1.á chur in iúl go seasann sí i ndlúthpháirtíocht iomlán leis na híospartaigh uile, lena dteaghlaigh agus leis na daoine uile a buaileadh ag na tuilte millteacha san Ostair, sa Pholainn, sa tSeicia, sa tSlóvaic, sa Mholdóiv agus sa Bhoisnia agus sa Heirseagaivéin, agus leis na húdaráis náisiúnta, réigiúnacha agus áitiúla atá páirteach sna hiarrachtaí fóirithinte;

2.á chur in iúl gur geal léi an cinneadh mar fhoirm inbhraite agus infheicthe de dhlúthpháirtíocht an Aontais lena shaoránaigh agus leis na réigiúin sna limistéir a buaileadh, lena n-áirítear iad siúd i dtíortha comhpháirtíochta;

3.á athdhearbhú a thábhachtaí atá sé na sochair nithiúla a eascraíonn as Ciste Dlúthpháirtíochta an Aontais Eorpaigh (CDAE) a chur in iúl don phobal, agus feasacht na saoránach ar uirlisí agus cláir an Aontais a mhéadú tuilleadh sna Ballstáit agus i dtíortha atá i mbun caibidlíocht aontachais leis an Aontas;

4.á thabhairt chun suntais go bhfuil méadú ag teacht ar líon na dtubaistí nádúrtha tromchúiseacha, millteacha agus marfacha san Eoraip agus á iarraidh ar na Ballstáit agus ar an gCoimisiún infheistíocht a dhéanamh i mbearta maidir le maolú ar an athrú aeráide agus oiriúnú don athrú sin chun caillteanais dhaonna agus eacnamaíocha a sheachaint; á chur i bhfios go láidir go raibh éifeacht ag stoirmeacha agus tuilte in 2024 ar thart ar 413 000 duine, rud a d’fhág go bhfuair 335 duine ar a laghad bás agus go meastar gur chosain an damáiste ó stoirmeacha agus ó thuilte ar fud na hEorpa le linn na bliana EUR 18 mbilliún ar a laghad Seirbhís Copernicus um an Athrú Aeráide (C3S) agus an Eagraíocht Dhomhanda Meitéareolaíochta (WMO), 2025: Staid Aeráide na hEorpa 2024, climate.copernicus.eu/ESOTC/2024, doi.org/10.24381/14j9-s541.; á mheas gur cheart buiséad CDAE nó a choibhéis a leathnú go suntasach i bhfianaise an togra ón gCoimisiún atá ar na bacáin maidir leis an gCreat Airgeadais Ilbhliantúil nua agus na caibidlíochta idirinstitiúidí ina dhiaidh sin agus nach mór do CDAE nó dá choibhéis cúnamh a thabhairt do shaoránaigh atá i gcomhréir le méid na dtubaistí sin; ag tabhairt dá haire, dá méadófaí CDAE go suntasach, go gcuirfí ar chumas na mBallstát freagairt ar thubaistí ar bhealach níos éifeachtaí agus níos tapa agus ionstraimí eile á gcaomhnú ag an am céanna, go háirithe cistí comhtháthaithe nach é an príomhchuspóir atá leo freagairt ar thubaistí; ag tathant ar an gCoimisiún freisin féachaint ar na bealaí uile is féidir chun dlús a chur le slógadh CDAE, go háirithe trí na rialacha reatha a leasú agus réamhíocaíochtaí níos airde a dheonú do thíortha iarrthacha;

5.á iarraidh ar an gCoimisiún ionstraimí tiomnaithe freagartha géarchéime a fhorbairt don tréimhse tar éis 2027, á aithint go bhfuil gá le sásraí airgeadais níos solúbtha agus níos saincheaptha ar leibhéal an Aontais mar gheall ar mhinicíocht agus déine mhéadaitheach tubaistí nádúrtha, éigeandálaí sláinte, éagobhsaíochta geopholaitiúla agus suaití eacnamaíocha; á chur i bhfios go láidir gur gá comhordú feabhsaithe le córais náisiúnta cosanta sibhialta agus le sásraí luathrabhaidh, lena n-áiritheofar freagairt do thubaistí atá níos comhtháite agus sonraíbhunaithe ar fud an Aontais; ag cur béim ar a thábhachtaí atá tacaíocht thiomnaithe don chomhar trasteorann agus réigiúnach maidir le hiarrachtaí ullmhachta, maolaithe agus téarnaimh, go háirithe i limistéir leochaileacha nó ardriosca;

6.á chur i bhfáth nach bhfuil in CDAE ach ionstraim leigheasach agus gur cheart don Aontas leanúint d’aghaidh a thabhairt ar oiriúnú don athrú aeráide agus ar mhaolú ar an athrú sin trí thacú le beartais Eorpacha agus náisiúnta chun tubaistí nádúrtha a chosc; á chur i bhfios go láidir gur tugadh rabhadh i dTuarascáil Uimh. 1/2024 ón nGníomhaireacht Eorpach Comhshaoil dar teideal ‘European Climate Risk Assessment’ [Measúnú Eorpach ar Rioscaí Aeráide] nach bhfuil an tAontas ullamh d’éifeachtaí an athraithe aeráide fiú má éiríonn leis an domhan an t-ardú teochta domhanda a choinneáil go 1.5 céim Celsius, mar a leagtar amach i gComhaontú Pháras, agus á chur i bhfáth go bhfuil gá le gníomhaíocht chun a áirithiú nach sroichfidh na rioscaí aeráide sainaitheanta leibhéil chriticiúla; á mheabhrú go bhfuil gá le sineirgí éifeachtacha le beartais agus cláir eile de chuid an Aontais agus á chur i bhfios go láidir gur cheart do na Ballstáit an leas is fearr is féidir a bhaint as deiseanna cistiúcháin, go háirithe Ciste Forbraíochta Réigiúnaí na hEorpa, Ciste Sóisialta na hEorpa+ agus na cláir forbartha tuaithe; á iarraidh ar an gCoimisiún measúnú a dhéanamh go pras ar aon iarraidh réasúnaithe ó na Ballstáit cistí laistigh de na pleananna Náisiúnta Téarnaimh agus Athléimneachta a ath-leithdháileadh ar chúnamh i gcás tubaistí nádúrtha, i gcomhréir leis na rialacha a leagtar síos i Rialachán (AE) 2021/241 ó Pharlaimint na hEorpa agus ón gComhairle Rialachán (AE) 2021/241 ó Pharlaimint na hEorpa agus ón gComhairle an 12 Feabhra 2021 lena mbunaítear an tSaoráid Téarnaimh agus Athléimneachta (IO L 57, 18.2.2021, lch. 17, ELI: http://data.europa.eu/eli/reg/2021/241/oj).; á chur i bhfáth freisin go bhfuil gá le bearta coisctheacha, ní hamháin chun damáiste amach anseo a mhaolú ach freisin chun géarú ar dhálaí riosca i ndiaidh teagmhais thurraingeacha a chosc, amhail tuilte, falscaithe, sciorrthaí talún nó triomú lochanna agus aibhneacha; ag cur béim ar an bhfíoras nach mór go mbeadh an atógáil uile a mhaoinítear le CDAE athléimneach ó thaobh na haeráide de; á chur i bhfios go láidir a thábhachtaí atá solúbthacht leormhaith idir na cláir éagsúla; á chur i bhfios go láidir nár cheart go ndéanfadh an cúnamh a sholáthraítear faoi CDAE dochar do chistiú an Aontais a fhaigheann na Ballstáit faoi bheartais nó cláir eile de chuid an Aontais; á mheabhrú gur féidir leis na Ballstáit Státchabhair a dheonú, i gcomhréir leis na rialacha is infheidhme de chuid an Aontais, go háirithe do ghnólachtaí talmhaíochta a d’fhulaing damáistí de dheasca tubaistí nádúrtha;

7.á mheabhrú go gcuireann RESTORE agus na bearta sonracha faoin gCiste Eorpach Talmhaíochta um Fhorbairt Tuaithe (CETFT) a tugadh isteach le Rialachán (AE) 2024/3242 ó Pharlaimint na hEorpa agus ón gComhairleRialachán (AE) 2024/3242 ó Pharlaimint na hEorpa agus ón gComhairle an 19 Nollaig 2024 lena leasaítear Rialachán (AE) 2020/2220 a mhéid a bhaineann le bearta sonracha faoin gCiste Eorpach Talmhaíochta um Fhorbairt Tuaithe chun cúnamh breise a sholáthar do Bhallstáit atá buailte ag tubaistí nádúrtha (IO L, 2024/3242, 23.12.2024, ELI: http://data.europa.eu/eli/reg/2024/3242/oj). cúnamh breise ar fáil do na Ballstáit a bhuailtear le tubaistí nádúrtha trí sholúbthacht bhreise maidir le húsáid na gcistí; á chur i bhfáth gur cheart do na Ballstáit leas a bhaint as na deiseanna nua; á chur i bhfios go láidir freisin go ndearna RESTORE solúbthacht theoranta a sholáthar do roinnt Ballstát toisc go bhfuil dul chun cinn mór déanta maidir le cur chun feidhme an Chreata Airgeadais Ilbhliantúil atá ann faoi láthair;

8.á mheabhrú a thábhachtaí atá measúnú tapa agus láidir ar dhamáiste lena dtugtar aird chuí ar na hiarmhairtí eacnamaíocha agus á iarraidh go ndéanfaí iarrachtaí oibríochtúla méadaithe ar mhaithe le laghdú a dhéanamh ar an meán-am chun réamhíocaíochtaí a scaoileadh chun cúnamh tráthúil a thairiscint do na réigiúin atá buailte ag tubaistí nádúrtha agus ag teagmhais adhaimsire agus buiséad an Aontais á chosaint ag an am céanna; á chur i bhfáth gur cheart do na Ballstáit, i gcomhthéacs na mbeart freagartha agus téarnaimh do thubaistí, tosaíocht chuí a thabhairt do riachtanais an phobail lena mbaineann, agus aird ar leith á tabhairt ar ghrúpaí leochaileacha;

9.á chur i bhfáth go bhfuil géarghá le cúnamh airgeadais láithreach a scaoileadh trí CDAE chun a áirithiú go dtabharfar tacaíocht, in am trátha, do na réigiúin dá ndearnadh difear;

10.ag formheas an chinnidh a ghabhann leis an rún seo;

11.á threorú dá hUachtarán an cinneadh a shíniú in éineacht le hUachtarán na Comhairle agus a shocrú go ndéanfar é a fhoilsiú in Iris Oifigiúil an Aontais Eorpaigh;

12.á threorú dá hUachtarán an rún seo, mar aon leis an Iarscríbhinn a ghabhann leis, a chur ar aghaidh chuig an gComhairle agus chuig an gCoimisiún.