(4)An t-aiseolas agus taithí ón dá bhliain de chur chun feidhme na bPleananna Straitéiseacha CBT faoi chreat dlíthiúil CBT an Aontais atá ann faoi láthair, cuireann sé in iúl go bhfuil gá le tuilleadh coigeartuithe teoranta ar an reachtaíocht sin chun aghaidh a thabhairt ar na scrogaill agus na castachtaí a sainaithníodh. Áirítear orthu sin nach gcuirtear imthosca, cleachtais agus riachtanais shonracha grúpaí áirithe feirmeoirí — amhail feirmeoirí orgánacha, feirmeoirí óga, feirmeoirí beaga agus feirmeoirí beostoic — san áireamh go leordhóthanach fós i gcreat dlíthiúil CBT an Aontais, rud nach gceadaíonn do na Ballstáit na hionstraimí éagsúla a chur in oiriúint do chúinsí, riachtanais agus cleachtais shonracha na bhfeirmeoirí sin. Chomh maith leis sin, tá tearcúsáid á baint as deiseanna simpliúcháin áirithe laistigh de CBT, ar nós cnapshuimeanna nó roghanna costais simplithe a úsáid, mar gheall ar chastachtaí maidir lena gcur chun feidhme agus lena mbainistiú. D’fhéadfadh sé sin a bheith ina chúis le ceanglais fhorluiteacha nó dhébhríocha le haghaidh feirmeoirí, rochtain feirmeoirí ar thacaíocht a dhéanamh níos casta, agus bac a chur ar dheiseanna forbartha gnó le haghaidh feirmeoirí, ar nós feirmeoirí óga agus feirmeoirí nua. Tá dolúbthachtaí áirithe sna rialacha a bhfuil tionchar acu ar an gcaoi a ndéanann na Ballstáit a bPleananna Straitéiseacha CBT a bhainistiú agus a leasú agus ar an gcaoi a gcomhlíonann siad a n-oibleagáidí tuairiscithe. Ar deireadh, ní mór an t-ualach a bhaineann le cuairteanna agus rialuithe ar an bhfeirm a mhaolú fós, is é sin an t-ualach ar fheirmeoirí agus ar chomhlachtaí riaracháin araon, go háirithe trí mhodheolaíochtaí níos éifeachtúla a thabhairt isteach le haghaidh measúnuithe cáilíochta agus rialuithe coinníollachta ar an gCóras Comhtháite Riaracháin agus Rialúcháin (CCRR). Trí na scrogaill agus na dolúbthachtaí sin a shárú, ba cheart go gcuideofaí leis na Ballstáit úsáid a bhaint as Pleananna Straitéiseacha CBT chun deiseanna a uasmhéadú ar mhaithe le feirmeoirí agus tairbhithe eile CBT, chun an t-ualach riaracháin agus an chastacht a laghdú, agus chun úsáid níos fearr a bhaint as acmhainní tearca.

(6)Chun an riosca a íoslaghdú go n-imreofar tionchair dhiúltacha ar an margadh aonair agus ar thrádáil idirnáisiúnta na n-íocaíochtaí nua géarchéime le feirmeoirí tar éis tubaistí nádúrtha, teagmhais dhíobhálacha aeráide agus teagmhais thurraingeacha i gcomhréir le hAirteagail 41a agus 78a de Rialachán (AE) 2021/2115, ba cheart do na Ballstáit na hidirghabhálacha faoina bhfuil an tacaíocht sin ón Aontas le deonú a cheapadh sa chaoi go gcáileoidh siad faoi chritéir Iarscríbhinn 2 a ghabhann le Comhaontú na hEagraíochta Domhanda Trádála (EDT) maidir leis an Talmhaíocht (‘Bosca Glas’).

(8)I bhfianaise chineál eisceachtúil na híocaíochta a gheobhadh an feirmeoir i gcás géarchéime, tar éis dó caillteanais shuntasacha táirgeachta de dheasca tubaistí nádúrtha a fhulaingt, teagmhais dhíobhálacha aeráide nó teagmhais thurraingeacha eile, agus chun comhleanúnachas a áirithiú leis na híocaíochtaí dá dtagraítear in Airteagal 78a de Rialachán (AE) 2021/2115, níor cheart feidhm a bheith ag an gcóras coinníollachta dá dtagraítear in Airteagal 12 den Rialachán sin maidir le híocaíochtaí fhorlíontacha le feirmeoirí tar éis tubaistí nádúrtha, teagmhais dhíobhálacha aeráide nó teagmhais thurraingeacha faoi íocaíochtaí díreacha, dá dtagraítear in Airteagal 41a den Rialachán sin.

(9)Is é is aidhm don chóras coinníollachta lena gcuimsítear Ceanglais Reachtúla Bhainistíochta (CRB) agus Caighdeáin maidir le Dea-riocht Talmhaíochta agus Comhshaoil Talún (GAEC) rannchuidiú le talmhaíocht inbhuanaithe a fhorbairt trí fheasacht mhéadaithe a bheith ag na tairbhithe ar an ngá atá leis na bunchaighdeáin agus na buncheanglais sin a chomhlíonadh. Is é is aidhm dó freisin comhsheasmhacht CBT leis na cuspóirí comhshaoil, sláinte phoiblí, sláinte plandaí agus leasa ainmhithe a shaothraítear le reachtaíocht an Aontais a mhéadú. Mar sin féin, ós rud é go bhfuil teorainn leis an limistéar talmhaíochta atá á bhainistiú ag feirmeoirí beaga a thairbhíonn d’íocaíochtaí faoi na hidirghabhálacha dá dtagraítear in Airteagal 28 de Rialachán (AE) 2021/2115, ní leor na tairbhí a bhaineann leis an gcóras coinníollachta a chur i bhfeidhm maidir leis na feirmeoirí beaga sin a bhainistíonn formhór na bhfeirmeacha san Aontas i gcomparáid le costais shuntasacha, agus cuireann sé ualach riaracháin mór ar na feirmeoirí agus ar na riaracháin náisiúnta sin. Chun na costais sin a laghdú agus chun an t-ualach riaracháin gaolmhar a éascú, is iomchuí feirmeoirí beaga a dhíolmhú ó chur i bhfeidhm an chórais coinníollachta.

(11)Is é is aidhm do chaighdeán GAEC 1, a liostaítear in Iarscríbhinn III a ghabhann le Rialachán (AE) 2021/2115 féarthalamh buan a choinneáil ar bun chun stoc carbóin a chaomhnú. Le pointí 1.7.3 agus 1.9.1.1 d’Iarscríbhinn II a ghabhann le Rialachán (AE) 2018/848, cuirtear i dtábhacht a thábhachtaí atá sé úsáid innilte agus féaraigh a uasmhéadú, rud a chuireann cosc ar fhéarthalamh buan a thiontú ar mhaithe le húsáidí talún eile, agus i gcomhréir le príomhchuspóir chaighdeán 1 GAEC, caomhnaítear stoc carbóin i bhféarthailte buana. Is é is aidhm do chaighdeáin GAEC 3, 5 agus 6, a liostaítear in Iarscríbhinn III a ghabhann le Rialachán (AE) 2021/2115 ábhar orgánach ithreach a choinneáil ar bun, creimeadh a theorannú, agus ithreacha a chosaint le linn tréimhsí íogaire, faoi seach. Baintear na cuspóirí sin amach cheana féin trí na cleachtais curaíochta agus saothraithe a chuirtear i bhfeidhm i dtáirgeadh plandaí orgánacha, go háirithe iad siúd dá dtagraítear i bpointe 1.9. d’Iarscríbhinn II a ghabhann le Rialachán (AE) 2018/848. Is é is aidhm do chaighdeán GAEC 4, a liostaítear in Iarscríbhinn III a ghabhann le Rialachán (AE) 2021/2115, uisce a chosaint ar thruailliú. Ar an gcaoi chéanna, is é is aidhm do phointí 1.5, 1.7, 1.9 agus 1.10 d’Iarscríbhinn II a ghabhann le Rialachán (AE) 2018/848 an riosca truaillithe uisce a laghdú trí úsáid táirgí íocshláinte tréidliachta a theorannú, úsáid leasachán agus lotnaidicídí a shrianadh, agus dlús stocála a shrianadh. Is léir ón taithí a fuarthas go bhfuil tionchar dearfach ag an bhfeirmeoireacht orgánach a mhéid a bhaineann le láisteadh cothaitheach agus rith chun srutha cothaitheach, rud a fhágann gur lú an dóchúlacht go gcuirfeadh feirmeoir orgánach cáilíocht an uisce i mbaol, agus ar an gcaoi sin go mbainfí amach príomhchuspóir chaighdeán GAEC 4. Dá bhrí sin, i bhfianaise na bprionsabal agus na rialacha a leagtar síos i Rialachán (AE) 2018/848 agus na gcleachtas atá ann cheana faoi na córais feirmeoireachta orgánaí, feirmeoirí orgánacha a bhfuil a ngabháltas iomlán deimhnithe i gcomhréir le Rialachán (AE) 2018/848, ba cheart a mheas go gcomhlíonann siad caighdeáin GAEC 1, 3, 4, 5 agus 6, mar is amhlaidh cheana i ndáil le caighdeán GAEC 7.

(13)I bhfianaise chineál eisceachtúil na híocaíochta a gheobhadh an feirmeoir i gcás géarchéime, tar éis dó caillteanais shuntasacha táirgeachta de dheasca tubaistí nádúrtha a fhulaingt, teagmhais dhíobhálacha aeráide nó teagmhais thurraingeacha eile, agus chun comhleanúnachas a áirithiú leis na híocaíochtaí dá dtagraítear in Airteagal 78a de Rialachán (AE) 2021/2115, níor cheart feidhm a bheith ag an gcóras coinníollachta dá dtagraítear in Airteagal 14 den Rialachán sin maidir le híocaíochtaí forlíontacha le feirmeoirí tar éis tubaistí nádúrtha, teagmhais dhíobhálacha aeráide nó teagmhais thurraingeacha faoi íocaíochtaí díreacha dá dtagraítear in Airteagal 41a den Rialachán sin.

(14)Tá méadú ag teacht ar mhinicíocht, déine agus fad na dtubaistí nádúrtha, na dteagmhas díobhálach aeráide agus na dteagmhas turraingeach agus tá tionchar suntasach acu ar earnáil na talmhaíochta san Aontas. Le Rialachán (AE) 2021/2115, soláthraítear cheana sraith uirlisí d’fheirmeoirí chun athléimneacht a fhorbairt agus chun freagairt do ghéarchéimeanna. Mar sin féin, i ngeall ar scála na n-imeachtaí agus a gcineál tobann urghnách, tá gá le hionstraimí leathnaithe atá ar fáil do na Ballstáit. Dá bhrí sin, is iomchuí foráil a dhéanamh maidir le híocaíochtaí géarchéime forlíontacha le feirmeoirí agus iad a áireamh mar chineál nua idirghabhála i bhfoirm íocaíochtaí díreacha in Airteagal 16 den Rialachán sin.

(15)Le hAirteagal 19 de Rialachán (AE) 2021/2115, beidh Ballstát in ann suas le 3 % de na híocaíochtaí díreacha a íoc le feirmeoir chun tacú le ranníocaíocht na bhfeirmeoirí le huirlis bainistithe riosca. Na Ballstáit a chinneann an rogha sin a úsáid, ní mór dóibh í a chur i bhfeidhm í maidir le gach tairbhí a fhaigheann íocaíochtaí díreacha in aon bhliain ar leith. Is léir ón taithí a fuarthas nach mbaineann ach fíorbheagán Ballstát úsáid as an rogha sin. Léiríodh sa phlé leis na Ballstáit gur bac ar chur chun feidhme na forála sin é an easpa uirlisí bainistithe riosca, arna mbunú ag na Ballstáit nó atá ar fáil trí árachas príobháideach, atá ar fáil do gach feirmeoir a fhaigheann íocaíochtaí díreacha. Chun glacadh agus úsáid na deise dá bhforáiltear in Airteagal 19 den Rialachán sin a mhéadú, is gá a chur chun feidhme a dhéanamh níos solúbtha agus é a chur in oiriúint do na huirlisí bainistíochta atá ann cheana sna Ballstáit. Mar thoradh ar an leasú sin, ba cheart do na Ballstáit a bheith in ann suas le 3 % de na híocaíochtaí díreacha a choinneáil, íocaíochtaí atá le híoc leis na feirmeoirí sin ar ar mhaithe leo amháin is ann do scéimeanna bainistithe riosca in aon bhliain ar leith. Na Ballstáit inarb ann do scéimeanna bainistithe riosca le haghaidh gach tairbhí íocaíochtaí díreacha, ba cheart dóibh a bheith in ann leanúint de suas le 3 % d’íocaíochtaí díreacha na dtairbhithe sin go léir a choinneáil.

(21)Sna chéad bhlianta de chur chun feidhme na bPleananna Straitéiseacha CBT, bhí tionchar ag tubaistí nádúrtha, teagmhais dhíobhálacha aeráide nó teagmhais thurraingeacha eile ar tháirgeacht roinnt mhaith feirmeoirí ar fud an Aontais. Tá coinne le go leanfaidh an treocht sin ar aghaidh amach anseo. Dá bhrí sin, ba cheart na Ballstáit a bheith in ann íocaíochtaí géarchéime a thairiscint i bhfoirm tacaíocht ioncaim dhírigh mhéadaithe ionas gur féidir na feirmeoirí is mó a ndéantar difear dóibh a chúiteamh go tapa. Chun an dreasacht le haghaidh feirmeoirí a choinneáil ar bun chun a dtáirgeacht a árachú, ba cheart do na Ballstáit ráta cúitimh níos airde a leagan síos le haghaidh na bhfeirmeoirí sin a chumhdaítear trí scéim árachais nó trí uirlis bainistithe riosca eile. Chun na cistí atá le húsáid chun tacú le feirmeoirí a mhéadú, ba cheart cead a bheith ag na Ballstáit na híocaíochtaí géarchéime sin a chómhaoiniú le maoiniú náisiúnta breise suas le 200 %. Ba cheart do na Ballstáit a áirithiú, áfach, nach mbeidh róchúiteamh ná cistiú dúbailte ann mar thoradh ar an gcúiteamh iomlán a fhaigheann an feirmeoir, agus é á charnadh le foirmeacha eile tacaíochta de chuid an Aontais nó de thacaíocht arna maoiniú go náisiúnta (lena n-áirítear maoiniú náisiúnta breise), árachas príobháideach nó scéimeanna bainistithe riosca eile.

(33)Chun tacaíocht éifeachtúil a thabhairt d’fheirmeoirí a ndearna tubaistí nádúrtha, teagmhais dhíobhálacha aeráide nó teagmhais thurraingeacha eile damáiste dá dtáirgeacht, ba cheart na Ballstáit a bheith in ann íocaíochtaí géarchéime a phleanáil, ní hamháin trí idirghabhálacha tacaíochta ioncaim dírí, ach trí idirghabhálacha le haghaidh forbairt tuaithe freisin. Leis na cineálacha tacaíochta sin, ba cheart solúbthacht leordhóthanach a thabhairt do na Ballstáit maidir leis na hidirghabhálacha a phleanáil. Mar sin féin, ba cheart do na Ballstáit comhsheasmhacht a áirithiú idir na hidirghabhálacha sin. Dá réir sin, na forálacha maidir le spriocdhíriú tacaíochta agus an éifeacht dreasachta, ba cheart iad a bheith mar an gcéanna. Chun bainistíocht fhónta airgeadais chistí an Aontais a áirithiú, ba cheart do na Ballstáit a áirithiú nach mbeidh róchúiteamh ná cistiú dúbailte ann mar thoradh ar an gcúiteamh iomlán a fhaigheann an feirmeoir, agus é á charnadh le foirmeacha eile tacaíochta de chuid an Aontais nó de thacaíocht arna maoiniú go náisiúnta (lena n-áirítear maoiniú náisiúnta breise), árachas príobháideach nó scéimeanna bainistithe riosca eile.

(40)Le hAirteagal 86(2) agus (3) de Rialachán (AE) 2021/2115, leagtar síos rialacha maidir le hincháilitheacht an chaiteachais a eascraíonn as leasuithe ar Phleananna Straitéiseacha CBT le haghaidh ranníocaíocht ó CERT agus CETFT, faoi seach. Chun na rialacha maidir le hincháilitheacht chaiteachais a shimpliú, chun feabhas a chur ar shineirgí idir CERT agus CETFT agus chun an tsolúbthacht a mhéadú le haghaidh na mBallstát chun dátaí éifeachta na leasuithe a bhaineann le CERT ar Phleananna Straitéiseacha CBT a chinneadh, is iomchuí incháilitheacht caiteachais a eascraíonn as leasú straitéiseach formheasta ar Phlean Straitéiseach CBT le haghaidh ranníocaíocht CERT a cheadú ó dháta éifeachta an leasaithe arna shocrú ag an mBallstát lena mbaineann i gcomhréir le hAirteagal 119(8) den Rialachán sin, ach tráth nach luaithe ná an dáta a chuirtear an iarraidh ar leasú faoi bhráid an Choimisiúin. I gcás leasuithe eile ar Phleananna Straitéiseacha CBT a bhaineann le CERT, ba cheart an caiteachas a bheith incháilithe le haghaidh ranníocaíocht ó CERT ón dáta a thabharfar fógra faoin leasú don Choimisiún, mar a leagtar síos in Airteagal 119(9) de Rialachán (AE) 2021/2115, arna leasú leis an Rialachán seo. Chun comhleanúnachas a áirithiú idir na rialacha a bhaineann le hincháilitheacht do ranníocaíocht ó CERT agus CETFT i gcásanna ina bhfuil bearta éigeandála i gceist i ngeall ar thubaistí nádúrtha, teagmhais thurraingeacha nó teagmhais dhíobhálacha aeráide, incháilitheacht an chaiteachais arna mhaoiniú ag CERT a bhaineann le leasuithe ar Phleananna Straitéiseacha CBT a bhaineann le híocaíochtaí géarchéime forlíontacha le feirmeoirí faoi íocaíochtaí díreacha dá dtagraítear in Airteagal 41a den Rialachán sin, ba cheart a bheith in ann a shuí i bPleananna Straitéiseacha CBT go bhféadfaidh siad tosú ón dáta ar tharla an teagmhas.

(41)Chun maoiniú leordhóthanach a áirithiú le haghaidh na gcineálacha nua idirghabhála le haghaidh íocaíochtaí géarchéime le feirmeoirí tar éis tubaistí nádúrtha, teagmhais dhíobhálacha aeráide nó teagmhais thurraingeacha dá dtagraítear in Airteagail 41a agus 78a de Rialachán (AE) 2021/2115, ba cheart na Ballstáit a bheith in ann sciar áirithe d’íocaíochtaí díreacha agus de chistiú CETFT araon a fhorchoimeád le haghaidh na gcineálacha idirghabhála sin. Mar sin féin, d’fhonn a áirithiú go mbeidh maoiniú leordhóthanach ar fáil fós chun tosaíochtaí eile CBT a bhaint amach, ba cheart an sciar sin a theorannú d’uasmhéid bliantúil atá ar fáil in aghaidh an Bhallstáit, méid a chomhfhreagraíonn do 3 % d’iomlán na n-íocaíochtaí díreacha agus de chistiú CETFT in aghaidh na bliana. Chun na Ballstáit a spreagadh chun tús áite a thabhairt d’úsáid na hionstraime a leagtar amach in Airteagal 41a den Rialachán sin agus a mhaoinítear le cistiú íocaíochtaí díreacha, ba cheart an t-uasmhéid bliantúil is féidir le Ballstát a chur i leataobh le haghaidh an chineáil idirghabhála sin a bheith comhfhreagairt do 4 % d’iomlán na n-íocaíochtaí díreacha agus de chistiú CETFT in aghaidh na bliana, má chinneann an Ballstát gan tacaíocht a sholáthar d’íocaíochtaí géarchéime faoi Airteagal 78a den Rialachán sin.

(42)Mar gheall ar a gcineál ar leith, na cineálacha nua idirghabhála le haghaidh íocaíochtaí géarchéime le feirmeoirí faoi íocaíochtaí díreacha dá dtagraítear in Airteagal 41a de Rialachán (AE) 2021/2115 agus faoin bhforbairt tuaithe dá dtagraítear in Airteagal 78a den Rialachán sin, ba cheart iad a dhíolmhú ón oibleagáid rannchuidiú leis na táscairí toraidh a liostaítear in Iarscríbhinn I a ghabhann leis an Rialachán sin.

(43)An maoiniú náisiúnta breise le haghaidh íocaíochtaí géarchéime forlíontacha le feirmeoirí dá bhforáiltear i gcomhréir le hAirteagal 41a de Rialachán (AE) 2021/2115, ba cheart é a áireamh in Iarscríbhinn V a ghabhann le Plean Straitéiseach CBT an Bhallstáit.

(44)Foráiltear le hAirteagal 119(4) de Rialachán (AE) 2021/2115 go bhformheasfaidh an Coimisiún iarrataí ar leasuithe ar Phleananna Straitéiseacha CBT a chuireann na Ballstáit isteach. Le hAirteagal 119(9) den Rialachán sin, cuirtear ar a gcumas do na Ballstáit modhnuithe a dhéanamh agus a chur i bhfeidhm ar phleananna straitéiseacha CBT a bhaineann leis na hidirghabhálacha dá dtagraítear i dTeideal III, Caibidil IV, den Rialachán sin, arna bhformheas ag an gCoimisiún in éineacht leis an gcéad iarraidh eile ar leasú. Is léir ón taithí a fuarthas gur minic a bhíonn roinnt mhaith eilimintí teicniúla sna leasuithe ar Phleananna Straitéiseacha CBT a fhágann go mbíonn siad casta, dochraideach do na Ballstáit, agus go mbíonn moilleanna ar na nósanna imeachta formheasa mar thoradh orthu cé nach bhfuil aon athrú ar threoshuíomh straitéiseach na bPleananna. Cuireann sé sin isteach ar Phleananna Straitéiseacha CBT a oiriúnú go tráthúil agus go héifeachtach do réaltacht eacnamaíoch atá ag athrú agus do riachtanais feirmeoirí agus tairbhithe eile sna Ballstáit agus bíonn tionchar diúltach aige ar chur chun feidhme na bPleananna sin. Chun éifeachtúlacht na nósanna imeachta um leasú a shimpliú agus a fheabhsú, go háirithe maidir le gnéithe de na Pleananna Straitéiseacha CBT nach de chineál straitéiseach iad, níor cheart formheas ón gCoimisiún a cheangal ach amháin le haghaidh leasuithe straitéiseacha ar Phleananna Straitéiseacha CBT. Chun na críche sin, ba cheart leasuithe straitéiseacha a shainmhíniú i Rialachán (AE) 2021/2115 mar leasuithe ar eilimintí tábhachtacha de Phleananna Straitéiseacha CBT a mbíonn tionchar suntasach acu ar straitéis agus loighic idirghabhála na bpleananna sin, lena n-áirítear aistrithe leithdháiltí airgeadais idir CETFT agus CERT, leithdháilte airgeadais uasta agus íosta, agus athruithe ar phleananna sprice agus airgeadais. Ba cheart do na Ballstáit a bheith in ann gach leasú eile ar a bPleananna Straitéiseacha CBT a dhéanamh agus a chur i bhfeidhm tar éis fógra a thabhairt don Choimisiún fúthu, agus níor cheart na leasuithe eile sin a bheith faoi réir formheas a fháil ón gCoimisiúin.

(53)An maoiniú náisiúnta breise le haghaidh íocaíochtaí géarchéime forlíontacha le feirmeoirí dá bhforáiltear i gcomhréir le hAirteagal 41a de Rialachán (AE) 2021/2115, ba cheart é é a bheith faoi réir na rialacha céanna le maoiniú náisiúnta faoin bhforbairt tuaithe.

(55)Leagtar amach in Iarscríbhinn I a ghabhann le Rialachán (AE) 2021/2115 táscairí tionchair, toraidh agus aschuir de bhun Airteagal 7 den Rialachán sin. An tábla ‘Imréiteach feidhmíochta bliantúil — OUTPUT’ in Iarscríbhinn I a ghabhann leis an Rialachán sin, ba cheart é a ionadú chun táscairí aschuir a thabhairt isteach atá nasctha leis na cineálacha idirghabhála nua a tugadh isteach agus leis na cineálacha idirghabhála leasaithe agus chun scriosadh an imréitigh feidhmíochta bhliantúil dá bhforáiltear in Airteagal 54 de Rialachán (AE) 2021/2116 leis an Rialachán seo a chur san áireamh.

(56)In Iarscríbhinn II a ghabhann le Rialachán (AE) 2021/2115, liostaítear ina míreanna ábhartha d’Iarscríbhinn 2 a ghabhann le Comhaontú na hEagraíochta Domhanda Trádála ar Thalmhaíocht (‘Bosca Glas’) le haghaidh gach cineáil idirghabhála den Rialachán sin. Dá bhrí sin, na cineálacha idirghabhála a tugadh isteach le déanaí le haghaidh íocaíochtaí géarchéime le feirmeoirí faoi íocaíochtaí díreacha dá dtagraítear in Airteagal 41a de Rialachán (AE) 2021/2115 agus le haghaidh forbairt tuaithe dá dtagraítear in Airteagal 78a den Rialachán sin, ba cheart iad a áireamh san Iarscríbhinn sin.

(61)Is léir ón taithí a fuarthas agus an cúlchiste talmhaíochta á chur chun feidhme go bhfuil sé luachmhar i gcás géarchéime chun tacaíocht a thabhairt d’fheirmeoirí a ndéantar difear dóibh agus chun cuidiú leis na margaí cothromaíocht níos fearr a bhaint amach arís. Le blianta beaga anuas, áfach, bhí méadú ag teacht ar an úsáid a baineadh as chun cás na bhfeirmeoirí a fhulaingíonn caillteanais dhíreacha de dheasca tubaistí nádúrtha, teagmhais dhíobhálacha aeráide nó teagmhais thurraingeacha a mhaolú, cé gurbh é an cuspóir bunaidh a bhí leis mar ionstraim maoiniúcháin le haghaidh an mhargaidh díriú ar thionchair shuaití sa mhargadh a chúiteamh agus a mhaolú. I bhfianaise na ndúshlán méadaitheach atá roimh earnáil talmhaíochta an Aontais, lena n-áirítear teannas trádála, neamhchinnteacht gheopholaitiúil agus tionchar indíreach méadaithe saincheisteanna sláinte ainmhithe ar chothromaíocht an mhargaidh, is cosúil go bhfuil údar leis an gcúlchiste a athdhíriú ar a chuspóir bunaidh. Na Ballstáit atá i gceannas ar straitéisí láidre bainistithe riosca agus géarchéime a fhorbairt le tacaíocht airgeadais óna bPleananna Straitéiseacha CBT, lena n-áirítear na hionstraimí nua a bhunaítear leis an Rialachán seo, ba cheart dóibh aghaidh a thabhairt ar chúiteamh d’fheirmeoirí as éifeachtaí díreacha tubaistí nádúrtha, teagmhais dhíobhálacha aeráide nó teagmhais thurraingeacha, amhail iad siúd as a n-eascraíonn caillteanais fhisiceacha plandaí, ainmhithe agus táirgí díobh. Maidir le bearta chun an tionchar diúltach ar fheirmeoirí a eascraíonn as suaitheadh sa mhargadh a chothromú, ar nós na mbeart sin a dhéanann difear do phraghsanna, do chostais nó do dhíolacháin, agus nuair a ghintear iad mar éifeachtaí indíreacha tubaistí nádúrtha, teagmhais dhíobhálacha aeráide nó teagmhais thurraingeacha, ba cheart leanúint de na bearta sin a mhaoiniú leis an gcúlchiste talmhaíochta.

(80)Ós rud é gur leithdháileadh cistí cheana féin ó chúlchiste talmhaíochta 2025 le haghaidh earnálacha a ndéanann teagmhais dhíobhálacha aeráide agus tubaistí nádúrtha difear dóibh dá bhforáiltear i Rialachán Cur Chun Feidhme (AE) 2025/44119 ón gCoimisiún, ba cheart feidhm a bheith ag Airteagal 2, pointe (5) den Rialachán seo ón mbliain airgeadais talmhaíochta 2026, i.e. ón 16 Deireadh Fómhair 2025 amháin.

__________________

‘is é a bheidh i gceist le ‘féarthailte buana agus féarach buan’ (dá dtagraítear i dteannta a chéile mar ‘féarthailte buana’) talamh a úsáidtear chun féar nó foráiste luibheach eile a fhás go nádúrtha (féinsíolaithe) nó trína shaothrú (síolaithe) agus nár áiríodh in uainíocht bharr an ghabháltais ar feadh 5 bliana nó níos mó nó, i gcás ina gcinneann na Ballstáit amhlaidh, ar feadh 7 mbliana nó níos mó agus, i gcás ina gcinnfidh na Ballstáit amhlaidh, nár treabhadh, ná nár saothraíodh, ná nár athshíolaíodh le cineálacha difriúla féar nó foráiste luibheach eile, ar feadh 5 bliana nó níos mó nó ar feadh 7 mbliana nó níos mó. Féadfaidh speicis eile amhail toir nó crainn atá in-innilte, agus, i gcás ina gcinnfidh na Ballstáit amhlaidh, speicis eile amhail toir nó crainn lena ndéantar beatha ainmhithe a tháirgeadh a bheith mar chuid de sin, ar choinníoll go bhfuil na féara agus an foráiste luibheach eile ceannasach i gcónaí.

1.Áireoidh na Ballstáit ina bPleananna Straitéiseacha CBT córas coinníollachta faoina mbeidh feirmeoirí agus tairbhithe eile a fhaigheann íocaíochtaí díreacha faoin Chaibidil II, cé is moite de na híocaíochtaí dá dtagraítear in Airteagal 41a, nó íocaíochtaí bliantúla faoi Airteagal 70, Airteagal 71 agus Airteagal 72 faoi réir pionós riaracháin mura gcomhlíonfaidh siad na ceanglais reachtúla bainistíochta faoi dhlí an Aontais agus na caighdeáin GAEC a bhunaítear sa Phleananna Straitéiseacha CBT, mar a liostaítear in Iarscríbhinn III, a bhaineann leis na réimsí sonracha seo a leanas:

Feirmeoirí a bhfuil a ngabháltas iomlán deimhnithe i gcomhréir le Rialachán (AE) 2018/848 ó Pharlaimint na hEorpa agus ón gComhairle*, measfar go gcomhlíonann siad na caighdeáin 1, 3, 4, 5, 6 agus 7 GAEC a liostaítear in Iarscríbhinn III a ghabhann leis an Rialachán seo.

(6)in Airteagal 14, cuirtear an méid seo a leanas in ionad mhír 1:

‘1. Ar a dhéanaí, amhail ón 1 Eanáir 2025, sonróidh na Ballstáit ina bPleananna Straitéiseacha CBT go mbeidh feirmeoirí agus tairbhithe eile a fhaigheann íocaíochtaí díreacha faoi Chaibidil II cé is moite de na híocaíochtaí dá dtagraítear in Airteagal 41a, nó na híocaíochtaí bliantúla faoi Airteagal 70, Airteagal 71 agus Airteagal 72 le bheith faoi réir pionóis riaracháin mura gcomhlíonfaidh siad na ceanglais a bhaineann leis na dálaí oibre agus fostaíochta is infheidhme, nó oibleagáidí fostóra a eascraíonn as na gníomhartha dlíthiúla dá dtagraítear in Iarscríbhinn IV.’;

(7)Leasaítear Airteagal 16 mar a leanas:

(a) cuirtear an méid seo a leanas in ionad mhír 1:

Ní bheidh an íocaíocht bhliantúil le haghaidh gach feirmeora faoin gcéad fhomhír níos mó ná EUR 2 500.

De mhaolú ar an gcéad fhomhír, féadfaidh na Ballstáit a chinneadh go n-eisiafar ón gceanglas a leagtar síos sa chéad fhomhír, pointe (a), caighdeán 2 GAEC a bhunaítear faoi Chaibidil I, Roinn 2, den Teideal seo.’;

Íocaíochtaí géarchéime forlíontacha le feirmeoirí tar éis tubaistí nádúrtha, teagmhais dhíobhálacha aeráide nó teagmhais thurraingeacha faoi íocaíochtaí díreacha

1.Féadfaidh na Ballstáit íocaíochtaí géarchéime forlíontacha a sholáthar chun tairbhithe íocaíochtaí díreacha faoi Roinn 2 agus Roinn 3 den Chaibidil seo a chúiteamh, ar tairbhithe iad a ndéanann tubaistí nádúrtha, teagmhais dhíobhálacha aeráide nó teagmhais thurraingeacha difear dóibh. Is é is aidhm do na híocaíochtaí sin leanúnachas ghníomhaíocht talmhaíochta na dtairbhithe sin a áirithiú agus beidh siad faoi réir na gcoinníollacha a leagtar síos san Airteagal seo agus a shonraíonn na Ballstáit a thuilleadh ina bPleananna Straitéiseacha CBT.

2.An tacaíocht faoin Airteagal seo, beidh sí faoi réir aithint fhoirmiúil údarás inniúil an Bhallstáit gur tharla tubaiste nádúrtha, teagmhas díobhálach aeráide nó teagmhas turraingeach, mar atá sainmhínithe ag an mBallstát, agus gurbh iad na teagmhais sin, nó bearta arna nglacadh i gcomhréir le Rialachán (AE) 2016/2031 chun galar plandaí nó lotnaid a dhíothú nó a shrianadh, nó bearta arna nglacadh chun galair ainmhithe a liostaítear san Iarscríbhinn a ghabhann le Rialachán Cur Chun Feidhme (AE) 2018/1882 ón gCoimisiún* a rialú, a chosc nó a dhíothú nó bearta arna nglacadh maidir le galar atá ag teacht chun cinn i gcomhréir le hAirteagal 6(3) agus Airteagal 259 de Rialachán (AE) 2016/429 ba chúis dhíreach le damáiste a raibh scriosadh 30 % ar a laghad de mheántáirgeacht bhliantúil an fheirmeora sa tréimhse 3 bliana roimhe sin nó meán 3 bliana bunaithe ar an tréimhse 5 bliana roimhe sin, gan an iontráil is airde ná an iontráil is ísle a áireamh. Ríomhfar na caillteanais ar leibhéal an ghabháltais, ar leibhéal ghníomhaíocht an ghabháltais san earnáil lena mbaineann nó i ndáil leis an réimse sonrach lena mbaineann.

3.Áiritheoidh na Ballstáit go ndíreofar tacaíocht faoin Airteagal seo ar na feirmeoirí is mó a ndéanann tubaistí nádúrtha, teagmhais dhíobhálacha aeráide nó teagmhais thurraingeacha difear dóibh, trí choinníollacha incháilitheachta a chinneadh ar bhonn na fianaise atá ar fáil.

4.Bunóidh na Ballstáit na rátaí tacaíochta is infheidhme chun an caillteanas táirgeachta a chúiteamh. Beidh na rátaí sin níos airde i gcás feirmeoirí a chumhdaítear le scéim árachais nó le huirlis bainistithe riosca eile. Féadfar innéacsanna a úsáid chun caillteanas táirgeachta a ríomh.

5.Féadfaidh na Ballstáit a chinneadh na híocaíochtaí a chómhaoiniú le maoiniú náisiúnta breise suas le 200 % i gcomhréir le hAirteagal 115(5) agus le hAirteagal 146.

6.Agus tacaíocht á deonú faoin Airteagal seo, áiritheoidh na Ballstáit go bhfuil na hidirghabhálacha faoin Airteagal seo comhsheasmhach leo siúd atá bunaithe ar Airteagal 78a agus go seachnófar róchúiteamh mar thoradh ar theaglaim d’idirghabháil faoin Airteagal seo le hionstraimí tacaíochta náisiúnta eile nó le hionstraimí tacaíochta eile de chuid an Aontais nó le scéimeanna árachais phríobháidigh.

7.De mhaolú ar Airteagal 111, an chéad fhomhír, ní bheidh feidhm ag pointí (h) agus (i) den fhomhír sin maidir le tacaíocht faoin gcineál idirghabhála seo.

De mhaolú ar an gcéad fhomhír, féadfaidh na Ballstáit a chinneadh go n-eisiafar ón gceanglas a leagtar síos sa chéad fhomhír, pointe (a), caighdeán 2 GAEC a bhunaítear faoi Chaibidil I, Roinn 2, den Teideal seo.’;

(b)uasmhéid na cabhrach EUR 50 000 le haghaidh na ngníomhaíochtaí dá dtagraítear i mír 2, pointe (d).

Áiritheoidh na Ballstáit nach ndeonófar tacaíocht ach chun caillteanais a sháraíonn tairseach 20 % ar a laghad den mheántáirgeacht bhliantúil nó de mheánioncam an fheirmeora sa tréimhse 3 bliana roimhe sin nó meán 3 bliana bunaithe ar an tréimhse 5 bliana roimhe sin, gan an iontráil is airde ná an iontráil is ísle a chur san áireamh, a chúiteamh. Leis na huirlisí bainistithe riosca táirgeachta earnála, ríomhfar na caillteanais ar leibhéal an ghabháltais, ar leibhéal ghníomhaíocht an ghabháltais san earnáil lena maineann nó i ndáil leis an limistéar sonrach faoi árachas.

I gcás barra buana agus i gcásanna eile a bhfuil údar leo nach iomchuí na modhanna ríomha dá dtagraítear sa chéad fhomhír ina leith, féadfaidh na Ballstáit measúnú a dhéanamh ar na caillteanais ar bhonn meántáirgeacht bhliantúil nó mheánioncam an fheirmeora thar thréimhse nach faide ná 8 mbliana, gan an iontráil is airde ná an iontráil is ísle a áireamh.

1.Féadfaidh na Ballstáit íocaíochtaí géarchéime a sholáthar d’fheirmeoirí gníomhacha a ndéanann tubaistí nádúrtha, teagmhais dhíobhálacha aeráide nó teagmhais thurraingeacha difear dóibh. Is é is aidhm do na híocaíochtaí sin leanúnachas ghníomhaíocht talmhaíochta na bhfeirmeoirí sin a áirithiú agus beidh siad faoi réir na gcoinníollacha a leagtar amach san Airteagal seo agus a shonraíonn na Ballstáit a thuilleadh ina bPleananna Straitéiseacha CBT.

2.An tacaíocht faoin Airteagal seo, beidh sí faoi réir aithint fhoirmiúil údarás inniúil an Bhallstáit gur tharla tubaiste nádúrtha, teagmhas díobhálach aeráide nó teagmhas turraingeach, mar atá sainmhínithe ag an mBallstát, agus gurbh iad na teagmhais sin, nó bearta arna nglacadh i gcomhréir le Rialachán (AE) 2016/2031 chun galar plandaí nó lotnaid a dhíothú nó a shrianadh, nó bearta arna nglacadh chun galair ainmhithe a liostaítear san Iarscríbhinn a ghabhann le Rialachán Cur Chun Feidhme (AE) 2018/1882 ón gCoimisiún a chosc nó a dhíothú nó bearta arna nglacadh maidir le galar atá ag teacht chun cinn i gcomhréir le hAirteagal 6(3) agus Airteagal 259 de Rialachán (AE) 2016/429 ba chúis dhíreach le damáiste a raibh 30 % ar a laghad de mheántáirgeacht bhliantúil an fheirmeora sa tréimhse 3 bliana roimhe sin nó meán 3 bliana bunaithe ar an tréimhse 5 bliana roimhe sin, gan an iontráil is airde ná an iontráil is ísle a áireamh. Ríomhfar na caillteanais ar leibhéal an ghabháltais, ar leibhéal ghníomhaíocht an ghabháltais san earnáil lena mbaineann nó i ndáil leis an réimse sonrach lena mbaineann.

3.Áiritheoidh na Ballstáit go ndíreofar tacaíocht faoin Airteagal seo ar na feirmeoirí is mó a ndéanann tubaistí nádúrtha, teagmhais dhíobhálacha aeráide nó teagmhais thurraingeacha difear dóibh, trí choinníollacha incháilitheachta a chinneadh ar bhonn na fianaise atá ar fáil.

De mhaolú ar an gcéad fhomhír den mhír seo, féadfar foráil a dhéanamh sa Phlean Straitéiseach CBT, i gcásanna ina bhfuil bearta éigeandála i gceist i ngeall ar thubaistí nádúrtha, teagmhais thurraingeacha nó teagmhais dhíobhálacha aeráide, go bhféadfar tús a chur le hincháilitheacht an chaiteachais arna mhaoiniú ag CERT a bhaineann le leasuithe ar an bPlean Straitéiseach CBT a bhaineann le hidirghabhálacha dá dtagraítear in Airteagal 41a ón dáta a tharla an teagmhas.

I gcás gach Ballstáit, beidh an t-uasmhéid is féidir a fhorchoimeád le haghaidh na n-íocaíochtaí géarchéime le feirmeoirí tar éis tubaistí nádúrtha, teagmhais dhíobhálacha aeráide nó teagmhais thurraingeacha dá dtagraítear in Airteagal 41a agus Airteagal 78a teoranta do na méideanna bliantúla a leagtar amach in Iarscríbhinn XV, Tábla 1.

Maidir le blianta féilire 2025 agus 2026, ní sháróidh an caiteachas bliantúil iomlán ar na híocaíochtaí géarchéime forlíontacha dá dtagraítear in Airteagal 41a an leithdháileadh táscach airgeadais le haghaidh an chineáil sin idirghabhála le haghaidh na bliana féilire ábhartha, arna bhunú ag na Ballstáit ina bpleananna airgeadais i gcomhréir le hAirteagal 112(2), pointe (a), agus arna fhormheas ag an gCoimisiún i gcomhréir le hAirteagal 119. Uasteorainn airgeadais arna socrú le dlí an Aontais a bheidh san uasteorainn airgeadais sin.

De mhaolú ar mhír 1, i gcás ina gcinnfidh Ballstát gan tacaíocht a sholáthar d’íocaíochtaí géarchéime i gcomhréir le hAirteagal 78a, beidh an t-uasmhéid bliantúil is féidir leis an mBallstát sin a fhorchoimeád le haghaidh na n-íocaíochtaí géarchéime forlíontacha dá dtagraítear in Airteagal 41a teoranta do na méideanna bliantúla a leagtar amach in Iarscríbhinn XV, Tábla 2.

Maidir le blianta féilire 2025 agus 2026, ní sháróidh an caiteachas bliantúil iomlán ar na híocaíochtaí géarchéime forlíontacha dá dtagraítear in Airteagal 41a an leithdháileadh táscach airgeadais le haghaidh an chineáil sin idirghabhála le haghaidh na bliana féilire ábhartha, arna bhunú ag na Ballstáit ina bpleananna airgeadais i gcomhréir le hAirteagal 112(2), pointe (a), agus arna fhormheas ag an gCoimisiún i gcomhréir le hAirteagal 119. Uasteorainn airgeadais arna socrú le dlí an Aontais a bheidh san uasteorainn airgeadais sin.

‘Ní bheidh feidhm ag pointe (e) den chéad fhomhír maidir le hidirghabhálacha faoin gcineál idirghabhála le haghaidh íocaíochtaí géarchéime forlíontacha le feirmeoirí faoi íocaíochtaí díreacha dá dtagraítear in Airteagal 41a, an cineál idirghabhála in earnáil na beachadóireachta dá dtagraítear in Airteagal 55(1), pointí (a) agus (c) go (g), idirghabhálacha faoin gcineál idirghabhála in earnáil an fhíona dá dtagraítear in Airteagal 58(1), pointí (h) go (k), na gníomhaíochtaí faisnéise agus cur chun cinn le haghaidh scéimeanna cáilíochta faoin gcineál idirghabhála le haghaidh comhair dá dtagraítear in Airteagal 77, agus idirghabhálacha faoin gcineál idirghabhála le haghaidh íocaíochtaí géarchéime le feirmeoirí faoi fhorbairt tuaithe dá dtagraítear in Airteagal 78a.

(28)in Airteagal 115(5), cuirtear an méid seo a leanas in ionad phointe (a):

(a)gearrthuairisc ar mhaoiniú breise náisiúnta le haghaidh idirghabhálacha i bhforbairt tuaithe a leagtar síos i dTeideal III, Caibidil IV, agus i gcás idirghabhálacha le haghaidh íocaíochtaí géarchéime forlíontacha le feirmeoirí leagtar síos in Airteagal 41a, a sholáthraítear taobh istigh de raon feidhme an Phlean Straitéisigh CBT, lena n-áirítear méideanna in aghaidh na hidirghabhála agus léiriú ar chomhlíonadh na gceanglas a leagtar síos sa Rialachán seo;’;

5.Déanfaidh an Coimisiún a chuid barúlacha a thabhairt ina leith laistigh de 30 lá ón dáta a cuireadh isteach an iarratas ar leasú dá dtagraítear i mír 2. Soláthróidh na Ballstáit an fhaisnéis bhreise ar fad is gá don Choimisiún.

6.Déanfar iarraidh ar leasú straitéiseach ar Phlean Straitéiseach CBT a fhormheas tráth nach déanaí ná 3 mhí tar éis don Bhallstát í a chur isteach.

I gcás nach ndéanfaidh an Coimisiún agóid in aghaidh leasuithe ar tugadh fógra ina leith laistigh de 30 lá oibre ón bhfógra a chur faoina bhráid, beidh éifeachtaí dlíthiúla ag na leasuithe ó dháta an fhógra. Déanfaidh an Coimisiún agóid in aghaidh leasú ar tugadh fógra ina leith má chinneann sé nach bhfuil an leasú comhoiriúnach don Rialachán seo agus do Rialachán (AE) 2021/2116, ná do na gníomhartha tarmligthe agus cur chun feidhme arna nglacadh dá mbun.

1.Ainmneoidh gach Ballstát údarás amháin a bheidh freagrach as gníomhaíochtaí a dhéanamh nó a chomhordú chun idir-inoibritheacht náisiúnta agus trasteorann a bhaint amach agus a choinneáil ar bun idir córais faisnéise a úsáidtear chun CBT a chur chun feidhme, a riar, chun faireachán agus meastóireacht a dhéanamh air ar mhaithe le feirmeoirí agus tairbhithe eile CBT. Chun críocha an Airteagail seo, ciallaíonn idir-inoibritheacht cumas na gcóras faisnéise idirghníomhú le chéile trí shonraí a chomhroinnt trí bhíthin cumarsáid leictreonach.

A mhéid is féidir, bunóidh na Ballstáit a measúnú ar riachtanais agus dearadh na mbeart ar an bprionsabal nach mbailítear sonraí ach aon uair amháin agus nach n-athúsáidtear iad.

Ní úsáidfear an cúlchiste le haghaidh bearta lena dtugtar tacaíocht d’fheirmeoirí a ndéanann tubaistí nádúrtha, teagmhais dhíobhálacha aeráide nó teagmhais thurraingeacha difear dóibh. Mar sin féin, is féidir an cúlchiste a úsáid le haghaidh bearta lena dtugtar aghaidh ar shuaitheadh sa mhargadh de dheasca tubaistí nádúrtha, teagmhais dhíobhálacha aeráide nó teagmhais thurraingeacha lena n-áirítear bearta arna nglacadh de bhun Airteagail 219 agus 220 de Rialachán (AE) Uimh. 1308/2013.