Measann an Coimisiún gur rud dearfach é an tionscnamh chun digitiú an phas peataí a bunaíodh faoi Dhlí an Aontais maidir le Sláinte Ainmhithe a chumasú. Tá measúnú mionsonraithe cuimsitheach ar impleachtaí agus módúlachtaí teicniúla agus praiticiúla an chuspóra digitithe sin le déanamh laistigh de 2 bhliain, i gcomhar leis na Ballstáit, lena n-áirítear breithniú a dhéanamh ar mhórchoinníollacha teicniúla, praiticiúla agus bonneagair agus ar an rogha an Tiachóg Eorpach Céannachta Digití a úsáid, ar rogha í a forbraíodh a thuilleadh de bhun Rialachán (AE) Uimh. 910/2014. Déanfaidh an Coimisiún breithniú ar ghlacadh gníomhartha tarmligthe faoin Dlí maidir le Sláinte Ainmhithe chun foráil a dhéanamh maidir leis an bpas peataí a dhigitiú a luaithe a bheidh na céimeanna sin curtha i gcrích.
Mar a fógraíodh in athbhreithniú 2022 ar phlean gníomhaíochta an Aontais in aghaidh na gáinneála ar fhiadhúlra, sheol an Coimisiún staidéar ar an ngá atá le ‘liosta dearfach peataí’ a thabhairt isteach ar fud an Aontais, ar an mbreisluach a bhaineann leis sin agus ar a indéanta atá sé é sin a dhéanamh. Cuirfear tuarascáil chríochnaitheach an staidéir sin ar fáil go poiblí go luath in 2026. Breithneoidh an Coimisiún an bhfuil gá le haon obair leantach.’