(7)L-istrateġija tal-UE għall-bijodiversità għall-2030, fil-komunikazzjoni tal-Kummissjoni tal-20 ta’ Mejju 2020 bit-titolu “Strateġija tal-UE għall-Bijodiversità għall-2030: Inreġġgħu n-natura lura f’ħajjitna”, tistabbilixxi diversi objettivi, inkluż l-għan li jiġi rrestawrat l-istatus ambjentali tajjeb tal-ekosistemi marini u li tiġi ffaċilitata l-konklużjoni ta’ ftehim ambizzjuż u legalment vinkolanti dwar il-bijodiversità marina ta’ żoni lil hinn mill-ġuriżdizzjoni nazzjonali.

(10)Huwa meħtieġ għall-Unjoni u għall-Istati Membri, f’konformità mal-Artikolu 9 u mal-objettivi tal-Ftehim BBNJ, li jitrawwem qsim ġust u ekwu tal-benefiċċji li jirriżultaw minn attivitajiet fir-rigward tar-riżorsi ġenetiċi marini u l-informazzjoni diġitali dwar is-sekwenzi ta’ riżorsi ġenetiċi marini fiż-żoni lil hinn mill-ġuriżdizzjoni nazzjonali għall-konservazzjoni u l-użu sostenibbli tal-bijodiversità marina fiż-żoni lil hinn mill-ġuriżdizzjoni nazzjonali, inkluż permezz ta’ kontribuzzjonijiet finanzjarji, trasferiment tat-teknoloġija marina, jew tisħiħ tal-kapaċitajiet għall-istati li qed jiżviluppaw.

(14)Il-Ftehim BBNJ jippermetti l-istabbiliment ta’ għodod tal-ġestjoni skont iż-żona, inklużi żoni marini protetti, fiż-żoni lil hinn mill-ġuriżdizzjoni nazzjonali. Il-miżuri adottati mill-Konferenza tal-Partijiet skont il-Ftehim BBNJ jenħtieġ li jiġu implimentati u, fejn rilevanti, trasposti fil-leġiżlazzjoni tal-Unjoni. Sakemm issir it-traspożizzjoni, l-effettività tal-miżuri adottati jenħtieġ li ma tiġix imminata. Sabiex tiġi żgurata l-koordinazzjoni fil-livell tal-Unjoni, jenħtieġ li jiġu stabbiliti l-proċeduri għall-kooperazzjoni bejn l-Istati Membri u l-Kummissjoni qabel is-sottomissjoni ta’ kwalunkwe proposta lis-Segretarjat tal-BBNJ sabiex jiġu stabbiliti għodod tal-ġestjoni skont iż-żona jew proposta għal miżura ta’ emerġenza.

(15)Bħala parti mill-proċeduri stabbiliti, jenħtieġ li l-Kummissjoni twettaq valutazzjoni legali li jenħtieġ li tinkludi valutazzjoni tal-ħtieġa li l-proposta tistabbilixxi għodod tal-ġestjoni skont iż-żona jew il-proposta għal miżura ta’ emerġenza skont l-Artikolu 19 u 24(3) tal-Ftehim BBNJ li għandha tiġi ppreżentata lis-Segretarjat tal-BBNJ f’isem l-Unjoni jew f’isem l-Unjoni u l-Istati Membri tagħha jew jekk Stat Membru jew grupp ta’ Stati Membri li jkunu għamlu abbozz ta’ proposta jistgħux jissottomettu l-proposta lis-Segretarjat fil-kapaċitajiet tagħhom stess.

(17)L-Unjoni hija parti għall-Konvenzjoni tal-Kummissjoni Ekonomika għall-Ewropa tan-Nazzjonijiet Uniti dwar l-aċċess għall-informazzjoni, il-parteċipazzjoni tal-pubbliku fit-teħid ta’ deċiżjonijiet u l-aċċess għall-ġustizzja fi kwistjonijiet ambjentali, iffirmata f’Aarhus fil-25 ta’ Ġunju 1998 u ratifikata fis-17 ta’ Frar 2005. L-Unjoni hija parti għall-Konvenzjoni tal-Kummissjoni Ekonomika għall-Ewropa tan-Nazzjonijiet Uniti dwar il-valutazzjoni tal-impatt ambjentali f’kuntest transkonfinali, iffirmata f’Espoo fil-25 ta’ Frar 1991 u ratifikata fl-24 ta’ Ġunju 1997. Jenħtieġ li l-obbligi skont dawn il-Konvenzjonijiet jibqgħu applikabbli fl-oqsma li jaqgħu fil-kamp ta’ applikazzjoni ta’ din id-Direttiva. Il-Konvenzjoni ta’ Espoo għandha l-għan li ttejjeb il-kooperazzjoni internazzjonali fil-valutazzjoni tal-impatt ambjentali b’mod partikolari f’kuntest transkonfinali. L-objettivi tal-Konvenzjoni ta’ Aarhus jinkludu l-garanzija tad-dritt ta’ aċċess għall-informazzjoni, id-drittijiet ta’ parteċipazzjoni pubblika fit-teħid ta’ deċiżjonijiet, u l-aċċess għall-ġustizzja fi kwistjonijiet ambjentali sabiex tikkontribwixxi għall-ħarsien tad-dritt li wieħed jgħix f’ambjent li huwa adegwat għas-saħħa u l-benesseri personali. Fil-kamp ta’ applikazzjoni ta’ din id-Direttiva, id-drittijiet ta’ aċċess għall-informazzjoni, parteċipazzjoni pubblika fit-teħid ta’ deċiżjonijiet, u l-aċċess għall-ġustizzja fi kwistjonijiet ambjentali jenħtieġ li jiġu eżerċitati skont l-istess prinċipji bħal dawk stabbiliti skont il-Konvenzjoni ta’ Aarhus.

(18)Filwaqt li l-fini ta’ din id-Direttiva hija li tipprevedi qafas legali li jirregola l-attivitajiet li jseħħu fiż-żoni lil hinn mill-ġuriżdizzjoni nazzjonali, kwalunkwe attività li għandha titwettaq fiż-żoni fi ħdan il-ġuriżdizzjoni nazzjonali li x’aktarx tikkawża tniġġis sostanzjali jew bidliet sinifikanti u ta’ ħsara fuq l-ambjent marin fiż-żoni lil hinn mill-ġuriżdizzjoni nazzjonali jenħtieġ li tkun soġġetta għal valutazzjoni f’konformità mad-dritt tal-Unjoni eżistenti, bħad-Direttiva 2011/92/UE tal-Parlament Ewropew u tal-Kunsill8, liġijiet rilevanti oħra tal-Unjoni li fihom dispożizzjonijiet relatati mal-valutazzjonijiet ambjentali għall-attivitajiet ippjanati9 u l-liġijiet nazzjonali li jittrasponu l-leġiżlazzjoni tal-Unjoni. F’konformità mal-Artikolu 28(2) tal-Ftehim BBNJ, fl-Unjoni tali attivitajiet imwettqa fiż-żoni fi ħdan il-ġuriżdizzjoni nazzjonali jenħtieġ li jiġu vvalutati skont ir-regoli stabbiliti tal-Unjoni. F’dawk il-każijiet, l-Istati Membri jenħtieġ li jiżguraw li jissodisfaw l-obbligi skont il-Ftehim BBNJ.

__________________

8 ĠU L 26, 28.1.2012, p. 1–21

9 Pereżempju d-Direttiva (UE) 2023/2413 tal-Parlament Ewropew u tal-Kunsill tat-18 ta’ Ottubru 2023 li temenda d-Direttiva (UE) 2018/2001, ir-Regolament (UE) 2018/1999 u d-Direttiva 98/70/KE fir-rigward tal-promozzjoni tal-enerġija minn sorsi rinnovabbli, u li tħassar id-Direttiva tal-Kunsill (UE) 2015/652, ir-Regolament (UE) 2024/1252 tal-Parlament Ewropew u tal-Kunsill tal-11 ta’ April 2024 li jistabbilixxi qafas li jiżgura provvista sigura u sostenibbli tal-materja prima kritika u li jemenda r-Regolamenti (UE) Nru 168/2013, (UE) 2018/858, (UE) 2018/1724 u (UE) 2019/1020, ir-Regolament (UE) 2024/1735 tal-Parlament Ewropew u tal-Kunsill tat-13 ta’ Ġunju 2024 dwar l-istabbiliment ta’ qafas ta’ miżuri għat-tisħiħ tal-ekosistema Ewropea tal-manifattura ta’ teknoloġija b’emissjonijiet żero netti u li jemenda r-Regolament (UE) 2018/1724

(19)Fejn strumenti jew oqfsa legali applikabbli oħra jew korpi globali, reġjonali, subreġjonali jew settorjali jipprovdu qafas għall-valutazzjoni tal-impatti tal-attivitajiet ippjanati taħt il-ġuriżdizzjoni jew il-kontroll nazzjonali li jseħħu fiż-żoni lil hinn mill-ġuriżdizzjoni nazzjonali, jenħtieġ li l-Istati Membri ma jkunux meħtieġa jwettqu skrinjar jew valutazzjoni tal-impatt ambjentali f’konformità ma’ din id-Direttiva, dment li l-Istati Membri b’ġuriżdizzjoni jew kontroll fuq l-attività ppjanata jiddeterminaw li l-kundizzjonijiet stabbiliti fl-Artikolu 29(4) tal-Ftehim BBNJ huma ssodisfati. F’każijiet bħal dawn, l-Istat Membru kkonċernat jenħtieġ li jiżgura li r-rapport ta’ valutazzjoni tal-impatt ambjentali jiġi ppubblikat permezz tal-Mekkaniżmu ta’ Skambju ta’ Informazzjoni tal-BBNJ.

(20)Kwalunkwe pjan jew programm imħejji jew adottat mill-awtoritajiet nazzjonali, reġjonali jew lokali tal-Istati Membri li x’aktarx jikkawża tniġġis sostanzjali jew bidliet sinifikanti u ta’ ħsara fl-ambjent marin fiż-żoni lil hinn mill-ġuriżdizzjoni nazzjonali jenħtieġ li jkun soġġett għal valutazzjoni f’konformità mad-Direttiva 2001/42/KE tal-Parlament Ewropew u tal-Kunsill10 u mal-liġijiet nazzjonali li jittrasponu dik id-Direttiva.

__________________

10 ĠU L 197, 21.7.2001, p. 30–37

(21)Meta jiddeterminaw il-probabbiltà li jiġu kkawżati tniġġis sostanzjali jew bidliet sinifikanti u ta’ ħsara lill-ambjent marin mill-attivitajiet ippjanati, jenħtieġ li l-Istati Membri jqisu kemm l-effetti jistgħu jkunu notevoli jew importanti. Jenħtieġ li jqisu wkoll il-kriterji stabbiliti fid-Direttiva 2011/92/UE meta jagħmlu din id-determinazzjoni.

(i)“attività ppjanata” tfisser attività fl-ambjent marin, li fost l-oħrajn tinkludi l-eżekuzzjoni ta’ xogħlijiet ta’ kostruzzjoni, installazzjonijiet, skemi jew interventi oħra, inklużi attivitajiet regolari mmirati lejn l-użu ta’ riżorsi naturali;

(j)“attivitajiet taħt il-ġuriżdizzjoni jew il-kontroll” tfisser attivitajiet imwettqa minn persuni ġuridiċi, kemm pubbliċi kif ukoll privati u minn persuni fiżiċi, li fuqhom l-Istat Membru jista’, f’konformità mad-dritt internazzjonali, jeżerċita l-kompetenza jew l-awtorità tiegħu;

(n)“pubbliku” tfisser il-pubbliku kkonċernat kif ukoll il-Komunitajiet Indiġeni u lokali b’għarfien tradizzjonali rilevanti u l-korpi globali, reġjonali, subreġjonali u settorjali rilevanti u l-komunità xjentifika;

(s)“effetti minuri jew tranżitorji” tfisser effetti li ma jikkawżawx tniġġis sostanzjali jew li ma jagħmlux bidliet sinifikanti u ta’ ħsara fl-ambjent marin.

imħassar

(a)għas-sajd irregolat skont id-dritt internazzjonali u tal-Unjoni applikabbli, bħall-politika komuni tas-sajd u l-attivitajiet relatati mas-sajd; u

6.L-Istati Membri għandhom jiżguraw li r-repożitorji, sa fejn ikun prattikabbli, u l-bażijiet tad-data taħt il-ġuriżdizzjoni tagħhom jippreparaw, fuq bażi biennali, rapport aggregat dwar l-aċċess għar-riżorsi ġenetiċi marini u l-informazzjoni diġitali dwar is-sekwenzi marbuta mal-identifikatur tal-lott standardizzat tal-BBNJ tagħhom, u jagħmlu r-rapport disponibbli għall-kumitat dwar l-aċċess u qsim ta’ benefiċċji stabbilit skont l-Artikolu 15 tal-Ftehim BBNJ. Fejn rilevanti, huma għandhom jużaw is-sistemi eżistenti tal-Unjoni għall-ġbir u r-rapportar tad-data għan-notifiki u d-depożiti BBNJ.

1.L-Istati Membri għandhom jiżguraw li l-impatti potenzjali fuq l-ambjent marin tal-attivitajiet ippjanati taħt il-ġuriżdizzjoni jew il-kontroll tagħhom li jseħħu fiż-żoni lil hinn mill-ġuriżdizzjoni nazzjonali jkunu soġġetti għal valutazzjoni qabel tittieħed deċiżjoni li tawtorizzahom (kunsens għall-iżvilupp) mill-awtorità jew l-awtoritajiet kompetenti f’konformità ma’ din id-Direttiva. Fuq talba ta’ Stat Membru, il-Kummissjoni għandha tipprovdi assistenza teknika f’dak ir-rigward.

6.Dan il-Kapitolu ma japplikax għall-attivitajiet ippjanati taħt il-ġuriżdizzjoni jew il-kontroll tal-Istati Membri li jseħħu fiż-żoni lil hinn mill-ġuriżdizzjoni nazzjonali li għalihom ikunu twettqu skrinjar jew valutazzjoni tal-impatt ambjentali, f’konformità mar-rekwiżiti ta’ strumenti jew oqfsa legali internazzjonali rilevanti oħra jew minn korpi globali, reġjonali, subreġjonali jew settorjali rilevanti. Għal dawk attivitajiet li tkun saritilhom valutazzjoni tal-impatt ambjentali f’konformità mar-rekwiżiti ta’ strumenti jew oqfsa legali internazzjonali oħra, id-dritt tal-Unjoni jew minn korpi globali, reġjonali, subreġjonali jew settorjali rilevanti, l-Istati Membri kkonċernati għandhom jiżguraw:

7.Għal attivitajiet ippjanati taħt il-ġuriżdizzjoni jew il-kontroll tal-Istati Membri li jseħħu fiż-żoni fi ħdan il-ġuriżdizzjoni nazzjonali u li x’aktarx jikkawżaw tniġġis sostanzjali jew bidliet sinifikanti u ta’ ħsara għall-ambjent marin fiż-żoni lil hinn mill-ġuriżdizzjoni nazzjonali, l-Istati Membri għandhom japplikaw id-Direttiva 2011/92/UE u liġijiet rilevanti oħra tal-UE li fihom dispożizzjonijiet relatati mal-valutazzjonijiet ambjentali għall-attivitajiet ippjanati. Għal dawn l-attivitajiet, l-Istati Membri għandhom jagħmlu l-informazzjoni rilevanti, inkluż kwalunkwe rapport ta’ monitoraġġ rilevanti, disponibbli permezz tal-Mekkaniżmu ta’ Skambju ta’ Informazzjoni tal-BBNJ fil-ħin, matul il-proċess skont id-Direttiva 2011/92/UE u liġijiet rilevanti oħra tal-UE li fihom dispożizzjonijiet relatati mal-valutazzjonijiet ambjentali għall-attivitajiet ippjanati u jiżguraw li l-attività tiġi mmonitorjata b’mod konsistenti mar-rekwiżiti ta’ dik id-Direttiva u mal-leġiżlazzjoni nazzjonali.

1.Jekk attività ppjanata jista’ jkollha aktar minn effett minuri jew tranżitorju fuq l-ambjent marin fiż-żoni lil hinn mill-ġuriżdizzjoni nazzjonali, jew l-effetti tal-attività ma jkunux magħrufa jew mifhuma sew, l-Istat Membru bil-ġuriżdizzjoni jew il-kontroll tal-attività għandu jwettaq skrinjar sabiex jiddetermina jekk l-attività tistax tikkawża tniġġis sostanzjali jew bidliet sinifikanti u ta’ ħsara fl-ambjent marin, u jitqies il-prinċipju prekawzjonarju, fejn hemm inċertezza xjentifika u għalhekk għandha tkun soġġetta għal valutazzjoni, sakemm ma jiġux issodisfati l-kundizzjonijiet stabbiliti fl-Artikolu 8(6).

5.Sabiex tiġi żgurata l-kompletezza u l-kwalità tar-rapporti ta’ valutazzjoni tal-impatt ambjentali, l-Istati Membri għandhom jiżguraw li r-rapporti jitħejjew minn esperti kompetenti u indipendenti u għandhom jirrikjedu mingħand dawn l-esperti li jiddivulgaw kwalunkwe kunflitt ta’ interess b’rabta mar-rwol u r-responsabbiltajiet tagħhom. L-Istati Membri għandhom jiżguraw li l-awtoritajiet kompetenti jkollhom għarfien espert biżżejjed, jew ikollhom aċċess kif meħtieġ għalih, sabiex jeżaminaw dawn ir-rapporti.

1.L-Istati Membri għandhom jiżguraw li l-awtorità jew awtoritajiet kompetenti jieħdu d-deċiżjoni li jawtorizzaw attività ppjanata meta, filwaqt li jqisu l-miżuri ta’ mitigazzjoni jew ta’ ġestjoni, ikunu ddeterminaw li jkunu saru l-isforzi raġonevoli kollha sabiex jiġi żgurat li l-attività ppjanata tkun tista’ titwettaq b’mod konsistenti mal-prevenzjoni ta’ tniġġis sostanzjali jew bidliet sinifikanti u ta’ ħsara lill-ambjent marin.

(a)konklużjoni tal-awtorità kompetenti dwar il-probabbiltà ta’ tniġġis sostanzjali tal-ambjent marin jew bidliet sinifikanti u ta’ ħsara lilu mill-attività ppjanata u r-raġunijiet ewlenin għall-awtorizzazzjoni;

4.Meta tittieħed deċiżjoni li tiġi awtorizzata jew li ma tiġix awtorizzata attività ppjanata, l-Istati Membri għandhom jiżguraw minnufih li d-deċiżjoni ssir disponibbli għall-pubbliku, inkluż permezz tal-Mekkaniżmu ta’ Skambju ta’ Informazzjoni tal-BBNJ u tas-Segretarjat tal-BBNJ. Għal dan l-għan, l-Istati Membri għandhom jagħmlu disponibbli għall-pubbliku kwalunkwe kundizzjoni stabbilita fl-awtorizzazzjoni tal-attività ppjanata, inklużi l-kundizzjonijiet relatati mal-miżuri ta’ mitigazzoni u ta’ kumpens u mar-rekwiżiti ta’ segwitu, u l-kummenti u l-opinjonijiet li jirċievu matul il-konsultazzjonijiet imsemmija fl-Artikolu 11 u deskrizzjoni tal-mod li bih dawn il-kummenti u l-opinjonijiet ikunu tqiesu jew ġew indirizzati b’xi mod ieħor.

Meta Stat Membru li jkollu ġuriżdizzjoni jew kontroll fuq attività awtorizzata jidentifika tniġġis sostanzjali jew bidliet sinifikanti u ta’ ħsara għall-ambjent marin li jew in-natura jew is-severità tagħhom ma kinitx prevista fil-valutazzjoni tal-impatt ambjentali, jew li jirriżultaw minn ksur ta’ kwalunkwe waħda mill-kundizzjonijiet imsemmija fl-Artikolu 12(2)(b) jew meta parti għall-Ftehim BBNJ jew il-Korp Xjentifiku u Tekniku tal-BBNJ iqajmu xi tħassib jew rakkomandazzjoni, l-Istat Membru kkonċernat għandu jirrieżamina d-deċiżjoni tiegħu. Għal dak l-għan, għandu:

1.F’konformità mal-objettiv li jikkontribwixxu għall-implimentazzjoni tal-Konvenzjoni ta’ Aarhus, l-Istati Membri għandhom jiżguraw, f’konformità mas-sistema legali nazzjonali rilevanti, li l-membri tal-pubbliku kkonċernati jkollhom aċċess għal proċedura ta’ rieżami quddiem qorti tal-ġustizzja, jew quddiem korp ieħor indipendenti u imparzjali stabbilit bil-liġi sabiex jikkontestaw il-legalità sostantiva jew proċedurali ta’ deċiżjonijiet, atti jew omissjonijiet taħt Artikoli 8 sa 13 u 16 sa 19, fejn tal-anqas waħda mill-kundizzjonijiet li ġejjin hija ssodisfata:

Meta d-Direttiva 2001/42/KE tipprevedi obbligu li titwettaq valutazzjoni ambjentali strateġika, l-Istati Membri għandhom jikkonformaw mad-dispożizzjonijiet ta’ dik id-Direttiva meta jwettqu tali valutazzjonijiet.

1.L-Istati Membri għandhom, irrispettivament minn jekk jaġixxux individwalment jew kollettivament, jibagħtu l-abbozz ta’ proposta skont l-Artikolu 19 tal-Ftehim BBNJ jew ta’ miżura ta’ emerġenza skont l-Artikolu 24(3) ta’ dak il-Ftehim lill-Kummissjoni qabel kwalunkwe sottomissjoni lis-Segretarjat tal-BBNJ. Malli tirċeviha, il-Kummissjoni għandha tinforma lill-Istati Membri kollha u taqsam l-abbozz ta’ proposta mingħajr dewmien. L-Istati Membri jistgħu jippreżentaw kummenti dwar l-abbozz ta’ proposta jew il-miżuri ta’ emerġenza lill-Kummissjoni fi żmien 30 jum minn meta jirċievu l-abbozz ta’ proposta jew qabel jekk ikun iġġustifikat mill-miżura ta’ emerġenza. Il-Kummissjoni għandha tibgħat il-kummenti li tirċievi lill-Istati Membri l-oħra.

imħassar

3.Il-Kummissjoni għandha teżamina l-abbozz ta’ proposta jew l-abbozz ta’ miżura ta’ emerġenza u l-kummenti riċevuti fl-ambitu tal-paragrafu 1 u tippreżenta, fi żmien 30 jum mill-iskadenza għall-Istati Membri biex jikkummentaw, valutazzjoni legali dwar jekk l-abbozz ta’ proposta jew l-abbozz ta’ miżura ta’ emerġenza li jaslulha skont dak il-paragrafu 1 għandux jiġi ppreżentat lis-Segretarjat tal-BBNJ mill-Kummissjoni f’isem l-Unjoni. Il-valutazzjoni legali għandha tkun disponibbli għall-Istati Membri kollha.

2.L-Istati Membri għandhom jikkonsultaw, kif xieraq, lill-partijiet ikkonċernati rilevanti, inklużi l-istati u l-korpi globali, reġjonali, subreġjonali u settorjali, kif ukoll is-soċjetà ċivili, il-komunità xjentifika, is-settur privat, il-Popli Indiġeni u l-komunitajiet lokali, għall-iżvilupp tal-proposti msemmija f’dan il-Kapitolu.

2.L-Istati Membri u l-Kummissjoni għandhom jippromwovu kif xieraq l-adozzjoni ta’ miżuri, u jikkollaboraw b’kunsiderazzjoni tal-kompetenzi, skont l-istrumenti u l-oqfsa legali rilevanti u l-korpi globali, reġjonali, subreġjonali u settorjali rilevanti ħalli jappoġġaw u jiffaċilitaw l-implimentazzjoni tad-deċiżjonijiet u r-rakkomandazzjonijiet adottati mill-Konferenza tal-Partijiet skont il-Parti III tal-Ftehim BBNJ.