TAR ÉIS AN RIALACHÁN SEO A GHLACADH:Caibidil IFORÁLACHA GINEARÁLTA

Airteagal 1Ábhar1.Bunaítear leis an Rialachán seo comhchóras chun náisiúnaigh tríú tír atá ag fanacht go neamhdhleathach ar chríoch na mBallstát a fhilleadh go héifeachtach, i gcomhréir le cearta bunúsacha a aithnítear ▌ sa Chairt um Chearta Bunúsacha an Aontais Eorpaigh (‘an Chairt’) agus le prionsabail ghinearálta dhlí an Aontais, chomh maith le hoibleagáidí idirnáisiúnta is infheidhme ▌ lena n-áirítear oibleagáidí maidir le ▌ cearta an duine.2.Is é is cuspóir don Rialachán seo é a chur ar a gcumas do na Ballstáit na bearta uile is gá a dhéanamh chun filleadh ▌ éifeachtach ▌ a áirithiú, agus an cur chuige cuimsitheach a leagtar amach in Airteagal 3, Airteagal 4, pointe (h), agus Airteagal 5, pointe (e), de Rialachán (AE) 2024/1351 á chur san áireamh.

Airteagal 2Raon Feidhme1.Tá feidhm ag an Rialachán seo maidir le náisiúnaigh tríú tír atá ag fanacht go neamhdhleathach ar chríoch na mBallstát.2.Ní bheidh feidhm ag an Rialachán seo maidir le daoine a bhfuil ceart chun saorghluaiseachta acu faoi dhlí an Aontais, mar a shainmhínítear in Airteagal 2, pointe (5), de Rialachán (AE) 2016/399.3. Tá an Rialachán seo gan dochar d’fhorálacha Rialacháin (AE) 2024/1351, 2024/1348 agus 2024/1349.4. Gan dochar do mhír 5 den Airteagal seo, ní bheidh feidhm ag an Rialachán seo maidir le náisiúnaigh tríú tír:(a) atá faoi réir diúltú cead isteach ag teorainneacha seachtracha i gcomhréir le hAirteagal 14 de Rialachán (AE) 2016/399 Rialachán (AE) 2016/399 ó Pharlaimint na hEorpa agus ón gComhairle an 9 Márta 2016 maidir le Cód an Aontais maidir leis na rialacha lena rialaítear gluaiseacht daoine thar theorainneacha (Cód Teorainneacha Schengen) (codú) (IO L 77, 23.3.2016, lch. 1, ELI: http://data.europa.eu/eli/reg/2016/399/oj). nó i gcomhréir leis an dlí náisiúnta coibhéiseach i gcás na mBallstát sin nach bhfuil faoi cheangal ag an Rialachán sin;(b) arna ngabháil nó arna n-idircheapadh ag na húdaráis inniúla i dtaca le teorainn sheachtrach Ballstáit a thrasnú go neamhdhleathach ar tír, ar muir nó san aer agus gan údarú ná ceart a bheith faighte acu fanacht sa Bhallstát sin ina dhiaidh sin;(c) atá faoi réir filleadh mar smachtbhanna dlí choiriúil nó mar thoradh ar smachtbhanna dlí choiriúil, de réir an dlí náisiúnta;(d) atá faoi réir nós imeachta eiseachadta.5. Féadfaidh Ballstát a chinneadh an Rialachán seo a chur i bhfeidhm maidir le ceann amháin nó níos mó de na catagóirí náisiúnach tríú tír dá dtagraítear i mír 4, pointí (a), (b) agus (c). Sna cásanna sin, beidh feidhm ag an Rialachán seo maidir leis na catagóirí náisiúnach tríú tír sin ón dáta a thabharfaidh an Ballstát fógra faoina chinneadh do na Ballstáit eile agus don Choimisiún.6. Nuair a chinnfidh Ballstát an Rialachán seo a chur i bhfeidhm maidir le náisiúnaigh tríú tír atá faoi réir filleadh mar smachtbhanna dlí choiriúil, ní bheidh feidhm ag Airteagail 7, 9 agus 10.7. Maidir le náisiúnaigh tríú tír arna n-eisiamh ó raon feidhme an Rialacháin seo i gcomhréir le mír 4, pointí (a) agus (b), áiritheoidh na Ballstáit nach lú fabhar a gcóireála agus a leibhéil cosanta ná mar a leagtar amach in Airteagal 12(4) agus (5), Airteagal 14(2), Airteagal 14(6), pointí (c) agus (e), Airteagal 34(1) go (6) agus Airteagal 35 agus urramóidh siad prionsabal an non‑refoulement.2b. Tá feidhm ag an Rialachán seo gan dochar do dhlí coiriúil náisiúnta na mBallstát, agus go háirithe d’fhorálacha lena leagtar síos pionóis choiriúla atá éifeachtach, comhréireach agus athchomhairleach, lena n-áirítear príosúnacht, i ndáil le fanacht neamhdhleathach, ar choinníoll nach gcuireann an nós imeachta coiriúil agus cur i bhfeidhm na bpionós sin baint amach na bhfillteacha éifeachtacha i mbaol.▌

Airteagal 4SainmhínitheChun críocha an Rialacháin seo, beidh feidhm ag na sainmhínithe seo a leanas:(1)ciallaíonn ‘náisiúnach tríú tír’ aon duine nach saoránach den Aontas é de réir bhrí Airteagal 20 den Chonradh ar Fheidhmiú an Aontais Eorpaigh agus ar duine é nach bhfuil an ceart chun saorghluaiseachta aige faoi dhlí an Aontais, mar a shainmhínítear in Airteagal 2, pointe 5, de Rialachán (AE) 2016/399;(2)ciallaíonn ‘fanacht neamhdhleathach’ náisiúnach tríú tír a bheith i láthair ar chríoch Ballstáit, ar náisiúnach tríú tír é nach gcomhlíonann, nó nach gcomhlíonann a thuilleadh, na coinníollacha maidir le dul isteach a leagtar amach in Airteagal 6 de Rialachán (AE) 2016/399 ná coinníollacha coibhéiseacha a bhaineann le dul isteach, fanacht nó cónaí sa Bhallstát sin i gcomhréir leis an dlí náisiúnta i gcás na mBallstát nach bhfuil faoi cheangal ag an Rialachán sin ach atá rannpháirteach sa Rialachán seo;(3)ciallaíonn ‘tír a mbeifear ag filleadh uirthi’ ceann díobh seo a leanas:(a)tríú tír arb í tír thionscnaimh an náisiúnaigh tríú tír í;(b)tríú tír arb í an tír ina bhfuil gnáthchónaí foirmiúil ar an náisiúnach tríú tír í;(c)tríú tír idirthurais ar an mbealach chuig an Aontas i gcomhréir le comhaontuithe nó socruithe an Aontais nó na mBallstát maidir le hathligean isteach;(d)tríú tír, seachas an tír dá dtagraítear i bpointí (a) agus (b), ina bhfuil sé de cheart ag an náisiúnach tríú tír dul isteach agus cónaí;(e)tríú tír shábháilte ar diúltaíodh iarratas ar chosaint idirnáisiúnta náisiúnaigh tríú tír ina leith toisc é a bheith neamh-inghlactha, de bhun Airteagal 59(8) de Rialachán (AE) 2024/1348 nó, i gcás na mBallstát sin nach bhfuil faoi cheangal ag an Rialachán sin, i gcomhréir leis na forálacha comhfhreagracha a d’fhéadfadh a bheith tugtha isteach acu ina ndlí náisiúnta;(f)an chéad tír tearmainn ar diúltaíodh iarratas ar chosaint idirnáisiúnta náisiúnaigh tríú tír ina leith toisc é a bheith neamh‑inghlactha, de bhun Airteagal 58(4) de Rialachán (AE) 2024/1348 nó, i gcás na mBallstát sin nach bhfuil faoi cheangal ag an Rialachán sin, i gcomhréir leis na forálacha comhfhreagracha a d’fhéadfadh a bheith tugtha isteach acu ina ndlí náisiúnta;(g)tríú tír, seachas na cinn dá dtagraítear i bpointí (a), (b) nó (d), lena bhfuil comhaontú nó socrú ann ar ar a bhonn a ghlactar leis an náisiúnach tríú tír, i gcomhréir le hAirteagal 17 den Rialachán seo.(4)ciallaíonn ‘cinneadh um fhilleadh’ gníomh nó cinneadh riaracháin nó breithiúnach ina shonraítear nó ina ndearbhaítear go bhfuil fanacht náisiúnaigh tríú tír neamhdhleathach agus lena bhforchuirtear oibleagáid air an tAontas Eorpach a fhágáil nó ina shonraítear go bhfuil oibleagáid air nó uirthi críoch na mBallstát a fhágáil;(4a) ciallaíonn ‘filleadh’ na gníomhaíochtaí trína bhfuil náisiúnach tríú tír atá ag fanacht go neamhdhleathach:(a) ag filleadh go deonach, faoi mar a thagraítear i bpointe 6 dó; or (b) á aistriú ag na húdaráis inniúla amach as na Ballstáit agus chuig ceann de na tíortha a mbeifear ag filleadh orthu a shainítear sa chinneadh lena n-ordaítear an t-aistriú nó, de réir mar is infheidhme, sa chinneadh um fhilleadh.(4b) ciallaíonn ‘cinneadh lena n-ordaítear an t-aistriú’ gníomh nó cinneadh riaracháin nó breithiúnach lena sonraítear nó lena ndearbhaítear gur féidir an náisiúnach tríú tír a aistriú chuig tír amháin nó níos mó a mbeifear ag filleadh uirthi nó orthu, faoi mar a thagraítear i bpointe 3 dóibh;(5)ciallaíonn ‘aistriú’ forfheidhmiú an chinnidh um fhilleadh nó an chinnidh lena n-ordaítear an t-aistriú ag na húdaráis inniúla trí ▌ iompar fisiciúil amach as ▌ na Ballstáit chuig tír a mbeifear ag filleadh uirthi;(6)ciallaíonn ‘filleadh deonach’ imeacht as críoch na mBallstát as a stuaim féin, le cúnamh nó gan chúnamh, agus gan dul i muinín aistriú, ag náisiúnach tríú tír atá ag fanacht go neamhdhleathach a chomhlíonann an oibleagáid imeacht laistigh den tréimhse le haghaidh imeacht deonach a leagtar amach sa chinneadh um fhilleadh nó tar éis dhul in éag na tréimhse sin;(7)ciallaíonn ‘éalú’ an ghníomhaíocht nach leanann an náisiúnach tríú tír de bheith ar fáil do na húdaráis inniúla riaracháin nó bhreithiúnacha▌; (8)ciallaíonn ‘toirmeasc ar dhul isteach’ cinneadh nó gníomh riaracháin nó breithiúnach lena gcuirtear toirmeasc ar dhul isteach agus ar fhanacht ar chríoch na mBallstát▌;▌(11)ciallaíonn ‘oibríocht um fhilleadh’ oibríocht arna heagrú nó arna comhordú ag údarás inniúil nó a fhaigheann tacaíocht ón nGníomhaireacht Eorpach um an nGarda Teorann agus Cósta (‘Frontex’), lena bhfilleann náisiúnaigh tríú tír ó Bhallstát amháin nó níos mó;

Airteagal 5Cearta bunúsachaAgus an Rialachán seo á chur i bhfeidhm, déanfaidh na Ballstáit a gcuid cúraimí a chomhall agus dlí ábhartha an Aontais á chomhlíonadh go hiomlán acu, lena n-áirítear an Chairt, an dlí idirnáisiúnta ábhartha, na hoibleagáidí a bhaineann le rochtain ar chosaint idirnáisiúnta, prionsabal an non-refoulement, agus cearta bunúsacha.

Caibidil IINÓS IMEACHTA UM FHILLEADH▌Roinn 2Nós imeachta lena n‑ordaítear filleadh

Airteagal 7Cinneadh um fhilleadh▌1.Eiseoidh údaráis inniúla na mBallstát cinneadh um fhilleadh d’aon náisiúnach tríú tír atá ag fanacht go neamhdhleathach ar a gcríoch ina luaitear nó ina bhforchuirtear an oibleagáid críoch na mBallstát a fhágáil ▌.1a. Cuirfear in iúl sna cinntí um fhilleadh:(a) tréimhse imeachta, nach faide ná 30 lá, ar roimh dheireadh na tréimhse sin a fhágfaidh an náisiúnach tríú tír críoch na mBallstát ar a dhéanaí; or (b) nach mór don náisiúnach tríú tír críoch na mBallstát a fhágáil láithreach. Féadfar an tréimhse imeachta dá dtagraítear i bhfomhír (a) a ghiorrú agus a shonrú a thuilleadh sa dlí náisiúnta.Féadfaidh na Ballstáit a leagan síos ina ndlí náisiúnta na cásanna ina ndeonófar tréimhse le haghaidh imeacht deonach do náisiúnach tríú tír nó ina n-ordófar dó fágáil láithreach.1b. Féadfaidh na húdaráis inniúla foráil a dhéanamh maidir le tréimhse imeachta de bhun mhír 1a is faide ná 30 lá agus aird chuí á tabhairt ar imthosca sonracha an cháis aonair.1c. Féadfaidh na húdaráis inniúla síneadh a chur leis an tréimhse imeachta de bhun mhír 1a agus aird chuí á tabhairt ar imthosca sonracha an cháis aonair, go háirithe rannpháirtíocht i gclár lena dtacaítear le filleadh agus ath-imeascadh de bhun Airteagal 46(3) agus comhlíonadh na hoibleagáide maidir le comhoibriú mar a leagtar amach in Airteagal 21 í. 1d. Féadfaidh na húdaráis inniúla an tréimhse imeachta de bhun mhír 1a a ghiorrú i gcás neamhchomhlíonadh na hoibleagáide maidir le comhoibriú mar a leagtar amach in Airteagal 21 í.1e. Déanfar an tréimhse imeachta a chomhaireamh ó dháta mar a shainmhínítear faoin dlí náisiúnta. 2.Eiseofar an cinneadh um fhilleadh i scríbhinn agus tabharfar cúiseanna de réir fíorais agus an dlí. Cuirfear an náisiúnach tríú tír ar an eolas faoi leigheasanna dlí agus teorainneacha ama atá ar fáil chun na leigheasanna sin a lorg. Tabharfar fógra faoin gcinneadh um fhilleadh don náisiúnach tríú tír a luaithe is féidir i gcomhréir le dlí náisiúnta an Bhallstáit lena mbaineann. I gcás nach eol cá bhfuil an náisiúnach tríú tír, tabharfar fógra cuí faoin gcinneadh um fhilleadh i gcomhréir leis an dlí náisiúnta.3.Féadfaidh na húdaráis inniúla a chinneadh gan an fhaisnéis a sholáthar nó féadfaidh siad a chinneadh teorainn a chur léi ar chúiseanna fíorasacha, i gcás ina bhforáiltear leis an dlí náisiúnta go gcuirfear srian leis an gceart chun faisnéise nó i gcás inar gá sin chun an t-ord poiblí, an tslándáil phoiblí nó an tslándáil náisiúnta a choimirciú agus chun cionta coiriúla a chosc, a imscrúdú, a bhrath agus a ionchúiseamh. Sna cásanna sin, cuirfear an náisiúnach tríú tír ar an eolas faoi bhunbhrí na bhforas ar a ndéantar cinneadh um fhilleadh chun rochtain a fháil ar leigheas éifeachtach. Ní áirítear leis an oibleagáid an náisiúnach tríú tír a chur ar an eolas faoi bhunghnéithe na bhforas oibleagáid aon fhaisnéis rúnaicmithe a nochtadh.4.Féadfar an tír nó na tíortha a mbeifear ag filleadh uirthi nó orthu a chinneadh sa chinneadh um fhilleadh nó de bhun Airteagal 12 (2a) sula ndéanfar an t-aistriú. I gcás ina gcinneann an náisiúnach tríú tír filleadh go deonach ar thír eile a mbeifear ag filleadh uirthi seachas an tír nó na tíortha a luaitear sa chinneadh um fhilleadh, ní gá cinneadh nua a eisiúint lena gcinnfear an tír a mbeifear ag filleadh uirthi.4b. Ní chuirfear cosc ar údaráis inniúla cinneadh um fhilleadh a eisiúint i gcás ina gcuirtear bac ar aistriú. I gcás inar cinneadh an tír a mbeifear ag filleadh uirthi sa chinneadh um fhilleadh agus inar sainaithníodh riosca refoulement, cuirfear siar an t-aistriú chuig an tír sin i gcomhréir le hAirteagal 14, mír 1, pointe (a).5.Soláthrófar don náisiúnach tríú tír, arna iarraidh sin, aistriúchán i scríbhinn nó ó bhéal ar phríomheilimintí an chinnidh um fhilleadh ▌, lena n-áirítear faisnéis faoi na leigheasanna dlí atá ar fáil i dteanga a thuigeann an náisiúnach tríú tír nó ar féidir glacadh leis ar bhonn réasúnach go dtuigeann sé í. Chun na críche sin, féadfaidh na húdaráis inniúla, i gcás inarb iomchuí, úsáid a bhaint as teimpléid chaighdeánaithe aistriúcháin nó as uirlisí aistriúcháin meaisínchuidithe nó meaisínghinte.6.Eiseofar an cinneadh um fhilleadh ▌ sa ghníomh céanna nó i ngníomh ar leith ag an am céanna agus in éineacht leis an gcinneadh lena gcuirtear deireadh le fanacht dleathach náisiúnaigh tríú tír gan moill mhíchuí ina dhiaidh sin, agus gan difear a dhéanamh do na coimircí nós imeachta dá bhforáiltear faoi Chaibidil IV agus faoi fhorálacha ábhartha eile de dhlí an Aontais agus den dlí idirnáisiúnta.7.Ar eisiúint an chinnidh um fhilleadh, féadfaidh na Ballstáit úsáid a bhaint as an bhfoirm (‘Ordú Eorpach um Fhilleadh’) arna bunú de bhun mhír 8. Áireofar san fhoirm príomhghnéithe an chinnidh um fhilleadh, agus i gcás inarb ábhartha, príomhghnéithe an chinnidh lena n-ordaítear an t-aistriú, agus cuirfear ar fáil í trí Chóras Faisnéise Schengen i gcomhréir le Rialachán (AE) 2018/1860 ▌.8.Glacfaidh an Coimisiún, 6 mhí ar a dhéanaí tar éis theacht i bhfeidhm an Rialacháin seo, gníomh cur chun feidhme chun foirm an Ordaithe Eorpaigh um Fhilleadh dá dtagraítear i mír 7 a bhunú. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 49(2).9.Ar a dhéanaí, tríd an ngníomh cur chun feidhme dá dtagraítear i mír 8 a ghlacadh, tosóidh na Ballstáit, an Coimisiún agus gníomhaireachtaí ábhartha an Aontais, amhail eu-LISA, ar na socruithe dlíthiúla agus teicniúla is gá a chur i bhfeidhm, faoi seach, chun an tOrdú Eorpach um Fhilleadh a chur ar fáil trí Chóras Faisnéise Schengen, chun comhlíonadh na hoibleagáide i mír 7 a éascú. Tacóidh an Coimisiún agus gníomhaireachtaí ábhartha an Aontais, amhail eu-LISA, leis na Ballstáit, de réir mar is iomchuí.9a. Ar a dhéanaí faoin dáta teacht i bhfeidhm dá dtagraítear in Airteagal 52(3) den Rialachán seo, déanfaidh an Coimisiún agus gníomhaireachtaí ábhartha an Aontais, amhail eu-LISA, bearta a chur chun feidhme chun a áirithiú go bhféadfar an tOrdú Eorpach um Fhilleadh a láimhseáil go huathoibríoch d’fhonn cur i bhfeidhm Airteagal 9 a dhéanamh níos éifeachtúla.9b. Tabharfaidh na Ballstáit fógra don Choimisiún faoi na socruithe dlíthiúla agus teicniúla is gá arna gcur i bhfeidhm chun an oibleagáid a luaitear i mír 7 a chomhlíonadh ar a dhéanaí faoin dáta teacht i bhfeidhm dá dtagraítear in Airteagal 52(3) den Rialachán seo.▌

Airteagal 8Eisceachtaí ón oibleagáid cinneadh um fhilleadh a eisiúint1.Féadfaidh údaráis na mBallstát inniúil cinneadh a dhéanamh gan cinneadh um fhilleadh a eisiúint i gceann amháin de na cásanna seo a leanas maidir leis an náisiúnach tríú tír:(a)i gcás ina n-aistrítear an náisiúnach tríú tír chuig Ballstát eile i gcomhréir leis an nós imeachta dá bhforáiltear in Airteagal 23a de Rialachán (AE) 2016/399;(b)i gcás ina n-aistrítear an náisiúnach tríú tír chuig Ballstát eile de bhun comhaontuithe nó socruithe déthaobhacha nó bunaithe ar chomhar idir na Ballstáit i gcomhréir le hAirteagal 44;(c)i gcás inar duine é an náisiúnach tríú tír a dtugtar fanacht neamhdhleathach an duine sin faoi deara maidir le seiceálacha teorann a dhéantar ar imeacht ag an teorainn sheachtrach i gcomhréir le hAirteagal 8 de Rialachán (AE) 2016/399 nó seiceálacha coibhéiseacha arna ndéanamh i gcomhréir leis an dlí náisiúnta i gcás na mBallstát nach bhfuil faoi cheangal ag an Rialachán sin, lena seachnaítear, a mhéid is féidir, imeacht an náisiúnaigh tríú tír lena mbaineann a chur siar.2.Ní eiseofar cinneadh um fhilleadh i gcásanna ina bhfuil cead cónaithe bailí, víosa fadfhanachta nó údarú eile a thugann ceart fanachta, arna eisiúint ag Ballstát eile▌. 3.I gcásanna dá dtagraítear i mír 2, ceanglóidh an Ballstát ar an náisiúnach tríú tír dul chuig críoch an Bhallstáit eile sin láithreach. I gcás nach gcomhlíonann an náisiúnach tríú tír an méid sin, nó i gcás inar gá don náisiúnach tríú tír imeacht láithreach ar chúiseanna a bhaineann leis an mbeartas poiblí, leis an tslándáil phoiblí nó leis an tslándáil náisiúnta, féadfaidh na Ballstáit comhar a iarraidh ar na Ballstáit eile de bhun Airteagal 44 nó cinneadh um fhilleadh a eisiúint i gcomhréir le hAirteagal 7.4.Ní eiseofar cinneadh um fhilleadh i gcásanna ina bhfuil ▌ an nós imeachta ▌ in Airteagal 9 i bhfeidhm.

Airteagal 9Aithint agus forfheidhmiú cinntí um fhilleadh ag Ballstát eile1.Féadfaidh an Ballstát ina bhfuil an náisiúnach tríú tír ag fanacht go neamhdhleathach (‘an Ballstát forfheidhmiúcháin’) aitheantas a thabhairt do chinneadh in‑fhorfheidhmithe um fhilleadh agus, i gcás inarb ábhartha, cinneadh lena n-ordaítear an t-aistriú, arna n-eisiúint chuig an náisiúnach tríú tír sin ag Ballstát eile (‘an Ballstát eisiúna’) de bhun Airteagal 7(1) agus 12(2), agus an cinneadh sin a fhorfheidhmiú. Bunófar an forfheidhmiú ar an bhfaisnéis atá ar fáil san Ordú Eorpach um Fhilleadh dá dtagraítear in Airteagal 7(7) agus déanfar é i gcomhréir leis na rialacha agus na nósanna imeachta náisiúnta de bhun Airteagal 12.2.▌ Ní bheidh sé de cheangal ar na Ballstáit cinntí nó gníomhartha riaracháin a dhéanamh chun críocha aitheantais. Ní gá gur i bhfoirm ▌ nós imeachta ▌ riaracháin a bheadh an t-aitheantas.▌5.I gcás nach ndéanfaidh Ballstát cinneadh um fhilleadh nó cinneadh lena n-ordaítear an t-aistriú a aithint nó a fhorfheidhmiú de bhun mhír 1 ▌, eiseoidh an Ballstát sin cinneadh um fhilleadh faoi réir choinníollacha Airteagal 7 nó cinneadh lena n-ordaítear an t-aistriú de bhun Airteagal 12(2).6.I gcás ina ndéanann Ballstát cinneadh um fhilleadh nó cinneadh lena n-ordaítear an t-aistriú a aithint nó a fhorfheidhmiú de bhun mhír 1, cuirfidh sé an t-aistriú ar fionraí i gcás ina gcuirtear éifeachtaí an chinnidh um fhilleadh nó an chinnidh lena n-ordaítear an t-aistriú sa Bhallstát eisiúna ar fionraí, agus féadfaidh sé cinneadh um fhilleadh a eisiúint i gcomhréir le coinníollacha Airteagal 7.7.I gcás ina ndéanann an Ballstát eisiúna an cinneadh um fhilleadh a chur ar fionraí nó a tharraingt siar nó i gcás ina ndéanann údarás▌ riaracháin, nó cúirt nó binse, an cinneadh um fhilleadh a neamhniú, eiseoidh an Ballstát forfheidhmiúcháin cinneadh um fhilleadh faoi réir choinníollacha Airteagal 7.8.Déanfaidh an Ballstát eisiúna na sonraí agus na doiciméid uile atá ar fáil is gá chun críche fillidh nó aistrithe a sholáthar ▌ don Bhallstát forfheidhmiúcháin, arna iarraidh sin dó, i gcomhréir le Rialachán (AE) 2018/1860 ▌.▌9a. Tá cur i bhfeidhm Airteagal 9 gan dochar d’úsáid na n-eisceachtaí a leagtar amach in Airteagal 8.11. Tosóidh na Ballstáit, trí ghlacadh an ghnímh cur chun feidhme dá dtagraítear in Airteagal 7(8), ar réamhbhearta a chur i bhfeidhm trína bhféadfaí cinntí um fhilleadh nó cinntí lena n-ordaítear an t‑aistriú arna n-eisiúint ag Ballstát eile a aithint, lena n-áirítear, i gcás inarb ábhartha, socruithe dlíthiúla agus teicniúla ina gcórais náisiúnta, athruithe ar chórais náisiúnta TF, oiliúint ábhartha, agus gníomhaíochtaí treoirthionscadail.12. Faoi dhá bhliain tar éis an dáta teacht i bhfeidhm dá dtagraítear in Airteagal 52(3) den Rialachán seo, déanfaidh an Coimisiún measúnú ar chur chun feidhme an aitheantais fhrithpháirtigh faoi mhír 1 den Airteagal seo, go háirithe maidir leis an méid seo a leanas:(a) an bhfuil na socruithe dlíthiúla agus teicniúla lena gcuirtear an tOrdú Eorpach um Fhilleadh ar fáil trí Chóras Faisnéise Schengen de bhun Airteagal 7(7) curtha i bhfeidhm ag na Ballstáit agus an bhfuil siad éifeachtach;(b) an bhfuil na socruithe dlíthiúla agus teicniúla curtha i bhfeidhm ag na Ballstáit chun a áirithiú gur féidir an tOrdú Eorpach um Fhilleadh a láimhseáil go huathoibríoch de bhun Airteagal 7(9);(c) a éifeachtaí atá sé na cinntí um fhilleadh agus na cinntí lena n-ordaítear an t-aistriú a aithint agus fhorfheidhmiú;(d) an t-ualach a chuirtear ar chórais náisiúnta bhreithiúnacha agus riaracháin mar thoradh air sin, agus(e) torthaí na hoiliúna ábhartha agus na ngníomhaíochtaí treoirthionscadail.13. Bunaithe ar an measúnú dá dtagraítear i mír 12, tíolacfaidh an Coimisiún, de réir mar is iomchuí, tograí reachtacha, lena n-áirítear aon leasú spriocdhírithe chun filleadh éifeachtach a áirithiú, d’fhonn aitheantas agus forfheidhmiú éigeantach a thabhairt isteach i gcás cinntí in‑fhorfheidhmithe um fhilleadh agus cinntí lena n-ordaítear an t-aistriú arna n-eisiúint ag Ballstát eile. I gcás nach dtíolacfaidh an Coimisiún togra, míneoidh sé na cúiseanna atá leis sin.

Roinn 3Toirmeasc ar dhul isteach

Airteagal 10Toirmeasc ar dhul isteach a eisiúint1.Beidh toirmeasc ar dhul isteach ag gabháil le cinntí um fhilleadh sna cásanna seo a leanas:(a)nuair atá an náisiúnach tríú tír faoi réir aistriú i gcomhréir le hAirteagal 12;(b)nuair nár comhlíonadh an oibleagáid críoch na mBallstát a fhágáil laistigh de na teorainneacha ama a socraíodh i gcomhréir le hAirteagal 7, míreanna 1a-1c;(c)nuair atá riosca slándála ag baint leis an náisiúnach tríú tír i gcomhréir le hAirteagal 16.2.I gcásanna seachas na cásanna sin a liostaítear i mír 1, féadfaidh na húdaráis inniúla ▌ toirmeasc ar dhul isteach a chur le cinneadh um fhilleadh nó le cinneadh lena n-ordaítear an t-aistriú, agus na himthosca ábhartha á gcur san áireamh, go háirithe leibhéal comhair an náisiúnaigh tríú tír.3.Eiseofar an toirmeasc ar dhul isteach mar chuid den chinneadh um fhilleadh nó mar chuid den chinneadh lena n-ordaítear an t-aistriú nó eiseofar i scríbhinn ar leithligh é. Tabharfar fógra faoin toirmeasc ar dhul isteach don náisiúnach tríú tír i dteanga a thuigeann an náisiúnach tríú tír nó i dteanga a bhféadfaí glacadh leis le réasún go dtuigfeadh an náisiúnach tríú tír í. Chun na críche sin, féadfaidh na húdaráis inniúla, i gcás inarb iomchuí, úsáid a bhaint as teimpléid chaighdeánaithe aistriúcháin nó as uirlisí aistriúcháin meaisínchuidithe nó meaisínghinte. 4.Féadfaidh na húdaráis inniúla toirmeasc ar dhul isteach a fhorchur gan cinneadh um fhilleadh a eisiúint do náisiúnach tríú tír a bhí ag fanacht go neamhdhleathach ar chríoch na mBallstát agus a dtugtar fanacht neamhdhleathach an náisiúnaigh sin faoi deara le linn seiceálacha teorann arna ndéanamh ar imeacht dó i gcomhréir le hAirteagal 8 de Rialachán (AE) 2016/399, nó seiceálacha coibhéiseacha i gcomhréir leis an dlí náisiúnta i gcás na mBallstát nach bhfuil faoi cheangal ag an Rialachán sin. Sna cásanna sin, féadfar an toirmeasc ar dhul isteach a fhorchur agus fógra a thabhairt faoi tar éis don náisiúnach tríú tír imeacht ó chríoch na mBallstát agus á sheachaint a mhéid is féidir imeacht an náisiúnaigh tríú tír lena mbaineann a chur siar.4a. I gcás ina bhfágfaidh náisiúnach tríú tír a bhí ag fanacht go neamhdhleathach críoch na mBallstát sula n-eiseofar cinneadh um fhilleadh, féadfaidh na húdaráis inniúla toirmeasc ar dhul isteach a fhorchur gan cinneadh um fhilleadh a eisiúint.4b. I gcás ina dtiocfaidh forais chun cinn ar a bhféadfaí toirmeasc ar dhul isteach a eisiúint tar éis cinneadh um fhilleadh a bheith eisithe, féadfaidh na húdaráis inniúla toirmeasc ar dhul isteach a fhorchur gan cinneadh nua um fhilleadh a eisiúint.5.Féadfaidh na húdaráis inniúla staonadh ó thoirmeasc ar dhul isteach a eisiúint i gcásanna aonair ar chúiseanna daonnúla, más íospartach gáinneála ar dhaoine é an náisiúnach tríú tír, nó má chomhoibríonn an náisiúnach tríú tír go cuí leis na húdaráis inniúla, lena n-áirítear trí chlárú i gclár um fhilleadh agus ath‑imeascadh.6.Cinnfear fad an toirmisc ar dhul isteach agus aird chuí á tabhairt ar imthosca ábhartha uile an cháis aonair ar feadh 10 mbliana ar a mhéad. Gan dochar d’Airteagal 16(3)(a), féadfar toirmeasc ar dhul isteach a eisiúint ar feadh 20 bliain ar a mhéad ar chúiseanna cuí-réasúnaithe aon uair a mheastar gur gá sin chun cosc a chur ar an náisiúnach tríú tír dul isteach ar chríoch na mBallstát. ▌8.Tosóidh tréimhse an toirmisc ar dhul isteach ón dáta a fhágfaidh an náisiúnach tríú tír críoch na mBallstát.

Airteagal 11Fad toirmisc ar dhul isteach a tharraingt siar, a chur ar fionraí nó a ghiorrú1.Féadfaidh an Ballstát eisiúna toirmeasc ar dhul isteach a tharraingt siar, a chur ar fionraí nó a fhad a ghiorrú i gcás ina léiríonn an náisiúnach tríú tír go bhfuil sé nó sí tar éis filleadh go deonach, gan dochar do mhíreanna 2 agus 3.▌2.Féadfaidh an t-údarás inniúil, de réir mar a mheasann sé a bheith iomchuí, toirmeasc ar dhul isteach a tharraingt siar, a chur ar fionraí nó a fhad a ghiorrú i gcásanna aonair a bhfuil údar leo, lena n-áirítear ar chúiseanna daonnúla, agus na himthosca ábhartha uile á gcur san áireamh, gan dochar do mhír 3. 3.Féadfaidh an náisiúnach tríú tír iarraidh a bhfuil údar cuí léi a chur isteach maidir le toirmeasc ar dhul isteach a tharraingt siar, a chur ar fionraí nó a ghiorrú, ar choinníoll gur imigh an náisiúnach tríú tír ón gcríoch, gan dochar do mhír 4.4. Náisiúnach tríú tír, ar eisíodh toirmeasc ar dhul isteach is faide ná 10 mbliana ina leith i gcomhréir le hAirteagal 10(6) nó Airteagal 16(3)(a), féadfaidh an duine sin, 10 mbliana tar éis dó nó di na Ballstáit a fhágáil, a iarraidh ar an mBallstát eisiúna a athbhreithniú an bhfuil an toirmeasc ar dhul isteach le tarraingt siar, le cur ar fionraí nó le giorrú, agus aird chuí á tabhairt ar na himthosca ábhartha ar fad, lena n-áirítear, i gcás inarb ábhartha, an bhfuil riosca slándála ag baint leis an náisiúnach tríú tír faoi Airteagal 16 fós, agus an bhfuil gá leis an toirmeasc ar dhul isteach fós chun cosc breise a chur ar an náisiúnach tríú tír sin dul isteach ar chríoch na mBallstát. Beidh údar maith leis an iarraidh ar athbhreithniú.4a. Féadfaidh na Ballstáit tarraingt siar toirmisc ar dhul isteach a chur faoi réir aisíocaíocht na gcostas a bhaineann le haistriú an náisiúnaigh tríú tír.

Roinn 4Filleadh a fhorfheidhmiú

Airteagal 12Aistriú1.Déanfaidh na Ballstáit na beart uile is gá chun an náisiúnach tríú tír a aistriú sna cásanna a leanas:(-a) i gcás nár chomhlíon an náisiúnach tríú tír an oibleagáid maidir leis an gcríoch a fhágáil i gcomhréir le hAirteagal 7;(a)i gcás nach gcomhoibríonn an náisiúnach tríú tír leis na húdaráis ▌;▌(c)i gcás ina dtagann an náisiúnach tríú tír faoi raon feidhme Airteagal 16;(d)i gcás ina mbogann an náisiúnach tríú tír go Ballstát eile gan údarú, lena n-áirítear le linn na tréimhse a shocraítear i gcomhréir le hAirteagal 7;(a) i gcás ina measann na húdaráis inniúla gur gá aistriú agus go bhfuil sé comhréireach, amhail dá bhforáiltear sa dlí náisiúnta, ar chúiseanna seachas na cinn sin a liostaítear i bpointí (-a) go (d).1a. Ní chuirfidh aon ní sa rialachán seo cosc ar na Ballstáit filleadh deonach náisiúnaigh tríú tír atá faoi réir aistriú ar shlí eile de bhun mhír 1 a cheadú nó a éascú, go háirithe i gcás ina meastar go mbeidh filleadh níos tapúla agus níos éifeachtaí mar thoradh air.2.Féadfaidh údaráis inniúla cinneadh lena n-ordaítear an t-aistriú a eisiúint d’aon náisiúnach tríú tír atá faoi réir aistriú. I gcás ina n-eiseofar cinneadh lena n-ordaítear an t-aistriú, is i scríbhinn a eiseofar é agus féadfaidh sé a bheith ag gabháil leis an gcinneadh um fhilleadh nó féadfar é a eisiúint mar chinneadh nó gníomh riaracháin nó breithiúnach ar leithligh nó mar chuid de chinneadh riaracháin nó breithiúnach eile.2a. I gcás nár cinneadh tír a mbeifear ag filleadh uirthi go fóill nó i gcás nach ionann í agus an tír a cinneadh roimhe sin, cinnfidh an t-údarás inniúil tír amháin nó níos mó a mbeifear ag filleadh uirthi nó orthu mar a thagraítear dóibh in Airteagal 4(3) sa chinneadh um fhilleadh nó i gcinneadh lena n-ordaítear an t-aistriú sula ndéantar an t-aistriú.2b. I gcás ina n-eiseofar cinneadh lena n-ordaítear an t-aistriú, tabharfar cúiseanna ina leith sin de réir fíorais agus dlí. Cuirfear an náisiúnach tríú tír ar an eolas faoi na leigheasanna dlí atá ar fáil agus faoi na teorainneacha ama chun na leigheasanna sin a lorg. Tabharfar fógra faoin gcinneadh lena n-ordaítear an t-aistriú don náisiúnach tríú tír a luaithe is féidir i gcomhréir le dlí náisiúnta an Bhallstáit lena mbaineann.2c. I gcás ina n-eiseofar cinneadh lena n-ordaítear an t-aistriú, soláthrófar don náisiúnach tríú tír, arna iarraidh sin dó, aistriúchán i scríbhinn nó ó bhéal ar phríomhghnéithe an chinnidh lena n-ordaítear an t-aistriú, lena n‑áirítear faisnéis faoi na leigheasanna dlí atá ar fáil, i dteanga a thuigeann an náisiúnach tríú tír nó ar féidir glacadh leis go réasúnach go dtuigeann sé í. Chun na críche sin, féadfaidh na húdaráis inniúla, i gcás inarb iomchuí, úsáid a bhaint as teimpléid chaighdeánaithe aistriúcháin nó as uirlisí aistriúcháin meaisínchuidithe nó meaisínghinte.3.I gcás ina léiríonn an náisiúnach tríú tír go sáródh an t-aistriú prionsabal an non-refoulement, nó ina dtuigtear d’údaráis an Bhallstáit gur ann do thásca ábhartha go sáródh an t-aistriú an prionsabal sin, cuirfidh na húdaráis inniúla an náisiúnach tríú tír faoi réir an nós imeachta iomchuí, lena n-áirítear an nós imeachta tearmainn i gcomhréir le Rialachán 2024/1348, i gcás inarb infheidhme, nó i gcomhréir leis an dlí náisiúnta, déanfaidh siad measúnú ar an bhfuil an t-aistriú i gcomhréir le prionsabal an non-refoulement ▌. Déanfaidh an náisiúnach tríú tír lena mbaineann aon fhaisnéis ábhartha a bhaineann lena chúinsí pearsanta féin a chur in iúl a luaithe is féidir chun bunús a thabhairt lena mhaíomh go sáródh an t-aistriú prionsabal an non-refoulement. Féadfaidh na húdaráis inniúla brath ar aon mheasúnú a rinneadh roimhe sin ar an riosca refoulement nó an measúnú sin a chur san áireamh. Ní dhéanfar aon mheasúnú breise go bhfuil riosca refoulement ann ach amháin má tá bunús tugtha le faisnéis ábhartha. 3a. Féadfaidh na Ballstáit a chinneadh go bhféadfaidh údarás seachas an t-údarás inniúil a bhfuil an cinneadh um fhilleadh á eisiúint nó á fhorfheidhmiú aige measúnú a dhéanamh ar phrionsabal an non-refoulement.4.Maidir le bearta comhéigneacha a dhéanfar chun a áirithiú go ndéanfar aistriú, beidh siad riachtanach agus comhréireach agus ní rachaidh siad, in aon chás, thar thairseach an fhornirt réasúnaigh. Cuirfear chun feidhme iad i gcomhréir leis an dlí náisiúnta agus cearta bunúsacha á n-urramú agus urraim chuí á tabhairt do dhínit agus d’iomláine choirp an náisiúnaigh tríú tír lena mbaineann.5.Agus aeraistrithe á ndéanamh, cuirfidh na Ballstáit i gcuntas na treoirlínte comhchoiteanna maidir le forálacha slándála le haghaidh aeraistrithe comhpháirteacha a leagtar amach san Iarscríbhinn a ghabhann le Cinneadh 2004/573/CE ón gComhairle Cinneadh 2004/573/CE ón gComhairle an 29 Aibreán 2004 maidir le heitiltí comhpháirteacha a eagrú chun náisiúnaigh tríú tír atá ina n‑ábhair d’orduithe leithleacha aistrithe a aistriú ó chríoch dhá cheann nó níos mó de na Ballstáit (IO L 261, 6.8.2004, lch. 28, ELI: http://data.europa.eu/eli/dec/2004/573/oj)..

▌Airteagal 14Coinníollacha maidir le haistriú a chur siar1.Cuirfear aistriú de bhun Airteagal 12 siar sna himthosca seo a leanas:(a)i gcás ina sáródh sé prionsabal an non-refoulement; or(b)nuair atá agus fad a bheidh fionraí an chinnidh um fhilleadh i gcomhréir le hAirteagal 28 i bhfeidhm.2.Féadfar aistriú de bhun Airteagal 12 a chur siar ▌, agus imthosca sonracha an cháis aonair á gcur san áireamh. I gcás ina bhfuil riosca éalaithe ann, féadfar bearta breise a chur i bhfeidhm de bhun mhír 7. 3.Má iarrann an náisiúnach tríú tír go gcuirfear aistriú siar, beidh bunús cuí leis an iarraidh.4.▌ Tabharfaidh na Ballstáit dearbhú i scríbhinn don náisiúnach tríú tír lena mbaineann maidir leis an gcur siar i gcomhréir le mír 1 nó mír 2 agus maidir lena gcearta le linn an chur siar. Féadfar aistriúchán ar an dearbhú a chur in iúl ó bhéal don náisiúnach tríú tír i dteanga a thuigeann sé nó sí nó i dteanga a nglactar leis go réasúnach go dtuigeann sé nó sí í, lena n-áirítear trí úsáid a bhaint as seirbhísí ateangaireachta.5.Déanfar athbhreithniú ar ▌ chur siar an aistrithe ▌i gcás athrú ar chúinsí ábhartha.6.Cuirfear an méid seo a leanas san áireamh maidir le cás an náisiúnaigh tríú tír, lena n-áirítear ar chomhlíon an náisiúnach tríú tír na hoibleagáidí sa Rialachán seo, le linn tréimhsí ina gcuirtear an t-aistriú siar:(a)bunriachtanais;(b)aontacht an teaghlaigh le baill teaghlaigh atá i láthair ar chríoch an Bhallstáit;(c)cúram sláinte éigeandála agus cóireáil riachtanach breoiteachta;(d)rochtain mionaoiseach ar an gcóras oideachais bhunúsaigh faoi réir fhad a bhfanachta;(e)riachtanais speisialta daoine leochaileacha.7.Má chuirtear an t-aistriú siar, féadfar na bearta a leagtar amach in Airteagail 21, 23c agus 29 a chur i bhfeidhm nuair a chomhlíonfar na coinníollacha.

Airteagal 15Faireachán ar aistriú▌ Déanfaidh na Ballstáit foráil do chóras faireacháin neamhspleách ar aistriú éigeantach. ▌ Féadfaidh na Ballstáit brath ar shásraí faireacháin atá ann cheana amhail struchtúir agus saineolas arna mbunú de bhun Rialachán (AE) 2024/1356 de réir mar is ábhartha chun críoch an Airteagail seo. ▌

Airteagal 16Náisiúnaigh tríú tír a bhfuil rioscaí slándála ag baint leo a fhilleadh1.Beidh feidhm ag an Airteagal seo maidir le náisiúnaigh tríú tír sna cásanna seo a leanas:(a)inar bagairt iad don bheartas poiblí, don tslándáil phoiblí nó don tslándáil náisiúnta, lena n-áirítear nuair atá siad faoi réir foláirimh de bhun Airteagal 24(1)(a) de Rialachán (AE) 2018/1861 ó Pharlaimint na hEorpa agus ón gComhairle Rialachán (AE) 2018/1861 ó Pharlaimint na hEorpa agus ón gComhairle an 28 Samhain 2018 maidir le Córas Faisnéise Schengen a bhunú, a oibriú agus a úsáid i réimse na seiceálacha teorann, lena leasaítear an Coinbhinsiún lena gcuirtear Comhaontú Schengen chun feidhme, agus lena leasaítear agus lena n-aisghairtear Rialachán (CE) Uimh. 1987/2006 (IO L 312, 7.12.2018, lch. 14, ELI: http://data.europa.eu/eli/reg/2018/1861/oj).;(b)ina bhfuil tásca réasúnta ann lena chreidiúint go bhfuil cion coiriúil tromchúiseach dá dtagraítear in Airteagal 2(2) de Chinneadh Réime 2002/584/CGB ón gComhairle Cinneadh Réime 2002/584/CGB ón gComhairle an 13 Meitheamh 2002 maidir leis an mbarántas gabhála Eorpach agus na nósanna imeachta um thabhairt suas idir na Ballstáit — Ráitis arna ndéanamh ag Ballstáit áirithe maidir le glacadh an Chinnidh Réime (IO L 190, 18.7.2002, lch. 1, ELI: http://data.europa.eu/eli/dec_framw/2002/584/oj). déanta acu nó go bhfuil cion déanta acu ar cion é lena ngabhann pionós lena mbaineann cailleadh saoirse ar feadh 2 bhliain ar a laghad faoin dlí náisiúnta nó go bhfuil iliomad cionta déanta acu ar cionta iad lena ngabhann pionós lena mbaineann cailleadh saoirse ar feadh 1 bhliain amháin ar a laghad faoi dhlí náisiúnta an Bhallstáit chiontaithigh;(ba) ina bhfuil tásca réasúnta ann go bhfuil an duine páirteach in aon cheann de na cionta dá dtagraítear i dTreoir (AE) 2017/541 ó Pharlaimint na hEorpa agus ón gComhairle Treoir (AE) 2017/541 ó Pharlaimint na hEorpa agus ón gComhairle an 15 Márta 2017 maidir leis an sceimhlitheoireacht a chomhrac, agus lena n-ionadaítear Cinneadh Réime 2002/475/CGB ón gComhairle agus lena leasaítear Cinneadh 2005/671/CGB ón gComhairle (IO L 88, 31.3.2017, lch. 6, ELI: http://data.europa.eu/eli/dir/2017/541/oj).;(c)ina bhfuil tásca réasúnta ann go bhfuil sé ar intinn aige nó aici cion a dhéanamh de bhun phointí (b) agus (ba) den mhír seo ar chríoch Bhallstáit;(ca) ina bhfuil tásca réasúnta ann go bhfuil aon bhagairt slándála eile ag baint leo mar a shainaithnítear faoin dlí náisiúnta í.2.Náisiúnaigh tríú tír a thagann faoi raon feidhme an Airteagail seo, beidh siad faoi réir a n-aistrithe i gcomhréir le hAirteagal 12.2a. Beidh feidhm ag mír 1, pointí (b), (ba) agus (c), maidir le náisiúnaigh tríú tír i gcás ina bhfuil tásca réasúnta ann gur ghríosaigh siad na coireanna nó na gníomhartha dá dtagraítear iontu a dhéanamh, nó go raibh siad páirteach ar shlí eile iontu.2b. Déanfaidh na Ballstáit na bearta is gá chun a áirithiú go ndéileálfar le cinntí um fhilleadh a bhaineann le náisiúnaigh tríú tír a thagann faoi raon feidhme an Airteagail seo agus go ndéanfar iad a fhorghníomhú mar ábhar tosaíochta.3.De mhaolú ar fhorálacha ábhartha an Rialacháin seo, féadfaidh náisiúnaigh tríú tír a thagann faoi raon feidhme an Airteagail seo a bheith faoi réir:(a)toirmeasc ar dhul isteach arna eisiúint i gcomhréir le hAirteagal 10 is faide ná an uastréimhse dá dtagraítear in Airteagal 10(6) nó toirmeasc ar dhul isteach ar feadh tréimhse éiginnte i gcás go bhfuil údar leis agus go bhfuil sé comhréireach leis an riosca slándála a bhaineann leis an náisiúnach tríú tír. Sna cásanna sin, beidh feidhm ag Airteagal 11(4);(b)coinneála i gcomhréir le hAirteagal 29(3), pointe (c);(c)coinneála i bpríosúin agus, a mhéid is féidir, iad a choimeád scartha ó ghnáthphríosúnaigh;(d)coinneála ar feadh tréimhsí breise is faide ná an uastréimhse dá dtagraítear in Airteagal 32(3) agus a chinneann cúirt nó binse agus imthosca an cháis aonair á gcur san áireamh, agus atá faoi réir athbhreithniú arna dhéanamh ag cúirt nó ag binse gach 3 mhí ar a laghad.4.Nuair nach féidir aghaidh a thabhairt de bhun an Airteagail seo ar an mbagairt don bheartas poiblí, don tslándáil phoiblí nó don tslándáil náisiúnta, arb iad náisiúnaigh tríú tír dá dtagraítear i mír 1(a) is cúis leis an mbagairt sin, féadfaidh na Ballstáit foráil a dhéanamh maidir le bearta eile faoin dlí náisiúnta. Áiritheoidh na Ballstáit, nuair a dhéantar an cinneadh ábhartha, go mbeidh an beart riachtanach agus comhréireach ag féachaint do dhéine na bagartha ar an tslándáil phoiblí, nó don chontúirt a bhaineann leis an duine lena mbaineann.4a. Féadfaidh na Ballstáit brath ar mheasúnú críochnúil slándála ar na himthosca ábhartha uile, ar measúnú é atá ann cheana féin, arna dhéanamh ag na húdaráis inniúla ag na céimeanna roimhe sin, lena n-áirítear i gcomhthéacs nósanna imeachta tearmainn, víosaí agus rialaithe teorann, lena n-áirítear scagadh.

Airteagal 17Filleadh ar thríú tír lena bhfuil comhaontú nó socrú ann1.Maidir le náisiúnaigh tríú tír atá ag fanacht go neamhdhleathach a fhilleadh de réir bhrí Airteagal 4, an chéad mhír, pointe (3)(g), ceanglaítear comhaontú nó socrú a thabhairt i gcrích le tríú tír. Ní fhéadfar an comhaontú nó an socrú sin a thabhairt i gcrích le tríú tír ach amháin i gcás ina n-urramaítear caighdeáin agus prionsabail idirnáisiúnta maidir le cearta an duine i gcomhréir leis an dlí idirnáisiúnta, lena n-áirítear prionsabal an non-refoulement.2.Leagfar amach an méid seo a leanas i gcomhaontú nó i socrú de bhun mhír 1:(a)na nósanna imeachta is infheidhme maidir le náisiúnaigh tríú tír atá ag fanacht go neamhdhleathach a fhilleadh ó na Ballstáit chuig an tríú tír dá dtagraítear i mír 1;(b)na coinníollacha i gcás fhanacht an náisiúnaigh tríú tír sa tríú tír dá dtagraítear i mír 1, lena n-áirítear oibleagáidí agus freagrachtaí faoi seach na bpáirtithe sa chomhaontú nó sa socrú;▌(d)oibleagáidí an tríú tír dá dtagraítear sa dara habairt de mhír 1;▌(f)na hiarmhairtí atá le tarraingt i gcás sáruithe ar an gcomhaontú nó ar an socrú nó i gcás athrú mór lena n-imrítear drochthionchar ar staid an tríú tír.2a. I gcás ina ndéantar foráil i gcomhaontú nó i socrú de bhun mhír 1 maidir leis an bhfilleadh ar aghaidh chun tír a mbeifear ag filleadh uirthi dá dtagraítear in Airteagal 4(3)(a) go (d), leagfar amach sa chomhaontú nó sa socrú sin, de bhreis ar mhír 2, an méid a leanas:(a) na hiarmhairtí i gcás nach féidir filleadh ar aghaidh;(b) oibleagáidí agus freagrachtaí faoi seach na bpáirtithe sa chomhaontú nó sa socrú;(c) na hiarmhairtí a bheadh ann i gcás athrú suntasach lena n-imrítear drochthionchar ar staid an tríú tír dá dtagraítear i mír 1;(d) comhlacht nó sásra neamhspleách chun faireachán a dhéanamh ar chur i bhfeidhm éifeachtach an chomhaontaithe nó an tsocraithe;Féadfar na coinníollacha maidir le coinneáil sa tríú tír dá dtagraítear i mír 1 a áireamh sa chomhaontú nó sa socrú de bhun na chéad fhomhíre.3.Cuirfidh na Ballstáit, ag tráth iomchuí, na Ballstáit ábhartha ar an eolas, faoi chaibidlíocht maidir le comhaontú nó socrú dá dtagraítear sa chéad mhír, le tríú tír a bhfuil teorainn choiteann aici leis na Ballstáit sin. Cuirfidh na Ballstáit an Coimisiún agus na Ballstáit eile ar an eolas faoi aon chomhaontú nó socrú déthaobhach nó iltaobhach a thugtar i gcrích i gcomhréir le mír 1, sula dtiocfaidh siad i bhfeidhm, nó, má tá comhaontú nó socrú le cur i bhfeidhm go sealadach, sula gcuirfear tús lena chur i bhfeidhm sealadach. Cuirfear an Coimisiún agus na Ballstáit eile ar an eolas freisin faoi aon athruithe a dhéanfar ina dhiaidh sin ar na comhaontuithe nó ar na socruithe sin nó faoi fhoirceannadh na gcomhaontuithe nó na socruithe sin.4.Ní dhéanfar mionaoisigh neamhthionlactha ▌ a fhilleadh chuig tríú tír dá dtagraítear i mír 1.

Roinn 5Mionaoisigh a fhilleadh

Airteagal 18Leas an linbhTabharfar tús áite do leas an linbh agus na forálacha á gcur i bhfeidhm i gcomhréir leis an Rialachán seo.

Airteagal 19Measúnú ar aois mionaoiseach1. Más rud é, mar thoradh ar ráitis ón náisiúnach tríú tír, ar an bhfianaise dhoiciméadach atá ar fáil nó ar thásca ábhartha eile, go bhfuil amhras ann an mionaoiseach é náisiúnach tríú tír nó nach ea, féadfaidh an t‑údarás inniúil measúnú aoise a dhéanamh i gcomhréir leis an dlí náisiúnta nó le dlí an Aontais. Leis an measúnú aoise sin, féadfar Airteagal 25 de Rialachán (AE) 2024/1348▌a úsáid.2. Féadfaidh an t-údarás inniúil dul i muinín measúnú aoise a rinneadh cheana ag céim is luaithe sa nós imeachta um fhilleadh nó i nósanna imeachta ábhartha eile.3. Féadfaidh Ballstáit torthaí measúnaithe aoise arna ndéanamh ag Ballstáit eile a aithint i gcás ina ndearnadh an measúnú aoise i gcomhréir le dlí an Aontais.6. Ní chuirfidh diúltú dul faoi mheasúnú aoise, lena n-áirítear an scrúdú liachta, cosc ar an údarás cinntitheach leanúint den nós imeachta um fhilleadh. Ní fhéadfar diúltú den sórt sin a mheas mar thoimhde infhrisnéise nach mionaoiseach é an t-iarratasóir.

Airteagal 20Mionaoisigh neamhthionlactha a fhilleadh1.▌ Soláthrófar cúnamh ó chomhlachtaí iomchuí seachas údaráis a fhorfheidhmíonn an filleadh i gcomhréir le leas an linbh.2.Ionadaí nó duine atá ainmnithe chun leas an linbh a choimirciú, ceapfar é chun ionadaíocht a dhéanamh, cúnamh a thabhairt agus gníomhú, de réir mar is infheidhme, thar ceann mionaoiseach neamhthionlactha sa phróiseas um fhilleadh. Áiritheofar go mbeidh oiliúint iomchuí ar an ionadaí arna cheapadh i dtaobh cumarsáid atá oiriúnach do leanaí agus dá n‑aois agus gur féidir leo cumarsáid a dhéanamh, lena n-áirítear trí úsáid a bhaint as seirbhísí ateangaireachta, i dteanga a thuigeann an mionaoiseach nó a bhféadfaí glacadh leis go réasúnach go dtuigeann an mionaoiseach í. D'fhéadfadh gurb é nó í an duine sin an té a ainmnítear chun gníomhú mar ionadaí faoi Threoir (AE) 2024/1346 Treoir (AE) 2024/1346 ó Pharlaimint na hEorpa agus ón gComhairle an 14 Bealtaine 2024 lena leagtar síos caighdeáin chun glacadh le hiarratasóirí ar chosaint idirnáisiúnta (IO L 2024/1346, 22.5.2024, ELI: http://data.europa.eu/eli/dir/2024/1346/oj). i gcás inar ainmníodh an duine i gcomhréir le hAirteagal 27 den Treoir sin.3.Tabharfar éisteacht don mhionaoiseach neamhthionlactha, go díreach nó tríd an ionadaí nó ▌ tríd an duine oilte dá dtagraítear i mír 2, lena n-áirítear i gcomhthéacs leas an linbh a chinneadh. Ar a dhéanaí, sula ndéanfar mionaoiseach neamhthionlactha a aistriú ó chríoch Ballstáit, beidh údaráis an Bhallstáit sin sásta go ndéanfar an mionaoiseach sin a fhilleadh chuig ball teaghlaigh de chuid an mhionaoisigh sin, chuig caomhnóir ainmnithe nó chuig saoráidí glactha leordhóthanacha sa tír a mbeifear ag filleadh uirthi.

Caibidil IIIOIBLEAGÁIDÍ AN NÁISIÚNAIGH TRIÚ TÍR

Airteagal 21Oibleagáid maidir le comhoibriú1.Cloífidh náisiúnaigh tríú tír leis an oibleagáid críoch na mBallstát a fhágáil agus beidh sé d’oibleagáid orthu comhoibriú le húdaráis inniúla na mBallstát ag gach céim den nós imeachta um fhilleadh.1a. Soláthróidh náisiúnaigh tríú tír faisnéis do na húdaráis inniúla maidir le haon athruithe ábhartha ar a staid aonair atá ábhartha chun críche an rialacháin seo, gan moill mhíchuí.2.Gan dochar don oibleagáid críoch na mBallstát a fhágáil, déanfaidh náisiúnaigh tríú tír an méid a leanas:(a)leanfaidh siad de bheith ar fáil do na húdaráis inniúla ar chríoch an Bhallstáit atá inniúil maidir leis an nós imeachta um fhilleadh a bhfuil na náisiúnaigh tríú tír faoina réir, ní éalóidh siad, lena n-áirítear chuig Ballstát eile, agus cuirfidh siad iad féin i láthair le haghaidh imeacht an iompair um fhilleadh de réir mar a chinnfidh an t-údarás inniúil;(aa) ní chuirfidh siad bac ar an bhfilleadh go fisiciúil nó ó bhéal;(b)an fhaisnéis agus an doiciméadacht fhisiceach agus dhigiteach uile a sholáthar ▌gan moill mhíchuí, lena n-áirítear cóipeanna agus taifid leictreonacha, atá ábhartha chun céannacht nó náisiúntacht a shuí nó a fhíorú nó atá ábhartha ar bhealach eile laistigh den nós imeachta um fhilleadh ▌ agus atá ina seilbh acu nó a nglactar leis go réasúnach go bhfuil siad in ann iad a fháil, go háirithe trí dhoiciméad aitheantais nó taistil a sholáthar do na húdaráis inniúla nó trí chomhoibriú chun doiciméad aitheantais nó taistil a fháil;(c)ní dhéanfaidh siad doiciméid, faisnéis ná doiciméadacht dá dtagraítear i bpointe (b) den mhír seo a scriosadh, a cheilt ná a chur de láimh ar shlí eile, ní úsáidfidh siad ailiasanna le hintinn chalaoiseach, ní sholáthróidh siad faisnéis bhréagach eile ó bhéal nó i scríbhinn, ní chuirfidh siad na húdaráis ar míthreoir ná ní chuirfidh siad i gcoinne an nós imeachta um fhilleadh ▌ go calaoiseach ar bhealach eile;(d)míniú a thabhairt i gcás nach bhfuil doiciméad aitheantais ná doiciméad taistil ina seilbh acu;(e)faisnéis a sholáthar faoi na tríú tíortha a ndearna sé nó sí idirthuras tríothu, faoi na slite taistil a úsáideadh, nó faoi thríú tíortha eile a bhféadfadh sé nó sí nasc a bheith aige nó aici leo, ar tíortha iad a d’fhéadfadh filleadh a éascú;(f)soláthróidh siad sonraí bithmhéadracha mar a shainmhínítear sa dlí náisiúnta agus i ndlí an Aontais iad, lena n-áirítear in Airteagal 2(1), pointe (s), de Rialachán (AE) 2024/1358 ó Pharlaimint na hEorpa agus ón gComhairle Rialachán (AE) 2024/1358 ó Pharlaimint na hEorpa agus ón gComhairle an 14 Bealtaine 2024 maidir le bunú ‘Eurodac’ chun sonraí bithmhéadracha a chur i gcomparáid le chéile chun Rialacháin (AE) 2024/1351 agus (AE) 2024/1350 ó Pharlaimint na hEorpa agus ón gComhairle agus Treoir 2001/55/CE ón gComhairle a chur i bhfeidhm go héifeachtach, agus chun náisiúnaigh tríú tír agus daoine gan stát atá ag fanacht go neamhdhleathach a shainaithint, agus maidir le hiarrataí ó údaráis forfheidhmithe dlí na mBallstát agus iarrataí ó Europol ar chomparáidí a dhéanamh le sonraí Eurodac chun críocha fhorfheidhmiú an dlí, lena leasaítear Rialacháin (AE) 2018/1240 agus (AE) 2019/818 ó Pharlaimint na hEorpa agus ón gComhairle agus lena n-aisghairtear Rialachán (AE) Uimh. 603/2013 ó Pharlaimint na hEorpa agus ón gComhairle (IO L, 2024/1358, 22.5.2024, ELI: http://data.europa.eu/eli/reg/2024/1358/oj).;(fa) cloífidh siad le ceanglais taistil na n-iompróirí agus le ceanglais iontrála na n-údarás tríú tír, lena n-áirítear ceanglais sláinte, nuair a fhorchuirtear na ceanglais sin go ginearálta ar thaistealaithe idirnáisiúnta;(g)sonraí teagmhála beachta a sholáthar, nuair a iarrfaidh na húdaráis inniúla air sin, lena n-áirítear an áit chónaithe reatha, seoladh, uimhir theileafóin trínar féidir teacht orthu agus, i gcás ina mbeidh fáil air, seoladh ríomhphoist;(h)faisnéis a sholáthar, gan moill mhíchuí, maidir le haon athruithe ar na sonraí teagmhála dá dtagraítear i bpointe (g);(i)cloífidh siad le haon bheart a fhorchuirtear faoi Airteagal 23, mír 1, agus faoi Airteagal 23c, mír 1, le linn an nós imeachta um fhilleadh;(j)an fhaisnéis agus na ráitis uile is gá a sholáthar i gcomhthéacs iarrataí arna dtaisceadh le húdaráis inniúla tríú tíortha ábhartha chun doiciméid taistil a fháil agus comhoibreoidh siad leis na húdaráis sin i dtríú tíortha, de réir mar is gá;(k)▌ tiocfaidh siad i láthair go pearsanta nó ▌trí fhíschomhdháil, de réir mar a éileoidh na húdaráis inniúla, os comhair na n-údarás inniúil náisiúnta nó na n-údarás inniúil tríú tír ag an suíomh arna shonrú ag na húdaráis sin chun doiciméid taistil a fháil agus chun a gcéannacht nó a náisiúntacht a shuí;(l)i gcás ina gceanglaíonn na húdaráis inniúla é, páirt a ghlacadh i gcomhairleoireacht maidir le filleadh agus ath-imeascadh;(la) cloífidh siad le bearta breise ábhartha eile i ndáil le filleadh faoin dlí náisiúnta;Beidh na hoibleagáidí a fhorchuirtear ar an náisiúnach tríú tír faoin Airteagal seo gan dochar d’oibleagáidí agus bearta nach mbaineann le filleadh dá bhforáiltear faoin dlí náisiúnta.3.Áireofar go háirithe san fhaisnéis agus ▌sa doiciméadacht fhisiciúil nó, i gcás nach bhfuil siad ar fáil, cóipeanna díobh, dá dtagraítear i mír 2, pointe (b), ráitis na náisiúnach tríú tír agus aon doiciméadacht atá ina seilbh maidir leis an méid seo a leanas:(a)a n-ainm, a ndáta breithe agus a n-áit bhreithe, inscne agus náisiúntacht nó náisiúntachtaí nó an fíoras go bhfuil an náisiúnach tríú tír gan stát;(b)baill a dteaghlaigh agus sonraí pearsanta eile an náisiúnaigh tríú tír is ábhartha chun an nós imeachta um fhilleadh ▌a chur i gcrích nó chun an tír a mbeifear ag filleadh uirthi a chinneadh;(c)cineál, uimhir, tréimhse bhailíochta agus tír eisiúna aon doiciméid aitheantais nó taistil de chuid na náisiúnach tríú tír agus aon doiciméad eile a sholáthraíonn siad agus a mheasann an t-údarás inniúil a bheith ábhartha chun iad a shainaithint, chun an nós imeachta um fhilleadh ▌ a chur i gcrích agus chun an tír a mbeifear ag filleadh uirthi a chinneadh;(d)aon chead cónaithe nó údarú eile lena dtairgtear ceart fanachta do náisiúnaigh tríú tír arna eisiúint ag Ballstát eile nó ag tríú tír;(e)aon chinneadh um fhilleadh, aon chinneadh lena n-ordaítear aistriú, nó aon toirmeasc ar dhul isteach arna eisiúint ag Ballstát eile;(f)an tír nó na tíortha agus an áit nó na háiteanna a raibh cónaí orthu roimhe sin, bealaí taistil, tíortha a ndearnadh idirthuras orthu agus doiciméadacht taistil.4.I gcás ina gcinnfidh na húdaráis inniúla aon doiciméad is gá a choinneáil maidir le filleadh ▌ dá dtagraítear i mír 2, pointe (b), áiritheoidh siad go bhfaighidh an náisiúnach tríú tír fótachóipeanna ▌gan moill mhíchuí nó cruthúnas iomchuí eile ar choinneáil na ndoiciméad▌. I gcás filleadh deonach ▌, tabharfaidh na húdaráis inniúla na doiciméid sin ar ais don náisiúnach tríú tír tráth an imeachta nó ar theacht isteach sa tríú tír dó.5.Beifear in ann teacht ar an náisiúnach tríú tír trí bhíthin cumarsáid mar a shainmhínítear sa dlí náisiúnta. Socróidh na Ballstáit sa dlí náisiúnta an modh cumarsáide agus an tráth a mheasfar an chumarsáid a bheith faighte ag an náisiúnach tríú tír agus fógartha dó, nó bainfidh siad úsáid as córais dhigiteacha arna bhforbairt agus/nó arna dtacú ag na Ballstáit nó ag an Aontas chun críocha na cumarsáide sin.

Airteagal 21aRiosca éalaithe1. Tá riosca éalaithe ann, i gcás aonair, mura gcruthaítear a mhalairt, i gcás ina gcomhlíontar ceann de na critéir seo a leanas maidir leis an náisiúnach tríú tír lena mbaineann atá ag fanacht go neamhdhleathach:(a) chuaigh an náisiúnach tríú tír nó d’aistrigh sé/sí gan údarú go críoch Ballstáit, lena n-áirítear tar éis idirthuras trí thríú tír, nó tar éis iarrachtaí é sin a dhéanamh;(b) tá an náisiúnach tríú tír faoi réir cinneadh um fhilleadh arna eisiúint ag Ballstát seachas an Ballstát a bhfuil an duine ag fanacht go neamhdhleathach ar a chríoch faoi láthair, lena n-áirítear de réir mar a bhraitear trí na foláirimh a iontráiltear i gCóras Faisnéise Schengen de bhun Rialachán (AE) 2018/1860;(c) ní chloínn an náisiúnach tríú tír le ceann amháin nó níos mó de na bearta arna bhforchur i gcomhréir le hAirteagal 23, mír 1, agus Airteagal 23b, mír 1, nó cuireann sé in iúl nó léiríonn sé go bhfuil sé ar intinn aige déanamh amhlaidh;(d) tá an náisiúnach tríú tír tar éis dul isteach arís i gcríoch na mBallstát de shárú ar thoirmeasc bailí ar dhul isteach.2. I gcásanna nach gcumhdaítear le mír 1, cinnfear an riosca éalaithe ar bhonn measúnú foriomlán ar imthosca an cháis aonair. Áireofar sa mheasúnú ceann amháin nó níos mó de na critéir seo a leanas maidir leis an náisiúnach tríú tír lena mbaineann atá ag fanacht go neamhdhleathach:(a) easpa áit chónaithe, easpa áit chónaithe sheasta nó easpa seoladh iontaofa;(b) neamhchomhlíonadh na hoibleagáide críoch na mBallstát a fhágáil laistigh den tréimhse imeachta mar a leagtar amach i gcomhréir le hAirteagal 7, mír 1a, pointe (a);(c) más rud é go bhfuil an náisiúnach tríú tír ar tí imeacht agus go bhfuil cúiseanna ann lena chreidiúint go bhfuil sé beartaithe ag an náisiúnach tríú tír an oibleagáid maidir le comhoibriú, mar a leagtar amach in Airteagal 21(2), pointe (a) í, a shárú;(d) doiciméid chéannachta nó taistil, ceadanna cónaithe nó víosaí atá bréagach nó brionnaithe, nó doiciméid lena dtugtar bonn cirt do choinníollacha dul isteach a úsáid, doiciméid den sórt sin a scriosadh nó a chur de láimh ar bhealach eile, ailiasanna a úsáid le hintinn chalaoiseach, faisnéis bhréagach eile a sholáthar ó bhéal nó i scríbhinn, nó cur i gcoinne an nós imeachta um fhilleadh nó um athligean isteach go calaoiseach ar bhealach eile;(e) gan freastal ar chomhairleoireacht maidir le filleadh agus ath-imeascadh, i gcás ina gceanglaíonn na húdaráis inniúla é sin a dhéanamh;(f) go bhfuil easpa ancaireachta sóisialta ag an náisiúnach tríú tír, go háirithe easpa naisc theaghlaigh, agus cóir mhaireachtála neamhleor;(g) neamhchomhlíonadh na n-oibleagáidí faoi Airteagal 21, mír 2, pointí (a)-(c), (e), (fa) agus (i)-(ka), lena n-áirítear easpa comhair maidir le doiciméid taistil a fháil;(h) critéir eile seachas (a) go (f) i gcás ina bhforáiltear dóibh sa dlí náisiúnta.▌

Caibidil IIIaBEARTA CHUN FILLEADH A CHUR CHUN CINN AGUS ROGHANNA MALARTACHA AR CHOINNEÁIL

Airteagal 23Infhaighteacht don phróiseas um fhilleadh-1.Chun filleadh éifeachtach a ullmhú agus a áirithiú nó chun comhlíonadh na n-oibleagáidí maidir le himeacht agus comhoibriú a dhreasú tuilleadh, féadfaidh na Ballstáit ceann amháin nó níos mó de na bearta seo a leanas a fhorchur ar an náisiúnach tríú tír:(a) oibleagáid fanacht laistigh de limistéar geografach laistigh de chríoch an Bhallstáit inar féidir leo gluaiseacht faoi shaoirse;(b) oibleagáid cónaí ag seoladh ar leith nó in áit ar leith arna ainmniú nó arna hainmniú ag na húdaráis inniúla;(c) oibleagáid tuairisciú do na húdaráis inniúla ag amanna sainithe trí bheith i láthair go pearsanta nó trí mhodhanna eile arna sonrú sa dlí náisiúnta;(d) bearta eile seachas na cinn dá dtagraítear i bpointí (a) go (c) i gcás ina bhforáiltear dóibh sa dlí náisiúnta. 2.Ní chuirfear aon bhearta faoi mhír 1 i bhfeidhm ach amháin a mhéid atá siad ag teacht le riachtanais speisialta daoine leochaileacha agus le leas an linbh.2a. Féadfar na bearta a leagtar amach i mír 1 a fhorchur freisin ar náisiúnaigh tríú tír nach féidir a aistriú, toisc nach bhfuil siad ag comhoibriú leis na húdaráis inniúla.3.Arna iarraidh sin, féadfaidh údaráis inniúla cead a thabhairt don náisiúnach tríú tír gan cloí ar bhonn sealadach le beart amhail dá dtagraítear i mír 1.4.Cuirfear an náisiúnach tríú tír ar an eolas faoi cé acu atá nó nach bhfuil an cead tugtha i gcomhréir le mír 3.5.Ní cheanglófar ar an náisiúnach tríú tír cead a iarraidh de bhun mhír 3 chun freastal ar choinní leis na húdaráis agus leis na cúirteanna, i gcás ina sárófaí oibleagáidí mhír 1 murach sin, agus i gcás inar gá don náisiúnach tríú tír sin a bheith i láthair. Tabharfaidh an náisiúnach tríú tír fógra do na húdaráis inniúla faoi na coinní sin roimh ré.6.Na cinntí a dhéanfar i gcomhréir le mír 1, pointí (b) agus (c), déanfar i scríbhinn iad, beidh siad comhréireach agus cuirfear san áireamh leo imthosca sonracha an náisiúnaigh tríú tír lena mbaineann.7. Cuirfear an náisiúnach tríú tír ar an eolas faoi aon chinneadh maidir le bearta dá dtagraítear i mír 1 den Airteagal seo a chur i bhfeidhm agus faoi iarmhairt neamhchomhlíonadh an chinnidh sin, lena n-áirítear coinneáil faoi Airteagal 29.

Airteagal 23aBearta imscrúdaitheacha1. Gan dochar do bhearta imscrúdaitheacha arna ndéanamh ar chúiseanna eile nach mbaineann le filleadh i gcomhréir leis an dlí náisiúnta, féadfaidh údaráis inniúla na mBallstát, i gcás inar gá, inar comhréireach agus ina bhfuil údar cuí leis chun filleadh éifeachtach a ullmhú nó a áirithiú, an méid seo a leanas a dhéanamh:(a)cuardach a dhéanamh ar an náisiúnach tríú tír agus, faoi réir ordú breithiúnach roimhe sin nó, i gcomhréir leis an dlí náisiúnta ábhartha, ar ordú riaracháin i gcás inar gá, inar comhréireach agus ina bhfuil údar cuí leis mar gheall ar phráinn an chuardaigh sin, ar a áit chónaithe nó a háit chónaithe nó ar áitreabh ábhartha eile;(aa)bearta riaracháin a dhéanamh chun a áirithiú go gcomhlíonfar an oibleagáid sonraí bithmhéadracha mar a leagtar síos sa dlí náisiúnta, lena n-áirítear méarloirg, a sholáthar, lena bhféadfaí a áireamh an fhéidearthacht modhanna comhéigin a úsáid mar rogha dheireanach i gcás nach soláthraíonn náisiúnach tríú tír sonraí bithmhéadracha mar a cheanglaítear faoi Airteagal 21, mír 2, pointe (f);(b) giuirléidí pearsanta, gléasanna leictreonacha agus earraí ábhartha eile a chuardach agus a urghabháil; (c) bearta imscrúdaitheacha eile a fhorchur, i gcás ina bhforáiltear dó sin sa dlí náisiúnta.2. Féadfar aon bheart imscrúdaitheach faoi mhír 1, pointí (a)-(c), den Airteagal seo a dhéanamh gan toiliú an náisiúnaigh tríú tír lena mbaineann.3. Le haon bhearta imscrúdaitheacha a fhorchuirtear i gcomhréir le mír 1, pointí (a)-(c), den Airteagal seo, urramófar na cearta bunúsacha agus beidh na bearta sin faoi réir na gcoimircí agus na leigheasanna dá bhforáiltear i ndlí an Aontais agus sa dlí náisiúnta.

Airteagal 23bIarmhairtí neamhchomhlíonadh na hoibleagáide maidir le comhoibriú 1. I gcás neamhchomhlíonadh na hoibleagáide mar a leagtar amach in Airteagal 21, mír 1, iad agus na gceanglas faoi Airteagal 21, mír 2, forchuirfidh na Ballstáit ar an náisiúnach tríú tír lena mbaineann ceann amháin nó níos mó de na bearta a leagtar amach in Airteagal 23, mír 1, agus féadfaidh siad ceann amháin nó níos mó de na bearta seo a leanas, a bheidh éifeachtach agus comhréireach, a fhorchur:(b) diúltú nó laghdú a dhéanamh i ndáil le sochair agus liúntais áirithe, i gcás ina bhforáiltear dó sin leis an dlí náisiúnta, mura rud é nach mbeadh na daoine in ann freastal ar a mbunriachtanais mar thoradh air sin;(c) diúltú nó laghdú a dhéanamh i ndáil le dreasachtaí a dheonaítear chun filleadh deonach a chur chun cinn, lena n-áirítear diúltú nó laghdú cúnaimh i gcláir um fhilleadh agus ath-imeascadh de bhun Airteagal 46(3);(d) cead oibre a dhiúltú nó a tharraingt siar, i gcás ina bhforáiltear dó sin sa dlí náisiúnta;(e) síneadh a chur le fad toirmisc ar dhul isteach suas leis an uastréimhse in Airteagal 10(6);(f) smachtbhannaí coiriúla, lena n-áirítear príosúnacht, i gcás ina bhforáiltear dóibh sa dlí náisiúnta;(g) pionóis airgeadais;(h)bearta nó iarmhairtí eile seachas na cinn thuasluaite, i gcás ina bhforáiltear dóibh sa dlí náisiúnta.

Airteagal 31Roghanna malartacha ar choinneáil1. Féadfaidh na Ballstáit ceann amháin nó níos mó de na roghanna malartacha ar choinneáil a liostaítear thíos a fhorchur agus imthosca aonair an náisiúnaigh tríú tír lena mbaineann á gcur i gcuntas, lena n-áirítear leibhéal an riosca éalaithe arna mheasúnú i gcomhréir le hAirteagal 21a:(a) taisceadh ráthaíochta airgeadais leordhóthanaí;(b) faireachán leictreonach a úsáid;(c) bearta eile seachas (a) agus (b) i gcás ina bhforáiltear dóibh sa dlí náisiúnta.1a.Beidh sé d’aidhm ag na bearta dá dtagraítear sa chéad fhomhír go príomha filleadh éifeachtach tráthúil an náisiúnaigh tríú tír a áirithiú.2. Sonrófar na cúiseanna ábhartha de réir fíorais agus dlí sa chinneadh maidir le bearta dá dtagraítear i mír 1 den Airteagal seo a chur i bhfeidhm.3. Cuirfear náisiúnaigh tríú tír ar an eolas i scríbhinn faoi aon chinneadh maidir le bearta dá dtagraítear i mír 1 den Airteagal seo a chur i bhfeidhm agus faoi iarmhairt neamhchomhlíonadh an chinnidh sin, lena n-áirítear coinneáil faoi Airteagal 29.4. Áiritheoidh na Ballstáit go ndéanfaidh cúirt nó binse athbhreithniú ar na cinntí a dhéantar i gcomhréir le mír 2 den Airteagal seo ar iarratas ón duine lena mbaineann nó ex officio.

Caibidil IVCOIMIRCÍ AGUS LEIGHEASANNARoinn 1Coimircí nós imeachta

Airteagal 24Ceart chun faisnéise1.Áiritheoidh na húdaráis inniúla go gcuirfear náisiúnaigh tríú tír atá faoi réir ▌fillidh ▌ar an eolas faoin méid seo a leanas:(a)cuspóir ▌ an ▌ nós imeachta ▌;(b)▌ oibleagáidí na náisiúnach tríú tír ▌ mar a leagtar amach in Airteagal 21 agus in Airteagal 23 iad, na hiarmhairtí a bhaineann le neamhchomhlíonadh de bhun Airteagail 23b agus 29, mír 3, pointe (e), foláireamh maidir le filleadh a bheith ann i gCóras Faisnéise Schengen maidir leis an duine agus aitheantas agus forghníomhú cinnidh um fhilleadh arna eisiúint ag Ballstát eile i gcomhréir le hAirteagal 9;(c)comhairleoireacht agus cláir maidir le filleadh agus ath-imeascadh de bhun Airteagal 46;(d)a gcearta nós imeachta ▌i gcomhréir leis an Rialachán seo agus leis an dlí náisiúnta, go háirithe an ceart chun cúnamh dlí agus ionadaíocht dhlíthiúil a fháil de bhun Airteagal 25.2.Tabharfar an fhaisnéis gan moill mhíchuí ▌ i dteanga a thuigeann an náisiúnach tríú tír nó ar féidir glacadh leis go réasúnach go dtuigeann sé nó sí í. Féadfar an fhaisnéis a sholáthar trí bhíthin bileoga faisnéise caighdeánacha, ar pháipéar nó i bhformáid leictreonach, agus, i gcás inar gá, arna forlíonadh ó bhéal, agus úsáid á baint as seirbhísí aistriúcháin agus ateangaireachta. I gcás mionaoiseach neamhthionlactha, soláthrófar an fhaisnéis ar bhealach atá oiriúnach dá n-aois agus beidh ▌ionadaí nó an duine a ainmníodh chun cúnamh a thabhairt don mhionaoiseach dá dtagraítear in Airteagal 20(2) rannpháirteach.2a.I gcás ina dtéann an t-údarás inniúil ar aghaidh le haistriú ar bhonn cinneadh um fhilleadh nó cinneadh lena n-ordaítear aistriú lenar cinneadh níos mó ná tír amháin a mbeifear ag filleadh orthu, cuirfear an náisiúnach tríú tír ar an eolas luath go leor roimh an aistriú faoin tír a mbeifear ag filleadh uirthi, ina n-aistreofar sé nó sí.

Airteagal 25Cúnamh dlí agus ionadaíocht dhlíthiúil1.I gcás achomharc nó athbhreithniú os comhair cúirte nó binse i gcomhréir le hAirteagal 27, áiritheoidh na Ballstáit, arna iarraidh sin don náisiúnach tríú tír, go soláthrófar an cúnamh dlí agus an ionadaíocht dhlíthiúil is gá saor in aisce ▌.2.Áiritheoidh na húdaráis inniúla go ndéanfar ionadaíocht ar mhionaoisigh neamhthionlactha agus go dtabharfar cúnamh dóibh ar bhealach a gcuirfear ar a gcumas leas a bhaint as na cearta faoin Rialachán seo agus na hoibleagáidí faoin Rialachán seo a chomhlíonadh.▌4.Déanfaidh comhairleoirí dlí nó daoine eile atá cáilithe go cuí, ▌a aithnítear nó a cheadaítear faoin dlí náisiúnta, chun cúnamh a thabhairt don náisiúnach tríú tír nó chun ionadaíocht a dhéanamh dó nó di, nó déanfaidh eagraíochtaí neamhrialtasacha atá creidiúnaithe faoin dlí náisiúnta chun seirbhísí dlíthiúla nó ionadaíocht a sholáthar do náisiúnaigh trí tír, cúnamh dlí nó ionadaíocht dhlíthiúil a sholáthar saor in aisce.5.Féadfaidh na Ballstáit soláthar cúnaimh dlí agus ionadaíochta dlíthiúla saor in aisce sa nós imeacht achomhairc a eisiamh sna cásanna seo a leanas:(a)meastar go bhfuil acmhainní leordhóthanacha ag an náisiúnach tríú tír chun cúnamh dlí agus ionadaíocht dhlíthiúil a íoc ar a chostas nó ar a costas féin;(b)meastar nach dócha go mbeidh rath ar an achomharc nó gur achomharc mí-úsáideach é;(c)tá an t-achomharc nó an t-athbhreithniú ar an dara leibhéal d’achomharc nó ar leibhéal níos airde mar a fhoráiltear dó faoin dlí náisiúnta, lena n-áirítear athéisteachtaí nó athbhreithnithe ar achomharc;(d)cuireann comhairleoir dlí cúnamh nó ionadaíocht ar fáil don náisiúnach tríú tír cheana féin.6.Nochtfaidh an náisiúnach tríú tír a iarrann cúnamh dlí agus ionadaíocht dhlíthiúil saor in aisce a staid airgeadais agus cuirfidh sé na húdaráis inniúla ar an eolas láithreach faoi aon athrú suntasach ar a staid airgeadais, mura bhforáiltear leis an dlí náisiúnta do chúnamh dlíthiúil saor in aisce gan beann ar staid airgeadais an duine.7.Cé is moite d’aon chúnamh a thugtar do mhionaoisigh neamhthionlactha, ▌ féadfaidh na Ballstáit an méid seo a leanas a dhéanamh:(a)teorainneacha airgeadaíochta nó teorainneacha ama a fhorchur ar chúnamh dlí agus ionadaíocht dhlíthiúil saor in aisce a sholáthar, ar choinníoll nach bhfuil na teorainneacha sin treallach agus nach gcuireann siad srian míchuí ar rochtain ar chúnamh dlí agus ionadaíocht dhlíthiúil saor in aisce ▌;(b)aisíocaíocht iomlán nó pháirteach a iarraidh ar aon chostas a tabhaíodh i gcás ina bhfuil feabhas tagtha ar staid airgeadais an náisiúnaigh tríú tír le linn an nós imeachta um fhilleadh nó i gcás ina ndearnadh an cinneadh cúnamh dlí agus ionadaíocht dhlíthiúil saor in aisce a sholáthar ar bhonn faisnéis bhréagach arna soláthar ag an náisiúnach tríú tír;(c)foráil a dhéanamh, maidir le táillí agus costais agus aisíocaíochtaí eile, go gcaithfear le náisiúnaigh tríú tír ar bhealach atá cothrom leis an gcaoi a gcaitear lena náisiúnaigh i gcoitinne i gcúrsaí a bhaineann le cúnamh dlí, ach gan a bheith níos fabhraí ná an chóir sin.8.Leagfaidh na Ballstáit síos rialacha sonracha nós imeachta lena rialófar an bealach ina ndéanfar iarrataí ar chúnamh dlí agus ionadaíocht dhlíthiúil saor in aisce maidir le hachomharc nó athbhreithniú os comhair cúirte nó binse i gcomhréir le hAirteagal 27 a chomhdú agus a phróiseáil, nó cuirfidh siad rialacha atá ann cheana i bhfeidhm maidir le héilimh intíre de chineál comhchosúil, ar choinníoll nach bhfágfaidh na rialacha sin go mbeidh sé ródheacair nó dodhéanta rochtain a fháil ar chúnamh dlí agus ionadaíocht dhlíthiúil saor in aisce.9.I gcás ina ndéanfaidh údarás nach cúirt ná binse é cinneadh gan cúnamh dlí agus ionadaíocht dhlíthiúil saor in aisce a dheonú ar an bhforas go meastar nach dócha go mbeidh rath ar an achomharc nó go bhfuil sé mí-úsáideach, beidh sé de cheart ag an iarratasóir leigheas éifeachtach a fháil os comhair cúirte nó binse i gcoinne an chinnidh sin. ▌10.Féadfaidh na Ballstáit foráil a dhéanamh maidir le cúnamh dlí agus ionadaíocht dhlíthiúil saor in aisce sa nós imeachta riaracháin i gcomhréir leis an dlí náisiúnta.

Roinn 2Leigheasanna

Airteagal 26An ceart chun leighis éifeachtaigh1.Tabharfar leigheas éifeachtach don náisiúnach tríú tír lena mbaineann chun agóid a dhéanamh i gcoinne na gcinntí dá dtagraítear in Airteagal 7(1), Airteagal 10 agus Airteagal 12(2) os comhair na cúirte nó an bhinse atá inniúil de réir an dlí náisiúnta.2.Leis an leigheas éifeachtach, déanfar foráil maidir le scrúdú iomlán ▌ar phointí fíorais agus ar phointí dlí araon.3.Maidir leis an gcomhad arna chur faoi bhráid na cúirte nó an bhinse atá i gceannas ar an leigheas i gcoinne an chinnidh um fhilleadh nó an chinnidh lena n-ordaítear aistriú, i gcás ina dtugann ábhar sa chomhad sin, arna fhorlíonadh nó arna shoiléiriú tar éis imeachtaí sáraíochta, le fios go bhféadfaí an bonn a bhaint de phrionsabal an non-refoulement, fíorófar comhlíonadh na gceanglas a eascraíonn as prionsabal an non-refoulement.4. Ní dhéanfar an chuid eile den chinneadh lena mbaineann a neamhniú ná a chúlghairm mar thoradh ar ghné neamhriachtanach de chinneadh um fhilleadh a neamhniú nó a chúlghairm.

Airteagal 27Achomharc os comhair cúirt nó binse inniúil1.Chun an Rialachán seo a chur i bhfeidhm, leagfaidh na Ballstáit síos sa ▌dlí náisiúnta ▌an tréimhse chun achomharc a thaisceadh os comhair cúirt nó binse céadchéime, ar tréimhse í nach faide ná 14 lá í.Na Ballstáit a dhéanann foráil ina ndlí náisiúnta faoi … [lá theacht i bhfeidhm an Rialacháin seo] maidir le tréimhsí chun achomharc a thaisceadh, ar tréimhsí iad atá cothrom le 30 lá nó níos faide, féadfaidh siad maolú a dhéanamh ar an gcéad fhomhír. I gcás ina gcinneann na Ballstáit maolú a dhéanamh, ní rachaidh an tréimhse dá dtagraítear sa chéad fhomhír thar 30 lá.2.Tosóidh an teorainn ama dá dtagraítear i mír 1 ón dáta a thabharfar fógra faoi aon cheann de na cinntí dá dtagraítear in Airteagal 7(1), Airteagal 10 agus Airteagal 12(2) don náisiúnach tríú tír, nó an dáta a mheastar gur tugadh an fógra sin faoin dlí náisiúnta ▌.3.I gcás ina bhfuil cinneadh um fhilleadh bunaithe ar an ngníomh céanna le cinneadh lena ndiúltaítear nó lena gcuirtear deireadh leis an bhfanacht dlíthiúil, nó i gcás ina n-eisítear an cinneadh sin sa ghníomh céanna, d’fhéadfadh sé gurb ionann na teorainneacha ama chun achomharc a dhéanamh i gcoinne an chinnidh um fhilleadh agus na teorainneacha ama a leagtar síos sa dlí náisiúnta chun achomharc a dhéanamh i gcoinne cinneadh lena gcuirtear deireadh le fanacht dlíthiúil nó lena ndiúltaítear fanacht dlíthiúil.4.I gcás ina n‑eiseofar toirmeasc ar dhul isteach agus/nó cinneadh lena n-ordaítear an t-aistriú in éineacht le cinneadh um fhilleadh amhail dá dtagraítear in Airteagal 7, déanfar achomharc ina n-aghaidh go comhpháirteach leis an gcinneadh sin um fhilleadh, os comhair na cúirte céanna nó an bhinse chéanna agus faoi chuimsiú na n-imeachtaí ▌céanna agus laistigh de na teorainneacha ama céanna. I gcás ina n‑eisítear toirmeasc ar dhul isteach agus/nó cinneadh lena n-ordaítear an t-aistriú ar leithligh ón gcinneadh um fhilleadh nó inarb é an t‑aon chinneadh é a bhfuil agóid le déanamh ina choinne, féadfar achomharc ar leithligh a dhéanamh ina choinne. ▌▌

Airteagal 28Éifeacht fionraíochta1.Cé nach ndéantar foráil sa Rialachán seo maidir le héifeacht fionraíochta uathoibríoch an achomhairc, áiritheoidh na Ballstáit, i gcomhréir iomlán le hAirteagal 47 den Chairt, gur féidir leis an gcúirt inniúil nó leis an mbinse inniúil céadchéime aistriú a chur ar fionraí sula bhforfheidhmeofar na cinntí arna n-eisiúint de bhun Airteagal 7 ▌ agus Airteagal 12(2). Féadfar an t-aistriú a chur ar fionraí arna iarraidh sin don náisiúnach tríú tír lena mbaineann ar feadh na tréimhse chun an t-achomharc a thaisceadh de bhun Airteagal 27 nó, i gcás inar taisceadh achomharc, ar feadh na tréimhse go dtí go bhfaighfear toradh achomhairc den sórt sin, mura bhforáiltear leis an dlí náisiúnta freisin go bhféadfar forfheidhmiú cinnidh den sórt sin a chur ar fionraí ex officio. Beidh an mhír seo gan dochar d’fhorálacha an dlí náisiúnta lena ndéantar foráil d’éifeacht fionraíochta uathoibríoch leigheasanna os comhair cúirt nó binse céadchéime ▌ .1a. Agus an iarraidh á measúnú acu de bhun mhír 1, féadfaidh an chúirt nó an binse brath ar an ábhar sa chomhad ar díríodh a n-aird air, lena n-áirítear aon mheasúnú ar imthosca ábhartha a rinneadh i gcéimeanna roimhe seo den nós imeachta um fhilleadh agus, i gcás inarb ábhartha, den nós imeachta tearmainn.▌3.I gcás ina dtaiscfear achomharc eile i gcoinne an chéad chinnidh achomhairc nó i gcoinne cinneadh achomhairc a dhéanfar ina dhiaidh sin, ní chuirfear an t-aistriú ar fionraí ach amháin má dhéantar foráil maidir le héifeacht fionraíochta a bheith ag na leigheasanna sin nó má dhéanann náisiúnach tríú tír iarraidh ar fhionraí agus má chinneann cúirt nó binse inniúil é a dheonú, agus aird chuí á tabhairt ar imthosca sonracha an cháis aonair.▌

Caibidil V▌ COINNEÁIL

Airteagal 29Forais choinneála1.Féadfaidh na Ballstáit náisiúnach tríú tír a choinneáil de bhun an Rialacháin seo ar bhonn measúnú aonair ar gach cás agus sa mhéid go bhfuil an choinneáil comhréireach, agus sa mhéid sin amháin.2.Ní fhéadfaidh na Ballstáit náisiúnach tríú tír a choinneáil ach amháin chun críche fillidh, lena n-áirítear chun filleadh a ullmhú, athligin isteach agus chun an t-aistriú a chur i gcrích.3.Ní fhéadfar náisiúnach tríú tír a choinneáil ach amháin ar bhonn ceann amháin nó níos mó de na forais choinneála seo a leanas:(a)riosca éalaithe arna chinneadh i gcomhréir le hAirteagal 21a;(b)seachnaíonn an náisiúnach tríú tír athligean isteach, an t-ullmhúchán don fhilleadh, nó an t-aistriú, nó cuireann sé bac orthu ▌;(c)baineann rioscaí slándála leis an náisiúnach tríú tír i gcomhréir le hAirteagal 16;(d)chun céannacht nó náisiúntacht an iarratasóra a chinneadh nó a fhíorú;(e)neamhchomhlíonadh na n-oibleagáidí faoi Airteagal 21, mír 2, pointí (a)-(c), (e), (fa) agus (i)-(ka), lena n-áirítear easpa comhair maidir le doiciméid taistil a fháil;(f) forais ábhartha eile a bhaineann le filleadh, dá bhforáiltear sa dlí náisiúnta, chun nósanna imeachta éifeachtacha um fhilleadh a áirithiú, agus atá riachtanach agus comhréireach.5.Déanfaidh údaráis riaracháin nó údaráis bhreithiúnacha coinneáil a ordú. Ordófar coinneáil trí chinneadh i scríbhinn ina dtabharfar na cúiseanna, de réir fíorais agus dlí, ar a bhfuil sí bunaithe chomh maith le faisnéis faoi na leigheasanna dlí atá ar fáil. Cuirfear an cinneadh in iúl ó bhéal nó i scríbhinn don náisiúnach tríú tír i dteanga a thuigeann an náisiúnach tríú tír nó i dteanga ar féidir glacadh leis go réasúnach go dtuigeann sé nó sí í, lena n-áirítear trí úsáid a bhaint as seirbhísí ateangaireachta nó aistriúcháin. 6.Agus náisiúnach tríú tír á choinneáil de bhun mhír 2, cuirfidh na Ballstáit san áireamh cibé an duine leochaileach é an náisiúnach tríú tír ▌.▌

Airteagal 32Tréimhse choinneála1.Coinneofar an choinneáil ar bun ar feadh na tréimhse is giorra is féidir agus fad a chomhlíonfar na forais a leagtar síos in Airteagal 29 agus is gá chun filleadh éifeachtach agus rathúil an náisiúnaigh tríú tír a áirithiú.2.Nuair a dhealraíonn sé nach bhfuil na forais a leagtar síos in Airteagal 29 á gcomhlíonadh a thuilleadh, ▌scaoilfear saor an náisiúnach tríú tír ó choinneáil de bhun an Rialacháin seo. Ní chuirfidh an scaoileadh sin bac ar chur i bhfeidhm beart ▌i gcomhréir le hAirteagail 23 agus 23c.3.Ní rachaidh an choinneáil thar 12 mhí i ▌ mBallstát. ▌ I gcás inar dócha go mairfidh an nós imeachta um fhilleadh níos faide de dheasca easpa comhair ón náisiúnach tríú tír lena mbaineann, nó de dheasca moilleanna chun an doiciméadacht is gá a fháil ó thríú tíortha, nó in imthosca eisceachtúla eile dá bhforáiltear sa dlí náisiúnta, féadfar coinneáil a chur i bhfeidhm ar feadh tréimhse níos faide ach ní sháróidh sí tréimhse 24 mhí i mBallstát.I gcás inar bhog an náisiúnach tríú tír go Ballstát eile agus inarb ionann a iompraíocht agus foras le haghaidh coinneála dá dtagraítear in Airteagal 29(3), beidh feidhm ag tréimhse nua choinneála.3a. Tar éis dhul in éag na huastréimhse coinneála 24 mhí de bhun mhír 3, féadfar coinneáil a chur i bhfeidhm ar feadh tréimhsí breise suas le 6 mhí san iomlán, aon uair a bheidh riosca éalaithe ann agus i gcás ina dtugann ceann amháin nó níos mó de na hathruithe seo a leanas ar imthosca le fios gur dócha le réasún go ndéanfar aistriú:(a) tá faisnéis shuntasach nua ann maidir le céannacht an náisiúnaigh tríú tír; (b) fuarthas doiciméad taistil, nó féadfar glacadh leis go réasúnach go bhfuarthas é mar gheall ar athrú ar imthosca; (c) tá feabhas tagtha ar an gcomhar leis an tríú tír.Agus náisiúnach tríú tír á choinneáil i gcomhréir leis an bhfomhír seo, tabharfaidh an Ballstát tosaíocht don chás sin chun a áirithiú nach gcoimeádfar an choinneáil ar bun ach ar feadh na tréimhse is giorra is féidir. 4.Ní chuirfidh dul in éag na n-uastréimhsí coinneála i gcomhréir le mír 3 agus 3a bac ar chur i bhfeidhm beart i gcomhréir le hAirteagal 23 agus le hAirteagal 23c.5. I gcás ina bhfuil náisiúnach tríú tír ag comhoibriú maidir lena fhilleadh le linn coinneála, eagrófar filleadh deonach an náisiúnaigh tríú tír lena mbaineann gan moill mhíchuí, i gcás inarb iomchuí. Féadfar coinneáil a choimeád ar bun, i gcás inarb ábhartha, go dtí an t-imeacht chun filleadh éifeachtach a áirithiú i ndáil le mír 3 agus mír 3a.

Airteagal 33Orduithe coinneála a athbhreithniú1.Áiritheoidh na Ballstáit go ndéanfar athbhreithniú ar choinneáil ▌ ar a laghad gach 6 mhí ar iarratas ón náisiúnach tríú tír lena mbaineann nó ex officio.2.Áiritheoidh na Ballstáit go ndéanfar athbhreithniú ex officio ▌ ar choinneáil mionaoiseach neamhthionlactha gach 3 mhí ar a laghad, nó arna iarraidh sin don mhionaoiseach neamhthionlactha lena mbaineann nó dá ionadaí arna cheapadh de bhun Airteagal 20(2).3.I gcás ina bhfuil an choinneáil ordaithe nó leathnaithe ag údaráis riaracháin, déanfaidh na Ballstáit an méid a leanas ▌:(a)foráil maidir le hathbhreithniú breithiúnach ar dhlíthiúlacht na coinneála a chinnfear chomh tapa agus is féidir laistigh de thréimhse a leagtar síos sa dlí náisiúnta tar éis thús na coinneála ▌; or(b)an ceart a dheonú don náisiúnach tríú tír lena mbaineann ▌ chun imeachtaí a thionscnamh trína mbeidh dlíthiúlacht na coinneála faoi réir athbhreithniú breithiúnach ▌a chinnfear chomh tapa agus is féidir laistigh de thréimhse a leagtar síos sa dlí náisiúnta tar éis sheoladh na n-imeachtaí ábhartha ▌. I gcásanna den sórt sin, cuirfidh na Ballstáit an náisiúnach tríú tír lena mbaineann ar an eolas láithreach tráth na coinneála gur féidir imeachtaí den sórt sin a thionscnamh.I gcás ina gcoinnítear náisiúnach tríú tír ar feadh tréimhse is faide ná an uastréimhse choinneála 24 mhí de bhun Airteagal 32(3a), agus gur faide ná 3 mhí an síneadh sin, beidh an choinneáil faoi réir athbhreithniú ag cúirt nó binse gach 3 mhí ar a laghad.

Airteagal 34Dálaí coinneála1.De ghnáth, déanfar coinneáil ▌i saoráidí speisialaithe, lena n-áirítear saoráidí i mbrainsí tiomnaithe saoráidí eile. Mura féidir le Ballstát foráil a dhéanamh do choinneáil sna saoráidí sin agus más gá dó dul i muinín cóiríocht phríosúin, coinneofar na náisiúnaigh tríú tír scartha ó ghnáthphríosúnaigh, a mhéid is féidir.2.Beidh rochtain ag náisiúnaigh tríú tír atá faoi choinneáil ar spás faoin aer. Féadfar rochtain ar spás faoin aer a shrianadh ar feadh tréimhse theoranta ama, más gá agus más comhréireach chun saoráid choinneála dhea-fheidhmiúil a áirithiú. 3.Ceadófar do na náisiúnaigh tríú tír atá faoi choinneáil, arna iarraidh sin dóibh, teagmháil a dhéanamh in am trátha le hionadaithe dlíthiúla, le baill teaghlaigh agus leis na húdaráis chonsalacha inniúla.4.Tabharfar aird ar leith ar ▌riachtanais speisialta na ndaoine leochaileacha atá faoi choinneáil. Soláthrófar cúram sláinte éigeandála agus cóireáil riachtanach breoiteachta do náisiúnaigh tríú tír atá á gcoinneáil.5.Beidh an deis ag ionadaithe dlíthiúla, baill teaghlaigh, údaráis chonsalacha inniúla agus eagraíochtaí agus comhlachtaí ábhartha agus inniúla náisiúnta, idirnáisiúnta agus neamhrialtasacha cuairt a thabhairt ar aon saoráid choinneála agus cumarsáid a dhéanamh leis na náisiúnaigh tríú tír agus cuairt a thabhairt orthu i ndálaí lena n-urramaítear príobháideachas. Féadfaidh na cuairteanna sin a bheith faoi réir údarú agus coinníollacha iomchuí eile, lena n-áirítear imréiteach slándála iomchuí arna eisiúint ag údarás inniúil roimh ré i gcomhréir leis an dlí náisiúnta. Féadfaidh na Ballstáit teorainneacha a fhorchur ar an rochtain sin de bhua an dlí náisiúnta i gcás ina bhfuil gá oibiachtúil leis na teorainneacha sin ar mhaithe le slándáil, ord poiblí nó bainistiú riaracháin na saoráide. 6.Soláthrófar faisnéis ▌ do náisiúnaigh tríú tír atá faoi choinneáil ina míneofar na rialacha a chuirtear i bhfeidhm sa tsaoráid agus ina leagfar amach a gcearta agus a n-oibleagáidí ▌ i dteanga a thuigeann siad nó i dteanga ar féidir glacadh leis go réasúnach go dtuigeann siad í. Áireofar san fhaisnéis sin faisnéis maidir lena dteidlíocht faoin dlí náisiúnta teagmháil a dhéanamh leis na daoine nó leis na comhlachtaí dá dtagraítear i mír 3 agus i mír 5.6a. Náisiúnaigh tríú tír a shainaithnítear mar náisiúnaigh tríú tír a bhfuil riosca slándála ag baint leo de bhun Airteagal 16, féadfar iad a chur i socruithe slándála feabhsaithe laistigh de shaoráidí coinneála, lena n-áirítear bearta idirscartha níos déine nó maoirseacht mhéadaithe, ar feadh na tréimhse is fíorghá chun an riosca a bhainistiú agus a bhfilleadh a éascú.

Airteagal 35Coinníollacha maidir le mionaoisigh neamhthionlactha agus teaghlaigh a bhfuil mionaoisigh acu a choinneáil1.Ní choinneofar mionaoisigh neamhthionlactha agus teaghlaigh a bhfuil mionaoisigh acu ach mar rogha dheiridh agus ar feadh na tréimhse ama iomchuí is giorra agus leas an linbh á chur san áireamh.2.Le linn na tréimhse coinneála, soláthrófar cóiríocht ar leithligh lena ráthófar príobháideachas leordhóthanach do mhionaoisigh neamhthionlactha ▌agus do theaghlaigh a bhfuil mionaoisigh acu. Cuirfear oiliúint leordhóthanach ar phearsanra, agus cuirfear saoráidí in oiriúint chun riachtanais ▌mionaoiseach agus ▌a n‑aois agus a n-inscne a chur san áireamh.3.Beidh an deis ag mionaoisigh atá faoi choinneáil dul i mbun gníomhaíochtaí fóillíochta, lena n-áirítear gníomhaíochtaí súgartha agus áineasa atá oiriúnach dá n-aois, agus beidh rochtain acu ar oideachas nó ar ghníomhaíochtaí oideachais san fhormáid is iomchuí d’fhad a gcoinneála.

Caibidil VIATHLIGEAN ISTEACH

Airteagal 36Athligean isteach ▌1.Tar éis cinneadh um fhilleadh a eisiúint ▌, déanfaidh na húdaráis inniúla, i gcás inarb ábhartha, le tacaíocht Frontex i gcás inarb ábhartha, athligean isteach a thionscnamh, lena n-áirítear, i gcás inarb infheidhme, i ndáil le náisiúntacht náisiúnaigh tríú tír a dheimhniú, doiciméad taistil a eisiúint don náisiúnach tríú tír agus oibríocht um fhilleadh a eagrú.▌I gcás inarb infheidhme, úsáidfear an doiciméad taistil Eorpach um fhilleadh i gcomhréir leis an ionstraim um athligean isteach is infheidhme agus le Rialachán (AE) 2016/1953 Rialachán (AE) 2016/1953 ó Pharlaimint na hEorpa agus ón gComhairle an 26 Deireadh Fómhair 2016 maidir le doiciméad taistil Eorpach a bhunú i ndáil le náisiúnaigh tríú tír atá ag fanacht go neamhdhleathach a fhilleadh, agus lena n‑aisghairtear Moladh ón gComhairle an 30 Samhain 1994 (IO L 311, 17.11.2016, lch. 13, ELI: http://data.europa.eu/eli/reg/2016/1953/oj)..▌7. Tacóidh oifigigh idirchaidrimh thiomnaithe de chuid an Aontais arna maoiniú ag an Aontas leis an ▌ athligean isteach i dtríú tíortha. Beidh na hoifigigh idirchaidrimh sin mar chuid de struchtúr Thoscaireachtaí an Aontais agus déanfaidh siad dlúthchomhordú leis an gCoimisiún chun tosaíochtaí beartais ábhartha an Aontais a bhaint amach.▌

Airteagal 37aGné sheachtrach agus comhar le tríú tíorthaCinnteoidh an tAontas agus na Ballstáit go mbeidh gné sheachtrach an bheartais um fhilleadh ina cuid lárnach de chur chuige cuimsitheach an Aontais le bainistiú na himirce. I gcás ina sainaithneofar easpa comhair ó thríú tír, nó i gcás ina mbeidh deacrachtaí ag Ballstát amháin nó níos mó maidir le comhar tríú tír i dtaca le hathligean isteach, déanfaidh an tAontas agus na Ballstáit bearta iomchuí, lena n-áirítear úsáid na coinníollachta i ndáil leis na beartais agus na huirlisí ábhartha uile, amhail beartas víosaí, chomh maith le trádáil agus forbairt, dá bhforáiltear i ngníomhartha reachtacha an Aontais lena rialaítear iad agus do na Ballstáit atá faoi cheangal ag na gníomhartha sin, chun tacú le nósanna imeachta intuartha agus éifeachtacha um fhilleadh le tríú tíortha agus chun comhar éifeachtach agus marthanach maidir le hathligean isteach a áirithiú.

Caibidil VIISONRAÍ PEARSANTA A CHOMHROINNT AGUS A AISTRIÚ

Airteagal 38Comhroinnt faisnéise idir na Ballstáit1.Bainfidh na Ballstáit leas as gach modh comhair agus malartaithe faisnéise is iomchuí chun an Rialachán seo a chur chun feidhme.2.Déanfar an malartú faisnéise arna iarraidh sin do Bhallstát agus ní fhéadfar é a dhéanamh ach amháin idir údaráis inniúla na mBallstát.3.Cuirfidh na Ballstáit in iúl dá chéile, arna iarraidh sin, faisnéis atá ar fáil a bhaineann le duine a thagann faoi raon feidhme an Rialacháin seo chun an nós imeachta um fhilleadh ▌ a chur i gcrích agus chun cúnamh um fhilleadh agus um ath-imeascadh a thabhairt.4.I gcás inar féidir an fhaisnéis dá dtagraítear i mír 3 a mhalartú trí Chórais Faisnéise an Aontais Eorpaigh dá dtagraítear i bpointe 15 d’Airteagal 4 de Rialachán (AE) 2019/818 ó Pharlaimint na hEorpa agus ón gComhairle Rialachán (AE) 2019/818 ó Pharlaimint na hEorpa agus ón gComhairle an 20 Bealtaine 2019 maidir le creat a bhunú le haghaidh idir-inoibritheacht idir córais faisnéise AE i réimse an chomhair phóilíneachta agus an chomhair bhreithiúnaigh, an tearmainn agus na himirce agus lena leasaítear Rialacháin (AE) 2018/1726, (AE) 2018/1862 agus (EU) 2019/816 (IO L 135, 22.5.2019, ELI: http://data.europa.eu/eli/reg/2019/818/oj). nó trí fhaisnéis fhorlíontach i gcomhréir le Rialachán (AE) 2018/1860, ní dhéanfar an fhaisnéis sin a mhalartú, mar riail ghinearálta, ach amháin trí na modhanna sin.5.Áireofar san iarraidh ar fhaisnéis na forais ar a bhfuil sé bunaithe.6.Féadfar an méid seo a leanas go háirithe a áireamh san fhaisnéis dá dtagraítear i mír 3:(a)faisnéis is gá chun céannacht an náisiúnaigh tríú tír a shuíomh agus, i gcás inarb infheidhme, céannacht a bhall teaghlaigh nó a ball teaghlaigh, a ghaolta nó a gaolta agus aon bhaill teaghlaigh eile ▌;(b)faisnéis a bhaineann le sonraí bithmhéadracha arna dtógáil den náisiúnach tríú tír i gcomhréir le Rialachán (AE) 2024/1358 ▌;(c)faisnéis maidir le náisiúntacht agus aon doiciméad nó doiciméid taistil de chuid an náisiúnaigh tríú tír ▌;(d)faisnéis a bhaineann le háiteanna cónaithe an náisiúnaigh tríú tír, na bealaí taistil, na teangacha a labhraítear agus sonraí teagmhála (seoladh/seoltaí ríomhphoist agus uimhir/uimhreacha teileafóin);(e)faisnéis maidir le haon stádas cónaithe nó údaruithe lena dtairgtear ceart fanachta, lena n-áirítear doiciméid chónaithe nó víosaí chomh maith le haon iarratais nó síntí orthu sin, arna n-eisiúint ag Ballstát nó ag tríú tír;(f)faisnéis a bhaineann le hoibríocht um fhilleadh an náisiúnaigh tríú tír ▌;(g)faisnéis a bhaineann le hathimeascadh an náisiúnaigh tríú tír, i gcás inarb ábhartha, lena n-áirítear faisnéis maidir leochaileacht; (h)na forais atá le haon chinneadh um fhilleadh a dhéantar maidir leis an náisiúnach tríú tír;(ha) faisnéis maidir leis an náisiúnach tríú tír a bheith ag comhlíonadh na n-oibleagáidí faoi Airteagal 21 nó na mbeart de bhun Airteagal 23;(i)faisnéis maidir le cé acu ar coinníodh an náisiúnach tríú tír nó ar cuireadh roghanna malartacha ar choinneáil i bhfeidhm ar an duine aonair;(j)faisnéis a bhaineann leis na taifid choiriúla nó a bhaineann leis an mbagairt don bheartas poiblí, don tslándáil phoiblí nó don tslándáil náisiúnta a bhaineann leis an náisiúnach tríú tír;(k)faisnéis maidir le leochaileacht, sláinte agus riachtanais leighis an náisiúnaigh tríú tír .7.Beidh sé d’oibleagáid ar an mBallstát ar a ndéantar an iarraidh freagra a thabhairt a luaithe is féidir agus laistigh de 2 sheachtain ar a dhéanaí.7a. Ní chuirfidh easpa freagartha, freagra neamhiomlán ná freagra moillithe ó Bhallstát ar iarraidh a dhéantar de bhun an Airteagail seo cosc ná moill ar fhorghníomhú cinnidh um fhilleadh nó ordaithe aistrithe a thionscnaíonn Ballstát eile. Féadfaidh an Ballstát iarrthach dul ar aghaidh ar bhonn na faisnéise atá ar fáil cheana féin dá údaráis inniúla, i gcomhréir le dlí an Aontais agus leis an dlí náisiúnta.8.Ní fhéadfar úsáid a bhaint as an bhfaisnéis a mhalartaítear ach amháin chun na gcríoch a leagtar amach i mír 3. I ngach Ballstát, ní fhéadfar an fhaisnéis sin, ag brath ar an gcineál faisnéise atá i gceist agus ar chumhachtaí an údaráis is faighteoir, a chur in iúl ach amháin do na húdaráis nó do na húdaráis bhreithiúnacha ar cuireadh an nós imeachta um fhilleadh, ▌athligean isteach nó cúnamh um ath-imeascadh a sholáthar ar a n-iontaoibh.9. Déanfaidh na Ballstáit, arna iarraidh sin, doiciméid taistil bhunaidh náisiúnaigh tríú tír a aistriú eatarthu, i gcás ina bhfuil gá leis an doiciméad taistil chun filleadh a áirithiú.

Airteagal 39Sonraí a aistriú chuig tríú tíortha a bhaineann le náisiúnaigh tríú tír chun críoch fillidh, athligin isteach agus ath‑imeasctha1.Gan dochar d’Airteagail 40 agus 41, féadfaidh údarás inniúil agus, i gcás inarb infheidhme, Frontex, sonraí dá dtagraítear in Airteagal 38(6), pointí (a) go (h) a phróiseáil agus a aistriú chuig údarás inniúil tríú tír nó chuig tríú páirtithe atá inniúil maidir le cúnamh um ath-imeascadh nó cúraimí eile a bhaineann leis an bhfilleadh a chur chun feidhme, amhail aerlínte nó soláthraithe leighis, i gcás inar gá sin chun críoch fillidh, athligin isteach, nó ath-imeasctha.▌3.Áiritheoidh na Ballstáit agus Frontex, agus sonraí pearsanta á n-aistriú acu de bhun mhír 1 ▌, go gcomhlíonfaidh na haistrithe sonraí sin Caibidil V de Rialachán (AE) 2016/679 agus Caibidil V de Rialachán (AE) 2018/1725, faoi seach.4.I gcás ina ndéantar aistriú de bhun mhír 1 ▌, déanfar an t-aistriú sin a dhoiciméadú agus cuirfear an doiciméadacht ar fáil, arna iarraidh sin, don údarás maoirseachta inniúil a bunaíodh i gcomhréir le hAirteagal 51(1) de Rialachán (AE) 2016/679 agus Airteagal 52(1) de Rialachán (AE) 2018/1725, lena n-áirítear dáta agus am an aistrithe agus faisnéis faoi údarás inniúil an tríú tír is faighteoir. Beidh an doiciméadacht sin teoranta don fhaisnéis a bhfuil fíorghá léi chun a léiriú go gcomhlíontar bunús dlí an aistrithe agus ní bheidh aon oibleagáidí tuairiscithe bhreise ar na Ballstáit i gceist léi.

Airteagal 40Aistriú sonraí chuig tríú tíortha a bhaineann le ciontuithe coiriúla náisiúnach tríú tír chun críoch fillidh, athligin isteach agus ath‑imeasctha1.Féadfaidh údarás inniúil agus, i gcás inarb infheidhme, Frontex sonraí a bhaineann le ciontú coiriúil amháin nó níos mó de chuid náisiúnach tríú tír a phróiseáil agus a aistriú i gcásanna aonair chuig údarás inniúil tríú tír nó tríú páirtithe atá inniúil ar chúnamh um ath-imeascadh nó ar chúraimí eile a bhaineann leis an bhfilleadh a chur chun feidhme i gcás ina gcomhlíontar na coinníollacha seo a leanas:(a)ciontaíodh an náisiúnach tríú tír a n-aistrítear a shonraí nó a sonraí pearsanta i gcion sceimhlitheoireachta sna 25 bliana roimhe sin nó in aon chion coiriúil eile a liostaítear san Iarscríbhinn a ghabhann le Rialachán (AE) 2018/1240 ó Pharlaimint na hEorpa agus ón gComhairle Rialachán (AE) 2018/1240 ó Pharlaimint na hEorpa agus ón gComhairle an 12 Meán Fómhair 2018 lena mbunaítear Córas an Aontais Eorpaigh um Fhaisnéis agus Údarú Taistil (ETIAS) agus lena leasaítear Rialacháin (AE) Uimh. 1077/2011, (AE) Uimh. 515/2014, (AE) 2016/399, (AE) 2016/1624 agus (AE) 2017/2226 (IO L 236, 19.9.2018, lch. 1, ELI: http://data.europa.eu/eli/reg/2018/1240/oj). sna 15 bliana roimhe sin nó má tá cion déanta aige nó aici lena ngabhann pionós lena mbaineann cailleadh saoirse ar feadh 2 bhliain ar a laghad faoin dlí náisiúnta nó má tá cionta iomadúla déanta aige nó aici lena ngabhann pionós lena mbaineann cailleadh saoirse ar feadh bliain amháin ar a laghad faoi dhlí náisiúnta an Bhallstáit chiontaithigh;(b)is gá sonraí a aistriú chun críoch fillte, athligin isteach, nó chun cúnamh saincheaptha neamhairgeadais um ath-imeascadh a sholáthar;▌(d)▌ dhearbhaigh an t-údarás inniúil agus, i gcás inarb infheidhme, ▌tá Frontex sásta nach bhfuil an baol ann go sárófar prionsabal an non-refoulement leis an aistriú sonraí;(e)▌ dhearbhaigh an t-údarás inniúil agus, i gcás inarb infheidhme, ▌ tá Frontex sásta nach bhfuil an baol ann go sárófar Airteagal 50 den Chairt leis an aistriú sonraí.▌3. Áiritheoidh na Ballstáit agus Frontex a aistríonn sonraí pearsanta de bhun mhír 1 nó mhír 2 go gcomhlíonfaidh aistrithe den sórt sin Caibidil V de Rialachán (AE) 2016/679 agus Caibidil V de Rialachán (AE) 2018/1725, faoi seach.4.I gcás ina ndéantar aistriú de bhun mhír 1 ▌, déanfar aistriú den sórt sin a dhoiciméadú agus cuirfear an doiciméadacht ar fáil, arna iarraidh sin, don údarás maoirseachta inniúil a bunaíodh i gcomhréir le hAirteagal 51(1) de Rialachán (AE) 2016/679 agus Airteagal 52(1) de Rialachán (AE) 2018/1725, lena n-áirítear dáta agus am an aistrithe, faisnéis faoi údarás inniúil an tríú tír is faighteoir, an bonn cirt go gcomhlíonann an t-aistriú na coinníollacha a leagtar síos i mír 1 ▌agus na sonraí pearsanta a aistríodh. Beidh an doiciméadacht sin teoranta don fhaisnéis a bhfuil fíorghá léi chun a léiriú go gcomhlíontar bunús dlí an aistrithe agus ní bheidh aon oibleagáidí tuairiscithe bhreise ar na Ballstáit i gceist léi.

Airteagal 41Sonraí sláinte náisiúnach tríú-tír a aistriú chuig tríú tíortha chun críocha na hoibríochta um fhilleadh agus an ath‑imeasctha1.Féadfaidh údarás inniúil agus, i gcás inarb infheidhme, Frontex, sonraí a bhaineann leis an gcúnamh leighis atá le soláthar do náisiúnaigh tríú tír le linn na hoibríochta um fhilleadh a phróiseáil agus a aistriú i gcásanna aonair chuig údarás inniúil tríú tír nó chuig tríú páirtithe atá inniúil ar chúnamh um ath-imeascadh nó ar chúraimí eile a bhaineann leis an bhfilleadh a chur chun feidhme, amhail soláthraithe leighis, i gcás ina gcomhlíontar na coinníollacha seo a leanas:(a)gur gá na sonraí a aistriú chun an oibríocht um fhilleadh a chur i gcrích;▌(c)▌ dhearbhaigh an t-údarás inniúil agus, i gcás inarb infheidhme, ▌tá Frontex sásta nach bhfuil an baol ann go sárófar prionsabal an non-refoulement leis an aistriú sonraí.2.Féadfaidh údarás inniúil agus, i gcás inarb infheidhme, Frontex sonraí a bhaineann le riachtanais sláinte agus leighis náisiúnach tríú tír a phróiseáil agus a aistriú i gcásanna aonair chuig tríú páirtí atá inniúil ar chúnamh um ath-imeascadh nó ar chúraimí eile a bhaineann leis an bhfilleadh a chur chun feidhme i gcás ina gcomhlíontar na coinníollacha seo a leanas:(a)gur gá sonraí a aistriú chun cúnamh um ath-imeascadh dá dtagraítear in Airteagal 46 a sholáthar atá saincheaptha do riachtanais leighis an náisiúnaigh tríú tír;(b)thoiligh an náisiúnach tríú tír a n-aistrítear a shonraí pearsanta ▌ leis an aistriú sin.3.Áiritheoidh na Ballstáit agus Frontex a aistríonn sonraí pearsanta de bhun mhír 1 nó mhír 2 go gcomhlíonfaidh aistrithe den sórt sin Caibidil V de Rialachán (AE) 2016/679 agus Caibidil V de Rialachán (AE) 2018/1725, faoi seach.4.I gcás ina ndéantar aistriú de bhun mhír 1 nó mhír 2, déanfar an t-aistriú sin a dhoiciméadú agus cuirfear an doiciméadacht ar fáil, arna iarraidh sin, don údarás maoirseachta inniúil a bunaíodh i gcomhréir le hAirteagal 51(1) de Rialachán (AE) 2016/679 agus Airteagal 52(1) de Rialachán (AE) 2018/1725, lena n-áirítear dáta agus am an aistrithe, faisnéis faoi údarás inniúil an tríú tír is faighteoir, an bonn cirt go gcomhlíonann an t-aistriú na coinníollacha a leagtar síos i mír 1 nó i mír 2 agus na sonraí pearsanta a aistríodh. Beidh an doiciméadacht sin teoranta don fhaisnéis a bhfuil fíorghá léi chun a léiriú go gcomhlíontar bunús dlí an aistrithe agus ní bheidh aon oibleagáidí tuairiscithe bhreise ar na Ballstáit i gceist léi.

Caibidil VIIIAN COMHCHÓRAS UM FHILLEADH

Airteagal 42Comhpháirteanna comhchórais um fhilleadh1.Is éard a bheidh i gcomhchóras um fhilleadh de bhun an Rialacháin seo:(a)nós imeachta coiteann um fhilleadh na náisiúnach tríú tír nach bhfuil an ceart acu fanacht ar chríoch na mBallstát;(b)córas aitheanta agus forfheidhmithe cinntí um fhilleadh i measc na mBallstát;▌(d)córais dhigiteacha chun filleadh, athligean isteach agus ath-imeascadh náisiúnach tríú tír a bhainistiú;(e)comhar idir na Ballstáit;(ea) leibhéal leordhóthanach acmhainneachta coinneála arna chinneadh ag an mBallstát agus riachtanais iarbhír á gcur san áireamh;(f)tacaíocht airgeadais ón Aontas agus tacaíocht oibríochtúil ó chomhlachtaí, oifigí agus gníomhaireachtaí an Aontais ▌i gcomhréir lena sainorduithe faoi seach.1a. Braithfidh forbairt na gcóras digiteach, a mhéid is féidir, ar bhonneagair náisiúnta atá ann cheana agus ar chórais idir-inoibritheacha an Aontais agus ní chruthófar léi ualaí breise tuairiscithe ná nós imeachta do na Ballstáit.2.Sainaithneoidh an tAontas agus na Ballstáit tosaíochtaí coiteanna i réimse an fhillte ▌agus an ath-imeasctha agus áiritheoidh siad go ndéanfar an obair leantach is gá, agus an Straitéis Eorpach um Bainistiú Tearmainn agus Imirce arna glacadh de bhun Airteagal 8 de Rialachán (AE) 2024/1351 á cur san áireamh, mar aon le cur chun feidhme an nós imeachta teorann um fhilleadh de bhun Rialachán (AE) 2024/1349, an measúnú ar leibhéal an chomhair idir tríú tíortha agus na Ballstáit maidir le hathligean isteach i gcomhréir le hAirteagal 25a de Rialachán (CE) 810/2009 agus ionstraimí an Aontais um athligean isteach agus aon ionstraim eile de chuid an Aontais atá ábhartha don chomhar maidir le hathligean isteach.3.Áiritheoidh an tAontas agus na Ballstáit comhar dílis agus dlúthchomhar idir na húdaráis inniúla agus idir an tAontas agus na Ballstáit, chomh maith le sineirgíocht idir comhpháirteanna inmheánacha agus seachtracha ▌.

Airteagal 43Na húdaráis inniúla ▌1.Ainmneoidh gach Ballstát, i gcomhréir leis an dlí náisiúnta, na húdaráis inniúla a bheidh freagrach as na hoibleagáidí a eascraíonn as an Rialachán seo a chomhlíonadh.▌

Airteagal 44Comhar idir na Ballstáit1.Déanfar comhar agus cúnamh idir údaráis inniúla arna n-ainmniú i gcomhréir le hAirteagal 43 chun na gcríoch seo a leanas mar riail ghinearálta:(a)idirthuras trína gcríoch a cheadú chun cúnamh a thabhairt ionas gur féidir cinneadh um fhilleadh ó Bhallstát eile a chomhlíonadh nó doiciméid taistil a fháil;(b)cúnamh lóistíochta ▌ nó ábhartha nó comhchineáil eile a sholáthar i dtaca le hidirthuras trína gcríoch de bhun (a);(ba) an t-aistriú dá dtagraítear in Airteagal 8(1), pointe (b), a éascú;▌(d) tacú le himeacht náisiúnaigh tríú tír chuig an mBallstát ina bhfuil ceart fanachta aige nó aici i gcomhréir le hAirteagal 8(3).▌2. Féadfar comhar agus cúnamh a bheith ann idir údaráis inniúla arna n-ainmniú i gcomhréir le hAirteagal 43, lena n-áirítear chun na gcríoch seo a leanas:(a) an t-idirphlé beartais a threorú nó tacaíocht a thabhairt dó agus do mhalartuithe le húdaráis tríú tíortha chun athligean isteach a éascú;(b) dul i dteagmháil le húdaráis inniúla tríú tíortha chun céannacht náisiúnach tríú tír a fhíorú agus chun doiciméad taistil bailí a fháil;(c) an socrú praiticiúil maidir le filleadh a fhorfheidhmiú a eagrú thar ceann an Bhallstáit iarrthaigh;(d) cúnamh lóistíochta nó ábhartha nó comhchineáil eile a sholáthar;

Airteagal 45Tacaíocht Frontex1.Féadfaidh na Ballstáit a iarraidh go dtabharfaidh saineolaithe arna n-imscaradh nó arna dtacú ag Frontex cúnamh dá n-údaráis inniúla, lena n-áirítear oifigigh idirchaidrimh um fhilleadh agus oifigigh idirchaidrimh eile, i gcomhréir le Rialachán (AE) 2019/1896.2.Soláthróidh na Ballstáit faisnéis ábhartha do Frontex maidir leis na riachtanais atá beartaithe do thacaíocht Frontex chun an phleanáil is gá a dhéanamh ar thacaíocht na Gníomhaireachta i gcomhréir le Rialachán (AE) (AE) 2019/1896.

Airteagal 46Tacaíocht don fhilleadh agus don ath‑imeascadh1.Áiritheoidh na Ballstáit go mbeidh comhairleoireacht maidir le filleadh agus ath-imeascadh ar fáil ▌, chun faisnéis agus treoir a sholáthar, i gcás inarb ábhartha, do náisiúnaigh tríú tír maidir le roghanna um fhilleadh agus ath-imeascadh, lena n-áirítear cláir dá dtagraítear i mír 3, a luaithe is féidir sa phróiseas um fhilleadh. Féadfar comhairleoireacht maidir le filleadh agus ath-imeascadh a chomhcheangal le comhairleoireacht eile i gcomhthéacs nósanna imeachta imirce eile sa Bhallstát.2.Áiritheoidh na Ballstáit go soláthrófar faisnéis maidir le filleadh agus ath-imeascadh ar a dhéanaí nuair a eiseofar an cinneadh um fhilleadh.3.Áiritheoidh na Ballstáit go mbeidh fáil ar chláir um fhilleadh agus um ath-imeascadh, a fhaigheann tacaíocht nó maoiniú ar an leibhéal náisiúnta nó ar leibhéal an Aontais. Áireofar ar na cláir sin ▌cúnamh nó dreasachtaí lóistíochta, airgeadais nó comhchineáil eile, lena n-áirítear cúnamh um ath-imeascadh sa tír a mbeifear ag filleadh uirthi, a sholáthrófar do náisiúnach tríú tír.4.Ní ceart aonair a bheidh i gcúnamh fillte agus ath‑imeasctha agus ní bheidh sé ina réamhriachtanas don nós imeachta um athligean isteach.5.Léireoidh an cúnamh a sholáthraítear trí na cláir um fhilleadh agus ath-imeascadh leibhéal comhair agus comhlíontachta an náisiúnaigh tríú tír agus d’fhéadfadh sé laghdú nó d’fhéadfaí é a tharraingt siar le himeacht ama. Féadfar na critéir seo a leanas a chur i gcuntas agus cineál agus méid an chúnaimh um fhilleadh agus ath-imeascadh á gcinneadh i gcás inarb infheidhme:(a)comhar an náisiúnaigh tríú tír lena mbaineann le linn an nós imeachta um fhilleadh agus um athligean isteach amhail dá bhforáiltear in Airteagal 21;(b)an bhfuil an náisiúnach tríú tír ag filleadh go deonach, nó an bhfuil sé faoi réir a aistrithe;(c)an bhfuil an náisiúnach tríú tír ina náisiúnach de thríú tír a liostaítear in Iarscríbhinn II a ghabhann le Rialachán (AE) 2018/1806 Rialachán (AE) 2018/1806 ó Pharlaimint na hEorpa agus ón gComhairle an 14 Samhain 2018 lena liostaítear na tríú tíortha a mbeidh ar a náisiúnaigh víosaí a bheith ina seilbh acu ar thrasnú teorainneacha seachtracha dóibh agus lena liostaítear na tríú tíortha a mbeidh a náisiúnaigh díolmhaithe ón gceanglas sin (códú) (IO L 303, 28.11.2018, lch. 3, ELI: http://data.europa.eu/eli/reg/2018/1806/oj).;(d)ar ciontaíodh an náisiúnach tríú tír i gcion coiriúil;(e)an bhfuil riachtanais shonracha ag an náisiúnach tríú tír mar gheall go bhfuil sé ina dhuine leochaileach, ina mhionaoiseach, ina mhionaoiseach neamhthionlactha nó ina chuid de theaghlach;(f) critéir bhreise faoin dlí náisiúnta.6.Ní dheonófar an cúnamh dá dtagraítear san Airteagal seo do náisiúnaigh tríú tír a bhain tairbhe cheana as tacaíocht eile nó as an tacaíocht chéanna a sholáthair Ballstát nó an tAontas. Áiritheoidh an tAontas, na Ballstáit agus Frontex comhleanúnachas agus comhordú maidir le cúnamh um ath-imeascadh.

Caibidil IXFORÁLACHA CRÍOCHNAITHEACHA

Airteagal 47Staideanna éigeandála1.I gcásanna ina gcuireann líon thar a bheith mór náisiúnach tríú tír atá le filleadh ualach trom gan choinne ar acmhainneacht saoráidí coinneála Ballstáit nó ar a fhoireann riaracháin nó bhreithiúnach, féadfaidh an Ballstát sin, fad a mhaireann an staid eisceachtúil, cinneadh a dhéanamh tréimhsí ▌a lamháil ▌is faide ná na tréimhsí dá bhforáiltear in Airteagal 27(1), Airteagal 33(3) agus Airteagal 38(7) agus chun bearta práinneacha a dhéanamh i leith dhálaí na coinneála de mhaolú orthu sin a leagtar amach in Airteagail 34(1) agus 35(2). Féadfaidh na Ballstáit nósanna imeachta riaracháin agus ceanglais tuairiscithe inmheánacha a choigeartú go sealadach chun oibríochtaí um fhilleadh a bhrostú, ar choinníoll go bhfuil géarghá leis na coigeartuithe sin chun aghaidh a thabhairt ar an gcás eisceachtúil.2.Má théann sé i muinín na mbeart eisceachtúil sin, cuirfidh an Ballstát lena mbaineann an Coimisiún ar an eolas faoi sin gan mhoill. Cuirfidh sé in iúl don Choimisiún é freisin a luaithe is nach ann a thuilleadh do na cúiseanna leis na bearta eisceachtúla seo a chur i bhfeidhm.3.Ní léireofar aon ní san Airteagal seo mar ní lena gceadaítear do na Ballstáit maolú ar a n-oibleagáid ghinearálta na bearta iomchuí uile a dhéanamh, cibé acu is bearta ginearálta nó bearta sonracha iad, lena áirithiú go gcomhlíonfar a n-oibleagáidí faoin Rialachán seo.

Airteagal 48Staidreamh1.Chun faireachán a dhéanamh ar an gcomhar le tríú tíortha maidir le hathligean isteach, ▌féadfaidh an Coimisiún a iarraidh ar bhonn bliantúil go gcuirfear na sonraí seo a leanas in iúl do Frontex, maidir le tríú tíortha ábhartha, imdhealaithe de réir gach tríú tír: (a)líon na n-iarrataí ar dheimhniú náisiúntachta agus líon na bhfreagraí dearfacha agus diúltacha a fuarthas maidir le hiarrataí ar náisiúntacht a dheimhniú;(b)líon na n-iarrataí ar dhoiciméid taistil a eisiúint, lena n-áirítear líon na n-iarrataí ar dhoiciméid taistil a eisiúint i leith cásanna inar deimhníodh náisiúntacht, líon na ndoiciméad taistil arna n-eisiúint ag údaráis tríú tír agus líon na bhfreagraí diúltacha maidir le doiciméid taistil a iarraidh.2.Tabharfaidh Frontex rochtain don Choimisiún ar na sonraí dá dtagraítear i mír 1. Na sonraí dá dtagraítear i bpointí (a-b), agus iad imdhealaithe de réir Ballstáit ▌, féadfar iad a chur in iúl do thríú tíortha ar mhaithe le faireachán a dhéanamh ar chur chun feidhme agus ar chomhlíonadh oibleagáidí um athligean isteach, lena n-áirítear faoi chuimsiú ionstraimí an Aontais um athligean isteach. 3.Soláthróidh na Ballstáit, ar iarraidh a fháil ón gCoimisiún, an fhaisnéis is gá chun an measúnú a dhéanamh de bhun Airteagal 9(12), go háirithe an staidreamh ar líon na náisiúnach tríú tír atá faoi réir cinntí um fhilleadh arna n-eisiúint ag Ballstát eile agus líon na náisiúnach tríú tír a aistríodh nó a filleadh ar bhonn cinntí aitheanta um fhilleadh agus, i gcás inarb ábhartha, cinntí lena n-ordaítear an t-aistriú arna n-eisiúint ag Ballstát eile laistigh de thréimhse ama shonraithe. 4.Chun críocha an Airteagail seo agus i gcás inar féidir, ▌bainfidh an Coimisiún úsáid as an bhfaisnéis a chuirtear ar fáil faoi Rialachán (CE) 862/2007. 5. I gcás ina dtíolacfaidh an Coimisiún togra reachtach faoi Airteagal 9(13), molfaidh sé, más gá, leasuithe ar an Airteagal seo, agus forbairtí reachtacha ábhartha sa digitiú á gcur san áireamh.

Airteagal 49Nós imeachta coiste1.Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.2.I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011. I gcás nach dtugann an coiste aon tuairim, ní dhéanfaidh an Coimisiún an dréachtghníomh cur chun feidhme a ghlacadh agus beidh feidhm ag Airteagal 5(4), an tríú fomhír, de Rialachán (AE) Uimh. 182/2011.

Airteagal 50Tuairisciú1.Faoin ... [5 bliana tar éis theacht i bhfeidhm an Rialacháin seo] agus gach 5 bliana ina dhiaidh sin, tuairisceoidh an Coimisiún do Pharlaimint na hEorpa agus don Chomhairle maidir le cur i bhfeidhm an Rialacháin seo sna Ballstáit agus, i gcás inarb iomchuí, molfaidh sé leasuithe.2.Arna iarraidh sin don Choimisiún, seolfaidh na Ballstáit chuige an fhaisnéis atá ar fáil atá riachtanach chun a thuarascáil a tharraingt suas de bhun mhír 1, tráth nach déanaí ná 9 mí sula rachaidh an teorainn ama sin in éag. I gcás inar féidir, bainfidh an Coimisiún úsáid as an bhfaisnéis a chuirtear ar fáil faoi Rialachán (CE) 862/2007.

Airteagal 51Aisghairm1.Déantar Treoir 2008/115/CE ▌, Treoir 2001/40/CE agus Cinneadh 2004/191/CE ón gComhairle a aisghairm ▌ maidir leis na Ballstáit atá faoi cheangal ag an Rialachán seo, amhail ó dháta theacht i bhfeidhm an Rialacháin seo de bhun Airteagal 52(3). 2.Déanfar tagairtí do na Treoracha aisghairthe a fhorléiriú mar thagairtí don Rialachán seo agus léifear iad i gcomhréir leis an tábla comhghaoil atá san Iarscríbhinn.

Airteagal 52Teacht i bhfeidhm agus cur i bhfeidhm1.Tiocfaidh an Rialachán seo i bhfeidhm an lá ▌tar éis lá a fhoilsithe in Iris Oifigiúil an Aontais Eorpaigh.2.Beidh Airteagail 1, 2(1) go (3), 4 (3), 5, 7(8) agus (9), 17, 18, 19, 36, 37a, 43, 45, 49, 50 agus 51 den Rialachán seo infheidhme amhail ón teacht i bhfeidhm. 3.Beidh feidhm ag forálacha eile an Rialacháin seo ón … [Iris Oifigiúil: Cuir isteach an dáta a chomhfhreagraíonn do 12 mhí ón dáta teacht i bhfeidhm].4.Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh ▌

Thar ceann Pharlaimint na hEorpa Thar ceann na Comhairle

An tUachtarán An tUachtarán