(3c) “Gigafabbrika tal-Intelliġenza Artifiċjali” jew “Gigafabbrika tal-IA” tfisser faċilità fuq skala kbira mill-aktar avvanzata, li taqbeż il-100 000 proċessur avvanzat tal-IA kif imsemmi fil-komunikazzjoni tal-Kummissjoni tad-9 ta’ April 2025 bit-titolu “Pjan ta’ Azzjoni għal Kontinent tal-IA”, b’kapaċità suffiċjenti biex tittratta ċ-ċiklu tal-ħajja sħiħ – l-iżvilupp, it-taħriġ, l-irfinar, u l-inferenza fuq skala kbira – ta’ mudelli u ta’ applikazzjonijiet kbar ħafna tal-IA, li tipprovdi infrastruttura tas-servizz tas-supercomputing, li hija magħmula minn kapaċità tal-computing ottimizzata għall-IA, infrastruttura taċ-ċentru tad-data ta’ sostenn (inklużi ħżin u networking ta’ kapaċità għolja), ambjenti ta’ aċċess tal-utenti siguri dedikati fuq il-cloud, u servizzi speċjalizzati siguri ta’ appoġġ orjentati lejn l-IA għall-operazzjonijiet avvanzati tagħha u hija appoġġata minn sistema ambjentalment sostenibbli ta’ provvista tal-enerġija.

(3d) “Konsorzju ta’ Gigafabbriki tal-Intelliġenza Artifiċjali” jew “Konsorzju ta’ Gigafabbriki tal-IA” tfisser assoċjazzjoni ta’ entitajiet legali debitament inkorporati fl-Unjoni li jingħaqdu flimkien f’konsorzju bl-għan li jistabbilixxu u joperaw Gigafabbrika tal-IA u li tispeċifika r-rwoli u r-responsabbiltajiet rispettivi ta’ dawn l-entitajiet għat-tul tal-ħajja tal-Gigafabbrika tal-IA, jew entità legali ġdida stabbilita għall-fini li tistabbilixxi u topera Gigafabbrika tal-IA, u li għandha forma ġuridika rikonoxxuta fi kwalunkwe Stat Membru. Il-Konsorzju ta’ Gigafabbriki tal-IA għandu jiġi stabbilit għal durata minima ta’ 5 snin. Wieħed jew aktar minn dawn is-sħab privati ta’ konsorzju bħal dan jistgħu jkunu qegħdin jipparteċipaw fil-Membri Privati tal-Impriża Konġunta.

(3e) “Koordinatur tal-Gigabbriki tal-IA” tfisser entità legali, debitament inkorporata fl-Unjoni u li tkun teżisti b’mod validu skont il-liġijiet ta’ Stat Membru ta’ stabbiliment, mhux soġġetta għal kundizzjonalitajiet ġuriżdizzjonali jew finanzjarji previsti fid-dritt ta’ pajjiż terz, li tkun legalment awtorizzata tirrappreżenta l-Konsorzju ta’ Gigafabbriki tal-IA u li jkollha l-kapaċità u l-awtorità legali li tidħol fi Ftehim ta’ Hosting tal-Gigafabbriki tal-IA, teżegwih, u twettqu; il-koordinatur tal-Gigafabbriki tal-IA għandu jkollu l-kwartieri ġenerali tiegħu fl-Unjoni u għandu jkun taħt kontroll, direttament jew indirettament, permezz ta’ interess ta’ sjieda jew permezz ta’ mezzi oħrajn, kif definit fil-Kapitolu IV tar-Regolament (UE) 2024/1624 u fil-prinċipji tad-dritt tal-kompetizzjoni rilevanti tal-Unjoni, ta’ entitajiet legali jew ta’ persuni fiżiċi stabbiliti fl-Unjoni. Il-koordinatur jista’ jkun ukoll entità tal-hosting eżistenti li tirrappreżenta Stat Parteċipanti li jkun Stat Membru jew konsorzju ta’ Stati Parteċipanti tal-hosting.

(3f) “Ftehim ta’ Hosting tal-Gigafabbriki tal-IA” tfisser ftehim amministrattiv bejn l-Impriża Konġunta u l-Koordinatur tal-Gigafabbriki tal-IA għall-hosting u għall-operat ta’ Gigafabbrika tal-IA.

(3g) “entità tal-hosting tal-Gigafabbriki tal-IA” tfisser entità legali li tkun ġiet deżinjata mill-konsorzju ta’ Gigafabbriki tal-IA biex tospita u topera Gigafabbrika tal-IA u s-servizzi tagħha, u li tkun stabbilita fi Stat Parteċipanti li jkun Stat Membru.

(3h) il-“Ftehim ta’ Kooperazzjoni tal-Gigafabbriki tal-Intelliġenza Artifiċjali” huwa ftehim bejn l-Impriża Konġunta u pajjiż terz li jispeċifika l-kundizzjonijiet ta’ aċċess għall-Gigafabbriki tal-IA għall-entitajiet legali taħt kontroll, direttament jew indirettament, permezz ta’ interess ta’ sjieda jew permezz ta’ mezzi oħrajn, ta’ entitajiet legali jew ta’ persuni fiżiċi stabbiliti f’dak il-pajjiż terz.

(19a) “Ċentru nazzjonali ta’ Kompetenza kwantistika” tfisser entità legali, jew konsorzju ta’ entitajiet legali, stabbilit fi Stat Parteċipanti, li jipprovdi lill-utenti mill-industrija, inklużi l-SMEs, l-akkademiċi, u l-amministrazzjonijiet pubbliċi b’aċċess fuq talba għal teknoloġiji, għal għodod, għal applikazzjonijiet u għal servizzi kwantistiċi, kif ukoll għal infrastrutturi kwantistiċi nazzjonali jew Ewropej, u li joffri għarfien espert, ħiliet, taħriġ, networking u sensibilizzazzjoni.

Il-missjoni tal-Impriża Konġunta għandha tkun li tiżviluppa, timplimenta, testendi u żżomm fl-Unjoni ekosistema tal-infrastruttura federata, sigura, iperkonnessa u tal-ogħla klassi tas-supercomputing, tal-computing kwantistiku, tas-servizzi u tad-data. Għandha tappoġġa wkoll l-iżvilupp u l-adozzjoni ta’ sistemi innovattivi u kompetittivi tas-supercomputing orjentati lejn id-domanda u mmexxijin mill-utenti ▌u ta’ sistemi bbażati fuq katina tal-provvista li tiżgura komponenti, teknoloġiji u għarfien li jillimitaw ir-riskju ta’ interruzzjonijiet u l-iżvilupp ta’ firxa wiesgħa ta’ applikazzjonijiet ottimizzati għal dawn is-sistemi; u, li twessa’ l-aċċess għal, u l-użu ta’, dik l-infrastruttura tas-supercomputing għal numru kbir ta’ utenti pubbliċi u privati u tappoġġa t-tranżizzjoni ekoloġika u diġitali u l-iżvilupp ta’ ħiliet u opportunitajiet ewlenin għax-xjenza u għall-industrija Ewropej. Għandha tappoġġa wkoll l-ekosistema Ewropea tat-teknoloġiji kwantistiċi, inklużi l-attivitajiet ta’ riċerka xjentifika u applikata ta’ eċċellenza, kif ukoll il-kompetittività tal-industrija kwantistika Ewropea emerġenti. Meta tipprovdi l-appoġġ tagħha għall-ekosistema Ewropea tat-teknoloġiji kwantistiċi, għandha tirrikonoxxi debitament il-livelli differenti ta’ maturità tal-oqsma differenti tat-teknoloġija kwantistika kif ukoll il-legat tal-Quantum Flagship.

(fa) tappoġġa r-riċerka u l-innovazzjoni xjentifiċi u applikati mill-aktar avvanzati fit-teknoloġiji kwantistiċi, it-tranżizzjoni tagħhom mil-laboratorju għall-fabbrika, u l-implimentazzjoni, l-adozzjoni u l-integrazzjoni tagħhom f’infrastrutturi kwantistiċi tal-ogħla klassi, għall-bini ta’ ekosistema kwantistika dinamika, innovattiva u reżiljenti madwar l-UE, u għall-iżgurar tat-tmexxija xjentifika u industrijali, tal-kompetittività, tal-awtonomija strateġika u tas-sovranità teknoloġika tal-Unjoni fil-computing, fil-komunikazzjoni u fir-rilevament kwantistiċi.

(h) tiżviluppa u topera Fabbriki tal-Intelliġenza Artifiċjali, u tappoġġa l-istabbiliment tal-Gigafabbriki tal-Intelliġenza Artifiċjali u s-servizzi tagħhom u l-aċċess għalihom, b’sostenn tal-iżvilupp ulterjuri ta’ ekosistema tal-Intelliġenza Artifiċjali kompetittiva ħafna u innovattiva fl-Unjoni, filwaqt li jsir użu kemm jista’ jkun minn sistemi u komponenti manifatturati fl-Unjoni.

L-Impriża Konġunta għandha tikkontribwixxi għas-salvagwardja tal-interessi tal-Unjoni meta takkwista supercomputers u tappoġġa l-iżvilupp u l-adozzjoni ta’ teknoloġiji, ta’ sistemi u ta’ applikazzjonijiet tal-Computing ta’ Prestazzjoni Għolja u tal-kwantum. Għandha tippermetti approċċ ta’ kodisinn għall-akkwist ta’ supercomputers tal-ogħla klassi, filwaqt li tissalvagwardja s-sigurtà tal-katina tal-provvista tat-teknoloġiji u tas-sistemi akkwistati, u billi tippromwovi d-diversità tal-fornituri fil-livelli kollha tal-istack. Għandha tikkontribwixxi għall-awtonomija strateġika tal-Unjoni, tippreserva ekonomija miftuħa u innovattiva fl-Unjoni permezz tal-kompetizzjoni, tespandi l-aċċess fl-Unjoni kollha għall-kapaċitajiet tas-supercomputing, tappoġġa l-iżvilupp ta’ teknoloġiji u ta’ applikazzjonijiet li jsaħħu l-ktajjen tal-provvista Ewropej tat-Teknoloġiji tal-Computing ta’ Prestazzjoni Għolja u Kwantistiċi u tippromwovi l-integrazzjoni tagħhom f’sistemi li jindirizzaw numru kbir ta’ ħtiġijiet relatati ma’ użi xjentifiċi, soċjetali, ambjentali, industrijali u tas-sigurtà.

(i) il-pilastru tal-Gigafabbriki tal-IA, li jkopri l-attivitajiet tal-Gigafabbriki tal-IA, li fl-operat tagħhom jistgħu jkunu konnessi man-network tal-EuroHPC tal-Fabbriki tal-Intelliġenza Artifiċjali biex jiġu żgurati integrazzjoni u kondiviżjoni tal-għarfien mingħajr xkiel fl-ekosistema Ewropea tal-Intelliġenza Artifiċjali; dan il-pilastru għandu jinkludi l-attivitajiet li ġejjin:(i)il-provvista ta’ infrastruttura tal-computing tal-Intelligence Artifiċjali tal-ogħla klassi għar-riċerkaturi, għall-imprendituri, u għall-industriji Ewropej, filwaqt li jiġi żgurat li l-aċċess għar-riżorsi tal-computing jiġi ffaċilitat għall-SMEs u l-kumpaniji b’kapitalizzazzjoni medja,(ii)l-abilitazzjoni tal-iżvilupp ta’ soluzzjonijiet ġodda tal-Intelliġenza Artifiċjali fis-setturi pubbliċi u privati kollha u(iii)l-iżgurar tal-kompetittività u tas-sovranità tal-Unjoni bħala kontinent tal-Intelliġenza Artifiċjali, anke billi jiġi żgurat l-aċċess għall-kapaċità tal-computing meħtieġa u s-servizzi relatati għall-iżvilupp tal-IA, u billi jiġi promoss il-ħolqien ta’ kapaċitajiet industrijali għall-manifattura ta’ komponenti essenzjali tal-hardware u tas-software.

(j) Il-pilastru tat-teknoloġiji kwantistiċi, li jindirizza l-ekosistema kwantistika sħiħa u l-oqsma ta’ applikazzjoni tal-computing u tas-simulazzjoni kwantistiċi, tal-komunikazzjoni kwantistika, u tar-rilevament u tal-metroloġija kwantistiċi, filwaqt li jiżgura s-sigurtà u r-reżiljenza tal-katina tal-provvista kwantistika u tat-teknoloġiji abilitanti tagħha. L-attivitajiet għandhom jindirizzaw, fost l-oħrajn:(a)Ir-Riċerka u l-Innovazzjoni Xjentifiċi u Teknoloġiċi: L-avvanz tal-eċċellenza fir-riċerka fl-oqsma tax-xjenza u tat-teknoloġija kwantistiċi.(b)It-tranżizzjoni mil-laboratorju għall-fabbrika u l-iżvilupp tal-ekosistemi: L-appoġġ għall-iżvilupp u għall-varar ta’ infrastrutturi kwantistiċi mill-aktar avvanzati; it-trawwim tal-industrijalizzazzjoni tat-teknoloġiji kwantistiċi billi tiġi appoġġata l-adozzjoni tal-applikazzjonijiet kwantistiċi f’setturi pubbliċi u industrijali ewlenin, filwaqt li tiġi żgurata t-traduzzjoni tal-avvanzi fl-oqsma kwantistiċi kollha f’applikazzjonijiet tad-dinja reali, inkluż l-iżvilupp ta’ swieq ewlenin; il-promozzjoni tal-istandards Ewropej u internazzjonali; u, l-appoġġ għall-iżvilupp u għan-networking taċ-ċentri nazzjonali ta’ kompetenza kwantistika madwar l-Ewropa.(c)Il-Ħiliet u t-Talent: L-iżvilupp ta’ forza tax-xogħol kompetittiva u inklużiva fir-riċerka kwantistika u fl-inġinerija permezz ta’ inizjattivi koordinati ta’ edukazzjoni, ta’ taħriġ u ta’ mobilità, fost dixxiplini u oqsma tekniċi ewlenin relatati mal-kwantum.(d)Il-kooperazzjoni internazzjonali: L-iżvilupp ta’ kollaborazzjoni internazzjonali fit-teknoloġiji kwantistiċi biex jiġu solvuti l-isfidi xjentifiċi u tas-soċjetà globali, f’konformità mal-objettivi tal-politika esterna u mal-impenji internazzjonali tal-Unjoni.

“2. Sabiex jiġu implimentati l-attivitajiet imsemmijin fil-paragrafu 1, l-Impriża Konġunta għandha tiġi fdata bl-implimentazzjoni ta’ finanzjament kumulattiv, komplementari jew kombinat bejn programmi tal-Unjoni f’konformità mal-programm ta’ ħidma rilevanti tal-Kummissjoni. L-Impriża Konġunta tista’ tiġi fdata wkoll bl-implimentazzjoni ta’ kompiti addizzjonali fil-każ li jiġi allokat finanzjament addizzjonali mill-Unjoni skont l-Artikolu 5(3).”;

Il-kontribuzzjoni finanzjarja tal-Unjoni għall-Impriża Konġunta li tinkludi l-approprjazzjonijiet taż-ŻEE għandha tkun sa EUR 3 972 300 000, li tinkludi EUR 92 000 000 għall-kostijiet amministrattivi, bil-kundizzjoni li dak l-ammont tal-anqas jintlaħaq mill-kontribuzzjoni ndaqs tal-Istati Parteċipanti, imqassmin b’mod indikattiv kif ġej:(a)sa EUR 1 660 000 000 minn Orizzont Ewropa, li minnhom EUR 160 000 000 għandhom jintużaw esklużivament għall-azzjonijiet imsemmija fl-Artikolu 5(6) li jikkontribwixxu għall-attivitajiet fl-ambitu tal-pilastru tat-teknoloġiji kwantistiċi kif introdott fl-Artikolu 4(1), il-punt (j)(b)sa EUR 2 012 300 000 mill-Programm Ewropa Diġitali(c)sa EUR 300 000 000 mill-Faċilità Nikkollegaw l-Ewropa.

Fondi addizzjonali minn Orizzont Ewropa, mill-Programm Ewropa Diġitali u mill-Faċilità Nikkollegaw l-Ewropa jistgħu jikkomplementaw il-kontribuzzjoni tal-Unjoni msemmija fl-ewwel subparagrafu, bil-kundizzjoni li l-ammonti addizzjonali jkunu tal-anqas daqs il-kontribuzzjoni ta’ membru wieħed jew aktar mill-membri tal-Impriża Konġunta minbarra l-Unjoni. Kontribuzzjoni addizzjonali tal-Unjoni bħal din għandha tkun iddedikata espliċitament għal wieħed jew aktar mill-pilastri msemmija fl-Artikolu 4 ▌. Dawn il-fondi addizzjonali ma għandhomx jitqiesu fil-kalkolu tal-kontribuzzjoni finanzjarja massima tal-Unjoni.

Fondi addizzjonali minn kwalunkwe programm tal-Unjoni għajr dawk imsemmijin fil-paragrafu 1 ta’ dan l-Artikolu u li jikkomplementawhom jistgħu jiġu allokati lill-Impriża Konġunta biex jappoġġaw il-pilastri tal-attivitajiet tagħha msemmijin fl-Artikolu 4, ħlief dawk imsemmijin fl-Artikolu 4(1)(a). Dawn il-fondi addizzjonali ma għandhomx jitqiesu fil-kalkolu tal-kontribuzzjoni finanzjarja massima tal-Unjoni.

Għall-kontribuzzjonijiet fdati lill-Impriża Konġunta f’konformità mal-paragrafi 3 u 4 ta’ dan l-Artikolu, huma applikabbli r-rekwiżiti tal-Artikolu 158 tar-Regolament (UE, Euratom) 2024/2509. Meta dawn il-kontribuzzjonijiet addizzjonali tal-Unjoni jkunu relatati mal-pilastru msemmi fl-Artikolu 4(1)(i), wieħed jew aktar mill-membri għajr l-Unjoni għandhom jagħmlu kontribuzzjonijiet addizzjonali proporzjonati għall-ammont tal-kontribuzzjonijiet tal-Unjoni.

“Artikolu 12b”

Gigafabbrika tal-Intelliġenza Artifiċjali

1.Gigafabbrika tal-IA għandha tkun tinsab fi Stat Membru. Għandha tkun appoġġata finanzjarjament minn sħubija bejn l-Unjoni u Stat Parteċipanti wieħed jew aktar, irrappreżentati permezz tal-Impriża Konġunta, u Konsorzju ta’ Gigafabbriki tal-IA, li jista’ jinkludi fornitur wieħed jew aktar tal-infrastruttura tat-teknoloġija, irrappreżentat legalment minn Koordinatur tal-Gigafabbriki tal-IA.

1a.L-Impriża Konġunta għandha tiżgura li l-Gigafabbriki kollha tal-IA jikkonformaw mal-istandards tal-interoperabbiltà, taċ-ċibersigurtà u tal-protezzjoni tad-data fl-Unjoni kollha, u b’hekk tinħoloq ekosistema tal-computing sigura u fdata.

2.Il-parteċipazzjoni f’Konsorzju ta’ Gigafabbriki tal-IA ta’ entitajiet legali minn Stati mhux Parteċipanti ma għandhiex tkun permessa. Madankollu, f’każijiet debitament ġustifikati, il-Kummissjoni tista’ tivvaluta, fuq bażi ta’ każ b’każ, li tali parteċipazzjoni ma titqiesx li tmur kontra l-assi strateġiċi, l-interessi, l-awtonomija jew is-sigurtà tal-Unjoni. F’konformità mar-Regolament (UE) 2021/695, ir-Regolament (UE) 2021/694 u r-Regolament (UE) 2021/1153, is-sejħa għal espressjoni ta’ interess għall-għażla ta’ Konsorzju ta’ Gigafabbriki tal-IA għandha tillimita l-parteċipazzjoni fl-imsemmi Konsorzju għal entitajiet legali stabbiliti biss fl-Istati Parteċipanti jew għal entitajiet legali stabbiliti f’pajjiżi assoċjati speċifikati tal-Programm Qafas Orizzont Ewropa, tal-Programm Ewropa Diġitali u ta’ kwalunkwe programm ta’ finanzjament rilevanti sussegwenti tal-Unjoni, jew f’pajjiżi terzi parteċipanti oħrajn. Ir-restrizzjonijiet u l-esklużjonijiet imsemmijin f’dan il-paragrafu fil-prinċipju ma għandhomx japplikaw għall-entitajiet legali stabbiliti f’pajjiżi terzi, li ffirmaw Ftehim ta’ Kooperazzjoni tal-Gigafabbriki tal-IA jew ftehim simili mal-Unjoni. Is-sejħa għal espressjoni ta’ interess għall-għażla ta’ Gigafabbrika tal-IA tista’ tispeċifika li l-entitajiet legali f’pajjiżi terzi oħrajn jistgħu jkunu eliġibbli dment li jikkonformaw mar-rekwiżiti li għandhom jiġu ssodisfati minn dawk l-entitajiet legali biex jiggarantixxu l-protezzjoni tal-interessi tas-sigurtà tal-Unjoni u tal-Istati Membri u biex jiżguraw il-protezzjoni ta’ informazzjoni dwar dokumenti klassifikati. Dawk ir-rekwiżiti għandhom jiġu stabbiliti fil-programm ta’ ħidma.

3.Il-Konsorzju ta’ Gigafabbriki tal-IA għandu jibbenefika mill-provvista espliċita ta’ dokument ta’ sostenn xieraq li jagħti prova tal-impenn tal-Istat Membru fejn tkun stabbilita l-entità li tospita l-Gigafabbrika tal-IA, jew tal-awtoritajiet kompetenti tal-Istati Parteċipanti tal-Konsorzju ta’ Gigafabbriki tal-IA.

4.Il-kontribuzzjoni finanzjarja tal-Unjoni msemmija fl-Artikolu 5 li tirriżulta mill-Programm Ewropa Diġitali jew mill-FNE Diġitali għandha tkopri sa 17 % tal-investimenti tan-nefqa kapitali (CAPEX) tal-infrastruttura ġenerali tal-computing ġenerali tal-Gigafabbrika tal-IA. Il-parti tal-kontribuzzjoni finanzjarja tal-Unjoni msemmija fl-Artikolu 5 li tirriżulta minn Orizzont Ewropa u li tikkontribwixxi għall-pilastru Gigafabbrika tal-IA għandha tkopri xiri garantit miftiehem minn qabel ta’ ħin ta’ aċċess għall-Gigafabbrika tal-IA, li għandu jintuża esklużivament mill-azzjonijiet imsemmija fl-Artikolu 5(6), ekwivalenti għal kapaċità lokata tal-CAPEX. Jenħtieġ li Stat Parteċipanti wieħed jew aktar tal-anqas jilħaq il-kontribuzzjoni tal-Unjoni. L-investiment li jifdal kif ukoll in-nefqa operazzjonali (OPEX) tal-Gigafabbrika tal-IA għandhom ikunu koperti mill-Konsorzju ta’ Gigafabbriki tal-IA.

5.Fabbrika tal-IA magħżula tista’ tikber b’mod sostanzjali biex issir Gigafabbrika tal-IA. F’każ bħal dan, l-appoġġ finanzjarju tal-Unjoni diġà pprovdut għal din il-Fabbrika tal-IA għandu jingħadd bħala parti mill-kontribuzzjoni tal-Unjoni lejn il-CAPEX tal-infrastruttura tal-computing tal-Gigafabbrika tal-IA. Il-ftehim ta’ hosting tal-Fabbrika tal-Intelliġenza Artifiċjali msemmi fl-Artikolu 10 għandu jiġi mmodifikat kif xieraq, meta dan ikun xieraq. L-investiment addizzjonali fil-Fabbrika tal-Intelliġenza Artifiċjali kkonċernata biex issir Gigafabbrika tal-IA kif ukoll in-nefqa operazzjonali (OPEX) tal-Gigafabbrika tal-IA għandhom ikunu koperti mill-Konsorzju ta’ Gigafabbriki tal-IA.

6.L-Istati Parteċipanti li huma Stati Membri jistgħu, bi ftehim reċiproku mal-Impriża Konġunta, jgħaddu l-kontribuzzjonijiet volontarji rispettivi tagħhom, inklużi dawk imsemmijin fil-paragrafu 4 ta’ dan l-Artikolu u kwalunkwe wieħed ieħor minbarra dawn, b’mod totali jew parzjali, lil Gigafabbrika speċifika tal-IA permezz tal-Impriża Konġunta, li mbagħad għandha tamministra u tqassam dawn il-fondi f’isimhom lill-Gigafabbrika tal-IA deżinjata.

7.L-Impriża Konġunta għandha tkun proprjetarja tal-parti tal-infrastruttura tal-computing tal-Gigafabbrika tal-IA li tikkorrispondi għall-kontribuzzjoni tal-Unjoni speċifikata fil-paragrafi 4 u 5. Id-durata ta’ din is-sjieda jew tal-kapaċità lokata msemmija fil-paragrafu 4 għandha tkun ta’ mill-inqas 5 snin mill-bidu tal-operazzjonijiet tal-Gigafabbrika tal-IA u speċifikata ulterjorment fil-Ftehim ta’ Hosting tal-Gigafabbrika tal-IA. Din id-durata għandha tiġi estiża f’każ ta’ titjib sostanzjali tal-infrastruttura tal-computing tal-Gigafabbrika tal-IA. Mingħajr preġudizzju għall-istralċ tal-Impriża Konġunta, kif imsemmi fl-Artikolu 23(4) tal-Istatuti, din is-sjieda għandha tiġi ttrasferita f’konformità mal-Ftehim ta’ Hosting tal-Gigafabbrika tal-IA jew tiġi estiża għal perjodu miftiehem skont il-kundizzjonijiet speċifikati fil-Ftehim ta’ Hosting tal-Gigafabbriki tal-IA. Fil-każ ta’ trasferiment tas-sjieda lill-Konsorzju ta’ Gigafabbriki tal-IA, il-valur residwu tal-infrastruttura tal-computing tal-Gigafabbriki tal-IA għandu jiġi kkonvertit fi drittijiet ta’ aċċess ekwivalenti għall-Unjoni. Jekk ma jkun hemm l-ebda trasferiment tas-sjieda lill-konsorzju ta’ Gigafabbriki tal-IA skont il-Ftehim ta’ Hosting, iżda tkun ittieħdet deċiżjoni għad-dekummissjonar, il-kostijiet rilevanti għandhom jiġġarrbu mill-Konsorzju ta’ Gigafabbriki tal-IA.

8.Id-drittijiet ta’ aċċess tal-Unjoni u tal-Istati Parteċipanti fil-Gigafabbrika tal-IA għandhom ikunu direttament proporzjonali għall-kontribuzzjonijiet finanzjarji rispettivi tagħhom għall-CAPEX tal-infrastruttura tal-computing tal-Gigafabbrika tal-IA, jew għax-xiri garantit tal-ħin ta’ aċċess miftiehem minn qabel għall-Gigafabbrika tal-IA.

9.Il-Bord ta’ Tmexxija tal-Impriża Konġunta għandu jiddetermina:(a)il-kundizzjonijiet tal-ħin ta’ aċċess tal-Unjoni għall-Gigafabbriki tal-IA,(b)ir-regoli speċifiċi għall-kundizzjonijiet ta’ aċċess għall-Gigafabbriki tal-IA li jikkonċernaw l-allokazzjoni tal-ħin ta’ aċċess għall-proġetti u għall-attivitajiet meqjusin bħala strateġiċi għall-Unjoni.(ba)il-mekkaniżmi għall-monitoraġġ tar-rati tal-użu u tar-riżultati sabiex jiġu żgurati l-użu u l-kapaċità effiċjenti tagħhom filwaqt li jiġu evitati riżorsi mhux użati. Għandu jirrapporta regolarment dwar l-użu u l-prestazzjoni ta’ kull Gigafabbrika.

10.Meta jiddetermina l-kundizzjonijiet tal-ħin ta’ aċċess tal-Unjoni skont il-paragrafu 9, il-Bord ta’ Tmexxija għandu jiżgura li l-aċċess għandu:(a)jingħata lill-utenti li jirrisjedu, li jkunu stabbiliti jew li jinsabu fi Stat Membru jew f’pajjiż terz assoċjat mal-Programm Ewropa Diġitali, lil Orizzont Ewropa jew lill-Faċilità Nikkollegaw l-Ewropa;(b)ikun mingħajr ħlas għall-utenti minn entitajiet regolati bid-dritt pubbliku. Dan għandu wkoll ikun mingħajr ħlas għal utenti industrijali għall-applikazzjonijiet relatati mal-attivitajiet ta’ riċerka u ta’ innovazzjoni ffinanzjati minn Orizzont Ewropa, mill-Programm Ewropa Diġitali, jew mill-Faċilità Nikkollegaw l-Ewropa, kif ukoll dawk mogħtijin Siġill ta’ Eċċellenza taħt Orizzont Ewropa jew il-Programm Ewropa Diġitali u għall-attivitajiet ta’ innovazzjoni privati tal-SMEs u tal-iscaleups, meta xieraq;(c)jinkludi r-riżorsi tal-computing riżervati speċifikament għal proġetti ta’ riċerka ffinanzjati mill-UE u kumpaniji u entitajiet żgħar li joperaw skont il-prinċipju tax-xjenza miftuħa, filwaqt li tiġi żgurata d-disponibbiltà garantita u l-prijorità tal-iskedar.(ca)jagħti aċċess prijoritarju u, fejn fattibbli, miżuri ta’ appoġġ immirati għall-SMEs, l-istartups, il-mikrointrapriżi u l-organizzazzjonijiet tar-riċerka, inklużi dawk f’riċerka mingħajr skop ta’ qligħ jew prekompetittiva, filwaqt li jiżviluppaw applikazzjonijiet b’impatt soċjetali jew industrijali għoli fuq l-Unjoni.

11.Il-Bord ta’ Tmexxija għandu jimmonitorja s-sehem tal-ħin ta’ aċċess tal-Unjoni għat-tipi differenti ta’ utenti, definit fil-punt (a) tal-paragrafu 10. F’każ li jkun hemm żbilanċ sinifikanti fl-ishma tal-ħin ta’ aċċess bejn it-tipi differenti ta’ utenti meta mqabblin mad-domanda, huwa għandu jieħu azzjoni korrettiva xierqa biex jindirizza dan l-iżbilanċ.

12.Il-kontribuzzjonijiet mill-Unjoni jew mill-Istati Parteċipanti għandhom ikunu soġġetti għal kundizzjonijiet li jiżguraw il-protezzjoni tal-interessi strateġiċi tal-Unjoni. Il-kundizzjonijiet speċifiċi msemmijin f’dan il-paragrafu għandhom jiġu stabbiliti fi Ftehim ta’ Hosting tal-Gigafabbrika tal-IA dedikat bejn l-Impriża Konġunta u l-Konsorzju ta’ Gigafabbriki tal-IA. Il-Ftehim ta’ Hosting tal-Gigafabbrika tal-IA għandu jkun irregolat bid-dritt tal-Unjoni, issupplimentat, għal kwalunkwe kwistjoni mhux koperta minn dan ir-Regolament jew minn atti legali oħrajn tal-Unjoni, bid-dritt tal-Istat Membru fejn tkun tinsab l-entità tal-hosting. Il-Ftehim ta’ Hosting tal-Gigafabbriki tal-IA għandu:(a)jistabbilixxi fid-dettall l-istruttura tas-sjieda u tal-governanza tal-Gigafabbrika tal-IA;(b)jinkludi dispożizzjonijiet li jiżguraw skrutinju u kontroll effettivi tal-Gigafabbrika tal-IA mill-Unjoni għas-salvagwardja tal-assi strateġiċi, tal-interessi, tal-awtonomija jew tas-sigurtà tal-Unjoni;(c)jispeċifika l-kontribuzzjonijiet finanzjarji tal-Unjoni, tal-Istati Parteċipanti u tas-sħab pubbliċi u/jew privati tal-Konsorzju ta’ Gigafabbriki tal-IA, inkluż il-ħin ta’ aċċess garantit għall-Gigafabbrika tal-IA msemmi fil-paragrafu 8, kif xieraq, u d-durata tiegħu;(d)jispeċifika, jekk ikun xieraq, kwalunkwe interess ieħor tal-Unjoni li jirriżulta minn kwalunkwe investiment tal-Unjoni regolat bi ftehimiet ta’ investiment speċifiċi bejn il-konsorzju ta’ Gigafabbriki tal-IA u l-InvestEU;(e)jistabbilixxi l-kundizzjonijiet ta’ eliġibbiltà għall-utenti mhux tal-Unjoni ta’ Gigafabbrika tal-IA; dawn għandhom jikkonformaw mal-istess kundizzjonijiet bħall-kundizzjonijiet ta’ eliġibbiltà speċifikati fil-paragrafu 2;(f)jistabbilixxi l-kundizzjonijiet dettaljati għall-aċċess għall-utenti tal-Unjoni u l-modalitajiet ta’ rendikont tal-ħinijiet ta’ aċċess għas-servizzi tal-Gigafabbrika tal-IA;(g)il-kwalità tas-servizz offrut lill-utenti tal-Impriża Konġunta meta joperaw il-Gigafabbrika tal-IA, kif stabbilit fil-ftehim dwar il-livell ta’ servizz inkluż fil-Ftehim ta’ Hosting tal-Gigafabbrika tal-IA;(h)jistabbilixxi l-modalitajiet tal-akkwist, tal-operat u tal-użu tad-data u tal-infrastruttura tal-computing tal-Gigafabbrika tal-IA, inklużi r-rekwiżiti tal-utenti mis-settur pubbliku, meta jkun xieraq; meta l-Konsorzju ta’ Gigafabbriki tal-IA jinkludi fornitur wieħed jew aktar tal-infrastruttura tat-teknoloġija, il-Ftehim ta’ Hosting tal-Gigafabbriki tal-IA għandu jinkludi l-forniment ta’ salvagwardji msaħħin kontra kunflitti ta’ interess li jikkonċernaw lil dawn il-fornituri;(i)il-kundizzjonijiet għat-trasferiment tas-sjieda msemmija fil-paragrafu 7, meta jkun xieraq;(j)jagħti d-dettalji dwar l-estensjoni tas-sjieda jew tal-ħin ta’ aċċess mixtri, garantit u miftiehem minn qabel, kif xieraq, u l-kundizzjonijiet tat-tneħħija gradwali għall-Gigafabbrika tal-IA, meta xieraq;(k)il-kundizzjonijiet tar-responsabbiltà għat-tħaddim tal-Gigafabbrika tal-IA, meta xieraq;(l)l-obbligu tal-entità tal-hosting tal-Gigafabbrika tal-IA li sal-31 ta’ Jannar ta’ kull sena tippreżenta lill-Bord ta’ Tmexxija rapport tal-awditjar u data dwar l-użu tal-ħin ta’ aċċess fis-sena kontabilistika preċedenti;(m)ikun fih klawżola ta’ arbitraġġ, skont it-tifsira tal-Artikolu 272 tat-TFUE, li tagħti ġuriżdizzjoni fuq kull materja koperta mill-ftehim ta’ hosting lill-Qorti tal-Ġustizzja tal-Unjoni Ewropea.

13.Il-Gigafabbrika tal-IA għandha tinkludi korp ta’ governanza pubblika magħmul minn rappreżentanti mill-Kummissjoni u mill-Istati Parteċipanti li jipprovdu finanzjament pubbliku lill-Gigafabbrika tal-IA speċifika. Mingħajr preġudizzju għall-ġestjoni u għall-awtonomija operazzjonali tal-konsorzju ta’ Gigafabbriki tal-IA, u biex jiġi żgurat allinjament mal-objettivi ta’ interess pubbliku li jirfdu l-finanzjament pubbliku, l-elementi li ġejjin għandhom jeħtieġu approvazzjoni espliċita minn qabel mill-korp ta’ governanza pubblika deżinjat:(a)Kwalunkwe ftehim ta’ aċċess propost ma’ entitajiet minn pajjiżi terzi li jistgħu jqajmu tħassib dwar l-assi strateġiċi, l-interessi, l-awtonomija jew is-sigurtà tal-Unjoni;(b)Bidliet sostanzjali fl-istruttura jew fil-kontroll legali u finanzjarju li jkollhom impatt fuq l-interessi tal-Unjoni jew fuq dawk tal-Istati Parteċipanti, bħal bidla fis-sjieda finali jew fil-kontroll tal-Gigafabbrika tal-IA, kwalunkwe rilokazzjoni ta’ assi kritiċi barra mill-Unjoni jew deċiżjoni kbira dwar ristrutturar finanzjarju;(c)Bidla sinifikanti fl-iskop strateġiku tal-Gigafabbriki tal-IA.

14.Wara sejħa għal espressjoni ta’ interess, il-Konsorzju ta’ Gigafabbriki tal-IA għandu jintgħażel mill-Bord ta’ Tmexxija tal-Impriża Konġunta permezz ta’ proċess ġust u trasparenti, bl-appoġġ ta’ bord ta’ esperti indipendenti u ta’ istituzzjoni finanzjarja akkreditata maħtura mill-Bord ta’ Tmexxija għall-evalwazzjoni, fuq il-bażi, fost l-oħrajn, tal-kriterji li ġejjin:(a)Evalwazzjoni teknika:(1)L-objettivi u l-kwalità teknika tal-proposta(2)Il-kwalità tal-pjan ta’ ħidma(3)Il-kwalità u s-sigurtà tal-infrastruttura fiżika, tal-IT u tan-networking(4)Is-sostenibbiltà, l-effiċjenza enerġetika u tal-ilma(5)L-esperjenza u l-għarfien prattiku tal-konsorzju fl-istabbiliment ta’ faċilitajiet simili fuq skala kbira.(b)L-Impatt Potenzjali:(1)Il-kwalità tas-servizz, inklużi s-sigurtà, l-affidabbiltà u l-orjentazzjoni tal-utent(2)L-impatt fuq l-ekosistema Ewropea tal-IA, inklużi l-bilanċ ġeografiku u l-espansjoni tal-aċċess għall-Unjoni kollha (3)Il-valur miżjud tal-UE li jżid is-sovranità teknoloġika tal-Unjoni u jħalli impatt pożittiv fuq l-awtonomija strateġika tal-Unjoni(c)Il-Fattibbiltà Finanzjarja:(1)L-impenji ta’ investiment tal-Istati Parteċipanti u tal-Konsorzju ta’ Gigafabbriki tal-IA(1a)L-istimi dettaljati, plawżibbli u bbażati fuq l-impenji (2)Il-kwalità u l-vijabbiltà finanzjarja tal-mudell ta’ direzzjoni tan-negozju propost (inkluża diliġenza dovuta li għandha titwettaq mill-istituzzjoni finanzjarja akkreditata maħtura).(d)L-Impatt fuq is-Suq tax-Xogħol:(1)L-attirar, l-iżvilupp u ż-żamma ta’ talent b’livell għoli ta’ ħiliet u varjat fil-qasam tal-IA(2)Il-ħolqien ta’ impjiegi ta’ kwalità għolja

14a. L-Impriża Konġunta għandha tirrapporta kull sena fir-rigward ta’:(a)l-użu tal-kapaċità tal-infrastruttura tal-komputazzjoni għall-finijiet tal-iżvilupp ta’ mudelli Ewropej kbar tal-IA;(b)l-għadd ta’ mudelli ġodda oriġinali ta’ intelliġenza artifiċjali kbar żviluppati;(c)is-sostenibbiltà, l-effiċjenza enerġetika u tal-ilma, u l-aċċess għall-enerġija rinnovabbli.

15.Meta l-Konsorzju ma jkunx jinkludi fornitur wieħed jew aktar tal-infrastruttura tat-teknoloġija, il-fornituri tal-Gigafabbrika tal-IA għandhom jintgħażlu mill-Konsorzju ta’ Gigafabbriki tal-IA fuq il-bażi ta’ speċifikazzjonijiet ġusti u trasparenti tal-offerta li għandhom iqisu l-ispeċifikazzjonijiet ġenerali tas-sistema, u b’mod partikolari r-rekwiżiti tal-utenti mis-settur pubbliku, ipprovduti mill-Unjoni fis-sejħa għal espressjoni ta’ interess u speċifikati ulterjorment fil-Ftehim ta’ Hosting tal-Gigafabbrika tal-IA. L-għażla għandha tkun ibbażata fuq kriterji ġusti, miftuħa u trasparenti, u għandha tiżgura wkoll il-valur miżjud tal-UE u tindirizza s-sigurtà u r-reżiljenza tal-katina tal-provvista. L-offerenti magħżulin għandhom jikkonformaw mal-kundizzjonijiet ta’ eliġibbiltà speċifikati fil-paragrafu 2.

16.L-Impriża Konġunta tista’ tistabbilixxi kuntratti qafas għall-forniment ta’ komponenti essenzjali u ta’ domanda għolja, bħal proċessuri avvanzati tal-IA. Il-Konsorzji ta’ Gigafabbriki tal-IA jistgħu jużaw il-kuntratti qafas imsemmijin f’dan il-paragrafu għall-akkwist tagħhom.

17. L-Impriża Konġunta għandha tippromwovi l-parteċipazzjoni bilanċjata tal-Istati Membri fl-istabbiliment ta’ Gigafabbriki u Ċentri ta’ Kompetenza Kwantistika tal-IA u fl-aċċess għalihom.

Mingħajr preġudizzju għall-Artikolu 17(9), l-użu tas-supercomputers tal-EuroHPC għandu jkun miftuħ għal applikazzjonijiet mis-setturi pubbliċi u privati. Ħlief għas-supercomputers tal-EuroHPC ta’ grad industrijali, l-użu tagħhom għandu jkun primarjament għal finijiet ta’ riċerka u ta’ innovazzjoni li jaqgħu taħt il-programmi ta’ finanzjament pubbliku, għal applikazzjonijiet tas-settur pubbliku u għal attivitajiet privati ta’ innovazzjoni tal-SMEs, fejn xieraq.

Kwalunkwe applikazzjoni ta’ Stat Membru jew ta’ pajjiż terz assoċjat ma’ Orizzont Ewropa jew mal-Programm Ewropa Diġitali għal sħubija fl-Impriża Konġunta għandha tiġi indirizzata lill-Bord ta’ Tmexxija. Il-pajjiżi kandidati għandhom jipprovdu aċċettazzjoni bil-miktub ta’ dawn l-Istatuti, u ta’ kwalunkwe dispożizzjoni oħra li tirregola l-funzjonament tal-Impriża Konġunta. Il-kandidati għandhom jipprovdu wkoll il-motivazzjoni tagħhom għat-talba ta’ sħubija fl-Impriża Konġunta u jindikaw kif l-istrateġija nazzjonali tagħhom għas-supercomputing jew għat-teknoloġija kwantistika hija allinjata mal-objettivi tal-Impriża Konġunta. Il-Bord ta’ Tmexxija għandu jivvaluta l-applikazzjoni, filwaqt li jqis ir-rilevanza u l-potenzjal ta’ valur miżjud tal-kandidat fir-rigward tat-twettiq tal-missjoni u tal-ilħuq tal-objettivi tal-Impriża Konġunta u jista’ jiddeċiedi li jitlob kjarifiki dwar il-kandidatura qabel ma japprova l-applikazzjoni.

(d) il-Grupp Konsultattiv għall-Istrateġija Kwantistika.

(3) Għall-pilastru kwantistiku tal-attivitajiet, l-Istati Parteċipanti għandhom jaħtru rappreżentant mill-awtoritajiet kompetenti tagħhom fil-qasam tat-teknoloġiji kwantistiċi.

(5a) Għall-kompiti msemmijin fl-Artikolu 7(4a) ta’ dawn l-Istatuti, u għal kull Gigafabbrika tal-IA, id-drittijiet tal-vot tal-Istati Parteċipanti għandhom jitqassmu skont il-kontribuzzjonijiet finanzjarji impenjati tagħhom u skont il-kontribuzzjonijiet in natura tagħhom għal dik il-Gigafabbrika tal-IA sa tmiem il-ftehim ta’ hosting tal-Gigafabbrika tal-IA; il-kontribuzzjonijiet in natura għandhom jitqiesu biss jekk ikunu ġew iċċertifikati ex ante minn espert jew minn awditur indipendenti.

Għall-fini ta’ dan il-paragrafu, id-deċiżjonijiet tal-Bord ta’ Tmexxija għandhom jittieħdu b’maġġoranza ta’ mill-inqas 75 % tal-voti kollha, inklużi l-voti tal-membri assenti.

(6) Għall-kompiti msemmijin fl-Artikolu 7(5), 7(5a), 7(6) u 7(7) ta’ dawn l-Istatuti, id-deċiżjonijiet tal-Bord ta’ Tmexxija għandhom jittieħdu f’żewġ stadji.

(4a) Il-Bord ta’ Tmexxija għandu jwettaq il-kompiti li ġejjin relatati mal-Gigafabbriki tal-IA msemmija fl-Artikolu 12b ta’ dan ir-Regolament:(a)jiddiskuti u jadotta l-parti tal-programm strateġiku pluriennali li hija relatata mal-istabbiliment tal-Gigafabbriki tal-IA msemmi fl-Artikolu 18(1) ta’ dawn l-Istatuti;(b)jiddiskuti u jadotta l-parti tal-programm ta’ ħidma annwali li hija relatata mal-istabbiliment ta’ Gigafabbriki tal-IA u l-għażla ta’ Konsorzji ta’ Gigafabbriki tal-IA u mal-istimi tan-nefqa korrispondenti;(c)japprova t-tnedija tas-sejħiet għal espressjoni ta’ interess, f’konformità mal-programm ta’ ħidma annwali;(d)japprova l-għażla tal-Konsorzji ta’ Gigafabbriki tal-IA li jistabbilixxu u joperaw il-Gigafabbriki tal-IA;(e)jiddetermina l-kundizzjonijiet tal-ħin ta’ aċċess tal-Unjoni għall-Gigafabbriki tal-IA(f)japprova kwalunkwe offerta relatata mal-istabbiliment ta’ Gigafabbrika tal-IA magħżula għall-finanzjament;(g)japprova l-kuntratti qafas stabbiliti mill-Impriża Konġunta EuroHPC għall-forniment ta’ komponenti essenzjali u ta’ domanda għolja tal-Gigafabbriki tal-IA.

(5a) Għall-Pilastru Kwantistiku tal-attivitajiet, japplikaw id-dispożizzjonijiet tal-Artikolu 7(5) ta’ dawn l-Istatuti, bl-eċċezzjoni tal-attivitajiet relatati mal-akkwist u mal-operat tal-kompjuters kwantistiċi f’liema każ japplikaw id-dispożizzjonijiet tal-Artikolu 7(4) ta’ dawn l-Istatuti.

Il-Bord Konsultattiv Industrijali u Xjentifiku għandu jkun magħmul mill-Grupp Konsultattiv għar-Riċerka u għall-Innovazzjoni, minn Grupp Konsultattiv għall-Infrastruttura u minn Grupp Konsultattiv għall-Istrateġija Kwantistika.

(7) Il-Grupp Konsultattiv għall-Istrateġija Kwantistika għandu jkun magħmul minn mhux aktar minn tnax-il membru, li minnhom mhux aktar minn sitta għandhom jinħatru mill-Membri Privati b’kont meħud tal-impenji tagħhom mal-Impriża Konġunta u mhux aktar minn sitta għandhom jinħatru mill-Bord ta’ Tmexxija, f’konformità mal-Artikolu 7(3)(k) ta’ dawn l-Istatuti.

Artikolu 12a

Il-funzjonament tal-Grupp Konsultattiv għall-Istrateġija Kwantistika

1.Il-Grupp Konsultattiv għall-Istrateġija Kwantistika għandu jiltaqa’ tal-anqas darbtejn fis-sena.

2.Il-Grupp Konsultattiv għall-Istrateġija Kwantistika jista’ jaħtar gruppi ta’ ħidma meta jkunu neċessarji, taħt il-koordinazzjoni ġenerali ta’ wieħed jew aktar mill-membri.

3.Il-Grupp Konsultattiv għall-Istrateġija Kwantistika għandu jeleġġi l-president tiegħu.

4.Il-Grupp Konsultattiv għall-Istrateġija Kwantistika għandu jadotta r-regoli ta’ proċedura tiegħu, inkluża n-nomina tal-entitajiet kostitwenti li għandhom jirrappreżentaw lill-Grupp Konsultattiv u d-durata tan-nomina tagħhom.

Artikolu 14a

Il-kompiti tal-Grupp Konsultattiv għall-Istrateġija Kwantistika

1.Il-Grupp Konsultattiv għall-Istrateġija Kwantistika għandu:(a)ifassal il-kontribut tiegħu għall-abbozz tal-programm strateġiku pluriennali fir-rigward tal-attivitajiet tat-teknoloġiji kwantistiċi msemmijin fl-Artikolu 20 ta’ dawn l-Istatuti u jirrieżaminah regolarment f’konformità mal-evoluzzjoni tad-domanda xjentifika, industrijali u tal-politika;(b)jorganizza konsultazzjonijiet pubbliċi miftuħin għall-partijiet ikkonċernati pubbliċi u privati kollha li jkollhom interess fl-oqsma tat-teknoloġiji kwantistiċi biex jinfurmahom u jiġbor feedback dwar l-abbozz tal-programm strateġiku pluriennali u l-abbozz tal-attivitajiet relatati tal-programm ta’ ħidma għat-teknoloġiji kwantistiċi għal sena partikolari.(c)Il-kontribut għall-abbozz tal-programm strateġiku pluriennali msemmi fil-paragrafu 1 għandu jindirizza:(d)il-prijoritajiet tar-riċerka, tal-innovazzjoni, tal-varar, u tal-infrastruttura strateġiċi għall-iżvilupp u l-adozzjoni tat-teknoloġiji kwantistiċi u għall-integrazzjoni tagħhom fl-ekosistema diġitali Ewropea, biex jiġu appoġġati r-reżiljenza, is-sovranità teknoloġika, u l-awtonomija strateġika tal-Unjoni filwaqt li jitqies il-potenzjal ta’ użu doppju ta’ teknoloġiji bħal dawn;(e)attivitajiet potenzjali ta’ kooperazzjoni internazzjonali fit-teknoloġiji kwantistiċi li jżidu l-valur u li huma ta’ interess reċiproku filwaqt li jiżguraw allinjament mal-valuri u mal-interessi tas-sigurtà tal-Unjoni;(f)il-prijoritajiet tat-taħriġ, tal-edukazzjoni u tal-iżvilupp tal-forza tax-xogħol għall-indirizzar tal-kompetenzi ewlenin u tad-diskrepanza fil-ħiliet fit-teknoloġiji kwantistiċi, inkluż l-għarfien dwar applikazzjonijiet sensittivi għas-sigurtà;(g)l-akkwist, il-varar u t-tħaddim ta’ infrastrutturi kwantistiċi, inklużi l-interkonnessjoni u l-federazzjoni ma’ infrastrutturi tal-Computing ta’ Prestazzjoni Għolja u ma’ infrastrutturi diġitali oħrajn bħall-komunikazzjonijiet kwantistiċi u r-rilevament kwantistiku;(h)miżuri għall-bini tal-kapaċitajiet, għall-interoperabbiltà, għall-istandardizzazzjoni, għas-sigurtà fil-qasam tat-teknoloġiji kwantistiċi b’kunsiderazzjoni speċifika tar-riskji ta’ użu doppju u tal-protezzjoni tal-assi strateġiċi, tal-interessi, tal-awtonomija jew tas-sigurtà tal-Unjoni.

L-impenji baġitarji tal-Impriża Konġunta jistgħu jinqasmu f’pagamenti parzjali annwali. Minn Jannar 2025, tal-anqas 20 % tal-baġit kumulattiv tas-snin residwi ma għandux ikun kopert minn pagamenti parzjali annwali.