(3)L-Artikolu 26a(1) tad-Direttiva 2006/43/KE jirrikjedi li l-Istati Membri jiżguraw li l-awdituri statutorji u d-ditti tal-awditjar iwettqu l-aċċertament tar-rapportar dwar is-sostenibbiltà f’konformità mal-istandards ta’ aċċertament limitati li għandhom jiġu adottati mill-Kummissjoni. L-Artikolu 26a(3) ta’ dik id-Direttiva jirrikjedi li l-Kummissjoni tadotta dawn l-istandards sal-1 ta’ Ottubru 2026. L-impriżi qajmu tħassib dwar il-ħidma mwettqa mill-fornituri tal-aċċertament u esprimew il-ħtieġa għal flessibbiltà fl-indirizzar ta’ riskji speċifiċi u kwistjonijiet kritiċi identifikati fl-oqsma tal-aċċertament dwar is-sostenibbiltà. Jenħtieġ li l-Kummissjoni tqis kif xieraq dan it-tħassib meta taħdem fuq l-istandards ta’ aċċertament limitat. In-nuqqas ta’ standards armonizzati ta’ aċċertament qed jikkontribwixxi għall-problemi li qed jesperjenzaw l-impriżi, u għalhekk huwa urġenti ferm li l-Kummissjoni tadotta att delegat xieraq kif ippjanat.

(5)L-Artikolu 19a(1) tad-Direttiva 2013/34/UE jirrikjedi li l-impriżi kbar u l-impriżi żgħar u ta’ daqs medju b’titoli ammessi għan-negozjar f’suq regolat tal-UE, esklużi l-mikroimpriżi, iħejju u jippubblikaw dikjarazzjoni dwar is-sostenibbiltà fil-livell individwali. Sabiex jitnaqqas il-piż tar-rapportar fuq l-impriżi, l-obbligu li titħejja u tiġi ppubblikata dikjarazzjoni dwar is-sostenibbiltà fil-livell individwali jenħtieġ li jitnaqqas għal impriżi b’medja ta’ aktar minn 1 750 impjegat u fatturat nett ta’ aktar minn EUR 450 000 000 matul is-sena finanzjarja. Jenħtieġ li jkun possibbli li l-impriżi prinċipali apikali li huma impriżi holding finanzjarji mhux involuti f’attivitajiet ta’ ġestjoni jiġu eżentati milli jikkonformaw mal-obbligi ta’ rapportar.

imħassar

(7)L-Artikolu 1(3) tad-Direttiva 2013/34/UE jispeċifika li l-istituzzjonijiet ta’ kreditu u l-impriżi tal-assigurazzjoni li huma impriżi kbar jew impriżi żgħar u ta’ daqs medju – esklużi l-mikroimpriżi – b’titoli ammessi għan-negozjar f’suq regolat tal-UE huma soġġetti għar-rekwiżiti ta’ rapportar dwar is-sostenibbiltà stabbiliti f’dik id-Direttiva, irrispettivament mill-forma legali tagħhom. Meta jitqies li l-kamp ta’ applikazzjoni tar-rapportar individwali dwar is-sostenibbiltà jenħtieġ li jitnaqqas għal impriżi b’medja ta’ aktar minn 1 750 impjegat u fatturat nett ta’ aktar minn EUR 450 000 000 matul is-sena finanzjarja, jenħtieġ li dan it-tnaqqis fil-kamp ta’ applikazzjoni jkun japplika wkoll għall-istituzzjonijiet ta’ kreditu u għall-impriżi tal-assigurazzjoni.

(9)L-Artikolu 19a(3) tad-Direttiva 2013/34/UE jirrikjedi li l-impriżi jirrapportaw informazzjoni dwar l-operazzjonijiet proprji tal-impriża u dwar il-katina tal-valur tagħha. Huwa meħtieġ li jkun hemm ċarezza u li jitnaqqas il-piż tar-rapportar għall-impriżi fil-katina tal-valur li ma humiex meħtieġa jirrapportaw dwar is-sostenibbiltà tagħhom. Għalhekk, l-impriża li tirrapporta, għall-finijiet tar-rapportar ta’ informazzjoni dwar is-sostenibbiltà fil-livell individwali jew konsolidat, kif meħtieġ mid-Direttiva 2013/34/UE, u mingħajr preġudizzju għar-rekwiżiti tal-Unjoni biex twettaq proċess ta’ diliġenza dovuta, jenħtieġ li ma tfittixx li tikseb mingħand impriżi b’medja ta’ aktar minn 1 750 impjegat u fatturat nett ta’ aktar minn EUR 450 000 000 matul is-sena finanzjarja, kwalunkwe informazzjoni li tmur lil hinn mill-informazzjoni speċifikata fl-istandards għall-użu volontarju mill-impriżi li ma humiex meħtieġa jirrapportaw dwar is-sostenibbiltà tagħhom. Jenħtieġ li l-impriża li tirrapporta tadotta approċċ ibbażat fuq ir-riskji, filwaqt li tipprijoritizza l-isforzi biex tinġabar informazzjoni dwar impatti ta’ riskju għoli u kwistjonijiet ta’ sostenibbiltà komunement assoċjati mas-settur tagħha u li titħalla tiġbor mingħand tali impriżi fil-katina tal-valur tagħha kwalunkwe informazzjoni addizzjonali dwar is-sostenibbiltà li tkun kondiviża b’mod komuni bejn l-impriżi fis-settur ikkonċernat. Meta ma tkunx disponibbli l-informazzjoni kollha meħtieġa rigward il-katina tal-valur tagħhom, jew tali informazzjoni ma tkunx kompluta jew tkun soġġetta għal limitazzjonijiet legali, jenħtieġ li l-impriżi jitħallew jispjegaw l-isforzi li jkunu saru biex jiksbu l-informazzjoni meħtieġa dwar il-katina tal-valur tagħhom, ir-raġunijiet għaliex dik l-informazzjoni ma setgħetx tinkiseb, u l-pjanijiet tagħhom biex jiksbu tali informazzjoni fil-futur. L-impriżi li jirrapportaw dwar il-katina tal-valur tagħhom f’konformità ma’ dawk il-limitazzjonijiet jenħtieġ li jitqiesu li jikkonformaw mal-obbligu li jirrapportaw dwar is-sostenibbiltà tagħhom. Il-fornituri tal-aċċertament jenħtieġ li jħejju l-opinjoni ta’ aċċertament tagħhom filwaqt li jirrispettaw l-obbligu fuq l-impriżi li ma jfittxux li jiksbu mingħand impriżi fil-katina tal-valur tagħhom li jkollhom bħala medja sa 1 750 impjegat u fatturat nett sa EUR 450 000 000 matul is-sena finanzjarja, kwalunkwe informazzjoni li tmur lil hinn mill-informazzjoni speċifikata fl-istandards għall-użu volontarju mill-impriżi li ma humiex meħtieġa jirrapportaw dwar is-sostenibbiltà tagħhom. Għal dak il-għan, jenħtieġ li l-Kummissjoni tingħata s-setgħa li tadotta att delegat biex tipprevedi standards tar-rapportar dwar is-sostenibbiltà għall-użu volontarju mill-impriżi li ma humiex meħtieġa jirrapportaw dwar is-sostenibbiltà tagħhom. Jenħtieġ li dawn l-istandards ikunu proporzjonati u rilevanti għall-kapaċitajiet u l-karatteristiċi ta’ dawk l-impriżi u għall-iskala u l-kumplessità tal-attivitajiet tagħhom. Jenħtieġ li dawn l-istandards jispeċifikaw ukoll, fejn possibbli, l-istruttura li għandha tintuża biex tiġi ppreżentata dik l-informazzjoni. Jenħtieġ li l-impriżi fil-katina tal-valur jitħallew jagħżlu mudell għar-rapportar ta’ informazzjoni dwar is-sostenibbiltà b’mod volontarju, sabiex l-impriżi li jitolbu informazzjoni ma jkunux meħtieġa jivvalutaw jew jimmappjaw il-kategoriji tad-daqs tal-entitajiet kollha fil-katina tal-valur tagħhom.

(12)L-Artikolu 29a(1) tad-Direttiva 2013/34/UE jirrikjedi li l-impriżi omm ta’ gruppi kbar iħejju u jippubblikaw dikjarazzjoni dwar is-sostenibbiltà fil-livell konsolidat. Sabiex jitnaqqas il-piż tar-rapportar fuq dawk l-impriżi prinċipali, jenħtieġ li l-kamp ta’ applikazzjoni ta’ dak l-obbligu jitnaqqas għall-impriżi prinċipali ta’ gruppi b’medja ta’ aktar minn 1 750 impjegat u fatturat nett ta’ aktar minn EUR 450 000 000, fuq bażi konsolidata, matul is-sena finanzjarja.

(13)L-Artikolu 29b(1), it-tielet subparagrafu, tad-Direttiva 2013/34/UE jagħti s-setgħa lill-Kummissjoni tadotta standards tar-rapportar speċifiċi għas-settur permezz ta’ atti delegati, u l-ewwel sett ta’ tali standards għandu jiġi adottat sat-30 ta’ Ġunju 2026. Sabiex tiġi evitata żieda fl-għadd ta’ punti ta’ data preskritti li l-impriżi jenħtieġ li jirrapportaw, din is-setgħa jenħtieġ li titneħħa. Minflok, jenħtieġ li l-Kummissjoni toħroġ linji gwida volontarji speċifiċi għas-settur biex tappoġġja lill-impriżi u lill-awdituri fil-valutazzjoni tar-riskji, l-opportunitajiet u l-impatti tagħhom f’setturi speċifiċi, biex tiffaċilita l-applikazzjoni tal-ESRS f’settur partikolari, biex jiġu identifikati l-kwistjonijiet relatati mas-sostenibbiltà li x’aktarx ikunu sinifikanti għal settur speċifiku u biex jitnaqqas il-piż tar-rapportar. Jenħtieġ li dawk il-linji gwida jkunu bbażati fuq il-konsultazzjoni mal-partijiet ikkonċernati rilevanti.

(14)L-Artikolu 29b(4) tad-Direttiva 2013/34/UE jirrikjedi li l-istandards tar-rapportar dwar is-sostenibbiltà ma jispeċifikawx divulgazzjonijiet li jirrikjedu li l-impriżi jiksbu mingħand impriżi żgħar u ta’ daqs medju fil-katina tal-valur tagħhom kwalunkwe informazzjoni li tmur lil hinn mill-informazzjoni li għandha tiġi ddivulgata skont l-istandards tar-rapportar dwar is-sostenibbiltà għall-impriżi żgħar u ta’ daqs medju b’titoli ammessi għan-negozjar f’suq regolat tal-UE. Meta jitqies li l-impriżi żgħar u ta’ daqs medju b’titoli ammessi għan-negozjar f’suq regolat tal-UE jenħtieġ li jiġu esklużi mir-rapportar dwar is-sostenibbiltà, u sabiex jitnaqqas il-piż tar-rapportar għall-impriżi fil-katina tal-valur li ma humiex meħtieġa jirrapportaw dwar is-sostenibbiltà tagħhom, jenħtieġ li l-istandards tar-rapportar dwar is-sostenibbiltà ma jispeċifikawx divulgazzjonijiet li jirrikjedu li l-impriżi jiksbu mingħand l-impriżi fil-katina tal-valur tagħhom li għandhom medja ta’ 1 750 impjegat u fatturat nett sa EUR 450 000 000 matul is-sena finanzjarja, kwalunkwe informazzjoni li tmur lil hinn mill-informazzjoni li għandha tiġi ddivulgata skont l-istandards tar-rapportar dwar is-sostenibbiltà għall-użu volontarju mill-impriżi li ma humiex meħtieġa jirrapportaw dwar is-sostenibbiltà tagħhom.

(15)L-Artikolu 29d tad-Direttiva 2013/34/UE jirrikjedi li l-impriżi soġġetti għar-rekwiżiti tal-Artikolu 19a u 29a ta’ din id-Direttiva jħejju r-rapport ta’ ġestjoni tagħhom, jew ir-rapport ta’ ġestjoni kkonsolidat, fejn applikabbli, fil-format elettroniku għar-rapportar speċifikat fl-Artikolu 3 tar-Regolament Delegat tal-Kummissjoni (UE) 2019/81511 u jimmarkaw ir-rapportar dwar is-sostenibbiltà tagħhom, inkluż id-divulgazzjonijiet previsti fl-Artikolu 8 tar-Regolament (UE) 2020/852 tal-Parlament Ewropew u tal-Kunsill12, f’konformità mal-format elettroniku għar-rapportar speċifikat f’dak ir-Regolament Delegat. Sabiex tiġi pprovduta ċarezza lill-impriżi, jenħtieġ li jiġi speċifikat li sakemm tali regoli dwar l-immarkar tar-rapportar dwar is-sostenibbiltà jiġu adottati permezz ta’ dak ir-Regolament Delegat, jenħtieġ li l-impriżi ma jkunux meħtieġa jimmarkaw ir-rapportar dwar is-sostenibbiltà tagħhom.

__________________

11 Ir-Regolament Delegat tal-Kummissjoni (UE) 2018/815 tas-17 ta’ Diċembru 2018 li jissupplimenta d-Direttiva 2004/109/KE tal-Parlament Ewropew u tal-Kunsill fir-rigward tal-istandards tekniċi regolatorji dwar l-ispeċifikazzjoni tal-format elettroniku uniku għar-rapportar (ĠU L 143, 29.5.2019, p. 1, ELI: http://data.europa.eu/eli/reg_del/2019/815/oj).

12 Ir-Regolament (UE) 2020/852 tal-Parlament Ewropew u tal-Kunsill tat-18 ta’ Ġunju 2020 dwar l-istabbiliment ta’ qafas biex jiġi ffaċilitat l-investiment sostenibbli, u li jemenda r-Regolament (UE) 2019/2088 (ĠU L 198, 22.6.2020, p. 13, ELI: http://data.europa.eu/eli/reg/2020/852/oj).

(16)L-Artikolu 33(1) tad-Direttiva 2013/34/UE jispeċifika li l-membri tal-korpi amministrattivi, maniġerjali u superviżorji ta’ impriża għandhom ir-responsabbiltà kollettiva li jiżguraw li ċerti dokumenti jitfasslu u jiġu ppubblikati f’konformità mar-rekwiżiti ta’ dik id-Direttiva. Sabiex tiġi pprovduta flessibbiltà għall-impriżi u jitnaqqas il-piż tar-rapportar tagħhom, l-Istati Membri jistgħu jipprevedu li r-responsabbiltà kollettiva tal-membri tal-korpi amministrattivi, maniġerjali u superviżorji ta’ impriża għall-konformità mar-rekwiżiti tal-Artikolu 29d ta’ dik id-Direttiva fir-rigward tad-diġitalizzazzjoni tar-rapport ta’ ġestjoni hija limitata għall-pubblikazzjoni tiegħu fil-format elettroniku uniku, inkluż l-immarkar tar-rapportar dwar is-sostenibbiltà fih.

(17)Skont l-Artikolu 40a(1), ir-raba’ u l-ħames subparagrafi tad-Direttiva 2013/34/UE, sussidjarja fl-Unjoni ta’ impriża ta’ pajjiż terz li tiġġenera fatturat nett ta’ aktar minn EUR 150 miljun fl-Unjoni, jew, fin-nuqqas ta’ tali sussidjarja, fergħa fl-Unjoni li tiġġenera fatturat nett ta’ aktar minn EUR 40 miljun, għandha tippubblika u tagħmel aċċessibbli informazzjoni dwar is-sostenibbiltà fil-livell tal-grupp tal-impriża prinċipali ta’ pajjiż terz. Għal raġunijiet ta’ konsistenza u tnaqqis tal-piż, u sabiex jiġu żgurati kundizzjonijiet ekwi, jenħtieġ li jiġi aġġustat id-daqs li impriża sussidjarja u fergħa għandu jkollhom biex jaqgħu fil-kamp ta’ applikazzjoni tal-Artikolu 40a. Id-daqs tal-impriża sussidjarja u tal-fergħa jenħtieġ li jiġi stabbilit għal fatturat nett ta’ aktar minn EUR 450 000 000.

(18)L-Artikolu 5(2), l-ewwel subparagrafu, tad-Direttiva (UE) 2022/2464 jispeċifika d-dati minn meta l-Istati Membri għandhom japplikaw ir-rekwiżiti ta’ rapportar dwar is-sostenibbiltà stabbiliti fid-Direttiva 2013/34/UE, b’dati differenti skont id-daqs tal-impriża kkonċernata. Meta jitqies li l-kamp ta’ applikazzjoni tar-rekwiżiti individwali ta’ rapportar dwar is-sostenibbiltà jenħtieġ li jitnaqqas biex jinkludi biss impriżi b’medja ta’ aktar minn 1 750 impjegat u fatturat nett ta’ aktar minn EUR 450 000 000 matul is-sena finanzjarja, u li l-kamp ta’ applikazzjoni tar-rekwiżiti konsolidati ta’ rapportar dwar is-sostenibbiltà jenħtieġ li jitnaqqas kif xieraq, jenħtieġ li l-kriterji għad-determinazzjoni tad-dati ta’ applikazzjoni jiġu aġġustati, u jenħtieġ li titneħħa r-referenza għall-impriżi żgħar u ta’ daqs medju b’titoli ammessi għan-negozjar f’suq regolat tal-UE.

(19)L-Artikolu 5(2), it-tielet subparagrafu, tad-Direttiva (UE) 2022/2464 jispeċifika d-dati minn meta l-Istati Membri għandhom japplikaw ir-rekwiżiti ta’ rapportar dwar is-sostenibbiltà stabbiliti fid-Direttiva 2004/109/KE, b’dati differenti skont id-daqs tal-emittent ikkonċernat. Meta jitqies li l-kamp ta’ applikazzjoni tar-rekwiżiti individwali ta’ rapportar dwar is-sostenibbiltà jenħtieġ li jitnaqqas biex jinkludi biss impriżi b’medja ta’ aktar minn 1 750 impjegat u fatturat nett ta’ aktar minn EUR 450 000 000 matul is-sena finanzjarja, u li l-kamp ta’ applikazzjoni tar-rekwiżiti konsolidati ta’ rapportar dwar is-sostenibbiltà jenħtieġ li jitnaqqas kif xieraq, jenħtieġ li l-kriterji għad-determinazzjoni tad-dati ta’ applikazzjoni jiġu aġġustati, u jenħtieġ li r-referenza għall-impriżi żgħar u ta’ daqs medju titneħħa.

(20)L-Artikolu 4(1) tad-Direttiva (UE) 2024/1760 jipprojbixxi lill-Istati Membri milli jintroduċu, fil-liġi nazzjonali tagħhom, dispożizzjonijiet fil-qasam kopert mid-Direttiva li jistabbilixxu obbligi ta’ diliġenza dovuta tad-drittijiet tal-bniedem u obbligi ta’ diliġenza dovuta ambjentali li jiddevjaw minn dawk stabbiliti fl-Artikolu 8(1) u (2), u fl-Artikolu 10(1) ta’ dik id-Direttiva. Sabiex jiġi żgurat li l-Istati Membri ma jmorrux lil hinn minn dik id-Direttiva u sabiex jiġi evitat il-ħolqien ta’ xenarju regolatorju frammentat li jirriżulta f’inċertezza legali u piż bla bżonn, id-dispożizzjonijiet ta’ armonizzazzjoni sħiħa tad-Direttiva (UE) 2024/1760 jenħtieġ li jiġu estiżi għal dispożizzjonijiet addizzjonali li jirregolaw l-aspetti ewlenin tal-proċess ta’ diliġenza dovuta. Dan jinkludi, b’mod partikolari, id-dispożizzjonijiet dwar id-diliġenza dovuta fil-livell tal-grupp, id-dmir ta’ identifikazzjoni, id-dmirijiet biex jiġu indirizzati l-impatti negattivi li ġew identifikati jew li kellhom jiġu identifikati, il-prijoritizzazzjoni, id-dmirijiet ta’ ħidma mal-partijiet ikkonċernati f’ċerti każijiet, u d-dmir li jiġi previst mekkaniżmu tal-ilmenti u tan-notifika. Fl-istess ħin, jenħtieġ li l-Istati Membri jkomplu jitħallew jintroduċu jew iżommu dispożizzjonijiet tal-liġi nazzjonali li jirregolaw impatti negattivi speċifiċi jew setturi speċifiċi ta’ attività, prodotti jew servizzi speċifiċi, sabiex jinkiseb livell differenti ta’ protezzjoni tad-drittijiet tal-bniedem, tal-impjieg u soċjali, tal-ambjent jew tal-klima.

(21)L-Artikolu 5 tad-Direttiva (UE) 2024/1760 jobbliga lill-Istati Membri jiżguraw li l-kumpaniji l-kbar li jaqbżu ċertu daqs iwettqu diliġenza dovuta tad-drittijiet tal-bniedem u diliġenza dovuta ambjentali bbażati fuq ir-riskji. Sabiex tiġi żgurata l-effettività, jitnaqqsu l-piżijiet fuq il-kumpaniji li jkollhom jikkonformaw ma’ dak l-obbligu, u jiġi żgurat li r-riżorsi tagħhom jintużaw għall-iskop intiż, id-diliġenza dovuta meħtieġa u l-miżuri li jittieħdu jenħtieġ li jqisu l-fatturi ta’ riskju rilevanti, inklużi l-fatturi fil-livell tal-kumpanija, bħal jekk is-sieħeb kummerċjali mhuwiex kumpanija koperta minn din id-direttiva, il-fatturi ta’ riskju tal-operazzjonijiet kummerċjali, il-fatturi ta’ riskju ġeografiċi u kuntestwali, bħal-livell ta’ infurzar tal-liġi fir-rigward tat-tipi ta’ impatti negattivi; il-fatturi ta’ riskju tal-prodotti u tas-servizzi, u l-fatturi ta’ riskju settorjali. Jenħtieġ li l-kumpaniji jwettqu l-identifikazzjoni bikrija biex jidentifikaw l-oqsma ġenerali fejn l-impatti negattivi x’aktarx li jseħħu u li jkunu l-aktar severi. Abbażi tar-riżultati tal-identifikazzjoni bikrija, jenħtieġ li l-kumpaniji li, abbażi ta’ informazzjoni rilevanti u verifikabbli, ikollhom raġuni biex jemmnu li nħolqu jew jistgħu jinħolqu impatti negattivi, iwettqu valutazzjonijiet ulterjuri biss f’dawk l-oqsma fejn ġie identifikat li l-impatti negattivi huma l-aktar probabbli li jseħħu u li jkunu l-aktar severi.

(22)Sabiex jiġi limitat l-effett ta’ infiltrazzjoni fuq kumpaniji oħra, inklużi l-impriżi żgħar u ta’ daqs medju u l-kumpaniji żgħar b’kapitalizzazzjoni medja fir-rigward tal-identifikazzjoni bikrija tal-katina ta’ attivitajiet biex jiġu identifikati l-impatti negattivi, jenħtieġ li l-kumpaniji fil-kamp ta’ applikazzjoni ma jfittxux li jiksbu informazzjoni mis-sħab kummerċjali tagħhom iżda jiddependu biss fuq informazzjoni li diġà tkun raġonevolment disponibbli, bħal informazzjoni magħrufa pubblikament, informazzjoni minn tfittxijiet u informazzjoni miksuba permezz ta’ kooperazzjoni preċedenti. L-informazzjoni u l-komunikazzjoni fil-livell tal-entità mas-sħab kummerċjali mhumiex rilevanti f’dan l-istadju. Jenħtieġ li jkun possibbli biss li tali informazzjoni titfittex għal valutazzjonijiet ulterjuri f’ċerti kundizzjonijiet. F’tali każ, jenħtieġ li jkun possibbli biss li tintalab informazzjoni minn sħab kummerċjali meta, wara approċċ ibbażat fuq ir-riskji, tali informazzjoni tkun meħtieġa fid-dawl ta’ indikazzjonijiet ta’ impatti negattivi probabbli minn sħab kummerċjali b’anqas minn 5 000 impjegat meta tali informazzjoni addizzjonali ma tkunx tista’ tinkiseb b’mod raġonevoli b’mezzi oħra, prinċipalment minn sorsi eżistenti jew sekondarji. Fi kwalunkwe każ, kwalunkwe talba jenħtieġ li tkun immirata, raġonevoli u proporzjonata. Sabiex tiġi ffaċilitata l-konformità għall-kumpaniji u għas-sħab kummerċjali rilevanti, jenħtieġ li jkun possibbli li l-informazzjoni meħtieġa tinkiseb jew b’mod individwali jew b’mod kollaborattiv.

(23)Il-kumpaniji jistgħu jsibu ruħhom f’sitwazzjonijiet fejn il-produzzjoni tagħhom tkun tiddependi ħafna fuq inputs minn fornitur speċifiku wieħed jew aktar. Fl-istess ħin, meta l-operazzjonijiet kummerċjali ta’ tali fornitur ikunu marbuta ma’ impatti negattivi severi, inkluż it-tħaddim tat-tfal jew ħsara ambjentali sinifikanti, u l-kumpanija tkun eżawriet mingħajr suċċess il-miżuri kollha ta’ diliġenza dovuta sabiex tindirizza dawk l-impatti, jenħtieġ li l-kumpanija, bħala l-aħħar rimedju, tissospendi b’mod temporanju r-relazzjoni kummerċjali filwaqt li tkompli taħdem mal-fornitur lejn soluzzjoni, fejn possibbli bl-użu ta’ kwalunkwe ingranaġġ miżjud li jirriżulta mis-sospensjoni. Jenħtieġ li l-kumpanija tivvaluta, f’konsultazzjoni mal-partijiet ikkonċernati rilevanti, jekk tali sospensjoni twassalx għal preġudizzju sostanzjali għall-kumpanija, inkluż meta s-sħab kummerċjali kruċjali jipprovdu materja prima, prodotti jew servizzi li huma essenzjali għan-negozju tal-kumpanija li għalihom ma teżisti l-ebda alternattiva disponibbli. Jenħtieġ li preġudizzju sostanzjali jiġi interpretat bħala effett negattiv u sinifikanti fuq is-sitwazzjoni legali, finanzjarja jew ekonomika tal-kumpanija jew fuq il-kapaċità tal-produzzjoni tagħha, inkluż fuq perjodu ta’ żmien twil, bħal effett li jwassal għall-probabbiltà ta’ insolvenza. Sabiex ma jiddgħajfux l-għanijiet ta’ din id-direttiva, id-deċiżjoni li ma tiġix sospiża r-relazzjoni kummerċjali jenħtieġ li tkun soġġetta għal kundizzjonijiet, inkluż ir-rapportar lill-awtorità superviżorja kompetenti dwar ir-raġunijiet debitament ġustifikati għal tali deċiżjoni. Jenħtieġ li l-kumpaniji jivvalutaw ukoll jekk l-impatti negattivi tas-sospensjoni jistgħux ikunu raġonevolment mistennija li jkunu manifestament aktar severi mill-impatt negattiv li ma setax jiġi prevenut jew mitigat b’mod adegwat. Jekk dak ikun il-każ, jenħtieġ li l-kumpanija ma tkunx meħtieġa tissospendi r-relazzjoni kummerċjali u jenħtieġ li tkun f’pożizzjoni li tirrapporta lura lill-awtorità superviżorja kompetenti dwar ir-raġunijiet debitament ġustifikati għal tali deċiżjoni.

(Ma taffettwax il-verżjoni Maltija.)

(26)Id-dispożizzjonijiet tad-Direttiva (UE) 2024/1760 dwar il-pjan ta’ tranżizzjoni għat-tibdil fil-klima tqiesu sproporzjonati, b’mod partikolari minħabba l-piż amministrattiv fuq il-kumpaniji u l-awtoritajiet kompetenti, u jistgħu jwasslu għal inċertezza legali. Jeħtieġ li dawk id-dispożizzjonijiet jitħassru sabiex jiġu ssimplifikati l-obbligi u tiġi appoġġjata implimentazzjoni aktar immirata u effiċjenti ta’ dik id-Direttiva.

(27)L-Artikolu 27(1) tad-Direttiva (UE) 2024/1760 jirrikjedi li l-Istati Membri jistabbilixxu penali li għandhom ikunu “effettivi, proporzjonati u dissważivi”. L-Artikolu 27(2) ta’ dik id-Direttiva jirrikjedi li l-Istati Membri, meta jiddeċiedu jekk jimponux penali u, jekk iva, meta jiddeterminaw in-natura u l-livell xieraq tagħhom, jieħdu kont debitu ta’ serje ta’ fatturi li jiddeterminaw il-gravità tal-ksur u ċ-ċirkostanzi attenwanti jew aggravanti. L-Artikolu 27(4) ta’ dik id-Direttiva jirrikjedi li l-Istati Membri jibbażaw kwalunkwe penali pekunarja imposta fuq il-fatturat nett dinji tal-kumpanija kkonċernata. Sabiex jiġu żgurati penali proporzjonati, jenħtieġ li l-Istati Membri jiggarantixxu li l-limitu massimu għall-penali pekunarji jiġi stabbilit għal 5 % tal-fatturat nett dinji tal-kumpanija jew, għal kumpaniji li jaqgħu taħt l-Artikolu 2(2)(b), tal-fatturat dinji konsolidat tal-impriża prinċipali apikali, fis-sena finanzjarja ta’ qabel dik tad-deċiżjoni li tiġi imposta l-multa. Barra minn hekk, biex jiġu armonizzati l-prattiki ta’ infurzar madwar l-Unjoni, jenħtieġ li l-Kummissjoni, f’kollaborazzjoni mal-Istati Membri, tiżviluppa linji gwida biex tassisti lill-awtoritajiet superviżorji fid-determinazzjoni tal-livell xieraq ta’ penali.

Il-Kummissjoni għandha, sa mhux aktar tard mill-1 ta’ Ottubru 2026, tadotta atti delegati f’konformità mal-Artikolu 48a sabiex tissupplimenta din id-Direttiva, sabiex tipprovdi għall-istandards ta’ aċċertament limitat li jistabbilixxu l-proċeduri li l-awditur(i) u d-ditta/i tal-awditjar għandhom iwettqu sabiex jaslu għall-konklużjonijiet tagħhom fuq l-aċċertament tar-rapportar dwar is-sostenibbiltà, inklużi l-ippjanar tal-impenji, il-kunsiderazzjoni tar-riskji u r-rispons għar-riskji u t-tip ta’ konklużjonijiet li għandhom jiġu inklużi fir-rapport ta’ aċċertament tar-rapportar dwar is-sostenibbiltà, jew, fejn rilevanti, fir-rapport tal-awditjar.

Il-Kummissjoni għandha tadotta l-istandards ta’ aċċertament imsemmija fl-ewwel subparagrafu wara li tkun kisbet opinjoni mill-EFRAG filwaqt li tiżgura li l-istandards:

“Il-miżuri ta’ koordinazzjoni stabbiliti mill-Artikoli 19a, 19b, l-Artikoli 29a, 29aa, 29d, 30 u 33, l-Artikolu 34(1), it-tieni subparagrafu, il-punt (aa), l-Artikolu 34(2) u (3) u l-Artikolu 51 ta’ din id-Direttiva għandhom japplikaw ukoll għal-liġijiet, għar-regolamenti u għad-dispożizzjonijiet amministrattivi tal-Istati Membri relatati mal-impriżi li ġejjin irrispettivament mill-forma legali tagħhom, dment li dawk l-impriżi jaqbżu, fid-dati tal-karta tal-bilanċ tagħhom, l-għadd medju ta’ 1 750 impjegat u fatturat nett ta’ EUR 450 000 000 matul is-sena finanzjarja:”;

Impriżi li, fid-dati tal-karta tal-bilanċ tagħhom, jaqbżu l-għadd medju ta’ 1 750 impjegat u fatturat nett ta’ EUR 450 000 000 matul is-sena finanzjarja għandhom jinkludu fir-rapport ta’ ġestjoni tagħhom l-informazzjoni neċessarja sabiex jiġu mifhumin l-impatti tal-impriża fuq kwistjonijiet relatati mas-sostenibbiltà, u l-informazzjoni neċessarja sabiex jiġi mifhum kif kwistjonijiet relatati mas-sostenibbiltà jaffettwaw l-iżvilupp, il-prestazzjoni u l-pożizzjoni tal-impriża.

“Fejn applikabbli, l-informazzjoni msemmija fil-paragrafi 1 u 2 għandha tinkludi informazzjoni dwar l-operazzjonijiet proprji tal-impriża u dwar il-katina tal-valur tagħha, inklużi l-prodotti u s-servizzi tagħha, ir-relazzjonijiet kummerċjali tagħha u l-katina tal-provvista tagħha. L-Istati Membri għandhom jiżguraw li, għar-rapportar tal-informazzjoni dwar is-sostenibbiltà kif meħtieġ minn din id-Direttiva, l-impriżi ma għandhomx ifittxu li jiksbu mingħand impriżi fil-katina tal-valur tagħhom li, fid-dati tal-karta tal-bilanċ tagħhom, ma jaqbżux l-għadd medju ta’ 1 750 impjegat u fatturat nett ta’ EUR 450 000 000 matul is-sena finanzjarja, kwalunkwe informazzjoni li teċċedi l-informazzjoni speċifikata fl-istandards għall-użu volontarju msemmija fl-Artikolu 29ca, ħlief għal informazzjoni addizzjonali dwar is-sostenibbiltà li hija kondiviża b’mod komuni bejn l-impriżi fis-settur ikkonċernat. L-impriżi li jirrapportaw dwar l-informazzjoni meħtieġa rigward il-katina tal-valur mingħajr rapportar mingħand l-impriżi fil-katina tal-valur tagħhom li, fid-dati tal-karta tal-bilanċ tagħhom, ma jaqbżux l-għadd medju ta’ 1 750 impjegat u fatturat nett ta’ EUR 450 000 000 matul is-sena finanzjarja, kwalunkwe informazzjoni li teċċedi l-informazzjoni speċifikata fl-istandards għall-użu volontarju msemmija fl-Artikolu 29ca, ħlief għal informazzjoni addizzjonali dwar is-sostenibbiltà li hija kondiviża b’mod komuni bejn l-impriżi fis-settur ikkonċernat, għandhom jitqiesu li kkonformaw mal-obbligu li jirrapportaw l-informazzjoni dwar il-katina tal-valur stabbilit f’dan il-paragrafu.”;

“L-ewwel subparagrafu huwa mingħajr preġudizzju għat-talbiet għall-informazzjoni li jsiru għal finijiet għajr għar-rapportar ta’ informazzjoni dwar is-sostenibbiltà kif meħtieġ minn din id-Direttiva, inklużi r-rekwiżiti tal-Unjoni dwar l-impriżi biex iwettqu proċess ta’ diliġenza dovuta.”;

imħassar

“L-impriżi omm ta’ grupp li, fid-dati tal-karta tal-bilanċ tiegħu, jaqbeż l-għadd medju ta’ 1750 impjegat u fatturat nett ta’ EUR 450 000 000, fuq bażi konsolidata, matul is-sena finanzjarja, għandhom jinkludu fir-rapport ta’ ġestjoni kkonsolidat l-informazzjoni meħtieġa sabiex jiġu mifhumin l-impatti tal-grupp fuq kwistjonijiet relatati mas-sostenibbiltà, u l-informazzjoni neċessarja sabiex jiġi mifhum kif kwistjonijiet relatati mas-sostenibbiltà jaffettwaw l-iżvilupp, il-prestazzjoni u l-pożizzjoni tal-grupp.”;

“Fejn applikabbli, l-informazzjoni msemmija fil-paragrafi 1 u 2 għandu jkun fiha informazzjoni dwar l-operazzjonijiet tal-grupp u l-katina tal-valur tiegħu, inklużi l-prodotti u s-servizzi tiegħu, ir-relazzjonijiet kummerċjali tiegħu u l-katina tal-provvista tiegħu. L-Istati Membri għandhom jiżguraw li, għar-rapportar tal-informazzjoni dwar is-sostenibbiltà kif meħtieġ minn din id-Direttiva, l-impriżi ma għandhomx ifittxu li jiksbu mingħand impriżi fil-katina tal-valur tagħhom li, fid-dati tal-karta tal-bilanċ tagħhom, ma jaqbżux l-għadd medju ta’ 1 750 impjegat u fatturat nett ta’ EUR 450 000 000 matul is-sena finanzjarja, kwalunkwe informazzjoni li teċċedi l-informazzjoni speċifikata fl-istandards għall-użu volontarju msemmija fl-Artikolu 29ca, ħlief għal informazzjoni addizzjonali dwar is-sostenibbiltà li hija kondiviża b’mod komuni bejn l-impriżi fis-settur ikkonċernat. L-impriżi li jirrapportaw dwar l-informazzjoni meħtieġa rigward il-katina tal-valur mingħajr rapportar mingħand l-impriżi fil-katina tal-valur tagħhom li, fid-dati tal-karta tal-bilanċ tagħhom, ma jaqbżux l-għadd medju ta’ 1 750 impjegat u fatturat nett ta’ EUR 450 000 000 matul is-sena finanzjarja, kwalunkwe informazzjoni li teċċedi l-informazzjoni speċifikata fl-istandards għall-użu volontarju msemmija fl-Artikolu 29ca, ħlief għal informazzjoni addizzjonali dwar is-sostenibbiltà li hija kondiviża b’mod komuni bejn l-impriżi fis-settur ikkonċernat, għandhom jitqiesu li kkonformaw mal-obbligu li jirrapportaw l-informazzjoni dwar il-katina tal-valur stabbilit f’dan il-paragrafu.”;

“L-ewwel subparagrafu huwa mingħajr preġudizzju għat-talbiet għall-informazzjoni li jsiru għal finijiet għajr għar-rapportar ta’ informazzjoni dwar is-sostenibbiltà kif meħtieġ minn din id-Direttiva, inklużi r-rekwiżiti tal-Unjoni dwar l-impriżi biex iwettqu proċess ta’ diliġenza dovuta.”;

imħassar

(a)fil-paragrafu 1, it-tielet, ir-raba’ u s-sitt subparagrafi huma mħassra;

(b)fil-paragrafu 4, l-ewwel subparagrafu huwa sostitwit b’dan li ġej:

“L-istandards tar-rapportar dwar is-sostenibbiltà għandhom iqisu d-diffikultajiet, inklużi l-limitazzjonijiet legali li jirriżultaw minn din id-Direttiva, li l-impriżi jistgħu jiltaqgħu magħhom fil-ġbir ta’ informazzjoni mingħand atturi tul il-katina tal-valur tagħhom, speċjalment mingħand dawk li mhumiex soġġetti għar-rekwiżiti tar-rapportar dwar is-sostenibbiltà stabbiliti fl-Artikolu 19a jew 29a u mingħand fornituri fi swieq u ekonomiji emerġenti. L-istandards tar-rapportar dwar is-sostenibbiltà għandhom jispeċifikaw divulgazzjonijiet dwar ktajjen tal-valur li huma proporzjonati u rilevanti għall-kapaċitajiet u l-karatteristiċi ta’ impriżi fil-ktajjen tal-valur, u għall-iskala u l-kumplessità tal-attivitajiet tagħhom, speċjalment dawk ta’ impriżi li mhumiex soġġetti għar-rekwiżiti tar-rapportar dwar is-sostenibbiltà stabbiliti fl-Artikolu 19a jew 29a. L-istandards tar-rapportar dwar is-sostenibbiltà ma għandhomx jispeċifikaw divulgazzjonijiet li jirrikjedu li l-impriżi jiksbu mingħand impriżi fil-katina tal-valur tagħhom li, fid-dati tal-karta tal-bilanċ tagħhom, ma jaqbżux l-għadd medju ta’ 1750 impjegat u fatturat nett ta’ EUR 450 000 000 matul is-sena finanzjarja, kwalunkwe informazzjoni li teċċedi l-informazzjoni li għandha tiġi ddivulgata skont l-istandards tar-rapportar dwar is-sostenibbiltà għall-użu volontarju msemmija fl-Artikolu 29ca.”;

1.Sabiex jiġi ffaċilitat ir-rapportar volontarju ta’ informazzjoni dwar is-sostenibbiltà minn impriżi għajr dawk imsemmija fl-Artikolu 19a(1) u fl-Artikolu 29a(1) u biex tiġi limitata l-informazzjoni li tista’ tintalab minn tali impriżi għall-finijiet ta’ din id-Direttiva, il-Kummissjoni għandha tadotta att delegat sa [4 xhur wara d-dħul fis-seħħ ta’ din id-Direttiva] f’konformità mal-Artikolu 49 li jissupplimenta din id-Direttiva biex jipprevedi standards tar-rapportar dwar is-sostenibbiltà għall-użu volontarju minn tali impriżi.

2.L-istandards tar-rapportar dwar is-sostenibbiltà msemmija fil-paragrafu 1 għandhom ikunu bbażati fuq ir-Rakkomandazzjoni 2025/4984 tal-Kummissjoni u proporzjonati għad-daqs tal-impriżi, u jkunu rilevanti għall-kapaċitajiet u l-karatteristiċi tal-impriżi li għalihom huma mfassla u għall-iskala u l-kumplessità tal-attivitajiet tagħhom. Għandhom ukoll, sa fejn ikun possibbli, jispeċifikaw l-istruttura li trid tintuża biex tiġi ppreżentata tali informazzjoni dwar is-sostenibbiltà. L-impriżi fil-katina tal-valur jistgħu jagħżlu mudell għar-rapportar ta’ informazzjoni dwar is-sostenibbiltà, sabiex l-impriżi li jitolbu informazzjoni ma jkunux meħtieġa jivvalutaw jew jimmappjaw il-kategoriji tad-daqs tal-entitajiet kollha fil-katina tal-valur tagħhom.

B’deroga mis-subparagrafu 1, l-Istati Membri jistgħu jipprevedu li l-membri tal-korpi amministrattivi, maniġerjali u superviżorji ta’ impriża, li jaġixxu fi ħdan il-kompetenzi assenjati lilhom mil-liġi nazzjonali, ma jkollhomx responsabbiltà kollettiva biex jiżguraw li r-rapport ta’ ġestjoni, jew ir-rapport ta’ ġestjoni kkonsolidat, fejn applikabbli, jitħejja f’konformità mal-Artikolu 29d.”;

2a.L-Istati Membri għandhom jiżguraw li l-opinjoni msemmija fil-paragrafu 1, it-tieni subparagrafu, il-punt (aa), titħejja b’rispett sħiħ tal-obbligu fuq l-impriżi li ma jfittxux li jiksbu mingħand impriżi fil-katina tal-valur tagħhom li, fid-dati tal-karta tal-bilanċ tagħhom, ma jaqbżux l-għadd medju ta’ 1 750 impjegat u fatturat nett ta’ EUR 450 000 000 matul is-sena finanzjarja, kwalunkwe informazzjoni li teċċedi l-informazzjoni speċifikata fl-istandards għall-użu volontarju msemmija fl-Artikolu 29ca, ħlief għal informazzjoni addizzjonali dwar is-sostenibbiltà li hija kondiviża b’mod komuni bejn l-impriżi fis-settur ikkonċernat.”;

“L-ewwel subparagrafu għandu japplika biss għal impriżi sussidjarji li, fid-dati tal-karta tal-bilanċ tagħhom, jaqbżu fatturat nett ta’ EUR 450 000 000 fis-sena finanzjarja preċedenti.”;

(b) ir-raba’ subparagrafu huwa sostitwit b’dan li ġej:

“Ir-regola msemmija fit-tielet subparagrafu għandha tapplika biss għal fergħa fejn l-impriża ta’ pajjiż terz ma jkollhiex impriża sussidjarja kif imsemmi fl-ewwel subparagrafu, u fejn il-fergħa tkun iġġenerat fatturat nett li jaqbeż EUR 450 000 000 fis-sena finanzjarja preċedenti.

(a)jiddaħħlu l-paragrafi 3c u 3d li ġejjin:

“3c. Is-setgħa ta’ adozzjoni ta’ atti delegati msemmija fl-Artikolu 29ca għandha tingħata lill-Kummissjoni għal perjodu ta’ żmien indeterminat minn [id-data tad-dħul fis-seħħ ta’ din id-Direttiva emendatorja].

3d.Id-delega ta’ setgħa msemmija fl-Artikolu 29ca tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta’ setgħa speċifikata f’dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandha taffettwa l-validità tal-ebda att delegat li jkun diġà fis-seħħ.

imħassar

“5. Att delegat adottat skont l-Artikolu 1(2), l-Artikolu 3(13), l-Artikoli 29b, 29ca jew 40b, jew l-Artikolu 46(2) għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.”.

(i)għal impriżi li, fid-dati tal-karta tal-bilanċ tagħhom, jaqbżu l-għadd medju ta’ 1 750 impjegat u fatturat nett ta’ EUR 450 000 000 matul is-sena finanzjarja;”;

(ii)għal impriżi omm ta’ grupp li, fid-dati tal-karta tal-bilanċ tiegħu, jaqbeż l-għadd medju ta’ 1750 impjegat u b’fatturat nett ta’ EUR 450 000 000, fuq bażi konsolidata, matul is-sena finanzjarja;”;

(i)għal emittenti kif definit fl-Artikolu 2(1), il-punt (d) tad-Direttiva 2004/109/KE li huma impriżi li, fid-dati tal-karta bilanċjali tagħhom jaqbżu l-għadd medju ta’ 1 750 impjegat u fatturat nett ta’ EUR 450 000 000 matul is-sena finanzjarja;”;

(ii)għal emittenti kif definiti fl-Artikolu 2(1), il-punt (d) tad-Direttiva 2004/109/KE li huma impriżi prinċipali ta’ grupp li, fid-dati tal-karta bilanċjali tiegħu, jaqbeż l-għadd medju ta’ 1 750 impjegat u fatturat nett ta’ EUR 450 000 000, fuq bażi konsolidata, matul is-sena finanzjarja;”;

(1)fl-Artikolu 1(1), il-punt (c) huwa mħassar.

(2)L-Artikolu 3(1) huwa emendat kif ġej:

(3)L-Artikolu 4 huwa emendat kif ġej:

(a)il-paragrafu 2 huwa sostitwit b’dan li ġej:

imħassar

“4. L-Istati Membri għandhom jiżguraw li, għall-finijiet tal-valutazzjoni ulterjuri prevista fil-paragrafu 2, il-punt (b), ta’ dan l-Artikolu, il-kumpaniji ma jfittxux li jiksbu l-informazzjoni mis-sħab kummerċjali tagħhom, dment li dan ma jkunx neċessarju. Meta s-sieħeb kummerċjali jkollu anqas minn 5 000 impjegat, il-kumpaniji jistgħu jfittxu tali informazzjoni biss bħala l-aħħar alternattiva, u jekk ma tkunx tista’ tinkiseb b’mod raġonevoli b’mezzi oħra, b’mod partikolari minn sorsi eżistenti jew sekondarji. Fi kwalunkwe każ, kwalunkwe talba għandha tkun immirata, raġonevoli u proporzjonata.

“5. L-Istati Membri għandhom jiżguraw li, għall-finijiet tal-identifikazzjoni u tal-valutazzjoni tal-impatti negattivi msemmija fil-paragrafu 1 abbażi ta’, meta jkun xieraq, informazzjoni kwantitattiva u kwalitattiva, il-kumpaniji jkunu intitolati li jagħmlu użu minn riżorsi xierqa, inklużi rapporti indipendenti, soluzzjonijiet diġitali, inizjattivi tal-industrija jew ta’ diversi partijiet ikkonċernati, kollaborazzjoni u informazzjoni miġbura permezz tal-mekkaniżmu ta’ notifika u tal-proċedura tal-ilmenti previsti fl-Artikolu 14.

Meta, minkejja li jkunu ħadu miżuri xierqa biex jidentifikaw l-impatti negattivi, il-kumpaniji ma jkollhomx l-informazzjoni kollha neċessarja rigward il-ktajjen ta’ attivitajiet tagħhom, huma għandhom ikunu jistgħu jispjegaw b’mod raġonevoli għaliex tali informazzjoni ma tistax tinkiseb. Jekk, b’riżultat ta’ dan, huma ma setgħux jieħdu miżuri xierqa biex jipprevjenu, jimmitigaw, itemmu jew jimminimizzaw l-impatt negattiv, dawn ma għandhomx jiġu penalizzati.”;

Fir-rigward tal-impatti negattivi potenzjali kif imsemmi fil-paragrafu 1 li ma setgħux jiġu evitati jew mitigati b’mod adegwat mill-miżuri stabbiliti fil-paragrafi 2, 4 u 5, il-kumpanija tista’, bħala l-aħħar rimedju:

(c)tuża jew iżżid l-ingranaġġ tagħha, fejn possibbli, permezz tas-sospensjoni temporanja tar-relazzjoni kummerċjali fir-rigward tal-attivitajiet ikkonċernati.

Sakemm ikun hemm aspettattiva raġonevoli li l-pjan ta’ azzjoni ta’ prevenzjoni msaħħaħ se jirnexxi, is-sempliċi fatt li titkompla l-interazzjoni mas-sieħeb kummerċjali ma għandux jesponi lill-kumpanija għal penali skont l-Artikolu 27 jew għal responsabbiltà skont l-Artikolu 29.

Qabel ma tissospendi relazzjoni kummerċjali temporanjament, il-kumpanija għandha tivvaluta f’konsultazzjoni mal-partijiet ikkonċernati rilevanti, jekk teżistix ebda alternattiva disponibbli għal dik ir-relazzjoni kummerċjali, li tipprovdi materja prima, prodott jew servizz essenzjali għall-produzzjoni ta’ oġġetti jew għall-forniment ta’ servizzi tal-kumpanija u s-sospensjoni tikkawżax preġudizzju sostanzjali lill-kumpanija jew jekk l-impatti negattivi meta tagħmel dan jistgħux ikunu raġonevolment mistennija li jkunu manifestament aktar severi mill-impatt negattiv li ma setax jiġi prevenut jew mitigat b’mod adegwat. Jekk dak ikun il-każ, il-kumpanija ma għandhiex tkun meħtieġa tissospendi r-relazzjoni kummerċjali, u għandha tkun f’pożizzjoni li tirrapporta lura lill-awtorità superviżorja kompetenti dwar ir-raġunijiet debitament ġustifikati għal tali deċiżjoni.

L-Istati Membri għandhom jipprevedu opzjoni biex tiġi sospiża jew mitmuma r-relazzjoni kummerċjali f’kuntratti rregolati mil-liġijiet tagħhom, ħlief għal kuntratti fejn il-partijiet ikunu obbligati bil-liġi li jidħlu fihom.

Fir-rigward tal-impatti negattivi reali kif imsemmi fil-paragrafu 1 li ma setgħux jinġiebu fi tmiemhom jew li l-firxa tagħhom ma setgħetx tiġi minimizzata mill-miżuri stabbiliti fil-paragrafi 3, 5 u 6, il-kumpanija tista’, bħala l-aħħar rimedju:

(b)meta l-liġi li tirregola r-relazzjoni tagħha mas-sieħeb kummerċjali kkonċernat tkun tintitolaha li tagħmel dan, tadotta u timplimenta pjan imsaħħaħ ta’ azzjoni korrettiva għall-impatt negattiv speċifiku mingħajr dewmien żejjed, dment li jkun hemm aspettattiva raġonevoli li dawk l-isforzi se jirnexxu, u

(c)tuża jew iżżid l-ingranaġġ tagħha, fejn possibbli, permezz tas-sospensjoni temporanja tar-relazzjoni kummerċjali fir-rigward tal-attivitajiet ikkonċernati.

Sakemm ikun hemm aspettattiva raġonevoli li l-pjan msaħħaħ ta’ azzjoni korrettiva se jirnexxi, is-sempliċi fatt li titkompla l-interazzjoni mas-sieħeb kummerċjali ma għandux jesponi lill-kumpanija għal penali skont l-Artikolu 27 jew għal responsabbiltà skont l-Artikolu 29.

Qabel ma tissospendi relazzjoni kummerċjali temporanjament, il-kumpanija għandha tivvaluta, f’konsultazzjoni mal-partijiet ikkonċernati rilevanti, jekk teżistix ebda alternattiva disponibbli għal dik ir-relazzjoni kummerċjali li tipprovdi materja prima, prodott jew servizz essenzjali għall-produzzjoni ta’ oġġetti jew għall-provvista ta’ servizzi ta’ dik il-kumpanija u s-sospensjoni tikkawżax preġudizzju sostanzjali lill-kumpanija, jew jekk l-impatti negattivi meta tagħmel dan jistgħux ikunu raġonevolment mistennija li jkunu manifestament aktar severi mill-impatt negattiv li ma setax jiġi mitmum jew li l-firxa tiegħu ma setgħetx tiġi minimizzata b’mod adegwat. Jekk dak ikun il-każ, il-kumpanija ma għandhiex tkun meħtieġa tissospendi r-relazzjoni kummerċjali, u għandha tkun f’pożizzjoni li tirrapporta lura lill-awtorità superviżorja kompetenti dwar ir-raġunijiet debitament ġustifikati għal tali deċiżjoni.

L-Istati Membri għandhom jipprevedu opzjoni biex tiġi sospiża jew mitmuma r-relazzjoni kummerċjali f’kuntratti rregolati mil-liġijiet tagħhom f’konformità mal-ewwel subparagrafu, ħlief għal kuntratti fejn il-partijiet ikunu obbligati bil-liġi li jidħlu fihom.

Meta l-kumpanija tiddeċiedi li ma tissospendix ir-relazzjoni kummerċjali skont dan l-Artikolu, hija għandha timmonitorja l-impatt negattiv reali u perjodikament tivvaluta d-deċiżjoni tagħha u jekk humiex disponibbli aktar miżuri xierqa.”;

“Tali valutazzjonijiet għandhom ikunu bbażati, meta jkun xieraq, fuq indikaturi kwalitattivi u kwantitattivi u għandhom jitwettqu mingħajr dewmien żejjed wara li sseħħ bidla sinifikanti, iżda mill-inqas kull erba’ snin u kull meta jkun hemm raġunijiet raġonevoli biex wieħed jemmen li l-miżuri ma għadhomx adegwati jew effettivi jew li jistgħu jinħolqu riskji ġodda tal-okkorrenza ta’ dawk l-impatti negattivi.”;

“3. Il-linji gwida msemmija fil-paragrafu 2, il-punti (a), (b) u (d) sa (g) għandhom isiru disponibbli sas-26 ta’ Lulju 2026.”;

(10)L-Artikolu 22 jitħassar;

(11)L-Artikolu 27 huwa emendat kif ġej:

4.Il-Kummissjoni, f’kollaborazzjoni mal-Istati Membri, għandha toħroġ gwida dwar il-livell xieraq ta’ penali, filwaqt li tqis il-fatturat tal-kumpaniji, biex tassisti lill-awtoritajiet superviżorji fid-determinazzjoni tal-livell ta’ penali f’konformità ma’ dan l-Artikolu.

(13)L-Artikolu 36 huwa emendat kif ġej: