P10_TA(2026)0010Kooperazzjoni msaħħa dwar l-istabbiliment ta’ Self għall-Ukrajna Riżoluzzjoni leġiżlattiva tal-Parlament Ewropew tal-21 ta' Jannar 2026 dwar l-abbozz tad-deċiżjoni tal-Kunsill li tawtorizza kooperazzjoni msaħħa dwar l-istabbiliment ta’ Self għall-Ukrajna (17113/2025 – C10-0004/2026 – 2025/0431(NLE))(Approvazzjoni)Il-Parlament Ewropew,

–wara li kkunsidra l-abbozz ta’ deċiżjoni tal-Kunsill li tawtorizza kooperazzjoni msaħħa dwar l-istabbiliment ta’ Self għall-Ukrajna (17113/2025),

–wara li kkunsidra t-talba għal approvazzjoni ppreżentata mill-Kunsill skont l-Artikolu 329(1) tat-Trattat dwar il-Funzjonament tal-Unjoni Ewropea (C10-0004/2026),

–wara li kkunsidra l-Artikoli 93, 107 u 170 tar-Regoli ta’ Proċedura tiegħu,

1.Jagħti l-approvazzjoni tiegħu għall-abbozz ta’deċiżjoni tal-Kunsill;

2.Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni.