(1)Leagtar amach sa Teachtaireacht ón gCoimisiún an 11 Nollaig 2019 dar teideal ‘The European Green Deal’37 [An Comhaontú Glas don Eoraip] (an ‘Comhaontú Glas don Eoraip’) straitéis nua fáis na hEorpa é arb é is aidhm di sochaí chothrom rathúil a dhéanamh den Aontas, ina mbeidh geilleagar nua-aimseartha iomaíoch, atá tíosach ó thaobh acmhainní de, áit nach mbeidh aon ghlanastaíocht gás ceaptha teasa ann in 2050 ar a dhéanaí agus ina mbeidh an fás eacnamaíoch díchúpláilte feasta ó úsáid acmhainn. Chun gur féidir le beartais táirge an Aontais rannchuidiú le hastaíochtaí carbóin a ísliú ar an leibhéal domhanda, ní mór a áirithiú go ndéantar táirgí a mhargaítear agus a dhíoltar san Aontas a fhoinsiú, a mhonarú agus a chóireáil tráth dheireadh a ré ar bhealach inbhuanaithe.

__________________

37 Teachtaireacht ón gCoimisiún chuig Parlaimint na hEorpa, chuig an gComhairle Eorpach, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, An Comhaontú Glas don Eoraip, (COM (2019)0640 final).

(2)Is rannchuiditheoir tábhachtach í an earnáil mótarfheithiclí le húsáid na n-acmhainní fuinnimh agus ábhair ag an Aontas, agus le giniúint gás ceaptha teasa dá réir. Táirgeadh na bhfeithiclí i dtríú tíortha a chuirtear ar mhargadh an Aontais, rannchuidíonn sé sin le gáis ceaptha teasa dhomhanda a ghiniúint, rud ag a mbíonn tionchar comhshaoil diúltach ar an Aontas. Aistriú ó úsáid na mbreoslaí iontaise i bhfeithiclí chuig an tsoghluaisteacht astaíochtaí nialasacha, rud a ndéantar foráil maidir leis sa phacáiste Oiriúnach do 55, tá sé sin ar cheann de na réamhriachtanais chun an sprioc aeráidneodrachta a bhaint amach in 2050. Laghdóidh an t-aistriú sin na hastaíochtaí gás ceaptha teasa ón earnáil mótarfheithiclí atá nasctha le céim úsáide na bhfeithiclí. Tá an earnáil mótarfheithiclí ar cheann de na húsáideoirí alúmanaim, cruach agus plaisteach príomhúil is mó dá bhfuil ann, rud atá nasctha le monarú na bhfeithiclí nua a chuirtear ar mhargadh an Aontais. Is féidir tionchar comhshaoil suntasach a bheith i gceist leis sin, rud atá nasctha leis an bhfuinneamh is gá chun na hábhair sin a eastóscadh agus a phróiseáil. D’fhéadfadh an lorg comhshaoil atá nasctha le monarú na bhfeithiclí nua dul i méid le leictriú leanúnach an fhlít, leis an bhfás leanúnach ar mhéid agus ar mheáchan na bhfeithiclí, agus i ngeall ar úsáid níos forleithne agus ar chastacht as leictreonaic i cineálacha feithicle amach anseo, ar gá le haghaidh an dá cheann sin méid nach beag d’amhábhair chriticiúla agus straitéiseacha agus de mhiotail lómhara, amhail copar agus dúile tearc-chré. Is é toradh na n-athruithe sin go bhféadfadh lorg comhshaoil níos mó a bheith ag an gcéim táirgthe ná céim úsáide feithiclí, agus go bhféadfadh an tionscal a bheith ag brath níos mó agus níos mó ar allmhairí amhábhar criticiúil agus a bheith leochaileach do shuaitheadh soláthair, agus dá bhrí sin go gcaillfeadh sé iomaíochas. Ina theannta sin, as na ceanglais atá i bhfeidhm faoi láthair i ndlí an Aontais maidir leis an mbainistiú dramhaíola, eascraíonn aisghabháil fho-optamach acmhainní as feithiclí a bhfuil a ré caite, agus tá an-acmhainneacht ann méadú a dhéanamh ar chainníocht agus ar cháilíocht na bpáirteanna, na gcomhpháirteanna agus na n-ábhar atá le deisiú, le hathúsáid, le hathmhonarú, le hathchóiriú, le hiarfheistiú nó le hathchúrsáil ó fheithiclí le linn na céime úsáide agus ag feithiclí a bhfuil a ré caite araon. Chun aghaidh a thabhairt ar na tionchair sin ar an gcomhshaol agus chun rannchuidiú le dícharbónú na hearnála, agus chun tacú leis an iomaíochas trí athléimneacht thionscal na ngluaisteán a mhéadú is gá feabhas a chur ar fheidhmiú an mhargaidh aonair agus aistriú na hearnála mótarfheithiclí chuig geilleagar ciorclach a fheabhsú. Tá sé sin i gcomhréir leis an Teachtaireacht ón gCoimisiún an 11 Márta 2020 maidir le ‘Plean Gníomhaíochta Nua don Gheilleagar Ciorclach – Chun Eoraip níos glaine agus níos iomaíche a bhaint amach’38 lenar iarradh athbhreithniú ar na rialacha atá i bhfeidhm faoi láthair chun ‘samhlacha gnó níos ciorclaí a chur chun cinn trí shaincheisteanna maidir le dearadh a nascadh leis an gcóireáil deireadh ré, rialacha maidir le cion athchúrsáilte sainordaitheach a mheas le haghaidh ábhair áirithe, agus feabhas a chur ar an éifeachtúlacht athchúrsála’. Tá sé sin i gcomhréir freisin le Rialachán (AE) 2024/1252 ó Pharlaimint na hEorpa agus ón gComhairle38a. Chuir idir an Chomhairle39 agus an Pharlaimint40 i dtábhacht an gá le rialacha nua ón Aontas maidir leis na hábhair sin, le hathsholáthar na rialacha atá ann cheana i dtaca le feithiclí a chineálcheadú ó thaobh a n-in-athúsáidteachta, a n-in-athchúrsáilteachta agus a n-in-aisghabháltachta de agus maidir le feithiclí a bhfuil a ré caite.

__________________

38 Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, an 11 Márta 2020, Plean Gníomhaíochta nua do Gheilleagar Ciorclach – Chun Eoraip níos glaine agus níos iomaíche a bhaint amach (COM(2020)0098 final).

(6)Le Rialachán (AE) 2018/858 ó Pharlaimint na hEorpa agus ón gComhairle44 tugadh isteach córas cuimsitheach um chineálcheadú agus faireachas margaidh ar mhótarfheithiclí, leantóirí, agus ar chórais, comhpháirteanna agus aonaid theicniúla ar leithligh atá ceaptha le haghaidh na bhfeithiclí sin, d’fhonn feidhmiú ceart an mhargaidh aonair a áirithiú agus chun ardleibhéal feidhmíochta comhshaoil a thairiscint. Tá gá le gníomh rialála ar leithligh chun críocha nós imeachta cineálcheadaithe AE a leagtar síos in Iarscríbhinn II a ghabhann le Rialachán (AE) 2018/858. Is gá forálacha agus ceanglais a leagan síos maidir le ciorclaíocht na bhfeithiclí i bpróiseas cineálcheadaithe AE. Chun a áirithiú go gcomhlíonfaidh feithiclí na ceanglais sin, is gá a bhfíorú i bpróiseas cineálcheadaithe AE a áirithiú. Forálacha riaracháin Rialachán (AE) 2018/858, lena n-áirítear na forálacha maidir leis an bhfaireachas margaidh, bearta ceartaitheacha agus pionóis, tá feidhm acu maidir le cineálcheaduithe a eisítear i gcomhréir leis an Rialachán seo. Forálacha riaracháin Rialachán (AE) 2018/858, lena n-áirítear na forálacha maidir leis an bhfaireachas margaidh, bearta ceartaitheacha, clásail choimirce agus pionóis, tá feidhm acu maidir le cineálcheaduithe a eisítear i gcomhréir le ceanglais an Rialacháin seo.

__________________

44 Rialachán (AE) 2018/858 ó Pharlaimint na hEorpa agus ón gComhairle an 30 Bealtaine 2018 maidir le ceadú mótarfheithiclí agus a leantóirí, agus córas, comhpháirteanna agus aonad teicniúil ar leithligh atá ceaptha le haghaidh feithiclí den sórt sin, agus faireachas margaidh orthu, lena leasaítear Rialacháin (CE) Uimh. 715/2007 agus (CE) Uimh. 595/2009 agus lena n-aisghairtear Treoir 2007/46/CE (IO L 151, 14.6.2018, lch. 1).

(7)Chun feabhas a chur ar fheidhmiú an mhargaidh aonair, agus ardleibhéal cosanta comhshaoil á áirithiú an tráth céanna, tá sé fíor-riachtanach na coinníollacha maidir le cineálcheadú na bhfeithiclí a chomhchuibhiú a mhéid a bhaineann lena n-in-athúsáidteacht, lena n-athchúrsáilteacht agus lena n-in-aisghabháltacht, mar aon leis na coinníollacha lena rialaítear an bhainistiú dramhaíola san earnáil mótarfheithiclí agus onnmhairiú feithiclí caite. Tá dlúthnaisc idir céim tháirgthe agus cóireáil deireadh ré feithiclí, toisc, i dtaobh feithiclí a bhfuil a ré caite a chóireáil ar bhealach atá neamhdhíobhálach don chomhshaol, go mbraitheann cuid mhór de sin ar an mbealach a dheartar agus a thógtar feithiclí ar an gcéad dul síos. Is é an bealach is éifeachtúla chun aistriú na hearnála mótarfheithiclí chuig geilleagar ciorclach a éascú dá bhrí sin creat rialála aonfhoirmeach a bhunú ar leibhéal an Aontais, lena gcumhdófar ar bhealach comhsheasmhach agus comhtháite dearadh, monarú, cur ar an margadh san Aontas agus cóireáil deireadh ré na bhfeithiclí. Tá sé sin fíor-riachtanach freisin chun margadh an Aontais a fhorbairt le haghaidh amhábhair thánaisteacha a áirítear i bhfeithiclí nua a chuirtear ar an margadh, mar aon le bacainní roimh an trádáil agus saofaí iomaíochta a sheachaint, an tsoiléireacht dhlíthiúil a áirithiú agus feabhas a chur ar fheidhmíochtaí comhshaoil na n-oibreoirí eacnamaíocha uile atá rannpháirtíoch i ndearadh, táirgeadh agus cóireáil deireadh ré na bhfeithiclí. Chun na cuspóirí sin a bhaint amach agus an gá go mbeidh rialacha aonfhoirmeacha i bhfeidhm le haghaidh an mhargaidh aonair ar údair imní chomhshaoil a spreagann iad, agus i gcomhréir le reachtaíocht fhoriomlán an Aontais maidir le cineálcheadú le haghaidh mótarfheithiclí, ba cheart Rialachán a chur in ionad Threoracha 2000/53/CE agus 2005/64/CE, ar bhonn Airteagal 114 den Chonradh ar Fheidhmiú an Aontais Eorpaigh (CFAE).

(8)Níl feidhm ag Treoracha 2000/53/CE ná 2005/64/CE ach amháin maidir le feithiclí paisinéirí (M1) agus feithiclí tráchtála éadroma (N1), arb iad sin thart faoi 85 faoin gcéad de na feithiclí uile dá bhfuil cláraithe san Aontas. Na feithiclí atá fágtha, eadhon feithiclí dhá agus trí roth, leoraithe, busanna agus leantóirí, níl siad faoi réir aon reachtaíocht de chuid an Aontais maidir lena n-éicidhearthóireacht ná maidir lena mbainistiú ag céimeanna dheireadh a ré. Dá bhrí sin, chun creat ciorclach a áirithiú le haghaidh na bhfeithiclí uile dá bhfuil cláraithe san Aontas, lena n-áirítear go ndéanfar iad a chóireáil ar bhealach atá fónta ó thaobh an chomhshaoil, mar aon le hilroinnt an mhargaidh aonair a chosc, ba cheart feidhm a bheith ag an Rialachán seo ní hamháin maidir le feithiclí chatagóirí M1 agus N1,, ach, go páirteach, maidir le feithiclí chatagóir L (L3e-L7e), feithiclí tromshaothair agus a leantóirí (M2, M3, N2, N3, O). Tá easpa faisnéis chuimsitheach ann maidir le cóireáil na bhfeithiclí sin ag deireadh a ré san Aontas, rud atá ina chosc ar fheidhm a bheith ag an gcóras céanna maidir leo agus an córas ag a bhfuil feidhm maidir le feithiclí M1 agus N1 ar theacht i bhfeidhm an Rialacháin seo. Mar sin féin, na ceanglais maidir le bailiú na bhfeithiclí a bhfuil a ré caite, seachadadh éigeantach na bhfeithiclí sin chuig saoráidí cóireála údaraithe lena gcóireáil mar aon lena ndíthruailliú, ba cheart feidhm a bheith acu maidir le feithiclí chatagóir L agus maidir le feithiclí tromshaothair agus a leantóirí (M2, M3, N2, N3, O) araon. Chun cóireáil na bhfeithiclí sin a bhfuil a ré caite a éascú, ba cheart a monaróirí a cheangal faisnéis a sholáthar faoi bhaint agus faoi athsholáthar na bpáirteanna, na gcomhpháirteanna agus na n-ábhar ó na feithiclí sin. Ina theannta sin, ba cheart feidhm a bheith ag na forálacha lena rialaítear an fhreagracht leathnaithe táirgeora maidir leis na catagóirí feithiclí sin, lena gcumhdaítear na costais a bhaineann lena mbailiú agus lena ndíthruailliú ag deireadh a ré. Thairis sin, ba cheart feidhm a bheith ag ceanglais bhreise maidir le feithiclí de chatagóir L, amhail maidir le lipéadú, maidir le baint éigeantach nó maidir le hathúsáid, le hathmhonarú agus le hathchóiriú.

(10)Ceaptar feithiclí sainchuspóireacha chun feidhm shonrach a chomhlíonadh agus tá socruithe cabhalra speisialta ag teastáil uathu nach bhfuil go hiomlán faoi rialú an mhonaróra. Dá dheasca sin, ní féidir na rátaí in-athúsáidteachta, in-athchúrsáilteachta agus in-ais-ghabhálachta a ríomh i gceart. I gcás na bhfeithiclí sin, níor cheart feidhm a bheith ach amháin ag na forálacha a bhaineann le bailiú, díthruailliú agus baint shainordaitheach le haghaidh páirteanna agus comhpháirteanna. Ba cheart do tháirgeoirí na costais as na ngníomhaíochtaí sin a dhéanamh a chumhdach laistigh den scéim freagrachta leathnaithe táirgeora. Forálacha a bhaineann le substaintí i bhfeithiclí, ba cheart feidhm a bheith acu maidir le feithiclí sainchuspóireacha freisin, mar is amhlaidh faoi Threoir 2000/53/CE. Mar sin féin, ba cheart feithiclí sainchuspóireacha arna dtáirgeadh ag monaróirí ísealtáirgeachta a eisiamh go hiomlán ó raon feidhme an Rialacháin seo. Maidir le monaróir dara céim, amhail iad siúd a tháirgeann an chabhail, ar feithiclí iad a cineálcheadaíodh i gcineálcheadú ilchéimneach, níl sé in ann na rátaí in-athúsáidteachta, in-athchúrsáilteachta agus in-aisghabháltachta a ríomh le haghaidh feithiclí lánchríochnaithe. Dá bhrí sin, is iomchuí gan ach a cheangal ar an mbonnfheithicil an Rialachán seo a chomhlíonadh ag an gcéim seo. Mar thoradh air sin, níor cheart cabhail feithiclí ilchéimneacha nach n-áirítear sa bhonnfheithicil a áireamh i raon feidhme na freagrachta leathnaithe táirgeora.

(11)Baineann ceann de na dúshláin phraiticiúla is mó a bhaineann le cur i bhfeidhm Threoir 2000/53/CE le cinneadh cé acu atá nó nach bhfuil feithicil tagtha chun bheith ina feithicil a bhfuil a ré caite i gcásanna loingsithe trasteorann agus onnmhairithe feithiclí. D’ainneoin treoraíocht46 a bheith eisithe maidir leis an tsaincheist sin, baineann fadhbanna leis an measúnú sin fós. Is gá, dá bhrí sin, critéir bheachta atá ceangailteach ó thaobh an dlí de a sholáthar lena bhféadfar feithicil a bhfuil a ré caite a chinneadh. Ba cheart do na húdaráis inniúla ábhartha uile, na hoibreoirí eacnamaíocha uile agus na húinéirí feithiclí uile, a dhéileálann le feithiclí a bhfuil a ré caite, na critéir sin a úsáid.

__________________

46 Treoirlínte Uimh. 9 ó na Comhfhreagraithe maidir le feithiclí dramhaíola a loingsiú, https://ec.europa.eu/environment/pdf/waste/shipments/correspondents_guidelines9_en.pdf

(13)Beidh gá le ceanglais chiorclaíochta chomhchuibhithe a chur ar bun, a fhíorófar ag an gcéim chineálcheadaithe, chun aghaidh a thabhairt ar dhearadh na bhfeithiclí uile a chuirtear ar mhargadh an Aontais agus ar a gcéim deireadh ré chomh maith. Feithiclí a dhearadh agus a mhonarú chun a áirithiú go mbeidh a bpáirteanna agus a gcomhpháirteanna in-athúsáidte, agus go mbeidh na hábhair iontu in-athchúrsáilte, tá sé sin fíor-riachtanach chun a sheachaint nach féidir luach ceart a chur ar na páirteanna, comhpháirteanna ná ábhair sin nuair a shroichfidh feithicil deireadh a ré. Dá bhrí sin, ba cheart do mhonaróirí feithiclí agus dá soláthróirí straitéisí um dhearadh a chomhtháthú a chuirfidh feabhas ar an ath-inúsáidteacht agus ar an in-athchúrsáilteacht ag céim luath i bhforbairt feithiclí nua. Dá réir sin, ba cheart leanúint de chineálacha nua feithicle a thógáil ar bhealach chun go mbeidh íosmhéid 85 faoin gcéad de réir maise díobh in-athúsáidte nó in-athchúrsáilte agus suas le híosmhéid 95 faoin gcéad de réir maise díobh in-athúsáidte nó in-aisghabhála, rud a ndéantar foráil maidir leis cheana féin i dTreoir 2005/64/CE. Chun a áirithiú go ndéanfar na rátaí in-athúsáidteachta, in-athchúrsáilteachta agus in-aisghabháltachta a ríomh ar bhealach aonfhoirmeach agus gur féidir faireachán a dhéanamh air sin, ba cheart modheolaíocht nua a bhunú chun na rátaí in-athúsáidteachta, in-athchúrsáilteachta agus in-aisghabháltachta feithicle a ríomh agus a fhíorú. Ba cheart léiriú níos fearr a dhéanamh leis an modheolaíocht sin ar acmhainneacht iarbhír feithicle nua lena hathchúrsáil, a athúsáid agus a aisghabháil ag deireadh a ré, agus an dul chun cinn teicneolaíoch leanúnach á chur san áireamh. Chun coinníollacha aonfhoirmeacha a áirithiú maidir le cur chun feidhme an Rialacháin seo, ba cheart cumhachtaí cur chun feidhme a thabhairt don Choimisiún chun an mhodheolaíocht sin a bhunú agus caighdeán ISO 22628:2002 á chur i gcuntas. Go dtí go mbunófar an mhodheolaíocht sin, ba cheart leanúint de na rátaí in-athúsáidteachta, in-athchúrsáilteachta agus in-aisghabháltachta a ríomh i gcomhréir le caighdeán ISO 22628:2002, mar is amhlaidh i dTreoir 2005/64/CE. Ba cheart é a bheith d’aidhm ag an gCoimisiún modheolaíocht ábhartha na Náisiún Aontaithe a thabhairt cothrom le dáta dá réir sin chun coinbhleacht le modheolaíocht an Aontais a chosc agus chun an t-ualach ar mhonaróirí a laghdú.

(15)Le Treoir 2000/53/CE, cuirtear srian cheana féin ar úsáid luaidhe, caidmiam, mearcair agus cróimiam heicsifhiúsaigh i bhfeithiclí agus soláthraítear díolúintí, i gcás ina bhféadfar na substaintí sin a úsáid i bhfeidhmeanna áirithe. Ba cheart an Rialachán seo na rialacha sin atá ann cheana a ghlacadh chuige féin. Mar sin féin, chun comhleanúnachas na reachtaíochta maidir le ceimiceáin a áirithiú, ba cheart aghaidh a thabhairt ar shrianta maidir le cur ar an margadh agus úsáid substaintí eile i bhfeithiclí faoi Rialachán (CE) Uimh. 1907/2006 ó Pharlaimint na hEorpa agus ón gComhairle48. Ar an mbealach céanna, maidir le srianta ar úsáid na substaintí a rialáiltear i Rialachán (AE) 2019/1021 ó Pharlaimint na hEorpa agus ón gComhairle, ba cheart iad a urramú ar bhonn fhorálacha an Rialacháin sin.

__________________

48 Rialachán (CE) Uimh. 1907/2006 ó Pharlaimint na hEorpa agus ón gComhairle an 18 Nollaig 2006 maidir le Clárú, Meastóireacht, Údarú agus Srianadh Ceimiceán (REACH), lena mbunaítear Gníomhaireacht Eorpach Ceimiceán, lena leasaítear Treoir 1999/45/CE agus lena n-aisghairtear Rialachán (CEE) Uimh. 793/93 ón gComhairle agus Rialachán (CE) Uimh. 1488/94 ón gCoimisiún chomh maith le Treoir 76/769/CEE ón gComhairle agus Treoir 91/155/CEE ón gCoimisiún, Treoir 93/67/CEE ón gCoimisiún, Treoir 93/105/CE ón gCoimisiún agus Treoir 2000/21/CE ón gCoimisiún (IO L 396, 30.12.2006, lch. 1).

49 Rialachán (AE) 2019/1021 ó Pharlaimint na hEorpa agus ón gComhairle an 20 Meitheamh 2019 maidir le truailleáin orgánacha mharthanacha (IO L 169, 25.6.2019, lch. 45).

(16)Soláthraítear i dTreoir 2000/53/CE díolúintí ó na srianta ar úsáid luaidhe agus caidmiam i gceallraí a úsáidtear i bhfeithiclí, rud a nglacann an Rialachán seo chuige. Mar sin féin, déantar úsáid na substaintí i gceallraí a rialáil go cuimsitheach i Rialachán (AE) 2023/1542 ó Pharlaimint na hEorpa agus ón gComhairle50. Dá bhrí sin, ba cheart aghaidh a thabhairt ar na substaintí sin agus na srianta agus na díolúintí a bhaineann leo a aistriú le himeacht ama, de réir mar is iomchuí, chuig an Rialachán sin agus níor cheart iad a rialáil sa Rialachán seo. Sula dtabharfar na srianta sin isteach faoi Rialachán (AE) Uimh. 2023/[Ceallraí], ba cheart measúnú cuimsitheach a dhéanamh faoin Rialachán sin chun meastóireacht a dhéanamh i dtaobh an bhfuil gá le díolúine fós agus ar an raon feidhme ina bhfuil gá léi.

__________________

50 Rialachán (AE) 2023/1542 ó Pharlaimint na hEorpa agus ón gComhairle an 12 Iúil 2023 maidir le ceallraí agus ceallraí dramhaíola, lena leasaítear Treoir 2008/98/CE agus Rialachán (AE) 2019/1020 agus lena n-aisghairtear Treoir 2006/66/CE (IO L 191, 28.7.2023, lch. 1, ELI: http://data.europa.eu/eli/reg/2023/1542/oj).

(17)Chun an dul chun cinn eolaíoch agus teicniúil a chur san áireamh, ba cheart leanúint den chumhacht chun gníomhartha tarmligthe a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i leith leasú a dhéanamh ar dhíolúintí ó shrianta ar úsáid luaidhe, mearcair, caidmiam agus cróimiam heicsifhiúsaigh i bhfeithiclí faoin Rialachán seo. Roimh na díolúintí sin a mhodhnú nó a scriosadh, ba cheart measúnú a dhéanamh ar thionchair shocheacnamaíocha an athraithe sin, rud atá ar iarraidh i dTreoir 2000/53/CE, lena n-áirítear infhaighteacht na substaintí malartacha a mheas mar aon leis na tionchair ar shláinte an duine agus ar an gcomhshaol ar feadh shaolré na bhfeithiclí. Sula nglacfaidh sé an gníomh tarmligthe sin, ba cheart don Choimisiún dul i gcomhairle le saineolaithe agus geallsealbhóirí ábhartha chun a áirithiú go gcuirfear tionchair shocheacnamaíocha níos leithne san áireamh, mar aon leis na héifeachtaí ar shláinte an duine agus ar shláinte an chomhshaoil. Chun cinnteoireacht, comhordú agus bainistíocht éifeachtach a áirithiú i leith na ngnéithe teicniúla, eolaíocha agus riaracháin a bheidh i gceist leis an Rialachán seo a leasú i ndáil le srianta ar úsáid substaintí i bhfeithiclí, ba cheart don Ghníomhaireacht Eorpach Ceimiceán cúnamh a thabhairt don Choimisiún sa mheasúnú sin.

(18)Chun an chiorclaíocht san earnáil mótarfheithiclí a mhéadú, ba cheart feithiclí a dhearadh agus a mhonarú de réir a chéile ar bhealach lena gcuirfear ábhair athchúrsáilte seachas amhábhair phríomhúla ina gcodanna díobh agus feidhmíocht sábháilteachta feithiclí á coinneáil. Le úsáid na n-ábhar athchúrsáilte, is féidir úsáid a bhaint as ábhair atá níos tíosaí ar acmhainní, déantar an táirgeadh a dhícharbónú agus tionchair chomhshaoil dhiúltacha a bhaineann le húsáid na n-amhábhar príomhúil a laghdú. Ciorclaíocht mhéadaithe le haghaidh na bhfeithiclí a mhonaraítear i dtríú tíortha a chuirtear ar mhargadh an Aontais, rannchuideoidh sé sin freisin le hastaíochtaí gás ceaptha teasa a laghdú ar an leibhéal domhanda agus san Aontas. Neartaítear leis freisin uathriail straitéiseach agus iomaíochas an Aontais trí spleáchais amhábhar agus fuinnimh atá nasctha le soláthar amhábhar príomhúil a laghdú, go háirithe trí rannchuidiú le hamhábhair chriticiúla luachmhara a choinneáil laistigh den Aontas agus an margadh le haghaidh amhábhair thánaisteacha á threisiú ag an am céanna. Cé nach bhfuil aon cheanglas ann a bhaineann le húsáid an ábhair athchúrsáilte ar an leibhéal domhanda, tá ábhair athchúrsáilte curtha isteach ina gcodanna dá bhfeithiclí ag roinnt mhaith monaróirí cheana féin. Ach spriocanna agus forálacha aonfhoirmeacha a leagan síos maidir leis an mbealach chun an cion athchúrsáilte a ríomh, soláthrófar deimhneacht dhlíthiúil agus rannchuideofar le hiomaíocht chothrom a chruthú idir monaróirí. Beidh feidhm ag na ceanglais maidir leis na monaróirí uile a bhfuil sé beartaithe acu feithiclí a chur ar mhargadh an Aontais, lena n-áirítear trí mhargaí ar líne, gan beann ar an áit a bhfuil siad bunaithe. Agus aitheantas á thabhairt don tábhacht a bhaineann le slabhraí luacha domhanda san earnáil mótarfheithiclí, ba cheart go gceadófaí leis an Rialachán na hamhábhair thánaisteacha a fhoinsiú ó lasmuigh den Aontas. Ba cheart bearta lena gcosnaítear slándáil post agus lena gcruthaítear deiseanna nua fostaíochta a bheith ag gabháil leis an aistriú i dtreo an gheilleagair chiorclaigh san earnáil mótarfheithiclí. Ba cheart don Rialachán seo a bheith in ann tacú le hoibrithe trí aistriú cóir, trí ghnéithe inbhuanaitheachta sóisialta, eacnamaíocha agus comhshaoil a chomhtháthú.

(19)I bhfianaise ráta íseal na hathchúrsála le haghaidh na bplaisteach, go háirithe ó fheithiclí a bhfuil a ré caite, agus thionchair dhiúltacha fhoriomlána na bhfoirmeacha eile chun dramhaíl phlaisteach a chóireáil, is iomchuí glacadh na bplaisteach athchúrsáilte i bhfeithiclí a mhéadú. Chuige sin, ba cheart sprioc shainordaitheach maidir le plaisteach arna athchúrsáil ó dhramhaíl iarthomhaltais a áireamh i bhfeithiclí nua. Dá réir sin, ba cheart 20 faoin gcéad de phlaisteach arna athchúrsáil ó dhramhaíl phlaisteach iarthomhaltais a bheith i ngach cineál feithicle. Ba cheart 15 faoin gcéad den sprioc sin maidir leis an gcion athchúrsáilte le haghaidh na bplaisteach a bhaint amach trí phlaistigh arna n-athchúrsáil ó fheithiclí a bhfuil a ré caite a áireamh sa chineál feithicle lena mbaineann. Chun an pheirspictíocht fhadtéarmach is gá a áirithiú don tionscal agus chun infheistíochtaí a scaoileadh, ba cheart do mhonaróirí, ag céim níos déanaí, sprioc 25 faoin gcéad ar a laghad de phlaisteach a athchúrsáiltear ó dhramhaíl phlaisteach iarthomhaltais a bhaint amach, ach amháin má fhágann easpa infhaighteachta nó praghsanna iomarcacha na bplaisteach athchúrsáilte is gá go bhfuil sé ródheacair an sprioc sin a chomhlíonadh. Chun solúbthacht leordhóthanach a thairiscint chun na spriocanna sin a bhaint amach, ba cheart do mhonaróirí a bheith in ann suas le 50 faoin gcéad de a bhaint amach trí dhramhaíl réamhthomhaltais a úsáid.

(20)Tá an earnáil mótarfheithiclí ar cheann de na húsáideoirí cruach is mó dá bhfuil ann agus tá glacadh reatha na cruach athchúrsáilte i bhfeithiclí nua fós íseal. Chun rannchuidiú leis an lorg carbóin a bhaineann le táirgeadh feithiclí nua a laghdú agus chun tacú le haistriú na hearnála mótarfheithiclí i dtreo na haeráidneodrachta, ba cheart sprioc a leagan síos maidir le cruach athchúrsáilte ó fhuíoll feiriúil a chomhtháthú i bhfeithiclí nua. Ina theannta sin, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i ndáil le sciar íosta cruach arna hathchúrsáil ó fhuíoll feiriúil a bhunú, lena n-áirítear cruach chothrom agus fhada charbóin agus finte táirgí cruach dosmálta, atá le bheith i láthair agus le hionchorprú i gcineálacha feithiclí. Sula mbunófar sprioc amach anseo, ba cheart don Choimisiún staidéar tiomnaithe a dhéanamh lena gcumhdófar na tosca teicniúla, comhshaoil agus eacnamaíocha ábhartha uile a bhaineann le hindéantacht na sprice sin, agus lena n-áirítear freisin tionchair ar earnálacha eile ina n-úsáidtear cruach agus astaíochtaí gás ceaptha teasa domhanda. Tá sé tábhachtach idirdhealú a dhéanamh idir tacair éagsúla táirgí cruach laistigh den fheithicil, toisc go dtáirgtear iad trí úsáid a bhaint as teicneolaíochtaí éagsúla a bhfuil srianta éagsúla orthu maidir le dramh feiriúil a úsáid maidir lena gcumas ábhar copair a fhulaingt agus cuimsiúcháin cháithníní fánacha miotail neamhbheartaithe eile. Chun gnéithe neamhriachtanacha áirithe den Rialachán seo a fhorlíonadh, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i ndáil le modheolaíocht a bhunú chun sciar na cruach a aisghabhtar ó fhuíoll feiriúil atá sa chineál feithicle agus atá ionchorpraithe ann a ríomh agus a fhíorú.

(21)Tá an deis ann úsáid an chion athchúrsáilte i bhfeithiclí a mhéadú le haghaidh ábhair eile a úsáideann an earnáil mótarfheithiclí go coiteann dá bhfuil margaí le haghaidh amhábhair thánaisteacha tearcfhorbartha, dá bhfuil an lorg comhshaoil atá nasctha le táirgeadh na n-amhábhar príomhúil ard nó dá bhfuil leibhéil athchúrsála teoranta, cé go bhfuil feabhas ag teacht ar theicneolaíochtaí sórtála agus athchúrsála. Dá bhrí sin, is iomchuí dá bhrí sin don Choimisiún measúnú a dhéanamh ar an inmhianaitheacht, an indéantacht agus na tionchair a bheadh i gceist le spriocanna a leagan amach maidir leis an gcion athchúrsáilte neoidimiam, diospróisiam, praiséidimiam, teirbiam, samairiam, agus bóróin a úsáidtear i mbuanmhaighnéid nó maignéisiam agus a chóimhiotail. Ó thaobh a indéanta a bheadh sé spriocanna a shocrú maidir le cineálacha sonracha de chóimhiotail alúmanaim agus maignéisiam, ba cheart aghaidh a thabhairt leis an staidéar ar mheaitseáil an éilimh leis an soláthar tánaisteach i gcoitinne agus imscrúdú a dhéanamh go háirithe ar an gcomhbhabhtáil idir barainneachtaí scála a uasmhéadú trí líon íosta finte cóimhiotal a shonrú versus coimeád luacha a uasmhéadú tríd shórtáil lena mbeidh raon níos leithne de chineálacha cóimhiotail sonracha ann.

(22)Chun borradh a chur faoi na margaí tearcfhorbartha le haghaidh amhábhair thánaisteacha, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i leith sciar íosta maignéisiam agus a chóimhiotal, neoidimiam, diospróisiam, praiséidimiam, teirbiam samairiam nó bóróin arna athchúrsáil ó dhramhaíl réamhthomhaltais agus iarthomhaltais a bheidh i láthair agus a ionchorprófar sna cineálacha feithiclí a bhunú. Chun gnéithe neamhriachtanacha áirithe den Rialachán seo a fhorlíonadh, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i ndáil le modheolaíocht a bhunú maidir leis an sciar de na hábhair arna n-athchúrsáil ó dhramhaíl réamhthomhaltais agus iarthomhaltais i gcineálacha feithicle, a ríomh agus a fhíorú. Is gá an mhodheolaíocht chun na sainmhínithe ar fhuíoll iarthomhaltais agus ar fhuíoll réamhthomhaltais a shoiléiriú. Is ábhartha é sin chun feabhsú na cáilíochta agus coimeád luacha a spreagadh, go háirithe le haghaidh codáin iarthomhaltais. Chun an dícharbónú a chur chun cinn trí chion athchúrsáilte níos mó a úsáid, is gá sainmhínithe soiléire chun athchúrsáil draimh iarthomhaltais a dhreasú, agus an tráth céanna, úsáid draimh réamhthomhaltais á íoslaghdú, rud lena mbaineann an lorg carbóin céanna agus a bhaineann leis an amhábhar príomhúil go hiondúil.

(23)I gcomhréir le ceanglais Rialachán (AE) 2024/1252, agus i bhfianaise gur gá forálacha a leagan síos sa Rialachán seo maidir leis an gcion athchúrsáilte i bhfeithiclí agus maidir le hamhábhair chriticiúla a úsáidtear i bpáirteanna agus i gcomhpháirteanna feithiclí, ba cheart feidhm a bheith ag na forálacha sin mar chur chun feidhme earnáilsonrach na bhforálacha atá i Rialachán (AE) 2024/1252. Áiritheofar leis sin go ndéanfar oibleagáidí éagsúla maidir le faisnéis, lipéadú agus baint a chuíchóiriú agus a chomhtháthú faoi nósanna imeachta an Rialacháin seo leis na nósanna imeachta sin le haghaidh páirteanna, comhpháirteanna agus ábhar eile.

__________________

(24)Chun a áirithiú go ndéanfar ceallraí a athchúrsáil i gcomhréir le ceanglais Rialachán (AE) 2023/1542, agus gur féidir mótair ríomhthiomána, ina bhfuil cainníochtaí suntasacha de dhúile tearc-chré, a athsholáthar agus a athchúrsáil freisin, is gá ceanglais nua a thabhairt isteach maidir le dearadh le haghaidh cineálacha feithiclí nua, lena n-áiritheofar gur féidir le saoráidí cóireála nó oibreoirí deisiúcháin agus cothabhála údaraithe na ceallraí agus na mótair ríomhthiomána sin a bhaint ar bhealach réidh le linn aon chéim de shaolré feithicle. Ba cheart don Choimisiún freisin forbairt caighdeán a spreagadh maidir le teicnící deartha agus cóimeála lena n-éascaítear cothabháil, deisiú agus athrú cuspóra ceallraí agus pacáistí ceallraí. Ar bhonn níos leithne, chun an leas is fearr is féidir a bhaint as an bhféidearthacht páirteanna agus comhpháirteanna feithiclí a athsholáthar, a athúsáid, a athchúrsáil, a athmhonarú nó a athfheistiú, agus chun dramhaíl a íoslaghdú, ba cheart feithiclí a dhearadh ar bhealach a fhágann gur féidir an oiread páirteanna agus comhpháirteanna agus is féidir a bhaint. Ba cheart coincheap na hindéantachta teicniúla a léirmhíniú ar bhealach lena dtacaítear leis na cuspóirí sin agus lena n-éascaítear iad, agus é á aithint, i gcásanna áirithe, gur féidir le ceanglais sábháilteachta nó fheidhmiúla páirte údar a thabhairt le réitigh mhalartacha lena gcuirtear teorainn le hinbhainteacht páirte nó comhpháirte. Sna cásanna sin, ba cheart do mhonaróirí a léiriú go bhfuil gá leis an rogha sin. Chun an dul chun cinn teicniúil agus eolaíoch a chur san áireamh, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i leith an Rialachán seo a leasú trí athbhreithniú a dhéanamh ar an liosta páirteanna agus comhpháirteanna atá le dearadh lena mbaint ó fheithiclí agus lena n-athsholáthar. Chun coinníollacha aonfhoirmeacha a áirithiú maidir le cur chun feidhme an cheanglais deartha sin, ba cheart cumhachtaí cur chun feidhme a thabhairt don Choimisiún.

(26)Chun a áirithiú go gcuirfidh monaróirí gluaisteán paisinéirí agus feithiclí tráchtála éadroma gníomhaíochtaí i bhfeidhm chun a áirithiú go gcomhlíonfaidh siad na ceanglais chiorclaíochta faoin Rialachán seo, agus chun iad a dhreasú chun feabhas a chur ar chiorclaíocht na gcineálacha feithicle a chuireann siad ar an margadh, ba cheart dóibh straitéis chiorclaíochta chuimsitheach a tharraingt suas agus ar leibhéal an mhonaróra agus í a sholáthar don Choimisiún. Mar sin féin, ba cheart do mhonaróirí a bheith in ann straitéis chiorclaíochta a tharraingt suas de réir catagóir feithicle. Níor cheart ualaí díréireacha ar mhonaróirí a bheith mar thoradh ar an straitéis sin agus ba cheart í a thabhairt cothrom le dáta go tréimhsiúil. Ba cheart don Choimisiún tuairisciú go tráthrialta maidir le ciorclaíocht na hearnála mótarfheithiclí ar bhonn na straitéisí ciorclaíochta a sholáthraíonn na monaróirí.

(28)Tá rochtain ar fhaisnéis atá cothrom le dáta agus cumarsáid thráthúil idir monaróirí feithiclí agus oibreoirí bainistithe dramhaíola ar fud an tslabhra luacha mótarfheithiclí fíor-riachtanach chun athúsáid, athmhonarú agus athriochtú páirteanna agus comhpháirteanna feithicle a uasmhéadú agus chun athchúrsáil ardcháilíochta feithiclí a bhfuil a ré caite a áirithiú. Dá bhrí sin, ba cheart do mhonaróirí rochtain neamhshrianta, chaighdeánaithe agus neamh-idirdhealaitheach ar fhaisnéis a sholáthar d’oibreoirí bainistithe dramhaíola agus d’oibreoirí deisiúcháin agus cothabhála chomh maith le seirbhísí éigeandála, dá dtagraítear i mír 66 den fhógra ón gCoimisiún an 28 Bealtaine 2010 maidir le treoirlínte forlíontacha i ndáil le srianta ingearacha i gcomhaontuithe maidir le díol agus deisiú mótarfheithiclí agus maidir le dáileadh páirteanna spártha le haghaidh mótarfheithiclí, lenar féidir páirteanna, comhpháirteanna agus ábhair áirithe atá i bhfeithicil a bhaint agus a athsholáthar go sábháilte. Leis an bhfaisnéis, ba cheart na hoibreoirí bainistithe dramhaíola agus na hoibreoirí deisiúcháin agus cothabhála a threorú trí na céimeanna agus treoracha soiléire a sholáthar faoi úsáid na n-uirlisí nó na dteicneolaíochtaí is gá chun rochtain a fháil ar cheallraí feithiclí leictreacha agus ar a gceallra-phacaí agus iad a bhaint, lena n-áirítear na huirlisí nó na teicneolaíochtaí lena gcumasófar iad a dhíluchtú go sábháilte, agus mótair ríomhthiomána. Ba cheart an fhaisnéis sin a bheith ina cuidiú freisin chun na páirteanna, comhpháirteanna agus ábhair a shainaithint, a lonnú agus a bhaint, ar páirteanna, comhpháirteanna agus ábhair iad ba cheart a dhíthruailliú agus a bhaint den fheithicil roimh an mionghearradh, mar aon le páirteanna agus comhpháirteanna, ina bhfuil na hamhábhair chriticiúla i mbuanmhaighnéid dá dtagraítear i Rialachán (AE) 2024/1252. Tá sé tábhachtach go n-urramófar cearta maoine intleachtúla go cuí, lena n-áiritheofar nach gcuirfidh rochtain ar fhaisnéis theicniúil isteach ar theicneolaíochtaí dílseánaigh ná ar rúin trádála. Ba cheart é sin a dhéanamh trí ardáin cumarsáide arna mbunú ag monaróirí agus ba cheart an fhaisnéis a sholáthar saor in aisce, gan costais riaracháin nach bhfuil toirmisceach a chur san áireamh. Ba cheart do na húdaráis chineálcheadaithe a fhíorú go bhfuil an fhaisnéis is gá curtha isteach ag na monaróirí. Agus chun go gcuirfear i gcuntas gur gá tacú le hiarfheistiú feithiclí mar bhealach chun astaíochtaí a laghdú, saolréanna feithiclí a leathnú, agus inbhuanaitheacht a chur chun cinn, ba cheart do mhonaróirí comhar cuí le hoibreoirí iarfheistithe a áirithiú freisin.

(29)Cé go bhfuil méadú ag teacht ar an úsáid a bhaintear as códú digiteach chun páirteanna agus comhpháirteanna difriúla i bhfeithicil a rialú, leis an meastóireacht ar Threoir 2000/53/CE, sainaithníodh go bhféadfadh an chódáil sin bac a chur ar acmhainneacht athúsáide, athmhonaraithe agus athriochtaithe páirteanna agus comhpháirteanna áirithe. Bíonn sé fíor-riachtanach dá bhrí sin go n-iarrtar ar mhonaróirí feithiclí faisnéis a sholáthar lena bhfágfar gur féidir le hoibreoirí bainistithe dramhaíola gairmiúla agus oibreoirí deisiúcháin agus cothabhála na fadhbanna a bhaineann leis na páirteanna agus comhpháirteanna atá códaithe go digiteach i bhfeithicil a shárú, i gcás ina gcuirfidh an chódáil sin cosc ar oibríochtaí deisiúcháin, cothabhála nó athsholáthair i bhfeithicil eile.

(31)Chun cóireáil deireadh ré na bhfeithiclí a éascú, ba cheart do mhonaróirí feithiclí a sholáthar, trí uirlisí digiteacha, faisnéis chruinn, iomlán agus chothrom le dáta maidir le páirteanna agus comhpháirteanna feithiclí a bhaint agus a sholáthar go sábháilte. Ba cheart Pas Ciorclaíochta Digiteach Feithicle a cheapadh dá bhrí sin agus a chur ar fáil mar iompróir sonraí le haghaidh na faisnéise sin, ar bhealach bheadh i gcomhréir le huirlisí agus le hardáin faisnéise dhigiteacha eile atá ann cheana nó a bhfuil tuilleadh forbartha á déanamh orthu san earnáil mótarfheithiclí maidir le feidhmíocht chomhshaoil na bhfeithiclí agus é a ailíniú le forálacha comhfhreagracha i Rialachán (AE) 2023/1542, Rialachán (AE) 2024/1781 ó Pharlaimint na hEorpa agus ón gComhairle54 agus Rialachán (AE) 2024/1257 ó Pharlaimint na hEorpa agus ón gComhairle55. Chun coinníollacha aonfhoirmeacha a áirithiú maidir le cur chun feidhme an Rialacháin seo, ba cheart cumhachtaí cur chun feidhme a thabhairt don Choimisiún chun na ceanglais maidir le dearadh agus le hoibriú teicniúil le haghaidh an phas a leagan síos mar aon le rialacha maidir le suíomh an iompróra sonraí nó aitheantóra eile lenar féidir rochtain a fháil ar an bpas ar an bhfeithicil. Agus na rialacha maidir le pas ciorclaíochta na bhfeithiclí digiteacha á leagan síos aige, ba cheart don Choimisiún an gá atá leis an ardleibhéal slándála agus príobháideachais a chur i gcuntas, lena n-áirítear maidir le sonraí oibriúcháin feithiclí chun bagairtí cibearshlándála a chosc.

__________________

54 Rialachán (AE) 2024/1781 ó Pharlaimint na hEorpa agus ón gComhairle an 13 Meitheamh 2024 lena mbunaítear creat chun ceanglais éicidhearthóireachta le haghaidh táirgí inbhuanaithe a shocrú, lena leasaítear Treoir (AE) 2020/1828 agus Rialachán (AE) 2023/1542 agus lena n-aisghairtear Treoir 2009/125/CE (IO L, 2024/1781, 28.6.2024, ELI: http://data.europa.eu/eli/reg/2024/1781/oj).

55 Rialachán (AE) 2024/1257 ó Pharlaimint na hEorpa agus ón gComhairle an 24 Aibreán 2024 maidir le cineálcheadú mótarfheithiclí agus inneall agus córas, comhpháirteanna agus aonad teicniúil ar leithligh atá ceaptha le haghaidh feithiclí den sórt sin i ndáil lena n-astaíochtaí agus marthanacht ceallraí (Euro 7), lena leasaítear Rialachán (AE) 2018/858 ó Pharlaimint na hEorpa agus ón gComhairle agus lena n-aisghairtear Rialacháin (CE) Uimh. 715/2007 agus (CE) Uimh. 595/2009 ó Pharlaimint na hEorpa agus ón gComhairle, Rialachán (AE) Uimh. 582/2011 ón gCoimisiún, Rialachán (AE) 2017/1151 ón gCoimisiún, Rialachán (AE) 2017/2400 ón gCoimisiún agus Rialachán Cur Chun Feidhme (AE) 2022/1362 ón gCoimisiún (IO L, 2024/1257, 8.5.2024, ELI: http://data.europa.eu/eli/reg/2024/1257/oj)..

(33)Cuireann an Rialachán seo leis na rialacha bainistithe dramhaíola agus leis na prionsabail ghinearálta a leagtar síos i dTreoir 2008/98/CE, ar cheart iad a oiriúnú chun cineál sonrach na bhfeithiclí a bhfuil a ré caite a léiriú. Chun cóireáil shábháilte agus neamhdhíobhálach don chomhshaol ar fheithiclí a bhfuil a ré caite a ráthú, ba cheart d’aon bhunaíocht nó gnóthas a bhfuil sé beartaithe acu oibríochtaí cóireála dramhaíola a dhéanamh, lena n-áirítear bailiú, díthruailliú agus baint páirteanna agus comhpháirteanna de na feithiclí sin, údarú a fháil ón údarás inniúil. Níor cheart an t-údarú a dheonú ach amháin más rud é go mbeidh an inniúlacht theicniúil, airgeadais agus eagraíochtúil is gá ag an mbunaíocht nó ag an ngnóthas chun na hoibríochtaí cóireála deireadh ré a dhéanamh le haghaidh feithiclí ar bhealach a chomhlíonfaidh dlí an Aontais is infheidhme agus an dlí idirnáisiúnta is infheidhme, lena n-áirítear na ceanglais chóireála shonracha a leagtar síos sa Rialachán seo. Ina theannta sin, ba cheart an inniúlacht a bheith ag saoráidí cóireála údaraithe, agus acu sin amháin, chun deimhnithe scriosta a eisiúint i gcomhréir leis an Rialachán seo.

(35)Chun éascaíocht a dhéanamh ar fhaireachán ar chomhlíontacht na dtáirgeoirí lena n-oibleagáidí um fhreagracht leathnaithe táirgeora, ba cheart do na Ballstáit clár táirgeoirí a bhunú nó clár atá ann cheana a úsáid. Ba cheart do na ceanglais a bheith comhchuibhithe ar fud an Aontais chun an clárú a éascú, go háirithe i gcás ina gcuirfidh táirgeoirí feithiclí ar fáil i mBallstáit dhifriúla. Ba cheart an clár a úsáid freisin chun feidhmíocht na n-oibleagáidí um fhreagracht leathnaithe táirgeora a thuairisciú d’údaráis inniúla. Ba cheart na tréithe agus na gnéithe nós imeachta a bhaineann leis an gclár sin a bheith i gcomhréir le clár na dtáirgeoirí arna bhunú le Rialachán (AE) 2023/1542, chun é a chur ar a gcumas do tháirgeoirí feithiclí agus táirgeoirí ceallraí an clár ceannann céanna a úsáid. Chun gur féidir na táirgeoirí a chlárú i ngach Ballstát, ba cheart don Choimisiún tairseach aonair a bhunú freisin ina mbeidh na naisc chuig na cláir náisiúnta uile.

(36)I gcás ina gcuirfidh an táirgeoir feithiclí ar fáil ar an margadh den chéad uair laistigh de chríoch Bhallstáit, i gcás nach an táirgeoir bunaithe ann, ba cheart don táirgeoir ionadaí údaraithe a ainmniú le haghaidh na freagrachta leathnaithe táirgeora.

(37)Ba cheart táirgeoirí a bheith in ann a roghnú cé acu a fheidhmeoidh siad a n-oibleagáidí um fhreagracht leathnaithe táirgeora ar bhonn aonair nó ar bhonn comhchoiteann, trí bhíthin eagraíochtaí um fhreagracht táirgeoirí a ghlacfadh an fhreagracht thar a gceann. Ba cheart d’eagraíochtaí um fhreagracht táirgeoirí rúndacht na sonraí a sholáthraíonn táirgeoirí dóibh a áirithiú. Chun a áirithiú go gcuirfear leasanna na n-oibreoirí eacnamaíocha uile san áireamh i gceart agus a sheachaint nach gcuirfear oibreoirí bainistithe dramhaíola faoi mhíbhuntáiste sna cinntí a dhéanfar i scéimeanna freagrachta leathnaithe táirgeora, ba cheart ionadaíocht chothrom idir táirgeoirí agus oibreoirí bainistithe dramhaíola a áirithiú i gcomhlachtaí rialachais na n-eagraíochtaí sin. Go háirithe, ba cheart oibreoirí bainistithe dramhaíola a roghnú trí nós imeachta neamh-idirdhealaitheach bunaithe ar chritéir dhámhachtana thrédhearcacha.

(39)Ba cheart a chumhdach le ranníocaíochtaí airgeadais na dtáirgeoirí, i measc nithe eile, costais na bhfeachtas oideachais arb é is aidhm dóibh an pobal a chur ar an eolas agus bailiú feithiclí a bhfuil a ré caite nó bailiú agus tuairisciú sonraí chuig na húdaráis inniúla a mhéadú.

(42)Toisc gur minic a thagann feithiclí chun bheith ina bhfeithiclí a bhfuil a ré caite i mBallstát difriúil seachas sa Bhallstát inar cláraíodh den chéad uair iad, is gá rialacha a thabhairt isteach maidir leis an bhfreagracht leathnaithe táirgeora trasteorann. Ba cheart a áirithiú leis na rialacha sin go gcumhdaítear i gceart le freagracht an táirgeora na costais bhailiúcháin agus chóireála a thabhaíonn na hoibreoirí bainistithe dramhaíola sa Bhallstát ina dtagann an fheithicil chun bheith ina feithicil a bhfuil a ré caite, ach lena n-áiritheofar an tráth céanna nach n-íocfaidh an táirgeoir an táille faoi dhó. Chuige sin, ba cheart don táirgeoir ionadaí a cheapadh le haghaidh na freagrachta leathnaithe táirgeora i ngach Ballstát agus sásraí a bhunú le haghaidh comhar trasteorann agus aistriú costas le hoibreoirí bainistithe dramhaíola ábhartha. Ach an sásra sin a thabhairt isteach, rannchuidítear le cothroime iomaíochta a chruthú idir na saoráidí cóireála údaraithe ar fud an Aontais agus éascaítear le cineálacha cur chuige a fhorbairt atá i bhfeidhm ar fud an Aontais i gcás na freagrachta táirgeora aonaraí.

(44)Rud atá ina phríomh-réamhriachtanas maidir le cóireáil stuama na bhfeithiclí a bhfuil a ré caite go mbaileofar na feithiclí uile a bhfuil a ré caite. Dá bhrí sin, ba cheart oibleagáidí áirithe a fhorchur leis an Rialachán seo atá nasctha leis an mbailiú agus a bheidh ar na táirgeoirí go príomha agus ar na Ballstáit go tánaisteach. Ba cheart do tháirgeoirí a áirithiú go mbaileofar gach feithicil a bhfuil a ré caite a chuir siad ar fáil ar an margadh i gcríoch Ballstáit. Chuige sin, ba cheart do tháirgeoirí nó d’eagraíochtaí um fhreagracht táirgeoirí na córais bhailiúcháin a bhunú nó páirt a ghlacadh ina mbunú, lena n-áirítear pointí bailithe agus ba cheart do na Ballstáit na bearta uile is gá a ghlacadh chun a áirithiú go mbeidh na córais i bhfeidhm agus go gcumasaíonn na córais sin cuspóirí an Rialacháin seo a chomhlíonadh. Leis na córais bhailiúcháin, ba cheart é a chur ar a gcumas d’úinéirí feithiclí agus sealbhóirí feithiclí eile an fheithicil a sheachadadh ar shaoráid údaraithe gan iarrachtaí ná costais gan ghá. Is éard a chiallaíonn sé sin sa chleachtas gur cheart críoch iomlán gach Ballstáit a chumhdach go hiomchuí leis na córais sin agus a áirithiú go mbeidh saoráidí cóireála agus pointí bailithe údaraithe ar fáil go leormhaith. Leis na córais sin, ba cheart gur féidir gach branda feithiclí a bhfuil a ré caite a bhailiú mar aon le dramhpháirteanna a eascraíonn as deisiú feithiclí.

(46)Chun na feithiclí uile a bhfuil a ré caite a bhailiú go héifeachtach, is gá an pobal a chur ar an eolas faoi na córais bailiúcháin a bheith ann. Ba cheart úinéirí feithiclí a bheith ar an eolas gur féidir leo feithicil a bhfuil a ré caite a sheachadadh i bprionsabal, in éineacht leis an gceallra feithicle leictrí nó dá uireasa, chuig pointe bailiúcháin nó chuig saoráid chóireála saor in aisce. I gcás ceallra feithicle leictrí atá in easnamh, ba cheart go bhfanfadh seachadadh na feithicle a bhfuil a ré caite saor in aisce i gcás ina soláthraíonn an t-úinéir deiridh doiciméadacht a chruthaíonn gur láimhsigh oibreoir gairmiúil an cheallra i gcomhréir le Rialachán (AE) 2023/1542. Leis an bhfeachtas oideachasúil ó na táirgeoirí nó ó na heagraíochtaí um fhreagracht táirgeoirí, ba cheart na hiarmhairtí don chomhshaol agus do shláinte an duine a bhaineann le feithiclí a bhfuil a ré caite a bhailiú agus a chóireáil go mícheart a chur i láthair freisin.

(47)Ba cheart don tsaoráid chóireála údaraithe a bheith freagrach as deimhniú scriosta a eisiúint chun é a dhoiciméadú gur cóireáladh feithicil a bhfuil a ré caite. Is gá sin chun maoirseacht cheart ar bhainistiú na bhfeithiclí a bhfuil a ré caite a áirithiú. Na híoscheanglais maidir leis an deimhniú sin, leagtar síos iad faoi láthair i gCinneadh 2002/151/CE57 ón gCoimisiún agus ba cheart ábhar an Chinnidh sin a áireamh sa Rialachán seo, in éineacht leis na hoiriúnuithe is gá. Ba cheart an deimhniú sin a eisiúint i bhformáid leictreonach agus a sholáthar d’úinéir deireanach feithicle a bhfuil a ré caite, agus ba cheart do na saoráidí cóireála údaraithe agus don úinéir deireanach é a tharchur chuig údaráis ábhartha an Bhallstáit ansin, toisc gur féidir clárúchán feithicle a chealú ach an deimhniú a chur i láthair. Leis an gcóras fógartha leictreonach, ba cheart go mbeifí in ann an doiciméid lena ndeimhnítear bailiú na feithicle a bhfuil a ré caite agus an deimhniú scriosta a tharchur.

__________________

57 Cinneadh 2002/151/CE ón gCoimisiún an 19 Feabhra 2002 maidir le híoscheanglais chun an deimhniú scriosta arna eisiúint i gcomhréir le hAirteagal 5(3) de Threoir 2000/53/CE ó Pharlaimint na hEorpa agus ón gComhairle maidir le feithiclí a bhfuil a ré caite (IO L 50, 21.2.2002, lch. 94).

(48)D’ainneoin oibleagáid i dTreoir 2000/53/CE chun na feithiclí uile a bhfuil a ré caite a aistriú lena gcóireáil chuig saoráid chóireála údaraithe, tá sciar an-mhór feithiclí ann nach eol cá bhfuil siad, agus a d’fhéadfadh a bheith cóireáilte nó onnmhairithe go neamhdhleathach mar fheithiclí a bhfuil a ré caite, nó nach bhfuil a stádas tuairiscithe i gceart d’údaráis chlárúcháin na mBallstát. Tagraítear do na feithiclí sin mar ‘feithiclí ar iarraidh’. Ba cheart do na Ballstáit bearta náisiúnta agus a gcomhar a neartú freisin chun an líon feithiclí ar iarraidh a laghdú. Ach deimhnithe scriosta a eisítear i mBallstát eile a aithint agus oibleagáid chun údaráis na mBallstát a chur ar an eolas, faoin áit a bhfuil an fheithicil cláraithe, go bhfuil deimhniú scriosta eisithe, ba cheart a bheith in ann an áit a bhfuil feithiclí a bhfuil a ré caite a rianú níos fearr.

(51)I bhfianaise an phríomhróil atá ag saoráidí cóireála údaraithe maidir le feithiclí a bhfuil a ré caite a bhainistiú ar bhealach nach ndéanann dochar don chomhshaol ná do shláinte an duine agus a rannchuidíonn chun cuspóirí geilleagair chiorclaigh an Aontais a bhaint amach, agus atá inchosanta ar bhonn eacnamaíoch, is gá oibleagáidí a leagan síos a mbeidh feidhm acu maidir leis na saoráidí sin agus lena gcumhdófar a gcuid gníomhaíochtaí uile, ó ghlacadh agus stóráil feithicle a bhfuil a ré caite go dtí an chóireáil deiridh a ndéantar uirthi.

(52)Chun inrianaitheacht a áirithiú maidir lena gcuid gníomhaíochtaí, lena n-áirítear cáilíocht an fhuíll nó ábhar ionchuir ábhartha eile, ba cheart do na saoráidí cóireála údaraithe na hoibríochtaí cóireála a dhéanann siad a dhoiciméadú agus an taifead a stóráil go leictreonach ar feadh 3 bliana ar a laghad, agus ba cheart dóibh a bheith in ann an taifead sin a chur faoi bhráid na n-údarás náisiúnta ábhartha, arna iarraidh sin dóibh.

(53)Is é díthruailliú feithicle a bhfuil a ré caite an chéad chéim i dtreo cosc a chur ar dhamáiste don chomhshaol, ar shláinte an duine agus ar rioscaí don tsábháilteacht ceirde. Dá bhrí sin, tá sé fíor-riachtanach go ndéanfaí na hoibríochtaí díthruaillithe is gá ar fheithicil a bhfuil a ré caite a luaithe is féidir tar éis í a sheachadadh ar an tsaoráid chóireála údaraithe, sula ndéantar aon chóireáil bhreise ar an bhfeithicil a bhfuil a ré caite sin. Le linn na céime sin, ba cheart dramh-olaí a bhailiú agus a stóráil ar leithligh ó na sreabháin agus na leachtanna eile, agus ba cheart iad a chóireáil a thuilleadh i gcomhréir le Treoir 2008/98/CE. Ba cheart sreabháin córais aerchóiriúcháin a úsáidtear i gcórais bainistithe theirmigh a bhailiú agus a stóráil ar leithligh ó shreabháin eile agus, i gcás inarb indéanta, iad a athchúrsáil, a athshlánú agus a athúsáid. Ina theannta sin, ba cheart na páirteanna, comhpháirteanna agus ábhair ina bhfuil luaidhe, caidmiam, mearcair agus cróimiam heicsifhiúsach a bhaint ón bhfeithicil a bhfuil a ré caite, chun éifeachtaí díobhálacha ar an duine nó ar an gcomhshaol a sheachaint.

(54)Chun a áirithiú go gcuirfear Rialachán (AE) 2023/1542 chun feidhme i gceart, tá gach ceallra a ionchorpraítear i bhfeithiclí le baint ar leithligh ó fheithicil a bhfuil a ré caite agus le stóráil i limistéar ainmnithe le haghaidh tuilleadh cóireála.

(55)Chun an acmhainneacht a bhaineann le hathúsáid, athmhonarú agus athriochtú páirteanna agus comhpháirteanna a uasmhéadú, agus chun ardluach ar na hábhair thánaisteacha a dhíorthaítear ó fheithiclí a bhfuil a ré caite chaomhnú, ba cheart páirteanna agus comhpháirteanna áirithe a bhaint ó fheithiclí a bhfuil a ré caite go sainordaitheach roimh an mionghearradh. Ba cheart na páirteanna agus na comhpháirteanna lena mbaineann a bhaint i bpróiseas díchóimeála láimhe nó i bpróiseas díchóimeála leath-uathoibrithe. Ba cheart é a bheith indéanta imeacht ón gceanglas maidir le baint shainordaitheach páirteanna agus comhpháirteanna i gcásanna eisceachtúla áirithe, inter alia, mura bhfuil aon fhéidearthacht mhargaidh ar athúsáid, athmhonarú nó athriochtú nó más féidir leis an tsaoráid chóireála údaraithe a léiriú gur féidir na páirteanna agus na comhpháirteanna lena mbaineann a bhaint ar bhealach chomh héifeachtach céanna leis na teicneolaíochtaí sin agus a dhéantar le próisis láimhe nó leath-uathoibrithe agus gan cáilíocht na gcodán cóireála a bhíonn ann dá bharr a ísliú. Chun na críche sin, ba cheart don Choimisiún critéir a shainiú maidir le mionghearradh le dramhaíl eile agus teorainnluachanna chun cáilíocht na gcodán aschuir a fheabhsú. Chun an dul chun cinn teicniúil agus eolaíoch a chur san áireamh, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i dtaca le hIarscríbhinn VII a leasú agus an Rialachán seo a fhorlíonadh trí cheanglais cháilíochta a bhunú le haghaidh na gcodán aschuir mionghearrtha.

(57)Le Rialachán (AE) 2023/1542, leagtar amach rialacha maidir le hinbhuanaitheacht, feidhmíocht, sábháilteacht, bailiú, athchúrsáil agus dara húsáid ceallraí, chomh maith le rialacha maidir le faisnéis i dtaobh ceallraí a bhaint le haghaidh oibreoirí eacnamaíocha. Ba cheart an acmhainneacht a bhaineann le dara húsáid ceallraí a chur san áireamh sa Rialachán seo trí cheallraí feithiclí leictreacha a eisiamh ó na páirteanna nó na comhpháirteanna fíor-riachtanacha chun go bhféadfar an fheithicil a thabhairt ar láimh lena cóireáil, saor in aisce, gan ceallra na feithicle leictrí más rud é go sholáthraíonn an t-úinéir deiridh doiciméadacht a chruthaíonn gur láimhsigh oibreoir gairmiúil an cheallra i gcomhréir le Rialachán (AE) 2023/1542.

(58)Agus aitheantas á thabhairt don acmhainneacht a bhaineann le hathmhonarú agus athriochtú san earnáil mótarfheithiclí agus don mhéid a rannchuidíonn siad leis an ngeilleagar ciorclach, is gá soiléireacht dhlíthiúil a sholáthar do na hoibreoirí eacnamaíocha a bhfuil baint acu leis an earnáil sin. Dá bhrí sin, maidir le páirteanna agus comhpháirteanna a bhaintear as feithicil a bhfuil a ré caite nó le linn céim úsáide feithicle, lena n-áirítear na páirteanna agus na comhpháirteanna sin a bhaintear le linn oibríocht deisithe agus chothabhála, atá oiriúnach lena n-athúsáid, lena n-athmhonarú, nó lena n-athchóiriú, ba cheart a shoiléiriú nár cheart iad a mheas mar dhramhaíl. Tá gá leis sin chun loingsiú, iompar nó aon aistriú eile de na páirteanna agus na comhpháirteanna sin a éascú. Ar an taobh eile, ba cheart páirteanna agus comhpháirteanna nach bhfuil oiriúnach lena n-athúsáid, lena n-athmhonarú nó lena n-athchóiriú a mheas mar dhramhaíl agus ba cheart a n-onnmhairiú a bheith faoi réir Rialachán (AE) 2024/1157 ó Pharlaimint na hEorpa agus ón gComhairle1a. Ba cheart do na húdaráis náisiúnta ábhartha a bheith in ann doiciméadacht a iarraidh, ón tsaoráid chóireála údaraithe a bhain an pháirt nó an chomhpháirt lena mbaineann, lena ndeimhnítear, trí mheasúnú tiomnaithe, oiriúnacht theicniúil na bpáirteanna agus na gcomhpháirteanna ábhartha lena n-athmhonarú, lena n-athriochtú, nó lena n-athúsáid.

(61)Chun forbairt agus feidhmiú cuí an mhargaidh le haghaidh páirteanna agus comhpháirteanna in-athúsáidte, athriochtaithe, iarfheistithe agus athmhonaraithe a spreagadh san Aontas, ba cheart na Ballstáit a spreagadh chun na dreasachtaí is gá a ghlacadh ar an leibhéal náisiúnta chun athúsáid, athriochtú, iarfheistiú agus athmhonarú páirteanna agus comhpháirteanna a chur chun cinn, cibé acu a bhaintear le linn na céime úsáide nó deireadh ré na feithicle iad. Ba cheart don Choimisiún an malartú faisnéise idir na Ballstáit a éascú trína gcuid dea-chleachtas a roinnt maidir leis na dreasachtaí a ghlactar ar an leibhéal náisiúnta, d’fhonn faireachán a dhéanamh ar a n-éifeachtacht. Ba cheart sonraí a mhalartú gan moill mhíchuí.

(63)Ba cheart feabhas leanúnach a chur ar athchúrsáil na bplaisteach uile ó fheithiclí a bhfuil a ré caite, agus tá sé tábhachtach soláthar leordhóthanach ábhar athchúrsáilte a áirithiú chun freastal ar an éileamh atá ann ar phlaistigh athchúrsáilte i bhfeithiclí. Dá bhrí sin, is gá sprioc shonrach athchúrsála mar atá 30 faoin gcéad de phlaistigh ó fheithiclí a bhfuil a ré caite a leagan amach. Bheadh an sprioc sin comhlántach leis na spriocanna le haghaidh feithiclí a bhfuil a ré caite (85 faoin gcéad) chomh maith le hathúsáid agus aisghabháil feithiclí a bhfuil a ré caite (95 faoin gcéad) de réir meánmheáchan in aghaidh na feithicle agus in aghaidh na bliana. Chun cur chun feidhme na gceanglas sin ag oibreoirí bainistithe dramhaíola a éascú, tá gá le hidirthréimhse 3 bliana. Idir an dá linn, na spriocanna atá ann faoi láthair maidir le hathúsáid agus athchúrsáil (85 faoin gcéad) chomh maith le hathúsáid agus aisghabháil feithiclí a bhfuil a ré caite (95 faoin gcéad), a leagtar síos le Treoir 2000/53/CE, agus atá bunaithe ar an sainmhíniú ar athchúrsáil sa Treoir sin, ba cheart go leanfadh siad d’fheidhm a bheith acu. Ba cheart leaistiméirí a eisiamh ó mheáchan an phlaistigh a athchúrsáiltear agus ó mheáchan iomlán na bplaisteach chomh maith le teirmithéachtaí seachas cúir pholúireatáin.

(64)Tá sé tábhachtach aisghabháil ábhar tánaisteach ardcháilíochta a mhéadú trí fheabhas a chur ar phróisis mhionghearrtha feithiclí a bhfuil a ré caite. Dá bhrí sin, níor cheart a cheadú feithiclí a bhfuil a ré caite, a bpáirteanna, a gcomhpháirteanna agus a n-ábhair a phróiseáil i mionghearrthóir in éineacht le dramhaíl ó phacáistíocht agus le dramhthrealamh leictreach agus leictreonach, ach amháin má chomhlíontar critéir áirithe maidir le cáilíocht ábhair aschuir.

(66)Déantar feithiclí a bhfuil a ré caite a aicmiú mar dhramhaíl ghuaiseach agus ní féidir iad a onnmhairiú chuig tíortha nach tíortha de chuid ECFE iad. Féadfar feithiclí a bhfuil a ré caite a chóireáil lasmuigh den Aontas i gcónaí, ar choinníoll go ndéantar na feithiclí díthruaillithe sin a bhfuil a ré caite a sheoladh i gcomhréir le Rialachán (AE) 2024/1157.

(67)I gcás ina seoltar feithicil a bhfuil a ré caite ón Aontas chuig tríú tír, ba cheart don onnmhaireoir fianaise dhoiciméadach arna formheas ag an údarás inniúil sa tír cinn scríbe a sholáthar, lena ndeimhnítear go meastar go bhfuil na coinníollacha cóireála coibhéiseach den chuid is mó le ceanglais an Rialacháin seo agus leis na ceanglais maidir le sláinte an duine agus cosaint an chomhshaoil a leagtar síos i reachtaíocht eile de chuid an Aontais, i gcomhréir le Rialachán (AE) 2024/1157. Chun idirdhealú a dhéanamh idir loingsithe feithiclí caite agus feithiclí a bhfuil a ré caite, ba cheart d’údaráis inniúla na mBallstát a bheith in ann cigireachtaí a dhéanamh nuair a bhíonn amhras orthu gur feithiclí a bhfuil a ré caite iad feithiclí a dhearbhaítear a bheith úsáidte. I gcás ina ndeimhnítear leis na cigireachtaí sin go gcáilíonn na feithiclí atá i gceist mar fheithiclí a bhfuil a ré caite, féadfar costais na cigireachta agus aon stóráil ghaolmhar a ghearradh ar an oibreoir eacnamaíoch atá freagrach as an loingsiú.

(68)Chun a áirithiú go gcaitear le feithiclí a bhfuil a ré caite ar bhealach atá inbhuanaithe ó thaobh an chomhshaoil de, tá sé tábhachtach soiléireacht a sholáthar maidir le stádas feithicle ar feadh a ré ina hiomláine, go háirithe i gcásanna inar gá feithiclí athláimhe a idirdhealú ó fheithiclí a bhfuil a ré caite. Nuair a aistríonn oibreoir eacnamaíoch laistigh den Aontas úinéireacht feithicle caite, ba cheart don oibreoir eacnamaíoch a chur in iúl don duine is faighteoir nach feithicil a bhfuil a ré caite í an fheithicil trí dheimhniú ródacmhainneachta a sholáthar nó trína chur in iúl go gcomhlíonann an fheithicil na critéir indeisitheachta bhunaithe. Maidir le húinéir feithicle a bhfuil sé beartaithe aige feithicil chaite a onnmhairiú lasmuigh den Aontas, ba cheart a cheangal air doiciméadacht a sholáthar nach feithicil a bhfuil a ré caite í an fheithicil. Is éard ba cheart a bheith sa doiciméadacht sin deimhniú bailí ródacmhainneachta nó, i gcás nach bhfuil an deimhniú sin ar fáil, measúnú arna dhéanamh ag na húdaráis inniúla atá freagrach as na deimhnithe ródacmhainneachta. Chun measúnú a dhéanamh ar stádas feithicle caite, ba cheart d’úinéir na feithicle, d’oibreoirí eacnamaíocha eile agus d’údaráis inniúla a fhíorú an bhfuil critéir áirithe lena gcinntear cé acu atá nó nach bhfuil an fheithicil lena mbaineann ina feithicil a bhfuil a ré caite á gcomhlíonadh.

(69)Plean Gníomhaíochta an Aontais Eorpaigh: Cuireadh i dtábhacht in ‘I dtreo Uisce, Aer agus Ithir Saor ó Thruailliú’59, gur gá don Choimisiún bearta nua a mholadh chun aghaidh a thabhairt ar lorg comhshaoil seachtrach an Aontais atá nasctha le honnmhairiú feithiclí a bhfuil a ré caite agus feithiclí athláimhe. Agus é á chur san áireamh go n-eascraíonn dúshláin thábhachtacha a bhaineann leis an gcomhshaol agus an tsláinte phoiblí as onnmhairiú feithiclí caite, rud a dhoiciméadaítear i gClár Comhshaoil na Náisiún Aontaithe60, agus gurb é an tAontas an t-onnmhaireoir feithiclí caite is mó ar fud an domhain, is gá ceanglais shonracha a leagan amach ar leibhéal an Aontais lena rialófar onnmhairiú feithiclí caite [ón Aontas]. Ba cheart na ceanglais a bheith bunaithe ar chritéir oibiachtúla ar dá réir ní feithicil a bhfuil a ré caite í feithicil chaite nó ní mór í a bheith ródacmhainneach de bhun Threoir 2014/45/AE ó Pharlaimint na hEorpa agus ón gComhairle61 agus go bhfuil sí le háireamh i gclárlann náisiúnta. Ba cheart a áirithiú leis sin nach bhféadfar ach feithiclí caite atá oiriúnach lena dtiomáint ar bhóithre an Aontais a onnmhairiú chuig tríú tír, rud a laghdódh na rioscaí go rannchuideodh onnmhairiú feithiclí caite ón Aontas le truailliú aeir nó le tionóiscí bóthair i dtríú tíortha. Chun go bhféadfaidh údaráis chustaim a fhíorú go mbeidh na ceanglais sin á gcomhlíonadh tráth an onnmhairiúcháin, ba cheart a cheangal ar aon duine a onnmhaireoidh feithicil chaite uimhir aitheantais na feithicle a sholáthar do na húdaráis sin mar aon le ráiteas lena ndeimhnítear nach feithicil a bhfuil a ré caite í an fheithicil chaite nó go meastar í a bheith ródacmhainneach.

__________________

59 COM(2021)0400.

60 https://www.unep.org/resources/report/global-trade-used-vehicles-report

61 Treoir 2014/45/AE ó Pharlaimint na hEorpa agus ón gComhairle an 3 Aibreán 2014 maidir le tástálacha tréimhsiúla ródacmhainneachta ar mhótarfheithiclí agus ar leantóirí mótarfheithiclí agus lena n-aisghairtear Treoir 2009/40/CE (IO L 127, 29.4.2014, lch. 51).

(70)Tá sé tábhachtach sásra a bhunú lena bhféadfar fíorú éifeachtach a dhéanamh go gcomhlíonann feithiclí caite na ceanglais onnmhairiúcháin gan bac a chur ar an trádáil idir an tAontas agus tríú tíortha. Dá bhrí sin, ba cheart don Choimisiún córas leictreonach a bhunú a chuirfeadh é ar a gcumas do na húdaráis sna Ballstáit faisnéis a mhalartú agus a fhíorú i bhfíor-am faoi uimhir aitheantais feithicle agus stádas ródacmhainneachta na bhfeithiclí caite atá le honnmhairiú. I bhfianaise na ngnéithe agus na bhfeidhmiúlachtaí atá aige cheana féin atá nasctha le faisnéis a bhaineann le feithiclí atá cláraithe san Aontas a chomhroinnt idir údaráis chlárúcháin feithiclí, d’fhorbair an Coimisiún MOVE-HUB, ar ardán malartaithe teachtaireachtaí é, chun teachtaireachtaí a mhalartú chun cláir leictreonacha náisiúnta na mBallstát a idirnascadh. Ba cheart do na Ballstáit a bheith in ann an Córas Eorpach Faisnéise maidir le Gluaisteáin agus Ceadúnais Tiomána (EUCARIS) a úsáid chun nascadh le córas leictreonach MOVE-HUB. I láthair na huaire, óstálann an t-ardán idirnasc na gclár Eorpach de ghnóthais iompair de bhóthar (ERRU), na cláir um cheadúnais tiomána (RESPER), idirnasc na gclár um oiliúint ghairmiúil do thiománaithe (ProDriveNet), an fógra maidir le teipeanna iniúchta cois bóthair ar fheithiclí (RSI) agus idirnasc na gclár um chártaí tacagraif tiománaithe (TACHOnet). Dá bhrí sin, ba cheart feidhmiúlachtaí MOVE-HUB a leathnú tuilleadh chun go bhféadfar faisnéis a mhalartú agus a fhíorú maidir le huimhir aitheantais feithicle agus stádas ródacmhainneachta na bhfeithiclí caite atá le honnmhairiú. Chun go bhféadfaidh údaráis chustaim fíorú leictreonach agus uathoibríoch a dhéanamh ar cé acu a chomhlíonann nó nach gcomhlíonann feithicil chaite atá le honnmhairiú na ceanglais onnmhairiúcháin, ba cheart an córas leictreonach arna oibriú ag MOVE-HUB a idirnascadh le Timpeallacht an Ionaid Ilfhreastail AE maidir le Custam, i gcomhréir le Rialachán (AE) 2022/2399 ó Pharlaimint na hEorpa agus ón gComhairle62. Déantar foráil sa Rialachán sin maidir le creat cuimsitheach de rialuithe uathoibrithe, a bhfuil feidhm acu maidir le foirmiúlacht neamhchustaim shonrach de chuid an Aontais. Dá bhrí sin, ba cheart na príomheilimintí atá le rialú a leagan amach sa Rialachán seo, agus is faoi Rialachán (AE) 2022/2399 a leagfaí síos na gnéithe teicniúla de chur chun feidhme an rialaithe sin.

__________________

62 Rialachán (AE) 2022/2399 ó Pharlaimint na hEorpa agus ón gComhairle an 23 Samhain 2022 lena mbunaítear Timpeallacht Ionaid Ilfhreastail an Aontais Eorpaigh maidir le Custaim agus lena leasaítear Rialachán (AE) Uimh. 952/2013 (IO L 317, 9.12.2022, lch. 1).

(73)Tá sé tábhachtach go bhféadfaidh údaráis chustaim rialuithe a dhéanamh ar fheithiclí caite atá le honnmhairiú i gcomhréir le Rialachán (AE) Uimh. 952/2013 ó Pharlaimint na hEorpa agus ón gComhairle63. Tá sciar nach beag d’fheithiclí caite a fhágann an tAontas ag déanamh ar thíortha ina bhfuil ceanglais maidir le allmhairiú bunaithe nó ina bhféadfaí iad a bhunú, amhail ceanglais i ndáil le haois na feithicle nó lena hastaíochtaí. Tá sé tábhachtach go bhféadfaidh na húdaráis chustaim fíorú leictreonach agus uathoibríoch a dhéanamh, trí Thimpeallacht an Ionaid Ilfhreastail AE maidir le Custam, ar cé acu a chomhlíonann nó nach gcomhlíonann feithicil chaite atá le honnmhairiú na ceanglais sin, i gcás ina gcuirfidh na tríú tíortha lena mbaineann an fhaisnéis faoi na ceanglais sin in iúl don Choimisiún go hoifigiúil. Chun comhlíonadh a éascú, ba cheart don Choimisiún na coinníollacha sonracha ar tugadh fógra ina leith agus a bhaineann le cosaint an chomhshaoil nó na sábháilteachta ar bhóithre arna bhforchur ag tríú tíortha a fhoilsiú agus a thabhairt cothrom le dáta ar thairseach thiomnaithe ar líne. Chun an comhshaol agus an tsábháilteacht ar bhóithre i dtríú tíortha a chosaint, ba cheart an chumhacht chun gníomhartha tarmligthe a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i dtaca leis na ceanglais sin a leagan amach.

__________________

63 Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (IO L 269, 10.10.2013, lch. 1).

(76)Ba cheart do na Ballstáit pleananna cigireachta a fhorbairt chun faireachán a dhéanamh ar chóireáil neamhdhleathach feithiclí. Ba cheart comhlíonadh na bhforálacha maidir le honnmhairiú feithiclí athláimhe agus cóireáil feithiclí a bhfuil a ré caite a chumhdach leis na hiniúchtaí. Gach bliain, ba cheart 10 faoin gcéad ar a laghad de na saoráidí cóireála údaraithe agus de na hoibreoirí a chumhdach leis na hiniúchtaí. Láithreáin oibreoirí deisiúcháin agus cothabhála, pointí bailithe, agus saoráidí agus oibreoirí eacnamaíocha eile a d’fhéadfadh feithiclí a bhfuil a ré caite a chóireáil nó feithiclí caite nó a bpáirteanna spártha agus a gcomhpháirteanna a dhíol, ba cheart cigireacht a dhéanamh orthu freisin. Ní mór a chur i dtábhacht gur cheart na hiniúchtaí a dhéantar faoin Rialachán seo a bheith comhlántach le hiniúchtaí ar loingsithe feithiclí a bhfuil a ré caite, a rialaítear go cuimsitheach i Rialachán (AE) 2024/1157.

(77)Ba cheart do na Ballstáit sásraí comhair a bhunú ar an leibhéal náisiúnta agus idirnáisiúnta ionas gur féidir cigireachtaí a dhéanamh ar bhealach éifeachtúil agus é mar chuspóir acu cosc agus brath cóireála neamhdhleathaí agus onnmhairiú feithiclí a bhfuil a ré caite a éascú, agus aghaidh a thabhairt go buan ar shaincheist na bhfeithiclí atá ar iarraidh. Ba cheart malartú sonraí maidir le clárúchán feithiclí a chumasú leis na sásraí sin, rud a bhfuil gá leis chun na feithiclí a rianú agus chun a sheiceáil an gcuirtear cóireáil chuí orthu nuair a bhaineann siad deireadh a ré amach. Chun an comhar idir na Ballstáit a éascú, ba cheart don Choimisiún líonra tiomnaithe a bhunú chun comhordú éifeachtach na mbeartas náisiúnta forfheidhmiúcháin a áirithiú.

(86)Aithníodh go bhfuil feithiclí ar iarraidh ar cheann de na dúshláin is mó a bhaineann le cur chun feidhme Threoir 2000/53/CE. In éagmais córas éifeachtúil lenar féidir faisnéis a mhalartú i bhfíor-am idir na Ballstáit maidir le stádas clárúcháin feithiclí, is amhlaidh a chuirtear bac ar inrianaitheacht agus sainaithníodh é sin mar chúis leis an líon ard ‘feithiclí ar iarraidh’ san Aontas. Chun aghaidh a thabhairt air sin, mhol an Coimisiún athbhreithniú a dhéanamh ar Threoir 1999/37/CE ón gComhairle maidir leis na doiciméid chlárúcháin le haghaidh feithiclí67. Leis an athbhreithniú sin, ba cheart a cheangal ar na Ballstáit sonraí a thaifeadadh go leictreonach, i gcás feithiclí atá cláraithe ar a gcríoch, lenar féidir na cúiseanna le clárú feithicle a chealú a dhoiciméadú i gceart, go háirithe i gcás inar caitheadh le feithicil mar fheithicil a bhfuil a ré caite i saoráid chóireála údaraithe, inar athchláraíodh i mBallstát eile í, inar onnmhairíodh go tríú tír lasmuigh den Aontas í, nó inar goideadh í. Thairis sin, chun cosc a chur ar dhíchóimeáil nó onnmhairiú neamhdhleathach feithiclí a díchláraíodh go sealadach, ba cheart é a chur d’oibleagáid ar úinéirí feithiclí aon athrú ar a n-úinéireacht a thuairisciú go pras don údarás náisiúnta clárúcháin feithiclí. Leis na leasuithe sin, comhlánaítear na ceanglais atá ar na Ballstáit cheana sonraí a thaifeadadh go leictreonach maidir le gach feithicil atá cláraithe ar a gcríoch agus cuirtear leis na ceanglais sin.

__________________

67 Treoir 1999/37/CE ón gComhairle an 29 Aibreán 1999 maidir le doiciméid chlárúcháin mótarfheithiclí (IO L 138, 1.6.1999, lch. 57).

(87)I bhfianaise an ghá atá ann ardleibhéal cosanta ar an gcomhshaol a áirithiú agus an dul chun cinn eolaíoch a chur san áireamh, ba cheart don Choimisiún tuarascáil a chur faoi bhráid Pharlaimint na hEorpa agus na Comhairle maidir le cur i bhfeidhm an Rialacháin seo agus an tionchar atá aige ar fheidhmiú an mhargaidh aonair agus ar an gcomhshaol. Ba cheart don Choimisiún meastóireacht a áireamh ina thuarascáil ar na forálacha maidir le feithiclí nua a dhearadh, lena n-áirítear na spriocanna i dtaca le hin-athúsáidteacht, in-athchúrsáilteacht agus in-aisghabhálacht, bainistiú feithiclí a bhfuil a ré caite, lena n-áirítear na spriocanna athchúrsála, agus pionóis chomh maith le measúnú ar an ngá atá le raon feidhme an Rialacháin seo a leathnú a thuilleadh chun feithiclí áirithe amhail carbháin, feithiclí ilchéime nó feithiclí tromshaothair agus a leantóirí a chumhdach, agus ar a indéanta a bheadh sé sin. Ba cheart don mheasúnú sin díriú ní hamháin ar ghnéithe a bhaineann le cóireáil feithiclí a bhfuil a ré caite, ach freisin ar an ábharthacht agus ar an mbreisluach a bhaineann le ceanglais dearaidh a leagan síos agus ar thionchar na mbeart a bhaineann le forálacha maidir le próisis a d’fhéadfadh difear a dhéanamh d’athchúrsáil ardcháilíochta feithiclí ag deireadh a ré, bearta atá dírithe ar dhul i ngleic le saincheist na ‘bhfeithiclí ar iarraidh’ agus go háirithe cóireáil agus onnmhairiú neamhdhleathach feithiclí a bhfuil a ré caite chomh maith le tionchar na ndifríochtaí sna critéir náisiúnta ródacmhainneachta a chuirtear i bhfeidhm ar onnmhairiú feithiclí caite agus ar an margadh inmheánach.

(88)Ba cheart a áireamh sa tuarascáil ón gCoimisiún freisin measúnú ar na bearta a bhaineann le faisnéis a sholáthar faoi shubstaintí i bhfeithiclí ar údar imní iad agus ar cé acu atá nó nach bhfuil gá le feabhas a chur ar inrianaitheacht na substaintí sin. Ba cheart measúnú a dhéanamh inti freisin ar cé acu is gá nó nach gá bearta a thabhairt isteach lena dtabharfaí aghaidh ar na substaintí a d’fhéadfadh difear a dhéanamh do chóireáil feithiclí nuair a bhaineann siad an chéim deireadh ré amach, chun í a ailíniú ar bhonn níos dlúithe le Rialachán (AE) 2024/1781.

(95)Ba cheart cur i bhfeidhm na bhforálacha uile a bhaineann le feithiclí de chatagóirí L, M2, M3, N2, N3 agus O a chur siar chun am leordhóthanach a sholáthar d’oibreoirí chun na ceanglais nua a chomhlíonadh. Tá tábhacht ar leith ag baint leis sin a mhéid a bhaineann le ceadanna le haghaidh saoráidí cóireála údaraithe atá in ann díthruailliú a dhéanamh mar aon le tuilleadh cóireála ar na feithiclí sin.

(c)Ó [Oifig na bhFoilseachán: Cuir isteach an dáta = an chéad lá den mhí i ndiaidh 60 mí tar éis dháta theacht i bhfeidhm an Rialacháin seo] maidir le feithiclí agus feithiclí a bhfuil a ré caite de chatagóirí L mar a leagtar amach in Airteagal 4(2) de Rialachán (AE) Uimh. 168/2013.

(d)feithiclí ar díol spéise staire iad mar a shainmhínítear in Airteagal 3, pointe (7), de Threoir 2014/45/AE agus a bpáirteanna, a gcomhpháirteanna agus a bpáirteanna spártha uile is gá dá ngníomhaíochtaí cothabhála chun a stádas stairiúil a áirithiú;

4.D’ainneoin mhír 1, pointe (c), ní bheidh feidhm ag na forálacha seo a leanas maidir le feithiclí agus feithiclí a bhfuil a ré caite de chatagóirí L:

scriosta

(a)Airteagal 4 maidir le hin-athúsáidteacht, in-athchúrsáilteacht agus in-aisghabhálacht feithiclí;

5.D’ainneoin mhír 2, pointe (a), beidh feidhm ag na forálacha seo a leanas maidir le gach feithicil shainchuspóireach cé is moite de mhótarcharbháin agus carbháin leantóra mar a shainmhínítear i bpointí 5.1 agus 5.6 de Chuid A d’Iarscríbhinn I a ghabhann le Rialachán (AE) 2018/858:

6.D’ainneoin mhír 1, pointí (b) agus (c), beidh feidhm ag Airteagail 16, 19, 20, 27 agus 46 go 49 maidir le feithiclí agus feithiclí a bhfuil a ré caite de chatagóirí L, M2, M3, N2, N3 agus O leis na modhnuithe seo a leanas:

(1)ciallaíonn ‘feithicil’ aon fheithicil mar a shainmhínítear in Airteagal 3, pointe (15), de Rialachán (AE) 2018/858 nó a liostaítear in Airteagal 4(2), pointí (c) go (g), de Rialachán (AE) Uimh. 168/2013;

(2)ciallaíonn ‘feithicil a bhfuil a ré caite’ feithicil ar dramhaíl í mar a shainmhínítear in Airteagal 3, pointe (1), de Threoir 2008/98/CE, nó feithiclí atá do-dheisithe de réir na gcritéar i gCuid A, pointe 1 d’Iarscríbhinn I a ghabhann leis an Rialachán seo;;

(9)ciallaíonn ‘plaisteach’ polaiméir de réir bhrí Airteagal 3, pointí (2) agus (3), de Rialachán (AE) Uimh. 10/2011 ón gCoimisiún, a bhféadfadh breiseáin nó substaintí eile a bheith curtha léi, atá in ann feidhmiú mar phríomh-chomhpháirt struchtúrach d’ábhair agus d’earraí deiridh;

(14)ciallaíonn ‘ceallra feithicle leictrí’ ceallra feithicle leictrí mar a shainmhínítear in Airteagal 3, pointe (14), de Rialachán (AE) 2023/1542;

(15)ciallaíonn ‘saoráid chóireála údaraithe’ aon bhunaíocht nó aon ghnóthas a cheadaítear i gcomhréir le Treoir 2008/98/CE agus leis an Rialachán seo chun bailiú, stóráil agus cóireáil a dhéanamh ar fheithiclí a bhfuil a ré caite nó a bpáirteanna agus a gcomhpháirteanna ina n-aonar nó i gcomhar le saoráidí cóireála eile;

(18)ciallaíonn ‘oibreoir deisiúcháin agus cothabhála’ duine nádúrtha nó dlítheanach, a bhfuil baint dhíreach nó indíreach i ndeisiú agus i gcothabháil feithiclí, agus áirítear leis deisitheoirí, monaróirí nó dáileoirí trealaimh deisiúcháin, uirlisí nó páirteanna spártha, mar aon le foilsitheoirí faisnéise teicniúla, clubanna gluaisteán, oibreoirí cabhrach ar thaobh an bhóthair, oibreoirí a thairgeann seirbhísí cigireachta agus tástála, oibreoirí a thairgeann oiliúint do shuiteálaithe, do mhonaróirí agus do dheisitheoirí trealaimh le haghaidh feithiclí breosla ailtéarnaigh; ina theannta sin, ciallaíonn sé deisitheoirí, déileálaithe agus dáileoirí údaraithe atá rannpháirteach i gcóras dáiliúcháin monaróra feithicle áirithe sa mhéid go bhfuil siad ag soláthar seirbhísí deisiúcháin agus cothabhála le haghaidh feithiclí nach bhfuil siad rannpháirteach i gcóras dáiliúcháin mhonaróir na feithicle ina dtaobh;

(21)ciallaíonn ‘oibreoir bainistithe dramhaíola’ aon duine nádúrtha nó dlítheanach a dhéileálann ar bhonn gairmiúil le bailiú nó cóireáil feithiclí a bhfuil a ré caite nó a bpáirteanna agus a gcomhpháirteanna;

(22)ciallaíonn ‘táirgeoir’ aon mhonaróir, allmhaireoir nó dáileoir, gan beann ar an teicníc dhíolta a úsáideann sé, lena n-áirítear trí bhíthin cianchonarthaí mar a shainmhínítear in Airteagal 2, pointe 7, de Threoir 2011/83/AE, a sholáthraíonn feithicil den chéad uair lena dáileadh nó lena húsáid, laistigh de chríoch Ballstáit ar bhonn gairmiúil; i gcás feithiclí ilchéimneacha, is é an táirgeoir monaróir na bonnfheithicle;

(23)ciallaíonn ‘eagraíocht um fhreagracht táirgeoirí’ eintiteas dlítheanach neamhbhrabúis a eagraíonn comhlíonadh oibleagáidí freagrachta leathnaithe táirgeora, ó thaobh airgeadais de nó ó thaobh airgeadais agus oibríochta de, thar ceann roinnt táirgeoirí;

(24)ciallaíonn ‘ionadaí údaraithe don fhreagracht leathnaithe táirgeora’ duine nádúrtha dlítheanach atá bunaithe i mBallstát ina gcuireann an táirgeoir feithiclí ar fáil ar an margadh den chéad uair, atá éagsúil leis an mBallstát ina bhfuil an táirgeoir bunaithe, agus a gceapann an táirgeoir é i gcomhréir le hAirteagal 8a(5), an tríú fomhír, de Threoir 2008/98/CE chun na oibleagáidí ar an táirgeoir sin faoi Chaibidil IV den Rialachán seo a chomhlíonadh;

(27)ciallaíonn ‘teicneolaíocht iar-mhionghearrthóra’ na teicnící agus na teicneolaíochtaí a úsáidtear chun ábhair a phróiseáil ó fheithiclí a bhfuil a ré caite, i ndiaidh mionghearradh a dhéanamh orthu, lena n-aisghabháil agus lena n-athchúrsáil tuilleadh;

(28)ciallaíonn ‘athmhonarú’ oibríocht thionsclaíoch chaighdeánaithe dhoiciméadaithe ina monaraítear páirt nó comhpháirt nua chun filleadh ar an mbail chéanna mar atá nua, nó ar bhail níos fearr, ó pháirteanna agus ó chomhpháirteanna a bhaintear d’fheithiclí nó d’fheithiclí a bhfuil a ré caite agus ina ndéantar athrú amháin ar a laghad ar an bpáirt nó ar an gcomhpháirt a dhéanann difear dá sábháilteacht, dá feidhmíocht, dá cuspóir nó dá cineál; go bhfuil an próiseas i gcomhréir le sonraíochtaí teicniúla sonracha, lena n-áirítear caighdeáin innealtóireachta, cháilíochta agus tástála, agus go dtáirgeann sé táirgí a bhfuil baránta iomlán acu;

(29)ciallaíonn ‘athriochtú’ gníomhaíochtaí a dhéantar chun páirt nó comhpháirt a bhaintear as feithiclí a ullmhú, a ghlanadh, a thástáil agus, i gcás inar gá, a dheisiú chun a feidhmíocht nó a feidhmiúlacht a athbhunú;

(35)ciallaíonn ‘oibreoirí eacnamaíocha’ táirgeoirí, bailitheoirí, díchóimeálaithe, athchúrsálaithe, cuideachtaí árachais feithiclí, soláthróirí, oibreoirí deisiúcháin agus cothabhála, athmhonaróirí, oibreoirí bainistithe dramhaíola agus aon oibreoir eile a bhfuil baint aige i ndearadh feithiclí, i dtrádáil feithiclí athláimhe, nó i mbainistiú feithiclí a bhfuil a ré caite, agus a bpáirteanna, a gcomhpháirteanna, a gcroítháirge nó a gcroípháirt agus a n-ábhair;

(e)‘substaint ar údar imní é’ agus ‘iompróir sonraí’ a leagtar síos in Airteagal 2, pointí (27) agus (29) de Rialachán (AE) 2024/1781;

1.Gach feithicil a bhaineann le cineál feithicle nua ar a ndéantar cineálcheadú ón [Oifig na bhFoilseachán: Cuir isteach an dáta = an chéad lá den mhí i ndiaidh 72 mhí tar éis dháta theacht i bhfeidhm an Rialacháin seo], faoi Rialachán (AE) 2018/858, tógfar í ar bhealach go mbeidh sí:

(c)iomláine na faisnéise a fhaightear ó sholáthróirí a sheiceáil;

Glacfaidh an Coimisiún, faoin [OF: cuir isteach an dáta = an lá deireanach den mhí i ndiaidh 35 mhí tar éis dháta theacht i bhfeidhm an Rialacháin seo], gníomh cur chun feidhme lena mbunaítear modheolaíocht nua maidir le rátaí in-athúsáidteachta, in-athchúrsáilteachta agus in-aisghabhálachta feithicle a ríomh agus a fhíorú, agus na heilimintí a leagtar amach in Iarscríbhinn II agus i gcaighdeán ISO 22628:2002 á gcur i gcuntas.

1.Déanfar láithreacht substaintí ar údar imní iad i bhfeithiclí agus ina bpáirteanna agus ina gcomhpháirteanna a íoslaghdú a mhéid is gá chun éifeachtaí díobhálacha ar shláinte an duine agus ar an gcomhshaol a chosc, ar feadh a saolré.

2.Aon chineál feithicle nua atá cineálcheadaithe ón [Oifig na bhFoilseachán: Cuir isteach an dáta = an chéad lá den mhí i ndiaidh 72 mhí tar éis dháta theacht i bhfeidhm an Rialacháin seo], faoi Rialachán (AE) 2018/858, nó aon pháirteanna nó comhpháirteanna nua a chuirtear ar an margadh le haghaidh na feithicle sin, ní bheidh luaidhe, mearcair, caidmiam nó cróimiam heicsifhiúsach ann.

5.Arna iarraidh sin don Choimisiún, agus laistigh de 12 mhí ón iarraidh a fháil, ullmhóidh an Ghníomhaireacht Eorpach Ceimiceán (‘an Ghníomhaireacht’) tuarascáil , bunaithe ar chomhairliúchán le páirtithe leasmhara agus saineolaithe tionscail, ar indéantacht theicniúil agus eacnamaíoch na roghanna malartacha a bhaineann le díolúintí atá ann cheana a liostaítear in Iarscríbhinn III agus, ar bhonn an mheasúnaithe sin, ullmhóidh sí togra spreagtha maidir leis an leasú sonrach ar an díolúine sin.

6.A luaithe a gheobhaidh an Ghníomhaireacht an iarraidh ón gCoimisiún, foilseoidh sí fógra ar a suíomh gréasáin go n-ullmhófar tuarascáil ar leasú féideartha ar dhíolúine in Iarscríbhinn III agus iarrfaidh sí ar na páirtithe leasmhara uile barúlacha a chur isteach laistigh de 12 sheachtain ón dáta a fhoilsítear an fógra. Foilseoidh an Ghníomhaireacht na barúlacha uile a gheobhaidh sí ó na páirtithe leasmhara ar a suíomh gréasáin.

7.12 mhí ar a dhéanaí i ndiaidh an tuarascáil dá dtagraítear i mír 4 a bheith curtha faoi bhráid an Choimisiúin, an Coiste um Anailís Shocheacnamaíoch na Gníomhaireachta, a bunaíodh de bhun Airteagal 76(1), pointe (d), de Rialachán (CE) Uimh. 1907/2006, glacfaidh sé tuairim maidir leis an tuarascáil agus maidir leis na leasuithe sonracha atá beartaithe. Cuirfidh an Ghníomhaireacht an tuairim sin faoi bhráid an Choimisiúin gan mhoill.

An plaisteach atá i ngach cineál feithicle nua atá cineálcheadaithe ón [OF: Cuir isteach an dáta = an chéad lá den mhí i ndiaidh 72 mhí tar éis dháta theacht i bhfeidhm an Rialacháin] faoi Rialachán (AE) 2018/858, beidh íosmhéid 20 faoin gcéad de chion plaisteach athchúrsáilte arna aisghabháil, lena n-áirítear plaisteach bithbhunaithe, ó dhramhaíl plaisteach iarthomhaltais agus ó shruthanna dramhaíola plaistí iarthomhaltais arna sannadh trí líne chúraim de réir chaighdeán ISO 22095:2020.

2.Faoin .... [OF: Cuir isteach an dáta = an lá deireanach den mhí i ndiaidh 15 mhí tar éis dháta theacht i bhfeidhm an Rialacháin seo], glacfaidh an Coimisiún gníomh tarmligthe i gcomhréir le hAirteagal 50 chun an Rialachán seo a fhorlíonadh, tríd an modheolaíocht a leagan síos maidir le ríomh agus fíorú a dhéanamh, chun críocha mhír 1 den Airteagal seo, ar úsáid na bplaisteach arna n-aisghabháil ó dhramhaíl réamhthomhaltais agus iarthomhaltais, agus ó fheithiclí a bhfuil a ré caite faoi seach, an cineál feithicle a mhonarú lena gcuirtear i gcuntas an teicneolaíocht athchúrsála is fearr atá ar fáil.

Faoin ... [Oifig na bhFoilseachán: cuir isteach an dáta = an lá deireanach den mhí i ndiaidh 24 mhí tar éis dháta theacht i bhfeidhm an Rialacháin seo], glacfaidh an Coimisiún gníomh tarmligthe, i gcomhréir le hAirteagal 50, chun an Rialachán seo a fhorlíonadh trí íoschion cruach arna hathchúrsáil ó fhuíoll feiriúil agus íoschion alúmanaim athchúrsáilte agus a chóimhiotail a bheidh i láthair agus a ionchorprófar i gcineálacha feithiclí atá le cineálcheadú i gcomhréir leis an Rialachán seo agus le Rialachán (AE) 2018/858 a bhunú. Socrófar leis an ngníomh tarmligthe sin freisin dáta chur i bhfeidhm na hoibleagáide sciar íosta d’ábhar athchúrsáilte a bheith ann. Ní mheasfar go dtagann cruach a úsáidtear mar ábhair threisithe i mbonn faoi raon feidhme an ghnímh tharmligthe sin.

Bunófar an sciar íosta de chruach athchúrsáilte agus d’alúmanam athchúrsáilte agus dá chóimhiotail dá dtagraítear sa chéad fhomhír ar staidéar indéantachta a dhéanfaidh an Coimisiún. Tabharfar an staidéar i gcrích faoin [Oifig na bhFoilseachán: Cuir isteach an dáta = an lá deireanach den mhí i ndiaidh 12 mhí tar éis dháta theacht i bhfeidhm an Rialacháin seo], agus féachfar ann ar na gnéithe seo a leanas go háirithe:

(a)infhaighteacht reatha agus réamh-mheasta fuíll*** fheiriúil, lena n-áirítear cruach carbóin cothrom agus fada agus aicmithe um tháirgí cruach dosmálta;

(b)an sciar reatha de dhramh feiriúil i leath-tháirgí agus táirgí idirmheánacha cruach éagsúla a bhaineann le haicmithe cruach a úsáidtear i bhfeithiclí agus athruithe a bhfuiltear ag súil leo a bhaineann le haistriú an tionscail ghluaisteán;

(c)glacadh féideartha fuíll fheiriúil ag monaróirí i bhfeithiclí a bheidh le cineálcheadú amach anseo i bhfianaise na srianta éagsúla comhdhéanaimh is infheidhme maidir le gach fine táirgí cruach;

(d)éileamh coibhneasta na hearnála mótarfheithiclí i gcomparáid leis an éileamh ar fhuíolldramhaíl fheiriúil ó earnálacha eile i bhfianaise an chumais cion copair a fhulaingt, agus cuimsiú dramh-mhiotail neamhbheartaithe eile.

(e)inmharthanacht eacnamaíoch, dul chun cinn teicniúil agus eolaíoch, lena n-áirítear athruithe ar infhaighteacht teicneolaíochtaí athchúrsála a bhaineann le rátaí athchúrsála cruach chomh maith leis an rannchuidiú reatha ó dhramh-athchúrsáil réamhthomhaltais;

(f)an rannchuidiú ó sciar íosta de chion athchúrsáilte cruach, cruach CO2 íseal agus alúmanaim agus a chóimhiotail i bhfeithiclí le huathriail straitéiseach oscailte an Aontais agus lena chuspóirí aeráide, comhshaoil agus tionsclaíocha, go háirithe maidir le margaí luaidhe a chruthú;

(g)an gá atá le tionchair dhiúltacha dhíréireacha ar inacmhainneacht feithiclí a chosc;

(h)an tionchar ar chostais agus iomaíochas foriomlán na hearnála mótarfheithiclí agus an slabhra luacha ar fad;

Faoin .... Cuir isteach an dáta = an lá deireanach den mhí i ndiaidh 24 mhí tar éis dháta theacht i bhfeidhm an Rialacháin seo], glacfaidh an Coimisiún gníomh tarmligthe lena mbunófar an mhodheolaíocht chun cion athchúrsáilte alúmanaim agus a chóimhiotail agus cruach ó fhuíoll feiriúil a ríomh agus a fhíorú, agus, i gcás inarb ábhartha, an sciar de chruach íseal CO2 atá i gcineálacha feithiclí agus atá ionchorpraithe iontu.

Déanfar na gníomhartha tarmligthe sin a ghlacadh i gcomhréir leis an nós imeachta scrúdúcháin dá dtagraítear in Airteagal 50.

Faoin [Oifig na bhFoilseachán: Cuir isteach an dáta = an lá deireanach den mhí i ndiaidh 36 mhí tar éis dháta theacht i bhfeidhm an Rialacháin seo], glacfaidh an Coimisiún gníomh tarmligthe, i gcomhréir le hAirteagal 50, chun an Rialachán seo a fhorlíonadh trí sciar íosta díobh seo a leanas a bhunú:

(a)maignéisiam agus a chóimhiotail, arna n-athchúrsáil ó dhramhaíl réamhthomhaltais agus iarthomhaltais agus arna n-ionchorprú i gcineálacha feithicle; agus

(b)neoidimiam, diospróisiam, praiséidimiam, teirbiam, samairiam nó bórón arna n-athchúrsáil ó dhramhaíl réamhthomhaltais agus iarthomhaltais agus arna n-ionchorprú i mbuanmhaighnéid i mótair ríomhthiomána.

Leis an ngníomh tarmligthe dá dtagraítear sa chéad fhomhír, socrófar freisin dáta chur i bhfeidhm na hoibleagáide sciar íosta d’ábhar athchúrsáilte a bheith ann.

Beidh an sciar íosta d’ábhar athchúrsáilte na n-ábhar dá dtagraítear sa chéad fhomhír bunaithe ar an staidéar féidearthachta, arna dhéanamh ag an gCoimisiún. Cuirfidh an Coimisiún bailchríoch ar an staidéar faoin [Oifig na bhFoilseachán: Cuir isteach an dáta = an lá deireanach den mhí i ndiaidh 24 mhí tar éis dháta theacht i bhfeidhm an Rialacháin seo], agus an méid uile seo a leanas á chur i gcuntas:

(a)infhaighteacht reatha agus réamh-mheasta na n-ábhar a liostaítear sa dara fomhír arna n-athchúrsáil ó dhramhaíl réamhthomhaltais agus iarthomhaltais;

Faoin .... [Oifig na bhFoilseachán: cuir isteach an dáta = an lá deireanach den mhí i ndiaidh 36 mhí tar éis dháta theacht i bhfeidhm an Rialacháin seo], glacfaidh an Coimisiún gníomh tarmligthe lena mbunófar an mhodheolaíocht chun sciar na n-ábhar dá dtagraítear sa mhír seo arna n-athchúrsáil ó dhramhaíl réamhthomhaltais agus iarthomhaltais i gcineálacha feithiclí a ríomh agus a fhíorú.

Déanfar an gníomh tarmligthe sin a ghlacadh i gcomhréir leis an nós imeachta scrúdúcháin dá dtagraítear in Airteagal 50.

1.Gach feithicil a bhaineann le cineál feithicle nua ar a ndéantar cineálcheadú ón [Oifig na bhFoilseachán: Cuir isteach an dáta = an chéad lá den mhí i ndiaidh 72 mhí tar éis dháta theacht i bhfeidhm an Rialacháin seo], dearfar iad ar bhealach lenar féidir le saoráidí cóireála údaraithe na páirteanna agus na comhpháirteanna a liostaítear i gCuid C d’Iarscríbhinn VII a bhaint go héasca den fheithicil lena mbaineann le linn chéim dhramhaíola na feithicle d’fhonn iad a athsholáthar, a athúsáid, a athchúrsáil, a athmhonarú nó a athfheistiú i gcás ina bhfuil sé indéanta go teicniúil.

2.Gach feithicil a bhaineann le cineál feithicle nua ar a ndéantar cineálcheadú ón [Oifig na bhFoilseachán: Cuir isteach an dáta = an chéad lá den mhí i ndiaidh 72 mhí tar éis dháta theacht i bhfeidhm an Rialacháin seo] faoi Rialachán (AE) 2018/858, dearfar í, lena n-áirítear a mhéid a bhaineann le heilimintí ceangail agus séalúcháin, ionas gur féidir le saoráidí cóireála údaraithe nó oibreoirí deisiúcháin agus cothabhála, ar bhealach éasca agus neamhscriosach, ceallraí feithiclí leictreacha agus a bpacaí ceallraí agus a mótair ríomhthiomána a bhaint agus a athsholáthar ón bhfeithicil le linn chéim úsáide agus chéim dhramhaíola na feithicle.

1.Léireoidh monaróirí go ndéantar cineálcheadú ar na feithiclí nua a mhonaraíonn siad agus a chuirtear ar an margadh, i gcomhréir le ceanglais Rialachán (AE) 2018/858, Rialachán (AE) Uimh. 168/2013 agus ceanglais an Rialacháin seo.

2.Chun cineálcheadú a dhéanamh ar fheithiclí a bhfuil feidhm ag na ceanglais in Airteagail  4, 5 (1), (2), 6 nó 7 maidir leo, soláthróidh an monaróir an doiciméadacht lena léireofar comhlíonadh na gceanglas sin agus déanfaidh sé:

(a)í a áireamh san fhillteán faisnéise dá dtagraítear in Airteagal 24 de Rialachán (AE) 2018/858 nó in Airteagal 27 de Rialachán (AE) Uimh. 168/2013, de réir mar is infheidhme; agus

(b)í a chur faoi bhráid an údaráis cineálcheadaithe i gcomhréir le hAirteagal 23 de Rialachán (AE) 2018/858 nó in Airteagal 26 de Rialachán (AE) Uimh. 168/2013, de réir mar is infheidhme.

scriosta

4.Chun críocha cineálcheadú feithiclí a bhfuil feidhm ag na ceanglais a leagtar amach in Airteagal 10 maidir leo, tarraingeoidh an monaróir suas an fhaisnéis dá dtagraítear in Airteagal 10(1) agus cuirfidh sé faoi bhráid an údaráis cineálcheadaithe í, i gcomhréir le hAirteagal 24(1), pointe (a), de Rialachán (AE) 2018/858, in éineacht leis an iarratas ar chineálcheadú dá dtagraítear in Airteagal 23 den Rialachán sin nó i gcomhréir le hAirteagal 27(1) de Rialachán (AE) Uimh. 168/2013, chuig an údarás cineálcheadaithe in éineacht leis an iarratas ar chineálcheadú dá dtagraítear in Airteagal 26 de Rialachán (AE) Uimh. 168/2013.

5.Chun críocha cineálcheadú feithiclí a bhfuil feidhm ag na ceanglais a leagtar amach in Airteagal 11 maidir leo, cuirfidh an monaróir an dearbhú lena ndeimhnítear comhlíonadh an cheanglais a leagtar amach in Airteagal 11(1), i gcomhréir le 24(1), pointe (a), de Rialachán (AE) 2018/858, faoi bhráid an údaráis cineálcheadaithe in éineacht leis an iarratas ar chineálcheadú dá dtagraítear in Airteagal 23 den Rialachán sin nó i gcomhréir le hAirteagal 27(1) de Rialachán (AE) Uimh. 168/2013, faoi bhráid an údaráis cineálcheadaithe in éineacht leis an iarratas ar chineálcheadú dá dtagraítear in Airteagal 26 de Rialachán (AE) Uimh. 168/2013.

1.Déanfaidh monaróirí feithiclí an méid seo a leanas ón [Oifig na bhFoilseachán: Cuir isteach an dáta = an chéad lá den mhí i ndiaidh 36 mhí tar éis dháta theacht i bhfeidhm an Rialacháin seo], straitéis chiorclaíochta a tharraingt suas ar leibhéal an mhonaróra agus cóip a sholáthar don Choimisiún.

2.Tabharfar tuairisc sa straitéis chiorclaíochta ar na gníomhaíochtaí a dhéanfaidh na monaróirí chun obair leantach a dhéanamh ar a n-oibleagáidí chun a áirithiú go gcomhlíonfar na ceanglais chiorclaíochta i gCaibidil II. Cuirfear i gcuntas sa straitéis chiorclaíochta na hacmhainneachtaí agus an fhaisnéis atá ar fáil go hiarbhír ó sholáthróirí, go háirithe FBManna.

scriosta

5.Déanfaidh an monaróir faireachán agus obair leantach ar na gníomhaíochtaí atá sa straitéis chiorclaíochta agus tabharfaidh sé an straitéis cothrom le dáta, ina léireofar na hathruithe nua ábhartha ar an straitéis chiorclaíochta, gach 5 bliana i gcomhréir le Cuid B d’Iarscríbhinn IV

scriosta

8.Faoin [Oifig na bhFoilseachán: Cuir isteach an dáta = an lá deireanach den mhí i ndiaidh 83 mhí tar éis dháta theacht i bhfeidhm an Rialacháin seo] agus gach 5 bliana ina dhiaidh sin, déanfaidh an Coimisiún tuarascáil ar chiorclaíocht na hearnála mótarfheithiclí a tharraingt suas agus a fhoilsiú. Beidh an tuarascáil bunaithe go háirithe ar straitéisí ciorclaíochta agus nuashonruithe ar na straitéisí sin.

Dearbhóidh monaróirí, i gcás gach cineáil feithicle nua a bheidh cineálcheadaithe amhail ón ... [OF: Cuir isteach an dáta = an chéad lá den mhí tar éis 12 mhí tar éis ghlacadh na ngníomhartha tarmligthe lena mbunaítear na modheolaíochtaí chun ábhar athchúrsáilte atá i bhfeithiclí a ríomh agus a fhíorú i gcomhréir le hAirteagal 6] faoi Rialachán (AE) 2018/858, an sciar faoi seach den chion athchúrsáilte díobh seo a leanas:

(d)cruach agus a chóimhiotail;

Bainfidh an dearbhú le hábhar athchúrsáilte na n-ábhar sin atá sa chineál feithicle agus léireofar ann, in aghaidh an sciar ábhair, agus i gcás comhpháirteanna plaisteacha atá níos troime ná 100 g, cé acu a dhéantar nó nach ndéantar an t-ábhar a athchúrsáil ó dhramhaíl réamhthomhaltais nó ó dhramhaíl iarthomhaltais.

3.De mhaolú ar mhír 1, ní bheidh feidhm ag an gceanglas maidir leis an sciar den chion athchúrsáilte in ábhar áirithe a dhearbhú i gcás ina mbeidh sprioc leagtha síos le haghaidh an ábhair sin faoi Airteagal 6(1), (3) nó (4).

1.Ón [Oifig na bhFoilseachán: Cuir isteach an dáta = an chéad lá den mhí i ndiaidh 36 mhí tar éis dháta theacht i bhfeidhm an Rialacháin seo], soláthróidh monaróirí, i gcás cineálacha nua feithiclí a cineálcheadaíodh, rochtain neamhshrianta, chaighdeánaithe agus neamh-idirdhealaitheach d’oibreoirí bainistithe dramhaíola, d’oibreoirí deisiúcháin, d’oibreoirí cothabhála agus do sheirbhísí éigeandála, lena n-áirítear trí uirlisí atá in úsáid cheana ag tionscal na ngluaisteán, ar an bhfaisnéis a liostaítear in Iarscríbhinn V, lena gcumasófar rochtain ar an méid seo a leanas agus baint agus athsholáthar sábháilte an mhéid seo a leanas:

(a)ceallraí feithiclí leictreacha agus a bpacáí ceallraí atá ionchorpraithe san fheithicil;

(e)páirteanna agus comhpháirteanna, ina bhfuil na hamhábhair chriticiúla dá dtagraítear in Airteagal 28(1), pointe (b), de Rialachán (AE) 2024/1252 tráth an chineálcheadaithe ar an bhfeithicil;

Áiritheoidh monaróirí comhar leis na hoibreoirí údaraithe cóireála, leis na hoibreoirí iarfheistithe, agus leis na hoibreoirí deisiúcháin agus cothabhála trí na hardáin chumarsáide is gá a bhunú chun an fhaisnéis dá dtagraítear i mír 1 agus an fhaisnéis a shonraítear in Iarscríbhinn V a sholáthar agus a choimeád cothrom le dáta.

Soláthróidh na monaróirí an fhaisnéis dá dtagraítear sa chéad fhomhír saor in aisce. Féadfaidh na monaróirí muirir réasúnta agus chomhréireacha a bhailiú ó oibreoirí bainistithe dramhaíola agus ó oibreoirí deisiúcháin agus cothabhála a mhéid is gá chun na costais riaracháin iarbhír arna dtabhú chun an fhaisnéis is gá a dhéanamh inrochtana trí ardáin chumarsáide a chumhdach.

scriosta

2.Ó [OF: Cuir isteach an dáta = an chéad lá den mhí i ndiaidh 36 mhí tar éis dháta theacht i bhfeidhm an Rialacháin seo], áiritheoidh monaróirí go mbeidh lipéad feiceálach, inléite go soiléir agus doscriosta ar pháirteanna agus comhpháirteanna feithiclí ina bhfuil buanmhaighnéid lena léirítear an fhaisnéis i gcomhréir le hAirteagal 28 de Rialachán (AE) 2024/1252.

Pas Digiteach Ciorclaíochta Feithicle

1.Ón [Oifig na bhFoilseachán: cuir isteach dáta = an chéad lá den mhí i ndiaidh 72 mhí tar éis theacht i bhfeidhm an Rialacháin] beidh pas digiteach ciorclaíochta feithicle ag gach feithicil a chuirfear ar an margadh, a bheidh ailínithe agus idir-inoibritheach le pasanna comhshaoil eile a bhaineann le feithiclí arna mbunú faoi dhlí an Aontais agus, i gcás inar féidir, a bheidh comhtháite iontu.

2.Beidh an fhaisnéis dá dtagraítear in Airteagal 5(2) agus (3), agus in Airteagail 10 agus 11 den Rialachán seo i bhformáid dhigiteach sa phas ciorclaíochta feithicle agus beidh sé inrochtana saor in aisce.

3.Áiritheoidh an monaróir, tráth a chuirfear an fheithicil ar an margadh, go mbeidh an fhaisnéis sa phas feithicle ciorclaí cruinn, iomlán agus cothrom le dáta.

5.Scoirfidh pas ciorclaíochta feithicle atá tagtha chun bheith ina feithicil a bhfuil a ré caite de bheith ann 6 mhí ar a luaithe tar éis eisiúint an deimhnithe onnmhairiúcháin nó scriosta le haghaidh na feithicle sin a bhfuil a ré caite.

Faoin [Oifig na bhFoilseachán: cuir isteach dáta = an chéad lá den mhí i ndiaidh 60 mí tar éis theacht i bhfeidhm an Rialacháin ar a dhéanaí] glacfaidh an Coimisiún gníomhartha cur chun feidhme lena leagfar síos rialacha maidir leis an méid seo a leanas:

(a)modh agus buncheanglais an réitigh theicniúil atá le húsáid chun rochtain a fháil ar an bpas ciorclaíochta feithicle ar bhealach nach gcuireann bac ar aon réiteach teicneolaíoch;

(i)idir-inoibritheacht agus ailíniú an phas ciorclaíochta feithicle le pasanna eile a cheanglaítear le reachtaíocht an Aontais;

Ón [Oifig na bhFoilseachán: Ón [Cuir isteach an dáta = an chéad lá den mhí i ndiaidh 36 mhí tar éis an dáta a thiocfaidh an Rialachán seo i bhfeidhm] ar aghaidh, beidh an fhreagracht leathnaithe táirgeora ar tháirgeoirí as feithiclí a chuirfidh siad ar fáil ar an margadh den chéad uair laistigh de chríoch Bhallstáit. An scéim arna bunú ag táirgeoirí chun an fhreagracht sin a fheidhmiú, comhlíonfaidh sí Airteagail 8 agus 8a de Threoir 2008/98/CE agus comhlíonfaidh sí ceanglais na Caibidle seo.

Faoin [Oifig na bhFoilseachán: Cuir isteach an dáta = an lá deireanach den mhí i ndiaidh 35 mhí tar éis dháta theacht i bhfeidhm an Rialacháin seo] bunóidh na Ballstáit clár táirgeoirí, nó úsáidfidh siad clár táirgeoirí atá ann cheana, a fhónfaidh chun faireachán a dhéanamh ar chomhlíonadh cheanglais na Caibidle seo ag táirgeoirí.

Soláthrófar leis an gclár naisc chuig suíomhanna gréasáin de chláir náisiúnta táirgeoirí eile chun gur fusa táirgeoirí nó ionadaithe údaraithe maidir le freagracht leathnaithe táirgeoirí a chlárú.

Ní chuirfidh táirgeoirí feithiclí ar fáil ar mhargadh Ballstáit, ach amháin má bhíonn siad cláraithe sa Bhallstát sin, nó, i gcás údaraithe, má bhíonn a n-ionadaithe údaraithe le haghaidh na freagrachta leathnaithe táirgeora cláraithe sa Bhallstát sin.

6.Féadfaidh ionadaí údaraithe le haghaidh na freagrachta leathnaithe táirgeora na hoibleagáidí faoin Airteagal seo a chomhlíonadh thar ceann táirgeora. Má dhéanann ionadaí údaraithe amháin ionadaíocht ar níos mó ná táirgeoir amháin sa tír, soláthróidh an t-ionadaí údaraithe sin ainm agus sonraí teagmhála gach ceann de na táirgeoirí a bhfuil ionadaíocht á déanamh orthu ar leithligh.

11.An táirgeoir, nó, i gcás inarb infheidhme, ionadaí údaraithe an táirgeora le haghaidh na freagrachta leathnaithe táirgeora nó an eagraíocht um fhreagracht táirgeoirí arna ceapadh thar ceann na dtáirgeoirí dá ndéanann sí ionadaíocht, tabharfaidh sé nó sí fógra don údarás inniúil gan moill mhíchuí faoi aon athrú ar an bhfaisnéis sa chlárúchán agus faoi aon scor buan a mhéid a bhaineann leis na feithiclí dá dtagraítear sa chlárúchán a chur ar fáil ar an margadh laistigh de chríoch an Bhallstáit.

12.An táirgeoir nó, i gcás inarb infheidhme, ionadaí údaraithe an táirgeora le haghaidh na freagrachta leathnaithe táirgeora nó an eagraíocht um fhreagracht táirgeoirí, tuairisceoidh sé nó sí don údarás inniúil atá freagrach as an gclár maidir le feidhmíocht na n-oibleagáidí um fhreagracht leathnaithe táirgeoirí.

2.Áiritheoidh eagraíochtaí um fhreagracht táirgeoirí rúndacht na sonraí ina seilbh a mhéid a bhaineann le faisnéis dílseánaigh nó faisnéis is inchurtha go díreach i leith táirgeoirí aonair nó a n-ionadaithe údaraithe le haghaidh na freagrachta leathnaithe táirgeora.

3.Sa bhreis ar an bhfaisnéis dá dtagraítear in Airteagal 8a(3), pointe (e), de Threoir 2008/98/CE, foilseoidh eagraíochtaí um fhreagracht táirgeoirí nó táirgeoirí aonair ar a suíomhanna gréasáin gach bliain ar a laghad, faoi réir rúndacht tráchtála agus thionsclaíoch, an fhaisnéis maidir le bailiú feithiclí a bhfuil a ré caite agus baint amach spriocanna maidir le hathúsáid agus athchúrsáil, athúsáid agus aisghabháil agus athchúrsáil phlaisteach ag na táirgeoirí a chuir de chúram ar an eagraíocht um fhreagracht táirgeoirí nó ag an táirgeoir a chuid oibleagáidí a chomhlíonadh ina n-aonar.

4.Áiritheoidh eagraíochtaí um fhreagracht táirgeoirí ionadaíocht chomhréireach ar tháirgeoirí agus ar oibreoirí bainistithe dramhaíola atá gníomhach i mbailiú agus i gcóireáil feithiclí a bhfuil a ré caite ina gcomhlachtaí rialaithe, lena n-áirítear ar na boird feidhmiúcháin agus chomhairleacha.

(a)na costais a bhaineann le bailiú feithiclí a bhfuil a ré caite is gá chun na ceanglais in Airteagail 23 go 26 a chomhlíonadh agus na costais a bhaineann le cóireáil feithiclí a bhfuil a ré caite is gá chun na ceanglais in Airteagail 27 go 30, 34 agus 35 a chomhlíonadh, ag cur san áireamh aon ioncam ó oibreoirí bainistithe dramhaíola a fuarthas ó dhíolacháin na bpáirteanna spártha athláimhe agus na gcomhpháirteanna spártha athláimhe, na bhfeithiclí a bhfuil a ré caite arna ndíthruailliú, ná na n-amhábhar tánaisteach arna n-athchúrsáil ó fheithiclí a bhfuil a ré caite;

(b)na costais a bhaineann le feachtais ardaithe feasachta a reáchtáil arb é is aidhm dóibh an pobal a chur ar an eolas agus feabhas a chur ar bhailiú feithiclí a bhfuil a ré caite;

scriosta

(d)na costais riaracháin a bhaineann le sonraí a chur ar fáil, a bhailiú agus a thuairisciú do na húdaráis inniúla;

I gcás chomhlíonadh aonair na n-oibleagáidí um fhreagracht leathnaithe táirgeoirí, soláthróidh na táirgeoirí ráthaíocht le haghaidh feithiclí a chuireann siad ar fáil ar an margadh den chéad uair i gcríoch Ballstáit. Áiritheofar leis an ráthaíocht sin go maoineofar na hoibríochtaí dá dtagraítear i mír 1 a bhaineann leis na feithiclí sin,lena n-áirítear i gcás ina scoirtear go buan dá n-oibríochtaí nó i gcás dócmhainneachta.

1.I gcás chomhlíonadh comhchoiteann na n-oibleagáidí um fhreagracht leathnaithe táirgeoirí, áiritheoidh eagraíochtaí um fhreagracht táirgeoirí go ndéanfar na ranníocaíochtaí airgeadais arna n-íoc ag táirgeoirí leo a mhodhnú ar a laghad ach na nithe seo a leanas a chur san áireamh:

(a)meáchan na feithicle, gan ceallraí feithiclí leictreacha a áireamh;

scriosta

(e)sciar na n-ábhar agus na substaintí a chuireann cosc ar phróiseas athchúrsála ardcháilíochta;

(a)ionadaí údaraithe a ainmniú trí shainordú i scríbhinn chun gníomhú thar a cheann i ndáil le cúraimí sonraithe maidir le hoibleagáidí an táirgeora i leith na freagrachta leathnaithe táirgeora i ngach Ballstát;

Chuige sin, déanfaidh na táirgeoirí nó, i gcás a gceaptha i gcomhréir le hAirteagal 18, na heagraíochtaí um fhreagracht táirgeoirí, córais bhailiúcháin, lena n-áirítear pointí bailithe, a chur ar bun, nó beidh siad rannpháirteach i gcur ar bun na gcóras sin.

(b)áiritheofar infhaighteacht leormhaith na saoráidí cóireála údaraithe agus na bpointí bailiúcháin, agus méid agus dlús an daonra mar aon leis an líon feithiclí a bhfuil a ré caite a bhfuil coinne leis á gcur san áireamh, gan bheith teoranta do limistéir mar is brabúsaí an bailiú agus an bhainistíocht ina dhiaidh sin;

scriosta

(d)cumasófar bailiú na bhfeithiclí a bhfuil a ré caite agus a chuir siad ar fáil ar an margadh, gan beann ar a dtionscnamh;

(e)seachadadh na bhfeithiclí uile a bhfuil a ré caite saor in aisce chuig saoráidí cóireála údaraithe nó pointí bailithe údaraithe a chumasú, mar a fhoráiltear in Airteagal 24(2).

3.Déanfaidh táirgeoirí nó, i gcás a gceaptha i gcomhréir le hAirteagal 18, eagraíochtaí um fhreagracht táirgeoirí liosta na bpointí bailithe agus na saoráidí cóireála údaraithe a fhoilsiú agus a thabhairt cothrom le dáta go rialta ar a suíomhanna gréasáin agus déanfaidh siad feachtais oideachais lena gcuirtear chun cinn an córas bailithe le haghaidh feithiclí a bhfuil a ré caite agus lena dtugtar eolas faoi na hiarmhairtí comhshaoil a bhaineann le bailiú agus láimhseáil mhíchuí feithiclí a bhfuil a ré caite.

Féadfaidh pointí bailithe seachas saoráidí cóireála údaraithe feithiclí a bhfuil a ré caite a bhailiú.

(c)a ráthú go n-aistreofar gach feithicil a bhfuil a ré caite a bhailítear chuig saoráid chóireála údaraithe laistigh de 6 mhí ón bhfeithicil a bhfuil a ré caite a fháil; agus

5.Na pointí bailiúcháin nó na hoibreoirí bainistithe dramhaíola, lena n-áirítear saoráidí cóireála údaraithe, eiseoidh siad doiciméad i bhformáid leictreonach chuig úinéir na feithicle lena ndeimhneofar go bhfuarthas feithicil a bhfuil a ré caite, agus soláthróidh siad d’údaráis ábhartha an Bhallstáit é trí nós imeachta um fhógra leictreonach arna bhunú i gcomhréir le hAirteagal 25(2), lena n-áirítear do na húdaráis inniúla arna n-ainmniú faoi Airteagal 14.

2.Beidh úinéir deiridh feithicle in ann feithicil a bhfuil a ré caite a sheachadadh ar shaoráid chóireála údaraithe nó pointe bailiúcháin saor in aisce mura rud é go mbeidh aon cheann de pháirteanna nó comhpháirteanna fíor-riachtanacha na feithicle in easnamh san fheithicil a bhfuil a ré caite, seachas an ceallra feithicle leictrí, nó mura rud é go mbeidh dramhaíl inti a cuireadh leis an bhfeithicil a bhfuil a ré caite.

(a)an fheithicil a bhfuil a ré caite a sheachadadh ar shaoráid chóireála údaraithe nó, i gcásanna dá dtagraítear in Airteagal 23(4), ar phointe bailiúcháin, gan moill mhíchuí tar éis faisnéis a fháil go gcomhlíonann an fheithicil aon cheann de na critéir maidir le neamh-indeisitheacht a leagtar síos i gCuid A, pointe 1, d’Iarscríbhinn I;

(b)deimhniú scriosta a thíolacadh don údarás clárúcháin ábhartha, ach amháin i gcásanna ina bhfuil nós imeachta ar líne ann lena gceadaítear díchlárú na feithicle a bhfuil a ré caite a chur in iúl nó a phróiseáil ó na saoráidí cóireála údaraithe.

2.Áiritheoidh saoráidí cóireála údaraithe go gcomhlíonfaidh an chóireáil uile a dhéantar ar fheithiclí a bhfuil a ré caite Airteagail 28, 29, 30, 31, 32, 34, 35 agus 36 agus Iarscríbhinn VII den Rialachán seo ar a laghad, agus go gcuirfear na teicnící is fearr atá ar fáil i bhfeidhm maidir léi mar a shainmhínítear in Airteagal 3(10) de Threoir 2010/75/AE.

(c)na páirteanna agus na comhpháirteanna a liostaítear i gCuid C d’Iarscríbhinn VII a bhaint den fheithicil a bhfuil a ré caite, roimh an mionghearradh nó an balcadh trí bhíthin díchóimeáil láimhe nó díchóimeáil uathoibrithe (leath) ar bhealach neamhscriosach le haghaidh comhpháirteanna a bhfuil acmhainneacht athúsáide, athmhonaraithe nó athchóirithe acu i gcomhréir le hAirteagail 30 agus 31, agus acmhainneacht mhargaidh athúsáide, athmhonaraithe nó athchóirithe na bpáirteanna agus na gcomhpháirteanna sin agus an gá atá le hardcháilíocht na fuíll á gcur san áireamh;

(d)cóireáil a dhéanamh ar na feithiclí uile a bhfuil a ré caite agus a bpáirteanna, a gcomhpháirteanna agus a n-ábhair i gcomhréir le hord na réiteach dramhaíola agus leis na ceanglais ghinearálta a leagtar síos in Airteagal 4 de Threoir 2008/98/CE;

4.Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 50 chun Iarscríbhinn VII a leasú trí na híoscheanglais chóireála le haghaidh feithiclí a bhfuil a ré caite a chur in oiriúint don dul chun cinn eolaíoch agus teicniúil, i dteicneolaíochtaí cóireála, lena n-áirítear:

5.Spreagfaidh na Ballstáit saoráidí cóireála údaraithe chun córais bainistíochta comhshaoil dheimhnithe a thabhairt isteach agus chun iniúchtaí a dhéanamh i gcomhréir le Rialachán (CE) Uimh. 1221/2009.

1.Ón [Oifig na bhFoilseachán: Cuir isteach an dáta = an chéad lá den mhí i ndiaidh 36 mhí tar éis dháta theacht i bhfeidhm an Rialacháin seo] iarrfaidh saoráidí cóireála údaraithe agus oibreoirí bainistithe dramhaíola eile go ndéanfar feithiclí a bhfuil a ré caite a sheachadtar chucu lena mionghearradh a dhíthruailliú i gcomhréir le hAirteagal 29 agus a bpáirteanna agus a gcomhpháirteanna a bhaintear i gcomhréir le hAirteagal 30 agus go mbeidh an méid seo a leanas ag gabháil leo:

3.Beidh saoráidí cóireála údaraithe agus oibreoirí bainistithe dramhaíola a dhéanann mionghearradh ar fheithiclí a bhfuil a ré caite in ann feithiclí a bhfuil a ré caite, a bpáirteanna, a gcomhpháirteanna agus a n-ábhair a mheascadh le dramhaíl ó phacáistíocht agus le dramhthrealamh leictreach agus leictreonach, ar choinníoll go gcomhlíontar critéir agus teorainnluachanna chuid G d’Iarscríbhinn VII agus go n-áirithítear inrianaitheacht a bhaineann le tuairisciú, nach n-íslíonn an próiseas mionghearrtha cáilíocht na sruthanna dramhaíola i gcomparáid le cóireáil ar leithligh agus go gcomhlíonann an t-aschur ardchaighdeáin cháilíochta.

1.Laistigh de 30 lá tar éis feithicil a bhfuil a ré caite a sheachadadh chuig an tsaoráid cóireála údaraithe, déanfaidh an tsaoráid sin na feithiclí sin a dhíthruailliú sula ndéanfar tuilleadh cóireála orthu, i gcomhréir leis na híoscheanglais a leagtar amach i gCuid B d’Iarscríbhinn VII.

2.Déanfar na sreabháin agus na leachtanna a liostaítear i gCuid B d’Iarscríbhinn VII a bhailiú agus a stóráil ar leithligh, i gcomhréir leis na ceanglais a leagtar amach i gCuid A d’Iarscríbhinn VII. Déanfar dramh-olaí a bhailiú agus a stóráil ar leithligh ó na sreabháin agus na leachtanna eile agus déanfar cóireáil orthu i gcomhréir le hAirteagal 21 de Threoir 2008/98/CE. Déanfar sreabháin córais aerchóiriúcháin a úsáidtear i gcórais bainistithe theirmigh a bhailiú agus a stóráil ar leithligh ó na sreabháin eile agus déanfar iad a aisghabháil i gcomhréir le Rialachán (AE) 2024/573 ó Pharlaimint na hEorpa agus ón gComhairle1a agus, i gcás ina bhfuil sé indéanta go teicniúil agus go heacnamaíoch, déanfar iad a athchúrsáil nó a athshlánú agus a athúsáid.

Baint shainordaitheach páirteanna agus comhpháirteanna lena n-athúsáid, lena n-athmhonarú, lena ndeisiú, agus lena n-athchúrsáil roimh an mionghearradh

1.Ón [Oifig na bhFoilseachán: Cuir isteach an dáta = an chéad lá den mhí i ndiaidh 36 mhí tar éis dháta theacht i bhfeidhm an Rialacháin seo] áiritheoidh saoráidí cóireála údaraithe go mbainfear na páirteanna agus na comhpháirteanna a liostaítear i gCuid C d’Iarscríbhinn VII d’fheithicil a bhfuil a ré caite roimh an mionghearradh. Chun a acmhainneacht mhargaidh maidir le hathúsáid, athmhonarú agus deisiú a fhíorú, déanfar measúnú ar na páirteanna sin i gcomhréir le hAirteagal 31 sula ndéanfar iad a dhíchóimeáil. Déanfar an measúnú sin tar éis na hoibríochtaí díthruaillithe dá dtagraítear in Airteagal 29 a bheith curtha i gcrích.

I gcás nach bhfuil acmhainneacht mhargaidh ag páirteanna agus comhpháirteanna lena n-athúsáid, lena n-athmhonarú agus lena ndeisiú, ní bheidh sé éigeantach iad a bhaint roimh an mionghearradh má léiríonn saoráid chóireála údaraithe go scarann teicneolaíochtaí iar-mhionghearrthóra ábhair ó pháirteanna agus ó chomhpháirteanna a liostaítear i gCuid C, iontrálacha 6, 13 go 19, d’Iarscríbhinn VII, chomh héifeachtúil agus go seachadann siad ábhar athchúrsáilte coibhéiseach mar phróisis díchóimeála de láimh nó mar phróisis díchóimeála leath-uathoibrithe.

Chun críocha na chéad fhomhíre, comhlíonfaidh an tsaoráid chóireála údaraithe aschur mionghearrtha ardcháilíochta mar a leagtar amach sa ghníomh tarmligthe dá dtagraítear in Airteagal 28(4) agus soláthróidh sí an fhaisnéis a liostaítear i gCuid G d’Iarscríbhinn VII.

Ón [Oifig na bhFoilseachán: Cuir isteach an dáta = an chéad lá den mhí i ndiaidh 36 mhí tar éis dháta theacht i bhfeidhm an Rialacháin seo], déanfaidh aon oibreoir eacnamaíoch a dhíolann páirteanna agus comhpháirteanna spártha úsáidte, athmhonaraithe nó athriochtaithe, an méid seo a leanas:

Ón [Oifig na bhFoilseachán: Cuir isteach an dáta = an chéad lá den mhí i ndiaidh 36 mhí tar éis an dáta a thiocfaidh an Rialachán seo i bhfeidhm], déanfaidh na Ballstáit na dreasachtaí is gá a ghlacadh chun athúsáid, athmhonarú, athriochtú, iarfheistiú agus athfheistiú páirteanna agus comhpháirteanna a chur chun cinn, cé acu ar baineadh iad le linn chéim úsáide nó deireadh ré feithicle.

(b)úsáid dreasachtaí eacnamaíocha atá ceaptha chun luach saothair a thabhairt do mhonaróirí a sháraíonn na híoschaighdeáin, chun na páirteanna spártha agus na comhpháirteanna a úsáidtear, a athmhonaraítear nó a athfheistítear a spreagadh tuilleadh.

1.Ón [Oifig na bhFoilseachán: Cuir isteach an dáta = an chéad lá den mhí i ndiaidh 36 mhí tar éis dháta theacht i bhfeidhm an Rialacháin seo], glacfaidh na Ballstáit na bearta is gá chun a áirithiú go gcomhlíonfaidh oibreoirí bainistithe dramhaíola na spriocanna seo a leanas:

2.Ón [Oifig na bhFoilseachán: Ón [Oifig na bhFoilseachán: cuir isteach an dáta = an chéad lá den mhí i ndiaidh 60 mí tar éis dháta theacht i bhfeidhm an Rialacháin seo], áiritheoidh na Ballstáit go mbaineann oibreoirí bainistithe dramhaíola sprioc bhliantúil maidir le hathchúrsáil dramhaíola amach mar atá 30 faoin gcéad de mheáchan foriomlán na bplaisteach atá sna feithiclí a bhfuil a ré caite.

1.Féadfar tabhairt faoi chóireáil feithiclí a bhfuil a ré caite lasmuigh den Aontas, ar choinníoll go gcomhlíonfaidh loingsiú na bhfeithiclí a bhfuil a ré caite Rialachán (CE) 2024/1157.

2.Maidir le loingsithe feithiclí a bhfuil a ré caite ón Aontas chuig tríú tír i gcomhréir le mír 1, ní chomhairfear iad i dtreo comhlíonadh oibleagáidí agus spriocanna a leagtar amach in Airteagal 34 ach amháin má sholáthraíonn onnmhaireoir na bhfeithiclí a bhfuil a ré caite fianaise dhoiciméadach arna formheas ag an údarás inniúil cinn scríbe, lena léirítear gur tharla an chóireáil i ndálaí a mheastar a bheith coibhéiseach leis na ceanglais a leagtar síos sa Rialachán seo agus le ceanglais maidir le sláinte an duine agus cosaint an chomhshaoil a leagtar síos i reachtaíocht eile de chuid an Aontais.

scriosta

Idirdhealú idir feithiclí caite agus feithiclí a bhfuil a ré caite chun críche onnmhairithe

Chun feithicil chaite a onnmhairiú, beidh úinéir na feithicle in ann doiciméadacht a sholáthar do na húdaráis chustaim agus d’aon duine nádúrtha nó dlítheanach a bhfuil suim aige an fheithicil lena mbaineann a allmhairiú nach feithicil a bhfuil a ré caite í an fheithicil. is éard a bheidh sa doiciméadacht sin deimhniú ródacmhainneachta bailí nó, i gcás nach mbeidh an deimhniú sin ar fáil, measúnú arna dhéanamh ag na húdaráis inniúla atá freagrach as na deimhnithe ródacmhainneachta bunaithe ar na critéir a leagtar síos in Iarscríbhinn I. I gcás amhrais go bhféadfadh feithicil chaite a bheith ina feithicil a bhfuil a ré caite, féadfaidh na húdaráis inniúla a cheangal ar úinéir feithicle doiciméadacht bhreise a chur i láthair nach feithicil a bhfuil a ré caite í an fheithicil lena mbaineann.

1.Ón [Oifig na bhFoilseachán: Cuir isteach an dáta = an chéad lá den mhí i ndiaidh 24 mhí tar éis dháta theacht i bhfeidhm an Rialacháin seo], beidh feithiclí caite atá le honnmhairiú faoi réir na rialuithe agus na gceanglas a leagtar síos sa Roinn seo.

(a)feithiclí nach bhfuil a ré caite mar a chinntear in Airteagal 37;

scriosta

scriosta

1.Sula scaoilfear feithiclí caite lena n-onnmhairiú, fíoróidh custaim go leictreonach agus go huathoibríoch trí na córais leictreonacha dá dtagraítear in Airteagal 45, ar bhonn na hUimhreach Aitheantais Feithicle agus na faisnéise faoin mBallstát deiridh inar cláraíodh í, go bhfuil an fheithicil ródacmhainneach nó nach feithicil a bhfuil a ré caite í i gcomhréir le hAirteagal 37.

2.I gcás nach gcomhfhreagraíonn an fhaisnéis a thabhairt nó a chuirtear ar fáil do lucht custaim don fhaisnéis atá sna cláir náisiúnta feithiclí agus sna córais leictreonacha náisiúnta maidir le ródacmhainneacht de bhun mhír 1, ní scaoilfidh na húdaráis chustaim an fheithicil sin lena honnmhairiú agus cuirfidh siad an duine nádúrtha nó dlítheanach lena mbaineann ar an eolas faoi sin trína gcórais.

3.Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 50 chun an Rialachán seo a fhorlíonadh trí na coinníollacha comhlíontachta dá dtagraítear i mír 2 a leagan amach, ar na coinníollacha sonracha a chuirtear i bhfeidhm maidir le hallmhairiú feithiclí athláimhe ag tríú tír an allmhairithe nasctha le cosaint an chomhshaoil agus sábháilteacht ar bhóithre, i gcás inar thug an tríú tír sin fógra faoi na coinníollacha sin don Choimisiún. Beidh na coinníollacha sin infhíoraithe in aghaidh na faisnéise atá ar fáil sna córais leictreonacha dá dtagraítear in Airteagal 45(1).

1.I gcás ina mbeidh amhras ar na húdaráis chustaim nach bhféadfaidh feithicil chaite atá le honnmhairiú ceanglais na Roinne seo a chomhlíonadh, cuirfidh na húdaráis chustaim scaoileadh na feithicle chaite sin lena honnmhairiú ar fionraí láithreach go dtí go bhfaighidh siad an fhaisnéis uile is gá chun cinneadh críochnaitheach a dhéanamh. Ina theannta sin, tabharfaidh siad fógra láithreach do na húdaráis inniúla faoin bhfionraí agus tarchuirfidh siad an fhaisnéis ábhartha uile is gá chun a chinneadh cé acu an gcomhlíonann an fheithicil athláimhe ceanglais an Rialacháin seo nó nach gcomhlíonann agus an féidir í a scaoileadh lena honnmhairiú nó nach féidir.

3.Tar éis gach scaoilte le honnmhairiú feithicle athláimhe, tabharfaidh údaráis custam fógra faoin scaoileadh le honnmhairiú sin d’údarás inniúil an Bhallstáit ina raibh an fheithicil i gceist cláraithe tráth an onnmhairithe. Déanfaidh údarás inniúil an Bhallstáit sin an fhaisnéis sin a thaifeadadh ina chlár náisiúnta feithiclí.

1.Úsáidfear an córas leictreonach MOVE-HUB a d’fhorbair an Coimisiún chun Uimhir Aitheantais Feithicle agus faisnéis faoi chlárúchán agus stádas ródacmhainneachta na feithicle a mhalartú agus a fhíorú idir cláir náisiúnta feithiclí agus córais leictreonacha maidir le ródacmhainneacht na mBallstát, agus chun Timpeallacht an Ionaid Ilfhreastail AE maidir le Custam a idirnascadh, i gcás inar gá le haghaidh rialuithe agus ceanglas a leagtar síos sa Roinn seo.

Glacfaidh an Coimisiún, faoin ... [OF: cuir isteach an dáta = an lá deireanach den mhí tar éis 18 mhí tar éis an dáta a thiocfaidh an Rialachán seo i bhfeidhm], na gníomhartha cur chun feidhme lena leagtar síos na socruithe is gá chun feidhmiúlachtaí MOVE-HUB dá dtagraítear i mír 2 a chur chun feidhme, lena n-áirítear na gnéithe teicniúla is gá chun córais leictreonacha náisiúnta a idirnascadh le MOVE-HUB, na coinníollacha maidir le nascadh le MOVE-HUB, na sonraí atá le tarchur ag na córais náisiúnta agus an fhormáid chun na sonraí sin a tharchur trí na córais náisiúnta idirnasctha.

(c)saoráidí agus oibreoirí eacnamaíocha eile, a fhéadfaidh feithiclí a bhfuil a ré caite a chóireáil nó páirteanna spártha úsáidte agus comhpháirteanna a bhaintear as feithiclí a bhfuil a ré caite a dhíol.

3.Ina theannta sin, déanfaidh na Ballstáit iniúchtaí rialta a bhaineann le honnmhairiú feithiclí caite chun comhlíonadh Airteagal 38 a fhíorú.

1.Bunóidh na Ballstáit, a mhéid a bhaineann leis na húdaráis inniúla ábhartha uile a bhfuil baint acu le forfheidhmiú an Rialacháin seo, sásraí éifeachtacha chun é a chur ar a gcumas do na húdaráis sin comhoibriú agus comhordú a dhéanamh ar bhonn intíre maidir le forbairt agus cur chun feidhme beartas agus gníomhaíochtaí forfheidhmiúcháin a bhaineann le faireachán a dhéanamh ar chlárú feithiclí, díchlárú, fionraí agus cealú clárúcháin feithiclí, feithiclí atá ar iarraidh, deimhniú scriosta, onnmhairiú feithiclí caite chomh maith le cóireáil neamhdhleathach agus onnmhairiú feithiclí a bhfuil a ré caite a chosc.

Oibreoidh na Ballstáit i gcomhar le chéile, go déthaobhach agus go hiltaobhach, chun cosc agus brath cóireála neamhdhleathaí agus onnmhairiú feithiclí a bhfuil a ré caite a éascú agus chun aghaidh a thabhairt ar shaincheist na bhfeithiclí atá ar iarraidh. Déanfaidh siad faisnéis ábhartha maidir le clárú, díchlárú agus fionraí agus cealú cláraithe feithiclí a mhalartú, tríd an gcóras leictreonach malartaithe dá dtagraítear in Airteagal 45. Ina theannta sin, déanfaidh siad faisnéis ábhartha a mhalartú maidir le saoráidí cóireála údaraithe agus oibreoirí deisiúcháin agus cothabhála nach gceadaítear mar shaoráidí cóireála údaraithe, agus saoráidí eile agus oibreoirí eacnamaíocha, a d’fhéadfadh oibríochtaí a dhéanamh a bhaineann le cóireáil feithiclí a bhfuil a ré caite. Roinnfidh siad taithí agus eolas maidir le bearta forfheidhmithe laistigh de struchtúir bhunaithe.

(a)dreasachtaí a tugadh isteach chun athúsáid, athmhonarú agus athchóiriú páirteanna agus comhpháirteanna a chur chun cinn i gcomhréir le hAirteagal 33 agus a dtionchar;

Déanfaidh an Coimisiún athbhreithniú ar na tuarascálacha arna dtíolacadh ag na Ballstáit agus, tarraingeoidh sé suas agus foilseoidh sé tuarascálacha ar an bhfaisnéis a fuarthas chun meastóireacht a dhéanamh ar chur chun feidhme an Rialacháin seo sna Ballstáit agus chun malartú faisnéise a éascú maidir leis na dea-chleachtais a chuirtear i bhfeidhm sna Ballstáit.

(i)an mhodheolaíocht chun méid agus meáchan na bpáirteanna, na gcomhpháirteanna agus na n-ábhar a bhaintear chun na gcríoch dá dtagraítear i mír 1, pointí (g), (h), (i) agus (ma) a chinneadh;

(b)an fhormáid don tuairisciú chuig an gCoimisiún dá dtagraítear i míreanna 1, 2 agus 3, chomh maith leis an bhformáid don tuarascáil maidir le seiceáil cáilíochta.

Déanfar na gníomhartha cur chun feidhme sin a ghlacadh faoin ... [OF: Cuir isteach an dáta = an chéad lá den mhí i ndiaidh 24 mhí tar éis theacht i bhfeidhm an Rialacháin seo] i gcomhréir leis an nós imeachta scrúdúcháin dá dtagraítear in Airteagal 51(2).

6.Soláthróidh táirgeoirí, eagraíochtaí um fhreagracht táirgeoirí, oibreoirí bainistithe dramhaíola agus oibreoirí eacnamaíocha ábhartha eile sonraí cruinne agus iontaofa do na húdaráis inniúla lenar féidir leis na Ballstáit a n-oibleagáidí tuairiscithe faoin Airteagal seo a chomhlíonadh.

2.Déanfar an chumhacht chun gníomhartha tarmligthe a ghlacadh dá dtagraítear in Airteagail 5(4), 6(2), 6(3), 6(4), 7(3), 9(7), 11(3), 12(3), 21(2), 22(4), 27(4), 38(7) agus 40(3) [liosta críochnaitheach le nuashonrú ar dheireadh na caibidlíochta] a thabhairt don Choimisiún go ceann tréimhse 5 bliana ón [Oifig na bhFoilseachán: Cuir isteach an dáta = dáta theacht i bhfeidhm an Rialacháin seo]. Déanfaidh an Coimisiún, tráth nach déanaí ná 9 mí roimh dheireadh na tréimhse 5 bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

3.Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagail 5(4), 6(2), 6(3), 6(4), 7(3), 9(7), 11(3), 12(3), 21(2), 22(4), 27(4), 38(7) agus 40(3) [liosta críochnaitheach le nuashonrú ar dheireadh na caibidlíochta] a chúlghairm aon tráth. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

6.Ní thiocfaidh gníomh tarmligthe a ghlactar de bhun Airteagail 5(4), 6(2), 6(3), 6(4), 7(3), 9(7), 11(3), 12(3), 21(2), 22(4), 27(4), 38(7) agus 40(3) [liosta críochnaitheach le nuashonrú ar dheireadh na caibidlíochta] i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.

1.Faoin 31 Nollaig 203* [OF: Cuir isteach an dáta = an lá deireanach den bhliain i ndiaidh 95 mhí tar éis an dáta a thiocfaidh an Rialachán seo i bhfeidhm], déanfaidh an Coimisiún athbhreithniú agus tuarascáil a tharraingt suas ar chur i bhfeidhm an Rialacháin seo agus a thionchar ar an gcomhshaol, ar shláinte an duine agus ar fheidhmiú an mhargaidh aonair agus cuirfidh sé faoi bhráid Pharlaimint na hEorpa agus na Comhairle í. I gcás inarb iomchuí, beidh togra reachtach chun na forálacha ábhartha den Rialachán seo a leasú ag gabháil leis an tuarascáil.

(a)an gá atá le raon feidhme an Rialacháin seo a leathnú, go háirithe forálacha Chaibidlí II agus III, chomh maith le Caibidil IV Roinn II, chuig feithiclí de chatagóirí L1e, L2e, L3e, L4e, L5e, L6e agus L7e mar a shainmhínítear in Airteagal 4(2), de Rialachán (AE) Uimh. 168/2013 agus chuig feithiclí de chatagóirí \ M2, M3, N2, N3 agus O mar a shainmhínítear in Airteagal 4(1) de Rialachán (AE) 2018/858;

1.Tá feithicil do-dheisithe nuair a chomhlíonann sí ceann amháin nó níos mó de na critéir seo a leanas:

(a)rinneadh í a ghearradh ina píosaí nó a dhíchóimeáil chun a páirteanna a athúsáid nó ní úsáidtear mar fheithicil í a thuilleadh;

scriosta

(c)dódh é go dtí an pointe ina bhfuil urrann an innill nó urrann an phaisinéara scriosta go hiomlán;

(d)rinneadh é a thumadh in uisce go leibhéal os cionn na deaise;

(e)ní féidir ceann amháin nó níos mó de na comhpháirteanna seo a leanas den fheithicil, ó thaobh na teicneolaíochta de, a dheisiú ná a athsholáthar:

(f)tá fabhtanna teicniúla ag a chomhpháirteanna struchtúracha agus sábháilteachta atá do-aisiompaithe agus i gcás ina bhfuil an damáiste chomh fairsing sin nach bhfuil deisiú ná athsholáthar indéanta go teicniúil gan sláine struchtúrach mharthanach na feithicle ná sábháilteacht ar bhóithre a chur i mbaol.

scriosta

scriosta

scriosta

Féadfar na critéir seo a leanas a úsáid freisin le linn measúnú aonair mar údar breise chun a chinneadh an feithicil a bhfuil a ré caite í feithicil chaite:

(b)ní féidir a shuíomh cé hé nó hí an t-úinéir;

scriosta

(d)ní thugtar cosaint leormhaith ar dhamáiste di le linn stórála, iompair, luchtú agus díluchtú;

(e)tugadh ar láimh do phointe bailithe údaraithe nó do shaoráid cóireála dramhaíola údaraithe í lena cóireáil;

1.Tuairisc neamhtheicniúil ar na gníomhaíochtaí atá beartaithe chun a áirithiú go leanfaidh na feithiclí de bheith ag comhlíonadh na gceanglas dlíthiúil dá dtagraítear in Airteagail 4 go 7 ar feadh a dtáirgthe.

(b)iomláine na faisnéise a fhaightear ó sholáthróirí a sheiceáil;

scriosta

3.Faisnéis faoi na toimhdí maidir le teicneolaíochtaí cóireála deireadh ré atá i bhfeidhm, dul chun cinn teicneolaíochta ábhartha i dteicneolaíochtaí cóireála deireadh ré agus infheistíocht acmhainne sna teicneolaíochtaí sin;

5.Liosta gníomhaíochtaí a gheallann an monaróir a dhéanamh chun a áirithiú go ndéanfar an chóireáil ar fheithiclí a bhfuil a ré caite i gcomhréir leis an Rialachán seo, agus aird á tabhairt go háirithe ar na nithe seo a leanas:

(a)bearta atá ceaptha chun baint neamhscriosach páirteanna a léirítear in Iarscríbhinn VII Cuid C a éascú;

(b)i gcomhar le hoibreoirí bainistíochta dramhaíola nó le hinstitiúidí taighde, bearta a rannchuidíonn le forbairt teicneolaíochtaí athchúrsála le haghaidh ábhair agus comhpháirteanna a úsáidtear i bhfeithiclí, nach bhfuil na teicneolaíochtaí sin ar fáil go forleathan lena n-aghaidh ar scála tráchtála;

scriosta

(d)bearta chun aghaidh a thabhairt ar na dúshláin a bhaineann le húsáid ábhar agus teicnící a chuireann bac ar dhíchóimeáil éasca nó a fhágann go bhfuil athchúrsáil an-dúshlánach;

scriosta

scriosta

Sula dtiocfaidh Airteagail 4 go 7 chun bheith infheidhme, míneofar sa straitéis chiorclaíochta conas a chomhlíonann an monaróir na ceanglais chiorclaíochta a leagtar síos i dTreoir 2005/64/CE.

1.Soláthróidh na monaróirí nuashonrú ar an straitéis chiorclaíochta gach 5 bliana.

2.Áireofar sa straitéis chiorclaíochta nuashonraithe na hathruithe ábhartha nua agus go háirithe an méid seo a leanas:

(a)tuairisc ar an gcaoi a ndearnadh na gníomhaíochtaí dá dtagraítear i gCuid A agus, i gcás nach ndearnadh ceann amháin nó níos mó de na gníomhaíochtaí a léirítear sa straitéis, míniú ar na cúiseanna atá leis sin;

(b)measúnú ar éifeachtacht na ngníomhaíochtaí dá dtagraítear i gCuid A;

(c)faisnéis faoi na hathruithe suntasacha ar dhearadh agus ar tháirgeadh arna ndéanamh ag an monaróir chun ciorclaíocht feithiclí a fheabhsú.

scriosta

1.Ceallraí feithiclí leictreacha agus ceallraí do chóracha iompair éadroma atá ionchorpraithe san fheithicil:

(a)uimhir an bhuntrealaimh;

(a)uimhir an bhuntrealaimh;

(b)uimhir an bhuntrealaimh;

(a)uimhir an bhuntrealaimh;

(c)treoracha teicniúla maidir le rochtain, baint agus athsholáthar, lena n-áirítear an cumas páirt a dhíchlárú nó a dhíchúpláil ó VIN feithicle a bhfuil a ré caite agus, i gcás inar gá, í a athchlárú i gcóras faisnéise mhonaróir na feithicle chun gur féidir í a shuiteáil i bhfeithicil eile;- códú agus bogearraí is gá chun páirteanna spártha agus comhpháirteanna a ghníomhachtú chun feidhmiú i bhfeithicil eile, agus úsáid á baint as uirlisí diagnóiseacha ilbhranda agus as freastalaí cúil mhonaróir na feithicle don fheithicil deisithe, más gá;

scriosta

(b)déanfar córais aerchóiriúcháin agus cuisneáin a chóireáil i gcomhréir le Rialachán (AE) 2024/573;

1.Ceallraí feithiclí leictreacha mar a shainmhínítear in Airteagal 3, pointe (14), den Rialachán seo agus ceallraí LMT, mar a shainmhínítear in Airteagal 3, pointe (11), de Rialachán (AE) 2023/1542, lena n-áirítear a gcórais bainistithe ceallraí, luchtairí ar bord le haghaidh feithiclí leictreacha, agus cásáil nó feireadh, más ann dóibh;

3.Ceallraí gluaisteáin (SLI) mar a shainmhínítear in Airteagal 3, pointe (12), de Rialachán (AE) 2023/1542 agus ceallraí iniompartha mar a shainmhínítear in Airteagal 3, pointe (9), de Rialachán (AE) 2023/1542;

scriosta

11.Páirteanna den chóras faisnéise atá inrochtana go díreach;

scriosta

15.Coimeádáin breosla;

scriosta

scriosta

scriosta

(i)go mbeidh na codanna ábhartha uile sa pháirt nó sa chomhpháirt;

(ii)measúnú ar an damáiste, ar an bhfeidhmiúlacht laghdaithe nó ar an bhfeidhmíocht agus ar na deisiúcháin is gá chun an pháirt nó an chomhpháirt a athbhunú i staid ina bhféadfadh sé a bheith oiriúnach lena hathmhonarú nó lena hathchóiriú;

(iii)léiríonn amharc-chigireacht nach gcuireann an creimeadh bac ar fheidhmiúlacht na páirte nó na comhpháirte.

scriosta

2.Córais iarchóireála astaíochtaí (e.g. tiontairí catalaíocha, scagairí cáithníní) mura gcumhdaítear na páirteanna sin le baránta ina sonraítear go gcomhlíonann an pháirt an tástáil ródacmhainneachta ghaolmhar mar a leagtar síos in Airteagal 4 de Threoir 2014/45/AE.

2.Déanfar ceallraí feithicle leictrí a chóireáil i gcomhréir le hAirteagal 70 de Rialachán (AE) 2023/1542.

1.Chun Airteagal 28(3) den Rialachán seo a chomhlíonadh, ní fhéadfar feithiclí a bhfuil a ré caite a mhionghearradh in éineacht le dramhaíl eile ach amháin sna cásanna seo a leanas:

2.Tuarascáil mhaischothromaíochta ar an anailís shamplach ar cháilíocht agus cainníocht na gcodán cóireála (aschur) i ndáil le cumraíocht chóireála ionadaíoch arna soláthar ag comhlacht neamhspleách.

1.Faisnéis atá le cur isteach ag an táirgeoir nó ag a ionadaí údaraithe le haghaidh freagracht leathnaithe táirgeora:

7.Ainm agus seoladh náisiúntacht shealbhóir nó úinéir na feithicle a seachadadh.