A.de bhrí, i litir dar dáta an 30 Eanáir 2026, go ndeachaigh an Chomhairle Eorpach i gcomhairle le Parlaimint na hEorpa maidir le Boris Vujčić a cheapadh mar Leas‑Uachtarán an Bhainc Ceannais Eorpaigh ar feadh téarma oifige 8 mbliana, le héifeacht ón 1 Meitheamh 2026;

B.de bhrí go ndearna an Coiste um Ghnóthaí Eacnamaíochta agus Airgeadaíochta i bParlaimint na hEorpa measúnú ar dhintiúir Boris Vujčić, go háirithe i bhfianaise na gceanglas a leagtar síos in Airteagal 283(2) den Chonradh ar Fheidhmiú an Aontais Eorpaigh agus i bhfianaise an ghá atá le neamhspleáchas iomlán BCE de bhun Airteagal 130 den Chonradh sin; de bhrí mar chuid den mheastóireacht sin, go bhfuair an coiste curriculum vitae ó Boris Vujčić agus na freagraí ar an gceistneoir i scríbhinn a cuireadh chuige;

C.de bhrí gur thionóil an coiste ina dhiaidh sin éisteacht an 25 Feabhra 2026 le Boris Vujčić, ina ndearna sé ráiteas tosaigh agus inar fhreagair sé ina dhiaidh sin ceisteanna chomhaltaí an choiste ;