(1)Tá soláthar ionadaíochta leasa san Aontas ina ghníomhaíocht atá ag fás agus a bhfuil gné thrasteorann ag baint léi atá ag éirí níos mó i gcónaí. Nuair a dhéantar iad leis an leibhéal trédhearcachta is gá, trí ghníomhaíochtaí den sórt sin, is féidir taithí agus tuairimí a roinnt faoi fhadhbanna agus faoi réitigh, rud a thacaíonn le cinnteoirí poiblí roghanna agus comhbhabhtálacha cineálacha cur chuige éagsúla a thuiscint.

(2)Ní hamháin go ndéantar ionadaíocht leasa thar ceann páirtithe leasmhara intíre ach tá sí á déanamh níos mó agus níos mó ag tríú tíortha freisin. Is féidir le smaointe ó thríú tíortha rannchuidiú go dearfach leis an díospóireacht phoiblí agus tá fáilte rompu mar chuid den rannpháirtíocht idirnáisiúnta. Mar sin féin, ní furasta i gcónaí d’oifigigh phoiblí ná do dhaoine aonair rannpháirtíocht tríú tíortha i ngníomhaíochtaí ionadaíochta leasa i gcomhthéacs a bpróiseas cinnteoireachta a aithint, ná tuiscint a fháil ar mhéid na gníomhaíochtaí sin, agus ar na treochtaí agus na gníomhaithe taobh thiar díobh. Is é brí ba cheart a bhaint as ‘tríú tíortha’ tíortha nach baill den Aontas ná den Limistéar Eorpach Eacnamaíoch iad.

(3)A mhéid a sholáthraítear é de ghnáth de réir luach saothair, is é is ionadaíocht leasa ann, lena n-áirítear ionadaíocht leasa a chuirtear ar fáil do thríú tíortha, seirbhís de réir bhrí Airteagal 57 den Chonradh ar Fheidhmiú an Aontais Eorpaigh (‘CFAE’). Áirítear leis an margadh le haghaidh ionadaíocht leasa freisin gníomhaíochtaí ionadaíochta leasa a dhéanann eintitis tríú tír iad féin ar bhealach atá inchomparáide le seirbhísí agus a bhaineann le gníomhaíochtaí de chineál eacnamaíoch nó gníomhaíochtaí ionaid de chineál eacnamaíoch. Ba cheart na gníomhaíochtaí sin a láimhseáil ar an mbealach céanna agus a láimhseáiltear seirbhísí ionadaíochta leasa.

(5)Tá an-difríocht idir bearta na mBallstát lena rialaítear trédhearcacht na ngníomhaíochtaí ionadaíochta leasa, go háirithe maidir leis na ceanglais maidir le taifid a choinneáil agus maidir le clárú, ceanglais a bhfuil feidhm acu maidir le heintitis a dhéanann ionadaíocht leasa. Tá cláir shainordaitheacha bunaithe ag roinnt Ballstát arb é is aidhm dóibh go sonrach trédhearcacht a áirithiú. Tá cláir dheonacha bunaithe ag Ballstáit eile, ach níl aon chlár ionadaíochta leasa ag roinnt Ballstát. Tá éagsúlachtaí suntasacha ann freisin maidir le gráinneacht na faisnéise a sholáthraítear chun críoch trédhearcachta, lena n-áirítear an cineál faisnéise a theastaíonn, mar shampla faoi na leasanna a léirítear nó faoin gcliant. I roinnt Ballstát, ní mór faisnéis faoi ionadaíocht leasa a thabhairt cothrom le dáta ar bhonn rialta ach, i mBallstáit eile, ní mór an fhaisnéis a thabhairt cothrom le dáta gach uair a dhéanfar athrú ar raon feidhme na gníomhaíochta ionadaíochta leasa a dhéantar.

(6)Le difríochtaí den sórt sin, cruthaítear éagothroime iomaíochta agus méadaítear costais chomhlíontachta d’eintitis ar mian leo gníomhaíochtaí ionadaíochta leasa a dhéanamh i níos mó ná Ballstát amháin, rud a d’fhéadfadh forbairt agus soláthar gníomhaíochtaí nua ionadaíochta leasa sa mhargadh inmheánach a dhíspreagadh. Is dócha go lorgóidh tríú tíortha ionadaíocht leasa i níos mó ná Ballstát amháin chun beartas dearfach foriomlán ina bhfabhar a áirithiú ar fud an Aontais. Bíonn tionchar diúltach ag coinníollacha dá leithéid sin ar oibreoirí eacnamaíocha agus is bacainní iad ar sholáthar ionadaíochta leasa trasteorann laistigh den mhargadh inmheánach. Leis an éagothroime iomaíochta sin, treoraítear gníomhaíochtaí ionadaíochta leasa trasteorann ar shiúl ó Bhallstáit níos rialáilte i dtreo cinn nach bhfuil chomh rialáilte céanna nó i gcás ina bhfuil an forfheidhmiú teoranta. Le harbatráiste rialála den sórt sin, tugtar deis freisin do ghníomhaithe tríú tír a bhféachann le ceanglais trédhearcachta a sheachaint.

(7)I gcomhthéacs feasacht mhéadaithe ar iarrachtaí tríú tíortha áirithe tionchar a imirt ar phróisis dhaonlathacha san Aontas, is dócha go bhforbróidh roinnt Ballstát rialacha nua chun trédhearcacht an tionchair eachtraigh a dhéantar trí ionadaíocht leasa a áirithiú. Dá bhrí sin, is dócha go dtiocfaidh méadú ar na bacainní ar sholáthar seirbhísí den sórt sin i níos mó ná Ballstát amháin arna gcruthú trí ilroinnt an mhargaidh inmheánaigh le haghaidh gníomhaíochtaí ionadaíochta leasa a dhéantar thar ceann tríú tíortha.

(8)Mar gheall ar na difríochtaí náisiúnta atá ann cheana sna bearta lena rialaítear trédhearcacht ionadaíochta leasa, lena ndéantar difear go háirithe d’ionadaíocht leasa a dhéantar thar ceann tríú tíortha, agus an comhthéacs reatha maidir le feasacht mhéadaithe ar na rioscaí a bhaineann le cur isteach eachtrach i bpróisis dhaonlathacha, cuirtear i dtábhacht an gá le gníomhú ar leibhéal an Aontais chun soláthar seirbhísí ionadaíochta leasa a rialáil agus chun dul i mbun gníomhaíochtaí ionadaíochta leasa a dhéantar thar ceann tríú tíortha ar fud an Aontais, agus ardleibhéal trédhearcachta gníomhaíochtaí den sórt sin á áirithiú.

(9)Chun staid a sheachaint ina bhféachadh na Ballstáit le haghaidh a thabhairt go haontaobhach ar a n-ábhair imní maidir le trédhearcacht an tionchair eachtraigh a dhéantar trí ionadaíocht leasa agus chun cosc a chur ar theacht chun cinn bacainní breise ar sholáthar gníomhaíochtaí ionadaíochta leasa trasteorann a dhéantar thar ceann tríú tíortha mar thoradh ar fhorbairt éagsúil agus neamhréireach ar dhlíthe náisiúnta, is gá foráil a dhéanamh maidir le bearta comhchuibhithe ar leibhéal an Aontais.

(10)Trí cheanglais trédhearcachta comhchuibhithe is infheidhme ar fud an mhargaidh inmheánaigh a sholáthar, is é is aidhm don Treoir seo creat comhleanúnach agus córasach a bhunú chun trédhearcacht a áirithiú maidir le gníomhaíochtaí ionadaíochta leasa a dhéantar thar ceann tríú tíortha d’fhonn tionchar a imirt ar fhorbairt, ar cheapadh nó ar chur chun feidhme beartais nó reachtaíochta nó ar phróisis chinnteoireachta poiblí san Aontas.

(11)Trí chomhchaighdeáin trédhearcachta agus chuntasachta agus comhchaighdeáin tuairiscithe a sholáthar, tacaítear freisin le cuntasacht dhaonlathach agus le heolas coiteann níos fearr ar ghníomhaíochtaí ionadaíochta leasa a dhéantar d’fhonn tionchar a imirt ar fhorbairt, ar cheapadh nó ar chur chun feidhme beartais nó reachtaíochta, nó ar phróisis chinnteoireachta phoiblí, san Aontas, lena dtugtar aghaidh ar an ngá le sonraí iontaofa agus comhsheasmhacha. Tá an gá le trédhearcacht gníomhaíochtaí ionadaíochta leasa a dhéantar thar ceann tríú tíortha a áirithiú ina sprioc phoiblí dhlisteanach, i bhfianaise phrionsabail na hoscailteachta agus na trédhearcachta nach mór saol daonlathach an Aontais a threorú leo i gcomhréir leis an dara mír d’Airteagal 1 agus Airteagal 10(3) den Chonradh ar an Aontas Eorpach (‘CAE’), i gcomhréir leis na luachanna a chomhroinneann an tAontas agus a Bhallstáit de bhun Airteagal 2 CAE, agus tacú le feidhmiú chearta saoránachta freisin.

(12)Gníomhaíochtaí ionadaíochta leasa faoi cheilt a dhéantar thar ceann tríú tíortha, is féidir leo difear a dhéanamh d’fhorbairt, ceapadh nó cur chun feidhme bheartais inmheánacha agus sheachtracha an Aontais, lena n-áirítear maidir lena leasanna eacnamaíocha agus urrúis. Déanann sé sin difear, ar bhonn ginearálta, don daonlathas, rud ar luach coiteann de chuid an Aontais é, agus a bhfuil tábhacht bhunúsacha don Aontas agus dá Bhallstáit ag baint lena dhaingniú. Dá ndéanfaí foráil maidir le leibhéal comhchuibhithe trédhearcachta ar fud an Aontais maidir leis na gníomhaíochtaí sin, ba cheart go rannchuideodh sé sin le méadú ar mhuinín an phobail i bpróisis chinnteoireachta an Aontais agus na mBallstát.

(13)Cé gur ann do rialacha i dtríú tíortha áirithe maidir le hoscailteacht agus trédhearcacht gníomhaíochtaí ionadaíochta leasa, ní chumhdaítear leis an rialacha sin gníomhaíochtaí a bhfuil sé d’aidhm acu tionchar a imirt ar fhorbairt, ar cheapadh nó ar chur chun feidhme beartais nó reachtaíochta, nó ar phróisis chinnteoireachta phoiblí, san Aontas. Dá bhrí sin, níl na rialacha sin leordhóthanach chun trédhearcacht na hionadaíochta leasa a fhéachann le tionchar a imirt ar chinnteoireacht san Aontas a áirithiú.

(14)Tá na bearta a leagtar amach sa Treoir seo comhréireach agus teoranta don mhéid is gá chun trédhearcacht sraithe sonraí gníomhaíochtaí a áirithiú, mar atá, gníomhaíochtaí ionadaíochta leasa a dhéantar thar ceann tríú tíortha. Forchuirtear leo ceanglais a bhaineann leis na gníomhaíochtaí sin, agus ní fhorchuirtear leo ceanglais ar eintitis toisc go bhfaigheann siad cistiú ón gcoigríoch, agus ar an gcúis sin amháin. Dírítear leis an Treoir seo ar thrédhearcacht mhéadaithe nuair a dhéanann eintitis gníomhaíochtaí ionadaíochta leasa thar ceann tríú tíortha sa mhargadh inmheánach. Go sonrach, forchuirtear leis an Treoir seo oibleagáidí lena áirithiú go gcuirfear na sonraí a chuirtear ar fáil go poiblí i láthair ar bhealach fíorasach agus neodrach agus lena áirithiú go ngníomhóidh na húdaráis náisiúnta inniúla ar bhealach nach n-eascróidh aon iarmhairt dhíobhálach, amhail stiogmatú, díreach toisc go bhfuil eintiteas cláraithe i gcomhréir le forálacha na Treorach seo. Déantar foráil ann maidir le córas cuimsitheach coimircí, lena n-áirítear athbhreithniú breithiúnach éifeachtach chun comhréireacht na mbeart comhchuibhithe a áirithiú. Tá na bearta a leagtar amach sa Treoir seo i gcomhréir iomlán leis na cearta bunúsacha agus urramaíonn siad na prionsabail a aithnítear go háirithe i gCairt um Chearta Bunúsacha an Aontais Eorpaigh (‘an Chairt’), lena n-áirítear an tsaoirse chun tuairimí a nochtadh agus faisnéis a fháil, an tsaoirse comhthionóil agus comhlachais, an tsaoirse chun taighde eolaíoch, lena n-áirítear an tsaoirse acadúil, an ceart chun sonraí pearsanta a chosaint, an ceart chun leighis éifeachtaigh agus an tsaoirse fiontraíochta. Trí leibhéal comhchoiteann trédhearcachta a bhaint amach i ndáil le hionadaíocht leasa a dhéantar thar ceann tríú tír, neartaítear leis na bearta a leagtar amach sa Treoir seo cearta daonlathacha na saoránach dá dtagraítear sa Chairt.

(15)Níor cheart do cheanglais trédhearcachta chomhchuibhithe na Treorach seo difear a dhéanamh do rialacha náisiúnta maidir le gníomhaíochtaí ionadaíochta leasa d’eintitis seachas eintitis tríú tír, ná níor cheart dóibh difear a dhéanamh d’ábhar substainteach na ngníomhaíochtaí sin ná do na rialacha substainteacha is infheidhme maidir le hoifigigh phoiblí nuair a idirghníomhaíonn siad le heintitis a dhéanann gníomhaíochtaí ionadaíochta leasa. Níor cheart dóibh difear a dhéanamh do na rialacha is infheidhme maidir le gníomhaíochtaí coiriúla ná dá mbrath, dá n-imscrúdú, dá maoirseacht ar ionchúiseamh agus dá smachtbhannaí mar a bhunaítear faoin dlí náisiúnta nó faoi dhlí an Aontais, amhail na cinn a bhaineann le héilliú.

(16)Chun na ceanglais trédhearcachta a chomhchuibhiú, is gá foráil a dhéanamh maidir le sainmhíniú comhchoiteann ar ionadaíocht leasa. Chun cur i bhfeidhm ceart na gceanglas trédhearcachta comhchuibhithe a áirithiú, ba cheart brí fhairsing a bheith le coincheap na ngníomhaíochtaí ionadaíochta leasa. Ba cheart a chumhdach leis gníomhaíochtaí a dhéantar d’fhonn tionchar a imirt ar fhorbairt, ar cheapadh nó ar chur chun feidhme beartais nó reachtaíochta, nó ar phróisis chinnteoireachta phoiblí, lena n-áirítear trí thionchar a imirt ar thuairim an phobail, san Aontas agus ina Bhallstáit, lena n-áirítear ar leibhéil réigiúnacha agus áitiúla.

(17)Ba cheart nasc soiléir substaintiúil a bheith ann idir an ghníomhaíocht agus an dóchúlacht go mbeadh tionchar aici ar fhorbairt, ar cheapadh nó ar chur chun feidhme beartais nó reachtaíochta, nó ar phróisis chinnteoireachta phoiblí, san Aontas. Lena chinneadh an ann do nasc den sórt sin, ba cheart aird a thabhairt ar na tosca ábhartha uile, amhail ábhar na gníomhaíochta, an comhthéacs ina ndéantar í, a chuspóir, na modhanna trína ndéantar í, nó an bhfuil an ghníomhaíocht mar chuid d’fheachtas córasach nó marthanach. Níor cheart na gníomhaíochtaí a chumhdaítear a bheith teoranta do ghníomhaíochtaí arb é is cuspóir dóibh athrú ar bheartas, ar reachtaíocht nó ar phróiseas cinnteoireachta poiblí ar leith a chur chun cinn ach ba cheart go gcumhdófaí leo freisin gníomhaíochtaí arb é is aidhm dóibh an status quo a choinneáil.

(18)D’fhéadfaí ionadaíocht leasa a dhéanamh, go háirithe, trí ghníomhaíochtaí amhail cruinnithe, comhdhálacha nó imeachtaí a eagrú nó páirt a ghlacadh iontu, ionchur a dhéanamh i gcomhairliúcháin, éisteachtaí parlaiminteacha nó tionscnaimh eile dá samhail nó páirt a ghlacadh iontu, feachtais chumarsáide nó fógraíochta a eagrú, lena n-áirítear trí na meáin, ardáin, úsáid tionchair sna meáin shóisialta, líonraí agus tionscnaimh phobail, páipéir bheartais agus seasaimh, leasuithe reachtacha, pobalbhreitheanna agus suirbhéanna, litreacha oscailte agus ábhar cumarsáide nó faisnéise eile a ullmhú.

(19)D’fhéadfadh sé go gcumhdófaí le hionadaíocht leasa freisin gníomhaíochtaí a dhéantar thar ceann eintitis tríú tír i gcomhthéacs an taighde agus an oideachais, amhail scaipeadh páipéar ag meithleacha machnaimh lena moltar nó lena bhfuiltear i bhfabhar beartas poiblí ar leith a ghlacadh. I gcomhréir le prionsabal na saoirse acadúla agus shaoirse an taighde eolaíoch, a chumhdaítear in Airteagal 13 den Chairt, níor cheart a chumhdach le hionadaíocht leasa taighde a dhéanann taighdeoirí in ábhar dá rogha féin, scaipeadh thorthaí an taighde sin ná gníomhaíochtaí teagaisc agus oideachais a dhéantar i gcomhréir le prionsabail na saoirse acadúla agus an neamhspleáchais institiúidigh, ach amháin i gcás inarb é is cuspóir soiléir do na gníomhaíochtaí sin tionchar a imirt ar fhorbairt, ar cheapadh nó ar chur chun feidhme beartais nó reachtaíochta, nó ar phróisis chinnteoireachta phoiblí, san Aontas agus go ndéantar iad thar ceann eintitis tríú tír. I gcás nach amhlaidh an cás, níor cheart ceanglais chlárúcháin faoin Treoir seo eascairt as gníomhaíochtaí den sórt sin a dhéanamh.

(20)Gníomhaíochtaí a dhéanann oifigigh rialtais tríú tír a bhfuil baint acu le feidhmiú údaráis oifigiúil, lena n-áirítear gníomhaíochtaí a bhaineann le feidhmiú an chaidrimh taidhleoireachta idir Stáit nó eagraíochtaí idirnáisiúnta, ba cheart iad a eisiamh ó raon feidhme na Treorach seo. Níor cheart a chumhdach leis an Treoir seo ach oiread gníomhaíochtaí a dhéanann dlíodóirí arb é atá iontu comhairle dlí a sholáthar nó ionadaíocht a dhéanamh in imeachtaí dlíthiúla, idir-réitigh nó idirghabhála eintiteas tríú tír agus a gcearta bunúsacha a choimirciú, amhail an ceart chun éisteacht a fháil, an ceart chun trialach córa, agus an ceart chun cosaint a fháil. Ba cheart comhairle ghairmiúil seachas comhairle dlí a bheith lasmuigh de raon feidhme na Treorach seo, amhail staidéar gairmiúil nó sainstaidéar a sholáthar lena úsáid mar fhianaise chun tacú le hargóintí sa chúirt; comhairle theicniúil nó eolaíoch a fháil maidir le reachtaíocht theicniúil a chomhlíonadh nó seirbhísí idirghabhála gairmí a úsáid mar idirghabhálaithe nach gá gur dlíodóirí deimhnithe iad. Níor cheart gníomhaíochtaí coimhdeacha amhail lónadóireacht, soláthar ionaid, priontáil bróisiúr nó páipéar beartais, nó soláthar seirbhísí idirghabhálacha ar líne de réir bhrí Rialachán (AE) 2022/20653, amhail seirbhísí ardáin ar líne, a chumhdach leis an Treoir seo.

__________________

3 Rialachán (AE) 2022/2065 ó Pharlaimint na hEorpa agus ón gComhairle an 19 Deireadh Fómhair 2022 maidir le Margadh Aonair do Sheirbhísí Digiteacha agus lena leasaítear Treoir 2000/31/AE (an Gníomh um Sheirbhísí Digiteacha) (IO L 277, 27.10.2022, lch. 1, ELI: http://data.europa.eu/eli/reg/2022/2065/oj).

(21)Chun na ceanglais trédhearcachta a chomhchuibhiú, is gá foráil a dhéanamh maidir le sainmhíniú ar soláthraithe um sheirbhísí comhchoiteanna ionadaíochta leasa. D’fhéadfadh sé gur daoine dlítheanacha a rialaítear leis an dlí príobháideach iad soláthraithe seirbhísí ionadaíochta leasa , nó daoine nádúrtha a bhíonn i mbun gníomhaíocht brústocaireachta gairmiúla ina n-aonar, chomh maith le daoine nádúrtha nó dlítheanacha eile arb é a bpríomhghairm nó a ngairm ócáideach tionchar a imirt ar an bpróiseas cinnteoireachta poiblí, lena n-áirítear cuideachtaí brústocaireachta agus caidreamh poiblí, meithleacha machnaimh, eagraíochtaí sochaí sibhialta, institiúidí taighde príobháideacha, institiúidí taighde poiblí a chuireann seirbhísí taighde ar fáil, taighdeoirí aonair agus comhairleoirí.

(23)Féadfaidh rialtas nó údaráis tríú tír a bheith taobh thiar de chinneadh eintitis ionadaíocht leasa a lorg. D’fhéadfadh sé sin a bheith mar thoradh ar rialú a fheidhmíonn rialtas nó údaráis phoiblí tríú tír ar an eintiteas, go háirithe i gcás ina bhfuil tionchar cinntitheach aige ar an eintiteas sin trí chearta eacnamaíocha, trí shocruithe conarthacha, nó ar aon mhodh eile. D’fhéadfadh sé a bheith mar thoradh ar chásanna ina raibh rialtas nó údaráis tríú tír taobh thiar de chinneadh an eintitis, go háirithe trí threoracha a thabhairt. Chun cásanna den sórt sin a ghabháil, is é brí ba cheart a bhaint as coincheap na n-eintiteas tríú tír coincheap lena gcumhdaítear ní hamháin an rialtas láir agus údaráis phoiblí tríú tíortha ach lena gcumhdaítear freisin eintitis phoiblí nó phríobháideacha, lena n-áirítear saoránaigh an Aontais agus daoine dlítheanacha atá bunaithe san Aontas, ar féidir a ngníomhaíochtaí a chur i leith an tríú tír sin ar deireadh. Cibé acu atá nó nach bhfuil gníomhaíochtaí eintitis phoiblí nó phríobháidigh le cur i leith rialtas nó údarás tríú tír, ba cheart é sin a chinneadh de réir an cháis agus aird chuí á tabhairt ar ghnéithe amhail saintréithe an eintitis ábhartha agus an timpeallacht dhlíthiúil agus eacnamaíoch atá i réim sa tríú tír ina bhfeidhmíonn an t-eintiteas, lena n-áirítear ról an rialtais i ngeilleagar na tíre sin.

(24)Ba cheart gníomhaíocht ionadaíochta leasa teacht faoi raon feidhme na Treorach seo má dhéantar í thar ceann eintitis tríú tír. Ciallaíonn sé sin gur cheart a chumhdach léi seirbhísí ionadaíochta leasa arna soláthar d’eintitis tríú tír. Ina theannta sin, ós rud é go bhféadfaidh rialtas tríú tír brath ar eintitis ar féidir a ngníomhaíochtaí a shannadh dó chun gníomhaíochtaí ionadaíochta leasa de chineál eacnamaíoch a dhéanamh agus mar sin a bheidh inchomparáide le seirbhís ionadaíochta leasa, ba cheart a chumhdach leis an Treoir gníomhaíochtaí den sórt sin freisin. Dá bhrí sin, d’fhéadfaí ionadaíocht leasa intí ag eintitis tríú tír a chumhdach léi freisin. Ba cheart a chumhdach leis an Treoir seo gníomhaíochtaí ionadaíochta leasa a dhéantar thar ceann eintitis tríú tír atá dírithe ar dhaoine nádúrtha nó dlítheanacha nó a dhéantar nó a thugtar chuig an ríocht phoiblí i mBallstát amháin nó i roinnt Ballstát.

(25)Níor cheart a chumhdach leis an Treoir seo gníomhaíochtaí a thacaíonn le leasanna tríú tír nó a ailíníonn le leasanna tríú tír ach gan aon nasc acu leis an tríú tír sin. Áirítear leis sin gníomhaíochtaí arb é atá i gceist leo léiriú ar an tsaoirse chun tuairimí a nochtadh agus ar an tsaoirse chun faisnéis agus smaointe a roinnt agus a fháil, nó léiriú ar an tsaoirse acadúil, amhail gníomhaíochtaí a dhéanann daoine nádúrtha ag gníomhú dóibh i gcáil phearsanta, nó iriseoirí atá ag obair do na meáin tríú tír nach féidir a ngníomhaíochtaí a chur i leith tríú tír nó nach gcáilíonn mar ionadaíocht leasa mar a shainmhínítear sa Treoir seo. Soláthar seirbhísí meán mar a shainmhínítear in Airteagal 2 de Rialachán (AE) XXXX/XXXX ó Pharlaimint na hEorpa agus ón gComhairle4 ná soláthar seirbhísí meán closamhairc mar a shainmhínítear in Airteagal 1 de Threoir 2010/13/AE ó Pharlaimint na hEorpa agus ón gComhairle5, ní thiocfaidh siad faoi raon feidhme chur i bhfeidhm na Treorach seo. Mar sin féin, cumhdófar gníomhaíochtaí ionadaíochta leasa a dhéanann soláthraithe seirbhísí meán thar ceann eintitis tríú tír de réir bhrí na Treorach seo.

__________________

4 Rialachán (AE) XXXX/XXXX ó Pharlaimint na hEorpa agus ón gComhairle an XXXX lena mbunaítear creat coiteann le haghaidh seirbhísí meán sa mhargadh inmheánach (an Gníomh Eorpach um Shaoirse na Meán) agus lena leasaítear Treoir 2010/13/AE (IO L XX, XX.XX.XXXX, lch. XX, ELI: XXX).

5 Treoir 2010/13/AE ó Pharlaimint na hEorpa agus ón gComhairle an 10 Márta 2010 maidir le comhordú forálacha áirithe atá leagtha síos leis an dlí, le rialachán nó le gníomhaíocht riaracháin sna Ballstáit i dtaobh seirbhísí meán closamhairc a sholáthar (Treoir Sheirbhísí na Meán Closamhairc) (IO L 95, 15.4.2010, lch. 1, ELI: http://data.europa.eu/eli/dir/2010/13/oj).

(26)Chun críche seirbhísí ionadaíochta leasa a sholáthraítear d’eintiteas tríú tír, ba cheart aon chomaoin a fhaightear i gcomaoin seirbhís ionadaíochta leasa atá i dtrácht a mheas mar luach saothair chun críocha na Treorach seo. D’fhéadfaí a chumhdach leis sin ranníocaíochtaí airgeadais, amhail iasachtaí, instealladh caipitil, maitheamh fiachais, dreasachtaí fioscacha nó díolúine ó cháin, a fhaightear i gcomaoin gníomhaíocht ionadaíochta leasa. D’fhéadfadh sochair chomhchineáil a bheith i gceist le luach saothair freisin, amhail spás oifige a sholáthar, a thógáil agus a chothabháil i gcomaoin seirbhís ionadaíochta leasa. I gcásanna den sórt sin, bheadh an soláthraí seirbhísí ionadaíochta leasa freagrach as luach an tsochair arna fháil a mheas, mar shampla tríd an ráta margaidh a úsáid.

(27)Dhearbhaigh an Chúirt gurb í saintréith fhíor-riachtanach an luach saothair gur comaoin é i leith na seirbhísí i dtrácht. Níor cheart ranníocaíochtaí le croí-chistiú eagraíochta nó le tacaíocht airgeadais chomhchosúil, mar shampla, a sholáthraítear faoi scéim deontas deontóra tríú tír, a mheas mar luach saothair le haghaidh seirbhís ionadaíochta leasa i gcás nach bhfuil baint acu le gníomhaíocht ionadaíochta leasa, is é sin, i gcás ina bhfaigheadh an t-eintiteas maoiniú den sórt sin gan beann ar cé acu an ndéanann nó nach ndéanann sé gníomhaíochtaí sonracha ionadaíochta leasa don tríú tír a sholáthraíonn maoiniú den sórt sin.

(28)Chun forléargas cuimsitheach agus trédhearcach na méideanna a úsáidtear le haghaidh gníomhaíocht ionadaíochta leasa ina hiomláine a áirithiú, ba cheart a áireamh sna méideanna bliantúla, chun críoch na Treorach seo, an luach saothair bliantúil iomlán arna fháil ón eintiteas tríú tír as seirbhís ionadaíochta leasa a sholáthar, agus i gcás nach bhfaightear aon luach saothair, meastachán ar na costais bhliantúla a bhaineann leis an ngníomhaíocht ionadaíochta leasa a dhéantar. Ar na cúiseanna céanna, ba cheart a áireamh leis na méideanna sin na costais le haghaidh fochonraitheoirí agus gníomhaíochtaí coimhdeacha.

(29)Féadfaidh fochonraitheoirí cáiliú mar eintiteas a dhéanann ionadaíocht leasa thar ceann eintitis tríú tír agus dá bhrí sin tagann siad faoi raon feidhme na n-oibleagáidí a leagtar amach sa Treoir seo. Chun an t-ualach riaracháin a laghdú agus chun comhaireamh dúbailte luach saothair a sheachaint, chomh maith le faisnéis ar fud slabhra conarthaí a áirithiú, ba cheart d’eintitis a dhéanann gníomhaíochtaí ionadaíochta leasa a áirithiú go n-áireofaí ina socruithe conarthacha le fochonraitheoirí faisnéis go bhfuil gníomhaíocht ionadaíochta leasa á déanamh thar ceann eintiteas tríú tír, chomh maith le hoibleagáid an fhaisnéis sin a chur ar aghaidh i gcásanna ina ligtear an ghníomhaíocht ar fochonradh eile. Ar an mbonn sin, ba cheart fochonraitheoirí a dhíolmhú ón oibleagáid taifid a chlárú agus a choinneáil, agus i gcás inarb infheidhme, ionadaí dlíthiúil a ainmniú, a leagtar síos sa Treoir seo.

(30)Chun comhlíonadh cheanglais chlárúcháin na Treorach seo a éascú, ba cheart soláthraithe seirbhísí ionadaíochta leasa a bheith i dteideal a iarraidh ar an eintiteas a soláthraítear an tseirbhís thar a cheann a dhearbhú an eintiteas tríú tír é. Ba cheart do sholáthraithe seirbhísí ionadaíochta leasa lántairbhe a bhaint as an gceart sin chun rogha eolasach a dhéanamh lena gcuirfí ar a gcumas dóibh na ceanglais a leagtar amach sa Treoir seo a chomhlíonadh go hiomlán agus a ngníomhaíochtaí á bhfeidhmiú acu.

(31)Chun tacú le cuntasacht agus chun feasacht ar na leasanna tríú tír a ndéanann siad ionadaíocht thar a gceann a chur chun cinn, ba cheart a cheangal ar eintitis a dhéanann gníomhaíochtaí ionadaíochta leasa thar ceann eintiteas tríú tír taifid áirithe a choinneáil. Ba cheart a áireamh sna taifid sin tuairisc ar chuspóir na gníomhaíochta ionadaíochta leasa, go háirithe an próiseas cinnteoireachta ar mian léi tionchar a imirt air agus an toradh is mian léi a bhaint amach. Ba cheart a áireamh freisin sna taifid aitheantas an eintitis tríú tír, ar cheart é a thuiscint mar ainm iomlán an duine nádúrtha i gcásanna inar duine nádúrtha é an t-eintiteas. Ba cheart a áireamh leo freisin cóipeanna de chonarthaí agus de phríomh-mhalartuithe atá fíor-riachtanach chun cineál, cuspóir, agus socruithe airgeadais atá taobh thiar den ghníomhaíocht ionadaíochta leasa a thuiscint, chomh maith le faisnéis nó ábhar atá ina bpríomhchuid den ghníomhaíocht, amhail páipéir seasaimh a roinntear le hoifigigh phoiblí.

(32)Níor cheart a cheangal ar eintitis a dhéanann ionadaíocht leasa thar ceann tríú tíortha na sonraí pearsanta atá sna taifid sin a choinneáil níos faide ná mar is gá lena áirithiú gur féidir leis na húdaráis mhaoirseachta a gcúraimí maoirseachta agus forfheidhmiúcháin a dhéanamh. Ba cheart aon taifid den sórt sin a choinneáil fada go leor chun go mbeidh na húdaráis mhaoirseachta, i gcásanna a bhfuil údar cuí leo, ábalta na taifid a choinnítear maidir leis an eintiteas tríú tír agus maidir leis an ngníomhaíocht ionadaíochta leasa a fháil chomh maith leis na taifid chomhiomlánaithe bhliantúla.

(33)Chun maoirseacht éifeachtach a éascú, ba cheart a cheangal ar eintitis a dhéanann gníomhaíochtaí ionadaíochta leasa thar ceann eintiteas tríú tír nach bhfuil áit bhunaíochta acu san Aontas ionadaí dlíthiúil atá bunaithe san Aontas a ainmniú agus a áirithiú go mbeidh na cumhachtaí agus na hacmhainní is gá ag a n-ionadaí dlíthiúil ainmnithe chun comhoibriú leis na húdaráis ábhartha.

(34)Chun foráil a dhéanamh maidir le ceanglais chomhchuibhithe trédhearcachta ar fud an mhargaidh inmheánaigh, ba cheart a cheangal ar eintitis a dhéanann gníomhaíochtaí ionadaíochta leasa thar ceann eintitis tríú tír clárú i gcláir náisiúnta ag a n-áit bhunaíochta. Ba cheart nuashonruithe ina dhiaidh sin ar chlárúchán atá ann cheana a dhéanamh sa chlár náisiúnta sin freisin. Ba cheart do na Ballstáit na cláir sin a bhunú, a oibriú agus a chothabháil. Chun críocha na Treorach seo, féadfaidh na Ballstáit úsáid a bhaint as na cláir náisiúnta atá acu cheana, ar choinníoll go gcomhlíonfar ceanglais na Treorach seo. Chun rannáin náisiúnta inniúlachta a urramú, ba cheart na Ballstáit a bheith i dteideal níos mó ná clár amháin den sórt sin a bhunú. I gcásanna den sórt sin, ba cheart do na Ballstáit rialacha a bhunú lena léirítear cad iad na cláir náisiúnta ba cheart d’eintitis a dhéanann gníomhaíochtaí ionadaíochta leasa thar ceann tríú tíortha clárú iontu. Níor cheart logaí de ghníomhaíochtaí próiseála sonraí pearsanta laistigh de na cláir náisiúnta a choinneáil níos faide ná mar is gá chun faireachán a dhéanamh ar dhlíthiúlacht na rochtana ar shonraí pearsanta agus ba cheart, dá bhrí sin, iad a theorannú do bhliain.

(35)De bhun Rialachán (AE) 2018/1724 ó Pharlaimint na hEorpa agus ón gComhairle6 , tá faisnéis faoi na hoibleagáidí agus na foirmiúlachtaí clárúcháin a bhunaítear leis an Treoir seo ar fáil tríd an Tairseach Aonair Dhigiteach lena mbunaítear, trí thairseach gréasáin An Eoraip Agatsa, ionad ilfhreastail lena soláthraítear faisnéis do ghnólachtaí agus do shaoránaigh faoi rialacha agus nósanna imeachta sa Mhargadh Aonair, ar gach leibhéal rialtais agus rochtain dhíreach, láraithe agus threoraithe ar sheirbhísí cúnaimh agus réitigh fadhbanna chomh maith le raon leathan nósanna imeachta riaracháin digitithe go hiomlán. Ina theannta sin, tá an nós imeachta maidir le clárú go hiomlán ar líne agus eagraithe i gcomhréir le prionsabal ‘na haonuaire’ chun athúsáid sonraí a éascú.

__________________

6 Rialachán (AE) 2018/1724 ó Pharlaimint na hEorpa agus ón gComhairle an 2 Deireadh Fómhair 2018 maidir le pointe rochtana aonair digiteach a bhunú chun rochtain ar fhaisnéis, nósanna imeachta agus seirbhísí cúnaimh agus réitigh fadhbanna a sholáthar agus lena leasaítear Rialachán (AE) 1024/2012 (IO L 295, 21.11.2018, lch. 1, ELI: http://data.europa.eu/eli/reg/2018/1724/oj)

(36)I gcás ina bhfuil an t-eintiteas a dhéanann gníomhaíochtaí ionadaíochta leasa thar ceann eintiteas tríú tír bunaithe i roinnt Ballstát, níor cheart nach gcláródh sé ach sa Bhallstát ina bhfuil a phríomhbhunaíocht aige. Is é brí ba cheart a bhaint as príomhbhunaíocht an eintitis an áit ina bhfuil a cheannoifig nó a oifig chláraithe ag an eintiteas ina bhfeidhmítear na príomhghníomhaíochtaí eacnamaíocha agus an rialú oibríochtúil.

(37)Ba cheart an fhaisnéis atá le háireamh chun críoch na Treorach seo sa chlárú a theorannú don mhéid is gá chun trédhearcacht na ngníomhaíochtaí ionadaíochta leasa a dhéantar thar ceann tríú tíortha agus forfheidhmiú éifeachtach na Treorach seo a áirithiú. Ba cheart a áireamh i bhfaisnéis den sórt sin sonraí maidir leis an eintiteas a dhéanann gníomhaíocht ionadaíochta leasa é féin, an tríú tír a ndéantar an ghníomhaíocht thar a ceann, aitheantas na bhfochonraitheoirí mar a shainmhínítear sa Treoir seo a dhéanann gníomhaíochtaí ionadaíochta leasa, agus faisnéis maidir leis an ngníomhaíocht shonrach ionadaíochta leasa a dhéantar. I gcás inarb infheidhme, ba cheart a áireamh leis freisin tagairt do sholáthraithe seirbhísí meán nó d’ardáin ar líne ina gcuirtear fógraí mar chuid den ghníomhaíocht ionadaíochta leasa. Níor cheart baint a bheith ag an gclárú le faisnéis faoi mhéideanna nó faoi thionscnamh na tacaíochta airgeadais a fhaightear nach mbaineann le gníomhaíocht ionadaíochta leasa.

(38)Lena áirithiú go mbeidh an fhaisnéis a sholáthraítear chun críocha an chláraithe ina deis i gcónaí do na húdaráis atá freagrach as na cláir náisiúnta na tríú tíortha a bhfuil ionadaíocht leasa á déanamh thar a gceann agus an méid airgid atá á chaitheamh ar na gníomhaíochtaí sin a shainaithint i gceart agus go beacht, ba cheart an Choimisiún a chumhachtú chun gníomhartha tarmligthe a ghlacadh chun an tsraith chaighdeánach faisnéise a oiriúnú.

(39)Eintitis a dhéanann gníomhaíochtaí ionadaíochta leasa thar ceann tríú tíortha, atá cláraithe i gclár náisiúnta, ba cheart dóibh faisnéis sa chlár náisiúnta a thabhairt cothrom le dáta uair sa bhliain ar a laghad. Mar sin féin, i bhfianaise a thábhachtaí agus atá cruinneas na faisnéise a choinnítear i gcláir náisiúnta dá leithéid chun an Treoir a chur i bhfeidhm agus a mhaoirsiú, ba cheart aon athrú nó breisiú ar fhaisnéis teagmhála an eintitis chláraithe a dhéanamh níos tapa, agus in aon chás laistigh de thréimhse réasúnta ama.

(41)Eintitis a dhéanann gníomhaíocht ionadaíochta leasa thar ceann tríú tíortha, ba cheart iad a bheith ábalta a léiriú gur chomhlíon siad na ceanglais chlárúcháin. A luaithe a bheidh sé cláraithe, ba cheart cóip den fhaisnéis a áirítear i gclár náisiúnta agus Uimhir Ionadaíochta Leasa Eorpach (‘EIRN’) uathúil a sholáthar d’eintiteas. Ba cheart do EIRN feidhmiú mar mhodh chun aitheantas eintiteas a chláraítear de bhun na Treorach seo ar fud an Aontais a éascú. Dá bhrí sin, le comhdhéanamh EIRN, ba cheart sainaithint Bhallstát an chlárúcháin agus an chláir náisiúnta shonraigh ina ndearnadh an clárú a éascú. Ba cheart cuma loighciúil a bheith ar rogha an chóid lena sainaithnítear an clár náisiúnta clárúcháin do dhaoine a bhfuil cur amach acu ar eagraíocht an Bhallstáit lena mbaineann.

(42)A luaithe a bheidh siad cláraithe i mBallstát a n-áite bunaíochta, níor cheart a cheangal ar eintitis chláraithe clárú i mBallstáit eile, lena n-áirítear nuair a sheolfaidh siad gníomhaíocht ionadaíochta leasa ansin. Mar sin féin, chun rochtain ar fhaisnéis faoi eintitis a dhéanann gníomhaíochtaí ionadaíochta leasa lena bhféadfaidís idirghníomhú a éascú d’oifigigh phoiblí, ba cheart do Bhallstáit eile ina ndéanfar na gníomhaíochtaí sin a áireamh, ina gcláir náisiúnta féin, ainmneacha na n-eintiteas cláraithe lena mbaineann, a EIRN, agus an nasc leis an bhfaisnéis atá sa chlár náisiúnta clárúcháin a chuirtear ar fáil go poiblí.

(43)Lena áirithiú go gcomhlíonfar an ceanglas clárúcháin, ba cheart d’údaráis mhaoirseachta, i gcás ina bhfuil faisnéis iontaofa acu nár chláraigh eintiteas, mar shampla bunaithe ar thuarascáil ó sceithire, a bheith ábalta a iarraidh ar an eintiteas an fhaisnéis a sholáthar a bhfuil géarghá léi chun a shuí an dtagann sí laistigh de raon feidhme na Treorach seo. Níor cheart níos mó a bheith i gceist leis an bhfaisnéis ná faisnéise lena bhfuiltear ábalta a léiriú léi go díreach an dtagann sí faoi raon feidhme na Treorach seo. D’fhéadfadh sé a bheith comhdhéanta den chineál faisnéise a chumhdaítear leis an oibleagáid maidir le taifid a choinneáil, lena n-áirítear aon dearbhú a fhaightear i dtaobh an eintiteas tríú tír é eintiteas a soláthraítear seirbhís ionadaíochta leasa thar a cheann. I gcás inar féidir, ba cheart an iarraidh a theorannú d’fhaisnéis ar cheart di bheith i seilbh an eintitis. Ina theannta sin, ba cheart d’údaráis mhaoirseachta, i gcás ina bhfuil faisnéis iontaofa acu faoi neamhchomhlíonadh féideartha na n-oibleagáidí a thagann ón gclárú, a bheith ábalta a iarraidh ar eintiteas an fhaisnéis is gá a sholáthar chun imscrúdú a dhéanamh ar neamhchomhlíonadh féideartha dá leithéid. Níor cheart níos mó a bheith i gceist leis an bhfaisnéis sin de ghnáth ná faisnéis lena bhfuiltear ábalta iomláine nó cruinneas na faisnéise a sholáthraítear a léiriú go díreach mar chuid den cheanglas clárú agus tabhairt cothrom le dáta a dhéanamh uirthi. I gcás inar féidir, ba cheart an iarraidh a theorannú d’fhaisnéis ar cheart di bheith i seilbh an eintitis chláraithe. Ba cheart ráiteas ar chúiseanna, an fhaisnéis atá á lorg agus na cúiseanna lena hábharthacht, agus faisnéis faoi nósanna imeachta athbhreithnithe bhreithiúnaigh atá ar fáil a bheith in aon iarraidh den sórt sin. Ba cheart na hiarrataí den sórt sin a bheith gan dochar do chumhachtaí na n-údarás náisiúnta imscrúdú a dhéanamh ar aon iompar ar dóigh dó a bheith ina chionta coiriúla mar a fhoráiltear sa dlí náisiúnta agus i ndlí an Aontais.

(44)Tá an chuntasacht dhaonlathach ina crann taca i stáit dhaonlathacha a fheidhmíonn go maith. Trí fhoráil a dhéanamh maidir le rochtain na saoránach ar fhaisnéis faoi eintitis a dhéanann gníomhaíochtaí ionadaíochta leasa thar ceann tríú tíortha atá gníomhach sa mhargadh inmheánach, chomh maith leis na heintitis tríú tír a ndéanann siad ionadaíocht dóibh, cuirtear ar chumas saoránach agus páirtithe leasmhara eile leis an Treoir seo a gcearta agus a bhfreagrachtaí daonlathacha a fheidhmiú, lena n-áirítear a gcumas grinnscrúdú daonlathach a dhéanamh agus eolas iomlán acu ar cén leas a bhfuil na gníomhaíochtaí ionadaíochta leasa ag freastal ar a shon, lena bhféadfaidh iad féin, nó a n-ionadaithe tofa, a nochtadh dóibh. Tacaíonn grinnscrúdú poiblí arna dhéanamh ag saoránaigh agus ag páirtithe leasmhara ar shaincheisteanna a théann i bhfeidhm ar an réimse daonlathach le seiceálacha agus cothromaíochtaí daonlathacha. Tacaíonn cuntasacht dhaonlathach freisin le cumhachtú na saoránach, rud a chuireann ar a gcumas a roghanna daonlathacha a chur in iúl agus a fheidhmiú, lena n-áirítear nuair a chaitheann siad vóta. Mar vótálaithe, is cinnteoirí tábhachtacha iad na saoránaigh astu féin, agus d’fhéadfaí spriocdhíriú orthu freisin le haghaidh seirbhísí áirithe ionadaíochta leasa.

(45)Chun comhréireacht a áirithiú, nuair a chuirtear sonraí pearsanta ar fáil go poiblí, ba cheart é a theorannú don mhéid atá fíor-riachtanach chun saoránaigh, a n-ionadaithe agus páirtithe leasmhara eile a chur ar an eolas faoi ghníomhaíochtaí ionadaíochta leasa a dhéantar thar ceann tríú tíortha. Ina theannta sin, ba cheart faisnéis faoi na méideanna bliantúla arna ndearbhú a chur ar fáil go poiblí trí úsáid a bhaint as raonta níos ginearálta ná na raonta a úsáidtear chun faisnéis a chur isteach i gclár náisiúnta, chun an leibhéal mionsonraí is gá chun saoránaigh, a n-ionadaithe agus páirtithe leasmhara eile a chur ar an eolas a áirithiú. Níor cheart faisnéis atá ábhartha d’údaráis mhaoirseachta amháin, amhail sonraí teagmhála na ndaoine atá freagrach as eintiteas cláraithe, a chur ar fáil go poiblí.

(47)Chun cosaint daoine aonair a áirithiú a d’fhéadfadh a bheith nochta mar gheall ar fhaisnéis shonrach a fhoilsiú ar shárú ar a gcearta bunúsacha, amhail díoltas í i gcoinne daoine aonair atá ag obair d’eintiteas cláraithe a oibríonn i dtríú tír, ba cheart do na Ballstáit a áirithiú go mbeidh na húdaráis mhaoirseachta ábalta, arna iarraidh sin dóibh, srian a chur le foilsiú na faisnéise go léir nó cuid den fhaisnéis a iontráladh sa chlár náisiúnta. Ba cheart don eintiteas cláraithe a léiriú, agus imthosca ábhartha uile na gcásanna aonair á gcur san áireamh, gur cheart srian a chur le foilsiú mar gheall ar leasanna dlisteanacha amhail riosca tromchúiseach go nochtfaidh an duine aonair mar gheall ar fhoilsiú do shárú ar a gcearta bunúsacha go háirithe mar a chosnaítear le hAirteagal 1 (An ceart chun dhínit an duine), le hAirteagal 2 (An ceart chun beatha), le hAirteagal 3 (An ceart chun sláine an duine), le hAirteagal 4 (Toirmeasc ar chéastóireacht agus ar íde nó ar phionós mídhaonna nó táireach) nó le hAirteagal 6 (An ceart chun saoirse agus slándáil na Cairte, amhail fuadach, dúmhál, sracadh, ciapadh, foréigean nó imeaglú), nó dá leithéidí rúin trádála. Ba cheart a chur san áireamh san anailís na rioscaí d’iomláine coirp fostaithe, nó aon duine atá ag obair d’eintiteas cláraithe nó atá cleamhnaithe leis. Ba cheart a chumhdach le leasanna dlisteanacha freisin rioscaí do dhaoine a bhaineann tairbhe as gníomhaíochtaí an eintitis chláraithe. Ba cheart cuspóirí na Treorach seo a chur san áireamh in aon chinneadh a dhéanfaidh an t-údarás maoirseachta agus ba cheart an cinneadh sin a bheith réir nósanna imeachta um athbhreithniú breithiúnach i mBallstát an chlárúcháin. Ba cheart cinntí an údaráis maoirseachta agus, i gcás inarb infheidhme, dlínse bhreithiúnach a dhéanamh go pras. Chun go mbeidh a fhios ag an bpobal gur chomhlíon an t-eintiteas cláraithe an ceanglas clárúcháin a bhunaítear leis an Treoir seo i gcás ina ndeonaítear srian ar fhoilsiú, ba cheart nóta a chur in ionad an réimse sonraí sa chlár náisiúnta lena léirítear gur cuireadh teorainn leis an bhfoilsiú ar fhorais leasa dhlisteanaigh.

(50)Chun stiogmatú an eintitis chláraithe a chosc, ba cheart na sonraí a chuirtear ar fáil go poiblí a chur i láthair ar bhealach fíorasach agus neodrach. Sa bhreis air sin, agus na cúraimí a shanntar dóibh faoin Treoir seo á ndéanamh acu, ba cheart d’údaráis náisiúnta inniúla a áirithiú nach n-eascróidh aon iarmhairt dhíobhálacha díreach mar gheall gur eintiteas cláraithe é an t-eintiteas. Go sonrach, níor cheart ráitis nó forálacha a chur i láthair leis an bhfoilseachán ná níor cheart ráitis nó forálacha a bheith ag gabháil léi lena bhféadfaí timpeallacht drochmheasa a chruthú maidir leis na heintitis chláraithe, atá oiriúnach chun daoine nádúrtha nó dlítheanacha ó Bhallstáit nó ó thríú tíortha a chur ó dhul i dteagmháil leo nó tacaíocht airgeadais a sholáthar dóibh. Áirítear ar shamplaí de ghníomhaíochtaí stiogmataithe den sórt sin lipéadú diúltach a chur leis na heintitis chláraithe nó ráitis dhímheasúla a dhéanamh lena bhféachtar leis an mbonn a bhaint de chreidiúnacht agus de dhlisteanacht na n-eintiteas cláraithe trína thabhairt le tuiscint go bhfuil eintitis chláraithe ag iarraidh tionchar neamhdhleathach a imirt ar phróisis dhaonlathacha.

(51)I gcás ina gcaitheann tríú tír méideanna an-mhór ar ionadaíocht leasa, nó i gcás ina bhfaigheann eintiteas méideanna an-mhór luacha saothair ó eintiteas tríú tír amháin nó níos mó, is mó seans go mbeadh tionchar rathúil ag na gníomhaíochtaí ionadaíochta leasa a dhéantar ar roghanna polaitiúla Ballstáit nó an Aontais ina iomláine. I gcásanna den sórt sin, ba cheart údaráis mhaoirseachta a bheith ábalta faisnéis bhreise a iarraidh ar eintitis a dhéanann gníomhaíochtaí ionadaíochta leasa a dhéantar thar ceann tríú tíortha den sórt sin chun grinnscrúdú a dhéanamh ar bhealach níos fearr.

(52)Chun maoirseacht chomhréireach ar an Treoir seo a áirithiú, ba cheart údaráis mhaoirseachta a bheith ábalta a iarraidh ar eintiteas a dhéanann gníomhaíochtaí ionadaíochta leasa thar ceann eintitis tríú tír na taifid is gá a sholáthar chun imscrúdú a dhéanamh ar neamhchomhlíonadh féideartha an cheanglais chlárúcháin a leagtar amach sa Treoir seo. Chun na críche sin, ba cheart údaráis mhaoirseachta a bheith ábalta gníomhú ar a rún féin nó ar bhonn tuarascála ó sceithire nó ó údarás maoirseachta Ballstáit eile.

(53)Ba cheart d’údaráis mhaoirseachta oibriú i gcomhar le chéile ar an leibhéal náisiúnta agus ar leibhéal an Aontais araon. Ba cheart a éascú leis an gcomhar sin malartú slán gasta faisnéise. Chun críoch a gcúraimí maoirseachta a fheidhmiú, ba cheart údaráis mhaoirseachta a bheith ábalta faisnéis a sholáthraítear sa chlárú a iarraidh ar an údarás maoirseachta i mBallstát an chlárúcháin, lena n-áirítear faisnéis nach bhfuil ar fáil don phobal, agus i gcásanna sonracha na taifid atá á gcoinneáil ag an eintiteas, chomh maith le hanailísí a dhéantar. Ba cheart do na húdaráis mhaoirseachta agus an Coimisiún oibriú i gcomhar le chéile chun cur chun feidhme na Treorach a áirithiú. Chun tuiscint níos fearr a fháil ar mhéid agus ar dháileadh fhoriomlán na ngníomhaíochtaí ionadaíochta leasa a dhéantar thar ceann tríú tíortha san Aontas. Ba cheart an Coimisiún a bheith ábalta sonraí comhiomlána a iarraidh ar údaráis mhaoirseachta bunaithe ar an bhfaisnéis a sholáthraíonn eintitis a dhéanann ionadaíocht leasa a dhéantar thar ceann eintitis tríú tír ina gclárú. Chun faireachán cuimsitheach a dhéanamh ar mhódúlachtaí agus ar ghnéithe na ngníomhaíochtaí ionadaíochta leasa a dhéantar thar ceann tríú tíortha a dhéantar san Aontas, féadfar a áireamh sna sonraí comhiomlána sin faisnéis nach bhfuil ar fáil go poiblí sna cláir lena n-áirítear sonraí pearsanta a mhéid is gá chun faireachán éifeachtach a áirithiú.

(54)Chun an t-ualach riaracháin a theorannú tuilleadh, déantar comhar riaracháin agus malartuithe faisnéise idir na húdaráis náisiúnta, chomh maith leis na húdaráis mhaoirseachta agus an Coimisiún trí Chóras Faisnéise an Mhargaidh Inmheánaigh (‘córas IMI’) a bunaíodh le Rialachán (AE) 1024/2012 ó Pharlaimint na hEorpa agus ón gComhairle le haghaidh comhar riaracháin idir údaráis inniúla na mBallstát i réimsí beartais a bhaineann leis an Margadh Aonair. Ba cheart idir-inoibritheacht chóras IMI agus na gclár náisiúnta a áirithiú i gcomhréir leis an gCreat Eorpach Idir-inoibritheachta.

__________________

7 Rialachán (AE) Uimh. 1024/2012 ó Pharlaimint na hEorpa agus ón gComhairle an 25 Deireadh Fómhair 2012 maidir le comhar riaracháin trí Chóras Faisnéise an Mhargaidh Inmheánaigh agus lena n‑aisghairtear Cinneadh 2008/49/CE ón gCoimisiún (‘Rialachán IMI’) ( IO L 316, 14.11.2012, lch. 1, ELI: http://data.europa.eu/eli/reg/2012/1024/oj).

(55)Chun cúnamh a thabhairt don Choimisiún lena chúram comhar éifeachtach a áirithiú idir na húdaráis inniúla náisiúnta, agus chun an Treoir seo a chur chun feidhme go hiomlán agus go héifeachtach, ba cheart grúpa comhairleach a bhunú. Ba cheart ionadaí ó údaráis mhaoirseachta gach Ballstáit a bheith sa ghrúpa comhairleach. Ba cheart don ghrúpa comhairleach comhairle a thabhairt maidir le cur chun feidhme na Treorach, lena n-áirítear maidir leis an gceanglas a sheachaint go mbeadh iarmhairtí díobhálacha ann díreach mar gheall go bhfuil an t-eintiteas cláraithe de bhun na gceanglas a leagtar síos sa Treoir seo. Ba cheart dó tuairimí, moltaí nó tuarascálacha a ghlacadh ar cheart do na húdaráis náisiúnta inniúla arna n-ainmniú ag na Ballstáit iad a phoibliú. Chun deimhneacht dhlíthiúil a áirithiú d’eintitis a d’fhéadfadh teacht faoi raon feidhme na Treorach, ba cheart don ghrúpa comhairleach, go háirithe, comhairle a thabhairt don Choimisiún maidir le treoir fhéideartha maidir le raon feidhme na Treorach, coincheap an eintitis tríú tír, agus gníomhaíochtaí arb é a gcuspóir nó a n-éifeacht imchéimniú a dhéanamh ar oibleagáidí sa Treoir seo. Ba cheart comhar a áirithiú de réir mar is iomchuí le líonra an Aontais in aghaidh an éillithe.

(58)Ba cheart toirmeasc a chur ar pháirt a ghlacadh, go feasach agus d’aon turas, i ngníomhaíochtaí arb é is cuspóir nó éifeacht leo imchéimniú a dhéanamh ar oibleagáidí sa Treoir seo, go háirithe ceanglais chlárúcháin. Áirítear ar na gníomhaíochtaí sin luach saothair faoi cheilt ar sheirbhís ionadaíochta, cuideachtaí a bhunú d’fhonn naisc le rialtais tríú tír a dhoiléiriú, nó dáileadh saorga gníomhaíochtaí ar fud eintitis iomadúla d’fhonn na tairseacha a bhunaítear leis an Treoir seo a laghdú.

(59)Chun cosc a chur le neamhchomhlíonadh cheanglais na Treorach seo agus chun smachtbhannaí a ghearradh ina leith sin, ba cheart do na Ballstáit a áirithiú go ngabhfaidh fíneálacha riaracháin éifeachtacha, comhréireacha agus athchomhairleacha le haon sáruithe ar na hoibleagáidí a leagtar síos sa Treoir seo. Níor cheart na smachtbhannaí a bheith de chineál coiriúil. Ba cheart cineál, atarlú agus fad an tsáraithe a chur san áireamh sna smachtbhannaí i bhfianaise an leasa phoiblí atá i gceist, raon feidhme agus chineál na ngníomhaíochtaí arna ndéanamh, agus acmhainn eacnamaíoch an eintitis a dhéanann gníomhaíochtaí ionadaíochta leasa. Ba cheart na smachtbhannaí a bheith éifeachtach, comhréireach agus athchomhairleach i ngach cás aonair, agus urraim chuí á tabhairt do chearta bunúsacha lena n-áirítear an tsaoirse chun tuairimí a nochtadh, saoirse comhlachais, saoirse acadúil agus saoirse taighde eolaíoch, coimircí agus rochtain ar leigheasanna éifeachtacha, lena n-áirítear an ceart chun éisteacht a fháil. Ba cheart dóibh réamhrabhadh arna eisiúint ag údarás maoirseachta a leanúint, seachas i gcás inarb ionann sárú den sórt sin agus sárú ar an toirmeasc ar imchéimniú.

(60)Chun leasú a dhéanamh ar na tairseacha chun tuilleadh faisnéise a iarraidh, chun liosta na faisnéise atá le soláthar agus iarraidh ar chlárú á cur isteach a mhodhnú, agus chun liosta na faisnéise atá le cur san áireamh sna tuarascálacha arna bhfoilsiú ag na Ballstáit a mhodhnú, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

__________________

9 IO L 123, 12.5.2016, lch. 1, ELI: http://data.europa.eu/eli/agree_interinstit/2016/512/oj

(63)Go háirithe, tacaíonn córas ar leibhéal an Aontais le húdaráis náisiúnta inniúla ina bhfeidhmeanna maoirseachta agus le páirtithe leasmhara eile a ról sa phróiseas daonlathach a fheidhmiú agus athléimneacht fhoriomlán na stát daonlathach san Aontas i leith cur isteach ó thríú tíortha a mhéadú. Tá breisluach i gceist ó aghaidh a thabhairt ar thrédhearcacht na ngníomhaíochtaí ionadaíochta leasa a dhéantar thar ceann tríú tíortha chun tionchar a imirt ar leibhéal an Aontais, toisc go n-éilítear le cineál trasteorann dóchúil na ngníomhaíochtaí sin cur chuige comhordaithe ar fud leibhéil agus earnálacha éagsúla. Trí chomhoibriú agus trí fhaisnéis a chomhroinnt, is féidir leis na Ballstáit tuiscint níos fearr a fháil ar mhéid an fheiniméin, agus mar gheall air sin ní bheidh tríú tíortha ábalta leas a bhaint as difríochtaí rialála nó as bearnaí.

(64)Agus an Treoir seo á cur chun feidhme, ba cheart do na Ballstáit féachaint leis an ualach riaracháin ar na heintitis lena mbaineann a íoslaghdú, agus go háirithe ar an ualach riaracháin ar mhicreafhiontair, ar fhiontair bheaga agus ar fhiontair mheánmhéide de réir bhrí Airteagal 3 de Threoir 2013/34/AE ó Pharlaimint na hEorpa agus ón gComhairl10.

__________________

10 Treoir 2013/34/AE ó Pharlaimint na hEorpa agus ón gComhairle an 26 Meitheamh 2013 maidir leis na ráitis airgeadais bhliantúla, na ráitis airgeadais chomhdhlúite agus tuarascálacha gaolmhara maidir le cineálacha áirithe gnóthas, lena leasaítear Treoir 2006/43/CE ó Pharlaimint na hEorpa agus ón gComhairle agus lena n-aisghairtear Treoir 78/660/CEE agus Treoir 83/349/CEE ón gComhairle (IO L 182, 29.6.2013, lch. 17, ELI: http://data.europa.eu/eli/dir/2013/34/oj).

(65)Tá feidhm ag Rialachán (AE) 2016/67911 agus Rialachán (AE) 2018/172512 ó Pharlaimint na hEorpa agus ón gComhairle maidir le próiseáil sonraí pearsanta a dhéantar i gcomhthéacs na Treorach seo, lena n-áirítear próiseáil sonraí pearsanta chun an clár náisiúnta nó na cláir náisiúnta a choinneáil ar bun maidir le heintitis a dhéanann gníomhaíochtaí ionadaíochta leasa thar ceann eintitis tríú tír, chun rochtain a fháil ar shonraí pearsanta sa chlár náisiúnta nó sna cláir náisiúnta sin agus chun sonraí pearsanta a mhalartú i gcomhthéacs an chomhair riaracháin agus an chúnaimh fhrithpháirtigh idir na Ballstáit faoin Treoir seo, lena n-áirítear úsáid a bhaint as IMI, agus taifid a choinneáil i gcomhréir le hoibleagáidí na Treorach seo maidir le taifid a choinneáil. Aon phróiseáil a dhéanfar ar shonraí pearsanta chun na gcríoch sin, ba cheart di, i measc nithe eile, prionsabail an íoslaghdaithe sonraí, an chruinnis sonraí agus an teorannaithe stórála a chomhlíonadh agus na ceanglais maidir le hionracas agus rúndacht sonraí a chomhlíonadh. Ba cheart do na Ballstáit na bearta a shuí lena n-áirithítear próiseáil dhleathach agus shlán i ndáil le próiseáil sonraí pearsanta atá ina gclár náisiúnta nó ina gcláir náisiúnta, i gcomhréir leis an reachtaíocht is infheidhme maidir le cosaint sonraí pearsanta.

__________________

11 Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1, ELI: http://data.europa.eu/eli/reg/2016/679/oj).

12 Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39, ELI: http://data.europa.eu/eli/reg/2018/1725/oj).

(69)Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé tuairim uaidh an XXXX15 ,

__________________

Cuspóir agus aidhm

Leis an Treoir seo, leagtar síos ceanglais chomhchuibhithe i ndáil le gníomhaíochtaí eacnamaíocha ionadaíochta leasa a dhéantar thar ceann eintitis tríú tír, d’fhonn feabhas a chur ar fheidhmiú an mhargaidh inmheánaigh trí leibhéal comhchoiteann trédhearcachta a bhaint amach ar fud an Aontais.

Is é is aidhm don Treoir seo an trédhearcacht sin a bhaint amach ar bhealach nach gcruthófar timpeallacht drochmheasa chun daoine nádúrtha nó dlítheanacha ó Bhallstáit nó ó thríú tíortha a chur ó dhul i dteagmháil le heintitis a dhéanann ionadaíocht leasa thar ceann eintitis tríú tír nó tacaíocht airgeadais a sholáthar dóibh.

(1)ciallaíonn ‘gníomhaíocht ionadaíochta leasa’ gníomhaíocht a dhéantar d’fhonn tionchar a imirt ar fhorbairt, ar cheapadh nó ar chur chun feidhme beartais nó reachtaíochta nó ar phróisis chinnteoireachta poiblí san Aontas, a d’fhéadfaí a dhéanamh go háirithe trí chruinnithe, comhdhálacha nó imeachtaí a eagrú nó páirt a ghlacadh iontu, trí rannchuidiú le comhairliúcháin nó le héisteachtaí parlaiminteacha nó trí pháirt a ghlacadh iontu, trí fheachtais chumarsáide nó fógraíochta a eagrú, trí líonraí agus tionscnaimh phobail a eagrú, trí pháipéir bheartais agus seasaimh a ullmhú, trí leasuithe reachtacha, pobalbhreitheanna, suirbhéanna nó litreacha oscailte, nó trí ghníomhaíochtaí i gcomhthéacs an taighde agus an oideachais, i gcás ina ndéantar iad agus arb é sin is cuspóir leo;

(2)ciallaíonn ‘seirbhís ionadaíochta leasa’ gníomhaíocht ionadaíochta leasa a thugtar de ghnáth ar luach saothair, dá dtagraítear in Airteagal 57 den Chonradh ar Fheidhmiú an Aontais Eorpaigh;

(4)ciallaíonn ‘eintiteas tríú tír’:

(b)eintiteas poiblí nó príobháideach ar féidir a ghníomhaíochtaí a chur i leith eintitis dá dtagraítear i bpointe (a), agus na himthosca iomchuí ar fad á gcur san áireamh;

(a)an luach saothair bliantúil iomlán a fhaightear ó eintiteas tríú tír as seirbhís ionadaíochta leasa a sholáthar, arb é atá i gceist léi, i gcás gur luach saothair neamhairgeadais é an luach saothair, a luach measta; nó

(9)ciallaíonn ‘an t-údarás atá freagrach as an gclár náisiúnta’ an t-údarás poiblí nó an comhlacht poiblí atá freagrach as clár náisiúnta a choinneáil ar bun dá dtagraítear in Airteagal 9 agus as clárúcháin a chuirtear isteach de bhun na Treorach seo a phróiseáil;

(a)seirbhís ionadaíochta leasa a sholáthraítear d’eintiteas tríú tír;

(b)gníomhaíocht ionadaíochta leasa a dhéanann eintiteas tríú tír dá dtagraítear in Airteagal 2(4), pointe (b), a bhaineann le gníomhaíochtaí de chineál eacnamaíoch nó a ionadaíonn gníomhaíochtaí de chineál eacnamaíoch agus atá, dá bhrí sin, inchomparáide le seirbhís ionadaíochta leasa mar a thagraítear i bpointe (a) den mhír seo.

(a)gníomhaíochtaí a dhéanann eintiteas tríú tír go díreach dá dtagraítear in Airteagal 2(4), pointe (a), a bhfuil baint acu le feidhmiú údaráis oifigiúil, lena n-áirítear gníomhaíochtaí a bhaineann le feidhmiú an chaidrimh taidhleoireachta nó chonsalachta idir Stáit nó eagraíochtaí idirnáisiúnta;

(i)comhairle a thabhairt d’eintiteas tríú tír chun cuidiú leis a áirithiú go gcomhlíonfaidh a ghníomhaíochtaí na ceanglais dhlíthiúla atá ann cheana;

(ii)ionadaíocht d’eintitis tríú tír i gcomhthéacs nós imeachta idir-réitigh nó idirghabhála arb é is aidhm dó nach dtabharfar díospóid os comhair comhlacht bhreithiúnach nó riaracháin nó dtabharfar breith air;

(iii)ionadaíocht d’eintitis tríú tír in imeachtaí dlíthiúla;

Ní choinneoidh na Ballstáit forálacha ar bun ná ní thabharfaidh siad forálacha isteach, i gcás gníomhaíochtaí ionadaíochta leasa a thagann faoi raon feidhme na Treorach seo, ar forálacha atá difriúil leis na cinn a leagtar síos sa Treoir seo, lena n-áirítear forálacha a bheadh níos déine nó nach mbeadh chomh dian céanna chun leibhéal trédhearcachta éagsúil na ngníomhaíochtaí sin a áirithiú.

Áiritheoidh na Ballstáit go mbeidh an deis ag soláthraithe seirbhísí ionadaíochta leasa a cheangal ar an eintiteas a soláthraítear an tseirbhís thar a cheann a dhearbhú an eintiteas tríú tír é.

1.Áiritheoidh na Ballstáit go n-áireoidh eintitis dá dtagraítear in Airteagal 3(1), ina socruithe conarthacha le fochonraitheoirí, an fhaisnéis go dtagann an ghníomhaíocht ionadaíochta leasa faoi raon feidhme Airteagal 3(1), chomh maith le hoibleagáid faisnéis den sórt sin a chur ar aghaidh chuig aon fhochonraitheoir eile. Ní bheidh ar fhochonraitheoirí a cuireadh ar an eolas amhlaidh cloí le ceanglais Airteagail 7, 8, 10 agus 11 i ndáil leis an ngníomhaíocht ionadaíochta leasa a dhéantar faoin gconradh ina gcuimsítear an fhaisnéis sin.

2.Áiritheoidh na Ballstáit, i gcás ina ndéanfaidh an fochonraitheoir an tseirbhís ionadaíochta leasa a ligean amach ar fochonradh eile, go gcuirfidh sé an príomhchonraitheoir nó, i gcás inarb infheidhme, an fochonraitheoir óna bhfuair sé an conradh chun an ghníomhaíocht ionadaíochta leasa a chur i gcrích ar an eolas gur ligeadh an ghníomhaíocht ionadaíochta leasa ar fochonradh eile agus go n-áiritheofar go gcuimseofar sna socruithe conarthacha an fhaisnéis go dtagann an ghníomhaíocht ionadaíochta leasa faoi raon feidhme Airteagal 3(1).

3.Áiritheoidh na Ballstáit go soláthróidh an fochonraitheoir an fhaisnéis is gá don phríomhchonraitheoir nó, i gcás inarb infheidhme, don fhochonraitheoir chun ceanglais Airteagal 10 a chomhlíonadh.

Airteagal 7

Taifid a choinneáil

3.Áiritheoidh na Ballstáit go bhféadfar an t-ionadaí dlíthiúil a chur faoi dhliteanas mar gheall ar neamhchomhlíonadh oibleagáidí faoin Treoir seo arna dhéanamh ag an eintiteas dá ndéanann sé ionadaíocht, gan dochar don dliteanas ná do chaingne dlí a d’fhéadfaí a thionscnamh in aghaidh an eintitis sin. Maidir le heintitis dá dtagraítear in Airteagal 3(1), áiritheoidh na Ballstáit go soláthróidh siad na cumhachtaí is gá agus na hacmhainní leordhóthanacha dá n-ionadaí dlíthiúil chun comhar éifeachtúil tráthúil le húdaráis inniúla na mBallstát a ráthú, agus lena áirithiú go gcomhlíonfar a gcinntí.

2.Is iad na húdaráis atá freagrach as na cláir náisiúnta a chothóidh an clár náisiúnta nó, de réir mar is ábhartha, na cláir. Chun sonraí pearsanta a phróiseáil, feidhmeoidh na húdaráis sin mar rialaitheoirí de réir bhrí Airteagal 4, pointe (7) de Rialachán (AE) 2016/679.

Maidir le heintiteas dá dtagraítear in Airteagal 3(1) atá bunaithe i gcríoch Ballstát, áiritheoidh na Ballstáit go gcláróidh sé i gclár náisiúnta ar a dhéanaí nuair a chuirfear tús leis na gníomhaíochtaí ionadaíochta leasa.

3.Mura bhfuil eintiteas dá dtagraítear in Airteagal 3(1) bunaithe san Aontas, cláróidh sé sa Bhallstát ina bhfuil a ionadaí dlíthiúil arna ainmniú nó arna hainmniú de bhun Airteagal 8 bunaithe nó, in éagmais áit bhunaíochta, ina bhfuil a sheoladh buan nó ina gcónaíonn sé nó sí de ghnáth.

4.Áiritheoidh na Ballstáit, chun críche clárúcháin, nach gceanglófar ar eintiteas ach an fhaisnéis a leagtar amach in Iarscríbhinn I a chur isteach.

(a)laistigh de thréimhse réasúnta ama, athruithe nó breisithe leis na sonraí arna soláthar de bhun Iarscríbhinn I, pointe 1, pointí (a), (b), (f)(i) agus (f)(ii);

Déanfaidh an t-údarás sin an iarraidh a phróiseáil laistigh de 5 lá oibre agus bainfidh sé an t-eintiteas cláraithe den chlár náisiúnta má mheasann sé nach gcáilíonn an t-eintiteas a thuilleadh mar eintiteas dá dtagraítear in Airteagal 3(1) nó, de réir mar a bheidh, nár cheart é a chlárú a thuilleadh sa chlár a bhfuil sé freagrach as. Beidh cinneadh an údaráis atá freagrach as an gclár náisiúnta ábhartha faoi réir sásamh riaracháin agus breithiúnach i mBallstát an chlárúcháin.

8.Áiritheoidh na Ballstáit gur féidir clárú, tabhairt cothrom le dáta, iarrataí go mbainfear eintitis den chlár agus iarrataí de bhun Airteagal 12(3) a dhéanamh trí mhodhanna leictreonacha agus go mbeidh sé sin saor in aisce.

2.I gcás ina bhfuil an fhaisnéis a sholáthraítear chun críoch clárúcháin neamhiomlán nó ina bhfuil earráidí follasacha inti, iarrfaidh an t-údarás atá freagrach as an gclár náisiúnta ar an eintiteas an méid a chuir sé isteach a chomhlánú nó a cheartú. Laistigh de 5 lá oibre ó fhreagra a fháil ón eintiteas lena mbaineann, cuirfidh an t-údarás atá freagrach as an gclár náisiúnta iontráil chomhfhreagrach ina chlár náisiúnta, nó diúltóidh sé an iontráil sin a dhéanamh agus cuirfidh sé an t-eintiteas lena mbaineann ar an eolas faoin bhfáth a bhfuil an méid a chuir sé isteach fós neamhiomlán nó a bhfuil faisnéis atá mícheart go follasach ann.

3.A luaithe a chuirfear iontráil sa chlár náisiúnta, gheobhaidh an t-eintiteas cláraithe deimhniú clárúcháin láithreach agus laistigh de 5 lá oibre ar a dhéanaí ón údarás atá freagrach as an gclár náisiúnta agus eiseofar EIRN uathúil chuige, mar aon le cóip dhigiteach den fhaisnéis atá sa chlár náisiúnta. Beidh an EIRN san fhormáid a leagtar amach in Iarscríbhinn II.

4.Áiritheoidh na Ballstáit go dtabharfaidh an t-údarás atá freagrach as clár náisiúnta Bhallstát an chlárúcháin fógra faoi gach clárú nua do na húdaráis náisiúnta arna n-ainmniú de bhun Airteagal 15(1) de na Ballstáit a shonraítear sa chlárúchán de bhun Iarscríbhinn I, pointe 2(e) láithreach agus ar a dhéanaí laistigh de 5 lá oibre ó iontráil sa chlár náisiúnta. Déanfar an fógra sin freisin i gcás ina ndéanfaidh eintiteas cláraithe, de bhun Airteagal 10(6), athrú ar an bhfaisnéis dá dtagraítear i bpointe 2(e) d’Iarscríbhinn I nó gcuirfidh sé breis faisnéise léi. Beidh ainm an eintitis chláraithe, a EIRN agus nasc chuig na cláir náisiúnta ina ndearnadh an clárú san fhógra.

5.Forálfaidh na Ballstáit go n-áireoidh na húdaráis atá freagrach as na cláir náisiúnta sa Bhallstát a fhaigheann an fógra dá dtagraítear i mír 4, sa chlár ábhartha, an fhaisnéis a leagtar síos san fhógra sin láithreach agus ar a dhéanaí laistigh de 5 lá oibre. Ní dhéanfar faisnéis faoin eintiteas cláraithe a phoibliú más rud é, i gclár náisiúnta ábhartha Bhallstát an chlárúcháin, go bhfuil an fhaisnéis sin ina cuspóir do mhaolú ar fhoilsiú i gcomhréir le hAirteagal 12(3).

9.I gcás ina bhfuil faisnéis iontaofa ag údarás maoirseachta faoi neamhchomhlíonadh féideartha eintitis atá cláraithe i gclár a bhfuil dlínse aige ina leith de bhun Airteagal 15(3) maidir leis na hoibleagáidí dá bhforáiltear sna forálacha náisiúnta arna nglacadh de bhun Airteagal 10, amhail faisnéis mhíchruinn a sholáthar sa chlár, féadfaidh sé a iarraidh ar an eintiteas sin an fhaisnéis dá dtagraítear in Airteagal 7 a sholáthar a mhéid is gá chun an neamhchomhlíonadh féideartha a imscrúdú.

(c)faisnéis faoi na nósanna imeachta um athbhreithniú breithiúnach atá ar fáil.

11.Déanfaidh an t-eintiteas a ndéanfar an iarraidh chuige an fhaisnéis a iarrtar de bhun mhíreanna 8 agus 9 a sholáthar, laistigh de 10 lá oibre, ar bhealach iomlán cruinn.

12.Beidh na hiarrataí dá dtagraítear i mír 8 agus i mír 9 faoi réir nósanna imeachta um athbhreithniú breithiúnach i mBallstát an údaráis maoirseachta a dhéanann an iarraidh.

(a)faisnéis arna soláthar ag an eintiteas cláraithe i gcomhréir le hIarscríbhinn I, pointe 1, pointí (a), (e), (f)(i), (f)(ii), (h), (i), (j) agus (k) agus pointe 2, pointí (a)(i), agus pointí (b) go (h);

3.Maidir le heintitis dá dtagraítear in Airteagal 3(1), áiritheoidh na Ballstáit go mbeidh siad ábalta iarratas a dhéanamh ar mhaolú ón bhfoilsiú dá dtagraítear i mír 1 trí iarraidh chuí-réasúnaithe. Déanfaidh an t-údarás maoirseachta cinneadh lena gcuirfear teorainn le rochtain phoiblí go páirteach nó go hiomlán i gcás ina léireoidh an t-eintiteas iarrthach, agus imthosca an cháis aonair á gcur san áireamh, go bhfuil údar leis sin ar fhorais leasa dhlisteanaigh, lena n-áirítear riosca suntasach go nochtfaí duine aonair do shárú ar a gcearta bunúsacha mar gheall ar an bhfoilsiú, go háirithe mar a chosnaítear faoi Airteagal 1, Airteagal 2, Airteagal 3, Airteagal 4 nó Airteagal 6 de Chairt um Chearta Bunúsacha an Aontais Eorpaigh. Seachas sin, déanfaidh an t-údarás maoirseachta cinneadh lena ndiúltófar an iarraidh.

4.Beidh aon chinneadh a dhéanfar de bhun mhír 3 faoi réir sásamh breithiúnach i mBallstát an chlárúcháin. Áiritheoidh na Ballstáit go ndéanfar aon nós imeachta athbhreithnithe, lena n-áirítear sásamh breithiúnach, laistigh de thréimhse réasúnta ama agus go ndéanfar cinneadh críochnaitheach go pras.

6.Áiritheoidh na Ballstáit, i gcás ina mbeidh cinneadh dá dtagraítear i mír 3 críochnaitheach, go léireofar leis an iontráil sa chlár náisiúnta lena mbaineann an cinneadh sin, de réir mar a bheidh, go bhfuil an rochtain phoiblí teoranta go páirteach nó go hiomlán.

1.Ag tosú an 31 Márta [bliain i ndiaidh an spriocdháta trasuí], agus faoin 31 Márta gach bliain ina dhiaidh sin, foilseoidh gach Ballstát, agus tarchuirfidh sé chuig an gCoimisiún, tuarascáil a bheidh bunaithe ar an bhfaisnéis arna soláthar ag na heintitis atá cláraithe ina gcláir náisiúnta. Ní bheidh sa tuarascáil sin ach an méid seo a leanas:

(a)sonraí comhiomlánaithe maidir leis na méideanna bliantúla in aghaidh an tríú tír sa bhliain airgeadais roimhe sin. Ba cheart na sonraí comhiomlánaithe sin a bheith bunaithe ar an bhfaisnéis arna soláthar de bhun Iarscríbhinn I, pointe 2, pointí (b) agus (c);

(b)sonraí comhiomlánaithe maidir leis na méideanna bliantúla in aghaidh na catagóire eagraíochta do gach tríú tír sa bhliain airgeadais roimhe sin. Ba cheart na sonraí comhiomlánaithe sin a bheith bunaithe ar an bhfaisnéis arna soláthar de bhun Iarscríbhinn I, pointe 1, pointe (h) agus pointe 2, pointe (b) agus (c);

(c)líon iomlán na n-eintiteas tríú tír is féidir a chur i leith tríú tír ar leith. Ba cheart na sonraí comhiomlánaithe sin a bheith bunaithe ar an bhfaisnéis arna soláthar de bhun Iarscríbhinn I, pointe 2, pointe (b);

5.I gcás ina n-ainmníonn Ballstát níos mó ná údarás maoirseachta amháin, áiritheoidh sé go mbeidh cúraimí gach ceann de na húdaráis sin sainmhínithe go soiléir agus go gcomhoibreoidh siad go dlúth agus go héifeachtach agus iad ag feidhmiú a gcúraimí. Sainaithneoidh na Ballstáit an t-údarás maoirseachta a bhféadfar aon chumarsáid a sheoladh chuige lena tarchur chuig an údarás iomchuí laistigh den Bhallstát sin.

6.Áiritheoidh na Ballstáit go mbeidh an t-údarás maoirseachta neamhspleách i bhfeidhmiú a chuid feidhmeanna. Go sonrach, áiritheoidh na Ballstáit an méid seo a leanas maidir leis an bhfoireann in údaráis mhaoirseachta ag gníomhú dóibh i bhfeidhmiú a gcumhachtaí de bhun na Treorach seo:

(a)beidh siad ábalta a ndualgais a chomhlíonadh go neamhspleách, saor ó thionchar polaitiúil agus ó thionchar seachtrach eile, agus ní iarrfaidh siad ná ní ghlacfaidh siad treoracha ón rialtas ná ó aon eintiteas poiblí nó príobháideach eile;

7.Áiritheoidh na Ballstáit go mbeidh na modhanna uile is gá ag na húdaráis náisiúnta arna n-ainmniú de bhun mhír 1 chun na cúraimí a shanntar dóibh faoin Treoir seo a dhéanamh, lena n-áirítear acmhainní teicniúla, airgeadais agus daonna leordhóthanacha.

8.Áiritheoidh na Ballstáit, agus na cúraimí a shanntar dóibh faoin Treoir seo á ndéanamh acu, go n-áiritheoidh na húdaráis náisiúnta arna n-ainmniú de bhun mhír 1 nach n-eascróidh aon iarmhairt dhíobhálach, amhail stiogmatú, díreach mar gheall gur eintiteas cláraithe é an t-eintiteas nó go raibh sé faoi réir iarraidh de bhun Airteagal 16(3).

3.Seachas i gcásanna dá dtagraítear in Airteagal 11(8) agus (9), ní féidir iarraidh a dhéanamh ach amháin sna cásanna seo a leanas agus ní mór í a theorannú do na taifid a choinnítear i gcomhréir le hAirteagal 7:

(a)fuair an t-eintiteas cláraithe méid bliantúil os cionn EUR 1 000 000 le haghaidh eintiteas tríú tír amháin sa bhliain airgeadais roimhe sin;

tá gníomhaíochtaí an eintitis tríú tír a bhfuil an t-eintiteas cláraithe ag gníomhú thar a cheann curtha i leith tríú tír a chaith, i gceann de na cúig bliana airgeadais roimhe sin, agus na heintitis tríú tír uile ar féidir a ngníomhaíochtaí a chur i leith an tríú tír sin á gcur san áireamh, méid bliantúil comhiomlán a sháraíonn ceachtar díobh seo a leanas:

(c)faisnéis faoi na nósanna imeachta um athbhreithniú breithiúnach atá ar fáil.

5.I gcás ina measann údarás maoirseachta seachas údarás maoirseachta Bhallstát an chlárúcháin go bhfuil aon cheann de na coinníollacha a leagtar amach i mír 3 comhlíonta, féadfaidh sé a iarraidh ar údarás maoirseachta Bhallstát an chlárúcháin taifid a choinnítear i gcomhréir le hAirteagal 7 a iarraidh ar an eintiteas cláraithe.

Ar iarraidh a fháil de bhun mhír 5 agus má mheasann sé go bhfuil na coinníollacha a leagtar síos i mír 3 comhlíonta, déanfaidh údarás maoirseachta Bhallstát an chlárúcháin iarraidh i gcomhréir le mír 3 agus tarchuirfidh sé an fhaisnéis arna fáil chuig an údarás maoirseachta iarrthach. Má rinne údarás maoirseachta Bhallstát an chlárúcháin, laistigh den 12 mhí roimhe sin, iarraidh i gcomhréir le mír 3 lena gcumhdaítear an fhaisnéis chéanna ón eintiteas cláraithe céanna, tarchuirfidh sé an fhaisnéis chuig an údarás maoirseachta iarrthach gan iarraidh nua a dhéanamh.

8.Beidh na hiarrataí dá dtagraítear i mír 3 faoi réir nósanna imeachta um athbhreithniú breithiúnach i mBallstát an údaráis maoirseachta a dhéanann an iarraidh.

1.Áiritheoidh na Ballstáit go rachaidh a n-údaráis mhaoirseachta i gcomhar le húdaráis mhaoirseachta na mBallstát eile go léir de réir mar is gá.

(b)tuairisc ar na fíorais ábhartha, forálacha ábhartha na Treorach seo agus na cúiseanna a gceapann an t-údarás a thugann fógra gur sáraíodh an Treoir seo;

5.I gcás nach mbeidh faisnéis leordhóthanach ag údarás maoirseachta na príomhbhunaíochta chun gníomhú ar fhógra dá dtagraítear i mír 2, féadfaidh sé faisnéis bhreise a iarraidh ar an údarás inniúil a thug an fógra.

6.An comhar riaracháin agus na malartuithe faisnéise idir na húdaráis náisiúnta arna n-ainmniú de bhun Airteagal 15(1), chomh maith leis na húdaráis mhaoirseachta agus an Coimisiún, de bhun mhíreanna 2, 4 agus 5, Airteagal 11(4), Airteagal 16(5) agus (6) agus Airteagal 18 den Treoir seo, cuirfear cur chun feidhme iad trí chóras IMI a bhunaítear le Rialachán (AE) Uimh. 1024/2012.

Airteagal 18

Comhroinnt faisnéise trasteorann idir údaráis mhaoirseachta

(b)malartuithe agus comhroinnt faisnéise agus dea-chleachtas a éascú maidir le riachtanais shonracha micreafhiontar, fiontar beag agus fiontar meánmhéide de réir bhrí Airteagal 3 de Threoir 2013/34/AE;

(d)aon éagsúlacht i gcur i bhfeidhm na Treorach seo a thuairisciú don Choimisiún;

4.Féadfar a iarraidh ar ionadaithe de chuid Pharlaimint na hEorpa, nó de chuid Stáit Chomhlachas Saorthrádála na hEorpa ar páirtithe conarthacha sa Chomhaontú maidir leis an Limistéar Eorpach Eacnamaíoch17 iad, freastal ar chruinnithe an ghrúpa chomhairligh mar bhreathnóirí.

__________________

17 Comhaontú maidir leis an Limistéar Eorpach Eacnamaíoch (IO L 1, 3.1.1994, lch. 3, ELI: http://data.europa.eu/eli/agree_internation/1994/1/oj).

Leagfaidh na Ballstáit síos rialacha maidir le smachtbhannaí, a bheidh teoranta d’fhíneálacha riaracháin, i leith sáruithe ar fhorálacha náisiúnta arna nglacadh chun Airteagal 6, Airteagal 7, Airteagal 8, Airteagal 10, Airteagal 11, Airteagal 14, Airteagal 16 agus Airteagal 20 a thrasuí ag eintitis dá dtagraítear in Airteagal 3(1) nó, i gcás inarb iomchuí, ag a n-ionadaí dlíthiúil. Comhlíonfaidh na rialacha sin mír 2 go mír 6.

2.Is é uasmhéid an smachtbhanna airgeadais dá dtagraítear i mír 1 a fhéadfar a fhorchur, i gcás gnóthas, 1 % den láimhdeachas domhanda bliantúil an bhliain airgeadais roimhe sin, i gcás eintitis dhlíthiúla eile, 1 % de bhuiséad bliantúil an eintitis i gcomhréir leis an mbliain airgeadais is déanaí a dúnadh agus i gcás daoine nádúrtha, EUR 1 000.

3.I ngach cás ar leith, beidh na smachtbhannaí éifeachtach, comhréireach agus athchomhairleach, agus aird á tabhairt, go háirithe, ar chineál, ar atarlú agus ar fhad an tsáraithe lena mbaineann na bearta sin, chomh maith le, i gcás inarb ábhartha, hacmhainneacht eacnamaíoch, theicniúil agus oibríochtúil an eintitis dá dtagraítear in Airteagal 3(1) a rinne an sárú.

4. Sula bhforchuirfidh sé smachtbhannaí, eiseoidh an t-údarás maoirseachta rabhadh nó iomardú chuig an eintiteas lena mbaineann á rá gur dócha go sáróidh sé forálacha na Treorach seo nó go mbeidh forálacha na Treorach seo sáraithe aige, seachas i gcás ina mbeidh sárú den sórt sin ina shárú ar Airteagal 20.

2.Tugtar an chumhacht chun gníomhartha tarmligthe a ghlacadh dá dtagraítear in Airteagal 10(9), Airteagal 13(3) agus Airteagal 16(9) a thabhairt don Choimisiún go ceann tréimhse neamhchinntithe amhail ón [dáta theacht i bhfeidhm na Treorach].

4.Roimh dó gníomh tarmligthe a ghlacadh, rachaidh an Coimisiún i mbun comhairliúchán le saineolaithe arna n-ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.A luaithe a ghlacfaidh sé gníomh tarmligthe, tabharfaidh an Coimisiún fógra maidir leis an ngníomh sin do Pharlaimint na hEorpa agus don Chomhairle an tráth céanna.

6.Ní thiocfaidh gníomh tarmligthe a ghlactar de bhun Airteagal 10(9), Airteagal 13(3) agus Airteagal 16(9) i bhfeidhm ach i gcás nach mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Cuirfear dhá mhí leis an tréimhse sin ar thionscnamh Pharlaimint na hEorpa nó na Comhairle.

1.in Airteagal 2(1), cuirtear isteach pointe (a) an pointe (xi) nua seo a leanas:

2.san Iarscríbhinn, i gCuid I, cuirtear an pointe (K) nua seo a leanas léi:

Leis an meastóireacht sin, déanfar measúnú ar éifeachtacht agus ar chomhréireacht na Treorach. Déanfar measúnú leis, i measc nithe eile, ar an ngá athruithe a dhéanamh ar raon feidhme agus ar éifeachtacht na gcoimircí dá bhforáiltear sa Treoir. I gcás inarb iomchuí, féadfaidh tograí reachtacha ábhartha a bheith ag gabháil leis.

Tabharfaidh na Ballstáit i bhfeidhm na dlíthe, na rialacháin agus na forálacha riaracháin is gá chun an Treoir seo a chomhlíonadh faoin [ocht mí dhéag tar éis don Treoir seo a theacht i bhfeidhm] ar a dhéanaí. Cuirfidh siad téacs na bhforálacha sin in iúl don Choimisiún láithreach.

Nuair a ghlacfaidh na Ballstáit na forálacha sin, beidh tagairt iontu don Treoir seo nó beidh tagairt den sórt sin ag gabháil leo tráth a bhfoilsithe oifigiúil. Is iad na Ballstáit a chinnfidh an bealach le tagairt den sórt sin a dhéanamh.

(a)an fhaisnéis seo a leanas maidir le gach ceann de na heintitis tríú tír a ndéanann an t-eintiteas an ghníomhaíocht ionadaíochta leasa thar a gceann;

(ii)an seoladh ag a seolann an t-eintiteas tríú tír gnó nó, i gcás daoine nádúrtha, an seoladh ag a bhfuil gnáthchónaí orthu;

(iii) tuairisc ar phríomhspriocanna, sainchúram agus réimse spéise an eintitis;

(iv)i gcás ina mbeidh sé ar fáil, uimhir chlárúcháin an eintitis tríú tír i gclár gnó nó cód aitheantais inchomparáide;

(b)an tríú tír a bhfuil an t-eintiteas tríú tír ag gníomhú thar a ceann;