal u l-abbuż sesswali u l-isfruttament sesswali tat-tfal fl-ivvjaġġar jew fit-turiżmu. Jistgħu jiġu kkunsidrati miżuri differenti ta’ prevenzjoni bħat-tfassil u r-rinfurzar ta’ kodiċi ta’ kondotta u mekkaniżmi awtoregolatorji fl-industrija tat-turiżmu, l-istabbiliment ta’ kodiċi ta’ etika jew “tikketti ta’ kwalità” jew it-twaqqif ta’ politika espliċita għal organizzazzjonijiet tat-turisti li jiġġieldu l-abbuż sesswali u l-isfruttament sesswali tat-tfal fl-ivvjaġġar jew fit-turiżmu. Jenħtieġ li l-Istati Membri jisfruttaw l-għodod għad-dispożizzjoni tagħhom skont id-dritt tal-UE, il-liġi nazzjonali, u ftehimiet internazzjonali, għall-fini tal-prevenzjoni tal-abbuż sesswali u l-isfruttament sesswali tat-tfal fl-ivvjaġġar jew fit-turiżmu mit-territorju tagħhom jew lejh, b’mod partikolari billi jieħdu azzjoni xierqa malli jirċievu informazzjoni rilevanti minn pajjiżi terzi, inkluż it-twettiq ta’ aktar kontrolli jew il-ħruġ ta’ rifjut ta’ dħul fil-kuntest tar-Regolament (UE) 2018/1861 dwar l-istabbiliment, it-tħaddim u l-użu ta’ Sistema ta’ Informazzjoni ta’ Schengen (SIS) fil-qasam tal-verifiki fuq il-fruntieri17.

__________________

17 Ir-Regolament (UE) 2018/1861 tal-Parlament Ewropew u tal-Kunsill tat-28 ta’ Novembru 2018 dwar l-istabbiliment, it-tħaddim u l-użu tas-Sistema ta’ Informazzjoni ta’ Schengen (SIS) fil-qasam tal-verifiki fuq il-fruntieri, u li jemenda l-Konvenzjoni li timplimenta l-Ftehim ta’ Schengen, u li jemenda u jħassar ir-Regolament (KE) Nru 1987/2006 (ĠU L 312, 7.12.2018, p. 14, ELI: http://data.europa.eu/eli/reg/2018/1861/oj.

(43)Jenħtieġ li l-Istati Membri jistabbilixxu jew isaħħu l-linji politiċi biex jipprevjenu l-abbuż sesswali u l-isfruttament sesswali tat-tfal inklużi miżuri biex jiskoraġġixxu u jnaqqsu t-talba li twassal għal kull forma ta’ sfruttament sesswali tat-tfal u miżuri biex inaqqsu r-riskju ta’ tfal li jaqgħu vittmi, permezz ta’ kampanja ta’ sensibilizzazzjoni u ta’ informazzjoni, inkluż għall-ġenituri, il-voluntiera, il-persuni li jindukraw, l-għalliema, l-edukaturi, il-professjonisti għall-protezzjoni tat-tfal, il-professjonisti li jaħdmu fil-qasam soċjali u tal-foster care, il-ħarrieġa, il-coaches, il-professjonisti legali, l-imħallfin tal-qorti tal-familja, il-pulizija li jaħdmu f’dan il-qasam, il-professjonisti tal-kura tas-saħħa, il-mexxejja tal-komunità reliġjuża u s-soċjetà inġenerali, u programmi ta’ riċerka u ta’ tagħlim inkluż dwar l-edukazzjoni sesswali. F’tali inizjattivi, l-Istati Membri jenħtieġ li jadottaw approċċ ibbażat fuq id-drittijiet tat-tfal. Jenħtieġ li tingħata attenzjoni biex jiġi żgurat li l-kampanji ta’ sensibilizzazzjoni mmirati lejn it-tfal ikunu xierqa u faċli biżżejjed li jinftiehmu, u mfassla għall-ħtiġijiet speċifiċi ta’ tfal ta’ gruppi ta’ età differenti, inklużi tfal tal-età ta’ qabel l-iskola u tfal li huma partikolarment vulnerabbli, inklużi tfal b’diżabbiltajiet mentali, intellettwali, tas-sensi jew fiżiċi, tfal f’kuntesti ta’ migrazzjoni, kemm jekk mhux akkumpanjati kif ukoll jekk akkumpanjati, jew tfal li ma jikkonformawx ma’ normi konvenzjonali relatati mal-orjentazzjoni sesswali, l-identità u l-espressjoni tal-ġeneru jew il-karatteristiċi tas-sess. Il-miżuri ta’ prevenzjoni jenħtieġ li jieħdu approċċ olistiku għall-fenomenu tal-abbuż sesswali u l-isfruttament sesswali tat-tfal, billi jindirizzaw id-dimensjonijiet online u offline tiegħu u jimmobilizzaw il-partijiet ikkonċernati rilevanti kollha. B’mod partikolari għad-dimensjoni online, il-miżuri jenħtieġ li jinkludu l-iżvilupp ta’ ħiliet ta’ litteriżmu diġitali, inkluż l-involviment kritiku mad-dinja diġitali, biex jgħin lill-utenti jidentifikaw u jindirizzaw tentattivi ta’ abbuż sesswali tat-tfal online, ifittxu appoġġ u jipprevjenu t-twettiq tiegħu. Jenħtieġ li tingħata attenzjoni partikolari lill-prevenzjoni tal-abbuż sesswali tat-tfal u l-isfruttament sesswali tat-tfal li jiġu kkurati f’faċilità ta’ grupp aktar milli fil-kuntest ta’ kura f’familja. Fejn mhumiex diġà fis-seħħ, it-twaqqif ta’ helplines jew hotlines apposta jenħtieġ li jiġu kkunsidrat. Jenħtieġ li t-tfal ikunu jistgħu jiksbu informazzjoni u pariri dwar ir-reati msemmija fl-Artikoli 3 sa 8b permezz ta’ dawn il-mezzi.

imħassar

(50)Fejn ikun meħtieġ minħabba l-perikolu kkawżat mit-trasgressuri u r-riskji possibbli ta’ repetizzjoni, jenħtieġ li t-trasgressuri kkundannati temporanjament jew permanentement jiġu impediti milli jwettqu mill-inqas attivitajiet professjonali u volontarji li jinvolvu kuntatt dirett u regolari mat-tfal jew f’organizzazzjonijiet li jaħdmu għat-tfal jew organizzazzjonijiet li jaġixxu fl-interess pubbliku fil-ġlieda kontra l-abbuż sesswali tat-tfal. Il-persuni li jħaddmu jenħtieġ li jitolbu informazzjoni, meta jirreklutaw għal post li jinvolvi kuntatti diretti u regolari mat-tfal, dwar kundanni eżistenti għal reati sesswali kontra t-tfal imdaħħla fir-rekord kriminali, jew dwar skwalifiki eżistenti. Għall-finijiet ta’ din id-Direttiva, it-terminu “impjegati” jenħtieġ li jkopri wkoll persuni li jkunu qed jiġġestixxu organizzazzjonijiet li jkunu attivi fix-xogħol volontier marbut mas-superviżjoni jew il-kura tat-tfal li tkun tinvolvi kuntatt dirett u regolari mat-tfal , inklużi ambjenti komunitarji bħal skejjel, sptarijiet, servizzi tal-kura soċjali, klabbijiet sportivi jew komunitajiet reliġjużi. Il-mod kif titwassal l-informazzjoni, bħal pereżempju l-aċċess permezz tal-persuna kkonċernata u l-kontenut eżatt tal-informazzjoni, it-tifsira tal-attivitajiet volontarji organizzati u l-kuntatt dirett u regolari mat-tfal jenħtieġ li jkunu stabbiliti f’konformità mal-liġi nazzjonali. Madankollu, jenħtieġ li l-informazzjoni trażmessa minn awtorità kompetenti waħda għal oħra mill-inqas ikun fiha r-rekords rilevanti kollha maħżuna minn kwalunkwe Stat Membru fir-reġistri tar-rekords kriminali nazzjonali tagħhom, u r-rekords rilevanti kollha li jistgħu jinkisbu faċilment minn pajjiżi terzi, bħal informazzjoni li tista’ tinkiseb mir-Renju Unit permezz tal-kanal stabbilit f’konformità mat-Titolu IX tal-Parti Tlieta tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra19.

__________________

19 ĠU L 149, 30.4.2021, p. 10, ELI: http://data.europa.eu/eli/agree_internation/2021/689(1)/ojhttp://data.europa.eu/eli/agree_internation/2021/689(1)/oj.

(52)Għall-informazzjoni mhux disponibbli jew li għadha mhijiex disponibbli fis-Sistema Ewropea ta’ Informazzjoni ta’ Rekords Kriminali (ECRIS), pereżempju informazzjoni dwar ċittadini ta’ pajjiżi terzi li jkunu wettqu reat sakemm jiġi implimentat bis-sħiħ ir-Regolament (UE) 2019/816 tal-Parlament Ewropew u tal-Kunsill20, jenħtieġ li l-Istati Membri jagħmlu użu minn kanali oħra biex jipprovdu l-informazzjoni rilevanti kollha lill-impjegaturi li jirreklutaw għal kariga li tinvolvi kuntatt dirett u regolari mat-tfal. L-objettiv ta’ din id-Direttiva mhuwiex li jkunu armonizzati r-regoli li jikkonċernaw il-kunsens tal-persuna kkonċernata meta jkun hemm skambju ta’ informazzjoni mir-reġistri kriminali, jiġifieri jekk ikunx rikjest tali kunsens jew le. Irrispettivament minn jekk tali kunsens ikunx rikjest jew le skont il-liġi nazzjonali, din id-Direttiva ma tistabbilix obbligi ġodda għal tibdil fil-liġi nazzjonali u fil-proċeduri nazzjonali f’dan is-sens.

__________________

20 Ir-Regolament (UE) 2019/816 tal-Parlament Ewropew u tal-Kunsill tas-17 ta’ April 2019 li jistabbilixxi sistema ċentralizzata għall-identifikazzjoni ta’ Stati Membri fil-pussess ta’ informazzjoni dwar kundanni ta’ ċittadini ta’ pajjiżi terzi u persuni apolidi (ECRIS-TCN) biex tissupplimenta s-Sistema Ewropea ta’ Informazzjoni ta’ Rekords Kriminali li jemenda r-Regolament (UE) 2018/1726 (ĠU L 135, 22.5.2019, p. 1, ELI: http://data.europa.eu/eli/reg/2019/816/oj.

Din id-Direttiva tistabbilixxi regoli minimi rigward id-definizzjoni ta’ reati kriminali u sanzjonijiet fil-qasam tal-abbuż sesswali u l-isfruttament sesswali tat-tfal, il-materjal ta’ abbuż sesswali tat-tfal u solleċitazzjoni tat-tfal għal skopijiet sesswali, inkluż jekk imwettqa permezz ta’ teknoloġiji tal-informazzjoni u tal-komunikazzjoni. Hija wkoll tintroduċi dispożizzjonijiet komuni biex issaħħaħ il-prevenzjoni ta’ dawk ir-reati kriminali u l-protezzjoni tal-vittmi tagħhom.

(a)kwalunkwe materjal li juri tfal li jkunu qed jieħdu sehem f’imġiba sesswalment espliċita, reali jew simulata;

(b)kwalunkwe rappreżentanza, bi kwalunkwe mezz, tal-partijiet intimi tat-tfal għal skopijiet primarjament sesswali;

(c)kwalunkwe materjal li juri kwalunkwe persuna li tidher li hija tfal li tkun qed tieħu sehem f’imġiba sesswalment espliċita, reali jew simulata, jew kwalunkwe rappreżentazzjoni tal-partijiet intimi ta’ kwalunkwe persuna li tidher li hija tfal, għal skopijiet primarjament sesswali;

(d)kwalunkwe stampa, psewdoritratti, riproduzzjoni jew rappreżentazzjoni realistiċi ta’ tfal li jkunu qed jieħdu sehem f’imġiba sesswalment espliċita jew tal-partijiet intimi ta’ tfal, għal skopijiet primarjament sesswali, irrispettivament mill-mod ta’ kif inħolqu jew ġew immanipulati, inkluż bl-użu ta’ intelliġenza artifiċjali, teknoloġiji deepfake, jew ambjenti ta’ realtà awmentata, estiża jew virtwali;

(e)kwalunkwe materjal, irrispettivament mill-forma tiegħu, maħsub biex jipprovdi pariri, gwida jew struzzjonijiet dwar kif jitwettaq kwalunkwe reat imsemmi fl-Artikoli 3 sa 8b, inkluż kwalunkwe struzzjoni dwar is-sistemi tal-intelliġenza artifiċjali;

(4)“sfruttament tat-tfal fil-prostituzzjoni ” tfisser l-użu ta’ tfal għal attivitajiet sesswali fejn il-flus jew kwalunkwe forma oħra ta’ rimunerazzjoni, gwadann, vantaġġ, benefiċċju jew konsiderazzjoni tingħata jew tiġi mwiegħda bħala ħlas sabiex it-tfal jieħdu sehem f’attivitajiet sesswali, irrispettivament minn jekk dak il-ħlas, il-wegħda, il-gwadann, il-vantaġġ, il-benefiċċju jew il-konsiderazzjoni ssirx lit-tfal jew lil parti terza;

(5)“prestazzjoni ta’ abbuż sesswali tat-tfal” tfisser l-esibizzjoni diretta immirata għal udjenza ta’ persuna waħda jew aktar, anke permezz tat-teknoloġija tal-informazzjoni u tal-komunikazzjoni, ta’:

(a)ta’ tfal li jkunu qed jieħdu sehem f’att jew f’imġiba sesswalment espliċiti, reali jew simulati; jew

(b)tal-partijiet intimi ta’ tfal għal skopijiet primarjament sesswali;

(8)“pari” tfisser persuni li jkunu qrib fl-età u fil-livell ta’ żvilupp u maturità psikoloġika u fiżika.

Reati li jikkonċernaw abbuż sesswali tat-tfal

1.L-Istati Membri għandhom jieħdu l-miżuri meħtieġa biex jiżguraw li l-imġiba intenzjonali msemmija fil-paragrafi 2 sa 8 tkun punibbli.

2.L-imġiba li, għal skopijiet sesswali, iġġiegħel lil tfal, li ma jkunux laħqu l-età ta’ kunsens sesswali, jew lil tfal li jkunu qabżu l-età ta’ kunsens sesswali u ma jagħtux il-kunsens, jaraw attivitajiet sesswali, inkluż billi tesponi lit-tfal għall-kontenut pornografiku, anki jekk dawn ma jiġux imġiegħla jipparteċipaw, għandha tkun punibbli b’piena massima ta’ mill-inqas sena priġunerija.

3.L-imġiba li, għal skopijiet sesswali, iġġiegħel lil tfal li ma jkunux laħqu l-età ta’ kunsens sesswali, jew lil tfal li jkunu qabżu l-età ta’ kunsens sesswali u ma jagħtux il-kunsens, jaraw abbuż sesswali, anki jekk dawn ma jiġux imġiegħla jipparteċipaw, għandha tkun punibbli b’piena massima ta’ mill-inqas sentejn priġunerija.

4.Il-parteċipazzjoni f’attivitajiet sesswali ma’ tfal li ma jkunux laħqu l-età ta’ kunsens sesswali jew l-imġiba li ġġiegħel lil tfal jipparteċipaw f’attivitajiet sesswali ma’ persuna oħra jew magħhom infushom għandhom ikunu punibbli b’piena massima ta’ mill-inqas 10 snin priġunerija.

(a)isir abbuż minn pożizzjoni rikonoxxuta ta’ fiduċja, awtorità jew influwenza fuq it-tfal, għandha tkun punibbli b’piena massima ta’ mill-inqas 12-il sena priġunerija; or

(b)isir abbuż minn sitwazzjoni partikolarment vulnerabbli tat-tfal, b’mod partikolari minħabba diżabbiltà mentali, intellettwali, tas-sensi jew fiżika jew sitwazzjoni ta’ dipendenza, għandha tkun punibbli b’piena massima ta’ mill-inqas 12-il sena priġunerija; or

(c)isir użu minn ġegħil, forza, vjolenza fiżika jew psikoloġika, rikatt jew theddid ieħor, għandha tkun punibbli b’piena massima ta’ mill-inqas 14-il sena priġunerija;

6.L-imġiba li b’ġegħil, forza jew theddid iddaħħal tfal f’attivitajiet sesswali ma’ parti terza jew magħhom infushom għandha tkun punibbli b’piena massima ta’ mill-inqas 14-il sena priġunerija.

7.L-imġiba intenzjonali li ġejja għandha tkun punibbli b’piena massima ta’ mill-inqas 16-il sena priġunerija:

8.It-tipi ta’ mġiba msemmija fil-paragrafu 7 għandhom ikunu punibbli b’piena massima ta’ mill-inqas 16-il sena priġunerija meta t-tfal ikunu qabżu l-età ta’ kunsens sesswali u ma jagħtux il-kunsens.

9.Għall-finijiet tal-paragrafi 2, 3, 4 u 8, l-Istati Membri għandhom jiżguraw li:

(a)att mhux kunsenswali huwa mifhum bħala att li jitwettaq mingħajr il-kunsens tat-tfal jew meta t-tfal ma jkunux jistgħu jifformaw rieda ħielsa minħabba l-preżenza taċ-ċirkostanzi msemmija fil-paragrafu 5, jew minħabba ċirkostanzi oħra, inkluż il-kundizzjoni fiżika jew mentali tat-tfal bħal stat ta’ telf mis-sensi, irqad, intossikazzjoni, sorpriza, li wieħed ma jkunx jista’ jiċċaqlaq, mard jew korriment fuq il-persuna;

(c)in-nuqqas ta’ kunsens ma jistax jiġi kkonfutat mis-skiet tat-tfal, min-nuqqas ta’ reżistenza verbali jew fiżika, minn imġiba sesswali passata jew preżenti jew minn kwalunkwe relazzjoni passata jew preżenti ma’ trasgressur.

Reati li jikkonċernaw sfruttament sesswali tat-tfal

1.L-Istati Membri għandhom jieħdu l-miżuri meħtieġa biex jiżguraw li l-imġiba intenzjonali msemmija fil-paragrafi 2 sa 7a tkun punibbli.

2.L-imġiba li twassal jew tirrekluta lil tfal biex jipparteċipaw f’wirjiet ta’ abbuż sesswali tat-tfal, jew li tagħmel qligħ minn jew li tisfrutta b’xi mod ieħor lil tfal għal dawn il-finijiet, għandha tkun punibbli b’piena massima ta’ mill-inqas 6 snin priġunerija.

3.L-imġiba li ġġiegħel jew tisforza lil tfal biex jipparteċipaw f’wirjiet ta’ abbuż sesswali tat-tfal, jew li thedded lil tfal għal dawn il-finijiet, għandha tkun punibbli b’piena massima ta’ mill-inqas 9 snin priġunerija.

4.L-attendenza konxja għal wirjiet ta’ abbuż sesswali tat-tfal li jinvolvu l-parteċipazzjoni ta’ tfal għandha tkun punibbli b’piena massima ta’ mill-inqas 3 snin priġunerija.

5.L-imġiba li twassal jew tirrekluta lil tfal biex jipparteċipaw fl-isfruttament fil-prostituzzjoni, jew li tagħmel qligħ minn jew li tisfrutta b’xi mod ieħor lil tfal għal dawn il-finijiet, għandha tkun punibbli b’piena massima ta’ mill-inqas 12-il sena.

6.L-imġiba li ġġiegħel jew tisforza lil tfal fi sfruttament permezz tal-prostituzzjoni, jew li thedded lil tfal għal dawn il-finijiet, għandha tkun punibbli b’piena massima ta’ mill-inqas 14-il sena priġunerija.

7.Il-parteċipazzjoni f’attivitajiet sesswali mat-tfal, fejn wieħed jirrikorri għall-isfruttament permezz tal-prostituzzjoni, għandha tkun punibbli b’piena massima ta’ mill-inqas 12-il sena priġunerija.

2.L-akkwist jew il-pussess ta’ materjal ta’ abbuż sesswali tat-tfal, inkluż il-pussess tal-materjal imsemmi fl-Artikolu 2, il-punt (3)(9), għall-użu privat, għandhom ikunu punibbli b’piena massima ta’ mill-inqas sentejn priġunerija.

3.L-akkwist konxju ta’ aċċess, permezz tat-teknoloġija tal-informazzjoni u tal-komunikazzjoni, għall-materjal ta’ abbuż sesswali tat-tfal għandu jkun punibbli b’piena massima ta’ mill-inqas sentejn priġunerija.

4.Id-distribuzzjoni, it-tixrid jew it-trażmissjoni ta’ materjal ta’ abbuż sesswali tat-tfal għandhom ikunu punibbli b’piena massima ta’ mill-inqas 4 snin priġunerija.

5.L-offerta, il-forniment jew l-imġiba li tagħmel disponibbli l-materjal ta’ abbuż sesswali tat-tfal għandhom ikunu punibbli b’piena massima ta’ mill-inqas 4 snin priġunerija.

6.Il-produzzjoni ta’ materjal ta’ abbuż sesswali tat-tfal, inkluża l-produzzjoni ta’ materjal imsemmi fl-Artikolu 2, il-punt (3)(d), għall-użu privat, għandha tkun punibbli b’piena massima ta’ mill-inqas 8 snin priġunerija.

Għall-finijiet tal-paragrafu 1, l-imġiba msemmija fil-paragrafi 2, 3 u t-trażmissjoni kif imsemmija fil-paragrafu 4 ma għandhomx jitqiesu li jkunu twettqu mingħajr dritt b’mod partikolari meta jitwettqu minn, jew f’isem u taħt ir-responsabbiltà ta’ organizzazzjoni bħal hotline stabbilita fi Stat Membru li taġixxi fl-interess pubbliku kontra l-abbuż sesswali tat-tfal li tkun ġiet awtorizzata mill-awtoritajiet kompetenti ta’ dak l-Istat Membru meta tali azzjonijiet ikunu twettqu f’konformità mal-kundizzjonijiet stabbiliti f’tali awtorizzazzjoni.

Dawn il-kundizzjonijiet għandhom jinkludu r-rekwiżit li l-organizzazzjonijiet li jirċievu tali awtorizzazzjonijiet ikollhom l-għarfien espert u l-indipendenza meħtieġa, li jkun hemm mekkaniżmi xierqa ta’ rapportar u ta’ sorveljanza biex jiġi żgurat li l-organizzazzjonijiet jaġixxu malajr, b’diliġenza, u fl-interess pubbliku, u li l-organizzazzjonijiet jagħmlu użu minn kanali siguri ta’ komunikazzjoni biex iwettqu l-azzjonijiet koperti mill-awtorizzazzjoni.

8.L-Istati Membri għandhom jipprovdu qafas legali għall-organizzazzjonijiet li jaġixxu fl-interess pubbliku kontra l-abbuż sesswali tat-tfal imsemmija fil-paragrafu 7 u jiżguraw li l-awtorizzazzjonijiet li jirċievu organizzazzjonijiet bħal dawn mill-awtoritajiet kompetenti ta’ Stat Membru, jippermettu l-attivitajiet kollha li ġejjin:

a.jirċievu u janalizzaw rapporti ta’ materjal suspettat ta’ abbuż sesswali tat-tfal, sottomessi lilhom minn vittmi, utenti online jew organizzazzjonijiet oħra li jaġixxu fl-interess pubbliku kontra l-abbuż sesswali tat-tfal;

b.jinnotifikaw minnufih lill-awtorità tal-infurzar tal-liġi rilevanti tal-Istat Membru fejn il-materjal ikun ospitat b’kontenut illegali rrapportat;

c.jikkollaboraw ma’ organizzazzjonijiet li jaġixxu fl-interess pubbliku kontra l-abbuż sesswali tat-tfal u jkunu awtorizzati li jirċievu rapporti ta’ materjal suspettat ta’ abbuż sesswali tat-tfal f’konformità mal-punt (a) fl-Istat Membru jew fil-pajjiż terz fejn ikun ospitat il-materjal

d.iwettqu tfittxijiet fuq materjal aċċessibbli għall-pubbliku fuq servizzi ta’ hosting biex jidentifikaw it-tixrid ta’ materjal ta’ abbuż sesswali tat-tfal, billi jużaw ir-rapporti ta’ materjal suspettat ta’ abbuż sesswali tat-tfal imsemmi fl-ittra (a) jew fuq talba ta’ vittma.

(a)li xi ħadd jipproponi, inkluż permezz tat-teknoloġija tal-informazzjoni u tal-komunikazzjoni, biex jiltaqa’ ma’ tfal online jew b’mod fiżiku, għall-fini li jwettaq kwalunkwe reat imsemmi fl-Artikolu 3(4), (5), (6) u (7), l-Artikolu 4 u l-Artikolu 5(6), fejn dik il-proposta tkun ġiet segwita minn atti materjali li jistgħu jwasslu għal tali laqgħa, għandha tkun punibbli b’piena ta’ mill-inqas sena priġunerija;

L-Istati Membri għandhom jieħdu l-miżuri neċessarji sabiex jiżguraw li kull tentattiv, inkluż permezz tat-teknoloġija tal-informazzjoni u l-komunikazzjoni, li jitwettqu r-reati previsti fl-Artikolu 5(2) u (3) minn adult li jissolleċita tfal għall-għoti ta’ materjal ta’ abbuż sesswali tat-tfal ikun punibbli b’terminu massimu ta’ priġunerija ta’ mill-inqas sena (1).

L-imġiba msemmija fl-ewwel subparagrafu għandha tkun punibbli b’terminu massimu ta’ priġunerija ta’ mill-inqas sentejn meta jsir użu minn imġiba ta’ ġegħil, forza jew theddid.

L-Istati Membri għandhom jieħdu l-miżuri neċessarji sabiex jiżguraw li kull tentattiv, inkluż permezz tat-teknoloġija tal-informazzjoni u l-komunikazzjoni, biex persuna twettaq ir-reati previsti fl-Artikolu 4(2) u (5) minn adult li jġiegħel lit-tfal jipparteċipaw fi prestazzjonijiet ta’ abbuż sesswali tat-tfal u sfruttament sesswali huwa punibbli b’piena massima ta’ priġunerija ta’ mill-inqas 3 snin.

L-imġiba msemmija fl-ewwel subparagrafu għandha tkun punibbli b’terminu massimu ta’ priġunerija ta’ mill-inqas 6 snin meta jsir użu minn ġegħil, forza jew theddid.

Solleċitazzjoni biex jitwettaq abbuż jew sfruttament sesswali, inkluż live streaming

L-Istati Membri għandhom jieħdu l-miżuri meħtieġa biex jiżguraw li meta persuna twiegħed intenzjonalment jew tagħti flus lil kwalunkwe persuna, jew forma oħra ta’ remunerazzjoni jew konsiderazzjoni, biex iġġegħelha twettaq kwalunkwe wieħed mir-reati elenkati fl-Artikolu 3(4), (5), (6), (7), u (8), l-Artikolu 4(2) u (3) u l-Artikolu 5(6), inkluż live streaming, tkun punibbli b’piena massima ta’ priġunerija ta’ mill-inqas 5 snin.

L-Istati Membri għandhom jieħdu l-miżuri neċessarji biex jiżguraw li t-tħaddim jew l-amministrazzjoni intenzjonali ta’ servizz tas-soċjetà tal-informazzjoni li jkun maħsub biex jiffaċilita jew jinkoraġġixxi t-twettiq ta’ kwalunkwe wieħed mir-reati msemmija fl-Artikoli 3 sa 7 jkun punibbli b’piena massima ta’ priġunerija ta’ mill-inqas 10 snin.

1.L-Istati Membri għandhom jieħdu l-miżuri meħtieġa biex jiżguraw li l-inċitament, l-għajnuna u l-faċilitazzjoni biex jitwettaq kwalunkwe reat imsemmi fl-Artikoli 3 sa 8b ikunu punibbli.

2.L-Istati Membri għandhom jieħdu l-miżuri meħtieġa biex jiżguraw li t-tentattiv biex jitwettaq kwalunkwe reat imsemmi fl-Artikolu 3(4), (5) , (6), (7) u (8), l-Artikolu 4(2), (3), (5), (6) u (7), l-Artikolu 5(4), (5) u (6) , l-Artikolu 7 u l-Artikolu 8b ikun punibbli.

1.L-Istati Membri għandhom jiżguraw li, fil-kuntest tal-Artikolu 3(2), (4) u (7), tiġi pprovduta eżenzjoni mill-kriminalizzazzjoni għal attivitajiet sesswali kunsenswali bejn il-pari, dment li ma jkun hemm l-ebda abbuż ta’ fiduċja jew dipendenza bejn il-pari.

2.L-Istati Membri għandhom jiżguraw li, fil-kuntest tal-Artikolu 4(4) tiġi pprovduta eżenzjoni mill-kriminalizzazzjoni għal prestazzjoni li ssir fil-kuntest ta’ relazzjonijiet kunsenswali fejn it-tfal ikunu laħqu l-età ta’ kunsens sesswali jew bejn il-pari, sa fejn l-atti ma jinvolvux xi abbuż jew sfruttament u l-ebda flus jew forom oħra ta’ rimunerazzjoni jew konsiderazzjoni ma jingħataw bħala ħlas għall-prestazzjoni.

L-Istati Membri għandhom jiżguraw li, fil-kuntest tal-Artikolu 5(2), (3), (4) u (6), tiġi pprovduta eżenzjoni mill-kriminalizzazzjoni għall-produzzjoni, l-akkwist jew il-pussess ta’, jew l-aċċess għal, materjal li jinvolvi esklużivament:

fejn dak il-materjal ikun magħmul u miżmum bil-kunsens tat-tfal involuti u jkun għall-użu privat biss tal-persuni involuti, dment li ma jkun hemm l-ebda abbuż tal-fiduċja jew dipendenza bejn il-pari.

4.L-Istati Membri għandhom jiżguraw li, fil-kuntest tal-Artikolu 6, tiġi pprovduta eżenzjoni mill-kriminalizzazzjoni għal proposti, konverżazzjonijiet, kuntatti jew skambji bejn il-pari, dment li ma jkun hemm l-ebda abbuż tal-fiduċja jew dipendenza bejn il-pari.

Għall-fini tal-paragrafi 1 sa 4 ta’ dan l-Artikolu, tfal li jaqbżu l-età tal-kunsens sesswali jistgħu jitqiesu li jkunu taw il-kunsens tagħhom għal attività biss meta l-kunsens ikun ingħata volontarjament u biċ-ċar u b’mod infurmat u mhux ambigwu, bħala riżultat tar-rieda ħielsa tat-tfal ivvalutata b’kunsiderazzjoni taċ-ċirkostanzi u l-kuntest, kif definit fl-Artikolu 2, punt 2a. Tfal li jaqbżu l-età tal-kunsens sesswali ma għandhomx jitqiesu li jkunu taw il-kunsens meta t-tfal ma jkunux jistgħu jifformaw rieda ħielsa minħabba l-preżenza taċ-ċirkostanzi msemmija fl-Artikolu 3(5) jew minħabba ċirkostanzi oħra, inkluż il-kundizzjoni fiżika jew mentali tat-tfal, bħal stat ta’ telf mis-sensi, irqad, intossikazzjoni, sorpriża, li wieħed ma jkunx jista’ jiċċaqlaq, mard jew korriment fuq il-persuna.

in-nuqqas ta’ kunsens ma jistax jiġi kkonfutat mis-skiet tat-tfal, min-nuqqas ta’ reżistenza verbali jew fiżika jew minn imġiba sesswali passata jew minn kwalunkwe relazzjoni passata jew preżenti ma’trasgressur.

6.Il-kondiviżjoni kunsenswali ta’ stampi, vidjos jew materjal simili intimi ta’ persuni ma tistax tiġi interpretata bħala kunsens għal kwalunkwe kondiviżjoni jew tixrid ulterjuri ta’ dik l-istess stampa, vidjo jew materjal simili, inkluż f’verżjoni manipulata jew mibdula. Kwalunkwe kondiviżjoni jew disseminazzjoni sussegwenti, kemm jekk mir-riċevitur oriġinali jew minn kwalunkwe parti oħra, għandha tirrikjedi kunsens espliċitu u infurmat mill-individwu rappreżentat.

(a)ir-reat kien imwettaq kontra tfal fi kwalunkwe qagħda partikolarment vulnerabbli, bħalma huma tfal ta’ età żgħira, tfal b’diżabbiltà mentali, intellettwali, tas-sensi jew fiżika, li huma mċaħħda mil-libertà jew li l-libertà tagħhom hija ristretta, f’sitwazzjoni ta’ dipendenza jew fi stat ta’ inkapaċità fiżika jew mentali;

1.Sabiex jiġi evitat ir-riskju ta’ repetizzjoni tar-reati, l-Istati Membri għandhom jieħdu l-miżuri meħtieġa biex jiżguraw li persuna fiżika li ġiet ikkundannata bi kwalunkwe wieħed mir-reati msemmija fl-Artikoli 3 sa 9, tkun tista’ tiġi temporanjament jew permanentement impedita milli twettaq mill-inqas attivitajiet professjonali u volontarji organizzati li jinvolvu jew jiffaċilitaw kuntatt dirett u regolari mat-tfal.

2.L-Istati Membri għandhom jieħdu l-miżuri neċessarji biex jiżguraw li min iħaddem, meta jkun qed jirrekluta għal attivitajiet professjonali jew volontarji organizzati li jinvolvu kuntatti diretti u regolari mat-tfal, u organizzazzjonijiet li jaġixxu fl-interess pubbliku kontra l-abbuż sesswali tat-tfal, meta jkunu qed jirreklutaw jew jagħtu kuntratt lil persunal, konsulenti u voluntiera, ikunu meħtieġa jitolbu informazzjoni, f’konformità mal-liġi nazzjonali, permezz ta’ kwalunkwe mod xieraq, bħal pereżempju l-aċċess meta ssir talba għalih jew permezz tal-persuna kkonċernata, dwar l-eżistenza ta’ kundanni kriminali għal xi reat li hemm riferiment għalih fl-Artikoli 3 sa 9 mdaħħla fil-fedina penali, jew l-eżistenza ta’ kwalunkwe skwalifika għall-eżerċizzju tal-attivitajiet li jinvolvu kuntatti diretti u regolari mat-tfal ikkawżati minn dawk il-kundanni kriminali.

3.Għall-applikazzjoni tal-paragrafi 1 u 2 ta’ dan l-Artikolu, meta jintalbu mill-awtoritajiet kompetenti, l-Istati Membri għandhom jieħdu l-miżuri neċessarji sabiex jiżguraw it-trażmissjoni ta’ informazzjoni, mill-awtoritajiet lill-parti rikjedenti, li tikkonċerna l-eżistenza ta’ kundanni kriminali għal xi wieħed mir-reati msemmija fl-Artikoli 3 sa 9 , jew ta’ xi skwalifika għall-eżerċizzju ta’ attivitajiet li jinvolvu kuntatti diretti u regolari mat-tfal derivanti minn dawk il-kundanni kriminali , u li l-informazzjoni trażmessa tkun kompluta kemm jista’ jkun, li tkun tinkludi mill-inqas informazzjoni dwar kundanni kriminali jew skwalifiki derivanti minn kundanni kriminali miżmuma minn kwalunkwe Stat Membru. Għal dak il-għan, tali informazzjoni għandha tiġi trażmessa permezz tal-ECRIS jew il-mekkaniżmu għall-iskambju ta’ informazzjoni ta’ rekords kriminali stabbilit ma’ pajjiżi terzi.

Pieni għal persuni ġuridiċi

1.L-Istati Membri għandhom jieħdu l-miżuri meħtieġa biex jiżguraw li persuna ġuridika li tinżamm responsabbli skont l-Artikolu 13 tkun punibbli permezz ta’ pieni effettivi, proporzjonati u dissważivi, li għandhom jinkludu multi kriminali jew mhux kriminali u jistgħu jinkludu penali oħra, bħal:

2.L-Istati Membri għandhom jieħdu l-miżuri neċessarji sabiex jiżguraw li, għall-persuni ġuridiċi miżmuma responsabbli skont l-Artikolu 13, ir-reati punibbli b’piena massima ta’ priġunerija ta’ mill-inqas sentejn (2) għall-persuni fiżiċi jkunu punibbli b’multi li l-livell massimu tagħhom jenħtieġ li ma jkunx inqas minn 1 % tal-fatturat globali totali tal-persuna ġuridika jew fis-sena tan-negozju ta’ qabel dik li fiha jkun twettaq ir-reat jew fis-sena tan-negozju ta’ qabel id-deċiżjoni li tiġi imposta l-multa, jew ammont li jikkorrispondi għal EUR 8 000 000, skont liem ikun l-ogħla.

3.L-Istati Membri għandhom jieħdu l-miżuri neċessarji sabiex jiżguraw li, għall-persuni ġuridiċi miżmuma responsabbli skont l-Artikolu 13, ir-reati punibbli b’piena massima ta’ priġunerija ta’ mill-inqas 3 snin għall-persuni fiżiċi jkunu punibbli b’multi, li l-limitu massimu tagħhom jenħtieġ li ma jkunx inqas minn 5 % tal-fatturat globali totali tal-persuna ġuridika jew fis-sena tan-negozju ta’ qabel dik li fiha twettaq ir-reat jew fis-sena tan-negozju ta’ qabel id-deċiżjoni li tiġi imposta l-multa, jew ammont li jikkorrispondi għal EUR 40 000 000, skont liem ikun l-ogħla.

Investigazzjoni u prosekuzzjoni

imħassar

imħassar

imħassar

imħassar

imħassar

3.L-Istati Membri għandhom jieħdu l-miżuri meħtieġa biex jiżguraw li l-għodod investigattivi, bħal dawk li jintużaw f’każijiet ta’ kriminalità organizzata jew ta’ kriminalità serja oħra, ikunu disponibbli għall-persuni, l-unitajiet jew is-servizzi responsabbli għall-investigazzjoni jew il-prosekuzzjoni ta’ reati msemmijin fl-Artikoli 3 sa 9. Fejn xieraq, dawn l-għodod għandhom jinkludu għodod investigattivi speċjali, bħal dawk li jintużaw fil-ġlieda kontra l-kriminalità organizzata jew każijiet oħra ta’ kriminalità serja, bħall-possibbiltà li jitwettqu investigazzjonijiet taħt kopertura, l-użu tal-hekk imsejħa “honeypots”, l-interċezzjoni ta’ komunikazzjonijiet, sorveljanza sigrieta inkluża sorveljanza elettronika u l-monitoraġġ ta’ kontijiet tal-bank jew investigazzjonijiet finanzjarji oħra f’konformità mal-liġi nazzjonali.

4.L-Istati Membri għandhom jiżguraw li l-persuni, l-unitajiet jew is-servizzi li jinvestigaw u jipprosegwixxu kontra r-reati msemmija fl-Artikoli 3 sa 9 jkollhom biżżejjed persunal u għarfien espert biex jinvestigaw u jipprosegwixxu b’mod effettiv kontra tali reati, inkluż dawk imwettqa permezz tal-użu tat-teknoloġija tal-informazzjoni u tal-komunikazzjoni, f’konformità mar-regoli applikabbli tal-liġi tal-Unjoni u dik nazzjonali.

2.L-Istati Membri għandhom jieħdu l-miżuri meħtieġa biex jinkoraġġixxu lil kwalunkwe persuna li tkun taf jew tissuspetta, b’rieda tajba, li kwalunkwe reat imsemmi fl-Artikoli 3 sa 9 ġie kommess, biex tirrapporta dan lis-servizzi kompetenti, mingħajr preġudizzju għall-Artikolu 18 tar-Regolament (UE) 2022/2065 tal-Parlament Ewropew u tal-Kunsill24 u l-Artikolu 12 tar-Regolament (UE) …/…25 [li jistabbilixxi regoli biex jipprevjeni u jiġġieled l-abbuż sesswali tat-tfal].

__________________

24 Ir-Regolament (UE) 2022/2065 tal-Parlament Ewropew u tal-Kunsill tad-19 ta’ Ottubru 2022 dwar Suq Uniku għas-Servizzi Diġitali u li jemenda d-Direttiva 2000/31/KE (l-Att dwar is-Servizzi Diġitali) (ĠU L 277, 27.10.2022, p. 1, ELI: http://data.europa.eu/eli/reg/2022/2065/oj).

25 Ir-Regolament (UE)

3.L-Istati Membri għandhom jiżguraw li tal-inqas il-professjonisti u l-voluntiera kollha li jaħdmu f’kuntatt mill-qrib mat-tfal, inkluż fis-setturi tal-protezzjoni tat-tfal, l-edukazzjoni, l-isport, il-kura tat-tfal u l-kura tas-saħħa, kif ukoll il-professjonisti legali, l-għalliema u l-edukaturi, l-imħallfin tal-qrati tal-familja u l-uffiċjali tal-pulizija tal-ewwel linja jiġu infurmati u mħarrġa biex jirrikonoxxu l-abbuż sesswali tat-tfal.

4.L-Istati Membri għandhom jeżentaw lill-professjonisti attivi fil-kuntest ta’ programmi ddedikati għal persuni li jkunu nstabu ħatja ta’ reat kriminali punibbli skont din id-Direttiva jew persuni li jibżgħu li jistgħu jwettqu kwalunkwe wieħed mir-reati punibbli skont din id-Direttiva mill-obbligu ta’ rapportar previst fil-paragrafu 3.

1.Minbarra d-drittijiet tal-vittmi meta jagħmlu lment skont l-Artikolu 5 tad-Direttiva 2012/29/UE, u l-Artikolu 5a skont id-Direttiva (UE).../... [proposta ta’ Direttiva li temenda d-Direttiva 2012/29/UE li tistabbilixxi standards minimi fir-rigward tad-drittijiet, l-appoġġ u l-protezzjoni tal-vittmi ta’ reati], l-Istati Membri għandhom jiżguraw li l-vittmi jkunu jistgħu jirrapportaw ir-reati msemmija fl-Artikoli 3 sa 9 ta’ din id-Direttiva lill-awtoritajiet kompetenti mingħajr ħlas, b’mod sikur, faċli, kunfidenzjali u aċċessibbli. Dan għandu jinkludi l-possibbiltà li dawk ir-reati kriminali jiġu rrapportati, u li meta jkun fattibbli tiġi ppreżentata evidenza, permezz ta’ teknoloġiji tal-informazzjoni u tal-komunikazzjoni faċilment aċċessibbli u faċli għall-utent.

2.L-Istati Membri għandhom jiżguraw li l-proċeduri ta’ rapportar imsemmija fil-paragrafu 1 ikunu sikuri, kunfidenzjali u mfassla b’mod u b’lingwa adattata għat-tfal, f’konformità mal-età u l-maturità tagħhom. L-Istati Membri għandhom jiżguraw li r-rapportar ma jkunx kundizzjonali fuq il-kunsens tal-ġenituri u li tiġi pprovduta informazzjoni xierqa dwar il-proċeduri ta’ rapportar u s-servizzi ta’ appoġġ.

3.L-Istati Membri għandhom jiżguraw li l-awtoritajiet kompetenti li jiġu f’kuntatt mal-vittmi li jirrapportaw reati ta’ abbuż sesswali tat-tfal jew reati ta’ sfruttament sesswali jkunu pprojbiti milli jittrasferixxu data personali relatata mal-istatus ta’ residenza tal-vittma lill-awtoritajiet kompetenti tal-migrazzjoni, kif ukoll milli jużawhom biex iwettqu proċeduri ta’ ritorn.

6.Fejn reat kriminali msemmi fl-Artikoli 3 sa 9 jaqa’ fil-ġuriżdizzjoni ta’ aktar minn Stat Membru wieħed, dawn l-Istati Membri għandhom jikkooperaw biex jiddeterminaw liema Stat Membru għandu jmexxi l-proċedimenti kriminali. Meta jkun xieraq u f’konformità mal-Artikolu 12 tad-Deċiżjoni Qafas 2009/948/ĠAI, il-kwistjoni għandha tiġi riferuta lill-Eurojust u l-awtoritajiet nazzjonali kompetenti kollha għandhom jiġu infurmati kif xieraq sabiex tiġi ffaċilitata l-kooperazzjoni transfruntiera.

1.L-Istati Membri għandhom jiżguraw li tfal vittmi ta’ reati msemmijin fl-Artikoli 3 sa 9 jingħataw assistenza, appoġġ u protezzjoni f’konformità mal-Artikoli 21 u 22, b’kont meħud tal-aħjar interessi tat-tfal, irrispettivament ikunux ressqu lment formali jew le.

1.L-Istati Membri għandhom jieħdu l-miżuri meħtieġa biex jiżguraw li l-vittmi jingħataw assistenza u appoġġ speċjalizzat u adatt , qabel, matul u għal perjodu ta’ żmien adatt wara l-konklużjoni ta’ proċedimenti kriminali sabiex ikunu jistgħu jeżerċitaw id-drittijiet tagħhom kif stipulati fid-Direttiva 2012/29/UE , fid-Direttiva (UE) …/… [proposta ta’ Direttiva li temenda d-Direttiva 2012/29/UE li tistabbilixxi standards minimi dwar id-drittijiet, l-appoġġ u l-protezzjoni tal-vittmi tar-reati] u f’din id-Direttiva. L-Istati Membri għandhom b’mod partikolari jipprovdu lill-vittmi tar-reati msemmija fl-Artikoli 3 sa 9 ċentri ta’ riferiment faċilment aċċessibbli, li jistgħu jiffurmaw parti mis-sistema tal-kura tas-saħħa nazzjonali, biex jiġi żgurat appoġġ effettiv lit-tfal vittmi ta’ abbuż jew sfruttament sesswali u biex tiġi żgurata l-ġestjoni klinika tal-vjolenza sesswali, inkluża l-assistenza għaż-żamma sikura u d-dokumentazzjoni tal-evidenza, f’konformità mal-Artikolu 9a tad-Direttiva (UE) …/… [proposta ta’ Direttiva li temenda d-Direttiva 2012/29/UE li tistabbilixxi standards minimi dwar id-drittijiet, l-appoġġ u l-protezzjoni tal-vittmi tar-reati]. Dawn iċ-ċentri għandhom jipprovdu appoġġ sensittiv għat-trawma u, meta meħtieġ, riferiment għal appoġġ speċjalizzat għat-trawma u konsulenza għat-tfal vittmi. L-Istati Membri għandhom jiżguraw li t-tfal vittmi ta’ abbuż jew sfruttament sesswali jkollhom aċċess għal eżamijiet mediċi u forensiċi li jistgħu jiġu pprovduti f’dawn iċ-ċentri jew permezz ta’ riferiment għal ċentri jew unitajiet speċjalizzati. L-Istati Membri għandhom jiżguraw koordinazzjoni bejn iċ-ċentri ta’ riferiment u ċ-ċentri mediċi u forensiċi kompetenti. Is-servizzi kollha msemmija f’dan l-Artikolu għandhom jiġu pprovduti b’mod adattat għat-tfal. L-Istati Membri jistgħu jipprevedu li dawn iċ-ċentri jkunu marbuta maċ-ċentri stabbiliti skont l-Artikolu 28 tad-Direttiva (UE) 2024/1385 dwar il-ġlieda kontra l-vjolenza kontra n-nisa u l-vjolenza domestika. L-Istati Membri għandhom jieħdu l-passi neċessarji biex jiżguraw il-protezzjoni tat-tfal li jirrappurtaw każijiet ta’ abbuż fil-familja tagħhom, f’konformità mal-aħjar interessi tat-tfal.

2.L-Istati Membri għandhom jiżguraw li l-vittmi u l-familji tagħhom jingħataw kura medika aċċessibbli, adattata għat-tfal, komprensiva, speċjalizzata, koordinata, adatta għall-ħtiġijiet u għall-età, inkluż aċċess għal servizzi tal-kura tas-saħħa sesswali u riproduttiva, appoġġ emozzjonali, psikosoċjali, psikoloġiku, legali, edukattiv u amministrattiv, kif ukoll kwalunkwe appoġġ xieraq ieħor imfassal b’mod partikolari għal sitwazzjonijiet ta’ abbuż sesswali, b’attenzjoni speċjali għall-irkupru fit-tul tal-vittmi. Tali appoġġ għandu jkun disponibbli f’post wieħed, abbażi tal-mudell “Barnahus”.

3.Fejn meħtieġ, l-Istati Membri għandhom jiżguraw li t-tfal jiġu pprovduti akkomodazzjoni interim. It-tfal għandhom, bħala prijorità, jitqiegħdu ma’ membri oħra tal-familja, b’kont meħud tal-aħjar interessi tagħhom, jekk meħtieġ f’akkomodazzjoni temporanja jew permanenti, mgħammra b’servizzi ta’ appoġġ.

4.L-Istati Membri għandhom jiżguraw li l-vittmi ta’ reati punibbli skont din id-Direttiva għandu jkollhom aċċess għaċ-ċentri ta’ riferiment stabbiliti fl-ambitu tal-Artikolu 26 tad-Direttiva […/…/UE Id-Direttiva proposta dwar il-vjolenza kontra n-nisa]26.

__________________

26 COM(2022) 105, 08.03.2022.

7.Tfal vittmi ta’ kwalunkwe reat imsemmi fl-Artikoli 3 sa 9 għandhom jitqiesu bħala partikolarment vulnerabbli skont it-tifsira tal-Artikolu 22(2) tad-Direttiva 2012/29/UE u d-Direttiva (UE) …/… [proposta ta’ Direttiva li temenda d-Direttiva 2012/29/UE li tistabbilixxi standards minimi dwar id-drittijiet, l-appoġġ u l-protezzjoni tal-vittmi tar-reati] .

9.L-isforzi tal-Istati Membri dwar l-assistenza lill-vittmi għandhom jiġu appoġġati b’mod proattiv miċ-Ċentru tal-UE, ladarba jiġi stabbilit minn:

Protezzjoni ta’ tfal f’investigazzjonijiet u proċedimenti kriminali

1.L-Istati Membri għandhom jieħdu l-miżuri meħtieġa biex jiżguraw li fl-investigazzjonijiet u l-proċedimenti kriminali, f’konformità mar-rwol tal-vittmi fis-sistema relevanti tal-ġustizzja, l-awtoritajiet kompetenti jaħtru rappreżentant speċjali għat-tfal vittmi fejn, taħt il-liġi nazzjonali, id-detenturi tar-responsabbiltà tal-ġenituri jkunu preklużi milli jirrappreżentaw lit-tfal bħala riżultat ta’ konflitt ta’ interess bejnhom u t-tfal vittmi, jew fejn it-tfal ma jkunux akkumpanjati jew ikunu separati mill-familja. L-awtoritajiet kollha involuti fil-proċedimenti għandhom jitħarrġu f’ġustizzja adattata għat-tfal.

(a)l-intervisti mat-tfal vittmi jew, fejn applikabbli, ma’ xhieda tfal, isiru mingħajr dewmien mhux ġustifikat wara li l-fatti jkunu ġew irrapportati lill-awtoritajiet kompetenti;

(b)l-intervisti mat-tfal vittmi jew, fejn applikabbli, ma’ xhieda tfal, isiru f’post imfassal jew adattat għal dan il-fini;

(c)l-intervisti mat-tfal vittmi jew, fejn applikabbli, ma’ xhieda tfal, jitwettqu minn jew permezz ta’ professjonisti mħarrġa għal dak il-fini;

(d)l-istess persuni, jekk possibbli u fejn adatt, imexxu l-intervisti kollha mat-tfal vittmi jew, fejn applikabbli, ma’ xhieda tfal;

(f)it-tfal vittmi jew, fejn applikabbli, ix-xhieda tfal, jistgħu jkunu akkumpanjati mir-rappreżentant legali tagħhom jew, fejn adatt, minn adult tal-għażla tagħhom, sakemm ma tkunx ittieħdet deċiżjoni motivata kontra dik il-persuna.

4.L-Istati Membri għandhom jieħdu l-miżuri kollha meħtieġa biex jiżguraw li, f’investigazzjonijiet kriminali ta’ kwalunkwe mir-reati msemmijin fl-Artikoli 3 sa 9, l-intervisti kollha mat-tfal vittmi jew, fejn applikabbli, ma’ xhieda tfal, ikunu jistgħu jiġu rreġistrati b’mod awdjoviżiv u li dawn ir-reġistrazzjonijiet awdjoviżivi tal-intervisti jkunu jistgħu jintużaw bħala evidenza fi proċedimenti tal-qorti kriminali, f’konformità mar-regoli taħt il-liġi nazzjonali tagħhom.

(b)it-tfal vittmi jew, fejn applikabbli, xhieda tfal, ikunu jistgħu jagħtu xhieda mingħajr ma jkunu preżenti fl-awla tal-qorti, partikolarment bl-użu ta’ teknoloġija ta’ komunikazzjoni adatta.

6.L-Istati Membri għandhom jieħdu l-miżuri meħtieġa, fejn ikun fl-interess ta’ tfal vittmi jew, fejn applikabbli, xhieda tfal u b’kont meħud ta’ interessi superjuri oħra, biex jipproteġu l-privatezza, l-identità u l-immaġni tat-tfal vittmi u ta’ xhieda tfal u jimpedixxu t-tixrid pubbliku ta’ kwalunkwe informazzjoni li tista’ twassal għall-identifikazzjoni tagħhom.

7.L-Istati Membri għandhom jieħdu l-miżuri meħtieġa biex jiżguraw li, meta l-parteċipazzjoni tat-tfal tkun meħtieġa fi proċedimenti tal-qorti kriminali relatati ma’ kwalunkwe wieħed mir-reati msemmija fl-Artikoli 3 sa 9, il-qorti tqis il-vulnerabbiltajiet tat-tfal fil-proċedimenti tal-qorti rilevanti, inklużi dawk relatati mal-età, il-maturità u l-benesseri mentali u fiżiku tat-tfal. L-Istati Membri għandhom jiżguraw li dan japplika għat-tfal kollha, inklużi dawk suspettati, akkużati jew ħatja ta’reat.

2.Minbarra d-drittijiet tagħhom skont l-Artikolu 16a tad-Direttiva (UE) …/… [proposta ta’ Direttiva li temenda d-Direttiva 2012/29/UE li tistabbilixxi standards minimi fir-rigward tad-drittjiet, l-appoġġ u l-protezzjoni tal-vittmi tar-reati], il-vittmi għandhom jitħallew jitolbu kumpens fil-kuntest ta’ proċedimenti kriminali u ċivili għal kwalunkwe dannu kkawżat lilhom minn kwalunkwe wieħed mir-reati punibbli skont din id-Direttiva. L-Istati Membri għandhom jiżguraw li l-ebda perjodu ta’ limitazzjoni ma japplika għad-dritt tal-vittma għal kumpens.

imħassar

imħassar

imħassar

imħassar

L-Istati Membri għandhom jistabbilixxu jew jaħtru awtoritajiet nazzjonali jew entitajiet ekwivalenti biex iwettqu l-attivitajiet li ġejjin:

B’mod partikolari, l-awtoritajiet nazzjonali għandhom ikunu responsabbli għall-obbligi tal-ġbir tad-data, tar-riċerka u tar-rappurtar imsemmija fl-Artikolu 31.

L-Istati Membri għandhom jistabbilixxu mekkaniżmi xierqa biex jiżguraw koordinazzjoni u kooperazzjoni effettivi biex jiżviluppaw u jimplimentaw miżuri sabiex jiġġieldu l-abbuż u l-isfruttament sesswali tat-tfal, kemm online kif ukoll offline, fil-livell nazzjonali, tal-awtoritajiet, l-aġenziji u l-korpi rilevanti, inklużi l-awtoritajiet lokali u reġjonali, l-aġenziji tal-infurzar tal-liġi, il-ġudikatura, il-prosekuturi pubbliċi, il-fornituri ta’ servizzi ta’ appoġġ kif ukoll il-fornituri ta’ servizzi tas-soċjetà tal-informazzjoni, l-organizzazzjonijiet mhux governattivi, inklużi dawk li joperaw hotlines u helplines, is-servizzi soċjali, inklużi l-awtoritajiet tal-protezzjoni jew tal-benesseri tat-tfal, il-fornituri tal-edukazzjoni u tal-kura tas-saħħa, is-sħab soċjali, mingħajr preġudizzju għall-awtonomija tagħhom, u organizzazzjonijiet u entitajiet rilevanti oħra. Dawn il-mekkaniżmi għandhom jiżguraw ukoll koordinazzjoni u kooperazzjoni effettivi fost l-Istati Membri, maċ-Ċentru tal-UE u mal-Kummissjoni u ma’ aġenziji u korpi oħra tal-Unjoni.

imħassar

1.L-Istati Membri għandhom jieħdu l-miżuri meħtieġa biex jiżguraw li l-persuni li jibżgħu li jistgħu jwettqu kwalunkwe wieħed mir-reati msemmija fl-Artikoli 3 sa 9 jkollhom aċċess faċli u anonimu għal programmi jew miżuri apposta u effettivi ta’ intervent, imfassla għall-istima u l-prevenzjoni tar-riskju li jitwettqu dawn ir-reati kif ukoll għal kanali aċċessibbli, faċli jintużaw, sikuri u faċilment disponibbli bħal helplines u chats online operati minn persunal imħarreġ kif xieraq.

2.L-Istati Membri għandhom jiżguraw li l-programmi jew il-miżuri msemmija fil-paragrafu 1 ikunu aċċessibbli mingħajr restrizzjonijiet bla bżonn f’konformità mal-istandards nazzjonali dwar il-kura tas-saħħa, u li l-programmi jirċievu r-riżorsi kif suppost u b’mod kontinwu.

1.Biex jiskoraġġixxu u jnaqqsu d-domanda li trawwem kull tip ta’ sfruttament sesswali tat-tfal, l-Istati Membri għandhom jieħdu l-miżuri xierqa, bħall-edukazzjoni u t-taħriġ, kampanji ta’ informazzjoni u ta’ sensibilizzazzjoni dwar il-konsegwenzi tul il-ħajja tal-abbuż u l-isfruttament sesswali tat-tfal, in-natura illegali tiegħu, u l-possibbiltà għal persuni li jibżgħu li jistgħu jwettqu reati relatati li jkollhom aċċess għal programmi jew miżuri apposta u effettivi ta’ intervent. L-Istati Membri għandhom jiżviluppaw strateġija ta’ komunikazzjoni, pjanijiet ta’ azzjoni nazzjonali u jippromwovu d-djalogu u l-kooperazzjoni mal-organizzazzjonijiet tas-soċjetà ċivili, mal-hotlines, mal-helplines, mal-awtoritajiet pubbliċi u mas-servizzi tas-soċjetà tal-informazzjoni rilevanti.

2.L-Istati Membri għandhom jieħdu azzjoni xierqa, inkluż permezz tal-Internet, bħalma huma kampanji ta’ informazzjoni u sensibilizzazzjoni, programmi jew materjal ta’ riċerka, edukazzjoni u taħriġ, inkluż dwar il-litteriżmu diġitali, dwar l-edukazzjoni sesswali adattata għall-età li tiffoka fuq il-kunċett tal-kunsens, dwar prattiki sikuri online u offline, kif ukoll dwar l-użu xieraq tal-internet u ta’ teknoloġiji ġodda, fejn xieraq f’kooperazzjoni mal-organizzazzjonijiet rilevanti tas-soċjetà ċivili u partijiet interessati oħrajn, immirati biex iqajmu kuxjenza u jnaqqsu r-riskju li tfal isiru vittmi ta’ abbuż sesswali jew tal-isfruttament sesswali.

3.L-Istati Membri għandhom jiżguraw li taħriġ regolari u speċjalizzat, inkluż fil-ġustizzja mfassla apposta għat-tfal jiġi promoss jew offrut lil professjonisti, imħallfin u uffiċjali li x’aktarx jiġu f’kuntatt mat-tfal vittmi ta’ abbuż sesswali jew tal-isfruttament sesswali, inkluż, iżda mhux limitat għal, professjonisti għall-protezzjoni tat-tfal, professjonisti legali, għalliema, persunal tal-kura tat-tfal, professjonisti tal-kura tas-saħħa, edukaturi, voluntiera u coaches, imħallfin tal-qorti tal-familja u pulizija tal-ewwel linja, bil-għan li jkunu jistgħu jidentifikaw sinjali bikrija ta’ abbuż jew abbuż jew sfruttament sesswali potenzjali, jidentifikaw u jittrattaw tfal vittmi u tfal vittmi potenzjali ta’ abbuż sesswali jew tal-isfruttament sesswali.

L-Istati Membri għandhom jieħdu miżuri xierqa biex jiżguraw il-prevenzjoni tal-abbuż sesswali tat-tfal f’ambjenti komunitarji, inklużi skejjel, sptarijiet, servizzi tal-kura soċjali, foster care, kura matul il-jum, klabbs sportivi jew komunitajiet reliġjużi billi jgħammru lit-tfal u lill-adulti, inklużi l-ġenituri u l-edukaturi, b’ħiliet xierqa biex tiġi identifikata mġiba malizzjuża potenzjali.

(a)taħriġ u attivitajiet ta’ sensibilizzazzjoni għall-persunal, il-konsulenti u l-voluntiera li jaħdmu f’kuntatt mill-qrib mat-tfal, inkluż dwar kif għandhom jipprevjenu, jidentifikaw u jipprovdu rispons adattat għall-età, sensittiv għall-ġeneru u li jqis it-trawma għall-abbuż u l-isfruttament sesswali tat-tfal;

(b)politiki obbligatorji dwar is-salvagwardar tat-tfal, linji gwida apposta, protokolli interni u standards li jidentifikaw prattiki tajbin, bħall-istabbiliment ta’ mekkaniżmi ta’ superviżjoni u responsabbiltà għall-persunal li jaħdem f’kuntatt mill-qrib mat-tfal f’tali ambjenti;

(c)il-ħolqien ta’ spazji sikuri u aċċessibbli, immexxija minn persunal apposta u mħarreġ kif xieraq, fejn it-tfal, il-ġenituri, il-persuni li jindukraw u l-membri tal-komunità jistgħu jirrapportaw imġiba mhux xierqa.

Il-miżuri ta’ prevenzjoni għandhom jiddedikaw attenzjoni partikolari għall-ħtieġa li jiġu protetti t-tfal li huma partikolarment vulnerabbli, inklużi tfal b’diżabilitajiet mentali, intellettwali, tas-sensi jew fiżiċi.

5.Għall-fini ta’ din id-Direttiva, l-Istati Membri għandhom jiġu appoġġati b’mod proattiv miċ-Ċentru tal-UE, ladarba jiġi stabbilit minn:

(c)jiffaċilita l-ġenerazzjoni u l-iskambju tal-għarfien, il-linji gwida għall-professjonisti tal-ewwel linja, l-aħjar prattiki u l-għarfien espert fost l-Istati Membri, l-istituzzjonijiet, il-korpi, l-uffiċċji u l-aġenziji u l-pajjiżi terzi billi jżomm bażi tad-data pubblika ta’ miżuri u programmi ta’ prevenzjoni implimentati f’kull Stat Membri kif ukoll f’pajjiżi terzi.

(b)jaqblu li jipparteċipaw fil-programmi jew il-miżuri bl-għarfien sħiħ tal-fatti;

2.L-Istati Membri jistgħu jieħdu miżuri biex jimblukkaw minnufih l-aċċess għal paġni web li jkun fihom jew ixerrdu materjal ta’ abbuż sesswali tat-tfal lejn utenti tal-Internet fit-territorju tagħhom. Dawn il-miżuri għandhom jiġu stabbiliti permezz ta’ proċeduri trasparenti u għandhom jagħtu salvagwardji adegwati, b’mod partikolari biex jiżguraw li r-restrizzjoni tkun limitata għal dak li hu neċessarju u proporzjonat, u li l-utenti jkunu infurmati bir-raġuni għal tali restrizzjoni. Dawn is-salvagwardji għandhom jinkludu wkoll il-possibbiltà ta’ rimedju ġudizzjarju.

1.L-Istati Membri għandu jkollhom sistema fis-seħħ għar-reġistrazzjoni, il-produzzjoni u l-għoti ta’ data statistika anonimizzata dwar l-istadji ta’ rapportar, investigattivi u ġudizzjarji fir-rigward tar-reati kriminali msemmija fl-Artikoli 3 sa 9 sabiex tiġi mmonitorjata l-effettività tal-miżuri tagħhom biex jiġu miġġielda l-abbuż sesswali u l-isfruttament sesswali tat-tfal.

2.L-istatistika għandha tinkludi d-data li ġejja diżaggregata skont is-sess, il-ġeneru, l-età tal-vittma u tat-trasgressur, ir-relazzjoni bejn il-vittma u t-trasgressur u t-tip ta’ reat:

(b)l-għadd annwali ta’ reati rrapportati, ta’ persuni prosegwiti u kkundannati għar-reati msemmija fl-Artikoli 3 sa 9, miksuba minn sorsi amministrattivi nazzjonali;