(9)Jenħtieġ li l-Aġenzija tkompli tikkontribwixxi għall-implimentazzjoni u l-infurzar tal-leġiżlazzjoni u l-politiki tal-Unjoni relatati mal-perikli, ir-riskji, l-użu sikur, u s-sostenibbiltà ambjentali tas-sustanzi kimiċi u ta’ gruppi tagħhom, it-taħlitiet u l-oġġetti sabiex jinkiseb livell għoli ta’ protezzjoni tas-saħħa tal-bniedem u tal-ambjent, inkluża l-protezzjoni ta’ gruppi vulnerabbli, il-funzjonament effiċjenti tas-suq intern u l-koerenza u l-konsistenza fil-ġestjoni tas-sustanzi kimiċi madwar l-Unjoni, filwaqt li ssaħħaħ il-kompetittività u l-innovazzjoni, billi tqis il-ħtiġijiet speċifiċi tal-intrapriżi żgħar u ta’ daqs medju biex tissalvagwardja u ssaħħaħ aktar l-istandards tas-saħħa okkupazzjonali u tippromwovi approċċi li ma jinvolvux l-annimali u metodoloġiji emerġenti. Billi tilħaq l-objettivi u l-kompiti tagħha, l-Aġenzija se tikkontribwixxi għall-implimentazzjoni sħiħa tal-objettivi tat-Trattati u, b’mod partikolari, skont l-Artikolu 191(2) tat-TFUE, għall-fatt li l-politika ambjentali trid tkun ibbażata fuq il-prinċipju ta’ prekawzjoni u fuq il-prinċipji li jenħtieġ li tittieħed azzjoni preventiva, li d-dannu ambjentali jenħtieġ li, bħala prijorità, jiġi rettifikat fis-sors u li min iniġġes jenħtieġ li jħallas.

(11)Jenħtieġ li l-istruttura tal-Aġenzija tkun adattata għall-kompiti tagħha u jenħtieġ li tqis l-esperjenza miksuba mill-funzjonament u l-prestazzjoni tal-Aġenzija sa mit-twaqqif tagħha. Huwa essenzjali li jiġi żgurat li l-Aġenzija tkun mgħammra biex twettaq il-kompiti tagħha b’kapaċitajiet xjentifiċi u tekniċi għoljin biex tiġi żgurata l-ogħla kwalità possibbli.

(13)Jenħtieġ li l-Bord ta’ Tmexxija tal-Aġenzija jiġi fdat bis-setgħat meħtieġa, b’mod partikolari biex jaħtar id-Direttur Eżekuttiv, il-membri tal-RAC u tal-SEAC u tal-Bord tal-Appell, u biex jadotta r-rapport annwali konsolidat tal-attività, id-dokument ta’ programmazzjoni, il-baġit annwali, u r-regoli finanzjarji applikabbli għall-Aġenzija. Jenħtieġ li l-Kummissjoni, il-Parlament Ewropew u l-Istati Membri jkunu rrappreżentati fil-Bord ta’ Tmexxija sabiex jeżerċitaw b’mod effettiv is-sorveljanza fuqu. Fl-interessi tat-trasparenza, jenħtieġ li l-Kummissjoni taħtar partijiet interessati mingħajr drittijiet tal-vot fil-Bord ta’ Tmexxija u jenħtieġ li tirrappreżenta firxa wiesgħa ta’ oqsma rilevanti ta’ għarfien espert.

(16)L-RAC ipprovda opinjonijiet xjentifiċi dwar l-evalwazzjonijiet tal-Limiti tal-Esponiment Okkupazzjonali (“OELs”), u aspetti oħrajn rilevanti għall-esponiment okkupazzjonali għal sustanzi kimiċi perikolużi bħal valuri ta’ limitu bijoloġiċi għal sustanzi kimiċi perikolużi fil-kuntest tal- Artikolu 3 tad-Direttiva tal-Kunsill 98/24/KE11. L-Artikoli 16, 16a u 18a tad-Direttiva 2004/37/KE tal-Parlament Ewropew u tal-Kunsill12 u l-Artikoli 18c u 22a tad-Direttiva 2009/148/KE tal-Parlament Ewropew u tal-Kunsill13 abbażi ta’ ftehim ad hoc bejn il-Kummissjoni u l-Aġenzija fil-passat. Billi dan il-kompitu sar prattika tas-soltu u sabiex tiġi kkonsolidata dik il-prattika, jenħtieġ li dan ir-Regolament jistabbilixxi li l-RAC jenħtieġ li jipprovdi tali opinjonijiet fuq talba tal-Kummissjoni. Barra minn hekk, jenħtieġ li l-RAC, fuq talba tal-Kummissjoni, tal-Parlament Ewropew jew tal-Istati Membri, jipprovdi opinjonijiet xjentifiċi dwar il-kwistjonijiet l-oħrajn kollha relatati mal-perikli, ir-riskji u l-użu sikur tas-sustanzi kimiċi, waħedhom, f’taħlitiet jew f’oġġetti kif definiti fl-Artikolu 3, il-paragrafi 1, 2 u 3 tar-Regolament (KE) Nru 1907/2006.

_________________

11 Id-Direttiva tal-Kunsill 98/24/KE tas-7 ta’ April 1998 dwar il-protezzjoni tas-saħħa u s-sigurtà tal-ħaddiema mir-riskji li għandhom x’jaqsmu mal-aġenti kimiċi fuq il-post tax-xogħol (l-erbatax-il Direttiva individwali fit-tifsira tal-Artikolu 16(1) tad-Direttiva 89/391/KEE) (ĠU L 131, 5.5.1998, p. 11, ELI: http://data.europa.eu/eli/dir/1998/24/oj).

12 Id-Direttiva 2004/37/KE tal-Parlament Ewropew u tal-Kunsill tad-29 ta’ April 2004 dwar il-protezzjoni tal-ħaddiema mir-riskji relatati mal-espożizzjoni għal karċinoġeni, mutaġeni jew sustanzi reprotossiċi fuq il-post tax-xogħol (is-Sitt Direttiva individwali fis-sens tal-Artikolu 16(1) tad-Direttiva tal-Kunsill 89/391/KEE) (ĠU L 158, 30.4.2004, p. 50, ELI: http://data.europa.eu/eli/dir/2004/37/oj).

13 Id-Direttiva 2009/148/KE tal-Parlament Ewropew u tal-Kunsill tat-30 ta’ Novembru 2009 dwar il-protezzjoni tal-ħaddiema mir-riskji konnessi mal-espożizzjoni għall-asbestos fuq ix-xogħol (ĠU L 330, 16.12.2009, p. 28, ELI: http://data.europa.eu/eli/dir/2009/148/oj).

(18)Jenħtieġ li l-Bord ta’ Tmexxija jadotta r-regoli ta’ proċedura tal-RAC, tal-SEAC, tal-MSC, tal-BPC u tal-SCCS, inklużi l-arranġamenti proċedurali għall-gruppi ta’ ħidma tal-Kumitati. Sabiex il-Kummissjoni teżerċita s-sorveljanza tagħha, jenħtieġ li r-rappreżentanti tal-Kummissjoni fil-Bord ta’ Tmexxija jiġu kkonsultati mid-Direttur Eżekuttiv meta jħejju r-regoli ta’ proċedura tal-RAC, tal-SEAC u tal-SCCS, filwaqt li tinżamm l-indipendenza tal-Kumitati u tal-gruppi ta’ ħidma tagħhom.

(19)Jenħtieġ li l-opinjonijiet tal-RAC u tal-SEAC ikunu bbażati fuq l-usa’ għarfien espert xjentifiku u tekniku possibbli disponibbli fl-Unjoni. Għal dan il-għan u biex jiġi żgurat li l-RAC u l-SEAC ikunu kompletament operazzjonali, huwa essenzjali li kull Stat Membru jinnomina żewġ membri għall-RAC u għall-SEAC rispettivament u jkun intitolat li jinnomina sa żewġ membri addizzjonali. Jenħtieġ li l-RAC, l-SEAC, il-BPC u l-SCCS ikollhom il-possibbiltà li jikkooptjaw il-membri u li jiddependu fuq is-servizzi tal-esperti, filwaqt li jqisu l-ammont ta’ xogħol, it-tip ta’ għarfien espert meħtieġ, il-bilanċ ġeografiku u d-disponibbiltà tar-riżorsi finanzjarji. Il-membri tal-kumitat jenħtieġ li jirriflettu l-għarfien espert meħtieġ biex jissodisfaw b’mod xieraq il-kompiti allokati lill-Aġenzija. L-Aġenzija jenħtieġ li tkun tista’ tassisti lill-Istati Membri biex jidentifikaw il-profili rilevanti għas-sħubija tal-RAC, tal-SEAC u tal-BPC, fejn l-Istati Membri jitolbu dan.

(25)L-Aġenzija esperjenzat diffikultajiet biex tipprevedi b’mod akkurat l-introjtu mit-tariffi u mill-imposti anke bl-aktar tekniki statistiċi avvanzati minħabba n-nuqqas ta’ informazzjoni dwar il-fatturi ewlenin tad-domanda mid-detenturi tad-doveri. L-Aġenzija timpenja ruħha li ttejjeb kontinwament il-metodi ta’ tbassir tagħha. Dan iħalli impatt fuq l-operazzjonijiet tal-Aġenzija u jeħtieġ emendi rikorrenti għall-baġit mill-Bord ta’ Tmexxija. Għalhekk, jenħtieġ li l-Aġenzija titħalla toħloq riżerva mill-bilanċ pożittiv tad-dħul tagħha mit-tariffi u mill-imposti, soġġetta għall-kundizzjonijiet stabbiliti f’dan ir-Regolament. Dan se jippermetti lill-Aġenzija ttaffi l-konsegwenzi ta’ varjazzjoni kbira fl-introjtu mit-tariffi u mill-imposti. B’mod speċifiku, il-ħolqien ta’ tali riżerva se jippermetti lill-Aġenzija żżid is-sostenibbiltà tal-mudell ta’ finanzjament tagħha mingħajr preġudizzju għall-kontribuzzjoni annwali tal-Unjoni u għall-programmazzjoni finanzjarja pluriennali. Jenħtieġ li r-regoli dettaljati dwar il-parametri, il-kalkolu u l-operat tar-riżerva jiġu stabbiliti fir-regoli finanzjarji tal-Aġenzija u jenħtieġ li jinkludu r-rekwiżiti stabbiliti f’dan ir-Regolament. Il-kalkolu tal-ammont tal-kontribuzzjoni annwali għar-riżerva jew tal-ammont magħmul disponibbli mir-riżerva, li għandu jiġi inkluż fl-abbozz tal-baġit tal-Aġenzija, jenħtieġ li jsegwi metodoloġija applikata b’mod mekkaniku mill-Aġenzija kull sena. L-istabbiliment ta’ tali riżerva għal aġenzija parzjalment awtofinanzjata tal-UE li topera fl-ambitu tal-mudell baġitarju universali huwa każ uniku u ma joħloqx preċedent għal aġenziji oħra tal-UE.

imħassar

(31)Jenħtieġ li l-Aġenzija tkompli taqdi rwol attiv fir-riċerka u l-innovazzjoni, filwaqt li tassisti lill-Istati Membri u lill-Kummissjoni fil-promozzjoni tas-sostituzzjoni tal-aktar sustanzi kimiċi dannużi u ta’ sustanzi kimiċi perikolużi oħra, u ta’ gruppi tagħhom, u fl-iżvilupp ta’ metodi xjentifiċi, b’mod partikolari approċċi li ma jinvolvux l-annimali u metodoloġiji emerġenti, biex tivvaluta l-perikli tas-sustanzi kimiċi u tal-gruppi ta’ sustanzi kimiċi, kif ukoll ir-riskji u l-impatti soċjoekonomiċi tal-użu tagħhom. Fejn xieraq, l-Aġenzija jenħtieġ li tikkontribwixxi għar-riċerka dwar ir-rabtiet bejn l-esponiment għal sustanzi kimiċi perikolużi u l-impatti negattivi fuq is-saħħa fil-qasam tal-espożomija, il-kumpilazzjoni integrata tal-fatturi fiżiċi, kimiċi, bijoloġiċi u psikosoċjali kollha, u l-interazzjonijiet tagħhom, li għandhom impatt fuq il-bijoloġija u s-saħħa.

L-Aġenzija għandu jkollha s-sede tagħha f’Ħelsinki, il-Finlandja.

1.L-Aġenzija għandha tikkontribwixxi għall-implimentazzjoni u l-infurzar tal-leġiżlazzjoni u l-politiki tal-Unjoni relatati mal-perikli, ir-riskji, l-użu sikur u s-sostenibbiltà ambjentali ta’ sustanzi, taħlitiet u oġġetti kimiċi, tipprovdi opinjonijiet u pariri xjentifiċi u informazzjoni indipendenti dwar il-kwistjonijiet kollha f’dak il-qasam, timmonitorja riskji kimiċi emerġenti u tiġbor jew tiġġenera data dwar is-sustanzi kimiċi, u tikkomunika dwar dawk il-kwistjonijiet.

2.Fit-twettiq tal-objettivi tagħha, l-Aġenzija għandha tikkontribwixxi għall-iżgurar ta’ livell għoli ta’ protezzjoni tas-saħħa tal-bniedem u tal-ambjent, inkluża l-protezzjoni ta’ gruppi vulnerabbli. L-Aġenzija għandu jkollha l-għan li tipprovdi l-kwalità, il-koerenza u l-konsistenza fil-valutazzjoni u l-ġestjoni tas-sustanzi kimiċi madwar l-Unjoni u dan huwa kruċjali biex tiġi żgurata ċ-ċirkolazzjoni libera tas-sustanzi fis-suq intern, filwaqt li tikkontribwixxi għat-tisħiħ tal-kompetittività u l-innovazzjoni, billi tqis il-ħtiġijiet speċifiċi tal-intrapriżi żgħar u ta’ daqs medju (“SMEs”) kif definiti fir-Rakkomandazzjoni tal-Kummissjoni tas-6 ta’ Mejju 2003 dwar id-definizzjoni ta’ intrapriżi mikro, żgħar u ta’ daqs medju26 u tippromwovi u ssaħħaħ l-għarfien espert fis-sostituzzjoni ta’ sustanzi kimiċi dannużi u ta’ gruppi ta’ sustanzi kimiċi dannużi kif ukoll l-iżvilupp, u l-użu ta’ approċċi li ma jinvolvux l-annimali u ta’ metodoloġiji emerġenti.

_________________

26 Ir-Rakkomandazzjoni tal-Kummissjoni tas-6 ta’ Mejju 2003 li tikkonċerna d-definizzjoni ta’ intrapriżi mikro, żgħar u ta’ daqs medju (ĠU L 124, 20.5.2003, p. 36, ELI: http://data.europa.eu/eli/reco/2003/361/oj)

(b)tipprovdi appoġġ tekniku u xjentifiku, gwida, għodod tal-IT u infrastruttura diġitali għall-iżvilupp, l-implimentazzjoni u l-infurzar ta’ dan ir-Regolament u l-leġiżlazzjoni settorjali tal-Unjoni, filwaqt li tqis l-objettivi li jiġi żgurat livell għoli ta’ protezzjoni tas-saħħa tal-bniedem u tal-ambjent, l-istandards tas-saħħa okkupazzjonali, il-ħtiġijiet speċifiċi tal-SMEs u r-rekwiżit li l-ittestjar fuq l-annimali jiġi sostitwit b’approċċi li ma jinvolvux l-annimali, fejn dan ikun xjentifikament possibbli;

(c)Kumitat għall-Valutazzjoni tar-Riskju (“RAC”), li għandu jkun responsabbli għat-tħejjija ta’ opinjonijiet tal-Aġenzija relatati mal-perikli u r-riskji ta’ sustanzi kimiċi għas-saħħa tal-bniedem jew għall-ambjent;

(d)Kumitat għall-Analiżi Soċjoekonomika (“SEAC”), li għandu jkun responsabbli għat-tħejjija tal-opinjonijiet tal-Aġenzija relatati mal-impatt soċjoekonomiku ta’ miżuri leġiżlattivi possibbli dwar is-sustanzi kimiċi;

(i)Segretarjat, li għandu jaħdem taħt it-tmexxija tad-Direttur Eżekuttiv u jwettaq il-ħidma meħtieġa mill-Aġenzija f’konformità mal-leġiżlazzjoni settorjali tal-Unjoni, jipprovdi appoġġ tekniku, xjentifiku u amministrattiv, bini tal-kapaċitajiet u taħriġ, lill-Kumitati u lill-Forum, u jiżgura koordinazzjoni xierqa bejniethom;

(c)żewġ persuni indipendenti maħtura mill-Parlament Ewropew, dawk il-persuni għandhom ikunu indipendenti fit-twettiq ta’ dmirijiethom u la għandhom ifittxu u lanqas jieħdu istruzzjonijiet mingħand xi istituzzjoni, korp, uffiċċju jew aġenzija tal-Unjoni, u lanqas minn xi gvern jew minn xi korp pubbliku jew privat ieħor.

2.Ir-rappreżentanti tal-Istati Membri, ir-rappreżentanti tal-Kummissjoni u l-persuni indipendenti maħtura mill-Parlament Ewropew għandu jkollhom drittijiet tal-vot. Il-persuni li jirrappreżentaw il-partijiet interessati, maħtura mill-Kummissjoni, ma għandux ikollhom drittijiet tal-vot.

(b)it-trade unions, inklużi s-saħħa u s-sigurtà fuq il-post tax-xogħol;

4.Il-membri tal-Bord ta’ Tmexxija għandhom jinħatru abbażi tal-għarfien u l-esperjenza rilevanti tagħhom fil-qasam tas-sikurezza kimika jew tar-regolamentazzjoni tas-sustanzi kimiċi, filwaqt li jikkunsidraw b’mod xieraq il-ħiliet maniġerjali, amministrattivi u baġitarji rilevanti tagħhom. F’konformità mal-prinċipju ta’ trattament ugwali tal-ġeneri kollha, il-partijiet kollha li jinnominaw u jaħtru l-membri tal-Bord ta’ Tmexxija għandu jkollhom l-għan li jiksbu bilanċ bejn il-ġeneri fil-Bord ta’ Tmexxija. Il-membri, il-membri supplenti u l-osservaturi tal-Kumitati u l-Forum jew il-gruppi ta’ ħidma tagħhom ma għandhomx ikunu eliġibbli biex isiru membri tal-Bord ta’ Tmexxija.

6.Il-membri tal-Bord ta’ Tmexxija għandhom jaġixxu esklussivament fl-interessi tal-Aġenzija u tal-Unjoni.

(s)jadotta r-regoli ta’ proċedura tal-Kumitati, tal-Forum u tal-Assemblea tal-partijiet ikkonċernati;

(y)jadotta l-arranġamenti prattiċi għall-konformità mar-Regolament (KE) Nru 1049/2001 tal-Parlament Ewropew u tal-Kunsill28, inklużi l-appelli jew ir-rimedji meħtieġa għar-rieżami ta’ rifjut parzjali jew sħiħ ta’ talba għall-kunfidenzjalità kif imsemmi fl-Artikolu 37a;

_________________

28 Ir-Regolament (KE) Nru 1049/2001 tal-Parlament Ewropew u tal-Kunsill tat-30 ta’ Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU L 145, 31.5.2001, p. 43, ELI: http://data.europa.eu/eli/reg/2001/1049/oj).

3.Fil-każ li l-Kummissjoni tqajjem tħassib serju dwar proposta għal deċiżjoni ppreżentata lill-Bord ta’ Tmexxija dwar kwistjonijiet relatati mar-Regolament Delegat tal-Kummissjoni (UE) 2019/71529 dwar ir-Regolament finanzjarju qafas għall-aġenziji regolatorji deċentralizzati jew għar-Regolamenti tal-Persunal u l-Kundizzjonijiet tal-Impjieg ta’ Aġenti Oħra tar-Regolament Nru 31 (KEE), 11 (KEEA), il-Bord ta’ Tmexxija għandu jipposponi l-adozzjoni tad-deċiżjoni. Fi żmien 15-il jum, il-Bord ta’ Tmexxija għandu jerġa’ jeżaminaha u jadottaha, possibbilment emendata, fit-tieni qari.

_________________

29 Ir-Regolament Delegat tal-Kummissjoni (UE) 2019/715 tat-18 ta’ Diċembru 2018 dwar ir-regolament finanzjarju qafas għall-korpi mwaqqfin skont it-TFUE u t-Trattat Euratom u msemmija fl-Artikolu 70 tar-Regolament (UE, Euratom) 2018/1046 tal-Parlament Ewropew u tal-Kunsill (ĠU L 122, 10.5.2019, p. 1, ELI: http://data.europa.eu/eli/reg_del/2019/715/oj).

(Ma taffettwax il-verżjoni Maltija.)

(d)jiżgura l-issodisfar tal-limiti ta’ żmien stipulati fil-leġiżlazzjoni settorjali tal-Unjoni għall-adozzjoni ta’ opinjonijiet mill-Aġenzija u mill-Kumitati u l-indipendenza ta’ dawk l-opinjonijiet;

(e)jiżgura koordinazzjoni xierqa u f’waqtha bejn il-korpi differenti fi ħdan l-Aġenzija, inkluż fir-rigward ta’ diverġenza potenzjali bejn l-opinjonijiet xjentifiċi tagħhom;

(b)il-kwistjonijiet l-oħrajn kollha li mhumiex diġà koperti mill-paragrafu 1 jew mill-paragrafu 2(a), relatati mal-perikli, ir-riskji u l-użu sikur ta’ sustanzi, waħedhom, f’taħlitiet jew f’oġġetti kif definiti fl-Artikolu 3, il-paragrafi 1, 2 u 3 tar-Regolament (KE) Nru 1907/2006.

3.L-għadd ta’ opinjonijiet xjentifiċi li għandhom jingħataw skont il-paragrafu 2 u l-iskedi ta’ żmien għall-għoti tagħhom għandhom jiġu deċiżi bejn il-Kummissjoni u l-Aġenzija fuq bażi annwali.

4.Kull Stat Membru għandu jaħtar membru wieħed għall-BPC u jista’ jaħtar membru supplenti wieħed għall-BPC. Il-membri tal-BPC għandhom jinħatru abbażi tar-rwol u l-esperjenza tagħhom fit-twettiq tal-kompiti assenjati lill-BPC.

Il-membri tal-SCCS għandhom jintgħażlu u jinħatru mill-Bord ta’ Tmexxija minn lista ta’ kandidati adattati mfassla mid-Direttur Eżekuttiv. Il-lista għandha ssir abbażi tal-applikazzjonijiet riċevuti għal sejħa għal espressjoni ta’ interess imnedija mill-Aġenzija u għandu jkollha l-għan li tinkludi mill-inqas id-doppju tan-numru ta’ kandidati meħtieġa biex jimtlew il-pożizzjonijiet fl-SCCS u għal kull qasam ta’ għarfien espert.

(v)approċċi li ma jinvolvux l-annimali, u metodoloġiji emerġenti, inklużi metodoloġiji ġodda ta’ approċċ u tekniki in vitro jew in silico;

(b)l-indipendenza u n-nuqqas ta’ kunflitti ta’ interess, f’konformità mar-regoli adottati skont l-Artikolu 9(1), il-punt (e).

L-SCCS għandu jikkonsisti minn 20 membru u għandu jkollu l-għan li jinkludi mill-inqas żewġ membri għal kull qasam ta’ għarfien espert rappreżentat.

6.Il-Kumitati kollha għandu jkollhom firxa wiesgħa ta’ għarfien espert rilevanti fost il-membri tagħhom. Il-Kumitati jistgħu jikkooptjaw membri addizzjonali magħżula abbażi tal-kompetenza speċifika tagħhom u billi jqisu d-diversità ġeografika. L-għadd massimu ta’ membri kooptjati għall-Kumitati għandu jiġi stabbilit u aġġustat mill-Bord ta’ Tmexxija abbażi ta’ proposta mid-Direttur Eżekuttiv, filwaqt li jitqiesu l-ammont ta’ xogħol tal-kumitati, it-tip ta’ għarfien espert meħtieġ u d-disponibbiltà tar-riżorsi finanzjarji.

9.L-Istati Membri għandhom jipprovdu riżorsi xjentifiċi u tekniċi adegwati u appoġġ amministrattiv għal dawk il-membri tal-kumitati li jkunu nnominaw jew ħatru, u b’hekk jippermettu l-parteċipazzjoni effettiva tagħhom, u għandhom jiffaċilitaw l-attivitajiet tal-kumitati u tal-gruppi ta’ ħidma tagħhom.

10.Il-membri tal-RAC, tal-SEAC u tal-SCCS għandhom ikunu indipendenti u la għandhom ifittxu u lanqas jieħdu struzzjonijiet minn kwalunkwe gvern jew istituzzjoni, korp, uffiċċju jew entità oħra. Dawk il-membri u l-membri tal-MSC u tal-BPC għandhom jaġixxu fl-interess pubbliku u fl-interess tal-Unjoni. Huma għandhom joqogħdu lura minn kwalunkwe azzjoni li ma tkunx kompatibbli mad-dmirijiet tagħhom jew mat-twettiq tal-kompiti tagħhom.

12.Il-membri tal-MSC u tal-BPC li jinħatru minn Stat Membru għandhom jiżguraw li jkun hemm koordinazzjoni xierqa bejn il-ħidma fil-Kumitati u l-ħidma fl-awtoritajiet kompetenti tal-Istat Membru tagħhom.

15.Il-membru kkonċernat, jew l-impjegatur ta’ dik il-persuna kif imsemmi fil-paragrafu 14, għandu jiġi remunerat mill-Aġenzija f’konformità mal-arranġamenti finanzjarji stabbiliti mill-Bord ta’ Tmexxija wara opinjoni pożittiva mill-Kummissjoni. Il-lista ta’ kompiti li għalihom tista’ titħallas ir-remunerazzjoni għandha tiġi stabbilita mill-Bord ta’ Tmexxija wara opinjoni pożittiva tal-Kummissjoni. Meta l-membru kkonċernat jonqos milli jwettaq xi wieħed minn dawk il-kompiti, id-Direttur Eżekuttiv jista’ jżomm ir-remunerazzjoni.

2.Meta jkunu qed iħejju opinjoni, il-kumitati għandhom jużaw l-aħjar sforzi tagħhom biex jilħqu kunsens fost il-membri tagħhom. L-opinjoni għandha tinkludi r-raġunijiet għall-pożizzjoni tal-kumitat. Jekk ma jkunx jista’ jintlaħaq kunsens, l-opinjoni għandha tikkonsisti fil-pożizzjoni tal-maġġoranza tal-membri, il-pożizzjonijiet tal-minoranza u r-raġunijiet għall-pożizzjonijiet rispettivi tal-maġġoranza u tal-minoranza. L-opinjoni għandha ssir disponibbli għall-pubbliku fuq is-sit web tal-Aġenzija.

4.Kull kumitat għandu jabbozza proposta għar-regoli ta’ proċedura tiegħu stess, li għandha titħejja għall-adozzjoni mid-Direttur Eżekuttiv u mbagħad tiġi adottata mill-Bord ta’ Tmexxija. Meta jħejji r-regoli ta’ proċedura tal-RAC, tal-SEAC u tal-SCCS, id-Direttur Eżekuttiv għandu jikkonsulta mar-rappreżentanti tal-Kummissjoni fil-Bord ta’ Tmexxija.

5.Ir-regoli ta’ proċedura ta’ kull kumitat għandhom jistabbilixxu l-proċeduri għas-sostituzzjoni u l-kooptjar tal-membri, għall-ħolqien u l-organizzazzjoni tal-gruppi ta’ ħidma u għad-delega ta’ ċerti kompiti lil tali gruppi ta’ ħidma, jekk applikabbli. L-adozzjoni tal-opinjonijiet ma għandhiex tiġi ddelegata lil dawk il-gruppi ta’ ħidma. Ir-regoli ta’ proċedura għandhom jistabbilixxu wkoll proċedura għall-adozzjoni urġenti ta’ opinjonijiet u għall-ġestjoni ta’ kunflitti ta’ interess. Ir-regoli ta’ proċedura għandhom isiru disponibbli għall-pubbliku fuq is-sit web tal-Aġenzija.

4.L-Aġenzija għandha żżomm lista aġġornata ta’ esperti, li għandha tinkludi l-esperti msemmija fl-Artikolu 16(1) u esperti oħrajn identifikati direttament mill-Aġenzija, kif ukoll il-kwalifiki ta’ dawk l-esperti.

5.Id-dispożizzjonijiet dwar l-indipendenza fl-Artikolu 14(10), dwar l-arranġamenti kuntrattwali fl-Artikolu 14(14) u dwar l-arranġamenti finanzjarji għar-remunerazzjoni fl-Artikolu 14(15) għandhom japplikaw mutatis mutandis għal kwalunkwe espert li jservi fi grupp ta’ ħidma tal-Kumitati jew tal-Forum jew li jwettaq kwalunkwe kompitu ieħor għall-Aġenzija.

5.Il-Forum għandu jabbozza proposta għar-regoli ta’ proċedura tiegħu stess li għandhom jiġu adottati mill-Bord ta’ Tmexxija. Ir-regoli ta’ proċedura għandhom jistabbilixxu l-proċeduri għall-ħatra u s-sostituzzjoni tal-President, għas-sostituzzjoni tal-membri u għad-delega ta’ ċerti kompiti lil gruppi ta’ ħidma.

1.Is-sħubija tal-Kumitati u tal-Forum u l-lista ta’ esperti msemmija fl-Artikolu 16(4) għandhom jiġu ppubblikati mid-Direttur Eżekuttiv fuq is-sit web tal-Aġenzija. Il-membri individwali u l-esperti jistgħu jitolbu li l-ismijiet tagħhom ma jiġux ippubblikati jekk huma jemmnu li tali pubblikazzjoni tista’ tpoġġihom f’riskju. Id-Direttur Eżekuttiv għandu jiddeċiedi jekk jaqbilx ma’ tali talbiet. Meta tiġi ppubblikata ħatra ta’ membru, il-kwalifiki professjonali ta’ dak il-membru għandhom jiġu ppubblikati wkoll.

3.F’kull laqgħa tal-membri tal-Bord ta’ Tmexxija, id-Direttur Eżekuttiv, il-presidenti u l-membri tal-Kumitati u l-Forum u kwalunkwe espert u konsulent parteċipant għandhom jiddikjaraw kwalunkwe interess addizzjonali li jista’ jitqies bħala ta’ preġudizzju għall-obbligi tal-membri skont l-Artikolu 14(10) fir-rigward ta’ kwalunkwe punt fuq l-aġenda. Persuna li tkun iddikjarat tali interessi ma għandhiex tipparteċipa fil-votazzjoni fuq il-punt rilevanti.

Sal-aħħar ta’ kull sena, abbażi ta’ proposta mid-Direttur Eżekuttiv, il-Bord ta’ Tmexxija għandu japprova abbozz ta’ dokument uniku ta’ programmazzjoni li jkun fih dawn li ġejjin:

(a)l-Aġenzija għandha tagħmel kontribuzzjonijiet għar-riżerva biss mir-riżultati tal-baġit ta’ tmiem is-sena skont it-tifsira tal-Artikolu 99(4) tar-Regolament Delegat (UE) 2019/715, fejn dawk ir-riżultati jkunu pożittivi u jirriżultaw mid-dħul minn tariffi u imposti miġbura li jkunu ogħla mill-ammonti bbaġitjati fl-aħħar baġit emendat approvat mill-Bord ta’ Tmexxija tal-Aġenzija f’sena partikolari;

(b)fi kwalunkwe mument, ir-riżerva inkluża fis-sena N fl-abbozz tal-baġit għas-sena N+1 ma għandhiex taqbeż il-15 % tal-medja tal-ammont proprju totali realizzat fl-aħħar ħames snin tad-dħul tal-Aġenzija mit-tariffi u l-imposti msemmija fil-paragrafu 3, il-punt (b);

6.Il-Kummissjoni għandha tippreżenta valutazzjoni tal-funzjonament tar-riżerva lill-Parlament Ewropew u lill-Kunsill fi tmiem ir-raba’ sena tal-operat tar-riżerva. Fejn xieraq, il-Kummissjoni għandha tippreżenta proposta leġiżlattiva lill-Parlament Ewropew u lill-Kunsill bil-ħsieb li tadatta r-riżerva.

Esperti nazzjonali sekondati u persunal ieħor sekondat fl-interess tas-servizz

2.Għall-informazzjoni regolatorja, xjentifika u teknika kollha miżmuma mill-Aġenzija dwar is-sikurezza ta’ sustanzi waħedhom, f’taħlitiet jew f’oġġetti u mhux koperti mill-paragrafu 1, l-Artikolu 37a għandu japplika, mingħajr preġudizzju, għal dispożizzjonijiet speċifiċi fil-leġiżlazzjoni tal-Unjoni dwar id-divulgazzjoni tal-informazzjoni.

3.Il-membri tal-Bord ta’ Tmexxija, id-Direttur Eżekuttiv, il-membri tal-Kumitati, il-Bord tal-Appell u l-Forum, l-esperti li jipparteċipaw fil-gruppi ta’ ħidma u l-membri tal-persunal tal-Aġenzija għandhom jikkonformaw mar-rekwiżiti ta’ kunfidenzjalità stabbiliti fl-Artikolu 339 tat-TFUE, anke wara li jkunu ntemmu dmirijiethom.

1. L-Aġenzija għandha tassisti lill-Istati Membri u lill-Kummissjoni fil-promozzjoni tas-sostituzzjoni tal-aktar sustanzi kimiċi dannużi u ta’ sustanzi kimiċi perikolużi oħra, u ta’ gruppi tagħhom, b’sustanzi u teknoloġiji alternattivi aktar sikuri u sostenibbli u fl-iżvilupp, fl-aċċettazzjoni regolatorja, fl-adozzjoni u fil-validazzjoni internazzjonali ta’ metodoloġiji xjentifiċi rilevanti, inklużi approċċi li ma jinvolvux l-annimali, biex jiġu vvalutati l-perikli tas-sustanzi kimiċi, kif ukoll ir-riskji u l-impatti soċjoekonomiċi tal-użu tas-sustanzi kimiċi. Tali assistenza għandha tinkludi l-faċilitazzjoni tal-iskambju ta’ informazzjoni, il-kontribuzzjoni biex jiġu ddefiniti l-ħtiġijiet tal-ġenerazzjoni tad-data, kif ukoll il-parteċipazzjoni u l-faċilitazzjoni fir-rigward ta’ attivitajiet rilevanti ta’ riċerka, żvilupp u innovazzjoni fil-kamp ta’ applikazzjoni tal-leġiżlazzjoni settorjali rilevanti tal-Unjoni, inkluż ir-Regolament (UE) 2021/695 tal-Parlament Ewropew u tal-Kunsill1a, u l-espożomija fejn xieraq.

1.L-Aġenzija għandha tikkoopera ma’ korpi oħrajn stabbiliti skont id-dritt tal-Unjoni, inklużi iżda mhux limitati għaċ-Ċentru Ewropew għall-Prevenzjoni u l-Kontroll tal-Mard (ECDC), l-Aġenzija Ewropea għall-Ambjent (EEA), l-Awtorità Ewropea dwar is-Sigurtà fl-Ikel (EFSA), l-Aġenzija Ewropea għall-Mediċini (EMA) ul-Aġenzija Ewropea għas-Sigurtà u s-Saħħa fuq il-Post tax-Xogħol (EU-OSHA), dwar l-għoti ta’ opinjonijiet xjentifiċi rilevanti, dwar l-iskambju ta’ data u informazzjoni, inkluż l-istabbiliment possibbli ta’ formati ta’ data relatati u vokabularji kkontrollati biex jiffaċilitaw tali skambju, u dwar l-iżvilupp ta’ metodoloġiji xjentifiċi, inklużi approċċi li ma jinvolvux l-annimali, għall-valutazzjoni tas-sustanzi kimiċi.

2.Meta l-Aġenzija tidentifika sors potenzjali ta’ diverġenza kif imsemmi fil-paragrafu 1, hija għandha tikkuntattja lill-korp l-ieħor ikkonċernat sabiex tiżgura li tiġi kondiviża l-informazzjoni xjentifika jew teknika rilevanti kollha u sabiex tidentifika l-kwistjonijiet xjentifiċi jew tekniċi potenzjalment kontenzjużi.

3.L-Aġenzija u l-korp l-ieħor ikkonċernat għandhom jikkooperaw biex isolvu d-diverġenza, filwaqt li jqisu l-objettiv ta’ livell għoli ta’ protezzjoni tas-saħħa u tal-ambjent. Jekk l-Aġenzija u l-korp l-ieħor ikkonċernat ma jkunux jistgħu jsolvu d-diverġenza, huma għandhom ifasslu rapport konġunt. Ir-rapport għandu jiddeskrivi b’mod ċar il-kwistjonijiet xjentifiċi kontenzjużi, jidentifika l-inċertezzi rilevanti fid-data u jagħti r-raġunijiet sottostanti għad-diverġenza tal-opinjonijiet, inkluż raġunijiet relatati mad-differenzi metodoloġiċi. Ir-rapport għandu jkun disponibbli għall-pubbliku. Meta l-korp l-ieħor ikkonċernat ikun aġenzija tal-Unjoni jew kumitat xjentifiku, l-Aġenzija għandha tippreżenta wkoll ir-rapport konġunt lill-Kummissjoni.

imħassar

(3)fl-Artikolu 77, jitħassru l-paragrafu 1, u l-paragrafu 3, il-punti (b) u (c);

Evalwazzjoni u rieżami

2.L-evalwazzjoni għandha tindirizza l-ħtieġa possibbli li jiġi mmodifikat il-mandat tal-Aġenzija, u l-implikazzjonijiet finanzjarji ta’ kwalunkwe modifika bħal din. L-evalwazzjoni għandha tivvaluta wkoll il-funzjonament tal-Kumitati u jekk ikunx xieraq li jiġu allinjati jew adottati l-Artikoli 14 u 15 ta’ dan ir-Regolament.

3.Il-Kummissjoni għandha tirrapporta lill-Parlament Ewropew, lill-Kunsill u lill-Bord tat-Tmexxija dwar is-sejbiet tal-evalwazzjoni. Għandhom jiġu inklużi pjan ta’ azzjoni u skeda ta’ żmien, jekk ikun xieraq. Il-Kummissjoni għandha, fejn xieraq, tippreżenta proposta leġiżlattiva lill-Parlament Ewropew u lill-Kunsill. Is-sejbiet tal-evalwazzjoni għandhom isiru pubbliċi mill-Kummissjoni.