IARSCRÍBHINN I Leasuithe ar iarscríbhinní Rialachán (CE) Uimh. 883/2004
Leasaítear na hIarscríbhinní a ghabhann le Rialachán (CE) Uimh. 883/2004 mar a leanas:
(1)leasaítear Iarscríbhinn I mar a leanas:
(a)leasaítear Cuid I mar a leanas:
(i) cuirtear an roinn seo a leanas isteach i ndiaidh na roinne “AN BHULGÁIR”:
“AN tSEICIA
Réamhíocaíochtaí Cothabhála de réir an Achta um Réamhíocaíochtaí Cothabhála (Uimh. 588/2020 Coll.)”;
(ii)cuirtear an roinn seo a leanas in ionad na roinne “AN EASTÓIN”:
“AN EASTÓIN
Liúntais chothabhála faoin Acht um Shochair Teaghlaigh an 1 Eanáir 2017”;”;
(iii)cuirtear an méid seo a leanas in ionad na roinne “AN tSLÓVAIC”:
“AN tSLÓVAIC
Ailiúnas Ionaid dá bhforáiltear faoi Acht Uimh. 201/2008 Coll. arna leasú”;”;
(iv) cuirtear an roinn seo a leanas in ionad na roinne “AN tSUALAINN”:
“AN tSUALAINN
Tacaíocht chothabhála (Caibidlí 17-19 den Chód Árachais Shóisialta) (2010:110);”;
(b)leasaítear Cuid II mar a leanas:
(i) cuirtear an méid seo a leanas in ionad na roinne “AN LIOTUÁIN”:
“AN LIOTUÁIN
Íocaíochtaí Cothabhála Leanaí faoin Dlí maidir le hÍocaíochtaí Cothabhála Leanaí;”;
(ii)scriostar an roinn “AN UNGÁIR”;
(iii) Cuirtear an méid seo a leanas in ionad na roinne “AN PHOLAINN”:
“AN PHOLAINN
Deontas aon íocaíochta breithe (An Gníomh um Shochair Theaghlaigh)
Sochar aon uaire ar bhreith linbh ar diagnóisíodh go bhfuil míchumas tromchúiseach nó doleigheasta air nó uirthi, nó tinneas neamh-inchóireála ina bhagairt ar a bheatha nó a beatha, ar míchumas nó tinneas sin arna thionscnamh sa bhroinn nó le linn don leanbh teacht ar an saol;”;
(iv)scriostar an roinn “AN RÓMÁIN”;
(v) cuirtear an méid seo a leanas in ionad na roinne “AN tSLÓVAIC”:
“AN tSLÓVAIC
Liúntas breithe;”;
(vi) cuirtear an méid seo a leanas in ionad na roinne “AN FHIONLAINN”:
‘Pacáiste máithreachais, deontas agus cúnamh cnapshuime máithreachais i bhfoirm cnapshuime atá ceaptha chun an costas as uchtú idirnáisiúnta a chúiteamh de bhun Gníomh an Deontais Máithreachais (477/1993);”;
(vii)cuirtear an roinn seo a leanas léi:
“AN tSUALAINN
Liúntas uchtála (Caibidil 21 den Chód Árachais Shóisialta (2010:110)).”;
(2)▌ Leasaítear Iarscríbhinn II mar a leanas:
(a) scriostar na ranna “AN DANMHAIRG-AN FHIONLAINN” agus “AN DANMHAIRG-AN tSUALAINN”
(b)cuirtear an méid seo a leanas in ionad na roinne “AN GHEARMÁIN-AN OSTAIR”:
“AN GHEARMÁIN-AN OSTAIR
Airteagal 14(2)(g), (h), (i) agus (j) de Choinbhinsiún an 4 Deireadh Fómhair 1995 maidir le slándáil shóisialta (inniúlachtaí a chinneadh idir an dá thír i dtaca le cásanna árachais roimhe seo agus le tréimhsí árachais arna bhfáil); leanfaidh cur i bhfeidhm na forála sin de bheith teoranta do na daoine a chumhdaítear léi.”
(c) scriostar na ranna “AN SPÁINN-AN PHORTAINGÉIL” agus “AN FHIONLAINN-AN tSUALAINN”;
(3)in Iarscríbhinn III, scriostar na ranna “AN EASTÓIN”, “AN SPÁINN”, “AN CHRÓIT”, “AN IODÁIL”, “AN LIOTUÁIN”, “AN UNGÁIR”, “AN ÍSILTÍR”, “AN FHIONLAINN” agus “AN tSUALAINN”.
(4)Leasaítear Iarscríbhinn IV mar a leanas:
(a)cuirtear an roinn ”AN EASTÓIN” isteach i ndiaidh “AN GHEARMÁIN”;
(b) cuirtear an roinn “AN LAITVIA” isteach i ndiaidh “AN CHIPIR”;
(c)cuirtear an roinn “AN LIOTUÁIN” isteach i ndiaidh “AN LAITVIA”;
(d)cuirtear an roinn “MÁLTA” isteach i ndiaidh “AN UNGÁIR”;
(e)cuirtear an roinn “AN PHORTAINGÉIL” isteach i ndiaidh “AN PHOLAINN”;
(f)cuirtear an roinn “AN RÓMÁIN” isteach i ndiaidh “AN PHORTAINGÉIL”;
(g)cuirtear an roinn “AN tSLÓVAIC” isteach i ndiaidh “AN tSLÓIVÉIN”
(h)cuirtear an roinn “AN FHIONLAINN” isteach i ndiaidh “AN tSLÓVAIC”;
(i)cuirtear an roinn “AN RÍOCHT AONTAITHE” isteach i ndiaidh “AN tSUALAINN”;
(5) in Iarscríbhinn VI, scriostar an roinn “AN FHIONLAINN”;
(6) in Iarscríbhinn VIII, leasaítear Cuid I mar a leanas:
(a) cuirtear an méid seo a leanas in ionad na roinne “AN LIOTUÁIN”:
“AN LIOTUÁIN
Gach iarratas ar phinsin bhaintrí / bhaintrí fir árachais shóisialta arna ríomh ar bhonn mhéid bunúsach an phinsin baintrí / baintrí fir (An Dlí maidir le Pinsin Árachais Shóisialta).”;
(b) sa roinn “AN OSTAIR”, cuirtear an méid seo a leanas in ionad phointe (g):
“(g) Na hiarratais uile ar shochair faoi Acht Cónaidhme an 22 Nollaig 2018 maidir le Soláthar Pinsin do Nótairí Ostaracha – NVG 2020;
(h)bónas luaththosaithe faoi §§ 262a agus 286a de Allgemeines Sozialversicherungsgesetz (ASVG) (An tAcht Ginearálta um Árachas Sóisialta) an 9 Meán Fómhair 1955, § 144a de gewerbliches Sozialversicherungsgesetz (GSVG) (An tAcht um Árachas Sóisialta Trádála) an 11 Deireadh Fómhair 1978, agus § 135a de Bauern-Sozialversicherungsgesetz (BSVG) (An tAcht um Árachas Sóisialta Feirmeoirí) an 11 Deireadh Fómhair 1978.”;
(7) leasaítear Iarscríbhinn IX mar a leanas:
(a) leasaítear Cuid I mar a leanas:
(i) cuirtear an roinn seo a leanas isteach i ndiaidh na roinne “AN DANMHAIRG”:
“AN EASTÓIN
Liúntas um chumas oibre a dheonaítear faoin Acht um Liúntas Cumais Oibre;”;
(ii) cuirtear an méid seo a leanas in ionad na roinne “AN FHIONLAINN”:
“AN FHIONLAINN
Pinsin céilí arna gcinneadh i gcomhréir leis na rialacha idirthréimhseacha agus arna ndeonú roimh an 1 Eanáir 1994 (an Gníomh maidir le Forghníomhú an Ghnímh Pinsean Náisiúnta, 569/2007)
Méid breise phinsean an linbh agus sochar neamhspleách á ríomh de réir an Achta Pinsean Náisiúnta (an tAcht Pinsean Náisiúnta, 568/2007)”;
(b) i gCuid II, cuirtear an méid seo a leanas in ionad na roinne “AN LIOTUÁIN”:
“AN LIOTUÁIN
(a) Pinsin árachais shóisialta maidir le héagumas chun oibre, arna n-íoc faoin Dlí um Pinsin Árachais Shóisialta
(b) Pinsin árachais shóisialta do bhaintreacha, do bhaintreacha fir agus do dhílleachtaí, arna ríomh ar bhonn phinsean éagumais chun oibre an duine éagtha faoin Dlí maidir le Pinsin Árachais Shóisialta”.
(c) i gCuid III, cuirtear an méid seo a leanas in ionad an tríú mír:
“Coinbhinsiún Nordach an 12 Meitheamh 2012 maidir le slándáil shóisialta”;
(8)leasaítear Iarscríbhinn X mar a leanas:
(a)scriostar an roinn “AN tSEICIA”;
(b)sa roinn “AN GHEARMÁIN”, cuirtear an méid seo a leanas in ionad phointe (b):
“(b) Bürgergeld, foráil bhunúsach do chuardaitheoirí poist i gcomhréir le hImleabhar II den Chód Sóisialta ▌ .”;
(c)leasaítear an roinn “AN EASTÓIN” mar a leanas:
(i)scriostar pointe (a);
(ii)cuirtear an pointe seo a leanas leis:
“(c) Liúntas an phinsinéara um chónaí aonair (Acht Leasa Shóisialaigh an 6 Meán Fómhair 2016)”;
(d) cuirtear an méid seo a leanas in ionad na roinne “AN LIOTUÁIN”:
“AN LIOTUÁIN
(a) Pinsean cúnaimh shóisialta le haghaidh míchumais agus pinsean seanaoise (Dlí 2005 maidir le Pinsin Cúnaimh Shóisialta, Airteagal 5 agus Airteagal 6);
(b) Cúiteamh faoisimh (Dlí 2005 maidir le Pinsin Cúnaimh Shóisialta, Airteagal 12);
(c) Cúiteamh iompair do dhaoine faoi mhíchumas a bhfuil fadhbanna soghluaisteachta acu, arna dheonú roimh 2019 de réir an Dlí maidir le Cúiteamh Iompair;”;
(e)sa roinn “AN UNGÁIR”, scriostar pointe (c);
(f) cuirtear an méid seo a leanas in ionad na roinne “AN OSTAIR”:
“AN OSTAIR
(a) Forlíonadh cúiteach (Gníomh Cónaidhme an 9 Meán Fómhair 1955 maidir le hÁrachas Sóisialta Ginearálta – ASGV, Gníomh Cónaidhme an 11 Deireadh Fómhair 1978 maidir le hÁrachas sóisialta do dhaoine atá ag gabháil do thrádáil agus do thráchtáil - SVG agus Gníomh Cónaidhme an 11 Deireadh Fómhair 1978 maidir le hÁrachas sóisialta d’fheirmeoirí – BSVG);
(b) Liúntas forlíontach (Acht Cónaidhme an 18 Samhain 1965 maidir le teidlíochtaí pinsin oifigeach cónaidhme, a marthanóirí agus a gcleithiúnaithe - Pensionsgesetz 1965 (PG 1965); An tAcht Cónaidhme maidir le sochair phinsin oifigigh Iarnróid Chónaidhme na hOstaire – Bundesbahn-Pensionsgesetz (BB-PG); Acht Cónaidhme an 9 Iúil 1958 maidir le sochair scoir agus pinsin Fostaithe Amharclannaíochta Cónaidhme (Bundestheaterpensionsgesetz (BThPG)).”;
(g) cuirtear an méid seo a leanas in ionad na roinne “AN PHOLAINN”:
“AN PHOLAINN
(a) Pinsean sóisialta (Gníomh an 27 Meitheamh 2003 maidir le pinsin shóisialta).
(b) Sochar tuismitheora forlíontach (Acht an 31 Eanáir 2019 maidir le sochar tuismitheora forlíontach);
(c) Sochar forlíontach do dhaoine nach bhfuil in ann maireachtáil go neamhspleách (Acht an 31 Iúil 2019 maidir le sochar forlíontach do dhaoine nach bhfuil in ann maireachtáil go neamhspleách).”;
(h) leasaítear an roinn “AN PHORTAINGÉIL” mar a leanas:
(i) cuirtear an méid seo a leanas in ionad phointe (a):
‘(a) Pinsean seanaoise neamhranníocach Stáit (Dlí Foraithne Uimh. 464/80 an 13 Deireadh Fómhair 1980);’;
(ii) cuirtear an pointe seo a leanas leis:
“(d) Bun-chomhchuid agus Liúntas an tSochair Shóisialta lena gCuimsiú (Dlí Foraithne Uimh. 126-A/2017 an 6 Deireadh Fómhair 2017, arna leasú)”;
(i)cuirtear an t-alt seo a leanas isteach i ndiaidh an ailt “AN PHORTAINGÉIL”:
“AN RÓMÁIN
Liúntas sóisialta do phinsinéirí (Reacht Éigeandála Rialtais Uimh. 6/2009 lena mbunaítear pinsean sóisialta íosta ráthaithe, arna fhormhuiniú le Dlí Uimh. 196/2009) ▌ ;”;
(j)scriostar an roinn “AN tSLÓIVÉIN”;
(k) sa roinn “AN FHIONLAINN”, scriostar pointe (c);
(l)cuirtear an méid seo a leanas in ionad na roinne “AN tSUALAINN”:
“AN tSUALAINN
(a)Sochair tithíochta forlíontacha do dhaoine a fhaigheann pinsean (Caibidlí 99–103 den Chód Árachais Shóisialta) (2010:110);
(b)Tacaíocht chothabhála do dhaoine scothaosta (Caibidil 74 den Chód Árachais Shóisialta) (2010:110);”;
(m)sa roinn “AN RÍOCHT AONTAITHE”, cuirtear isteach na pointí seo a leanas:
“(f) Comhpháirt soghluaisteachta na hÍocaíochta um Neamhspleáchas Pearsanta (i reachtaíocht na Breataine Móire, Cuid 4 den Acht um Athchóiriú Leasa Shóisialta 2012 agus i Reachtaíocht Thuaisceart Éireann, Cuid 5 den Ordú um Athchóiriú Leasa Shóisialaigh (Tuaisceart Éireann) 2015 (I.R. 2015/2006 (N.I. 1));
(g)Na Rialacháin um an Íocaíocht um an mBia Tús is Fearr (Beatha Leasmhara (Bianna Tosaithe is Fearr) (Albain) 2019 (SSI 2019/193));
(h)Na Deontais um an Tús is Fearr (deontas toirchis agus leanaí, deontas luathfhoghlama, deontas aoise scoile) (Rialacháin 2018 (Albain) um Chúnamh Luathbhlianta (Deontais Tosaithe is Fearr) (Albain) 2018 (SSI 2018/ 370));
(i)Na Rialacháin um Íocaíocht Tacaíochta Sochraide (Cúnamh um Chostais Fhónta (Albain), 2019 (SSI 2019/292));
(j)Íocaíocht Leanaí na hAlban (Rialacháin Íocaíochta Leanaí na hAlban 2020 (SSI 2020/XX));
(k)Comhpháirt soghluaisteachta na hÍocaíochta Míchumais Leanaí (Na Rialacháin um Chúnamh Míchumais do Leanaí agus do Dhaoine Óga (Albain), 2021 (SSI 2021/174));
(l)An chomhpháirt soghluaisteachta den Íocaíocht Mhíchumais Aosaigh (an tAcht um Shlándáil Shóisialta (Albain), 2018 (‘SS(S)A’)) agus na Rialacháin maidir le Cúnamh Míchumais do Dhaoine in Aois Oibre (Albain), 2022;
(m)Íocaíocht Téimh Gheimhridh ag Aois an Phinsin (Rialacháin Leasaithe an Chúnaimh Téimh Gheimhridh (Aois Phinsin) (Albain) 2025);
(n)Íocaíocht Breosla Gheimhridh (Rialacháin an Chiste Shóisialta maidir le hÍocaíocht Breosla Gheimhridh 2025).”;
(9)leasaítear Iarscríbhinn XI mar a leanas:
(a)cuirtear an méid seo a leanas in ionad na roinne “AN tSEICIA”:
“AN tSEICIA
1.Chun sainmhíniú a dhéanamh ar dhaoine den teaghlach de réir Airteagal 1(i), folaíonn “céile” freisin páirtnéirí cláraithe mar a shainmhínítear iad i nGníomh Seiceach Uimh. 115/2006 Coll., maidir le páirtnéireacht chláraithe.;
2.D’ainneoin Airteagal 5 agus Airteagal 6 den Rialachán seo, chun críche an sochar forlíontach a dheonú maidir le tréimhsí árachais a cuireadh isteach faoi reachtaíocht Phoblacht Chónaidhme na Seice agus na Slóvaice, ní féidir a chur san áireamh ach na tréimhsí árachais a cuireadh isteach faoi reachtaíocht na Seice d’fhonn an coinníoll a chomhlíonadh ar a laghad bliain amháin de d'árachas pinsin na Seice a bheith ann laistigh den tréimhse shainithe i ndiaidh dhíscaoileadh na cónaidhme (§ 106a, mír 1b) d’Acht Uimh. 155/1995 Col., maidir le hárachas pinsin)."; ▌”;
(b)sa roinn “AN GHEARMÁIN”, cuirtear an méid seo a leanas in ionad phointe 3:
“3. Chun sochair airgid thirim a dheonú faoi §47(1) de SGB V, §47(1) de SGB VII agus § 24i de SGB V do dhaoine árachaithe a bhfuil cónaí orthu i mBallstát eile, faoi scéimeanna árachais na Gearmáine, ríomhtar an glanphá, a úsáidtear chun measúnú a dhéanamh ar shochair, amhail is dá mba sa Ghearmáin a bhí an duine árachaithe ina chónaí, ach amháin má iarrann an duine árachaithe measúnú ar bhonn an ghlanphá iarbhír a fhaigheann sé nó sí. Chun saoire do thuismitheoirí a dheonú faoin Acht Cónaidhmeach um Liúntas do Thuismitheoirí agus Saoire do Thuismitheoirí (BEEG) do dhaoine atá ina gcónaí i mBallstát eile, ríomhfaidh an institiúid atá inniúil maidir le saoire do thuismitheoirí sa Ghearmáin an meánioncam míosúil arna thuilleamh faoi §§2c go 2f den Acht (an rud lena measúnaítear sochair) amhail is dá mba sa Ghearmáin a bhí an duine sin ina chónaí. Má thagann de sin go bhfuil feidhm ag réim chánach IV, de réir an dara habairt de §2e(3) de BEEG, de bhrí nach raibh an tairbhí rangaithe in aon réim chánach de chuid na Gearmáine le linn thréimhse an mheasúnaithe, féadfaidh sé nó sí a iarraidh go ndéanfar an sochar saoire do thuismitheoirí a mheasúnú ar bhonn an ghlanioncaim iarbhír atá aige nó aici ar gearradh cáin air sa Bhallstát cónaithe. ▌”;
(c)cuirtear an méid seo a leanas in ionad na roinne “AN EASTÓIN”:
“An EASTÓIN
1.Chun na sochair do thuismitheoirí a ríomh, measfar maidir le tréimhsí fostaíochta i mBallstáit seachas an Eastóin, go mbeidh siad bunaithe ar an meánmhéid céanna Cánach Sóisialta a íocadh i rith na dtréimhsí fostaíochta sin san Eastóin a gcomhshuimítear leo iad. Más rud é, i rith na bliana tagartha, nach raibh an duine fostaithe ach i mBallstáit eile, measfar go mbeidh ríomh an tsochair bunaithe ar mheán na Cánach Sóisialta a íocadh san Eastóin idir an bhliain tagartha agus an tsaoire mháithreachais.
2.Chun an liúntas cumais oibre pro rata a ríomh i gcomhréir le hAirteagal 52(1), pointe (b), den Rialachán seo, cuirfear i gcuntas na tréimhsí cónaithe a cuireadh isteach san Eastóin ag tosú ó 16 bliana d’aois go dtí gur tharla an teagmhas. ▌”;
(d) cuirtear an méid seo a leanas in ionad na roinne “AN CHIPIR”:
“AN CHIPIR
Chun críche chur i bhfeidhm Airteagail 6, 51 agus 60 den Rialachán seo, maidir le haon tréimhse dar tús an 6 Deireadh Fómhair 1980 nó dá éis, cinnfear seachtain árachais faoi reachtaíocht Phoblacht na Cipire tríd an tuilleamh iomlán inárachaithe don tréimhse ábhartha a roinnt ar mhéid seachtainiúil an bhuntuillimh inárachaithe atá infheidhme sa bhliain ábhartha ranníocaíochta, ar choinníoll nach rachaidh líon na seachtainí a chinnfear amhlaidh thar líon na seachtainí féilire sa tréimhse ábhartha.”;
(e) sa roinn “MÁLTA”, cuirtear an méid seo a leanas in ionad phointe (a):
‘(a) Chun críoch Airteagal 49 agus Airteagal 60 den Rialachán a chur i bhfeidhm, agus chun na gcríoch sin amháin, caithfear mar státseirbhísigh le daoine arna bhfostú faoi Acht na bhFórsaí Armtha (Caibidil 200 de Dhlíthe Mhálta), faoi Acht na bPóilíní (Caibidil 164 de Dhlíthe Mhálta), faoi Acht na bPríosún (Caibidil 260 de Dhlíthe Mhálta), agus faoi Acht na Cosanta Sibhialta (Caibidil 411 de Dhlíthe Mhálta);’;
(f)sa roinn “AN ÍSILTÍR”, ▌ cuirtear an méid seo a leanas in ionad phointe 1:
“1. Árachas cúraim sláinte
(a)Maidir le teidlíocht i gcomhair sochar comhchineáil faoi reachtaíocht na hÍsiltíre, ciallóidh daoine atá i dteideal sochar comhchineáil chun críche chur i bhfeidhm Chaibidlí 1 agus 2 de Theideal III den Rialachán seo:
(i)daoine a bhfuil sé d’oibleagáid orthu árachas a fháil faoi árachóir cúraim sláinte, de réir Zorgverzekeringswet (an tAcht um Árachas Cúraim Sláinte); agus
(ii)a mhéid nach bhfuil siad san áireamh cheana faoi phointe i), daoine a bhfuil cónaí orthu i mBallstát eile agus atá i dteideal, faoin Rialachán seo, cúram sláinte a fháil ina stát cónaithe, agus na costais á n-íoc ag an Ísiltír;
(b)Ní mór do na daoine dá dtagraítear i bpointe 1(a)(i), i gcomhréir le forálacha Zorgverzekeringswet (an tAcht um Árachas Cúraim Sláinte), árachas a thógáil amach le hárachóir cúraim sláinte; agus ní mór do na daoine dá dtagraítear i bpointe 1(a)(ii) clárú le CentraalAdministratie Kantoor (CAK);
(c)Is iad forálacha Zorgverzekeringswet (An tAcht um Árachas Cúraim Shláinte) agus Wet langdurige zorg (An tAcht um Chúram Fadtéarmach) is infheidhme maidir le dliteanas i leith ranníocaíochtaí a íoc leo siúd dá dtagraítear i bpointe (a) agus lena mbaill teaghlaigh. Maidir le daoine den teaghlach, toibheofar na ranníocaíochtaí ar an duine óna ndíorthaítear an ceart chun cúraim sláinte;
(d)Daoine atá i dteideal sochar de bhun reachtaíochta Ballstáit seachas an Ísiltír agus a bhfuil cónaí orthu san Ísiltír nó a fhanann go sealadach san Ísiltír, beidh siad i dteideal sochar comhchineáil i gcomhréir leis an mbeartas a thairgeann institiúid na háite cónaithe nó na háite fanachta san Ísiltír do dhaoine árachaithe, agus Airteagal 11(1), (2) agus (3), de Zorgverzekeringswet (an tAcht um Árachas Cúraim Sláinte) mar aon le sochair chomhchineáil arna soláthar faoi Wet langdurige zorg (An tAcht um Chúram Fadtéarmach);
(e)Leanfaidh pointe 1(f), sa leagan a bhí i bhfeidhm roimh an ... [dáta theacht i bhfeidhm an Rialacháin leasaithigh] , d’fheidhm a bheith aige maidir le daoine a fuair sochar dá dtagraítear san fhoráil sin ar an dáta sin agus a chláraigh le CAK.”;
(g)cuirtear an t-alt seo a leanas isteach i ndiaidh an ailt “AN OSTAIR”:
“AN tSLÓVAIC
D’ainneoin Airteagal 5 agus Airteagal 6 den Rialachán seo, chun críoch an sochar forlíontach a dheonú maidir le tréimhsí árachais a cuireadh isteach faoi reachtaíocht Phoblacht Chónaidhme na Seice agus na Slóvaice, ní féidir a chur i gcuntas ach na tréimhsí árachais a cuireadh isteach faoi reachtaíocht na Slóvaice d’fhonn an coinníoll a chomhlíonadh bliain amháin de phinsean na Slóvaice a bheith ann laistigh den tréimhse shainithe i ndiaidh dhíscaoileadh na cónaidhme (§ 66a, mír 1, litir b) d’Acht Uimh. 461/2003 Col., maidir le hÁrachas Sóisialta). ▌”;
(h) sa roinn “AN FHIONLAINN”, scriostar pointe 1;
(i)leasaítear an roinn “AN tSUALAINN” mar a leanas:
(i)scriostar pointe 1 agus pointe 2;
(ii)cuirtear an méid seo a leanas in ionad phointe 3:
“3. Ní bheidh feidhm ag forálacha an Rialacháin seo maidir le comhiomlánú tréimhsí árachais agus tréimhsí cónaithe maidir leis na forálacha idirthréimhseacha i reachtaíocht na Sualainne maidir le teidlíocht ar phinsean ráthaíochta do dhaoine a rugadh in 1937 nó roimhe sin agus a raibh cónaí orthu sa tSualainn ar feadh tréimhse sonraithe sula ndearna siad iarratas ar phinsean (Caibidil 6 den Acht (2010:110) maidir le Cur Chun Feidhme an Chóid Árachais Shóisialta a bhaineann le Caibidlí 53–74);”;
(iii)leasaítear pointe 4 mar a leanas:
—cuirtear an méid seo a leanas in ionad na foclaíochta réamhráití:
“4. Chun ioncam a ríomh do chúiteamh breoiteachta barúlach a bhaineann le hioncam agus do chúiteamh ar ghníomhaíochtaí a bhaineann le hioncam i gcomhréir le Caibidil 34 den Chód Árachais Shóisialta (2010:110), beidh feidhm ag an méid seo a leanas:”;
—cuirtear an méid seo a leanas in ionad mhír (b):
“(b) i gcás ina ríomhfar na sochair de bhun Airteagal 46 den Rialachán seo agus nach bhfuil na daoine árachaithe sa tSualainn, cinnfear an tréimhse thagartha i gcomhréir le Caibidil 34, Ranna 3, 10 agus 11 den Acht thuasluaite amhail is dá mbeadh an duine lena mbaineann árachaithe sa tSualainn. Mura bhfuil aon ioncam giniúna pinsin ag an duine lena mbaineann le linn na tréimhse sin faoi Chaibidil 59 den Chód Árachais Shóisialta (2010:110), ceadófar don tréimhse thagartha rith ón bpointe ama is luaithe a raibh ioncam ó ghníomhaíocht shochrach ag an duine árachaithe sa tSualainn;”;
(iv)i bpointe 5, cuirtear an méid seo a leanas in ionad phointe (a):
“5(a) Chun sócmhainní barúlacha pinsin a ríomh le haghaidh pinsean marthanóra ioncam-bhunaithe (Caibidil 82 den Chód Árachais Shóisialta) (2010:110), mura gcomhlíonfar ceanglas reachtaíocht na Sualainne i leith teidlíochta pinsin do thrí cinn ar a laghad de na 5 bliana féilire díreach roimh bhás an duine árachaithe (an tréimhse thagartha), cuirfear san áireamh tréimhsí árachais a cuireadh isteach i mBallstáit eile freisin, amhail agus dá mba sa tSualainn a cuireadh isteach iad. Measfar, maidir le tréimhsí árachais i mBallstáit eile, gur tréimhsí iad atá bunaithe ar mheán-bhonn pinsean na Sualainne. Mura bhfuil ach bliain amháin ag an duine lena mbaineann sa tSualainn le bonn pinsin, measfar gurb ionann gach tréimhse árachais i mBallstát eile agus an méid céanna.”;
(j)sa roinn “AN RÍOCHT AONTAITHE”:
(i)cuirtear an méid seo a leanas in ionad phointí 1 agus 2:
“1. I gcás, i gcomhréir le reachtaíocht na Ríochta Aontaithe, ina bhféadfaidh duine a bhfuil an aois inphinsin sroichte aige roimh an 6 Aibreán 2016 a bheith i dteideal pinsean scoir más rud é:
(a)go gcuirtear ranníocaíochtaí iarchéile nó iarpháirtnéara shibhialta san áireamh amhail agus dá mba ranníocaíochtaí an duine féin iad; nó
(b)go gcomhlíonann céile, páirtnéir sibhialta, iarchéile nó iarpháirtnéir sibhialta an duine sin na coinníollacha ábhartha maidir le ranníocaíochtaí,
ansin ar choinníoll, i ngach cás, go bhfuil nó go raibh an céile nó an páirtnéir sibhialta, an t-iarchéile nó an t-iarpháirtnéir sibhialta ag gabháil do ghníomhaíocht mar dhuine fostaithe nó féinfhostaithe, agus go raibh sé faoi réir reachtaíocht dhá Bhallstát nó níos mó, beidh feidhm ag forálacha Chaibidil 5 de Theideal III den Rialachán seo d’fhonn an teidlíocht faoi reachtaíocht na Ríochta Aontaithe a chinneadh. Sa chás sin, déanfar na tagairtí i gCaibidil 5 do ‘tréimhsí árachais’ a fhorléiriú mar thagairtí do thréimhsí árachais arna gcur isteach:
(i)céile, páirtnéir sibhialta, iarchéile, nó iarpháirtnéir sibhialta i gcás ina ndéanann ceann acu seo éileamh:
—duine pósta nó páirtnéir sibhialta, nó
—duine ar foirceannadh pósadh nó páirtnéireacht shibhialta an duine sin ar shlí seachas bás an chéile nó an pháirtnéara shibhialta; nó
(ii)iarchéile nó iarpháirtnéir sibhialta, i gcás ina ndéanann ceann acu seo éileamh:
—baintreach, baintreach fir nó páirtnéir sibhialta nach raibh, go díreach roimh an aois inphinsin a shlánú dó nó di, i dteideal liúntais tuismitheora baintrí, nó
—baintreach a bhfuair a céile bás roimh an 9 Aibreán 2001 nach raibh i dteideal liúntais do mháthair is baintreach, liúntais do thuismitheoir is baintreach nó pinsin baintrí, go díreach roimh an aois inphinsin a shlánú di nó nach bhfuil teidlíocht aici ach ar phinsean aois-bhainteach baintrí arna ríomh de bhun Airteagal 52(1)(b) den Rialachán seo, agus chun na críche sin ciallaíonn ‘pinsean aois-bhainteach baintrí’ pinsean baintrí atá iníoctha ag ráta laghdaithe i gcomhréir le roinn 39(4) den Acht Ranníocaíochtaí agus Sochar Slándála Sóisialta 1992. ▌
Níl feidhm ag an bpointe seo maidir le daoine a shlánaíonn an aois inphinsin an 6 Aibreán 2016 nó ina dhiaidh.
2.Chun críocha Airteagal 6 den Rialachán seo a chur i bhfeidhm maidir leis na forálacha lena rialaítear teidlíocht ar liúntas freastail, ar liúntas cúramóra, ▌ ar liúntas maireachtála míchumais, agus chun íocaíocht um neamhspleáchas pearsanta, cuirfear san áireamh tréimhse fostaíochta, féinfhostaíochta nó chónaithe a cuireadh isteach i gcríoch Ballstáit eile seachas an Ríocht Aontaithe, a mhéid is gá chun coinníollacha a chomhlíonadh maidir le tréimhsí láithreachta a éilítear sa Ríocht Aontaithe roimh an lá a thagann ceist na teidlíochta chun an tsochair i dtrácht chun cinn den chéad uair.”;
(ii)i bpointe 4, cuirtear an méid seo a leanas in ionad na chéad mhíre
“4. I gcás ina bhfuil feidhm ag Airteagal 46 den Rialachán seo, más duine é an duine lena mbaineann a bhfuil éagumas chun oibre air agus easláine mar thoradh air sin agus é faoi réir reachtaíocht Ballstáit eile, cuirfidh an Ríocht Aontaithe san áireamh, chun críoch Roinn 30A (5) den Acht Ranníocaíochtaí agus Sochar Slándála Sóisialta 1992, Cuid 1 den Acht um Athchóiriú Leasa Shóisialaigh 2007 nó na forálacha comhfhreagracha i reachtaíocht Thuaisceart Éireann, cuirfidh sí i gcuntas aon tréimhse ina bhfuair an duine lena mbaineann, i ndáil leis an éagumas chun oibre sin:
(a)sochair airgid thirim i leith breoiteachta nó pá nó tuarastal in ionad na sochar sin; nó
(b)sochair de réir bhrí Chaibidlí 4 agus 5 de Theideal III den Rialachán seo a deonaíodh i ndáil leis an easláine a d’eascair as an éagumas sin chun oibre, faoi reachtaíocht an Bhallstáit eile, amhail agus dá mba thréimhsí sochair éagumais ghearrthéarmaigh iad, de réir mar is iomchuí, a íocadh i gcomhréir le hAlt 30A (1)-(4) den Ghníomh Ranníocaíochtaí agus Sochar Slándála Sóisialta 1992. den Acht um Liúntas Fostaíochta agus Tacaíochta (Céim an Mheasúnaithe) a íocadh i gcomhréir le Cuid 1 den Acht um Athchóiriú Leasa 2007 nó le forálacha comhfhreagracha Thuaisceart Éireann.
▌”;
(10)cuirtear na hIarscríbhinní seo a leanas leo:
“IARSCRÍBHINN XII
SOCHAIR FADTÉARMACHA CÚRAIM ▌DÁ BHFORÁILTEAR DE MHAOLÚ AR AIRTEAGAL 33A(2)
(Airteagal 33a(2)) ▌
AN OSTAIR
Sochar cúraim fhadtéarmaigh in airgead tirim (An tAcht Cónaidhme um Shochar Cúraim Fhadtéarmaigh, BGBI. I Uimh. 110/1993 arna leasú) a dheonaítear mar thoradh ar thionóiscí ag an obair nó ar ghalair cheirde, déantar é a chomhordú faoi Chaibidil 2 de Theideal III – Sochair i leith tionóiscí ag an obair agus galair cheirde.
AN FHRAINC
(a) Liúntas síorfhreastail (Cód Slándála Sóisialta, Airteagal L.355-1), déantar é a chomhordú faoi Chaibidil 4 de Theideal III – Sochair easláine nó faoi Chaibidil 5 de Theideal III – Sochar seanaoise, ag brath ar an sochar a bheartaítear a fhorlíonadh leis an bhforlíonadh cúraim;
(b) Sochar forlíontach síorfhreastail (Cód Slándála Sóisialta, Airteagal L.434-2) – déantar sin a chomhordú faoi Chaibidil 2 de Theideal III – Sochair i leith tionóiscí ag an obair agus galair cheirde.
AN GHEARMÁIN
Cúram fadtéarmach sochar i dtaca le tionóiscí ag an obair agus le galair cheirde (Leabhar VII de Chód Sóisialta na Gearmáine, mír 44) – déantar sin a chomhordú faoi Chaibidil 2 de Theideal III – Sochair i leith tionóiscí ag an obair agus galair cheirde.
AN PHOLAINN
Forlíonadh cúraim (an tAcht dar dáta 17 Nollaig 1998 maidir le pinsin seanaoise agus sochair easláine as an gCiste Árachais Shóisialaigh) – déantar sin a chomhordú faoi Chaibidil 4 de Theideal III – Sochair easláine nó faoi Chaibidil 5 de Theideal III – Sochar seanaoise, ag brath ar an sochar lena bheartaítear an cúram a fhorlíonadh.
IARSCRÍBHINN XIII
SOCHAIR TEAGHLAIGH IN AIRGEAD TIRIM ATÁ CEAPTHA IONAD IONCAM LE LINN TRÉIMHSÍ TÓGÁLA LEANAÍ A GHABHÁIL
(Airteagal 68b)”.
Cuid I: Sochair teaghlaigh in airgead tirim atá ceaptha ionad ioncam le linn tréimhsí tógála leanaí a ghabháil
(Airteagal 68b(1))
AN OSTAIR
(a) Liúntas Comhréidh Cúraim Leanaí (An tAcht Liúntas Cúraim Leanaí, 2001/103);
(b) Liúntas Cúraim Leanaí in ionad ioncam sochrach (An tAcht Liúntas Cúraim Leanaí, 2001/103)
(c) Bónas Páirtí (An tAcht Liúntas Cúraim Leanaí, 2001/103)
AN BHEILG
An ceart chun saoire tuismitheoireachta i gcomhthéacs sos gairme (Foraithne Ríoga 29/10/1997 maidir le saoire do thuismitheoirí a thabhairt isteach i gcomhthéacs sos gairme).
AN BHULGÁIR
(a) Sochar toirchis agus breithe (Cód Árachais Shóisialta, a fógraíodh le SG Uimh. 110 an 17.12.1999 agus atá i bhfeidhm ón 1 Eanáir 2000), dar tosach nuair a bheidh an leanbh 6 mhí d'aois
(b) Sochar ar uchtú linbh idir 2 bhliain agus 5 bliana d’aois (Cód Árachais Shóisialta, a fógraíodh mar SG Uimh. 110 ón 17.12.1999, atá i bhfeidhm ón 1 Eanáir 2000);
(c) Sochar chun leanbh a thógáil (Cód Árachais Shóisialta, a fógraíodh le SG Uimh. 110 an 17.12.1999 agus atá i bhfeidhm ón 1 Eanáir 2000).
AN tSEICIA
Liúntas Tuismitheora (An tAcht um Thacaíocht Shóisialta Stáit Uimh. 117/1995 Coll., arna leasú)
AN DANMHAIRG
(a) Aisíoc Pá (An tAcht um Scéim Chothromúcháin le linn Máithreachais don earnáil phríobháideach) dar tosach an 15ú seachtain tar éis na breithe;
(b) Sochair Mháithreachais agus Atharachta in airgead tirim (An tAcht Comhdhlúthaithe maidir le Teidlíocht chun Saoire agus Sochair i gCás Breith Linbh) dar tosach an 15ú seachtain tar éis na breithe.
AN EASTÓIN
Sochar Tuismitheora (An tAcht um Shochair Teaghlaigh an 15 Meitheamh 2016).
AN FHIONLAINN
Liúntas Tuismitheora (An tAcht um Árachas Breoiteachta, 1224/2004).
AN FHRAINC
(a) Comhlánú na saor-rogha gníomhaíochta is infheidhme (leanaí a rugadh/a glacadh roimh an 1 Eanáir 2015) (Airteagal 60-II den Acht um Maoiniú Slándála Sóisialta 2004);
(b) An sochar comhroinnte um thógáil linbh (PREPARE) (leanaí a rugadh an 1 Eanáir 2015 nó ina dhiaidh sin) (Airteagal 8-I-7° - Acht Uimh. 2014-873 an 4 Lúnasa 2014 maidir le fíor-chomhionannas idir mná agus fir).
AN GHEARMÁIN
Liúntas Tuismitheora (An tAcht um Liúntas Tuismitheora agus Saoire do Thuismitheoirí).
AN UNGÁIR
An táille cúraim leanaí (An tAcht LXXXIII 1997 maidir le Seirbhísí Sláinte an Chórais um Árachas Éigeantach).
AN IODÁIL
Liúntas le haghaidh saoire do thuismitheoirí (Foraithne Reachtach an 26 Márta 2001, Uimh. 151).
AN LAITVIA
Sochar Tuismitheoirí (An Dlí maidir le Máithreachas agus Sochar Breoiteachta, 06.11.1995).
AN LIOTUÁIN
Sochar cúraim leanaí (Dlí Phoblacht na Liotuáine an 21 Nollaig 2000 maidir le hÁrachas Sóisialta Breoiteachta agus Máithreachais Uimh. IX-110; arna leasú).
LUCSAMBURG
Ioncam Athsholáthair le linn na Tréimhse Saoire do Thuismitheoirí (Dlí an 3 Samhain 2016 lena n-athchóirítear saoire do thuismitheoirí).
AN PHOLAINN
(a) Forlíonadh ar an liúntas teaghlaigh i gcomhair cúraim leanaí le linn na tréimhse saoire do thuismitheoirí (Acht an 28 Samhain 2003 maidir le Sochair Theaghlaigh)
(b) Sochar do Thuismitheoirí (Acht an 28 Samhain 2003 maidir le Sochair Theaghlaigh)
AN PHORTAINGÉIL
(a) Liúntas Tuismitheora (Dlíthe foraithne Uimh. 89/2009 an 9 Aibreán 2009, agus Uimh 91/2009 an 9 Aibreán 2009) dar tosach an 7ú seachtain tar éis na breithe
(b) Liúntas Sínte Tuismitheora (Dlíthe foraithne Uimh. 89/2009 an 9 Aibreán 2009, agus Uimh 91/2009 an 9 Aibreán 2009)
(c) Liúntas uchtaithe (Dlíthe foraithne Uimh. 89/2009 an 9 Aibreán 2009, agus Uimh 91/2009 an 9 Aibreán 2009)
AN RÓMÁIN
Slánaíocht Mhíosúil um Thógáil Leanaí (Reacht Éigeandála Rialtais Uimh. 111 an 8 Nollaig 2010 maidir leis an tsaoire thuismitheoireachta agus an tslánaíocht mhíosúil um thógáil linbh, mar aon leis na leasuithe agus na breiseanna ina dhiaidh sin).
AN tSLÓVAIC
Liúntas Tuismitheora (Acht an Liúntais Tuismitheora Uimh. 571/2009, arna leasú).
AN tSLÓIVÉIN
(a) Cúiteamh do Thuismitheoirí (An tAcht um Chosaint do Thuismitheoirí agus Sochair Teaghlaigh, Iris Oifigiúil Uimh. 26/14 agus 15/90, ZSDP-1);
(b) Liúntas Tuismitheora (An tAcht um Chosaint do Thuismitheoirí agus Sochair Theaghlaigh, Iris Oifigiúil Uimh. 26/14 agus 15/90, ZSDP-1)
An tSUALAINN
Sochar tuismitheora (Caibidil 12 den Chód Árachais Shóisialta (2010:110)).
Cuid II Ballstáit a dhámhann na sochair theaghlaigh dá dtagraítear in Airteagal 68b ina n-iomláine
(Airteagal 68b(2)).
AN EASTÓIN
AN FHIONLAINN
AN LIOTUÁIN
LUCSAMBURG
An tSUALAINN”.