P10_TA(2026)0098Simplifikazzjoni tal-implimentazzjoni ta’ regoli armonizzati dwar l-intelliġenza artifiċjali (Omnibus Diġitali dwar l-IA)Emendi adottati mill-Parlament Ewropew fis-26 ta’ Marzu 2026 dwar il-proposta għal regolament tal-Parlament Ewropew u tal-Kunsill li jemenda r-Regolamenti (UE) 2024/1689 u (UE) 2018/1139 fir-rigward tas-simplifikazzjoni tal-implimentazzjoni ta’ regoli armonizzati dwar l-intelliġenza artifiċjali (Omnibus Diġitali dwar l-IA) (COM(2025)0836 – C10-0304/2025 – 2025/0359(COD)) Il-każ ġie mgħoddi lura għan-negozjati interistituzzjonali lill-kumitati responsabbli skont l-Artikolu 60(4), ir-raba' subparagrafu (A10-0073/2026).(Proċedura leġiżlattiva ordinarja: l-ewwel qari)Test propost mill-KummissjoniEmendaEmenda 1Proposta għal regolamentPremessa 3

(3)Minħabba f’hekk, hemm bżonn isiru emendi mmirati fir-Regolament (UE) 2024/1689 biex jiġu indirizzati ċerti sfidi tal-implimentazzjoni, biex ir-regoli rilevanti jiġu applikati b’mod effettiv.

Emenda 2Proposta għal regolamentPremessa 3a (ġdida)

(3a)Barra minn hekk, jenħtieġ li l-Kummissjoni, l-Uffiċċju għall-IA u l-awtoritajiet kompetenti tal-Istati Membri jiżguraw li s-superviżjoni, l-infurzar u l-monitoraġġ tal-liġijiet settorjali u nazzjonali ma joħolqux duplikazzjonijiet, interpretazzjonijiet inkonsistenti jew infurzar diverġenti sabiex jippermettu l-innovazzjoni tal-IA fis-settur privat u pubbliku.

Emenda 3Proposta għal regolamentPremessa 4

(4)L-intrapriżi li m’għadhomx jaqgħu taħt id-definizzjoni ta’ intrapriżi mikro, żgħar u medju (SMEs), jiġifieri l-intrapriżi żgħar b’kapitalizzazzjoni medja (SMCs), għandhom irwol essenzjali fl-ekonomija tal-Unjoni. Meta mqabbla mal-SMEs, l-SMCs għandhom it-tendenza li juru pass aktar mgħaġġel ta’ tkabbir, u livell ogħla ta’ innovazzjoni u diġitalizzazzjoni. Iżda dawn isibu sfidi simili għall-SMEs fir-rigward tal-piż amministrattiv, li jwasslu għal ħtieġa ta’ proporzjonalità fl-implimentazzjoni tar-Regolament (UE) 2024/1689 u għal appoġġ immirat. Biex tkun tista’ ssir it-tranżizzjoni bla skossi tal-intrapriżi minn SMEs għal SMCs, hu importanti li jiġi indirizzat b’mod koerenti l-effett li r-Regolament jista’ jkollu fuq l-attività tagħhom ladarba dawk l-intrapriżi ma jibqgħu jaqgħu fis-segment tal-SMEs u jiffaċċjaw regoli li japplikaw għall-intrapriżi l-kbar. Ir-Regolament (UE) 2024/1689 jipprevedi diversi miżuri għall-fornituri ta’ skala żgħira, li jenħtieġ li jiġu estiżi għall-SMCs. Biex jiġi ċċarat it-trattament tal-SMEs u tal-SMCs fir-Regolament (UE) 2024/1689, jeħtieġ jiddaħħlu definizzjonijiet għall-SMEs u għall-SMCs, li jenħtieġ ikunu jikkorrispondu għad-definizzjoni stabbilita fl-Anness tar-Rakkomandazzjoni tal-Kummissjoni 2003/361/KE4 u fl-Anness tar-Rakkomandazzjoni tal-Kummissjoni 2025/3500/KE5.

(4)99,8 % tal-kumpaniji kollha tal-Unjoni huma intrapriżi żgħar u ta’ daqs medju, li l-maġġoranza tagħhom huma intrapriżi mikro u żgħar3a. L-intrapriżi m’għadhomx jaqgħu taħt id-definizzjoni ta’ intrapriżi mikro, żgħar u ta’ daqs medju (“SME”) – “l-intrapriżi żgħar b’kapitalizzazzjoni medja” (“SMCs”) – għandhom rwol vitali fl-ekonomija tal-Unjoni. Meta mqabbla mal-SMEs, l-SMCs għandhom it-tendenza li juru pass aktar mgħaġġel ta’ tkabbir, u livell ogħla ta’ innovazzjoni u diġitizzazzjoni. Iżda dawn isibu sfidi simili għall-SMEs fir-rigward tal-piż amministrattiv, li jwasslu għal ħtieġa ta’ proporzjonalità fl-implimentazzjoni tar-Regolament (UE) 2024/1689 u għal appoġġ immirat. Biex tkun tista’ ssir it-tranżizzjoni bla skossi tal-intrapriżi minn SMEs għal SMCs, hu importanti li jiġi indirizzat b’mod koerenti l-effett li r-Regolament jista’ jkollu fuq l-attività tagħhom ladarba dawk l-intrapriżi ma jibqgħu jaqgħu fis-segment tal-SMEs u jiffaċċjaw regoli li japplikaw għall-intrapriżi l-kbar. Ir-Regolament (UE) 2024/1689 jipprevedi diversi miżuri għall-fornituri ta’ skala żgħira, li jenħtieġ li jiġu estiżi għall-SMCs fejn xieraq filwaqt li jiġu ssalvagwardjati l-objettivi ġenerali u l-livell ta’ protezzjoni mogħti skont ir-Regolament (UE) 2024/1689. Biex jiġi ċċarat it-trattament tal-SMEs u tal-SMCs fir-Regolament (UE) 2024/1689, jeħtieġ jiddaħħlu definizzjonijiet għall-SMEs u għall-SMCs, li jenħtieġ ikunu jikkorrispondu għad-definizzjoni stabbilita fl-Anness tar-Rakkomandazzjoni tal-Kummissjoni 2003/361/KE4 u fl-Anness tar-Rakkomandazzjoni tal-Kummissjoni 2025/3500/KE5.

__________________

3a https://single-market-economy.ec.europa.eu/system/files/2023-08/Annual%20Report%20on%20European%20SMEs%202023_FINAL.pdf

4 Ir-Rakkomandazzjoni tal-Kummissjoni tas-6 ta’ Mejju 2003 dwar id-definizzjoni ta’ impriżi mikro, żgħar u ta’ daqs medju (ĠU L 124, 20.5.2003, p. 36-41, ELI: http://data.europa.eu/eli/reco/2003/361/oj).

5 Ir-Rakkomandazzjoni tal-Kummissjoni (UE) 2025/1099 tal-21 ta’ Mejju 2025 dwar id-definizzjoni ta’ intrapriżi żgħar b’kapitalizzazzjoni medja (ĠU L, 2025/1099, 28.5.2025, ELI: http://data.europa.eu/eli/reco/2025/1099/oj).

Emenda 4Proposta għal regolamentPremessa 5

(5)L-Artikolu 4 tar-Regolament (UE) 2024/1689 bħalissa jimponi obbligu fuq il-fornituri u fuq l-implimentaturi kollha tas-sistemi tal-IA biex jiżguraw il-litteriżmu fl-IA tal-persunal tagħhom. L-iżvilupp tal-litteriżmu fl-IA, li jibda mill-edukazzjoni u mit-taħriġ u jkompli bit-tagħlim tul il-ħajja, hu kruċjali biex il-fornituri, l-implimentaturi u persuni affettwati oħra jitgħallmu l-kunċetti meħtieġa biex jieħdu deċiżjonijiet infurmati dwar il-varar tas-sistemi tal-IA. Iżda mill-esperjenza kollettiva tal-partijiet ikkonċernati jidher li soluzzjoni li tpoġġi lil kulħadd f’keffa waħda mhix adattata għat-tipi kollha ta’ fornituri u implimentaturi fejn tidħol il-promozzjoni tal-litteriżmu fl-IA, u b’hekk tali obbligu orizzontali jsir ineffettiv biex jintlaħaq l-objettiv ta’ din id-dispożizzjoni. Barra minn hekk, id-data tindika li l-impożizzjoni ta’ tali obbligu toħloq piż regolatorju addizzjonali, b’mod partikolari fuq l-intrapriżi iżgħar, filwaqt li l-litteriżmu fl-IA jenħtieġ li jkun prijorità strateġika, irrispettivament mill-obbligi regolatorji u mis-sanzjonijiet potenzjali. Fid-dawl ta’ dan, jenħtieġ li jiġi emendat l-Artikolu 4 tar-Regolament (UE) 2024/1689 biex ikun jeżiġi li l-Istati Membri u l-Kummissjoni, mingħajr preġudizzju għall-kompetenzi rispettivi tagħhom, b’mod individwali, kollettiv u id f’id mal-partijiet ikkonċernati rilevanti jħeġġu lill-fornituri u lill-implimentaturi jipprovdu livell suffiċjenti ta’ litteriżmu fl-IA tal-persunal tagħhom u ta’ persuni oħra involuti fl-operat u l-użu ta’ sistemi tal-IA f’isimhom, inkluż billi jagħtuhom opportunitajiet ta’ taħriġ u jippermettu l-iskambju ta’ prattiki tajbin u inizjattivi oħra mhux legalment vinkolanti. Il-Bord Ewropew għall-Intelliġenza Artifiċjali (“Bord”) se jiżgura l-iskambju rikorrenti bejn il-Kummissjoni u l-Istati Membri dwar is-suġġett, filwaqt li l-Alleanza għall-Applikazzjoni tal-IA se tippermetti diskussjoni mal-komunità usa’. Din l-emenda hija mingħajr preġudizzju għall-miżuri usa’ li jieħdu l-Kummissjoni u l-Istati Membri biex jippromwovu l-litteriżmu fl-IA u l-kompetenzi tal-IA fost il-popolazzjoni usa’, inkluż l-istudenti u ċ-ċittadini b’etajiet differenti, u b’mod partikolari bis-saħħa tas-sistemi edukattivi u tat-taħriġ.

(5)L-Artikolu 4 tar-Regolament (UE) 2024/1689 bħalissa jimponi obbligu fuq il-fornituri u fuq l-implimentaturi kollha tas-sistemi tal-IA biex jiżguraw il-litteriżmu fl-IA tal-persunal tagħhom. L-iżvilupp tal-litteriżmu fl-IA, li jibda mill-edukazzjoni u mit-taħriġ u jkompli bit-tagħlim tul il-ħajja, hu kruċjali biex il-fornituri, l-implimentaturi u persuni affettwati oħra jitgħallmu l-ħiliet meħtieġa biex jieħdu deċiżjonijiet infurmati dwar il-varar tas-sistemi tal-IA. Madankollu, l-esperjenza kondiviża tal-partijiet ikkonċernati tiżvela li soluzzjoni li timponi obbligi stretti biex jiġi żgurat livell suffiċjenti ta’ litteriżmu fl-IA mhix adattata għat-tipi kollha ta’ fornituri u implimentaturi fejn tidħol il-promozzjoni tal-litteriżmu fl-IA. Fid-dawl ta’ dak, jenħtieġ li jiġi emendat l-Artikolu 4 tar-Regolament (UE) 2024/1689 biex ikun jeżiġi li l-fornituri u l-implimentaturi tas-sistemi tal-IA jappoġġaw il-litteriżmu fl-IA tal-persunal tagħhom u ta’ persuni oħra involuti fl-operat u l-użu ta’ sistemi tal-IA f’isimhom. Il-Kummissjoni Ewropea jenħtieġ li tippromovi l-litteriżmu u l-kompetenzi tal-IA għall-popolazzjoni usa’, u sabiex tappoġġa, tiffaċilita u tikkomplementa l-isforzi tal-fornituri, jenħtieġ li tingħata l-kompitu li toħroġ gwida dwar l-implimentazzjoni prattika rigward l-obbligu fuq il-fornituri u l-implimentaturi tas-sistemi tal-IA, u jenħtieġ li, flimkien mal-Istati Membri, tħeġġeġ u tappoġġa l-litteriżmu fl-IA fis-soċjetà. Dan jenħtieġ li jinkludi l-iffaċilitar u l-ikkomplementar tal-isforzi tal-fornituri u tal-implimentaturi tas-sistemi tal-IA, b’mod partikolari l-SMEs, peress li l-implimentazzjoni tal-obbligi rilevanti toħloq sfidi partikolari għalihom. Possibbiltà waħda biex jiġi ffaċilitat il-litteriżmu fl-IA fl-Unjoni tista’ tkun il-ħolqien ta’ Sħubijiet Pubbliċi-Privati (PPPs).

Emenda 5Proposta għal regolamentPremessa 5a (ġdida)

(5a)Sistemi tal-IA li jbiddlu, jimmanipulaw jew jiġġeneraw b’mod artifiċjali immaġnijiet jew videos realistiċi li juru attivitajiet sesswalment espliċiti, li juru l-partijiet intimi ta’ persuna fiżika identifikabbli, mingħajr il-kunsens tal-persuna, jikkawżaw ħsara lill-vittmi u jiksru d-drittijiet fundamentali għad-dinjità u l-privatezza. Il-proliferazzjoni ta’ tali teknoloġiji, spiss ikkummerċjalizzati bħala applikazzjonijiet ta’ “nudifikazzjoni”, ħolqot ħtieġa urġenti ta’ projbizzjoni regolatorja espliċita. Ir-Regolament (UE) 2024/1689 jistabbilixxi qafas għal prattiki pprojbiti tal-IA, li għandu jinżamm taħt rieżami. Dan huwa mingħajr preġudizzju għad-drittijiet, il-libertajiet u l-prinċipji rikonoxxuti mill-Artikolu 6 tat-TUE u l-Karta tad-Drittijiet Fundamentali tal-Unjoni Ewropea, u l-eżerċitar tad-drittijiet garantiti fiha għal-libertà tal-espressjoni u tal-informazzjoni u l-libertà tal-arti u x-xjenzi. Din il-projbizzjoni jenħtieġ li ma tapplikax għall-fornituri jew għall-implimentaturi ta’ sistemi tal-IA li jkunu stabbilew miżuri effettivi tas-sikurezza, bħal miżuri tekniċi u organizzazzjonali, biex jipprevjenu l-ġenerazzjoni ta’ tali rappreżentazzjonijiet u biex jevitaw l-użu kontinwament ħażin, wara li s-sistema tkun tqiegħdet fis-suq jew fis-servizz, minkejja l-intenzjoni tal-fornitur jew tal-implimentatur. Barra minn hekk, din il-projbizzjoni jenħtieġ li ma tipprevjenix lill-fornituri tal-IA milli jiżviluppaw il-kapaċitajiet tekniċi tagħhom biex ibiddlu, jimmanipulaw jew jiġġeneraw immaġnijiet jew videos b’mod artifiċjali.

Emenda 6Proposta għal regolamentPremessa 6

(6)Is-sejbien u l-korrezzjoni tal-preġudizzji għandhom interess pubbliku sostanzjali għax dawn jipproteġu lill-persuni fiżiċi mill-effetti negattivi tal-preġudizzji, inkluż id-diskriminazzjoni. Id-diskriminazzjoni jista’ jikkaġunaha preġudizzju fil-mudelli tal-IA u fis-sistemi tal-IA li mhumiex sistemi tal-IA b’riskju għoli, għax dawn tal-aħħar diġà jipprovdi bażi legali għalihom ir-Regolament (UE) 2024/1689 li jawtorizza l-ipproċessar ta’ kategoriji speċjali tad-data personali skont l-Artikolu 9(2), il-punt (g), tar-Regolament (UE) 2016/679 tal-Parlament Ewropew u tal-Kunsill6. Peress li d-diskriminazzjoni jistgħu jikkaġunawha wkoll dawk is-sistemi u l-mudelli l-oħra tal-IA, jixraq li r-Regolament (UE) 2024/1689 jipprevedi bażi legali għall-ipproċessar ta’ kategoriji speċjali tad-data personali wkoll min-naħa tal-fornituri u tal-implimentaturi ta’ sistemi u mudelli oħra tal-IA kif ukoll min-naħa ta’ implimentaturi ta’ sistemi tal-IA b’riskju għoli. Il-bażi legali hija stabbilita f’konformità mal-Artikolu 9(2), il-punt (g), tar-Regolament (UE) 2016/679 u mal-Artikolu 10(2), il-punt (g), tar-Regolament (UE) 2018/1725 tal-Parlament Ewropew u tal-Kunsill7; u l-Artikolu 10, il-punt (a), tad-Direttiva (UE) 2016/680 tal-Parlament Ewropew u tal-Kunsill8 jipprovdi bażi legali li tippermetti, meta neċessarju, is-sejbien u t-tneħħija tal-preġudizzji, l-ipproċessar ta’ kategoriji speċjali tad-data personali min-naħa tal-fornituri u l-implimentaturi kollha tas-sistemi u l-mudelli tal-IA, soġġetti għal salvagwardji xierqa li jikkomplementaw ir-Regolamenti (UE) 2016/679, ir-Regolament (UE) 2018/1725 u d-Direttiva (UE) 2016/680, kif applikabbli.

(6)Is-sejbien u l-korrezzjoni tal-preġudizzji għandhom interess pubbliku sostanzjali għax dawn jipproteġu lill-persuni fiżiċi mill-effetti negattivi tal-preġudizzji, inkluż id-diskriminazzjoni. Għal dik ir-raġuni, ir-Regolament (UE) 2024/1689 diġà jipprovdi bażi legali li tawtorizza lill-fornituri ta’ sistemi tal-IA b’riskju għoli jipproċessaw kategoriji speċjali tad-data personali f’ċerti każijiet eċċezzjonali u soġġetti għal salvagwardji stretti. Din il-bażi legali hija marbuta mal-obbligu ta’ dawk il-fornituri li jistabbilixxu prattiki li jikkonċernaw is-sejbien, il-prevenzjoni u l-mitigazzjoni tal-preġudizzji li x’aktarx jaffettwaw is-saħħa u s-sikurezza tal-persuni, ikollhom impatt negattiv fuq id-drittijiet fundamentali jew iwasslu għal diskriminazzjoni pprojbita skont il-liġi tal-Unjoni. Għalhekk, jeżisti interess pubbliku sostanzjali li jippermetti, fejn strettament meħtieġ, l-ipproċessar ta’ kategoriji speċjali ta’ data personali għall-finijiet ta’ sejbien u korrezzjoni tal-preġudizzju. Għalhekk huwa meħtieġ li l-bażi legali stabbilita skont ir-Regolament (UE) 2024/1689 tiġi estiża biex din tkun tapplika wkoll għall-fornituri u għall-implimentaturi ta’ sistemi tal-IA u mudelli tal-IA oħra. Jenħtieġ li dik il-bażi legali tkun soġġetta għall-istess kundizzjonijiet u salvagwardji kif applikati skont l-Artikolu 10(5) eżistenti, u b’hekk tiġi żgurata l-konformità mal-Artikolu 9(2), il-punt (g), tar-Regolament (UE) 2016/679, mal-Artikolu 10(2), il-punt (g), tar-Regolament (UE) 2018/1725 tal-Parlament Ewropew u tal-Kunsill7 u mal-Artikolu 10, il-punt (a), tad-Direttiva (UE) 2016/680 tal-Parlament Ewropew u tal-Kunsill8.

__________________

6 Ir-Regolament (EU) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1, ELI: http://data.europa.eu/eli/reg/2016/679/oj).

7 Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39, ELI: http://data.europa.eu/eli/reg/2018/1725/oj).

8 Id-Direttiva (UE) 2016/680 tal-Parlament Ewropew u tal-Kunsill tas-27 ta’ April 2016 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-awtoritajiet kompetenti għall-finijiet tal-prevenzjoni, l-investigazzjoni, is-sejbien jew il-prosekuzzjoni ta’ reati kriminali jew l-eżekuzzjoni ta’ pieni kriminali, u dwar il-moviment liberu ta’ tali data, u li tħassar id-Deċiżjoni Qafas tal-Kunsill 2008/977/ĠAI (ĠU L 119, 4.5.2016, p. 89-131, ELI: http://data.europa.eu/eli/dir/2016/680/oj).

Emenda 7Proposta għal regolamentPremessa 7

(7)Biex tkun żgurata l-konsistenza, tkun evitata d-duplikazzjoni u jitnaqqsu kemm jista’ jkun il-piżijiet amministrattivi fir-rigward tal-proċedura tad-deżinjazzjoni tal-korpi notifikati skont ir-Regolament (UE) 2024/1689, filwaqt li jinżamm l-istess livell ta’ skrutinju, jenħtieġ li l-korpi ġodda tal-valutazzjoni tal-konformità u l-korpi notifikati li jiġu ddeżinjati skont il-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I tar-Regolament (UE) 2024/1689, bħal skont ir-Regolamenti (UE) 2017/7459 u (UE) 2017/74610 tal-Parlament Ewropew u tal-Kunsill, ikollhom disponibbli applikazzjoni unika u proċedura tal-valutazzjoni unika għal meta tali proċedura tiġi stabbilita skont dik il-leġiżlazzjoni tal-Unjoni dwar l-armonizzazzjoni. L-applikazzjoni unika u l-proċedura tal-valutazzjoni unika huma maħsuba biex jiffaċilitaw, jappoġġaw u jħaffu l-proċedura tad-deżinjazzjoni skont ir-Regolament (UE) 2024/1689, filwaqt li jiżguraw il-konformità mar-rekwiżiti applikabbli għall-korpi notifikati skont dak ir-Regolament u l-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I tiegħu.

imħassar

__________________

9 Ir-Regolament (UE) 2017/745 tal-Parlament Ewropew u tal-Kunsill tal-5 ta’ April 2017 dwar apparati mediċi, li jemenda d-Direttiva 2001/83/KE, ir-Regolament (KE) Nru 178/2002 u r-Regolament (KE) Nru 1223/2009 u li jħassar id-Direttivi tal-Kunsill 90/385/KEE u 93/42/KEE (ĠU L 117, 5.5.2017, p. 1, ELI: http://data.europa.eu/eli/reg/2017/745/oj).

10 Ir-Regolament (UE) 2017/746 tal-Parlament Ewropew u tal-Kunsill tal-5 ta’ April 2017 dwar apparati mediċi dijanjostiċi in vitro u li jħassar id-Direttiva 98/79/KE u d-Deċiżjoni tal-Kummissjoni 2010/227/UE (ĠU L 117, 5.5.2017, p. 176, ELI: http://data.europa.eu/eli/reg/2017/746/oj).

Emenda 8Proposta għal regolamentPremessa 8

(8)Biex ikunu żgurati applikazzjoni bla skossi u l-konsistenza tar-Regolament (UE) 2024/1689, dan jenħtieġ li jiġi emendat. Jenħtieġ li tiżdied korrezzjoni teknika fl-Artikolu 43(3), l-ewwel subparagrafu, tar-Regolament (UE) 2024/1689 biex r-rekwiżiti tal-valutazzjoni tal-konformità jiġu allinjati mar-rekwiżiti tal-fornituri tas-sistemi tal-IA b’riskju għoli fl-Artikolu 16 ta’ dak ir-Regolament. Barra minn hekk, jenħtieġ li jiġi ċċarat li meta fornitur ta’ sistema tal-IA b’riskju għoli jkun soġġett għall-proċedura tal-valutazzjoni tal-konformità skont il-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I tar-Regolament (UE) 2024/1689, u l-valutazzjoni tal-konformità tkun testendi għall-konformità tas-sistema tal-ġestjoni tal-kwalità ta’ dak ir-Regolament u ta’ tali leġiżlazzjoni tal-Unjoni dwar l-armonizzazzjoni, il-fornitur jenħtieġ li jkun jista’ jinkludi aspetti relatati mas-sistemi tal-ġestjoni tal-kwalità skont dak ir-Regolament bħala parti mis-sistemi tal-ġestjoni tal-kwalità skont tali leġiżlazzjoni tal-Unjoni dwar l-armonizzazzjoni, f’konformità mal-Artikolu 17(3) tar-Regolament (UE) 2024/1689. Jenħtieġ li l-Artikolu 43(3), it-tieni subparagrafu, jiġi emendat biex jiġi ċċarat li l-korpi notifikati li jkunu ġew notifikati skont il-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I tar-Regolament (UE) 2024/1689 u li għandhom l-għan li jivvalutaw is-sistemi tal-IA b’riskju għoli koperti mil-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I ta’ dak ir-Regolament, jenħtieġ li japplikaw għad-deżinjazzjoni bħala korp notifikat skont dak ir-Regolament fi żmien 18-il xahar minn [meta jibda japplika dan ir-Regolament]. Din l-emenda hija mingħajr preġudizzju għall-Artikolu 28 tar-Regolament (UE) 2024/1689. Barra minn hekk, jenħtieġ li r-Regolament (UE) 2024/1689 jiġi emendat biex jiċċara li meta sistema tal-IA b’riskju għoli tkun koperta mil-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I tar-Regolament (UE) 2024/1689 u tkun taqbel ma’ xi wieħed mill-każijiet ta’ użu elenkati fl-Anness III ta’ dak ir-Regolament, il-fornitur jenħtieġ li jimxi skont il-proċedura rilevanti tal-valutazzjoni tal-konformità kif teżiġi dik il-leġiżlazzjoni rilevanti dwar l-armonizzazzjoni.

(8)imħassar

Emenda 9Proposta għal regolamentPremessa 8a (ġdida)

(8a)Ir-Regolament (UE) 2024/1689 u r-Regolament (UE) 2024/2847 jikkomplementaw lil xulxin sabiex is-sikurezza u ċ-ċibersigurtà tal-prodotti b’elementi diġitali jiġu żgurati. Jeħtieġ li jiġi żgurat l-allinjament tar-Regolament (UE) 2024/1689 u tar-Regolament (UE) 2024/2847, biex tkun tista’ ssir l-implimentazzjoni bla xkiel tagħhom. Meta s-sistemi tal-IA b’riskju għoli jissodisfaw ir-rekwiżiti essenzjali taċ-ċibersigurtà stabbiliti fir-Regolament (UE) 2024/2847, jenħtieġ li jitqiesu li jikkonformaw mar-rekwiżiti taċ-ċibersigurtà stabbiliti fl-Artikolu 15 tar-Regolament (UE) 2024/1689 sa fejn dawk ir-rekwiżiti jkunu koperti mid-dikjarazzjoni ta’ konformità tal-UE jew partijiet minnha maħruġa skont ir-Regolament (UE) 2024/2847.

Emenda 10Proposta għal regolamentPremessa 8b (ġdida)

(8b)Għall-finijiet ta’ dan ir-Regolament, il-fatt li sistema tal-IA tkun integrata jew topera fi prodott soġġett għal-leġiżlazzjoni tal-Unjoni dwar l-armonizzazzjoni dwar is-sikurezza tal-prodotti jenħtieġ li ma jimplikax, fih innifsu, li s-sistema tal-IA twettaq funzjoni ta’ sikurezza. Jenħtieġ li sistema tal-IA titqies li twettaq funzjoni tas-sikurezza biss meta l-funzjonament tagħha jkun meħtieġ biex jiġi żgurat li l-prodott jew is-sistema tal-IA jikkonformaw mar-rekwiżiti tas-sikurezza applikabbli tal-Unjoni. B’kuntrast, il-funzjonalitajiet maħsuba biss għall-assistenza tal-utent, l-ottimizzazzjoni tal-prestazzjoni, l-effiċjenza tas-servizz, l-awtomatizzazzjoni, il-konvenjenza, jew il-kontroll tal-kwalità ta’ aspetti mhux relatati mas-sikurezza jenħtieġ li ma jitqisux bħala funzjonijiet tas-sikurezza skont dan ir-Regolament, meta l-falliment tagħhom ma joħloqx direttament riskji għas-saħħa jew għas-sikurezza.

Emenda 11Proposta għal regolamentPremessa 9

(9)Biex tiġi ssimplifikata l-konformità u jitnaqqsu l-kostijiet assoċjati, il-fornituri tas-sistemi tal-IA jenħtieġ li ma jintalbux jirreġistraw is-sistemi tal-IA msemmija fl-Artikolu 6(3) tar-Regolament (UE) 2024/1689 fil-bażi tad-data tal-UE skont l-Artikolu 49(2) ta’ dak ir-Regolament. Peress li sistemi bħal dawn mhumiex meqjusa b’riskju għoli f’ċerti kundizzjonijiet meta ma joħolqux riskju sinifikanti ta’ ħsara għas-saħħa, għas-sikurezza jew għad-drittijiet fundamentali tal-persuni, l-impożizzjoni ta’ rekwiżiti tar-reġistrazzjoni tikkostitwixxi piż regolatorju sproporzjonat. Iżda fornitur li jidhirlu li sistema tal-IA tkun taqa’ taħt l-Artikolu 6(3) jibqa’ obbligat jiddokumenta l-valutazzjoni tiegħu qabel ma dik is-sistema tiġi introdotta fis-suq jew titqiegħed fis-servizz. Din il-valutazzjoni tista’ tintalab mill-awtoritajiet nazzjonali kompetenti.

(9)Biex tiġi ssimplifikata l-konformità u jitnaqqsu l-kostijiet assoċjati, ir-reġistrazzjoni tas-sistemi tal-IA msemmija fl-Artikolu 6(3) tar-Regolament (UE) 2024/1689 fil-bażi tad-data tal-UE skont l-Artikolu 49(2) ta’ dak ir-Regolament jenħtieġ li tiġi ssimplifikata bir-razzjonalizzazzjoni tal-kontenut meħtieġ fit-Taqsima B tal-Anness VIII ta’ dak ir-Regolament. Filwaqt li jibqa’ kruċjali għas-sorveljanza effettiva tas-suq u għall-obbligu ta’ rendikont pubbliku li tali sistemi tal-IA jiġu rreġistrati fil-bażi tad-data tal-UE, ir-rekwiżiti ta’ reġistrazzjoni jenħtieġ li jiġu ssimplifikati u jsiru aktar proporzjonati. Din is-simplifikazzjoni se twassal għal bilanċ aħjar mingħajr ma timmina l-protezzjoni stabbilita bir-Regolament 2024/1689. Sistemi bħal dawn mhumiex meqjusa b’riskju għoli f’ċerti kundizzjonijiet meta ma joħolqux riskju sinifikanti ta’ ħsara għas-saħħa, għas-sikurezza jew għad-drittijiet fundamentali tal-persuni. Barra minn hekk, fornitur li japplika l-Artikolu 6(3) jibqa’ obbligat jiddokumenta l-valutazzjoni tiegħu qabel ma dik is-sistema tiġi introdotta fis-suq jew titqiegħed fis-servizz. Din il-valutazzjoni tista’ tintalab mill-awtoritajiet nazzjonali kompetenti.

Emenda 12Proposta għal regolamentPremessa 10

(10)Jenħtieġ li l-Artikoli 57, 58 u 60 tar-Regolament (UE) 2024/1689 jiġu emendati biex tissaħħaħ aktar il-kooperazzjoni fil-livell tal-Unjoni tal-ambjenti tal-esperimentazzjoni regolatorja għall-IA, biex jitrawmu ċ-ċarezza u l-konsistenza fil-governanza tal-ambjenti tal-esperimentazzjoni regolatorja għall-IA, u biex l-ambitu tal-ittestjar f’kundizzjonijiet tad-dinja reali barra mill-ambjenti tal-esperimentazzjoni regolatorja għall-IA jiġi estiż għas-sistemi tal-IA b’riskju għoli koperti mil-leġiżlazzjoni tal-Unjoni dwar l-armonizzazzjoni elenkata fl-Anness I ta’ dak ir-Regolament. B’mod partikolari, għal simplifikazzjoni proċedurali, meta applikabbli, tal-proġetti sorveljati fl-ambjenti tal-esperimentazzjoni regolatorja għall-IA li jinkludu wkoll l-ittestjar f’kundizzjonijiet tad-dinja reali, jenħtieġ li l-pjan tal-ittestjar f’kundizzjonijiet tad-dinja reali jiġi integrat fil-pjan tal-ambjent tal-esperimentazzjoni maqbul mill-fornituri jew il-fornituri prospettivi u mill-awtorità kompetenti f’dokument uniku. Barra minn hekk, jixraq tiġi prevista l-possibbiltà li l-Uffiċċju għall-IA jistabbilixxi ambjent tal-esperimentazzjoni regolatorja għall-IA fil-livell tal-Unjoni għas-sistemi tal-IA li huma koperti mill-Artikolu 75(1) tar-Regolament (UE) 2024/1689. Meta jsiru diskussjonijiet fil-qafas tal-Bord, il-Kontrollur Ewropew għall-Protezzjoni tad-Data u l-Uffiċċju għall-IA jenħtieġ li, bħala parti mir-rwoli tagħhom fil-Bord, jipprovdu l-feedback tagħhom u jiskambjaw l-aħjar prattiki dwar kwistjonijiet relatati mal-istabbiliment u mal-operat ta’ ambjenti tal-esperimentazzjoni regolatorja għall-IA li kienu stabbiliti skont il-kompetenzi rispettivi tagħhom. Billi jiġu sfruttati dawn l-infrastrutturi u tiġi ffaċilitata l-kollaborazzjoni transfruntiera, il-koordinazzjoni tkun razzjonalizzata u r-riżorsi jintużaw b’mod ottimali. Sabiex titrawwem l-innovazzjoni u tiġi ffaċilitata l-adozzjoni tal-IA, l-SMEs, inklużi n-negozji ġodda, u l-SMCs jenħtieġ li jingħataw aċċess prijoritarju għall-ambjenti tal-esperimentazzjoni regolatorja għall-IA stabbiliti mill-Uffiċċju għall-IA.

Meta l-ambjenti tal-esperimentazzjoni regolatorja għall-IA, inkluż l-ambjent ikkontrollat biex titrawwem l-innovazzjoni, jinvolvu sistemi innovattivi tal-IA li jipproċessaw data personali, jenħtieġ li l-awtoritajiet superviżorji nazzjonali rilevanti jkunu involuti f’konformità mal-kompiti u s-setgħat tagħhom.

Emenda 13Proposta għal regolamentPremessa 11

(11)Biex titrawwem l-innovazzjoni, jixraq ukoll li l-ambitu tal-ittestjar f’kundizzjonijiet tad-dinja reali jiġi estiż barra mill-ambjenti tal-esperimentazzjoni regolatorja għall-IA fl-Artikolu 60 tar-Regolament (UE) 2024/1689, li bħalissa japplika għas-sistemi tal-IA b’riskju għoli elenkati fl-Anness III ta’ dak ir-Regolament, u li l-fornituri u l-fornituri prospettivi tas-sistemi tal-IA b’riskju għoli koperti mil-leġiżlazzjoni tal-Unjoni dwar l-armonizzazzjoni elenkata fl-Anness I ta’ dak ir-Regolament jitħallew jittestjaw ukoll sistemi bħal dawn f’kundizzjonijiet tad-dinja reali. Dan hu mingħajr preġudizzju għal liġijiet oħra fil-livell nazzjonali jew tal-Unjoni dwar l-ittestjar f’kundizzjonijiet tad-dinja reali tas-sistemi tal-IA b’riskju għoli relatati ma’ prodotti koperti minn dik il-leġiżlazzjoni tal-Unjoni dwar l-armonizzazzjoni. Biex tiġi indirizzata s-sitwazzjoni speċifika tas-sistemi tal-IA b’riskju għoli koperti mil-leġiżlazzjoni tal-Unjoni dwar l-armonizzazzjoni elenkata fit-Taqsima B tal-Anness I ta’ dak ir-Regolament, jeħtieġ ikunu jistgħu jiġu konklużi ftehimiet volontarji bejn il-Kummissjoni u l-Istati Membri biex sistemi tal-IA b’riskju għoli bħal dawn ikunu jistgħu jiġu ttestjati f’kundizzjonijiet tad-dinja reali.

Emenda 14Proposta għal regolamentPremessa 12a (ġdida)

(12a)Sabiex l-Uffiċċju għall-IA jkun jista’ jwettaq dmirijietu b’mod effettiv skont ir-Regolament (UE) 2024/1689, u fid-dawl tas-setgħat il-ġodda mogħtija lilu b’dan ir-Regolament, jenħtieġ li jiġu pprovduti riżorsi umani, finanzjarji u tekniċi adegwati, mingħajr preġudizzju għall-proċedura baġitarja u l-istrumenti finanzjarji eżistenti. B’mod partikolari, l-Uffiċċju għall-IA jenħtieġ li jkollu għadd suffiċjenti ta’ persunal li l-għarfien espert tiegħu jinkludi fehim fil-fond tat-teknoloġiji tal-IA.

Emenda 15Proposta għal regolamentPremessa 13

(13)Jenħtieġ li jiġi emendat l-Artikolu 69 tar-Regolament (UE) 2024/1689 biex tiġi ssimplifikata l-istruttura tat-tariffi tal-bord xjentifiku. Jekk l-Istati Membri jitolbu l-għarfien espert tal-bord, jenħtieġ li t-tariffi li jistgħu jintalbu biex jitħallsu l-esperti jkunu ekwivalenti għar-remunerazzjoni li l-Kummissjoni tkun obbligata tħallas f’ċirkostanzi simili. Barra minn hekk, biex tonqos il-kumplessità proċedurali, jenħtieġ li l-Istati Membri jkunu jistgħu jikkonsultaw direttament lill-esperti tal-bord xjentifiku, mingħajr l-involviment tal-Kummissjoni.

Emenda 16Proposta għal regolamentPremessa 14

(14)Biex tissaħħaħ is-sistema tal-governanza tas-sistemi tal-IA bbażati fuq mudelli tal-IA bi skop ġenerali, jeħtieġ jiġi ċċarat ir-rwol tal-Uffiċċju għall-IA fejn jidħlu l-monitoraġġ u s-superviżjoni tal-konformità ta’ dawk is-sistemi tal-IA mar-Regolament (UE) 2024/1689, filwaqt li jiġu esklużi s-sistemi tal-IA relatati mal-prodotti koperti mil-leġiżlazzjoni tal-Unjoni dwar l-armonizzazzjoni elenkata fl-Anness I ta’ dak ir-Regolament. Filwaqt li l-awtoritajiet settorjali jibqgħu responsabbli għas-superviżjoni tas-sistemi tal-IA relatati mal-prodotti koperti minn dik il-leġiżlazzjoni tal-Unjoni dwar l-armonizzazzjoni, jenħtieġ li jiġi modifikat l-Artikolu 75(1) tar-Regolament (UE) 2024/1689 biex is-sistemi kollha tal-IA bbażati fuq mudelli tal-IA bi skop ġenerali żviluppati mill-istess fornitur jinġabru taħt is-superviżjoni tal-Uffiċċju għall-IA. Dan ma jinkludix lis-sistemi tal-IA introdotti fis-suq, imqiegħda fis-servizz jew użati mill-istituzzjonijiet, il-korpi u l-organi tal-Unjoni, li huma fis-superviżjoni tal-Kontrollur Ewropew għall-Protezzjoni tad-Data skont l-Artikolu 74(9) tar-Regolament (UE) 2024/1689. Biex tkun żgurata s-superviżjoni effettiva ta’ dawk is-sistemi tal-IA skont il-kompiti u r-responsabbiltajiet assenjati lill-awtoritajiet tas-sorveljanza tas-suq skont ir-Regolament (UE) 2024/1689, jenħtieġ li l-Uffiċċju għall-IA jingħata s-setgħa li jieħu l-miżuri u d-deċiżjonijiet xierqa biex jeżerċita kif xieraq is-setgħat tiegħu previsti f’dik it-Taqsima u fir-Regolament (UE) 2019/1020 tal-Parlament Ewropew u tal-Kunsill11. Jenħtieġ li l-Artikolu 14 tar-Regolament (UE) 2019/1020 japplika mutatis mutandis. Barra minn hekk, biex ikun żgurat infurzar effettiv, jenħtieġ li l-awtoritajiet involuti fl-applikazzjoni tar-Regolament (UE) 2024/1689 jikkooperaw b’mod attiv fl-eżerċizzju ta’ dawk is-setgħat, b’mod partikolari meta jkunu meħtieġa azzjonijiet ta’ infurzar fit-territorju ta’ Stat Membru.

(14)Biex tissaħħaħ is-sistema tal-governanza tas-sistemi tal-IA bbażati fuq mudelli tal-IA bi skop ġenerali, jeħtieġ jiġi ċċarat ir-rwol tal-Uffiċċju għall-IA fejn jidħlu l-monitoraġġ u s-superviżjoni tal-konformità ta’ dawk is-sistemi tal-IA mar-Regolament (UE) 2024/1689, filwaqt li jiġu esklużi s-sistemi tal-IA relatati mal-prodotti koperti mil-leġiżlazzjoni tal-Unjoni dwar l-armonizzazzjoni elenkata fl-Anness I u s-sistemi tal-IA msemmija fl-Anness II, il-punt 2 ta’ dak ir-Regolament. Filwaqt li l-awtoritajiet settorjali jibqgħu responsabbli għas-superviżjoni tas-sistemi tal-IA relatati mal-prodotti koperti minn dik il-leġiżlazzjoni tal-Unjoni dwar l-armonizzazzjoni, jenħtieġ li jiġi modifikat l-Artikolu 75(1) tar-Regolament (UE) 2024/1689 biex is-sistemi kollha tal-IA bbażati fuq mudelli tal-IA bi skop ġenerali żviluppati mill-istess fornitur jinġabru taħt is-superviżjoni tal-Uffiċċju għall-IA. Dan ma jinkludix lis-sistemi tal-IA introdotti fis-suq, imqiegħda fis-servizz jew użati mill-istituzzjonijiet, il-korpi u l-organi tal-Unjoni, li huma fis-superviżjoni tal-Kontrollur Ewropew għall-Protezzjoni tad-Data skont l-Artikolu 74(9) tar-Regolament (UE) 2024/1689. Biex tkun żgurata s-superviżjoni effettiva ta’ dawk is-sistemi tal-IA skont il-kompiti u r-responsabbiltajiet assenjati lill-awtoritajiet tas-sorveljanza tas-suq skont ir-Regolament (UE) 2024/1689, jenħtieġ li l-Uffiċċju għall-IA jieħu l-miżuri u d-deċiżjonijiet xierqa biex jeżerċita kif xieraq is-setgħat tiegħu previsti f’dik it-Taqsima u fir-Regolament (UE) 2019/1020 tal-Parlament Ewropew u tal-Kunsill11. Jenħtieġ li l-Artikolu 14 tar-Regolament (UE) 2019/1020 japplika mutatis mutandis. Barra minn hekk, biex ikun żgurat infurzar effettiv, jenħtieġ li l-awtoritajiet involuti fl-applikazzjoni tar-Regolament (UE) 2024/1689 jikkooperaw b’mod attiv fl-eżerċizzju ta’ dawk is-setgħat, b’mod partikolari meta jkunu meħtieġa azzjonijiet ta’ infurzar fit-territorju ta’ Stat Membru.

__________________

11 Ir-Regolament (UE) 2019/1020 tal-Parlament Ewropew u tal-Kunsill tal-20 ta’ Ġunju 2019 dwar is-sorveljanza tas-suq u l-konformità tal-prodotti u li jemenda d-Direttiva 2004/42/KE u r-Regolamenti (KE) Nru 765/2008 u (UE) Nru 305/2011 (ĠU L 169, 25.6.2019, p. 1, ELI: http://data.europa.eu/eli/reg/2019/1020/oj).

Emenda 17Proposta għal regolamentPremessa 16

(16)Għall-operalizzazzjoni ulterjuri tas-superviżjoni u tal-infurzar tal-Uffiċċju għall-IA stipulati fl-Artikolu 75(1) tar-Regolament (UE) 2024/1689, jeħtieġ jiġi ddefinit ulterjorment liema mis-setgħat elenkati fl-Artikolu 14 tar-Regolament (UE) 2019/1020 jenħtieġ li jingħataw lill-Uffiċċju għall-IA. Għalhekk il-Kummissjoni jenħtieġ li tingħata s-setgħa li tadotta atti ta’ implimentazzjoni biex tispeċifika dawk is-setgħat, inkluż il-kapaċità li timponi penali, bħal multi jew sanzjonijiet amministrattivi oħra, f’konformità mal-kundizzjonijiet u l-limiti msemmija fl-Artikolu 99, u mal-proċeduri applikabbli. Jenħtieġ li din tiżgura li l-Uffiċċju għall-IA jkollu l-għodod meħtieġa biex jimmonitorja u jissorvelja b’mod effettiv il-konformità mar-Regolament (UE) 2024/1689.

(Ma taffettwax il-verżjoni Maltija.)

Emenda 18Proposta għal regolamentPremessa 18

(18)Biex ikun jista’ jsir aċċess għas-suq tal-Unjoni tas-sistemi tal-IA fis-superviżjoni tal-Uffiċċju għall-IA skont l-Artikolu 75 tar-Regolament (UE) 2024/1689 u soġġetti għal valutazzjoni tal-konformità ta’ parti terza, il-Kummissjoni jenħtieġ li tiżgura li valutazzjonijiet tal-konformità ta’ qabel l-introduzzjoni fis-suq jitwettqu għal dawk is-sistemi. Barra minn hekk, jenħtieġ li l-Uffiċċju għall-IA jżomm rekords organizzati ta’ komunikazzjonijiet mal-fornituri u l-implimentaturi ta’ mudelli tal-IA bi skop ġenerali b’riskju sistemiku. Tali rekords jenħtieġ li jiġu ddokumentati b’mod konsistenti.

Emenda 19Proposta għal regolamentPremessa 19

(19)L-Artikolu 77 u d-dispożizzjonijiet relatati tar-Regolament (UE) 2024/1689 jikkostitwixxu mekkaniżmu ta’ governanza importanti għax dawn huma maħsuba biex l-awtoritajiet jew il-korpi responsabbli għall-infurzar jew għas-superviżjoni tal-liġijiet tal-Unjoni maħsuba għall-protezzjoni tad-drittijiet fundamentali jkunu jistgħu jwettqu l-mandat tagħhom f’kundizzjonijiet speċifiċi u jrawmu l-kooperazzjoni mal-awtoritajiet tas-sorveljanza tas-suq responsabbli għas-superviżjoni u l-infurzar ta’ dak ir-Regolament. Jeħtieġ jiġi ċċarat l-ambitu ta’ kooperazzjoni bħal din, u jiġi ċċarat liema awtoritajiet jew korpi pubbliċi jibbenefikaw minnha. Biex tissaħħaħ il-kooperazzjoni, jenħtieġ li jiġi ċċarat li t-talbiet tal-aċċess għall-informazzjoni u għad-dokumentazzjoni jenħtieġ li jsiru lill-awtorità kompetenti tas-sorveljanza tas-suq, li jenħtieġ li twieġeb tali talbiet mingħajr dewmien bla bżonn, u li jenħtieġ li l-awtoritajiet jew il-korpi involuti jkollhom obbligu reċiproku li jikkooperaw. Jenħtieġ li jiġi ċċarat li dawn id-dispożizzjonijiet huma mingħajr preġudizzju għall-kompiti, is-setgħat u l-indipendenza tal-awtoritajiet jew il-korpi pubbliċi nazzjonali rilevanti skont il-mandati tagħhom. B’mod partikolari, dawk id-dispożizzjonijiet ma jillimitaw l-ebda setgħa li dawk l-awtoritajiet u l-korpi għandhom biex jitolbu informazzjoni skont liġijiet oħra tal-Unjoni jew nazzjonali. Għaldaqstant, dawk l-awtoritajiet u l-korpi jżommu kwalunkwe setgħa li għandhom biex jitolbu direttament informazzjoni mingħand l-operaturi skont il-mandat tagħhom jew liġijiet oħra.

Emenda 20Proposta għal regolamentPremessa 20

(20)Biex il-fornituri tas-sistemi tal-IA ġenerattiva soġġetti għall-obbligi tal-immarkar stabbiliti fl-Artikolu 50(2) tar-Regolament (UE) 2024/1689 jingħataw biżżejjed żmien biex ikunu jistgħu jadattaw il-prattiki tagħhom fi żmien raġonevoli mingħajr ma jinħoloq tfixkil fis-suq, jixraq jiġi introdott perjodu tranżitorju ta’ 6 xhur għall-fornituri li diġà jkunu introduċew is-sistemi tagħhom fis-suq qabel it-2 ta’ Awwissu 2026.

(20)Biex il-fornituri tas-sistemi tal-IA ġenerattiva soġġetti għall-obbligi tal-immarkar stabbiliti fl-Artikolu 50(2) tar-Regolament (UE) 2024/1689 jingħataw biżżejjed żmien biex ikunu jistgħu jadattaw il-prattiki tagħhom fi żmien raġonevoli mingħajr ma jinħoloq tfixkil fis-suq, jixraq jiġi introdott perjodu tranżitorju ta’ 3 xhur għall-fornituri li diġà jkunu introduċew is-sistemi tagħhom fis-suq qabel it-2 ta’ Awwissu 2026.

Emenda 21Proposta għal regolamentPremessa 22

(22)L-Artikolu 113 tar-Regolament (UE) 2024/1689 jistabbilixxi d-dati tad-dħul fis-seħħ u tal-applikazzjoni ta’ dak ir-Regolament, b’mod partikolari li d-data tal-applikazzjoni ġenerali hija t-2 ta’ Awwissu 2026. Għall-obbligi relatati mas-sistemi tal-IA b’riskju għoli stabbiliti fit-Taqsimiet 1, 2 u 3 tal-Kapitolu III tar-Regolament (UE) 2024/1689, id-dewmien fid-disponibbiltà tal-istandards, tal-ispeċifikazzjonijiet komuni, u ta’ gwida alternattiva, u d-dewmien fl-istabbiliment tal-awtoritajiet nazzjonali kompetenti jwasslu għal sfidi li jipperikolaw il-bidu effettiv tal-applikazzjoni ta’ dak l-obbligu u jirriskjaw li jżidu ferm il-kostijiet tal-implimentazzjoni b’mod li ma jkunx jiġġustifika ż-żamma tad-data tal-applikazzjoni inizjali tagħhom, jiġifieri t-2 ta’ Awwissu 2026. L-esperjenza tgħallem li jixraq jiġi stabbilit mekkaniżmu li jorbot il-bidu tal-applikazzjoni mad-disponibbiltà ta’ miżuri b’appoġġ għall-konformità mal-Kapitolu III, li jista’ jinkludi standards armonizzati, speċifikazzjonijiet komuni, u linji gwida tal-Kummissjoni. Dan jenħtieġ li l-Kummissjoni tikkonfermah b’deċiżjoni, li warajha jenħtieġ li japplikaw l-obbligi tar-regoli għas-sistemi tal-IA b’riskju għoli wara 6 xhur fir-rigward tas-sistemi tal-IA klassifikati b’riskju għoli skont l-Artikolu 6(2) u l-Anness III, u wara 12-il xahar fir-rigward tas-sistemi tal-IA klassifikati b’riskju għoli skont l-Artikolu 6(1) u l-Anness I tar-Regolament (UE) 2024/1689. Iżda din il-flessibbiltà jenħtieġ li tiġi estiża biss sat-2 ta’ Diċembru 2027 fir-rigward tas-sistemi tal-IA klassifikati b’riskju għoli skont l-Artikolu 6(2) u l-Anness III u sat-2 ta’ Awwissu 2028 fir-rigward tas-sistemi tal-IA kklassifikati bħala b’riskju għoli skont l-Artikolu 6(1) u l-Anness I ta’ dak ir-Regolament, sa liema dati dawk ir-regoli jenħtieġ li jibdew japplikaw fi kwalunkwe każ. Id-distinzjoni bejn il-bidu tal-applikazzjoni tar-regoli fir-rigward tas-sistemi tal-IA klassifikati b’riskju għoli skont l-Artikolu 6(2) u l-Anness III u l-Artikolu 6(1) u l-Anness I ta’ dak ir-Regolament hi konsistenti mad-differenza bejn id-dati inizjali tal-applikazzjoni previsti fir-Regolament (UE) 2024/1689 u hi maħsuba biex tipprovdi ż-żmien meħtieġ għal adattament u implimentazzjoni tal-obbligi korrispondenti.

(22)L-Artikolu 113 tar-Regolament (UE) 2024/1689 jistabbilixxi d-dati tad-dħul fis-seħħ u tal-applikazzjoni ta’ dak ir-Regolament, b’mod partikolari li d-data tal-applikazzjoni ġenerali hija t-2 ta’ Awwissu 2026. Għall-obbligi relatati mas-sistemi tal-IA b’riskju għoli stabbiliti fit-Taqsimiet 1, 2 u 3 tal-Kapitolu III tar-Regolament (UE) 2024/1689, id-dewmien fid-disponibbiltà tal-istandards, tal-ispeċifikazzjonijiet komuni, u ta’ gwida alternattiva, u d-dewmien fl-istabbiliment tal-awtoritajiet nazzjonali kompetenti jwasslu għal sfidi li jipperikolaw il-bidu effettiv tal-applikazzjoni ta’ dak l-obbligu u jirriskjaw li jżidu ferm il-kostijiet tal-implimentazzjoni b’mod li ma jkunx jiġġustifika ż-żamma tad-data tal-applikazzjoni inizjali tagħhom, jiġifieri t-2 ta’ Awwissu 2026. Jixraq li d-data tal-applikazzjoni tal-obbligi fuq is-sistemi tal-IA klassifikati b’riskju għoli skont l-Artikolu 6(2) u l-Anness III u fuq is-sistemi tal-IA klassifikati b’riskju għoli skont l-Artikolu 6(1) u l-Anness I tar-Regolament (UE) 2024/1689 tiġi posposta sat-2 ta’ Diċembru 2027 fir-rigward tas-sistemi tal-IA klassifikati b’riskju għoli skont l-Artikolu 6(2) u l-Anness III u sat-2 ta’ Awwissu 2028 fir-rigward tas-sistemi tal-IA kklassifikati bħala b’riskju għoli skont l-Artikolu 6(1) u l-Anness I ta’ dak ir-Regolament. Id-distinzjoni bejn il-bidu tal-applikazzjoni tar-regoli fir-rigward tas-sistemi tal-IA klassifikati b’riskju għoli skont l-Artikolu 6(2) u l-Anness III u l-Artikolu 6(1) u l-Anness I ta’ dak ir-Regolament hi konsistenti mad-differenza bejn id-dati inizjali tal-applikazzjoni previsti fir-Regolament (UE) 2024/1689 u hi maħsuba biex tipprovdi ż-żmien meħtieġ għal adattament u implimentazzjoni tal-obbligi korrispondenti.

Emenda 22Proposta għal regolamentPremessa 22a (ġdida)

(22a)Sabiex tiġi żgurata ċ-ċertezza legali u biex jiġi evitat aktar dewmien fl-applikazzjoni ta’ dan ir-Regolament, jenħtieġ li l-Kummissjoni tiżgura li l-miżuri b’appoġġ għall-konformità fir-rigward tal-Kapitolu III, it-Taqsimiet 1, 2 u 3 ikunu fis-seħħ fi żmien xieraq biex tiġi żgurata l-implimentazzjoni f’waqtha u effettiva tad-dispożizzjonijiet meħtieġa.

Emenda 23Proposta għal regolamentPremessa 23

(23)Fid-dawl tal-objettiv li jonqsu l-isfidi tal-implimentazzjoni għaċ-ċittadini, in-negozji u l-amministrazzjonijiet pubbliċi, il-kundizzjonijiet armonizzati għall-implimentazzjoni ta’ ċerti regoli jeħtieġ jiġu adottati biss meta strettament meħtieġ. Għal dak il-għan, huwa xieraq li jitneħħew ċerti awtorizzazzjonijiet mogħtija lill-Kummissjoni biex tadotta tali kundizzjonijiet armonizzati b’atti ta’ implimentazzjoni fil-każijiet meta ma jiġux issodisfati dawk il-kundizzjonijiet. Għalhekk, jenħtieġ li jiġi emendat ir-Regolament (UE) 2024/1689 biex jitneħħew is-setgħat mogħtija lill-Kummissjoni fl-Artikolu 50(7), fl-Artikolu 56(6), u fl-Artikolu 72(3) tiegħu li tadotta atti ta’ implimentazzjoni. It-tneħħija tas-setgħat mogħtija għall-adozzjoni ta’ mudell armonizzat għal pjan ta’ l-monitoraġġ ta’ wara t-tqegħid fis-suq fl-Artikolu 72(3) tar-Regolament (UE) 2024/1689 għandha l-benefiċċju ukoll li toffri aktar flessibbiltà lill-fornituri tas-sistemi tal-IA b’riskju għoli biex jistabbilixxu sistema tal-monitoraġġ ta’ wara t-tqegħid fis-suq li tkun imfassla apposta għall-organizzazzjoni tagħhom. Fl-istess ħin, filwaqt li jingħaraf il-bżonn li tiġi offruta ċarezza dwar kif il-fornituri tas-sistemi tal-IA b’riskju għoli jeħtieġ jikkonformaw, l-Kummissjoni jenħtieġ li tkun meħtieġa tippubblika gwida.

(23)Fid-dawl tal-objettiv li jonqsu l-isfidi tal-implimentazzjoni għaċ-ċittadini, in-negozji u l-amministrazzjonijiet pubbliċi, il-kundizzjonijiet armonizzati għall-implimentazzjoni ta’ ċerti regoli jeħtieġ jiġu adottati biss meta strettament meħtieġ. Għal dak il-għan, huwa xieraq li jitneħħew ċerti awtorizzazzjonijiet mogħtija lill-Kummissjoni biex tadotta tali kundizzjonijiet armonizzati b’atti ta’ implimentazzjoni fil-każijiet meta ma jiġux issodisfati dawk il-kundizzjonijiet. Għalhekk, jenħtieġ li jiġi emendat ir-Regolament (UE) 2024/1689 biex jitneħħew is-setgħat mogħtija lill-Kummissjoni fl-Artikolu 50(7), fl-Artikolu 56(6), u fl-Artikolu 72(3) tiegħu li tadotta atti ta’ implimentazzjoni. Fl-istess ħin, filwaqt li jingħaraf il-bżonn li tiġi offruta ċarezza dwar kif il-fornituri tas-sistemi tal-IA b’riskju għoli jeħtieġ jikkonformaw mal-obbligi ta’ sorveljanza tagħhom, il-Kummissjoni jenħtieġ li tkun meħtieġa tippubblika gwida dwar il-pjan ta’ sorveljanza ta’ wara t-tqegħid fis-suq, inkluż mudell b’elementi li għandhom jiġu inklużi fih, sat-2 ta’ Frar 2027.

Emenda 24Proposta għal regolamentPremessa 23a (ġdida)

(23a)L-applikazzjoni parallela tal-leġiżlazzjoni settorjali tal-Unjoni dwar l-armonizzazzjoni elenkata fit-Taqsima A tal-Anness I tar-Regolament (UE) 2024/1689 tal-Parlament Ewropew u tal-Kunsill u r-rekwiżiti stabbiliti f’dak ir-Regolament għal sistemi tal-intelliġenza artifiċjali b’riskju għoli jistgħu jwasslu għal trikkib tar-rekwiżiti u piż amministrattiv bla bżonn għall-operaturi ekonomiċi. Tali trikkib jista’ joħloq inċertezza legali, iżid il-kostijiet tal-konformità u potenzjalment iwassal għal żvantaġġi kompetittivi, mingħajr ma jipprovdi benefiċċji addizzjonali għall-protezzjoni tas-saħħa, tas-sikurezza jew tad-drittijiet fundamentali. Sabiex jiġi żgurat qafas regolatorju aktar koerenti u proporzjonat u biex tiġi ssimplifikata l-applikazzjoni tar-rekwiżiti għas-sistemi tal-intelliġenza artifiċjali inkorporati fi prodotti regolati skont il-leġiżlazzjoni tal-Unjoni dwar l-armonizzazzjoni, ir-referenzi għal-leġiżlazzjoni tal-Unjoni dwar l-armonizzazzjoni li bħalissa hija elenkata fit-Taqsima A tal-Anness I tar-Regolament (UE) 2024/1689 jenħtieġ li għalhekk jitressqu fit-Taqsima B ta’ dak l-Anness. Dan l-approċċ jiċċara li s-sistemi tal-intelliġenza artifiċjali integrati fi prodotti koperti minn dawk l-atti settorjali huma soġġetti għar-rekwiżiti ta’ dan ir-Regolament meta rilevanti, filwaqt li jippermetti li l-proċeduri ta’ valutazzjoni tal-konformità u r-rekwiżiti tas-sikurezza tal-prodotti skont il-leġiżlazzjoni settorjali rispettiva jibqgħu l-qafas primarju. Kwalunkwe lakuna li jifdal relatata mas-sistemi tal-intelliġenza artifiċjali integrati f’tali prodotti jenħtieġ li tiġi indirizzata fil-leġiżlazzjoni settorjali rilevanti.

Emenda 25Proposta għal regolamentPremessa 23b (ġdida)

(23b)Sabiex tiġi ssalvagwardjata n-natura orizzontali ta’ dan ir-Regolament u jiġi żgurat il-funzjonament xieraq tas-suq intern, ir-rekwiżiti rilevanti stabbiliti fil-Kapitolu III, it-Taqsima 2 ta’ dan ir-Regolament jenħtieġ li jitqiesu li jikkostitwixxu rekwiżiti essenzjali tas-saħħa u s-sikurezza għas-sistemi tal-IA b’riskju għoli koperti mil-leġiżlazzjoni tal-Unjoni dwar l-armonizzazzjoni elenkata fl-Anness I u jenħtieġ li jiġu applikati b’mod konsistenti u koerenti f’dawk l-oqfsa settorjali. Għal dan il-għan, jenħtieġ li l-Kummissjoni tkun intitolata tadotta atti delegati filwaqt li tqis ir-rekwiżiti stabbiliti fil-Kapitolu III, it-Taqsima 2 ta’ dan ir-Regolament fir-rigward tal-applikazzjoni tagħhom għas-sistemi tal-IA li jaqgħu fil-kamp ta’ applikazzjoni tiegħu kif ukoll l-istandards armonizzati rilevanti. Meta tagħmel dan, jenħtieġ li l-Kummissjoni ma tmurx lil hinn mir-rekwiżiti stabbiliti fir-Regolament (UE) 2024/1689 għal dan il-għan u jenħtieġ li tqis il-kuntest speċifiku tal-leġiżlazzjoni settorjali. Qabel ma tadotta l-atti msemmija fl-ewwel subparagrafu, jenħtieġ li l-Kummissjoni twettaq konsultazzjonijiet miftuħa u trasparenti mal-partijiet ikkonċernati rilevanti, inklużi l-awtoritajiet kompetenti, il-korpi notifikati, is-soċjetà ċivili u l-industrija.

Emenda 26Proposta għal regolamentPremessa 25a (ġdida)

(25a)Meta jimplimentaw u jinfurzaw dan ir-Regolament, jenħtieġ li l-awtoritajiet nazzjonali kompetenti, l-Uffiċċju għall-IA u l-Kummissjoni jqisu l-objettivi stabbiliti fl-Artikolu 1(1) tar-Regolament (UE) 2024/1689 u jsegwu l-prinċipji tan-neċessità, tal-proporzjonalità, taċ-ċertezza legali u tan-newtralità teknoloġika, waqt li fl-istess ħin jiżguraw li l-piżijiet amministrattivi u ta’ konformità bla bżonn jiġu minimizzati.

Emenda 27Proposta għal regolamentArtikolu 1 – paragrafu 1 – punt 2Regolament (UE) 2024/1689Artikolu 2 – paragrafu 2

2.Għas-sistemi tal-IA klassifikati bħala sistemi tal-IA b’riskju għoli f’konformità mal-Artikolu 6(1) relatati ma’ prodotti koperti mil-leġiżlazzjoni tal-Unjoni dwar l-armonizzazzjoni elenkata fit-Taqsima B tal-Anness I, japplikaw biss l-Artikolu 6(1), l-Artikolu 60a, l-Artikoli 102 sa 109 u l-Artikoli 111 u 112. L-Artikolu 57 għandu japplika biss sa fejn ir-rekwiżiti għas-sistemi tal-IA b’riskju għoli skont dan ir-Regolament ikunu ġew integrati f’dik il-leġiżlazzjoni tal-Unjoni dwar l-armonizzazzjoni.;

2.Għas-sistemi tal-IA klassifikati bħala sistemi tal-IA b’riskju għoli f’konformità mal-Artikolu 6(1) relatati ma’ prodotti koperti mil-leġiżlazzjoni tal-Unjoni dwar l-armonizzazzjoni elenkata fl-Anness I, għandhom japplikaw biss l-Artikolu 6(1), l-Artikolu 60a, l-Artikoli 102 sa 109, l-Artikoli 110a-110l u l-Artikoli 111 u 112. L-Artikolu 57 għandu japplika biss sa fejn ir-rekwiżiti għas-sistemi tal-IA b’riskju għoli skont dan ir-Regolament ikunu ġew integrati f’dik il-leġiżlazzjoni tal-Unjoni dwar l-armonizzazzjoni.;

Emenda 28Proposta għal regolamentArtikolu 1 – paragrafu 1 – punt 4Regolament (UE) 2024/1689Artikolu 4 – paragrafu 1

“Il-Kummissjoni u l-Istati Membri għandhom jinkoraġġixxu lill-fornituri u lill-implimentaturi tas-sistemi tal-IA biex jieħdu miżuri biex jiżguraw livell suffiċjenti ta’ litteriżmu fl-IA tal-persunal tagħhom u ta’ persuni oħra relatati mat-tħaddim u l-użu ta’ sistemi tal-IA f’isimhom, filwaqt li jitqiesu l-għarfien, l-esperjenza, il-livell edukattiv u t-taħriġ tekniku tagħhom u l-kuntest li fih ikunu se jintużaw is-sistemi tal-IA, u b’kunsiderazzjoni għall-persuni jew għall-gruppi ta’ persuni li s-sistemi tal-IA jkunu se jintużaw fuqhom.;

1. “Il-fornituri u l-implimentaturi tas-sistemi tal-IA għandhom jieħdu miżuri biex jappoġġaw it-titjib fil-litteriżmu fl-IA tal-persunal tagħhom u ta’ persuni oħra relatati mat-tħaddim u l-użu ta’ sistemi tal-IA f’isimhom, filwaqt li jitqiesu l-għarfien, l-esperjenza, l-edukazzjoni u t-taħriġ tekniċi tagħhom u l-kuntest li fih ikunu se jintużaw is-sistemi tal-IA, u b’kunsiderazzjoni għall-persuni jew għall-gruppi ta’ persuni li s-sistemi tal-IA jkunu se jintużaw fuqhom. Dan l-obbligu ma jkopri l-ebda garanzija ta’ livell speċifiku ta’ litteriżmu fl-IA ta’ kwalunkwe individwu.;

Emenda 29Proposta għal regolamentArtikolu 1 – paragrafu 1 – punt 4Regolament (UE) 2024/1689Artikolu 4 – paragrafu 1a (ġdid)

(1a) Il-Kummissjoni għandha toħroġ gwida dwar l-implimentazzjoni prattika tal-obbligu fuq il-fornituri u l-implimentaturi tas-sistemi tal-IA skont il-paragrafu 1.

Emenda 30Proposta għal regolamentArtikolu 1 – paragrafu 1 – punt 4Regolament (UE) 2024/1689Artikolu 4 – paragrafu 1b (ġdid)

(1b) Il-Kummissjoni u l-Istati Membri għandhom jinkoraġġixxu u jappoġġaw il-litteriżmu fl-IA fis-soċjetà u fost il-popolazzjoni ġenerali u jappoġġaw, jiffaċilitaw u jikkomplementaw l-isforzi tal-fornituri u tal-implimentaturi tas-sistemi tal-IA, b’mod partikolari l-SMEs, pereżempju permezz tal-ħolqien ta’ Sħubijiet Pubbliċi-Privati biex jissodisfaw l-obbligu tagħhom skont il-paragrafu 1.;

Emenda 31Proposta għal regolamentArtikolu 1 – paragrafu 1 – punt 5Regolament (UE) 2024/1689Artikolu 4a (ġdid) – paragrafu 1

1.Sal-punt li jkun meħtieġ biex ikunu żgurati s-sejbien u l-korrezzjoni tal-preġudizzji fir-rigward tas-sistemi tal-IA b’riskju għoli f’konformità mal-Artikolu 10(2), il-punti (f) u (g), ta’ dan ir-Regolament, il-fornituri ta’ tali sistemi jistgħu jipproċessaw b’mod eċċezzjonali kategoriji speċjali tad-data personali, soġġetti għal salvagwardji xierqa għad-drittijiet u l-libertajiet fundamentali tal-persuni fiżiċi. Minbarra s-salvagwardji stipulati fir-Regolamenti (UE) 2016/679 u (UE) 2018/1725 u d-Direttiva (UE) 2016/680, kif applikabbli, biex isir tali pproċessar għandhom jiġu ssodisfati l-kundizzjonijiet kollha li ġejjin:

1.Sal-punt li jkun strettament meħtieġ biex ikunu żgurati s-sejbien u l-korrezzjoni tal-preġudizzji fir-rigward tas-sistemi tal-IA b’riskju għoli f’konformità mal-Artikolu 10(2), il-punti (f) u (g), ta’ dan ir-Regolament, il-fornituri ta’ tali sistemi jistgħu jipproċessaw b’mod eċċezzjonali kategoriji speċjali tad-data personali, soġġetti għal salvagwardji xierqa għad-drittijiet u l-libertajiet fundamentali tal-persuni fiżiċi. Minbarra s-salvagwardji stipulati fir-Regolamenti (UE) 2016/679 u (UE) 2018/1725 u d-Direttiva (UE) 2016/680, kif applikabbli, biex isir tali pproċessar għandhom jiġu ssodisfati l-kundizzjonijiet kollha li ġejjin:

Emenda 32Proposta għal regolamentArtikolu 1 – paragrafu 1 – punt 5Regolament (UE) 2024/1689Artikolu 4a (ġdid) – paragrafu 2

2.Il-paragrafu 1 jista’ japplika għall-fornituri u l-implimentaturi ta’ sistemi u mudelli tal-IA oħrajn u għall-implimentaturi ta’ sistemi tal-IA b’riskju għoli meta jkun meħtieġ u proporzjonat jekk l-ipproċessar isir għall-finijiet stipulati fih u diment li jiġu ssodisfati l-kundizzjonijiet stipulati fis-salvagwardji ta’ dan il-paragrafu.;

2.Il-fornituri u l-implimentaturi ta’ sistemi u mudelli tal-IA oħrajn u l-implimentaturi ta’ sistemi tal-IA b’riskju għoli jistgħu b’mod eċċezzjonali jipproċessaw kategoriji speċjali ta’ data personali sal-punt fejn:

(a) l-ipproċessar huwa meħtieġ biex jiżgura s-sejbien u l-korrezzjoni tal-preġudizzji fid-dawl ta’ preġudizzji possibbli li x’aktarx jaffettwaw is-saħħa u s-sikurezza tal-persuni, ikollhom impatt negattiv fuq id-drittijiet fundamentali jew iwasslu għal diskriminazzjoni pprojbita skont id-dritt tal-Unjoni, speċjalment meta l-outputs tad-data jinfluwenzaw l-inputs għal operazzjonijiet futuri; u

(b) jiġu applikati l-kundizzjonijiet u s-salvagwardji kollha stipulati fil-paragrafu 1.

Dan il-paragrafu ma joħloq l-ebda obbligu li jitwettqu tali sejbien u korrezzjoni tal-preġudizzji.”

Emenda 33Proposta għal regolamentArtikolu 1 – paragrafu 1 – punt 5a (ġdid)Regolament (UE) 2024/1689Artikolu 5 – paragrafu 1 – subparagrafu 1 – punt ha (ġdid)

(5a)fl-Artikolu 5, il-paragrafu 1, is-subparagrafu 1, jiżdied il-punt li ġej:

(ha) l-introduzzjoni fis-suq, it-tqegħid fis-servizz jew l-użu ta’ sistema tal-IA li tibdel, timmanipula jew tiġġenera b’mod artifiċjali immaġnijiet jew videos realistiċi sabiex tirrappreżenta attivitajiet sesswalment espliċiti jew il-partijiet intimi ta’ persuna fiżika identifikabbli, mingħajr il-kunsens tagħha.

Din il-projbizzjoni ma tapplikax għall-fornituri jew għall-implimentaturi ta’ sistemi tal-IA li jkunu stabbilew miżuri effettivi tas-sikurezza biex jipprevjenu l-ġenerazzjoni ta’ tali rappreżentazzjonijiet u biex jiġi evitat l-użu ħażin kontinwament, wara li s-sistema tkun introdotta fis-suq jew imqiegħda fis-servizz, minkejja l-intenzjoni tal-fornitur jew tal-implimentatur.

Din il-projbizzjoni ma għandhiex tipprevjeni lill-fornituri tal-IA milli jiżviluppaw kwalunkwe kapaċità msemmija fl-ewwel subparagrafu.

Emenda 34Proposta għal regolamentArtikolu 1 – paragrafu 1 – punt 5b (ġdid)Regolament (UE) 2024/1689Artikolu 6 – paragrafu 1

(5b)l-Artikolu 6(1) huwa emendat kif ġej:

1.Irrispettivament minn jekk sistema tal-IA tiġix introdotta fis-suq jew imqiegħda fis-servizz b’mod indipendenti mill-prodotti msemmija fil-punti (a) u (b), dik is-sistema tal-IA għandha titqies bħala riskju għoli jekk tkun tissodisfa ż-żewġ kundizzjonijiet li ġejjin:

“1. Irrispettivament minn jekk sistema tal-IA tiġix introdotta fis-suq jew imqiegħda fis-servizz b’mod indipendenti mill-prodotti msemmija fil-punti (a) u (b), dik is-sistema tal-IA għandha titqies bħala riskju għoli jekk tkun tissodisfa ż-żewġ kundizzjonijiet li ġejjin:

(a)is-sistema tal-IA hija maħsuba biex tintuża bħala komponent tas-sikurezza ta’ prodott, jew is-sistema tal-IA tkun hi stess prodott, kopert bil-leġiżlazzjoni tal-Unjoni dwar l-armonizzazzjoni elenkata fl-Anness I;

(a)is-sistema tal-IA hija maħsuba biex tintuża bħala komponent tas-sikurezza ta’ prodott u l-funzjonalità tiegħu hija meħtieġa biex jiġi żgurat li l-prodott jew is-sistema tal-IA jikkonformaw mar-rekwiżiti tas-sikurezza applikabbli tal-Unjoni, jew is-sistema tal-IA tkun hi stess prodott, kopert bil-leġiżlazzjoni tal-Unjoni dwar l-armonizzazzjoni elenkata fl-Anness I;

(b)il-prodott li l-komponent tas-sikurezza tiegħu skont il-punt (a) huwa s-sistema tal-IA, jew is-sistema tal-IA hi stess bħala prodott, jeħtieġ issirlu valutazzjoni tal-konformità minn parti terza, bil-ħsieb li dak il-prodott jiġi introdott fis-suq jew imqiegħed fis-servizz skont il-leġiżlazzjoni tal-Unjoni dwar l-armonizzazzjoni elenkata fl-Anness I.

(b)il-prodott li l-komponent tas-sikurezza tiegħu skont il-punt (a) huwa s-sistema tal-IA, jew is-sistema tal-IA hi stess bħala prodott, jeħtieġ li ssirilhom valutazzjoni tal-konformità minn parti terza, bil-ħsieb li dak il-prodott jiġi introdott fis-suq jew jitqiegħed fis-servizz skont il-leġiżlazzjoni tal-Unjoni dwar l-armonizzazzjoni elenkata fl-Anness I.”

Emenda 35Proposta għal regolamentArtikolu 1 – paragrafu 1 – punt 5c (ġdid)Regolament (UE) 2024/1689Artikolu 6 – paragrafu 1a (ġdid)

(5c)Fl-Artikolu 6, jiżdied il-paragrafu 1a:

“1a. Għall-finijiet ta’ dan ir-Regolament, il-funzjonalitajiet maħsuba biss għall-assistenza tal-utent, għall-ottimizzazzjoni tal-prestazzjoni, għall-effiċjenza tas-servizz, għall-awtomatizzazzjoni, għall-konvenjenza, jew għall-kontroll tal-kwalità ta’ aspetti mhux relatati mas-sikurezza ma għandhomx jitqiesu bħala funzjonijiet tas-sikurezza skont dan ir-Regolament, meta l-falliment tagħhom ma joħloqx direttament riskji għas-saħħa jew għas-sikurezza.”

Emenda 36Proposta għal regolamentArtikolu 1 – paragrafu 1 – punt 6Regolament (UE) 2024/1689Artikolu 6 – paragrafu 4

(6)fl-Artikolu 6, il-paragrafu 4 huwa sostitwit b’dan li ġej:

imħassar

“4. Fornitur li jkun jidhirlu li sistema tal-IA msemmija fl-Anness III mhix b’riskju għoli għandu jiddokumenta l-valutazzjoni tiegħu qabel ma dik is-sistema tiġi introdotta fis-suq jew titqiegħed fis-servizz. Meta jintalab mill-awtoritajiet nazzjonali kompetenti, il-fornitur għandu jipprovdi d-dokumentazzjoni tal-valutazzjoni.;”

Emenda 37Proposta għal regolamentArtikolu 1 – paragrafu 1 – punt 9a (ġdid)Regolament (UE) 2024/1689Artikolu 25 – paragrafu 2

(9a)L-Artikolu 25(2) huwa sostitwit b’dan li ġej:

2.Meta jseħħu ċ-ċirkostanzi msemmijin fil-paragrafu 1, il-fornitur li inizjalment ikun introduċa s-sistema tal-IA fis-suq jew qegħedha fis-servizz m’għandux jibqa’ jitqies bħala fornitur ta’ dik is-sistema speċifika tal-IA għall-finijiet ta’ dan ir-Regolament. Dak il-fornitur inizjali għandu jikkoopera mill-qrib ma fornituri ġodda u għandu jagħmel disponibbli l-informazzjoni meħtieġa u jipprovdi l-aċċess tekniku raġonevolment mistenni u assistenza oħra meħtieġa għat-twettiq tal-obbligi stipulati f’dan ir-Regolament, b’mod partikolari fir-rigward tal-konformità mal-valutazzjoni tal-konformità tas-sistemi tal-IA b’riskju għoli. Dan il-paragrafu m’għandux japplika f’każijiet fejn il-fornitur inizjali jkun speċifika b’mod ċar li s-sistema tal-IA tiegħu m’għandhiex tinbidel f’sistema tal-IA b’riskju għoli u għalhekk ma taqax taħt l-obbligu li jgħaddi d-dokumentazzjoni.

“2. Meta jseħħu ċ-ċirkostanzi msemmijin fil-paragrafu 1, il-fornitur li inizjalment ikun introduċa s-sistema tal-IA fis-suq jew qegħidha fis-servizz ma għandux jibqa’ jitqies bħala fornitur ta’ dik is-sistema speċifika tal-IA għall-finijiet ta’ dan ir-Regolament.

Dak il-fornitur inizjali, kif ukoll il-fornituri ta’ mudelli tal-IA bi skop ġenerali li l-mudelli tagħhom ikunu integrati f’sistemi tal-IA b’riskju għoli, għandhom jikkooperaw mill-qrib ma’ fornituri ġodda u għandhom jagħmlu disponibbli l-informazzjoni meħtieġa u jipprovdu l-aċċess tekniku raġonevolment mistenni u assistenza oħra meħtieġa għat-twettiq tal-obbligi stipulati f’dan ir-Regolament, b’mod partikolari fir-rigward tal-konformità mal-valutazzjoni tal-konformità tas-sistemi tal-IA b’riskju għoli.

Dan l-obbligu għandu jinkludi:

(a) il-forniment ta’ dokumentazzjoni teknika suffiċjenti biex tiġi vvalutata l-konformità mar-rekwiżiti tal-Artikolu 16;

(b) id-divulgazzjoni tal-limitazzjonijiet u l-modalitajiet ta’ falliment magħrufa li jistgħu jaffettwaw applikazzjonijiet b’riskju għoli;

Dan il-paragrafu ma għandux japplika f’każijiet fejn il-fornitur inizjali jkun speċifika b’mod ċar li s-sistema tal-IA tiegħu ma għandhiex tinbidel f’sistema tal-IA b’riskju għoli u għalhekk ma taqax taħt l-obbligu li jgħaddi d-dokumentazzjoni.”

Emenda 38Proposta għal regolamentArtikolu 1 – paragrafu 1 – punt 9b (ġdid)Regolament (UE) 2024/1689Artikolu 27 – paragrafu 4

(9b)fl-Artikolu 27, il-paragrafu 4 huwa sostitwit b’dan li ġej:

4.Jekk diġà tkun saret konformità ma’ xi wieħed mill-obbligi stabbiliti f’dan l-Artikolu ’permezz tal-valutazzjoni tal-impatt fuq il-protezzjoni tad-data skont l-Artikolu 35 tar-Regolament (UE) 2016/679 jew l-Artikolu 27 tad-Direttiva (UE) 2016/680, il-valutazzjoni tal-impatt fuq id-drittijiet fundamentali msemmija fil-paragrafu 1 ta’ dan l-Artikolu għandha tikkomplementa dik il-valutazzjoni tal-impatt fuq il-protezzjoni tad-data.

“4. Jekk diġà tkun saret konformità ma’ xi wieħed mill-obbligi stabbiliti f’dan l-Artikolu permezz tal-valutazzjoni tal-impatt fuq il-protezzjoni tad-data skont l-Artikolu 35 tar-Regolament (UE) 2016/679 jew l-Artikolu 27 tad-Direttiva (UE) 2016/680, l-implimentatur għandu, meta jwettaq il-valutazzjoni tal-impatt fuq id-drittijiet fundamentali msemmija fil-paragrafu 1 ta’ dan l-Artikolu jinkludi kontroreferenzi għat-taqsimiet rilevanti ta’ dik il-valutazzjoni tal-impatt fuq il-protezzjoni tad-data jew jinkludi partijiet rilevanti ta’ dik il-valutazzjoni tal-impatt fuq il-protezzjoni tad-data fil-valutazzjoni tal-impatt fuq id-drittijiet fundamentali.”

Emenda 39Proposta għal regolamentArtikolu 1 – paragrafu 1 – punt 10Regolament (UE) 2024/1689Artikolu 28 – paragrafu 8 (ġdid)

(10)fl-Artikolu 28, jiżdied il-paragrafu 8 li ġej:

L-awtoritajiet tan-notifika ddeżinjati skont dan ir-Regolament responsabbli għas-sistemi tal-IA koperti mil-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I għandhom jiġu stabbiliti, organizzati u mħaddma b’tali mod li jiżguraw li l-korp tal-valutazzjoni tal-konformità li japplika għad-deżinjazzjoni kemm skont dan ir-Regolament kif ukoll skont il-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I għandu jingħata l-possibbiltà li jissottometti applikazzjoni unika u jgħaddi minn proċedura ta’ valutazzjoni unika li għandha tiġi ddeżinjata skont dan ir-Regolament u l-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I, fejn il-leġiżlazzjoni rilevanti tal-Unjoni dwar l-armonizzazzjoni tipprevedi tali applikazzjoni unika u proċedura ta’ valutazzjoni unika.

imħassar

Emenda 40Proposta għal regolamentArtikolu 1 – paragrafu 1 – punt 10Regolament (UE) 2024/1689Artikolu 28 – paragrafu 8 (ġdid) – subparagrafu 1

L-applikazzjoni unika u l-proċedura tal-valutazzjoni unika msemmija f’dan il-paragrafu għandhom ikunu disponibbli wkoll għall-korpi notifikati diġà ddeżinjati skont il-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I, meta dawk il-korpi notifikati japplikaw għal deżinjazzjoni skont dan ir-Regolament, diment li l-leġiżlazzjoni rilevanti tal-Unjoni dwar l-armonizzazzjoni tipprevedi proċedura bħal din.

imħassar

Emenda 41Proposta għal regolamentArtikolu 1 – paragrafu 1 – punt 10Regolament (UE) 2024/1689Artikolu 28 – paragrafu 8(ġdid) – subparagrafu 2

L-applikazzjoni unika u l-proċedura tal-valutazzjoni unika għandha tevita kull duplikazzjoni mhux meħtieġa, tibni fuq il-proċeduri eżistenti għad-deżinjazzjoni skont il-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I, u tiżgura l-konformità mar-rekwiżiti kemm relatati mal-korpi notifikati skont dan ir-Regolament kif ukoll mal-leġiżlazzjoni rilevanti tal-Unjoni dwar l-armonizzazzjoni.;

imħassar

Emenda 42Proposta għal regolamentArtikolu 1 – paragrafu 1 – punt 11Regolament (UE) 2024/1689Artikolu 29 – paragrafu 4 – it-tieni subparagrafu

Il-korpi notifikati ddeżinjati skont xi waħda mil-leġiżlazzjonijiet tal-Unjoni dwar l-armonizzazzjoni elenkata fit-Taqsima A tal-Anness I u li japplikaw għall-valutazzjoni unika msemmija fl-Artikolu 28(8), għandhom jissottomettu l-applikazzjoni unika għall-valutazzjoni lill-awtorità tan-notifika ddeżinjata f’konformità ma’ dik il-leġiżlazzjoni tal-Unjoni dwar l-armonizzazzjoni.

imħassar

Emenda 43Proposta għal regolamentArtikolu 1 – paragrafu 1 – punt 12a (ġdid)Regolament (UE) 2024/1689Artikolu 42 – paragrafu 2a (ġdid)

(12a)Fl-Artikolu 42, jiddaħħal il-paragrafu li ġej:

“2a. Meta sistema tal-IA tkun soġġetta għar-rekwiżiti tar-Regolament (UE) 2024/2847 kif ukoll għar-rekwiżiti stabbiliti fl-Artikolu 15, u meta dawk is-sistemi tal-IA b’riskju għoli jissodisfaw ir-rekwiżiti essenzjali taċ-ċibersigurtà stabbiliti fir-Regolament (UE) 2024/2847, dawn għandhom ikunu preżunti li jikkonformaw mar-rekwiżiti taċ-ċibersigurtà stabbiliti fl-Artikolu 15 sa fejn dawk ir-rekwiżiti jkunu koperti mid-dikjarazzjoni ta’ konformità tal-UE jew partijiet minnha maħruġa skont ir-Regolament (UE) 2024/2847.”;

Emenda 44Proposta għal regolamentArtikolu 1 – paragrafu 1 – punt 13Regolament (UE) 2024/1689Artikolu 43 – paragrafu 3

(13)fl-Artikolu 43, il-paragrafu 3 huwa sostitwit b’dan li ġej:

imħassar

“Għas-sistemi tal-IA b’riskju għoli koperti mil-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I, il-fornitur tas-sistema għandu jimxi mal-proċedura tal-valutazzjoni tal-konformità rilevanti kif meħtieġa skont il-leġiżlazzjoni tal-Unjoni dwar l-armonizzazzjoni rilevanti. Ir-rekwiżiti stipulati fit-Taqsima 2 ta’ dan il-Kapitolu għandhom japplikaw għal dawk is-sistemi tal-IA b’riskju għoli u għandhom ikunu parti minn dik il-valutazzjoni. Għandha tapplika wkoll il-valutazzjoni tas-sistema tal-ġestjoni tal-kwalità stipulata fl-Artikolu 17 u fl-Anness VII.

Għall-finijiet ta’ dik il-valutazzjoni tal-konformità, il-korpi notifikati li jkunu ġew notifikati skont il-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I għandu jkollhom is-setgħa li jivvalutaw il-konformità tas-sistemi tal-IA b’riskju għoli mar-rekwiżiti stipulati fit-Taqsima 2, diment li l-konformità ta’ dawk il-korpi notifikati mar-rekwiżiti stabbiliti fl-Artikolu 31(4), (5), (10) u (11) ikunu ġew ivvalutati fil-kuntest tal-proċedura tan-notifika skont il-leġiżlazzjoni rilevanti tal-Unjoni dwar l-armonizzazzjoni. Mingħajr preġudizzju għall-Artikolu 28, tali korpi notifikati li jkunu ġew notifikati skont il-leġiżlazzjoni tal-Unjoni dwar l-armonizzazzjoni fit-Taqsima A tal-Anness I, għandhom japplikaw għad-deżinjazzjoni f’konformità mat-Taqsima 4 mhux aktar tard minn [18-il xahar minn meta jibda japplika dan ir-Regolament].

Meta leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I tkun tipprovdi l-alternattiva lill-manifattur tal-prodott li ma jiħux sehem f’valutazzjoni tal-konformità ta’ parti terza, diment li dak il-manifattur ikun applika l-istandards armonizzati li jkopru r-rekwiżiti rilevanti kollha, dak il-manifattur jista’ juża dik l-alternattiva biss jekk ikun applika wkoll standards armonizzati jew, meta applikabbli, l-ispeċifikazzjonijiet komuni msemmija fl-Artikolu 41, li jkopru r-rekwiżiti kollha stipulati fit-Taqsima 2 ta’ dan il-Kapitolu.

Meta sistema tal-IA b’riskju għoli tkun koperta mil-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I u tkun ukoll taqa’ f’xi waħda mill-kategoriji elenkati fl-Anness III, il-fornitur tas-sistema għandu jimxi mal-proċedura rilevanti tal-valutazzjoni tal-konformità kif meħtieġ skont il-leġiżlazzjoni rilevanti tal-Unjoni dwar l-armonizzazzjoni elenkata fit-Taqsima A tal-Anness I.;”

Emenda 45Proposta għal regolamentArtikolu 1 – paragrafu 1 – punt 13Regolament (UE) 2024/1689Artikolu 43 – paragrafu 4 – subparagrafu 3

imħassar

Emenda 46Proposta għal regolamentArtikolu 1 – paragrafu 1 – punt 14Regolament (UE) 2024/1689Artikolu 49 – paragrafu 2

(14)fl-Artikolu 49, jitħassar il-paragrafu 2;

imħassar

Emenda 47Proposta għal regolamentArtikolu 1 – paragrafu 1 – punt 15Regolament (UE) 2024/1689Artikolu 50 – paragrafu 7

7.L-Uffiċċju għall-IA għandu jħeġġeġ u jiffaċilita t-tfassil ta’ kodiċijiet ta’ prattika fil-livell tal-Unjoni biex jiffaċilita l-implimentazzjoni effettiva tal-obbligi rigward is-sejbien, l-immarkar u t-tikkettar tal-kontenut iġġenerat jew manipulat b’mod artifiċjali. Il-Kummissjoni tista’ tivvaluta jekk l-osservanza ta’ dawk il-kodiċijiet ta’ prattika hix adegwata biex tiżgura l-konformità mal-obbligu stabbilit fil-paragrafu 2, f’konformità mal-proċedura stabbilita fl-Artikolu 56(6), l-ewwel subparagrafu. Jekk ikun jidhrilha li l-kodiċi ma jkunx adegwat, il-Kummissjoni tista’ tadotta att ta’ implimentazzjoni li jispeċifika regoli komuni għall-implimentazzjoni ta’ dawk l-obbligi f’konformità mal-proċedura ta’ eżami stipulata fl-Artikolu 98(2).;

7.Il-Kummissjoni għandha tħeġġeġ u tiffaċilita t-tfassil ta’ kodiċijiet ta’ prattika fil-livell tal-Unjoni biex tiffaċilita l-implimentazzjoni effettiva tal-obbligi rigward is-sejbien, l-immarkar u t-tikkettar tal-kontenut iġġenerat jew manipulat b’mod artifiċjali. Il-Kummissjoni għandha tivvaluta jekk l-aderenza ma’ dawk il-kodiċijiet ta’ prattika hijiex adegwata biex tiżgura l-konformità mal-obbligu stabbilit fil-paragrafu 2, f’konformità mal-proċedura stabbilita fl-Artikolu 56(6), l-ewwel subparagrafu. Jekk ikun jidhrilha li l-kodiċi ma jkunx adegwat, il-Kummissjoni tista’ tadotta att ta’ implimentazzjoni li jispeċifika regoli komuni għall-implimentazzjoni ta’ dawk l-obbligi f’konformità mal-proċedura ta’ eżami stipulata fl-Artikolu 98(2).;

Emenda 48Proposta għal regolamentArtikolu 1 – paragrafu 1 – punt 16Regolament (UE) 2024/1689Artikolu 56 – paragrafu 6

6.Il-Kummissjoni u l-Bord għandhom jimmonitorjaw u jevalwaw regolarment il-kisba tal-objettivi tal-kodiċijiet ta’ prattika mill-parteċipanti u l-kontribut tagħhom għall-applikazzjoni korretta ta’ dan ir-Regolament. Il-Kummissjoni, filwaqt li tqis bl-akbar attenzjoni l-opinjoni tal-Bord, għandha tivvaluta jekk il-kodiċijiet ta’ prattika jkoprux l-obbligi previsti fl-Artikoli 53 u 55, u għandha timmonitorja u tevalwa regolarment il-kisba tal-objettivi tagħhom. Il-Kummissjoni għandha tippubblika l-valutazzjoni tagħha tal-adegwatezza tal-kodiċijiet ta’ prattika.;

6.Il-Kummissjoni u l-Bord għandhom jimmonitorjaw u jevalwaw regolarment il-kisba tal-objettivi tal-kodiċijiet ta’ prattika mill-parteċipanti u l-kontribut tagħhom għall-applikazzjoni korretta ta’ dan ir-Regolament. Il-Kummissjoni, filwaqt li tqis bl-akbar attenzjoni l-opinjoni tal-Bord u ta’ awtoritajiet kompetenti rilevanti oħra, għandha tivvaluta jekk il-kodiċijiet ta’ prattika jkoprux l-obbligi previsti fl-Artikoli 53 u 55, u għandha timmonitorja u tevalwa regolarment il-kisba tal-objettivi tagħhom. Il-Kummissjoni għandha tippubblika l-valutazzjoni tagħha tal-adegwatezza tal-kodiċijiet ta’ prattika.;

Emenda 49Proposta għal regolamentArtikolu 1 – paragrafu 1 – punt 17 – punt aRegolament (UE) 2024/1689Artikolu 57 – paragrafu 3a (ġdid)

L-Uffiċċju għall-IA jista’ jistabbilixxi wkoll ambjenti tal-esperimentazzjoni regolatorja għall-IA fil-livell tal-Unjoni għas-sistemi tal-IA koperti mill-Artikolu 75(1). Dawn l-ambjenti tal-esperimentazzjoni regolatorja għall-IA għandhom jiġu implimentati b’kooperazzjoni mill-qrib mal-awtoritajiet kompetenti rilevanti, b’mod partikolari meta l-leġiżlazzjoni tal-Unjoni apparti dan ir-Regolament tkun sorveljata fl-ambjent tal-esperimentazzjoni regolatorja għall-IA, u għandhom jipprovdu aċċess prijoritarju għall-SMEs.;

(3a) L-Uffiċċju għall-IA jista’ jistabbilixxi wkoll ambjent tal-esperimentazzjoni regolatorja għall-IA fil-livell tal-Unjoni għas-sistemi tal-IA koperti mill-Artikolu 75(1). Dan l-ambjent tal-esperimentazzjoni regolatorja għall-IA għandu jiġu implimentat b’kooperazzjoni mill-qrib mal-awtoritajiet kompetenti rilevanti, b’mod partikolari meta l-leġiżlazzjoni tal-Unjoni apparti dan ir-Regolament tkun sorveljata fl-ambjent tal-esperimentazzjoni regolatorja għall-IA, u għandu jipprovdi aċċess prijoritarju għall-SMEs, inklużi n-negozji ġodda.;

L-Uffiċċju għall-IA għandu jiżgura li, sa fejn is-sistemi innovattivi tal-IA msemmija fil-paragrafu 5 jinvolvu l-ipproċessar ta’ data personali jew inkella jaqgħu fil-mandat superviżorju ta’ awtoritajiet nazzjonali jew awtoritajiet kompetenti oħra li jipprovdu jew jappoġġaw l-aċċess għad-data, l-awtoritajiet nazzjonali tal-protezzjoni tad-data, l-EDPB u dawk l-awtoritajiet nazzjonali jew kompetenti l-oħra jkunu assoċjati mat-tħaddim tal-ambjent ta’ esperimentazzjoni regolatorja għall-IA stabbilit fil-livell tal-Unjoni u involuti fis-superviżjoni ta’ dawk l-aspetti sal-limitu li jkunu relatati mal-kompiti u mas-setgħat rispettivi tagħhom, f’konformità mar-Regolament (UE) 2016/679, ir-Regolament (UE) 2018/1725 u r-Regolament (UE) 2018/680.;

Emenda 50Proposta għal regolamentArtikolu 1 – paragrafu 1 – punt 17 – punt bRegolament (UE) 2024/1689Artikolu 57 – paragrafu 5

5.L-ambjenti tal-esperimentazzjoni regolatorja għall-IA stabbiliti skont dan l-Artikolu għandhom jipprevedu ambjent ikkontrollat li jrawwem l-innovazzjoni u jiffaċilita l-iżvilupp, it-taħriġ, l-ittestjar u l-validazzjoni ta’ sistemi innovattivi tal-IA għal żmien limitat qabel l-introduzzjoni tagħhom fis-suq jew it-tqegħid tagħhom fis-servizz skont pjan speċifiku tal-ambjent tal-esperimentazzjoni miftiehem bejn il-fornituri jew il-fornituri prospettivi u l-awtorità kompetenti, filwaqt li jkunu żgurati s-salvagwardji xierqa. Tali ambjenti tal-esperimentazzjoni jistgħu jinkludu ttestjar f’kundizzjonijiet tad-dinja reali bis-superviżjoni. Meta applikabbli, il-pjan tal-ambjent tal-esperimentazzjoni għandu jinkorpora l-pjan tal-ittestjar fid-dinja reali f’dokument wieħed.;

5.L-ambjenti tal-esperimentazzjoni regolatorja għall-IA stabbiliti skont dan l-Artikolu għandhom jipprevedu ambjent ikkontrollat li jrawwem l-innovazzjoni u jiffaċilita l-iżvilupp, it-taħriġ, l-ittestjar u l-validazzjoni ta’ sistemi innovattivi tal-IA għal żmien limitat qabel l-introduzzjoni tagħhom fis-suq jew it-tqegħid tagħhom fis-servizz skont pjan speċifiku tal-ambjent tal-esperimentazzjoni miftiehem bejn il-fornituri jew il-fornituri prospettivi u l-awtoritajiet kompetenti, filwaqt li jkunu żgurati s-salvagwardji xierqa. Tali ambjenti tal-esperimentazzjoni jistgħu jinkludu ttestjar f’kundizzjonijiet tad-dinja reali bis-superviżjoni fihom. Meta applikabbli, il-pjan tal-ambjent tal-esperimentazzjoni għandu jinkorpora l-pjan tal-ittestjar fid-dinja reali f’dokument wieħed.;

Emenda 51Proposta għal regolamentArtikolu 1 – paragrafu 1 – punt 17 – punt eRegolament (UE) 2024/1689Artikolu 57 – paragrafu 14

14.L-awtoritajiet nazzjonali kompetenti għandhom jikkoordinaw l-attivitajiet tagħhom u jikkooperaw fil-qafas tal-Bord. Dawn għandhom jappoġġaw l-istabbiliment konġunt u l-operat ta’ ambjenti tal-esperimentazzjoni regolatorja għall-IA, inkluż f’setturi differenti.”;

14.L-awtoritajiet nazzjonali kompetenti għandhom jikkoordinaw l-attivitajiet tagħhom u jikkooperaw fil-qafas tal-Bord. Dawn għandhom jappoġġaw l-istabbiliment konġunt u l-operat ta’ ambjenti ta’ esperimentazzjoni regolatorja għall-IA, inkluż f’setturi differenti.”;

Meta jsiru diskussjonijiet fil-qafas tal-Bord, il-Kontrollur Ewropew għall-Protezzjoni tad-Data u l-uffiċċju tal-IA għandhom, bħala parti mir-rwoli tagħhom fil-Bord, jipprovdu wkoll il-feedback tagħhom u jiskambjaw l-aħjar prattiki dwar kwistjonijiet relatati mal-istabbiliment u mat-tħaddim ta’ ambjenti ta’ esperimentazzjoni regolatorja għall-IA stabbiliti skont il-kompetenzi rispettivi tagħhom.;

Emenda 52Proposta għal regolamentArtikolu 1 – paragrafu 1 – punt 18Regolament (UE) 2024/1689Artikolu 58 – paragrafu 1 – punt d (ġdid)

(d)ir-regoli dettaljati applikabbli għall-governanza tal-ambjenti tal-esperimentazzjoni regolatorja għall-IA koperti skont l-Artikolu 57, inkluż fir-rigward tal-eżerċitar tal-kompiti tal-awtoritajiet kompetenti u l-koordinazzjoni u l-kooperazzjoni fil-livell nazzjonali u tal-UE.;

(d)ir-regoli dettaljati applikabbli għall-governanza tal-ambjenti tal-esperimentazzjoni regolatorja għall-IA koperti skont l-Artikolu 57, inkluż fir-rigward tal-eżerċitar tal-kompiti tal-awtoritajiet kompetenti, l-involviment u s-superviżjoni mill-awtoritajiet kompetenti għall-protezzjoni tad-data u l-koordinazzjoni u l-kooperazzjoni fil-livell nazzjonali u tal-UE.;

Emenda 53Proposta għal regolamentArtikolu 1 – paragrafu 1 – punt 19 – punt aRegolament (UE) 2024/1689Artikolu 60 – paragrafu 1

“L-ittestjar tas-sistemi tal-IA b’riskju għoli f’kundizzjonijiet tad-dinja reali barra minn ambjenti tal-esperimentazzjoni regolatorja għall-IA jistgħu jagħmluh fornituri jew fornituri prospettivi tas-sistemi tal-IA b’riskju għoli elenkati fl-Anness III jew koperti mil-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I, f’konformità ma’ dan l-Artikolu u mal-pjan tal-ittestjar fid-dinja reali msemmi f’dan l-Artikolu, mingħajr preġudizzju għall-projbizzjonijiet skont l-Artikolu 5.”;

1.L-ittestjar ta’ sistemi tal-IA b’riskju għoli f’kundizzjonijiet tad-dinja reali barra minn ambjenti ta’ esperimentazzjoni regolatorja għall-IA jista’ jitwettaq mill-fornituri jew mill-fornituri prospettivi tas-sistemi tal-IA b’riskju għoli elenkati fl-Anness III, f’konformità ma’ dan l-Artikolu u mal-pjan ta’ ttestjar fid-dinja reali msemmi f’dan l-Artikolu, mingħajr preġudizzju għall-projbizzjonijiet skont l-Artikolu 5.”;

Emenda 54Proposta għal regolamentArtikolu 1 – paragrafu 1 – punt 19 – punt bRegolament (UE) 2024/1689Artikolu 60 – paragrafu 2

2.Il-fornituri jew il-fornituri prospettivi jistgħu jwettqu l-ittestjar tas-sistemi tal-IA b’riskju għoli msemmija fl-Anness III jew koperti mil-leġiżlazzjoni tal-Unjoni dwar l-armonizzazzjoni elenkata fit-Taqsima A tal-Anness I f’kundizzjonijiet tad-dinja reali fi kwalunkwe ħin qabel l-introduzzjoni fis-suq jew it-tqegħid fis-servizz tas-sistema tal-IA, waħedhom jew bi sħubija ma’ implimentatur jew implimentatur prospettiv wieħed jew aktar.”;

2.Il-fornituri jew il-fornituri prospettivi jistgħu jwettqu ttestjar tas-sistemi tal-IA b’riskju għoli msemmija fl-Anness III f’kundizzjonijiet tad-dinja reali fi kwalunkwe ħin qabel l-introduzzjoni fis-suq jew it-tqegħid fis-servizz tas-sistema tal-IA waħedhom jew fi sħubija ma’ implimentatur jew implimentatur prospettiv wieħed jew aktar.”;

Emenda 55Proposta għal regolamentArtikolu 1 – paragrafu 1 – punt 20Regolament (UE) 2024/1689Artikolu 60a (ġdid) – paragrafu 3

3.L-Istati Membri, il-Kummissjoni, l-awtoritajiet tas-sorveljanza tas-suq u l-awtoritajiet pubbliċi responsabbli għall-ġestjoni u t-tħaddim tal-infrastruttura u l-prodotti koperti mil-leġiżlazzjoni tal-Unjoni dwar l-armonizzazzjoni elenkata fit-Taqsima B tal-Anness I għandhom jikkooperaw mill-qrib ma’ xulxin u in bona fide, u għandhom ineħħu kull ostaklu prattiku, inkluż dwar ir-regoli proċedurali li jipprovdu aċċess għall-infrastruttura pubblika fiżika, meta dan ikun meħtieġ, biex il-ftehim volontarju tal-ittestjar f’kundizzjonijiet tad-dinja reali jiġi implimentat b’suċċess u jiġu ttestjati l-prodotti li jużaw l-IA koperti mil-leġiżlazzjoni tal-Unjoni dwar l-armonizzazzjoni elenkata fit-Taqsima B tal-Anness.

3.L-Istati Membri, il-Kummissjoni, u l-awtoritajiet kompetenti nazzjonali bħall-awtoritajiet tas-sorveljanza tas-suq u l-awtoritajiet pubbliċi responsabbli għall-ġestjoni u t-tħaddim tal-infrastruttura u l-prodotti koperti mil-leġiżlazzjoni tal-Unjoni dwar l-armonizzazzjoni elenkata fit-Taqsima B tal-Anness I għandhom jikkooperaw mill-qrib ma’ xulxin u in bona fide, u għandhom ineħħu kull ostaklu prattiku, inkluż dwar ir-regoli proċedurali li jipprovdu aċċess għall-infrastruttura pubblika fiżika, meta dan ikun meħtieġ, biex il-ftehim volontarju tal-ittestjar f’kundizzjonijiet tad-dinja reali jiġi implimentat b’suċċess u jiġu ttestjati l-prodotti li jużaw l-IA koperti mil-leġiżlazzjoni tal-Unjoni dwar l-armonizzazzjoni elenkata fit-Taqsima B tal-Anness.

Emenda 56Proposta għal regolamentArtikolu 1 – paragrafu 1 – punt 21Regolament (UE) 2024/1689Artikolu 63 – paragrafu 1

1.L-SMEs, inkluż in-negozji ġodda, jistgħu jikkonformaw ma’ ċerti elementi tas-sistema tal-ġestjoni tal-kwalità meħtieġa mill-Artikolu 17 b’mod simplifikat. Għal dak l-għan, il-Kummissjoni għandha tiżviluppa linji gwida dwar l-elementi tas-sistema tal-ġestjoni tal-kwalità li tista’ tinżamm konformità magħhom b’mod simplifikat meta jitqiesu l-ħtiġijiet tal-SMEs, bla ma jiġi affettwat il-livell tal-protezzjoni jew il-ħtieġa ta’ konformità mar-rekwiżiti fir-rigward tas-sistemi tal-IA b’riskju għoli.;

1.L-SMEs, inkluż l-istart-ups u l-mikrointrapriżi, jistgħu jikkonformaw ma’ ċerti elementi tas-sistema tal-ġestjoni tal-kwalità meħtieġa mill-Artikolu 17 b’mod simplifikat. Għal dak l-għan, il-Kummissjoni għandha tiżviluppa linji gwida dwar l-elementi tas-sistema tal-ġestjoni tal-kwalità li tista’ tinżamm konformità magħhom b’mod simplifikat meta jitqiesu l-ħtiġijiet tal-SMEs u tal-mikrointrapriżi, bla ma jiġi affettwat il-livell tal-protezzjoni jew il-ħtieġa ta’ konformità mar-rekwiżiti fir-rigward tas-sistemi tal-IA b’riskju għoli.”;

Emenda 57Proposta għal regolamentArtikolu 1 – paragrafu 1 – punt 21a (ġdid)Regolament (UE) 2024/1689Artikolu 64 – paragrafu 2a (ġdid)

(21a)Fl-Artikolu 64, jiżdied il-paragrafu 2a:

“(2a) Mingħajr preġudizzju għall-proċedura baġitarja u permezz tal-istrumenti finanzjarji eżistenti, l-Uffiċċju għall-IA għandu jiġi allokat riżorsi umani, finanzjarji u tekniċi adegwati, u l-infrastrutturi biex jaqdi l-kompiti tiegħu, biex ikun jista’ jwettaq id-dmirijiet tiegħu b’mod effettiv u jeżerċita s-setgħat tiegħu b’rabta mal-infurzar tar-Regolament (UE) 2024/1689. B’mod partikolari, l-Uffiċċju għall-IA għandu jkollu għadd suffiċjenti ta’ persunal permanenti disponibbli b’kompetenzi approfonditi u għarfien espert tekniku. Il-Bord għall-IA għandu jivvaluta r-rekwiżiti ta’ kompetenza u tar-riżorsi.”

Emenda 58Proposta għal regolamentArtikolu 1 – paragrafu 1 – punt 22 – punt bRegolament (UE) 2024/1689Artikolu 69 – paragrafu 3

(b)jitħassar il-paragrafu 3.

imħassar

Emenda 59Proposta għal regolamentArtikolu 1 – paragrafu 1 – punt 24Regolament (UE) 2024/1689Artikolu 72 – paragrafu 3

3.Is-sistema tal-monitoraġġ ta’ wara t-tqegħid fis-suq għandha tkun ibbażata fuq pjan tal-monitoraġġ ta’ wara t-tqegħid fis-suq. Il-pjan tal-monitoraġġ ta’ wara t-tqegħid fis-suq għandu jkun parti mid-dokumentazzjoni teknika msemmija fl-Anness IV. Il-Kummissjoni għandha tadotta gwida dwar il-pjan tal-monitoraġġ ta’ wara t-tqegħid fis-suq.;

3.Is-sistema ta’ sorveljanza ta’ wara t-tqegħid fis-suq għandha tkun ibbażata fuq pjan ta’ sorveljanza ta’ wara t-tqegħid fis-suq. Il-pjan ta’ sorveljanza ta’ wara t-tqegħid fis-suq għandu jkun parti mid-dokumentazzjoni teknika msemmija fl-Anness IV. Il-Kummissjoni għandha tadotta gwida dwar il-pjan ta’ sorveljanza ta’ wara t-tqegħid fis-suq, inkluż mudell b’elementi li jridu jiġu inklużi sat-2 ta’ Frar 2027.;

Emenda 60Proposta għal regolamentArtikolu 1 – paragrafu 1 – punt 25 – punt bRegolament (UE) 2024/1689Artikolu 75 – paragrafu 1

Meta sistema tal-IA tkun ibbażata fuq mudell tal-IA bi skop ġenerali, bl-esklużjoni ta’ sistemi tal-IA relatati ma’ prodotti koperti mil-leġiżlazzjoni tal-Unjoni dwar l-armonizzazzjoni elenkata fl-Anness I, u dak il-mudell u dik is-sistema jkunu żviluppati mill-istess fornitur, l-Uffiċċju għall-IA għandu jkun esklużivament kompetenti għas-superviżjoni u l-infurzar ta’ dik is-sistema bl-obbligi ta’ dan ir-Regolament f’konformità mal-kompiti u r-responsabbiltajiet assenjati minnu lill-awtoritajiet tas-sorveljanza tas-suq. L-Uffiċċju għall-IA għandu jkun ukoll esklużivament kompetenti għas-superviżjoni u l-infurzar tal-obbligi skont dan ir-Regolament fir-rigward tas-sistema tal-IA li jikkostitwixxu jew li huma integrati fi pjattaforma online kbira ħafna jew f’magna tat-tiftix online kbira ħafna ddeżinjati skont it-tifsira tar-Regolament (UE) 2022/2065.

1.Meta sistema tal-IA tkun ibbażata fuq mudell tal-IA bi skop ġenerali, bl-esklużjoni ta’ sistemi tal-IA relatati ma’ prodotti koperti mil-leġiżlazzjoni tal-Unjoni dwar l-armonizzazzjoni elenkata fl-Anness I u s-sistemi tal-IA msemmija fl-Anness III, il-punt (2), u dak il-mudell u dik is-sistema jkunu żviluppati mill-istess fornitur jew minn fornituri li jkunu jappartjenu lill-istess grupp ta’ intrapriżi, l-Uffiċċju għall-IA għandu jkollu s-setgħat biex jissupervizza u jinfurza l-obbligi ta’ dan ir-Regolament f’konformità mal-kompiti u r-responsabbiltajiet assenjati minnu lill-awtoritajiet tas-sorveljanza tas-suq. L-Uffiċċju għall-IA għandu jkollu s-setgħat biex jissupervizza u jinfurza l-obbligi skont dan ir-Regolament fir-rigward tas-sistemi tal-IA li jikkostitwixxu jew li huma integrati fi pjattaforma online kbira ħafna jew f’magna tat-tiftix online kbira ħafna ddeżinjati skont it-tifsira tar-Regolament (UE) 2022/2065. Meta l-Kummissjoni ma tkunx bdiet proċedimenti għall-istess ksur, l-awtorità kompetenti ta’ Stat Membru li fih jinsab l-istabbiliment ewlieni tal-fornitur ta’ pjattaforma online kbira ħafna jew ta’ magna tat-tiftix online kbira ħafna, jew li fih ikun stabbilit ir-rappreżentant legali tagħhom, jista’ jkollha s-setgħat li tissorvelja u tinfurza l-obbligi stabbiliti skont dan ir-Regolament.

Minkejja l-ewwel subparagrafu, is-setgħat ta’ superviżjoni u ta’ infurzar tal-Uffiċċju għall-IA, ma jinkludux is-sistemi tal-IA introdotti fis-suq, imqiegħda fis-servizz jew użati mill-istituzzjonijiet, il-korpi u l-organi jew l-aġenziji tal-Unjoni, li huma taħt is-superviżjoni tal-Kontrollur Ewropew għall-Protezzjoni tad-Data skont l-Artikolu 74(9) ta’ dan ir-Regolament.

Emenda 61Proposta għal regolamentArtikolu 1 – paragrafu 1 – punt 25 – punt bRegolament (UE) 2024/1689Artikolu 75 – paragrafu 1 – subparagrafu 2

Meta jeżerċita l-kompiti tiegħu tas-superviżjoni u l-infurzar skont l-ewwel subparagrafu, l-Uffiċċju għall-IA għandu jkollu s-setgħat kollha ta’ awtorità tas-sorveljanza tas-suq previsti f’din it-Taqsima u fir-Regolament (UE) 2019/1020. L-Uffiċċju għall-IA għandu jingħata s-setgħa biex jieħu miżuri u deċiżjonijiet xierqa biex jeżerċita b’mod adegwat is-setgħat tas-superviżjoni u l-infurzar tiegħu. L-Artikolu 14 tar-Regolament (UE) 2019/1020 għandu japplika mutatis mutandis.

Meta jeżerċita l-kompiti tiegħu tas-superviżjoni u l-infurzar skont l-ewwel subparagrafu, l-Uffiċċju għall-IA għandu jkollu s-setgħat kollha ta’ awtorità tas-sorveljanza tas-suq previsti f’din it-Taqsima u fir-Regolament (UE) 2019/1020. L-Uffiċċju għall-IA għandu jieħu miżuri u deċiżjonijiet xierqa biex jeżerċita b’mod adegwat is-setgħat tas-superviżjoni u l-infurzar tiegħu. L-Artikolu 14 tar-Regolament (UE) 2019/1020 għandu japplika mutatis mutandis.

Emenda 62Proposta għal regolamentArtikolu 1 – paragrafu 1 – punt b a (ġdid)Regolament (UE) 2024/1689Artikolu 75 – paragrafu –1a (ġdid)

(ba)fl-Artikolu 75, jiddaħħal il-paragrafu -1a:

“-1a. Fl-implimentazzjoni u l-infurzar ta’ dan ir-Regolament, l-Uffiċċju għall-IA għandu jippromwovi l-innovazzjoni, il-kompetittività u l-protezzjoni tad-drittijiet fundamentali, filwaqt li jqishom fl-eżerċizzju tal-funzjonijiet tiegħu. L-Uffiċċju għall-IA għandu jikkoordina mill-qrib mal-awtoritajiet kompetenti għall-protezzjoni tad-data maħtura skont ir-Regolament (UE) 2016/679 fi kwistjonijiet li jinvolvu l-ipproċessar ta’ data personali li taqa’ fil-kamp ta’ applikazzjoni ta’ dak ir-Regolament.”

Emenda 63Proposta għal regolamentArtikolu 1 – paragrafu 1 – punt 25 – punt cRegolament (UE) 2024/1689Artikolu 75 – paragrafu – 1c

Il-Kummissjoni għandha torganizza u twettaq il-valutazzjonijiet tal-konformità ta’ qabel l-introduzzjoni fis-suq u t-testijiet tas-sistemi tal-IA msemmija fil-paragrafu 1 li huma klassifikati b’riskju għoli u soġġetti għal valutazzjoni tal-konformità minn parti terza skont l-Artikolu 43 qabel ma tali sistemi tal-IA jiġu introdotti fis-suq jew jitqiegħdu fis-servizz. Dawn it-testijiet u l-valutazzjonijiet għandhom jivverifikaw li s-sistemi jikkonformaw mar-rekwiżiti rilevanti ta’ dan ir-Regolament u jistgħu jiġu introdotti fis-suq jew jitqiegħdu fis-servizz fl-Unjoni f’konformità ma’ dan ir-Regolament. Il-Kummissjoni tista’ tafda t-twettiq ta’ dawn it-testijiet jew il-valutazzjonijiet f’idejn il-korpi notifikati ddeżinjati skont dan ir-Regolament, f’liema każ il-korp notifikat għandu jaġixxi f’isem il-Kummissjoni. L-Artikolu 34(1) u (2) għandu japplika mutatis mutandis għall-Kummissjoni meta teżerċita s-setgħat tagħha skont dan il-paragrafu.

1c. Il-Kummissjoni għandha, soġġett għall-Artikolu 28(8), tiżgura li l-valutazzjonijiet tal-konformità ta’ qabel l-introduzzjoni fis-suq u t-testijiet tas-sistemi tal-IA msemmija fil-paragrafu 1 li huma klassifikati b’riskju għoli u soġġetti għal valutazzjoni tal-konformità minn parti terza skont l-Artikolu 43 jitwettqu qabel ma tali sistemi tal-IA jiġu introdotti fis-suq jew jitqiegħdu fis-servizz. Dawn it-testijiet u l-valutazzjonijiet għandhom jivverifikaw li s-sistemi jikkonformaw mar-rekwiżiti rilevanti ta’ dan ir-Regolament u jistgħu jiġu introdotti fis-suq jew jitqiegħdu fis-servizz fl-Unjoni f’konformità ma’ dan ir-Regolament. Il-Kummissjoni għandha tafda t-twettiq ta’ dawn it-testijiet jew il-valutazzjonijiet f’idejn il-korpi notifikati ddeżinjati skont dan ir-Regolament, f’liema każ il-korp notifikat għandu jaġixxi f’isem il-Kummissjoni. L-Artikolu 34(1) u (2) għandu japplika mutatis mutandis għall-Kummissjoni meta teżerċita s-setgħat tagħha skont dan il-paragrafu.

Emenda 64Proposta għal regolamentArtikolu 1 – paragrafu 1 – punt 26 – punt bRegolament (UE) 2024/1689Artikolu 77 – paragrafu 1 – punt b

1.L-awtoritajiet jew il-korpi pubbliċi nazzjonali li jissorveljaw jew jinfurzaw ir-rispett tal-obbligi skont il-liġijiet tal-Unjoni li jipproteġu d-drittijiet fundamentali, inkluż id-dritt ta’ nondiskriminazzjoni, għandu jkollhom is-setgħa li jitolbu u jaċċessaw kull informazzjoni jew dokumentazzjoni maħluqa jew miżmuma mill-awtorità rilevanti tas-sorveljanza tas-suq skont dan ir-Regolament b’lingwaġġ aċċessibbli u format li jinqara mill-magni permezz ta’ mezzi elettroniċi meta l-aċċess għal dik l-informazzjoni jew id-dokumentazzjoni jkun meħtieġ biex jeżegwixxu b’mod effettiv il-mandati tagħhom fil-limiti tal-ġuriżdizzjoni tagħhom. Dan il-paragrafu huwa mingħajr preġudizzju għall-kompiti, is-setgħat u l-indipendenza tal-awtoritajiet jew il-korpi pubbliċi nazzjonali rilevanti skont il-mandati tagħhom f’konformità mad-dritt tal-Unjoni jew nazzjonali;

Emenda 65Proposta għal regolamentArtikolu 1 – paragrafu 1 – punt 26 – punt c − parti introduttorjaRegolament (UE) 2024/1689Artikolu 77 – paragrafu 1a (ġdid)

(c)jiddaħħlu l-paragrafi 1a u 1b li ġejjin:

(c)jiddaħħlu l-paragrafi 1a, 1b u 1ba li ġejjin:

Emenda 66Proposta għal regolamentArtikolu 1 – paragrafu 1 – punt 26 – punt cRegolament (UE) 2024/1689Artikolu 77 – paragrafu 1a (ġdid)

1a.Soġġetta għall-kundizzjonijiet speċifikati f’dan l-Artikolu, l-awtorità tas-sorveljanza tas-suq għandha tagħti aċċess lill-awtorità jew il-korp pubbliku rilevanti msemmija fil-paragrafu 1 għal dik l-informazzjoni jew id-dokumentazzjoni, inkluż billi titlob dik l-informazzjoni jew id-dokumentazzjoni mingħand il-fornitur jew l-implimentatur, meta meħtieġ.

Emenda 67Proposta għal regolamentArtikolu 1 – paragrafu 1 – punt 26 – punt cRegolament (UE) 2024/1689Artikolu 77 – paragrafu 1b (ġdid)

1b.L-awtoritajiet tas-sorveljanza tas-suq u l-awtoritajiet jew il-korpi pubbliċi msemmija fil-paragrafu 1 għandhom jikkooperaw mill-qrib u jipprovdu assistenza reċiproka neċessarja lil xulxin biex jissodisfaw il-mandati rispettivi tagħhom, bl-għan li jiżguraw applikazzjoni koerenti ta’ dan ir-Regolament u tal-liġijiet tal-Unjoni li jipproteġu d-drittijiet fundamentali u jissimplifikaw il-proċeduri. Din għandha tinkludi, b’mod partikolari, l-iskambju ta’ informazzjoni meta meħtieġa għas-superviżjoni jew l-infurzar effettivi ta’ dan ir-Regolament u l-leġiżlazzjoni l-oħra rispettiva tal-Unjoni.;

1b.L-awtoritajiet tas-sorveljanza tas-suq u l-awtoritajiet jew il-korpi pubbliċi msemmija fil-paragrafu 1 għandhom jikkooperaw mill-qrib u jipprovdu assistenza reċiproka neċessarja lil xulxin biex jissodisfaw il-mandati rispettivi tagħhom, bl-għan li jiżguraw applikazzjoni koerenti ta’ dan ir-Regolament u tal-liġijiet tal-Unjoni li jipproteġu d-drittijiet fundamentali u jissimplifikaw il-proċeduri filwaqt li jirrispettaw il-kompetenzi, il-kompiti, is-setgħat u l-indipendenza rispettivi tagħhom. Din għandha tinkludi, b’mod partikolari, l-iskambju ta’ informazzjoni meta meħtieġa għas-superviżjoni jew l-infurzar effettivi ta’ dan ir-Regolament u l-leġiżlazzjoni l-oħra rispettiva tal-Unjoni.;

Emenda 68Proposta għal regolamentArtikolu 1 – paragrafu 1 – punt 26 – punt cRegolament (UE) 2024/1689Artikolu 77 – paragrafu 1ba (ġdid)

1ba.It-talbiet għall-assistenza għandu jkun fihom l-informazzjoni kollha meħtieġa, inkluż l-iskop tat-talba u r-raġunijiet għaliha.

Emenda 69Proposta għal regolamentArtikolu 1 – paragrafu 1 – punt 28 – parti introduttorjaRegolament (UE) 2024/1689Artikolu 96 – paragrafu 1

(28)fl-Artikolu 96(1), it-tieni subparagrafu huwa sostitwit b’dan li ġej:

(28)fl-Artikolu 96(1), il-punt (a) u t-tieni subparagrafu huma sostitwiti b’dan li ġej:

Emenda 70Proposta għal regolamentArtikolu 1 – paragrafu 1 – punt 28Regolament (UE) 2024/1689Artikolu 96 – paragrafu 1 – punt a

(a)l-applikazzjoni tar-rekwiżiti u l-obbligi msemmija fl-Artikoli 8 sa 15 u fl-Artikolu 25;

(a)l-applikazzjoni tar-rekwiżiti u l-obbligi msemmija fl-Artikoli 8 sa 15 u fl-Artikoli 25 u 26;

Emenda 71Proposta għal regolamentArtikolu 1 – paragrafu 1 – punt 28Regolament (UE) 2024/1689Artikolu 96 – paragrafu 1 – subparagrafu 1

-1a.fl-Artikolu 96, il-paragrafu 1, is-subparagrafu 1, jiżdied il-punt li ġej:

“(fa) l-applikazzjoni tal-obbligi msemmija fl-Artikolu 27, inkluża l-possibbiltà li ssir referenza jew li jiġu inklużi taqsimiet jew partijiet rilevanti tal-valutazzjoni tal-impatt fuq il-protezzjoni tad-data fil-valutazzjoni tal-impatt fuq id-drittijiet fundamentali skont l-Artikolu 27(4) ta’ dan ir-Regolament, bl-użu, fejn rilevanti, ta’ mudelli standardizzati. ”

Emenda 72Proposta għal regolamentArtikolu 1 paragrafu 1 punt a b (ġdid)Regolament (UE) 2024/1689Artikolu 99 – paragrafu 4 – punt da (ġdid)

(aa)fil-paragrafu 4, jiddaħħal il-punt (da) li ġej:

“(da) l-obbligi tal-fornituri u tal-partijiet terzi, inklużi l-fornituri tal-mudelli tal-IA bi skop ġenerali, skont l-Artikolu 25(2), (3) u (4); ”

Emenda 73Proposta għal regolamentArtikolu 1 – paragrafu 1 – punt 29 – punt bRegolament (UE) 2024/1689Artikolu 99 – paragrafu 6

6.Fil-każ tal-SMCs u tal-SMEs, inkluż in-negozji ġodda, kull multa msemmija f’dan l-Artikolu ma għandhiex taqbeż il-persentaġġi jew l-ammont imsemmija fil-paragrafi 3, 4 u 5, skont liema minnhom ikun l-inqas.;

6.Fil-każ tal-SMEs, inkluż in-negozji ġodda, kull multa msemmija f’dan l-Artikolu ma għandhiex taqbeż il-persentaġġi jew l-ammont imsemmija fil-paragrafi 3, 4 u 5, skont liema minnhom ikun l-inqas.;

Emenda 74Proposta għal regolamentArtikolu 1 – paragrafu 1 – punt 29 – punt bRegolament (UE) 2024/1689Artikolu 99 – paragrafu 6a (ġdid)

6a.Fl-Artikolu 99, jiddaħħal il-paragrafu 6a:

“Fil-każ tal-SMCs, bl-eċċezzjoni tal-fornituri tal-mudelli tal-IA bi skop ġenerali b’riskju sistemiku, kull multa msemmija f’dan l-Artikolu ma għandhiex taqbeż il-persentaġġi jew l-ammont imsemmija fil-paragrafi 4 u 5, skont liema minnhom ikun l-inqas.”

Emenda 75Proposta għal regolamentArtikolu 1 – paragrafu 1 – punt 29a (ġdid)Regolament (UE) 2024/1689Artikolu 110a (ġdid)

(29a)L-artikoli li ġejjin: Jiddaħħlu l-Artikolu 110a – l-Artikolu 110l:

Artikolu 110a

Emenda għar-Regolament (UE) 2023/1230

Fl-Artikolu 8 tar-Regolament (UE) 2023/1230, jiżdiedu l-paragrafi 2 u 3 li ġejjin:

“2. Il-Kummissjoni għandha s-setgħa li tadotta atti delegati skont l-Artikolu 48 biex temenda r-rekwiżiti essenzjali tas-saħħa u s-sikurezza stabbiliti fl-Anness III sabiex tadattahom għall-progress xjentifiku jew tekniku jew għall-iżviluppi internazzjonali jew biex iżżid rekwiżiti fir-rigward ta’ riskji jew teknoloġiji emerġenti. Għas-sistemi tal-IA b’riskju għoli msemmija fl-Artikolu 6(1) tar-Regolament (UE) 2024/1689, ir-rekwiżiti rilevanti stabbiliti fil-Kapitolu III, it-Taqsima 2 tar-Regolament (UE) 2024/1689 għandhom jitqiesu li jikkostitwixxu rekwiżiti essenzjali tas-saħħa u s-sikurezza għall-fini ta’ dan ir-Regolament.

3. Meta tadotta atti delegati skont il-paragrafu 2 ta’ dan l-Artikolu jew Speċifikazzjonijiet Komuni skont l-Artikolu 20 ta’ dan ir-Regolament dwar makkinarju u prodotti relatati li jkunu sistemi tal-IA b’riskju għoli kif imsemmi fl-Artikolu 6(1) tar-Regolament (UE) 2024/1689 tal-Parlament Ewropew u tal-Kunsill, jew li jużaw sistemi tal-IA b’riskju għoli bħala komponenti tas-sikurezza, il-Kummissjoni għandha tqis ir-rekwiżiti stabbiliti fil-Kapitolu III, it-Taqsima 2, ta’ dak ir-Regolament, kif ukoll l-istandards armonizzati rilevanti. Fir-rigward tas-sistemi tal-IA b’riskju għoli, il-Kummissjoni ma għandhiex tmur lil hinn mir-rekwiżiti stabbiliti fir-Regolament (UE) 2024/1689.”

Artkolu 110b

Emenda għar-Regolament (UE) 2025/2509

Fl-Artikolu 5 tar-Regolament (UE) 2025/2509, jiżdiedu l-paragrafi 4 u 5 li ġejjin:

“4. Il-Kummissjoni għandha s-setgħa li tadotta atti delegati skont l-Artikolu 53 biex temenda r-rekwiżiti essenzjali tas-sikurezza stabbiliti fl-Anness II sabiex tadattahom għall-progress xjentifiku jew tekniku jew għall-iżviluppi internazzjonali jew biex iżżid rekwiżiti fir-rigward ta’ riskji jew teknoloġiji emerġenti. Għas-sistemi tal-IA b’riskju għoli msemmija fl-Artikolu 6(1) tar-Regolament (UE) 2024/1689, ir-rekwiżiti rilevanti stabbiliti fil-Kapitolu III, it-Taqsima 2 tar-Regolament (UE) 2024/1689 għandhom jitqiesu li jikkostitwixxu rekwiżiti essenzjali tas-saħħa u s-sikurezza għall-fini ta’ dan ir-Regolament.

5. Meta tadotta atti delegati skont il-paragrafu 4 ta’ dan l-Artikolu jew Speċifikazzjonijiet Komuni skont l-Artikolu 16 ta’ dan ir-Regolament dwar ġugarelli li jkunu sistemi tal-IA b’riskju għoli kif imsemmi fl-Artikolu 6(1) tar-Regolament (UE) 2024/1689 tal-Parlament Ewropew u tal-Kunsill, jew li jużaw sistemi tal-IA b’riskju għoli bħala komponenti tas-sikurezza, il-Kummissjoni għandha tqis ir-rekwiżiti stabbiliti fil-Kapitolu III, it-Taqsima 2, ta’ dak ir-Regolament, kif ukoll l-istandards armonizzati rilevanti. Fir-rigward tas-sistemi tal-IA b’riskju għoli, il-Kummissjoni ma għandhiex tmur lil hinn mir-rekwiżiti stabbiliti fir-Regolament (UE) 2024/1689.”

Artikolu 110c

Emenda għad-Direttiva 2013/53/UE

Fl-Artikolu 4 tad-Direttiva 2013/53/UE, jiżdiedu l-paragrafi 3 u 4 li ġejjin:

“3. Il-Kummissjoni għandha s-setgħa li tadotta atti delegati skont l-Artikolu 50 biex temenda r-rekwiżiti essenzjali stabbiliti fl-Anness I sabiex tadattahom għall-progress xjentifiku jew tekniku jew għall-iżviluppi internazzjonali jew biex iżżid rekwiżiti fir-rigward ta’ riskji jew teknoloġiji emerġenti. Għas-sistemi tal-IA b’riskju għoli msemmija fl-Artikolu 6(1) tar-Regolament (UE) 2024/1689, ir-rekwiżiti rilevanti stabbiliti fil-Kapitolu III, it-Taqsima 2 tar-Regolament (UE) 2024/1689 għandhom jitqiesu li jikkostitwixxu rekwiżiti essenzjali tas-saħħa u s-sikurezza għall-fini ta’ dan ir-Regolament.

4.Meta tadotta atti delegati skont il-paragrafu 3 ta’ dan l-Artikolu jew Speċifikazzjonijiet Komuni skont l-Artikolu 14a ta’ dan ir-Regolament dwar prodotti li jkunu sistemi tal-IA b’riskju għoli kif imsemmi fl-Artikolu 6(1) tar-Regolament (UE) 2024/1689 tal-Parlament Ewropew u tal-Kunsill, jew li jużaw sistemi tal-IA b’riskju għoli bħala komponenti tas-sikurezza, il-Kummissjoni għandha tqis ir-rekwiżiti stabbiliti fil-Kapitolu III, it-Taqsima 2, ta’ dak ir-Regolament, kif ukoll l-istandards armonizzati rilevanti. Fir-rigward tas-sistemi tal-IA b’riskju għoli, il-Kummissjoni ma għandhiex tmur lil hinn mir-rekwiżiti stabbiliti fir-Regolament (UE) 2024/1689.”

Artikolu 110d

Emenda għad-Direttiva 2014/33/UE

Fl-Artikolu 5 tad-Direttiva 2014/33/UE, jiżdiedu l-paragrafi 3 u 4 li ġejjin:

“3. Il-Kummissjoni għandha s-setgħa li tadotta atti delegati skont l-Artikolu 42 biex temenda r-rekwiżiti essenzjali tas-saħħa u s-sikurezza stabbiliti fl-Anness I sabiex tadattahom għall-progress xjentifiku jew tekniku jew għall-iżviluppi internazzjonali jew biex iżżid rekwiżiti fir-rigward ta’ riskji jew teknoloġiji emerġenti. Għas-sistemi tal-IA b’riskju għoli msemmija fl-Artikolu 6(1) tar-Regolament (UE) 2024/1689, ir-rekwiżiti rilevanti stabbiliti fil-Kapitolu III, it-Taqsima 2 tar-Regolament (UE) 2024/1689 għandhom jitqiesu li jikkostitwixxu rekwiżiti essenzjali tas-saħħa u s-sikurezza għall-fini ta’ dan ir-Regolament.

4. Meta tadotta atti delegati skont il-paragrafu 3 ta’ dan l-Artikolu jew Speċifikazzjonijiet Komuni skont l-Artikolu 14a ta’ dan ir-Regolament dwar liftijiet u komponenti tas-sikurezza għal-liftijiet li jkunu sistemi tal-IA b’riskju għoli kif imsemmi fl-Artikolu 6(1) tar-Regolament (UE) 2024/1689 tal-Parlament Ewropew u tal-Kunsill, jew li jużaw sistemi tal-IA b’riskju għoli bħala komponenti tas-sikurezza, il-Kummissjoni għandha tqis ir-rekwiżiti stabbiliti fil-Kapitolu III, it-Taqsima 2, ta’ dak ir-Regolament, kif ukoll l-istandards armonizzati rilevanti. Fir-rigward tas-sistemi tal-IA b’riskju għoli, il-Kummissjoni ma għandhiex tmur lil hinn mir-rekwiżiti stabbiliti fir-Regolament (UE) 2024/1689.”

Artikolu 110e

Emenda għad-Direttiva 2014/34/UE

Fl-Artikolu 4 tad-Direttiva 2014/34/UE, jiżdiedu l-paragrafi 2 u 3 li ġejjin:

“2. Il-Kummissjoni għandha s-setgħa li tadotta atti delegati skont l-Artikolu 39 biex temenda r-rekwiżiti essenzjali tas-saħħa u s-sikurezza stabbiliti fl-Anness II sabiex tadattahom għall-progress xjentifiku jew tekniku jew għall-iżviluppi internazzjonali jew biex iżżid rekwiżiti fir-rigward ta’ riskji jew teknoloġiji emerġenti. Għas-sistemi tal-IA b’riskju għoli msemmija fl-Artikolu 6(1) tar-Regolament (UE) 2024/1689, ir-rekwiżiti rilevanti stabbiliti fil-Kapitolu III, it-Taqsima 2 tar-Regolament (UE) 2024/1689 għandhom jitqiesu li jikkostitwixxu rekwiżiti essenzjali tas-saħħa u s-sikurezza għall-fini ta’ dan ir-Regolament.

3.Meta tadotta atti delegati skont il-paragrafu 2 ta’ dan l-Artikolu jew Speċifikazzjonijiet Komuni skont l-Artikolu 12a ta’ dan ir-Regolament dwar prodotti li jkunu sistemi tal-IA b’riskju għoli kif imsemmi fl-Artikolu 6(1) tar-Regolament (UE) 2024/1689 tal-Parlament Ewropew u tal-Kunsill, jew li jużaw sistemi tal-IA b’riskju għoli bħala komponenti tas-sikurezza, il-Kummissjoni għandha tqis ir-rekwiżiti stabbiliti fil-Kapitolu III, it-Taqsima 2, ta’ dak ir-Regolament, kif ukoll l-istandards armonizzati rilevanti. Fir-rigward tas-sistemi tal-IA b’riskju għoli, il-Kummissjoni ma għandhiex tmur lil hinn mir-rekwiżiti stabbiliti fir-Regolament (UE) 2024/1689.”

Artikolu 110f

Emenda għad-Direttiva 2014/53/UE

Fl-Artikolu 3 tad-Direttiva 2014/53/UE, jiżdiedu l-paragrafi 5 u 6 li ġejjin:

“5. Il-Kummissjoni għandha s-setgħa li tadotta atti delegati skont l-Artikolu 45 biex temenda r-rekwiżiti essenzjali sabiex tadattahom għall-progress xjentifiku jew tekniku jew għall-iżviluppi internazzjonali jew biex iżżid rekwiżiti fir-rigward ta’ riskji jew teknoloġiji emerġenti. Għas-sistemi tal-IA b’riskju għoli msemmija fl-Artikolu 6(1) tar-Regolament (UE) 2024/1689, ir-rekwiżiti rilevanti stabbiliti fil-Kapitolu III, it-Taqsima 2 tar-Regolament (UE) 2024/1689 għandhom jitqiesu li jikkostitwixxu rekwiżiti essenzjali tas-saħħa u s-sikurezza għall-fini ta’ dan ir-Regolament.

6. Meta tadotta atti delegati skont il-paragrafu 5 ta’ dan l-Artikolu jew Speċifikazzjonijiet Komuni skont l-Artikolu 16a ta’ dan ir-Regolament dwar tagħmir tar-radju li jkun sistema tal-IA b’riskju għoli kif imsemmi fl-Artikolu 6(1) tar-Regolament (UE) 2024/1689 tal-Parlament Ewropew u tal-Kunsill, jew li jużaw sistemi tal-IA b’riskju għoli bħala komponenti tas-sikurezza, il-Kummissjoni għandha tqis ir-rekwiżiti stabbiliti fil-Kapitolu III, it-Taqsima 2, ta’ dak ir-Regolament, kif ukoll l-istandards armonizzati rilevanti. Fir-rigward tas-sistemi tal-IA b’riskju għoli, il-Kummissjoni ma għandhiex tmur lil hinn mir-rekwiżiti stabbiliti fir-Regolament (UE) 2024/1689.”

Artikolu 110g

Emenda għad-Direttiva 2014/68/UE

Fl-Artikolu 4 tad-Direttiva 2014/68/UE, jiżdiedu l-paragrafi 4 u 5 li ġejjin:

“4. Il-Kummissjoni għandha s-setgħa li tadotta atti delegati skont l-Artikolu 44 biex temenda r-rekwiżiti essenzjali ġenerali tas-sikurezza u tal-prestazzjoni stabbiliti fl-Anness I sabiex tadattahom għall-progress xjentifiku jew tekniku jew għall-iżviluppi internazzjonali jew biex iżżid rekwiżiti fir-rigward ta’ riskji jew teknoloġiji emerġenti. Għas-sistemi tal-IA b’riskju għoli msemmija fl-Artikolu 6(1) tar-Regolament (UE) 2024/1689, ir-rekwiżiti rilevanti stabbiliti fil-Kapitolu III, it-Taqsima 2 tar-Regolament (UE) 2024/1689 għandhom jitqiesu li jikkostitwixxu rekwiżiti essenzjali tas-saħħa u s-sikurezza għall-fini ta’ dan ir-Regolament.

5. Meta tadotta atti delegati skont il-paragrafu 4 ta’ dan l-Artikolu jew Speċifikazzjonijiet Komuni skont l-Artikolu 12a ta’ dan ir-Regolament dwar prodotti li jkunu sistemi tal-IA b’riskju għoli kif imsemmi fl-Artikolu 6(1) tar-Regolament (UE) 2024/1689 tal-Parlament Ewropew u tal-Kunsill, jew li jużaw sistemi tal-IA b’riskju għoli bħala komponenti tas-sikurezza, il-Kummissjoni għandha tqis ir-rekwiżiti stabbiliti fil-Kapitolu III, it-Taqsima 2, ta’ dak ir-Regolament, kif ukoll l-istandards armonizzati rilevanti. Fir-rigward tas-sistemi tal-IA b’riskju għoli, il-Kummissjoni ma għandhiex tmur lil hinn mir-rekwiżiti stabbiliti fir-Regolament (UE) 2024/1689.”

Artikolu 110h

Emendi għar-Regolament (UE) 2016/424

Fl-Artikolu 6 tar-Regolament (UE) 2016/424, jiżdiedu l-paragrafi 2 u 3 li ġejjin:

“2. Il-Kummissjoni għandha s-setgħa li tadotta atti delegati skont l-Artikolu 44 biex temenda r-rekwiżiti essenzjali stabbiliti fl-Anness II sabiex tadattahom għall-progress xjentifiku jew tekniku jew għall-iżviluppi internazzjonali jew biex iżżid rekwiżiti fir-rigward ta’ riskji jew teknoloġiji emerġenti. Għas-sistemi tal-IA b’riskju għoli msemmija fl-Artikolu 6(1) tar-Regolament (UE) 2024/1689, ir-rekwiżiti rilevanti stabbiliti fil-Kapitolu III, it-Taqsima 2 tar-Regolament (UE) 2024/1689 għandhom jitqiesu li jikkostitwixxu rekwiżiti essenzjali tas-saħħa u s-sikurezza għall-fini ta’ dan ir-Regolament.

3. Meta tadotta atti delegati skont il-paragrafu 2 ta’ dan l-Artikolu jew Speċifikazzjonijiet Komuni skont l-Artikolu 20 ta’ dan ir-Regolament dwar installazzjonijiet tal-funikular, subsistemi u komponenti ta’ sikurezza li jkunu sistemi tal-IA b’riskju għoli kif imsemmi fl-Artikolu 6(1) tar-Regolament (UE) 2024/1689 tal-Parlament Ewropew u tal-Kunsill, jew li jużaw sistemi tal-IA b’riskju għoli bħala komponenti ta’ sikurezza, il-Kummissjoni għandha tqis ir-rekwiżiti stabbiliti fil-Kapitolu III, it-Taqsima 2, ta’ dak ir-Regolament, kif ukoll l-istandards armonizzati rilevanti. Fir-rigward tas-sistemi tal-IA b’riskju għoli, il-Kummissjoni ma għandhiex tmur lil hinn mir-rekwiżiti stabbiliti fir-Regolament (UE) 2024/1689.”

Artikolu 110i

Emenda għar-Regolament (UE) 2016/425

Fl-Artikolu 5 tar-Regolament (UE) 2016/425, jiżdiedu l-paragrafi 2 u 3 li ġejjin:

“2. Il-Kummissjoni għandha s-setgħa li tadotta atti delegati skont l-Artikolu 44 biex temenda r-rekwiżiti essenzjali tas-saħħa u s-sikurezza stabbiliti fl-Anness II sabiex tadattahom għall-progress xjentifiku jew tekniku jew għall-iżviluppi internazzjonali jew biex iżżid rekwiżiti fir-rigward ta’ riskji jew teknoloġiji emerġenti. Għas-sistemi tal-IA b’riskju għoli msemmija fl-Artikolu 6(1) tar-Regolament (UE) 2024/1689, ir-rekwiżiti rilevanti stabbiliti fil-Kapitolu III, it-Taqsima 2 tar-Regolament (UE) 2024/1689 għandhom jitqiesu li jikkostitwixxu rekwiżiti essenzjali tas-saħħa u s-sikurezza għall-fini ta’ dan ir-Regolament.

3. Meta tadotta atti delegati skont il-paragrafu 2 ta’ dan l-Artikolu jew Speċifikazzjonijiet Komuni skont l-Artikolu 14a ta’ dan ir-Regolament dwar tagħmir ta’ protezzjoni personali li jkun sistema tal-IA b’riskju għoli kif imsemmi fl-Artikolu 6(1) tar-Regolament (UE) 2024/1689 tal-Parlament Ewropew u tal-Kunsill, jew li jużaw sistemi tal-IA b’riskju għoli bħala komponenti tas-sikurezza, il-Kummissjoni għandha tqis ir-rekwiżiti stabbiliti fil-Kapitolu III, it-Taqsima 2, ta’ dak ir-Regolament, kif ukoll l-istandards armonizzati rilevanti. Fir-rigward tas-sistemi tal-IA b’riskju għoli, il-Kummissjoni ma għandhiex tmur lil hinn mir-rekwiżiti stabbiliti fir-Regolament (UE) 2024/1689.”

Artikolu 110j

Emenda għar-Regolament (UE) 2016/426

Fl-Artikolu 5 tar-Regolament (UE) 2016/426, jiżdiedu l-paragrafi 2 u 3 li ġejjin:

“2. Il-Kummissjoni għandha s-setgħa li tadotta atti delegati skont l-Artikolu 41 biex temenda r-rekwiżiti essenzjali stabbiliti fl-Anness I sabiex tadattahom għall-progress xjentifiku jew tekniku jew għall-iżviluppi internazzjonali jew biex iżżid rekwiżiti fir-rigward ta’ riskji jew teknoloġiji emerġenti. Għas-sistemi tal-IA b’riskju għoli msemmija fl-Artikolu 6(1) tar-Regolament (UE) 2024/1689, ir-rekwiżiti rilevanti stabbiliti fil-Kapitolu III, it-Taqsima 2 tar-Regolament (UE) 2024/1689 għandhom jitqiesu li jikkostitwixxu rekwiżiti essenzjali tas-saħħa u s-sikurezza għall-fini ta’ dan ir-Regolament.

3. Meta tadotta atti delegati skont il-paragrafu 2 ta’ dan l-Artikolu jew Speċifikazzjonijiet Komuni skont l-Artikolu 13a ta’ dan ir-Regolament dwar tagħmir jew fittings li jkunu sistemi tal-IA b’riskju għoli kif imsemmi fl-Artikolu 6(1) tar-Regolament (UE) 2024/1689 tal-Parlament Ewropew u tal-Kunsill, jew li jużaw sistemi tal-IA b’riskju għoli bħala komponenti tas-sikurezza, il-Kummissjoni għandha tqis ir-rekwiżiti stabbiliti fil-Kapitolu III, it-Taqsima 2, ta’ dak ir-Regolament, kif ukoll l-istandards armonizzati rilevanti. Fir-rigward tas-sistemi tal-IA b’riskju għoli, il-Kummissjoni ma għandhiex tmur lil hinn mir-rekwiżiti stabbiliti fir-Regolament (UE) 2024/1689.”

Artikolu 110k

Emenda għar-Regolament (UE) 2017/745

Fl-Artikolu 5 tar-Regolament (UE) 2017/745, jiżdiedu l-paragrafi 7 u 8 li ġejjin:

“7. Il-Kummissjoni għandha s-setgħa li tadotta atti delegati skont l-Artikolu 115 biex temenda r-rekwiżiti ġenerali marbutin mas-sikurezza u l-prestazzjoni stabbiliti fl-Anness I sabiex tadattahom għall-progress xjentifiku jew tekniku jew għall-iżviluppi internazzjonali jew biex iżżid rekwiżiti fir-rigward ta’ riskji jew teknoloġiji emerġenti. Għas-sistemi tal-IA b’riskju għoli msemmija fl-Artikolu 6(1) tar-Regolament (UE) 2024/1689, ir-rekwiżiti rilevanti stabbiliti fil-Kapitolu III, it-Taqsima 2 tar-Regolament (UE) 2024/1689 għandhom jitqiesu li jikkostitwixxu rekwiżiti essenzjali tas-saħħa u s-sikurezza għall-fini ta’ dan ir-Regolament.

8. Meta tadotta atti ta’ implimentazzjoni skont il-paragrafu 6 ta’ dan l-Artikolu, atti delegati skont il-paragrafu 7 ta’ dan l-Artikolu jew Speċifikazzjonijiet Komuni skont l-Artikolu 9 ta’ dan ir-Regolament dwar apparati li jkunu sistemi tal-IA b’riskju għoli kif imsemmi fl-Artikolu 6(1) tar-Regolament (UE) 2024/1689 tal-Parlament Ewropew u tal-Kunsill, jew li jużaw sistemi tal-IA b’riskju għoli bħala komponenti tas-sikurezza, il-Kummissjoni għandha tqis ir-rekwiżiti stabbiliti fil-Kapitolu III, it-Taqsima 2, ta’ dak ir-Regolament, kif ukoll l-istandards armonizzati rilevanti. Fir-rigward tas-sistemi tal-IA b’riskju għoli, il-Kummissjoni ma għandhiex tmur lil hinn mir-rekwiżiti stabbiliti fir-Regolament (UE) 2024/1689.”

Artikolu 110l

Emenda għar-Regolament (UE) 2017/746

Fl-Artikolu 5 tar-Regolament (UE) 2017/746, jiżdiedu l-paragrafi 7 u 8 li ġejjin:

“7. Il-Kummissjoni għandha s-setgħa li tadotta atti delegati skont l-Artikolu 107 biex temenda r-rekwiżiti ġenerali marbutin mas-sikurezza u l-prestazzjoni stabbiliti fl-Anness I sabiex tadattahom għall-progress xjentifiku jew tekniku jew għall-iżviluppi internazzjonali jew biex iżżid rekwiżiti fir-rigward ta’ riskji jew teknoloġiji emerġenti. Għas-sistemi tal-IA b’riskju għoli msemmija fl-Artikolu 6(1) tar-Regolament (UE) 2024/1689, ir-rekwiżiti rilevanti stabbiliti fil-Kapitolu III, it-Taqsima 2 tar-Regolament (UE) 2024/1689 għandhom jitqiesu li jikkostitwixxu rekwiżiti essenzjali tas-saħħa u s-sikurezza għall-fini ta’ dan ir-Regolament.

Emenda 76Proposta għal regolamentArtikolu 1 – paragrafu 1 – punt 30 – punt bRegolament (UE) 2024/1689Artikolu 111 – paragrafu 4 (ġdid)

4.Il-fornituri tas-sistemi tal-IA, inkluż tas-sistemi tal-IA bi skop ġenerali, li jiġġeneraw kontenut sintetiku ta’ awdjo, immaġnijiet, video jew test, u li jkunu ġew introdotti fis-suq qabel it-2 ta’ Awwissu 2026 għandhom jieħdu l-passi neċessarji biex jikkonformaw mal-Artikolu 50(2) sat-2 ta’ Frar 2027.”;

Emenda 77Proposta għal regolamentArtikolu 1 – paragrafu 1 – punt 31 – punt aRegolament (UE) 2024/1689Artikolu 113 – paragrafu 3 – punt d (ġdid)

Il-Kapitolu III, it-Taqsimiet 1, 2, u 3, għandhom japplikaw wara l-adozzjoni ta’ deċiżjoni tal-Kummissjoni li tikkonferma li jkunu disponibbli miżuri adegwati b’appoġġ għall-konformità mal-Kapitolu III, mid-dati li ġejjin:

Il-Kapitolu III, it-Taqsimiet 1, 2, u 3, bl-eċċezzjoni tal-Artikolu 6(5), għandhom japplikaw:

Emenda 78Proposta għal regolamentArtikolu 1 – paragrafu 1 – punt 31 – punt aRegolament (UE) 2024/1689Artikolu 113 – paragrafu 3 – punt d – punt i (ġdid)

(i)6 xhur wara l-adozzjoni ta’ dik id-deċiżjoni fir-rigward tas-sistemi tal-IA klassifikati b’riskju għoli skont l-Artikolu 6(2) u l-Anness III, u

imħassar

Emenda 79Proposta għal regolamentArtikolu 1 – paragrafu 1 – punt 31 – punt aRegolament (UE) 2024/1689Artikolu 113 – paragrafu 3 – punt d – punt ii (ġdid)

(ii)12-il xahar wara l-adozzjoni tad-deċiżjoni fir-rigward tas-sistemi tal-IA klassifikati b’riskju għoli skont l-Artikolu 6(1) u l-Anness I.

imħassar

Emenda 80Proposta għal regolamentArtikolu 1 – paragrafu 1 – punt 31 – punt aRegolament (UE) 2024/1689Artikolu 113 – paragrafu 3 – punt d – subparagrafu 1 – parti introduttorja

Fin-nuqqas tal-adozzjoni tad-deċiżjoni skont it-tifsira tas-subparagrafu 1, jew meta d-dati ta’ hawn taħt ikunu qabel dawk li jiġru wara l-adozzjoni ta’ dik id-deċiżjoni, il-Kapitolu III, it-Taqsimiet 1, 2, u 3, għandu japplika:

imħassar

Emenda 81Proposta għal regolamentArtikolu 1 – paragrafu 1 – punt 31a (ġdid)Regolament (UE) 2024/1689Anness I – Taqsima A

(31a)Fl-Anness I, it-Taqsima A titħassar.

Emenda 82Proposta għal regolamentArtikolu 1 – paragrafu 1 – punt 31b (ġdid)Regolament (UE) 2024/1689Anness 1 – Taqsima B – punt 20a (ġdid)

(31b)Fl-Anness I, it-Taqsima B, jiżdiedu l-punti li ġejjin:

“20a. Id-Direttiva 2006/42/KE tal-Parlament Ewropew u tal-Kunsill tas-17 ta’ Mejju 2006 dwar il-makkinarju, u li temenda d-Direttiva 95/16/KE (ĠU L 157, 9.6.2006, p. 24);

20b. Id-Direttiva 2009/48/KE tal-Parlament Ewropew u tal-Kunsill tat-18 ta’ Ġunju 2009 dwar is-sikurezza tal-ġugarelli (ĠU L 170, 30.6.2009, p. 1);

20c. Id-Direttiva 2013/53/UE tal-Parlament Ewropew u tal-Kunsill tal-20 ta’ Novembru 2013 dwar id-dgħajjes li jintużaw għar-rikreazzjoni u l-inġenji tal-ilma personali u li tħassar id-Direttiva 94/25/KE (ĠU L 354, 28.12.2013, p. 90);

20d. Id-Direttiva 2014/33/UE tal-Parlament Ewropew u tal-Kunsill tas-26 ta’ Frar 2014 dwar l-armonizzazzjoni tal-liġijiet tal-Istati Membri relattivament għal liftijiet u komponenti ta’ sikurezza għal-liftijiet (ĠU L 96, 29.3.2014, p. 251);

20e. Id-Direttiva 2014/34/UE tal-Parlament Ewropew u tal-Kunsill tas-26 ta’ Frar 2014 dwar l-armonizzazzjoni tal-liġijiet tal-Istati Membri relattivament għal tagħmir u sistemi ta’ protezzjoni maħsuba għall-użu f’atmosferi potenzjalment esplużivi (ĠU L 96, 29.3.2014, p. 309);

20f. Id-Direttiva 2014/53/UE tal-Parlament Ewropew u tal-Kunsill tas-16 ta’ April 2014 dwar l-armonizzazzoni tal-liġijiet tal-Istati Membri marbuta mat-tqegħid fis-suq ta’ tagħmir tar-radju u li tħassar id-Direttiva 1999/5/KE (ĠU L 153, 22.5.2014, p. 62);

20g. Id-Direttiva 2014/68/UE tal-Parlament Ewropew u tal-Kunsill tal-15 ta’ Mejju 2014 dwar l-armonizzazzjoni tal-liġijiet tal-Istati Membri relatati mat-tqegħid fis-suq ta’ apparat ta’ pressjoni (ĠU L 189, 27.6.2014, p. 164);

20h. Ir-Regolament (UE) 2016/424 tal-Parlament Ewropew u tal-Kunsill tad-9 ta’ Marzu 2016 dwar l-installazzjonijiet tal-funikular u li jħassar id-Direttiva 2000/9/KE (ĠU L 81, 31.3.2016, p. 1);

20i. Ir-Regolament (UE) 2016/425 tal-Parlament Ewropew u tal-Kunsill tad-9 ta’ Marzu 2016 dwar tagħmir ta’ protezzjoni personali u li jħassar id-Direttiva tal-Kunsill 89/686/KEE (ĠU L 81, 31.3.2016, p. 51);

20j. Ir-Regolament (UE) 2016/426 tal-Parlament Ewropew u tal-Kunsill tad-9 ta’ Marzu 2016 dwar tagħmir li jaħraq karburanti gassużi u li jħassar id-Direttiva 2009/142/KE (ĠU L 81, 31.3.2016, p. 99);

20k. Ir-Regolament (UE) 2017/745 tal-Parlament Ewropew u tal-Kunsill tal-5 ta’ April 2017 dwar apparati mediċi, li jemenda d-Direttiva 2001/83/KE, ir-Regolament (KE) Nru 178/2002 u r-Regolament (KE) Nru 1223/2009 u li jħassar id-Direttivi tal-Kunsill 90/385/KEE u 93/42/KEE (ĠU L 117, 5.5.2017, p. 1);

20l. Ir-Regolament (UE) 2017/746 tal-Parlament Ewropew u tal-Kunsill tal-5 ta’ April 2017 dwar apparati mediċi dijanjostiċi in vitro u li jħassar id-Direttiva 98/79/KE u d-Deċiżjoni tal-Kummissjoni 2010/227/UE (ĠU L 117, 5.5.2017, p. 176).

20m. Ir-Regolament (UE) 2023/1230 tal-Parlament Ewropew u tal-Kunsill tal-14 ta’ Ġunju 2023 dwar il-makkinarju u li jħassar id-Direttiva 2006/42/KE tal-Parlament Ewropew u tal-Kunsill u d-Direttiva tal-Kunsill 73/361/KEE.”

Emenda 83Proposta għal regolamentArtikolu 1 – paragrafu 1 – punt 32Regolament (UE) 2024/1689Anness VIII – Taqsima B

(32)fl-Anness VIII, titħassar it-Taqsima B;

(32)fl-Anness VIII, it-Taqsima B, jitħassru l-punti 7 sa 9;