(4a)Il-Qorti Ewropea tal-Awdituri identifikat ripetutament dgħufijiet fir-rigward tal-aċċessibbiltà u l-interoperabbiltà tas-sistemi ta’ informazzjoni relatati mal-VAT fl-Istati Membri u fil-korpi tal-Unjoni bħala ostaklu sinifikanti għal investigazzjonijiet effettivi dwar il-frodi transfruntiera tal-VAT, l-aktar reċentement fir-Rapport Speċjali 8/2025 dwar frodi tal-VAT fuq l-importazzjonijiet. Barra minn hekk, dak ir-rapport identifika disparitajiet sinifikanti fil-livelli ta’ sanzjonijiet amministrattivi applikati mill-Istati Membri fir-rigward tal-frodi tal-VAT fuq l-importazzjonijiet, li joħolqu kundizzjonijiet li jippermettu lill-operaturi jieħdu vantaġġ mill-ġuriżdizzjoni bl-aktar penali baxxi. L-aċċess għal data dwar il-VAT mogħti minn dan ir-Regolament lill-UPPE u lill-OLAF isaħħaħ il-kapaċità ta’ detezzjoni u prosekuzzjoni iżda ma jikkostitwix rimedju ta’ deterrent għad-diverġenza tal-penali; F’dak il-kuntest, u f’konformità mal-impenn tal-Kummissjoni li tirrevedi l-arkitettura kontra l-frodi bħala parti mill-miżuri inklużi fil-QFP ta’ wara l-2027, tista’ tiġi kkunsidrata l-possibbiltà ta’ azzjoni ulterjuri biex jiġu indirizzati dawk id-disparitajiet, bħal proposta leġiżlattiva bbażata fuq bażi legali xierqa, bil-għan li jinkiseb livell minimu ta’ armonizzazzjoni jew konsistenza tal-penali amministrattivi applikabbli għall-ksur l-aktar serju tal-VAT u dak relatat mad-dwana, filwaqt li titqies il-ħtieġa li jiġu protetti b’mod effettiv l-interessi finanzjarji tal-Unjoni; Kwalunkwe proposta bħal din jenħtieġ li tiġi akkumpanjata minn valutazzjoni tal-impatt komprensiva u jenħtieġ li turi l-konformità mal-prinċipji tas-sussidjarjetà u tal-proporzjonalità kif stabbiliti fl-Artikolu 5 tat-TFUE.

(4b) Il-White Paper tal-Kummissjoni ta’ Lulju 2025 dwar ir-rieżami tal-arkitettura tal-UE kontra l-frodi identifikat il-frammentazzjoni tal-flussi ta’ informazzjoni bejn l-Eurofisc, l-UPPE, l-OLAF, l-Europol u l-Eurojust bħala dgħufija strutturali sistemika li ddgħajjef l-effettività tar-rispons tal-Unjoni għall-frodi transfruntiera tal-VAT. Dan ir-Regolament jikkostitwixxi l-implimentazzjoni leġiżlattiva tal-pilastru tal-kondiviżjoni tad-data ta’ arkitettura kontra l-frodi riveduta u għandu jinqara flimkien mal-miżuri ulterjuri mħabbra f’dik il-White Paper, inkluż it-tisħiħ tal-kapaċità operazzjonali tal-Eurofisc, l-armonizzazzjoni tal-kundizzjonijiet u tar-regoli dwar ir-responsabbiltà għar-rappreżentanti fiskali maħtura minn persuni taxxabbli mhux tal-Unjoni skont l-IOSS u skemi oħra tal-VAT fuq l-importazzjoni, u l-estensjoni tal-qafas ta’ governanza tad-data tas-CESOP biex tiġi żgurata l-koerenza mal-aċċess għad-data doganali stabbilit minn dan ir-Regolament.

(4c) L-informazzjoni maħżuna mill-awtoritajiet doganali b’rabta mal-proċeduri tal-importazzjoni li skonthom l-obbligi tal-VAT huma differiti jew ikun hemm eżenzjoni tal-VAT tikkostitwixxi, intrinsikament, informazzjoni relatata mal-VAT għall-finijiet tal-Artikolu 113 tat-TFUE. L-estensjoni tal-kamp ta’ applikazzjoni tal-Artikolu 17(1), il-punt (f), tar-Regolament (UE) Nru 904/2010 biex ikopri l-proċeduri kollha tal-importazzjoni li jinvolvu eżenzjonijiet jew differimenti tal-VAT, inkluż taħt l-iskema tal-Punt Uniku ta’ Servizz għall-Importazzjonijiet stabbilita bid-Direttiva 2006/112/KE, u ż-żieda tal-valur doganali ddikjarat u l-pajjiż ta’ oriġini bħala elementi ta’ data obbligatorji, huma meħtieġa biex l-awtoritajiet kompetenti, inklużi l-UPPE u l-OLAF, ikunu jistgħu jagħmlu kontroreferenza tad-dikjarazzjonijiet tal-importazzjoni mad-dikjarazzjonijiet tal-VAT u jidentifikaw diskrepanzi li jindikaw frodi. Tali estensjoni jenħtieġ li tkun mingħajr preġudizzju għar-regoli doganali sostantivi li jirregolaw dawk il-proċeduri ta’ importazzjoni, li jibqgħu soġġetti għar-Regolament (UE) Nru 952/2013.

(4d)Sabiex jiġi żgurat li l-kapaċità ta’ infurzar maħluqa minn dan ir-Regolament testendi b’mod effettiv għall-Istati Membri kollha, biex jiġu evitati asimetriji persistenti fis-suq uniku u fix-xenarju tal-Unjoni kontra l-frodi, u bħala parti mill-impenn tal-Kummissjoni li tirrevedi l-arkitettura kontra l-frodi, l-Istati Membri li ma jipparteċipawx fl-UPPE jenħtieġ li jkunu rikjesti jaħtru awtorità nazzjonali kompetenti responsabbli għat-twettiq ta’ funzjonijiet ekwivalenti għall-fini tal-kooperazzjoni mal-Eurofisc u mal-OLAF fir-rigward tal-frodi tal-VAT transfruntiera. Dawk l-Istati Membri jenħtieġ li jinnotifikaw lill-Kummissjoni bl-awtorità maħtura fi żmien sitt xhur mid-dħul fis-seħħ ta’ dan ir-Regolament u jenħtieġ li jirrapportaw kull sena lill-Kummissjoni dwar l-użu li jsir mill-informazzjoni li jirċievu, inkluż l-għadd ta’ investigazzjonijiet miftuħa u l-eżiti tagħhom.

(5a)L-ostakli persistenti għal kooperazzjoni effettiva bejn il-korpi tal-Unjoni jinkludu inkompatibbiltajiet bejn is-sistemi tal-IT, frammentazzjoni tal-kanali ta’ komunikazzjoni, u interoperabbiltà limitata tas-sistemi ta’ ġestjoni tal-każijiet, li jwasslu għal ineffiċjenzi, dewmien u piżijiet amministrattivi miżjuda. Għalhekk huwa meħtieġ li tissaħħaħ l-interoperabbiltà u li jiġu żviluppati infrastrutturi diġitali komuni biex jiġi żgurat l-iskambju bla xkiel u sigur tal-informazzjoni.

(8a) Filwaqt li l-Artikolu 13 tar-Regolament (UE) Nru 904/2010 diġà jirrikjedi li l-awtoritajiet tal-VAT kompetenti tal-Istati Membri jiskambjaw b’mod spontanju informazzjoni li x’aktarx tkun utli għall-ġlieda kontra l-frodi tal-VAT, dak l-obbligu japplika għall-awtoritajiet tal-VAT u ma jestendix għall-awtoritajiet doganali kompetenti tal-Istati Membri, li mhumiex awtoritajiet tal-VAT kompetenti skont it-tifsira ta’ dak ir-Regolament. Barra minn hekk, la l-mekkaniżmu eżistenti stabbilit fl-Artikolu 13 tar-Regolament (UE) Nru 904/2010 u lanqas in-network tal-Eurofisc ma jipprevedu l-komunikazzjoni spontanja diretta ta’ intelligence dwar il-frodi derivata mid-dwana lill-UPPE u lill-OLAF. L-iskemi ta’ frodi tal-VAT marbuta mal-proċeduri tal-importazzjoni huma kkaratterizzati minn diskrepanzi sistematiċi bejn l-informazzjoni ddikjarata lill-awtoritajiet doganali fil-punt tal-importazzjoni u d-dikjarazzjonijiet tal-VAT ippreżentati sussegwentement fl-Istat Membru tad-destinazzjoni. L-awtoritajiet doganali sikwit ikunu l-ewwel li jidentifikaw tali anomaliji permezz tal-analiżi tal-ġestjoni tar-riskju tagħhom. Sabiex tingħalaq dik il-lakuna u biex jiġi żgurat li l-intelligence doganali upstream identifikata mill-awtoritajiet doganali tiġi trażmessa mingħajr dewmien lill-korpi responsabbli għall-investigazzjoni u l-prosekuzzjoni ta’ frodi transfruntiera tal-VAT, u minħabba li l-eżerċitar effettiv tad-drittijiet ta’ aċċess previsti fl-Artikoli 49a u 49b tar-Regolament (UE) Nru 904/2010 jiddependi mill-fatt li l-UPPE u l-OLAF jiġu infurmati bl-eżistenza ta’ każijiet potenzjali ta’ frodi, huwa meħtieġ li l-awtoritajiet doganali kompetenti jintalbu jittrażmettu dik l-informazzjoni b’mod spontanju. Tali trażmissjoni jenħtieġ li ssir lill-Eurofisc, lill-UPPE u lill-OLAF kull meta d-data msemmija fl-Artikolu 17(1), il-punt (f), tindika xejriet konsistenti ma’ frodi tal-VAT. Dik il-miżura hija kruċjali għall-protezzjoni effettiva tal-interessi finanzjarji tal-Unjoni u hija konsistenti mal-impenn tal-Kummissjoni li tirrevedi l-arkitettura kontra l-frodi b’mod globali bħala komponent essenzjali tal-pakkett tal-QFP ta’ wara l-2027. Matul l-aħħar snin, fir-riżoluzzjonijiet tiegħu dwar il-protezzjoni tal-interessi finanzjarji tal-Unjoni, il-Parlament Ewropew appella ripetutament għat-tisħiħ tal-koordinazzjoni fil-livell nazzjonali bejn l-awtoritajiet doganali u dawk tal-VAT, b’mod partikolari permezz ta’ strateġiji nazzjonali kontra l-frodi. Tali mekkaniżmu ta’ trażmissjoni spontanja jopera esklużivament fil-qafas ta’ kooperazzjoni amministrattiva tal-VAT tar-Regolament (UE) Nru 904/2010 u huwa mingħajr preġudizzju għall-proċeduri doganali sostantivi stabbiliti skont ir-Regolament (UE) Nru 952/2013 u r-regoli relatati dwar il-governanza tad-data.

(8b) L-effettività tal-mekkaniżmu ta’ trażmissjoni spontanja previst f’dan ir-Regolament tiddependi fuq il-koordinazzjoni adegwata fil-livell nazzjonali bejn l-awtoritajiet doganali kompetenti u l-awtoritajiet tal-VAT kompetenti tal-Istati Membri. F’ħafna Stati Membri, dawk il-korpi huma entitajiet amministrattivi separati bi ktajjen superviżorji u sistemi ta’ informazzjoni distinti. Għalhekk, jenħtieġ li l-Istati Membri jiżguraw li l-awtoritajiet doganali u tal-VAT kompetenti tagħhom jistabbilixxu mekkaniżmi ta’ koordinazzjoni regolari, inkluż permezz tal-qafas tal-Eurofisc, biex jiffaċilitaw l-identifikazzjoni ta’ diskrepanzi li jindikaw frodi tal-VAT u t-trażmissjoni f’waqtha tad-data doganali rilevanti lill-Eurofisc, lill-UPPE u lill-OLAF. Tali koordinazzjoni hija miżura proċedurali u organizzattiva u ma tinvolvix obbligi addizzjonali tat-teknoloġija tal-informazzjoni għall-awtoritajiet nazzjonali.

(10a)L-aċċess tal-UPPE u tal-OLAF għall-VIES, għas-Sistema ta’ Sorveljanza u għas-CESOP kif ukoll għal kwalunkwe sistema u bażi tad-data oħra jenħtieġ li jikkonċerna l-kategoriji ewlenin tad-data li ġejjin: informazzjoni dwar in-numri ta’ identifikazzjoni tal-VAT u t-tranżazzjonijiet intra-Komunitarji tal-VAT, informazzjoni rilevanti dwar l-importazzjonijiet eżentati mill-VAT relatati mal-Punt Uniku ta’ Servizz għall-Importazzjonijiet (IOSS) u l-importazzjonijiet tal-proċedura doganali 42/63 u l-informazzjoni aggregata dwar il-pagamenti. Tali aċċess jenħtieġ li jingħata biss lill-UPPE u lill-OLAF għall-fini li jwettqu dmirijiethom skont l-Artikolu 4 tar-Regolament (UE) 2017/1939 u l-Artikolu 1(1) tar-Regolament (UE, Euratom) Nru 883/2013. Jenħtieġ li l-Kummissjoni tingħata s-setgħat biex tadotta atti ta’ implimentazzjoni li jispeċifikaw il-kategoriji eżatti tad-data disponibbli għall-UPPE u l-OLAF għall-finijiet tal-eżerċizzju ta’ dmirijiethom skont dawk l-artikoli. L-abbozzi ta’ dawk l-atti ta’ implimentazzjoni jenħtieġ li jiġu ppreżentati lill-Parlament Ewropew għal skopijiet ta’ informazzjoni, sabiex ikun jista’ jeżerċita d-drittijiet tiegħu.

(-1) jiddaħħal l-artikolu li ġej:

(-1a)jiddaħħal l-artikolu li ġej:

(-1b) Fl-Artikolu 17(1), il-punt (f) huwa sostitwit b’dan li ġej:

“(f) l-informazzjoni miġbura mill-awtoritajiet doganali tal-Istati Membri relatata mal-importazzjonijiet kollha ta’ merkanzija li għaliha tintalab eżenzjoni mill-VAT, differiment jew skema ta’ kontabbiltà speċjali mal-importazzjoni, inkluż skont l-Artikolu 143(1), il-punt (d), tad-Direttiva 2006/112/KE (Proċedura Doganali 42/63), fl-ambitu tal-iskema tal-Punt Uniku ta’ Servizz għall-Importazzjonijiet stabbilita bl-Artikoli 369l sa 369x ta’ dik id-Direttiva, u kwalunkwe proċedura oħra tal-importazzjoni li skontha l-obbligu li tiġi ddikjarata l-VAT jiġi ddifferit lill-Istat Membru tad-destinazzjoni, limitata għall-elementi ta’ data li ġejjin:

1a.L-aċċess imsemmi fil-paragrafu 1 għandu jingħata biss fil-qafas ta’ investigazzjonijiet attivi ta’ reati kriminali suspettati jew tal-prosekuzzjoni tal-awturi ta’ tali reati kriminali, li jaqgħu fil-kamp ta’ applikazzjoni tal-Artikolu 4 tar-Regolament (UE) 2017/1939, u għandu jitfassal u jintuża b’tali mod li jipprevjeni tfittxijiet mhux immirati jew aċċess mhux marbut ma’ każ konkret. Sabiex jiġu ssalvagwardjati l-prinċipji tal-protezzjoni tad-data, l-arkitettura u l-protokolli operazzjonali tas-sistema għandhom jipprojbixxu espressament kwalunkwe forma ta’ estrazzjoni spekulattiva tad-data, estrazzjoni tad-data bil-massa, tfittxijiet ġeneralizzati jew tfassil awtomatizzat ta’ profili mhux marbuta ma’ investigazzjoni speċifika.

1b.L-aċċess ċentralizzat imsemmi fil-paragrafu 1 għandu jkun soġġett għal miżuri tekniċi u organizzattivi xierqa biex jiġi żgurat li kull aċċess ikun attribwibbli għal investigazzjoni jew prosekuzzjoni speċifika u għal utent awtorizzat identifikat. Tali aċċess għandu jiġi rreġistrat b’mod li jippermetti verifika ex post effettiva.

3a.L-UPPE għandu jippubblika, fuq bażi annwali, statistika dwar l-użu tal-aċċess ċentralizzat mogħti skont dan ir-Regolament, inkluż dwar l-għadd ta’ inkjesti li jkun għamel, l-għadd ta’ investigazzjonijiet li fihom tali aċċess ikkontribwixxa biex jiġi avvanzat il-każ, u l-għadd ta’ każijiet li fihom id-data aċċessata nstabet li kienet irrilevanti u tħassret. Dik l-istatistika għandha tiġi inkluża fir-rapporti annwali tal-UPPE u tiġi ppreżentata lill-Parlament Ewropew. F’konformità mad-dispożizzjonijiet relevanti li jirregolaw l-investigazzjonijiet, tali data għandha tiġi redatta kif xieraq biex jiġu żgurati l-kunfidenzjalità u t-twettiq xieraq tal-investigazzjonijiet.

5a. L-utenti kollha għandhom ikunu marbutin bir-regoli ta’ kunfidenzjalità stabbiliti f’dan ir-Regolament. Il-proċeduri għall-iskambju ta’ informazzjoni u l-aċċess għad-data għandhom jiġu segwiti f’konformità mar-Regolamenti (UE) 2016/679 u (UE) 2018/1725 tal-Parlament Ewropew u tal-Kunsill u fir-rispett tal-Karta tad-Drittijiet Fundamentali tal-Unjoni Ewropea.

5b. Is-sistemi li jippermettu l-aċċess ċentralizzat imsemmi fil-paragrafu 1 għandhom jitfasslu biex jiżguraw interoperabbiltà sħiħa mas-sistemi użati mill-korpi rilevanti tal-Unjoni, sabiex jiġu ffaċilitati l-iskambji ta’ informazzjoni effiċjenti u siguri u jitnaqqsu l-piżijiet amministrattivi.

5c. Il-Kummissjoni għandha tivvaluta, f’kooperazzjoni mill-qrib mal-UPPE, il-ħtieġa ta’ finanzjament addizzjonali tal-Unjoni biex tappoġġa l-iżvilupp ta’ sistemi tal-IT interoperabbli, għodod diġitali u persunal speċjalizzat.

5d.Meta l-UPPE jirċievi data personali b’segwitu ta’ trażmissjoni spontanja mill-awtoritajiet doganali skont l-Artikolu 13a, għandhom japplikaw ir-regoli li ġejjin:

2a.L-aċċess ċentralizzat imsemmi fil-paragrafu 1 għandu jitfassal u jintuża b’tali mod li l-OLAF ikollu l-aċċess iffukat u speċifiku għall-investigazzjoni li jeħtieġ, u li ma jkunx possibbli li jwettaq tfittxijiet mhux immirati jew li jikseb xi aċċess għajr għall-fini tal-ftuħ jew tat-twettiq ta’ investigazzjonijiet f’konformità mal-kompiti tal-OLAF kif imsemmi fl-Artikolu 1(1) tar-Regolament (UE, Euratom) Nru 883/2013. Tali aċċess ma għandux jippermetti l-estrazzjoni ta’ data bil-massa, il-monitoraġġ ġeneralizzat jew it-tfassil ta’ profili awtomatizzat mhux marbuta ma’ investigazzjoni amministrattiva speċifika.

2b.L-aċċess ċentralizzat imsemmi fil-paragrafu 1 għandu jkun soġġett għal miżuri tekniċi u organizzattivi xierqa li jiżguraw li kull aċċess ikun attribwibbli għal investigazzjoni speċifika u għal utent awtorizzat identifikat. Tali aċċess għandu jiġi rreġistrat b’mod li jippermetti verifika ex post effettiva.

3a.L-OLAF għandu jippubblika, fuq bażi annwali, statistika dwar l-użu tal-aċċess ċentralizzat mogħti skont dan ir-Regolament, inkluż dwar l-għadd ta’ inkjesti li jkun għamel, l-għadd ta’ investigazzjonijiet li fihom tali aċċess ikkontribwixxa biex jiġi avvanzat il-każ, u l-għadd ta’ każijiet li fihom id-data aċċessata nstabet li kienet irrilevanti u tħassret. Dik l-istatistika għandha tiġi inkluża fir-rapporti annwali tal-OLAF u tiġi ppreżentata lill-Parlament Ewropew. F’konformità mad-dispożizzjonijiet relevanti li jirregolaw l-investigazzjonijiet, tali data għandha tiġi redatta kif xieraq biex jiġu żgurati l-kunfidenzjalità u t-twettiq xieraq tal-investigazzjonijiet.

5a. L-utenti kollha għandhom ikunu marbutin bir-regoli ta’ kunfidenzjalità stabbiliti f’dan ir-Regolament. Il-proċeduri għall-iskambju ta’ informazzjoni u l-aċċess għad-data għandhom jiġu segwiti f’konformità mar-Regolamenti (UE) 2016/679 u (UE) 2018/1725 tal-Parlament Ewropew u tal-Kunsill u fir-rispett tal-Karta tad-Drittijiet Fundamentali tal-Unjoni Ewropea.

5b. Is-sistemi li jippermettu l-aċċess ċentralizzat imsemmi fil-paragrafu 1 għandhom jitfasslu biex jiżguraw interoperabbiltà sħiħa mas-sistemi użati mill-korpi rilevanti tal-Unjoni, sabiex jiġu ffaċilitati l-iskambji ta’ informazzjoni effiċjenti u siguri u jitnaqqas il-piż amministrattiv.

5c. Il-Kummissjoni għandha tivvaluta, f’kooperazzjoni mill-qrib mal-OLAF, il-ħtieġa ta’ finanzjament addizzjonali tal-Unjoni biex tappoġġa l-iżvilupp ta’ sistemi tal-IT interoperabbli, għodod diġitali u persunal speċjalizzat.

5d.Meta l-OLAF jirċievi data personali b’segwitu ta’ trażmissjoni spontanja mill-awtoritajiet doganali skont l-Artikolu 13a, għandhom japplikaw ir-regoli li ġejjin:

(5a)fl-Artikolu 59, il-paragrafu 1 huwa sostitwit b’dan li ġej:

“1. Il-Kummissjoni għandha, kull tliet snin li jibdew minn ... [id-data tad-dħul fis-seħħ ta’ dan ir-Regolament], u abbażi tar-rapporti pprovduti mill-UPPE, l-OLAF u l-Eurofisc, tissottometti rapport lill-Parlament Ewropew, lill-Kunsill u lill-Qorti Ewropea tal-Awdituri dwar l-applikazzjoni ta’ dan ir-Regolament. Ir-rapport għandu jivvaluta b’mod partikolari: