–ag féachaint don iarraidh ar tharscaoileadh dhíolúine Grzegorz Braun, a fuarthas le litir dar dáta an 31 Deireadh Fómhair 2025 ó Ard-Ionchúisitheoir Phoblacht na Polainne, lena dtarchuirtear iarraidh ó Ardcheannasaí Phóilíní na Polainne i dtaca le himeachtaí coiriúla atá le tionscnamh i gcoinne Grzegorz Braun, agus a fógraíodh sa Pharlaimint an 13 Samhain 2025,
–ag féachaint don fhíoras go meastar gur dhiúltaigh Grzegorz Braun dá cheart chun éisteachta i gcomhréir le Riail 9(6) dá Rialacha Nós Imeachta,
–ag féachaint d’Airteagail 8 agus 9 de Phrótacal Uimh. 7 ar Phribhléidí agus Díolúintí an Aontais Eorpaigh, agus d’Airteagal 6(2) d’Ionstraim an 20 Meán Fómhair 1976 maidir le toghadh Fheisirí Pharlaimint na hEorpa trí vótáil chomhchoiteann dhíreach,
–ag féachaint do na breithiúnais a thug Cúirt Bhreithiúnais an Aontais Eorpaigh an 21 Deireadh Fómhair 2008, an 19 Márta 2010, an 6 Meán Fómhair 2011, an 17 Eanáir 2013 agus an 19 Nollaig 2019 breithiúnas ón gCúirt Bhreithiúnais an 21 Deireadh Fómhair 2008, Marra v De Gregorio agus Clemente, C-200/07 agus C-201/07, ECLI:EU:C:2008:579; breithiúnas ón gCúirt Ghinearálta an 19 Márta 2010, Gollnisch v an Pharlaimint, T-42/06, ECLI:EU:T:2010:102; breithiúnas ón gCúirt Bhreithiúnais an 6 Meán Fómhair 2011, Patriciello, C-163/10, ECLI: EU:C:2011:543; breithiúnas ón gCúirt Ghinearálta an 17 Eanáir 2013, Gollnisch v an Pharlaimint, T-346/11 agus T-347/11, ECLI:EU:T:2013:23; breithiúnas ón gCúirt Bhreithiúnais an 19 Nollaig 2019, Junqueras Vies, C-502/19, ECLI:EU:C:2019:1115.,
–ag féachaint d’Airteagail 105(2) agus (5) de Bhunreacht Phoblacht na Polainne,
–ag féachaint do Riail 5(2), do Riail 6(1) agus do Riail 9 dá Rialacha Nós Imeachta,
–ag féachaint don tuarascáil ón gCoiste um Ghnóthaí Dlíthiúla (A10-0118/2026),
A.de bhrí, i litir dar dáta an 31 Deireadh Fómhair 2025, gur tharchuir Ard-Ionchúisitheoir Phoblacht na Polainne iarraidh ó Ardcheannasaí Phóilíní na Polainne ar dhíolúine Grzegorz Braun, Feisire de Pharlaimint na hEorpa arna thoghadh sa Pholainn, a tharscaoileadh, i ndáil le cionta líomhnaithe a tharla in 2025;
B.de bhrí, de réir na hiarrata, an 10 Iúil 2025, le linn chomóradh 84 bliana ar shléacht an phobail Ghiúdaigh, agus iad ina seasamh le grúpa daoine i lár bóthair phoiblí in Jedwabne, go líomhnaítear gur chuir Grzegorz Braun bac ar thrácht ar an mbóthar sin; de bhrí gur cion faoi Airteagal 90(1) d’Acht an 20 Bealtaine 1971 – Cód na Míghníomhartha í an ghníomhaíocht líomhnaithe;
C.de bhrí, de réir na hiarrata, an 10 Iúil 2025, in Jedwabne, gar don bhealach isteach chuig Reilig na nGiúdach, le linn chomóradh 84 bliana ar shléacht an phobail Ghiúdaigh, agus é ag seasamh le grúpa daoine i lár bóthair phoiblí, go líomhnaítear nár chomhlíon Grzegorz Braun orduithe a d’eisigh oifigeach póilíneachta inar iarradh air é féin a iompar i gcomhréir leis an dlí agus cead a thabhairt d’fheithiclí dul thart, rud a chuir bac suntasach agus d’aon ghnó ar chomhlíonadh dualgas oifigiúil; de bhrí gur cion faoi Airteagal 65a d’Acht an 20 Bealtaine 1971 – Cód na Míghníomhartha í an ghníomhaíocht líomhnaithe;
D.de bhrí gur toghadh Grzegorz Braun chun Parlaimint na hEorpa sna toghcháin Eorpacha i Meitheamh 2024 agus mar sin go raibh sé ina Fheisire de Pharlaimint na hEorpa tráth na gcionta líomhnaithe;
E.de bhrí nach ionann na cionta líomhnaithe, agus nach bhfuil baint ag an iarraidh dá éis sin ar dhíolúine Grzegorz Braun a tharscaoileadh, le haon tuairim a chuir sé in iúl nó le haon vóta a chaith sé i gcomhlíonadh a dhualgas de réir bhrí Airteagal 8 de Phrótacal Uimh. 7 ar Phribhléidí agus Díolúintí an Aontais Eorpaigh;
F.de bhrí go bhforáiltear le hAirteagal 9, an chéad mhír, pointe (a), de Phrótacal Uimh. 7 ar Phribhléidí agus Díolúintí an Aontais Eorpaigh, le linn sheisiúin Pharlaimint na hEorpa, go dteachtfaidh a Feisirí, i gcríoch a mBallstáit féin, na díolúintí a thugtar do chomhaltaí pharlaimint a mBallstáit féin;
G.de bhrí, i gcomhréir le hAirteagal 105(2) agus (5) de Bhunreacht Phoblacht na Polainne, ón lá a fógraíodh torthaí na dtoghchán go dtí an lá a rachaidh a shainordú nó a sainordú in éag, nach gcuirfear teachta faoi réir cuntasacht choiriúil gan toiliú Sejm Phoblacht na Polainne agus nach gcoinneofar ná nach ngabhfar é nó í gan toiliú an Sejm, ach amháin i gcásanna inar gabhadh é nó í agus cion á dhéanamh aige nó aici agus inar gá é nó í a choinneáil chun conair cheart na n-imeachtaí a áirithiú;
H.de bhrí gurb é is cuspóir don díolúine dá bhforáiltear i bPrótacal Uimh. 7 ar Phribhléidí agus Díolúintí an Aontais Eorpaigh an Pharlaimint agus a Feisirí a chosaint ar imeachtaí dlíthiúla i ndáil le gníomhaíochtaí a dhéantar i gcomhlíonadh dualgas parlaiminteach agus nach féidir a scaradh ó na dualgais sin;
I.de bhrí, i gcomhréir le Riail 5(2) dá Rialacha Nós Imeachta, nach pribhléid phearsanta í díolúine pharlaiminteach don Fheisire, ach gur ráthaíocht í ar neamhspleáchas Pharlaimint na hEorpa ina hiomláine agus a Feisirí;
J.de bhrí, sa chás seo, nár aimsigh Parlaimint na hEorpa aon fhianaise ar fumus persecutionis, is é sin le rá nach cosúil gurb é rún na n-imeachtaí dlíthiúla i dtrácht dochar a dhéanamh do ghníomhaíocht pholaitiúil Grzegorz Braun mar Fheisire de Pharlaimint na hEorpa, agus, dá bhrí sin, do neamhspleáchas Pharlaimint na hEorpa;
K.de bhrí nach féidir le Parlaimint na hEorpa ról cúirte a ghlacadh uirthi féin, agus de bhrí nach féidir, i nós imeachta um dhíolúine a tharscaoileadh, Feisire a mheas mar chosantóir breithiúnas ón gCúirt Ghinearálta an 30 Aibreán 2019, Briois v Parlaimint, T-214/18, ECLI:EU:T:2019:266;;