–wara li kkunsidra r-rakkomandazzjoni tal-Kunsill tas-26 ta’ Jannar 2026 (N10-0003/2026) ĠU C, C/2026/707, 28.01.2026, ELI: http://data.europa.eu/eli/C/2026/707/oj.,
–wara li kkunsidra l-Artikolu 283(2), it-tieni subparagrafu, tat-Trattat dwar il-Funzjonament tal-Unjoni Ewropea, skont liema artikolu ġie kkonsultat mill-Kunsill Ewropew (C10‑0018/2026),
–wara li kkunsidra l-Artikolu 134 tar-Regoli ta’ Proċedura tiegħu,
–wara li kkunsidra r-rapport tal-Kumitat għall-Affarijiet Ekonomiċi u Monetarji (A10-0038/2026),
A.billi, bl-ittra tat-30 ta’ Jannar 2026, il-Kunsill ikkonsulta lill-Parlament Ewropew dwar il-ħatra ta’ Boris Vujčić għall-kariga ta’ Viċi President tal-Bank Ċentrali Ewropew għal mandat ta’ tmien snin li jibda mill-1 ta’ Ġunju 2026;
B.billi l-Kumitat għall-Affarijiet Ekonomiċi u Monetarji tiegħu evalwa l-kwalifiki tal-kandidat propost, b’mod partikolari fir-rigward tal-kundizzjonijiet stipulati fl-Artikolu 283(2) tat-Trattat dwar il-Funzjonament tal-Unjoni Ewropea u, kif jirriżulta mill-Artikolu 130 ta’ dak it-Trattat, tal-ħtieġa tal-indipendenza totali tal-BĊE; billi, fil-qafas ta’ din l-evalwazzjoni, il-Kumitat irċieva mill-kandidat curriculum vitæ kif ukoll it-tweġibiet tiegħu għall-kwestjonarju miktub li kien indirizzat lilu;
C.billi dan il-Kumitat imbagħad, fil-25 ta’ Frar 2026, ipproċeda b’seduta ta’ smigħ tal-kandidat, li matulha dan għamel stqarrija preliminari, u wara wieġeb għall-mistoqsijiet li saru mill-membri tal-Kumitat;