–ag féachaint don iarraidh ar tharscaoileadh dhíolúine Tomasz Buczek a chuir Cúirt Dúiche Tarnobrzeg, an Dara Dlísheomra Coiriúil, ar aghaidh le litir dar dáta an 12 Meán Fómhair 2025, i dtaca le himeachtaí coiriúla arna dtionscnamh ina choinne trí dhíotáil phríobháideach arna comhdú ag ionadaí dlíthiúil an ionchúisitheora phríobháidigh, agus a cuireadh in iúl sa suí iomlánach an 6 Deireadh Fómhair 2025,
–tar éis di éisteacht a thabhairt do Tomasz Buczek an 23 Márta 2026 agus ag féachaint do na doiciméid a thíolaic sé, i gcomhréir le Riail 9(6) dá Rialacha Nós Imeachta,
–ag féachaint d’Airteagal 8 agus d’Airteagal 9 de Phrótacal Uimh. 7 ar Phribhléidí agus Díolúintí an Aontais Eorpaigh agus d’Airteagal 6(2) den Ionstraim maidir le toghadh Fheisirí de Pharlaimint na hEorpa trí vótáil chomhchoiteann dhíreach an 20 Meán Fómhair 1976,
–ag féachaint do na breithiúnais a thug Cúirt Bhreithiúnais an Aontais Eorpaigh an 21 Deireadh Fómhair 2008, an 19 Márta 2010, an 6 Meán Fómhair 2011, an 17 Eanáir 2013 agus an 19 Nollaig 2019 Breithiúnas ón gCúirt Bhreithiúnais an 21 Deireadh Fómhair 2008, Marra v De Gregorio agus Clemente, C-200/07 agus C-201/07, ECLI:EU:C:2008:579; breithiúnas ón gCúirt Ghinearálta an 19 Márta 2010, Gollnisch v an Pharlaimint, T-42/06, ECLI:EU:T:2010:102; breithiúnas ón gCúirt Bhreithiúnais an 6 Meán Fómhair 2011, Patriciello, C-163/10, ECLI: EU:C:2011:543; breithiúnas ón gCúirt Ghinearálta an 17 Eanáir 2013, Gollnisch v an Pharlaimint, T-346/11 agus T-347/11, ECLI:EU:T:2013:23; breithiúnas ón gCúirt Bhreithiúnais an 19 Nollaig 2019, Junqueras Vies, C-502/19, ECLI:EU:C:2019:1115.,
–ag féachaint d’Airteagail 105(2) agus (5) de Bhunreacht Phoblacht na Polainne:
–ag féachaint do Riail 5(2), do Riail 6(1) agus do Riail 9 dá Rialacha Nós Imeachta,
–ag féachaint don tuarascáil ón gCoiste um Ghnóthaí Dlíthiúla (A10-0116/2026),
A.de bhrí, i litir dar dáta an 12 Meán Fómhair 2025, gur tharchuir Cúirt Dúiche Tarnobrzeg, an Dara Dlísheomra Coiriúil, an iarraidh ar tharscaoileadh dhíolúine Tomasz Buczek, Feisire do Pharlaimint na hEorpa a toghadh sa Pholainn, i ndáil le díotáil phríobháideach a comhdaíodh ina choinne mar gheall ar chion líomhnaithe faoi Airteagal 217(1) de Chód Coiriúil na Polainne;
B.de bhrí, de réir na hiarrata ar tharscaoileadh díolúine, an 21 Meán Fómhair 2024, gur tionóladh slógadh toghcháin in Tarnobrzeg i láthair Tomasz Buczek; de bhrí gur ghlac an t-iarratasóir príobháideach páirt sa chruinniú thuasluaite, go háirithe trína thuairimí a chur in iúl maidir le hábhair pholaitiúla, lena n-áirítear gníomhaíochtaí Tomasz Buczek; de bhrí, de réir na hiarrata ar tharscaoileadh díolúine, gur sciob Tomasz Buczek an mionmheigeafón a bhí ag an iarratasóir príobháideach ina lámha chun a ghlór a dhéanamh inchloiste agus de bhrí go líomhnaíodh go raibh an ghníomhaíocht chomh foréigneach sin nach bhfuil an meigeafón ag feidhmiú a thuilleadh;
C.de bhrí go líomhnaítear go bhfuil na heilimintí a chomhdhéanann ionsaí ar shláine fhisiciúil ag gníomh Tomasz Buczek, cion dá dtagraítear in Airteagal 217(1) de Chód Coiriúil na Polainne;
D.de bhrí gur toghadh Tomasz Buczek chuig Parlaimint na hEorpa sna toghcháin Eorpacha in 2024 agus go raibh sé ina Fheisire de Pharlaimint na hEorpa tráth an chiona líomhnaithe;
E.de bhrí nach bhfuil baint ag an gcion líomhnaithe agus an iarraidh ar tharscaoileadh díolúine Tomasz Buczek leis aon tuairim a thug sé ná leis na vótaí a chaith sé i gcomhlíonadh a dhualgas de réir bhrí Airteagal 8 de Phrótacal Uimh. 7 ar Phribhléidí agus Díolúintí an Aontais Eorpaigh;
F.de bhrí go bhforáiltear, le hAirteagal 9, an chéad mhír, pointe (a), de Phrótacal Uimh. 7 ar Phribhléidí agus Díolúintí an Aontais Eorpaigh, le linn sheisiúin Pharlaimint na hEorpa, go bhfuil ag Feisirí de Pharlaimint na hEorpa, i gcríoch a Stáit féin, na díolúintí a thugtar do chomhaltaí pharlaimint a mBallstáit féin;
G.de bhrí, i gcomhréir le hAirteagal 105(2) agus (5) de Bhunreacht Phoblacht na Polainne, ón lá a fógraíodh torthaí na dtoghchán go dtí an lá a rachaidh a shainordú nó a sainordú in éag, nach gcuirfear teachta faoi réir cuntasacht choiriúil gan toiliú Sejm Phoblacht na Polainne agus nach gcoinneofar ná nach ngabhfar é nó í gan toiliú an Sejm, ach amháin i gcásanna inar gabhadh é nó í agus cion á dhéanamh aige nó aici agus inar gá é nó í a choinneáil chun conair cheart na n-imeachtaí a áirithiú;
H.de bhrí, i gcomhréir le Riail 5(2) dá Rialacha Nós Imeachta, nach pribhléid phearsanta í díolúine pharlaiminteach don Fheisire, ach gur ráthaíocht í ar neamhspleáchas na Parlaiminte ina hiomláine agus a Feisirí;
I.de bhrí gurb é is cuspóir don díolúine,dá bhforáiltear i bPrótacal Uimh. 7 ar Phribhléidí agus Díolúintí an Aontais Eorpaigh Parlaimint na hEorpa agus a Feisirí a chosaint ar imeachtaí dlíthiúla a bhaineann le gníomhaíochtaí a dhéantar agus dualgais pharlaiminteacha á gcomhlíonadh agus nach féidir a scaradh ó na dualgais sin;
J.de bhrí, sa chás seo, nár aimsigh Parlaimint na hEorpa aon fhianaise ar fumus persecutionis, is é sin le rá nach cosúil é gurb é an rún atá leis na himeachtaí dlíthiúla i dtrácht dochar a dhéanamh do ghníomhaíocht pholaitiúil Diana Iovanovici Șoșoacă ina cáil mar Fheisire de Pharlaimint na hEorpa agus de bhrí sin, do neamhspleachas Pharlaimint na hEorpa
K.de bhrí nach féidir le Parlaimint na hEorpa ról cúirte a ghlacadh, agus nach féidir, i nós imeachta um dhíolúine a tharscaoileadh, Feisire a mheas mar ‘chosantóir’ Breithiúnas ón gCúirt Ghinearálta an 30 Aibreán 2019, Briois v an Pharlaimint, T-214/18, ECLI:EU:T:2019:266;;