‘(j) an áit ina ndéantar an fheirmeoireacht agus/nó an áit tionscnaimh;’;

‘(a) gach earnáil ina dtáirgtear codanna inite d’ainmhithe agus go háirithe earnálacha na mairteola agus na laofheola, na muiceola, na caoireola agus feola gabhair, agus na feola éanlaithe clóis.’;

‘A mhéid a bhaineann le Cuid Ia, pointe 3, d’Iarscríbhinn VII, tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 227 lena bhforlíontar an Rialachán seo trí mhaoluithe a dheonú lena gceadaítear úsáid sonrúchán a fhorchoimeádtar le haghaidh táirgí a dhíorthaítear ó fheoil agus le haghaidh táirgí eile a bhfuil a gcineál beacht soiléir mar gheall ar úsáid bhunaithe fhadtéarmach nach gcuireann aon mhearbhall ar an tomhaltóir.’;

‘Foroinn 3a

Úsáid na dtéarmaí roghnacha le haghaidh táirgí sna hearnálacha uile a liostaítear in Airteagal 1(2)

Airteagal 88a

Téarmaí roghnacha le haghaidh módúlachtaí tráchtála

1.Féadfar an téarma ‘cothrom’ nó ‘cothromasach’ nó téarmaí ag a bhfuil cialla coibhéiseacha leis na téarmaí sin a úsáid ▌, leo féin nó in éineacht le téarmaí eile, ar lipéid táirge de chuid na n-earnálacha a liostaítear in Airteagal 1(2) a chuirtear ar an margadh, i gcur i láthair an táirge sin, ar ábhar fógraíochta an táirge sin nó ar dhoiciméid tráchtála an táirge sin, , ar choinníoll go n-úsáidtear na téarmaí sin chun ceannaitheoirí a chur ar an eolas faoi mhódúlachtaí atá ann cheana maidir le heagrú an táirgthe, an dáilte nó an chur ar an margadh, a bhfuil sé d’aidhm acu ▌ an méid seo a leanas ar a laghad a áirithiú:(a)cobhsaíocht, lena n-áirítear trí na conarthaí idir na táirgeoirí agus na ceannaitheoirí, trédhearcacht sa chaidreamh idir feirmeoirí agus ceannaitheoirí feadh an tslabhra soláthair agus trédhearcacht san fhaisnéis faoi fheirmeoirí rannpháirteacha;(b)praghas ar a dtáirgí a mheasann na feirmeoirí rannpháirteacha a bheith cothromasach agus brabúsach; agus(c)tionscnaimh chomhchoiteanna lena saothraítear ceann amháin nó níos mó de Spriocanna Forbartha Inbhuanaithe na Náisiún Aontaithe, lena rannchuidítear go háirithe le forbairt pobal tuaithe, go háirithe trí chomheagraíochtaí feirmeoirí a bhainistítear go daonlathach a chur chun cinn.

Chun críche phointe (b) den chéad fhomhír, féadfar sonraí ábhartha atá ar fáil maidir le costais táirgthe a chur san áireamh sa phraghas.

2.Féadfar an téarma ‘slabhra gearr soláthair a úsáid leis féin nó in éineacht le téarmaí eile, ar lipéid táirge de chuid na n-earnálacha a liostaítear in Airteagal 1(2) a chuirtear ar an margadh, i gcur i láthair an táirge sin, ar ábhar fógraíochta an táirge sin nó ar dhoiciméid tráchtála an táirge sin, ar choinníoll gur féidir leis na tomhaltóirí gabháltais na bhfeirmeoirí rannpháirteacha inar táirgeadh an t-amhábhar a shainaithint go héasca, go n-úsáidtear an téarma chun ceannaitheoirí a chur ar an eolas faoi mhódúlachtaí atá ann cheana maidir le heagrú an táirgthe, an dáilte nó an chur ar an margadh, agus go n-áirithítear an méid seo a leanas leo:(a)nasc díreach idir an feirmeoir agus tomhaltóir deiridh an táirge, le hidirghabhálaí amháin i gcás inarb iomchuí; nó(b)dlúthnasc idir an feirmeoir agus tomhaltóir deiridh an táirge, le líon teoranta idirghabhálaithe, agus i gcás ina bhfuil an feirmeoir, na hidirghabhálaithe agus tomhaltóir deiridh an táirge i ngaireacht gheografach dá chéile.

▌

3.Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 227 chun an Rialachán seo a leasú trí théarmaí a chur le mír 1 den Airteagal seo atá coibhéiseach leis an téarma ‘cothrom’ nó ‘cothromasach’, nuair a úsáidtear na téarmaí coibhéiseacha sin ar an margadh chun ceannaitheoirí a chur ar an eolas faoi na módúlachtaí tráchtála dá dtagraítear i mír 1 den Airteagal seo agus chun an Rialachán seo a fhorlíonadh trí rialacha breise a leagan síos nó trí choinníollacha a shonrú chun míreanna 1 agus 2 den Airteagal seo a chur i bhfeidhm, agus aon chaighdeán idirnáisiúnta ábhartha agus aon scéimeanna gaolmhara deimhnithe cáilíochta á gcur san áireamh.

4.Féadfaidh na Ballstáit rialacha náisiúnta a ghlacadh nó a choinneáil ar bun lena leagtar síos coinníollacha sa bhreis ar na coinníollacha dá dtagraítear i mír 1, pointí (a), (b) agus (c), agus i mír 2, pointí (a) agus (b), maidir le húsáid na dtéarmaí dá dtagraítear sna míreanna sin. Ní chuirfidh na rialacha sin toirmeasc, srian ná bac ar úsáid na dtéarmaí dá dtagraítear sna míreanna sin i gcás táirgí a tháirgtear nó a mhargaítear go dleathach i mBallstát eile faoi na téarmaí dá dtagraítear sna míreanna sin.

5.Beidh an tAirteagal seo gan dochar do na rialacha a leagtar síos i Rialachán (AE) Uimh. 1169/2011.’;

‘Airteagal 148

Caidreamh conarthach in earnáil an bhainne agus na dtáirgí bainne

1.Seachadtaí bainne agus táirgí bainne san Aontas a dhéanann feirmeoirí, lena n‑áirítear comhlachais feirmeoirí, nó eagraíocht táirgeoirí nó comhlachais eagraíochtaí táirgeoirí, chuig próiseálaithe, bailitheoirí, dáileoirí nó miondíoltóirí, cumhdófar é le conradh i scríbhinn idir na páirtithe sin.

Ní bheidh feidhm ag an oibleagáid dá dtagraítear sa chéad fhomhír ach amháin maidir leis an méid seo a leanas :(a) feirmeoirí a tháirgeann bainne amh ar a ngabháltais nó a phróiseálann an bainne amh a tháirgtear ar a ngabháltais ina bhainne agus ina dtáirgí bainne;(b) comhlachais feirmeoirí, eagraíochtaí táirgeoirí nó comhlachais eagraíochtaí táirgeoirí a phróiseálann nó a mhargaíonn táirgí dá dtagraítear i bpointe (a).

Comhlíonfar, le conradh i scríbhinn den sórt sin, na coinníollacha a leagtar síos i míreanna 4 agus 8.

Tar éis dul i gcomhairle le hionadaithe ábhartha feirmeoirí nó leis na heagraíochtaí idirchraoibhe a aithnítear i gcomhréir le hAirteagal 163(1), féadfaidh na Ballstáit a chinneadh nach mbeidh sé éigeantach táscairí, innéacsanna nó modhanna ríofa an phraghais deiridh dá dtagraítear i mír 4, pointe (c)(i), an dara fleasc, den Airteagal seo a áireamh agus nach gcumhdófar an seachadadh leis na ceanglais i mír (4), pointe (c)(iii), an dara habairt, maidir le clásal um athbhreithniú más féidir éifeachtaí na hintuarthachta, na trédhearcachta agus an tarchurtha praghsanna a bhaint amach ar shlí eile i gcás an bhainne nó na dtáirgí bainne lena mbaineann, nó nach mbeadh an oibleagáid gnéithe de mhír (4), pointe (c) (i), an dara fleasc, den Airteagal seo agus mír 4, pointe (c)(iii), den Airteagal seo, maidir le clásal um athbhreithniú a áireamh iomchuí ná comhréireach le haghaidh na dtáirgí sin ar chúiseanna eile a bhfuil údar cuí leo.

Chun críocha an Airteagail seo, ciallaíonn ‘bailitheoir’ gnóthas a iompraíonn bainne amh ó fheirmeoir nó ó bhailitheoir eile chuig próiseálaí bainne amh nó chuig bailitheoir eile, i gcás ina n-aistrítear úinéireacht an bhainne amh i ngach cás.

2.Féadfaidh na Ballstáit an méid seo a leanas a chinneadh freisin:a)go bhfuil seachadadh bainne agus táirgí bainne ag oibreoirí nó chuig oibreoirí nach gcumhdaítear le mír 1 le bheith cumhdaithe le conradh i scríbhinn;b)▌ go mbeidh tairiscint i scríbhinn ar chonradh maidir le seachadadh bainne agus táirgí bainne éigeantach.

Maidir le tairiscintí i scríbhinn ar chonarthaí dá dtagraítear i bpointe (b) den chéad fhomhír den mhír seo, féadfaidh an Ballstát lena mbaineann a chinneadh gurb iad céad-cheannaitheoirí an bhainne agus na dtáirgí bainne nó an feirmeoir, lena n-áirítear comhlachas feirmeoirí, nó eagraíocht táirgeoirí nó comhlachas eagraíochtaí táirgeoirí, a dhéanfaidh tairiscint den sórt sin.

Comhlíonfar, le conarthaí dá dtagraítear i bpointe (a) den chéad fhomhír den mhír seo, nó le tairiscintí ar chonradh dá dtagraítear i bpointe (b) den chéad fhomhír den mhír seo, na coinníollacha a leagtar síos i míreanna 4 agus 8.

3.Áiritheoidh na Ballstáit go mbeidh sásra idirghabhála nó sásraí inchomparáide, lena n-áirítear sásraí atá ann cheana, ar fáil do na páirtithe conarthacha. Beidh rochtain ar bhonn deonach ag na páirtithe conarthacha ar na sásraí sin agus beidh siad neamhchlaonta chun cásanna a chumhdach nach bhfuil aon chonradh ann atá inghlactha go frithpháirteach dá dtagraítear i míreanna 1 agus 2 nó, i gcás ina bhfuil conradh dá dtagraítear i míreanna 1 agus 2 ann, chun athbhreithniú a dhéanamh ar an gconradh sin. Féadfar ionadaithe ó eagraíochtaí feirmeoirí a áireamh ar na sásraí sin

Cuirfidh na Ballstáit an Coimisiún ar an eolas faoi na ▌sásraí dá dtagraítear sa chéad fhomhír den mhír seo atá ar fáil ina gcríoch.

4.Maidir leis an gconradh nó an tairiscint ar chonradh dá dtagraítear i míreanna 1 agus 2:(a)déanfar é nó í roimh an seachadadh;(b)déanfar i scríbhinn é nó í, lena n-áirítear i bhfoirm leictreonach; agus(c)áireofar ann, go háirithe, na gnéithe seo a leanas:(i)an praghas is iníoctha ar an seachadadh, ar praghas é:—a bheidh seasta agus a leagfar amach sa chonradh; nó—a dhéanfar a ríomh trí thosca éagsúla a chur le chéile a leagtar amach sa chonradh, a mbeidh táscairí oibiachtúla, innéacsanna nó modhanna ríofa an phraghais deiridh ar áireamh iontu, atá inrochtana go héasca agus sothuigthe agus a léiríonn athruithe ar dhálaí an mhargaidh agus athruithe ar ghnéithe ábhartha de na costais táirgthe a mbíonn tionchar acu ar luach saothair feirmeoirí, na cainníochtaí a sheachadtar agus cáilíocht nó comhdhéanamh an bhainne nó na dtáirgí bainne a sheachadtar; chuige sin, féadfaidh na Ballstáit táscairí a chinneadh, a fhéadfar a fhoilsiú ar líne lena n-úsáid i gconarthaí, i gcomhréir le ▌critéir oibiachtúla bunaithe ar staidéir arna ndéanamh ar tháirgeadh agus ar shlabhra an tsoláthair bia, nó ag cur san áireamh sonraí oibiachtúla ó fhoinsí ar nós eagraíochtaí idirchraoibhe, Faireachlann an Aontais um an slabhra agraibhia (FASA) nó aon sonraí oibiachtúla ábhartha atá ar fáil; beidh sé de shaoirse ag na páirtithe sna conarthaí tagairt a dhéanamh do na táscairí sin nó d’aon táscairí eile;(ii)toirt an bhainne amh nó cáilíocht agus cainníocht an bhainne nó na dtáirgí bainne atá le seachadadh, agus uainiú na seachadtaí sin;(iii)fad an chonartha, a bhféadfaidh fad cinnte nó fad éiginnte le clásal foircinn a bheith san áireamh leis agus, i gcás conartha ar faide ná 6 mhí a fhad íosta, clásal um athbhreithniú ar féidir leis an bhfeirmeoir, lena n-áirítear comhlachas feirmeoirí, nó eagraíocht táirgeoirí nó comhlachas eagraíochtaí táirgeoirí é a ghníomhachtú;(iv)mionsonraí maidir le tréimhsí agus nósanna imeachta íocaíochta , lena n‑áirítear cur i bhfeidhm aon laghduithe arna gcomhaontú idir na páirtithe;(v)socruithe maidir le bainne nó táirgí bainne a bhailiú nó a sheachadadh; agus(vi)na rialacha is infheidhme i gcás force majeure.

5.De mhaolú ar mhíreanna 1 agus 2, ní éileofar conradh i scríbhinn ná tairiscint i scríbhinn ar chonradh sna cásanna seo a leanas:(a)i gcás ina ndéanann comhalta d’eagraíocht táirgeoirí nó comharchumann an bainne nó na táirgí bainne lena mbaineann a sheachadadh ar an eagraíocht táirgeoirí nó ar an gcomharchumann a bhfuil sé ina chomhalta di nó de, ar choinníoll go bhforáiltear le reachtanna na heagraíochta táirgeoirí nó an chomharchumainn sin, nó leis na rialacha agus na cinntí dá bhforáiltear sna reachtanna sin nó a eascraíonn as ▌ na reachtanna sin, do rialacha trédhearcacha arna gcinneadh go daonlathach, arna gcur in iúl roimh ré, maidir le modhanna chun praghas an bhainne nó na dtáirgí bainne arna seachadadh ag na comhaltaí sin a chinneadh, agus an tionchar ar luach saothair feirmeoirí á chur san áireamh, agus maidir leis na tréimhsí agus na nósanna imeachta íocaíochta;(b)i gcás ina ndéantar an seachadadh saor in aisce nó i gcomhthéacs diúscartha bainne nó táirgí bainne nach bhfuil oiriúnach lena ndíol a thuilleadh.

6.Féadfaidh na Ballstáit a chinneadh nach n-éileofar conradh i scríbhinn ná tairiscint i scríbhinn ar chonradh i gceann amháin nó níos mó de na cásanna seo a leanas:(a) is micrifhiontar nó fiontar beag de réir bhrí Mholadh 2003/361/CE;(b)ní théann luach iomlán an tseachadta nó na seachadtaí arna gcomhaontú ag na páirtithe thar uasteorainn a chinnfidh an Ballstát lena mbaineann, ar uasteorainn í nach mbeidh níos mó ná EUR 10 000;(c) tugtar an conradh i gcrích agus déantar an íocaíocht as an mbainne nó as na táirgí bainne tráth an tseachadta;(d)baineann an seachadadh le bainne agus táirgí bainne atá faoi réir luaineachtaí séasúracha soláthair nó éilimh nó meatachta; nó(e)baineann an seachadadh le bainne nó táirgí bainne atá faoi réir cleachtais díola thraidisiúnta nó ghnásúla.

▌

7.Más rud é, de bhun mhír 5, pointe (b), nó mhír 6, nach gceanglaítear conradh i scríbhinn ná tairiscint i scríbhinn ar chonradh, féadfaidh feirmeoir, lena n-áirítear comhlachas feirmeoirí, nó eagraíocht táirgeoirí, nó comhlachas eagraíochtaí táirgeoirí a cheangal go mbeidh seachadadh bainne nó táirgí bainne chuig próiseálaí, dáileoir, miondíoltóir nó bailitheoir faoi réir conradh i scríbhinn idir na páirtithe nó tairiscint i scríbhinn ar chonradh. Comhlíonfar, le conradh den chineál sin nó le tairiscint den chineál sin ar chonradh, na coinníollacha a leagtar síos i míreanna 4 agus 8, an chéad fhomhír.

8.I dtaca le gnéithe uile na gconarthaí maidir le seachadadh bainne nó táirgí bainne a chuirtear i gcrích idir feirmeoirí, lena n-áirítear comhlachais feirmeoirí, nó eagraíochtaí táirgeoirí nó comhlachais eagraíochtaí táirgeoirí agus bailitheoirí, próiseálaithe, dáileoirí nó miondíoltóirí, lena n-áirítear na gnéithe agus a gcomhpháirteanna dá dtagraítear i mír 4, pointe (c), déanfar iad a chaibidil go neamhshrianta idir na páirtithe.

Féadfaidh na Ballstáit ceann amháin nó níos mó de na nithe seo a leanas a bhunú:(a)maidir leis na conarthaí i scríbhinn dá dtagraítear i mír 1:(i)oibleagáid ar na páirtithe teacht ar chomhaontú maidir le gaol idir cainníocht áirithe bainne nó táirgí bainne a sheachadtar agus an praghas is iníoctha ar an seachadadh sin;(ii)fad íosta, nach mbeidh níos lú ná 6 mhí agus nach ndéanfaidh difear d’fheidhmiú cuí an mhargaidh inmheánaigh;(b)maidir leis na tairiscintí i scríbhinn ar chonarthaí dá dtagraítear i bpointe (b) den chéad fhomhír, de mhír 2, oibleagáid go n-áireofar sa tairiscint i scríbhinn ar chonradh fad íosta le haghaidh an chonartha, a leagfar síos leis an dlí náisiúnta ach nach mbeidh níos lú ná 6 mhí agus nach ndéanfaidh difear d’fheidhmiú cuí an mhargaidh inmheánaigh.

Féadfaidh feirmeoirí, lena n-áirítear comhlachais feirmeoirí, nó eagraíochtaí táirgeoirí nó comhlachais eagraíochtaí táirgeoirí diúltú i scríbhinn don fad íosta arna leagan síos ag na Ballstáit de bhun an dara fomhír.

9.Féadfaidh na Ballstáit a cheangal ar cheannaitheoir bainne nó táirgí bainne na conarthaí i scríbhinn dá dtagraítear i mír 1 a chlárú i gcás an bhainne nó na dtáirgí bainne a sheachadfaidh an feirmeoir, lena n-áirítear comhlachas feirmeoirí, nó eagraíocht táirgeoirí nó comhlachas eagraíochtaí táirgeoiríchuig bailitheoir, próiseálaí, dáileoir nó miondíoltóir ina gcríoch.

10.Déanfaidh na Ballstáit a bhaineann úsáid as na roghanna dá dtagraítear i míreanna 1, 2, 6, 8 agus 9 fógra a thabhairt don Choimisiún maidir leis an gcaoi ina gcuirtear na roghanna sin i bhfeidhm.

11.Féadfaidh an Coimisiún gníomhartha cur chun feidhme a ghlacadh lena leagtar síos na bearta is gá maidir le cur i bhfeidhm comhionann mhíreanna 4 agus 5 den Airteagal seo agus bearta a bhaineann leis na fógraí a bheidh le tabhairt ag na Ballstáit i gcomhréir le mír 10 den Airteagal seo. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 229(2).’;

‘(c) ar choinníoll, i gcás eagraíochta áirithe táirgeoirí, go gcomhlíontar na coinníollacha uile seo a leanas:(i)nach mó ná 7 % de tháirgeadh iomlán an Aontais toirt an bhainne amh a chumhdófar leis an gcaibidlíocht sin;(ii)maidir le toirt an bhainne amh a chumhdófar leis an gcaibidlíocht sin a tháirgtear in aon Bhallstát ar leith, nach mó ná 36 % de tháirgeadh náisiúnta iomlán an Bhallstáit sin í; agus(iii)maidir le toirt an bhainne amh a chumhdófar leis an gcaibidlíocht sin a sheachadtar in aon Bhallstát ar leith, nach mó ná 36 % de tháirgeadh náisiúnta iomlán an Bhallstáit sin í;’;

‘(a) atá comhdhéanta de tháirgeoirí in earnáil ar leith a liostaítear in Airteagal 1(2) ▌ agus atá á rialú ag comhaltaí ar feirmeoirí iad a tháirgeann táirgí talmhaíochta de bhunús na hithreach nó na feirmeoireachta stoic, i gcomhréir le hAirteagal 153(2), pointe (c); Féadfar aitheantas a dheonú le haghaidh catagóir amháin nó níos mó de na hearnálacha sonracha a liostaítear in Airteagal 1(2) ar choinníoll go gcomhlíonann an eagraíocht táirgeoirí na coinníollacha maidir le haitheantas dóibh uile.

Féadfaidh na Ballstáit a chinneadh gur féidir leis an rialú ag na comhaltaí feirmeoirí dá dtagraítear sa phointe seo a fheidhmiú ag comhlachais feirmeoirí a tháirgeann táirgí talmhaíochta de bhunús na hithreach nó na feirmeoireachta stoic rialú a dhéanamh ar choinníoll go bhfuil na comhlachais sin á rialú ag na feirmeoirí sin.’

‘(b) a bunaíodh ar thionscnamh feirmeoirí a tháirgeann táirgí talmhaíochta de bhunús na hithreach nó na feirmeoireachta stoic agus a dhéanann ceann amháin ar a laghad de na gníomhaíochtaí seo a leanas:’; ▌

‘(vi) cúnamh teicniúil a chur chun cinn agus a sholáthar i dtaca le caighdeáin tháirgthe a úsáid, feabhas a chur ar cháilíocht táirgí, forbairt a dhéanamh ar tháirgí a bhfuil sonrúchán tionscnaimh faoi chosaint acu, a bhfuil tásc geografach faoi chosaint acu nó a chumhdaítear le lipéad náisiúnta cáilíochta, agus tionscnaimh a chur i gcrích lena gcuirtear chun cinn slabhraí soláthair gairide nó úsáid na dtéarmaí roghnacha dá dtagraítear in Airteagal 88a;’;

‘1a. De mhaolú ar Airteagal 101(1) CFAE, eagraíocht táirgeoirí a aithnítear faoi mhír 1 den Airteagal seo, nó eagraíocht táirgeoirí, lena n-áirítear comharchumann nó aon fhoirm choibhéiseach dhlíthiúil eile a aithnítear leis an dlí náisiúnta, a rinne iarratas ar aitheantas agus nach bhfuil aitheanta go fóill mar eagraíocht táirgeoirí ag Ballstát, ar choinníoll go gcomhlíonann sí na ceanglais a leagtar amach i mír 1 den Airteagal seo agus in Airteagal 154 den Rialachán seo, féadfaidh sí táirgeadh a phleanáil, barrfheabhas a chur ar na costais táirgthe, táirgí a chur ar an margadh agus conarthaí a chaibidil chun táirgí talmhaíochta a sholáthar, thar ceann a comhaltaí dá dtáirgeadh iomlán nó do chuid dá dtáirgeadh. Féadfaidh eagraíocht táirgeoirí den sórt sin leas a bhaint as an maolú sin laistigh den tréimhse dá bhforáiltear in Airteagal 154(4), pointe (a), den Rialachán seo, nó, mura bhfuil aon chinneadh déanta ag an mBallstát maidir leis an iarratas ar aitheantas faoi dheireadh na tréimhse sin, laistigh den tréimhse 5 bliana ón dáta a tíolacadh an t‑iarratas ar aitheantas, mura rud é gur chinn an Ballstát lena mbaineann an t-aitheantas a dhiúltú.’;

‘I gcás nach gcomhlíonann comhlachas eagraíochtaí táirgeoirí a aithnítear faoi Airteagal 156(1) na coinníollacha a leagtar amach i mír 1a, an dara fomhír, pointí (a) agus (b), den Airteagal seo, ach go gcomhlíonann a chomhaltaí na coinníollacha sin, féadfaidh sé na gníomhaíochtaí dá dtagraítear sa chéad fhomhír de mhír 1a, den chéad fhomhír, den Airteagal seo, a dhéanamh freisin, ar choinníoll:(a)go bhfuil aitheantas tugtha dá chomhaltaí i gcomhréir le mír 1 den Airteagal seo;(b)nach bhfuil a chomhaltaí ina gcomhaltaí de chomhlachas eagraíochtaí aitheanta táirgeoirí eile a mhéid a bhaineann leis na táirgí a chumhdaítear leis na gníomhaíochtaí dá dtagraítear sa chéad fhomhír de mhír 1a den Airteagal seo; agus

▌(c)nach mó ná 36 % de tháirgeadh náisiúnta iomlán an táirge sin sa Bhallstát lena mbaineann méid na dtáirgí a chumhdaítear leis na gníomhaíochtaí dá dtagraítear sa chéad fhomhír de mhír 1a den Airteagal seo.’;

‘(b) gan a bheith ina gcomhaltaí ach d’aon eagraíocht táirgeoirí amháin i dtaca le táirge ar leith den ghabháltas, i gcás ina dtagraíonn táirge ar leith do tháirgí a bhfuil a n-éagsúlacht leordhóthanach, go háirithe ar bhonn a saintréithe nó na n-úsáidí deiridh atá beartaithe dóibh.

‘mar sin féin, féadfaidh na Ballstáit maolú ar an gcoinníoll sin i gcásanna ina bhfuil údar cuí leo más rud é go bhfuil dhá aonad táirgeachta shainiúla ag comhaltaí ar táirgeoirí iad agus go bhfuil na haonaid sin lonnaithe i limistéir gheografacha éagsúla.’;

‘(c) rialacha lena gcuirfear ar a gcumas do na comhaltaí ar feirmeoirí iad a tháirgeann táirgí talmhaíochta de bhunús na hithreach nó na feirmeoireachta stoic grinnscrúdú daonlathach a dhéanamh ar a n-eagraíocht agus cinntí na heagraíochta sin, mar aon lena cuntais agus lena buiséid;’; ▌

‘2a. Féadfar foráil a dhéanamh le reachtanna eagraíochta táirgeoirí maidir leis an bhféidearthacht do chomhaltaí a bheith i dteagmháil dhíreach le ceannaitheoirí, ar choinníoll nach ndéanfaidh an teagmháil dhíreach sin na cuspóirí atá á saothrú ag an eagraíocht táirgeoirí, lena n-áirítear comhchruinniú an tsoláthair agus cur ar an margadh na dtáirgí atá á dhéanamh ag an eagraíocht táirgeoirí, a chur i gcontúirt. Measfar gur áirithíodh comhchruinniú soláthair agus cur ar an margadh táirgí ar choinníoll go ndéanann an eagraíocht táirgeoirí gnéithe bunriachtanacha na ndíolachán, mar shampla an praghas, an cháilíocht agus an méid a chaibidil agus a chinneadh. Féadfar a áireamh i reachtanna eagraíochta táirgeoirí a cheadaíonn teagmháil dhíreach idir comhaltaí agus ceannaitheoirí sásraí rialaithe inmheánaigh agus sásraí coiscthe chun a áirithiú nach ndéanfaidh teagmháil den sórt sin dochar do chuspóirí na heagraíochta táirgeoirí lena n‑áirítear comhchruinniú an tsoláthair.’;

‘(xvii) úsáid na dtéarmaí roghnacha dá dtagraítear in Airteagal 88a a chur chun cinn.’;

‘Airteagal 168

Caidreamh conarthach

1.Seachadtaí táirgí talmhaíochta ó earnáil a liostaítear in Airteagal 1(2) san Aontas seachas bainne agus táirgí bainne agus siúcra, a dhéanann feirmeoirí, lena n‑áirítear comhlachais feirmeoirí, nó eagraíochtaí táirgeoirí nó comhlachais eagraíochtaí táirgeoirí, chuig próiseálaithe, dáileoirí nó miondíoltóirí, cumhdófar é le conradh i scríbhinn idir na páirtithe ábhartha.

Ní bheidh feidhm ag an oibleagáid dá dtagraítear sa chéad fhomhír ach amháin maidir leis an méid seo a leanas:(a) feirmeoirí a tháirgeann táirgí talmhaíochta de bhunús na hithreach nó na feirmeoireachta stoic nó a phróiseálann na táirgí sin a táirgeadh ar a ngabháltais; nó(b) comhlachais feirmeoirí, eagraíochtaí táirgeoirí nó comhlachais eagraíochtaí táirgeoirí a phróiseálann nó a mhargaíonn táirgí dá dtagraítear i bpointe (a).

Comhlíonfar, le conradh i scríbhinn den sórt sin, na coinníollacha a leagtar síos i míreanna 4 agus 8.

2.Féadfaidh na Ballstáit an méid seo a leanas a chinneadh freisin:(a)go bhfuil seachadadh táirgí talmhaíochta ag oibreoirí nó chuig oibreoirí nach gcumhdaítear le mír 1 le bheith cumhdaithe le conradh i scríbhinn;(b)▌go mbeidh tairiscint i scríbhinn ar chonradh maidir le seachadadh táirgí talmhaíochta éigeantach;

Maidir le tairiscintí i scríbhinn ar chonradh dá dtagraítear i bpointe (b) den chéad fhomhír den mhír seo, féadfaidh an Ballstát lena mbaineann a chinneadh gurb iad céad-cheannaitheoirí táirgí talmhaíochta nó an feirmeoir, lena n‑áirítear comhlachas feirmeoirí, nó eagraíocht táirgeoirí nó comhlachas eagraíochtaí táirgeoirí, a dhéanfaidh tairiscint den sórt sin.

Comhlíonfar, le conarthaí dá dtagraítear i bpointe (a) den chéad fhomhír den mhír seo nó le tairiscintí ar chonradh dá dtagraítear i bpointe (b) den chéad fhomhír den mhír seo, na coinníollacha a leagtar síos i míreanna 4 agus 8.

3.Áiritheoidh na Ballstáit go mbeidh idirghabháil nó sásraí inchomparáide, lena n-áirítear sásraí atá ann cheana, ar fáil do na páirtithe conarthacha. Beidh rochtain ar bhonn deonach ag na páirtithe conarthacha ar shásraí den sórt sin agus beidh siad neamhchlaonta chun cásanna a chumhdach nach bhfuil aon chonradh ann atá inghlactha go frithpháirteach dá dtagraítear i míreanna 1 agus 2 nó, i gcás ina bhfuil conradh dá dtagraítear i míreanna 1 agus 2 ann, , chun athbhreithniú a dhéanamh ar an gconradh sin. Féadfar ionadaithe ó eagraíochtaí feirmeoirí a áireamh ar na sásraí sin.

Cuirfidh na Ballstáit an Coimisiún ar an eolas faoi na ▌sásraí dá dtagraítear sa chéad fhomhír den mhír seo atá ar fáil ina gcríoch.

4.Maidir leis an gconradh nó an tairiscint ar chonradh dá dtagraítear i míreanna 1 agus 2:(a)déanfar é nó í roimh an seachadadh,(b)déanfar i scríbhinn é nó í, lena n-áirítear i bhfoirm leictreonach, agus(c)áireofar ann, go háirithe, na gnéithe seo a leanas:(i)an praghas is iníoctha ar an seachadadh, ar praghas é:—a bheidh seasta agus a leagfar amach sa chonradh; nó—a dhéanfar a ríomh trí thosca éagsúla a chur le chéile a leagtar amach sa chonradh, a mbeidh táscairí oibiachtúla, innéacsanna nó modhanna ríofa an phraghais deiridh ar áireamh iontu, atá inrochtana go héasca agus sothuigthe agus a léiríonn athruithe ar dhálaí an mhargaidh agus athruithe ar ghnéithe ábhartha de chostais táirgthe a mbíonn tionchar acu ar luach saothair feirmeoirí, na cainníochtaí arna seachadadh agus cáilíocht nó comhshuíomh na dtáirgí talmhaíochta arna seachadadh; chuige sin, féadfaidh na Ballstáit táscairí a chinneadh, a fhéadfar a fhoilsiú ar líne lena n-úsáid i gconarthaí i gcomhréir le critéir oibiachtúla bunaithe ar staidéir arna ndéanamh ar tháirgeadh agus ar shlabhra an tsoláthair bia, nó sonraí oibiachtúla ó fhoinsí ar nós eagraíochtaí idirchraoibhe, Faireachlann an Aontais um an Slabhra Agraibhia (FASA) nó aon sonraí oibiachtúla ábhartha eile atá ar fáil á gcur san áireamh; beidh sé de shaoirse ag na páirtithe sna conarthaí tagairt a dhéanamh do na táscairí sin nó d’aon táscairí eile a mheasann siad a bheith ábhartha.(ii)cainníocht agus cáilíocht na dtáirgí talmhaíochta lena mbaineann a fhéadfar a sheachadadh nó nach mór a sheachadadh agus uainiú na seachadtaí sin;(iii)fad an chonartha, a bhféadfaidh fad cinnte nó fad éiginnte le clásal foircinn a bheith san áireamh leis agus i gcás conarthaí ar faide ná 12 mhí a bhfad íosta, clásal um athbhreithniú ar féidir leis ▌ an feirmeoir, lena n-áirítear comhlachas feirmeoirí, nó eagraíocht táirgeoirí nó comhlachas eagraíochtaí táirgeoirí é a ghníomhachtú;(iv)mionsonraí maidir le tréimhsí agus nósanna imeachta íocaíochta lena n‑áirítear cur i bhfeidhm aon laghduithe arna gcomhaontú idir na páirtithe;(v)socruithe maidir leis na táirgí feirmeoireachta a bhailiú nó a sheachadadh; agus(vi)na rialacha is infheidhme i gcás force majeure.

5.De mhaolú ar mhíreanna 1 agus 2, ní éileofar conradh i scríbhinn ná tairiscint i scríbhinn ar chonradh sna cásanna seo a leanas:(a)i gcás ina ndéanann comhalta d’eagraíocht táirgeoirí nó comharchumann na táirgí talmhaíochta lena mbaineann a sheachadadh chuig an eagraíocht táirgeoirí nó chuig an gcomharchumann a bhfuil sé ina chomhalta di nó de, ar choinníoll go bhforáiltear le reachtanna na heagraíochta táirgeoirí nó an chomharchumainn sin, nó leis na rialacha agus na cinntí dá bhforáiltear sna reachtanna sin nó a eascraíonn as ▌ na reachtanna sin, do rialacha trédhearcacha arna gcinneadh go daonlathach, arna gcur in iúl roimh ré, maidir le modhanna chun praghas na dtáirgí arna seachadadh na comhaltaí sin a chinneadh, agus an tionchar ar luach saothair feirmeoirí á chur san áireamh, agus maidir leis na tréimhsí agus na nósanna imeachta íocaíochta;(b)i gcás ina ndéanfar an seachadadh saor in aisce nó i gcomhthéacs diúscartha táirgí talmhaíochta nach bhfuil oiriúnach lena ndíol a thuilleadh.

6.Féadfaidh na Ballstáit a chinneadh nach n-éileofar conradh i scríbhinn ná tairiscint i scríbhinn ar chonradh i gceann amháin nó níos mó de na cásanna seo a leanas:(a) is micrifhiontar nó fiontar beag de réir bhrí Mholadh 2003/361/CE1 é céad-cheannaitheoir na dtáirgí talmhaíochta lena mbaineann;(b)ní théann luach iomlán an tseachadta nó na seachadtaí arna gcomhaontú ag na páirtithe thar uasteorainn a chinnfidh an Ballstát lena mbaineann, ▌ar uasteorainn í nach mbeidh níos mó ná EUR 10 000;(c) déantar na táirgí talmhaíochta lena mbaineann a sheachadadh agus a íoc go comhuaineach nó, ar chúiseanna a bhfuil údar cuí leo, laistigh de 3 lá oibre ar a dhéanaí;(d)baineann an seachadadh le táirgí talmhaíochta atá faoi réir luaineachtaí séasúracha soláthair nó éilimh nó meatachta;(e)baineann an seachadadh le táirgí talmhaíochta atá faoi réir cleachtais díola thraidisiúnta nó ghnásúla;(f) baineann an seachadadh le táirgí talmhaíochta a mheasann an Ballstát ina leith, tar éis dul i gcomhairle le hionadaithe ábhartha feirmeoirí, nó leis na heagraíochtaí idirchraoibhe atá aitheanta do na hearnálacha ábhartha i gcomhréir le hAirteagal 158(1), gur baineadh amach éifeachtaí na hintuarthachta, na trédhearcachta agus an tarchurtha praghsanna a shaothraítear le míreanna 1 agus 4 den Airteagal seo i gcás na dtáirgí lena mbaineann nó nach mbeadh an oibleagáid conarthaí i scríbhinn nó tairiscintí i scríbhinn ar chonarthaí a bheith ann iomchuí nó comhréireach le haghaidh na dtáirgí sin ar chúiseanna eile a bhfuil údar cuí leo.

7.Más rud é, de bhun mhír 5, pointe (b), nó mhír 6, nach n-éileofar conradh i scríbhinn ná tairiscint i scríbhinn ar chonradh, féadfaidh feirmeoir, lena n‑áirítear comhlachas feirmeoirí, nó eagraíocht táirgeoirí nó comhlachas eagraíochtaí táirgeoirí a cheangal go mbeidh aon táirge talmhaíochta a sheachadfar chuig próiseálaí, dáileoir nó miondíoltóir faoi réir conradh i scríbhinn idir na páirtithe nó faoi réir tairiscint i scríbhinn ar chonradh. Comhlíonfar, le conradh den sórt sin nó le tairiscint den sórt sin ar chonradh, na coinníollacha a leagtar síos i míreanna 4 agus 8, an chéad fhomhír.

8.I dtaca le gnéithe uile na gconarthaí maidir le táirgí talmhaíochta a sheachadadh a chuirtear i gcrích idir feirmeoirí, lena n-áirítear comhlachais feirmeoirí, nó eagraíochtaí táirgeoirí nó comhlachais eagraíochtaí táirgeoirí, agus próiseálaithe, dáileoirí nó miondíoltóirí, lena n-áirítear na gnéithe agus a gcomhpháirteanna dá dtagraítear i mír 4, pointe (c), déanfar iad a chaibidil go neamhshrianta idir na páirtithe.

Féadfaidh na Ballstáit ceann amháin nó níos mó de na nithe seo a leanas a bhunú:(a)maidir leis na conarthaí i scríbhinn dá dtagraítear i mír 1:(i)oibleagáid ar na páirtithe teacht ar chomhaontú maidir le caidreamh idir cainníocht áirithe táirgí talmhaíochta a sheachadtar agus an praghas is iníoctha ar an seachadadh sin;(ii)fad íosta, nach mbeidh níos lú ná 6 mhí agus nach ndéanfaidh difear d’fheidhmiú cuí an mhargaidh inmheánaigh;(b)maidir leis na tairiscintí i scríbhinn ar chonarthaí dá dtagraítear i bpointe (b) den chéad fhomhír de mhír 2, oibleagáid go n-áireofar sa tairiscint i scríbhinn ar chonradh fad íosta le haghaidh an chonartha, a leagtar síos leis an dlí náisiúnta, ach nach mbeidh níos lú ná 6 mhí agus nach ndéanfaidh difear d’fheidhmiú cuí an mhargaidh inmheánaigh

Féadfaidh feirmeoirí, lena n-áirítear comhlachais feirmeoirí, nó eagraíochtaí táirgeoirí nó comhlachais eagraíochtaí táirgeoirí an fad íosta atá leagtha síos ag na Ballstáit de bhun an dara fomhír a dhiúltú i scríbhinn.

9.Féadfaidh na Ballstáit a cheangal ar cheannaitheoir táirgí talmhaíochta na conarthaí i scríbhinn dá dtagraítear i mír 1 a chlárú i gcás na dtáirgí talmhaíochta lena mbaineann a sheachadfaidh an feirmeoir, lena n-airítear comhlachas feirmeoirí, nó eagraíocht táirgeoirí nó comhlachas eagraíochtaí táirgeoirí chuig próiseálaí, dáileoir nó miondíoltóir ina gcríoch.

10.Déanfaidh na Ballstáit a bhaineann úsáid as na roghanna dá dtagraítear i míreanna 2, 6, 8 agus 9 fógra a thabhairt don Choimisiún faoin gcaoi a gcuirtear na roghanna sin i bhfeidhm.

11.Féadfaidh an Coimisiún gníomhartha cur chun feidhme a ghlacadh lena leagtar síos na bearta is gá maidir le cur i bhfeidhm aonfhoirmeach mhíreanna 4 agus 5 den Airteagal seo agus bearta a bhaineann leis na fógraí a bheidh le tabhairt ag na Ballstáit i gcomhréir le mír 10 den Airteagal seo. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 229(2).

‘(a) cuspóirí comhshaoil, lena n-áirítear maolú ar an athrú aeráide agus oiriúnú don athrú sin; úsáid agus cosaint inbhuanaithe tírdhreach, uisce agus ithreach, lena n-áirítear trí chórais uiscithe; an t-aistriú chuig geilleagar ciorclach, lena n-áirítear cur amú bia a laghdú agus athchúrsáil cothaitheach aoiligh beostoic ina leasacháin orgánacha nó ina dtáirgeadh fuinnimh; agus cosc agus rialú ar thruailliú; chomh maith le bithéagsúlacht agus éiceachórais a chosaint agus a athbhunú;’;

‘(d) tacú le hinmharthanacht eacnamaíoch feirmeacha beaga a bhraitheann go príomha ar shaothar teaghlaigh ag a bhfuil aschur caighdeánach mar a shainmhínítear in Airteagal 2, pointe (8), de Rialachán (CE) Uimh. 1217/2009* ón gComhairle nach rachaidh thar EUR 100 000;(e)táirgeoirí óga táirgí talmhaíochta a mhealladh agus tacú leo; nó(f)feabhas a chur ar dhálaí oibre agus sábháilteachta i ngníomhaíochtaí talmhaíochta nó próiseála.

▌

_____________

* Rialachán (CE) Uimh. 1217/2009 ón gComhairle an 30 Samhain 2009 lena mbunaítear an Líonra Sonraí um Inbhuanaitheacht Feirme (IO L 328, 15.12.2009, lch. 27, ELI: http://data.europa.eu/eli/reg/2009/1217/oj).’;

‘Ón 8 Nollaig 2023, féadfaidh na táirgeoirí dá dtagraítear i mír 1 tuairim a iarraidh ar an gCoimisiún maidir le comhoiriúnacht comhaontuithe, cinntí agus cleachtas comhbheartaithe dá dtagraítear i mír 1 i ndáil le cur chun feidhme caighdeán inbhuanaitheachta arb é is aidhm dóibh rannchuidiú le ceann amháin nó níos mó de na cuspóirí a leagtar síos i mír 3, pointí (a), (b) agus (c), leis an Airteagal seo.

Ón ... [2 bhliain ó dháta theacht i bhfeidhm an Rialacháin leasaithigh seo], féadfaidh na táirgeoirí dá dtagraítear i mír 1 tuairim a iarraidh ar an gCoimisiún maidir le comhoiriúnacht comhaontuithe, cinntí agus cleachtas comhbheartaithe dá dtagraítear i mír 1 i ndáil le cur chun feidhme caighdeán inbhuanaitheachta arb é is aidhm dóibh rannchuidiú le ceann amháin nó níos mó de na cuspóirí a leagtar síos i mír 3, pointí (d), (e) agus (f), leis an Airteagal seo.

Seolfaidh an Coimisiún a thuairim chuig an iarratasóir laistigh de 4 mhí ó iarraidh fhoriomlán a fháil.

Má chinneann an Coimisiún tráth ar bith i ndiaidh tuairim a eisiúint nach bhfuil na coinníollacha dá dtagraítear i míreanna 1, 3, agus 7 den Airteagal seo á gcomhlíonadh a thuilleadh, dearbhóidh sé go mbeidh feidhm ag Airteagal 101(1) CFAE amach anseo maidir leis an gcomhaontú, an cinneadh nó an cleachtas comhbheartaithe atá i gceist agus cuirfidh sé na táirgeoirí ar an eolas dá réir sin.

Féadfaidh an Coimisiún ábhar tuairime a athrú, ar a thionscnamh féin nó arna sin iarraidh do Bhallstát, go háirithe más rud é gur chuir an t-iarratasóir faisnéis neamhbheacht ar fáil nó má bhain sé mí-úsáid as an tuairim.’;

‘1. Le linn tréimhsí ina mbíonn míchothromaíocht thromchúiseach sna margaí, féadfaidh an Coimisiún gníomhartha cur chun feidhme a ghlacadh a mbeidh sé d’éifeacht acu nach mbeidh feidhm ag Airteagal 101(1) CFAE maidir le comhaontuithe agus cinntí feirmeoirí, comhlachais feirmeoirí nó comhlachais de na comhlachais sin, nó eagraíochtaí aitheanta táirgeoirí, comhlachais eagraíochtaí aitheanta táirgeoirí agus eagraíochtaí aitheanta idirchraoibhe in aon cheann de na hearnálacha dá dtagraítear in Airteagal 1(2) den Rialachán seo, ar choinníoll nach mbainfear, leis na comhaontuithe agus na cinntí sin, an bonn d’fheidhmiú cuí an mhargaidh inmheánaigh, go mbeidh d’aidhm dhocht acu an earnáil lena mbaineann a chobhsú agus go dtiocfaidh siad faoi cheann amháin nó níos mó ná ceann amháin de na catagóirí seo a leanas:(a)tarraingt siar ón margadh nó leithdháileadh saor in aisce a gcuid táirgí;

▌(b)trasfhoirmiú agus próiseáil;(c)stóráil a dhéanann oibreoirí príobháideacha;(d)bearta cur chun cinn comhpháirteacha;(e)comhaontuithe maidir le ceanglais cháilíochta;(f)comhcheannach na n-ionchur is gá chun leathadh lotnaidí agus galar in ainmhithe agus plandaí san Aontas a chosc nó comhcheannach na n-ionchur is gá chun aghaidh a thabhairt ar éifeachtaí tubaistí nádúrtha san Aontas;(g)pleanáil shealadach an táirgthe, lena gcuirtear san áireamh cineál sonrach an timthrialla táirgthe.

I gcás ina nglacfaidh an Coimisiún gníomhartha cur chun feidhme i gcomhréir leis an gcéad fhomhír den mhír seo, féadfaidh sé a chinneadh tacaíocht ón Aontas as an gcúlchiste talmhaíochta dá dtagraítear in Airteagal 16 de Rialachán (AE) 2021/2116 a chur ar fáil do na Ballstáit lena mbaineann. Leis an tacaíocht airgeadais sin soláthrófar na hacmhainní is gá chun go gcuirfidh na hoibreoirí lena mbaineann na comhaontuithe agus na cinntí sin chun feidhme gan mhoill.

Glacfaidh an Coimisiún gníomhartha cur chun feidhme lena sonrófar raon feidhme an mhaolaithe sa chéad fhomhír den mhír seo, agus, faoi réir mhír 3, an tréimhse a mbeidh feidhm ag an maolú ina leith, chomh maith le, i gcás inarb infheidhme, méid an chúlchiste talmhaíochta arna leithdháileadh ar an mBallstát lena mbaineann faoin dara fomhír den mhír seo.

Glacfar na gníomhartha cur chun feidhme sin i gcomhréir leis an nós imeachta scrúdúcháin dá dtagraítear in Airteagal 229(2).’;

‘2. Féadfaidh an Coimisiún a chinneadh cad iad na hearnálacha talmhaíochta astu siúd a liostaítear in Airteagal 1(2) a mbunófar faireachlanna margaidh an Aontais dóibh. Féadfaidh an Coimisiún idirdhealú sonrach a dhéanamh idir táirgeadh orgánach agus táirgeadh neamhorgánach sna faireachlanna sin.’;

‘CUID Ia

Ainmniúcháin feola agus táirgí feola

1.Chun críocha na Coda seo, ciallaíonn ‘feoil’ na codanna inite d’ainmhí a thagann faoi raon feidhme chur i bhfeidhm an Rialacháin seo.

2.Chun críocha na Coda seo, ciallaíonn ‘táirgí feola’ táirgí a fhaightear ó fheoil, ar an tuiscint gur féidir substaintí a theastaíonn chun iad a dhéanamh a chur leo ar choinníoll nach n-úsáidtear na substaintí sin chun iad a chur in ionad, go huile nó go páirteach, aon chomhábhair feola. Ní dochar an méid sin d’úsáid an téarma ‘feoil’ le haghaidh na dtáirgí a chumhdaítear le dlí an Aontais maidir le comheagrú na margaí san iascach agus sa dobharshaothrú.

3.A mhéid a bhaineann leis na táirgí a liostaítear in Iarscríbhinn I a ghabhann le CFAE chomh maith le táirgí bia nach liostaítear san Iarscríbhinn sin, cé is moite de na táirgí a chumhdaítear le dlí an Aontais maidir le comheagrú na margaí san iascach agus sa dobharshaothrú agus maidir le táirgí eile a liostaítear i ngníomh tarmligthe arna ghlacadh faoi Airteagal 78(3), an dara fomhír, den Rialachán seo, forchoimeádfar an téarma ‘feoil’ agus na téarmaí seo a leanas do tháirgí feola agus do tháirgí a bhfuil ainm orthu ina n-úsáidtear na téarmaí seo a leanas i gcomhar le focal nó focail chun an speiceas ainmhithe óna dtionscnaíonn táirge talmhaíochta a ainmniú, ag gach céim den mhargaíocht:(a)mairteoil;(b)laofheoil;(c)muiceoil;(d)éanlaith chlóis;(e)sicín;(f)turcaí;(g)lacha;(h)gé;(i)uaineoil;(j)caoireoil;(k)ainmhithe de mhianach caorach;(l)gabhar;(m)lorga sicín;(n)luan bog;(o)caoldroim;(p)cliathán;(q)luan;(r)easnacha;(s)gualainn;(t)lorga;(u)gríscín;(v)eite;(w)brollach;(x)leis;(y)briscéad;(z)súil easnach;(aa)T-chnámh;(ab)geadán;(ac)bagún;(ad)stéig;(ae)an t-ae.

4.Go háirithe, ní úsáidfear an téarma ‘feoil’ agus na téarmaí a liostaítear i bpointe 3 den Chuid seo chun bia a ainmniú atá déanta de shaothrán cille nó saothrán fíocháin a dhíorthaítear ó ainmhithe, ó phlandaí, ó mhiocrorgánaigh, ó fhungais nó algaí, nó atá ar leithlis uathu nó a tháirgtear astu, de réir bhrí Rialachán (AE) 2015/2283ó Pharlaimint na hEorpa agus ón gComhairle*.

5.Féadfar an téarma ‘feoil’ agus na téarmaí a liostaítear i bpointe 3 a úsáid le chéile chun táirgí feola a ainmniú. Féadfar iad a úsáid freisin i gcomhar le focal nó focail chun táirgí ilchodacha a shainiú, ar táirgí iad nach bhfuil aon chuid díobh ag tógáil ionad aon chomhábhair feola nó nach bhfuil beartaithe ionad comhábhair feola a thógáil agus dá bhfuil feoil nó táirge feola ina chuid bhunriachtanach maidir le cainníocht nó tréithriú an táirge.

▌▌_____________

* Rialachán (AE) 2015/2283 ó Pharlaimint na hEorpa agus ón gComhairle an 25 Samhain 2015 maidir le bianna núíosacha, lena leasaítear Rialachán (AE) Uimh. 1169/2011 ó Pharlaimint na hEorpa agus ón gComhairle agus lena n-aisghairtear Rialachán (CE) Uimh. 258/97 ó Pharlaimint na hEorpa agus ón gComhairle agus Rialachán (CE) Uimh. 1852/2001 ón gCoimisiún (IO L 327, 11.12.2015, lch. 1, ELI: http://data.europa.eu/eli/reg/2015/2283/oj).’;

‘1. Déanfar na conarthaí seachadta i scríbhinn maidir le cainníocht shonrach biatais sula seachadfar é.

2.Féadfaidh fad ilbhliantúil a bheith ag baint leis na conarthaí seachadta. I gcás conarthaí ar faide ná 12 mhí a bhfad íosta, beidh clásal um athbhreithniú iontu a fhéadfaidh an feirmeoir, lena n-áirítear comhlachas feirmeoirí, nó eagraíocht táirgeoirí nó comhlachas eagraíochtaí táirgeoirí a ghníomhachtú.’;

‘Déanfar an praghas a ríomh trí fhachtóirí éagsúla a chur le chéile a leagtar amach sa chonradh, a mbeidh táscairí oibiachtúla, innéacsanna nó modhanna ríofa an phraghais deiridh ar áireamh iontu, atá inrochtana go héasca agus sothuigthe agus a léiríonn athruithe ar dhálaí an mhargaidh agus athruithe ar ghnéithe ábhartha de chostais táirgthe a mbíonn tionchar acu ar luach saothair feirmeoirí, an toirt arna seachadadh agus cáilíocht nó comhshuíomh an bhiatais siúcra arna sheachadadh. Chuige sin, féadfaidh na Ballstáit táscairí a chinneadh, i gcomhréir le critéir oibiachtúla bunaithe ar staidéir arna ndéanamh ar tháirgeadh agus ar shlabhra an tsoláthair bia, nó sonraí oibiachtúla ó fhoinsí amhail eagraíochtaí idirchraoibhe, Faireachlann an Aontais um an slabhra agraibhia (AFCO) nó aon sonraí oibiachtúla ábhartha atá ar fáil á gcur san áireamh. Féadfar na táscairí sin a fhoilsiú ar líne lena n-úsáid i gconarthaí. Beidh cead ag na páirtithe sna conarthaí tagairt a dhéanamh do na táscairí sin nó d’aon táscairí eile ▌ ;’

‘Beidh rialacha is infheidhme i gcás force majeure i gconarthaí seachadta.’;

‘POINTE IXa

‘Féadfaidh na Ballstáit a cheangal ar an ngnóthas siúcra na conarthaí seachadta i scríbhinn a chlárú sula seachadfar an biatas siúcra.’.

‘(e) go margaíonn eagraíochtaí táirgeoirí níos lú ná 20 % den táirgeadh torthaí agus glasraí i mBallstát; déanfar an ráta margaíochta sin a ríomh, le haghaidh gach bliana ar feadh ré cláir oibríochtúil, mar luach an táirgthe torthaí agus glasraí a fuarthas sa Bhallstát lena mbaineann agus a mhargaíonn na heagraíochtaí táirgeoirí a aithnítear faoi Rialachán (AE) Uimh. 1308/2013 le linn tréimhse a chomhfhreagraíonn don tréimhse thagartha a leagtar amach i ngníomhartha tarmligthe arna nglacadh ar bhonn Airteagal 45, pointe (c) (luach na táirgeachta arna margú), arna roinnt ar luach iomlán an táirgthe torthaí agus glasraí a fuarthas sa Bhallstát sin le linn na tréimhse céanna;’;

‘(i) go gcuireann eagraíocht táirgeoirí nó an comhlachas eagraíochtaí táirgeoirí clár oibríochtúil chun feidhme i mBallstát ina bhfuil leibhéal eagrúcháin na dtáirgeoirí in earnáil na dtorthaí agus na nglasraí faoi bhun 10 % le haghaidh 3 bliana as a chéile roimh chur chun feidhme an chláir oibríochtúil; déanfar an leibhéal eagrúcháin a ríomh mar luach na táirgeachta torthaí agus glasraí ▌a fuarthas sa Bhallstát lena mbaineann agus a chuir na heagraíochtaí táirgeoirí nó na comhlachais eagraíochtaí táirgeoirí a aithnítear faoi Rialachán (AE) Uimh. 1308/2013 ar an margadh le linn 3 bliana as a chéile roimh chur chun feidhme an chláir oibríochtúil, arna roinnt ar luach iomlán na táirgeachta torthaí agus glasraí a bhí sa Bhallstát sin le linn na tréimhse céanna;’;

‘5a. Déanfar an teorainn 50 % dá bhforáiltear i mír 1 den Airteagal seo a mhéadú go 70 % i gcás caiteachas a bhaineann leis na cuspóirí dá dtagraítear in Airteagal 46, pointe (a), (b) nó (c), má chomhlíontar na coinníollacha seo a leanas:(a)baineann an caiteachas le hinfheistíochtaí i sócmhainní inláimhsithe agus doláimhsithe dá dtagraítear in Airteagal 47(1), pointe (a), arna ndéanamh ag feirmeoirí óga nó ag feirmeoirí nua a théann isteach den chéad uair in eagraíocht táirgeoirí a aithnítear faoi Rialachán (AE) Uimh. 1308/2013 ▌ ;(b)déantar na hinfheistíochtaí dá dtagraítear i bpointe (a) ag áitreabh feirmeoirí óga nó feirmeoirí nua den sórt sin, mar chuid dá gcéad chlár oibríochtúil nó le linn na 3 bliana tar éis an dáta a chuaigh na feirmeoirí óga nó feirmeoirí nua sin isteach san eagraíocht táirgeoirí. ▌’;

‘7. ▌ Déanfar an teorainn 50 % dá bhforáiltear i mír 1 a mhéadú go 70 % den chaiteachas iarbhír a thabhaítear i mbliain áirithe le haghaidh cláir oibríochtúla a chuirfidh eagraíochtaí táirgeoirí nó comhlachais eagraíochtaí táirgeoirí chun feidhme agus a mbeidh tionchar ag teagmhais dhíobhálacha aeráide, tubaistí nádúrtha, galair plandaí nó inmhíolú lotnaidí a bheidh le sainaithint ag na Ballstáit orthu sa bhliain sin, ar choinníoll nach ndeonófar an méadú ach amháin nuair a sháróidh na caillteanais tairseach 30 % ar a laghad de mheántáirgeacht bhliantúil na heagraíochta táirgeoirí nó an chomhlachais eagraíochtaí táirgeoirí sna 3 bliana roimhe sin, nó meán 3 bliana bunaithe ar an tréimhse 5 bliana roimhe sin, gan an iontráil is airde ná an iontráil is ísle a áireamh. ▌’;

‘4. Déanfar an teorainn 50 % dá bhforáiltear i mír 2 a mhéadú go 70 % den chaiteachas iarbhír a thabhaítear i mbliain áirithe le haghaidh cláir oibríochtúla a chuirfidh eagraíochtaí táirgeoirí nó comhlachais eagraíochtaí táirgeoirí chun feidhme agus a mbeidh tionchar ag teagmhais dhíobhálacha aeráide, tubaistí nádúrtha, galair plandaí nó inmhíolú lotnaidí, a bheidh le sainaithint ag na Ballstáit orthu sa bhliain sin, ar choinníoll nach ndeonófar an méadú ach amháin nuair a sháróidh na caillteanais tairseach 30 % ar a laghad de mheántáirgeacht bhliantúil na heagraíochta táirgeoirí nó an chomhlachais eagraíochtaí táirgeoirí sna 3 bliana roimhe sin, nó meán 3 bliana bunaithe ar an tréimhse 5 bliana roimhe sin, gan an iontráil is airde ná an iontráil is ísle a áireamh.’;

‘(e) 70 % den chaiteachas iarbhír a thabhaítear i mbliain áirithe le haghaidh cláir oibríochtúla a chuirfidh eagraíochtaí táirgeoirí nó comhlachais eagraíochtaí táirgeoirí chun feidhme agus a mbeidh tionchar ag teagmhais dhíobhálacha aeráide, tubaistí nádúrtha, galair plandaí nó inmhíolú lotnaidí a bheidh le sainaithint ag na Ballstáit orthu sa bhliain sin, ar choinníoll nach ndeonófar an méadú ach amháin nuair a sháróidh na caillteanais tairseach 30 % ar a laghad de mheántáirgeacht bhliantúil na heagraíochta táirgeoirí nó an chomhlachais eagraíochtaí táirgeoirí sna 3 bliana roimhe sin, nó meán 3 bliana bunaithe ar an tréimhse 5 bliana roimhe sin, gan an iontráil is airde ná an iontráil is ísle a áireamh.’;

‘2a. Beidh feidhm mutatis mutandis ag Airteagal 52(3), pointí (a) go (d), (f), (g) agus (h) agus Airteagal 52(5a) agus (7).’;

‘7. Ó 1 Eanáir 2025, féadfaidh na Ballstáit na cinntí uathu dá dtagraítear i mír 6 den Airteagal seo a athbhreithniú mar chuid d’iarraidh ar a bPlean Straitéiseach CBT a leasú arna dhéanamh i gcomhréir le hAirteagal 119 agus féadfaidh siad a chinneadh suas le 6 % dá leithdháiltí a úsáid le haghaidh íocaíochtaí díreacha arna leagan amach in Iarscríbhinn V, i gcás inarb ábhartha, tar éis na leithdháiltí le haghaidh cadáis a asbhaint arna leagan amach in Iarscríbhinn VIII, le haghaidh cineálacha idirghabhála in earnálacha eile dá dtagraítear i dTeideal III, Caibidil III, Roinn 7.

An méid a chomhfhreagraíonn do chéatadán leithdháiltí na mBallstát le haghaidh íocaíochtaí díreacha dá dtagraítear sa chéad fhomhír den mhír seo agus a úsáidtear le haghaidh cineálacha idirghabhála in earnálacha eile le linn bliain áirithe airgeadais, measfar gur leithdháiltí na mBallstát iad in aghaidh na bliana airgeadais le haghaidh cineálacha idirghabhála in earnálacha eile.’.

‘(b) bearta eisceachtúla faoi Airteagail 219, 220, 221 agus 222 de Rialachán (AE) Uimh. 1308/2013.’.