(2)Is-sejbiet tar-rapport ta’ Draghi tal-20242 indikaw li n-numru dejjem jikber u l-kumplessità tar-regoli jirriskjaw li jillimitaw l-ispazju għall-immanuvrar għan-negozji tal-Unjoni u li jżommuhom milli jibqgħu kompetittivi. F’dan l-isfond, ċerti proċeduri u rekwiżiti stabbiliti fir-Regolamenti (KE) Nru 1272/20083, (KE) Nru 1223/20094 u (UE) 2019/10095 tal-Parlament Ewropew u tal-Kunsill jenħtieġ li jiġu ssimplifikati u jenħtieġ li jitneħħew piżijiet amministrattivi u regolatorji mhux meħtieġa, filwaqt li jinżamm livell għoli ta’ protezzjoni tal-konsumatur u protezzjoni tas-saħħa tal-bniedem u tal-ambjent.

_________________

2 Ir-rapport tal-2024 ta’ Mario Draghi dwar il-futur tal-kompetittività Ewropea: https://commission.europa.eu/topics/eu-competitiveness/draghi-report_en?prefLang=mt#paragraph_47059

3 Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta’ Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (ĠU L 353, 31.12.2008, p. 1, ELI: http://data.europa.eu/eli/reg/2008/1272/oj).

4 Ir-Regolament (KE) 1223/2009 tal-Parlament Ewropew u tal-Kunsill tat-30 ta’ Novembru 2009 dwar il-prodotti kożmetiċi (riformulazzjoni) (ĠU L 342, 22.12.2009, p. 59, ELI: http://data.europa.eu/eli/reg/2009/1223/oj).

5 Ir-Regolament (UE) 2019/1009 tal-Parlament Ewropew u tal-Kunsill tal-5 ta’ Ġunju 2019 li jistabbilixxi regoli dwar it-tpoġġija għad-dispożizzjoni fis-suq ta’ prodotti fertilizzanti tal-UE u li jemenda r-Regolamenti (KE) Nru 1069/2009 u (KE) Nru 1107/2009 u li jħassar ir-Regolament (KE) Nru 2003/2003 (ĠU L 170, 25.6.2019, p. 1, ELI: http://data.europa.eu/eli/reg/2019/1009/oj).

(3)F’konformità mal-objettiv tal-Kummissjoni li tippromwovi l-prinċipju “diġitali b’mod awtomatiku” biex tappoġġa t-trasformazzjonijiet diġitali u sabiex tiffaċilita l-komunikazzjoni bejn il-fornituri u l-individwi u bejn il-fornituri u l-awtoritajiet nazzjonali responsabbli għall-infurzar, l-indikazzjoni ta’ kuntatt diġitali fuq it-tikketta ta’ sustanzi u taħlitiet perikolużi tikkontribwixxi biex jissaħħu l-effettività tal-kontrolli uffiċjali, it-traċċabbiltà, ir-responsabbiltà u l-infurzar u biex jitħaffef il-proċess tal-identifikazzjoni ta’ sustanzi u taħlitiet li ma jikkonformawx mar-rekwiżiti tar-Regolament (KE) Nru 1272/2008, kif ukoll biex jiġi żgurat li l-konsumaturi jkollhom kuntatt rapidu u dirett f’każ ta’ emerġenza jew aċċident. Bħalissa, il-fornituri huma meħtieġa jindikaw l-indirizz u n-numru tat-telefon tagħhom fuq it-tikketta tal-imballaġġ ta’ sustanzi jew taħlitiet perikolużi, iżda dan mhux dejjem ikun biżżejjed biex jiġi żgurat li l-awtoritajiet responsabbli għall-infurzar ikunu jistgħu jistabbilixxu kuntatt malajr. Għalhekk huwa meħtieġ li l-fornituri jintalbu jipprovdu wkoll kuntatt diġitali, li jenħtieġ li jkun kwalunkwe mezz ta’ komunikazzjoni online aġġornat, aċċessibbli faċilment u mingħajr ħlas mal-fornitur, u jippermetti l-ħżin ta’ informazzjoni fuq mezz durabbli. Meta jiġi pprovdut kuntatt diġitali, in-numru tat-telefon jista’ jsir disponibbli direttament permezz ta’ dak il-kuntatt diġitali.

(5)Ir-Regolament (UE) 2024/2865 tal-Parlament Ewropew u tal-Kunsill6 introduċa eżenzjonijiet mir-rekwiżiti tal-ittikkettar u tal-imballaġġ għal pakketti li fihom inqas minn 10 ml. Dan introduċa l-possibbiltà li jitħallew barra elementi tat-tikketta minn tali imballaġġ intern f’ċerti kundizzjonijiet. Madankollu, huwa meħtieġ li dawn id-dispożizzjonijiet jiġu ssimplifikati u jiġi ċċarat liema każijiet jeħtieġu li l-elementi tal-ittikkettar jiġu ppreżentati fuq l-imballaġġ ta’ barra f’każijiet li jippermettu li dawn l-elementi jitħallew barra kompletament. Barra minn hekk, jenħtieġ li l-Kummissjoni twettaq valutazzjoni dwar jekk tnaqqis speċifiku ulterjuri tal-elementi obbligatorji tat-tikketta jenħtieġx li japplika għall-pakketti ta’ bejn 10 u 125 ml.

_________________

6 Ir-Regolament (UE) 2024/2865 tal-Parlament Ewropew u tal-Kunsill tat-23 ta’ Ottubru 2024 li jemenda r-Regolament (KE) Nru 1272/2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet (ĠU L, 2024/2865, 20.11.2024, ELI: http://data.europa.eu/eli/reg/2024/2865/oj).

(6)Fir-rigward tal-aġġornament tat-tikketti f’każ ta’ awtoklassifikazzjoni ġdida jew aktar severa, jenħtieġ li l-fornituri jinfurmaw lill-utenti downstream diretti tagħhom dwar ir-riżultati tal-evalwazzjoni l-ġdida mingħajr dewmien żejjed. Sabiex jingħata biżżejjed żmien lill-fornituri kollha tas-sustanzi u t-taħlitiet, b’mod partikolari, għall-intrapriżi żgħar u ta’ daqs medju li spiss jesternalizzaw is-servizzi tal-istampar tat-tikketti u biex jiġu ffaċilitati t-tħejjija u l-produzzjoni ta’ tikketti li jintwew, li jieħdu ferm iżjed żmien mill-produzzjoni tat-tikketti standard, huwa meħtieġ li l-iskadenza fissa ta’ sitt xhur għall-ittikkettar mill-ġdid tiġi estiża għal tmintax-il xahar, filwaqt li jkompli jintalab li t-tikketti jinbidlu mingħajr dewmien żejjed wara li tinkiseb data ġdida minn fornitur jew wara li tiġi kkomunikata lilu.

(7)Ir-Regolament (UE) 2024/2865 stabbilixxa regoli dwar ir-rekwiżiti obbligatorji għall-ifformattjar tat-tikketti. Informazzjoni ġdida7 indikat piż amministrattiv u kostijiet eċċessivi, assoċjati ma’ dawn ir-rekwiżiti. Sabiex tiġi bbilanċjata l-ħtieġa li l-informazzjoni fuq it-tikketti tkun tinftiehem b’mod ċar mill-konsumaturi mal-ħtieġa li jitnaqqsu l-ostakli u l-piż mhux ġustifikat tas-suq għall-industrija8, b’mod partikolari għall-intrapriżi żgħar u ta’ daqs medju, huwa meħtieġ li jiġu ssimplifikati l-obbligi attwali ta’ fformattjar mingħajr ma jitnaqqas il-livell ta’ protezzjoni tas-saħħa tal-bniedem u tal-ambjent. Il-miżuri l-ġodda jenħtieġ li jżommu livell għoli ta’ protezzjoni tal-konsumatur u jiżguraw il-funzjonament xieraq tas-suq intern. Il-fornituri jeħtiġilhom jibqgħu responsabbli biex jiżguraw li t-tikketti jkunu jistgħu jinqraw f’konformità mar-rekwiżiti legali.

_________________

7 Analiżi dettaljata tal-kostijiet assoċjati mar-rekwiżiti l-ġodda tal-ifformattjar hija pprovduta fid-Dokument ta’ Ħidma tal-Persunal li Jakkumpanja d-dokument Proposta għal Regolament tal-Parlament Ewropew u tal-Kunsill li jemenda r-Regolamenti (KE) Nru 1272/2008, (KE) Nru 1223/2009 u (UE) 2019/1009 fir-rigward tas-simplifikazzjoni ta’ ċerti rekwiżiti u proċeduri għal prodotti kimiċi, SWD(2025) 531, p. 14.

8 Kif deskritt fil-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni Strateġija biex is-Suq Uniku jsir sempliċi, bla xkiel u b’saħħtu, COM(2025) 500 final, p. 10, disponibbli fuq: https://eur-lex.europa.eu/legal-content/MT/TXT/PDF/?uri=CELEX:52025DC0500.

(8)Biex jittaffa l-piż fuq l-industrija u biex tittejjeb iċ-ċirkolazzjoni libera ta’ sustanzi u taħlitiet fis-suq intern, huwa xieraq li jiġi emendat ir-Regolament (KE) Nru 1272/2008 fir-rigward tar-regoli dwar ir-reklamar u l-offerti ta’ bejgħ mill-bogħod, filwaqt li jittieħed vantaġġ mid-dispożizzjonijiet eżistenti f’leġiżlazzjoni oħra tal-Unjoni bl-istess objettivi. F’dan ir-rigward, ir-rekwiżiti għar-reklamar u l-offerti ta’ bejgħ mill-bogħod jenħtieġ li jkunu limitati għal prodotti mqiegħda fis-suq għall-pubbliku ġenerali, peress li r-Regolament (KE) Nru 1907/20069 diġà jipprovdi obbligi ċari dwar il-flussi tal-informazzjoni fil-ktajjen tal-provvista għas-sustanzi u t-taħlitiet.

_________________

9 Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1, ELI: http://data.europa.eu/eli/reg/2006/1907/oj).

(9)Qabel l-emendi introdotti mir-Regolament (UE) 2024/2865, ir-Regolament (KE) Nru 1272/2008 kien jeħtieġ li r-reklamar għal taħlitiet perikolużi, li għalihom membru tal-pubbliku ġenerali jitħalla jikkonkludi kuntratt għax-xiri mingħajr ma l-ewwel ikun ra t-tikketta, isemmi t-tip jew it-tipi ta’ perikli indikati fuq it-tikketta, u kien jeħtieġ li r-reklamar għal sustanzi jsemmi l-klassijiet ta’ periklu jew il-kategoriji ta’ periklu kkonċernati. Ir-Regolament (UE) 2024/2865 introduċa rekwiżit ġdid għall-bejgħ mill-bogħod kollu ta’ sustanzi u taħlitiet perikolużi biex tiġi inkluża l-informazzjoni kollha fuq l-ittikkettar fl-offerta, u b’hekk jiġi żgurat li x-xerrej dejjem ikun infurmat dwar il-perikli qabel ma jixtri l-prodott. Dak ir-Regolament espanda wkoll ir-rekwiżiti għar-reklamar, u kien jeħtieġ li dawn jindikaw il-pittogrammi tal-periklu, il-kliem bħala sinjal, id-dikjarazzjonijiet tal-periklu u d-dikjarazzjonijiet supplimentari u, barra minn hekk, li jistiednu lill-pubbliku ġenerali jsegwi l-informazzjoni dwar it-tikketta tal-prodott. Ir-reklamar huwa mezz ta’ promozzjoni tal-bejgħ jew tal-użu ta’ prodotti kimiċi, u fil-mument tal-bejgħ, it-tikketta fuq l-imballaġġ tas-sustanza jew tat-taħlita jew l-informazzjoni tat-tikketta fl-offerta mill-bogħod tipprovdi informazzjoni sħiħa dwar il-perikli assoċjati ma’ dik is-sustanza jew ma’ dik it-taħlita. Għalhekk, ikun xieraq li r-reklamar ikun meħtieġ jistieden lill-klijenti jaqraw it-tikketta u l-informazzjoni dwar il-prodott qabel l-użu, u li jinkludu jew il-kelma bħala sinjal jew il-pittogramma, iżda mhux li tiġi dduplikata l-informazzjoni kollha dwar il-periklu mit-tikketta. Dan l-approċċ jiżgura li r-reklami jibqgħu informattivi biżżejjed fit-twissija lill-utenti potenzjali dwar in-natura perikoluża tal-prodott mingħajr ma jimponi rekwiżiti li jagħmlu r-reklami mimlija b’kontenut żejjed, diffiċli biex jiġu interpretati, jew kummerċjalment mhux prattiċi. Minħabba l-ħafna forom differenti ta’ reklamar, il-fornituri jenħtieġ li jiġu pprovduti grad ta’ flessibbiltà dwar kif din l-informazzjoni jenħtieġ li titwassal fir-reklami.

(10)Peress li r-Regolament (KE) Nru 1107/2009 tal-Parlament Ewropew u tal-Kunsill10 u r-Regolament (UE) Nru 528/2012 tal-Parlament Ewropew u tal-Kunsill11 jirrikjedu li r-reklamar għal prodotti għall-protezzjoni tal-pjanti u prodotti bijoċidali awtorizzati jużaw id-dikjarazzjoni “Għandek dejjem taqra t-tikketta u l-informazzjoni tal-prodott qabel ma tużah”, ikun xieraq li dawk li jirreklamaw jużaw l-istess dikjarazzjoni għal reklami ta’ sustanzi u taħlitiet perikolużi biex tiġi żgurata l-konsistenza, speċjalment f’każijiet meta s-sustanzi u t-taħlitiet perikolużi li jiġu rreklamati jkunu wkoll prodotti għall-protezzjoni tal-pjanti jew prodotti bijoċidali awtorizzati.

_________________

10 Ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU L 309, 24.11.2009, p. 1, ELI: http://data.europa.eu/eli/reg/2009/1107/oj).

11 Ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (ĠU L 167, 27.6.2012, p. 1, ELI: http://data.europa.eu/eli/reg/2012/528/oj).

(12)Ir-Regolament (UE) 2024/2865 introduċa l-possibbiltà li ċerti elementi ta’ ttikkettar jiġu inklużi fit-tikketta diġitali biss. Sabiex jiġi żgurat użu usa’ tat-teknoloġija u sabiex ikun jista’ jkun hemm approċċ aktar sempliċi u flessibbli għall-ittikkettar, il-fornituri jenħtieġ li jitħallew iqiegħdu d-dettalji ta’ kuntatt ta’ kwalunkwe fornitur addizzjonali fuq it-tikketta diġitali biss. L-inklużjoni tal-kuntatt diġitali tkun xierqa wkoll meta d-dettalji ta’ kuntatt tal-fornituri addizzjonali jiġu pprovduti fit-tikketta diġitali. Sabiex tiġi żgurata l-possibbiltà ta’ kuntatt rapidu li huwa essenzjali f’ċerti sitwazzjonijiet bħal f’każijiet ta’ emerġenza, jenħtieġ li l-preżenza ta’ kuntatt diġitali ma teskludix l-għoti ta’ numru tat-telefon.

(14)F’konformità mad-dispożizzjonijiet tranżizzjonali tar-Regolament (KE) Nru 1272/2008, jenħtieġ li l-fornituri jkollhom il-possibbiltà li japplikaw id-dispożizzjonijiet il-ġodda dwar il-klassifikazzjoni, l-ittikkettar u l-imballaġġ introdotti b’dan ir-Regolament fuq bażi volontarja qabel id-data tal-applikazzjoni differita ta’ dawn id-dispożizzjonijiet u l-awtoritajiet nazzjonali jenħtieġ li jħeġġuhom jagħmlu dan.

(17)Il-kundizzjonijiet li jippermettu eżenzjonijiet mill-projbizzjoni tal-użu ta’ tali sustanzi fil-prodotti kożmetiċi jenħtieġ li jiġu ssimplifikati mingħajr ma jitbaxxa l-livell għoli tas-saħħa u sikurezza tal-bniedem u l-protezzjoni tal-konsumatur, u l-kamp ta’ applikazzjoni tagħhom jenħtieġ li jiġi stabbilit f’aktar dettall. Barra minn hekk, il-konformità mar-rekwiżiti tas-sikurezza alimentari mhijiex kompatibbli mal-iżviluppi xjentifiċi u tekniċi li jippermettu l-iżvilupp ta’ sustanzi ġodda għall-użu fi prodotti kożmetiċi li ma jintużawx jew ma jinstabux fl-ikel. Il-konformità mar-rekwiżiti tas-sikurezza alimentari mhux neċessarjament issaħħaħ is-sikurezza tal-prodotti kożmetiċi peress li ż-żewġ kategoriji ta’ prodotti huma differenti b’mod inerenti. Għalhekk, huwa xieraq li din il-kundizzjoni titħassar.

(18)Barra minn hekk, jenħtieġ li jiġu deskritti l-elementi li għandhom jitqiesu taħt id-disponibbiltà ta’ kundizzjonijiet alternattivi xierqa. B’mod partikolari, jenħtieġ li jiġi previst li l-użu ta’ kwalunkwe sustanza alternattiva biex tissostitwixxi s-sustanza klassifikata jkun sikur għas-saħħa tal-bniedem. L-alternattiva jenħtieġ li tipprovdi funzjoni ekwivalenti u livell komparabbli ta’ effikaċja u prestazzjoni u jenħtieġ li tkun disponibbli fis-suq fi kwantitajiet suffiċjenti, jew li x’aktarx tkun disponibbli fi kwantitajiet suffiċjenti biex tissodisfa d-domanda attwali u jkollha l-potenzjal muri li tissodisfa d-domandi mistennija f’perjodu ta’ żmien raġonevoli. L-użu tagħha għandu jkun teknikament u ekonomikament fattibbli għan-negozji u speċjalment għall-SMEs biex jingħata lok għal produzzjoni sostnuta. Biex tiġi vvalutata l-fattibbiltà ekonomika, jistgħu jiġu kkunsidrati l-aspetti ekonomiċi, bħall-kostijiet tar-riformulazzjoni u l-kontribuzzjoni komparattiva għall-kostijiet ġenerali tal-produzzjoni, bħala fatturi rilevanti fl-analiżi tal-adegwatezza tal-alternattivi.

(Ma taffettwax il-verżjoni Maltija.)

(21)Is-sustanzi li fihom aktar minn kostitwent wieħed li jiġu estratti mill-pjanti jew mill-partijiet tal-pjanti u li mhumiex modifikati kimikament kif definit fl-Artikolu 3, il-punt (40), tar-Regolament (KE) Nru 1907/2006, spiss jissejħu sustanzi kumplessi naturali, jew “NCS”. Dawn jista’ jkun fihom kostitwent wieħed jew aktar ikklassifikati bħala sustanzi CMR, filwaqt li s-sustanza kumplessa naturali ġenerali stess ma tkunx ikklassifikata bħala sustanza CMR. Livell għoli ta’ protezzjoni tal-konsumatur irid japplika għal tali sustanzi u dan jenħtieġ li jkun ibbażat fuq l-għarfien xjentifiku u l-kundizzjonijiet attwali ta’ espożizzjoni li jirriżultaw mill-użu tagħhom fil-prodotti kosmetiċi. F’każijiet bħal dawn, il-projbizzjoni tal-użu fil-prodotti kożmetiċi skont l-Artikolu 15 tar-Regolament (KE) Nru 1223/2009 tapplika biss għas-sustanza kif tidher fil-Parti 3, tal-Anness VI, tar-Regolament (KE) Nru 1272/2008. Is-sustanzi kumplessi naturali li fihom kostitwent ikklassifikat bħala CMR mhumiex soġġetti għall-projbizzjoni, ħlief meta s-sustanza kumplessa naturali stess tkun ikklassifikata bħala sustanza CMR tal-kategorija 1A, 1B jew 2 fil-Parti 3, tal-Anness VI, tar-Regolament (KE) Nru 1272/2008. Madankollu, peress li l-klassifikazzjoni armonizzata ta’ kostitwent tqajjem tħassib dwar l-użu u s-sikurezza tas-sustanzi kumplessi naturali meta jintużaw fil-prodotti kożmetiċi, il-Kummissjoni jenħtieġ li tordna mingħajr dewmien lill-SCCS jivvaluta s-sikurezza ta’ tali sustanzi u, meta jkun meħtieġ, tieħu azzjoni regolatorja xierqa f’konformità mal-Artikolu 31(1) tar-Regolament (KE) Nru 1223/2009. Il-valutazzjoni tal-SCCS jenħtieġ li tkun f’waqtha ħalli tiġi żgurata l-prevedibbiltà għall-industrija.

(22)Meta sustanza tkun ipprojbita jew ristretta mill-użu fil-prodotti kożmetiċi, il-manifatturi, l-importaturi, id-distributuri u l-persuni responsabbli jenħtieġ li jingħataw biżżejjed żmien biex jieħdu l-miżuri meħtieġa ħalli jirrifformulaw, jittestjaw u jittikkettaw mill-ġdid il-prodotti tagħhom, u jirtiraw mid-distribuzzjoni u jeqirdu l-prodotti mhux mibjugħa li ma jikkonformawx mar-rekwiżiti l-ġodda. Għaldaqstant, jekk ma tkun tressqet l-ebda talba għal deroga, jenħtieġ li jiġu pprovduti perjodi ta’ 6 xhur għat-tqegħid fis-suq u ta’ 15-il xahar għat-tpoġġija għad-dispożizzjoni fis-suq ta’ prodotti kożmetiċi li fihom is-sustanza kkonċernata wara d-dħul fis-seħħ tal-emendi rispettivi tar-Regolament (KE) Nru 1223/2009. F’każ li tkun ġiet sottomessa talba għal deroga u l-SCCS ikun sab li s-sustanza mhijiex sikura, dawk l-iskadenzi jenħtieġ li jitqassru għal perjodu ta’ 3 xhur għat-tqegħid fis-suq u 12-il xahar għat-tpoġġija għad-dispożizzjoni fis-suq. F’każ li tkun ġiet sottomessa talba għal deroga u l-SCCS ikun sab li s-sustanza hija sikura, iżda t-talba tkun ġiet irrifjutata minħabba d-disponibbiltà ta’ alternattivi xierqa, dawk l-iskadenzi jenħtieġ li jiġu estiżi għal perjodu ta’ 24 xahar għat-tqegħid fis-suq u 48 xahar għat-tpoġġija għad-dispożizzjoni fis-suq, bil-kundizzjoni li jibqa’ disponibbli Rapport aġġornat dwar is-Sigurtà tal-Prodotti Kożmetiċi (CPSR) f’kull ħin.

(23)Sabiex jitnaqqsu l-piż tal-konformità u l-piż amministrattiv fuq in-negozji attivi fis-settur tal-kożmetiċi, jenħtieġ li jkunu meħtieġa notifiki tal-prodotti kożmetiċi lill-Kummissjoni qabel ma jitqiegħdu fis-suq tal-Unjoni. Sabiex tinżamm il-viġilanza fuq in-nanomaterjali fil-prodotti kożmetiċi, jenħtieġ li jkun meħtieġ li din in-notifika tinkludi l-identifikazzjoni tan-nanomaterjal inkluż l-isem kimiku tiegħu (IUPAC) u deskritturi oħra kif speċifikat fil-punt 2 tal-Preambolu għall-Annessi II sa VI, u l-ispeċifikazzjoni tan-nanomaterjal, inklużi d-daqs tal-partikoli u l-proprjetajiet fiżiċi u kimiċi, maħsub biex jitqiegħed fis-suq kull sena. Dan huwa meħtieġ sabiex tkun tista’ tintalab valutazzjoni tas-sikurezza mill-Kummissjoni fil-każ ta’ tħassib. Jenħtieġ li jkun meħtieġ ukoll b’mod espliċitu li l-nformazzjoni speċifika dwar in-nanomaterjali użati fi prodott kożmetiku tiġi pprovduta fin-notifika tal-Portal ta’ Notifika tal-Prodotti Kożmetiċi (CPNP) u fir-rapport dwar is-sikurezza tal-prodott kożmetiku li t-tnejn huma aċċessibbli għall-awtoritajiet kompetenti u jistgħu jiġu kkonsultati mill-awtoritajiet kompetenti, meta jirriżulta tħassib dwar ir-riskju potenzjali għas-saħħa tal-bniedem mill-użu ta’ nanomaterjal partikolari fil-prodotti kożmetiċi.

(25)Il-kożmetiċi huma oġġetti nnegozjati globalment u għalhekk huwa essenzjali li l-ismijiet tal-ingredjenti preżenti fuq it-tikketti tagħhom jirriflettu l-istat attwali tal-iżvilupp xjentifiku u teknoloġiku b’mod f’waqtu. L-użu ta’ nomenklatura rikonoxxuta internazzjonalment, bħall-ismijiet tan-Nomenklatura Internazzjonali tal-Ingredjenti Kożmetiċi (INCI) huwa fattur importanti li jippromwovi t-trasparenza tal-ingredjenti għall-konsumaturi, jiżgura l-konsistenza fil-ġuriżdizzjonijiet kollha, u jiffaċilita l-kummerċ transfruntier fil-kożmetiċi. L-ismijiet tal-INCI jinżammu mill-Kunsill tal-Prodotti għall-Kura Personali (PCPC) bħala standard internazzjonali tal-industrija u huma rikonoxxuti b’mod wiesa’ mir-regolaturi u mill-partijiet ikkonċernati madwar id-dinja. Dan ir-Regolament jenħtieġ li jippermetti l-użu dirett tan-nomenkatura ta’ ismijiet rikonoxxuti internazzjonalment, bħall-INCI, fuq l-ittikkettar tal-prodotti kożmetiċi mingħajr ebda azzjoni regolatorja ulterjuri addizzjonali mill-Kummissjoni. Meta isem ta’ ingredjent komuni ma jkunx disponibbli fl-INCI, jenħtieġ li tintuża nomenklatura oħra aċċettata b’mod ġenerali, pereżempju ismijiet stabbiliti f’referenzi kimiċi jew tal-farmakopea rikonoxxuti internazzjonalment, jew f’sorsi awtorevoli oħra li fuqhom jibbażaw b’mod komuni l-industrija u r-regolaturi. Dan l-approċċ jiżgura l-flessibbiltà, jevita piż amministrattiv bla bżonn u jiggarantixxi li l-ismijiet tal-ingredjenti użati fuq l-ittikkettar tal-prodotti kożmetiċi jibqgħu aġġornati, internazzjonalment koerenti u jinftiehmu faċilment mill-konsumaturi. Peress li glossarju ta’ ismijiet komuni tal-ingredjenti adottat mill-Kummissjoni jdewwem il-proċess tal-adozzjoni tal-ismijiet il-ġodda, id-dispożizzjoni li tirrikjedi li l-Kummissjoni tadotta tali glossarju jenħtieġ li titneħħa.

(26)F’konformità mal-objettiv tal-Kummissjoni li jiġu rrazzjonalizzati u ssimplifikati r-rekwiżiti ta’ rapportar u li jiġi promoss il-prinċipju “diġitali b’mod awtomatiku” biex jiġu appoġġati t-trasformazzjonijiet diġitali, l-operaturi ekonomiċi li jittrattaw il-prodotti fertilizzanti tal-UE f’konformità mar-Regolament (UE) 2019/1009 jenħtieġ li jipprovdu kuntatt diġitali li permezz tiegħu jkunu jistgħu jiġu kkuntattjati mill-awtoritajiet kompetenti u mill-utenti finali sabiex iwieġbu b’mod adegwat kwalunkwe mistoqsija mingħandhom, ifasslu d-dikjarazzjoni tal-konformità tal-UE f’forma elettronika u jagħmluha aċċessibbli permezz ta’ indirizz tal-internet jew mezz ta’ data, u jipprovdu lill-awtoritajiet kompetenti, fuq talba, l-informazzjoni u d-dokumentazzjoni kollha rilevanti b’mod rapidu f’forma elettronika. Jenħtieġ li d-dokumenti u l-korrispondenza lill-korpi notifikati u mingħandhom relatati mal-valutazzjonijiet tal-konformità tal-prodotti fertilizzanti tal-UE jiġu pprovduti wkoll f’forma elettronika b’mod rapidu. Meta tintuża tikketta diġitali, jenħtieġ li l-manifatturi jużaw l-istess trasportatur tad-data użat għat-tikketta diġitali biex jipprovdu aċċess għad-dikjarazzjoni ta’ konformità tal-UE, sabiex tiġi evitata l-preżenza ta’ bosta trasportaturi tad-data fuq l-istess prodott. Meta jkun meħtieġ Passaport Diġitali tal-Prodotti għall-prodotti fertilizzanti tal-UE skont leġiżlazzjoni oħra tal-UE, l-informazzjoni fuq l-ittikkettar diġitali u d-dikjarazzjoni ta’ konformità tal-UE jenħtieġ li jiġu pprovduti f’dak il-Passaport Diġitali tal-Prodotti.

(27)Skont ir-Regolament (UE) 2019/1009, il-mikroorganiżmi elenkati f’lista pożittiva fl-Anness II ta’ dak ir-Regolament biss jistgħu jintużaw bħala materjal komponenti fil-bijostimulanti mikrobiċi tal-pjanti. Il-Kummissjoni għandha s-setgħa li żżid mikroorganiżmi jew varjanti ta’ mikroorganiżmi ġodda ma’ dik il-lista wara valutazzjoni li tikkonkludi li l-ebda waħda mill-varjanti ma tippreżenta riskju għas-saħħa tal-bniedem, tal-annimali jew tal-pjanti, għas-sikurezza jew għall-ambjent u li tiżgura l-effiċjenza agronomika. Minħabba l-għadd kbir ta’ mikroorganiżmi fis-suq, il-valutazzjoni u l-inklużjoni sussegwenti ta’ mikroorganiżmi jew ta’ varjanti ta’ mikroorganiżmi ġodda fil-lista pożittiva għadhom lura meta mqabbla mal-progress xjentifiku. Il-mekkaniżmu attwali jnaqqas ir-ritmu tal-iżvilupp tal-bijostimulanti mikrobiċi tal-pjanti u jittardja l-aċċess tal-bdiewa għal dawk il-prodotti fertilizzanti innovattivi. Monitoraġġ proattiv tal-iżviluppi xjentifiċi u l-aġġornament tal-lista ta’ mikroorganiżmi jew razez ta’ mikroorganiżmi, kif ukoll tal-kriterji u l-metodoloġija rilevanti huma meħtieġa fuq bażi kontinwa. Barra minn hekk, l-aġġornamenti kollha jenħtieġ li jiġu implimentati malajr. Fl-istess ħin, il-qafas regolatorju jenħtieġ li jiżgura li l-użu ta’ fertilizzanti tradizzjonali u naturali jibqa’ għażla vijabbli u aċċessibbli, filwaqt li jirrikonoxxi r-rwol tagħhom flimkien ma’ soluzzjonijiet mikrobiċi, sabiex ma tiġix imminata l-kompetittività jew il-produzzjoni agrikola fl-Unjoni.

(28)L-użu usa’ ta’ bijostimulanti mikrobiċi tal-pjanti jista’ jtejjeb l-effiċjenza fl-użu tan-nutrijenti u s-saħħa tal-ħamrija, u b’hekk irawwem l-iżvilupp ta’ agrikoltura sostenibbli filwaqt li tkun produttiva ħafna. Sabiex titħaffef il-valutazzjoni tal-mikroorganiżmi u biex is-suq uniku jinfetaħ għal aktar bijostimulanti mikrobiċi tal-pjanti, jenħtieġ li tiġi ddelegata lill-Kummissjoni s-setgħa li tadotta atti f’konformità mal-Artikolu 290 tat-Trattat dwar il-Funzjonament tal-Unjoni Ewropea fir-rigward tal-Anness II, Parti II, il-kategorija tal-materjali komponenti (CMC, component material category) 7, għar-Regolament (UE) 2019/1009 biex il-Kummissjoni tkun tista’ tintroduċi kriterji ġenerali u metodoloġija għall-valutazzjoni tal-mikroorganiżmi. Dawk il-kriterji jenħtieġ li jirriflettu l-aktar żviluppi xjentifiċi reċenti u jippermettu lill-manifatturi u lill-korpi notifikati juru u jivverifikaw li l-mikroorganiżmi użati f’bijostimulanti mikrobiċi tal-pjanti, għajr dawk elenkati f’CMC 7, ma jippreżentawx riskju għas-saħħa tal-bniedem, tal-annimali jew tal-pjanti, għas-sikurezza jew għall-ambjent u jiżguraw effiċjenza agronomika filwaqt li jqisu l-kompetittività u l-produzzjoni tal-UE. Il-verifika tal-konformità tal-mikroorganiżmi mal-kriterji u l-metodoloġija stabbiliti skont dan ir-Regolament tirrikjedi kompetenzi speċifiċi u għarfien xjentifiku u tekniku mill-korpi ta’ valutazzjoni tal-konformità. Għalhekk, dawk il-kompetenzi, kif ukoll l-aspetti bħall-indipendenza, l-oġġettività, l-imparzjalità u l-integrità professjonali jenħtieġ li jiġu skrutinizzati mill-korpi nazzjonali inkarigati mill-akkreditazzjoni u n-notifika. Sabiex tirfina u tivvalida l-kriterji u l-metodoloġija li jridu jiġu introdotti, huwa partikolarment importanti li l-Kummissjoni tinvolvi lill-korpi xjentifiċi rilevanti, b’mod partikolari l-Aġenzija Ewropea dwar is-Sigurtà fl-Ikel, il-JRC u l-ECHA, biex jirrieżaminaw u jikkontribwixxu, u twettaq ukoll konsultazzjonijiet xierqa tul il-ħidma preparatorja tagħha, anke fil-livell tal-esperti. Huwa essenzjali li l-Kummissjoni tippreserva kooperazzjoni interistituzzjonali b’saħħitha, filwaqt li tinvolvi ruħha f’dawk il-konsultazzjonijiet, li jenħtieġ li jitwettqu f’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet13. B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

_________________

13 ĠU L 123, 12.5.2016, p. 1, ELI: http://data.europa.eu/eli/agree_interinstit/2016/512/oj.

(30)Ir-Regolament (UE) 2019/1009 introduċa rekwiżiti ta’ reġistrazzjoni addizzjonali għas-sustanzi użati fil-prodotti fertilizzanti tal-UE, li jmorru lil hinn minn dawk stabbiliti fir-Regolament (KE) Nru 1907/2006. Sabiex tiġi żgurata l-proporzjonalità filwaqt li jinżamm livell għoli ta’ protezzjoni tas-saħħa tal-bniedem u tal-ambjent, huwa xieraq li r-rekwiżiti ta’ reġistrazzjoni għas-sustanzi użati fil-prodotti fertilizzanti tal-UE jiġu allinjati ma’ dawk stabbiliti fir-Regolament (KE) Nru 1907/2006, filwaqt li jitqiesu l-limiti ta’ tunnellaġġ u r-rekwiżiti ta’ informazzjoni rilevanti. Fl-istess ħin, għal sustanzi bi proprjetajiet partikolarment perikolużi, inklużi dawk ikklassifikati skont ir-Regolament (KE) Nru 1272/2008 bħala karċinoġeniċi, mutaġeniċi, tossiċi għar-riproduzzjoni, li jfixklu s-sistema endokrinali jew persistenti, bijoakkumulattivi u tossiċi, jenħtieġ li japplikaw rekwiżiti speċifiċi ta’ informazzjoni anke meta tali sustanzi jintużaw fi kwantitajiet baxxi fi prodotti fertilizzanti. Dan l-approċċ jiżgura li tkun disponibbli informazzjoni rilevanti għas-sikurezza, filwaqt li jiġu evitati piżijiet bla bżonn għal sustanzi li jippreżentaw riskji aktar baxxi. L-informazzjoni pprovduta jenħtieġ li tkun ibbażata fuq id-data disponibbli, inkluż l-użu ta’ metodi u adattamenti alternattivi f’konformità mar-Regolament (KE) Nru 1907/2006, u jenħtieġ li, kull meta dan ikun rilevanti u bħala l-aħħar istanza, tevita ttestjar bla bżonn, b’mod partikolari fuq annimali vertebrati. Il-valutazzjonijiet tas-sikurezza kimika għandhom ikunu limitati għal xenarji ta’ esponiment rilevanti relatati mal-użu agronomiku tal-prodotti fertilizzanti u l-ambjent. Approċċ bħal dan jiżgura qafas ibbilanċjat li jappoġġa l-innovazzjoni u l-aċċess għas-suq, filwaqt li jissalvagwardja livell għoli ta’ protezzjoni u ċertezza legali għall-operaturi.

42.“kuntatt diġitali” tfisser kwalunkwe mezz ta’ komunikazzjoni aġġornat u aċċessibbli faċilment u mingħajr ħlas online bħal indirizzi elettroniċi jew weblink li permezz tagħhom fornitur jista’ jiġi kkuntattjat mingħajr il-ħtieġa ta’ reġistrazzjoni jew li titniżżel jew tintuża applikazzjoni.

(2)l-Artikolu 17(1) huwa emendat kif ġej:

(a)l-isem, l-indirizz, in-numru tat-telefon u l-kuntatt diġitali tal-fornitur;

It-tikketta għandha tinkludi wkoll l-identifikatur tal-prodott imsemmi fl-Artikolu 18 l-isem, l-indirizz , il-kuntatt diġitali tal-fornitur(i) tat-taħlita u n-numru tat-telefon, sakemm dan in-numru tat-telefon ma jkunx disponibbli direttament permezz tal-kuntatt diġitali. Mingħajr preġudizzju għall-iskadenza stabbilita fl-Artikolu 61(8), l-inklużjoni jew il-bidla fil-kuntatt diġitali tista’ tiżdied jew tiġi aġġornata fi kwalunkwe ħin jew matul iċ-ċikli regolari ta’ aġġornament tat-tikketta tal-fornitur;

(4)fl-Artikolu 29 il-paragrafi 1 u 2 huma sostitwiti b’dan li ġej:

“1. Meta l-imballaġġ ta’ sustanza jew taħlita jkun jew f’tali għamla jew forma jew ikun daqstant żgħir li jkun impossibbli li jissodisfa r-rekwiżiti stabbiliti fl-Artikolu 31 għal tikketta fil-lingwi tal-Istat Membru meta s-sustanza jew it-taħlita titqiegħed fis-suq, l-elementi tat-tikketta stabbiliti fl-Artikolu 17(1) għandhom jiġu pprovduti skont it-taqsima 1.5.1 tal-Anness I.;”

2.L-elementi tat-tikketta stabbiliti fl-Artikolu 17(1) jistgħu jitnaqqsu f’konformità mar-regoli stabbiliti fit-Taqsima 1.5.2. tal-Anness I, meta: a) il-kontenut tal-imballaġġ ta’ sustanza jew taħlita ma jaqbiżx il-kwantitajiet indikati fit-Taqsima 1.5.2. tal-Anness I; u b) l-imballaġġ ikun jew f’tali għamla jew forma jew ikun żgħir wisq fid-daqs tant li ma jippermettix referenza sħiħa għall-elementi kollha msemmija fl-Artikolu 31 fil-lingwi kollha tal-Istat Membru li fih is-sustanza jew it-taħlita titqiegħed fis-suq.”

1.F’każ ta’ bidla fir-rigward tal-klassifikazzjoni jew tal-ittikkettar ta’ sustanza jew taħlita, li tirriżulta fiż-żieda ta’ klassi ta’ periklu ġdida jew fi klassifikazzjoni aktar severa, jew li tirrikjedi informazzjoni supplimentari ġdida fuq it-tikketta f’konformità mal-Artikolu 25, il-fornitur ta’ dik is-sustanza jew ta’ dik it-taħlita għandu jiżgura li t-tikketta tiġi aġġornata mingħajr dewmien żejjed u fi kwalunkwe każ mhux aktar tard minn tmintax-il xahar wara li jinkisbu r-riżultati tal-evalwazzjoni l-ġdida msemmija fl-Artikolu 15(4) minn dak il-fornitur jew jiġu komunikati lilu.”; Bil-ħsieb li jitlestew il-bidliet fl-ittikkettar mingħajr dewmien żejjed, il-fornituri għandhom jikkooperaw f’konformità mal-Artikolu 4(9) u jinfurmaw lill-utenti downstream diretti tagħhom dwar ir-riżultati tal-evalwazzjoni l-ġdida kif imsemmi fis-subparagrafu 1 f’konformità mar-rekwiżiti applikabbli tar-Regolament (KE) Nru 1907/2006. Il-fornituri jistgħu japplikaw il-klassifikazzjonijiet ġodda jew aġġornati u jadattaw l-ittikkettar kif xieraq fuq bażi volontarja qabel l-iskadenza tal-perjodu ta’ tmintax-il xahar, sabiex jiżguraw livell għoli ta’ protezzjoni tas-saħħa tal-bniedem u tal-ambjent u biex jipprovdu biżżejjed flessibbiltà;

3.L-elementi tat-tikketta msemmija fl-Artikolu 17(1) għandhom ikunu mmarkati b’mod ċar u li ma jitħassarx. Dawn għandhom jispikkaw b’mod ċar mill-isfond u jkunu ta’ tali daqs u spazjati b’tali mod li jkunu jistgħu jinqraw faċilment. Dawn għandhom jiġu fformattjati f’konformità mat-Taqsima 1.2.1 tal-Anness I.;

1.Kwalunkwe reklam lill-pubbliku ġenerali ta’ sustanza jew taħlita klassifikata bħala perikoluża jew taħlita li jkun fiha sustanzi msemmija fil-Parti 2 tal-Anness II għandu dejjem jinkludi s-sentenza: “Għandek dejjem taqra t-tikketta u l-informazzjoni tal-prodott qabel ma tużah.”, u għandu jinkludi wkoll wieħed minn dawn li ġejjin: a) il-pittogramm(i) tal-periklu applikabbli; jew b) il-kelma bħala sinjal rilevanti f’konformità mal-Artikolu 20.

Artikolu 48a

Offerti ta’ bejgħ mill-bogħod

1. Meta s-sustanzi jew taħlitiet jitqiegħdu fis-suq għall-pubbliku ġenerali permezz ta’ bejgħ mill-bogħod, l-offerta għandha tindika b’mod ċar u viżibbli l-elementi tat-tikketta msemmija fl-Artikolu 17;

8.Is-sustanzi u t-taħlitiet li jkunu ġew ikklassifikati, ittikkettati u imballati f’konformità mal-Artikolu 18(3) kif applikabbli fid-9 ta’ Diċembru 2024 u li jkunu tqiegħdu fis-suq qabel l-1 ta’ Jannar 2027 ma għandhomx ikunu meħtieġa li jiġu kklassifikati, ittikkettati u imballati f’konformità ma’ dan ir-Regolament kif emendat bir-Regolament (UE) 2024/2865 tal-Parlament Ewropew u tal-Kunsill sal-1 ta’ Jannar 2029. Is-sustanzi u t-taħlitiet li jkunu ġew ikklassifikati, ittikkettati u imballati f’konformità mal-Artikolu 31(3) u t-Taqsima 1.2.1. tal-Anness I kif applikabbli fid-9 ta’ Diċembru 2024 u li jkunu tqiegħdu fis-suq qabel l-1 ta’ Jannar 2028 ma għandhomx ikunu meħtieġa li jiġu kklassifikati, ittikkettati u imballati f’konformità ma’ dan ir-Regolament kif emendat bir-Regolament (UE) 2024/2865 tal-Parlament Ewropew u tal-Kunsill sal-1 ta’ Jannar 2030.”

2.Wara li tirċievi t-talba msemmija fil-paragrafu 1, il-Kummissjoni għandha titlob l-opinjoni tal-SCCS dwar is-sikurezza tas-sustanza għall-użu fil-prodotti kożmetiċi mingħajr dewmien żejjed.

2.Madankollu, tali sustanzi jistgħu jintużaw fi prodotti kożmetiċi b’mod eċċezzjonali, jekk titressaq talba għal deroga lill-Kummissjoni sa mhux aktar tard minn tliet xhur wara d-data tad-dħul fis-seħħ tal-emendi għall-Parti 3 tal-Anness VI tar-Regolament (KE) Nru 1272/2008 li jikklassifikaw is-sustanza bħala sustanza CMR tal-kategorija 1A jew 1B, u l-Kummissjoni tagħti d-deroga mill-projbizzjoni ġenerali stabbilita fis-subparagrafu 1. Il-Kummissjoni tista’ tagħti d-deroga meta jiġu ssodisfati l-kundizzjonijiet kollha li ġejjin:

(b)is-sustanzi jkunu ġew evalwati u nstabu li huma sikuri mill-SCCS għal użu partikolari wieħed jew aktar tal-kategoriji tal-prodotti kożmetiċi meta jitqies l-esponiment ġenerali mill-użi f’dawk il-kategoriji tal-prodotti kif ukoll minn sorsi għajr il-kożmetiċi u ta’ gruppi vulnerabbli tal-popolazzjoni.

(a)l-użu tagħha fil-prodotti kożmetiċi huwa sigur u jirriżulta fit-tnaqqis tar-riskju ġenerali għas-saħħa tal-bniedem, meta tiġi vvalutata vis-à-vis is-sustanza li hija maħsuba li tissostitwixxi;

(b)tipprovdi funzjoni ekwivalenti għas-sustanza klassifikata, fi prodott kożmetiku lest b’effett, livell ta’ effikaċja u prestazzjoni komparabbli;

(c)tkun teknikament u ekonomikament fattibbli sakemm il-kostijiet u l-kundizzjonijiet tal-provvista jippermettu produzzjoni sostnuta;

(d)mhijiex ristretta u lanqas mhija disponibbli fis-suq fuq skala kbira u fi kwantitajiet suffiċjenti biex tiġi ssodisfata d-domanda attwali jew għandha l-potenzjal li tissodisfa d-domanda mistennija fi żmien raġonevoli.

(iii)is-subparagrafi li ġejjin jiddaħħlu wara r-raba’ subparagrafu:

L-iskadenza stabbilita fir-raba’ subparagrafu ta’ dan il-paragrafu għandha tibda fid-data tad-dħul fis-seħħ tal-emendi rilevanti għall-Parti 3 tal-Anness VI tar-Regolament (KE) Nru 1272/2008 li jikklassifikaw is-sustanza kkonċernata bħala sustanza CMR tal-kategorija 1A, jew 1B.

imħassar

6.Il-projbizzjoni msemmija fil-paragrafi 1 u 2 ta’ dan l-Artikolu ma għandhiex tapplika għal sustanzi estratti minn pjanti jew partijiet ta’ pjanti u mhux modifikata kimikament kif definita fl-Artikolu 3, il-punt (40), tar-Regolament (KE) Nru 1907/2006, li fiha aktar minn kostitwent wieħed, li mill-inqas wieħed minnhom ikun ġie kklassifikat bħala sustanza CMR tal-kategorija 1A, 1B, jew 2 skont il-Parti 3 tal-Anness VI tar-Regolament (KE) Nru 1272/2008. Billi iista’ jirriżulta riskju potenzjali għas-saħħa tal-bniedem mill-preżenza ta’ tali kostitwent ikklassifikat bħala CMR tal-kategorija 1A, 1B jew 2 f’tali sustanzi fil-prodotti kożmetiċi, il-Kummissjoni għandha mingħajr dewmien titlob opinjoni tal-SCCS dwar is-sikurezza ta’ dak il-kostitwent għall-preżenza tiegħu fil-prodotti kożmetiċi. L-SCCS għandu jagħti l-opinjoni tiegħu fi żmien 12-il xahar mit-talba tal-Kummissjoni. Il-Kummissjoni tista’ testendi dik l-iskadenza b’sitt xhur jekk tkun meħtieġa evidenza addizzjonali. L-SCCS għandu jagħti l-opinjoni tiegħu fi żmien sitt xhur minn meta tiġi sottomessa l-informazzjoni addizzjonali. L-opinjoni tal-SCCS għandha titqiegħed għad-dispożizzjoni tal-pubbliku. Filwaqt li tqis l-opinjoni tal-SCCS, u meta riskju potenzjali għas-saħħa tal-bniedem jirriżulta mill-użu ta’ sustanza msemmija fl-ewwel subparagrafu fil-prodotti kożmetiċi li fihom kostitwent ikklassifikat bħala CMR tal-kategorija 1A, 1B jew 2 għas-saħħa tal-bniedem, il-Kummissjoni għandha, mingħajr dewmien, temenda l-Annessi ta’ dan ir-Regolament. Għall-fini ta’ dan il-paragrafu, “pjanti” tirreferi għal organiżmi ħajjin jew mejtin mir-renji Plantae u Fungi, inklużi l-alka, il-likeni u l-ħmira.

7.Il-prodotti kożmetiċi li jkun fihom sustanza kklassifikata bħala sustanza CMR tal-kategorija 1A, 1B, jew 2 skont il-Parti 3 tal-Anness VI tar-Regolament (KE) Nru 1272/2008 ipprojbita milli tintuża fi prodotti kożmetiċi u li għaliha ma tressqet l-ebda talba għal deroga f’konformità mal-paragrafu 2, jew tali sustanza li ma tkunx konformi ma’ restrizzjoni, jistgħu jibqgħu jitqiegħdu fis-suq għal 6 xhur, u jkunu disponibbli fis-suq għal 15–il xahar wara d-dħul fis-seħħ tal-emendi rilevanti għall-Annessi rilevanti ta’ dan ir-Regolament. Il-prodotti kożmetiċi li jkun fihom sustanza kklassifikata bħala sustanza CMR tal-kategorija 1A, 1B, jew 2 skont il-Parti 3 tal-Anness VI tar-Regolament (KE) Nru 1272/2008, ipprojbita milli tintuża fi prodotti kożmetiċi u li għaliha tressqet talba għal deroga f’konformità mal-paragrafu 2, iżda li ma ngħatatx minħabba tħassib dwar is-sikurezza mill-SCCS, jew tali sustanza li ma tkunx konformi ma’ restrizzjoni, jistgħu jibqgħu jitqiegħdu fis-suq għal 3 xhur, u jkunu disponibbli fis-suq għal 12–il xahar wara d-dħul fis-seħħ tal-emendi rilevanti għall-Annessi rilevanti ta’ dan ir-Regolament. Il-prodotti kożmetiċi li jkun fihom sustanza kklassifikata bħala sustanza CMR tal-kategorija 1A, 1B, jew 2 skont il-Parti 3 tal-Anness VI tar-Regolament (KE) Nru 1272/2008 ipprojbita milli tintuża fi prodotti kożmetiċi jew tali sustanza li ma tkunx konformi ma’ restrizzjoni u li għaliha tressqet talba għal deroga f’konformità mal-paragrafu 2, iżda li ma ngħatatx minħabba d-disponibbiltà ta’ alternattiva xierqa, jistgħu jibqgħu jitqiegħdu fis-suq għal 24 xahar u jitpoġġew għad-dispożizzjoni fis-suq għal 48 xahar wara d-dħul fis-seħħ tal-emendi rilevanti għall-Annessi rilevanti ta’ dan ir-Regolament, u r-rapport aġġornat dwar is-sikurezza tal-prodott kożmetiku (CPSR) jibqa’ disponibbli meta dan ikun meħtieġ.

(3)Fl-Artikolu 16, il-paragrafu 3 huwa sostitwit b’dan li ġej:

imħassar

“kuntatt diġitali” tfisser kwalunkwe kanal tal-komunikazzjoni aġġornat u aċċessibbli liberament online li permezz tiegħu operatur ekonomiku jista’ jiġi kkuntattjat mingħajr il-ħtieġa ta’ reġistrazzjoni, download jew użu ta’ applikazzjonijiet addizzjonali speċifiċi għall-operatur ekonomiku;”

“Il-manifatturi għandhom jiżguraw li l-prodott fertilizzanti tal-UE jkun akkumpanjat minn indirizz tal-internet jew minn trasportatur tad-data li permezz tiegħu tkun tista’ tiġi aċċessata direttament id-dikjarazzjoni ta’ konformità tal-UE.;

Il-manifatturi għandhom jindikaw fuq l-imballaġġ tal-prodott fertilizzanti tal-UE isimhom, l-isem kummerċjali reġistrat jew it-trademark reġistrata tagħhom kif ukoll l-indirizz postali u l-kuntatt diġitali tagħhom jew, fejn il-prodott fertilizzanti tal-UE jiġi fornut mingħajr imballaġġ, f’dokument li jakkumpanja l-prodott fertilizzanti tal-UE. L-indirizz postali u l-kuntatt diġitali għandu jindika punt uniku li permezz tiegħu jkun jista’ jiġi kkuntattjat malajr il-manifattur.”

Huma għandhom jiżguraw li l-manifattur ikun fassal id-dokumentazzjoni teknika, li l-prodott fertilizzanti tal-UE jkun akkumpanjat mill-indirizz tal-internet jew trasportatur tad-data li permezz tiegħu tkun tista’ tiġi aċċessata direttament id-dikjarazzjoni ta’ konformità tal-UE u, fejn xieraq, minn dokumenti oħra meħtieġa, u li l-manifattur ikun ikkonforma mar-rekwiżiti stabbiliti fl-Artikolu 6(5) u (6).”

L-importaturi għandhom, għal 5 snin wara li l-prodott fertilizzanti tal-UE jkun tqiegħed fis-suq, iżommu kopja tad-dikjarazzjoni tal-konformità tal-UE għad-dispożizzjoni tal-awtoritajiet ta’ sorveljanza tas-suq u jiżguraw li d-dokumentazzjoni teknika tkun tista’ ssir disponibbli malajr għal dawk l-awtoritajiet, fuq talba.

Fuq talba, l-importaturi għandhom jagħmlu d-dikjarazzjoni ta’ konformità tal-UE disponibbli għal operaturi ekonomiċi oħra f’forma elettronika malajr.”

Qabel ma jpoġġu għad-dispożizzjoni fis-suq prodott fertilizzanti tal-UE, id-distributuri għandhom jivverifikaw li dan ikun akkumpanjat mill-indirizz tal-internet jew mit-trasportatur tad-data li permezz tiegħu tista’ tiġi aċċessata direttament id-dikjarazzjoni tal-konformità tal-UE u, fejn xieraq, mid-dokumenti meħtieġa l-oħra, inkluż l-informazzjoni msemmija fl-Artikolu 6(7) jew l-Artikolu 8(4) ipprovduta bil-mod speċifikat fihom, b’lingwa li tinftiehem faċilment mill-utenti aħħarin fl-Istat Membru li fih il-prodott fertilizzanti tal-UE jkun se jitpoġġa għad-dispożizzjoni fis-suq, u li l-manifattur u l-importatur ikunu kkonformaw mar-rekwiżiti stabbiliti fl-Artikolu 6(5) u (6) u l-Artikolu 8(3) rispettivament.

Id-dikjarazzjoni tal-konformità tal-UE għandha tiġi pprovduta f’format li jinqara mill-magni li permezz tiegħu tkun tista’ tiġi aċċessata direttament.

Il-Kummissjoni tista’ tadotta wkoll atti delegati skont il-paragrafu 1 li jemendaw l-Anness II biex tistabbilixxi kriterji u metodoloġija għall-valutazzjoni ta’ mikroorganiżmi għajr dawk elenkati fl-Anness II, li, jekk manifattur juri l-konformità ma’ dawk il-kriterji fil-valutazzjoni tal-konformità tal-prodott fertilizzanti tal-UE f’konformità ma’ dik il-metodoloġija, u jekk il-korpi notifikati jivverifikaw dan, jistgħu jintużaw bħala materjal komponenti fil-prodotti fertilizzanti tal-UE. Il-kriterji u l-metodoloġija għandhom jippermettu korp notifikat jivverifika li l-mikroorganiżmi jissodisfaw il-kriterji fil-paragrafu 1, il-punt (b), u jipprevedu, bħala minimu, il-kunsiderazzjoni tal-elementi li ġejjin:

(2)fl-Anness I, it-Taqsima 1.2.1.5 hija sostitwita b’dan li ġej: It-test fuq it-tikketta għandu jkun jista’ jinqara. Għall-finijiet ta’ din it-taqsima, tikketta għandha titqies li tista’ tinqara jekk id-dehra fiżika tal-informazzjoni, li permezz tagħha l-informazzjoni tkun aċċessibbli viżwalment, tiġi ddeterminata minn diversi elementi, fost l-oħrajn, id-daqs tat-tipa, l-ispazju bejn l-ittri, l-ispazju bejn il-linji, il-wisa’ tal-ittri, il-kulur tat-tipa, it-tipografija, il-proporzjon bejn il-wisa’ u l-għoli tal-ittri, il-wiċċ tal-materjal, u l-kuntrast sinifikanti bejn l-ittri stampati u l-isfond. Għandu jkollha mill-inqas il-karatteristiċi li ġejjin: (a) tkun stampata b’kulur konstrastanti meta mqabbel mal-isfond; (b) tintuża tipografija waħda li tkun tista’ tinqara faċilment u mingħajr serifs; (d) jintuża spazju xieraq bejn l-ittri biex it-tipografija magħżula tkun tista’ tinqara faċilment. (d) ikun hemm biżżejjed spazju bejn il-linji biex it-tipografija magħżula tkun tista’ tinqara faċilment u biex jiġi żgurat li l-linji tat-test ma jitrikkbux; (e) daqs xieraq tat-tipa fir-rigward tad-daqs tat-tikketta u l-elementi meħtieġa tat-tikketta u l-utent maħsub. Għal sustanzi jew taħlitiet li jitpoġġew għad-dispożizzjoni fis-suq għall-pubbliku ġenerali, l-elementi tat-tikketta msemmija fl-Artikolu 17(1) għandhom jużaw daqs tat-tipa fejn l-għoli x ikun daqs jew akbar minn 1,2 mm. Madankollu, meta l-kontenut tal-pakkett ma jaqbiżx il-125 ml, l-elementi tat-tikketta msemmija fl-Artikolu 17(1) jistgħu jużaw daqs tat-tipa fejn l-għoli ‘x’ ikun daqs jew akbar minn 0,9 mm. Dawn il-karatteristiċi għandhom jiġu ċċarati aktar fil-gwida tal-ECHA dwar il-leġġibbiltà u l-preżentazzjoni tat-tikketta li għandha tiġi żviluppata skont dan ir-Regolament. Il-konformità ma’ din it-taqsima għandha tiġi vvalutata abbażi tal-leġġibbiltà ġenerali ta’ din it-tikketta u għandha tiġi applikata b’mod kompatibbli mal-karatteristiċi fiżiċi u l-limitazzjonijiet tekniċi tal-imballaġġ, inklużi d-daqs kif ukoll l-utent maħsub.

1.5.1.2.Fejn tapplika t-Taqsima 1.5.1.1, it-tikketta fuq kwalunkwe imballaġġ ta’ ġewwa għandu jkun fiha mill-inqas il-pittogrammi tal-periklu, il-kliem bħala sinjal, l-identifikatur tal-prodott imsemmi fl-Artikolu 18(2) għas-sustanzi jew l-isem kummerċjali jew id-deżinjazzjoni msemmija fl-Artikolu 18(3), il-punt (a) għal taħlitiet, l-isem, il-kuntatt diġitali u n-numru tat-telefon tal-fornituri tas-sustanza jew tat-taħlita sakemm in-numru tat-telefon ma jkunx disponibbli direttament permezz tal-kuntatt diġitali;

(b)is-sustanza jew it-taħlita teħtieġ ittikkettar f’konformità mal-Parti 1 jew 2 tal-Anness II, u ma hijiex ikklassifikata fi kwalunkwe waħda mill-klassijiet u l-kategoriji ta’ periklu li ġejjin:

(b)is-sustanza jew it-taħlita ma teħtieġx ittikkettar f’konformità mal-Parti 1 jew 2 tal-Anness II,

(b)Għal sustanza jew taħlita fornuta fi stazzjon tal-fjuwil, il-kopja tal-elementi tat-tikketta li ġejjin imsemmija fl-Artikolu 17.1, il-punti (c) sa (h) għandha tiġi pprovduta f’post viżibbli jew viċin tal-pompa rispettiva: L-identifikatur uniku tal-formula msemmi fl-Artikolu 25(7) ma għandux għalfejn jiġi pprovdut.

(a)f’CMC 1: SUSTANZI U TAĦLITIET MINN MATERJAL VERĠNI, il-punt 2 huwa sostitwit kif ġej;

1.Prodott fertilizzanti tal-UE jista’ jkun fih polimeri li jkunu magħmulin esklużivament minn sustanzi monomeri li jikkonformaw mal-kriterji stabbiliti fil-punti 1 ta’ CMC 1, fejn l-għan tal-polimerizzazzjoni huwa l-kontroll tar-rilaxx tan-nutrijenti minn wieħed jew aktar mis-sustanzi monomeri. Il-polimeru jista’ jwettaq ukoll funzjonijiet oħra, dment li dan ma jibdilx il-karatteristiċi tas-sikurezza tal-prodott jew ma jikkompromettix il-funzjoni ta’ rilaxx ikkontrollat;