(1)Il-Komunikazzjoni tal-Kummissjoni tal-11 ta’ Diċembru 2019 dwar “Il-Patt Ekoloġiku Ewropew”37 (il-“Patt Ekoloġiku Ewropew”) hija l-istrateġija ta’ tkabbir tal-Ewropa li għandha l-għan li tittrasforma l-Unjoni f’soċjetà ġusta u prospera, b’ekonomija moderna, effiċjenti fir-riżorsi u kompetittiva, fejn ma jkun hemm l-ebda emissjoni netta ta’ gassijiet b’effett ta’ serra sa mhux aktar tard mill-2050 u fejn it-tkabbir ekonomiku jkun diżakkoppjat mill-użu tar-riżorsi. Sabiex il-politiki tal-Unjoni dwar il-prodotti jikkontribwixxu għat-tnaqqis tal-emissjonijiet tal-karbonju fil-livell globali, jeħtieġ li jiġi żgurat li l-prodotti kkummerċjalizzati u mibjugħa fl-Unjoni jiġu akkwistati, manifatturati u ttrattati fi tmien il-ħajja tagħhom b’mod sostenibbli.

__________________

37 Il-Komunikazzjoni tal-Kummissjoni lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, Il-Patt Ekoloġiku Ewropew (COM(2019)0640 final).

(2)Is-settur awtomobilistiku huwa kontributur importanti għall-użu tar-riżorsi tal-enerġija u tal-materjal mill-Unjoni, u għalhekk għall-ġenerazzjoni ta’ gassijiet serra. Il-produzzjoni ta’ vetturi f’pajjiżi terzi li jitqiegħdu fis-suq tal-Unjoni tikkontribwixxi għall-ġenerazzjoni ta’ gassijiet serra globali, li min-naħa tagħha għandha impatt ambjentali negattiv fuq l-Unjoni. Bidla mill-użu tal-fjuwils fossili fil-vetturi għal mobbiltà b’emissjonijiet żero, kif previst fil-pakkett “Lesti għall-Mira ta’ 55 %”, hija waħda mill-prerekwiżiti biex jintlaħaq l-għan tan-newtralità klimatika fl-2050. Dan se jnaqqas l-emissjonijiet tal-gassijiet serra mis-settur awtomobilistiku marbuta mal-fażi tal-użu tal-vetturi. L-industrija tal-karozzi hija waħda mill-akbar utenti tal-aluminju primarju, tal-azzar u tal-plastik, marbuta mal-manifattura ta’ vetturi ġodda mqiegħda fis-suq tal-Unjoni. Dan jista’ jirrappreżenta impatt ambjentali sinifikanti, marbut mal-enerġija meħtieġa għall-estrazzjoni u l-ipproċessar ta’ dawn il-materjali. L-impronta ambjentali marbuta mal-manifattura ta’ vetturi ġodda tista’ tiżdied bl-elettrifikazzjoni li għaddejja bħalissa tal-flotta, id-daqs u l-piż dejjem jiżdiedu tal-vetturi, kif ukoll minħabba l-użu aktar mifrux u l-kumplessità tal-elettronika f’mudelli futuri, li t-tnejn jeħtieġu ammont konsiderevoli ta’ materja prima kritika u strateġika u metalli prezzjużi, bħar-ram u elementi tal-art rari. Ir-riżultat ta’ dawn il-bidliet huwa li l-fażi tal-produzzjoni jista’ jkollha impronta ambjentali akbar mill-fażi tal-użu tal-vetturi, u li l-industrija tista’ ssir aktar u aktar dipendenti fuq l-importazzjonijiet ta’ materja prima kritika u vulnerabbli għall-interruzzjonijiet tal-provvista, u għalhekk, titlef il-kompetittività. Barra minn hekk, ir-rekwiżiti kurrenti fid-dritt tal-Unjoni dwar l-immaniġġar tal-iskart jirriżultaw f’irkupru subottimali tar-riżorsi minn vetturi li ma għadhomx jintużaw, u hemm potenzjal għoli li jiżdiedu l-kwantità u l-kwalità tal-parts, il-komponenti u l-materjali li għandhom jissewwew, jintużaw mill-ġdid, jiġu rimanifatturati, rinnovati, jiġu modifikati retroattivament jew riċiklati minn vetturi kemm matul il-fażi tal-użu kif ukoll f’vetturi li ma għadhomx jintużaw. Sabiex jiġu indirizzati dawn l-impatti ambjentali u jingħata kontribut għad-dekarbonizzazzjoni tas-settur, u tiġi appoġġata l-kompetittività billi tiżdied ir-reżiljenza tal-industrija tal-karozzi, jeħtieġ li jittejjeb il-funzjonament tas-suq uniku u li tissaħħaħ it-tranżizzjoni tal-industrija tal-karozzi lejn ekonomija ċirkolari. Dan huwa konformi mal-Komunikazzjoni tal-Kummissjoni tal-11 ta’ Marzu 2020 dwar “Pjan ta’ Azzjoni ġdid dwar l-Ekonomija Ċirkolari – Għal Ewropea aktar nadifa u kompetittiva”38 li talbet reviżjoni tar-regoli kurrenti biex “jiġu promossi mudelli tan-negozju aktar ċirkolari billi l-kwistjonijiet tad-disinn jiġu marbuta mat-trattament fi tmiem il-ħajja, jiġu kkunsidrati regoli dwar il-kontenut riċiklat obbligatorju għal ċerti materjali, u tittejjeb l-effiċjenza tar-riċiklaġġ”. Dan huwa wkoll f’konformità mar-Regolament (UE) 2024/1252 tal-Parlament Ewropew u tal-Kunsill38a. Il-Kunsill39 u l-Parlament40 saħqu wkoll fuq il-ħtieġa ta’ regoli ġodda tal-Unjoni dwar dawn il-kwistjonijiet, li jissostitwixxu r-regoli eżistenti dwar l-approvazzjoni tat-tip ta’ vetturi fir-rigward tal-possibbiltajiet tal-użu mill-ġdid, ir-riċiklaġġ u l-irkupru u dwar vetturi li ma għadhomx jintużaw.

__________________

38 Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni tal-11 ta’ Marzu 2020, Pjan ta’ Azzjoni ġdid dwar l-Ekonomija Ċirkolari Għal Ewropa aktar nadifa u kompetittiva, (COM(2020)0098 final).

(6)Ir-Regolament (UE) 2018/858 tal-Parlament Ewropew u tal-Kunsill44 introduċa sistema komprensiva ta’ approvazzjoni tat-tip u ta’ sorveljanza tas-suq għall-vetturi bil-mutur, it-trejlers, u għal sistemi, komponenti u unitajiet tekniċi separati maħsuba għal tali vetturi bil-għan li jiġi żgurat il-funzjonament xieraq tas-suq uniku u sabiex jiġi offrut livell għoli ta’ prestazzjoni ambjentali. Hemm bżonn ta’ att regolatorju separat għall-finijiet tal-proċedura tal-approvazzjoni tat-tip tal-UE stipulata fl-Anness II tar-Regolament (UE) 2018/858. Huwa meħtieġ li jiġu stabbiliti dispożizzjonijiet u rekwiżiti dwar iċ-ċirkolarità tal-vetturi fil-proċess tal-approvazzjoni tat-tip tal-UE. Sabiex tiġi żgurata l-konformità tal-vetturi ma’ dawk ir-rekwiżiti, huwa meħtieġ li tiġi żgurata l-verifika tagħhom fil-proċess tal-approvazzjoni tat-tip tal-UE. Id-dispożizzjonijiet amministrattivi tar-Regolament (UE) 2018/858, inklużi d-dispożizzjonijiet dwar is-sorveljanza tas-suq, il-miżuri korrettivi u l-penali, japplikaw għall-approvazzjonijiet tat-tip maħruġa minn dan ir-Regolament. Id-dispożizzjonijiet amministrattivi tar-Regolament (UE) 2018/858, inklużi d-dispożizzjonijiet dwar is-sorveljanza tas-suq, il-miżuri korrettivi, il-klawżoli ta’ salvagwardja u l-penali, japplikaw għall-approvazzjonijiet tat-tip maħruġa f’konformità mar-rekwiżiti ta’ dan ir-Regolament.

__________________

44 Ir-Regolament (UE) 2018/858 tal-Parlament Ewropew u tal-Kunsill tat-30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (ĠU L 151, 14.6.2018, p. 1).

(7)Sabiex jittejjeb il-funzjonament tas-suq uniku, filwaqt li jiġi żgurat livell għoli ta’ protezzjoni tal-ambjent, huwa essenzjali li jiġu armonizzati l-kundizzjonijiet għall-approvazzjoni tat-tip ta’ vetturi fir-rigward tal-possibbiltajiet ta’ użu mill-ġdid, riċiklaġġ u rkupru tagħhom, kif ukoll il-kundizzjonijiet li jirregolaw l-immaniġġar tal-iskart fis-settur awtomobilistiku u l-esportazzjoni ta’ vetturi użati. Hemm rabtiet intrinsiċi bejn l-istadju tal-produzzjoni u t-trattament fi tmiem il-ħajja tal-vetturi, peress li t-trattament ambjentalment san tal-vetturi li ma għadhomx jintużaw jiddependi ħafna minn kif il-vetturi jiġu ddisinjati u mibnija fl-ewwel post. Għalhekk, l-aktar mod effiċjenti biex tiġi ffaċilitata t-tranżizzjoni tas-settur awtomobilistiku lejn ekonomija ċirkolari huwa li jiġi stabbilit qafas regolatorju uniformi fil-livell tal-Unjoni, li jkopri b’mod integrat u konsistenti d-disinn, il-manifattura, it-tqegħid fis-suq fl-Unjoni u t-trattament ta’ tmiem il-ħajja tal-vetturi. Dan huwa essenzjali wkoll għall-iżvilupp tas-suq tal-Unjoni għall-materja prima sekondarja li hija inkluża f’vetturi ġodda mqiegħda fis-suq, kif ukoll biex jiġu evitati l-ostakli għall-kummerċ u d-distorsjonijiet tal-kompetizzjoni, tiġi żgurata ċ-ċarezza legali u jittejbu l-prestazzjonijiet ambjentali tal-operaturi ekonomiċi kollha involuti fid-disinn, fil-produzzjoni u fit-trattament ta’ tmiem il-ħajja tal-vetturi. Sabiex jintlaħqu dawn l-objettivi u l-ħtieġa li jkun hemm regoli uniformi għas-suq uniku xprunati minn tħassib ambjentali, u f’konformità mal-leġiżlazzjoni ġenerali tal-Unjoni dwar l-approvazzjoni tat-tip għall-vetturi bil-mutur, id-Direttiva 2000/53/KE u d-Direttiva 2005/64/KE jenħtieġ li jiġu sostitwiti b’Regolament, abbażi tal-Artikolu 114 dwar il-Funzjonament tal-Unjoni Ewropea (TFUE).

(8)Id-Direttivi 2000/53/KE u 2005/64/KE japplikaw biss għall-vetturi tal-passiġġieri (M1) u għall-vetturi kummerċjali ħfief (N1), li jikkostitwixxu madwar 85 fil-mija tal-vetturi kollha rreġistrati fl-Unjoni. Il-bqija tal-vetturi, jiġifieri vetturi b’żewġ roti u bi tliet roti, trakkijiet, karozzi tal-linja u trejlers, ma huma soġġetti għall-ebda leġiżlazzjoni tal-Unjoni dwar l-ekodisinn u l-ġestjoni tagħhom fl-istadji ta’ tmiem il-ħajja tagħhom. Għalhekk, sabiex jiġi żgurat qafas ċirkolari għall-vetturi kollha rreġistrati fl-Unjoni, inkluż it-trattament tagħhom li ma jagħmilx ħsara lill-ambjent, kif ukoll biex tiġi evitata l-frammentazzjoni tas-suq uniku, dan ir-Regolament jenħtieġ li japplika mhux biss għall-vetturi tal-kategoriji M1 u N1, iżda, parzjalment, anki għal vetturi tal-kategorija L, vetturi heavy-duty u t-trejlers tagħhom (M2, M3, N2, N3, O). Hemm nuqqas ta’ informazzjoni komprensiva dwar it-trattament ta’ tali vetturi fi tmiem il-ħajja tagħhom fl-Unjoni, li jipprevjeni li għalihom jiġi applikat l-istess reġim bħal dak li japplika għall-vetturi M1 u N1 mad-dħul fis-seħħ ta’ dan ir-Regolament. Madankollu, ir-rekwiżiti rigward il-ġbir ta’ vetturi li ma għadhomx jintużaw, it-twassil obbligatorju tagħhom f’faċilitajiet awtorizzati ta’ trattament għat-trattament kif ukoll it-tindif mit-tniġġis tagħhom jenħtieġ li japplikaw għal vetturi tal-kategorija L u vetturi heavy-duty u t-trejlers tagħhom (M2, M3, N2, N3, O). Sabiex jiġi ffaċilitat it-trattament ta’ dawn il-vetturi li ma għadhomx jintużaw, il-manifatturi tagħhom jenħtieġ li jkunu meħtieġa jipprovdu informazzjoni dwar it-tneħħija u s-sostituzzjoni ta’ parts, komponenti u materjali minn tali vetturi. Barra minn hekk, id-dispożizzjonijiet li jirregolaw ir-responsabbiltà estiża tal-produttur jenħtieġ li japplikaw għal dawn il-kategoriji ta’ vetturi, li jkopru l-kostijiet tal-ġbir u tat-tindif mit-tniġġis tagħhom fi tmiem il-ħajja tagħhom. Barra minn hekk, jenħtieġ li japplikaw rekwiżiti addizzjonali għall-vetturi tal-kategorija L, bħal fir-rigward tat-tikkettar, rigward it-tneħħija obbligatorja jew rigward l-użu mill-ġdid, ir-rimanifattura u r-rinnovazzjoni.

(10)Vetturi bi skop speċjali huma ddisinjati sabiex iwettqu funzjoni speċifika u jeħtieġu arranġamenti speċjali ta’ karrozzerija li ma humiex kompletament taħt il-kontroll tal-manifattur. Għalhekk, ir-rati tal-possibbiltajiet ta’ użu mill-ġdid, ta’ riċiklaġġ u ta’ rkupru ma jistgħux jiġu kkalkolati kif suppost. Għal dawk il-vetturi jenħtieġ li japplikaw biss id-dispożizzjonijiet dwar il-ġbir, it-tindif mit-tniġġis u t-tneħħija obbligatorja għall-parts u l-komponenti. Il-kostijiet tat-twettiq ta’ dawn l-attivitajiet jenħtieġ li jkunu koperti mill-produtturi fi ħdan l-iskema ta’ responsabbiltà estiża tal-produttur. Id-dispożizzjonijiet dwar is-sustanzi fil-vetturi jenħtieġ li japplikaw ukoll għal vetturi bi skop speċjali, kif inhu skont id-Direttiva 2000/53/KE. Madankollu, il-vetturi bi skop speċjali prodotti minn manifatturi ta’ volum żgħir jenħtieġ li jiġu esklużi għalkollox mill-kamp ta’ applikazzjoni ta’ dan ir-Regolament. Il-manifattur tat-tieni stadju ta’ vetturi, bħal dawk li jipproduċu l-karozzerija, li jkunu ngħataw approvazzjoni tat-tip f’approvazzjoni tat-tip f’diversi stadji ma huwiex f’pożizzjoni li jikkalkula r-rati tal-possibbiltajiet ta’ użu mill-ġdid, ta’ riċiklaġġ u ta’ rkupru għall-vetturi kompluti. Huwa għalhekk xieraq li l-obbligu ta’ konformità ma’ din id-Direttiva jiġi stabbilit biss fir-rigward tal-vettura bażi f’dan l-istadju. Bħala konsegwenza, il-karozzerija ta’ vetturi mibnija f’diversi stadji li ma hijiex inkluża fil-vettura bażi jenħtieġ li ma tkunx inkluża fil-kamp ta’ applikazzjoni tar-responsabbiltà estiża tal-produttur.

(11)Waħda mill-akbar sfidi prattiċi relatati mal-applikazzjoni tad-Direttiva 2000/53/KE tikkonċerna d-determinazzjoni ta’ jekk vettura tkunx saret vettura li ma għadhiex tintuża, f’każijiet ta’ vjeġġi transfruntieri u esportazzjonijiet ta’ vetturi. Minkejja l-ħruġ ta’ gwida46 dwar din il-kwistjoni, tali valutazzjoni tibqa’ problematika. Għalhekk huwa meħtieġ li jiġu pprovduti kriterji preċiżi legalment vinkolanti li jippermettu li tiġi ddeterminata vettura li ma għadhiex tintuża. Dawk il-kriterji jenħtieġ li jintużaw mill-awtoritajiet kompetenti rilevanti kollha, mill-operaturi ekonomiċi kollha u mis-sidien tal-vetturi li jittrattaw vetturi li ma għadhomx jintużaw.

__________________

46 Linji Gwida tal-Korrispondenti Nru 9 dwar il-vjeġġi ta’ vetturi tal-iskart, https://ec.europa.eu/environment/pdf/waste/shipments/correspondents_guidelines9_en.pdf

(13)L-indirizzar tad-disinn tal-vetturi kollha mqiegħda fis-suq tal-Unjoni kif ukoll l-istadju ta’ tmiem il-ħajja tagħhom jeħtieġ li jiġu stabbiliti rekwiżiti ta’ ċirkolarità armonizzati vverifikati fl-istadju tal-approvazzjoni tat-tip. Id-disinn u l-manifattura tal-vetturi biex jiġi żgurat li l-parts u l-komponenti tagħhom ikunu jistgħu jerġgħu jintużaw, u l-materjali li jkun fihom ikunu riċiklabbli, huma essenzjali biex jiġi evitat li dawn il-parts, il-komponenti u l-materjali ma jkunux jistgħu jiġu vvalorizzati kif xieraq meta vettura tilħaq tmiem il-ħajja tagħha. Għalhekk, il-manifatturi tal-vetturi u l-fornituri tagħhom jenħtieġ li jintegraw strateġiji ta’ disinn li jtejbu l-possibbiltajiet ta’ użu mill-ġdid u ta’ riċiklaġġ fi stadju bikri fl-iżvilupp ta’ vetturi ġodda. Għaldaqstant, jenħtieġ li jkomplu jinbnew tipi ġodda ta’ vetturi sabiex ikunu jistgħu jerġgħu jintużaw jew jiġu riċiklati għal mill-inqas 85 fil-mija skont il-massa u jkunu jistgħu jerġgħu jintużaw jew jiġu rkuprati għal mill-inqas 95 fil-mija skont il-massa, kif diġà huwa previst fid-Direttiva 2005/64/KE. Sabiex jiġi żgurat li l-kalkolu tar-rati tal-possibbiltajiet ta’ użu mill-ġdid, ta’ riċiklaġġ u ta’ rkupru jsir b’mod uniformi u jkun jista’ jiġi mmonitorjat, jenħtieġ li tiġi stabbilita metodoloġija ġdida għall-kalkolu u għall-verifika tar-rati tal-possibbiltajiet ta’ użu mill-ġdid, tar’ riċiklaġġ u ta’ rkupru ta’ vettura. Din il-metodoloġija jenħtieġ li tirrifletti aħjar il-potenzjal kurrenti ta’ vettura ġdida biex tiġi riċiklata, użata mill-ġdid u rkuprata fi tmiem il-ħajja, filwaqt li jitqies il-progress teknoloġiku li jkun għaddej. Sabiex ikunu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li l-Kummissjoni tingħata setgħat ta’ implimentazzjoni biex tistabbilixxi tali metodoloġija filwaqt li tqis l-istandard ISO 22628:2002. Sakemm tiġi stabbilita tali metodoloġija, ir-rati tal-possibbiltajiet ta’ użu mill-ġdid, ta’ riċiklaġġ u ta’ rkupru jenħtieġ li jkomplu jiġu kkalkolati f’konformità mal-istandard ISO 22628:2002, bħal fid-Direttiva 2005/64/KE. Jenħtieġ li l-Kummissjoni timmira lejn l-aġġornament tal-metodoloġija rilevanti tan-NU kif xieraq għall-prevenzjoni tal-kunflitt mal-metodoloġija tal-Unjoni u sabiex jitnaqqas il-piż fuq l-manifatturi.

(15)Id-Direttiva 2000/53/KE diġà tirrestrinġi l-użu taċ-ċomb, tal-merkurju, tal-kadmju u tal-kromu eżavalenti fil-vetturi u tipprovdi eżenzjonijiet, fejn tali sustanzi jistgħu jintużaw f’ċerti applikazzjonijiet. Dan ir-Regolament jenħtieġ li jinkludi dawn ir-regoli eżistenti. Madankollu, sabiex tiġi żgurata l-koerenza tal-leġiżlazzjoni dwar is-sustanzi kimiċi, ir-restrizzjonijiet rigward it-tqegħid fis-suq u l-użu ta’ sustanzi oħra fil-vetturi jenħtieġ li jiġu indirizzati skont ir-Regolament (KE) Nru 1907/2006 tal-Parlament Ewropew u tal-Kunsill48. Bl-istess mod, jenħtieġ li jiġu rrispettati restrizzjonijiet fuq l-użu ta’ sustanzi rregolati fir-Regolament (UE) 2019/1021 tal-Parlament Ewropew u tal-Kunsill49 abbażi tad-dispożizzjonijiet ta’ dak ir-Regolament.

__________________

48 Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE (ĠU L 396, 30.12.2006, p. 1).

49 Ir-Regolament (UE) 2019/1021 tal-Parlament Ewropew u tal-Kunsill tal-20 ta’ Ġunju 2019 dwar il-pollutanti organiċi persistenti (ĠU L 169, 25.6.2019, p. 45).

(16)Id-Direttiva 2000/53/KE tipprovdi eżenzjonijiet għar-restrizzjonijiet fuq l-użu taċ-ċomb u l-kadmju fil-batteriji użati fil-vetturi, li ġew inklużi f’dan ir-Regolament. Madankollu, l-użu ta’ sustanzi fil-batteriji huwa regolat b’mod komprensiv fir-Regolament (UE) 2023/1524 tal-Parlament Ewropew u tal-Kunsill50. Għalhekk, jenħtieġ li tali sustanzi jiġu indirizzati u eventwalment ir-restrizzjonijiet tagħhom u l-eżenzjonijiet relatati ttrasferiti, kif xieraq, għal dak ir-Regolament u jenħtieġ li ma jiġux regolati f’dan ir-Regolament. Qabel ma jiġu introdotti tali restrizzjonijiet skont ir-Regolament (UE) Nru 2023/[Batteriji], jenħtieġ li titwettaq valutazzjoni komprensiva skont dak ir-Regolament biex jiġi evalwat, jekk eżenzjoni tkunx għadha meħtieġa u f’liema ambitu.

__________________

50 Ir-Regolament (UE) 2023/1542 tal-Parlament Ewropew u tal-Kunsill tat-12 ta’ Lulju 2023 dwar il-batteriji u l-iskart ta’ batteriji, li jemenda d-Direttiva 2008/98/KE u r-Regolament (UE) 2019/1020 u li jħassar id-Direttiva 2006/66/KE (ĠU L 191, 28.7.2023, p. 1, ELI: http://data.europa.eu/eli/reg/2023/1542/oj).

(17)Sabiex jitqies il-progress xjentifiku u tekniku, jenħtieġ li tkompli tiġi delegata lill-Kummissjoni s-setgħa li tadotta atti delegati skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tal-emendar ta’ eżenzjonijiet minn restrizzjonijiet fuq l-użu taċ-ċomb, il-merkurju, il-kadmju u l-kromu eżavalenti fil-vetturi skont dan ir-Regolament. Il-modifika jew it-tħassir ta’ tali eżenzjonijiet jenħtieġ li jkunu ppreċeduti minn valutazzjoni tal-impatti soċjoekonomiċi ta’ tali bidla, li hija nieqsa fid-Direttiva 2000/53/KE, inkluża l-kunsiderazzjoni tad-disponibbiltà ta’ sustanzi alternattivi u l-impatti fuq is-saħħa tal-bniedem u fuq l-ambjent tul iċ-ċiklu tal-ħajja tal-vetturi. Qabel ma tadotta tali att delegat, jenħtieġ li l-Kummissjoni tikkonsulta lill-esperti rilevanti u lill-partijiet ikkonċernati biex tiżgura li jitqiesu impatti soċjoekonomiċi usa’, flimkien mal-effetti fuq is-saħħa tal-bniedem u ambjentali. Sabiex jiġu żgurati t-teħid ta’ deċiżjonijiet, il-koordinazzjoni u l-ġestjoni effettivi tal-aspetti tekniċi, xjentifiċi u amministrattivi tal-emendar ta’ dan ir-Regolament fir-rigward tar-restrizzjonijiet fuq l-użu ta’ sustanzi fil-vetturi, l-Aġenzija Ewropea għas-Sustanzi Kimiċi jenħtieġ li tassisti lill-Kummissjoni f’tali valutazzjoni.

(18)Sabiex tiżdied iċ-ċirkolarità fis-settur awtomobilistiku, il-vetturi jenħtieġ li jiġu ddisinjati u mmanifatturati progressivament b’tali mod li jinkorporaw il-materjali riċiklati minflok il-materja prima primarja, filwaqt li l-prestazzjoni tas-sikurezza tal-vetturi tinżamm. L-użu ta’ materjali riċiklati jippermetti użu aktar effiċjenti fir-riżorsi tal-materjali, jiddekarbonizza l-produzzjoni u jnaqqas l-impatti ambjentali negattivi relatati mal-użu ta’ materja prima primarja. Iż-żieda fiċ-ċirkolarità għall-vetturi manifatturati f’pajjiżi terzi li jitqiegħdu fis-suq tal-Unjoni se tikkontribwixxi wkoll għat-tnaqqis globali tal-emissjonijiet tal-gassijiet serra fuq livell globali, inkluża l-Unjoni. Dan isaħħaħ ukoll l-awtonomija strateġika u l-kompetittività tal-Unjoni billi jnaqqas id-dipendenzi mill-materja prima u l-enerġija marbuta mal-provvista tal-materja prima primarja, b’mod partikolari billi jikkontribwixxi għaż-żamma ta’ materja prima kritika ta’ valur fl-Unjoni, u fl-istess ħin isaħħaħ is-suq għall-materja prima sekondarja. Għalkemm ma hemm l-ebda rekwiżit dwar l-użu ta’ kontenut riċiklat fuq livell globali, ħafna manifatturi diġà inkorporaw materjali riċiklati fil-vetturi tagħhom. L-istabbiliment ta’ miri u dispożizzjonijiet uniformi dwar kif għandu jiġi kkalkolat il-kontenut riċiklat se jipprovdi ċertezza legali u jikkontribwixxi għall-ħolqien ta’ kompetizzjoni ġusta bejn il-manifatturi. Ir-rekwiżiti se japplikaw għall-manifatturi kollha li beħsiebhom iqiegħdu vetturi fis-suq tal-Unjoni, inkluż permezz ta’ swieq online, irrispettivament minn fejn ikunu bbażati, Filwaqt li jirrikonoxxi l-importanza tal-ktajjen tal-valur globali fis-settur awtomobilistiku, ir-Regolament jenħtieġ li jippermetti l-akkwist tal-materja prima sekondarja minn barra l-Unjoni. It-tranżizzjoni lejn l-ekonomija ċirkolari fis-settur awtomobilistiku jenħtieġ li tkun akkumpanjata minn miżuri li jissalvagwardjaw is-sigurtà tal-impjiegi u joħolqu opportunitajiet ġodda ta’ impjieg. Jenħtieġ li dan ir-Regolament ikun jista’ jappoġġja lill-ħaddiema permezz ta’ tranżizzjoni ġusta, billi jintegra aspetti ta’ sostenibbiltà soċjali, ekonomiċi u ambjentali.

(19)Fid-dawl tar-rata baxxa ta’ riċiklaġġ għall-plastik, speċjalment minn vetturi li ma għadhomx jintużaw, u l-impatti negattivi ġenerali ta’ forom oħra ta’ trattament tal-iskart tal-plastik, huwa xieraq li jiżdied l-użu ta’ plastik riċiklat fil-vetturi. Għal dan il-għan, jenħtieġ li tiġi inkluża mira obbligatorja għall-plastik riċiklat mill-iskart ta’ wara l-użu mill-konsumatur f’vetturi ġodda. Għaldaqstant, kull tip ta’ vettura jenħtieġ li jkun fiha 20 fil-mija ta’ plastik riċiklat mill-iskart tal-plastik ta’ wara l-użu mill-konsumatur. 15 fil-mija ta’ din il-mira ta’ kontenut riċiklat għall-plastik jenħtieġ li tinkiseb billi l-plastik riċiklat jiġi inkluż minn vetturi li ma għadhomx jintużaw fit-tip ta’ vettura kkonċernat. Sabiex tiġi żgurata l-perspettiva fit-tul meħtieġa għall-industrija u jiġu sfruttati l-investimenti, jenħtieġ li l-manifatturi fi stadju aktar tard jilħqu mira ta’ mill-inqas 25 fil-mija tal-plastik riċiklat mill-iskart tal-plastik ta’ wara l-użu mill-konsumatur, sakemm in-nuqqas ta’ disponibbiltà jew il-prezzijiet eċċessivi tal-plastik riċiklat meħtieġ ma jagħmlux il-konformità ma’ din il-mira eċċessivament diffiċli. Sabiex tiġi offruta biżżejjed flessibbiltà biex jintlaħqu dawn il-miri, jenħtieġ li l-manifatturi jkunu jistgħu jilħqu wkoll sa massimu ta’ 50 fil-mija tagħhom billi jużaw l-iskart ta’ qabel il-konsum.

(20)Is-settur awtomobilistiku huwa wieħed mill-akbar utenti tal-azzar u l-użu kurrenti tal-azzar riċiklat f’vetturi ġodda għadu baxx. Sabiex tikkontribwixxi għat-tnaqqis tal-impronta tal-karbonju marbuta mal-produzzjoni ta’ vetturi ġodda u tappoġġa l-bidla tal-industrija tal-karozzi lejn in-newtralità klimatika, jenħtieġ li tiġi stabbilita mira għall-integrazzjoni tal-azzar riċiklat minn ruttam ferruż f’vetturi ġodda. Barra minn hekk, jenħtieġ li tiġi delegata lill-Kummissjoni s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tal-istabbiliment ta’ sehem minimu ta’ azzar riċiklat minn skart tal-azzar minn ruttam ferruż inkluż azzar minn familji ta’ prodotti tal-azzar bil-karbonju ċatti u twal u familji ta’ prodotti tal-azzar inossidabbli, li għandu jkun preżenti u inkorporat fit-tipi ta’ vetturi. L-istabbiliment ta’ mira futura jenħtieġ li jkun preċedut minn studju ddedikat mill-Kummissjoni li jkopri l-fatturi tekniċi, ambjentali u ekonomiċi rilevanti kollha marbuta mal-fattibbiltà ta’ tali mira, inklużi wkoll l-impatti fuq setturi oħra li jużaw l-azzar u l-emissjonijiet globali tal-gassijiet serra. Huwa importanti li ssir distinzjoni bejn diversi familji ta’ prodotti tal-azzar fil-vettura, peress li huma prodotti bl-użu ta’ teknoloġiji differenti li għandhom diversi restrizzjonijiet għall-użu ta’ ruttam ferruż fir-rigward tal-kapaċità tagħhom li jittolleraw kontenut tar-ram u inklużjonijiet oħra ta’ tramp mhux intenzjonati. Sabiex jiġu supplimentati ċerti elementi mhux essenzjali ta’ dan ir-Regolament, jenħtieġ li tiġi delegata lill-Kummissjoni s-setgħa li tadotta atti skont l-Artikolu 290 tat-TFUE fir-rigward tal-istabbiliment ta’ metodoloġija għall-kalkolu u l-verifika tas-sehem tal-azzar irkuprat minn ruttam ferruż preżenti fit-tip ta’ vettura u inkorporat fih.

(21)Hemm potenzjal li jiżdied l-użu ta’ kontenut riċiklat fil-vetturi għal materjali oħra li jintużaw b’mod komuni mill-industrija tal-karozzi li għalihom is-swieq għall-materja prima sekondarja ma humiex żviluppati biżżejjed, l-impronta marbuta mal-produzzjoni tal-materja prima primarja hija għolja jew il-livelli ta’ riċiklaġġ huma limitati, filwaqt li t-teknoloġiji tas-separazzjoni u r-riċiklaġġ qed jittejbu. Għalhekk huwa xieraq li l-Kummissjoni tivvaluta x-xewqa, il-fattibbiltà u l-impatti li jiġu stabbiliti miri dwar il-kontenut riċiklat tan-neodimju, id-disprożju, il-praseodimju, it-terbju, is-samarju, il-boron li jintużaw f’kalamiti permanenti, jew il-manjeżju u l-ligi tiegħu. Għall-fattibbiltà tal-iffissar potenzjali ta’ miri dwar tipi speċifiċi ta’ ligi tal-aluminju u tal-manjeżju, l-istudju jenħtieġ li jindirizza t-tqabbil tad-domanda mal-provvista sekondarja b’mod ġenerali u b’mod partikolari jinvestiga l-kompromess bejn il-massimizzazzjoni tal-ekonomiji ta’ skala billi jiġi speċifikat l-għadd minimu ta’ familji ta’ ligi meta mqabbla mal-massimizzazzjoni taż-żamma tal-valur billi jiġu sseparati f’firxa usa’ ta’ tipi ta’ ligi speċifiċi.

(22)Sabiex tingħata spinta lis-swieq sottożviluppati għall-materja prima sekondarja, jenħtieġ li tiġi delegata lill-Kummissjoni s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tal-istabbiliment ta’ sehem minimu ta’ manjeżju u l-ligi tiegħu, in-neodimju, id-disprożju, il-praseodimju, it-terbju, is-samarju jew l-boron riċiklati minn skart ta’ qabel u ta’ wara l-użu mill-konsumatur li għandu jkun preżenti fit-tipi ta’ vetturi u inkorporat fihom. Sabiex jiġu supplimentati ċerti elementi mhux essenzjali ta’ dan ir-Regolament, jenħtieġ li tiġi delegata lill-Kummissjoni s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tal-istabbiliment ta’ metodoloġija għall-kalkolu u l-verifika tas-sehem tal-materjali riċiklati minn iskart ta’ qabel u ta’ wara l-użu mill-konsumatur, fit-tipi ta’ vetturi. Il-metodoloġija hija meħtieġa biex jiġu ċċarati d-definizzjonijiet tar-ruttam ta’ wara l-użu mill-konsumatur u tar-ruttam ta’ qabel l-użu mill-konsumatur. Dan huwa rilevanti biex jiġi inċentivat it-titjib tal-kwalità u ż-żamma tal-valur, b’mod partikolari għall-frazzjonijiet ta’ wara l-użu mill-konsumatur. Sabiex tiġi promossa d-dekarbonizzazzjoni permezz tal-użu ta’ aktar kontenut riċiklat, huma meħtieġa definizzjonijiet ċari biex jiġi inċentivat ir-riċiklaġġ tar-ruttam ta’ wara l-użu mill-konsumatur, filwaqt li jiġi mminimizzat l-użu tar-ruttam ta’ qabel l-użu mill-konsumatur, li normalment ikollu l-istess impronta tal-karbonju bħall-materja prima primarja.

(23)F’konformità mar-rekwiżiti tar-Regolament (UE) 2024/1252, u meta jitqies li huwa meħtieġ li f’dan ir-Regolament jiġu stabbiliti dispożizzjonijiet dwar il-kontenut riċiklat fil-vetturi u dwar il-materja prima kritika użata f’parts u komponenti tal-vetturi, dawk id-dispożizzjonijiet jenħtieġ li japplikaw bħala l-implimentazzjoni speċifika għas-settur tad-dispożizzjonijiet li jinsabu fir-Regolament (UE) 2024/1252. Dan se jiżgura s-simplifikazzjoni u l-integrazzjoni ta’ diversi obbligi ta’ informazzjoni, tikkettar u tneħħija skont il-proċeduri ta’ dan ir-Regolament ma’ dawk għal parts, komponenti u materjali oħra.

__________________

(24)Sabiex jiġi żgurat li l-batteriji jiġu riċiklati f’konformità mar-rekwiżiti tar-Regolament (UE) 2023/1542, u li l-muturi tat-trazzjoni elettrika, li fihom kwantitajiet importanti ta’ elementi tal-materjali tal-art rari, jistgħu jiġu ssostitwiti u riċiklati wkoll, huwa meħtieġ li jiġu introdotti rekwiżiti tad-disinn għal tipi ta’ vetturi ġodda, filwaqt li jiġi żgurat li dawn il-batteriji u l-muturi tat-trazzjoni elettrika jkunu jistgħu jitneħħew faċilment minn faċilitajiet ta’ trattament awtorizzati jew minn operaturi ta’ tiswija u manutenzjoni matul kwalunkwe fażi taċ-ċiklu tal-ħajja ta’ vettura. Jenħtieġ li l-Kummissjoni tħeġġeġ l-iżvilupp ta’ standards għat-tekniki tad-disinn u tal-assemblaġġ li jiffaċilitaw il-manutenzjoni, it-tiswija u l-adattament għal skop differenti tal-batteriji u tal-pakketti ta’ batteriji. B’mod aktar ġenerali, biex jiġi massimizzat il-potenzjal għas-sostituzzjoni, l-użu mill-ġdid, ir-riċiklaġġ, il-rimanifattura jew ir-rinnovazzjoni ta’ parts u komponenti tal-vetturi, u biex jiġi minimizzat l-iskart, il-vetturi jenħtieġ li jkunu ddisinjati b’mod li jippermetti t-tneħħija tal-akbar numru possibbli ta’ parts u komponenti. Il-kunċett ta’ fattibbiltà teknika jenħtieġ li jiġi interpretat b’mod li dawk l-objettivi jiġu appoġġati u ffaċilitati, filwaqt li jiġi rrikonoxxut li, f’ċerti każijiet, ir-rekwiżiti ta’ sikurezza jew funzjonali ta’ partijiet jistgħu jiġġustifikaw soluzzjonijiet alternattivi li jillimitaw il-possibbiltà li parti jew komponent jitneħħew. F’tali każijiet, il-manifatturi għandhom juru l-ħtieġa ta’ għażla bħal din. Sabiex jitqies il-progress tekniku u xjentifiku, jenħtieġ li tiġi delegata lill-Kummissjoni s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tal-emendar ta’ dan ir-Regolament billi tiġi riveduta l-lista ta’ parts u komponenti li għandhom jiġu ddisinjati għat-tneħħija u s-sostituzzjoni mill-vetturi. Sabiex jiġu żgurati kundizzjonijiet uniformi għall-implimentazzjoni ta’ dan ir-rekwiżit tad-disinn, jenħtieġ li jingħataw setgħat ta’ implimentazzjoni lill-Kummissjoni.

(26)Sabiex jiġi żgurat li l-manifatturi tal-karozzi tal-passiġġieri u tal-vetturi kummerċjali ħfief jistabbilixxu azzjonijiet biex jiżguraw li jissodisfaw ir-rekwiżiti taċ-ċirkolarità skont dan ir-Regolament, u biex jinċentivawhom itejbu ċ-ċirkolarità tat-tipi ta’ vetturi li jqiegħdu fis-suq, jenħtieġ li jfasslu strateġija għaċ-ċirkolarità komprensiva fil-livell tal-manifattur u jipprovduha lill-Kummissjoni. Madankollu, jenħtieġ li l-manifatturi jkunu jistgħu jfasslu wkoll strateġija taċ-ċirkolarità skont il-kategorija tal-vetturi. Din l-istrateġija jenħtieġ li ma tirriżultax f’piżijiet sproporzjonati fuq il-manifatturi u jenħtieġ li tiġi aġġornata perjodikament. Il-Kummissjoni jenħtieġ li tirrapporta regolarment dwar iċ-ċirkolarità tas-settur awtomobilistiku abbażi tal-istrateġiji taċ-ċirkolarità pprovduti mill-manifatturi.

(28)L-aċċess għal informazzjoni aġġornata u komunikazzjoni f’waqtha bejn il-manifatturi tal-vetturi u l-operaturi tal-immaniġġar tal-iskart tul il-katina tal-valur tal-karozzi huma essenzjali biex jiġu mmassimizzati l-użu mill-ġdid, ir-rimanifattura u r-rinnovazzjoni ta’ parts u komponenti ta’ vettura u biex jiġi żgurat riċiklaġġ ta’ kwalità għolja ta’ vetturi li ma għadhomx jintużaw. Għalhekk, jenħtieġ li l-manifatturi jipprovdu lill-operaturi tal-immaniġġar tal-iskart u lill-operaturi tat-tiswija u tal-manutenzjoni, kif ukoll lis-servizzi ta’ emerġenza, aċċess mhux ristrett, standardizzat u mhux diskriminatorju għall-informazzjoni msemmija fil-paragrafu 66 tal-avviż tal-Kummissjoni tat-28 ta’ Mejju 2010 dwar linji gwida supplimentari dwar restrizzjonijiet vertikali fi ftehimiet dwar il-bejgħ u t-tiswija ta’ vetturi bil-mutur u għad-distribuzzjoni ta’ spare parts għall-vetturi bil-mutur, filwaqt li dan jippermetti t-tneħħija u s-sostituzzjoni sikuri ta’ ċerti parts, komponenti u materjali preżenti f’vettura. L-informazzjoni jenħtieġ li tiggwida lill-operaturi tal-immaniġġar tal-iskart u lill-operaturi tat-tiswija u tal-manutenzjoni tul il-passi u tipprovdi struzzjonijiet ċari dwar l-użu ta’ għodod jew teknoloġiji meħtieġa għall-aċċess u t-tneħħija ta’ batteriji tal-vetturi elettriċi u l-pakkett ta’ batteriji tagħhom, inklużi l-għodod jew it-teknoloġiji li jippermettu r-rimi sikur tagħhom, u l-muturi tat-trazzjoni elettrika. Din l-informazzjoni jenħtieġ li tgħin ukoll biex jiġu identifikati, lokalizzati u jitneħħew il-parts, il-komponenti u l-materjali, li jenħtieġ li jkunu soġġetti għat-tindif mit-tniġġis u li jitneħħew mill-vettura qabel it-tqattigħ, kif ukoll il-parts u l-komponenti, li fihom il-materja prima kritika f’kalamiti permanenti msemmija fir-Regolament (UE) 2024/1252. Huwa importanti li d-drittijiet tal-proprjetà intellettwali jiġu debitament rispettati, filwaqt li jiġi żgurat li l-aċċess għall-informazzjoni teknika ma jikkompromettix teknoloġiji proprjetarji jew sigrieti kummerċjali. Dan jenħtieġ li jsir permezz ta’ pjattaformi ta’ komunikazzjoni stabbiliti mill-manifatturi, u l-informazzjoni jenħtieġ li tiġi pprovduta mingħajr ħlas, bl-esklużjoni ta’ kostijiet amministrattivi mhux projbittivi. L-awtoritajiet tal-approvazzjoni tat-tip jenħtieġ li jivverifikaw li l-informazzjoni meħtieġa tkun ġiet sottomessa mill-manifatturi. Filwaqt li jqisu l-ħtieġa li tiġi appoġġata l-modifika retroattiva tal-vetturi bħala mod kif jitnaqqsu l-emissjonijiet, tiġi estiża l-ħajja tal-vetturi, u tiġi promossa s-sostenibbiltà, jenħtieġ li l-manifatturi jiżguraw ukoll kooperazzjoni xierqa mal-operaturi tal-modifika retroattiva.

(29)Filwaqt li l-ikkowdjar diġitali qed jintuża dejjem aktar biex jiġu kkontrollati parts u komponenti differenti fil-vettura, l-evalwazzjoni tad-Direttiva 2000/53/KE identifikat li tali ikkowdjar jista’ jxekkel il-potenzjal ta’ użu mill-ġdid, rimanifattura u rinnovazzjoni ta’ ċerti parts u komponenti. Għalhekk huwa essenzjali li l-manifatturi tal-vetturi jintalbu jipprovdu informazzjoni li tippermetti lill-operaturi professjonali tal-immaniġġar tal-iskart u lill-operaturi tat-tiswija u tal-manutenzjoni jegħlbu l-problemi li joħolqu dawn il-parts u l-komponenti b’kodiċi diġitali f’vettura, fejn tali ikkowdjar jipprevjeni t-tiswija, il-manutenzjoni jew l-operazzjonijiet ta’ sostituzzjoni f’vettura oħra.

(31)Sabiex jiġi ffaċilitat it-trattament fi tmiem il-ħajja tal-vetturi, il-manifatturi tal-vetturi jenħtieġ li jipprovdu, permezz ta’ għodod diġitali, informazzjoni akkurata, kompluta u aġġornata dwar it-tneħħija u s-sostituzzjoni sikuri tal-parts u l-komponenti tal-vetturi. Għalhekk jenħtieġ li jiġi żviluppat u jsir disponibbli Passaport Diġitali taċ-Ċirkolarità tal-Vetturi bħala trasportatur tad-data għal tali informazzjoni, b’mod li jkun konsistenti ma’ għodod u pjattaformi ta’ informazzjoni diġitali oħra li diġà jeżistu jew li qed jiġu żviluppati ulterjorment fis-settur awtomobilistiku dwar il-prestazzjoni ambjentali tal-vetturi u allinjati mad-dispożizzjonijiet korrispondenti fir-Regolament (UE) 2023/1542, ir-Regolament (UE) 2024/1781tal-Parlament Ewropew u tal-Kunsill54 u r-Regolament (UE) 2024/1257 tal-Parlament Ewropew u tal-Kunsill55. Sabiex jiġu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li l-Kummissjoni tingħata setgħat ta’ implimentazzjoni biex tistabbilixxi r-rekwiżiti tekniċi tad-disinn u tal-operat għall-passaport u r-regoli dwar il-post tat-trasportatur tad-data jew identifikatur ieħor li jippermettu l-aċċess għall-passaport fuq il-vettura. Meta tistabbilixxi r-regoli għall-passaport diġitali taċ-ċirkolarità tal-vetturi, il-Kummissjoni jenħtieġ li tqis il-ħtieġa ta’ livelli għoli ta’ sigurtà u privatezza, inkluż dwar data tal-operat ta’ vettura għall-prevenzjoni tat-theddid għaċ-ċibersigurtà.

__________________

54 Ir-Regolament (UE) 2024/1781 tal-Parlament Ewropew u tal-Kunsill tat-13 ta’ Ġunju 2024 li jistabbilixxi qafas għall-istabbiliment ta’ rekwiżiti tal-ekodisinn għal prodotti sostenibbli, li jemenda d-Direttiva (UE) 2020/1828 u r-Regolament (UE) 2023/1542 u li jħassar id-Direttiva 2009/125/KE (ĠU L, 2024/1781, 28.6.2024, ELI: http://data.europa.eu/eli/reg/2024/1781/oj).

55 Ir-Regolament (UE) 2024/1257 tal-Parlament Ewropew u tal-Kunsill tal-24 ta’ April 2024 dwar l-approvazzjoni tat-tip ta’ vetturi bil-mutur u magni u ta’ sistemi, komponenti u unitajiet tekniċi separati maħsuba għal tali vetturi, fir-rigward tal-emissjonijiet u d-durabbiltà tal-batterija tagħhom (Euro 7), li jemenda r-Regolament (UE) 2018/858 tal-Parlament Ewropew u tal-Kunsill u li jħassar ir-Regolamenti (KE) Nru 715/2007 u (KE) Nru 595/2009 tal-Parlament Ewropew u tal-Kunsill, ir-Regolament tal-Kummissjoni (UE) Nru 582/2011, ir-Regolament tal-Kummissjoni (UE) 2017/1151 ir-Regolament tal-Kummissjoni (UE) 2017/2400 u r-Regolament ta’ Implimentazzjoni tal-Kumissjoni (UE) 2022/1362 (ĠU L, 2024/1257, 8.5.2024, ELI: http://data.europa.eu/eli/reg/2024/1257/oj)..

(33)Dan ir-Regolament jibni fuq ir-regoli dwar l-immaniġġar tal-iskart u l-prinċipji ġenerali stabbiliti fid-Direttiva 2008/98/KE, li jenħtieġ li jiġu adattati biex jirriflettu n-natura speċifika tal-vetturi li ma għadhomx jintużaw. Sabiex jiġi garantit it-trattament sikur u li ma jagħmilx ħsara lill-ambjent ta’ vetturi li ma għadhomx jintużaw, kwalunkwe stabbiliment jew impriża li jkollha l-ħsieb li twettaq operazzjonijiet ta’ trattament tal-iskart, inklużi l-ġbir, it-tindif mit-tniġġis u t-tneħħija ta’ parts u komponenti ta’ dawn il-vetturi jenħtieġ li tikseb awtorizzazzjoni mill-awtorità kompetenti. L-awtorizzazzjoni jenħtieġ li tingħata biss jekk l-istabbiliment jew l-impriża jkollha l-kapaċità teknika, finanzjarja u organizzazzjonali meħtieġa biex twettaq l-operazzjonijiet ta’ trattament fi tmiem il-ħajja għall-vetturi b’mod li jikkonforma mal-liġi applikabbli tal-UE u dik nazzjonali, inklużi r-rekwiżiti speċifiċi ta’ trattament stabbiliti f’dan ir-Regolament. Barra minn hekk, il-faċilitajiet ta’ trattament awtorizzati jenħtieġ li jkunu l-uniċi li jkollhom il-kompetenza li joħorġu ċertifikati ta’ qerda f’konformità ma’ dan ir-Regolament.

(35)Sabiex jiġi ffaċilitat il-monitoraġġ tal-konformità tal-produtturi mal-obbligi ta’ responsabbiltà estiża tal-produtturi tagħhom, l-Istati Membri jenħtieġ li jistabbilixxu reġistru tal-produtturi jew jużaw reġistru eżistenti. Ir-rekwiżiti ta’ reġistrazzjoni jenħtieġ li jiġu armonizzati madwar l-Unjoni sabiex tiġi ffaċilitata r-reġistrazzjoni b’mod partikolari meta l-produtturi jagħmlu l-vetturi disponibbli fi Stati Membri differenti. Ir-reġistru jenħtieġ li jintuża wkoll għall-finijiet ta’ rapportar lill-awtoritajiet kompetenti dwar it-twettiq tal-obbligi ta’ responsabbiltà estiża tal-produtturi. Il-karatteristiċi u l-aspetti proċedurali marbuta ma’ dan ir-reġistru jenħtieġ li jkunu konsistenti wkoll mar-reġistru tal-produtturi stabbilit bir-Regolament (UE) 2023/1542, biex il-produtturi tal-vetturi u l-produtturi tal-batteriji jkunu jistgħu jużaw l-istess reġistru. Sabiex tiffaċilita r-reġistrazzjoni tal-produtturi fl-Istati Membri kollha, jenħtieġ li l-Kummissjoni tistabbilixxi wkoll portal uniku li jkun fih il-links għar-reġistri nazzjonali kollha.

(36)F’każ li l-produttur jagħmel il-vetturi disponibbli fis-suq għall-ewwel darba f’territorju ta’ Stat Membru, fejn il-produttur ma jkunx stabbilit, il-produttur jenħtieġ li jinnomina rappreżentant awtorizzat għar-responsabbiltà estiża tal-produttur.

(37)Il-produtturi jenħtieġ li jkunu jistgħu jagħżlu jekk humiex se jeżerċitaw l-obbligi tar-responsabbiltà estiża tal-produtturi tagħhom individwalment jew kollettivament, permezz ta’ organizzazzjonijiet b’responsabbiltà tal-produtturi li jieħdu r-responsabbiltà f’isimhom. L-organizzazzjonijiet b’responsabbiltà tal-produtturi jenħtieġ li jiżguraw il-kunfidenzjalità tad-data pprovduta lilhom mill-produtturi. Sabiex jiġi żgurat li l-interessi tal-operaturi ekonomiċi kollha jitqiesu kif xieraq u jiġi evitat li l-operaturi tal-immaniġġar tal-iskart jitqiegħdu fi żvantaġġ fid-deċiżjonijiet meħuda fi skemi ta’ responsabbiltà estiża tal-produtturi, jenħtieġ li tiġi żgurata rappreżentanza ġusta tal-produtturi u tal-operaturi tal-immaniġġar tal-iskart fil-korpi governattivi ta’ tali organizzazzjonijiet. B’mod partikolari, l-operaturi tal-immaniġġar tal-iskart jenħtieġ li jintgħażlu fi proċedura nondiskriminatorja bbażata fuq kriterji tal-għoti trasparenti.

(39)Il-kontribuzzjonijiet finanzjarji tal-produtturi jenħtieġ li, fost l-oħrajn, ikopru l-kostijiet tal-kampanji edukattivi mmirati biex jinfurmaw lill-pubbliku u jżidu l-ġbir ta’ vetturi li ma għadhomx jintużaw jew il-ġbir u r-rapportar ta’ data lill-awtoritajiet kompetenti.

(42)Peress li l-vetturi spiss isiru vetturi li ma għadhomx jintużaw fi Stat Membru differenti milli fl-Istat Membru fejn ikunu ġew irreġistrati għall-ewwel darba, huwa meħtieġ li jiġu introdotti regoli dwar ir-responsabbiltà estiża transfruntiera tal-produtturi. Dawn ir-regoli jenħtieġ li jiżguraw li r-responsabbiltà tal-produttur tkopri kif xieraq il-kostijiet tal-ġbir u t-trattament imġarrba mill-operaturi tal-immaniġġar tal-iskart fl-Istat Membru fejn il-vettura ssir vettura li ma tibqax tintuża, iżda fl-istess ħin jiġi żgurat li l-produttur ma jkunx qiegħed iħallas it-tariffa darbtejn. Għal dan il-għan, jenħtieġ li l-produttur jaħtar rappreżentant għar-responsabbiltà estiża tal-produttur f’kull Stat Membru u jistabbilixxi mekkaniżmi għall-kooperazzjoni transfruntiera u t-trasferiment tal-kostijiet mal-operaturi rilevanti tal-immaniġġar tal-iskart. L-introduzzjoni ta’ tali mekkaniżmu tikkontribwixxi għall-ħolqien ta’ kundizzjonijiet ekwi bejn il-faċilitajiet ta’ trattament awtorizzati madwar l-Unjoni u tiffaċilita l-iżvilupp ta’ approċċi għall-Unjoni kollha f’każ ta’ responsabbiltà individwali tal-produttur.

(44)Prerekwiżit ewlieni għat-trattament tajjeb ta’ vetturi li ma għadhomx jintużaw huwa li jinġabru l-vetturi kollha li ma għadhomx jintużaw. Għalhekk, dan ir-Regolament jenħtieġ li jimponi ċerti obbligi marbuta mal-ġbir primarjament fuq il-produtturi u, b’mod sekondarju, fuq l-Istati Membri. Jenħtieġ li l-produtturi jiżguraw li l-vetturi kollha li ma għadhomx jintużaw li jkunu għamlu disponibbli fis-suq fit-territorju ta’ Stat Membru jinġabru. Għal dan il-għan, jenħtieġ li l-produtturi jew l-organizzazzjonijiet b’kompetenza fil-qasam tar-responsabbiltà tal-produtturi jistabbilixxu jew jipparteċipaw fl-istabbiliment tas-sistemi ta’ ġbir, inklużi l-punti ta’ ġbir, u jenħtieġ li l-Istati Membri jadottaw il-miżuri kollha meħtieġa biex jiżguraw li s-sistemi jkunu fis-seħħ u li dawk is-sistemi jippermettu li jintlaħqu l-objettivi ta’ dan ir-Regolament. Is-sistemi ta’ ġbir jenħtieġ li jippermettu lis-sidien tal-vetturi u lil detenturi oħra tal-vetturi jwasslu l-vettura f’faċilità awtorizzata mingħajr sforzi jew kostijiet bla bżonn. Dan ifisser fil-prattika li tali sistemi jenħtieġ li jkopru b’mod xieraq it-territorju kollu ta’ kull Stat Membru u jiżguraw disponibbiltà adegwata ta’ faċilitajiet ta’ trattament u punti ta’ ġbir awtorizzati. Jenħtieġ li dawn jippermettu wkoll il-ġbir tal-marki kollha ta’ vetturi li ma għadhomx jintużaw, kif ukoll ta’ parts ta’ skart mit-tiswija tal-vetturi.

(46)Sabiex il-vetturi kollha li ma għadhomx jintużaw jinġabru b’mod effettiv, huwa meħtieġ li l-pubbliku jiġi infurmat dwar l-eżistenza tas-sistemi ta’ ġbir. Is-sidien tal-vetturi jenħtieġ li jkunu konxji li fil-prinċipju jistgħu jwasslu vettura li ma għadhiex tintuża, bil-batterija tal-vettura elettrika jew mingħajrha, f’punt ta’ ġbir jew faċilità awtorizzata ta’ trattament mingħajr ħlas. F’każ ta’ batterija ta’ vettura elettrika nieqsa, il-konsenja tal-vettura li ma għadhiex tintuża jenħtieġ li tibqa’ mingħajr ħlas jekk l-aħħar sid jipprovdi dokumentazzjoni biex juri li l-batterija ġiet trattata minn operatur professjonali f’konformità mar-Regolament (UE) 2023/1542. Il-kampanja edukattiva mill-produtturi jew mill-organizzazzjonijiet b’kompetenza fil-qasam tar-responsabbiltà tal-produtturi jenħtieġ li tippreżenta wkoll il-konsegwenzi għall-ambjent u għas-saħħa tal-bniedem ta’ ġbir u trattament mhux xieraq ta’ vetturi li ma għadhomx jintużaw.

(47)Il-faċilità ta’ trattament awtorizzata jenħtieġ li tkun responsabbli għall-ħruġ ta’ ċertifikat ta’ qerda biex tiddokumenta li ġiet trattata vettura li ma għadhiex tintuża. Dan huwa meħtieġ biex tiġi żgurata superviżjoni xierqa tal-ġestjoni tal-vetturi li ma għadhomx jintużaw. Ir-rekwiżiti minimi għal dan iċ-ċertifikat bħalissa huma stabbiliti fid-Deċiżjoni tal-Kummissjoni 2002/151/KE57 u l-kontenut ta’ din id-Deċiżjoni jenħtieġ li jiġi inkluż f’dan ir-Regolament, bl-adattamenti meħtieġa. Dan iċ-ċertifikat jenħtieġ li jinħareġ f’format elettroniku u jingħata lill-aħħar sid ta’ vettura li ma għadhiex tintuża, u mbagħad jintbagħat mill-faċilitajiet awtorizzati ta’ trattament u mill-aħħar sid lill-awtoritajiet rilevanti tal-Istat Membru, peress li l-preżentazzjoni tiegħu tippermetti li tiġi kkanċellata r-reġistrazzjoni ta’ vettura. Is-sistema elettronika ta’ notifika jenħtieġ li tippermetti t-trażmissjoni kemm tad-dokument li jikkonferma l-ġbir ta’ vetturi li ma għadhomx jintużaw kif ukoll taċ-ċertifikat ta’ qerda.

__________________

57 Id-Deċiżjoni tal-Kummissjoni 2002/151/KE tad-19 ta’ Frar 2002 fuq il-ħtiġijiet minimi għaċ-ċertifikat tal-qerda maħruġ skont l-Artikolu 5(3) tad-Direttiva 2000/53/KE tal-Parlament Ewropew u tal-Kunsill dwar vetturi li m’għadhomx jintużaw (ĠU L 50, 21.2.2002, p. 94).

(48)Minkejja l-obbligu fid-Direttiva 2000/53/KE li l-vetturi kollha li ma għadhomx jintużaw jiġu ttrasferiti f’faċilità ta’ trattament awtorizzata, hemm sehem sinifikanti ħafna ta’ vetturi li l-post fejn jinsabu ma jkunx magħruf, u li setgħu ġew ittrattati jew esportati illegalment bħala vetturi li ma għadhomx jintużaw, jew li l-istatus tagħhom ma jiġix irrapportat kif xieraq lill-awtoritajiet ta’ reġistrazzjoni tal-Istati Membri. Tali vetturi jissejħu “vetturi neqsin”. L-Istati Membri jenħtieġ li jsaħħu wkoll il-miżuri nazzjonali u l-kooperazzjoni tagħhom sabiex inaqqsu l-għadd ta’ vetturi neqsin. Ir-rikonoxximent taċ-ċertifikati ta’ qerda maħruġa fi Stat Membru ieħor u l-obbligu li l-awtoritajiet tal-Istati Membri jiġu infurmati, fejn il-vettura tkun irreġistrata, li jinħareġ ċertifikat ta’ qerda, jenħtieġ li jippermettu traċċar aħjar tal-post fejn jinsabu l-vetturi li ma għadhomx jintużaw.

(51)Fid-dawl tar-rwol ewlieni ta’ faċilitajiet ta’ trattament awtorizzati fil-ġestjoni ta’ vetturi li ma għadhomx jintużaw b’mod li ma jaffettwax ħażin l-ambjent jew is-saħħa tal-bniedem u jikkontribwixxi għall-ilħuq tal-objettivi tal-ekonomija ċirkolari tal-Unjoni u jkun ekonomikament ġustifikabbli, huwa meħtieġ li jiġu stabbiliti obbligi li japplikaw għal tali faċilitajiet u li jkopru l-attivitajiet kollha tagħhom, mill-aċċettazzjoni u mill-ħżin ta’ vettura li ma għadhiex tintuża sat-trattament finali tagħha.

(52)Sabiex tiġi żgurata t-traċċabbiltà tal-attivitajiet tagħhom, inkluża l-kwalità tar-ruttam jew materjali ta’ input rilevanti oħra, jenħtieġ li l-faċilitajiet ta’ trattament awtorizzati jiddokumentaw l-operazzjonijiet ta’ trattament imwettqa u jaħżnu r-rekord b’mod elettroniku għal mill-inqas 3 snin, u jkunu jistgħu jippreżentawh, fuq talba, lill-awtoritajiet nazzjonali rilevanti.

(53)It-tindif mit-tniġġis ta’ vettura fi tmiem il-ħajja hija l-ewwel pass lejn il-prevenzjoni tal-ħsara lill-ambjent, lis-saħħa tal-bniedem u lir-riskji għas-sikurezza tax-xogħol. Għalhekk huwa essenzjali li vettura li ma tibqax tintuża tgħaddi mill-operazzjonijiet meħtieġa ta’ tindif mit-tniġġis mill-aktar fis possibbli wara li titwassal fil-faċilità awtorizzata ta’ trattament, qabel ma l-vettura li ma għadhiex tintuża tiġi ttrattata aktar. F’din il-fażi, iż-żjut għar-rimi jenħtieġ li jinġabru u jinħażnu separatament mill-fluwidi u l-likwidi l-oħra, u għandhom jiġu ttrattati aktar f’konformità mad-Direttiva 2008/98/KE. Il-fluwidi tas-sistema tal-arja kundizzjonata użati fis-sistemi tal-ġestjoni termali jenħtieġ li jinġabru u jinħażnu separatament mill-fluwidi l-oħra u, fejn fattibbli, jiġu riċiklati jew irkuprati u użati mill-ġdid. Barra minn hekk, il-parts, il-komponenti u l-materjali li fihom iċ-ċomb, il-kadmju, il-merkurju u l-kromu eżavalenti, jenħtieġ li jitneħħew mill-vettura fi tmiem il-ħajja, biex jiġu evitati effetti negattivi fuq il-bnedmin jew fuq l-ambjent.

(54)Sabiex tiġi żgurata implimentazzjoni xierqa tar-Regolament (UE) 2023/1542, il-batteriji kollha inkorporati fil-vetturi għandhom jitneħħew separatament minn vettura li ma għadhiex tintuża u jinħażnu f’żona ddeżinjata għal aktar trattament.

(55)Sabiex jiġi mmassimizzat il-potenzjal tal-użu mill-ġdid, tar-rimanifattura u tar-rinnovazzjoni ta’ parts u ta’ komponenti, u jiġi ppreservat valur għoli għall-materjali sekondarji li jirriżultaw minn vetturi li ma għadhomx jintużaw, ċerti parts u komponenti jenħtieġ li jitneħħew b’mod obbligatorju minn vettura li ma tkunx għadha tintuża qabel it-tqattigħ. Il-parts u l-komponenti kkonċernati jenħtieġ li jitneħħew fi proċess manwali ta’ żarmar jew fi proċess semiawtomatizzat ta’ żarmar. Jenħtieġ li jkun possibbli li ssir devjazzjoni mir-rekwiżit dwar it-tneħħija obbligatorja ta’ parts u komponenti f’ċerti każijiet eċċezzjonali, fost l-oħrajn, jekk ma jkunx hemm potenzjal tas-suq għal użu mill-ġdid, rimanifattura jew rinnovazzjoni jew jekk il-faċilità ta’ trattament awtorizzata tista’ turi li l-parts u l-komponenti kkonċernati jistgħu jitneħħew b’mod effettiv b’dawk it-teknoloġiji milli bi proċessi manwali jew semiawtomatizzati u mingħajr ma titnaqqas il-kwalità tal-frazzjonijiet tat-trattament li jirriżultaw. Għal dak il-għan, jenħtieġ li l-Kummissjoni tiddefinixxi kriterji għat-tqattigħ bi skart ieħor u valuri ta’ limitu biex tittejjeb il-kwalità tal-frazzjonijiet tal-output. Sabiex jitqies il-progress tekniku u xjentifiku, jenħtieġ li tiġi delegata lill-Kummissjoni s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tal-emendar tal-Anness VII u s-supplimentar ta’ dan ir-Regolament billi jiġu stabbiliti rekwiżiti ta’ kwalità għat-tqattigħ tal-frazzjonijiet tal-output.

(57)Ir-Regolament (UE) 2023/1542 jistabbilixxi regoli dwar is-sostenibbiltà, il-prestazzjoni, is-sikurezza, il-ġbir, ir-riċiklaġġ u t-tieni ħajja tal-batteriji kif ukoll dwar l-informazzjoni rigward it-tneħħija dwar il-batteriji għall-operaturi ekonomiċi. Il-potenzjal għat-tieni ħajja tal-batteriji jenħtieġ li jitqies f’dan ir-Regolament billi tiġi eskluża l-batterija tal-vettura elettrika mill-parts jew mill-komponenti essenzjali biex il-vettura tkun tista’ tiġi kkonsenjata għat-trattament, mingħajr ħlas, mingħajr il-batterija tal-vettura elettrika jekk l-aħħar sid jipprovdi dokumentazzjoni li turi li l-batterija ġiet ittrattata minn operatur professjonali f’konformità mar-Regolament (UE) 2023/1542.

(58)Filwaqt li jiġi rikonoxxut il-potenzjal ta’ rimanifattura u ta’ rinnovazzjoni fis-settur awtomobilistiku, u l-kontribut tagħhom lejn l-ekonomija ċirkolari, huwa meħtieġ li tiġi pprovduta ċarezza legali lill-operaturi ekonomiċi involuti f’dan is-settur. Għalhekk jenħtieġ li jiġi ċċarat li l-parts u l-komponenti mneħħija minn vettura li ma għadhiex tintuża, jew matul il-fażi tal-użu ta’ vettura, inklużi dawk imneħħija matul l-operazzjoni ta’ tiswija jew ta’ manutenzjoni, u li huma xierqa għall-użu mill-ġdid, ir-rimanifattura jew ir-rinnovazzjoni, jenħtieġ li jitqisux bħala skart. Dan huwa meħtieġ biex jiġi ffaċilitat il-vjeġġ, it-trasport jew kwalunkwe trasferiment ieħor ta’ tali parts u komponenti. Min-naħa l-oħra, il-parts u l-komponenti mhux adatti għall-użu mill-ġdid, għar-rimanifattura jew għar-rinnovazzjoni jenħtieġ li jitqiesu bħala skart u l-esportazzjoni tagħhom jenħtieġ li tkun soġġetta għar-Regolament (UE) 2024/1157 tal-Parlament Ewropew u tal-Kunsill1a. L-awtoritajiet nazzjonali rilevanti jenħtieġ li jkunu f’pożizzjoni li jitolbu dokumentazzjoni, mill-faċilità ta’ trattament awtorizzata li tkun neħħiet il-parti jew il-komponent ikkonċernat, li tikkonferma, permezz ta’ valutazzjoni ddedikata, l-adegwatezza teknika tal-parts u l-komponenti rilevanti għar-rimanifattura, ir-rinnovazzjoni jew l-użu mill-ġdid.

(61)Sabiex jiġu mħeġġa l-iżvilupp u l-funzjonament xieraq tas-suq għal parts u komponenti riutilizzabbli, rinnovati, modifikati retroattivament u rimanifatturati fl-Unjoni, l-Istati Membri jenħtieġ li jiġu mħeġġa jieħdu l-inċentivi meħtieġa fil-livell nazzjonali biex jippromwovu l-użu mill-ġdid, ir-rinnovazzjoni, il-modifika retroattiva u r-rimanifattura ta’ parts u komponenti, kemm jekk jitneħħew matul il-fażi tal-użu jew tat-tmiem tal-ħajja ta’ vettura. Il-Kummissjoni jenħtieġ li tiffaċilita l-iskambju ta’ informazzjoni fost l-Istati Membri billi taqsam l-aħjar prattiki tagħhom dwar l-inċentivi meħuda fil-livell nazzjonali, bil-għan li timmonitorja l-effettività tagħhom. L-iskambju ta’ data jenħtieġ li jsir mingħajr dewmien.

(63)Ir-riċiklaġġ tal-plastik kollu minn vetturi li ma għadhomx jintużaw jenħtieġ li jittejjeb kontinwament, u huwa importanti li tiġi żgurata provvista suffiċjenti ta’ materjali riċiklati biex tiġi ssodisfata d-domanda għall-plastik riċiklat fil-vetturi. Għalhekk huwa meħtieġ li tiġi stabbilita mira speċifika ta’ riċiklaġġ ta’ 30 fil-mija tal-plastik minn vetturi li ma għadhomx jintużaw. Din il-mira tkun komplementari għall-miri għal (85 fil-mija) ta’ vetturi li ma għadhomx jintużaw kif ukoll għall-użu mill-ġdid u għall-irkupru (95 fil-mija) ta’ vetturi li ma għadhomx jintużaw skont il-piż medju għal kull vettura u għal kull sena. Sabiex tiġi ffaċilitata l-implimentazzjoni ta’ dawk ir-rekwiżiti mill-operaturi tal-immaniġġar tal-iskart, huwa meħtieġ perjodu tranżitorju ta’ tliet snin. Sadanittant, il-miri kurrenti għall-użu mill-ġdid u r-riċiklaġġ (85 fil-mija) kif ukoll l-użu mill-ġdid u l-irkupru (95 fil-mija) ta’ vetturi li ma għadhomx jintużaw, kif stabbilit bid-Direttiva 2000/53/KE, u abbażi tad-definizzjoni ta’ riċiklaġġ f’dik id-Direttiva, jenħtieġ li jkomplu japplikaw. Il-piż tal-plastik riċiklat u l-piż totali tal-plastik jenħtieġ li jeskludu l-elastomeri kif ukoll it-termosettijiet, għajr il-fowms tal-poliuretan.

(64)Huwa importanti li jiżdied l-irkupru ta’ materjali sekondarji ta’ kwalità għolja billi jittejbu l-proċessi tat-tqattigħ ta’ vetturi li ma għadhomx jintużaw. Għalhekk, il-vetturi li ma għadhomx jintużaw, il-parts, il-komponenti u l-materjali tagħhom jenħtieġ li jitħallew jiġu pproċessati fi shredder flimkien mal-iskart mill-imballaġġ u l-iskart ta’ tagħmir elettriku u elettroniku, biss jekk jiġu ssodisfati ċerti kriterji dwar il-kwalità tal-materjal ta’ output.

(66)Il-vetturi li ma għadhomx jintużaw huma kklassifikati bħala skart perikoluż u ma jistgħux jiġu esportati lejn pajjiżi li ma humiex fl-OECD. Il-vetturi li ma għadhomx jintużaw li jkunu ġew soġġetti għat-tindif mit-tniġġis xorta jistgħu jiġu ttrattati barra mill-Unjoni, dment li dawk il-vetturi li ma għadhomx jintużaw li jkunu ġew soġġetti għat-tindif mit-tniġġis jiġu ttrasportati f’konformità mar-Regolament (UE) 2024/1157.

(67)F’każ li vettura li ma għadhiex tintuża tiġi ttrasportata mill-Unjoni lejn pajjiż terz, l-esportatur jenħtieġ li jipprovdi prova dokumentarja approvata mill-awtorità kompetenti fil-pajjiż tad-destinazzjoni, filwaqt li jikkonferma li l-kundizzjonijiet tat-trattament huma meqjusa ekwivalenti għar-rekwiżiti ta’ dan ir-Regolament u għar-rekwiżiti tas-saħħa tal-bniedem u tal-protezzjoni ambjentali stabbiliti f’leġiżlazzjoni oħra tal-Unjoni, f’konformità mar-Regolament (UE) 2024/1157. Sabiex issir distinzjoni bejn vjeġġi ta’ vetturi użati u vetturi li ma għadhomx jintużaw, l-awtoritajiet kompetenti tal-Istati Membri jenħtieġ li jkunu jistgħu jwettqu spezzjonijiet meta jissuspettaw li l-vetturi ddikjarati bħala użati jkunu fil-fatt vetturi li ma għadhomx jintużaw. Meta tali spezzjonijiet jikkonfermaw li l-vetturi inkwistjoni jikkwalifikaw bħala vetturi li ma għadhomx jintużaw, il-kostijiet tal-ispezzjoni u kwalunkwe ħżin relatat jistgħu jiġu imposti fuq l-operatur ekonomiku responsabbli għall-vjeġġ.

(68)Sabiex jiġi żgurat li l-vetturi li ma għadhomx jintużaw jiġu ttrattati b’mod li ma jagħmilx ħsara lill-ambjent, huwa importanti li tiġi stabbilita ċarezza dwar l-istatus ta’ vettura tul il-ħajja kollha tagħha, b’mod partikolari f’sitwazzjonijiet meta jkun hemm il-ħtieġa li ssir distinzjoni bejn il-vetturi użati u l-vetturi li ma għadhomx jintużaw. Meta s-sjieda ta’ vettura użata tiġi ttrasferita minn operatur ekonomiku fl-Unjoni, l-operatur ekonomiku jenħtieġ li jinforma lill-akkwirent li l-vettura mhijiex vettura li ma għadhiex tintuża billi jipprovdi ċertifikat tal-affidabbiltà stradali jew billi jinforma li l-vettura tissodisfa l-kriterji stabbiliti ta’ possibbiltà ta’ tiswija. Sid ta’ vettura li jkun beħsiebu jittrasferixxi vettura użata barra mill-Unjoni jenħtieġ li jkun meħtieġ li jipprovdi dokumentazzjoni li turi li l-vettura mhijiex vettura li ma għadhiex tintuża. Dik id-dokumentazzjoni jenħtieġ li tikkonsisti jew f’ċertifikat validu tal-affidabbiltà stradali jew, meta tali ċertifikat ma jkunx disponibbli, f’valutazzjoni mwettqa mill-awtoritajiet kompetenti responsabbli għaċ-ċertifikati tal-affidabbiltà stradali. Sabiex jiġi vvalutat l-istatus ta’ vettura użata, is-sid tal-vettura, operaturi ekonomiċi oħra u l-awtoritajiet kompetenti jenħtieġ li jivverifikaw jekk ġewx issodisfati ċerti kriterji li jiddeterminaw jekk il-vettura kkonċernata hijiex vettura li ma għadhiex tintuża.

(69)Il-Pjan ta’ Azzjoni tal-UE: “Lejn Tniġġis Żero għall-Arja, għall-Ilma u għall-Ħamrija”59 saħaq fuq il-ħtieġa li l-Kummissjoni tipproponi miżuri ġodda biex tindirizza l-impronta ambjentali esterna tal-Unjoni marbuta mal-esportazzjoni ta’ vetturi li ma għadhomx jintużaw u ta’ vetturi użati. Filwaqt li jitqies li l-esportazzjoni ta’ vetturi użati tqajjem sfidi ambjentali u tas-saħħa pubblika importanti kif dokumentati mill-Programm Ambjentali tan-NU60, u li l-Unjoni hija l-akbar esportatur ta’ vetturi użati madwar id-dinja, huwa meħtieġ li jiġu stabbiliti rekwiżiti speċifiċi fil-livell tal-Unjoni li jirregolaw l-esportazzjoni ta’ vetturi użati [mill-Unjoni]. Ir-rekwiżiti jenħtieġ li jkunu bbażati fuq kriterji oġġettivi skont liema vettura użata ma tkunx vettura li ma għadhiex tintuża jew li jkollha l-affidabbiltà stradali skont id-Direttiva 2014/45/UE tal-Parlament Ewropew u tal-Kunsill61 u għandha tiġi inkluża f’reġistru nazzjonali tal-vetturi. Dan jenħtieġ li jiżgura li l-vetturi użati li huma xierqa biex jinstaqu fit-toroq tal-Unjoni biss jistgħu jiġu esportati lejn pajjiż terz, u b’hekk jitnaqqsu r-riskji li l-esportazzjoni ta’ vetturi użati mill-Unjoni tikkontribwixxi għat-tniġġis tal-arja jew għall-aċċidenti fit-triq f’pajjiżi terzi. Biex l-awtoritajiet doganali jitħallew jivverifikaw li dawk ir-rekwiżiti jiġu ssodisfati mal-esportazzjoni, kwalunkwe persuna li tesporta vettura użata jenħtieġ li tintalab tipprovdi lil dawk l-awtoritajiet in-numru ta’ identifikazzjoni tal-vettura u dikjarazzjoni li tikkonferma li l-vettura użata ma hijiex vettura li ma għadhiex tintuża jew li titqies li għandha affidabbiltà stradali.

__________________

59 COM(2021)0400

60 https://www.unep.org/resources/report/global-trade-used-vehicles-report

61 Id-Direttiva 2014/45/UE tal-Parlament Ewropew u tal-Kunsill tat-3 ta’ April 2014 dwar testijiet perjodiċi tal-affidabbiltà stradali għal vetturi bil-mutur u t-trejlers tagħhom u li tħassar id-Direttiva 2009/40/KE, (ĠU L 127, 29.4.2014, p. 51).

(70)Huwa importanti li jiġi stabbilit mekkaniżmu fejn il-konformità tal-vetturi użati mar-rekwiżiti tal-esportazzjoni tista’ tiġi vverifikata b’mod effettiv mingħajr ma jiġi mfixkel il-kummerċ bejn l-Unjoni u pajjiżi terzi. Għalhekk jenħtieġ li tiġi stabbilita sistema elettronika mill-Kummissjoni, li tippermetti lill-awtoritajiet fl-Istati Membri jiskambjaw u jivverifikaw informazzjoni f’ħin reali dwar in-numru ta’ identifikazzjoni tal-vettura u l-istatus tal-affidabbiltà stradali tal-vetturi użati għall-esportazzjoni. Fid-dawl tal-karatteristiċi u l-funzjonalitajiet eżistenti tagħha marbuta mal-kondiviżjoni, bejn l-awtoritajiet tar-reġistrazzjoni tal-vetturi, ta’ informazzjoni relatata mal-vetturi rreġistrati fl-Unjoni, il-Kummissjoni żviluppat pjattaforma ta’ skambju ta’ messaġġi, il-MOVE-HUB, għall-iskambju ta’ messaġġi biex jiġu interkonnessi r-reġistri elettroniċi nazzjonali tal-Istati Membri. Jenħtieġ li l-Istati Membri jkunu jistgħu jużaw is-Sistema ta’ Informazzjoni Ewropea tal-Liċenzji tal-Vetturi u tas-Sewqan (EUCARIS) biex jaqbdu mas-sistema elettronika MOVE-HUB. Il-pjattaforma bħalissa tospita l-interkonnessjoni tar-reġistri tal-impriżi tat-trasport bit-triq (ERRU), ir-reġistri tal-liċenzji tas-sewqan (RESPER), l-interkonnessjoni tar-reġistri tat-taħriġ professjonali tas-sewwieqa (ProDriveNet), in-notifika ta’ ħsarat matul l-ispezzjoni maġenb it-triq tal-vetturi (RSI) u l-interkonnessjoni tar-reġistri tal-kards tat-takografu tas-sewwieqa (TACHOnet). Għalhekk, jenħtieġ li l-funzjonalitajiet tal-MOVE-Hub jiġu estiżi aktar biex jippermettu l-iskambju u l-verifika ta’ informazzjoni dwar in-numru ta’ identifikazzjoni tal-vettura u l-istatus tal-affidabbiltà stradali tal-vetturi użati għall-esportazzjoni. Sabiex id-dwana tkun tista’ tivverifika b’mod elettroniku u awtomatiku jekk vettura użata għall-esportazzjoni tikkonformax mar-rekwiżiti tal-esportazzjoni, is-sistema elettronika mħaddma permezz ta’ MOVE-HUB jenħtieġ li tkun interkonnessa mal-Ambjent ta’ Tieqa Unika tal-UE għad-Dwana, f’konformità mar-Regolament (UE) 2022/2399 tal-Parlament Ewropew u tal-Kunsill62. Dak ir-Regolament jipprevedi qafas komprensiv ta’ kontrolli awtomatizzati, li japplikaw għal formalità mhux doganali speċifika tal-Unjoni. Għalhekk, jenħtieġ li dan ir-Regolament jistabbilixxi l-elementi ewlenin li għandhom jiġu kkontrollati, filwaqt li l-aspetti tekniċi tal-implimentazzjoni ta’ dan il-kontroll jiġu stabbiliti skont ir-Regolament (UE) 2022/2399.

__________________

62 Ir-Regolament (UE) 2022/2399 tal-Parlament Ewropew u tal-Kunsill tat-23 ta’ Novembru 2022 li jistabbilixxi l-Ambjent ta’ Tieqa Unika tal-Unjoni Ewropea għad-Dwana u li jemenda r-Regolament (UE) Nru 952/2013 (ĠU L 317, 9.12.2022, p. 1).

(73)Huwa importanti li l-awtoritajiet doganali jkunu jistgħu jwettqu kontrolli fuq vetturi użati għall-esportazzjoni f’konformità mar-Regolament (UE) Nru 952/2013 tal-Parlament Ewropew u tal-Kunsill63. Sehem sinifikanti ta’ vetturi użati li jitilqu mill-Unjoni huma destinati għal pajjiżi fejn huma stabbiliti jew jistgħu jiġu stabbiliti rekwiżiti tal-importazzjoni, bħal rekwiżiti fir-rigward tal-età tal-vettura jew tal-emissjonijiet tagħha. Huwa importanti li l-awtoritajiet doganali jkunu jistgħu jivverifikaw b’mod elettroniku u awtomatiku, permezz tal-Ambjent ta’ Tieqa unika tal-UE għad-Dwana, jekk vettura użata għall-esportazzjoni tikkonformax ma’ dawk ir-rekwiżiti, meta l-informazzjoni dwar dawn ir-rekwiżiti tiġi kkomunikata uffiċjalment lill-Kummissjoni mill-pajjiżi terzi kkonċernati. Biex tiġi ffaċilitata l-konformità, jenħtieġ li l-Kummissjoni tippubblika u taġġorna, fuq portal online ddedikat, il-kundizzjonijiet speċifiċi notifikati marbuta mal-protezzjoni tal-ambjent jew mas-sikurezza fit-toroq imposti minn pajjiżi terzi. Sabiex jiġu protetti l-ambjent u s-sikurezza fit-toroq f’pajjiżi terzi, is-setgħa li jiġu adottati atti delegati f’konformità mal-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi ddelegata lill-Kummissjoni fir-rigward tal-istabbiliment ta’ dawn ir-rekwiżiti.

__________________

63 Ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1).

(76)L-Istati Membri jenħtieġ li jiżviluppaw pjanijiet ta’ spezzjoni biex jimmonitorjaw it-trattament illegali tal-vetturi. L-ispezzjonijiet jenħtieġ li jkopru l-konformità mad-dispożizzjonijiet dwar l-esportazzjoni ta’ vetturi użati u dwar it-trattament ta’ vetturi li ma għadhomx jintużaw. Kull sena, l-ispezzjonijiet jenħtieġ li jkopru mill-inqas 10 fil-mija tal-faċilitajiet u l-operaturi awtorizzati ta’ trattament. Is-siti tal-operaturi tat-tiswija u tal-manutenzjoni, il-punti ta’ ġbir, u faċilitajiet oħra u operaturi ekonomiċi li jistgħu jittrattaw vetturi li ma għadhomx jintużaw jew ibigħu vetturi użati jew l-ispare parts u l-komponenti tagħhom jenħtieġ li jkunu soġġetti wkoll għal spezzjoni. Jeħtieġ li jiġi enfasizzat li l-ispezzjonijiet imwettqa skont dan ir-Regolament jenħtieġ li jkunu komplementari għall-ispezzjonijiet fuq il-vjeġġ ta’ vetturi li ma għadhomx jintużaw, li huma rregolati b’mod komprensiv fir-Regolament (UE) 2024/1157.

(77)L-Istati Membri jenħtieġ li jistabbilixxu mekkaniżmi ta’ kooperazzjoni fil-livell nazzjonali u internazzjonali sabiex l-ispezzjonijiet ikunu jistgħu jsiru b’mod effiċjenti bl-objettiv li jiffaċilitaw il-prevenzjoni u l-kxif ta’ trattament illegali u l-esportazzjoni ta’ vetturi li ma għadhomx jintużaw, u jindirizzaw b’mod permanenti l-kwistjoni ta’ vetturi neqsin. Tali mekkaniżmi jenħtieġ li jippermettu l-iskambju tad-data dwar ir-reġistrazzjoni tal-vetturi, meħtieġa għat-traċċar tal-vetturi u għall-verifika ta’ jekk dawn ikunux ġew ittrattati kif suppost meta jilħqu l-istadju ta’ tmiem il-ħajja. Sabiex tiġi ffaċilitata l-kooperazzjoni bejn l-Istati Membri, jenħtieġ li l-Kummissjoni tistabbilixxi network iddedikat biex tiżgura koordinazzjoni effettiva tal-politiki nazzjonali ta’ infurzar.

(86)Il-vetturi neqsin ġew rikonoxxuti bħala waħda mill-isfidi ewlenin relatati mal-implimentazzjoni tad-Direttiva 2000/53/KE. In-nuqqas ta’ sistema effiċjenti li tippermetti skambju f’ħin reali ta’ informazzjoni bejn l-Istati Membri dwar l-istatus tar-reġistrazzjoni tal-vetturi jxekkel it-traċċabbiltà u ġie identifikat bħala raġuni għall-għadd għoli ta’ “vetturi neqsin” fl-Unjoni. Sabiex tindirizza dan, il-Kummissjoni proponiet reviżjoni tad-Direttiva tal-Kunsill 1999/37/KE dwar id-dokumenti ta’ reġistrazzjoni għall-vetturi67. Din ir-reviżjoni jenħtieġ li tirrikjedi li l-Istati Membri jirreġistraw b’mod elettroniku, għal vetturi rreġistrati fit-territorju tagħhom, data li tippermetti li jiġu ddokumenti kif xieraq ir-raġunijiet għall-kanċellazzjoni ta’ reġistrazzjoni ta’ vettura, speċjalment jekk vettura tkun ġiet trattata bħala vetturi li ma għadhomx jintużaw f’faċilità ta’ trattament awtorizzata, irreġistrata mill-ġdid fi Stat Membru ieħor, esportata lejn pajjiż terz barra mill-Unjoni, jew tkun insterqet. Barra minn hekk, sabiex jiġi evitat iż-żarmar jew l-esportazzjoni illegali ta’ vetturi li temporanjament ikunu tneħħew mir-reġistru, is-sidien tal-vetturi jenħtieġ li jkunu obbligati jirrapportaw minnufih kwalunkwe bidla fis-sjieda tagħhom lill-awtorità nazzjonali tar-reġistrazzjoni tal-vetturi. Dawn l-emendi jikkomplementaw u jibnu fuq ir-rekwiżiti eżistenti għall-Istati Membri biex jirreġistraw b’mod elettroniku d-data dwar il-vetturi kollha rreġistrati fit-territorju tagħhom.

__________________

67 Id-Direttiva tal-Kunsill 1999/37/KE tad-29 ta’ April 1999 dwar id-dokumenti ta’ reġistrazzjoni għall-vetturi (ĠU L 138, 1.6.1999, p. 57).

(87)Fid-dawl tal-ħtieġa li jiġi żgurat livell għoli ta’ protezzjoni ambjentali u li jitqies il-progress xjentifiku, jenħtieġ li l-Kummissjoni tippreżenta lill-Parlament Ewropew u lill-Kunsill rapport dwar l-applikazzjoni ta’ dan ir-Regolament u l-impatt tiegħu fuq il-funzjonament tas-suq uniku u l-ambjent. Il-Kummissjoni jenħtieġ li tinkludi, fir-rapport tagħha, evalwazzjoni tad-dispożizzjonijiet dwar id-disinn ta’ vetturi ġodda, inklużi l-miri għall-użu mill-ġdid, ir-riċiklabbiltà u l-irkupru, il-ġestjoni ta’ vetturi li ma għadhomx jintużaw, inklużi l-miri ta’ riċiklaġġ, u dwar il-penali kif ukoll valutazzjoni tal-ħtieġa u l-fattibbiltà li l-ambitu ta’ dan ir-Regolament jiġi estiż ulterjorment għal ċerti vetturi, bħal karavans, vetturi mibnija f’diversi stadji jew vetturi heavy-duty u t-trejlers tagħhom. Din il-valutazzjoni jenħtieġ li ma tagħmilx enfasi biss fuq aspetti li jikkonċernaw it-trattament ta’ vetturi li ma għadhomx jintużaw, iżda wkoll fuq ir-rilevanza u l-valur miżjud li jiġu stabbiliti rekwiżiti tad-disinn, u l-impatt ta’ miżuri fir-rigward ta’ dispożizzjonijiet dwar proċessi li jistgħu jaffettwaw ir-riċiklaġġ ta’ kwalità għolja ta’ vetturi fi tmiem il-ħajja tagħhom, miżuri mmirati lejn l-indirizzar tal-kwistjoni ta’ “vetturi neqsin” u b’mod partikolari, it-trattament illegali u l-esportazzjoni ta’ vetturi li ma għadhomx jintużaw, kif ukoll l-impatt tad-differenzi fil-kriterji nazzjonali tal-affidabbiltà stradali applikati għall-esportazzjoni ta’ vetturi użati u għas-suq intern.

(88)Ir-rapport mill-Kummissjoni jenħtieġ li jinkludi wkoll valutazzjoni tal-miżuri li jikkonċernaw l-għoti ta’ informazzjoni dwar sustanzi ta’ tħassib preżenti fil-vetturi u jekk hemmx bżonn li tittejjeb it-traċċabbiltà ta’ tali sustanzi. Dan jenħtieġ li jivvaluta wkoll jekk hemmx bżonn li jiġu introdotti miżuri li jindirizzaw is-sustanzi li jistgħu jaffettwaw it-trattament tal-vetturi meta jilħqu l-istadju ta’ tmiem il-ħajja tagħhom, sabiex jiġi allinjat aktar mill-qrib mar-Regolament (UE) 2024/1781.

(95)L-applikazzjoni tad-dispożizzjonijiet kollha dwar il-vettura tal-kategoriji L, M2, M3, N2, N3 u O jenħtieġ li tiġi differita sabiex l-operaturi jingħataw żmien biżżejjed ħalli jikkonformaw mar-rekwiżiti l-ġodda. Dan huwa partikolarment importanti fir-rigward tal-permessi għal faċilitajiet ta’ trattament awtorizzati li huma kapaċi jwettqu t-tindif mit-tniġġis u t-trattament ulterjuri ta’ tali vetturi.

(c)minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 60 xahar wara d-data tad-dħul fis-seħħ ta’ dan ir-Regolament] għall-vetturi u għal vetturi li ma għadhomx jintużaw u tal-kategoriji L kif stabbiliti fl-Artikolu 4(2), tar-Regolament (UE) Nru 168/2013.

(d)vetturi ta’ interess storiku kif definiti fl-Artikolu 3, il-punt (7), tad-Direttiva 2014/45/UE u l-parts, il-komponenti u l-ispare parts kollha tagħhom meħtieġa għall-attivitajiet ta’ manutenzjoni tagħhom u neċessarji biex jiġi ppreservat l-istatus storiku tagħhom;

4.Minkejja l-paragrafu 1, il-punt (c), id-dispożizzjonijiet li ġejjin ma għandhomx japplikaw għall-vetturi u għall-vetturi li ma għadhomx jintużaw tal-kategoriji L:

imħassar

(a)L-Artikolu 4 dwar il-possibbiltajiet ta’ użu mill-ġdid, riċiklaġġ u possibbiltà ta’ rkupru tal-vetturi;

5.Minkejja l-paragrafu 2, il-punt (a), id-dispożizzjonijiet li ġejjin għandhom japplikaw għall-vetturi bi skop speċjali kollha, bl-eċċezzjoni ta’ karavans bil-mutur u karavans li jinġibdu kif definiti fil-punti 5.1 u 5.6, il-Parti A, tal-Anness I tar-Regolament (UE) 2018/858:

6.Minkejja l-paragrafu 1(b) u (c), l-Artikoli 16, 19, 20, 27 u 46 sa 49 għandhom japplikaw għall-vetturi u għall-vetturi li ma għadhomx jintużaw tal-kategoriji L, M2, M3, N2, N3 u O bil-modifiki li ġejjin:

(1)“vettura” tfisser kwalunkwe vettura kif definita fl-Artikolu 3, il-punt (15), tar-Regolament (UE) 2018/858 jew elenkata fl-Artikolu 4(2) tar-Regolament (UE) Nru 168/2013;

(2)“vettura li ma għadhiex tintuża” tfisser vettura li hija skart kif definit fl-Artikolu 3, il-punt (1), tad-Direttiva 2008/98/KE, jew vetturi li huma irreparabbli skont il-kriterji tal-Parti A, il-punt 1 tal-Anness I ta’ dan ir-Regolament;

(9)“plastik” tfisser polimeru skont it-tifsira tal-Artikolu 3, il-punti (2) u (3), tar-Regolament tal-Kummissjoni (UE) Nru 10/20111a, li miegħu setgħu ġew miżjuda addittivi jew sustanzi oħra, li kapaċi jiffunzjonaw bħala komponent strutturali ewlieni ta’ materjali u oġġetti finali;

(14)“batterija ta’ vettura elettrika” tfisser batterija ta’ vettura elettrika kif definita fl-Artikolu 3, il-punt (14), tar-Regolament (UE) 2023/1542;

(15)“faċilità ta’ trattament awtorizzata” tfisser kwalunkwe stabbiliment jew impriża li hija permessa f’konformità mad-Direttiva 2008/98/KE u dan ir-Regolament biex twettaq – jew individwalment jew b’kooperazzjoni ma’ faċilitajiet oħra ta’ trattament – il-ġbir, il-ħżin u t-trattament ta’ vetturi li ma għadhomx jintużaw jew il-parts u l-komponenti tagħhom;

(18)“operatur ta’ tiswija u ta’ manutenzjoni” tfisser persuna fiżika jew ġuridika, li hija direttament jew indirettament involuta fit-tiswija u fil-manutenzjoni tal-vetturi, inklużi sewwejja, manifatturi jew distributuri ta’ tagħmir tat-tiswija, għodod jew spare parts, kif ukoll pubblikaturi ta’ informazzjoni teknika, assoċjazzjonijiet tal-karozzi, operaturi tal-assistenza fit-triq, operaturi li joffru servizzi ta’ spezzjoni u ttestjar, operaturi li joffru taħriġ għall-installaturi, il-manifatturi u s-sewwejja ta’ tagħmir għall-vetturi ta’ fjuwil alternattiv; tfisser ukoll sewwejja, negozjanti u distributuri awtorizzati fi ħdan is-sistema tad-distribuzzjoni ta’ manifattur ta’ vettura partikolari sakemm huma jipprovdu servizzi ta’ tiswija u manutenzjoni għall-vetturi li fir-rigward tagħhom ma humiex membri tas-sistema tad-distribuzzjoni tal-manifattur tal-vettura;

(21)“operatur tal-immaniġġar tal-iskart” tfisser kwalunkwe persuna fiżika jew ġuridika awtorizzata li tittratta fuq bażi professjonali l-ġbir jew it-trattament ta’ vetturi li ma għadhomx jintużaw jew il-parts u l-komponenti tagħhom;

(22)“produttur” tfisser kwalunkwe manifattur, importatur jew distributur, li, irrispettivament mit-teknika ta’ bejgħ użata, inkluż permezz ta’ kuntratti mill-bogħod kif definit fl-Artikolu 2 il-punt (7), tad-Direttiva 2011/83/UE, iforni vettura għall-ewwel darba għad-distribuzzjoni jew għall-użu, f’territorju ta’ Stat Membru fuq bażi professjonali; għal vetturi mibnija f’diversi stadji, il-produttur huwa l-manifattur tal-vettura bażi;

(23)“organizzazzjoni b’kompetenza fil-qasam tar-responsabbiltà tal-produtturi” tfisser entità ġuridika mingħajr skop ta’ qligħ li torganizza b’mod finanzjarju jew operazzjonali t-twettiq tal-obbligi ta’ responsabbiltà estiża tal-produttur f’isem diversi produtturi;

(24)“rappreżentant awtorizzat għar-responsabbiltà estiża tal-produttur” tfisser persuna ġuridika jew fiżika stabbilita fi Stat Membru fejn il-produttur jagħmel il-vettura disponibbli fis-suq għall-ewwel darba, għajr l-Istat Membru fejn ikun stabbilit il-produttur, u li tinħatar mill-produttur f’konformità mal-Artikolu 8a(5), it-tielet subparagrafu, tad-Direttiva 2008/98/KE biex tissodisfa l-obbligi ta’ dak il-produttur skont il-Kapitolu IV ta’ dan ir-Regolament;

(27)“teknoloġija ta’ wara t-tqattigħ” tfisser it-tekniki u t-teknoloġiji li jintużaw għall-ipproċessar tal-materjali minn vetturi li ma għadhomx jintużaw, wara li jkunu tqattgħu, għal aktar irkupru u riċiklaġġ;

(28)“rimanifattura” tfisser operazzjoni industrijali standardizzata u dokumentata li fiha partsjew komponenti ġodda jiġu mmanifatturati b’tali mod li l-kundizzjoni tagħhom tiġi rrestawrata għal dik daqs ta’ dawk ġodda, jew aħjar, minn parts u komponenti li jew jitneħħew minn vetturi jew vetturi li ma għadhomx jintużaw u li fiha ssir mill-inqas bidla waħda fil-part jew fil-komponent li taffettwa s-sikurezza, il-prestazzjoni, l-iskop jew it-tip tiegħu; il-proċess huwa f’konformità ma’ speċifikazzjonijiet tekniċi speċifiċi, inklużi standards ta’ inġinerija, kwalità u ttestjar, u jagħti prodotti b’garanzija sħiħa;

(29)“rinnovazzjoni” tfisser azzjonijiet imwettqa għat-tħejjija, għat-tindif, għall-ittestjar u, fejn meħtieġ, għat-tiswija ta’ parti jew ta’ komponent li jitneħħa minn vetturi sabiex terġa’ tinkiseb il-prestazzjoni jew il-funzjonalità tagħhom;

(35)“operaturi ekonomiċi” tfisser produtturi, kolletturi, dawk li jżarmaw, riċiklaturi, kumpaniji tal-assigurazzjoni tal-vetturi, fornituri, operaturi tat-tiswija u tal-manutenzjoni, rimanifatturi, operaturi tal-ġestjoni tal-iskart u kwalunkwe operatur ieħor involut fid-disinn tal-vetturi, fil-kummerċ ta’ vetturi użati, jew fil-ġestjoni ta’ vetturi li ma għadhomx jintużaw, u l-parts, il-komponenti, il-prodott prinċipali jew il-parti u l-materjali tagħhom;

(e)“sustanza ta’ tħassib” u “mezz ta’ data” stabbiliti fl-Artikolu 2, il-punti (27) u (29), tar-Regolament (UE) 2024/1781;

1.Kull vettura li tappartjeni għal tip ġdid ta’ vettura li jkollha approvazzjoni tat-tip minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 72 xahar wara d-data tad-dħul fis-seħħ ta’ dan ir-Regolament], skont ir-Regolament (UE) 2018/858 għandha tinbena biex tkun:

(c)jikkontrollaw il-kompletezza tal-informazzjoni riċevuta mill-fornituri;

Il-Kummissjoni għandha, sa [Uffiċċju tal-Pubblikazzjonijiet: jekk jogħġbok daħħal id-data = l-aħħar jum tax-xahar wara 35 xahar wara d-data tad-dħul fis-seħħ ta’ dan ir-Regolament], tadotta att ta’ implimentazzjoni li jistabbilixxi metodoloġija għall-kalkolu u l-verifika tar-rati tal-possibbiltajiet ta’ użu mill-ġdid, riċiklaġġ u rkupru ta’ vettura, filwaqt li jitqiesu l-elementi stabbiliti fl-Anness II u fl-istandard ISO 22628:2002.

1.Il-preżenza ta’ sustanzi ta’ tħassib fil-vetturi u fil-parts u l-komponenti tagħhom għandha tiġi mminimizzata kemm jista’ jkun, sa fejn ikun hemm bżonn biex jiġu evitati effetti negattivi fuq is-saħħa tal-bniedem u fuq l-ambjent, matul iċ-ċiklu tal-ħajja kollu tagħhom.

2.Kwalunkwe tip ġdid ta’ vettura li għandha approvazzjoni tat-tip minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 72 xahar wara d-data tad-dħul fis-seħħ ta’ dan ir-Regolament], skont ir-Regolament (UE) 2018/858, jew kwalunkwe part ġdida jew komponent ġdid imqiegħda fis-suq għal tali vettura ma għandux ikun fihom ċomb, merkurju, kadmju jew kromu eżavalenti.

5.Fuq talba tal-Kummissjoni, u fi żmien 12-il xahar mit-talba, l-Aġenzija Ewropea għas-Sustanzi Kimiċi (l-“Aġenzija”) għandha tħejji rapport, abbażi ta’ konsultazzjoni mal-partijiet ikkonċernati u l-esperti tal-industrija, dwar il-fattibbiltà teknika u ekonomika ta’ alternattivi li jappartjenu għall-eżenzjonijiet eżistenti elenkati fl-Anness III u, abbażi ta’ tali valutazzjoni, proposta motivata għall-emenda speċifika tal-eżenzjoni.

6.Hekk kif tirċievi t-talba mill-Kummissjoni, l-Aġenzija għandha tippubblika fuq is-sit web tagħha avviż li se jitħejja rapport dwar emenda possibbli ta’ eżenzjoni fl-Anness III u tistieden lill-partijiet interessati kollha jissottomettu kummenti fi żmien 12-il ġimgħa mid-data tal-pubblikazzjoni tal-avviż. L-Aġenzija għandha tippubblika fuq is-sit web tagħha l-kummenti kollha riċevuti mill-partijiet interessati.

7.Mhux aktar tard minn 12-il xahar wara s-sottomissjoni tar-rapport imsemmi fil-paragrafu 4 lill-Kummissjoni, il-Kumitat għall-Analiżi Soċjoekonomika tal-Aġenzija, stabbilit skont l-Artikolu 76(1), il-punt (d), tar-Regolament (KE) Nru 1907/2006, għandu jadotta opinjoni dwar ir-rapport u dwar l-emendi speċifiċi proposti. L-Aġenzija għandha tissottometti dik l-opinjoni lill-Kummissjoni mingħajr dewmien.

Il-plastik li jinsab f’kull tip ġdid ta’ vettura li għandha approvazzjoni tat-tip minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 72 xahar wara d-data tad-dħul fis-seħħ tar-Regolament] skont ir-Regolament (UE) 2018/858 għandu jkun fiha mill-inqas 20 fil-mija ta’ plastik riċiklat skont il-piż, mill-flussi tal-iskart tal-plastik ta’ wara l-użu mill-konsumatur attribwit permezz ta’ katina ta’ kustodja f’konformità mal-istandard ISO 22095:2020.

2.Sa .... [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 15-il xahar wara d-data tad-dħul fis-seħħ ta’ dan ir-Regolament], il-Kummissjoni għandha tadotta att delegat f’konformità mal-Artikolu 50 biex jissupplimenta dan ir-Regolament billi jistabbilixxi l-metodoloġija għall-kalkolu u l-verifika, għall-finijiet tal-paragrafu 1 ta’ dan l-Artikolu, tas-sehem tal-plastik irkuprat mill-iskart ta’ qabel l-użu mill-konsumatur u dak ta’ wara l-użu mill-konsumatur, u minn vetturi li ma għadhomx jintużaw rispettivament, biex jiġi mmanifatturat it-tip ta’ vettura li jqis l-aħjar teknoloġija tar-riċiklaġġ disponibbli.

Sa .... [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar 24 xahar wara d-data tad-dħul fis-seħħ ta’ dan ir-Regolament] il-Kummissjoni għandha tadotta att delegat, f’konformità mal-Artikolu 50, biex tissupplimenta dan ir-Regolament billi tistabbilixxi sehem minimu ta’ azzar riċiklat minn ruttam ferruż u sehem minimu ta’ aluminju riċiklat u l-ligi tiegħu li għandhom ikunu preżenti u inkorporati f’tipi ta’ vetturi li għandhom jiġu approvati għat-tip f’konformità ma’ dan ir-Regolament u mar-Regolament (UE) 2018/858. Dak l-att delegat għandu jistabbilixxi wkoll id-data tal-applikazzjoni tal-obbligu li jkun hemm sehem minimu ta’ kontenut riċiklat. L-azzar użat bħala materjal ta’ rinforz fit-tajers ma għandux jitqies li jaqa’ fil-kamp ta’ applikazzjoni ta’ dak l-att delegat.

Is-sehem minimu tal-azzar riċiklat u l-aluminju u l-ligi tiegħu msemmija fl-ewwel subparagrafu għandu jkun ibbażat fuq studju ta’ fattibbiltà, imwettaq mill-Kummissjoni. L-istudju għandu jiġi ffinalizzat minn [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 12-il xahar wara d-data tad-dħul fis-seħħ ta’ dan ir-Regolament], filwaqt li jeżamina b’mod partikolari l-aspetti li ġejjin:

(a)id-disponibbiltà kurrenti u prevista ta’ ruttam ferruż filwaqt li jitqiesu familji ta’ prodotti tal-azzar tal-karbonju ċatti u twal u azzar inossidabbli;

(b)is-sehem kurrenti ta’ ruttam ferruż f’diversi prodotti sekondarji u intermedji tal-azzar relatati mal-familji tal-azzar li jintużaw fil-vetturi u bidliet mistennija relatati mat-tranżizzjoni tal-industrija tal-karozzi;

(c)l-adozzjoni potenzjali ta’ ruttam ferruż mill-manifatturi f’vetturi li għandhom jiġu approvati għat-tip fil-futur, filwaqt li jqis il-limiti differenti applikabbli fil-kompożizzjoni għal kull familja tal-prodotti tal-azzar;

(d)id-domanda relattiva tas-settur awtomobilistiku meta mqabbla mad-domanda għar-ruttam ferruż ta’ setturi oħra, filwaqt li jqis il-kapaċità tiegħu li jittollera kontenut tar-ram u inklużjonijiet oħra ta’ tramp mhux intenzjonati;

(e)il-vijabbiltà ekonomika, il-progress tekniku u xjentifiku, inklużi l-bidliet fid-disponibbiltà tat-teknoloġiji tar-riċiklaġġ li jikkonċernaw ir-rati tar-riċiklaġġ tal-azzar kif ukoll il-kontribut eżistenti tar-riċiklaġġ ta’ ruttam ta’ qabel l-użu mill-konsumatur;

(f)il-kontribut ta’ sehem minimu ta’ kontenut riċiklat tal-azzar, tal-azzar b’livell baxx ta’ CO2 u tal-aluminju u l-ligi tiegħu fil-vetturi għall-objettivi tal-Unjoni fir-rigward tal-awtonomija strateġika miftuħa, tal-klima, tal-ambjent u tal-industrija, b’mod partikolari fir-rigward tal-ħolqien ta’ swieq ewlenin;

(g)il-ħtieġa li jiġu evitati impatti negattivi sproporzjonati fuq l-affordabbiltà tal-vetturi;

(h)l-influwenza fuq il-kostijiet kumplessivi u l-kompetittività tas-settur awtomobilistiku u l-katina tal-valur kollha;

Sa .... [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 24 xahar wara d-data tad-dħul fis-seħħ ta’ dan ir-Regolament], il-Kummissjoni għandha tadotta att delegat li jistabbilixxi l-metodoloġija għall-kalkolu u għall-verifika tal-kontenut riċiklat tal-aluminju u l-ligi tiegħu u tal-azzar minn ruttam ferruż, u, fejn rilevanti, is-sehem ta’ azzar b’livell baxx ta’ CO2 preżenti fit-tipi ta’ vetturi u inkorporat fihom.

Dawk l-atti delegati għandhom jiġu adottati f’konformità mal-proċedura ta’ eżami msemmija fl-Artikolu 50.

Sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 36 xahar wara d-data tad-dħul fis-seħħ ta’ dan ir-Regolament], il-Kummissjoni għandha tadotta att delegat, f’konformità mal-Artikolu 50, biex tissupplimenta dan ir-Regolament billi tistabbilixxi sehem minimu ta’:

(a)il-manjeżju u l-ligi tiegħu, riċiklati mill-iskart ta’ qabel u ta’ wara l-użu mill-konsumatur u inkorporati fit-tipi ta’ vetturi; u

(b)in-neodimju, id-disprożju, il-praseodimju, it-terbju, is-samarju jew il-boron riċiklat mill-iskart ta’ qabel u ta’ wara l-użu mill-konsumatur u inkorporat f’kalamiti permanenti f’muturi tat-trazzjoni elettrika.

L-att delegat imsemmi fl-ewwel subparagrafu għandu jistabbilixxi wkoll id-data tal-applikazzjoni tal-obbligu li jkun hemm sehem minimu ta’ kontenut riċiklat.

Is-sehem minimu tal-kontenut riċiklat tal-materjali msemmija fl-ewwel subparagrafu għandu jkun ibbażat fuq l-istudju ta’ fattibbiltà, imwettaq mill-Kummissjoni. Il-Kummissjoni għandha tiffinalizza l-istudju sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 24 xahar wara d-data tad-dħul fis-seħħ ta’ dan ir-Regolament], filwaqt li tqis dan kollu li ġej:

(a)id-disponibbiltà kurrenti u prevista tal-materjali elenkati fit-tieni subparagrafu riċiklati mill-iskart ta’ qabel u ta’ wara l-użu mill-konsumatur;

Sa .... [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 36 xahar wara d-data tad-dħul fis-seħħ ta’ dan ir-Regolament], il-Kummissjoni għandha tadotta att delegat li jistabbilixxi l-metodoloġija għall-kalkolu u għall-verifika tas-sehem tal-materjali msemmija f’dan il-paragrafu riċiklati minn skart ta’ wara u ta’ qabel l-użu mill-konsumatur fit-tipi ta’ vetturi.

Dak l-att delegat għandu jiġi adottat f’konformità mal-proċedura ta’ eżami msemmija fl-Artikolu 50.

1.Kull vettura li tappartjeni għal tip ġdid ta’ vettura li jkollha approvazzjoni tat-tip minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar ta’ wara 72 xahar wara d-data tad-dħul fis-seħħ ta’ dan ir-Regolament] għandha titfassal b’mod li jippermetti t-tneħħija faċli mill-faċilitajiet awtorizzati ta’ trattament tal-parts u l-komponenti elenkati fil-Parti C tal-Anness VII mill-vettura kkonċernata matul il-fażi tal-iskart tal-vettura, bil-ħsieb li jiġu sostitwiti, użati mill-ġdid, riċiklati, rimanifatturati jew rinnovati fejn teknikament fattibbli.

2.Kull vettura li tappartjeni għal tip ġdid ta’ vettura li jkollha approvazzjoni tat-tip minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 72 xahar wara d-data tad-dħul fis-seħħ ta’ dan ir-Regolament] skont ir-Regolament (UE) 2018/858 għandha titfassal, inkluż fir-rigward tal-elementi tat-tgħaqqid, tal-irbit u tal-issiġillar, sabiex ikunu jistgħu jsiru b’mod faċli u mhux distruttiv, it-tneħħija u s-sostituzzjoni ta’ batteriji tal-vetturi elettriċi u l-pakketti ta’ batteriji tagħhom u ta’ muturi tat-trazzjoni elettrika mill-vettura b’faċilitajiet ta’ trattament awtorizzati jew operaturi tat-tiswija u tal-manutenzjoni matul il-fażi tal-użu u l-fażi tal-iskart tal-vettura.

1.Il-manifatturi għandhom juru li tipi ġodda ta’ vetturi li jkunu mmanifatturaw u li jitqiegħdu fis-suq, għandhom approvazzjoni tat-tip f’konformità mar-rekwiżiti tar-Regolament (UE) 2018/858, tar-Regolament (UE) Nru 168/2013 u ta’ dan ir-Regolament.

2.Għall-finijiet tal-approvazzjoni tat-tip ta’ vetturi li għalihom japplikaw ir-rekwiżiti fl-Artikolu 4, l-Artikolu 5(1) u (2), l-Artikolu 6 jew l-Artikolu 7, il-manifattur għandu jipprovdi d-dokumentazzjoni li turi l-konformità ma’ dawk ir-rekwiżiti u għandu:

(a)jinkludiha fil-fowlder tal-informazzjoni msemmi fl-Artikolu 24 tar-Regolament (UE) 2018/858 jew fl-Artikolu 27 tar-Regolament (UE) Nru 168/2013, kif applikabbli; u

(b)jissottomettiha lill-awtorità tal-approvazzjoni tat-tip f’konformità mal-Artikolu 23 tar-Regolament (UE) 2018/858 jew fl-Artikolu 26 tar-Regolament (UE) Nru 168/2013, kif applikabbli.

imħassar

4.Għall-finijiet tal-approvazzjoni tat-tip ta’ vetturi li għalihom japplikaw ir-rekwiżiti stabbiliti fl-Artikolu 10, il-manifattur għandu jfassal l-informazzjoni msemmija fl-Artikolu 10(1) u jissottomettiha, f’konformità mal-Artikolu 24(1), il-punt (a), tar-Regolament (UE) 2018/858, lill-awtorità tal-approvazzjoni tat-tip flimkien mal-applikazzjoni għall-approvazzjoni tat-tip imsemmija fl-Artikolu 23 ta’ dak ir-Regolament jew f’konformità mal-Artikolu 27(1) tar-Regolament (UE) Nru 168/2013 lill-awtorità tal-approvazzjoni tat-tip flimkien mal-applikazzjoni għall-approvazzjoni tat-tip imsemmija fl-Artikolu 26 tar-Regolament (UE) Nru 168/2013.

5.Għall-finijiet tal-approvazzjoni tat-tip ta’ vetturi li għalihom japplikaw ir-rekwiżiti stabbiliti fl-Artikolu 11, il-manifattur għandu jissottometti d-dikjarazzjoni li tikkonferma l-konformità mar-rekwiżit stabbilit fl-Artikolu 11(1), f’konformità mal-Artikolu 24(1), il-punt (a), tar-Regolament (UE) 2018/858, lill-awtorità tal-approvazzjoni tat-tip flimkien mal-applikazzjoni għall-approvazzjoni tat-tip imsemmija fl-Artikolu 23 ta’ dak ir-Regolament jew f’konformità mal-Artikolu 27(1) tar-Regolament (UE) Nru 168/2013 lill-awtorità tal-approvazzjoni tat-tip flimkien mal-applikazzjoni għall-approvazzjoni tat-tip imsemmija fl-Artikolu 26 tar-Regolament (UE) Nru 168/2013.

1.Il-manifatturi tal-vetturi għandhom minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament], ifasslu strateġija għaċ-ċirkolarità fil-livell tal-manifattur u jipprovdu kopja lill-Kummissjoni.

2.L-istrateġija għaċ-ċirkolarità għandha tiddeskrivi liema azzjonijiet se jieħdu l-manifatturi biex isegwu l-obbligi tagħhom ħalli jiżguraw li jiġu ssodisfati r-rekwiżiti taċ-ċirkolarità fil-Kapitolu II. L-istrateġija għaċ-ċirkolarità għandha tqis il-kapaċitajiet u l-informazzjoni fil-fatt disponibbli mingħand il-fornituri, b’mod partikolari l-SMEs.

imħassar

5.Il-manifattur għandu jimmonitorja u jsegwi l-azzjonijiet li jinsabu fl-istrateġija għaċ-ċirkolarità u jaġġorna l-istrateġija, filwaqt li jindika l-bidliet ġodda rilevanti tal-istrateġija għaċ-ċirkolarità, kull ħames snin f’konformità mal-Parti B tal-Anness IV.

imħassar

8.Sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 83 xahar wara d-data tad-dħul fis-seħħ ta’ dan ir-Regolament] u kull ħames snin wara dan, il-Kummissjoni għandha tfassal u tippubblika rapport dwar iċ-ċirkolarità tas-settur awtomobilistiku. Ir-rapport għandu jkun ibbażat b’mod partikolari fuq l-istrateġiji taċ-ċirkolarità u l-aġġornamenti għal tali strateġiji.

Il-manifatturi għandhom jiddikjaraw, għal kull tip ġdid ta’ vettura li għandha approvazzjoni tat-tip minn ... [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 12-il xahar wara l-adozzjoni tal-atti delegati li jistabbilixxu l-metodoloġiji għall-kalkolu u l-verifika tal-kontenut riċiklat preżenti f’vetturi f’konformità mal-Artikolu 6] skont ir-Regolament (UE) 2018/858, is-sehem rispettiv tal-kontenut riċiklat ta’:

(d)azzar u l-ligi tiegħu;

Id-dikjarazzjoni għandha tikkonċerna l-kontenut riċiklat ta’ dawn il-materjali preżenti fit-tip ta’ vettura u tindika, għal kull sehem materjali, u għall-komponenti tal-plastik itqal minn 100 g, jekk il-materjal huwiex riċiklat mill-iskart ta’ qabel l-użu mill-konsumatur jew mill-iskart ta’ wara l-użu mill-konsumatur.

3.B’deroga mill-paragrafu 1, ir-rekwiżit li jiġi ddikjarat is-sehem tal-kontenut riċiklat ta’ ċertu materjal ma għandux japplika fejn tkun ġiet stabbilita mira għal dak il-materjal skont l-Artikolu 6(1), (3) jew (4).

1.Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament], il-manifatturi għandhom, għal tipi ġodda ta’ vetturi li jkunu ngħataw approvazzjoni tat-tip, jipprovdu aċċess mhux ristrett, standardizzat u mhux diskriminatorju, inkluż permezz ta’ għodod eżistenti użati mill-industrija awtomobilistika, lill-operaturi tal-immaniġġar tal-iskart, lill-operaturi tat-tiswija u l-manutenzjoni u lis-servizzi ta’ emerġenza, għall-informazzjoni elenkata fl-Anness V, filwaqt li jippermettu l-aċċess għal dawn li ġejjin, u t-tneħħija u s-sostituzzjoni sikura tagħhom:

(a)il-muturi tat-trazzjoni elettrika u l-pakketti ta’ batteriji tagħhom inkorporati fil-vettura;

(e)il-parts u l-komponenti, li fihom il-materja prima kritika kif imsemmija fl-Artikolu 28(1), il-punt (b), tar-Regolament (UE) 2024/1252 fil-ħin tal-approvazzjoni tat-tip tal-vettura;

Il-manifatturi għandhom jiżguraw kooperazzjoni mal-operaturi awtorizzati, tat-trattament, mal-operaturi tal-modifika retroattiva, u mal-operaturi tat-tiswija u l-manutenzjoni billi jistabbilixxu pjattaformi ta’ komunikazzjoni meħtieġa biex jipprovdu u jżommu aġġornata l-informazzjoni msemmija fil-paragrafu 1 u l-informazzjoni speċifikata fl-Anness V.

Il-manifatturi għandhom jipprovdu l-informazzjoni msemmija fl-ewwel subparagrafu mingħajr ħlas. Il-manifatturi jistgħu jiġbru l-imposti raġonevoli u proporzjonati mill-operaturi tal-immaniġġar tal-iskart u mill-operaturi tat-tiswija u tal-manutenzjoni sa fejn huwa meħtieġ biex ikopru l-kostijiet amministrattivi reali mġarrba biex l-informazzjoni meħtieġa ssir aċċessibbli permezz ta’ pjattaformi ta’ komunikazzjoni.

imħassar

2.Minn .... [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament], il-manifatturi għandhom jiżguraw li l-parts u l-komponenti tal-vetturi li jkun fihom kalamiti permanenti jkollhom tikketta li tidher sew, li tinqara b’mod ċar u li ma titħassarx, li tindika l-informazzjoni f’konformità mal-Artikolu 28 tar-Regolament (UE) 2024/1252.

Passaport Diġitali taċ-Ċirkolarità tal-Vettura

1.Minn [Uffiċċju tal-Pubblikazzjonijiet: jekk jogħġbok daħħal data = l-ewwel jum tax-xahar wara 72 xahar wara d-dħul fis-seħħ tar-Regolament] kull vettura mqiegħda fis-suq għandu jkollha passaport diġitali taċ-ċirkolarità tal-vettura, li għandu jiġi allinjat u interoperabbli ma’ u, fejn possibbli, integrat f’passaporti ambjentali oħra relatati mal-vetturi stabbiliti skont id-dritt tal-Unjoni.

2.Il-passaport taċ-ċirkolarità tal-vettura għandu jkun fih l-informazzjoni msemmija fl-Artikolu 5(2) u (3), u fl-Artikoli 10 u 11 ta’ dan ir-Regolament f’format diġitali u għandu jkun aċċessibbli mingħajr ħlas.

3.Il-manifattur għandu, fil-ħin li jqiegħed il-vettura fis-suq, jiżgura li l-informazzjoni fil-passaport tal-vettura ċirkolari tkun akkurata, kompluta u aġġornata.

5.Il-passaport taċ-ċirkolarità tal-vettura ta’ vettura li tkun saret vettura li ma għadhiex tintuża għandu jieqaf jeżisti mhux aktar kmieni minn sitt xhur wara li jkun inħareġ iċ-ċertifikat tal-esportazzjoni jew tal-qerda għal dik il-vettura li ma tkunx għadha qed tintuża.

Sa [Uffiċċju tal-Pubblikazzjonijiet: Jekk jogħġbok daħħal data = mhux aktar tard mill-ewwel jum tax-xahar wara 60 xahar wara d-dħul fis-seħħ tar-Regolament] il-Kummissjoni għandha tadotta atti ta’ implimentazzjoni li jistipulaw dan li ġej:

(a)il-mod u r-rekwiżiti bażiċi tas-soluzzjoni teknika li għandha tintuża biex jiġi aċċessat il-passaport taċ-ċirkolarità tal-vetturi b’mod li ma jipprekludi l-ebda soluzzjoni teknika;

(i)l-interoperabbiltà u l-allinjament tal-passaport taċ-ċirkolarità tal-vetturi ma’ passaporti oħra meħtieġa mil-leġiżlazzjoni tal-Unjoni;

Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament], il-produtturi għandu jkollhom responsabbiltà estiża tal-produttur għall-vetturi li huma jqiegħdu fis-suq għall-ewwel darba fit-territorju ta’ Stat Membru. L-iskema stabbilita mill-produtturi biex jeżerċitaw dik ir-responsabbiltà għandha tikkonforma mal-Artikoli 8 u 8a tad-Direttiva 2008/98/KE u tikkonforma mar-rekwiżiti ta’ dan il-Kapitolu.

Sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 35 xahar wara d-data tad-dħul fis-seħħ ta’ dan ir-Regolament] l-Istati Membri għandhom jistabbilixxu reġistru ta’ produtturi, jew jużaw reġistru eżistenti ta’ produtturi, li għandu jservi biex tiġi ssorveljata l-konformità tal-produtturi mar-rekwiżiti ta’ dan il-Kapitolu.

Ir-reġistru għandu jipprovdi links għal reġistri nazzjonali oħrajn tas-siti web tal-produtturi biex jiffaċilita, fl-Istati Membri kollha, ir-reġistrazzjoni tal-produtturi jew tar-rappreżentanti awtorizzati għar-responsabbiltà estiża tal-produttur.

Il-produtturi għandhom jagħmlu l-vetturi disponibbli fis-suq ta’ Stat Membru biss, jekk huma jew, fil-każ ta’ awtorizzazzjoni, ir-rappreżentanti awtorizzati tagħhom għar-responsabbiltà estiża tal-produttur, ikunu irreġistrati f’tali Stat Membru.

6.L-obbligi skont dan l-Artikolu jistgħu, f’isem il-produttur, jiġu ssodisfati minn rappreżentant awtorizzat għar-responsabbiltà estiża tal-produttur. Jekk aktar minn produttur wieħed ikun rappreżentat fil-pajjiż minn rappreżentant awtorizzat wieħed, dak ir-rappreżentant awtorizzat għandu jipprovdi l-isem u d-dettalji ta’ kuntatt għal kull wieħed mill-produtturi rappreżentati separatament.

11.Il-produttur, jew, meta applikabbli, ir-rappreżentant awtorizzat tal-produttur għar-responsabbiltà estiża tal-produttur jew l-organizzazzjoni b’kompetenza fil-qasam tar-responsabbiltà li tinħatar f’isem il-produtturi li tirrappreżenta għandha tinnotifika mingħajr dewmien żejjed lill-awtorità kompetenti bi kwalunkwe bidla fl-informazzjoni li tinsab fir-reġistrazzjoni u bi kwalunkwe waqfien permanenti mit-tqegħid fis-suq fit-territorju tal-Istat Membru tal-vetturi msemmi fir-reġistrazzjoni.

12.Il-produttur jew, fejn applikabbli, ir-rappreżentant awtorizzat mill-produttur għar-responsabbiltà estiża tal-produttur jew l-organizzazzjoni b’kompetenza fil-qasam tar-responsabbiltà tal-produttur għandha tirrapporta lill-awtorità kompetenti responsabbli għar-reġistru dwar it-twettiq tal-obbligi estiżi tar-responsabbiltà tal-produttur.

2.L-organizzazzjonijiet b’kompetenza fil-qasam tar-responsabbiltà tal-produtturi għandhom jiżguraw il-kunfidenzjalità tad-data fil-pussess tagħhom fir-rigward ta’ informazzjoni proprjetarja jew informazzjoni direttament attribwibbli lil produtturi individwali jew lir-rappreżentanti awtorizzati tagħhom għar-responsabbiltà estiża tal-produtturi.

3.Minbarra l-informazzjoni msemmija fl-Artikolu 8a(3)(e), tad-Direttiva 2008/98/KE, l-organizzazzjonijiet b’kompetenza fil-qasam tar-responsabbiltà tal-produtturi jew il-produtturi individwali għandhom jippubblikaw fuq is-siti web tagħhom tal-anqas kull sena, soġġett għall-kunfidenzjalità kummerċjali u industrijali, l-informazzjoni dwar il-ġbir ta’ vetturi li ma għadhomx jintużaw u l-ilħuq ta’ miri dwar l-użu mill-ġdid u r-riċiklaġġ, l-użu mill-ġdid u l-irkupru u r-riċiklaġġ tal-plastik mill-produtturi li jkunu inkarigaw lill-organizzazzjoni b’kompetenza fil-qasam tar-responsabbiltà tal-produtturi jew mill-produttur li jkun qed jissodisfa l-obbligi tiegħu individwalment.

4.L-organizzazzjonijiet b’kompetenza fil-qasam tar-responsabbiltà tal-produtturi għandhom jiżguraw rappreżentanza proporzjonata tal-produtturi u tal-operaturi tal-immaniġġar tal-iskart attivi fil-ġbir u t-trattament ta’ vetturi li ma għadhomx jintużaw fil-korpi governattivi tagħhom, inkluż fil-bordijiet eżekuttivi u konsultattivi.

(a)il-kostijiet tal-ġbir ta’ vetturi li ma għadhomx jintużaw li huma meħtieġa biex jiġu ssodisfati r-rekwiżiti fl-Artikoli 23 sa 26 u l-kostijiet tat-trattament ta’ vetturi li ma għadhomx jintużaw li huma meħtieġa biex jiġu ssodisfati r-rekwiżiti fl-Artikoli 27 sa 30, 34 u 35, filwaqt li jitqies id-dħul tal-operaturi tal-immaniġġar tal-iskart ottenut mill-bejgħ ta’ spare parts użati u ta’ komponenti tal-bdil użati, ta’ vetturi li ma għadhomx jintużaw u li jkunu ġew soġġetti għat-tindif mit-tniġġis, jew ta’ materja prima sekondarja rriċiklata minn vetturi li ma għadhomx jintużaw;

(b)il-kostijiet tat-twettiq ta’ kampanji ta’ sensibilizzazzjoni mmirati biex jinfurmaw lill-pubbliku u biex itejbu l-ġbir ta’ vetturi li ma għadhomx jintużaw;

imħassar

(d)il-kostijiet amministrattivi biex id-data ssir disponibbli, tinġabar u tiġi rapportata lill-awtoritajiet kompetenti.

Fil-każ tat-twettiq individwali tal-obbligi tar-responsabbiltà estiża tal-produttur, il-produtturi għandhom jipprovdu garanzija għall-vetturi li huma jqiegħdu fis-suq għall-ewwel darba fit-territorju ta’ Stat Membru. Dik il-garanzija għandha tiżgura li l-operati msemmija fil-paragrafu 1 li għandhom x’jaqsmu ma’ dawk il-vetturi se jiġu ffinanzjati, inkluż fil-każ ta’ waqfien permanenti tal-operati tagħhom jew fil-każ ta’ insolvenza.

1.Fil-każ ta’ twettiq kollettiv tal-obbligi tar-responsabbiltà estiża tal-produtturi, l-organizzazzjonijiet b’kompetenza fil-qasam tar-responsabbiltà tal-produtturi għandhom jiżguraw li l-kontribuzzjonijiet finanzjarji mħallsa lilhom mill-produtturi jkunu modulati tal-anqas billi jqisu dan li ġej:

(a)il-piż tal-vettura, esklużi l-batteriji ta’ vettura elettrika;

imħassar

(e)is-sehem ta’ materjali u sustanzi li jipprevjenu proċess ta’ riċiklaġġ ta’ kwalità għolja;

(a)taħtar b’mandat bil-miktub rappreżentant awtorizzat biex jaġixxi f’isimha b’rabta ma’ kompiti speċifikati rigward l-obbligi tal-produttur għar-responsabbiltà estiża tal-produttur f’kull Stat Membru;

Għal dan l-għan, il-produtturi jew, fejn maħtura f’konformità mal-Artikolu 18, l-organizzazzjonijiet b’kompetenza fil-qasam tar-responsabbiltà tal-produtturi għandhom jistabbilixxu, jew jipparteċipaw fl-istabbiliment ta’, sistemi ta’ ġbir, inklużi punti ta’ ġbir.

(b)jiżguraw disponibbiltà adegwata ta’ faċilitajiet ta’ trattament awtorizzati u ta’ punti ta’ ġbir, filwaqt li jqisu d-daqs u d-densità tal-popolazzjoni, il-volum mistenni ta’ vetturi li ma għadhomx jintużaw, li ma jkunx limitat għal żoni fejn il-ġbir u l-ġestjoni sussegwenti jkunu l-aktar profittabbli;

imħassar

(d)jippermettu l-ġbir ta’ vetturi li ma għadhomx jintużaw li jkunu għamlu disponibbli fis-suq, irrispettivament mill-oriġini tagħhom;

(e)jippermettu l-konsenja tal-vetturi kollha li ma għadhomx jintużaw mingħajr ħlas f’faċilitajiet ta’ trattament awtorizzati jew f’punti ta’ ġbir, kif previst fl-Artikolu 24(2).

3.Il-produtturi jew, fejn maħtura f’konformità mal-Artikolu 18, l-organizzazzjonijiet b’kompetenza fil-qasam tar-responsabbiltà tal-produtturi għandhom jippubblikaw u jaġġornaw regolarment il-lista tal-punti ta’ ġbir u tal-faċilitajiet ta’ trattament awtorizzati fuq is-siti web tagħhom u jwettqu kampanji edukattivi li jippromwovu s-sistema ta’ ġbir għal vetturi li ma għadhomx jintużaw u jinfurmaw dwar il-konsegwenzi ambjentali tal-ġbir u l-immaniġġar mhux xierqa ta’ vetturi li ma għadhomx jintużaw.

Punti ta’ ġbir għajr il-faċilitajiet ta’ trattament awtorizzati jistgħu jiġbru vetturi li ma għadhomx jintużaw.

(c)jiggarantixxi li l-vetturi kollha miġbura li ma għadhomx jintużaw jiġu ttrasferiti lejn faċilità ta’ trattament awtorizzata fi żmien 6 xhur minn meta jirċievu l-vettura li ma għadhiex tintuża; kif ukoll

5.Il-punti ta’ ġbir jew il-faċilitajiet ta’ trattament awtorizzati, għandhom joħorġu dokument f’format elettroniku, li jikkonferma l-wasla ta’ vettura li ma għadhiex tintuża, lis-sid il-vettura, u jipprovduh permezz ta’ proċedura elettronika ta’ notifika stabbilita f’konformità mal-Artikolu 25(2) lill-awtoritajiet rilevanti tal-Istat Membru, inklużi l-awtoritajiet kompetenti maħtura skont l-Artikolu 14.

2.Il-konsenja ta’ vettura li ma għadhiex tintuża f’faċilità ta’ trattament awtorizzata jew f’punt ta’ ġbir għandha tkun mingħajr ħlas għall-aħħar sid ta’ vettura sakemm il-vettura li ma għadhiex tintuża ma tkunx nieqsa minn xi parti jew minn komponenti essenzjali tal-vettura, jew ikun fih skart li ġie miżjud mal-vettura li ma għadhiex tintuża.

(a)iwassal il-vettura li ma għadhiex tintuża f’faċilità ta’ trattament awtorizzata jew, fil-każijiet imsemmija fl-Artikolu 23(4), f’punt ta’ ġbir, mingħajr dewmien żejjed wara li jirċievi informazzjoni li l-vettura tissodisfa kwalunkwe wieħed mill-kriterji għan-natura irreparabbli stabbiliti fil-Parti A, il-punt 1, tal-Anness I;

(b)jippreżenta ċertifikat ta’ qerda lill-awtorità ta’ reġistrazzjoni rilevanti, ħlief f’każijiet fejn ikun hemm proċedura online li tippermetti l-komunikazzjoni jew l-ipproċessar tat-tneħħija tar-reġistrazzjoni tal-vettura li ma għadhiex tintuża min-naħa tal-faċilitajiet ta’ trattament awtorizzati;

2.Il-faċilitajiet ta’ trattament awtorizzati għandhom jiżguraw li t-trattament kollu għall-vetturi li ma għadhomx jintużaw ikun konformi, bħala minimu, mal-Artikoli 28, 29, 30, 31, 32, 34, 35 u 36 u l-Anness VII ta’ dan ir-Regolament, u għandhom japplikaw l-aħjar tekniki disponibbli kif iddefiniti fl-Artikolu 3(10) tad-Direttiva 2010/75/UE.

(c)ineħħu l-parts u l-komponenti elenkati fil-Parti C tal-Anness VII mill-vettura li ma għadhiex tintuża, qabel it-tqattigħ jew il-kumpattazzjoni permezz ta’ żarmar manwali jew żarmar (semi)awtomatizzat b’mod mhux distruttiv għall-komponenti b’potenzjal ta’ użu mill-ġdid, ta’ rimanifattura jew ta’ rinnovazzjoni f’konformità mal-Artikoli 30 u 31, filwaqt li jitqiesu l-potenzjal tas-suq għall-użu mill-ġdid, ir-rimanifattura jew ir-rinnovazzjoni ta’ dawk il-parts u l-komponenti u l-ħtieġa li r-ruttam ikun ta’ kwalità għolja;

(d)jittrattaw il-vetturi kollha li ma għadhomx jintużaw u l-parts, il-komponenti u l-materjali tagħhom f’konformità mal-ġerarkija tal-iskart u mar-rekwiżiti ġenerali stabbiliti fl-Artikolu 4 tad-Direttiva 2008/98/KE;

4.Il-Kummissjoni għandha s-setgħa li tadotta atti delegati f’konformità mal-Artikolu 50 biex temenda l-Anness VII billi tadatta r-rekwiżiti minimi ta’ trattament għal vetturi li ma għadhomx jintużaw għall-progress xjentifiku u tekniku fit-teknoloġiji tat-trattament, inkluż:

5.L-Istati Membri għandhom jinkoraġġixxu lill-faċilitajiet ta’ trattament awtorizzati biex jintroduċu sistemi ċċertifikati ta’ ġestjoni ambjentali u jwettqu awditi f’konformità mar-Regolament (KE) Nru 1221/2009.

1.Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar ta’ wara 36 xahar wara d-data tad-dħul fis-seħħ ta’ dan ir-Regolament] il-faċilitajiet ta’ trattament awtorizzati u operaturi oħra tal-immaniġġar tal-iskart għandhom jitolbu li l-vetturi li ma għadhomx jintużaw ikkonsenjati lilhom għat-tqattigħ ikunu ġew soġġetti għat-tneħħija tat-tniġġis skont l-Artikolu 29 u li l-parts u l-komponenti tagħhom ikunu tneħħew f’konformità mal-Artikolu 30 u jkunu akkumpanjati minn dawn li ġejjin:

3.Il-faċilitajiet ta’ trattament awtorizzati u l-operaturi tal-immaniġġar tal-iskart li jwettqu tqattigħ ta’ vetturi li ma għadhomx jintużaw għandhom ikunu jistgħu jħalltu vetturi li ma għadhomx jintużaw, il-parts, il-komponenti u l-materjali tagħhom mal-iskart mill-imballaġġ u mal-iskart ta’ tagħmir elettriku u elettroniku, dment li jiġu ssodisfati l-kriterji u l-valuri ta’ limitu tal-Parti G tal-Anness VII u tiġi żgurata t-traċċabbiltà relatata mar-rapportar, il-proċess tat-tqattigħ ma jnaqqasx il-kwalità tal-flussi tal-iskart meta mqabbla ma’ trattament separat u li l-output jikkonforma ma’ standards ta’ kwalità għolja.

1.Fi żmien 30 jum mill-konsenja ta’ vettura li ma għadhiex tintuża f’faċilità ta’ trattament awtorizzata, dik il-faċilità għandha tnaddaf mit-tniġġis dawk il-vetturi qabel ma jiġu ttrattati aktar, f’konformità mar-rekwiżiti minimi stabbiliti fil-Parti B tal-Anness VII.

2.Il-fluwidi u l-likwidi elenkati fil-Parti B tal-Anness VII għandhom jinġabru u jinħażnu separatament, f’konformità mar-rekwiżiti stabbiliti fil-Parti A tal-Anness VII. Iż-żjut għar-rimi għandhom jinġabru u jinħażnu separatament mill-fluwidi u l-likwidi l-oħra u għandhom jiġu ttrattati f’konformità mal-Artikolu 21 tad-Direttiva 2008/98/KE. Il-fluwidi tas-sistema tal-arja kundizzjonata użati fis-sistemi tal-ġestjoni termali għandhom jinġabru u jinħażnu separatament mill-fluwidi l-oħra u għandhom jiġu rkuprati f’konformità mar-Regolament (UE) 2024/573 tal-Parlament Ewropew u tal-Kunsill1a u, meta jkun teknikament u ekonomikament fattibbli, għandhom jiġu riċiklati jew reklamati u użati mill-ġdid.

Tneħħija obbligatorja ta’ parts u komponenti għall-użu mill-ġdid, għar-rimanifattura, għat-tiswija, u għar-riċiklaġġ qabel it-tqattigħ

1.Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar ta’ wara 36 xahar wara d-data tad-dħul fis-seħħ ta’ dan ir-Regolament], il-faċilitajiet ta’ trattament awtorizzati għandhom jiżguraw li l-parts u l-komponenti elenkati fil-Parti C tal-Anness VII, jitneħħew minn vettura li ma għadhiex tintuża qabel it-tqattigħ. Bl-għan li jiġi vverifikat il-potenzjal tas-suq tagħha għall-użu mill-ġdid, għar-rimanifattura u għat-tiswija, dawk il-parts għandhom jiġu vvalutati f’konformità mal-Artikolu 31 qabel ma jsir iż-żarmar. Din il-valutazzjoni għandha ssir wara li jkunu tlestew l-operazzjonijiet ta’ tindif mit-tniġġis imsemmija fl-Artikolu 29.

Meta l-parts u l-komponenti ma jkollhomx potenzjal tas-suq għall-użu mill-ġdid, għar-rimanifattura u għat-tiswija, ma għandux ikun obbligatorju li jitneħħew qabel it-tqattigħ jekk faċilità ta’ trattament awtorizzata turi li t-teknoloġiji ta’ wara t-tqattigħ (post-shredding) jisseparaw il-materjali mill-parts u l-komponenti elenkati fil-Parti C, l-entrati 6, 13 sa 19, tal-Anness VII, b’mod daqstant effiċjenti u jrendu materjal riċiklat ekwivalenti bħall-proċessi manwali ta’ żarmar jew proċessi semiawtomatizzati ta’ żarmar.

Għall-finijiet tal-ewwel subparagrafu, il-faċilità ta’ trattament awtorizzata għandha tikkonforma mal-output tat-tqattigħ ta’ kwalità għolja kif spjegat fl-att delegat imsemmi fl-Artikolu 28(4) u tipprovdi l-informazzjoni elenkata fil-Parti G tal-Anness VII.

Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar ta’ wara 36 xahar wara d-data tad-dħul fis-seħħ ta’ dan ir-Regolament] kwalunkwe operatur ekonomiku li jbigħ spare parts u komponenti użati, rimanifatturati jew rinnovati għandu:

Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar ta’ wara 36 xahar wara d-data tad-dħul fis-seħħ ta’ dan ir-Regolament], l-Istati Membri għandhom jieħdu l-inċentivi meħtieġa biex jippromwovu l-użu mill-ġdid, ir-rimanifattura, il-modifika retroattiva u r-rinnovazzjoni ta’ parts u komponenti, kemm jekk jitneħħew matul il-fażi tal-użu kif ukoll jekk matul il-fażi ta’ tmiem il-ħajja ta’ vettura.

(b)l-użu ta’ inċentivi ekonomiċi mfassla biex jippremjaw lill-manifatturi li jaqbżu l-istandards minimi, sabiex ikompli jiġi stimulat aktar l-użu ta’ spare parts u komponenti użati, rimanifatturati jew rinnovati.

1.Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tas-sena kalendarja ta’ wara 36 xahar wara d-data tad-dħul fis-seħħ tar-Regolament], l-Istati Membri għandhom jadottaw il-miżuri meħtieġa biex jiżguraw li l-operaturi tal-immaniġġar tal-iskart jilħqu l-miri li ġejjin:

2.Minn [Uffiċċju tal-Pubblikazzjonijiet: Jekk jogħġbok daħħal data = l-ewwel jum tas-sena kalendarja ta’ wara 60 xahar wara d-data tad-dħul fis-seħħ tar-Regolament], l-Istati Membri għandhom jiżguraw li l-operaturi tal-immaniġġar tal-iskart jilħqu mira annwali għar-riċiklaġġ tal-plastiks ta’ mill-anqas 30 fil-mija tal-piż totali tal-plastik li jinsab fil-vetturi li ma għadhomx jintużaw.

1.It-trattament ta’ vetturi li ma għadhomx jintużaw jista’ jsir barra mill-Unjoni, dment li l-vjeġġ ta’ vetturi li ma għadhomx jintużaw ikun konformi mar-Regolament (UE) Nru 1013/2006.

2.Il-vjeġġi ta’ vetturi li ma għadhomx jintużaw mill-Unjoni lejn pajjiż terz f’konformità mal-paragrafu 1 għandhom jgħoddu biss lejn l-issodisfar tal-obbligi u l-miri stabbiliti fl-Artikolu 34 jekk l-esportatur tal-vetturi li ma għadhomx jintużaw jipprovdi prova dokumentarja approvata mill-awtorità kompetenti tad-destinazzjoni li turi li dan it-trattament seħħ f’kundizzjonijiet li huma meqjusa ekwivalenti għar-rekwiżiti stabbiliti f’dan ir-Regolament u għar-rekwiżiti tas-saħħa tal-bniedem u tal-protezzjoni tal-ambjent stabbiliti f’leġiżlazzjoni oħra tal-Unjoni.

imħassar

Distinzjoni bejn vetturi użati u vetturi li ma għadhomx jintużaw għall-fini tal-esportazzjoni

Għall-fini tal-esportazzjoni ta’ vettura użata, is-sid tal-vettura għandu jkun jista’ jipprovdi dokumentazzjoni lill-awtoritajiet doganali u lil kwalunkwe persuna fiżika jew ġuridika interessata li timporta l-vettura kkonċernata li l-vettura ma hijiex vettura li ma għadhiex tintuża. Dik id-dokumentazzjoni għandha tikkonsisti f’ċertifikat validu tal-affidabbiltà stradali jew, meta tali ċertifikat ma jkunx disponibbli, f’valutazzjoni mwettqa mill-awtoritajiet kompetenti responsabbli għaċ-ċertifikati tal-affidabbiltà stradali abbażi tal-kriterji stabbiliti fl-Anness I. F’każ ta’ dubju li vettura użata tista’ tkun vettura li ma għadhiex tintuża, l-awtoritajiet kompetenti jistgħu jirrikjedu lil sid il-vettura jippreżenta aktar dokumentazzjoni li l-vettura kkonċernata ma hijiex vettura li ma għadhiex tintuża.

1.Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar ta’ wara 24 xahar wara d-data tad-dħul fis-seħħ ta’ dan ir-Regolament], il-vetturi użati għall-esportazzjoni għandhom ikunu soġġetti għall-kontrolli u r-rekwiżiti stabbiliti f’din it-Taqsima.

(a)vetturi li ma għadhomx jintużaw kif determinat fl-Artikolu 37;

imħassar

imħassar

1.Qabel ma jiġu rilaxxati vetturi użati għall-esportazzjoni, id-dwana għandha tivverifika b’mod elettroniku u awtomatiku permezz tas-sistemi elettroniċi msemmija fl-Artikolu 45, li abbażi tan-Numru ta’ Identifikazzjoni tal-Vettura u l-informazzjoni dwar l-Istat Membru tal-aħħar reġistrazzjoni, il-vettura għandha affidabbiltà stradali jew li ma hijiex vettura li ma għadhiex tintuża f’konformità mal-Artikolu 37.

2.Meta l-informazzjoni pprovduta jew li ssir disponibbli għad-dwana ma tikkorrispondix mal-informazzjoni fir-reġistri nazzjonali tal-vetturi u fis-sistemi elettroniċi nazzjonali dwar l-affidabilità stradali skont il-paragrafu 1, l-awtoritajiet doganali ma għandhomx jirrilaxxaw dik il-vettura għall-esportazzjoni u għandhom jinformaw lill-persuna fiżika jew ġuridika kkonċernata b’dan permezz ta’ dawn is-sistemi.

3.Il-Kummissjoni għandha s-setgħa li tadotta atti delegati f’konformità mal-Artikolu 50 biex tissupplimenta dan ir-Regolament billi tistabbilixxi l-kundizzjonijiet ta’ konformità msemmija fil-paragrafu 2 dwar il-kundizzjonijiet speċifiċi applikati għall-importazzjoni ta’ vetturi użati mill-pajjiż terz tal-importazzjoni marbuta mal-protezzjoni tal-ambjent u s-sikurezza fit-toroq, meta tali kundizzjonijiet ikunu ġew innotifikati minn dak il-pajjiż terz lill-Kummissjoni. Dawk il-kundizzjonijiet għandhom ikunu verifikabbli abbażi tal-informazzjoni disponibbli fis-sistemi elettroniċi msemmija fl-Artikolu 45(1).

1.Meta l-awtoritajiet doganali jissuspettaw li vettura użata għall-esportazzjoni tista’ ma tikkonformax mar-rekwiżiti ta’ din it-Taqsima, huma għandhom immedjatament jissospendu r-rilaxx għall-esportazzjoni ta’ dik il-vettura użata sa meta jiksbu l-informazzjoni meħtieġa kollha biex jieħdu deċiżjoni finali. Huma għandhom jinnotifikaw minnufih ukoll lill-awtoritajiet kompetenti bis-sospensjoni u jibagħtu l-informazzjoni rilevanti kollha meħtieġa biex jiġi ddeterminat jekk il-vettura użata tikkonformax mar-rekwiżiti ta’ dan ir-Regolament u tistax tiġi rilaxxata għall-esportazzjoni.

3.Wara kull rilaxx għall-esportazzjoni ta’ vettura użata, l-awtoritajiet doganali għandhom jinnotifikaw dak ir-rilaxx għall-esportazzjoni lill-awtorità kompetenti tal-Istat Membru fejn il-vettura inkwistjoni tkun ġiet irreġistrata fil-ħin tal-esportazzjoni. L-awtorità kompetenti tal-Istat Membru għandha tirreġistra dik l-informazzjoni fir-reġistru nazzjonali tal-vetturi tagħha.

1.Is-sistema elettronika MOVE-HUB żviluppata mill-Kummissjoni għandha tintuża għall-iskambju u l-verifika tan-Numru ta’ Identifikazzjoni tal-Vettura u l-informazzjoni dwar l-istatus tar-reġistrazzjoni tal-vettura u tal-affidabilità stradali bejn ir-reġistri nazzjonali tal-vetturi u s-sistemi elettroniċi dwar l-affidabilità stradali tal-Istati Membri, kif ukoll, għall-interkonnessjoni mal-Ambjent ta’ Tieqa Unika tal-UE għad-Dwana, fejn meħtieġ għall-kontrolli u r-rekwiżiti stabbiliti f’din it-Taqsima.

Il-Kummissjoni għandha, sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar ta’ wara 18-il xahar wara d-data tad-dħul fis-seħħ ta’ dan ir-Regolament], tadotta l-atti ta’ implimentazzjoni li jistabbilixxu l-arranġamenti meħtieġa għall-implimentazzjoni tal-funzjonalitajiet tal-MOVE-HUB imsemmi fil-paragrafu 2, inklużi l-aspetti tekniċi meħtieġa għall-interkonnessjoni tas-sistemi elettroniċi nazzjonali mal-MOVE-HUB, il-kundizzjonijiet tal-konnessjoni mal-MOVE-HUB, id-data li għandha tintbagħat mis-sistemi nazzjonali u l-format għat-trażmissjoni ta’ dik id-data permezz tas-sistemi nazzjonali interkonnessi.

(c)faċilitajiet u operaturi ekonomiċi oħrajn, li jistgħu jittrattaw vetturi li ma għadhomx jintużaw jew ibigħu spare parts u komponenti użati minn vetturi li ma għadhomx jintużaw.

3.L-Istati Membri għandhom iwettqu wkoll spezzjonijiet regolari dwar l-esportazzjoni ta’ vetturi użati sabiex jivverifikaw il-konformità mal-Artikolu 38.

1.L-Istati Membri għandhom jistabbilixxu, fir-rigward tal-awtoritajiet kompetenti rilevanti kollha involuti fl-infurzar ta’ dan ir-Regolament, mekkaniżmi effettivi li jippermettu lil dawk l-awtoritajiet jikkooperaw u jikkoordinaw domestikament dwar l-iżvilupp u l-implimentazzjoni ta’ politiki u attivitajiet ta’ infurzar relatati mal-monitoraġġ tar-reġistrazzjoni tal-vetturi, it-tneħħija tar-reġistrazzjoni, is-sospensjoni u l-kanċellazzjoni tar-reġistrazzjoni, il-vetturi neqsin, iċ-ċertifikazzjoni tal-qerda, l-esportazzjoni ta’ vetturi użati kif ukoll il-prevenzjoni tat-trattament illegali u tal-esportazzjoni illegali ta’ vetturi li ma għadhomx jintużaw.

L-Istati Membri għandhom jikkooperaw ma’ xulxin, fuq livell bilaterali u multilaterali, sabiex jiffaċilitaw il-prevenzjoni u l-kxif ta’ trattament illegali u ta’ esportazzjoni illegali ta’ vetturi li ma għadhomx jintużaw u biex jindirizzaw il-kwistjoni ta’ vetturi neqsin. Huma għandhom jiskambjaw l-informazzjoni rilevanti dwar ir-reġistrazzjoni tal-vetturi, it-tneħħija tar-reġistrazzjoni u s-sospensjoni u l-kanċellazzjoni tar-reġistrazzjoni, permezz tas-sistema ta’ skambju elettroniku msemmija fl-Artikolu 45. Huma għandhom jiskambjaw ukoll informazzjoni rilevanti dwar il-faċilitajiet ta’ trattament awtorizzati u l-operaturi tat-tiswija u l-manutenzjoni mhux permessi bħala faċilitajiet ta’ trattament awtorizzati, u faċilitajiet u operaturi ekonomiċi oħra, li jistgħu jwettqu operazzjonijiet li jikkonċernaw it-trattament ta’ vetturi li ma għadhomx jintużaw. Huma għandhom jaqsmu l-esperjenza u l-għarfien dwar il-miżuri ta’ infurzar fi ħdan strutturi stabbiliti.

(a)l-inċentivi introdotti biex jippromwovu l-użu mill-ġdid, ir-rimanifattura u r-rinnovazzjoni ta’ parts u komponenti f’konformità mal-Artikolu 33 u l-impatt tagħhom;

Il-Kummissjoni għandha tirrieżamina r-rapporti ppreżentati mill-Istati Membri u, tfassal u tippubblika rapporti dwar l-informazzjoni riċevuta sabiex tevalwa l-implimentazzjoni ta’ dan ir-Regolament fl-Istati Membri u sabiex tiffaċilita l-iskambju ta’ informazzjoni dwar l-aħjar prattiki applikati fl-Istati Membri.

(i)il-metodoloġija għad-determinazzjoni tal-ammont u l-piż tal-parts, tal-komponenti u tal-materjali mneħħija għall-finijiet imsemmija fil-paragrafu 1, il-punti (g), (h), (i) u (ma);

(b)il-format għar-rapportar lill-Kummissjoni msemmi fil-paragrafi 1, 2 u 3, kif ukoll il-format għar-rapport tal-kontroll tal-kwalità.

Dawk l-atti ta’ implimentazzjoni għandhom jiġu adottati sa ... [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar ta’ wara 24 xahar mid-dħul fis-seħħ ta’ dan ir-Regolament] f’konformità mal-proċedura ta’ eżami msemmija fl-Artikolu 51(2).

6.Il-produtturi, l-organizzazzjonijiet b’kompetenza fil-qasam tar-responsabbiltà tal-produtturi, l-operaturi tal-immaniġġar tal-iskart u operaturi ekonomiċi rilevanti oħra għandhom jipprovdu lill-awtoritajiet kompetenti data akkurata u affidabbli li tippermetti lill-Istati Membri jissodisfaw l-obbligi ta’ rapportar tagħhom skont dan l-Artikolu.

2.Is-setgħa ta’ adozzjoni ta’ atti delegati msemmija fl-Artikoli 5(4), 6(2), 6(3), 6(4), 7(3), 9(7), 11(3), 12(3), 21(2), 22(4), 27(4), 38(7) u 40(3) [il-lista finali għandha tiġi aġġornata kif jintemmu n-negozjati] għandha tingħata lill-Kummissjoni għal perjodu ta’ 5 snin minn [Uffiċċju tal-Pubblikazzjonijiet: Jekk jogħġbok daħħal id-data = id-data tad-dħul fis-seħħ ta’ dan ir-Regolament]. Il-Kummissjoni għandha tfassal rapport fir-rigward tad-delega ta’ setgħa mhux aktar tard minn 9 xhur qabel it-tmiem tal-perjodu ta’ 5 snin. Id-delega ta’ setgħa għandha tiġi estiża awtomatikament għal perjodi ta’ żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux aktar tard minn 3 xhur qabel it-tmiem ta’ kull perjodu.

3.Id-delega tas-setgħa msemmija fl-Artikoli 5(4), 6(2), 6(3), 6(4), 7(3), 9(7), 11(3), 12(3), 21(2), 22(4), 27(4), 38(7) u 40(3) [il-lista finali għandha tiġi aġġornata kif jintemmu n-negozjati] tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega tas-setgħa speċifikata f’dik id-deċiżjoni. Din għandha ssir effettiva l-għada tal-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandhiex taffettwa l-validità ta’ kwalunkwe att delegat li jkun diġà fis-seħħ.

6.Att delegat adottat skont l-Artikoli 5(4), 6(2), 6(3), 6(4), 7(3), 9(7), 11(3), 12(3), 21(2), 22(4), 27(4), 38(7) u 40(3) [il-lista finali għandha tiġi aġġornata kif jintemmu n-negozjati] għandu jidħol fis-seħħ biss jekk ma tkun ġiet espressa l-ebda oġġezzjoni la mill-Parlament Ewropew u lanqas mill-Kunsill fi żmien perjodu ta’ xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li ma humiex se joġġezzjonaw. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

1.Sal-31 ta’ Diċembru 203* [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tas-sena ta’ wara 95 xahar wara d-data tad-dħul fis-seħħ ta’ dan ir-Regolament], il-Kummissjoni għandha tirrieżamina u tfassal rapport dwar l-applikazzjoni ta’ dan ir-Regolament u l-impatt tiegħu fuq l-ambjent, is-saħħa tal-bniedem u l-funzjonament tas-suq uniku u tippreżentah lill-Parlament Ewropew u lill-Kunsill. Fejn ikun xieraq, ir-rapport għandu jkun akkumpanjat minn proposta leġiżlattiva għall-emendar tad-dispożizzjonijiet rilevanti ta’ dan ir-Regolament.

(a)il-ħtieġa li jiġi estiż l-ambitu ta’ dan ir-Regolament, b’mod partikolari d-dispożizzjonijiet tal-Kapitoli II u III, kif ukoll il-Kapitolu IV it-Taqsima II, għall-vetturi tal-kategoriji L1e, L2e, L3e, L4e, L5e, L6e u L7e kif definiti fl-Artikolu 4(2), tar-Regolament (UE) Nru 168/2013 u l-vetturi tal-kategoriji M2, M3, N2, N3 u O kif definiti fl-Artikolu 4(1) tar-Regolament (UE) 2018/858;

1.Vettura tkun irreparabbli meta tissodisfa wieħed jew aktar mill-kriterji li ġejjin:

(a)tkun ġiet imqatta’ f’biċċiet jew żmantellata għall-użu mill-ġdid tal-parts tagħha jew ma għadhiex tintuża bħala vettura;

imħassar

(c)tkun inħarqet sal-punt li l-kompartiment tal-magna jew il-kompartiment tal-passiġġieri jkun inqered għalkollox;

(d)tkun tgħaddset fl-ilma sa livell ogħla mid-dashboard;

(e)wieħed jew aktar mill-komponenti li ġejjin tal-vettura, mil-lat tekniku, la jistgħu jissewwew u lanqas ma jistgħu jiġu ssostitwiti:

(f)il-komponenti strutturali u ta’ sikurezza tagħha għandhom difetti tekniċi li huma irriversibbli u fejn il-ħsara tant tkun estensiva li t-tiswija jew is-sostituzzjoni ma jkunux teknikament fattibbli mingħajr ma jiġu kompromessi l-integrità strutturali dejjiema tal-vettura jew is-sikurezza fit-toroq;

imħassar

imħassar

imħassar

Il-kriterji li ġejjin jistgħu jintużaw ukoll waqt valutazzjoni individwali bħala ġustifikazzjoni addizzjonali biex jiġi ddeterminat jekk vettura użata hijiex vettura li ma għadhiex tintuża:

(b)ikun impossibbli li jiġi stabbilit min huwa s-sid;

imħassar

(d)ma tkunx protetta kif xieraq kontra l-ħsara matul il-ħżin, it-trasport, it-tagħbija u l-ħatt;

(e)din ġiet ittrasferita għat-trattament f’punt ta’ ġbir awtorizzat jew f’faċilità ta’ trattament tal-iskart awtorizzata;

1.Deskrizzjoni mhux teknika tal-azzjonijiet ippjanati biex jiġi żgurat li l-vetturi jissodisfaw ir-rekwiżiti legali msemmija fl-Artikoli 4 sa 7 matul il-produzzjoni tagħhom.

(b)tiġi ċċekkjata l-kompletezza tat-tagħrif li jasal mill-fornituri;

imħassar

3.Informazzjoni dwar is-suppożizzjonijiet dwar it-teknoloġiji tat-trattament fi tmiem il-ħajja fis-seħħ, il-progress teknoloġiku rilevanti fit-teknoloġiji tat-trattament fi tmiem il-ħajja u l-investiment tal-kapaċità f’teknoloġiji bħal dawn;

5.Lista ta’ azzjonijiet li l-manifattur jimpenja ruħu li jwettaq sabiex jiżgura li t-trattament ta’ vetturi li ma għadhomx jintużaw jitwettaq f’konformità ma’ dan ir-Regolament, b’enfasi partikolari fuq:

(a)miżuri mfassla biex jiffaċilitaw it-tneħħija b’mod mhux distruttiv ta’ parts indikati fl-Anness VII, il-Parti C;

(b)b’kooperazzjoni ma’ operaturi tal-immaniġġar tal-iskart jew istituti tar-riċerka, miżuri li jikkontribwixxu għall-iżvilupp ta’ teknoloġiji ta’ riċiklaġġ għal materjali u komponenti użati fil-vetturi, li għalihom teknoloġiji bħal dawn ma humiex disponibbli b’mod wiesa’ fuq skala kummerċjali;

imħassar

(d)miżuri biex jiġu indirizzati l-isfidi ppreżentati mill-użu ta’ materjali u tekniki li jxekklu l-iżmantellar faċli jew jagħmlu r-riċiklaġġ diffiċli ħafna;

imħassar

imħassar

Qabel ma jsiru applikabbli l-Artikoli 4 sa 7, l-istrateġija taċ-ċirkolarità għandha tispjega kif il-manifattur jikkonforma mar-rekwiżiti taċ-ċirkolarità stabbiliti fid-Direttiva 2005/64/KE.

1.Il-manifatturi għandhom jipprovdu aġġornament tal-istrateġija taċ-ċirkolarità kull 5 snin.

2.L-istrateġija aġġornata taċ-ċirkolarità għandha tinkludi l-bidliet ġodda rilevanti u b’mod partikolari dawn li ġejjin:

(a)deskrizzjoni ta’ kif twettqu l-azzjonijiet imsemmija fil-Parti A u, fil-każ li ma tkunx twettqet azzjoni waħda jew aktar indikati fl-istrateġija, spjegazzjoni tar-raġunijiet għal dan;

(b)valutazzjoni tal-effettività tal-azzjonijiet imsemmija fil-Parti A;

(c)informazzjoni dwar il-bidliet sinifikanti fid-disinn u fil-produzzjoni mwettqa mill-manifattur biex itejjeb iċ-ċirkolarità tal-vetturi.

imħassar

1.Batteriji ta’ vetturi elettriċi u batteriji ta’ mezzi tat-trasport ħfief (batteriji LMT) inkorporati fil-vettura:

(a)numru tat-tagħmir oriġinali;

(a)numru tat-tagħmir oriġinali;

(b)numru tat-tagħmir oriġinali;

(a)numru tat-tagħmir oriġinali;

(c)struzzjonijiet tekniċi dwar l-aċċess, it-tneħħija u s-sostituzzjoni, inklużi l-kapaċità ta’ tneħħija tar-reġistrazzjoni jew ta’ diżakkoppjar ta’ part min-numru ta’ identifikazzjoni tal-vettura (VIN) ta’ vettura li ma għadhiex tintuża u, fejn meħtieġ, ir-reġistrazzjoni tagħha mill-ġdid fis-sistema ta’ informazzjoni tal-manifattur tal-vettura biex din tkun tista’ tiġi installata f’vettura oħra; - l-ikkowdjar u s-software neċessarji biex jiġu attivati l-ispare parts u l-komponenti biex jiffunzjonaw f’vettura oħra, bl-użu ta’ għodod dijanjostiċi ta’ diversi ditti u s-server backend tal-manifattur tal-vettura għall-vettura msewwija, jekk ikun meħtieġ;

imħassar

(b)is-sistemi tal-arja kundizzjonata u r-refriġeranti għandhom jiġu ttrattati f’konformità mar-Regolament (UE) 2024/573;

1.Batteriji ta’ vetturi elettriċi kif definiti fl-Artikolu 3, il-punt (14), ta’ dan ir-Regolament u batteriji LMT, kif definiti fl-Artikolu 3, il-punt (11), tar-Regolament (UE) 2023/1542, inklużi s-sistemi tal-ġestjoni tal-batterija tagħhom, iċ-ċarġers abbord għall-vetturi elettriċi, u l-kejsing jew il-kassetti, jekk ikun hemm;

3.Batteriji SLI kif iddefiniti fl-Artikolu 3, il-punt (12), tar-Regolament (UE) 2023/1542 u batteriji portabbli kif definiti fl-Artikolu 3, il-punt (9), tar-Regolament (UE) 2023/1542;

imħassar

11.Parts direttament aċċessibbli tas-sistema ta’ inforikreazzjoni;

imħassar

15.Kontenituri tal-fjuwil;

imħassar

imħassar

imħassar

(i)il-part jew il-komponent għandu jkun fih il-parts kollha rilevanti;

(ii)valutazzjoni tal-ħsara, funzjonalità mnaqqsa jew prestazzjoni u tiswijiet meħtieġa biex il-part jew il-komponent jiġi rrestawrat għal stat li fih ikun potenzjalment tajjeb biex jiġi rimanifatturat jew rinnovat;

(iii)spezzjoni viżwali turi li l-korrużjoni ma timpedix il-funzjonalità tal-part jew tal-komponent.

imħassar

2.Sistemi għall-posttrattament tal-emissjonijiet (eż. konvertituri katalitiċi, filtri tal-partikoli) jekk dawk il-parts ma jkunux koperti mill-garanzija li tiddikjara li l-part hija konformi mat-test tal-affidabbiltà stradali relatat kif stabbilit fl-Artikolu 4 tad-Direttiva 2014/45/UE.

2.Il-batteriji tal-vetturi elettriċi għandhom jiġu ttrattati f’konformità mal-Artikolu 70 tar-Regolament (UE) 2023/1542.

1.Sabiex jikkonformaw mal-Artikolu 28(3) ta’ dan ir-Regolament, il-vetturi li ma għadhomx jintużaw jistgħu jitqattgħu flimkien ma’ skart ieħor biss jekk:

2.Rapport ta’ bilanċ tal-massa tal-analiżi tal-kampjun dwar il-kwalità u l-kwantità tal-frazzjonijiet tat-trattament (output) għal konfigurazzjoni tat-trattament rappreżentattiva pprovduta minn korp indipendenti.

1.L-informazzjoni li għandha tiġi ppreżentata mill-produttur jew mir-rappreżentant awtorizzat tiegħu għar-responsabbiltà estiża tal-produttur:

7.L-isem u l-indirizz tal-pussessur jew tas-sid tal-vettura kunsinnata.