P10_TA(2025)0334Ceapachán Stiúrthóir Feidhmiúcháin an Údaráis Eorpaigh um Árachas agus Pinsin Cheirde (ÚEÁPC)Cinneadh ó Pharlaimint na hEorpa an 17 Nollaig 2025 ar an togra le haghaidh cheapachán Stiúrthóir Feidhmiúcháin an Údaráis Eorpaigh um Árachas agus Pinsin Cheirde (N10-0060/2025 – C10-0268/2025 – 2025/0904(NLE))(Formheas)Tá Parlaimint na hEorpa,

–ag féachaint do thogra ó Bhord Maoirseoirí an Údaráis Eorpaigh um Árachas agus Pinsin Cheirde an 23 Deireadh Fómhair 2025 (C10‑0268/2025),

–ag féachaint d’Airteagal 51(2) agus (3) de Rialachán (AE) Uimh. 1094/2010 ó Pharlaimint na hEorpa agus ón gComhairle an 24 Samhain 2010, lena mbunaítear Údarás Maoirseachta Eorpach (An tÚdarás Eorpach um Árachas agus Pinsin Cheirde), lena leasaítear Cinneadh Uimh. 716/2009/CE agus lena n-aisghairtear Cinneadh 2009/79/CE ón gCoimisiún IO L 331, 15.12.2010, lch. 48, ELI: http://data.europa.eu/eli/reg/2010/1094/oj.,

–ag féachaint do rún uaithi an 14 Márta 2019 maidir le cothromaíocht inscne in ainmniúcháin ghnóthaí eacnamaíocha agus airgeadaíochta an Aontais IO C 23, 21.1.2021, lch. 105.,

–ag féachaint do rún uaithi an 16 Eanáir 2020 maidir le hinstitiúidí agus comhlachtaí an Aontais Eacnamaíoch agus Airgeadaíochta: coinbhleachtaí leasa i ndiaidh fostaíocht phoiblí a chosc Téacsanna arna nglacadh, P9_TA(2020)0017.,

–ag féachaint do Riail 135 dá Rialacha Nós Imeachta,

–ag féachaint don tuarascáil ón gCoiste um Ghnóthaí Eacnamaíochta agus Airgeadaíochta (A10-0247/2025),

A.de bhrí go dtiocfaidh deireadh le téarma oifige Stiúrthóir Feidhmiúcháin reatha an Údaráis Eorpaigh um Árachas agus Pinsin Cheirde an 31 Márta 2026;

B.de bhrí gur mhol Bord Maoirseoirí an Údaráis Eorpaigh um Árachas agus Pinsin Cheirde, an 23 Deireadh Fómhair 2025, i ndiaidh nós imeachta roghnúcháin oscailte, Damian Jaworski a cheapadh ina Stiúrthóir Feidhmiúcháin go ceann téarma oifige 5 bliana, i gcomhréir le hAirteagal 51(2) agus (3) de Rialachán (AE) Uimh. 1094/2010;

C.de bhrí go raibh éisteacht ag an gCoiste um Ghnóthaí Eacnamaíochta agus Airgeadaíochta le Damian Jaworski an 6 Samhain 2025, éisteacht ina ndearna sé ráiteas tosaigh agus inar fhreagair sé ceisteanna ó chomhaltaí an Choiste ina dhiaidh sin;

1.ag formheas cheapadh Damian Jaworski mar Stiúrthóir Feidhmiúcháin an Údaráis Eorpaigh um Árachas agus Pinsin Cheirde;

2.á threorú dá hUachtarán an cinneadh seo a chur ar aghaidh chuig an gComhairle, chuig an gCoimisiún, chuig an Údarás Eorpach um Árachas agus Pinsin Cheirde agus chuig rialtais na mBallstát.