(9)Ba cheart don Ghníomhaireacht leanúint de bheith ag rannchuidiú le reachtaíocht agus beartais an Aontais a bhaineann le guaiseacha, rioscaí, úsáid shábháilte, agus inbhuanaitheacht comhshaoil substaintí ceimiceacha agus grúpaí díobh, meascán ceimiceach agus earraí ceimiceacha a chur chun feidhme agus a fhorfheidhmiú chun go mbainfí amach ardleibhéal cosanta do shláinte an duine agus don chomhshaol, lena n-áirítear grúpaí leochaileacha a chosaint, feidhmiú éifeachtúil an mhargaidh inmheánaigh agus comhleanúnachas agus comhsheasmhacht i mbainistiú ceimiceán ar fud an Aontais, agus iomaíochas agus nuálaíocht á bhfeabhsú an tráth céanna, agus riachtanais shonracha fiontar beag agus meánmhéide á gcur i gcuntas chun caighdeáin maidir le sláinte cheirde a choimirciú agus a fheabhsú tuilleadh agus lena gcuirtear chun cinn cuir chuige nach mbíonn ainmhithe i gceist leo agus modheolaíochtaí atá ag teacht chun cinn. Trína cuspóirí agus a cúraimí a bhaint amach, rannchuideoidh an Ghníomhaireacht le cur chun feidhme iomlán chuspóirí na gConarthaí agus, go háirithe, de bhun Airteagal 191(2) CFAE, go mbeidh an beartas comhshaoil sin bunaithe ar phrionsabal an réamhchúraim agus ar na prionsabail gur cheart bearta coisctheacha a dhéanamh, gur cheart damáiste don chomhshaol a cheartú ag an bhfoinse mar thosaíocht agus gur cheart gurb é údar an truaillithe a íocfaidh as.

(11)Ba cheart struchtúr na Gníomhaireachta a bheith oiriúnach dá cúraimí agus ba cheart an taithí a fuarthas ó fheidhmiú agus ó fheidhmíocht na Gníomhaireachta ó bunaíodh í a chur i gcuntas. Tá sé bunriachtanach a áirithiú go mbeidh sé d’acmhainn ag an nGníomhaireacht a cúraimí a dhéanamh le hardacmhainneachtaí eolaíocha agus teicniúla chun an cháilíocht is airde is féidir a áirithiú.

(13)Ba cheart na cumhachtaí is gá a thabhairt do Bhord Bainistíochta na Gníomhaireachta, go háirithe chun an Stiúrthóir Feidhmiúcháin, comhaltaí CMR agus CASE agus an Bhoird Achomhairc a cheapadh, agus chun an tuarascáil bhliantúil chomhdhlúite ar ghníomhaíochtaí, an doiciméad clársceidealaithe, an buiséad bliantúil, agus na rialacha airgeadais is infheidhme maidir leis an nGníomhaireacht a ghlacadh. Ba cheart ionadaíocht a bheith ag an gCoimisiún, ag Parlaimint na hEorpa agus ag na Ballstáit ar an mBord Bainistíochta chun formhaoirseacht éifeachtach a dhéanamh air. Ar mhaithe le trédhearcacht, ba cheart don Choimisiún páirtithe leasmhara nach bhfuil cearta vótála acu a cheapadh ar an mBord Bainistíochta agus ba cheart raon leathan de réimsí ábhartha saineolais a bheith i gceist leo.

(16)Tá tuairimí eolaíocha soláthraithe ag CMR maidir le meastóireachtaí ar Theorainnluachanna Nochta Ceirde (‘OELanna’), agus ar ghnéithe eile atá ábhartha maidir le nochtadh ceirde do cheimiceáin ghuaiseacha amhail teorainnluachanna bitheolaíocha i gcás ceimiceáin ghuaiseacha i gcomhthéacs Airteagal 3 de Threoir 98/24/CE ón gComhairle11. Airteagail 16, 16a agus 18a de Threoir 2004/37/CE ó Pharlaimint na hEorpa agus ón gComhairle12 agus Airteagail 18c agus 22a de Threoir 2009/148/CE ó Pharlaimint na hEorpa agus ón gComhairle13 ar bhonn comhaontú ad hoc idir an Coimisiún agus an Ghníomhaireacht san am a chuaigh thart. Ós rud é gur gnách an cúram sin a dhéanamh agus chun an cleachtas sin a chomhdhlúthú, ba cheart a bhunú leis an Rialachán seo gur cheart do CMR na tuairimí sin a sholáthar arna iarraidh sin don Choimisiún. Ina theannta sin, ba cheart do CMR, arna iarraidh sin don Choimisiún, do Pharlaimint na hEorpa nó do na Ballstáit tuairimí eolaíocha maidir le gach ábhar eile a bhaineann le guaiseacha, rioscaí agus úsáid shábháilte substaintí ceimiceacha, astu féin, i meascáin nó in earraí a sholáthar mar a shainmhínítear in Airteagal 3, míreanna 1, 2 agus 3 de Rialachán (CE) Uimh. 1907/2006.

_________________

11 Treoir 98/24/CE ón gComhairle an 7 Aibreán 1998 maidir le sláinte agus sábháilteacht oibrithe a chosaint ar na rioscaí a bhaineann le nochtadh d’oibreáin cheimiceacha ag an obair (an ceathrú Treoir déag ar leith de réir bhrí Airteagal 16(1) de Threoir 89/391/CEE) (IO L 131, 5.5.1998, lch. 11, ELI: http://data.europa.eu/eli/dir/1998/24/oj).

12 Treoir 2004/37/CE ó Pharlaimint na hEorpa agus ón gComhairle an 29 Aibreán 2004 maidir le hoibrithe a chosaint ar na rioscaí a bhaineann le nochtadh do charcanaiginí, do shó-ghineacha nó do shubstaintí atá tocsaineach don atáirgeadh ag an obair (an séú Treoir ar leith de réir bhrí Airteagal 16(1) de Threoir 89/391/CEE ón gComhairle) (IO L 158, 30.4.2004, lch. 50, ELI: http://data.europa.eu/eli/dir/2004/37/oj).

13 Treoir 2009/148/CE ó Pharlaimint na hEorpa agus ón gComhairle an 30 Samhain 2009 maidir le hoibrithe a chosaint ar rioscaí a bhaineann le nochtadh don aispeist ag an obair (IO L 330, 16.12.2009, lch. 28, ELI: http://data.europa.eu/eli/dir/2009/148/oj).

(18)Ba cheart don Bhord Bainistíochta rialacha nós imeachta an Choiste um Measúnú Riosca (CMR), an Choiste um Anailís Shocheacnamaíoch (CASE), Choiste na mBallstát (MSC), an Choiste um Tháirgí Bithicídeacha (CTB) agus an Choiste Eolaíoch um Shábháilteacht Tomhaltóirí (CEST) a ghlacadh, lena n-áirítear na socruithe nós imeachta le haghaidh mheithleacha na gCoistí. Chun go bhfeidhmeoidh an Coimisiún a fhormhaoirseacht, ba cheart don Stiúrthóir Feidhmiúcháin dul i gcomhairle le hionadaithe an Choimisiúin ar an mBord Bainistíochta agus rialacha nós imeachta CMR, CASE agus CEST á n-ullmhú aige, lena gcoimeádtar neamhspleáchas na gCoistí agus a meithleacha.

(19)Ba cheart tuairimí CMR agus CASE a bheith bunaithe ar an saineolas eolaíoch agus teicniúil is leithne is féidir atá ar fáil laistigh den Aontas. Chuige sin agus chun a áirithiú go mbeidh CMR agus CASE ag feidhmiú go hiomlán, tá sé bunriachtanach go n-ainmneoidh gach Ballstát beirt chomhaltaí le haghaidh CMR agus CASE faoi seach agus go mbeidh siad i dteideal suas le beirt chomhaltaí sa bhreis a ainmniú. Ba cheart an deis a bheith ag CMR, CASE, CTB agus CEST comhaltaí a chomhthoghadh agus brath ar sheirbhísí na saineolaithe, agus an t-ualach oibre, an cineál saineolais is gá, cothromaíocht gheografach agus infhaighteacht acmhainní airgeadais á gcur i gcuntas. Ba cheart do chomhaltaí na gCoistí an saineolas is gá a léiriú chun na cúraimí a leithdháiltear ar an nGníomhaireacht a chomhlíonadh go cuí. Ba cheart don Ghníomhaireacht a bheith in ann cúnamh a thabhairt do na Ballstáit chun próifílí ábhartha le haghaidh ballraíocht in CMR, CASE agus CTB a shainaithint, i gcás ina n-iarrann na Ballstáit amhlaidh.

(25)Bhí deacrachtaí ag an nGníomhaireacht an t-ioncam ó tháillí agus ó mhuirir a thuar go cruinn fiú leis na teicnící staidrimh is forbartha mar gheall ar easpa na faisnéise faoi thiománaithe an éilimh ó shealbhóirí dualgais. Geallann an Ghníomhaireacht a modhanna tuartha a fheabhsú go leanúnach. Bíonn tionchar aige sin ar oibríochtaí na Gníomhaireachta agus ní mór don Bhord Bainistíochta leasuithe a dhéanamh arís agus arís eile ar an mbuiséad. Dá bhrí sin, ba cheart cead a bheith ag an nGníomhaireacht cúlchiste ó bharrachas a hioncaim ó tháillí agus ó mhuirir a chruthú, faoi réir na gcoinníollacha a leagtar amach sa Rialachán seo. Cuirfidh sé sin ar a cumas don Ghníomhaireacht na hiarmhairtí a bhaineann le luaineacht mhór ioncaim ó tháillí agus muirir a mhaolú. Go sonrach, le cruthú an chúlchiste sin, beidh an Ghníomhaireacht in ann inbhuanaitheacht a samhla maoiniúcháin a mhéadú gan dochar do ranníocaíocht bhliantúil an Aontais agus don chlárú airgeadais ilbhliantúil. Ba cheart na rialacha mionsonraithe maidir le paraiméadair, ríomh agus oibriú an chúlchiste a leagan síos i rialacha airgeadais na Gníomhaireachta agus ba cheart na ceanglais a leagtar amach sa Rialachán seo a áireamh iontu. Ba cheart go leanfadh ríomh mhéid na ranníocaíochta bliantúla leis an gcúlchiste nó an mhéid a chuirtear ar fáil ón gcúlchiste, atá le háireamh i ndréachtbhuiséad na Gníomhaireachta, modheolaíocht a chuireann an Ghníomhaireacht i bhfeidhm go meicniúil gach bliain. Is cás eisceachtúil é bunú an chúlchiste sin le haghaidh gníomhaireacht de chuid an Aontais atá féinmhaoinithe go páirteach agus a oibríonn faoin tsamhail bhuiséadach uilíoch agus ní dhéantar fasach leis do ghníomhaireachtaí eile de chuid an Aontais.

scriosta

(31)Ba cheart don Ghníomhaireacht leanúint de ról gníomhach a bheith aici sa taighde agus sa nuálaíocht, agus cúnamh á thabhairt aici do na Ballstáit agus don Choimisiún chun ionadú na gceimiceán is díobhálaí agus ceimiceán guaiseach eile agus grúpaí díobh a chur chun cinn agus chun modhanna eolaíocha a fhorbairt, go háirithe cineálacha cur chuige nach mbíonn ainmhithe i gceist leo agus modheolaíochtaí atá ag teacht chun cinn, chun measúnú a dhéanamh ar ghuaiseacha ceimiceán agus ar ghrúpaí ceimiceán chomh maith le rioscaí agus tionchair shocheacnamaíocha a n-úsáide. I gcás inarb iomchuí, ba cheart don Ghníomhaireacht rannchuidiú leis an taighde ar na naisc idir an nochtadh do cheimiceáin ghuaiseacha agus na tionchair dhiúltacha ar an tsláinte i réimse na heaspósómaíochta, is é sin tiomsú comhtháite na dtosca fisiceacha, ceimiceacha, bitheolaíocha agus síceasóisialta uile, agus a n-idirghníomhaíochtaí, a mbíonn tionchar acu ar an mbitheolaíocht agus ar an tsláinte.

Is i Heilsincí na Fionlainne a bheidh suíomh na Gníomhaireachta.

1.Rannchuideoidh an Ghníomhaireacht le cur chun feidhme agus forfheidhmiú reachtaíocht agus bheartais an Aontais a bhaineann le guaiseacha, rioscaí, úsáid shábháilte agus inbhuanaitheacht comhshaoil substaintí ceimiceacha, meascán ceimiceach agus earraí ceimiceacha, soláthróidh sí tuairimí eolaíocha agus comhairle eolaíoch agus faisnéis neamhspleách maidir le gach ábhar laistigh den réimse sin, déanfaidh sí faireachán ar rioscaí ceimiceacha atá ag teacht chun cinn agus baileoidh nó ginfidh sí sonraí maidir le ceimiceáin, agus cuirfidh sí na hábhair sin in iúl.

2.Agus a cuspóirí á gcomhlíonadh aici, rannchuideoidh an Ghníomhaireacht le hardleibhéal cosanta do shláinte an duine agus don chomhshaol a áirithiú, lena n-áirítear grúpaí leochaileacha a chosaint. Beidh sé d’aidhm ag an nGníomhaireacht cáilíocht, comhleanúnachas agus comhsheasmhacht a sholáthar i measúnú agus i mbainistiú ceimiceán ar fud an Aontais, rud atá ríthábhachtach chun saorchúrsaíocht substaintí sa mhargadh inmheánach a áirithiú, agus lena rannchuidítear an tráth céanna leis an iomaíochas agus nuálaíocht a fheabhsú, lena ndéantar riachtanais shonracha fiontar beag agus meánmhéide (‘FBManna’) a chur i gcuntas mar a shainmhínítear sa Mholadh ón gCoimisiún an 6 Bealtaine 2003 maidir le micrifhiontair agus fiontair bheaga agus mheánmhéide26 agus lena neartaítear an saineolas maidir le ceimiceáin dhíobhálacha agus grúpaí de cheimiceáin dhíobhálacha a ionadú, chomh maith leis an bhforbairt ar chuir chuige, agus úsáid cur chuige nach mbíonn ainmhithe i gceist leo agus ar mhodheolaíochtaí atá ag teacht chun cinn.

_________________

26 Moladh ón gCoimisiún an 6 Bealtaine 2003 maidir le micrifhiontair agus fiontair bheaga agus mheánmhéide a shainmhíniú (IO L 124, 20.5.2003, lch. 36, ELI: http://data.europa.eu/eli/reco/2003/361/oj)

(b)tacaíocht theicniúil agus eolaíoch, treoraíocht, uirlisí TF agus bonneagar digiteach a sholáthar chun an Rialachán seo agus reachtaíocht earnálach an Aontais a fhorbairt, a chur chun feidhme agus a fhorfheidhmiú agus aird á tabhairt ar na cuspóirí maidir le hardleibhéal cosanta do shláinte an duine agus don chomhshaol a áirithiú, ar chaighdeáin maidir le sláinte cheirde, ar riachtanais shonracha FBManna agus ar an gceanglas maidir le cuir chuige nach mbíonn ainmhithe i gceist leo a chur in ionad tástáil ar ainmhithe i gcás inar féidir go heolaíoch;

(c)Coiste um Measúnú Riosca (‘CMR’), a bheidh freagrach as tuairimí ón nGníomhaireacht maidir le guaiseacha agus rioscaí ceimiceán do shláinte an duine nó don chomhshaol a ullmhú;

(d)Coiste um Anailís Shocheacnamaíoch (‘CASE’), a bheidh freagrach as tuairimí na Gníomhaireachta maidir le tionchar socheacnamaíoch beart reachtach a d’fhéadfadh a bheith ann ar cheimiceáin a ullmhú;

(i)Rúnaíocht, a oibreoidh faoi cheannaireacht an Stiúrthóra Feidhmiúcháin agus a dhéanfaidh an obair a cheanglaítear ar an nGníomhaireacht a dhéanamh i gcomhréir le reachtaíocht earnála an Aontais, a sholáthróidh tacaíocht theicniúil, eolaíoch agus riaracháin agus fothú acmhainneachta agus oiliúint, do na Coistí agus don Fhóram, agus a áiritheoidh comhordú iomchuí eatarthu;

(c)beirt neamhspleácha arna gceapadh ag Parlaimint na hEorpa, beidh an bheirt sin neamhspleách i bhfeidhmiú a chuid nó a cuid dualgas agus ní lorgóidh ná ní ghlacfaidh sé ná sí treoracha ó aon institiúidí, comhlachtaí, oifigí ná gníomhaireachtaí de chuid an Aontais, ná ó aon rialtas ná aon chomhlacht poiblí nó príobháideach eile.

2.Beidh cearta vótála ag ionadaithe na mBallstát, ag ionadaithe an Choimisiúin agus ag na daoine neamhspleácha arna gceapadh ag Parlaimint na hEorpa. Ní bheidh cearta vótála ag na daoine a dhéanann ionadaíocht ar gheallsealbhóirí, arna gceapadh ag an gCoimisiún.

(b)ceardchumainn, lena n-áirítear sábháilteacht agus sláinte ceirde

4.Ceapfar comhaltaí an Bhoird Bainistíochta ar bhonn a n-eolais agus a dtaithí ábhartha i réimse na sábháilteachta ceimicí nó na rialála ceimiceán, agus aird chuí á tabhairt ar a scileanna ábhartha bainistíochta, riaracháin agus buiséadacha. I gcomhréir le prionsabal na córa comhionainne idir na hinscní uile, beidh sé mar aidhm ag gach páirtí a ainmníonn agus a cheapann comhaltaí an Bhoird Bainistíochta cothromaíocht inscne a bhaint amach ar an mBord Bainistíochta. Ní bheidh comhaltaí, comhaltaí malartacha ná breathnóirí na gCoistí agus an Fhóraim ná a meithleacha incháilithe chun bheith ina gcomhaltaí den Bhord Bainistíochta.

6.Gníomhóidh comhaltaí an Bhoird Bainistíochta go heisiach chun leasa na Gníomhaireachta agus an Aontais.

(s)rialacha nós imeachta na gCoistí, an Fhóraim, agus Thionól na ngeallsealbhóirí a ghlacadh;

(y)na socruithe praiticiúla a ghlacadh chun Rialachán (CE) Uimh. 1049/2001 ó Pharlaimint na hEorpa agus ón gComhairle28 a chomhlíonadh, lena n-áirítear achomhairc nó leigheasanna is gá chun athbhreithniú a dhéanamh ar dhiúltú páirteach nó iomlán d’iarraidh ar rúndacht dá dtagraítear in Airteagal 37a;

_________________

28 Rialachán (CE) Uimh. 1049/2001 ó Pharlaimint na hEorpa agus ón gComhairle an 30 Bealtaine 2001 maidir le rochtain phoiblí ar dhoiciméid de chuid Pharlaimint na hEorpa, na Comhairle agus an Choimisiúin (IO L 145, 31.5.2001, lch. 43, ELI: http://data.europa.eu/eli/reg/2001/1049/oj).

3.I gcás ina gcuirfidh an Coimisiún in iúl gur cúis mhór imní dó togra le haghaidh cinneadh a chuirtear faoi bhráid an Bhoird Bainistíochta maidir le hábhair a bhaineann le Rialachán Tarmligthe (AE) 2019/715 ón gCoimisiún29 maidir leis an rialachán réime airgeadais le haghaidh gníomhaireachtaí rialála díláraithe nó leis na Rialacháin Foirne agus Coinníollacha Fostaíochta Seirbhíseach Eile i Rialachán Uimh. 31 (CEE), 11 (CEFA), déanfaidh an Bord Bainistíochta glacadh an chinnidh a chur siar. Laistigh de 15 lá, déanfaidh an Bord Bainistíochta é a athscrúdú agus a ghlacadh, agus é a leasú b’fhéidir, ar an dara léamh.

_________________

29 Rialachán Tarmligthe (AE) 2019/715 ón gCoimisiún an 18 Nollaig 2018 maidir leis an rialachán réime airgeadais le haghaidh na gcomhlachtaí arna mbunú faoi CFAE agus faoi Chonradh Euratom agus dá dtagraítear in Airteagal 70 de Rialachán (AE, Euratom) 2018/1046 ó Pharlaimint na hEorpa agus ón gComhairle (IO L 122, 10.5.2019, lch. 1, ELI: http://data.europa.eu/eli/reg_del/2019/715/oj).

3.Gan dochar do chumhachtaí an Choimisiúin agus an Bhoird Bainistíochta, beidh an Stiúrthóir Feidhmiúcháin neamhspleách i bhfeidhmiú a gcuid dualgas agus ní lorgóidh ná ní ghlacfaidh siad treoracha ó aon institiúid, comhlacht, oifig ná gníomhaireacht de chuid an Aontais, ná ó aon rialtas ná aon chomhlacht poiblí nó príobháideach eile. Tuairisceoidh an Stiúrthóir Feidhmiúcháin do Pharlaimint na hEorpa nó don Chomhairle maidir le feidhmiú na gcúraimí faoin Rialachán seo nuair a iarrfaidh an institiúid lena mbaineann air déanamh amhlaidh.

(d)a áirithiú go gcomhlíonfar na teorainneacha ama a leagtar síos i reachtaíocht earnála an Aontais maidir le glacadh tuairimí ag an nGníomhaireacht agus ag na Coistí agus maidir le neamhspleáchas na dtuairimí sin;

(e)comhordú iomchuí agus tráthúil idir na comhlachtaí éagsúla laistigh den Ghníomhaireacht a áirithiú, lena n-áirítear comhordú maidir le héagsúlacht a d’fhéadfadh a bheith ann idir a dtuairimí eolaíocha;

(b)gach ábhar eile nach gcumhdaítear cheana le mír 1 ná le mír 2(a), a bhaineann le guaiseacha, rioscaí agus úsáid shábháilte substaintí, leo féin, i meascáin nó in earraí mar a shainmhínítear in Airteagal 3, míreanna 1, 2 agus 3 de Rialachán (CE) Uimh. 1907/2006.

3.Cinnfear líon na dtuairimí eolaíocha a bheidh le tabhairt de bhun mhír 2 agus na hamlínte chun iad a sholáthar ar bhonn bliantúil idir an Coimisiún agus an Ghníomhaireacht.

4.Ceapfaidh gach Ballstát comhalta amháin ar an gCoiste um Tháirgí Bithicídeacha agus féadfaidh sé comhalta malartach amháin a cheapadh ar an gCoiste um Tháirgí Bithicídeacha. Ceapfar comhaltaí an Choiste um Tháirgí Bithicídeacha ar bhonn a róil agus a dtaithí i gcomhlíonadh na gcúraimí a shanntar don Choiste um Tháirgí Bithicídeacha.

Is é an Bord Bainistíochta a dhéanfaidh comhaltaí CEST a roghnú agus a cheapadh ó liosta iarrthóirí oiriúnacha a dhéanfaidh an Stiúrthóir Feidhmiúcháin a tharraingt suas. Déanfar an liosta a tharraingt suas ar bhonn na n-iarratas a gheofar tar éis glao ar léiriú spéise arna sheoladh ag an nGníomhaireacht agus beidh sé mar aidhm aige dhá oiread ar a laghad an lín iarrthóirí is gá chun na poist in CEST a líonadh agus le haghaidh gach réimse saineolais a áireamh ann.

(v)cineálacha cur chuige nach mbíonn ainmhithe i gceist leo, agus modheolaíochtaí atá ag teacht chun cinn, lena n-áirítear modheolaíochtaí ag a bhfuil cur chuige nua agus teicnící in vitro/ nó in silico;

(b)neamhspleáchas agus easpa coinbhleachtaí leasa, i gcomhréir leis na rialacha arna nglacadh de bhun Airteagal 9(1), pointe (e).

Beidh 20 comhalta in CEST agus beidh sé mar aidhm aige beirt chomhaltaí ar a laghad i ngach réimse saineolais a bhfuil ionadaíocht á déanamh air a áireamh.

6.Beidh raon leathan saineolais ábhartha i measc a gcomhaltaí ag gach Coiste. Féadfaidh na Coistí comhaltaí breise a chomhthoghadh a roghnófar ar bhonn a n-inniúlachta sonraí agus éagsúlacht gheografach á cur i gcuntas. Socróidh agus coigeartóidh an Bord Bainistíochta an t-uaslíon comhaltaí comhthofa do na Coistí ar bhonn togra ón Stiúrthóir Feidhmiúcháin, agus ualach oibre na gcoistí, an cineál saineolais is gá agus infhaighteacht acmhainní airgeadais á gcur i gcuntas.

9.Soláthróidh na Ballstáit acmhainní eolaíocha agus teicniúla leormhaithe agus tacaíocht riaracháin do chomhaltaí sin na gCoistí a d’ainmnigh nó a cheap siad lena lamhálfar dá rannpháirtíocht éifeachtach agus déanfaidh siad gníomhaíochtaí na gCoistí agus a meithleacha a éascú.

10.Beidh comhaltaí CMR, CASE agus CEST neamhspleách agus ní lorgóidh siad ná ní ghlacfaidh siad treoracha ó aon rialtas ná ó aon institiúid, comhlacht, oifig ná eintiteas eile. Gníomhóidh na comhaltaí sin agus comhaltaí MSC agus CTB chun leasa an phobail agus chun leasa an Aontais. Staonfaidh siad ó aon ghníomh nach luíonn lena bhfeidhmeanna nó le comhlíonadh a gcúraimí.

12.Áiritheoidh comhaltaí MSC, agus CTB arna gceapadh ag Ballstát go ndéanfar comhordú iomchuí idir an obair sna Coistí agus obair na n-údarás inniúil ina mBallstát.

15.Íocfaidh an Ghníomhaireacht luach saothair leis an gcomhalta lena mbaineann, nó le fostóir an duine sin dá dtagraítear i mír 14, i gcomhréir leis na socruithe airgeadais arna mbunú ag an mBord Bainistíochta tar éis tuairim dhearfach a fháil ón gCoimisiún. Bunóidh an Bord Bainistíochta an liosta cúraimí a bhféadfar luach saothair a íoc ina leith tar éis tuairim dhearfach a fháil ón gCoimisiún. I gcás ina mainneoidh an comhalta lena mbaineann aon cheann de na cúraimí sin a chomhlíonadh, féadfaidh an Stiúrthóir Feidhmiúcháin luach saothair a choinneáil siar.

2.Agus tuairim á hullmhú acu, déanfaidh na Coistí a ndícheall teacht ar chomhthoil idir a gcomhaltaí. Áireofar sa tuairim na forais atá le seasamh an choiste. Mura féidir teacht ar chomhthoil, is éard a bheidh sa tuairim seasamh thromlach na gcomhaltaí, na seasaimh mhionlaigh agus na forais atá leis na seasaimh thromlaigh agus na seasaimh mhionlaigh faoi seach. Déanfar an tuairim a chur ar fáil go poiblí ar shuíomh gréasáin na Gníomhaireachta.

4.Dréachtóidh gach Coiste togra le haghaidh a rialacha nós imeachta féin, a ullmhófar lena ghlacadh ag an Stiúrthóir Feidhmiúcháin agus a ghlacfaidh an Bord Bainistíochta ina dhiaidh sin. Agus rialacha nós imeachta CMR, CASE agus CEST á n-ullmhú aige, rachaidh an Stiúrthóir Feidhmiúcháin i gcomhairle le hionadaithe an Choimisiúin ar an mBord Bainistíochta.

5.Leagfar síos i rialacha nós imeachta gach Coiste na nósanna imeachta maidir le comhaltaí a ionadú agus comhaltaí a chomhthoghadh, maidir le meithleacha a chruthú agus a eagrú agus maidir le cúraimí áirithe a tharmligean chuig na meithleacha sin, más infheidhme. Ní dhéanfar glacadh na dtuairimí a tharmligean chuig na meithleacha sin. Bunófar leis na rialacha nós imeachta freisin nós imeachta chun tuairimí a ghlacadh go práinneach agus chun coinbhleachtaí leasa a bhainistiú. Déanfar na rialacha nós imeachta a chur ar fáil go poiblí ar shuíomh gréasáin na Gníomhaireachta.

4.Coimeádfaidh an Ghníomhaireacht liosta saineolaithe cothrom le dáta, lena n-áireofar na saineolaithe dá dtagraítear in Airteagal 16(1) agus saineolaithe eile arna sainaithint go díreach ag an nGníomhaireacht chomh maith le cáilíochtaí na saineolaithe sin.

5.Beidh feidhm mutatis mutandis ag na forálacha maidir le neamhspleáchas in Airteagal 14(10), agus maidir leis na socruithe conarthacha in Airteagal 14(14) agus maidir leis na socruithe airgeadais le haghaidh luach saothair in Airteagal 14(15) maidir le haon saineolaí atá ag feidhmiú i meitheal de chuid na gCoistí nó an Fhóraim nó a dhéanann aon chúram eile le haghaidh na Gníomhaireachta a chomhlíonadh.

5.Dréachtóidh an Fóram togra le haghaidh a rialacha nós imeachta féin a bheidh le glacadh ag an mBord Bainistíochta. Leagfar síos sna rialacha nós imeachta na nósanna imeachta maidir leis an gCathaoirleach a cheapadh agus a ionadú, maidir le comhaltaí a ionadú agus maidir le cúraimí áirithe a tharmligean chuig meithleacha.

1.Foilseoidh an Stiúrthóir Feidhmiúcháin ballraíocht na gCoistí agus an Fhóraim agus liosta na saineolaithe dá dtagraítear in Airteagal 16(4) ar shuíomh gréasáin na Gníomhaireachta. Féadfaidh comhaltaí agus saineolaithe aonair a iarraidh nach gcuirfear a n-ainmneacha ar fáil don phobal má chreideann siad go bhféadfadh an foilsiú sin iad a chur i mbaol. Déanfaidh an Stiúrthóir Feidhmiúcháin cinneadh i dtaobh an aontóidh sé leis na hiarrataí sin. Nuair a fhoilseofar ceapachán comhalta, foilseofar cáilíochtaí gairmiúla an chomhalta sin freisin.

3.Ag gach cruinniú, déanfaidh comhaltaí an Bhoird Bainistíochta, an Stiúrthóir Feidhmiúcháin, cathaoirligh agus comhaltaí na gCoistí agus an Fhóraim agus aon saineolaí agus comhairleoir rannpháirteach dearbhú i leith aon leasanna breise a d’fhéadfaí a mheas a bheith dochrach d’oibleagáidí na gcomhaltaí de bhun Airteagal 14(10) maidir le haon phointe ar an gclár oibre. Ní bheidh duine a dhearbhaigh na leasanna sin rannpháirteach sa vótáil ar an bpointe ábhartha.

Faoi dheireadh gach bliana, bunaithe ar thogra ón Stiúrthóir Feidhmiúcháin, formhuineoidh an Bord Bainistíochta dréachtdoiciméad clársceidealaithe aonair ina mbeidh an méid seo a leanas:

(a)ní dhéanfaidh an Ghníomhaireacht ranníocaíochtaí leis an gcúlchiste ach amháin ó thorthaí buiséid dheireadh na bliana de réir bhrí Airteagal 99(4) de Rialachán Tarmligthe (AE) 2019/715, i gcás ina mbeidh na torthaí sin dearfach agus ina n-eascróidh siad as ioncam ó tháillí agus muirir a bhailítear atá níos airde ná na méideanna buiséadaithe sa bhuiséad leasaithe deireanach arna fhormheas ag Bord Bainistíochta na Gníomhaireachta in aon bhliain ar leith;

(b)tráth ar bith, ní rachaidh an cúlchiste a áirítear i mbliain N sa dréachtbhuiséad don bhliain N+1 thar 15 % de mheán an mhéid iarbhír iomláin a réadaíodh le 5 bliana anuas d’ioncam na Gníomhaireachta ó na táillí agus na muirir dá dtagraítear i mír 3, pointe (b);

6.Cuirfidh an Coimisiún measúnú ar fheidhmiú an chúlchiste faoi bhráid Pharlaimint na hEorpa agus na Comhairle ag deireadh an cheathrú bliain d’oibriú an chúlchiste. I gcás inarb iomchuí, cuirfidh an Coimisiún togra reachtach faoi bhráid Pharlaimint na hEorpa agus na Comhairle d’fhonn an cúlchiste a oiriúnú.

Saineolaithe náisiúnta ar iasacht agus baill foirne eile atá ar iasacht chun leasa na seirbhíse

2.I gcás na faisnéise rialála, eolaíche agus teicniúla uile atá i seilbh na Gníomhaireachta maidir le sábháilteacht substaintí astu féin, i meascáin nó in earraí agus nach gcumhdaítear le mír 1, Airteagal 37a, beidh feidhm aici, gan dochar d’fhorálacha sonracha i reachtaíocht an Aontais maidir le nochtadh faisnéise.

3.Comhaltaí an Bhoird Bainistíochta, an Stiúrthóir Feidhmiúcháin, comhaltaí na gCoistí, an Bhoird Achomhairc agus an Fhóraim, saineolaithe atá rannpháirteach i meithleacha, agus baill foirne na Gníomhaireachta, comhlíonfaidh siad na ceanglais rúndachta a leagtar amach in Airteagal 339 CFAE, fiú tar éis deireadh a theacht lena ndualgais.

1. Tabharfaidh an Ghníomhaireacht cúnamh do na Ballstáit agus don Choimisiún maidir le substaintí agus teicneolaíochtaí malartacha atá níos sábháilte agus níos inbhuanaithe a chur in ionad na gceimiceán is díobhálaí agus ceimiceán guaiseach eile agus grúpaí díobh agus maidir le forbairt, glacadh ar bhonn rialála, glacadh agus bailíocht idirnáisiúnta modheolaíochtaí eolaíocha ábhartha, lena n-áirítear cineálacha cur chuige nach mbíonn ainmhithe i gceist leo, chun measúnú a dhéanamh ar ghuaiseacha ceimiceán chomh maith le rioscaí agus tionchair shocheacnamaíocha a bhaineann le húsáid ceimiceán. Áireofar ar an gcúnamh sin malartú faisnéise a éascú, rannchuidiú le riachtanais giniúna sonraí a shainiú, chomh maith le rannpháirtíocht i ngníomhaíochtaí ábhartha taighde, forbartha agus nuálaíochta agus iad a éascú laistigh de raon feidhme reachtaíocht earnálach ábhartha an Aontais, lena n-áirítear Rialachán (AE) 2021/695 ó Pharlaimint na hEorpa agus ón gComhairle1a, agus easpósómaíochtaí i gcás inarb iomchuí.

1.Oibreoidh an Ghníomhaireacht i gcomhar le comhlachtaí eile arna mbunú faoi dhlí an Aontais, lena n-áirítear an Lárionad Eorpach um Ghalair a Chosc agus a Rialú (ECDC), an Ghníomhaireacht Eorpach Comhshaoil (EEA), an tÚdarás Eorpach um Shábháilteacht Bia (EFSA), an Ghníomhaireacht Leigheasra Eorpach (EMA) agus an Ghníomhaireacht Eorpach um Shábháilteacht agus Sláinte ag an Obair (EU-OSHA), ach gan bheith teoranta dóibh sin, maidir le tuairimí eolaíocha ábhartha a sholáthar, maidir le sonraí agus faisnéis a mhalartú, lena n-áirítear an fhéidearthacht formáidí sonraí gaolmhara agus foclóirí rialaithe a bhunú chun an malartú sin a éascú, agus maidir le modheolaíochtaí eolaíocha a fhorbairt, lena n-áirítear cineálacha cur chuige nach mbíonn ainmhithe i gceist leo, chun measúnú a dhéanamh ar cheimiceáin.

2.I gcás ina sainaithneoidh an Ghníomhaireacht foinse éagsúlachta ionchasach dá dtagraítear i mír 1, rachaidh sí i dteagmháil leis an gcomhlacht eile lena mbaineann chun a áirithiú go gcomhroinnfear an fhaisnéis eolaíoch nó theicniúil ábhartha uile agus chun na saincheisteanna eolaíocha nó teicniúla a d’fhéadfadh a bheith conspóideach a shainaithint.

3.Oibreoidh an Ghníomhaireacht agus an comhlacht eile lena mbaineann i gcomhar le chéile chun an éagsúlacht a réiteach, agus an cuspóir maidir le hardleibhéal cosanta don tsláinte agus don chomhshaol á chur san áireamh. Mura bhfuil an Ghníomhaireacht agus an comhlacht eile lena mbaineann in ann an éagsúlacht a réiteach, déanfaidh siad tuarascáil chomhpháirteach a tharraingt suas. Leagfar amach go soiléir sa tuarascáil na saincheisteanna eolaíocha conspóideacha, sainaithneofar na héiginnteachtaí ábhartha sna sonraí agus tabharfar na bunchúiseanna atá le héagsúlacht tuairimí, lena n-áirítear cúiseanna a bhaineann le difríochtaí modheolaíocha. Déanfar an tuarascáil a chur ar fáil go poiblí. I gcás inar gníomhaireacht de chuid an Aontais nó coiste eolaíoch é an comhlacht eile lena mbaineann, cuirfidh an Ghníomhaireacht an tuarascáil chomhpháirteach faoi bhráid an Choimisiúin freisin.

scriosta

(3)in Airteagal 77, scriostar mír 1, agus mír 3, pointe (b), agus (c);

Meastóireacht agus athbhreithniú

2.Tabharfar aghaidh sa mheastóireacht ar an ngá a d’fhéadfadh a bheith ann sainordú na Gníomhaireachta a mhodhnú, agus ar na himpleachtaí airgeadais a d’fhéadfadh a bheith ag aon mhodhnú mar sin. Déanfar measúnú sa mheastóireacht freisin ar fheidhmiú na gCoistí agus i dtaobh an mbeadh sé iomchuí Airteagail 14 agus 15 den Rialachán seo a ailíniú nó a oiriúnú.

3.Cuirfidh an Coimisiún tuarascáil faoi bhráid Pharlaimint na hEorpa, na Comhairle agus an Bhoird Bainistíochta ar thorthaí na meastóireachta. Áireofar plean gníomhaíochta agus tráthchlár, más iomchuí. Déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle. Cuirfidh an Coimisiún torthaí na meastóireachta ar fáil go poiblí.