ADOTTAW DAN IR-REGOLAMENT:Kapitolu 1DISPOŻIZZJONIJIET ĠENERALI

Artikolu 1Suġġett1.Dan ir-Regolament jistabbilixxi sistema komuni għar-ritorn effettiv ta’ ċittadini ta’ pajjiżi terzi li jkunu qegħdin illegalment fit-territorju tal-Istati Membri f’konformità mad-drittijiet fundamentali rikonoxxuti ▌ mill-Karta tad-Drittijiet Fundamentali tal-Unjoni Ewropea (il- “Karta”) u l-prinċipji ġenerali tad-dritt tal-Unjoni, kif ukoll l-obbligi ▌internazzjonali applikabbli inkluż dwar ▌ id-drittijiet tal-bniedem.2.L-objettiv ta’ dan ir-Regolament huwa li jippermetti lill-Istati Membri jieħdu l-miżuri kollha meħtieġa biex jiżguraw ▌ ritorni effettivi, b’kunsiderazzjoni tal-approċċ komprensiv kif stabbilit fl-Artikolu 3, l-Artikolu 4, il-punt (h), u l-Artikolu 5, il-punt (e), tar-Regolament (UE) 2024/1351.

Artikolu 2Kamp ta’ applikazzjoni1.Dan ir-Regolament japplika għal ċittadini ta’ pajjiżi terzi li jkunu qegħdin illegalment fit-territorju tal-Istati Membri.2.Dan ir-Regolament ma għandux japplika għal persuni li għandhom id-dritt għal-libertà tal-moviment skont id-dritt tal-Unjoni, kif definit fl-Artikolu 2, il-punt (5), tar-Regolament (UE) 2016/399.3. Dan ir-Regolament huwa mingħajr preġudizzju għad-dispożizzjonijiet tar-Regolamenti (UE) 2024/1351, 2024/1348 u 2024/1349.4. Mingħajr preġudizzju għall-paragrafu 5 ta’ dan l-Artikolu, dan ir-Regolament ma għandux japplika għal ċittadini ta’ pajjiżi terzi li:(a) huma soġġetti għal rifjut ta’ dħul fil-fruntieri esterni f’konformità mal-Artikolu 14 tar-Regolament (UE) 2016/399 Ir-Regolament (UE) 2016/399 tal-Parlament Ewropew u tal-Kunsill tad-9 ta’ Marzu 2016 dwar Kodiċi tal-Unjoni dwar ir-regoli li jirregolaw il-moviment ta’ persuni min-naħa għall-oħra tal-fruntiera (Kodiċi tal-Fruntieri ta’ Schengen) (kodifikazzjoni) (ĠU L 77, 23.3.2016, p. 1, ELI: http://data.europa.eu/eli/reg/2016/399/oj). jew f’konformità mad-dritt nazzjonali ekwivalenti fil-każ ta’ Stati Membri li mhux marbuta b’dak ir-Regolament;(b) jinqabdu jew jiġu interċettati mill-awtoritajiet kompetenti b’rabta mal-qsim illegali tal-fruntiera permezz tal-art, tal-baħar jew tal-ajru tal-fruntiera esterna ta’ Stat Membru u li sussegwentement ma jkunux kisbu awtorizzazzjoni jew dritt ta’ soġġorn f’dak l-Istat Membru.(c) huma soġġetti għal ritorn bħala sanzjoni tad-dritt kriminali jew bħala konsegwenza ta’ sanzjoni tad-dritt kriminali, skont id-dritt nazzjonali;(d) huma s-suġġett ta’ proċedura ta’ estradizzjoni.5. Stat Membru jista’ jiddeċiedi li japplika dan ir-Regolament għal waħda jew aktar mill-kategoriji ta’ ċittadini ta’ pajjiżi terzi msemmija fil-paragrafu 4, il-punti (a), (b) u (c). F’każijiet bħal dawn, dan ir-Regolament għandu japplika għal dawk il-kategoriji ta’ ċittadini ta’ pajjiżi terzi mid-data meta l-Istat Membru jinnotifika d-deċiżjoni tiegħu lill-Istati Membri l-oħra u lill-Kummissjoni.86. Meta Stat Membru jiddeċiedi li japplika dan ir-Regolament għal ċittadini ta’ pajjiżi terzi li huma soġġetti għal ritorn bħala sanzjoni tad-dritt kriminali, l-Artikoli 7, 9 u 10 ma għandhomx japplikaw.7. Fir-rigward ta’ ċittadini ta’ pajjiżi terzi li huma esklużi mill-kamp ta’ applikazzjoni ta’ dan ir-Regolament f’konformità mal-paragrafu 4, il-punti (a) u (b), l-Istati Membri għandhom jiżguraw li t-trattament u l-livell ta’ protezzjoni tagħhom ma jkunux inqas favorevoli minn kif stabbilit fl-Artikolu 12(4) u (5), l-Artikolu 14(2), l-Artikolu 14(6), il-punti (c) u (e), l-Artikolu 34(1) sa (6) u l-Artikolu 35 u li jirrispettaw il-prinċipju ta’ non-refoulement.▌2b. Dan ir-Regolament japplika mingħajr preġudizzju għad-dritt kriminali nazzjonali tal-Istati Membri, u b’mod partikolari għad-dispożizzjonijiet li jistabbilixxu pieni kriminali effettivi, proporzjonati u dissważivi, inkluża l-priġunerija, fir-rigward ta’ soġġorn illegali, dment li l-proċedura kriminali u l-applikazzjoni ta’ tali pieni ma jipperikolawx il-kisba tar-ritorni effettivi.▌

Artikolu 4DefinizzjonijietGħall-iskopijiet ta’ dan ir-Regolament, japplikaw id-definizzjonijiet li ġejjin:(1)“ċittadin ta’ pajjiż terz” tfisser kwalunkwe persuna li mhijiex ċittadin tal-Unjoni fis-sens tal-Artikolu 20 tat-Trattat dwar il-Funzjonament tal-Unjoni Ewropea u li mhijiex persuna li għandha d-dritt għal moviment liberu skont id-dritt tal-Unjoni, kif definit fl-Artikolu 2, il-punt 5, tar-Regolament (UE) 2016/399;(2)“soġġorn illegali” tfisser il-preżenza, fit-territorju ta’ Stat Membru, ta’ ċittadin ta’ pajjiż terz li ma jissodisfax, jew li ma għadux jissodisfa, il-kundizzjonijiet ta’ dħul, kif stabbiliti fl-Artikolu 6 tar-Regolament (UE) 2016/399 jew kundizzjonijiet ekwivalenti oħra għad-dħul, għas-soġġorn jew għar-residenza f’konformità mad-dritt nazzjonali fil-każ ta’ Stati Membri mhux marbuta b’dak ir-Regolament iżda li jipparteċipaw f’dan ir-Regolament;(3)“pajjiż tar-ritorn” tfisser wieħed minn dawn li ġejjin:(a)pajjiż terz li huwa l-pajjiż ta’ oriġini taċ-ċittadin ta’ pajjiż terz;(b)pajjiż terz li huwa l-pajjiż ta’ residenza abitwali formali taċ-ċittadin ta’ pajjiż terz;(c)pajjiż terz ta’ tranżitu fit-triq lejn l-Unjoni f’konformità mal-ftehimiet jew mal-arranġamenti ta’ riammissjoni tal-Unjoni jew tal-Istati Membri;(d)pajjiż terz, għajr dak imsemmi fil-punti (a) u (b), fejn iċ-ċittadin ta’ pajjiż terz ikollu d-dritt li jidħol u jirrisjedi;(e)pajjiż terz sikur li fir-rigward tiegħu l-applikazzjoni għall-protezzjoni internazzjonali ta’ ċittadin ta’ pajjiż terz tkun ġiet miċħuda bħala inammissibbli, skont l-Artikolu 59(8) tar-Regolament (UE) 2024/1348 jew, fil-każ ta’ dawk l-Istati Membri mhux marbuta b’dak ir-Regolament, f’konformità ma’ dispożizzjonijiet korrispondenti li setgħu introduċew fid-dritt nazzjonali tagħhom;(f)l-ewwel pajjiż ta’ ażil li fir-rigward tiegħu l-applikazzjoni għall-protezzjoni internazzjonali ta’ ċittadin ta’ pajjiż terz tkun ġiet miċħuda bħala inammissibbli, skont l-Artikolu 58(4) tar-Regolament (UE) 2024/1348 jew, fil-każ ta’ dawk l-Istati Membri mhux marbuta b’dak ir-Regolament, f’konformità ma’ dispożizzjonijiet korrispondenti li setgħu introduċew fid-dritt nazzjonali tagħhom;(g)pajjiż terz, għajr dak imsemmi fil-punti (a), (b) u (d), li miegħu hemm ftehim jew arranġament li fuq il-bażi tiegħu ċ-ċittadin ta’ pajjiż terz jiġi aċċettat, f’konformità mal-Artikolu 17 ta’ dan ir-Regolament.(4)“deċiżjoni ta’ ritorn” tfisser att jew deċiżjoni amministrattivi jew ġudizzjarji, li jgħidu jew jiddikjaraw li s-soġġorn ta’ ċittadin ta’ pajjiż terz huwa illegali u jimponu jew jiddikjaraw obbligu ta’ tluq mit-territorju tal-Istati Membri;(4a) “ritorn” tfisser l-azzjonijiet li permezz tagħhom ċittadin ta’ pajjiż terz b’soġġorn illegali ikun:(a) qed jirritorna volontarjament, kif imsemmi fil-punt 6; jew (b) qed jitneħħa mill-awtoritajiet kompetenti barra mill-Istati Membri u lejn wieħed mill-pajjiżi ta’ ritorn definiti fid-deċiżjoni li tordna t-tneħħija jew, kif applikabbli, fid-deċiżjoni ta’ ritorn.(4b) “deċiżjoni li tordna t-tneħħija” tfisser att jew deċiżjoni amministrattivi jew ġudizzjarji li jgħidu jew jiddikjaraw li ċ-ċittadin ta’ pajjiż terz jista’ jitneħħa lejn pajjiż ta’ ritorn wieħed jew aktar kif imsemmi fil-punt 3;(5)“tneħħija” tfisser l-infurzar tad-deċiżjoni ta’ ritorn jew tad-deċiżjoni li tordna t-tneħħija mill-awtoritajiet kompetenti permezz ta’ trasport fiżiku barra mill-Istat Membri lejn pajjiż tar-ritorn;(6)“ritorn volontarju” tfisser tluq mit-territorju tal-Istati Membri waħdu, b’assistenza jew mingħajrha, u mingħajr rikors għat-tneħħija, minn ċittadin ta’ pajjiż terz b’soġġorn illegali li jikkonforma mal-obbligu ta’ tluq fi żmien jew wara l-iskadenza tal-perjodu ta’ tluq volontarju stabbilit fid-deċiżjoni ta’ ritorn▌;(7)“ħarba” tfisser l-azzjoni li biha ċ-ċittadin ta’ pajjiż terz ma jibqax disponibbli għall-awtoritajiet amministrattivi jew ġudizzjarji kompetenti▌; (8)“projbizzjoni fuq id-dħul” tfisser deċiżjoni jew att amministrattivi jew ġudizzjarji li jipprojbixxu dħul u soġġorn fit-territorju tal-Istati Membri għal perjodu speċifikat▌;▌(11)“operazzjoni ta’ ritorn” tfisser operazzjoni li tkun organizzata jew ikkoordinata minn awtorità kompetenti jew appoġġata mill-Aġenzija Ewropea għall-Gwardja tal-Fruntiera u tal-Kosta (“Frontex”) li permezz tagħha jiġu rritornati ċittadini ta’ pajjiżi terzi minn Stat Membru wieħed jew aktar;▌

Artikolu 5Drittijiet fundamentaliMeta japplikaw dan ir-Regolament, l-Istati Membri għandhom jaġixxu f’konformità sħiħa mad-dritt rilevanti tal-Unjoni, inkluża l-Karta, mad-dritt internazzjonali rilevanti, mal-obbligi relatati mal-aċċess għal protezzjoni internazzjonali, mal-prinċipju ta’ non-refoulement, u mad-drittijiet fundamentali.

Kapitolu IIPROĊEDURA TA’ RITORN▌Taqsima 2Proċedura li tordna r-ritorn

Artikolu 7▌Deċiżjoni ta’ ritorn1.Deċiżjoni ta’ ritorn għandha tinħareġ lil kwalunkwe ċittadin ta’ pajjiż terz b’soġġorn illegali fit-territorju tagħhom, mill-awtoritajiet kompetenti tal-Istat Membru li jiddikjara jew jimponi l-obbligu ta’ tluq mit-territorju tal-Istati Membri▌.1a. Id-deċiżjonijiet ta’ ritorn għandhom:(a) jiddikjaraw perjodu ta’ tluq, li ma għandux jaqbeż 30 jum, li sa mhux aktar tard minn tmiemu ċ-ċittadin ta’ pajjiż terz għandu jitlaq mit-territorju tal-Istati Membri; jew (b) jiddikjaraw li ċ-ċittadin ta’ pajjiż terz għandu jitlaq mit-territorju tal-Istati Membri immedjatament. Il-perjodu ta’ tluq imsemmi fis-subparagrafu (a) jista’ jitqassar aktar u jiġi speċifikat fid-dritt nazzjonali.L-Istati Membri jistgħu jistabbilixxu fid-dritt nazzjonali tagħhom meta ċittadin ta’ pajjiż terz jingħata perjodu ta’ tluq volontarju jew jiġi ordnat jitlaq immedjatament.1b. L-awtoritajiet kompetenti jistgħu jipprevedu perjodu ta’ tluq skont il-paragrafu 1a li jaqbeż 30 jum b’kunsiderazzjoni xierqa għaċ-ċirkostanzi speċifiċi tal-każ individwali.1c. L-awtoritajiet kompetenti jistgħu jestendu l-perjodu ta’ tluq skont il-paragrafu 1a b’kunsiderazzjoni xierqa għaċ-ċirkostanzi speċifiċi tal-każ individwali, b’mod partikolari l-parteċipazzjoni fi programm li jappoġġa r-ritorn u r-riintegrazzjoni skont l-Artikolu 46(3) u l-konformità mal-obbligu ta’ kooperazzjoni kif stabbilit fl-Artikolu 21. 1d. L-awtoritajiet kompetenti jistgħu jqassru l-perjodu ta’ tluq skont il-paragrafu 1a f’każ ta’ nuqqas ta’ konformità mal-obbligu ta’ kooperazzjoni kif stabbilit fl-Artikolu 21.1e. Il-perjodu ta’ tluq għandu jingħadd minn data kif definit fid-dritt nazzjonali. 2.Id-deċiżjoni ta’ ritorn għandha tinħareġ bil-miktub u tagħti raġunijiet fil-fatt u fil-liġi. Iċ-ċittadin ta’ pajjiż terz għandu jiġi infurmat dwar ir-rimedji legali disponibbli u l-limiti ta’ żmien biex jirrikorri għal dawk ir-rimedji. Id-deċiżjoni ta’ ritorn għandha tiġi notifikata liċ-ċittadin ta’ pajjiż terz mill-aktar fis possibbli f’konformità mad-dritt nazzjonali tal-Istat Membru kkonċernat. Meta ma jkunx magħruf fejn ikun jinsab iċ-ċittadin ta’ pajjiż terz, id-deċiżjoni ta’ ritorn għandha tiġi notifikata f’konformità mad-dritt nazzjonali.3.L-awtoritajiet kompetenti jistgħu jiddeċiedu li ma jipprovdux l-informazzjoni dwar ir-raġunijiet fil-fatt jew jistgħu jiddeċiedu li jillimitawha, meta d-dritt nazzjonali jipprevedi li d-dritt għall-informazzjoni jrid ikun ristrett jew meta jkun meħtieġ li jiġu ssalvagwardjati l-ordni pubbliku, is-sigurtà pubblika jew is-sigurtà nazzjonali u għall-prevenzjoni, l-investigazzjoni, id-detezzjoni u l-prosekuzzjoni ta’ reati kriminali. F’tali każijiet, iċ-ċittadin ta’ pajjiż terz għandu jiġi infurmat dwar l-essenza tar-raġunijiet li għalihom tittieħed deċiżjoni ta’ ritorn għall-fini ta’ aċċess għal rimedju effettiv. L-obbligu li ċ-ċittadin ta’ pajjiż terz jiġi infurmat bl-essenza tar-raġunijiet ma jinkludix obbligu li tiġi ddivulgata xi informazzjoni klassifikata.4.Il-pajjiż jew il-pajjiżi tar-ritorn jistgħu jiġu ddeterminati fid-deċiżjoni ta’ ritorn jew skont l-Artikolu 12(2a) qabel ma titwettaq it-tneħħija. Meta ċ-ċittadin ta’ pajjiż terz jiddeċiedi li jirritorna volontarjament lejn pajjiż tar-ritorn ieħor għajr il-pajjiż jew il-pajjiżi tar-ritorn iddikjarati fid-deċiżjoni ta’ ritorn, il-ħruġ ta’ deċiżjoni ġdida li tiddetermina l-pajjiż tar-ritorn ma jkunx meħtieġ.4b. L-awtoritajiet kompetenti ma għandhomx jiġu preklużi milli joħorġu deċiżjoni ta’ ritorn meta jkun hemm tfixkil fit-tneħħija. Meta l-pajjiż tar-ritorn ikun ġie ddeterminat fid-deċiżjoni ta’ ritorn u jkun ġie identifikat riskju ta’ refoulement, it-tneħħija lejn dak il-pajjiż tar-ritorn għandha tiġi posposta f’konformità mal-Artikolu 14, il-paragrafu 1, il-punt (a).5.Iċ-ċittadin ta’ pajjiż terz għandu, fuq talba, jiġi pprovdut bi traduzzjoni bil-miktub jew orali tal-elementi prinċipali tad-deċiżjoni ta’ ritorn▌, inkluża informazzjoni dwar ir-rimedji legali disponibbli f’lingwa li ċ-ċittadin ta’ pajjiż terz jifhem jew jista’ raġonevolment jiġi preżunt li jifhem. Għal dik il-fini, l-awtoritajiet kompetenti jistgħu, meta xieraq, jużaw mudelli ta’ traduzzjonijiet standardizzati jew għodod tat-traduzzjoni assistiti mill-magni jew iġġenerati mill-magni.6.Id-deċiżjoni ta’ ritorn ▌għandha tinħareġ fl-istess att jew f’att separat fl-istess ħin u flimkien mad-deċiżjoni li ttemm soġġorn legali ta’ ċittadin ta’ pajjiż terz jew mingħajr dewmien żejjed wara dan, u mingħajr ma taffettwa s-salvagwardji proċedurali previsti fil-Kapitolu IV u dispożizzjonijiet rilevanti oħra tad-dritt tal-Unjoni u ta’ dak internazzjonali.7.Mal-ħruġ tad-deċiżjoni ta’ ritorn, l-Istati Membri għandhom jagħmlu użu mill-formola (“Ordni Ewropea ta’ Ritorn”) stabbilita skont il-paragrafu 8. Il-formola għandha tinkludi l-elementi prinċipali tad-deċiżjoni ta’ ritorn, u meta rilevanti tad-deċiżjoni li tordna t-tneħħija, u għandha ssir disponibbli permezz tas-Sistema ta’ Informazzjoni ta’ Schengen f’konformità mar-Regolament (UE) 2018/1860▌.8.Il-Kummissjoni għandha tadotta mhux aktar tard minn sitt xhur wara d-dħul fis-seħħ ta’ dan ir-Regolament att ta’ implimentazzjoni biex tistabbilixxi l-formola tal-Ordni Ewropea ta’ Ritorn imsemmija fil-paragrafu 7. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 49(2).9.Mhux aktar tard mill-adozzjoni tal-att ta’ implimentazzjoni msemmi fil-paragrafu 8, l-Istati Membri u l-Kummissjoni u l-aġenziji rilevanti tal-UE, bħall-eu-LISA, għandhom jibdew jistabbilixxu l-arranġamenti legali u tekniċi meħtieġa, rispettivament, biex jagħmlu l-Ordni Ewropea ta’ Ritorn disponibbli permezz tas-Sistema ta’ Informazzjoni ta’ Schengen biex jiġi ffaċilitat l-issodisfar tal-obbligu fil-paragrafu 7. Il-Kummissjoni u l-aġenziji rilevanti tal-UE, bħall-eu-LISA, għandhom jappoġġaw lill-Istati Membri, kif xieraq.9a. Sa mhux aktar tard mid-data tad-dħul fis-seħħ imsemmija fl-Artikolu 52(3) ta’ dan ir-Regolament, il-Kummissjoni u l-aġenziji rilevanti tal-UE, bħall-eu-LISA, għandhom jimplimentaw miżuri biex jiżguraw il-possibbiltà tat-trattament awtomatizzat tal-Ordni Ewropea ta’ Ritorn bil-ħsieb li jagħmlu l-applikazzjoni tal-Artikolu 9 aktar effiċjenti.9b. L-Istati Membri għandhom jinnotifikaw lill-Kummissjoni dwar l-arranġamenti legali u tekniċi meħtieġa stabbiliti biex jissodisfaw l-obbligu msemmi fil-paragrafu 7 sa mhux aktar tard mid-data tad-dħul fis-seħħ imsemmija fl-Artikolu 52(3) ta’ dan ir-Regolament.▌

Artikolu 8Eċċezzjonijiet mill-obbligu li tinħareġ deċiżjoni ta’ ritorn1.L-awtoritajiet kompetenti tal-Istati Membri jistgħu jiddeċiedu li ma joħorġux deċiżjoni ta’ ritorn f’wieħed mill-każijiet li ġejjin meta ċ-ċittadin ta’ pajjiż terz jiġi:(a)trasferit lejn Stat Membru ieħor f’konformità mal-proċedura prevista fl-Artikolu 23a tar-Regolament (UE) 2016/399;(b)trasferit lejn Stat Membru ieħor skont ftehimiet jew arranġamenti bilaterali jew abbażi ta’ kooperazzjoni bejn l-Istati Membri f’konformità mal-Artikolu 44;(c)persuna li s-soġġorn illegali tagħha jiġi identifikat b’konnessjoni mal-verifiki fuq il-fruntiera mwettqa mal-ħruġ fil-fruntiera esterna f’konformità mal-Artikolu 8 tar-Regolament (UE) 2016/399 jew ma’ verifiki ekwivalenti f’konformità mad-dritt nazzjonali fil-każ ta’ Stati Membri mhux marbuta b’dak ir-Regolament, filwaqt li jiġi evitat kemm jista’ jkun li jiġi pospost it-tluq taċ-ċittadin ta’ pajjiż terz ikkonċernat.2.Deċiżjoni ta’ ritorn ma għandhiex tinħareġ f’każijiet meta ċ-ċittadin ta’ pajjiż terz ikollu permess ta’ residenza validu, viża għal soġġorn twil jew awtorizzazzjoni oħra li toffri dritt ta’ soġġorn maħruġa minn Stat Membru ieħor▌. 3.Fil-każijiet imsemmija fil-paragrafu 2, l-Istat Membru għandu jirrikjedi li ċ-ċittadin ta’ pajjiż terz imur fit-territorju ta’ dak l-Istat Membru l-ieħor immedjatament. Meta ċ-ċittadin ta’ pajjiż terz ma jikkonformax, jew meta t-tluq immedjat taċ-ċittadin ta’ pajjiż terz ikun meħtieġ għal raġunijiet ta’ ordni pubbliku, sigurtà pubblika jew sigurtà nazzjonali, l-Istati Membri jistgħu jitolbu kooperazzjoni mingħand l-Istati Membri l-oħra skont l-Artikolu 44 jew joħorġu deċiżjoni ta’ ritorn f’konformità mal-Artikolu 7.4.Deċiżjoni ta’ ritorn ma għandhiex tinħareġ f’każijiet meta tiġi applikata ▌l-proċedura fl-Artikolu 9.

Artikolu 9Rikonoxximent u infurzar ta’ deċiżjonijiet ta’ ritorn maħruġa minn Stat Membru ieħor1.L-Istat Membru fejn iċ-ċittadin ta’ pajjiż terz ikun qiegħed hemm b’soġġorn illegali (“Stat Membru tal-infurzar”) jista’ jirrikonoxxi u jinforza deċiżjoni ta’ ritorn infurzabbli, u meta rilevanti deċiżjoni li tordna t-tneħħija, maħruġa lil dak iċ-ċittadin ta’ pajjiż terz minn Stat Membru ieħor (“Stat Membru emittenti”) skont l-Artikolu 7(1) u l-Artikolu 12(2). L-infurzar għandu jkun ibbażat fuq l-informazzjoni disponibbli fl-Ordni Ewropea ta’ Ritorn imsemmija fl-Artikolu 7(7) u għandu jitwettaq f’konformità mar-regoli u mal-proċeduri nazzjonali skont l-Artikolu12.2.L-Istati Membri ma għandhomx ikunu meħtieġa jieħdu deċiżjonijiet jew atti amministrattivi għall-fini ta’ rikonoxximent. Ir-rikonoxximent ma għandux għalfejn jieħu l-forma ta’ proċedura amministrattiva.▌5.Meta Stat Membru ma jirrikonoxxix jew ma jinfurzax deċiżjoni ta’ ritorn jew deċiżjoni li tordna t-tneħħija skont il-paragrafu 1▌, dak l-Istat Membru għandu joħroġ deċiżjoni ta’ ritorn soġġetta għall-kundizzjonijiet tal-Artikolu 7 jew deċiżjoni li tordna t-tneħħija skont l-Artikolu 12(2).6.Meta Stat Membru jirrikonoxxi jew jinforza deċiżjoni ta’ ritorn jew deċiżjoni li tordna t-tneħħija skont il-paragrafu 1, huwa għandu jissospendi t-tneħħija meta l-effetti tad-deċiżjoni ta’ ritorn jew tad-deċiżjoni li tordna t-tneħħija fl-Istat Membru emittenti jiġu sospiżi u jista’ joħroġ deċiżjoni ta’ ritorn soġġetta għall-kundizzjonijiet tal-Artikolu 7.7.Meta l-Istat Membru emittenti jissospendi jew jirtira d-deċiżjoni ta’ ritorn jew meta d-deċiżjoni ta’ ritorn tiġi annullata minn awtorità amministrattiva, jew qorti jew tribunal, l-Istat Membru tal-infurzar għandu joħroġ deċiżjoni ta’ ritorn soġġetta għall-kundizzjonijiet tal-Artikolu 7.8.L-Istat Membru emittenti għandu fuq talba jipprovdi lill-Istat Membru tal-infurzar bid-data u d-dokumenti kollha disponibbli meħtieġa għall-fini ▌ta’ ritorn jew tneħħija, f’konformità mar-Regolament (UE) 2018/1860▌.▌9a. L-applikazzjoni tal-Artikolu 9 hija mingħajr preġudizzju għall-użu tal-eċċezzjonijiet stabbiliti fl-Artikolu 8.11. L-Istati Membri għandhom, bl-adozzjoni tal-att ta’ implimentazzjoni msemmi fl-Artikolu 7(8), jibdew jistabbilixxu passi preparatorji li jistgħu jiffaċilitaw ir-rikonoxximent ta’ deċiżjonijiet ta’ ritorn jew deċiżjonijiet li jordnaw it-tneħħija maħruġa minn Stat Membru ieħor, inkluż, meta rilevanti, arranġamenti legali u tekniċi fis-sistemi nazzjonali tagħhom, bidliet fis-sistemi tal-IT nazzjonali, taħriġ rilevanti, u attivitajiet ta’ proġetti pilota.12. Sa sentejn wara d-data tad-dħul fis-seħħ imsemmija fl-Artikolu 52(3) ta’ dan ir-Regolament, il-Kummissjoni għandha tivvaluta l-implimentazzjoni tar-rikonoxximent reċiproku skont il-paragrafu 1 ta’ dan l-Artikolu, b’mod partikolari fir-rigward ta’ dan li ġej:(a) jekk l-arranġamenti legali u tekniċi li jagħmlu l-Ordni Ewropea ta’ Ritorn disponibbli permezz tas-Sistema ta’ Informazzjoni ta’ Schengen skont l-Artikolu 7(7) ikunux ġew stabbiliti mill-Istati Membri u jkunux effettivi;(b) jekk l-arranġamenti legali u tekniċi biex jiġi żgurat it-trattament awtomatizzat tal-Ordni Ewropea ta’ Ritorn skont l-Artikolu 7(9) ikunux ġew stabbiliti mill-Istati Membri;(c) l-effettività tar-rikonoxximent u tal-infurzar ta’ deċiżjonijiet ta’ ritorn u deċiżjonijiet li jordnaw it-tneħħija;(d) il-piż fuq is-sistemi ġudizzjarji u amministrattivi nazzjonali li jirriżulta minnhom, u(e) ir-riżultati tat-taħriġ rilevanti u tal-attivitajiet ta’ proġetti pilota.13. Abbażi tal-valutazzjoni msemmija fil-paragrafu 12, il-Kummissjoni għandha tippreżenta, kif xieraq, proposti leġiżlattivi, inkluża kwalunkwe emenda mmirata biex jiġu żgurati ritorni effettivi, bil-ħsieb li jiġu introdotti rikonoxximent u infurzar obbligatorji ta’ deċiżjonijiet ta’ ritorn u deċiżjonijiet li jordnaw it-tneħħija infurzabbli maħruġa minn Stat Membru ieħor. Meta l-Kummissjoni ma tippreżentax proposta, hija għandha tispjega r-raġuni għal dan.

Taqsima 3Projbizzjoni fuq id-dħul

Artikolu 10Ħruġ ta’ projbizzjoni fuq id-dħul1.Id-deċiżjonijiet ta’ ritorn għandhom ikunu akkumpanjati minn projbizzjoni fuq id-dħul meta:(a)iċ-ċittadin ta’ pajjiż terz ikun soġġett għal tneħħija f’konformità mal-Artikolu 12;(b)ma jkunx hemm konformità mal-obbligu ta’ tluq mit-territorju tal-Istati Membri fil-limiti ta’ żmien stabbiliti f’konformità mal-Artikolu 7, il-paragrafi 1a-1c;(c)iċ-ċittadin ta’ pajjiż terz jippreżenta riskju għas-sigurtà f’konformità mal-Artikolu 16.2.F’każijiet għajr dawk elenkati fil-paragrafu 1, l-awtoritajiet kompetenti jistgħu jakkumpanjaw deċiżjoni ta’ ritorn jew deċiżjoni li tordna t-tneħħija bi projbizzjoni fuq id-dħul ▌b’kont meħud taċ-ċirkostanzi rilevanti, b’mod partikolari l-livell ta’ kooperazzjoni taċ-ċittadin ta’ pajjiż terz.3.Il-projbizzjoni fuq id-dħul għandha tinħareġ bħala parti mid-deċiżjoni ta’ ritorn jew bħala parti mid-deċiżjoni li tordna t-tneħħija jew separatament bil-miktub. Il-projbizzjoni fuq id-dħul għandha tiġi notifikata liċ-ċittadin ta’ pajjiż terz f’lingwa li ċ-ċittadin ta’ pajjiż terz jifhem jew li jista’ raġonevolment jiġi preżunt li jifhem. Għal dik il-fini, l-awtoritajiet kompetenti jistgħu, meta xieraq, jużaw mudelli ta’ traduzzjonijiet standardizzati jew għodod tat-traduzzjoni assistiti mill-magni jew iġġenerati mill-magni. 4.L-awtoritajiet kompetenti jistgħu jimponu projbizzjoni fuq id-dħul mingħajr ma joħorġu deċiżjoni ta’ ritorn lil ċittadin ta’ pajjiż terz b’soġġorn illegali fit-territorju tal-Istati Membri u li s-soġġorn illegali tiegħu jiġi identifikat b’rabta mal-verifiki fuq il-fruntiera mwettqa mal-ħruġ f’konformità mal-Artikolu 8 tar-Regolament (UE) 2016/399, jew verifiki ekwivalenti f’konformità mad-dritt nazzjonali fil-każ ta’ Stati Membri mhux marbuta b’dak ir-Regolament. Il-projbizzjoni fuq id-dħul f’dawn il-każijiet tista’ tiġi imposta u notifikata wara li ċ-ċittadin ta’ pajjiż terz ikun telaq mit-territorju tal-Istati Membri filwaqt li jiġi evitat kemm jista’ jkun li jiġi pospost it-tluq taċ-ċittadin ta’ pajjiż terz ikkonċernat.4a. Meta ċittadin ta’ pajjiż terz b’soġġorn illegali jitlaq mit-territorju tal-Istati Membri qabel ma tinħareġ deċiżjoni ta’ ritorn, l-awtoritajiet kompetenti jistgħu jimponu projbizzjoni fuq id-dħul mingħajr ma joħorġu deċiżjoni ta’ ritorn.4b. Meta r-raġunijiet għall-ħruġ ta’ projbizzjoni fuq id-dħul ikunu rriżultaw wara li tkun inħarġet deċiżjoni ta’ ritorn, l-awtoritajiet kompetenti jistgħu jimponu projbizzjoni fuq id-dħul mingħajr ma joħorġu deċiżjoni ta’ ritorn ġdida.5.L-awtoritajiet kompetenti jistgħu joqogħdu lura milli joħorġu projbizzjoni fuq id-dħul f’każijiet individwali għal raġunijiet umanitarji, jekk iċ-ċittadin ta’ pajjiż terz ikun vittma ta’ traffikar ta’ bnedmin jew jekk iċ-ċittadin ta’ pajjiż terz jikkoopera kif xieraq mal-awtoritajiet kompetenti, inkluż billi jirreġistra fi programm ta’ ritorn u riintegrazzjoni.6.It-tul tal-projbizzjoni fuq id-dħul għandu jiġi ddeterminat b’kont dovut taċ-ċirkostanzi rilevanti kollha tal-każ individwali għal massimu ta’ għaxar snin. Mingħajr preġudizzju għall-Artikoli 16(3)(a), projbizzjoni fuq id-dħul tista’ tinħareġ għal massimu ta’ 20 sena għal raġunijiet debitament sostanzjati kull meta jitqies meħtieġ biex iċ-ċittadin ta’ pajjiż terz jiġi pprevenut milli jidħol fit-territorju tal-Istati Membri. ▌8.Il-perjodu tal-projbizzjoni fuq id-dħul għandu jibda mid-data li fiha ċ-ċittadin ta’ pajjiż terz ikun telaq mit-territorju tal-Istati Membri.

Artikolu 11Irtirar, sospensjoni jew tqassir tad-durata ta’ projbizzjoni fuq id-dħul1.Projbizzjoni fuq id-dħul tista’ tiġi rtirata, sospiża jew id-durata tagħha tiġi mqassra mill-Istat Membru emittenti meta ċ-ċittadin ta’ pajjiż terz juri li huwa rritorna volontarjament, mingħajr preġudizzju għall-paragrafi 2 u 3.▌2.L-awtorità kompetenti tista’, kif tqis xieraq, tirtira, tissospendi jew tqassar id-durata ta’ projbizzjoni fuq id-dħul ▌f’każijiet individwali ġustifikati, inkluż għal raġunijiet umanitarji, b’kont meħud taċ-ċirkostanzi rilevanti kollha, mingħajr preġudizzju għall-paragrafu 3. 3.Iċ-ċittadin ta’ pajjiż terz jista’ jippreżenta talba ssostanzjata sew għall-irtirar, għas-sospensjoni jew għat-tqassir tad-durata ta’ projbizzjoni fuq id-dħul, dment li ċ-ċittadin ta’ pajjiż terz ikun telaq mit-territorju, mingħajr preġudizzju għall-paragrafu 4.4. Ċittadin ta’ pajjiż terz, li tkun inħarġitlu projbizzjoni fuq id-dħul ta’ aktar minn għaxar snin f’konformità mal-Artikolu 10(6) jew mal-Artikolu 16(3)(a) jista’ għaxar snin wara t-tluq tiegħu mill-Istati Membri jitlob lill-Istat Membru emittenti jirrieżamina jekk il-projbizzjoni fuq id-dħul tridx tiġi rtirata, sospiża jew imqassra, filwaqt li jitqiesu kif xieraq iċ-ċirkostanzi rilevanti kollha, inkluż, meta rilevanti, jekk iċ-ċittadin ta’ pajjiż terz ikunx għadu ta’ riskju għas-sigurtà skont l-Artikolu 16, u jekk il-projbizzjoni fuq id-dħul tkunx għadha meħtieġa biex tkompli tipprevjeni lil dak iċ-ċittadin ta’ pajjiż terz milli jidħol fit-territorju tal-Istati Membri. It-talba għal rieżami għandha tkun issostanzjata sew.4a. L-Istati Membri jistgħu jagħmlu l-irtirar ta’ projbizzjoni fuq id-dħul soġġett għar-rimborż tal-kostijiet tat-tneħħija taċ-ċittadin ta’ pajjiż terz.

Taqsima 4Infurzar tar-ritorn

Artikolu 12Tneħħija1.L-Istati Membri għandhom jieħdu l-miżuri kollha meħtieġa biex ineħħu ċ-ċittadin ta’ pajjiż terz ▌meta:(-a) iċ-ċittadin ta’ pajjiż terz ma jkunx ikkonforma mal-obbligu ta’ tluq mit-territorju f’konformità mal-Artikolu 7;(a)iċ-ċittadin ta’ pajjiż terz ma jikkooperax mal-awtoritajiet matul il-proċess ta’ ritorn▌;▌(c)iċ-ċittadin ta’ pajjiż terz jaqa’ fil-kamp ta’ applikazzjoni tal-Artikolu 16;(d)iċ-ċittadin ta’ pajjiż terz jiċċaqlaq fi Stat Membru ieħor mingħajr awtorizzazzjoni, inkluż matul il-perjodu stabbilit f’konformità mal-Artikolu 7;(da) l-awtoritajiet kompetenti jqisu li t-tneħħija tkun meħtieġa u proporzjonata, kif previst fid-dritt nazzjonali, għal raġunijiet għajr dawk elenkati fil-punti (-a) sa (d).1a. Xejn f’dan ir-regolament ma għandu jipprevjeni lill-Istati Membri milli jippermettu jew jiffaċilitaw ir-ritorn volontarju ta’ ċittadin ta’ pajjiż terz, li b’xi mod ieħor ikun soġġett għal tneħħija skont il-paragrafu 1, b’mod partikolari meta jitqies li dan iwassal għal ritorn aktar rapidu u aktar effettiv.2.Deċiżjoni li tordna t-tneħħija tista’ tinħareġ mill-awtoritajiet kompetenti lil kwalunkwe ċittadin ta’ pajjiż terz li jkun soġġett għal ritorn. Meta tinħareġ deċiżjoni li tordna t-tneħħija, din għandha tkun bil-miktub u tista’ tkun fl-istess deċiżjoni tad-deċiżjoni ta’ ritorn jew bħala deċiżjoni jew att amministrattivi jew ġudizzjarji separati jew bħala parti minn deċiżjoni amministrattiva jew ġudizzjarja oħra.2a. Meta pajjiż tar-ritorn ma jkunx għadu ġie ddeterminat jew meta dan ikun differenti mill-pajjiż iddeterminat qabel, l-awtorità kompetenti għandha tiddetermina pajjiż tar-ritorn wieħed jew aktar kif imsemmi fl-Artikolu 4(3) fid-deċiżjoni ta’ ritorn jew deċiżjoni li tordna t-tneħħija qabel ma twettaq it-tneħħija.2b. Meta tinħareġ deċiżjoni li tordna t-tneħħija, din għandha tagħti r-raġunijiet fil-fatt u fil-liġi. Iċ-ċittadin ta’ pajjiż terz għandu jiġi infurmat dwar ir-rimedji legali disponibbli u l-limiti ta’ żmien biex jirrikorri għal dawk ir-rimedji. Id-deċiżjoni li tordna t-tneħħija għandha tiġi notifikata liċ-ċittadin ta’ pajjiż terz mill-aktar fis possibbli f’konformità mad-dritt nazzjonali tal-Istat Membru kkonċernat.2c. Meta tinħareġ deċiżjoni li tordna t-tneħħija, iċ-ċittadin ta’ pajjiż terz għandu, fuq talba, jiġi pprovdut bi traduzzjoni bil-miktub jew orali tal-elementi prinċipali tad-deċiżjoni li tordna t-tneħħija, inkluża l-informazzjoni dwar ir-rimedji legali disponibbli f’lingwa li ċ-ċittadin ta’ pajjiż terz jifhem jew jista’ raġonevolment jiġi preżunt li jifhem. Għal dik il-fini, l-awtoritajiet kompetenti jistgħu, meta xieraq, jużaw mudelli ta’ traduzzjonijiet standardizzati jew għodod tat-traduzzjoni assistiti mill-magni jew iġġenerati mill-magni.3.Meta ċ-ċittadin ta’ pajjiż terz jindika, jew l-awtoritajiet tal-Istat Membru jsiru konxji minn, indikazzjonijiet rilevanti li t-tneħħija tkun tikser il-prinċipju ta’ non-refoulement, l-awtoritajiet kompetenti għandhom jirreferu liċ-ċittadin ta’ pajjiż terz għall-proċedura xierqa, inkluża l-proċedura tal-ażil f’konformità mar-Regolament (UE)2024/1348, meta applikabbli, jew f’konformità mad-dritt nazzjonali jivvalutaw jekk it-tneħħija tkunx f’konformità mal-prinċipju ta’ non-refoulement▌. Iċ-ċittadin ta’ pajjiż terz ikkonċernat għandu jressaq mill-aktar fis possibbli kwalunkwe informazzjoni li tirrigwarda ċ-ċirkostanzi personali tiegħu sabiex jissostanzja t-talba tiegħu li t-tneħħija tkun tikser il-prinċipju ta’ non-refoulement. L-awtoritajiet kompetenti jistgħu jibbażaw fuq jew iqisu kwalunkwe valutazzjoni preċedenti tar-riskju ta’ refoulement. Kwalunkwe valutazzjoni ulterjuri li hemm riskju ta’ refoulement għandha ssir biss jekk l-informazzjoni rilevanti tkun ġiet issostanzjata. 3a. L-Istati Membri jistgħu jiddeċiedu li l-prinċipju ta’ non-refoulement jista’ jiġi vvalutat minn awtorità għajr l-awtorità kompetenti li tkun qed toħroġ jew tinforza d-deċiżjoni ta’ ritorn.4.Il-miżuri ta’ koerċizzjoni meħuda biex tiġi żgurata t-tneħħija għandhom ikunu meħtieġa u proporzjonati u, fi kwalunkwe każ, ma għandhomx jaqbżu l-livell limitu ta’ forza raġonevoli. Dawn għandhom jiġu implimentati f’konformità mad-dritt nazzjonali filwaqt li jiġu rispettati d-drittijiet fundamentali u bir-rispett dovut għad-dinjità u għall-integrità fiżika taċ-ċittadin ta’ pajjiż terz ikkonċernat.5.Fit-twettiq ta’ tneħħijiet bl-ajru, l-Istati Membri għandhom iqisu l-linji gwida komuni dwar id-dispożizzjonijiet ta’ sigurtà għat-tneħħijiet konġunti bl-ajru li huma stabbiliti fl-Anness tad-Deċiżjoni tal-Kunsill 2004/573/KE. Id-Deċiżjoni tal-Kunsill 2004/573/KE tad-29 ta’ April 2004 dwar l-organizzazzjoni ta’ titjiriet konġunti għat-tneħħija mit-territorju ta’ żewġ Stati Membri jew iktar, ta’ ċittadini ta’ pajjiżi terzi li huma suġġetti ta’ ordnijiet individwali ta’ tneħħija (ĠU L 261, 6.8.2004, p. 28, ELI: http://data.europa.eu/eli/dec/2004/573/oj).▌

▌Artikolu 14Kundizzjonijiet għall-posponiment tat-tneħħija1.It-tneħħija skont l-Artikolu 12 għandha tiġi posposta fiċ-ċirkostanzi li ġejjin:(a)meta tikser il-prinċipju ta’ non-refoulement; jew(b)meta u sakemm tkun fis-seħħ is-sospensjoni tad-deċiżjoni ta’ ritorn f’konformità mal-Artikolu 28.2.It-tneħħija skont l-Artikolu 12 tista’ tiġi posposta▌, b’kont meħud taċ-ċirkostanzi speċifiċi tal-każ individwali. F’każ li jkun hemm riskju ta’ ħarba, jistgħu jiġu applikati miżuri addizzjonali skont il-paragrafu 7. 3.Jekk iċ-ċittadin ta’ pajjiż terz jitlob posponiment tat-tneħħija, it-talba għandha tiġi sostanzjata kif xieraq.4.▌L-Istati Membri għandhom jipprovdu liċ-ċittadin ta’ pajjiż terz ikkonċernat konferma bil-miktub tal-posponiment f’konformità mal-paragrafu 1 jew mal-paragrafu 2 u d-drittijiet tiegħu matul dak il-posponiment. Traduzzjoni tal-konferma tista’ tiġi kkomunikata oralment liċ-ċittadin ta’ pajjiż terz f’lingwa li jifhem jew li huwa raġonevolment preżunt li jifhem, inkluż bl-użu ta’ servizzi tal-interpretazzjoni.5.Il-posponiment tat-tneħħija għandu jiġi rieżaminat f’każ ta’ bidla fiċ-ċirkostanzi rilevanti.6.Għandu jitqies dan li ġej fir-rigward tas-sitwazzjoni taċ-ċittadin ta’ pajjiż terz, inkluża l-konformità taċ-ċittadin ta’ pajjiż terz mal-obbligi f’dan ir-Regolament, matul il-perjodi li għalihom it-tneħħija tkun ġiet posposta:(a)il-ħtiġijiet bażiċi;(b)l-unità tal-familja mal-membri tal-familja preżenti fit-territorju tal-Istat Membru;(c)il-kura tas-saħħa ta’ emerġenza u t-trattament essenzjali tal-mard;(d)l-aċċess tal-minorenni għas-sistema tal-edukazzjoni bażika soġġett għat-tul tas-soġġorn tagħhom;(e)il-ħtiġijiet speċjali ta’ persuni vulnerabbli.7.Jekk it-tneħħija tiġi posposta, il-miżuri stabbiliti fl-Artikoli 21, 23c u 29 jistgħu jiġu applikati meta l-kundizzjonijiet jiġu ssodisfati.

Artikolu 15Monitoraġġ tat-tneħħija▌ L-Istati Membri għandhom jipprevedu sistema indipendenti ta’ monitoraġġ ta’ ritorn furzat. L-Istati Membri jistgħu jibbażaw fuq mekkaniżmi ta’ monitoraġġ eżistenti bħal strutturi u għarfien espert stabbiliti skont ir-Regolament (UE) 2024/1356 kif rilevanti għall-fini ta’ dan l-Artikolu.▌

Artikolu 16Ritorn ta’ ċittadini ta’ pajjiżi terzi li jippreżentaw riskji għas-sigurtà1.Dan l-Artikolu għandu japplika għal ċittadini ta’ pajjiżi terzi meta:(a)ikunu ta’ theddida għall-ordni pubbliku, għas-sigurtà pubblika jew għas-sigurtà nazzjonali, inkluż meta jkunu soġġetti għal allert skont l-Artikolu 24(1)(a) tar-Regolament (UE) 2018/1861 tal-Parlament Ewropew u tal-Kunsill Ir-Regolament (UE) 2018/1861 tal-Parlament Ewropew u tal-Kunsill tat-28 ta’ Novembru 2018 dwar l-istabbiliment, it-tħaddim u l-użu tas-Sistema ta’ Informazzjoni ta’ Schengen (SIS) fil-qasam tal-verifiki fuq il-fruntieri, u li jemenda l-Konvenzjoni li timplimenta l-Ftehim ta’ Schengen, u li jemenda u jħassar ir-Regolament (KE) Nru 1987/2006 (ĠU L 312, 7.12.2018, p. 14, ELI: http://data.europa.eu/eli/reg/2018/1861/oj).;(b)ikun hemm indikazzjonijiet raġonevoli biex wieħed jemmen li jkunu wettqu reat kriminali serju kif imsemmi fl-Artikolu 2(2) tad-Deċiżjoni Kwadru tal-Kunsill 2002/584/ĠAI Id-Deċiżjoni Kwadru tal-Kunsill 2002/584/ĠAI tat-13 ta’ Ġunju 2002 dwar il-mandat ta’ arrest Ewropew u l-proċeduri ta’ konsenja bejn l-Istati Membri - Dikjarazzjonijiet li saru minn ċerti Stati Membri dwar l-adozzjoni tad-Deċiżjoni Kwadru (ĠU L 190, 18.7.2002, p. 1, ELI: http://data.europa.eu/eli/dec_framw/2002/584/oj). jew ikunu wettqu reat li jġorr piena li timplika l-privazzjoni tal-libertà ta’ mill-anqas sentejn skont id-dritt nazzjonali jew ikunu wettqu reati multipli li jġorru piena li timplika l-privazzjoni tal-libertà ta’ mill-anqas sena skont id-dritt nazzjonali tal-Istat Membru li jikkundannahom;(ba) ikun hemm indikazzjonijiet raġonevoli li l-persuna tkun involuta fi kwalunkwe reat minn dawk imsemmija fid-Direttiva (UE) 2017/541 tal-Parlament Ewropew u tal-Kunsill Id-Direttiva (UE) 2017/541 tal-Parlament Ewropew u tal-Kunsill tal-15 ta’ Marzu 2017 dwar il-ġlieda kontra t-terroriżmu u li tissostitwixxi d-Deċiżjoni Kwadru tal-Kunsill 2002/475/ĠAI u li temenda d-Deċiżjoni tal-Kunsill 2005/671/ĠAI (ĠU L 88, 31.3.2017, p. 6, ELI: http://data.europa.eu/eli/dir/2017/541/oj).;(c)ikun hemm indikazzjonijiet raġonevoli tal-intenzjoni li jitwettaq reat skont il-punti (b) u (ba) ta’ dan il-paragrafu fit-territorju ta’ Stat Membru;(ca) ikun hemm indikazzjonijiet raġonevoli li dawn jippreżentaw kwalunkwe theddida oħra għas-sigurtà kif identifikata skont id-dritt nazzjonali.2.Iċ-ċittadini ta’ pajjiżi terzi li jaqgħu fil-kamp ta’ applikazzjoni ta’ dan l-Artikolu għandhom ikunu soġġetti għal tneħħija f’konformità mal-Artikolu 12.2a. Il-paragrafu 1, il-punti (b), (ba) u (c), għandu japplika għaċ-ċittadini ta’ pajjiżi terzi meta jkun hemm indikazzjonijiet raġonevoli li dawn ikunu inċitaw jew inkella pparteċipaw b’mod ieħor fit-twettiq ta’ reati jew atti msemmija fih.2b. L-Istati Membri għandhom jieħdu l-miżuri meħtieġa biex jiżguraw li d-deċiżjonijiet ta’ ritorn li jikkonċernaw ċittadini ta’ pajjiżi terzi li jaqgħu fil-kamp ta’ applikazzjoni ta’ dan l-Artikolu jiġu trattati u infurzati bħala kwistjoni ta’ prijorità.3.B’deroga mid-dispożizzjonijiet rilevanti ta’ dan ir-Regolament, iċ-ċittadini ta’ pajjiżi terzi li jaqgħu fil-kamp ta’ applikazzjoni ta’ dan l-Artikolu jistgħu jiġu:(a)soġġetti għal projbizzjoni fuq id-dħul maħruġa f’konformità mal-Artikolu 10 li taqbeż id-durata massima msemmija fl-Artikolu 10(6) jew projbizzjoni fuq id-dħul għal durata indefinita meta ġustifikata u proporzjonata għar-riskju għas-sigurtà ppreżentat miċ-ċittadin ta’ pajjiż terz. F’tali każijiet, għandu japplika l-Artikolu 11(4);(b)detenuti f’konformità mal-Artikolu 29(3), il-punt (c);(c)detenuti f’ħabsijiet u, sal-limitu possibbli, jinżammu separati minn priġunieri ordinarji;(d)soġġetti għal detenzjoni għal perjodi addizzjonali li jaqbżu d-durata massima msemmija fl-Artikolu 32(3) u li jiġu ddeterminati minn qorti jew tribunal li jqisu ċ-ċirkostanzi tal-każ individwali, u li jiġu soġġetti għal rieżami minn qorti jew tribunal mill-anqas kull tliet xhur.4.Meta t-theddida għall-ordni pubbliku, għas-sigurtà pubblika jew għas-sigurtà nazzjonali ppreżentata miċ-ċittadini ta’ pajjiżi terzi msemmija fil-paragrafu 1(a) ma tkunx tista’ tiġi indirizzata b’mod effettiv skont dan l-Artikolu, l-Istati Membri jistgħu jipprevedu miżuri oħra skont id-dritt nazzjonali. L-Istati Membri għandhom jiżguraw li meta tittieħed id-deċiżjoni rilevanti, il-miżura tkun meħtieġa u proporzjonata filwaqt li jitqiesu s-severità tat-theddida għas-sigurtà pubblika, jew il-periklu ppreżentat mill-persuna kkonċernata.4a. L-Istati Membri jistgħu jibbażaw fuq valutazzjoni bir-reqqa eżistenti tas-sigurtà taċ-ċirkostanzi rilevanti kollha mwettqa mill-awtoritajiet kompetenti fi stadji preċedenti, inkluż fil-kuntest tal-proċeduri tal-ażil, tal-viża, u tal-kontrolli fuq il-fruntieri, inkluż l-iskrinjar.

Artikolu 17Ritorn lejn pajjiż li miegħu hemm ftehim jew arranġament1.Ir-ritorn fis-sens tal-Artikolu 4, l-ewwel paragrafu, il-punt (3)(g) ta’ ċittadini ta’ pajjiżi terzi b’soġġorn illegali jirrikjedi li jiġi konkluż ftehim jew arranġament ma’ pajjiż terz. Tali ftehim jew arranġament jista’ jiġi konkluż biss ma’ pajjiż terz fejn l-istandards u l-prinċipji internazzjonali tad-drittijiet tal-bniedem f’konformità mad-dritt internazzjonali, inkluż il-prinċipju ta’ non-refoulement, jiġu rispettati.2.Ftehim jew arranġament skont il-paragrafu 1 għandu jistabbilixxi dan li ġej:(a)il-proċeduri applikabbli għar-ritorn ta’ ċittadini ta’ pajjiżi terzi b’soġġorn illegali barra mill-Istati Membri lejn il-pajjiż terz imsemmi fil-paragrafu 1;(b)il-kundizzjonijiet għas-soġġorn taċ-ċittadin ta’ pajjiż terz fil-pajjiż terz imsemmi fil-paragrafu 1, inklużi l-obbligi u r-responsabbiltajiet rispettivi tal-partijiet għall-ftehim jew għall-arranġament;▌(d)l-obbligi tal-pajjiż terz imsemmi fit-tieni sentenza tal-paragrafu 1;▌(f)il-konsegwenzi li jridu jinsiltu f’każ ta’ ksur tal-ftehim jew tal-arranġament jew bidla sinifikanti li jkollha impatt avvers fuq is-sitwazzjoni tal-pajjiż terz.2a. Meta ftehim jew arranġament skont il-paragrafu 1 jipprevedi ritorn ulterjuri lejn pajjiż tar-ritorn imsemmi fl-Artikolu 4(3)(a) sa (d), il-ftehim jew l-arranġament għandu, flimkien mal-paragrafu 2, jistabbilixxi dan li ġej:(a) il-konsegwenzi f’każ li r-ritorn ulterjuri ma jkunx possibbli;(b) l-obbligi u r-responsabbiltajiet rispettivi tal-partijiet għall-ftehim jew għall-arranġament;(c) il-konsegwenzi li jridu jinsiltu f’każ ta’ bidla sinifikanti li jkollha impatt avvers fuq is-sitwazzjoni tal-pajjiż terz imsemmi fil-paragrafu 1;(d) korp jew mekkaniżmu indipendenti għall-monitoraġġ tal-applikazzjoni effettiva tal-ftehim jew tal-arranġament.Il-ftehim jew l-arranġament skont l-ewwel subparagrafu jista’ jinkludi l-kundizzjonijiet għal detenzjoni fil-pajjiż terz imsemmi fil-paragrafu 1.3.L-Istati Membri għandhom, fi żmien xieraq, jinfurmaw lill-Istati Membri rilevanti rigward negozjati dwar ftehim jew arranġament kif imsemmi fil-paragrafu 1, ma’ pajjiż terz li jaqsam fruntiera komuni ma’ dawk l-Istati Membri. L-Istati Membri għandhom jinfurmaw lill-Kummissjoni u lill-Istati Membri l-oħra bi kwalunkwe ftehim jew arranġament bilaterali jew multilaterali konkluż f’konformità mal-paragrafu 1, qabel id-dħul fis-seħħ tagħhom, jew, meta ftehim jew arranġament irid jiġi applikat b’mod proviżorju, qabel il-bidu tal-applikazzjoni proviżorja tiegħu. Il-Kummissjoni u l-Istati Membri l-oħra għandhom jiġu infurmati wkoll bi kwalunkwe bidla sussegwenti għal tali ftehimiet jew arranġamenti, jew bit-terminazzjoni tagħhom.4.Minorenni mhux akkumpanjati ▌ma għandhomx jiġu rritornati lejn pajjiż terz imsemmi fil-paragrafu 1.

Taqsima 5Ritorn ta’ minorenni

Artikolu 18L-aħjar interessi tat-tfalL-aħjar interessi tat-tfal għandhom ikunu kunsiderazzjoni primarja meta jiġu applikati d-dispożizzjonijiet f’konformità ma’ dan ir-Regolament.

Artikolu 19Valutazzjoni tal-età tal-minorenni1. Meta, b’riżultat ta’ dikjarazzjonijiet miċ-ċittadin ta’ pajjiż terz, evidenza dokumentarja disponibbli jew indikazzjonijiet rilevanti oħra, ikun hemm dubji dwar jekk huwiex minorenni jew le, l-awtorità kompetenti tista’ twettaq valutazzjoni tal-età f’konformità mad-dritt nazzjonali jew tal-Unjoni. Tali valutazzjoni tal-età tista’ tuża l-Artikolu 25 tar-Regolament (UE) 2024/1348▌.2. L-awtorità kompetenti tista’ tibbaża fuq valutazzjoni tal-età eżistenti mwettqa fi stadji preċedenti tal-proċedura ta’ ritorn jew fi proċeduri rilevanti oħra.3. Stat Membru jista’ jirrikonoxxi r-riżultati ta’ valutazzjoni tal-età ta’ Stati Membri oħra meta l-valutazzjonijiet tal-età tkun twettqet f’konformità mad-dritt tal-Unjoni.6. Ir-rifjut li wieħed issirlu valutazzjoni tal-età, inkluż l-eżami mediku, ma għandux jipprevjeni lill-awtorità determinanti milli tkompli bil-proċedura ta’ ritorn. Tali rifjut jista’ biss jitqies li huwa preżunzjoni konfutabbli li l-applikant mhuwiex minorenni.

Artikolu 20Ritorn ta’ minorenni mhux akkumpanjati1.▌Assistenza minn korpi xierqa għajr l-awtoritajiet li jinfurzaw ir-ritorn għandha tiġi pprovduta f’konformità mal-aħjar interessi tat-tfal.2.Rappreżentant jew persuna ddeżinjati biex jissalvagwardjaw l-aħjar interessi tat-tfal għandhom jinħatru biex jirrappreżentaw minorenni mhux akkumpanjat, jassistuh u jaġixxu f’ismu, kif applikabbli, fil-proċess ta’ ritorn. Għandu jiġi żgurat li r-rappreżentant maħtur ikun imħarreġ kif xieraq f’komunikazzjoni adattata għat-tfal u adatta għall-età u li jkun jista’ jikkomunika, inkluż bl-użu ta’ servizzi tal-interpretazzjoni, f’lingwa li l-minorenni jifhemjew li jista’ jiġi raġonevolment preżunt li jifhem. Dik il-persuna tista’ tkun il-persuna ddeżinjata biex taġixxi bħala rappreżentant skont id-Direttiva (UE) 2024/1346 Id-Direttiva (UE) 2024/1346 tal-Parlament Ewropew u tal-Kunsill tal-14 ta’ Mejju 2024 li tistabbilixxi l-istandards dwar l-akkoljenza ta’ applikanti għall-protezzjoni internazzjonali (ĠU L, 2024/1346, 22.5.2024, ELI: http://data.europa.eu/eli/dir/2024/1346/oj). meta l-persuna tkun ġiet iddeżinjata f’konformità mal-Artikolu 27 ta’ dik id-Direttiva.3.Il-minorenni mhux akkumpanjat għandu jinstema’, jew direttament inkella permezz tar-rappreżentant jew tal-persuna ▌msemmija fil-paragrafu 2, inkluż fil-kuntest tad-determinazzjoni tal-aħjar interessi tat-tfal. Mhux aktar tard minn qabel ma minorenni mhux akkumpanjat jitneħħa mit-territorju ta’ Stat Membru, l-awtoritajiet ta’ dak l-Istat Membru għandhom ikunu sodisfatti li se jiġi rritornat lil membru tal-familja tiegħu, tutur innominat jew faċilitajiet ta’ akkoljenza adegwati fil-pajjiż tar-ritorn.

Kapitolu IIIOBBLIGI TAĊ-ĊITTADIN TA’ PAJJIŻI TERZ

Artikolu 21Obbligu ta’ kooperazzjoni1.Iċ-ċittadini ta’ pajjiżi terzi għandhom jikkonformaw mal-obbligu ta’ tluq mit-territorju tal-Istati Membri u għandu jkollhom l-obbligu li jikkooperaw mal-awtoritajiet kompetenti tal-Istati Membri fl-istadji kollha tal-proċedura ta’ ritorn.1a. Iċ-ċittadini ta’ pajjiżi terzi għandhom jipprovdu lill-awtoritajiet kompetenti informazzjoni dwar kwalunkwe bidla rilevanti fis-sitwazzjoni individwali tagħhom li tkun rilevanti għall-fini ta’ dan ir-Regolament, mingħajr dewmien żejjed.2.Mingħajr preġudizzju għall-obbligu ta’ tluq mit-territorju tal-Istati Membri, iċ-ċittadini ta’ pajjiżi terzi għandhom:(a)jibqgħu disponibbli għall-awtoritajiet kompetenti fit-territorju tal-Istat Membru kompetenti għall-proċedura ta’ ritorn li ċ-ċittadini ta’ pajjiżi terzi ikunu soġġetti għaliha, ▌ma jaħarbux, inkluż lejn Stat Membru ieħor, u jippreżentaw ruħhom għat-tluq tat-trasportazzjoni għar-ritorn kif iddeterminat mill-awtorità kompetenti;(aa) ma jostakolawx ir-ritorn b’mod fiżiku jew verbali;(b)jipprovdu ▌mingħajr dewmien żejjed, l-informazzjoni u d-dokumentazzjoni fiżika u diġitali kollha, inklużi kopji u rekords elettroniċi, rilevanti biex tiġi stabbilita jew ivverifikata l-identità jew in-nazzjonalità jew inkella li tkun rilevanti fil-proċedura ta’ ritorn ▌li jkollhom jew li huma raġonevolment preżunti li jistgħu jiksbu, b’mod partikolari billi jipprovdu lill-awtoritajiet kompetenti b’dokument tal-identità jew tal-ivvjaġġar jew jikkooperaw meta jiksbu dokument tal-identità jew tal-ivvjaġġar;(c)ma jeqirdux, ma jżommux jew inkella ma jeħilsux minn dokumenti, informazzjoni u dokumentazzjoni, irreferenzjati f’(b) ta’ dan il-paragrafu, ma jużawx psewdonimi b’intenzjoni frawdolenti, ma jipprovdu l-ebda informazzjoni falza oħra f’forma orali jew bil-miktub, jew inkella ma jiżvijawx lill-awtoritajiet jew jopponu b’mod frawdolenti l-proċedura ta’ ritorn▌;(d)jipprovdu spjegazzjoni f’każ li ma jkollhomx fil-pussess tagħhom dokument tal-identità jew tal-ivvjaġġar;(e)jipprovdu informazzjoni dwar il-pajjiżi terzi ta’ tranżitu, ir-rotot tal-ivvjaġġar li użaw, jew pajjiżi terzi oħra li magħhom jista’ jkollhom konnessjonijiet oħra li jistgħu jiffaċilitaw ir-ritorn;(f)jipprovdu data bijometrika kif definit fid-dritt nazzjonali u tal-Unjoni, inkluż fl-Artikolu 2(1), il-punt (s), tar-Regolament (UE) 2024/1358 tal-Parlament Ewropew u tal-Kunsill Ir-Regolament (UE) 2024/1358 tal-Parlament Ewropew u tal-Kunsill tal-14 ta’ Mejju 2024 dwar l-istabbiliment tal-Eurodac għat-tqabbil ta’ data bijometrika sabiex jiġu applikati b’mod effettiv ir-Regolamenti (UE) 2024/1351 u (UE) 2024/1350 tal-Parlament Ewropew u tal-Kunsill u d-Direttiva tal-Kunsill 2001/55/KE u sabiex jiġu identifikati ċittadini ta’ pajjiż terz u persuni apolidi b’soġġorn illegali u dwar talbiet għat-tqabbil mad-data tal-Eurodac mill-awtoritajiet tal-infurzar tal-liġi tal-Istati Membri u mill-Europol għall-finijiet tal-infurzar tal-liġi, li jemenda r-Regolamenti (UE) 2018/1240 u (UE) 2019/818 tal-Parlament Ewropew u tal-Kunsill u li jħassar ir-Regolament (UE) Nru 603/2013 tal-Parlament Ewropew u tal-Kunsill (ĠU L, 2024/1358, 22.5.2024, ELI: http://data.europa.eu/eli/reg/2024/1358/oj).;(fa) jikkonformaw mar-rekwiżiti tal-ivvjaġġar tat-trasportaturi u mar-rekwiżiti tad-dħul tal-awtoritajiet tal-pajjiż terz, inklużi r-rekwiżiti tas-saħħa, meta tali rekwiżiti jkunu ġeneralment imposti fuq vjaġġaturi internazzjonali;(g)jipprovdu, meta mitluba mill-awtoritajiet kompetenti dettalji ta’ kuntatt preċiżi, inklużi l-post ta’ residenza attwali, l-indirizz, in-numru tat-telefown fejn jistgħu jintlaħqu u, meta disponibbli, indirizz tal-posta elettronika;(h)jipprovdu, mingħajr dewmien żejjed, informazzjoni dwar kwalunkwe bidla fid-dettalji ta’ kuntatt imsemmija fil-punt (g);(i)jikkonformaw ma’ kwalunkwe miżura imposta skont l-Artikolu 23, il-paragrafu 1, u l-Artikolu 23c, il-paragrafu 1, matul il-proċedura ta’ ritorn kollha;(j)jipprovdu l-informazzjoni u d-dikjarazzjonijiet kollha meħtieġa fil-kuntest tat-talbiet ippreżentati lill-awtoritajiet kompetenti tal-pajjiżi terzi rilevanti għall-fini li jiksbu dokumenti tal-ivvjaġġar u jikkooperaw ma’ dawn l-awtoritajiet tal-pajjiżi terzi, kif meħtieġ;(k)▌jidhru personalment jew ▌permezz ta’ vidjokonferenza, kif meħtieġ mill-awtoritajiet kompetenti, quddiem l-awtoritajiet nazzjonali kompetenti jew tal-pajjiżi terzi fil-post indikat minn tali awtoritajiet għall-fini li jiksbu dokumenti tal-ivvjaġġar u jistabbilixxu l-identità jew in-nazzjonalità tagħhom;(l)meta jkun meħtieġ mill-awtoritajiet kompetenti, jipparteċipaw f’counselling dwar ir-ritorn u r-riintegrazzjoni;(la) jikkonformaw ma’ miżuri addizzjonali rilevanti oħra fir-rigward tar-ritorn skont id-dritt nazzjonali.L-obbligi imposti fuq iċ-ċittadin ta’ pajjiżi terzi skont dan l-Artikolu għandhom ikunu mingħajr preġudizzju għall-obbligi u l-miżuri mhux relatati mar-ritorn previsti skont id-dritt nazzjonali.3.L-informazzjoni u d-dokumentazzjoni ▌jew, meta ma jkunux disponibbli, kopji tagħhom, imsemmija fil-paragrafu 2, il-punt (b), għandhom jinkludu b’mod partikolari d-dikjarazzjonijiet taċ-ċittadini ta’ pajjiżi terzi u kwalunkwe dokumentazzjoni li jkollhom fil-pussess tagħhom rigward:(a)isimhom, id-data u l-post tat-twelid, il-ġeneru u n-nazzjonalità jew in-nazzjonalitajiet tagħhom jew il-fatt li ċ-ċittadin ta’ pajjiż terz huwa apolidu;(b)il-membri tal-familja tagħhom u dettalji personali oħra taċ-ċittadin ta’ pajjiż terz jekk ikunu rilevanti għat-twettiq tal-proċedura ta’ ritorn ▌jew għad-determinazzjoni tal-pajjiż tar-ritorn;(c)it-tip, l-għadd, il-perjodu ta’ validità u l-pajjiż emittenti ta’ kwalunkwe dokument tal-identità jew tal-ivvjaġġar taċ-ċittadini ta’ pajjiżi terzi u dokumenti oħra pprovduti minnhom li l-awtorità kompetenti tqis rilevanti għall-finijiet tal-identifikazzjoni tagħhom, għat-twettiq tal-proċedura ta’ ritorn ▌u għad-determinazzjoni tal-pajjiż tar-ritorn;(d)kwalunkwe permess ta’ residenza jew awtorizzazzjoni oħra li toffri liċ-ċittadini ta’ pajjiżi terzi dritt ta’ soġġorn maħruġ minn Stat Membru ieħor jew minn pajjiż terz;(e)kwalunkwe deċiżjoni ta’ ritorn, deċiżjoni li tordna t-tneħħija, jew projbizzjoni fuq id-dħul maħruġa minn Stat Membru ieħor;(f)pajjiż jew pajjiżi u post jew postijiet ta’ residenza preċedenti, rotot tal-ivvjaġġar, pajjiżi ta’ tranżitu u dokumentazzjoni tal-ivvjaġġar.4.Meta l-awtoritajiet kompetenti jiddeċiedu li jżommu kwalunkwe dokument meħtieġ għall-fini ▌tar-ritorn kif imsemmi fil-paragrafu 2, il-punt (b), huma għandhom jiżguraw li ċ-ċittadin ta’ pajjiż terz jirċievi mingħajr dewmien żejjed fotokopji jew prova xierqa oħra ta’ ritenzjoni tad-dokumenti. F’każ ta’ ritorn volontarju, l-awtoritajiet kompetenti għandhom jew jagħtu lura tali dokumenti liċ-ċittadin ta’ pajjiż terz fil-ħin tat-tluq jew mal-wasla fil-pajjiż terz.5.Iċ-ċittadin ta’ pajjiż terz għandu jkun jista’ jintlaħaq b’mezz ta’ komunikazzjoni kif definit mid-dritt nazzjonali. L-Istati Membri għandhom ▌jistabbilixxu fid-dritt nazzjonali l-metodu ta’ komunikazzjoni u l-mument li fih il-komunikazzjoni titqies riċevuta miċ-ċittadin ta’ pajjiż terz u nnotifikata lilu jew jagħmlu użu minn sistemi diġitali żviluppati u/jew appoġġati mill-Istati Membri jew mill-Unjoni għall-fini ta’ din il-komunikazzjoni.▌

Artikolu 21aRiskju ta’ ħarba1. Ikun hemm riskju ta’ ħarba, f’każ individwali, dment li ma jintweriex mod ieħor, meta jiġi ssodisfat wieħed mill-kriterji li ġejjin rigward iċ-ċittadin ta’ pajjiż terz b’soġġorn illegali kkonċernat:(a) iċ-ċittadin ta’ pajjiż terz ikun daħal jew iċċaqlaq mingħajr awtorizzazzjoni fit-territorju ta’ Stat Membru, inkluż wara tranżitu f’pajjiż terz, jew jipprova jagħmel dan;(b) iċ-ċittadin ta’ pajjiż terz ikun soġġett għal deċiżjoni ta’ ritorn maħruġa minn Stat Membru għajr dak li fit-territorju tiegħu l-persuna tkun attwalment b’soġġorn illegali, inkluż kif identifikat permezz tal-allerti mdaħħla fis-Sistema ta’ Informazzjoni ta’ Schengen skont ir-Regolament (UE) 2018/1860;(c) iċ-ċittadin ta’ pajjiż terz ma jikkonformax ma’ waħda jew aktar mill-miżuri imposti f’konformità mal-Artikolu 23, il-paragrafu 1, u mal-Artikolu 23a, il-paragrafu 1, jew jesprimi jew juri l-intenzjoni li jagħmel dan;(d) iċ-ċittadin ta’ pajjiż terz ikun reġa’ daħal fit-territorju tal-Istati Membri bi ksur ta’ projbizzjoni fuq id-dħul valida.2. F’każijiet mhux koperti mill-paragrafu 1, ir-riskju ta’ ħarba għandu jiġi ddeterminat fuq il-bażi ta’ valutazzjoni ġenerali taċ-ċirkostanzi speċifiċi tal-każ individwali. Il-valutazzjoni għandha tinkludi wieħed jew aktar mill-kriterji li ġejjin rigward iċ-ċittadin ta’ pajjiż terz b’soġġorn illegali kkonċernat:(a) nuqqas ta’ residenza, ta’ domiċilju fiss jew ta’ indirizz affidabbli;(b) nuqqas ta’ konformità mal-obbligu ta’ tluq mit-territorju tal-Istati Membri fi żmien il-perjodu tat-tluq kif stabbilit f’konformità mal-Artikolu 7, il-paragrafu 1a, il-punt (a);(c) meta t-tluq ikun imminenti u jkun hemm raġunijiet biex wieħed jemmen li ċ-ċittadin ta’ pajjiż terz bi ħsiebu jikser l-obbligu ta’ kooperazzjoni kif stabbilit fl-Artikolu 21, il-paragrafu 2, il-punt (a);(d) l-użu ta’ dokumenti tal-identità jew tal-ivvjaġġar, permessi ta’ residenza jew viżi jew dokumenti li jiġġustifikaw il-kundizzjonijiet ta’ dħul foloz jew falsifikati, meta tali dokumenti jinqerdu jew dak li jkun jeħles minnhom b’xi mod ieħor, l-użu ta’ psewdonimi b’intenzjoni frawdolenti, l-għoti ta’ informazzjoni falza oħra f’forma orali jew bil-miktub, jew inkella l-oppożizzjoni frawdolenti tal-proċedura ta’ ritorn jew riammissjoni;(e) in-nuqqas ta’ attendenza għal counselling dwar ir-ritorn u r-riintegrazzjoni, meta meħtieġa mill-awtoritajiet kompetenti;(f) iċ-ċittadin ta’ pajjiż terz ikollu nuqqas ta’ ankraġġ soċjali, b’mod partikolari n-nuqqas ta’ rabtiet familjari, u mezzi insuffiċjenti ta’ sussistenza;(g) in-nuqqas ta’ konformità mal-obbligi skont l-Artikolu 21, il-paragrafu 2, il-punti (a)-(c), (e), (fa) u (i)-(k), inkluż in-nuqqas ta’ kooperazzjoni fil-kisba ta’ dokumenti tal-ivvjaġġar;(h) kriterji oħra għajr (a) sa (f) meta previst fid-dritt nazzjonali.▌

Kapitolu IIIaMIŻURI LI JIPPROMWOVU R-RITORN U ALTERNATTIVI GĦAD-DETENZJONI

Artikolu 23Disponibbiltà għall-proċess ta’ ritorn1.Għall-fini tat-tħejjija u l-iżgurar ta’ ritorn ▌effettiv jew biex tiġi inċentivata aktar il-konformità mal-obbligi ta’ tluq u kooperazzjoni, l-Istati Membri jistgħu jimponu fuq iċ-ċittadin ta’ pajjiż terz waħda jew aktar mill-miżuri li ġejjin:(a) l-obbligu li jibqa’ fi ħdan żona ġeografika fit-territorju tal-Istat Membru li fih ikun jista’ jiċċaqlaq liberament;(b) l-obbligu li jirrisjedi f’indirizz speċifiku jew f’post iddeżinjat mill-awtoritajiet kompetenti;(c) l-obbligu li jirrapporta lill-awtoritajiet kompetenti personalment f’ħinijiet speċifikati jew b’mezzi oħra kif speċifikati fid-dritt nazzjonali;(d) miżuri oħra għajr dawk imsemmija fil-punti (a) sa (c) meta previsti fid-dritt nazzjonali. 2.Kwalunkwe miżura skont il-paragrafu 1 għandha tiġi applikata biss sal-punt li din tkun kompatibbli mal-ħtiġijiet speċjali ta’ persuni vulnerabbli u mal-aħjar interessi tat-tfal.2a. Il-miżuri stabbiliti fil-paragrafu 1 jistgħu jiġu imposti wkoll fuq ċittadini ta’ pajjiżi terzi li ma jistgħux jitneħħew, minħabba n-nuqqas ta’ kooperazzjoni tagħhom mal-awtoritajiet kompetenti.3.Fuq talba, l-awtoritajiet kompetenti jistgħu jagħtu permess liċ-ċittadin ta’ pajjiż terz biex temporanjament ma jikkonformax ma’ miżura kif imsemmija fil-paragrafu 1.▌4.Iċ-ċittadin ta’ pajjiż terz għandu jiġi infurmat jekk il-permess tiegħu f’konformità mal-paragrafu 3 ingħatax jew le.5.Iċ-ċittadin ta’ pajjiż terz ma għandux ikun meħtieġ jitlob permess skont il-paragrafu 3 biex jattendi appuntamenti mal-awtoritajiet u l-qrati, meta dan b’mod ieħor kieku jikser l-obbligi tal-paragrafu 1, u meta l-attendenza ta’ dak iċ-ċittadin ta’ pajjiż terz tkun meħtieġa. Iċ-ċittadin ta’ pajjiż terz għandu jinnotifika minn qabel lill-awtoritajiet kompetenti dwar tali appuntamenti.6.Id-deċiżjonijiet meħuda f’konformità mal-paragrafu 1, il-punti (b) u (c), għandhom isiru bil-miktub, ikunu proporzjonati u jqisu ċ-ċirkostanzi speċifiċi taċ-ċittadin ta’ pajjiż terz ikkonċernat.7. Iċ-ċittadin ta’ pajjiż terz għandu jiġi infurmat dwar kwalunkwe deċiżjoni li jiġu applikati l-miżuri msemmija fil-paragrafu 1 ta’ dan l-Artikolu u dwar il-konsegwenza tan-nuqqas ta’ konformità ma’ dik id-deċiżjoni, inkluż id-detenzjoni skont l-Artikolu 29.

Artikolu 23aMiżuri investigattivi1. Mingħajr preġudizzju għal miżuri investigattivi għal raġunijiet oħra mhux relatati mar-ritorn f’konformità mad-dritt nazzjonali, l-awtoritajiet kompetenti tal-Istati Membri jistgħu, meta jkun meħtieġ, proporzjonat u debitament ġustifikat għall-fini tat-tħejjija jew tal-iżgurar ta’ ritorn effettiv:(a)ifittxu liċ-ċittadin ta’ pajjiż terz u, soġġett għal ordni ġudizzjarja minn qabel jew, f’konformità mad-dritt nazzjonali rilevanti, ordni amministrattiva meta jkun meħtieġ, proporzjonat u debitament ġustifikat mill-urġenza ta’ tali tfittxija, il-post ta’ residenza tiegħu jew tagħha jew bini rilevanti ieħor;(aa)jieħdu miżuri amministrattivi għall-fini li jiżguraw il-konformità mal-obbligu li jipprovdu data bijometrika kif stabbilit fid-dritt nazzjonali, inklużi l-marki tas-swaba’, li jistgħu jinkludu l-possibbiltà li jintużaw mezzi ta’ koerċizzjoni bħala l-aħħar alternattiva meta ċittadin ta’ pajjiż terz ma jipprovdix data bijometrika kif meħtieġ skont l-Artikolu 21, il-paragrafu 2, il-punt (f);(b) ifittxu u jissekwestraw oġġetti personali, apparati elettroniċi, u oġġetti oħra ta’ rilevanza; (c) jimponu miżuri investigattivi oħra, meta dan ikun previst fid-dritt nazzjonali.2. Kwalunkwe miżura investigattiva skont il-paragrafu 1, il-punti (a)-(c), ta’ dan l-Artikolu tista’ titwettaq mingħajr il-kunsens taċ-ċittadin ta’ pajjiż terz ikkonċernat.3. Kwalunkwe miżura investigattiva imposta f’konformità mal-paragrafu 1, il-punti (a)-(c), ta’ dan l-Artikolu għandha tirrispetta d-drittijiet fundamentali u tkun soġġetta għas-salvagwardji u r-rimedji previsti fid-dritt tal-Unjoni u dak nazzjonali.

Artikolu 23bKonsegwenzi f’każ ta’ nuqqas ta’ konformità mal-obbligu ta’ kooperazzjoni 1. F’każ ta’ nuqqas ta’ konformità mal-obbligu ta’ kooperazzjoni kif stipulat fl-Artikolu 21, il-paragrafu 1 u r-rekwiżiti skont l-Artikolu 21, il-paragrafu 2, l-Istati Membri għandhom jimponu fuq iċ-ċittadin ta’ pajjiż terz ikkonċernat waħda jew aktar mill-miżuri stipulati fl-Artikolu 23, il-paragrafu 1, u jistgħu jimponu waħda jew aktar mill-miżuri li ġejjin li għandhom ikunu effettivi u proporzjonati:(b) ir-rifjut jew it-tnaqqis ta’ ċerti benefiċċji u allowances, meta jkun previst mid-dritt nazzjonali, sakemm dan ma jwassalx għall-inkapaċità tal-persuni li jipprovdu għall-ħtiġijiet bażiċi tagħhom;(c) ir-rifjut jew it-tnaqqis ta’ inċentivi mogħtija biex jiġi promoss ir-ritorn volontarju inkluż ir-rifjut jew it-tnaqqis ta’ assistenza fil-programmi ta’ ritorn u riintegrazzjoni skont l-Artikolu 46(3);(d) ir-rifjut jew l-irtirar tal-permess tax-xogħol, meta jkun previst fid-dritt nazzjonali;(e) l-estensjoni tad-durata ta’ projbizzjoni fuq id-dħul sad-durata massima fl-Artikolu 10(6);(f) sanzjonijiet kriminali, inkluż priġunerija, meta jkun previst fid-dritt nazzjonali;(g) penali finanzjarji;(h)miżuri jew konsegwenzi oħra minbarra dawk imsemmija hawn fuq, meta jkun previst fid-dritt nazzjonali.

Artikolu 23cAlternattivi għad-detenzjoni1. L-Istati Membri jistgħu jimponu wieħed jew aktar minn dawn l-alternattivi għad-detenzjoni li ġejjin, filwaqt li jqisu ċ-ċirkostanzi individwali taċ-ċittadin ta’ pajjiż terz ikkonċernat, inkluż il-livell tar-riskju ta’ ħarba ivvalutat f’konformità mal-Artikolu 21a:(a) depożitu ta’ garanzija finanzjarja adegwata;(b) l-użu ta’ monitoraġġ elettroniku;(c) miżuri oħra għajr (a) u (b) meta jkun previst fid-dritt nazzjonali.1a.Il-miżuri msemmija fl-ewwel subparagrafu għandu jkollhom l-għan primarju li jiżguraw ir-ritorn effettiv u f’waqtu taċ-ċittadin ta’ pajjiż terz.2. Deċiżjoni li jiġu applikati l-miżuri msemmija fil-paragrafu 1 ta’ dan l-Artikolu għandha tiddikjara r-raġunijiet rilevanti fil-fatt u fid-dritt.3. Iċ-ċittadini ta’ pajjiżi terzi għandhom jiġu infurmati bil-miktub dwar kwalunkwe deċiżjoni li jiġu applikati l-miżuri msemmija fil-paragrafu 1 ta’ dan l-Artikolu u l-konsegwenza tan-nuqqas ta’ konformità ma’ dik id-deċiżjoni, inkluż id-detenzjoni skont l-Artikolu 29.4. L-Istati Membri għandhom jiżguraw li d-deċiżjonijiet meħuda f’konformità mal-paragrafu 2 ta’ dan l-Artikolu jiġu rieżaminati minn qorti jew tribunal fuq applikazzjoni mill-persuna kkonċernata jew ex officio.

Kapitolu IVSALVAGWARDJI U RIMEDJITaqsima 1Salvagwardji proċedurali

Artikolu 24Dritt għall-informazzjoni1.L-awtoritajiet kompetenti għandhom jiżguraw li ċ-ċittadini ta’ pajjiżi terzi soġġetti għal ritorn ikunu infurmati ▌ dwar dan li ġej:(a)l-għan ▌ tal-proċedura ▌;(b)▌l-obbligi ta’ ċittadini ta’ pajjiżi terzi ▌ kif stabbilit fl-Artikolu 21 u l-Artikolu 23, il-konsegwenzi ta’ nuqqas ta’ konformità skont l-Artikoli 23b u 29, il-paragrafu 3, il-punt (e), l-eżistenza ta’ allert dwar ritorn fuq il-persuna fis-Sistema ta’ Informazzjoni ta’ Schengen u r-rikonoxximent u l-infurzar ta’ deċiżjoni ta’ ritorn maħruġa minn Stat Membru ieħor f’konformità mal-Artikolu 9;(c)konsulenza u programmi ta’ ritorn u riintegrazzjoni skont l-Artikolu 46;(d)id-drittijiet ▌proċedurali tagħhom f’konformità ma’ dan ir-Regolament u d-dritt nazzjonali, b’mod partikolari d-dritt għal assistenza u rappreżentanza legali skont l-Artikolu 25.2.L-informazzjoni pprovduta għandha tingħata mingħajr dewmien żejjed ▌ b’lingwa li ċ-ċittadin ta’ pajjiż terz jifhem jew li huwa raġonevolment preżunt li jifhem. L-informazzjoni tista’ tiġi pprovduta permezz ta’ folji ta’ informazzjoni standard, jew fuq karta jew f’format elettroniku, u, meta jkun meħtieġ, supplimentata b’mod orali, bl-użu ta’ servizzi ta’ traduzzjoni u interpretazzjoni. Fil-każ ta’ minorenni mhux akkumpanjati, l-informazzjoni għandha tiġi pprovduta b’mod ▌ adattat għall-età bl-involviment ▌tar-rappreżentant jew tal-persuna ddeżinjata li tassisti lill-minorenni kif imsemmi fl-Artikolu 20(2).2a.Meta l-awtorità kompetenti tipproċedi bit-tneħħija abbażi ta’ deċiżjoni ta’ ritorn jew deċiżjoni li tordna t-tneħħija li tkun iddeterminat aktar minn pajjiż wieħed ta’ ritorn, iċ-ċittadin ta’ pajjiż terz għandu jiġi infurmat dwar il-pajjiż ta’ ritorn li lejh ser jitneħħa kmieni biżżejjed qabel it-tneħħija.

Artikolu 25Assistenza u rappreżentanza legali1.Fil-każ ta’ appell jew rieżami quddiem qorti jew tribunal f’konformità mal-Artikolu 27, l-Istati Membri għandhom, fuq it-talba taċ-ċittadin ta’ pajjiż terz, jiżguraw li huma jiġu pprovduti bl-assistenza u r-rappreżentanza legali meħtieġa mingħajr ħlas ▌.2.L-awtoritajiet kompetenti għandhom jiżguraw li l-minorenni mhux akkumpanjati jkunu rappreżentati u assistiti b’tali mod li jkunu jistgħu jibbenefikaw mid-drittijiet u jikkonformaw mal-obbligi skont dan ir-Regolament.▌4.L-assistenza u r-rappreżentanza legali mingħajr ħlas għandhom jiġu pprovduti minn konsulenti legali jew persuni oħra kwalifikati kif xieraq, ▌ammessi jew permessi skont id-dritt nazzjonali li jassistu jew jirrappreżentaw liċ-ċittadin ta’ pajjiż terz jew minn organizzazzjonijiet mhux governattivi akkreditati skont id-dritt nazzjonali biex jipprovdu servizzi jew rappreżentanza legali lil ċittadini ta’ pajjiżi terzi.5.L-għoti ta’ assistenza u rappreżentanza legali mingħajr ħlas fil-proċedura ta’ appell tista’ tiġi eskluża mill-Istati Membri meta:(a)iċ-ċittadin ta’ pajjiż terz jitqies li għandu biżżejjed riżorsi biex jagħti assistenza u rappreżentanza legali bl-ispejjeż rispettivi tiegħu;(b)ikun ikkunsidrat li l-appell ma jkollu l-ebda prospett tanġibbli ta’ suċċess jew ikun abbużiv;(c)l-appell jew ir-rieżami jkun fit-tieni livell ta’ appell jew ogħla, kif previst skont id-dritt nazzjonali, inklużi seduti ta’ smigħ mill-ġdid jew rieżamijiet tal-appell;(d)iċ-ċittadin ta’ pajjiż terz ikun diġà assistit jew rappreżentat minn konsulent legali.6.Iċ-ċittadin ta’ pajjiż terz li jitlob assistenza u rappreżentanza legali mingħajr ħlas għandu jiżvela s-sitwazzjoni finanzjarja tiegħu u jinforma minnufih lill-awtoritajiet kompetenti bi kwalunkwe bidla sinifikanti fis-sitwazzjoni finanzjarja tiegħu, sakemm id-dritt nazzjonali ma jipprevedix assistenza legali mingħajr ħlas irrispettivament mis-sitwazzjoni finanzjarja tal-persuna.7.Bl-eċċezzjoni ta’ kwalunkwe assistenza pprovduta lil minorenni mhux akkumpanjati, ▌ l-Istati Membri jistgħu:(a)jimponu limiti monetarji jew ta’ żmien fuq l-għoti ta’ assistenza u rappreżentanza legali mingħajr ħlas, dment li tali limiti ma jkunux arbitrarji u ma jirrestrinġux bla bżonn l-aċċess għall-assistenza u r-rappreżentanza legali mingħajr ħlas ▌;(b)jitolbu rimborż totali jew parzjali ta’ kwalunkwe kost imġarrab meta s-sitwazzjoni finanzjarja taċ-ċittadin ta’ pajjiż terz tkun tjiebet matul il-proċedura ta’ ritorn jew meta d-deċiżjoni li tingħata assistenza u rappreżentanza legali mingħajr ħlas tkun ittieħdet fuq il-bażi ta’ informazzjoni falza pprovduta miċ-ċittadin ta’ pajjiż terz;(c)jipprevedu li, fir-rigward ta’ tariffi u kostijiet u rimborżi oħra, it-trattament ta’ ċittadini ta’ pajjiżi terzi għandu jkun ugwali għal, iżda mhux aktar favorevoli mit-trattament ġeneralment mogħti liċ-ċittadini tagħhom fi kwistjonijiet relatati mal-assistenza legali.8.L-Istati Membri għandhom jistabbilixxu regoli proċedurali speċifiċi li jirregolaw il-mod li bih it-talbiet għal assistenza u rappreżentanza legali mingħajr ħlas fir-rigward ta’ appell jew rieżami quddiem qorti jew tribunal f’konformità mal-Artikolu 27 jiġu ppreżentati u pproċessati, jew japplikaw regoli eżistenti għal talbiet domestiċi ta’ natura simili, dment li dawk ir-regoli ma jrendux l-aċċess għall-assistenza u r-rappreżentanza legali mingħajr ħlas eċċessivament diffiċli jew impossibbli.9.Meta tittieħed deċiżjoni li ma tingħatax assistenza u rappreżentanza legali mingħajr ħlas minn awtorità li ma tkunx qorti jew tribunal minħabba li jkun meqjus li l-appell ma jkollu ebda prospett tanġibbli ta’ suċċess jew ikun abbużiv, l-applikant għandu jkollu d-dritt għal rimedju effettiv quddiem qorti jew tribunal kontra dik id-deċiżjoni. ▌10.L-Istati Membri jistgħu jipprevedu assistenza u rappreżentanza legali mingħajr ħlas fil-proċedura amministrattiva f’konformità mad-dritt nazzjonali.

Taqsima 2Rimedji

Artikolu 26Id-dritt għal rimedju effettiv1.Iċ-ċittadin ta’ pajjiż terz ikkonċernat għandu jingħata rimedju effettiv biex jikkontesta d-deċiżjonijiet imsemmija fl-Artikolu 7(1), l-Artikolu 10 u l-Artikolu 12(2) quddiem il-qorti jew it-tribunal kompetenti skont id-dritt nazzjonali.2.Ir-rimedju effettiv għandu jipprevedi eżaminazzjoni sħiħa ▌ kemm tal-punti tal-fatti kif ukoll tal-punti tad-dritt.3.Meta l-materjal fil-fajl li jinġieb għall-attenzjoni tal-qorti jew it-tribunal inkarigat mir-rimedju kontra d-deċiżjoni ta’ ritorn jew id-deċiżjoni li tordna t-tneħħija, kif issupplimentat jew iċċarat wara l-proċedimenti kontradittorji, jissuġġerixxi li jista’ jiġi kompromess il-prinċipju ta’ non-refoulement, il-konformità mar-rekwiżiti li jirriżultaw mill-prinċipju ta’ non-refoulement għandha tiġi verifikata. ▌4. L-annullament jew ir-revoka ta’ element mhux essenzjali ta’ deċiżjoni ta’ ritorn ma għandhiex tirriżulta fl-annullament jew ir-revoka tal-bqija tad-deċiżjoni kkonċernata.

Artikolu 27Appell quddiem qorti jew tribunal kompetenti1.Għall-fini tal-applikazzjoni ta’ dan ir-Regolament, l-Istati Membri għandhom jistabbilixxu fid-dritt nazzjonali ▌ il-perjodu għall-preżentazzjoni ta’ appell quddiem qorti jew tribunal tal-prima istanza li ma għandux jaqbeż l-14-il jum.L-Istati Membri li sa … [d-data tad-dħul fis-seħħ ta’ dan ir-Regolament] jipprevedu fid-dritt nazzjonali tagħhom perjodi għall-preżentazzjoni ta’ appell li huma ta’ 30 jum jew aktar, jistgħu jidderogaw mill-ewwel subparagrafu. F’każ li l-Istati Membri jiddeċiedu li jidderogaw, il-perjodu msemmi fl-ewwel subparagrafu ma għandux jaqbeż it-30 jum.2.Il-limitu ta’ żmien imsemmi fil-paragrafu 1 għandu jibda jiddekorri mid-data meta kwalunkwe waħda mid-deċiżjonijiet imsemmija fl-Artikolu 7(1), l-Artikolu 10 u l-Artikolu 12(2) tiġi notifikata liċ-ċittadin ta’ pajjiż terz, jew titqies innotifikata skont id-dritt nazzjonali ▌.3.Meta deċiżjoni ta’ ritorn tkun ibbażata fuq, jew tinħareġ fl-istess att bħal deċiżjoni li tirrifjuta jew ittemm is-soġġorn legali, il-limiti ta’ żmien għall-appell tad-deċiżjoni ta’ ritorn jistgħu jkunu dawk stabbiliti fid-dritt nazzjonali għall-appell ta’ deċiżjoni li ttemm jew tirrifjuta soġġorn legali.4.Meta projbizzjoni fuq id-dħul u/jew deċiżjoni li tordna t-tneħħija tinħareġ flimkien ma’ deċiżjoni ta’ ritorn kif imsemmi fl-Artikolu 7, dawn għandhom jiġu appellati flimkien ma’ dik id-deċiżjoni ta’ ritorn, quddiem l-istess qorti jew tribunal u fl-istess proċedimenti ▌ u fl-istess limiti ta’ żmien. Meta projbizzjoni fuq id-dħul u/jew deċiżjoni li tordna t-tneħħija tinħareġ separatament mid-deċiżjoni ta’ ritorn jew tkun l-unika deċiżjoni li għandha tiġi kkontestata, din tista’ tiġi appellata separatament. ▌▌

Artikolu 28Effett sospensiv1.Għalkemm dan ir-Regolament ma jipprevedix effett sospensiv awtomatiku tal-appell, l-Istati Membri għandhom jiżguraw, b’rispett sħiħ tal-Artikolu 47 tal-Karta, li t-tneħħija tkun tista’ tiġi sospiża mill-qorti jew mit-tribunal kompetenti tal-prima istanza qabel l-infurzar tad-deċiżjonijiet maħruġa skont l-Artikolu 7 ▌ l-Artikolu 12(2). It-tneħħija tista’ tiġi sospiża fuq talba miċ-ċittadin ta’ pajjiż terz ikkonċernat għall-perjodu għall-preżentazzjoni tal-appell skont l-Artikolu 27 jew, meta jkun ġie ppreżentat appell, għall-perjodu sakemm joħroġ ir-riżultat ta’ tali appell, sakemm id-dritt nazzjonali ma jipprevedix ukoll li l-infurzar ta’ tali deċiżjoni jista’ jiġi sospiż ex officio. Dan il-paragrafu għandu jkun mingħajr preġudizzju għad-dispożizzjonijiet tad-dritt nazzjonali li jipprevedu effett sospensiv awtomatiku tar-rimedji quddiem qorti jew tribunal fil-prima istanza ▌.1a. Fil-valutazzjoni tat-talba skont il-paragrafu 1, il-qorti jew tribunal jistgħu iserrħu fuq il-materjal fil-fajl miġjub għall-attenzjoni tagħhom, inkluż kwalunkwe valutazzjoni taċ-ċirkostanzi rilevanti mwettqa fl-istadji preċedenti tal-proċedura ta’ ritorn, u meta jkun rilevanti, tal-proċedura tal-ażil.▌3.Meta jiġi ppreżentat appell ulterjuri kontra l-ewwel deċiżjoni jew deċiżjoni sussegwenti dwar l-appell, it-tneħħija ma għandhiex tiġi sospiża sakemm id-dritt nazzjonali ma jipprevedix effett sospensiv ta’ tali rimedji jew iċ-ċittadin ta’ pajjiż terz ma jitlobx sospensjoni u qorti jew tribunal kompetenti jiddeċiedu li jagħtuha, b’kont meħud kif xieraq taċ-ċirkostanzi speċifiċi tal-każ individwali.▌

Kapitolu V▌ DETENZJONI

Artikolu 29Raġunijiet għad-detenzjoni1.L-Istati Membri jistgħu jżommu f’detenzjoni ċittadin ta’ pajjiż terz skont dan ir-Regolament fuq il-bażi ta’ valutazzjoni individwali ta’ kull każ u biss sa fejn id-detenzjoni tkun proporzjonata.2.L-Istati Membri ma jistgħux iżommu ċittadin ta’ pajjiż terz f’detenzjoni għajr għall-fini ta’ ritorn, inkluż għat-tħejjija tar-ritorn, ir-riammissjoni, u t-twettiq tat-tneħħija.3.Ċittadin ta’ pajjiż terz jista’ jiġi detenut biss abbażi ta’ waħda jew aktar mir-raġunijiet għad-detenzjoni li ġejjin:(a)ir-riskju ta’ ħarba ddeterminat f’konformità mal-Artikolu 21a;(b)iċ-ċittadin ta’ pajjiż terz jevita jew ifixkel ir-riammissjoni, it-tħejjija tar-ritorn jew it-tneħħija;(c)iċ-ċittadin ta’ pajjiż terz jippreżenta riskji għas-sigurtà f’konformità mal-Artikolu 16.(d)biex tiġi determinata jew ivverifikata l-identità jew in-nazzjonalità tiegħu;(e)in-nuqqas ta’ konformità mal-obbligi skont l-Artikolu 21, il-paragrafu 2, il-punti (a)-(c), (e), (fa) u (i)-(k), inkluż in-nuqqas ta’ kooperazzjoni fil-ksib ta’ dokumenti tal-ivvjaġġar;(f) raġunijiet rilevanti oħra relatati mar-ritorn, previsti fid-dritt nazzjonali, biex jiġu żgurati proċeduri ta’ ritorn effettivi, li huma meħtieġa u proporzjonati.5.Id-detenzjoni għandha tiġi ordnata minn awtoritajiet amministrattivi jew ġudizzjarji. Id-detenzjoni għandha tiġi ordnata permezz ta’ deċiżjoni bil-miktub li tagħti r-raġunijiet fil-fatt u fil-liġi li fuqhom hija bbażata kif ukoll informazzjoni dwar ir-rimedji legali disponibbli. Id-deċiżjoni għandha tiġi kkomunikata bil-fomm jew bil-miktub liċ-ċittadin ta’ pajjiż terz b’lingwa li ċ-ċittadin ta’ pajjiż terz jifhem jew li jista’ raġonevolment jiġi preżunt li jifhem, inkluż bl-użu ta’ servizzi ta’ interpretazzjoni jew traduzzjoni.6.Meta jżommu ċittadin ta’ pajjiż terz skont il-paragrafu 2, l-Istati Membri għandhom iqisu jekk iċ-ċittadin ta’ pajjiż terz huwiex persuna vulnerabbli.▌

Artikolu 32Perjodu ta’ detenzjoni1.Id-detenzjoni għandha tinżamm għal perjodu qasir kemm jista’ jkun u sakemm ir-raġunijiet stabbiliti fl-Artikolu 29 jiġu ssodisfati u tkun meħtieġa biex jiġi żgurat ir-ritorn effettiv u b’suċċess taċ-ċittadin ta’ pajjiż terz.2.Meta jidher li r-raġunijiet stabbiliti fl-Artikolu 29 ma għadhomx jiġu ssodisfati, ▌ iċ-ċittadin ta’ pajjiż terz għandu jiġi rilaxxat mid-detenzjoni skont dan ir-Regolament. Tali rilaxx ma għandux jipprekludi l-applikazzjoni ta’ miżuri ▌ f’konformità mal-Artikoli 23 u 23c.3.Id-detenzjoni ma għandhiex taqbeż it-12-il xahar fi Stat Membru ▌. ▌Meta l-proċedura ta’ ritorn x’aktarx li ddum aktar minħabba nuqqas ta’ kooperazzjoni miċ-ċittadin ta’ pajjiż terz ikkonċernat, jew minħabba dewmien fil-ksib tad-dokumentazzjoni meħtieġa minn pajjiżi terzi, jew f’ċirkostanzi eċċezzjonali oħra previsti fid-dritt nazzjonali, id-detenzjoni tista’ tiġi applikata għal perjodu itwal iżda ma għandhiex taqbeż l-24 xahar fi Stat Membru.Meta ċ-ċittadin ta’ pajjiż terz ikun mar jgħix fi Stat Membru ieħor u l-imġiba tiegħu tikkostitwixxi raġuni għal detenzjoni kif imsemmi fl-Artikolu 29(3), għandu japplika perjodu ġdid ta’ detenzjoni.3a. Wara l-iskadenza tal-perjodu massimu ta’ detenzjoni ta’ 24 xahar skont il-paragrafu 3, id-detenzjoni tista’ tiġi applikata għal perjodi addizzjonali ta’ sa 6 xhur b’kollox, kull meta jkun hemm riskju ta’ ħarba u meta bidla waħda jew aktar fiċ-ċirkostanzi jindikaw perspettiva raġonevoli ta’ tneħħija:(a) ikun hemm informazzjoni sinifikanti ġdida dwar l-identità taċ-ċittadin ta’ pajjiż terz; (b) id-dokument tal-ivvjaġġar ikun inkiseb, jew jista’ jkun raġonevolment preżunt li nkiseb minħabba bidla fiċ-ċirkostanzi; (c) il-kooperazzjoni mal-pajjiż terz tjiebet.Meta jżomm ċittadin ta’ pajjiż terz f’detenzjoni f’konformità ma’ dan il-paragrafu, l-Istat Membru għandu jipprijoritizza tali każ sabiex jiżgura li d-detenzjoni tinżamm għal perjodu qasir kemm jista’ jkun. 4.L-iskadenza tal-perjodi massimi ta’ detenzjoni f’konformità mal-paragrafi 3 u 3a ma tipprekludix l-applikazzjoni ta’ miżuri f’konformità mal-Artikolu 23 u l-Artikolu 23c.5. Meta ċittadin ta’ pajjiż terz ikun qed jikkoopera dwar ir-ritorn tiegħu matul id-detenzjoni, ir-ritorn volontarju taċ-ċittadin ta’ pajjiż terz ikkonċernat għandu jiġi organizzat mingħajr dewmien żejjed, meta jkun xieraq. Meta jkun rilevanti, id-detenzjoni tista’ tinżamm sat-tluq biex jiġi żgurat ritorn effettiv fir-rigward tal-paragrafi 3 u 3a.

Artikolu 33Rieżami tal-ordnijiet ta’ detenzjoni1.L-Istati Membri għandhom jiżguraw li d-detenzjoni ▌ tiġi rieżaminata ▌ mill-inqas kull sitt xhur jew fuq applikazzjoni miċ-ċittadin ta’ pajjiż terz ikkonċernat jew ex officio.2.L-Istati Membri għandhom jiżguraw li d-detenzjoni ta’ minorenni mhux akkumpanjati tiġi rieżaminata ex officio ▌mill-inqas kull tliet xhur, jew fuq talba tal-minorenni mhux akkompanjati ikkonċernat jew ir-rappreżentant tagħha jew tiegħu skont l-Artikolu 20(2).3.Meta d-detenzjoni tkun ġiet ordnata jew estiża minn awtoritajiet amministrattivi, l-Istati Membri għandhom ▌:(a)jipprevedu stħarriġ ġudizzjarju tal-legalità tad-detenzjoni li għandu jiġi deċiż malajr kemm jista’ jkun fi żmien perjodu stabbilit fid-dritt nazzjonali wara l-bidu tad-detenzjoni ▌; jew(b)jingħata liċ-ċittadin ta’ pajjiż terz ikkonċernat id-dritt li jibda proċedimenti li permezz tagħhom il-legalità tad-detenzjoni għandha tkun soġġetta għal stħarriġ ġudizzjarju ▌ li għandu jiġi deċiż malajr kemm jista’ jkun f’perjodu ta’ żmien stabbilit fid-dritt nazzjonali wara l-bidu tal-proċedimenti rilevanti ▌. F’każijiet tali, l-Istati Membri għandhom, minnufih mal-mument tad-detenzjoni, jinfurmaw liċ-ċittadin ta’ pajjiż terz ikkonċernat dwar il-possibbiltà li jibda tali proċedimenti.Meta ċittadin ta’ pajjiż terz jinżamm f’detenzjoni għal perjodu li jaqbeż il-perjodu massimu ta’ detenzjoni ta’ 24 xahar skont l-Artikolu 32(3a), u din l-estensjoni taqbeż it-3 xhur, id-detenzjoni għandha tkun soġġetta għal rieżami minn qorti jew tribunal mill-anqas darba kull tliet xhur.

Artikolu 34Kundizzjonijiet tad-detenzjoni1.Id-detenzjoni għandha b’mod ġenerali titwettaq ▌f’faċilitajiet speċjalizzati, inklużi dawk f’fergħat iddedikati ta’ faċilitajiet oħra. Meta Stat Membru ma jkunx jista’ jipprevedi detenzjoni f’faċilitajiet tali u jkun obbligat li jirrikorri għal akkomodazzjoni f’ħabs, iċ-ċittadini ta’ pajjiżi terzi għandhom, safejn ikun possibbli, jinżammu separati mill-priġunieri ordinarji.2.Iċ-ċittadini ta’ pajjiżi terzi detenuti għandu jkollhom aċċess għal spazju fil-beraħ. L-aċċess għal spazju fil-beraħ jista’ jiġi ristrett għal perjodu ta’ żmien limitat, jekk ikun meħtieġ u proporzjonat biex tiġi żgurata faċilità ta’ detenzjoni li tiffunzjona tajjeb. 3.Iċ-ċittadini ta’ pajjiżi terzi li jkunu f’detenzjoni għandhom jitħallew, fuq talba, jistabbilixxu kuntatt fi żmien xieraq ma’ rappreżentanti legali, membri tal-familja u awtoritajiet konsulari kompetenti.4.Għandha tingħata attenzjoni partikolari lill-ħtiġijiet speċjali ta’ persuni vulnerabbli detenuti. Għandhom jiġu pprovduti kura tas-saħħa ta’ emerġenza u trattament essenzjali tal-mard liċ-ċittadini ta’ pajjiżi terzi detenuti.5.Ir-rappreżentanti legali, il-membri tal-familja, l-awtoritajiet konsulari kompetenti u l-organizzazzjonijiet u l-korpi nazzjonali, internazzjonali u mhux governattivi rilevanti u kompetenti għandu jkollhom il-possibbiltà li jżuru kwalunkwe faċilità ta’ detenzjoni u jikkomunikaw maċ-ċittadini ta’ pajjiżi terzi u jżuruhom f’kundizzjonijiet li jkunu jirrispettaw il-privatezza. Tali żjarat jistgħu jkunu soġġetti għal awtorizzazzjoni u kundizzjonijiet xierqa oħra, inkluż il-ħruġ minn qabel ta’ approvazzjoni tas-sigurtà xierqa maħruġa minn awtorità kompetenti f’konformità mad-dritt nazzjonali. L-Istati Membri jistgħu jimponu limiti għal tali aċċess bis-saħħa tad-dritt nazzjonali meta tali limiti jkunu oġġettivament meħtieġa għas-sigurtà, l-ordni pubbliku jew il-ġestjoni amministrattiva tal-faċilità. 6.Iċ-ċittadini ta’ pajjiżi terzi li jkunu miżmuma f’detenzjoni għandhom jiġu pprovduti ▌ informazzjoni li tispjega r-regoli applikati fil-faċilità u tistabbilixxi d-drittijiet u l-obbligi tagħhom ▌b’lingwa li jifhmu jew li jista’ jiġi raġonevolment preżunt li jifhmu. Tali informazzjoni għandha tinkludi informazzjoni dwar l-intitolament tagħhom skont id-dritt nazzjonali li jikkuntattjaw lill-persuni jew l-korpi msemmija fil-paragrafi 3 u 5.6a. Ċittadini ta’ pajjiżi terzi identifikati bħala li joħolqu riskju għas-sigurtà skont l-Artikolu 16 jistgħu jitqiegħdu f’arranġamenti ta’ sigurtà msaħħa fi ħdan faċilitajiet ta’ detenzjoni, inklużi miżuri ta’ separazzjoni aktar stretti jew superviżjoni akbar, għall-perjodu strettament meħtieġ biex jiġi ġestit ir-riskju u jiġi ffaċilitat ir-ritorn tagħhom.

Artikolu 35Kundizzjonijiet għad-detenzjoni ta’ minorenni mhux akkumpanjati u familji b’minorenni1.Il-minorenni mhux akkumpanjati u l-familji b’minorenni għandhom jiġu detenuti biss bħala miżura tal-aħħar istanza u għall-iqsar perjodu ta’ żmien xieraq u b’kont meħud tal-aħjar interessi tat-tfal.2.Matul il-perjodu ta’ detenzjoni, il-minorenni mhux akkumpanjati u l-familji b’minorenni għandhom jiġu pprovduti akkomodazzjoni separata li tiggarantixxi privatezza adegwata. Il-persunal għandu jkun imħarreġ b’mod adegwat, u l-faċilitajiet għandhom jiġu adattati biex iqisu l-ħtiġijiet tal-minorenni u tal-età u l-ġeneru tagħhom ▌.3.Il-minorenni f’detenzjoni għandu jkollhom il-possibbiltà li jkunu involuti f’attivitajiet ta’ divertiment, inkluż logħob u attivitajiet ta’ rikreazzjoni xierqa għall-età tagħhom, u għandu jkollhom aċċess għall-edukazzjoni jew għal attivitajiet edukattivi fil-format l-aktar xieraq għat-tul tad-detenzjoni tagħhom.

Kapitolu VIRIAMMISSJONI

Artikolu 36Riammissjoni ▌1.Wara li joħorġu deċiżjoni ta’ ritorn ▌, l-awtoritajiet kompetenti għandhom meta jkun rilevanti, bl-appoġġ tal-Frontex meta jkun rilevanti, jagħtu bidu għar-riammissjoni, inkluż, meta jkun applikabbli, fir-rigward tal-konferma tan-nazzjonalità ta’ ċittadin ta’ pajjiż terz, il-ħruġ ta’ dokument tal-ivvjaġġar għaċ-ċittadin ta’ pajjiż terz u l-organizzjoni ta’ operazzjoni ta’ ritorn.▌Meta jkun applikabbli, id-dokument tal-ivvjaġġar Ewropew għar-ritorn għandu jintuża f’konformità mal-istrument ta’ riammissjoni applikabbli u r-Regolament (UE) 2016/1953 Ir-Regolament (UE) 2016/1953 tal-Parlament Ewropew u tal-Kunsill tas-26 ta’ Ottubru 2016 dwar l-istabbiliment ta’ dokument tal-ivvjaġġar Ewropew għar-ritorn ta’ ċittadini ta’ pajjiżi terzi li jkunu qegħdin fil-pajjiż illegalment, u li jħassar ir-Rakkomandazzjoni tal-Kunsill tat-30 ta’ Novembru 1994 (ĠU L 311, 17.11.2016, p. 13, ELI: http://data.europa.eu/eli/reg/2016/1953/oj)..▌7. Ir-riammissjoni f’pajjiżi terzi għandha tkun appoġġata minn uffiċjali ta’ kollegament tal-Unjoni għar-ritorn iddedikati, li jkunu ffinanzjati mill-Unjoni. Tali uffiċjali ta’ kollegament għandhom ikunu parti mill-istruttura tad-Delegazzjonijiet tal-Unjoni u għandhom jikkoordinaw mill-qrib mal-Kummissjoni fil-kisba tal-prijoritajiet ta’ politika rilevanti tal-Unjoni.▌

Artikolu 37aDimensjoni esterna u kooperazzjoni ma’ pajjiżi terziL-Unjoni u l-Istati Membri għandhom jiżguraw li d-dimensjoni esterna tal-politika tar-ritorn tifforma parti integrali mill-approċċ komprensiv għall-ġestjoni tal-migrazzjoni. Meta jiġi identifikat nuqqas ta’ kooperazzjoni minn pajjiż terz, jew meta Stat Membru wieħed jew aktar jiltaqgħu ma’ diffikultajiet fil-kooperazzjoni ta’ pajjiż terz dwar ir-riammissjoni, l-Unjoni u l-Istati Membri għandhom jieħdu miżuri xierqa, inkluż l-użu tal-kundizzjonalità fir-rigward tal-politiki u l-għodod rilevanti kollha, bħall-politika dwar il-viżi, kif ukoll il-kummerċ u l-iżvilupp, kif previst fl-atti leġiżlattivi tal-Unjoni li jirregolawhom u għall-Istati Membri li huma marbuta b’dawn l-atti, bl-għan li jappoġġaw proċeduri ta’ ritorn prevedibbli u effettivi mal-pajjiżi terzi u jiżguraw kooperazzjoni effettiva u sostnuta dwar ir-riammissjoni.

Kapitolu VIIKONDIVIŻJONI U TRASFERIMENT TA’ DATA PERSONALI

Artikolu 38Kondiviżjoni ta’ informazzjoni bejn l-Istati Membri1.L-Istati Membri għandhom jagħmlu użu mill-mezzi xierqa kollha ta’ kooperazzjoni u ta’ skambju ta’ informazzjoni biex jimplimentaw dan ir-Regolament.2.L-iskambju ta’ informazzjoni għandu jitwettaq fuq it-talba ta’ Stat Membru u jista’ jitwettaq biss bejn l-awtoritajiet kompetenti tal-Istati Membri.3.L-Istati Membri għandhom, fuq talba, jikkomunikaw lil xulxin l-informazzjoni disponibbli rigward persuna fil-kamp ta’ applikazzjoni ta’ dan ir-Regolament għall-fini tat-twettiq tal-proċedura ta’ ritorn ▌u l-għoti ta’ assistenza għar-ritorn u għar-riintegrazzjoni.4.Meta l-informazzjoni msemmija fil-paragrafu 3 tkun tista’ tiġi skambjata permezz tas-Sistemi ta’ Informazzjoni tal-UE msemmija fil-punt 15 tal-Artikolu 4 tar-Regolament (UE) 2019/818 tal-Parlament Ewropew u tal-Kunsill Ir-Regolament (UE) 2019/818 tal-Parlament Ewropew u tal-Kunsill tal-20 ta’ Mejju 2019 dwar l-istabbiliment ta’ qafas għall-interoperabbiltà bejn sistemi ta’ informazzjoni tal-UE fil-qasam tal-kooperazzjoni tal-pulizija u ġudizzjarja, l-ażil u l-migrazzjoni u li jemenda r-Regolamenti (UE) 2018/1726, (UE) 2018/1862 u (UE) 2019/816 (ĠU L 135, 22.5.2019, ELI: http://data.europa.eu/eli/reg/2019/818/oj). jew permezz ta’ informazzjoni supplimentari f’konformità mar-Regolament (UE) 2018/1860, tali informazzjoni għandha, bħala regola ġenerali, tiġi skambjata biss permezz ta’ dawk il-mezzi.5.It-talba għal informazzjoni għandha tinkludi r-raġunijiet li fuqhom hija bbażata.6.L-informazzjoni msemmija fil-paragrafu 3 tista’ tinkludi b’mod partikolari:(a)informazzjoni meħtieġa biex tiġi stabbilita l-identità taċ-ċittadin ta’ pajjiż terz u, meta jkun applikabbli, l-identità tal-membri tal-familja tiegħu, qraba u kwalunkwe relazzjoni oħra tal-familja ▌;(b)informazzjoni relatata mad-data bijometrika meħuda taċ-ċittadin ta’ pajjiż terz f’konformità mar-Regolament (UE) 2024/1358 ▌;(c)informazzjoni relatata man-nazzjonalità u kwalunkwe dokument tal-ivvjaġġar taċ-ċittadin ta’ pajjiż terz ▌;(d)informazzjoni relatata mal-postijiet ta’ residenza taċ-ċittadin ta’ pajjiż terz, ir-rotot ivvjaġġati, il-lingwi mitkellma u d-dettalji ta’ kuntatt (l-indirizz(i) tal-posta elettronika u n-numru/i tat-telefown);(e)informazzjoni dwar kwalunkwe status ta’ residenza jew awtorizzazzjoni li toffri dritt ta’ soġġorn, inkluż dokumenti ta’ residenza jew viżi kif ukoll kwalunkwe applikazzjoni jew estensjoni tagħha, maħruġa minn Stat Membru jew pajjiż terz;(f)informazzjoni relatata mal-operazzjoni ta’ ritorn taċ-ċittadin ta’ pajjiż terz ▌;(g)informazzjoni relatata mar-riintegrazzjoni taċ-ċittadin ta’ pajjiż terz, meta jkun applikabbli, inkluż informazzjoni dwar il-vulnerabbiltà; (h)ir-raġunijiet għal kwalunkwe deċiżjoni ta’ ritorn meħuda fir-rigward taċ-ċittadin ta’ pajjiż terz;(ha) informazzjoni dwar il-konformità taċ-ċittadin ta’ pajjiż terz mal-obbligi skont l-Artikolu 21 jew mal-miżuri skont l-Artikolu 23;(i)informazzjoni dwar jekk iċ-ċittadin ta’ pajjiż terz ġiex detenut jew jekk ġewx applikati alternattivi għad-detenzjoni għall-individwu;(j)informazzjoni relatata mar-rekords kriminali jew relatata mat-theddida għall-politika pubblika, is-sigurtà pubblika jew is-sigurtà nazzjonali ppreżentata miċ-ċittadin ta’ pajjiż terz;(k)informazzjoni dwar il-vulnerabbiltà, is-saħħa u l-ħtiġijiet mediċi taċ-ċittadin ta’ pajjiż terz.7.L-Istat Membru mitlub għandu jkun obbligat li jwieġeb malajr kemm jista’ jkun u mhux aktar tard minn ġimagħtejn.7a. Nuqqas ta’ tweġiba, tweġiba mhux kompluta jew tweġiba mdewma minn Stat Membru għal talba magħmula skont dan l-Artikolu ma għandhiex tipprevjeni jew tittardja l-infurzar ta’ deċiżjoni ta’ ritorn jew ordni ta’ tneħħija mibdija minn Stat Membru ieħor. L-Istat Membru li jagħmel it-talba jista’ jipproċedi abbażi tal-informazzjoni diġà disponibbli għall-awtoritajiet kompetenti tiegħu, f’konformità mad-dritt tal-Unjoni u dak nazzjonali.8.L-informazzjoni skambjata tista’ tintuża biss għall-finijiet stabbiliti fil-paragrafu 3. F’kull Stat Membru, tali informazzjoni tista’, skont it-tip tagħha u s-setgħat tal-awtorità riċevitriċi, tiġi kkomunikata biss lill-awtoritajiet jew lill-awtoritajiet ġudizzjarji fdati bil-proċedura ta’ ritorn, ▌ ta’ riammissjoni jew l-għoti ta’ assistenza għar-riintegrazzjoni.9. Fuq talba, l-Istati Membri għandhom jittrasferixxu lil xulxin id-dokumenti tal-ivvjaġġar oriġinali ta’ ċittadin ta’ pajjiż terz, meta d-dokument tal-ivvjaġġar ikun meħtieġ biex jiġi żgurat ir-ritorn.

Artikolu 39Trasferiment ta’ data lil pajjiżi terzi relatata ma’ ċittadini ta’ pajjiżi terzi għall-finijiet ta’ ritorn, riammissjoni u riintegrazzjoni1.Mingħajr preġudizzju għall-Artikoli 40 u 41, id-data msemmija fl-Artikolu 38(6), il-punti (a) sa (h) tista’ tiġi pproċessata u ttrasferita minn awtorità kompetenti u, meta jkun applikabbli, mill-Frontex lill-awtorità kompetenti ta’ pajjiż terz jew lill-partijiet terzi kompetenti għall-assistenza għar-riintegrazzjoni jew kompiti oħra relatati mal-implimentazzjoni tar-ritorn, bħal linji tal-ajru jew fornituri mediċi, meta dan ikun meħtieġ għall-finijiet ta’ ritorn, riammissjoni, jew riintegrazzjoni.▌3.L-Istati Membri u l-Frontex li jittrasferixxu data personali skont il-paragrafu 1 ▌ għandhom jiżguraw li tali trasferimenti jikkonformaw mal-Kapitolu V tar-Regolament (UE) 2016/679 u l-Kapitolu V tar-Regolament (UE) 2018/1725, rispettivament.4.Meta trasferiment isir skont il-paragrafu 1 ▌, tali trasferiment għandu jiġi dokumentat u d-dokumentazzjoni għandha, fuq talba, issir disponibbli għall-awtorità superviżorja kompetenti stabbilita f’konformità mal-Artikolu 51(1) tar-Regolament (UE) 2016/679 u l-Artikolu 52(1) tar-Regolament (UE) 2018/1725, inklużi d-data u l-ħin tat-trasferiment u l-informazzjoni dwar l-awtorità kompetenti tal-pajjiż terz riċevitur. Din id-dokumentazzjoni għandha tkun limitata għall-informazzjoni strettament meħtieġa biex tintwera l-konformità mal-bażi legali għat-trasferiment u ma għandhiex tinvolvi xi obbligu addizzjonali ta’ rapportar għall-Istati Membri.

Artikolu 40Trasferiment ta’ data lil pajjiżi terzi relatata ma’ kundanni kriminali ta’ ċittadini ta’ pajjiżi terzi għall-finijiet ta’ ritorn, riammissjoni u riintegrazzjoni1.Id-data relatata ma’ kundanna kriminali waħda jew aktar ta’ ċittadin ta’ pajjiż terz tista’ tiġi pproċessata u ttrasferita f’każijiet individwali minn awtorità kompetenti u, meta jkun applikabbli, mill-Frontex, lil awtorità kompetenti ta’ pajjiż terz jew lil partijiet terzi kompetenti għall-assistenza għar-riintegrazzjoni jew kompiti oħra relatati mal-implimentazzjoni tar-ritorn meta jiġu ssodisfati l-kundizzjonijiet li ġejjin:(a)iċ-ċittadin ta’ pajjiż terz li d-data personali tiegħu tiġi ttrasferita jkun ġie kkundannat, fil-25 sena preċedenti, b’reat terroristiku jew fil-15-il sena preċedenti, bi kwalunkwe reat kriminali ieħor elenkat fl-Anness għar-Regolament (UE) 2018/1240 tal-Parlament Ewropew u tal-Kunsill Ir-Regolament (UE) 2018/1240 tal-Parlament Ewropew u tal-Kunsill tat-12 ta’ Settembru 2018 li jistabbilixxi Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS) u li jemenda r-Regolamenti (UE) Nru 1077/2011, (UE) Nru 515/2014, (UE) 2016/399, (UE) 2016/1624 u (UE) 2017/2226 (ĠU L 236, 19.9.2018, p. 1, ELI: http://data.europa.eu/eli/reg/2018/1240/oj). jew ikun wettaq reat li jinvolvi penali li tinvolvi l-privazzjoni tal-libertà għal mill-anqas sentejn skont id-dritt nazzjonali jew ikun wettaq reati multipli li jinvolvu penali li tinvolvi l-privazzjoni tal-libertà għal mill-anqas sena skont id-dritt nazzjonali tal-Istat Membru li jikkundannah;(b)it-trasferiment tad-data jkun meħtieġ għall-finijiet ta’ ritorn, riammissjoni, jew biex tiġi pprovduta għajnuna mhux finanzjarja mfassla apposta għar-riintegrazzjoni;▌(d)▌l-awtorità kompetenti ivverifikat u, meta jkun applikabbli, il-Frontex tkun sodisfatta li t-trasferiment tad-data ma jissograx li jikser il-prinċipju ta’ non-refoulement;(e)▌l-awtorità kompetenti ivverifikat u, meta jkun applikabbli, il-Frontex tkun sodisfatta li t-trasferiment tad-data ma jissograx li jikser l-Artikolu 50 tal-Karta.▌3. L-Istati Membri u l-Frontex li jittrasferixxu data personali skont il-paragrafu 1 jew 2 għandhom jiżguraw li tali trasferimenti jikkonformaw mal-Kapitolu V tar-Regolament (UE) 2016/679 u l-Kapitolu V tar-Regolament (UE) 2018/1725, rispettivament.4.Meta trasferiment isir skont il-paragrafu 1▌, tali trasferiment għandu jiġi dokumentat u d-dokumentazzjoni għandha, fuq talba, issir disponibbli għall-awtorità superviżorja kompetenti stabbilita f’konformità mal-Artikolu 51(1) tar-Regolament (UE) 2016/679 u l-Artikolu 52(1) tar-Regolament (UE) 2018/1725, inkluż id-data u l-ħin tat-trasferiment, l-informazzjoni dwar l-awtorità kompetenti tal-pajjiż terz riċevitur, il-ġustifikazzjoni li t-trasferiment jikkonforma mal-kundizzjonijiet stabbiliti fil-paragrafu 1 ▌ u d-data personali ttrasferita. Din id-dokumentazzjoni għandha tkun limitata għall-informazzjoni strettament meħtieġa biex tintwera l-konformità mal-bażi legali għat-trasferiment u ma għandhiex tinvolvi xi obbligu addizzjonali ta’ rapportar għall-Istati Membri.

Artikolu 41Trasferiment ta’ data dwar is-saħħa ta’ ċittadini ta’ pajjiżi terzi lejn pajjiżi terzi għall-finijiet tat-twettiq tal-operazzjoni ta’ ritorn u r-riintegrazzjoni1.Id-data rigward l-assistenza medika li għandha tiġi pprovduta lil ċittadini ta’ pajjiżi terzi matul l-operazzjoni ta’ ritorn tista’ tiġi pproċessata u ttrasferita f’każijiet individwali minn awtorità kompetenti u, meta jkun applikabbli, mill-Frontex, lill-awtorità kompetenti ta’ pajjiż terz jew lill-partijiet terzi kompetenti għall-assistenza għar-riintegrazzjoni jew kompiti oħra relatati mal-implimentazzjoni tar-ritorn, bħal fornituri mediċi, meta jiġu ssodisfati l-kundizzjonijiet li ġejjin:(a)it-trasferiment tad-data jkun meħtieġ għall-finijiet tat-twettiq tal-operazzjoni ta’ ritorn;▌(c)▌l-awtorità kompetenti tkun ivverifikat u, meta jkun applikabbli, il-Frontex tkun sodisfatta li t-trasferiment tad-data ma jissograx li jikser il-prinċipju ta’ non-refoulement;2.Id-data rigward is-saħħa u l-ħtiġijiet mediċi ta’ ċittadini ta’ pajjiżi terzi tista’ tiġi pproċessata u ttrasferita f’każijiet individwali minn awtorità kompetenti u, meta jkun applikabbli, mill-Frontex lil parti terza kompetenti għall-assistenza għar-riintegrazzjoni jew kompiti oħra relatati mal-implimentazzjoni tar-ritorn meta jiġu ssodisfati l-kundizzjonijiet li ġejjin:(a)it-trasferiment tad-data jkun meħtieġ għall-finijiet tal-għoti ta’ assistenza għar-riintegrazzjoni msemmija fl-Artikolu 46 li tkun imfassla għall-ħtiġijiet mediċi taċ-ċittadin ta’ pajjiż terz;(b)iċ-ċittadin ta’ pajjiż terz li d-data personali tiegħu tiġi trasferita ▌ jkun ta l-kunsens tiegħu għal tali trasferiment.3.L-Istati Membri u l-Frontex li jittrasferixxu data personali skont il-paragrafu 1 jew 2 għandhom jiżguraw li tali trasferimenti jikkonformaw mal-Kapitolu V tar-Regolament (UE) 2016/679 u l-Kapitolu V tar-Regolament (UE) 2018/1725, rispettivament.4.Meta trasferiment isir skont il-paragrafu 1 jew 2, tali trasferiment għandu jiġi dokumentat u d-dokumentazzjoni għandha, fuq talba, issir disponibbli għall-awtorità superviżorja kompetenti stabbilita f’konformità mal-Artikolu 51(1) tar-Regolament (UE) 2016/679 u l-Artikolu 52(1) tar-Regolament (UE) 2018/1725, inklużi d-data u l-ħin tat-trasferiment, l-informazzjoni dwar l-awtorità kompetenti tal-pajjiż terz riċevitur, il-ġustifikazzjoni li t-trasferiment jikkonforma mal-kundizzjonijiet stabbiliti fil-paragrafu 1 jew 2 u d-data personali ttrasferita. Dik id-dokumentazzjoni għandha tkun limitata għall-informazzjoni strettament meħtieġa biex tintwera l-konformità mal-bażi legali għat-trasferiment u ma għandhiex tinvolvi xi obbligu addizzjonali ta’ rapportar għall-Istati Membri.

Kapitolu VIIISISTEMA KOMUNI GĦAR-RITORNI

Artikolu 42Komponenti ta’ sistema komuni għar-ritorni1.Sistema komuni għar-ritorni skont dan ir-Regolament għandha tikkonsisti minn:(a)proċedura komuni għar-ritorn ta’ ċittadini ta’ pajjiżi terzi mingħajr dritt ta’ soġġorn fit-territorju tal-Istati Membri;(b)sistema ta’ rikonoxximent u infurzar ta’ deċiżjonijiet ta’ ritorn fost l-Istati Membri;▌(d)sistemi diġitali għall-ġestjoni tar-ritorn, ir-riammissjoni u r-riintegrazzjoni ta’ ċittadini ta’ pajjiżi terzi.(e)kooperazzjoni bejn l-Istati Membri;(ea) livell suffiċjenti ta’ kapaċità ta’ detenzjoni kif determinat mill-Istat Membru b’kont meħud tal-ħtiġijiet attwali;(f)appoġġ finanzjarju mill-Unjoni u appoġġ operazzjonali min-naħa tal-korpi, l-uffiċċji u l-aġenziji tal-Unjoni ▌ f’konformità mal-mandati rispettivi tagħhom.1a. L-iżvilupp ta’ sistemi diġitali għandu jiddependi, kemm jista’ jkun, minn infrastrutturi nazzjonali eżistenti u sistemi interoperabbli tal-Unjoni, u ma għandux joħloq piżijiet addizzjonali ta’ rappurtar jew proċedurali għall-Istati Membri.2.L-Unjoni u l-Istati Membri għandhom jidentifikaw prijoritajiet komuni fil-qasam tar-ritorn ▌ u r-riintegrazzjoni u jiżguraw is-segwitu meħtieġ, filwaqt li jqisu l-Istrateġija Ewropea għall-Ġestjoni tal-Ażil u tal-Migrazzjoni adottata skont l-Artikolu 8 tar-Regolament (UE) 2024/1351, l-implimentazzjoni tal-proċedura ta’ ritorn fuq il-fruntiera skont ir-Regolament (UE) 2024/1349, il-valutazzjoni tal-livell ta’ kooperazzjoni ta’ pajjiżi terzi mal-Istati Membri dwar ir-riammissjoni f’konformità mal-Artikolu 25a tar-Regolament (KE) Nru 810/2009 u l-istrumenti ta’ riammissjoni tal-Unjoni u kwalunkwe strument ieħor tal-Unjoni rilevanti għall-kooperazzjoni dwar ir-riammissjoni.3.L-Unjoni u l-Istati Membri għandhom jiżguraw kooperazzjoni leali u koordinazzjoni mill-qrib bejn l-awtoritajiet kompetenti u bejn l-Unjoni u l-Istati Membri, kif ukoll sinerġija bejn il-komponenti interni u esterni ▌ .

Artikolu 43Awtoritajiet kompetenti ▌1.Kull Stat Membru għandu jiddeżinja, f’konformità mad-dritt nazzjonali, l-awtoritajiet kompetenti responsabbli għall-issodisfar tal-obbligi li jirriżultaw skont dan ir-Regolament.▌

Artikolu 44Kooperazzoni bejn l-Istati Membri1.Il-kooperazzjoni u l-assistenza bejn l-awtoritajiet kompetenti ddeżinjati f’konformità mal-Artikolu 43 għandhom bħala regola ġenerali jitwettqu għall-fini li:(a)ikun permess li t-tranżitu mit-territorju tagħhom jassisti li deċiżjoni ta’ ritorn ta’ Stat Membru ieħor tkun tista’ tiġi osservata jew li jinkisbu dokumenti tal-ivvjaġġar;(b)tingħata assistenza loġistika ▌ jew assistenza oħra materjali jew in natura b’rabta mat-tranżitu mit-territorju tagħhom skont (a);(ba) jiġi ffaċilitat it-trasferiment imsemmi fl-Artikolu 8(1), il-punt (b);▌(bd) jiġi appoġġat it-tluq ta’ ċittadin ta’ pajjiż terz lejn l-Istat Membru li fih ikollu d-dritt ta’ soġġorn f’konformità mal-Artikolu 8(3)▌.2. Il-kooperazzjoni u l-assistenza bejn l-awtoritajiet kompetenti ddeżinjati f’konformità mal-Artikolu 43 jistgħu jseħħu, inkluż għall-fini li:(a)jitmexxa jew jiġi appoġġat id-djalogu ta’ politika u l-iskambji mal-awtoritajiet ta’ pajjiżi terzi għall-fini li tiġi ffaċilitata r-riammissjoni;(b)isir kuntatt mal-awtoritajiet kompetenti ta’ pajjiżi terzi għall-fini tal-verifika tal-identità ta’ ċittadini ta’ pajjiżi terzi u l-kisba ta’ dokument tal-ivvjaġġar validu;(c)jiġi organizzat, f’isem l-Istat Membru li qed jaghmel it-talba, l-arranġament prattiku għall-infurzar tar-ritorn;(d) tingħata assistenza loġistika jew assistenza oħra materjali jew in natura.

Artikolu 45Appoġġ mill-Frontex1.L-Istati Membri jistgħu jitolbu li l-awtoritajiet kompetenti tagħhom jiġu assistiti minn esperti allokati jew appoġġati mill-Frontex, inklużi uffiċjali ta’ kollegament għar-ritorn u uffiċjali ta’ kollegament oħra, f’konformità mar-Regolament (UE) 2019/1896.2.L-Istati Membri għandhom jipprovdu informazzjoni rilevanti lill-Frontex fir-rigward tal-ħtiġijiet ippjanati għall-appoġġ mill-Frontex għall-fini tal-ippjanar meħtieġ tal-appoġġ mill-Aġenzija f’konformità mar-Regolament (UE) 2019/1896.

Artikolu 46Appoġġ għar-ritorn u r-riintegrazzjoni1.L-Istati Membri għandhom jiżguraw id-disponibbiltà ta’ konsulenza dwar ir-ritorn u r-riintegrazzjoni biex jipprovdu, meta jkun rilevanti, liċ-ċittadini ta’ pajjiżi terzi informazzjoni u gwida dwar l-opzjonijiet għar-ritorn u r-riintegrazzjoni, inklużi l-programmi msemmija fil-paragrafu 3, kmieni kemm jista’ jkun fil-proċess ta’ ritorn. Il-konsulenza dwar ir-ritorn u r-riintegrazzjoni tista’ tiġi kkombinata ma’ konsulenza oħra fil-kuntest ta’ proċeduri oħra ta’ migrazzjoni fl-Istat Membru.2.L-Istati Membri għandhom jiżguraw li l-informazzjoni dwar ir-ritorn u r-riintegrazzjoni tiġi pprovduta sa mhux aktar tard mill-ħruġ tad-deċiżjoni ta’ ritorn.3.L-Istati Membri għandhom jiżguraw id-disponibbiltà ta’ programmi ta’ ritorn u riintegrazzjoni appoġġati jew iffinanzjati fil-livell nazzjonali jew tal-Unjoni. Tali programmi ▌ għandhom jinkludu assistenza jew inċentivi loġistiċi, finanzjarji, jew materjali jew in natura oħra, inkluż assistenza għar-riintegrazzjoni fil-pajjiż ta’ ritorn, mogħtija lil ċittadin ta’ pajjiż terz.4.L-assistenza għar-ritorn u r-riintegrazzjoni ma għandhiex tkun dritt individwali u ma għandhiex tikkostitwixxi prerekwiżit għall-proċedura ta’ riammissjoni.5.L-assistenza pprovduta permezz tal-programmi għar-ritorn u r-riintegrazzjoni għandha tirrifletti l-livell ta’ kooperazzjoni u konformità taċ-ċittadin ta’ pajjiż terz u tista’ titnaqqas tul iż-żmien jew irtirata. Il-kriterji li ġejjin jistgħu jitqiesu meta jiġu ddeterminati t-tip u l-firxa tal-assistenza għar-ritorn u r-riintegrazzjoni meta jkun applikabbli:(a)il-kooperazzjoni taċ-ċittadin ta’ pajjiż terz ikkonċernat matul il-proċedura ta’ ritorn u riammissjoni, kif previst fl-Artikolu 21;(b)jekk iċ-ċittadin ta’ pajjiż terz ikunx qed jirritorna volontarjament, jew ikunx soġġett għal tneħħija;(c)jekk iċ-ċittadin ta’ pajjiż terz huwiex ċittadin ta’ pajjiż terz elenkat fl-Anness II għar-Regolament (UE) 2018/1806 Ir-Regolament (UE) 2018/1806 tal-Parlament Ewropew u tal-Kunsill tal-14 ta’ Novembru 2018 li jelenka l-pajjiżi terzi li ċ-ċittadini tagħhom għandhom ikollhom viża fil-pussess tagħhom meta jaqsmu l-fruntieri esterni u dawk li ċ-ċittadini tagħhom huma eżenti minn dik il-ħtieġa (kodifikazzjoni) (ĠU L 303, 28.11.2018, p. 3, ELI: http://data.europa.eu/eli/reg/2018/1806/oj).;(d)jekk iċ-ċittadin ta’ pajjiż terz ġiex ikkundannat għal reat kriminali;(e)jekk iċ-ċittadin ta’ pajjiż terz għandux ħtiġijiet speċifiċi minħabba li jkun persuna vulnerabbli, minorenni, minorenni mhux akkumpanjat jew parti minn familja;(f) kriterji addizzjonali skont id-dritt nazzjonali.6.L-assistenza msemmija f’dan l-Artikolu ma għandhiex tingħata lil ċittadini ta’ pajjiżi terzi li diġà bbenefikaw minn appoġġ ieħor jew mill-istess appoġġ ipprovdut minn Stat Membru jew mill-Unjoni. L-Unjoni, l-Istati Membri u l-Frontex għandhom jiżguraw il-koerenza u l-koordinazzjoni dwar l-assistenza għar-riintegrazzjoni.

Kapitolu IXDISPOŻIZZJONIJIET FINALI

Artikolu 47Sitwazzjonijiet ta’ emerġenza1.F’sitwazzjonijiet meta għadd eċċezzjonalment kbir ta’ ċittadini ta’ pajjiżi terzi li għandhom jiġu rritornati jkun ta’ piż kbir mhux previst fuq il-kapaċità tal-faċilitajiet ta’ detenzjoni ta’ Stat Membru jew fuq il-persunal amministrattiv jew ġudizzjarju tiegħu, tali Stat Membru jista’, sakemm is-sitwazzjoni eċċezzjonali tippersisti, jiddeċiedi li jippermetti perjodi ▌li jkunu itwal minn dawk previsti fl-Artikolu 27(1), l-Artikolu 33(3) u l-Artikolu 38(7) u li jieħu miżuri urġenti fir-rigward tal-kundizzjonijiet għad-detenzjoni li jidderogaw minn dawk stabbiliti fl-Artikoli 34(1) u 35(2). L-Istati Membri jistgħu jaġġustaw temporanjament il-proċeduri amministrattivi u r-rekwiżiti fil-qasam tar-rappurtar intern biex iħaffu l-operazzjonijiet ta’ ritorn, dment li tali aġġustamenti jkunu strettament neċessarji biex tiġi indirizzata s-sitwazzjoni eċċezzjonali.2.Meta jirrikorri għal tali miżuri eċċezzjonali, l-Istat Membru kkonċernat għandu jinforma lill-Kummissjoni mingħajr dewmien. Huwa għandu wkoll jinforma lill-Kummissjoni hekk kif ir-raġunijiet għall-applikazzjoni ta’ dawn il-miżuri eċċezzjonali ma jkunux għadhom jeżistu.3.Xejn f’dan l-Artikolu ma għandu jiġi interpretat bħala li jippermetti lill-Istati Membri jidderogaw mill-obbligu ġenerali tagħhom li jieħdu l-miżuri xierqa kollha, kemm jekk ġenerali kif ukoll partikolari, biex jiżguraw l-issodisfar tal-obbligi tagħhom skont dan ir-Regolament.

Artikolu 48Statistika1.Għall-monitoraġġ tal-kooperazzjoni dwar ir-riammissjoni ma’ pajjiżi terzi, ▌ il-Kummissjoni tista’ kull sena titlob li d-data li ġejja tiġi kkomunikata lill-Frontex, fir-rigward ta’ pajjiżi terzi rilevanti, diżaggregata skont kull pajjiż terz:(a)l-għadd ta’ talbiet għall-konferma tan-nazzjonalità u l-għadd ta’ tweġibiet pożittivi u negattivi riċevuti rigward it-talbiet għall-konferma tan-nazzjonalità;(b)l-għadd ta’ talbiet għall-ħruġ ta’ dokumenti tal-ivvjaġġar, li minnhom l-għadd ta’ talbiet għall-ħruġ ta’ dokumenti tal-ivvjaġġar għal każijiet fejn in-nazzjonalità kienet ikkonfermata, l-għadd ta’ dokumenti tal-ivvjaġġar maħruġa mill-awtoritajiet tal-pajjiż terz u l-għadd ta’ tweġibiet negattivi rigward it-talba ta’ dokumenti tal-ivvjaġġar.▌2.Il-Frontex għandha tagħti lill-Kummissjoni aċċess għad-data msemmija fil-paragrafu 1. Id-data msemmija fil-punti (a)-(b), diżaggregata skont l-Istat Membru, tista’ tiġi kkomunikata lill-pajjiżi terzi għall-finijiet tal-monitoraġġ tal-implimentazzjoni tal-obbligi ta’ riammissjoni, u tal-konformità magħhom, inkluż fil-qafas tal-istrumenti ta’ riammissjoni tal-Unjoni.3.L-Istati Membri għandhom, fuq talba tal-Kummissjoni, jipprovdu l-informazzjoni meħtieġa biex titlesta l-valutazzjoni skont l-Artikolu 9(12), b’mod partikolari statistika dwar l-għadd ta’ ċittadini ta’ pajjiżi terzi soġġetti għal deċiżjonijiet ta’ ritorn imneħħija jew ritornati abbażi ta’ deċiżjonijiet ta’ ritorn rikonoxxuti u, meta jkun rilevanti, deċiżjonijiet li jordnaw it-tneħħija maħruġa minn Stat Membru ieħor f’perjodu ta’ żmien speċifikat. ▌4.Il-Kummissjoni għandha, għall-finijiet ta’ dan l-Artikolu u meta jkun possibbli, ▌tagħmel użu mill-informazzjoni disponibbli skont ir-Regolament (KE) Nru 862/2007.5. Meta l-Kummissjoni tippreżenta proposta leġiżlattiva skont l-Artikolu 9(13), hija għandha, jekk ikun meħtieġ, tipproponi emendi għal dan l-Artikolu, filwaqt li tqis l-iżviluppi leġiżlattivi rilevanti fid-diġitalizzazzjoni.

Artikolu 49Proċedura ta’ kumitat1.Il-Kummissjoni għandha tkun megħjuna minn kumitat. Dak il-kumitat għandu jkun kumitat fis-sens tar-Regolament (UE) Nru 182/2011.2.Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011. Meta l-Kumitat ma jagħti ebda opinjoni, il-Kummissjoni m’għandhiex tadotta l-abbozz tal-att ta’ implimentazzjoni, u għandu japplika l-Artikolu 5(4), it-tielet subparagrafu, tar-Regolament (UE) Nru 182/2011.

Artikolu 50Rappurtar1.Sa ... [Ħames snin mid-data tad-dħul fis-seħħ ta’ dan ir-Regolament] u kull 5 snin wara dan, il-Kummissjoni għandha tirrapporta lill-Parlament Ewropew u lill-Kunsill dwar l-applikazzjoni ta’ dan ir-Regolament fl-Istati Membri u għandha, meta jkun xieraq, tipproponi emendi.2.L-Istati Membri għandhom, fuq talba tal-Kummissjoni, jibagħtu l-informazzjoni disponibbli meħtieġa għat-tfassil tar-rapport tagħha skont il-paragrafu 1 mhux aktar tard minn disa’ xhur qabel ma jiskadi l-limitu ta’ żmien. Il-Kummissjoni għandha, meta jkun possibbli, tagħmel użu mill-informazzjoni magħmula disponibbli skont ir-Regolament (KE) Nru 862/2007.

Artikolu 51Tħassir1.Id-Direttiva 2008/115/KE ▌, id-Direttiva 2001/40/KE u d-Deċiżjoni tal-Kunsill 2004/191/KE huma mħassra ▌ għall-Istati Membri marbuta b’dan ir-Regolament, mid-data tad-dħul fis-seħħ ta’ dan ir-Regolament skont l-Artikolu 52(3).2.Ir-referenzi għad-Direttivi mħassra għandhom jinftiehmu bħala referenzi għal dan ir-Regolament u għandhom jinqraw f’konformità mat-tabella ta’ korrelazzjoni fl-Anness.

Artikolu 52Dħul fis-seħħ u applikazzjoni1.Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.2.L-Artikoli 1, 2 (1) sa (3), 4 (3), 5, 7 (8) u (9), 17, 18, 19, 36, 37a, 43, 45, 49, 50 u 51 ta’ dan ir-Regolament għandhom ikunu applikabbli mid-dħul fis-seħħ. 3.Id-dispożizzjonijiet li jifdal ta’ dan ir-Regolament għandhom japplikaw minn ... [Ġurnal Uffiċjali: Daħħal id-data li tikkorrispondi għal 12-il xahar mid-data tad-dħul fis-seħħ].4.Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi ▌

Għall-Parlament Ewropew Għall-Kunsill

Il-President Il-President