1.Jenfasizza li madwar 6,2 miljun persuna Iċ-Ċentru Ewropew għall-Iżvilupp ta’ Taħriġ Vokazzjonali, 2023. fl-UE huma impjegati bħala ħaddiema tal-kura formali, filwaqt li aktar minn 53 miljun persuna Eurofound, “Unpaid care in the EU” (Kura mhux imħallsa fl-UE). jipprovdu xogħol ta’ indokrar informali, spiss mhux imħallas, fl-ambjent soċjali tagħhom, bħal fil-każ ta’ membri tal-familja morda jew anzjani, jew membri tal-familja b’diżabbiltà; jinnota li l-kura informali tammonta għal bejn 30 % u 85 % tax-xogħol kollu ta’ indokrar Il-Kummissjoni Ewropea, “Long-term care report” (Rapport dwar il-kura fit-tul), 2021.;

2.Jisħaq li x-xogħol ta’ indokrar formali spiss ma jkunx rikonoxxut, ikun ikkaratterizzat minn kundizzjonijiet tax-xogħol prekarji, minn pressjoni fiżika u emozzjonali, b’pagi 21 % taħt il-medja fil-kura fit-tul u servizzi soċjali oħra Eurofound, “Wages in long-term care and other social services 21% below average” (Il-pagi fis-servizzi tal-kura fit-tul u servizzi soċjali oħra huma 21 % taħt il-medja)., u fejn in-nisa jaqilgħu bħala medja 20 % anqas mill-irġiel Organizzazzjoni Dinjija tas-Saħħa, “Shining light on women’s contributions: celebrating their role in informal care” (Nixħtu d-dawl fuq il-kontributi tan-nisa: niċċelebraw ir-rwol tagħhom fil-kura informali).; jissottolinja li madwar 60 % tax-xogħol ta’ kura informali jitwettaq min-nisa Eurocarers, 2021.; jinnota li huwa stmat li 32 miljun mara jipprovdu kura informali kull ġimgħa Organizzazzjoni Dinjija tas-Saħħa, “Shining light on women’s contributions: celebrating their role in informal care” (Nixħtu d-dawl fuq il-kontributi tan-nisa: niċċelebraw ir-rwol tagħhom fil-kura informali). u jwettqu medja ta’ 17-il siegħa ta’ xogħol mhux imħallas fil-ġimgħa;

3.Josserva li l-valur ekonomiku tax-xogħol domestiku u ta’ indokrar informali jirrappreżenta bejn 10 % u 39 % tal-PDG madwar id-dinja UN Women, “Redistribute unpaid work” (Ridistribuzzjoni tax-xogħol mhux imħallas), 2021.;

4.Jinnota li d-diviżjoni inugwali tax-xogħol ta’ indokrar informali tirrifletti diviżjoni inugwali tax-xogħol imħallas; jinnota li fl-UE, 44 % tan-nisa għandhom impjieg full-time, meta mqabbel ma’ 58 % tal-irġiel Istitut Ewropew għall-Ugwaljanza bejn is-Sessi: Fl-UE ir-rata ta’ impjieg ekwivalenti għall-full-time (FTE) hija ta’ 44 % għan-nisa u 59 % għall-irġiel. ***Ir-rata ta’ impjieg FTE tkejjel is-sigħat tax-xogħol b’mod komparattiv, anki jekk in-nies jaf jaħdmu għadd differenti ta’ sigħat fil-ġimgħa.;

5.Jisħaq li din id-distribuzzjoni inugwali tar-responsabbiltajiet ta’ kura bejn l-irġiel u n-nisa — id-distakk bejn il-ġeneri fl-għoti tal-kura — għandha konsegwenzi għad-distakk bejn il-ġeneri fil-pagi u fil-pensjonijiet; jissottolinja, f’dak il-kuntest, li d-distakk bejn il-ġeneri fil-pagi fl-UE kien stmat għal 38 % fl-2024 Il-Parlament Ewropew, “Addressing the gender care gap: Potential European added value” (Nindirizzaw id-distakk bejn il-ġeneri fl-għoti tal-kura: Valur miżjud Ewropew potenzjali).; josserva li d-distakk bejn il-ġeneri fil-pensjonijiet fost il-persuni li għandhom 65 sena u aktar fl-UE kien ta’ 25 % fl-UE L-Istitut Ewropew għall-Ugwaljanza bejn is-Sessi, “Indiċi tal-Ugwaljanza bejn il-Ġeneri”.;

6.Jenfasizza li n-nisa jirrappreżentaw 76 % tad-49 miljun ħaddiem tal-kura formali fl-UE, u jirrappreżentaw 93 % tal-ħaddiema tal-indokrar tat-tfal u tal-assistenti tat-tagħlim Eurostat, “Childcare workers and teachers’ aides in the EU in 2020” (Il-ħaddiema tal-indokrar tat-tfal u l-assistenti tal-għalliema fl-UE fl-2020)., 86 % tal-ħaddiema tal-kura personali fis-servizzi tas-saħħa u fl-unitajiet domestiċi, u 95 % tal-ħaddiema domestiċi Studju taċ-Ċentru tal-Politika Ewropea bit-titolu “Gender equality: Who cares? Do you?” (L-ugwaljanza bejn il-ġeneri: Min jimpurtah? Inti?) 2022.;

7.Jinnota l-importanza tar-rikonoxximent u l-iżvilupp tas-settur tas-servizzi personali u domestiċi bħala settur ewlieni, peress li jinkludi x-xogħol kollu ta’ indokrar li jsir fl-unitajiet domestiċi, bħall-kura diretta (l-indokrar tat-tfal, il-kura fit-tul, il-kura minn indokratur residenti lill-anzjani u lill-persuni b’diżabbiltà) u l-kura indiretta (it-tisjir, il-mogħdija, it-tindif, il-ġardinaġġ, il-klassijiet ta’ rimedju); jissottolinja l-ħtieġa li l-ħaddiema tas-servizzi personali u domestiċi jiġu rikonoxxuti, appoġġjati u jsir investiment fihom; jinnota li dawn is-servizzi jappoġġjaw il-benesseri fid-dar għall-individwi u l-familji, inklużi l-indokrar tat-tfal, il-kura fit-tul għall-anzjani u l-persuni b’diżabbiltà, it-tindif, it-tiswijiet fid-dar, it-tutoraġġ, il-ġardinaġġ, u l-appoġġ għall-ICT Awtorità Ewropea tax-Xogħol, 2021.; jisħaq li hemm madwar 6,8 miljun Eurofound, ““Undeclared care work in the EU: Policy approaches to a complex socioeconomic challenge” (Xogħol ta’ indokrar mhux iddikjarat fl-UE: Approċċi ta’ politika għal sfida soċjoekonomika kumplessa), estimi reċenti jissuġġerixxu li 6,8 miljun ħaddiem mhux iddikjarat jipprovdu servizzi ta’ kura jew servizzi domestiċi madwar l-UE, 2,1 miljuni minnhom speċifikament fis-settur tal-kura. ħaddiem mhux iddikjarat fl-UE li jipprovdu kura (2,1 miljuni) jew f’impjieg dirett tal-unitajiet domestiċi (4,7 miljuni), li minnhom 90 % huma nisa, li l-maġġoranza tagħhom huma ċittadini ta’ mezza età u mhux tal-UE, li spiss ikunu sottoimpjegati Eurofound, “Undeclared care work in the EU:Policy approaches to a complex socioeconomic challenge” (Xogħol ta’ indokrar mhux iddikjarat fl-UE: Approċċi ta’ politika għal sfida soċjoekonomika kumplessa).; ifakkar li l-għadd stmat ta’ ħaddiema mhux iddikjarati fis-settur tas-servizzi personali u domestiċi huwa ta’ 9,2 miljun persuna Eurofound, “Undeclared care work in the EU:Policy approaches to a complex socioeconomic challenge” (Xogħol ta’ kura mhux iddikjarat fl-UE: Approċċi ta’ politika għal sfida soċjoekonomika kumplessa). Paġna 7: estimi reċenti jissuġġerixxu li 6,8 miljun ħaddiem mhux iddikjarat jipprovdu servizzi ta’ kura jew servizzi domestiċi madwar l-UE, 2,1 miljun minnhom speċifikament fis-settur tal-kura u 4,7 miljun f’impjieg dirett tal-unitajiet domestiċi. Bl-applikazzjoni ta’ definizzjoni usa’, ifakkar li l-għadd stmat ta’ ħaddiema mhux iddikjarati fis-settur tas-servizzi personali u domestiċi jilħaq id-9,2 miljun persuna.;

8.Jinnota li s-sejbiet tal-Eurofound juru li fir-rigward tal-kura fit-tul, kemm għan-nisa kif ukoll għall-irġiel, hemm bidla notevoli lejn intensità ogħla tal-kura maż-żmien, bi proporzjon dejjem akbar ta’ persuni li jindokraw mhux imħallsa li jirrapportaw aktar minn 20 siegħa ta’ kura fil-ġimgħa fl-2024 meta mqabbla mal-2014; jinnota li din ix-xejra hija partikolarment evidenti fil-kategorija tal-ogħla intensità tal-kura (51+ siegħa fil-ġimgħa), li turi żieda sinifikanti għaż-żewġ ġeneri; jissottolinja li n-nisa jirrapportaw b’mod konsistenti livelli ogħla ta’ intensità tal-kura meta mqabbla mal-irġiel fil-perjodi kollha ta’ żmien, u dan jirrifletti l-involviment sproporzjonat tagħhom fl-indokrar mhux imħallas;

9.Jinnota li s-sistemi ta’ kura inadegwati huma fost l-ostakli prinċipali għall-għeluq tad-distakki bejn il-ġeneri fis-swieq tax-xogħol madwar id-dinja Forum Ekonomiku Dinji, “Global Gender Gap Report” (Rapport Dinji dwar id-Distakk bejn il-Ġeneri), 2023.; jenfasizza l-ħtieġa li jiġu indirizzati l-kundizzjonijiet tax-xogħol ħalli l-impjieg full-time isir kompatibbli mar-responsabbiltajiet ta’ kura, permezz ta’ mudelli ta’ ħin flessibbli jew tipi oħra ta’ organizzazzjoni tax-xogħol, kif ukoll biex tingħata preferenza lil klima tax-xogħol li tippromwovi l-liv tal-paternità, li trawwem distribuzzjoni ugwali tal-kompiti ta’ kura bejn il-koppji; jisħaq fuq ir-rwol tal-impjegaturi, fost l-oħrajn, f’dan ir-rigward;

10.Jisħaq fuq il-ħtieġa li jitnaqqas id-distakk bejn il-ġeneri fl-impjiegi billi tiġi indirizzata d-diskriminazzjoni fl-impjiegi u jinbnew postijiet tax-xogħol favur il-familja, jiġu implimentati strateġiji li jtejbu l-arranġamenti tax-xogħol flessibbli u miżuri oħra, u jitnaqqsu l-ostakli għall-missirijiet biex jieħdu liv tal-ġenituri, tal-paternità jew tal-persuni li jindokraw, filwaqt li tiġi mħeġġa b’mod attiv kultura ta’ rappreżentanza ugwali tan-nisa; jisħaq li dan jeħtieġ li jkun akkumpanjat mid-destigmatizzazzjoni soċjali u kulturali tal-kura formali, speċjalment l-indokrar tat-tfal;

11.Jenfasizza li biex jitnaqqas id-distakk bejn il-ġeneri fl-għoti tal-kura, jeħtieġ li jiġu indirizzati b’mod simultanju l-ostakli kulturali u r-rwoli tradizzjonali tal-ġeneru f’oqsma differenti tal-ħajja;

12.Jinnota li n-nefqa pubblika fuq il-kura fit-tul hija mistennija li tiżdied għal 1,7 % tal-PDG sal-2050 minn 0,8 % tal-PDG fl-2022 Dokument ta’ ħidma tal-persunal tal-Kummissjoni tas-7 ta’ Settembru 2022 li jakkumpanja l-proposta tal-Kummissjoni għal rakkomandazzjoni tal-Kunsill dwar l-aċċess għall-kura fit-tul affordabbli u ta’ kwalità għolja, (SWD(2022)0441).; jissottolinja li jrid jiġi garantit finanzjament adegwat u sostenibbli Dokument ta’ ħidma tal-persunal tal-Kummissjoni tas-7 ta’ Settembru 2022 li jakkumpanja l-proposta tal-Kummissjoni għal rakkomandazzjoni tal-Kunsill dwar l-aċċess għall-kura fit-tul affordabbli u ta’ kwalità għolja, (SWD(2022)0441).;

13.Jenfasizza li sal-2070, kważi 30 % tal-popolazzjoni tal-UE se jkollha 65 sena jew aktar Il-Kummissjoni Ewropea, Rapport dwar it-Tixjiħ, 2021., li, flimkien ma’ fatturi oħra bħal stennija tal-għomor itwal u l-ħtiġijiet ta’ kura li qed jikbru tal-persuni b’diżabbiltà, jaf iwasslu għal domanda akbar għas-servizzi tal-kura u dan joħloq pressjoni sinifikanti fuq is-sistemi tas-saħħa u tal-protezzjoni soċjali, filwaqt li l-għadd ta’ persuni li se jkunu jeħtieġu kura fit-tul huwa mistenni li jiżdied minn 30,8 miljun fl-2019 għal 38,1 miljun fl-2050 Il-Kummissjoni Ewropea, Rapport dwar it-Tixjiħ, 2021.; jinnota li l-ħtiġijiet attwali diġà joħolqu sfida, peress li waħda minn kull ħames persuni li jeħtieġu kura fit-tul ma tistax taċċedi għal tali servizzi minħabba restrizzjonijiet marbuta mal-affordabbiltà Il-Parlament Ewropew, Addressing the gender care gap: Potential European added value” (Nindirizzaw id-distakk bejn il-ġeneri fl-għoti tal-kura: Valur miżjud Ewropew potenzjali), p. 6, 2025 — huwa stmat li persuna minn kull ħamsa (19 %) li jeħtieġu servizzi ta’ kura fit-tul ma setgħux jaċċedu għalihom. Ir-raġuni ewlenija kemm għall-irġiel kif ukoll għan-nisa kienet l-affordabbiltà.;

14.Iqis li soċjetà tal-kura tirrikonoxxi r-rwol essenzjali tal-kura, li tinkludi kemm il-kura formali kif ukoll informali, fl-istadji kollha tal-ħajja, u tintegraha fil-politiki tagħha, inklużi t-tipi kollha ta’ kura mwettqa b’mod predominanti min-nisa, inklużi l-edukazzjoni u l-kura bikrija tat-tfal u l-kura fit-tul;

15.Jenfasizza li l-aċċess għall-kura huwa dritt fundamentali; jisħaq li l-investiment f’servizzi tal-kura ta’ kwalità għolja huwa essenzjali biex jiġi żgurat aċċess ugwali; jissottolinja li l-persistenza tal-ostakli għall-aċċess għall-kura hija intrinsikament marbuta ma’ investiment insuffiċjenti fil-kura fit-tul; jinnota li n-nisa u l-bniet f’reġjuni rurali, remoti u ultraperiferiċi, inklużi l-gżejjer, jiffaċċjaw riskji ogħla ta’ faqar fil-kura u nuqqas ta’ aċċess għas-servizzi; jappella għal miżuri mfassla apposta, bħal servizzi mobbli tal-indokrar tat-tfal u tal-kura tal-anzjani, soluzzjonijiet diġitali, u inċentivi għall-professjonisti tal-kura biex jibqgħu fiż-żoni rurali jew jirritornaw lejn dawn iż-żoni;

16.Iqis li r-responsabbiltajiet ta’ kura ma għandhomx jaqgħu b’mod sproporzjonat fuq in-nisa u li l-Istati Membri għandhom jippromwovu l-parteċipazzjoni ugwali tal-irġiel u tan-nisa fl-indokrar tat-tfal u fil-kura għall-anzjani, il-kura fit-tul u l-kura tal-membri tal-familja b’diżabbiltà, kif ukoll f’responsabbiltajiet oħrajn ta’ kura informali;

17.Jappoġġja l-ugwaljanza bejn il-ġeneri fir-responsabbiltajiet ta’ kura billi tiġi promossa kondiviżjoni ugwali tad-dmirijiet tal-kura, jiġi żgurat aċċess għal servizzi ta’ kura ta’ kwalità għolja, affordabbli u aċċessibbli, jiġi pprovdut il-liv tal-ġenituri u l-paga ugwali, jiġu offruti arranġamenti tax-xogħol flessibbli u garantiti kundizzjonijiet tax-xogħol ġusti adegwati bl-appoġġ fuq il-post tax-xogħol, sistemi tar-reklutaġġ u miżuri ta’ appoġġ għax-xogħol ta’ indokrar fid-dar;

18.Jappella għal kampanji ta’ sensibilizzazzjoni mmirati lejn l-irġiel, li jħeġġu lill-irġiel jieħdu sehem ugwali tar-responsabbiltajiet tal-indokrar, u b’hekk jippermettu parteċipazzjoni aktar qawwija tan-nisa fil-forza tax-xogħol, filwaqt li jitqies l-impatt tal-media soċjali, tissaħħaħ il-ġlieda kontra l-istereotipi marbuta mal-ġeneru, flimkien ma’ inizjattivi edukattivi u miżuri oħra, bħall-promozzjoni ta’ kulturi fuq il-post tax-xogħol li japprezzaw u jappoġġjaw din il-parità tal-indokrar; jappella għat-tnedija ta’ kampanji ta’ sensibilizzazzjoni fl-UE kollha li jagħtu valur ġdid lix-xogħol ta’ indokrar u li jisfidaw l-istereotipi tradizzjonali tal-ġeneru;

19.Jisħaq, għalhekk, fuq il-ħtieġa ta’ indokrar tat-tfal li jissodisfa l-ħtiġijiet ta’ kura tal-ġenituri matul il-vaganzi u l-ħinijiet tax-xogħol; jenfasizza l-importanza li tiġi żviluppata edukazzjoni bikrija u indokrar tat-tfal affordabbli, aċċessibbli u ta’ kwalità biex jiġi ffaċilitat ir-ritorn tal-ġenituri għax-xogħol, speċjalment tan-nisa; jisħaq li d-distakk fl-indokrar tat-tfal — meta l-familji jkunu użaw il-liv għall-indokrar tat-tfal tagħhom iżda jkun għad ma għandhomx aċċess sħiħ għall-indokrar tat-tfal L-Osservatorju Ewropew dwar il-Politika tal-Familja, “Childcare Gap In The European Union: A 2025 Overview” (Id-Distakk fl-indokrar tat-tfal fl-Unjoni Ewropea: Ħarsa ġenerali lejn l-2025). — jibqa’ waħda mill-aktar sfidi urġenti għall-ġenituri madwar l-Ewropa; jinnota li l-familji jitħallew jaffrontaw il-kumplessitajiet tal-indokrar tat-tfal mingħajr appoġġ adegwat, u ħafna drabi jiffaċċjaw deċiżjonijiet diffiċli dwar ix-xogħol, il-finanzi u r-responsabbiltajiet ta’ indokrar;

20.Jirrikonoxxi l-importanza u l-valur soċjali tal-kontributi tal-kura interġenerazzjonali, bħal dawk ipprovduti min-nanniet li regolarment jieħdu ħsieb in-neputijiet tagħhom, li jippermettu lill-ġenituri, b’mod partikolari lill-ommijiet, jeżerċitaw impjieg full-time;

21.Jisħaq fuq l-importanza tal-implimentazzjoni xierqa ta’ miżuri u politiki effettivi, inkluża d-Direttiva dwar il-Bilanċ bejn ix-Xogħol u l-Ħajja Privata, biex jiġi żgurat bilanċ ġenwin bejn ix-xogħol u l-ħajja privata; jistieden lill-Kummissjoni timmonitorja bir-reqqa l-implimentazzjoni ta’ din id-direttiva u jenfasizza l-ħtieġa li jitnaqqsu d-differenzi bejn il-ġeneri fil-pagi u l-pensjonijiet billi jiġu infurzati l-oqfsa legali eżistenti u tiġi żgurata l-effettività tagħhom;

22.Jistieden lill-Istati Membri jmorru lil hinn mill-minimu ta’ ħamest ijiem fis-sena ta’ liv tal-persuni li jindokraw previst fid-Direttiva dwar il-Bilanċ bejn ix-Xogħol u l-Ħajja Privata u jiżguraw li tali liv jitħallas b’mod adegwat sabiex isir realistikament aċċessibbli għall-persuni kollha li jindokraw;

23.Jissottolinja li miżuri mmirati biex jiffaċilitaw arranġamenti tax-xogħol flessibbli u favur il-familja, inklużi t-telexogħol, is-sigħat tax-xogħol flessibbli, il-liv tal-persuni li jindokraw u l-għażliet part-time, huma kruċjali biex in-nisa u l-irġiel ikunu jistgħu jirrikonċiljaw aħjar il-ħajja professjonali u privata tagħhom, kif ukoll inċentivi u miżuri speċifiċi fil-politiki dwar il-liv tal-ġenituri; jissottolinja l-importanza ta’ distribuzzjoni ġusta tal-liv tal-ġenituri bejn il-ġenituri u l-impatt tiegħu fit-trawwim ta’ soċjetà ugwali bejn il-ġeneri;

24.Jenfasizza li l-ħaddiema tal-kura jipprovdu appoġġ vitali; jenfasizza li l-appoġġ kollu mmirat lejn il-persuni li jindokraw irid jirrikonoxxi d-drittijiet tagħhom bħala persuni li jindokraw u jiżgura l-appoġġ psikoloġiku, is-servizzi ta’ solliev, is-servizzi tal-kura tas-saħħa, l-arranġamenti tax-xogħol flessibbli (liv, sigħat tax-xogħol, telexogħol), mingħajr ma jitilfu l-paga jew l-intitolamenti biex jiġu bbilanċjati r-responsabbiltajiet ta’ kura u l-impjieg; jistieden lill-Kummissjoni u lill-Istati Membri jippromwovu approċċi infurmati dwar it-trawma u li jappoġġjaw is-saħħa mentali fl-għoti tal-kura, filwaqt li jirrikonoxxu r-riskji psikosoċjali kemm għall-ħaddiema kif ukoll għall-benefiċjarji; jenfasizza li dawn il-miżuri jeħtieġ li jkunu akkumpanjati minn pagi ġusti u protezzjoni soċjali għall-ħaddiema tal-kura sabiex jiġu ggarantiti impjiegi ta’ kwalità u appoġġ imfassal apposta għall-persuni li jindokraw li l-karrieri tagħhom ġew imfixkla mid-dmirijiet tal-kura tas-saħħa sabiex jiġu ffaċilitati r-riintegrazzjoni, l-indipendenza finanzjarja u l-benesseri tagħhom;

25.Iqis importanti li dawn il-miżuri jkollhom l-għan li jappoġġjaw lill-familji u lill-persuni li jindokraw, jippromwovu l-impjieg tan-nisa u jeliminaw id-distakk bejn il-ġeneri fl-għoti tal-kura, flimkien mal-miżuri pprovduti skont l-istrateġija Ewropea għall-kura; jisħaq li għandu jingħata rikonoxximent speċjali lill-ġenituri ta’ tfal b’diżabbiltà, li jiffaċċjaw ostakli aggravati għall-parteċipazzjoni fis-suq tax-xogħol u l-indipendenza finanzjarja minħabba r-responsabbiltajiet ta’ kura fit-tul tagħhom; jissottolinja li l-istess jgħodd għall-persuni li jindokraw qraba b’diżabbiltà u mard kroniku; jenfasizza li l-kura ta’ qarib b’marda kronika tista’ tkun fit-tul, intensiva u emozzjonalment diffiċli, u tpoġġi pressjoni sinifikanti fuq il-persuni li jindokraw b’mod informali; jenfasizza l-ħtieġa, f’każijiet bħal dawn, ta’ appoġġ mill-professjonisti tal-kura tas-saħħa; jinnota l-importanza li jiġu żviluppati politiki li fl-istess ħin isaħħu s-settur tal-kura, jiżguraw aċċess għal servizzi ta’ kura bbażati fil-komunità ta’ kwalità għolja, u jippromwovu paga ugwali u appoġġ għall-integrazzjoni (jew ir-riintegrazzjoni) ta’ persuni li jindokraw b’mod informali — b’mod partikolari n-nisa — fis-suq tax-xogħol;

26.Iqis li għandha tingħata attenzjoni partikolari lis-settur tal-kura fil-kuntest tal-qafas finanzjarju pluriennali 2028–2034; jenfasizza li l-iżgurar ta’ finanzjament suffiċjenti f’dan il-qasam huwa meħtieġ biex tiġi appoġġjata l-implimentazzjoni tal-istrateġija Ewropea għall-Kura u l-Pilastru Ewropew tad-Drittijiet Soċjali;

27.Jenfasizza li soċjetà tal-kura tintegra diversi mudelli ta’ kura, bħal minn fornituri pubbliċi jew privati, indokraturi li jaħdmu għal rashom, jew indokraturi impjegati direttament minn unitajiet domestiċi u tippromwovi d-deistituzzjonalizzazzjoni tal-kura permezz ta’ servizzi fid-dar jew ibbażati fil-komunità; jenfasizza l-approċċ ibbażat fil-komunità u dak interġenerazzjonali għall-kura li jippromwovu s-solidarjetà, inaqqsu l-iżolament soċjali u jrawmu r-reżiljenza fil-familji u l-viċinati; jenfasizza wkoll l-importanza li jinżamm id-dritt li jintgħażel il-mudell tal-kura, sabiex tiġi ppreservata d-dinjità kemm tal-persuni li jindokraw kif ukoll tal-persuni li jeħtieġu l-kura, kif ukoll l-awtonomija, l-indipendenza, il-benesseri u l-inklużjoni tagħhom fil-komunità, filwaqt li jitqiesu l-ħtiġijiet u l-aspirazzjonijiet tal-benefiċjarji tal-kura u tiġi żgurata l-protezzjoni kontra l-vjolenza abbażi tal-ġeneru f’ambjenti tal-kura u inkluż appoġġ adegwat u personalizzat għall-persuni li jindokraw b’mod informali; jirrikonoxxi li s-settur tal-kura formali fit-tul għadu jibbaża prinċipalment fuq il-kura residenzjali, filwaqt li l-kura fid-dar u bbażata fil-komunità tappoġġja aħjar id-dritt tal-persuni fil-bżonn ta’ kura li jgħixu b’mod indipendenti; jinnota l-ħtieġa urġenti li tingħata prijorità lil approċċ iċċentrat fuq il-persuna u bbażat fuq id-drittijiet li jippermetti lin-nies jirċievu kura fid-dar u jipparteċipaw bis-sħiħ fis-soċjetà;

28.Jenfasizza li programmi mmirati għat-taħriġ tal-ħiliet, it-titjib tal-ħiliet u t-tisħiħ tal-ħiliet u l-appoġġ għall-integrazzjoni (jew ir-riintegrazzjoni) fis-suq tax-xogħol mingħajr ebda forma ta’ diskriminazzjoni kontra n-nisa li jkunu għaddew minn interruzzjonijiet fil-karriera minħabba r-responsabbiltajiet ta’ indokrar tagħhom huma essenzjali biex jiġu appoġġjati l-iżvilupp professjonali kontinwu tagħhom u l-opportunitajiet indaqs tagħhom fis-suq tax-xogħol; jenfasizza, barra minn hekk, li dawn in-nisa għandhom ħiliet trasferibbli siewja għal impjieg jew intraprenditorija fis-settur; jitlob li jkun hemm programmi speċifiċi u appoġġ biex jiġu rikonoxxuti dawn il-ħiliet permezz ta’ skemi ta’ ċertifikazzjoni jew appoġġ għall-ħolqien ta’ negozji, u b’hekk tiġi ffaċilitata r-riintegrazzjoni tagħhom fis-suq tax-xogħol bħala individwi b’esperjenzi tal-ħajja prezzjużi, bħall-imprendituri u dawk li joħolqu l-impjiegi; jenfasizza l-ħtieġa li dan it-taħriġ ikun aċċessibbli, iffinanzjat b’mod adegwat u marbut ma’ opportunitajiet ta’ impjieg ta’ kwalità;

29.Iqis li l-ekonomija tal-kura tinkludi x-xogħol ta’ indokrar mwettaq permezz tas-settur pubbliku u dak privat, inklużi l-intrapriżi żgħar u ta’ daqs medju, is-soċjetà ċivili u kwalunkwe tip ieħor ta’ organizzazzjoni, l-ekonomija soċjali u solidali, u l-unitajiet domestiċi, inklużi l-fornituri u r-riċevituri tal-kura, kif ukoll l-impjegaturi u l-istituzzjonijiet li joffru servizzi ta’ kura Organizzazzjoni Internazzjonali tax-Xogħol, https://www.ilo.org/topics-and-sectors/care-economy.; jisħaq li l-ekonomija tal-kura trid tiġi rikonoxxuta bħala ben pubbliku u pilastru ta’ konverġenza soċjali ’l fuq, appoġġjata permezz ta’ investiment stabbli u ħolqien ta’ impjiegi ta’ kwalità;

30.Jenfasizza l-ħtieġa li jissaħħu s-servizzi tal-kura fit-tul, b’mod partikolari l-kura fid-djar u dik ibbażata fil-komunità, u l-iżvilupp ta’ teknoloġija diġitali awtomatizzata ta’ monitoraġġ tas-saħħa;

31.Jirrikonoxxi li l-imprendituri nisa fis-settur tal-kura jiffaċċjaw ostakli sistemiċi fl-aċċess għall-kreditu u l-investiment; jistieden lill-Kummissjoni u lill-Istati Membri jiżviluppaw programmi ta’ appoġġ iddedikati għall-intraprenditorija tan-nisa fis-settur tal-kura, inklużi fondi ta’ garanzija speċifiċi, skemi ta’ mentoraġġ iffukati fuq in-nisa u kriterji preferenzjali fl-UE; jitlob proposti għal intrapriżi mmexxija min-nisa li jinnovaw fl-ekonomija tal-kura;

32.Jisħaq li ekonomija tal-kura tirrikonoxxi x-xogħol ta’ indokrar bħala vitali għar-reżiljenza tal-Ewropa, peress li tikkontribwixxi 11 % għall-PDG tal-UE u timpjega aktar minn 6 miljun persuna, li l-biċċa l-kbira minnhom huma nisa Ċentru Ewropew għall-Iżvilupp ta’ Taħriġ Vokazzjonali “Care workers: skills opportunities and challenges (2023 update),” (Il-persuni li jindokraw: opportunitajiet u sfidi fil-qasam tal-ħiliet (aġġornament tal-2023), https://www.cedefop.europa.eu/en/data-insights/care-workers-skills-opportunities-and-challenges-2023-update., bil-potenzjal li toħloq 8 miljun impjieg ġdid Il-Pjan ta’ Azzjoni tal-Pilastru Ewropew tad-Drittijiet Soċjali, 2021., u jirrikonoxxi l-kontribut ekonomiku imprezzabbli li sar minn persuni li jindokraw b’mod informali; jinnota li l-kost ekonomiku tad-distakk bejn il-ġeneri fl-għoti tal-kura jista’ jilħaq madwar EUR 147-220 biljun fis-sena, filwaqt li, b’mod simultanju, ir-riċerka turi li l-investimenti fis-settur tal-kura formali jistgħu jiġġeneraw redditi ekonomiċi pożittivi – mill-anqas EUR 4 għal kull EUR 1 investit fl-indokrar tat-tfal jew fil-kura fit-tul Organisation internationale du travail, https://www.ilo.org/topics-and-sectors/care-economy.;

33.Jenfasizza l-potenzjal għall-impjiegi u t-tkabbir ekonomiku ppreżentat mis-settur tal-kura professjonali u jenfasizza li l-investiment fil-kura jeħles lill-persuni li jindokraw b’mod informali biex ikunu aktar integrati fis-suq tax-xogħol;

34.Iħeġġeġ lill-Istati Membri jiżviluppaw strateġiji għall-kura lokali u reġjonali, u miżuri mmirati għal impjiegi ta’ kwalità u sostenibbli fiż-żoni rurali u remoti, u r-reġjuni ultraperiferiċi, b’hekk isaħħu l-koeżjoni territorjali u jnaqqsu l-inugwaljanzi fis-suq tax-xogħol; iqis li, għal dawn iż-żoni b’mod partikolari, jistgħu jiġu mobilizzati strumenti ta’ finanzjament tal-UE biex jappoġġjaw il-ħolqien ta’ impjiegi ġodda u ta’ kwalità fis-settur tal-kura, b’tali mod li jindirizzaw il-fenomenu tad-depopolazzjoni f’ċerti żoni u n-nuqqas ta’ ħaddiema; jistieden lill-Kummissjoni u lill-Istati Membri jsaħħu l-appoġġ tagħhom għall-organizzazzjonijiet u l-intrapriżi tal-ekonomija soċjali mingħajr skop ta’ qligħ; iħeġġeġ lill-Istati Membri jiffaċilitaw l-aċċess għall-finanzjament u jtejbu l-viżibbiltà tal-atturi tal-ekonomija soċjali, kif enfasizzat fil-pjan ta’ azzjoni dwar l-ekonomija soċjali 2021;

35.Jenfasizza l-importanza tal-intrapriżi u l-kooperattivi tal-ekonomija soċjali fl-għoti ta’ servizzi ta’ kura f’żoni u għal popolazzjonijiet li mhumiex moqdija biżżejjed mill-fornituri pubbliċi jew privati tradizzjonali, speċjalment meta r-raġunijiet ta’ profitt ikunu limitati;

36.Jinnota li jeħtieġ u l-ħtieġa ta’ bbaġitjar skont il-ġeneru biex jiġu żgurati investimenti adegwati fil-kura u jiġu mmonitorjati l-effetti tal-miżuri relatati mal-ġeneru, jew in-nuqqas tagħhom;

37.Jisħaq fuq il-ħtieġa li tiġi żgurata l-parteċipazzjoni tal-persuni li jindokraw u tar-rappreżentanti tagħhom fl-istadji kollha tat-tfassil tal-politika inklużi t-tfassil, l-implimentazzjoni u l-evalwazzjoni tal-politiki li jaffettwawhom;

38.Iqis li huma meħtieġa investimenti futuri biex il-persuni li jindokraw kemm b’mod formali kif ukoll b’mod informali, meta jkun rilevanti, jiġu mgħammra b’taħriġ, inkluż titjib tal-ħiliet immirat, speċjalment fil-ħiliet diġitali, interpersonali u relatati mas-saħħa, inkluż dwar ir-riskji ta’ abbuż fiżiku jew psikoloġiku f’kuntesti ta’ kura u saħħa, kif ukoll biex tingħata kura ta’ kwalità u ċċentrata fuq il-persuna; jinsisti fuq ir-rwol ċentrali tat-titjib tal-ħiliet u t-taħriġ mill-ġdid fil-ġestjoni tal-karriera tul il-ħajja, peress li l-professjonijiet fis-settur tal-kura jinbidlu bl-evoluzzjonijiet tal-prattiki, tat-teknoloġiji jew saħansitra tal-organizzazzjoni tal-kura; iqis li l-akkumulazzjoni tal-esperjenza għandha tiġi apprezzata aktar permezz ta’ rikonoxximent aħjar tal-għarfien espert u l-kwalifiki miksuba u permezz ta’ aktar opportunitajiet għal edukazzjoni kontinwa; iqis, barra minn hekk, li ċ-ċertifikazzjoni għandha tiġi promossa biex jiġu ssodisfati l-ħtiġijiet li qed jevolvu, b’mod partikolari fir-rigward tar-rikonoxximent ta’ diplomi fl-edukazzjoni u t-taħriġ vokazzjonali, filwaqt li jiġu żgurati impjiegi bi prospetti fit-tul li jrawmu l-inklużjoni u t-tkabbir; jappella għal standards minimi fl-UE kollha għall-kurrikuli tat-taħriġ fil-kura, li jiżguraw ir-rikonoxximent tal-kwalifiki, il-portabbiltà tad-drittijiet u l-perkorsi tal-karriera għall-ħaddiema;

39.Jinnota li l-Ewropa qed tesperjenza nuqqas ta’ ħiliet fl-ekonomija, li jsiru akbar hekk kif il-forza tax-xogħol qed tiċkien; Mario Draghi, Il-futur tal-kompetittività Ewropea, 2024. jinnota, barra minn hekk, li xi nuqqasijiet jistgħu jiġu traċċati lura għan-nuqqas ta’ użu tat-talent eżistenti, kif muri minn distakki profondi bejn il-ġeneri f’ċerti okkupazzjonijiet, jew għall-isfidi speċifiċi relatati mal-kundizzjonijiet tax-xogħol, bħal paga baxxa jew nuqqas ta’ attraenza;

40.Jenfasizza l-ħtieġa li jiġi appoġġjat l-iżvilupp ta’ servizzi online u taħriġ biex jiżdiedu l-kompetenzi diġitali tal-persuni li jindokraw u dawk li jirċievu l-kura, li jittejbu l-aċċess u l-konnessjonijiet tal-internet biex tittejjeb il-kwalità tal-kura u jinkisbu benefiċċji mit-teknoloġija fl-appoġġ ta’ kura ta’ kwalità;

41.Jisħaq li x-xogħol ta’ indokrar mhux imħallas għandu impatt soċjali u ekonomiku; jisħaq li x-xogħol ta’ indokrar mhux imħallas għandu rwol kritiku fis-soċjetajiet u l-ekonomiji Ewropej, u jaffettwa l-parteċipazzjoni tal-forza tax-xogħol, b’mod partikolari fost in-nisa, jikkontribwixxi għal distakki persistenti bejn il-ġeneri fl-impjiegi u fil-pagi, u jqiegħed pressjoni sinifikanti fuq is-sistemi tal-benesseri soċjali, tas-saħħa u tal-kura fit-tul madwar l-Istati Membri; jistieden, għalhekk, lill-Istati Membri jagħtu attenzjoni speċjali lill-indokraturi fi programmi ta’ identifikazzjoni bikrija u ta’ prevenzjoni; jissottolinja l-isfidi, inklużi dawk soċjoekonomiċi, li magħhom iħabbtu wiċċhom il-persuni li jindokraw b’mod informali, fil-biċċa l-kbira nisa, li jipprovdu kura mhux imħallsa u jiffaċċjaw ammont żejjed kombinat ta’ xogħol u indokrar bi protezzjoni soċjali limitata, infrastruttura insuffiċjenti tal-kura formali u appoġġ inadegwat għas-saħħa mentali u li l-kontributi tagħhom jeħtieġu rikonoxximent u appoġġ immirat; jinnota li l-persuni li jindokraw b’mod informali jistgħu jesperjenzaw solitudni, faqar, diffikultajiet fl-aċċess għall-impjieg jew kwistjonijiet ta’ saħħa fiżika u mentali; jenfasizza, b’mod partikolari, li l-kwistjonijiet tas-saħħa mentali assoċjati mal-għoti tal-kura fit-tul jinkludu ansjetà u dipressjoni, li huma 20 % aktar prevalenti fost il-persuni li jindokraw milli fost dawk li ma jindokrawx, u li 66 % tal-persuni li jindokraw b’mod formali jiffaċċjaw riskju għas-saħħa mentali; jinnota li din hija disparità sinifikanti meta mqabbla mal-forza tax-xogħol usa’, fejn 43 % jirrapportaw kwistjonijiet simili; josserva li r-responsabbiltajiet ta’ kura informali jistgħu jillimitaw il-kapaċità tal-indokratur li jattendi l-ħatriet tas-saħħa preventiva tiegħu stess u jistgħu jwasslu għal telf ta’ introjtu, li jikkontribwixxi għall-faqar tan-nisa; jisħaq li dawn l-effetti detrimentali huma assoċjati mill-qrib mal-intensità tal-kura pprovduta;

42. Jiddenunzja l-fatt li ħafna persuni li jindokraw u ħaddiema domestiċi qed jiffaċċjaw sitwazzjoni prekarja ħafna u qed jesperjenzaw diskriminazzjoni intersezzjonali minħabba r-razza jew l-etniċità, il-ġeneru, l-istatus soċjoekonomiku jew in-nazzjonalità tagħhom, u l-fatt li ħafna minn dawn il-ħaddiema huma nisa li ma għandhomx kuntratt ta’ impjieg uffiċjali, u għalhekk huma aktar vulnerabbli għall-isfruttament u spiss ma jkollhomx aċċess għad-drittijiet tagħhom, b’mod partikolari għal xogħol deċenti u protezzjoni soċjali;

43.Jappella għal appoġġ finanzjarju mmirat u inizjattivi li jipprovdu servizzi ta’ assistenza psikoloġika u tas-saħħa mentali lill-persuni li jindokraw b’mod informali, inkluża kura ta’ solliev biex tiġi pprovduta solliev okkażjonali, u għal miżuri għall-prevenzjoni tal-faqar u l-esklużjoni soċjali, bl-iskambju tal-aħjar prattiki f’dan ir-rigward fl-Istati Membri kollha;

44.Jisħaq li appoġġ adegwat u mmirat għall-persuni li jindokraw b’mod informali għandu jinkludi r-rikonoxximent tar-rwoli u d-drittijiet tal-persuni li jindokraw, servizzi ta’ appoġġ bħal kura ta’ solliev, konsulenza, appoġġ bejn il-pari, għajnuna finanzjarja u kumpens biex jitnaqqas ir-riskju tal-faqar, arranġamenti tax-xogħol flessibbli (liv, sigħat ta’ xogħol, telexogħol) biex jiġu bbilanċjati l-kura u l-impjiegi, it-taħriġ u l-informazzjoni biex il-persuni li jindokraw jiġu mgħammra b’ħiliet u parteċipazzjoni sinifikattiva fl-iżvilupp tal-politika;

45.Jenfasizza li huma meħtieġa sforzi sinifikanti biex jissaħħaħ l-istatus professjonali tal-persuni li jindokraw u jiġu indirizzati n-nuqqasijiet ta’ ħaddiema fis-settur tal-kura, inkluż permezz ta’ soluzzjonijiet imfassla apposta biex jinkoraġġixxu x-xogħol iddikjarat, pagi ġusti, perkorsi ta’ żvilupp tal-karriera, u kundizzjonijiet tax-xogħol aħjar u aktar deċenti; jissottolinja li l-investiment f’servizzi ta’ kura formali jista’ jtaffi b’mod sinifikanti l-pressjoni fuq il-persuni li jindokraw b’mod informali u jipprevjeni xi wħud mill-effetti detrimentali fuq il-bilanċ bejn ix-xogħol u l-ħajja privata tagħhom u l-prospetti tal-karriera, u b’hekk jikkontribwixxi għall-ugwaljanza bejn il-ġeneri;

46.Jenfasizza l-importanza li jiġi żgurat l-aċċess għal appoġġ psikosoċjali u edukazzjoni mmirat għall-persuni żgħażagħ li jindokraw Il-Parlament Ewropew, id-Direttorat-Ġenerali għall-Politiki Interni, sintesi ta’ politika fil-fond: “The situation of young carers in Europe” (Is-sitwazzjoni tal-indokraturi żgħażagħ fl-Ewropa), 2024: “Young carers are children under the age of 18 who regularly provide caregiving to a disabled, or otherwise non autonomous parent, sibling or other member of the household.” (Persuni żgħażagħ li jindokraw huma tfal taħt it-18-il sena li b’mod regolari jipprovdu kura lil ġenitur, wieħed jew waħda mill-aħwa jew membru ieħor tal-familja li jkunu diżabbli, jew inkella mhux awtonomi”, li jipprovdu kura b’mod informali, li jammontaw għal 4 % sa10 % tat-tfal fl-UE u li r-responsabbiltajiet ta’ indokrar tagħhom jaffettwaw l-edukazzjoni, is-saħħa mentali u l-iżvilupp soċjali Il-Parlament Ewropew, id-Direttorat-Ġenerali għall-Politiki Interni, sintesi ta’ politika fil-fond: “The situation of young carers in Europe” (Is-sitwazzjoni tal-indokraturi żgħażagħ fl-Ewropa), 2024. u l-karrieri futuri tagħhom; iħeġġeġ il-ħolqien ta’ programmi ddedikati tal-UE biex jappoġġjaw lill-indokraturi żgħażagħ, biex jiġi evitat it-tluq bikri mill-iskola jew mis-suq tax-xogħol;

47.Jirrikonoxxi li filwaqt li porzjon sinifikanti mix-xogħol ta’ indokrar titwettaq minn nazzjonali tal-UE, sehem jitwettaq ukoll minn nisa li joriġinaw minn pajjiżi mhux tal-UE; jisħaq li, filwaqt li l-isforzi għandhom jikkonċentraw fuq l-attrazzjoni u ż-żamma ta’ ħaddiema tal-kura domestika, ir-reklutaġġ ta’ ħaddiema mhux tal-UE jrid ikun ibbażat fuq il-ħtiġijiet tas-suq tax-xogħol, permezz ta’ migrazzjoni legali ġestita tajjeb u għandu jinkludi taħriġ professjonali komprensiv; jenfasizza li r-reklutaġġ ta’ ħaddiema mhux tal-UE jrid isir esklużivament permezz ta’ kanali ta’ migrazzjoni legali trasparenti u bbażati fuq id-drittijiet; jappella għal investiment sostanzjali fl-iżvilupp tal-ħiliet u t-taħriġ professjonali biex jiġu appoġġjati l-awtonomizzazzjoni u l-integrazzjoni tal-ħaddiema legali mhux tal-UE; jikkundanna bil-qawwa l-forom kollha ta’ xogħol mhux iddikjarat, sfruttament u impjieg prekarju u jenfasizza l-kontribut indispensabbli kemm tal-ħaddiema tal-kura tal-UE kif ukoll ta’ dawk mhux tal-UE għall-koeżjoni soċjali u l-benesseri fl-UE;

48.Jirrikonoxxi li l-aċċess għal kura tas-saħħa ta’ kwalità, li tinkludi d-drittijiet tas-saħħa sesswali u riproduttiva, huwa essenzjali biex kulħadd jaffordja kwalità tal-ħajja tajba;

49.Jistieden lill-Kummissjoni, flimkien mal-aġenziji rilevanti, tipprovdi data preċiża, aċċessibbli u komparabbli li tkejjel id-distakk bejn il-ġeneri fl-għoti tal-kura, inkluż permezz ta’ stħarriġiet dwar l-użu tal-ħin, sabiex l-Istati Membri jkunu jistgħu jikkondividu l-aħjar prattika u jindirizzaw dan id-distakk b’mod effettiv;

50.Jappella għall-ġbir sistematiku ta’ data diżaggregata skont il-ġeneru, preċiża, ta’ kwalità għolja u komparattiva dwar ir-responsabbiltajiet ta’ kura fl-indokrar tat-tfal u l-kura fit-tul, dwar il-qligħ, inklużi s-salarji u l-pagi https://ec.europa.eu/eurostat/statistics-explained/index.php?title=Glossary%3AWages_and_salaries_-_EBS., il-pensjonijiet, il-ħin tax-xogħol, il-kopertura tal-protezzjoni soċjali, l-istatus kuntrattwali tal-ħaddiema tal-kura fl-UE, u s-sitwazzjoni ta’ ċittadini mhux tal-UE u tfal li jipprovdu kura u, meta jkun possibbli, data dwar il-PHS u l-kura informali sabiex jiġi mmonitorjat l-ammont ta’ kura pprovduta mill-membri tal-familja lill-qraba tagħhom u jekk u kif dawn ir-responsabbiltajiet ta’ kura jaffettwaw il-ħajja tax-xogħol tagħhom;

51.Jistieden lill-Kummissjoni u lill-Istati Membri jiġbru data dwar is-sitwazzjoni tal-indokraturi żgħażagħ, u jiżviluppaw linji gwida għall-UE kollha u jiskambjaw l-aħjar prattiki biex jgħinu lill-Istati Membri jidentifikawhom u jappoġġjawhom fi skejjel u komunitajiet, u permezz ta’ sistemi tal-kura tas-saħħa msaħħa mill-ġdid; jistieden lill-Kummissjoni tistabbilixxi djalogu strutturat dwar il-kura u tistabbilixxi pjattaforma annwali għall-kura, li tlaqqa’ flimkien lill-partijiet ikkonċernati rilevanti kollha, bħall-akkademiċi, ir-rappreżentanti tal-Istati Membri, l-assoċjazzjonijiet ta’ persuni li jirċievu l-kura, il-persuni li jindokraw b’mod informali, il-fornituri tal-kura soċjali, bi skop ta’ qligħ, pubbliċi u mingħajr skop ta’ qligħ u t-trade unions biex jivvalutaw il-progress, jiskambjaw prattiki innovattivi biex itejbu l-ilħuq tal-objettivi tal-istrateġija tal-UE għall-kura, u jfasslu l-passi li jmiss għall-implimentazzjoni tagħha;

52.iħeġġeġ l-applikazzjoni tal-ibbaġitjar skont il-ġeneru biex jiġi żgurat li l-infiq fuq is-servizzi ta’ kura jnaqqas direttament l-inugwaljanzi li jiffaċċjaw in-nisa u l-bniet;

53.Jisħaq li r-rwol tal-indokraturi għandu jkun, fuq kollox, li jieħdu ħsieb u għalhekk iqis li huwa meħtieġ li titnaqqas il-burokrazija żejda bla bżonn u li jiġi evitat kemm jista’ jkun li dawn jingħataw kompiti amministrattivi li jista’ jiġi ġestit minn assistenti amministrattivi jew minn għodod diġitali xierqa;

54.Jenfasizza l-ħtieġa li jiġu kkonsultati l-partijiet ikkonċernati rilevanti kollha matul it-tħejjija tal-patt dwar il-kura mħabbar, fil-livell tal-UE, fil-livell nazzjonali u dak lokali, inklużi r-rappreżentanti tal-persuni li jindokraw b’mod informali u l-organizzazzjonijiet tal-pazjenti, sabiex jiġu evitati politiki kompartimentalizzati u titqies id-diversità tas-sitwazzjonijiet u l-ħtiġijiet;

55.Jistieden lill-Istati Membri jinvestu f’ekonomija tal-kura u jimplimentaw ir-rakkomandazzjonijiet tal-Kunsill https://eur-lex.europa.eu/legal-content/EN/TXT/?uri=oj:JOC_2022_484_R_0001, https://eur-lex.europa.eu/legal-content/EN/TXT/?uri=CELEX:32022H1215(01). dwar ir-reviżjoni tal-miri ta’ Barċellona dwar l-edukazzjoni u l-kura bikrija tat-tfal u dwar l-aċċess għal kura fit-tul affordabbli u ta’ kwalità għolja skont l-istrateġija tal-UE dwar il-kura, u jinkludu fir-rapporti ta’ implimentazzjoni tagħhom l-identifikazzjoni ta’ prattiki tajbin, lakuni u mmappjar tal-progress, flimkien ma’ strateġiji biex jinkoraġġixxu parteċipazzjoni akbar tal-irġiel fis-settur tal-kura, u jindirizzaw ix-xogħol tal-kura mhux iddikjarat, jidentifikaw l-ixprunaturi ewlenin u jipproponu soluzzjonijiet imfassla apposta; jistieden lill-Kummissjoni tiżgura li l-Garanzija Ewropea għat-Tfal ikollha objettivi u prijoritajiet ċari, bl-allokazzjoni ta’ baġit sostanzjali ddedikat, u jħeġġeġ lill-Kummissjoni u lill-Istati Membri jiżguraw servizzi ta’ kura affordabbli, ta’ kwalità għolja u aċċessibbli għall-kura bikrija tat-tfal u l-kura tal-anzjani;

56.Jenfasizza li l-istrateġija dwar il-kura għandha tkun allinjata mal-istrateġija tal-UE għad-drittijiet tal-persuni b’diżabilità peress li tindirizza sfidi komuni;

57.Jisħaq li l-kura pprovduta lill-persuni b’diżabilità jeħtieġ li tagħti prijorità lill-awtonomija, peress li dawn l-individwi għandhom ikunu jistgħu jiddeċiedu fejn u ma’ min jgħixu, kif ukoll id-dinjità u l-inklużjoni permezz ta’ approċċ ibbażat fuq id-drittijiet tal-bniedem u ċċentrat fuq il-persuna, li jirrifletti l-bidla kontinwa fl-għoti tal-kura; jenfasizza li dan jista’ jinkiseb billi jittejbu l-kundizzjonijiet tal-kura tagħhom, bħal permezz ta’ kura ta’ kwalità għolja fid-dar jew għażliet residenzjali oħra li jissodisfaw il-ħtiġijiet tagħhom, inkluż għajxien indipendenti u aċċessibbli, u billi l-persuni b’diżabilità jiġu inklużi fit-tfassil tas-sistemi tal-kura, filwaqt li jiġu promossi wkoll l-edukazzjoni u t-taħriġ tagħhom, inkluż permezz ta’ soluzzjonijiet diġitali, u b’hekk tinħoloq forza tax-xogħol inklużiva u jiġi ggarantit l-aċċess tagħhom għall-impjiegi;

58.Jisħaq li nofs biss mit-42,8 miljun persuna b’diżabilità fl-età tax-xogħol tal-UE huma impjegati, b’21 % biss tan-nisa b’diżabbiltajiet f’impjieg full-time Indiċi tal-Ugwaljanza bejn il-Ġeneri, l-Istitut Ewropew għall-Ugwaljanza Bejn is-Sessi, 2024.; jistieden, għalhekk, lill-Kummissjoni u lill-Istati Membri jinkoraġġixxu u jħarrġu lill-indokraturi biex jappoġġjaw l-integrazzjoni tal-persuni b’diżabilità fis-suq tax-xogħol;

59.Jisħaq li għandha tingħata attenzjoni partikolari lill-persuni li jindokraw b’mod informali, familji u ġentiuri, speċjalment ommijiet li jipprovdu kura fit-tul lit-tfal b’diżabilità, billi jiġi żgurat appoġġ adegwat, kemm jekk finanzjarju jew permezz tas-sigurtà soċjali u aċċess għal servizzi ta’ solliev u konsulenza;

60.Jisħaq, f’dan ir-rigward, li, bħala obbligu li jirriżulta mill-Konvenzjoni tan-NU dwar id-Drittijiet tal-Persuni b’Diżabilità, l-UE jeħtiġilha tintegra b’mod sistematiku d-drittijiet tal-persuni b’diżabilità permezz tal-programmi kollha fil-qafas finanzjarju pluriennali ta’ wara l-2027 billi tiżviluppa metodoloġija biex jinżamm rendikont tal-infiq li huwa ta’ benefiċċju għall-persuni b’diżabilità, inklużi n-nisa u l-bniet, u billi tivverifika li l-programmi u l-proġetti kollha ffinanzjati mill-UE jiggarantixxu opportunitajiet indaqs u aċċess għall-finanzjament tal-UE lil persuni b’diżabilità;

61.Jappella għall-implimentazzjoni sħiħa u aktar monitoraġġ, infurzar u evalwazzjoni bir-reqqa tad-Direttiva dwar il-bilanċ bejn ix-xogħol u l-ħajja privata; jisħaq fuq il-ħtieġa li jiġi estiż u jsir progress lejn liv tal-maternità, tal-paternità u tal-persuni li jindokraw ikkumpensat b’mod adegwat u li jiġi ffaċilitat it-teħid tal-liv tal-ġenituri kif ukoll il-monitoraġġ tat-teħid ta’ tali liv mill-irġiel; jistieden lill-Istati Membri jaġġornaw l-istatus tal-indokraturi b’mod informali permezz ta’ remunerazzjoni u kumpens xierqa u aċċess għal servizzi ta’ kura ta’ solliev biex jappoġġjaw aħjar l-indokraturi informali attwali, filwaqt li jgħinu biex jintlaħqu l-objettivi inizjali tad-Direttiva li tħeġġeġ aktar irġiel jinvolvu ruħhom fl-għoti tal-kura; iħeġġeġ lill-Kummissjoni tinsisti fuq inċentivi għaż-żewġ ġenituri biex jibbenefikaw mil-liv tal-ġenituri, filwaqt li jitlob ukoll arranġamenti tax-xogħol flessibbli għall-ġenituri, u tipproponi linji gwida ta’ kwalità fil-livell tal-UE u l-kondiviżjoni tal-aħjar prattiki għas-servizzi ta’ kura fit-tul, inkluż għal livelli adegwati ta’ persunal, programmi ta’ taħriġ speċjalizzati u mekkaniżmi ta’ assigurazzjoni tal-kwalità; iħeġġeġ li l-impjegati, b’mod partikolari n-nisa, li jużaw il-liv tagħhom sabiex jipprovdu kura lill-membri tal-familja tagħhom, biex ikunu protetti b’mod effettiv mit-tkeċċija jew minn kwalunkwe trattament diskriminatorju relatat mar-responsabbiltajiet ta’ kura tagħhom;

62.Iħeġġeġ lill-Istati Membri jintroduċu liv tal-ġenituri mħallas b’mod adegwat u mhux trasferibbli għal kull ġenitur, biex jiġi pprevenut li n-nisa jitgħabbew b’mod sproporzjonat bir-responsabbiltajiet tal-kompiti ta’ indokrar; jissottolinja li t-titjib tat-teħid tal-liv mill-irġiel huwa kruċjali biex jinbidlu n-normi, tiġi żgurata l-parteċipazzjoni ugwali tan-nisa fis-suq tax-xogħol u jittaffa kwalunkwe effett interġenerazzjonali negattiv fuq il-bniet;

63.Jistieden lill-Kummissjoni tippreżenta direttiva dwar id-dritt għall-iskonnessjoni biex tipproteġi lill-ħaddiema kollha, b’mod partikolari lill-ġenituri u l-indokraturi;

64.Jappella għall-protezzjoni tal-indokraturi, li huma fil-biċċa l-kbira nisa, inklużi dawk li jieqfu għal ftit mill-impjieg biex jipprovdu kura lil membru tal-familja jew lil xi ħadd ieħor li jkollu bżonn il-kura; iħeġġeġ lill-Kummissjoni u lill-Istati Membri jippromwovu, jirrikonoxxu u jappoġġjaw ir-rwol tagħhom, jirrikonoxxu l-kontribut vitali tagħhom għall-koeżjoni soċjali u s-sostenibbiltà tas-sistemi tal-kura madwar l-Ewropa; jitlob, f’dan ir-rigward, li l-aċċess tagħhom għas-sistemi ta’ protezzjoni soċjali jiġi żgurat sabiex jittaffew l-effetti negattivi tal-indokrar, speċjalment fuq il-karrieri u l-indipendenza ekonomika tan-nisa, filwaqt li jiġi żgurat, fl-istess ħin, li n-nisa ma jiġux imbuttati’ l barra mis-suq tax-xogħol formali;

65.Iħeġġeġ lill-Kummissjoni tintroduċi qafas komprensiv u reattiv għal kwistjonijiet ta’ ġeneru biex tidentifika u tirrikonoxxi l-forom differenti ta’ kura informali madwar l-Ewropa fl-istrateġija Ewropea għall-kura li jmiss; jisħaq li l-persuni li jindokraw b’mod informali jeħtiġilhom jingħataw appoġġ, arranġamenti tax-xogħol flessibbli, liv għall-kura u aċċess għal servizzi ta’ kura supplimentari adegwati, kif ukoll konsulenza u appoġġ bejn il-pari; jissottolinja l-importanza li jiġi żgurat l-aċċess għall-ħin personali għall-persuni li jindokraw b’mod informali u li jitħeġġeġ l-iżvilupp personali tagħhom;

66.Jistieden lill-Kummissjoni u lill-Istati Membri jirrikonoxxu l-persuni li jindokraw mhux imħallsa billi jiżguraw l-aċċess għall-protezzjoni soċjali, il-krediti tal-pensjoni, is-servizzi ta’ solliev u l-appoġġ finanzjarju; jisħaq fuq il-ħtieġa li jitnaqqas progressivament ix-xogħol tal-kura mhux imħallas li jiġġarrab min-nisa u l-bniet b’soluzzjonijiet li jqassmu mill-ġdid il-piżijiet, bħall-investiment f’servizzi affordabbli għall-indokrar tat-tfal, il-kura tal-anzjani u tal-persuni b’diżabilità, u l-promozzjoni tal-parteċipazzjoni ugwali tal-irġiel fix-xogħol tal-kura;

67.Jirrimarka li l-għoti ta’ servizzi universali ta’ kwalità għolja għall-indokrar tat-tfal inaqqas ix-xogħol tal-kura mhux imħallas;

68.Jappella lill-Istati Membri biex jikkondividu prattiki tajba dwar il-perjodi minimi ta’ solliev għall-persuni li jindokraw b’mod informali, filwaqt li jiġi żgurat il-benesseri fiżiku u mentali tagħhom u tiġi permessa l-parteċipazzjoni kontinwa tagħhom fl-impjiegi; jappella għal azzjonijiet konkreti ta’ appoġġ, bħal kampanja ta’ sensibilizzazzjoni, perkorsi volontarji għar-rikonoxximent tal-ħiliet u taħriġ immirat;

69.Jistieden lill-Kummissjoni u lill-Istati Membri jirrikonoxxu lill-indokraturi żgħażagħ li l-ħtiġijiet tagħhom spiss jiġu injorati u jiżviluppaw miżuri ta’ appoġġ immirati, inklużi arranġamenti tal-edukazzjoni flessibbli, servizzi ta’ konsulenza u kura ta’ solliev, biex jiġu pprevenuti impatti negattivi fuq is-saħħa, l-edukazzjoni u l-opportunitajiet ta’ impjieg futuri tagħhom;

70.Iħeġġeġ lill-Kummissjoni u lill-Istati Membri jiżguraw li l-perjodi ta’ indokrar informali jiġu rikonoxxuti b’mod ġust fis-sistemi tal-pensjonijiet u tas-sigurtà soċjali u f’inizjattivi tal-EU futuri relatati; iħeġġeġ lill-Istati Membri, barra minn hekk, jesploraw soluzzjonijiet ġusti u sostenibbli biex jipproteġu lil dawk – lin-nisa b’mod predominanti – li jiddedikaw partijiet sinifikanti mill-ħajja tax-xogħol tagħhom biex jindokraw lill-persuni dipendenti;

71.Jistieden lill-Kummissjoni u lill-Istati Membri jtejbu l-kundizzjonijiet tax-xogħol fis-settur tal-kura formali, b’enfasi fuq l-iżgurar ta’ remunerazzjoni ġusta u ugwali, b’attenzjoni tingħata lid-domandi fiżiċi u psikoloġiċi marbuta mal-għoti tal-kura, kif ukoll aċċess għal taħriġ kontinwu u ambjenti tax-xogħol sikuri, inklużi miżuri għall-prevenzjoni ta’ burnout u kull forma ta’ vjolenza u fastidju fuq il-post tax-xogħol, filwaqt li jippromwovu l-attraenza tal-professjonijiet tal-kura permezz ta’ perspettivi fit-tul, it-tisħiħ tad-djalogu soċjali u l-inkoraġġiment ta’ aktar irġiel jidħlu u jibqgħu fis-settur tal-kura; jenfasizza li t-titjib tas-salarji u tal-kundizzjonijiet tax-xogħol fis-settur tal-kura se jagħmel l-impjiegi aktar attraenti u jiskoraġġixxi x-xogħol mhux iddikjarat; ifakkar fil-ħtieġa għall-Istati Membri jittrasponu u jimplimentaw kif xieraq id-Direttiva dwar it-Trasparenza fil-Pagi biex jistabbilixxu strutturi tal-pagi li jirriflettu l-ħiliet, ir-responsabbiltajiet u l-valur soċjali ta’ dawn ir-rwoli, flimkien ma’ perkorsi ċari għan-nisa biex jagħmlu progress lejn pożizzjonijiet ta’ tmexxija u ta’ teħid ta’ deċiżjonijiet fis-settur tal-kura;

72.Jistieden lill-Kummissjoni u lill-Istati Membri jinvestu aktar f’taħriġ vokazzjonali ta’ kwalità għolja u jsaħħu r-rikonoxximent tal-ħiliet miksuba permezz tal-indokrar formali u informali billi jintegraw dawn il-ħiliet fil-politiki tat-tagħlim tul il-ħajja u tat-titjib tal-ħiliet, filwaqt li jikkunsidraw ukoll proċess ta’ ċertifikazzjoni jew mekkaniżmi oħra għar-rikonoxximent transfruntier tal-kwalifiki; iħeġġeġ l-adozzjoni ta’ għodod tas-saħħa diġitali biex tingħata spinta lill-ħiliet diġitali tal-ħaddiema tal-kura, bħall-għoti ta’ appoġġ mill-bogħod inklużi t-telekura jew il-konsultazzjonijiet bil-vidjo; jissottolinja li l-ħiliet ma jinkisbux biss permezz tal-edukazzjoni formali u li l-oqfsa ta’ politika jridu jirrikonoxxu u jivvalidaw perkorsi alternattivi għall-iżvilupp tal-ħiliet; jistieden lill-Istati Membri jiffaċilitaw miżuri għal integrazzjoni u riintegrazzjoni gradwali u flessibbli fis-suq tax-xogħol tal-ħaddiema li jkunu għamlu waqfa twila fil-karriera biex jipprovdu kura lill-qraba, inkluż permezz ta’ titjib tal-ħiliet u taħriġ mill-ġdid;

73.Jissottolinja l-opportunitajiet ta’ impjieg li l-intraprenditorija tista’ toħloq fis-settur tal-kura u jisħaq fuq l-importanza li n-nisa jiġu appoġġjati fit-tranżizzjoni minn indokraturi informali għal imprendituri fis-settur tal-kura; iħeġġeġ lill-Istati Membri jipprovdu perkorsi ta’ taħriġ intraprenditorjali mfassla apposta, proċeduri amministrattivi simplifikati għall-istabbiliment ta’ intrapriżi żgħar u ta’ daqs medju li huma proprjetà tan-nisa u għan-nisa li jaħdmu għal rashom fis-settur, u aċċess iffaċilitat għal mikrokreditu ddedikat, filwaqt li jiġi rikonoxxut il-valur ekonomiku u soċjali ta’ tali tranżizzjoni professjonali;

74.Jistieden lill-Kummissjoni tuża l-Unjoni tal-Ħiliet biex tagħti spinta lill-edukazzjoni, it-taħriġ u t-tagħlim tul il-ħajja f’setturi b’nuqqasijiet fis-suq tax-xogħol fl-UE kollha, bħax-xogħol tal-kura, filwaqt li tiżgura opportunitajiet ta’ titjib tal-ħiliet u taħriġ mill-ġdid għall-ħaddiema kollha tal-kura professjonali u tirrikonoxxi d-diplomi tal-edukazzjoni u t-taħriġ vokazzjonali;

75.Jappella għall-ħolqien ta’ statut Ewropew għall-persuni li jindokraw biex jiġu indirizzati l-ħtiġijiet speċifiċi tal-persuni li jindokraw b’mod formali, bħar-rikonoxximent tal-ħiliet miksuba permezz tax-xogħol tal-kura, u b’hekk il-persuni li jindokraw, is-servizzi personali u domestiċi, l-impjegaturi utenti u l-kura istituzzjonali jiġu integrati f’qafas u definizzjoni komuni tal-UE, li jiggarantixxu standards minimi ta’ rikonoxximent u protezzjoni għall-persuni li jindokraw fl-Istati Membri kollha u jnaqqsu l-inugwaljanzi bejniethom;

76. Jistieden lill-Kummissjoni u lill-Istati Membri jallinjaw l-istrateġija tal-UE dwar is-saħħa mal-istrateġija tal-UE għall-kura u jrawmu sinerġiji bejn il-programm l-UE għas-Saħħa u opportunitajiet oħra ta’ finanzjament għas-settur tal-kura sabiex is-sistemi tal-kura tas-saħħa u tal-kura soċjali jiġu kkollegati flimkien u jipprovdu appoġġ bla xkiel, speċjalment għall-kundizzjonijiet kroniċi fost l-aktar individwi vulnerabbli;

77.Jitlob pjan ta’ azzjoni Ewropew li jikkontribwixxi biex jitnaqqas id-distakk bejn il-ġeneri fl-għoti tal-kura u li jiġu appoġġjati il-persuni li jindokraw, kemm b’mod formali kif ukoll b’mod informali; jitlob, f’dan ir-rigward, appoġġ għall-ġenituri waħedhom u għall-familji f’sitwazzjonijiet vulnerabbli, inklużi dawk li jiffaċċjaw diskriminazzjoni intersezzjonali u ħtiġijiet ta’ kura aggravati u/jew domandi ta’ intensità għolja, b’enfasi fuq kopertura tal-protezzjoni soċjali, indokrar tat-tfal affordabbli, aċċessibbli u ta’ kwalità għolja, bilanċ imtejjeb bejn ix-xogħol u l-ħajja privata, servizzi ta’ kura fit-tul affordabbli u ta’ kwalità għolja, kundizzjonijiet tax-xogħol aħjar fis-settur tal-kura u l-promozzjoni tal-ugwaljanza; jitlob, għalhekk, li dan il-pjan jiffoka fuq l-aċċess għall-impjiegi u t-taħriġ – inkluż fil-ħiliet diġitali, il-kopertura tal-protezzjoni soċjali, l-infrastruttura tal-kura u s-servizzi fit-tul, l-indokrar tat-tfal, is-settur tas-servizzi personali u domestiċi, l-appoġġ psikosoċjali u l-flessibbiltà mtejba tax-xogħol;

78. Jinnota li l-aċċess xieraq għas-servizzi tal-kura tas-saħħa riproduttiva u l-abort jista’ jgħin lill-ġenituri jevitaw l-istress ta’ tqala mhux mistennija u jikkontribwixxu għall-ippjanar tal-familja; jistieden lill-Istati Membri jipprovdu aċċess affordabbli għal servizzi tal-kura tas-saħħa;

79.Jistieden lill-Istati Membri jużaw bis-sħiħ il-fondi tal-UE, bħall-Faċilità għall-Irkupru u r-Reżiljenza, il-programm l-UE għas-saħħa, il-Fond Soċjali Ewropew Plus u l-Fond Ewropew għall-Iżvilupp Reġjonali, biex jiżviluppaw servizzi ta’ kura aċċessibbli, affordabbli u ta’ kwalità għolja fil-gruppi tal-etajiet kollha, mit-tfulija bikrija sal-kura fit-tul għall-anzjani u għall-persuni b’diżabilità; jissottolinja l-ħtieġa li t-terminu “appoġġ” jiġi integrat flimkien ma’ “kura” sabiex tiġi koperta bis-sħiħ id-diversità tas-servizzi u l-perspettiva bbażata fuq id-drittijiet li tiggwidahom;

80.Jilqa’ t-tħabbira tal-Kummissjoni ta’ Patt Ewropew dwar il-Kura komprensiv li għandu jiġi ppubblikat fl-2027, u b’hekk iġġedded l-istrateġija Ewropea għall-kura bħala qafas aktar ambizzjuż u koerenti;

81.Jistieden lill-Kummissjoni tindirizza lill-persuni li jindokraw kemm b’mod formali kif ukoll b’mod informali billi tippromwovi indokrar tat-tfal affordabbli u ta’ kwalità għolja, programmi edukattivi ta’ wara l-iskola u servizzi ta’ kura fit-tul; jisħaq li għandu jqis ir-rakkomandazzjonijiet inklużi f’dan ir-rapport, fost l-oħrajn, biex jiffaċilita r-rikonoxximent tal-ħiliet u l-kwalifiki, jappoġġja l-iżvilupp tal-ħiliet, il-progressjoni tal-karriera u l-investiment fil-kura, u jtejjeb il-kundizzjonijiet tax-xogħol u tal-għajxien billi juża l-fondi tal-UE biex jippromwovi impjieg ġust u kura ta’ kwalità għolja;

82. Jenfasizza li investiment akbar fis-saħħa pubblika u l-kura soċjali inklużi l-pagi u t-taħriġ tal-ħaddiema huwa essenzjali biex jittejbu r-reklutaġġ u ż-żamma sabiex jiġu żgurati impjiegi ta’ kwalità li jżidu l-attraenza tax-xogħol fis-settur tal-kura;

83.Jagħti struzzjonijiet lill-President tiegħu biex tgħaddi din ir-riżoluzzjoni lill-Kunsill u lill-Kummissjoni.