(1)Níl aon chur chuige coiteann laistigh den Aontas faoi láthair maidir le ríomh an bhoinn cánach do ghnólachtaí. Dá bhrí sin, tá gnólachtaí an Aontais faoi oibleagáid córas cánach corparáide difriúil a chomhlíonadh i ngach Ballstát ina n‑oibríonn siad. Mar shampla, in 2023, de réir Thuarascáil Bhliantúil 2024 maidir le Cánachas, bhí rátaí cánach corparáide reachtúla éagsúil idir na Ballstáit ó 10 % go 31.5 % (agus ó 9 % go 29 %, agus na scéimeanna tacaíochta cánach a chuir rialtais i bhfeidhm á gcur i gcuntas).

(2)Mar gheall gur ann do 27 gcóras cánach corparáide éagsúla san Aontas, tá castacht ann maidir le comhlíonadh cánach agus tá iomaíocht éagórach ann do na gnólachtaí agus is féidir le cánach dúbailte, seachaint cánach agus neamhchánachas dúbailte a bheith mar thoradh air sin. De réir Thuarascáil Bhliantúil 2024 maidir le Cánachas, measadh gurbh ionann caillteanais ioncaim mar gheall ar aistriú brabúis chorparáidigh agus 20 % de na hioncaim uile ó cháin chorparáide a bailíodh in 2022 san Aontas, arbh ionann é agus thart ar EUR 100 billiún i luach ainmniúil. Is follasaí iad na feiniméin sin anois toisc go bhfuil an bhraistint atá ann i leith teorainneacha talún agus samhaltacha gnó athraithe go mór ag an domhandú agus digiteáil an gheilleagair. De réir mar a rinne rialtais iarracht oiriúnú don réaltacht nua seo, d’eascair tuilleadh saofa sa mhargadh inmheánach as freagairt ilroinnte ó na Ballstáit. Tá cleachtais éagsúla i measc na n-údarás fioscach ar fud na mBallstát de bharr na gcreataí dlíthiúla éagsúla freisin. Is gnách nósanna imeachta fada a bheith ag baint leis sin agus is minic a bhíonn dothuarthacht agus neamhréir ann in éineacht le costais chomhlíontachta arda, ar féidir leis tionchar a imirt ar infheistíochtaí trasteorann. Is féidir leis an gcastacht sin bac a chur ar leathnú gnólachtaí sa mhargadh inmheánach, agus tionchar diúltach a imirt ar an nuálaíocht, ar an iomaíochas agus ar phoist. Dá bhrí sin, tá gá le cur chuige coiteann, ní hamháin chun cánachas cothrom agus éifeachtach a áirithiú, ach freisin chun sláine agus iomaíochas na gcuideachtaí atá gníomhach sa mhargadh inmheánach a neartú.

(3)Cé go bhfuil dearadh na gcóras éagsúil, tá gnéithe bunúsacha na gcóras cánach corparáide cosúil le chéile toisc go leagtar síos leo rialacha atá dírithe ar an gcuspóir céanna, i.e., bonn cánach a shocrú do ghnólachtaí. Ar an gcaoi sin, chun tacú le feidhmiú cuí an mhargaidh inmheánaigh, ba cheart timpeallacht na cánach corparáide san Aontas a mhúnlú de réir an phrionsabail go n-íocann cuideachtaí a gcion cothrom cánach sna dlínsí ina ngintear a mbrabúis. Dá bhrí sin, bheadh sé tábhachtach do ghnólachtaí a oibríonn ar an margadh inmheánach go ndéanfadh na Ballstáit creat dlíthiúil comhchoiteann a thabhairt isteach chun gnéithe bunúsacha na gcóras cánach corparáide a chomhchuibhiú d’fhonn rialacha cánach a shimpliú, an t-ualach riaracháin a laghdú, iomaíocht chóir a áirithiú, deimhneacht dhlíthiúil do chuideachtaí a oibríonn thar theorainneacha a fheabhsú agus seachaint cánach a chomhrac. Ba cheart raon feidhme an chomhchuibhithe sin a theorannú go docht do na critéir agus do na heintitis dá dtagraítear sa Treoir seo, cé gur faoi na Ballstáit atá sé na beartais ráta cánach agus forfheidhmiúcháin a chinneadh i gcónaí, faoi chuimsiú Threoir (AE) 2022/25231a ón gComhairle.

(5)Ba cheart an timpeallacht ina ndéantar gnó sa mhargadh inmheánach a dhéanamh níos mealltaí agus é d’aidhm aige fás agus infheistíocht san Aontas a spreagadh. Chun na críche sin, ba cheart tosaíocht a thabhairt d’achtú creata chomhchoitinn de rialacha cánach corparáide, chun é a dhéanamh níos éasca do ghnólachtaí na rialacha sin a chomhlíonadh nuair a oibríonn siad thar theorainneacha agus, chomh maith leis sin, iad siúd ar mian leo tuilleadh leathnaithe a dhéanamh ar an gcoigríoch a spreagadh chun déanamh amhlaidh agus fiontraíocht sa mhargadh inmheánach a spreagadh. Tá coinne leis go mbeidh deimhneacht chánach fheabhsaithe agus líon níos lú díospóidí cánach ann mar thoradh ar thacar amháin rialacha cánach corparáide a bheith ann le haghaidh gníomhaíocht idirnáisiúnta, toisc go rachfaí i ngleic le saobhadh agus go laghdófaí líon na gcásanna cánachais dhúbailte agus neamhchánachais dhúbailte. Tugann sé seo le tuiscint freisin gur lú na deiseanna atá ann mí-úsáid a bhaint as roinnt forálacha sonracha náisiúnta cánach i gcomhthéacs uile-Eorpach. Thairis sin, ós rud é gur cuid thábhachtach de bhuiséid na mBallstát í inbhuanaitheacht ioncaim cánach, lena n-áirítear chun infheistíocht a dhéanamh i mbonneagar, i dtaighde agus i bhforbairt, sa tslándáil agus sa chosaint, agus in aistrithe glasa agus sóisialta agus chun seirbhísí poiblí a sholáthar, go háirithe do na teaghlaigh is leochailí, is den ríthábhacht é rialacha maidir le cinneadh brabúis a dhearadh san Aontas nach mbeidh ioncaim níos ísle do na Ballstáit mar thoradh orthu. Ina theannta sin, bheadh sé ríthábhachtach a áirithiú don todhchaí go ndéanfar leithdháileadh ioncam i gcomhréir le huirlis atá bunaithe ar pharaiméadair dhaingne nach féidir mí-úsáid a bhaint astu.

(7)Cé go gcinnfí an tairseach ar bhonn ioncaim chomhcheangailte an ghrúpa ar bhonn domhanda, ba cheart sainchúram na bhforálacha a bheith teoranta do chomhaltaí an ghrúpa a oibríonn ar an margadh inmheánach toisc nach bhfuil feidhm ag dlí an Aontais ach amháin laistigh den Aontas agus nach bhfuil sé ina cheangal ar Stáit nach Ballstáit iad. Níor cheart, dá bhrí sin, ach fothacar an Aontais den ghrúpa sin a bheith i gceist. D’áiritheofaí leis sin cuideachtaí atá cónaitheach i mBallstát chun críoch cánach agus a mbuanbhunaíochtaí, lena n-áirítear aon láithreacht eacnamaíoch shuntasach, atá ag oibriú i mBallstát, chomh maith le buanbhunaíochtaí cuideachtaí tríú tír atá san Aontas, ar den ghrúpa céanna iad.

(9)Cuireann an cuspóir a bhaineann le simpliú na rialacha atá ann faoi láthair an tionscnamh atá beartaithe i dtábhacht, lena bhfeabhsaítear éifeachtúlacht agus iomaíochas an mhargaidh inmheánaigh. Dá bhrí sin, ba cheart na rialacha maidir le ríomh an bhoinn cánach a fhorbairt trí shraith theoranta coigeartuithe cánach a chur i bhfeidhm maidir le ráitis airgeadais gach comhalta den ghrúpa. Léireofaí leis na coigeartuithe teoranta sin coigeartuithe coiteanna a bhfuil gá leo chun ráitis cuntasaíochta airgeadais a thiontú ina mbonn cánach. Agus an gá atá le hailíniú le Treoir (AE) 2022/2523 á chur san áireamh, ba cheart do na coigeartuithe teacht leis an gcreat sin, lenar cheart an cur chun feidhme a éascú do Bhallstáit agus do ghnólachtaí a mbeadh cur amach acu cheana féin ar na prionsabail ghinearálta. Sa chreat sin, ba cheart an íocaíocht cánach breisiúcháin atá dlite i gcomhréir le Treoir (AE) 2022/2523 nó i gcur i bhfeidhm cánach breisiúcháin náisiúnta cáilithe dá dtagraítear sa Treoir sin, nó aon chánacha íosta malartacha eile a aithnítear i bhfóram idirnáisiúnta amhail ECFE, a chur san áireamh.

(10)Ós rud é go n-úsáidfear na cuntais airgeadais mar thúsphointe chun bonn cánach gach comhalta den ghrúpa a ríomh, ar mhaithe le simpliú a dhéanamh, is gá rialacha cánach a dhréachtú ar bhealach ina mbeidh siad chomh gar agus is féidir don chuntasaíocht airgeadais. I gcásanna inar féidir, ní athródh an cur chuige cuntasaíochta airgeadais i ndáil le sócmhainn nó dliteanas chun críoch cánach agus dá réir sin, ní bheadh gá le haon choigeartú. Dá réir sin, i gcomhréir le réasúnaíocht an chánachais, is gá freisin go gcaithfí le heilimintí eile den bhonn cánach chun críoch cánach ar bhealach difriúil leis an mbealach a gcáilítear iad faoi chuntasaíocht airgeadais. Chun comhsheasmhacht a áirithiú le cleachtais chánach idirnáisiúnta amhail na cleachtais sin faoi chreat Cholún a Dó, ba cheart solúbthacht níos mó a cheadú leis an Treoir seo maidir le rogha na gcaighdeán cuntasaíochta airgeadais a úsáidtear chun an réamhthoradh cánach a chinneadh.

(12)Chun an príomhchuspóir a bhaint amach, is é sin creat cánach corparáide simplithe a chruthú, ba cheart na réamhthorthaí cánach i gcás gach comhalta grúpa a chomhiomlánú i mbonn cánach coiteann amháin chun an bonn sin a leithdháileadh ar chomhaltaí grúpa incháilithe ina dhiaidh sin. Ba cheart an creat sin a bheith simplí do ghnólachtaí agus níor cheart aon ualach nua a chur orthu. Mar gheall ar na coigeartuithe cánach ar na ráitis airgeadais bheadh réamhthorthaí cánach ann do gach comhalta den ghrúpa. Dhéanfaí na torthaí sin a chomhiomlánú ansin, rud a d’fhágfadh go mbeadh faoiseamh caillteanais trasteorann caidhpeáilte ann idir comhaltaí ghrúpa BEFIT, agus ina dhiaidh sin, leithdháilfí an bonn cánach comhiomlánaithe ar chomhaltaí grúpa bunaithe ar riail maidir le leithdháileadh idirthréimhseach; leis sin réiteofaí an bealach le haghaidh sásra buan. Ba cheart an sásra buan sin a bheith bunaithe ar chionroinnt de réir foirmle lena n-áirítear ceithre thacar d’fhachtóirí inláimhsithe, ach gan a bheith teoranta dóibh: saothar, sócmhainní, díolacháin agus láithreacht dhigiteach. D’fhágfaí leis nár ghá d’idirbhearta laistigh de ghrúpa BEFIT a bheith i gcomhréir le prionsabal an fheidhmithe neamhspleách. Bheadh sé de bhuntáiste aige na sonraí is déanaí maidir le tuairisciú de réir tíre (‘CbCR’) agus an fhaisnéis a bhailítear le linn na hidirthréimhse a úsáid. Fágfar leis sin go mbeifear in ann measúnú níos críochnúla a dhéanamh ar an tionchar a mheastar a bheidh ag cur chun feidhme an chur chuige dhécholúnaigh ar bhoinn chánach náisiúnta agus ar bhoinn chánach ghrúpaí BEFIT, agus dá bhrí sin, costais comhlíontachta cánach do chuideachtaí a laghdú. Ar an mbealach sin, bheadh sé indéanta i gcónaí an príomhchuspóir, is é sin neodracht chánach sa mhargadh inmheánach, a bhaint amach, rud lena laghdófaí cásanna an chánachais dhúbailte agus an neamhchánachais dhúbailte agus a fheabhsódh deimhneacht chánach agus é d’aidhm aige sin an líon díospóidí cánach a laghdú. I bhfianaise forbairtí idirnáisiúnta cánach atá ag teacht chun cinn agus cur chun feidhme éiginnte Cholún a hAon ag príomhdhlínsí, is den ríthábhacht é go gcaomhnóidh an tAontas an tsolúbthacht agus sásra leithdháilte atá uathrialach, cóir agus cothrom ó thaobh an gheilleagair de á fhorbairt aige.

(14)Chun spás don fhás agus don infheistíocht a sholáthar, cheadófaí do na Ballstáit coigeartuithe iar-leithdháilte breise (e.g. cóireáil cánach ranníocaíochtaí pinsin) a chur i bhfeidhm go haonarach i réimsí nach gcumhdaítear le creat comhchoiteann. Bheadh de rogha ag na Ballstáit a sciar leithdháilte a choigeartú tuilleadh, gan uasteorainn, chun a áirithiú gur féidir leis na Ballstáit a roghanna beartais náisiúnta a dhéanamh sa réimse sin, mar shampla chun éifeachtúlacht acmhainne a ghiniúint, infheistíocht a spreagadh agus poist a chruthú. Féadfar a áireamh ar na coigeartuithe breise sin asbhaintí, liúntais, creidmheasanna cánach nó bearta cánach corparáide náisiúnta eile, lena n-áirítear iad siúd a chuireann taighde agus forbairt nó cuspóirí beartais eile chun cinn, ar choinníoll nach bhfuil feidhm ag na bearta sin ach amháin maidir leis an sciar leithdháilte den bhonn cánach agus nach ndéanann siad difear don bhonn cánach comhdhlúite ná don sásra leithdháilte faoin Treoir seo. Leis an gcoigeartú iar-leithdháilte, áfach, ba cheart díriú ar dhreasachtaí cánach atá bunaithe ar ionchur. Ba cheart do na Ballstáit staonadh ó dhreasachtaí cánach atá bunaithe ar aschur a thairiscint, amhail boscaí paitinne agus córais maoine intleachtúla eile.

(15)Oibríonn roinnt Ballstát córais cánach corparáide atá tógtha ar phrionsabail atá difriúil leis an gcur chuige is coitianta, amhail córais chánach atá bunaithe ar leithdháileadh. Tá sé fíorthábhachtach, dá bhrí sin, na coigeartuithe a bhfuil gá leo a chur i bhfeidhm, chun a áirithiú go mbíonn idirghníomhaíocht inoibrithe ann leis na córais sin agus gan contrárthacht idir an dá chóras a thabhairt isteach, lena ndéanfaí cruthú gnó a dhíspreagadh. D’fhéadfaí an réiteach a lorg i gcoigeartuithe áirithe iar‑leithdháilte. Bheadh sé i gceist leis an méid sin, go gcaithfí an chuid a leithdháilfí ar chomhalta grúpa faoi chóras atá bunaithe ar leithdháileadh, a mhodhnú i gcoibhneas leis na leithdháiltí a dhéantar le linn na bliana fioscaí. Choinneofaí croí an chórais cánach atá bunaithe ar leithdháileadh, toisc gur pointe ama é an leithdháileadh maidir le cáin a ghearradh ar an gcuid leithdháilte agus dá réir sin d’fhéadfaí a chinneadh cé mhéad de sin a mbeadh gá le cáin a ghearradh air. Ina leith sin, ba cheart é a bheith beartaithe sásra tabhairt ar aghaidh a úsáid chun a áirithiú go mbeadh an chuid leithdháilte, nach ngearrtar cáin uirthi sa bhliain reatha, inchánach sna blianta dár gcionn. Ba cheart measúnú a dhéanamh tar éis 5 bliana ar an bhféidearthacht córais chánach atá bunaithe ar leithdháileadh a áireamh faoi raon feidhme na Treorach seo.

(17)Is gá go mbeadh córas riaracháin mar chuid de chreat coiteann le haghaidh cánachas corparáideach, agus ba cheart, go hidéalach, go bhforálfaí leis do mhéid áirithe deimhneachta cánach agus simplithe cánach. Chun aonfhoirmeacht a chur chun cinn, bheadh ar an gcóras riaracháin tógáil ar an tábhacht a bhaineann le pointe tagartha láraithe a oibriú chun dul i ngleic le roinnt saincheisteanna coiteanna, amhail Tuairisceán Faisnéise don ghrúpa iomlán, agus leibhéal leormhaith rúndachta agus slándála, chomh maith le leibhéal leormhaith comhordúcháin agus comhair a áirithiú idir údaráis fhioscacha náisiúnta. An tráth céanna, le linn an aistrithe, ba cheart don chóras riaracháin ceannasacht chánach náisiúnta a urramú ina hiomláine mar go mbeadh ar thuairisceáin cánach áitiúla, iniúchtaí agus réiteach díospóidí fanacht go príomha ar leibhéal na mBallstát.

(18)Chun a áirithiú go gcuirtear rialacha an chreata chomhchoitinn chun feidhme agus go bhforfheidhmítear iad i gceart, ba cheart do na Ballstáit rialacha maidir leis na pionóis is infheidhme, maidir le sáruithe ar na forálacha náisiúnta a ghlactar de bhun na Treorach seo, a leagan síos. Ba cheart na pionóis sin a bheith éifeachtach, comhréireach agus athchomhairleach. Ba cheart na pionóis sin a shocrú ag íosráta 0,1 % de láimhdeachas an ghrúpa BEFIT i gcás ina mainnítear an tuairisceán faisnéise BEFIT a chomhdú dá réir agus i gcás míthuairisciú d’aon ghnó i dtuairisceán faisnéise BEFIT.

(19)Chun an leas is fearr is féidir a bhaint as na tairbhí a bhainfeadh le creat dlíthiúil comhchoiteann a bheith ann chun an bonn cánach corparáide sa mhargadh inmheánach a ríomh, ba cheart cur i bhfeidhm na rialacha a bheith roghnach do ghrúpaí, lena n-áirítear grúpaí FBManna, a thuilleann ioncaim chomhcheangailte bhliantúla ar lú é ná EUR 750 000 000 a fhad agus a ullmhaíonn siad ráitis airgeadais chomhdhlúite agus a bhfuil bunaíocht inchánach san Aontas acu. Trí chur i bhfeidhm na rialacha a bheith mar rogha do ghrúpaí níos lú, d’fhéadfadh níos mó grúpaí ag a bhfuil struchtúir agus gníomhaíochtaí trasteorann tairbhiú den simpliú a chuirtear ar fáil leis an gcreat comhchoiteann. Ba cheart do chuideachtaí a roghnaíonn a bheith cumhdaithe faoin Treoir seo tairbhe a bhaint as cúnamh teicniúil na mBallstát agus an Choimisiúin chun na rialacha nua a chomhlíonadh agus, dá bhrí sin, a ngníomhaíochtaí trasteorann a chothú.

8.Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 74 chun Iarscríbhinní I agus II a leasú chun athruithe ar dhlíthe na mBallstát a bhaineann le foirmeacha cuideachtaí agus cánacha corparáide a léiriú go beacht.

(a)is máthaireintiteas deiridh an ghrúpa í an chuideachta nó is cuideachta eile den ghrúpa í a bhfuil 50 % ar a laghad de na cearta úinéireachta nó na cearta lena dtugtar teidlíocht ar bhrabús i seilbh an mháthaireintitis deiridh, go díreach nó go hindíreach;

(b)is máthaireintiteas deiridh an ghrúpa í ceannoifig na buanbhunaíochta nó is comhalta eile (cuideachta nó eintiteas) den ghrúpa í a bhfuil 50 % ar a laghad de na cearta úinéireachta nó na cearta lena dtugtar teidlíocht ar bhrabús i seilbh an mháthaireintitis deiridh, go díreach nó go hindíreach.

Coigeartófar glanioncam nó glanchaillteanas comhalta de ghrúpa BEFIT i gcomhréir le hAirteagal 16(1), pointe (e), de Threoir (AE) 2022/2523.

scriosta

scriosta

1.Coigeartófar glanioncam nó glanchaillteanas comhalta de ghrúpa BEFIT chun aon sócmhainn sheasta inláimhsithe a eisiamh, sa bhliain fhioscach éadála, sócmhainn ag a bhfuil luach de réir na leabhar roimh dhímheas atá faoi bhun EUR 7 500.

(a)gach foirgneamh chomh maith le haon chineál eile maoine dochorraithe agus struchtúir atá in úsáid don ghnó, cé is moite d’fhoirgnimh agus struchtúir thionsclaíocha: 30 bliain;

(b)na sócmhainní seasta inláimhsithe uile eile: a saolré úsáideach, arna measúnú i gcomhréir leis an gcaighdeán cuntasaíochta inghlactha san Aontas dá dtagraítear in Airteagal 7, ach a bhfuil 10 mbliana ar a laghad ag baint léi;

1.Taifeadfar costais éadála, costais foirgníochta nó costais feabhsúcháin, in éineacht leis an dáta ar tosaíodh ar a n-úsáid tar éis na héadála, na foirgníochta nó an fheabhsúcháin, i gclár sócmhainní seasta laistigh den ghrúpa BEFIT i gcás gach sócmhainne seasta ar leithligh.

3.Coinneofar an clár sócmhainní seasta ar bhealach a sholáthraíonn faisnéis leordhóthanach, lena n-áirítear sonraí dímheasa, chun an réamhthoradh cánach a ríomh. Coimeádfaidh an grúpa BEFIT cóip den chlár sócmhainní seasta ar feadh 5 bliana ón dáta a scoir dímheas na sócmhainne sin. Áireofar an fhaisnéis seo a leanas ar a laghad sa chlár sócmhainní seasta:

I gcás ina dtéann cuideachta nó buanbhunaíocht isteach i ngrúpa BEFIT, déanfar aon chaillteanas neamhfhaoisimh a tabhaíodh suas le 5 bliana roimh an dáta a chuathas isteach, i gcomhréir le dlí cánach corparáide an Bhallstáit ina bhfuil cuideachta nó buanbhunaíocht cónaitheach chun críoch cánach nó lonnaithe faoi seach, a asbhaint dá scair de bhonn cánach BEFIT arna chinneadh i gcomhréir le Caibidil III.

D’ainneoin Airteagal 9, i gcás ina bhfágann comhalta de ghrúpa BEFIT grúpa BEFIT, de thoradh diúscairt scaireanna, agus le linn na bliana fioscaí sin nó le linn na bliana fioscaí roimhe sin, go bhfuair an comhalta sin de ghrúpa BEFIT, sócmhainn sheasta amháin nó níos mó ná sin, in idirbheart laistigh de ghrúpa BEFIT, déanfar an méid a chomhfhreagraíonn don ghnóthachan nó don chaillteanas a eascraíonn as diúscairt na sócmhainní seasta sin laistigh de ghrúpa BEFIT a áireamh i nglanioncam nó glanchaillteanas cuntasaíochta airgeadais an chomhalta de ghrúpa BEFIT a raibh na sócmhainní ina sheilbh aige roimh an diúscairt laistigh de ghrúpa BEFIT.

Ní bheidh feidhm ag an gcéad fhomhír má léiríonn an comhalta de ghrúpa BEFIT go ndearnadh an t-idirbheart laistigh de ghrúpa BEFIT ar chúiseanna bailí tráchtála de réir bhrí Airteagal 15(1), pointe (a), de Treoir 2009/133/CE.

(b)méid diúltach, fritháireofar an caillteanas in aghaidh ioncam inchánach an mháthaireintitis deiridh agus tabharfar anonn é ar feadh 5 bliana ar a mhéad agus fritháireofar é in aghaidh an chéad bhoinn cánach BEFIT dheimhnigh eile. Beidh an asbhaint i gcomhréir le sealúchas an mháthaireintitis deiridh ina fhochuideachtaí cáilitheacha dá dtagraítear in Airteagal 3(1) agus go hiomlán i gcás buanbhunaíochtaí. Ní bheidh méid diúltach mar thoradh ar an laghdú ar bhonn cánach an cháiníocóra chónaithigh.

I gcás gach bliana fioscaí idir an 1 Iúil 2028 agus an 30 Meitheamh 2033 ar a dhéanaí (‘an idirthréimhse’), leithdháilfear bonn cánach BEFIT ar na comhaltaí de ghrúpa BEFIT i gcomhréir leis an gcéatadán leithdháilte bunlíne.

I gcás grúpaí a bheidh faoi réir na Treorach seo tar éis dheireadh na chéad bhliana fioscaí ina mbeidh feidhm ag an Treoir seo, foirceannfar an idirthréimhse dá dtagraítear sa chéad fhomhír faoin 30 Meitheamh 2033 ar a dhéanaí.

(a)crios ísealriosca: i gcás ina dtagann méadú níos lú ná 15 % ar an speansas arna thabhú, nó an t‑ioncam arna thuilleamh, ag comhalta de ghrúpa BEFIT ó idirbhearta laistigh de ghrúpa BEFIT le linn bliain fhioscach, i gcomparáid le meánspeansas nó meánioncam ó idirbhearta laistigh de ghrúpa BEFIT sna 3 bliana fhioscacha roimhe sin;

(b)crios ardriosca: i gcás ina dtagann méadú 15 % nó níos mó ar an speansas arna thabhú, nó an t‑ioncam arna thuilleamh, ag comhalta de ghrúpa BEFIT ó idirbhearta laistigh de ghrúpa BEFIT le linn bliain fhioscach, i gcomparáid le meánspeansas nó meánioncam ó idirbhearta laistigh de ghrúpa BEFIT sna 3 bliana fhioscacha roimhe sin.

5.D’ainneoin Airteagal 13(2), maidir leis na róchostais iasachtaíochta dá dtagraítear in Airteagal 2 de Threoir (AE) 2016/1164 ón gComhairle a eascraíonn as idirbheart idir comhaltaí de ghrúpa BEFIT, ní aithneofar iad chun críche céatadáin leithdháilte bunlíne an chomhalta de ghrúpa BEFIT a thabhaíonn na costais sin a ríomh. Déanfaidh na Ballstáit bearta iomchuí chun gnóthais a spreagadh chun na rioscaí sin a laghdú.

scriosta

10.Beidh feidhm i gcónaí ag na rialacha a leagtar síos i míreanna 1 go 8 go dtí go dtiocfaidh aon leasú a mholtar de bhun Airteagal 77(1b) i bhfeidhm.

2.Anuas ar na coigeartuithe a liostaítear i mír 1, féadfaidh Ballstát, faoi réir Threoir (AE) 2022/2523, foráil a dhéanamh, trí mhíreanna breise, do mhéadú nó laghdú na coda leithdháilte de chomhaltaí de ghrúpa BEFIT a bhfuil cónaí orthu chun críoch cánach nó atá lonnaithe i bhfoirm buanbhunaíochta sa Bhallstát sin.

2.Cuirfear tuairisceán faisnéise BEFIT faoi bhráid an údaráis comhdaithe tráth nach déanaí ná 6 mhí tar éis dheireadh na bliana fioscaí.

1.Tabharfaidh an t‑eintiteas is comhdaitheoir fógra don údarás comhdaithe faoi earráidí i dtuairisceán faisnéise BEFIT laistigh de 3 mhí ó thíolacadh tráthúil an tuairisceán sin.

3.Soláthrófar an fhaisnéis a chuirfear in iúl idir comhaltaí d’fhoireann BEFIT trí mheán leictreonach a mhéid is féidir, trí nasc slán nó trí líonra slán, trí úsáid a bhaint as uirlis chomhair de chuid BEFIT.

4.Chun oibriú agus cumarsáid fhoireann BEFIT a éascú, déanfaidh an Coimisiún, trí bhíthin gníomhartha cur chun feidhme, cur in iúl na faisnéise idir comhaltaí d’fhoireann BEFIT a chaighdeánú trí úsáid a bhaint as uirlis chomhair BEFIT agus trí thacú le tarchur slán na faisnéise. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 73.

1.Laistigh de 3 mhí tar éis thíolacadh tráthúil an tuairisceáin tabharfaidh comhalta de ghrúpa BEFIT fógra faoi earráidí sa tuairisceán cánach aonair d’údarás inniúil an Bhallstáit ina bhfuil cónaí chun críoch cánach air nó ina bhfuil sé lonnaithe i bhfoirm buanbhunaíochta.

1.Féadfaidh údarás inniúil Ballstáit tús a chur le hiniúchtaí ar chomhaltaí de ghrúpa BEFIT a bhfuil cónaí chun críoch cánach orthu sa Bhallstát sin nó atá lonnaithe ann i bhfoirm buanionadaíochta agus féadfaidh sé na hiniúchtaí sin a chomhordú. Tabharfaidh an t-údarás inniúil sin fógra do na comhaltaí eile san fhoireann BEFIT laistigh d’aon mhí amháin ó thionscnamh an iniúchta sin.

1.Laistigh de 3 mhí tar éis don mheasúnú a bheith curtha in iúl dó, féadfaidh comhalta de ghrúpa BEFIT achomharc a dhéanamh in aghaidh ábhar an mheasúnaithe cánach aonair a rinneadh de bhun Airteagal 64 os comhair údarás inniúil an Bhallstáit ina bhfuil cónaí chun críoch cánach ar an gcomhalta sin de ghrúpa BEFIT nó ina bhfuil sé lonnaithe i bhfoirm buanbhunaíochta. Déanfaidh comhlacht riaracháin an t‑achomharc riaracháin a éisteacht, ar comhlacht é atá inniúil achomhairc a éisteacht ag céadchéim i gcomhréir le dlí Bhallstát an chomhalta de ghrúpa BEFIT. Is le dlí an Bhallstáit ina bhfuil cónaí chun críoch cánach ar an gcomhalta de ghrúpa BEFIT nó ina bhfuil sé lonnaithe i bhfoirm buanbhunaíochta a dhéanfar an t-achomharc riaracháin a rialú. I gcás nach ann don chomhlacht riaracháin sin sa Bhallstát ina bhfuil cónaí chun críoch cánach ar an gcomhalta de ghrúpa BEFIT nó ina bhfuil sé lonnaithe i bhfoirm buanbhunaíochta, féadfaidh an comhalta de ghrúpa BEFIT achomharc breithiúnach a thaisceadh go díreach.

1.I gcás inar deimhníodh nó inar athraíodh an cinneadh a rinneadh de bhun Airteagal 66 agus laistigh de 3 mhí tar éis do chinneadh an chomhlachta riaracháin um achomhairc a bheith faighte, beidh sé de cheart ag an eintiteas comhdaithe achomharc a dhéanamh go díreach os comhair chúirteanna an Bhallstáit ina bhfuil cónaí chun críoch cánach air nó ina bhfuil sé lonnaithe i bhfoirm buanbhunaíochta. Is le dlí an Bhallstáit ina bhfuil cónaí chun críoch cánach ar an eintiteas comhdaithe nó ina bhfuil sé lonnaithe i bhfoirm buanbhunaíochta a dhéanfar achomharc breithniúcháin a rialú.

1.I gcás inar deimhníodh nó inar athraíodh an cinneadh a rinneadh de bhun Airteagal 67 agus laistigh de 3 mhí tar éis do chinneadh an chomhlachta riaracháin um achomhairc dá dtagraítear in Airteagal 67 a bheith curtha in iúl dó, beidh sé de cheart ag comhalta de ghrúpa BEFIT achomharc a dhéanamh os comhair chúirteanna an Bhallstáit ina bhfuil cónaí chun críoch cánach air nó ina bhfuil sé lonnaithe i bhfoirm buanbhunaíochta. Is le dlí an Bhallstáit ina bhfuil cónaí chun críoch cánach ar an gcomhalta de ghrúpa BEFIT nó ina bhfuil sé lonnaithe i bhfoirm buanbhunaíochta a dhéanfar an t‑achomharc breithniúcháin a rialú.

I gcás ina n-éilítear le toradh achomhairc riaracháin nó bhreithiúnaigh leasuithe ar mheasúnú cánach an ghrúpa BEFIT nó ar mheasúnú cánach aonair comhalta amháin nó níos mó de ghrúpa BEFIT, déanfaidh na Ballstáit na bearta iomchuí chun a áirithiú go mbeidh na leasuithe sin fós indéanta, laistigh de thréimhse ama 10 mbliana.

Déanfaidh na Ballstáit rialacha a bhaineann leis na pionóis is infheidhme i leith sáruithe ar fhorálacha náisiúnta arna nglacadh de bhun na Treorach seo a leagan síos agus déanfaidh siad na bearta uile is gá lena áirithiú go gcuirfear chun feidhme iad agus go bhforfheidhmeofar iad. Beidh na pionóis agus na bearta comhlíonta dá bhforáiltear éifeachtach, comhréireach agus athchomhairleach. Socrófar pionóis ag 0.1 % ar a laghad de láimhdeachas an ghrúpa BEFIT i gcás ina mainnítear tuairisceán faisnéise BEFIT a chomhdú i gcomhréir le hAirteagal 59 agus i gcás míthuairisciú d’aon ghnó i dtuairisceán faisnéise BEFIT.

2.Cuirfidh na Ballstáit faisnéis atá ábhartha le haghaidh na meastóireachta ar an Treoir in iúl do Pharlaimint na hEorpa agus don Choimisiún i gcomhréir le mír 3 agus áireofar leis an bhfaisnéis sin sonraí comhiomlánaithe maidir le comhaltaí de ghrúpa BEFIT ina bhfuil cónaí chun críoch cánach orthu ina ndlínse agus buanbhunaíocht inti acu agus iad ag oibriú ina ndlínse, chun go ndéanfar measúnú iomchuí ar an méid seo a leanas:

4.Coinneoidh an Coimisiún faisnéis a chuirfear in iúl do Pharlaimint na hEorpa agus don Choimisiún faoi mhír 2 faoi rún i gcomhréir leis na forálacha is infheidhme maidir le hinstitiúidí an Aontais agus Airteagal 76 den Treoir seo.