A.de bhrí gur iarr Ionchúisitheoir Feidearálach na Beilge an 27 Feabhra 2025 go ndéanfaí díolúine Alessandra Moretti, Feisire de Pharlaimint na hEorpa a toghadh san Iodáil, a tharscaoileadh i ndáil le himeachtaí coiriúla atá le tionscnamh ina coinne;

B.de bhrí go líomhnaítear gur thug imscrúdú atá ar siúl faoi láthair i gcomhthéacs an cháis ar a dtugtar Qatar-gate chun solais gur ann d’eagraíocht choiriúil laistigh d’Institiúidí an Aontais, go sonrach i bParlaimint na hEorpa, a raibh sé de chuspóir aici breabanna a thabhairt d’Fheisirí d’fhonn tionchar a imirt ar phróiseas cinnteoireachta Pharlaimint na hEorpa chun socair leasanna geopholaitiúla tríú tíortha áirithe;

C.de bhrí go ndealraíonn sé go léiríonn an t-imscrúdú líomhaintí gur tairgeadh roinnt buntáistí sonracha d’Alessandra Moretti, gur ghlac sí leo agus fiú gur iarr sí iad; de bhrí, de réir na faisnéise arna cur ar fáil ag Ionchúisitheoir Feidearálach na Beilge, go líomhnaítear gur bailíodh réimse leathan cineálacha éagsúla fianaise ó chomhchúisithe agus ó amhrastaigh eile atá faoi imscrúdú breithiúnach maidir le roinnt buntáistí sonracha bhfuil amhras ina leith gur iarr agus/nó go bhfuair Alessandra Moretti iad; de bhrí go líomhnaítear gur chomhthacaigh an iliomad torthaí de chuid na seirbhísí póilíneachta leis an bhfianaise sin; de bhrí go líomhnaítear go ndearna Alessandra Moretti mar mhalairt ar na buntáistí sonracha sin, freastal ar ócáidí nó cruinnithe mar a labhair sí ar son Chatar tar éis di, mar a líomhnaítear, ní hamháin treoracha a fháil ach comhairle a lorg go gníomhach maidir le gníomhartha a bhí le déanamh aici agus an méid a bheadh le rá aici ina cuid óráidí, agus cén áit agus cén uair; de bhrí go líomhnaítear freisin go ndearna sí teagmháil go réamhghníomhach le Feisirí eile, ag tairiscint dul ina n-ionad le linn an iliomad vótaí a bhain le Catar;

D.de bhrí, dá réir sin, go bhfuil drochamhras ann go ndearna Alessandra Moretti, rud a líomhnaítear, gníomhartha neamhdhleathacha idir an 1 Iúil 2019 agus an10 Nollaig 2022 ar féidir iad a rangú faoi Dhlí na Beilge mar rannpháirtíocht i ngníomhachtaí eagraíochta coiriúla agus mar bhreabaireacht éighníomhach, cionta coiriúla faoi Airteagail 324bis agus 324ter, faoi seach, agus faoi Airteagail 246 go 250 de Chód Coiriúil na Beilge faoi seach;

E.de bhrí nach féidir le Parlaimint na hEorpa ról cúirte a ghlacadh uirthi féin, agus de bhrí nach féidir, i nós imeachta um dhíolúine a tharscaoileadh, Feisire a mheas mar chosantóir Breithiúnas ón gCúirt Ghinearálta an 30 Aibreán 2019, Briois v an Pharlaimint, T-214/18, ECLI:EU:T:2019:266;;

F.de bhrí gurb é is cuspóir don díolúine pharlaiminteach dá bhforáiltear i bPrótacal Uimh. 7 ar Phribhléidí agus Díolúintí an Aontais Eorpaigh ná an Pharlaimint agus a cuid Feisirí a chosaint ar imeachtaí dlíthiúla i ndáil le gníomhaíochtaí a dhéantar i gcomhlíonadh dualgas parlaiminteach agus nach féidir í a scaradh ó na dualgais sin;

G.de bhrí go bhforáiltear in Airteagal 8 de Phrótacal Uimh. 7 ar Phribhléidí agus Díolúintí an Aontais Eorpaigh nach bhfuil Feisirí Pharlaimint na hEorpa inchurtha faoi aon saghas fiosrúcháin, coinneála ná imeachtaí dlíthiúla i leith tuairimí a nocht siad nó vótaí a chaith siad ag comhlíonadh a ndualgas dóibh; de bhrí gur foráil ar leith é Airteagal 8 de Phrótacal Uimh. 7 ar Phribhléidí agus Díolúintí an Aontais Eorpaigh arb é is aidhm dó cosaint a thabhairt do shaoirse Fheisirí na Parlaiminte chun tuairimí a nochtadh agus dá neamhspleáchas Breithiúnas ón gCúirt Bhreithiúnais an 6 Meán Fómhair 2011, Patriciello, C-163/10, ECLI:EU:C:2011:543, pointe 26.; de bhrí go mbaineann na líomhaintí le hiompraíocht arb ionann í agus na cionta rannpháirtíocht i ngníomhachtaí eagraíochta coiriúla agus breabaireacht éighníomhach, nach féidir a mheas mar thuairimí arna nochtadh nó vótaí arna gcaitheamh ag Alessandra Moretti ag comhlíonadh a dualgas di i bhfianaise chuspóirí agus fhoclaíocht Airteagal 8 de Phrótacal Uimh. 7 ar Phribhléidí agus Díolúintí an Aontais Eorpaigh;

H.de bhrí nach ionann na cionta líomhnaithe, agus nach bhfuil baint dá réir sin ag an iarraidh dá éis ar dhíolúine Alessandra Moretti a tharscaoileadh, le tuairim a nocht sí ná le vóta a chaith sí agus a dualgais á gcomhlíonadh aici de réir bhrí Airteagal 8 de Phrótacal Uimh. 7 ar Phribhléidí agus Díolúintí an Aontais Eorpaigh;

I.de bhrí go bhforáiltear le hAirteagal 9, an chéad mhír, pointe (b), de Phrótacal Uimh. 7 ar Phribhléidí agus Díolúintí an Aontais Eorpaigh go bhfuil, le linn sheisiúin Pharlaimint na hEorpa, díolúine ó aon bheart coinneála agus ó imeachtaí dlíthiúla ag Feisirí Pharlaimint na hEorpa, i gcríoch aon Bhallstáit nach é a mBallstát féin é;

J.de bhrí, i gcomhréir le Riail 5(2) dá Rialacha Nós Imeachta, nach pribhléid phearsanta don Fheisire í an díolúine pharlaiminteach, ach gur ráthaíocht í ar neamhspleáchas Pharlaimint na hEorpa ina hiomláine agus a cuid Feisirí;

K.de bhrí, de réir na hiarrata ar tharscaoileadh dhíolúine Alessandra Moretti, go ndearnadh imscrúdú breithiúnach domhain casta fadálach a bhain inter alia le líon mór daoine agus dualgais imscrúdaithe a comhlíonadh lasmuigh den Bheilg, agus lasmuigh den Aontas, agus gur urghabhadh méid mór trealamh ríomhaireachta agus go ndearnadh anailís ar a raibh iontu; de bhrí gur bhain an t-imscrúdú atá ar siúl faoi láthair le roinnt daoine, lena n-áirítear Feisirí de Pharlaimint na hEorpa, ní hamháin Alessandra Moretti; de bhrí go ndealraíonn sé, dá bhrí sin, nach bhfuil an iarraidh ar dhíolúine Alessandra Moretti a tharscaoileadh fréamhaithe in iarracht ar dhochar a dhéanamh dá gníomhaíocht pholaitiúil ach go bhfuil sí, os a choinne sin, de thoradh ar an imscrúdú breithiúnach domhain casta thuasluaite;

L.de bhrí nár aimsigh an Pharlaimint aon fhianaise sa chás seo gurbh ann do fumus persecutionis, i bhfocail eile ní dhealraíonn sé gurb é an intinn atá laistiar de na himeachtaí anseo an bonn a bhaint ó ghníomhaíocht pholaitiúil Alessandra Moretti mar Fheisire de Pharlaimint na hEorpa;