P10_TA(2026)0028Leasú a dhéanamh ar Rialacháin maidir le táirgí talmhaíochta a mhéid a bhaineann le rialacha margaidh agus bearta tacaíochta earnála san earnáil fíona agus do tháirgí fíona cumhraitheRún reachtach ó Pharlaimint na hEorpa an 10 Feabhra 2026 ar an togra le haghaidh rialachán ó Pharlaimint na hEorpa agus ón gComhairle lena leasaítear Rialacháin (AE) Uimh. 1308/2013, Rialachán (AE) 2021/2115 agus Rialachán (AE) Uimh. 251/2014 a mhéid a bhaineann le rialacha margaidh áirithe agus bearta tacaíochta earnála áirithe in earnáil an fhíona agus le haghaidh táirgí fíona cumhraithe (COM(2025)0137 – C10-0058/2025 – 2025/0071(COD))(An gnáthnós imeachta reachtach: an chéad léamh)Tá Parlaimint na hEorpa,

–ag féachaint don togra ón gCoimisiún chuig Parlaimint na hEorpa agus chuig an gComhairle (COM(2025)0137),

–ag féachaint d’Airteagal 294(2), d’Airteagal 42, an chéad mhír, agus d’Airteagal 43(2) den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C10‑0058/2025),

–ag féachaint d’Airteagal 294(3) den Chonradh ar Fheidhmiú an Aontais Eorpaigh,

–ag féachaint do thuairim ó Choiste Eacnamaíoch agus Sóisialta na hEorpa an 17 Iúil 2025 IO C, C/2025/5161, 28.10.2025, ELI: http://data.europa.eu/eli/C/2025/5161/oj.,

–ag féachaint do thuairim ó Choiste na Réigiún an 2 Iúil 2025 IO C, C/2025/4418, 29.8.2025, ELI: http://data.europa.eu/eli/C/2025/4418/oj.,

–ag féachaint don chomhaontú sealadach arna fhormheas de bhun Riail 75(4) dá Rialacha Nós Imeachta ag an gcoiste freagrach, agus don ghealltanas a thug ionadaí na Comhairle i litir dar dáta an 16 Nollaig 2025 go ndéanfadh sí seasamh Pharlaimint na hEorpa a fhormheas, i gcomhréir le hAirteagal 294(4) den Chonradh ar Fheidhmiú an Aontais Eorpaigh,

–ag féachaint do Riail 60 dá Rialacha Nós Imeachta,

–ag féachaint don tuarascáil ón gCoiste um Thalmhaíocht agus um Fhorbairt Tuaithe (A10-0220/2025),

1.ag glacadh a seasaimh ar an gcéad léamh mar a leagtar amach ina dhiaidh seo é;

2.ag cur sonrú sa ráiteas ón gCoimisiún atá i gceangal leis an rún seo, a fhoilseofar in Iris Oifigiúil an Aontais Eorpaigh (Sraith C);

3.á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

4.á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

P10_TC1-COD(2025)0071Seasamh ó Pharlaimint na hEorpa arna ghlacadh ar an gcéad léamh an 10 Feabhra 2026 chun go nglacfaí Rialachán (AE) 2026/... ó Pharlaimint na hEorpa agus ón gComhairle lena leasaítear Rialacháin (AE) Uimh. 1308/2013, (AE) Uimh. 251/2014 agus (AE) 2021/2115 a mhéid a bhaineann le rialacha margaidh áirithe agus bearta tacaíochta earnála áirithe in earnáil an fhíona agus le haghaidh táirgí fíona cumhraithe agus Rialachán (AE) 2024/1143 a mhéid a bhaineann le rialacha lipéadaithe áirithe le haghaidh deochanna biotáilleacha(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Rialachán (AE) 2026/471.)IARSCRÍBHINN A GHABHANN LEIS AN RÚN REACHTACH

Ráiteas ón gCoimisiún tráth a glacadh Rialachán (AE) 2026/471 ó Pharlaimint na hEorpa agus ón gComhairle an 24 Feabhra 2026 IO L, 2026/471, 26.2.2026, ELI: http://data.europa.eu/eli/reg/2026/471/oj. lena leasaítear Rialacháin (AE) Uimh. 1308/2013, (AE) Uimh. 251/2014, agus (AE) 2021/2115 a mhéid a bhaineann le rialacha margaidh áirithe agus bearta tacaíochta earnála áirithe in earnáil an fhíona agus le haghaidh táirgí fíona cumhraithe, agus Rialachán (AE) 2024/1143 a mhéid a bhaineann le rialacha lipéadaithe áirithe le haghaidh deochanna biotáilleacha

Déanfaidh an Coimisiún a dhícheall an méid seo a leanas a chur i láthair an tsainghrúpa nó an choiste ábhartha in 2026:

1)dréachtghníomh cur chun feidhme lena leasaítear Rialachán (AE) 2018/274 a bhaineann leis an bhféidearthacht leathnú a dhéanamh ar chur i bhfeidhm an nós imeachta simplithe maidir le húdaruithe athphlandaithe a dheonú a leagtar síos in Airteagal 9 den Rialachán sin.

2)dréachtleasú ar Rialachán Tarmligthe (AE) 2019/33 ón gCoimisiún, chun córas de chuid an Aontais a shainiú, córas lena ndéantar na modhanna leictreonacha dá dtagraítear in Airteagal 119(4) agus (5) de Rialachán (AE) Uimh. 1308/2013 a léiriú ar an bpacáiste nó ar lipéad táirgí fíniúna.

3)dréachtleasú ar Rialachán Tarmligthe (AE) 2019/934 ón gCoimisiún chun an fhéidearthacht fíonta dí-alcólaithe nó páirt-dhí-alcólaithe a chumasc le fíonta socra chun fíonta páirt-dhí-alcólaithe a tháirgeadh a chuimsiú sa sainmhíniú ar ‘coupage’ (‘cumasc’).

4)dréachtghníomh tarmligthe lena leagtar síos na coinníollacha maidir le fíonghoirt thréigthe a ghrafadh dá dtagraítear in Airteagal 62(6) nua de Rialachán (AE) Uimh. 1308/2013.’