(1a) Fl-Ordni Eżekuttiva 14257 tat-2 ta’ April 2025 bit-titolu “Regulating Imports With a Reciprocal Tariff To Rectify Trade Practices That Contribute to Large and Persistent Annual United States Goods Trade Deficits” (Ir-Regolamentazzjoni tal-Importazzjonijiet b’Tariffa Reċiproka biex Tirrettifika l-Prattiki Kummerċjali li Jikkontribwixxu għal Defiċits ta’ Oġġetti Kummerċjali Annwali Kbar u Persistenti tal-Istati Uniti), il-President tal-Istati Uniti, Donald J. Trump, iddikjara emerġenza nazzjonali li rriżultat minn kundizzjonijiet riflessi f’defiċits ta’ oġġetti kummerċjali annwali kbar u persistenti tal-Istati Uniti u li l-Istati Uniti kellhom l-għan li jibbilanċjaw mill-ġdid il-flussi kummerċjali globali billi jimponu dazju ad valorem addizzjonali fuq l-importazzjonijiet kollha mis-sħab kummerċjali kollha, bil-possibbiltà ta’ xi eċċezzjonijiet. Dawk il-miżuri tariffarji tal-Istati Uniti kienu jinkludu tariffa bażi ta’ 10 % fuq l-importazzjonijiet kollha, b’tariffi addizzjonali speċifiċi għall-pajjiż ikkalkolati abbażi ta’ bilanċi kummerċjali bilaterali. Għall-Unjoni, dan kien ifisser tariffa ta’ 20 % fuq il-biċċa l-kbira tal-prodotti, b’effett mid-9 ta’ April 2025, minbarra t-tariffi introdotti mill-ġdid preċedentement ta’ 25 % fuq l-azzar u l-aluminju implimentati fit-12 ta’ Marzu 2025. Fid-9 ta’ April 2025, il-President Trump ħabbar waqfa ta’ 90 jum fuq l-implimentazzjoni sħiħa ta’ dawk it-tariffi, li naqqset ir-rata tariffarja tal-Unjoni minn 20 % għal-linja bażi ta’ 10 %. It-tariffi ta’ 25 % fuq l-azzar, l-aluminju u l-karozzi baqgħu fis-seħħ u sussegwentement żdiedu minn 25 % għal 50 %, b’effett mill-4 ta’ Ġunju 2025. Barra minn hekk, fit-12 ta’ Lulju 2025, il-President Trump ħabbar tariffi ġodda ta’ 30 % fuq l-oġġetti tal-Unjoni, b’effett mill-1 ta’ Awwissu 2025. Dawn l-iżviluppi enfasizzaw l-importanza li jiġi stabbilit qafas stabbli li fl-aħħar mill-aħħar iwassal għad-Dikjarazzjoni Konġunta dwar Ftehim Qafas bejn l-Unjoni Ewropea u l-Istati Uniti dwar il-Kummerċ Reċiproku, Ġust u Bilanċjat tal-21 ta’ Awwissu 2025.

(1b) Bħala riżultat tal-miżuri tariffarji adottati mill-Istati Uniti u dawk previsti, ġie stmat, permezz ta’ analiżijiet ekonomiċi, li l-Unjoni tista’ tiffaċċja tnaqqis tal-prodott domestiku gross (PDG) ta’ bejn 0,2 % u 0,8 %. L-impatt fuq is-swieq finanzjarji kien evidenti minħabba volatilità akbar, b’riskji partikolari għas-setturi tal-Unjoni dipendenti ħafna fuq l-esportazzjonijiet lejn l-Istati Uniti, bħas-settur awtomobilistiku, farmaċewtiku u tal-makkinarji.

(1c) Barra minn hekk, l-Unjoni qed tiffaċċja theddida akuta u dejjem akbar, kif enfasizzat fil-White Paper Konġunta għall-Prontezza tad-Difiża Ewropea 2030, marbuta mar-ritorn tal-kunflitt fuq skala sħiħa fl-Ewropa. B’reazzjoni għal dik l-isfida li qed teskala, huwa essenzjali li l-Unjoni tieħu azzjoni deċiżiva biex tiżgura l-kapaċitajiet ta’ difiża tagħha, inkluż billi tikkonsolida s-sħubija trans-Atlantika profonda u komprensiva tagħha fl-oqsma tas-sigurtà, ir-reżiljenza u l-kooperazzjoni industrijali filwaqt li fl-istess ħin issaħħaħ il-bażi teknoloġika u industrijali tagħha stess, inkluż f’setturi rilevanti għall-industriji tas-sigurtà u tad-difiża tal-Unjoni. Dawn il-kapaċitajiet imsaħħa jeħtieġu stabbiltà u prevedibbiltà f’kooperazzjoni ma’ sħab ewlenin, b’mod partikolari l-Istati Uniti. Huwa biss permezz ta’ sħubija affidabbli u adattabbli li l-Unjoni tista’ tiżgura t-tħejjija kollettiva tagħha u tirrispondi b’mod effettiv għall-isfidi ġeopolitiċi attwali b’rispett sħiħ lejn l-interessi essenzjali tas-sigurtà tagħha. Barra minn hekk, it-tnaqqis tat-tariffi fuq l-importazzjoni ta’ prodotti industrijali u teknoloġikament avvanzati mill-Unjoni lejn l-Istati Uniti jsaħħaħ b’mod sinifikanti l-bażi industrijali trans-Atlantika u jtejjeb il-kooperazzjoni fl-iżvilupp ta’ kapaċitajiet innovattivi u interoperabbli. Pass bħal dan jgħin biex tiġi żgurata relazzjoni kummerċjali aktar ibbilanċjata u ta’ benefiċċju reċiproku f’dan is-settur strateġiku, filwaqt li jikkontribwixxi għall-kompetittività ekonomika ġenerali tal-Unjoni u r-reżiljenza tagħha fir-rigward tas-sigurtà. It-tnaqqis ta’ dawk it-tariffi jipprovdi wkoll l-istabbiltà u l-prevedibbiltà meħtieġa għal azzjoni trans-Atlantika konġunta fil-protezzjoni tal-interessi strateġiċi kondiviżi tagħna fil-kuntest ġeopolitiku attwali, u jirrappreżenta pass siewi lejn kooperazzjoni aktar profonda fl-iżvilupp futur ta’ ftehim trans-Atlantiku komprensiv.

(1d) L-Unjoni ttenni l-impenn sod tagħha għal sistema kummerċjali multilaterali trasparenti, ġusta u bbażata fuq ir-regoli msejsa fuq il-prinċipji tal-Organizzazzjoni Dinjija tal-Kummerċ (WTO). F’konformità mat-Trattati, l-Unjoni tibqa’ impenjata li tavvanza l-valuri u l-interessi tagħha fix-xena globali, b’mod partikolari permezz tal-promozzjoni ta’ kummerċ miftuħ u ekwu u t-tisħiħ tad-dritt internazzjonali. Id-WTO tibqa’ l-pedament tal-ordni kummerċjali globali u l-forum primarju għall-iżvilupp, l-implimentazzjoni u l-infurzar tar-regoli kummerċjali internazzjonali. Il-kooperazzjoni mill-qrib ma’ sħab tal-istess fehma, b’mod partikolari l-Istati Uniti, hija essenzjali biex tinżamm u tissaħħaħ dik is-sistema, biex jiġi ssalvagwardjat ambjent kummerċjali globali prevedibbli u bbażat fuq ir-regoli, biex tiġi avvanzata r-riforma meħtieġa tad-WTO u biex jinkiseb mekkaniżmu għas-soluzzjoni tat-tilwim li jiffunzjona tajjeb.

(1e) Filwaqt li għad hemm ċerti tensjonijiet kummerċjali, dawn issa qed jiġu ġestiti fi ħdan qafas ta’ djalogu u koordinazzjoni li għadu kif ġie stabbilit. L-Unjoni tibqa’ impenjata li tiżgura li r-relazzjoni kummerċjali u ta’ investiment bejn l-Unjoni u l-Istati Uniti tevolvi fuq żmien itwal bi qbil mal-prinċipji ta’ kummerċ liberu u ġust bejn il-partijiet, u bi qbil mas-sistema kummerċjali bbażata fuq ir-regoli tad-WTO mingħajr ma timmina miżuri oħra tal-politika kummerċjali inkluż fl-oqsma tad-difiża tal-kummerċ. L-objettiv huwa li jiġu inklużi setturi addizzjonali ta’ sinifikat strateġiku għall-Unjoni u li jiġi konkluż ftehim ankrat f’qafas multilaterali u konsistenti mas-sistema kummerċjali tad-WTO bbażata fuq ir-regoli.

(1f) Fid-dawl tal-gwerra ta’ aggressjoni tar-Russja kontra l-Ukrajna, kif ukoll ta’ kunflitti oħra fil-viċinat tal-Unjoni li jimminaw is-sigurtà tal-Unjoni u taċ-ċittadini tagħha, huwa essenzjali li l-Unjoni żżomm u tkompli ssaħħaħ is-sħubija tagħha ma’ alleat ewlieni fi żmien meta tali relazzjonijiet huma ta’ importanza kritika. F’dak il-kuntest eċċezzjonali, l-Unjoni hija meħtieġa tadotta miżuri straordinarji u temporanji, debitament ġustifikati skont l-Artikolu XXI tal-GATT (Eċċezzjonijiet dwar is-Sigurtà). Madankollu, jenħtieġ li tali miżuri unilaterali ma jistabbilux preċedent u jenħtieġ li jibqgħu strettament eċċezzjonali, proporzjonati u limitati fiż-żmien, u b’hekk jirriflettu n-natura speċifika tagħhom bħala azzjonijiet ġustifikati għal raġunijiet ta’ sigurtà.

(5a) L-adozzjoni ta’ dan ir-Regolament jenħtieġ li tkun mingħajr preġudizzju għad-dritt tal-Unjoni li tapplika l-kontromiżuri b’reazzjoni għal miżuri mhux ġustifikabbli adottati mill-Istati Uniti.

(6a) Minħabba li d-dritt sovran u demokratiku tal-Unjoni li tirregola, u l-acquis communautaire, ma jistgħux jiffurmaw parti min-negozjati ma’ kwalunkwe pajjiż terz, l-applikazzjoni tal-Artikolu 1 jew tal-Artikolu 2 ta’ dan ir-Regolament jenħtieġ li tiġi sospiża fil-każ ta’ kwalunkwe tentattiv mill-Istati Uniti biex jużaw il-koerċizzjoni ekonomika, skont it-tifsira tal-Artikolu 2(1) tar-Regolament (UE) 2023/2675 tal-Parlament Ewropew u tal-Kunsill1a, pereżempju permezz tal-applikazzjoni jew it-theddida tal-applikazzjoni ta’ tariffi addizzjonali jew ta’ kwalunkwe miżura oħra li taffettwa l-kummerċ jew l-investiment sabiex jipprevjenu jew jiksbu l-waqfien, il-modifika jew l-adozzjoni ta’ att partikolari mill-Unjoni jew minn Stat Membru, biex imbagħad jinterferixxu fl-għażliet sovrani leġittimi tal-Unjoni jew ta’ Stat Membru. Minbarra s-sospensjoni tal-applikazzjoni tal-Artikolu 1 jew tal-Artikolu 2 ta’ dan ir-Regolament, jenħtieġ li l-Unjoni tiddetermina u teżamina dan it-theddid jew dawn il-miżuri użati mill-Istati Uniti f’konformità mal-Artikoli 4 u 5 tar-Regolament (UE) 2023/2675 u, fejn rilevanti, tadotta miżuri ta’ rispons f’konformità mal-Artikolu 8 ta’ dak ir-Regolament.

(6b) Il-miżuri stabbiliti f’dan ir-Regolament jenħtieġ li jkunu kundizzjonali fuq l-allinjament kontinwu tal-Istati Uniti mal-interessi tas-sigurtà tal-Unjoni. Jekk l-Istati Uniti jieħdu azzjoni li tkun timmina direttament l-interessi essenzjali tas-sigurtà tal-Unjoni jew tal-Istati Membri tagħha, inklużi l-integrità territorjali tagħhom u d-dimensjoni ekonomika tagħhom, u l-politiki barranin u ta’ difiża tagħhom, il-mekkaniżmi ta’ sospensjoni skont dan ir-Regolament jenħtieġ li jkunu disponibbli biex jiġi żgurat li l-politika kummerċjali tal-Unjoni tibqa’ konsistenti mal-objettivi tal-politika esterna u tas-sigurtà tagħha.

(6c) Dan ir-Regolament jagħti preferenzi tariffarji u kwoti tariffarji wiesgħa u eċċezzjonali lill-Istati Uniti, li potenzjalment jistgħu jwasslu għal żidiet fl-importazzjonijiet tal-oġġetti koperti minn dawk il-preferenzi u l-kwoti, li jista’ jkollhom impatt sinifikanti fuq l-industrija tal-Unjoni. Barra minn hekk, dan ir-Regolament ġie adottat mingħajr valutazzjoni tal-impatt li takkumpanjah, u għalhekk l-impatt ekonomiku potenzjali tiegħu huwa diffiċli li jiġi stmat fiż-żmien tal-adozzjoni tiegħu. Għal dik ir-raġuni, jenħtieġ li jiġi stabbilit mekkaniżmu ta’ salvagwardja, li l-għan tiegħu jkun li jipproteġi l-industrija tal-Unjoni u s-settur tal-agrikoltura, fil-każ li l-preferenzi tariffarji u l-kwoti tariffarji mogħtija minn dan ir-Regolament iwasslu għal tali żidiet fl-importazzjonijiet ta’ ċerti oġġetti li jikkawżaw jew jheddu li jikkawżaw dannu serju lill-industrija tal-Unjoni. Meta tiġi rreġistrata żieda fil-volum ta’ aktar minn 10 % tal-importazzjonijiet ta’ ċertu oġġett, jenħtieġ li l-Kummissjoni twettaq eżami biex tiddetermina jekk dik iż-żieda tikkawżax jew theddidx li tikkawża dannu serju lill-industrija tal-Unjoni.

(6d) Id-Dikjarazzjoni Konġunta ma tipprevedix l-applikazzjoni tal-limitu massimu tariffarju ta’ 15 % għall-azzar u l-aluminju, u għalhekk ir-rati tad-dazju ta’ 50 % introdotti qabel mill-Istati Uniti għadhom fis-seħħ. L-Unjoni u l-Istati Uniti esprimew l-intenzjoni tagħhom, fid-Dikjarazzjoni Konġunta, li jikkunsidraw il-possibbiltà li jikkooperaw dwar id-delimitazzjoni tas-swieq domestiċi rispettivi tagħhom mill-kapaċità żejda tal-azzar u tal-aluminju, filwaqt li jiżguraw ktajjen tal-provvista siguri bejniethom, inkluż permezz ta’ soluzzjonijiet ta’ kwoti tariffarji.

(6e) Fid-19 ta’ Awwissu 2025, id-Dipartiment tal-Kummerċ tal-Istati Uniti ħabbar iż-żieda ta’ 407 kategoriji ta’ prodotti mal-lista ta’ prodotti tal-azzar u tal-aluminju “derivattivi” koperti mit-tariffi settorjali tat-Taqsima 232. B’riżultat ta’ dan, il-kontenut ta’ azzar u aluminju ta’ dawk il-prodotti huwa soġġett għal rata ta’ dazju ta’ 50 %. L-impożizzjoni ta’ dawk it-tariffi u tar-rekwiżiti amministrattivi u doganali kkumplikati, wara l-iffirmar tad-Dikjarazzjoni Konġunta, żiedet il-livell ta’ instabbiltà fil-kummerċ bejn l-Unjoni u l-Istati Uniti u wasslet għal konsegwenzi ekonomiċi serji għall-kumpaniji tal-Unjoni kkonċernati u għall-ħaddiema tagħhom. Dawk it-tariffi jaffettwaw ukoll b’mod sproporzjonat lill-intrapriżi żgħar u ta’ daqs medju u lill-industriji downstream tal-Unjoni, filwaqt li jimminaw il-kompetittività tagħhom fis-suq tal-Istati Uniti u jwasslu għal telf potenzjali fit-tul tas-sehem mis-suq u għal ħsara dejjiema lill-ktajjen tal-provvista industrijali trans-Atlantiċi. L-Unjoni u l-Istati Uniti għandhom jaslu għal konklużjoni rapida u ta’ benefiċċju reċiproku għan-negozjati li għaddejjin bħalissa bl-għan li jsolvu dan it-tilwim dwar it-tariffi u jerġgħu jiksbu relazzjonijiet kummerċjali trans-Atlantiċi stabbli. F’dan il-kuntest, is-sospensjoni tad-dazji doganali fuq l-importazzjonijiet ta’ dawk il-prodotti jenħtieġ li tieqaf tapplika sitt xhur mid-data tal-bidu tal-applikazzjoni kif imsemmi fl-Artikolu 6, it-tielet paragrafu sakemm qabel tmiem dik id-data ma jinstabux soluzzjonijiet sostenibbli u aċċettabbli b’mod reċiproku dwar il-kummerċ tal-azzar, tal-aluminju u tal-prodotti derivattivi tagħhom f’kooperazzjoni mal-Istati Uniti. Barra minn hekk, fil-kuntest tal-istrument propost tal-Unjoni li jindirizza l-effetti negattivi relatati mal-kummerċ tal-kapaċità żejda globali fis-suq tal-azzar tal-Unjoni, l-eliminazzjoni tat-tariffi fuq il-prodotti tal-azzar jenħtieġ li tkun konsistenti ma’ dak l-istrument il-ġdid. 

(6f) Id-Dikjarazzjoni Konġunta ma tkoprix vetturi heavy-duty u l-parts tagħhom. Fil-kuntest tal-implimentazzjoni li għaddejja tad-Dikjarazzjoni Konġunta, jenħtieġ li l-Unjoni u l-Istati Uniti jittrattaw il-vetturi tqal u l-parts tagħhom bl-istess mod bħall-karozzi tal-passiġġieri u l-parts tagħhom, bl-għan li jinkluduhom taħt it-tariffa fissa ta’ 15 %, u għall-miżuri rilevanti kollha biex jiġi żgurat trattament ġust u proporzjonat bi qbil mal-objettivi tad-Dikjarazzjoni Konġunta.

(8a) L-aċċess għas-suq tal-Unjoni huwa u jenħtieġ li jibqa’ kundizzjonali fuq il-konformità ma’ kwalunkwe dritt applikabbli tal-Unjoni, inkluż mal-Mekkaniżmu tal-UE ta’ Aġġustament tal-Karbonju fil-fruntieri, id-Direttiva dwar id-Diliġenza Dovuta Korporattiva dwar is-Sostenibbiltà u r-regoli kontra d-deforestazzjoni, irrispettivament minn liema ġuriżdizzjoni joriġinaw il-prodotti;

(8b) Jenħtieġ li l-Kummissjoni tivvaluta, fuq bażi regolari, l-effetti ta’ dan ir-Regolament fuq il-flussi kummerċjali, il-livelli tal-produzzjoni, u d-dinamika tal-prezzijiet, li jirriżultaw mill-implimentazzjoni tal-Artikoli 1 u 2. Jenħtieġ li l-Kummissjoni taħdem f’koordinazzjoni mill-qrib mal-Istati Membri u mas-setturi rilevanti tal-industrija tal-Unjoni, filwaqt li tiżgura l-ġbir sistematiku tad-data u l-iskambju regolari ta’ informazzjoni biex tippermetti l-identifikazzjoni f’waqtha ta’ kwalunkwe distorsjoni jew żbilanċ tas-suq.

(8c) Dan ir-Regolament jikkostitwixxi rispons urġenti għal sitwazzjoni eċċezzjonali u volatili u jista’ jkollu konsegwenzi estensivi. Għalhekk, jenħtieġ li l-applikazzjoni tiegħu tiġi limitata. L-ewwel rapport ta’ evalwazzjoni dwar l-impatt ta’ dan ir-Regolament fuq l-industrija tal-Unjoni u fuq il-produtturi tal-frott tal-baħar u tal-prodotti agrikoli, kif ukoll fuq il-konsumaturi, jenħtieġ li jiġi ppubblikat sa ... [sitt xhur mid-data tad-dħul fis-seħħ ta’ dan ir-Regolament]. Sa ... [sitt xhur qabel id-data tat-tmiem tal-applikazzjoni ta’ dan ir-Regolament], jenħtieġ li l-Kummissjoni tippreżenta valutazzjoni tal-impatt komprensiva addizzjonali, meta xieraq, akkumpanjata minn proposta leġiżlattiva biex testendi l-applikazzjoni ta’ dan ir-Regolament. Dik il-valutazzjoni tal-impatt jenħtieġ li tiddetermina, fost l-oħrajn, jekk dan ir-Regolament ħoloqx danni u żbilanċi f’setturi speċifiċi inkluż fir-rigward tal-prezzijiet u l-istabbiltà tas-suq, kif inbidlu x-xejriet kummerċjali tal-Unjoni bħala konsegwenza tal-kummerċ bejn l-Unjoni u l-Istati Uniti kif ukoll l-impatt u l-previżjonijiet relatati ma’ dan ir-Regolament fuq il-baġits tal-Unjoni u dawk nazzjonali, minħabba t-tnaqqis fid-dħul mit-tariffi miġbur.

(8d) Il-Parlament Ewropew u l-Kunsill jenħtieġ li jinżammu infurmati b’mod sħiħ, regolari u f’waqtu dwar l-iżviluppi rilevanti fl-applikazzjoni ta’ dan ir-Regolament u jenħtieġ li jiġu kkonsultati kif xieraq matul il-proċess kollu.

(9a)L-implikazzjonijiet ta’ dan ir-Regolament fuq il-baġit tal-Unjoni ġew ivvalutati+ skont l-Artikolu 310(4) tat-Trattat dwar il-Funzjonament tal-Unjoni Ewropea. Jenħtieġ li jiġu allokati biżżejjed riżorsi finanzjarji u umani għall-implimentazzjoni tiegħu, filwaqt li jitqies l-impatt tal-finanzjament tiegħu fuq programmi jew politiki oħra tal-Unjoni u tiġi żgurata l-kompatibbiltà tiegħu mal-qafas finanzjarju pluriennali, is-sistema tar-riżorsi proprji u l-Ftehim Interistituzzjonali korrispondenti, kif ukoll mal-prinċipji baġitarji stabbiliti fir-Regolament (UE, Euratom) 2024/2509 tal-Parlament Ewropew u tal-Kunsill[1].

2a. Mingħajr preġudizzju għall-Artikolu 4b, is-sospensjoni tad-dazji doganali msemmija fil-paragrafi 1 u 2 ta’ dan l-Artikolu għandha tapplika mid-data ta’ tmiem l-applikazzjoni ta’ dan ir-Regolament imsemmija fl-Artikolu 6, it-tieni paragrafu.

(aa) meta l-Istati Uniti jimponu tariffi addizzjonali fuq l-oġġetti importati mill-Unjoni li jaqbżu l-limitu massimu tat-tariffa ta’ 15 %, jew bi kwalunkwe mod ieħor jgħollu jew jimponu dazji doganali ġodda jew dazji, taxxi jew tariffi oħra fuq l-oġġetti tal-Unjoni filwaqt li t-termini tad-Dikjarazzjoni Konġunta jibqgħu applikabbli, jew jimmodifikaw il-klassifikazzjoni tal-prodott bl-effett li jgħollu l-livell tat-tariffa;

1a. Mingħajr preġudizzju għar-Regolament (UE) 2023/2675 tal-Parlament Ewropew u tal-Kunsill, fejn l-Istati Uniti japplikaw jew jheddu li japplikaw tariffi addizzjonali jew kwalunkwe miżura oħra li taffettwa l-kummerċ jew l-investiment sabiex jipprevjenu jew jiksbu l-waqfien, il-modifika jew l-adozzjoni ta’ att partikolari mill-Unjoni jew minn Stat Membru, u b’hekk jinterferixxu fl-għażliet sovrani leġittimi tal-Unjoni jew ta’ Stat Membru, il-Kummissjoni għandha, fejn xieraq, twettaq eżami bbażat fuq informazzjoni sostanzjata miġbura fuq inizjattiva tagħha stess jew riċevuta minn kwalunkwe sors affidabbli, inkluż Stat Membru, il-Parlament Ewropew jew il-produtturi tal-Unjoni. Meta l-eżami jwassal għal tali konklużjoni, il-Kummissjoni għandha s-setgħa li tadotta, f’konformità mal-Artikolu 4d, atti delegati li jemendaw l-Annessi I, II jew III ta’ dan ir-Regolament sabiex tissospendi kompletament jew parzjalment l-applikazzjoni tal-Artikolu 1 jew tal-Artikolu 2 ta’ dan ir-Regolament.

1b. Meta, fil-każ ta’ tibdil f’daqqa fiċ-ċirkostanzi b’rabta ma’ dawk eżistenti fiż-żmien meta tinħareġ id-Dikjarazzjoni Konġunta, li jaffettwaw serjament l-interessi essenzjali tas-sigurtà tal-Unjoni jew l-Istati Membri tagħha inklużi l-integrità territorjali tagħhom u d-dimensjoni ekonomika tagħhom, raġunijiet imperattivi ta’ urġenza jirrikjedu dan, il-proċedura prevista fl-Artikolu 4e għandha tapplika għall-atti delegati adottati skont dan l-Artikolu.

Artikolu 4a

Artikolu 4b

Artikolu 4c

Artikolu 4d

Artikolu 4e

Artikolu 5a

Għandha tapplika minn ... [id-data tad-dħul fis-seħħ ta’ dan ir-Regolament] sal-31 ta’ Marzu 2028.

Madankollu, l-Artikoli 1, 2, 3, 4a u 4b għandhom japplikaw biss mid-data determinata minn att delegat adottat f’konformità mal-Artikolu 4c.