P10_TA(2026)0179Ftehim ta’ Sħubija UE-Gżejjer Cook dwar is-Sajd Sostenibbli: Protokoll dwar l-implimentazzjoniRiżoluzzjoni leġiżlattiva tal-Parlament Ewropew tal-20 ta’ Mejju 2026 dwar l-abbozz ta’ deċiżjoni tal-Kunsill dwar il-konklużjoni, f’isem l-Unjoni, tal-Protokoll dwar l-implimentazzjoni tal-Ftehim ta’ Sħubija dwar is-Sajd Sostenibbli bejn l-Unjoni Ewropea u l-Gvern tal-Gżejjer Cook (2025-2032) (13158/2025 – C10-0346/2025 – 2025/0287(NLE))(Approvazzjoni)Il-Parlament Ewropew,

–wara li kkunsidra l-abbozz ta’ deċiżjoni tal-Kunsill (13158/2025),

–wara li kkunsidra l-abbozz ta’ Protokoll dwar l-Implimentazzjoni tal-Ftehim ta’ Sħubija dwar is-Sajd Sostenibbli bejn l-Unjoni Ewropea u l-Gvern tal-Gżejjer Cook (2025-2032) (13165/2025),

–wara li kkunsidra t-talba għal approvazzjoni ppreżentata mill-Kunsill skont l-Artikolu 43(2), l-Artikolu 218(6), it-tieni subparagrafu, il-punt (a)(v), u l-Artikolu 218(7), tat-Trattat dwar il-Funzjonament tal-Unjoni Ewropea (C10‑0346/2025),

–wara li kkunsidra l-valutazzjoni baġitarja maħruġa mill-Kumitat għall-Baġits,

–wara li kkunsidra l-Artikolu 107(1) u (4), l-Artikolu 117(7) u l-Artikolu 58 tar-Regoli ta’ Proċedura tiegħu,

–wara li kkunsidra l-opinjoni tal-Kumitat għall-Iżvilupp,

–wara li kkunsidra r-rakkomandazzjoni tal-Kumitat għas-Sajd (A10-0092/2026),

1.Jagħti l-approvazzjoni tiegħu għall-konklużjoni tal-protokoll;

2.Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni, kif ukoll lill-gvernijiet u lill-parlamenti tal-Istati Membri u tal-Gżejjer Cook.