(2)Laghdófar leis an gComhaontú Comhpháirtíochta agus leis an gComhaontú Trádála Eatramhach na cosaintí atá ag táirgeoirí an Aontais a mhonaraíonn tráchtearraí íogaire in earnáil na talmhaíochta. Mar sin, ba cheart clásail choimirce dhéthaobhacha a chur i bhfeidhm chun raon feidhme taraif-chuótaí fabhracha a theorannú i gcás díobhála nó bagairt díobhála.

(12)Le faireachán géar ar aon tháirge íogaire, ba cheart cinntí tráthúla a éascú maidir leis an bhféidearthacht imscrúduithe a thionscnamh agus maidir le bearta coimirce a fhorchur ina dhiaidh sin. Dá bhrí sin, ba cheart don Choimisiún faireachán leanúnach agus réamhghníomhach a dhéanamh ar allmhairí aon táirge íogair ó dháta theacht i bhfeidhm an Chomhaontaithe Trádála Eatramhaigh agus an Chomhaontaithe Comhpháirtíochta. Ba cheart an faireachán a leathnú chun earnálacha nó táirgí eile a chumhdach má dhíríonn lucht an tionscail ábhartha san Aontas iarraidh cuí-réasúnaithe chuig an gCoimisiún. Ba cheart don Choimisiún tuarascáil faireacháin a thíolacadh gach 3 mhí, ina mbeidh a mheasúnú ar thionchar allmhairí táirgí íogaire a thairbhíonn de rochtain fhabhrach ar an margadh faoin gComhaontú, lena n-áirítear sonraí maidir le méideanna allmhairí agus praghsanna le haghaidh gach táirge íogair, le dí-chomhiomlánú réigiúnach iomchuí.

5.ciallaíonn ‘mórdhíobháil’ lagú suntasach foriomlán ar sheasamh thionscal an Aontais; méadú ar mhéid is mó ná 5% bliain ar bhliain i gcomparáid le meán 3 bliana na n-allmhairí faoi théarmaí fabhracha táirge ar leith, nó laghdú is mó ná 5% bliain ar bhliain ar mheánphraghas allmhairiúcháin táirge ar leith, measfar gur fianaise prima facie é ar mhórdhíobháil;

1.Déanfaidh an Coimisiún faireachán leanúnach agus réamhghníomhach ar mhargadh táirgí íogaire an Aontais, go háirithe a mhéid a bhaineann le treochtaí allmhairiúcháin agus onnmhairiúcháin agus forbairtí i dtáirgeacht agus praghsanna, le tacaíocht ó fhaireachlanna margaidh an Aontais arna mbunú le Rialachán (AE) Uimh. 1308/2013 ó Pharlaimint na hEorpa agus ón gComhairle1a. Chuige sin, comhoibreoidh an Coimisiún leis na Ballstáit, le Parlaimint na hEorpa agus le tionscal an Aontais ar bhonn rialta, agus malartóidh sé sonraí leo ar bhonn rialta.

3.Cuirfidh an Coimisiún tuarascáil faireacháin faoi bhráid Pharlaimint na hEorpa agus na Comhairle gach 3 mhí ina mbeidh measúnú ar thionchar allmhairí táirgí íogaire a thairbhíonn de rochtain fhabhrach ar an margadh faoin gComhaontú. Cumhdófar margadh an Aontais sa tuarascáil sin agus, más ábhartha, cumhdófar iontu freisin an staid shonrach i mBallstát amháin nó i roinnt Ballstát.

3.Caithfidh an Coimisiún, in éagmais léirithe dá mhalairt, le méadú is mó ná 5 % i gcomparáid leis an meán trí bliana, mar riail, ar allmhairí táirge áirithe ó thír lena mbaineann faoi théarmaí fabhracha mar fhianaise prima facie ar mhórdhíobháil nó ar bhaol mórdhíobhála do thionscal an Aontais, más rud é, san am céanna, go bhfuil meánphraghas allmhairiúcháin na n-allmhairí sin ó thír lena mbaineann 5 % ar a laghad, mar riail, faoi bhun an mheánphraghais intíre ábhartha ar tháirge comhchosúil nó ar tháirge díriomaíoch le linn na tréimhse céanna, bunaithe ar na sonraí atá ar fáil.

4.Caithfidh an Coimisiún, in éagmais léirithe dá mhalairt, le laghdú is mó ná 5 % i gcomparáid leis an meán trí bliana, mar riail, ar an meánphraghas allmhairiúcháin ar tháirge ar leith ó thír lena mbaineann a allmhairítear isteach san Aontas faoi théarmaí fabhracha mar fhianaise prima facie ar mhórdhíobháil nó ar bhaol mórdhíobhála do thionscal an Aontais, más rud é, san am céanna, go bhfuil meánphraghas allmhairiúcháin an táirge sin ó thír lena mbaineann 5 % ar a laghad, mar riail, faoi bhun an mheánphraghais intíre ábhartha ar tháirge comhchosúil nó ar tháirge díriomaíoch le linn na tréimhse céanna, bunaithe ar na sonraí atá ar fáil.

3.Más féidir, cuirfear an t-imscrúdú i gcrích laistigh de 3 mhí ón dáta a fhoilsítear an fógra tionscnaimh in Iris Oifigiúil an Aontais Eorpaigh. Féadfar trí mhí a chur leis an teorainn ama sin in imthosca eisceachtúla, amhail líon neamhghnách ard páirtithe leasmhara a bheith ann nó staideanna casta margaidh. Déanfaidh an Coimisiún fógra a thabhairt do na páirtithe leasmhara uile i dtaobh aon síneadh den sórt sin agus míneoidh sé na cúiseanna atá leis. I gcás ina mbaineann imscrúdú le táirgí íogaire, tabharfaidh an Coimisiún i gcrích é a luaithe is féidir agus é mar aidhm aige cinneadh críochnaitheach a dhéanamh laistigh de 2 mhí ón dáta a fhoilsítear an fógra tionscnaimh in Iris Oifigiúil an Aontais Eorpaigh.

5.Déanfaidh an Coimisiún meastóireacht ar na táscairí agus tosca eacnamaíocha ábhartha uile atá de chineáil oibiachtúil agus inchainníochtúil agus a imríonn tionchar ar an staid ina bhfuil tionscal an Aontais, go háirithe an ráta ag a bhfuil allmhairí an táirge i dtrácht ag ardú agus méid an ardaithe sin, i ndearbhthéarmaí agus i dtéarmaí coibhneasta, an sciar sin den mhargadh intíre a bhaineann leis na hallmhairí méadaithe, agus athruithe maidir le tionscal an Aontais i dtaca leis an leibhéal díolacháin, lena n-áirítear praghsanna, táirgeacht, táirgiúlacht, úsáid acmhainneachta, brabúis agus caillteanais, agus fostaíocht. Ní liosta iomlán é an liosta sin agus d’fhéadfadh an Coimisiún tosca ábhartha eile a chur san áireamh i gcomhair a chinnidh an bhfuil mórdhíobháil nó baol mórdhíobhála ann, amhail stoic, fáltas ar chaipiteal a úsáidtear, sreabhadh airgid, an leibhéal sciartha sa mhargadh agus tosca eile is cúis le mórdhíobháil nó ba chúis le mórdhíobháil, nó ba bhaol a bheith ina gcúis le mórdhíobháil do thionscal an Aontais.

3.I gcás táirgí íogaire, glacfar bearta coimirce sealadacha i gcomhréir leis an nós imeachta dá dtagraítear in Airteagal 18(4) gan mhoill agus in aon chás laistigh de 14 lá ar a mhéad ó thionscnamh an imscrúdaithe chun damáiste do thionscal an Aontais a sheachaint, ar damáiste é a bheadh deacair a leigheas, lena n-áirítear i gcás ina bhféadfadh an damáiste sin a bheith comhchruinnithe go geografach i mBallstát amháin nó i roinnt Ballstát.

1.I gcás inarb é conclúid an imscrúdaithe go bhfuil na coinníollacha a leagtar amach in Airteagal 3(1) comhlíonta, glacfaidh an Coimisiún, i gcomhréir leis an nós imeachta scrúdúcháin dá dtagraítear in Airteagal 18(3), bearta coimirce cinntitheacha.

14.Uibheacha aicme A agus aicme B

15.Táirgí uibhe- púdar uibhe iomláine, púdar uibhe buíocáin, ubh-albaiminí (caighdeánach, coip ard, glóthach ard)