–wara li kkunsidra l-lista mqassra ta’ kandidati kwalifikati għall-pożizzjoni ta’ President tal-Awtorità Bankarja Ewropea mfassla mill-Bord tas-Superviżuri tagħha,
–wara li kkunsidra l-ittra tal-Kunsill tal-4 ta’ Frar 2026 li tipproponi lil François-Louis Michaud bħala President tal-Awtorità Bankarja Ewropea (C10-0020/2026),
–wara li kkunsidra l-Artikolu 48(2) u (3) tar-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE ĠU L 331, 15.12.2010, p. 12, ELI: http://data.europa.eu/eli/reg/2010/1093/oj.,
–wara li kkunsidra r-riżoluzzjoni tiegħu tal-14 ta’ Marzu 2019 dwar il-bilanċ bejn is-sessi fin-nomini fis-settur tal-affarijiet ekonomiċi u monetarji tal-UE ĠU C 23, 21.1.2021, p. 105.,
–wara li kkunsidra r-riżoluzzjoni tiegħu tas-16 ta’ Jannar 2020 dwar l-istituzzjonijiet u l-korpi tal-Unjoni Ekonomika u Monetarja: il-prevenzjoni tal-kunflitti ta’ interess wara l-impjieg fis-servizz pubbliku ĠU C 270, 7.7.2021, p. 113.,
–wara li kkunsidra l-Artikolu 135 tar-Regoli ta’ Proċedura tiegħu,
–wara li kkunsidra r-rapport tal-Kumitat għall-Affarijiet Ekonomiċi u Monetarji (A10-0032/2026),
A.billi l-President attwali tal-Awtorità Bankarja Ewropea rriżenja fil-31 ta’ Jannar 2026;
B.billi l-Artikolu 48(2) tar-Regolament (UE) Nru 1093/2010 jipprevedi li l-President tal-Awtorità Bankarja Ewropea għandu jintgħażel fuq il-bażi tal-mertu, tal-ħiliet, tal-għarfien tal-istituzzjonijiet u s-swieq finanzjarji, u tal-esperjenza rilevanti għas-superviżjoni u r-regolamentazzjoni finanzjarja, wara proċedura tal-għażla miftuħa li għandha tirrispetta l-prinċipju tal-bilanċ bejn is-sessi;
C.billi, fl-4 ta’ Frar 2026, il-Kunsill ippropona li, wara konferma mill-Parlament, jaħtar lil François-Louis Michaud bħala President tal-Awtorità Bankarja Ewropea għal mandat ta’ ħames snin, f’konformità mal-Artikolu 48(2) u (3) tar-Regolament (UE) Nru 1093/2010;
D.billi, fil-25 ta’ Frar 2026, il-Kumitat għall-Affarijiet Ekonomiċi u Monetarji kellu seduta ta’ smigħ ma’ François-Louis Michaud, li fiha għamel stqarrija preliminari u mbagħad wieġeb għal mistoqsijiet li saru mill-membri tal-Kumitat;