P10_TA(2025)0241An Buanghrúpa Saineolaithe um Fhoraoisí agus um an bhForaoiseachtLeasuithe a ghlac Parlaimint na hEorpa an 21 Deireadh Fómhair 2025 ar an togra le haghaidh cinneadh ó Pharlaimint na hEorpa agus ón gComhairle lena leasaítear Cinneadh 89/367/CEE ón gComhairle lena mbunaítear Buanchoiste Foraoiseachta (COM(2023)0727 – C9-0424/2023 – 2023/0410(COD)) Tarchuireadh an ní ar ais chuig an gcoiste freagrach le haghaidh idirbheartaíocht idirinstitiúideach de bhun Riail 60(4), an ceathrú fomhír (A10-0175/2025).(An gnáthnós imeachta reachtach: an chéad léamh)Téacs arna mholadh ag an gCoimisiúnLeasúLeasú 1Togra le haghaidh cinnidhAithris 1 a (nua)

(1a)Ní dhéantar aon tagairt do chomhbheartas foraoise an Aontais sa Chonradh ar Fheidhmiú an Aontais Eorpaigh (CFAE) agus, i gcomhréir le prionsabal na coimhdeachta, is iad na Ballstáit atá freagrach as foraoisí. Mar sin féin, tugtar inniúlachtaí comhroinnte don Aontas le CFAE, go háirithe i réimse an chomhshaoil, ar féidir tionscnaimh a dhéanann difear d’fhoraoisí agus don fhoraoiseacht a bheith san áireamh iontu.

Leasú 2Togra le haghaidh cinnidhAithris 2

(2)Tá gá le struchtúr rialachais foraoise an Aontais atá níos cuimsithí agus níos comhordaithe lena léirítear gach cuspóir atá sa Teachtaireacht ón gCoimisiún an 16 Iúil 2021 dar teideal ‘Straitéis Foraoiseachta an Aontais Eorpaigh le haghaidh 2030’5 agus a n-idirnaisc chun go mbeadh rannchuidiú níos leithne foraoisí leis na cuspóirí a leagtar amach sa Teachtaireacht ón gCoimisiún an 11 Nollaig 2019 dar teideal ‘An Comhaontú Glas don Eoraip’4, lena n-áirítear cuspóirí maidir leis an aeráid, leis an mbithéagsúlacht agus leis an mbithgheilleagar inbhuanaithe.

(2)Mar gheall ar rannchuidiú foraoisí leis na cuspóirí a leagtar amach i dTeachtaireacht ón gCoimisiún an 11 Nollaig 2019 dar teideal The European Green Deal [An Comhaontú Glas don Eoraip]4, go háirithe cuspóirí maidir leis an aeráid, leis an mbithéagsúlacht agus leis an mbithgheilleagar, tá gá le struchtúr rialachais foraoise an Aontais atá comhordaithe lena léirítear, inter alia, na cuspóirí atá i dTeachtaireacht ón gCoimisiún an 16 Iúil 2021 dar teideal New EU Forest Strategy for 2030 [Straitéis Foraoiseachta Nua an Aontais Eorpaigh le haghaidh 2030]5 agus a n-idirnaisc, agus á áirithiú ag an am céanna go bhfuil bunús dlí soiléir ag na spriocanna nua sin, nach bhfuil siad ag teacht salach ar inniúlachtaí náisiúnta agus go bhfuil siad bunaithe ar mheasúnú cuimsitheach ar a dtionchar ar earnáil na foraoiseachta.

__________________

4 COM(2019)640 final.

5 COM(2021)527 final.

Leasú 3Togra le haghaidh cinnidhAithris 2 a (nua)

(2a)Ó bunaíodh é, tá an Buanchoiste Foraoiseachta tagtha chun bheith ina chomhlacht lárnach le haghaidh malartú faisnéise i measc na mBallstát agus leis an gCoimisiún maidir leis na gnéithe uile a bhaineann le foraoisí, bainistiú foraoisí agus gach réimse beartais a bhaineann le foraoisí. Tugadh cúraimí coisteolaíochta don Bhuanchoiste Foraoiseachta roimhe seo freisin, ach tá an bunghníomh lena dtugtar na cúraimí coisteolaíochta sin don Bhuanchoiste Foraoiseachta imithe in éag ó shin. Dá bhrí sin, ba cheart an Buanchoiste Foraoiseachta a athainmniú mar an Buanghrúpa Saineolaithe um Fhoraoisí agus um an bhForaoiseacht (an ‘grúpa saineolaithe’).

Leasú 4Togra le haghaidh cinnidhAithris 4

(4)Raon feidhme an Bhuanchoiste Foraoiseachta a leathnú agus cúraimí agus comhdhéanamh an Bhuanchoiste Foraoiseachta a shoiléiriú, agus an Buanchoiste a athainmniú chun na leasuithe sin a léiriú, sin é an bealach is éifeachtaí chun struchtúr rialachais foraoise an Aontais níos cuimsithí agus níos comhordaithe a bhaint amach. Ba cheart an Buanchoiste Foraoiseachta a athainmniú freisin mar an Sainghrúpa um Fhoraoiseacht agus Foraoiseacht, chun na leasuithe sin a léiriú. Ba cheart don Bhuanghrúpa Saineolaithe um Fhoraoisí agus um an bhForaoiseacht aghaidh a thabhairt ar aon saincheist nó ar aon ghné maidir le foraoisí agus an fhoraoiseacht a eascraíonn as beartais éagsúla de chuid an Aontais, arna iarraidh sin ag an gCoimisiún nó ag Ballstát. Is iomchuí, dá bhrí sin, a áirithiú go n-ainmneoidh na Ballstáit ionadaithe ó na húdaráis atá inniúil ar na cuspóirí beartais sonracha.

(4)Arna iarraidh sin don Choimisiún nó do Bhallstát, ba cheart don ghrúpa saineolaithe aghaidh a thabhairt ar aon ghné maidir le foraoisí agus leis an bhforaoiseacht a eascraíonn as beartais éagsúla de chuid an Aontais. Is iomchuí, dá bhrí sin, go mbeidh ionadaithe rannpháirteacha in ann leasanna na mBallstát i dtaobh na gcuspóirí beartais ábhartha uile a chur in iúl.

Leasú 5Togra le haghaidh cinnidhAirteagal 1 – mír 1 – pointe 2Cinneadh 89/367/CEE ón gComhairleAirteagal 1 – mír 1

Chun comhar feabhsaithe agus malartú ildisciplíneach idir an Coimisiún agus na Ballstáit maidir le foraoisí agus maidir leis an bhforaoiseacht a áirithiú i ndáil le limistéir bheartais uile an Aontais atá ábhartha d’fhoraoisí, bunaítear leis seo Buanghrúpa Saineolaithe um Fhoraoisí agus um an bhForaoiseacht, dá ngairtear ‘an grúpa saineolaithe’ anseo feasta.’;

Chun dlúthchomhar éifeachtach idir an Coimisiún agus na Ballstáit maidir le foraoisí agus le hearnáil na foraoiseachta a áirithiú i ndáil le réimsí beartais uile an Aontais atá ábhartha d’fhoraoisí, bunaítear leis seo Buanghrúpa Saineolaithe um Fhoraoisí agus um an bhForaoiseacht (an ‘grúpa saineolaithe’).

Leasú 6Togra le haghaidh cinnidhAirteagal 1 – mír 1 – pointe 3Cinneadh 89/367/CEE ón gComhairleAirteagal 2 – mír 1

1.Féadfaidh an Coimisiún dul i gcomhairle leis an ngrúpa saineolaithe maidir le haon saincheist nó gné a bhaineann le foraoisí agus leis an bhforaoiseacht a eascraíonn as beartais éagsúla an Aontais ar a thionscnamh féin nó arna iarraidh sin ag ionadaí Ballstáit.

1.Tabharfaidh an grúpa saineolaithe comhairle don Choimisiún maidir le haon saincheist nó aon ghné a bhaineann le foraoisí agus leis an bhforaoiseacht a eascraíonn as beartais ábhartha éagsúla an Aontais, ar a thionscnamh féin nó arna iarraidh sin d’ionadaí Ballstáit.

Leasú 7Togra le haghaidh cinnidhAirteagal 1 – mír 1 – pointe 3 Cinneadh 89/367/CEE ón gComhairleAirteagal 2 – mír 2 – pointe a

(a)cúnamh a thabhairt don Choimisiún tograí reachtacha, treoirlínte nó tionscnaimh bheartais eile de chuid an Aontais atá ábhartha d’fhoraoisí agus don fhoraoiseacht, lena n-áirítear cúnamh maidir le cur i bhfeidhm Straitéis Foraoiseachta an Aontais Eorpaigh le haghaidh 2030 agus Straitéisí Foraoisí de chuid an Aontais ina dhiaidh sin;

(a)cúnamh a thabhairt don Choimisiún, oibriú i ndlúthchomhar leis agus saineolas agus ionchur a sholáthar dó i dtaca le tograí reachtacha, straitéisí, teachtaireachtaí, treoirlínte nó tionscnaimh bheartais eile de chuid an Aontais atá ábhartha d’fhoraoisí agus don fhoraoiseacht, nó a mbeadh tionchar suntasach acu ar fhoraoisí nó ar an bhforaoiseacht laistigh den Aontas, a ullmhú agus a chur chun feidhme;

Leasú 8Togra le haghaidh cinnidhAirteagal 1 – mír 1 – pointe 3Cinneadh 89/367/CEE ón gComhairleAirteagal 2 – mír 2 – pointe b

(b)comhairle agus saineolas a sholáthar don Choimisiún, ar thionscnamh an Choimisiúin nó arna iarraidh sin ag Ballstát, d’fhonn tacú le rannchuidiú níos leithne foraoisí agus na foraoiseachta le príomhchuspóirí agus tionscnaimh de chuid an Aontais, amhail an Comhaontú Glas don Eoraip, agus chun comhleanúnachas agus sineirgí idir beartais an Aontais atá ábhartha d’fhoraoisí agus don fhoraoiseacht a chur chun cinn;

(b)comhairle agus saineolas a sholáthar don Choimisiún, ar thionscnamh an Choimisiúin nó an ghrúpa saineolaithe, nó arna iarraidh sin do Bhallstát, d’fhonn rannchuidiú leordhóthanach earnáil foraoiseachta na mBallstát le cuspóirí agus tionscnaimh an Aontais a áirithiú, comhleanúnachas agus sineirgí a chur chun cinn agus deireadh a chur le neamhréireachtaí atá ann cheana idir beartais an Aontais, agus aghaidh a thabhairt ar an tionchar carnach atá acu agus ar a gcomhoiriúnacht le prionsabail na coimhdeachta agus na comhréireachta a chumhdaítear in Airteagal 5 den Chonradh ar an Aontas Eorpach;

Leasú 9Togra le haghaidh cinnidhAirteagal 1 – mír 1 – pointe 3Cinneadh 89/367/CEE ón gComhairleAirteagal 2 – mír 2 – pointe c

(c)comhar a chur chun cinn idir an Coimisiún agus na Ballstáit maidir le foraoisí agus foraoiseacht, lena n-áirítear tacú le bearta agus idirghabhálacha faoin gcomhbheartas talmhaíochta;

(c)comhar a fheabhsú agus a threisiú idir an Coimisiún agus na Ballstáit maidir le foraoisí agus leis an bhforaoiseacht, lena n-áirítear chun tacú le bearta agus idirghabhálacha faoin gcomhbheartas talmhaíochta, go háirithe chun gnéithe den inbhuanaitheacht a chur san áireamh agus sineirgí a chruthú idir foraoisí agus an talmhaíocht, chomh maith le feabhas a chur ar fhorbairt shocheacnamaíoch na limistéar tuaithe arb iad foraoisí an ghné is suntasaí iontu;

Leasú 10Togra le haghaidh cinnidhAirteagal 1 – mír 1 – pointe 3Cinneadh 89/367/CEE ón gComhairleAirteagal 2 – mír 2 – pointe d

(d)malartú eolais, taithí agus dea-chleachtas a chothú i réimse na bhforaoisí agus na foraoiseachta.

(d)malartú eolais, taithí agus dea-chleachtas a chothú, chomh maith le gníomhú mar fhóram chun tuairimí a mhalartú ar shaincheisteanna agus tionscnaimh atá ag teacht chun cinn i réimse na bhforaoisí agus na foraoiseachta, agus ar fheidhmeanna iomadúla foraoisí, lena n-áirítear saincheisteanna atá ábhartha d’earnáil na foraoiseachta i gcoitinne, chomh maith le malartú tuairimí a chothú ar infheidhmeacht agus ar impleachtaí bheartais an Aontais atá ábhartha d’fhoraoisí agus don fhoraoiseacht;

Leasú 11Togra le haghaidh cinnidhAirteagal 1 – mír 1 – pointe 3Cinneadh 89/367/CEE ón gComhairleAirteagal 2 – mír 2 – pointe d a (nua)

(da)féachaint le sineirgí a chothú agus comhoibriú i leith na sineirgí sin agus coinbhleachtaí a sheachaint idir beartais náisiúnta agus beartais an Aontais a bhaineann le foraoisí agus leis an bhforaoiseacht, agus forbairtí idirnáisiúnta eile á gcur san áireamh freisin;

Leasú 12Togra le haghaidh cinnidhAirteagal 1 – mír 1 – pointe 3Cinneadh 89/367/CEE ón gComhairleAirteagal 2 – mír 2 – pointe d b (nua)

(db)tuairimí a cheapadh ar thograí reachtacha, straitéisí, teachtaireachtaí, treoirlínte nó tionscnaimh bheartais eile de chuid an Aontais atá ábhartha d’fhoraoisí agus don fhoraoiseacht, nó a mbeadh tionchar suntasach acu ar fhoraoisí nó ar an bhforaoiseacht laistigh den Aontas; cuirfidh an Coimisiún na tuairimí sin san áireamh agus cuspóirí beartais a bhaineann le foraoisí á gcur chun cinn aige, agus tabharfaidh sé aiseolas ar an gcaoi ar chuir sé na tuairimí sin san áireamh.

Leasú 13Togra le haghaidh cinnidhAirteagal 1 – mír 1 – pointe 3Cinneadh 89/367/CEE ón gComhairleAirteagal 2 – mír 3

3.Féadfaidh Parlaimint na hEorpa agus an Chomhairle, ag gníomhú dóibh ar thogra ón gCoimisiún, cúraimí eile a shannadh don ghrúpa saineolaithe i ndáil le beartais de chuid an Aontais a bhfuil tionchar acu ar fhoraoisí agus ar an bhforaoiseacht.

3.Féadfaidh Parlaimint na hEorpa agus an Chomhairle, ag gníomhú dóibh ar thogra ón gCoimisiún, cúraimí sealadacha eile a shannadh don ghrúpa saineolaithe i ndáil le beartais de chuid an Aontais a bhfuil tionchar acu ar fhoraoisí agus ar an bhforaoiseacht.

Leasú 14Togra le haghaidh cinnidhAirteagal 1 – mír 1 – pointe 4Cinneadh 89/367/CEE ón gComhairleAirteagal 3 – mír 1

Beidh an grúpa saineolaithe comhdhéanta d’ionadaithe ó na Ballstáit.

Beidh an grúpa saineolaithe comhdhéanta d’ionadaithe ó na Ballstáit. Iarrfar ar gach Ballstát saineolaithe náisiúnta a ainmniú agus a rannpháirtíocht i gcruinnithe an ghrúpa saineolaithe a éascú agus molfar go láidir do na Ballstáit an méid sin a dhéanamh.

Leasú 15Togra le haghaidh cinnidhAirteagal 1 – mír 1 – pointe 4Cinneadh 89/367/CEE ón gComhairleAirteagal 3 – mír 2

Ainmneoidh na Ballstáit a n-ionadaithe, rud a áiritheoidh rannpháirtíocht na n-údarás atá inniúil ar chuspóirí beartais éagsúla Straitéis Foraoiseachta an Aontais Eorpaigh le haghaidh 2030, lena n-áirítear, inter alia, an aeráid, sláinte foraoise, an comhshaol, an fhoraoiseacht, forbairt tuaithe agus an bithgheilleagar agus aon straitéis foraoiseachta de chuid an Aontais ina dhiaidh sin.

Ainmneoidh na Ballstáit a n-ionadaithe, lena n-áiritheofar rannpháirtíocht ghníomhach a n-údarás ábhartha agus go mbeidh ionadaithe rannpháirteacha in ann leasanna agus taithí a mBallstáit faoi seach i dtaobh na gcuspóirí beartais ábhartha uile a chur in iúl.

Leasú 16Togra le haghaidh cinnidhAirteagal 1 – mír 1 – pointe 4Cinneadh 89/367/CEE ón gComhairleAirteagal 3 – mír 3

Ionadaí ón gCoimisiún a bheidh ina chathaoirleach ar an ngrúpa saineolaithe.

Ionadaí ón gCoimisiún a bheidh ina chathaoirleach ar an ngrúpa saineolaithe. Féadfaidh cathaoirleach an ghrúpa saineolaithe a phlean oibre bliantúil a chur faoi bhráid Pharlaimint na hEorpa.