P10_TA(2026)0211Struchtúr agus rátaí na dleachta máil a chuirtear i bhfeidhm ar thobac agus ar tháirgí a bhaineann le tobac (athmhúnlú)Rún reachtach ó Pharlaimint na hEorpa an 17 Meitheamh 2026 ar an togra le haghaidh Treoir ón gComhairle maidir le struchtúr agus rátaí na dleachta máil a chuirtear i bhfeidhm ar thobac agus ar tháirgí a bhaineann le tobac (athmhúnlú) (COM(2025)0580 – C10-0207/2025 – 2025/0580(CNS))(An nós imeachta reachtach speisialta – comhairliúchán – athmhúnlú)Tá Parlaimint na hEorpa,

–ag féachaint don togra ón gCoimisiún chuig an gComhairle (COM(2025)0580),

–ag féachaint d’Airteagal 113 den Chonradh ar Fheidhmiú an Aontais Eorpaigh, ar dá bhun a chuaigh an Chomhairle i gcomhairle le Parlaimint na hEorpa (C10‑0207/2025),

–ag féachaint don tuairim réasúnaithe a thíolaic Teach Teachtaí na hIodáile, faoi chreat Prótacal Uimh. 2 maidir le prionsabail na coimhdeachta agus na comhréireachta a chur i bhfeidhm, á mhaíomh nach gcomhlíonann an dréachtghníomh reachtach prionsabal na coimhdeachta,

–ag féachaint don Chomhaontú Idirinstitiúideach an 28 Samhain 2001 maidir le húsáid níos struchtúrtha theicníocht an athmhúnlaithe maidir le gníomhartha reachtacha IO L 77, 28.3.2002, lch. 1.,

–ag féachaint don litir dar dáta an 11 Nollaig 2025 ón gCoiste um Ghnóthaí Dlíthiúla chuig an gCoiste um Ghnóthaí Eacnamaíochta agus Airgeadaíochta i gcomhréir le Riail 113(3) dá Rialacha Nós Imeachta,

–ag féachaint do Rialacha 113 agus 84 dá Rialacha Nós Imeachta,

–ag féachaint don tuarascáil ón gCoiste um Ghnóthaí Eacnamaíochta agus Airgeadaíochta (A10-0161/2026),

1.ag diúltú don togra ón gCoimisiún ;

2.á iarraidh ar an gCoimisiún a thogra a tharraingt siar;

3.á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.