“(2a) L-Artikoli 45 u 48 tat-Trattat dwar il-Funzjonament tal-Unjoni Ewropea (TFUE) jiżguraw il-moviment liberu tal-ħaddiema li jinvolvi l-abolizzjoni ta’ kull diskriminazzjoni minħabba ċittadinanza u jipprevedu l-adozzjoni tal-miżuri meħtieġa fil-qasam tas-sigurtà soċjali biex tiġi żgurata dik il-libertà. Barra minn hekk, skont l-Artikolu 21 tat-TFUE, kull ċittadin tal-Unjoni għandu d-dritt li jmur minn post għal ieħor u li joqgħod liberament fit-territorju tal-Istati Membri, salvi l-limitazzjonijiet u l-kondizzjonijiet stabbiliti fit-Trattati u d-dispożizzjonijiet meħuda sabiex dan jitwettaq.”;

‘5. Huwa meħtieġ, fi ħdan il-qafas ta’ tali koordinazzjoni, li fl-Unjoni jkun garantit trattament ugwali għall-persuni kkonċernati fl-ambitu tal-leġiżlazzjonijiet nazzjonali differenti.(5a)Fl-applikazzjoni tal-prinċipju ta’ trattament ugwali previst f’dan ir-Regolament, jeħtieġ li tiġi rispettata l-ġurisprudenza tal-Qorti tal-Ġustizzja. Il-Qorti tal-Ġustizzja interpretat dak il-prinċipju u r-relazzjoni bejn dan ir-Regolament u, fost l-oħrajn, id-Direttiva 2004/38/KE, fis-sentenzi tagħha fil-Kawżi C-140/12, Brey*, C-333/13, Dano**, C-67/14 Alimanovic***, C-299/14, Garcia-Nieto**** u C-308/14, Il-Kummissjoni vs Ir-Renju Unit*****.(5b)Jenħtieġ li l-Istati Membri jiżguraw li ċittadini mobbli u ekonomikament inattivi tal-UE ma jinżammux milli jissodisfaw il-kundizzjoni li jkollhom kopertura ta’ assigurazzjoni komprensiva tal-mard fl-Istat Membru ospitanti, kif stabbilit fid-Direttiva 2004/38/KE. F’konformità mal-liġi u l-prattika nazzjonali, jenħtieġ li jitħallew jikkontribwixxu b’mod proporzjonat għal skema ta’ kopertura komprensiva tal-assigurazzjoni tal-mard jekk ma jkunux jistgħu jissodisfaw b’xi mod ieħor il-kriterji rilevanti għall-aċċess għal kopertura komprensiva tal-assigurazzjoni tal-mard fl-Istat Membru li fih abitwalment jirrisjedu.

_________

* Is-Sentenza tal-Qorti tal-Ġustizzja tad-19 ta’ Settembru 2013, Brey, C-140/12, ECLI:EU:C:2013:565.

** Is-Sentenza tal-Qorti tal-Ġustizzja tat-8 ta’ Novembru 2014, Dano, C-333/13, ECLI:EU:C:2014:2358.

*** Is-Sentenza tal-Qorti tal-Ġustizzja tal-15 ta’ Settembru 2015, Alimanovic, C-67/14, ECLI:EU:C:2015:597.

**** Is-Sentenza tal-Qorti tal-Ġustizzja tal-25 ta’ Frar 2016, García-Nieto, C-299/14, CLI:EU:C:2016:114.

***** Is-sentenza tal-Qorti tal-Ġustizzja tal-14 ta’ Ġunju 2016, C-308/14, Il-Kummissjoni vs Ir-Renju Unit, ECLI:EU:C:2016:436.”;

“(18b) Fl-Anness III, is-Subparti FTL għar-Regolament tal-Kunsill (UE) Nru 965/2012*, il-kunċett ta’ “bażi tas-servizz” għall-membri tal-ekwipaġġ tat-titjira u l-ekwipaġġ tal-kabina huwa definit bħala l-post, assenjat mill-operatur lill-membru tal-ekwipaġġ, li minnu l-membru tal-ekwipaġġ normalment jibda u jispiċċa perjodu ta’ kompiti jew sensiela ta’ perjodi ta’ kompiti u fejn, f’kundizzjonijiet normali, l-operatur ma jkunx responsabbli għall-akkomodazzjoni tal-membru tal-ekwipaġġ ikkonċernat.

________

* Ir-Regolament tal-Kummissjoni (UE) Nru 965/2012 tal-5 ta’ Ottubru 2012 li jistabbilixxi rekwiżiti tekniċi u proċeduri amministrattivi relatati mal-operazzjonijiet bl-ajru skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 296, 25.10.2012, p. 1, ELI: http://data.europa.eu/eli/reg/2012/965/oj).

“(24) F’konformità mal-każistika tal-Qorti tal-Ġustizzja, jenħtieġ li, fil-prinċipju, benefiċċji tal-kura fit-tul għall-persuni assigurati u l-membri tal-familja tagħhomjibqgħu jiġu kkoordinati skont ir--regoli applikabbli għall-benefiċċji tal-mard. Madankollu, jenħtieġ li dawk ir-regoli jqisu n-natura speċifika tal-benefiċċji tal-kura fit-tul. Hemm bżonn ukoll li jiġu previsti dispożizzjonijiet speċifiċi fil-każ ta’ overlapping ta’ benefiċċji tal-kura fit-tul in natura u fi flus.”;(24a)Il-benefiċċji tal-kura fit-tul jirreferu biss għall-benefiċċji li għandhom l-għan prinċipali li jindirizzaw il-ħtiġijiet ta’ kura ta’ persuna li, minħabba indeboliment dovut għal, pereżempju, xjuħija, diżabbiltà jew mard, teħtieġ assistenza konsiderevoli minn oħrajn biex twettaq attivitajiet essenzjali tal-ħajja ta’ kuljum għal perijodu ta’ żmien estiż. Barra minn hekk, il-benefiċċji tal-kura fit-tul jirreferu biss għal dawk il-benefiċċji li jistgħu jiġu kkunsidrati bħala benefiċċji tas-sigurtà soċjali skont it-tifsira ta’ dan ir-Regolament. F’konformità mal-każistika tal-Qorti tal-Ġustizzja, pereżempju fil-Kawża C-433/13, Il-Kummissjoni vs Ir-Repubblika Slovakka*, il-benefiċċji tas-sigurtà soċjali huma benefiċċji mogħtija mingħajr valutazzjoni individwali u diskrezzjonali tal-ħtiġijiet personali tal-benefiċjarji, abbażi ta’ pożizzjoni definita legalment. Jenħtieġ għalhekk li l-benefiċċji tal-kura fit-tul jiġu interpretati skont dan. B’mod partikolari, jenħtieġ li l-benefiċċji tal-kura fit-tul ma jinkludux assistenza soċjali jew medika. Il-benefiċċji mogħtija fuq bażi diskrezzjonali, wara evalwazzjoni individwali tal-bżonnijiet personali tal-applikant, mhumiex meqjusa bħala benefiċċji għall-kura fit-tul għall-finijiet ta’ dan ir-Regolament.

_______

* Is-sentenza tal-Qorti tas-16 ta’ Settembru 2015, Il-Kummissjoni vs Ir-Repubblika Slovakka, C-433/13, ECLI:EU:C:2015:602.”;

“(32a) Huma l-Istati Membri li jiddeċiedu jekk jestendux il-perjodu ta’ sitt xhur previst fl-Artikolu 64(1)(c) ta’ dan ir-Regolament, f’konformità mal-liġi tal-Unjoni, inkluża s-sentenza tal-Qorti tal-Ġustizzja fil-Kawża C-551/16, Klein Schiphorst*.(32b)L-Artikolu 45 tat-TFUE jiggarantixxi l-libertà tal-moviment għall-ħaddiema fl-Unjoni u jipprojbixxi kull diskriminazzjoni minħabba ċittadinanza bejn il-ħaddiema tal-Istati Membri fir-rigward, fost l-oħrajn, tal-impjieg. Skont ir-Regolament (UE) Nru 492/2011 tal-Parlament Ewropew u tal-Kunsill**, jenħtieġ li ħaddiema bejn il-fruntieri, igawdu wkoll tali drittijiet fundamentali mingħajr diskriminazzjoni. L-Artikolu 5 ta’ dak ir-Regolament jistipula li ċittadin ta’ Stat Membru ieħor li jfittex impjieg fit-territorju ta’ Stat Membru ieħor jirċievi l-istess assistenza hemmhekk bħal dik mogħtija mill-uffiċji tal-impjieg tiegħu liċ-ċittadini tiegħu stess li jkunu qed ifittxu l-impjieg.(32c)Id-Deċiżjoni 573/2014/UE tal-Parlament Ewropew u tal-Kunsill*** tistabbilixxi network madwar l-Unjoni kollha tas-Servizzi Pubbliċi tal-Impjiegi (PES) bl-għan li tinkoraġġixxi l-kooperazzjoni bejn l-Istati Membri fil-qasam tal-impjiegi fl-oqsma tar-responsabbiltà tal-PES, inkluż billi tappoġġa aktar mobbiltà ġeografika u professjonali volontarja fuq bażi ekwa biex ikunu ssodisfati l-ħtiġijiet speċifiċi tas-suq tax-xogħol.

________

* Is-sentenza tal-Qorti tal-Ġustizzja tal-21 ta’ Marzu 2018, J. Klein Schiphorst, C-551/16, ECLI:EU:C:2018:200.

** Ir-Regolament (UE) Nru 492/2011 tal-Parlament Ewropew u tal-Kunsill tal-5 ta’ April 2011 dwar il-moviment liberu tal-ħaddiema fi ħdan l-Unjoni (ĠU L 141, 27.5.2011, p. 1, ELI: http://data.europa.eu/eli/reg/2011/492/oj).

*** Id-Deċiżjoni Nru 573/2014/UE tal-Parlament Ewropew u tal-Kunsill tal-15 ta’ Mejju 2014 dwar kooperazzjoni mtejba bejn is-Servizzi Pubbliċi tal-Impjiegi (PES) (ĠU L 159, 28.5.2014, p. 32, ELI: http://data.europa.eu/eli/dec/2014/573(2)/oj)’;

“(35a) Għall-fini tal-kalkolu tas-suppliment differenzjali, dan ir-Regolament iqis is-sentenza tal-Qorti tal-Ġustizzja fil-Kawża C-347/12, Wiering*, filwaqt li jipprovdi l-kjarifiki u s-simplifikazzjonijiet neċessarji. Filwaqt li titqies in-natura partikolari tad-diversi benefiċċji tal-familja tal-Istati Membri, jenħtieġ li ssir distinzjoni bejn żewġ kategoriji ta’ benefiċċji tal-familja abbażi tal-iskop ewlieni tagħhom, l-objettivi tagħhom u l-bażi li fuqha jingħataw.(35b) Il-benefiċċji tal-familja fi flus li huma primarjament maħsuba biex jissostitwixxu l-introjtu mhux gwadanjat, b’mod sħiħ jew parzjalment , jew l-introjtu li l-persuna ma tistax tiggwadanja, minħabba t-trobbija tat-tfal, jistgħu jiġu distinti minn benefiċċji oħra tal-familja maħsuba biex ikopru l-ispejjeż tal-familja. Minħabba li tali benefiċċji jistgħu jitqiesu li huma drittijiet individwali li huma personali għall-ġenitur soġġett għal-leġiżlazzjoni tal-Istat Membru kompetenti, jenħtieġ li jkun possibbli li jiġu rriżervati esklużivament għall-ġenitur ikkonċernat. Tali benefiċċji individwali huma elenkati fil-Parti I tal-Anness XIII ta’ dan ir-Regolament. Jenħtieġ li l-Istat Membru b’kompetenza sekondarja ma jkunx jista’ japplika r-regoli ta’ prijorità fil-każ ta’ drittijiet li jikkoinċidu għall-benefiċċji tal-familja taħt il-leġiżlazzjoni tal-Istat Membru kompetenti u taħt il-leġiżlazzjoni tal-Istat Membru ta’ residenza tal-membri tal-familja għal dawn il-benefiċċji. Meta Stat Membru ma japplikax ir-regoli ta’ prijorità, irid jagħmel dan b’konsistenza fir-rigward tal-persuni kollha intitolati li huma f’sitwazzjoni analoga u jkun elenkat fl-Anness XIII, il-Parti II.(35c)Dan ir-Regolament iqis ir-Regolament tal-Kunsill Nru 4/2009** fejn rilevanti.

________

* Is-sentenza tal-Qorti tal-Ġustizzja tat-13 ta’ Ġunju 2014, Wiering, C-347/12, ECLI:EU:C:2014:300.

** Ir-Regolament tal-Kunsill (KE) Nru 4/2009 tat-18 ta’ Diċembru 2008 dwar il-ġurisdizzjoni, il-liġi applikabbli, ir-rikonoxximent u l-eżekuzzjoni tad-deċiżjonijiet u l-kooperazzjoni f’materji relatati ma’ obbligi ta’ manteniment (ĠU L 7, 10.1.2009, p. 1, ELI: http://data.europa.eu/eli/reg/2009/4(1)/oj).”;

“(39a) L-acquis rilevanti tal-Unjoni dwar il-protezzjoni tad-data, b’mod partikolari r-Regolament (UE) 2016/679 tal-Parlament Ewropew u tal-Kunsill*, japplika għall-ipproċessar ta’ data personali skont dan ir-Regolament.

________

* Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1, ELI: http://data.europa.eu/eli/reg/2016/679/oj).”;

“(40a) F’konformità mal-prinċipji stabbiliti fl-Artikolu 6 tar-Regolament (UE) 2018/1724 tal-Parlament Ewropew u tal-Kunsill*, l-Istati Membri jridu jiżguraw li l-impjegaturi jew il-persuni kkonċernati jkunu jistgħu, soġġetti għall-istabbiliment tal-proċeduri rilevanti, jaċċessaw u jimlew talba għad-determinazzjoni tal-leġiżlazzjoni applikabbli dwar is-sigurtà soċjali kompletament online. Proċedura kompletament online tinkludi konferma tar-riċevuta awtomatika, sakemm l-eżitu tal-proċedura ma jingħatax minnufih. Jenħtieġ li l-proċedura tkun faċli għall-utent. Dan ir-Regolament jirrikjedi li l-Istati Membri jtejbu progressivament l-użu tagħhom ta’ teknoloġiji ġodda għall-iskambju, l-aċċess u l-ipproċessar tad-data meħtieġa biex ikunu applikati r-regoli dwar il-koordinazzjoni tas-sigurtà soċjali. Dawk ir-regoli jinkludu l-proċeduri msemmija fl-Artikoli 15, 16 u 19 tar-Regolament (KE) Nru 987/2009.(40b)Fid-dawl tal-objettiv tal-leġiżlazzjoni dwar il-koordinazzjoni tas-sigurtà soċjali fl-Unjoni, filwaqt li l-Istati Membri għandhom ir-responsabbiltà li jirrispettaw l-obbligi li jirriżultaw mid-dritt tal-Unjoni fl-oqsma koperti minn dan ir-Regolamentu mir-Regolament (KE) Nru 987/2009, jenħtieġ li l-miżuri potenzjali kontra l-ksur ta’ dawk l-obbligi ma jfixklux l-eżerċizzju tal-moviment liberu fl-Unjoni. B’mod partikolari, il-miżuri li jindirizzaw nuqqas ta’ konformità mal-obbligi speċifikati fl-Artikolu 15(1) tar-Regolament (KE) Nru 987/2009, li jirrikjedu n-notifika lill-istituzzjoni kompetenti tal-Istat Membru li l-leġiżlazzjoni tiegħu hija applikabbli qabel il-bidu ta’ attività fi Stat Membru ieħor u t-talba għall-attestazzjoni msemmija fl-Artikolu 19(2) tar-Regolament (KE) Nru 987/2009, ma għandhomx jirriżultaw f’restrizzjonijiet mhux ġustifikati u sproporzjonati tal-eżerċizzju tal-moviment liberu mill-persuni kkonċernati. In-nuqqas ta’ konformità ma’ dawn l-obbligi ma jirriżultaw awtomatikament f’bidla fil-leġiżlazzjoni nazzjonali applikabbli, li jenħtieġ li tiġi ddeterminata f’konformità mat-Titolu II ta’ dan ir-Regolament. Barra minn hekk, dawk l-obbligi jenħtieġ li jiġu interpretati u infurzati b’mod konsistenti mal-każistika stabbilita tal-Qorti tal-Ġustizzja dwar l-attestazzjoni tal-leġiżlazzjoni applikabbli, li normalment tinħareġ permezz ta’ ċertifikat magħruf bħala Dokument Portabbli A1 (PDA1), u l-predeċessur tiegħu, iċ-ċertifikat E-101.(40c)Sabiex jiġi żgurat li r-regoli dwar il-koordinazzjoni tas-sigurtà soċjali jibqgħu adatti għall-iskop tagħhom, huwa importanti li jitqiesu l-progress teknoloġiku u l-benefiċċji tad-diġitalizzazzjoni, b’mod partikolari fir-razzjonalizzazzjoni u s-simplifikazzjoni tal-iskambju ta’ informazzjoni bejn l-istituzzjonijiet kompetenti. L-avvanzi teknoloġiċi fil-koordinazzjoni tas-sigurtà soċjali, bħal sistema Ewropea ta’ Skambju Elettroniku ta’ Informazzjoni dwar is-Sigurtà Soċjali implimentata bis-sħiħ u operazzjonali, jistgħu jikkontribwixxu għas-simplifikazzjoni tal-proċess u l-konformità mal-Artikolu 15 tar-Regolament (KE) Nru 987/2009. Id-diġitalizzazzjoni tal-proċess tat-talba u tar-riċevuta tal-attestazzjonijiet tas-sigurtà soċjali, inkluż dak rigward il-leġiżlazzjoni applikabbli, se tkun pass importanti ieħor lejn soluzzjoni li tippermetti l-verifika f’ħin reali ta’ dawk l-attestazzjonijiet bejn il-fruntieri, u tippermetti konferma rapida tal-validità tagħhom. Il-Kummissjoni u l-Istati Membri qed jikkollaboraw mill-qrib biex javvanzaw id-diġitalizzazzjoni ta’ tali interazzjonijiet bejn l-individwi u l-korpi pubbliċi, bħal permezz tal-inizjattiva Pass Ewropew tas-Sigurtà Soċjali. Il-Kartieri Ewropej tal-Identità Diġitali stabbiliti bir-Regolament (UE) 2024/1183 tal-Parlament Ewropew u tal-Kunsill**, għandhom il-potenzjal li jsiru sistema diġitali li tiffaċilita l-identifikazzjoni u l-verifika faċli għall-utent u siguri bejn il-fruntieri.(40d)Jenħtieġ li l-Istati Membri jkomplu jinvestu fid-diġitalizzazzjoni tas-sistemi tas-sigurtà soċjali tagħhom, kif xieraq, fost oħrajn bil-ħsieb li jiżguraw esperjenza diġitali bla xkiel għaċ-ċittadini u n-negozji mobbli. Għal dak l-għan, huma jistgħu jużaw l-istrumenti disponibbli ta’ finanzjament tal-Unjoni. Fejn applikabbli, tali finanzjament jista’ jiġi ingranat biex jappoġġa r-riformi rilevanti fil-livell nazzjonali li huma meħtieġa għall-promozzjoni tal-infurzar xieraq ta’ dan ir-Regolament u tar-Regolament (KE) Nru 987/2009 u biex jiġu miġġielda l-frodi u l-iżbalji, inkluż billi jittejbu l-ġbir u r-rapportar tad-data.(40e)L-għan tal-Awtorità Ewropea tax-Xogħol (ELA) huwa, fost l-oħrajn, li tassisti lill-Istati Membri u lill-Kummissjoni fl-applikazzjoni u l-infurzar effettivi tad-dritt tal-Unjoni relatat mal-mobbiltà tal-forza tax-xogħol madwar l-Unjoni u l-koordinazzjoni tas-sistemi tas-sigurtà soċjali fl-Unjoni, biex b’hekk tikkontribwixxi fil-mandat tagħha biex tiġi żgurata mobbiltà ġusta tal-forza tax-xogħol madwar l-Unjoni. Skont ir-Regolament (UE) 2019/1149 tal-Parlament Ewropew u tal-Kunsill***, l-ELA tiffaċilita u ssaħħaħ il-kooperazzjoni bejn l-Istati Membri, inkluż billi tiffaċilita spezzjonijiet miftiehma u konġunti, li jistgħu jikkonċernaw ukoll il-konformità mal-obbligu ta’ notifika u l-identifikazzjoni ta’ abbużi fir-rigward tal-eżenzjonijiet minn dak l-obbligu, u billi tiffaċilita l-kooperazzjoni u l-aċċellerazzjoni tal-iskambju ta’ informazzjoni bejn l-Istati Membri. L-Awtorità Ewropea tax-Xogħol tippromwovi l-użu potenzjali ta’ mekkaniżmi ta’ skambju elettroniku u bażijiet ta’ data bejn l-Istati Membri, biex tiffaċilita l-aċċess għad-data f’ħin reali u biex tidentifika l-frodi, u tista’ tissuġġerixxi titjib possibbli fl-użu ta’ dawk il-mekkaniżmi u l-bażijiet ta’ data.

________

* Ir-Regolament (UE) 2018/1724 tal-Parlament Ewropew u tal-Kunsill tat-2 ta’ Ottubru 2018 li jistabbilixxi gateway diġitali unika li tipprovdi aċċess għal informazzjoni, għal proċeduri u għas-servizzi ta’ assistenza u ta’ soluzzjoni tal-problemi u li jemenda r-Regolament (UE) Nru 1024/2012 (ĠU L 295, 21.11.2018, p. 1), ELI: http://data.europa.eu/eli/reg/2018/1724/oj).

** Ir-Regolament (UE) 2024/1183 tal-Parlament Ewropew u tal-Kunsill tal-11 ta’ April 2024 li jemenda r-Regolament (UE) Nru 910/2014 fir-rigward tal-istabbiliment tal-Qafas Ewropew għall-Identità Diġitali (ĠU L, 2024/1183, 30.4.2024, ELI: http://data.europa.eu/eli/reg/2024/1183/oj).

*** Ir-Regolament (UE) 2019/1149 tal-Parlament Ewropew tal-Kunsill tal-20 ta’ Ġunju 2019 li jistabbilixxi Awtorità Ewropea tax-Xogħol, li temenda r-Regolamenti (KE) Nru 883/2004, (UE) Nru 492/2011, u (UE) 2016/589 u li jħassar id-Deċiżjoni (UE) 2016/344 (ĠU L 186, 11.7.2019, p. 21, ELI: http://data.europa.eu/eli/reg/2019/1149/oj).’;

“(46) Dan ir-Regolament jirrispetta d-drittijiet fundamentali u josserva l-prinċipji rikonoxxuti mill-Karta tad-Drittijiet Fundamentali tal-Unjoni Ewropea u mill-Konvenzjoni Ewropea dwar id-Drittijiet tal-Bniedem, u għandu jiġi implimentat f’konformità ma’ dawk id-drittijiet u l-prinċipji.”;

“(ii) fir-rigward ta’ benefiċċji in natura skont it-Titolu III, Kapitolu 1, kwalunkwe persuna definita jew rikonoxxuta bħala membru tal-familja jew indikata bħala membru tad-dar mil-leġiżlazzjoni tal-Istat Membru fejn tirrisjedi”;

“(i) għall-finijiet tat-Titolu III, Kapitolu 1, fir-rigward ta’ benefiċċji tal-mard, tal-maternità u benefiċċji ekwivalenti tal-paternità, benefiċċji in natura previsti taħt il-leġiżlazzjoni ta’ Stat Membru li huma maħsuba biex jiġu fornuti, jitqiegħdu għad-dispożizzjoni, iħallsu direttament jew iħallsu lura l-ispejjeż għall-kura medika u prodotti u servizzi anċillari għal dik il-kura.”;(-ia)għall-finijiet tat-Titolu III, Kapitolu 1, fir-rigward ta’ benefiċċji tal-kura fit-tul, il-benefiċċji in natura previsti fil-leġiżlazzjoni ta’ Stat Membru li huma maħsuba biex jiġu fornuti, jitqiegħdu għad-dispożizzjoni, iħallsu direttament jew iħallsu lura l-ispejjeż għall-kura fit-tul kif imsemmi fil-punt (vb) ta’ dan l-Artikolu;”;

‘(vb) “benefiċċji tal-kura fit-tul” tfisser benefiċċji in natura jew fi flus, li l-iskop tagħhom huwa li jindirizzaw il-ħtiġijiet ta’ kura ta’ persuna li, minħabba ▌indeboliment, tirrikjedi assistenza konsiderevoli minn persuna jew persuni oħra biex twettaq l-attivitajiet essenzjali ▌ tal-ħajja ta’ kuljum għal perjodu estiż ta’ żmien biex issostni l-awtonomija personali tagħha, inklużi benefiċċji mogħtija għall-istess skop lill-persuna li tipprovdi tali assistenza ▌ ;”;

“(a) benefiċċji tal-mard u tal-kura fit-tul;”;

“1. L-Istati Membri għandhom jinnotifikaw lill-Kummissjoni bil-miktub dwar id-dikjarazzjonijiet li saru f’konformità mal-Artikolu 1(l), il-leġiżlazzjoni u l-iskemi msemmija fl-Artikolu 3, il-konvenzjonijiet magħmula kif imsemmi fl-Artikolu 8(2), il-benefiċċji minimi msemmija fl-Artikolu 58, kif ukoll dwar kwalunkwe emenda sostantiva għalihom. Tali notifiki għandhom jindikaw id-data minn meta dan ir-Regolament se japplika għall-iskemi speċifikati mill-Istati Membri.”;

‘2. Għall-finijiet ta’ dan it-Titolu, persuni li jirċievu benefiċċji fi flus minħabba l-attività jew bħala konsegwenza tal-attività tagħhom bħala persuna impjegata jew persuna li taħdem għal rasha, għandhom jitqiesu bħala li qegħdin iwettqu dik l-attività. Dan ma għandux japplika għal pensjonijiet tal-invalidità, tax-xjuħija jew tas-superstiti, għal pensjonijiet fir-rigward ta’ inċidenti fuq il-post tax-xogħol jew mard okkupazzjonali, jew għal benefiċċji tal-kura fit-tul fi flus ipprovduti lill-persuna li jkollha bżonn ta’ kura.”;

“5. Attività bħala membru tal-ekwipaġġ tal-ajru jew tal-ekwipaġġ tal-kabina li jwettaq servizzi għal passiġġieri jew għal merkanzija tal-ajru għandha titqies bħala attività mwettqa ▌ fl-Istat Membru fejn tinsab il-bażi tas-servizz, kif definit fis-Subparti FTL tal-Anness III tar- (UE) Nru 965/2012”.

“Artikolu 12

Regoli speċjali

1.Persuna li twettaq attività bħala persuna impjegata fi Stat Membru f’isem impjegatur li normalment iwettaq l-attivitajiet tiegħu hemmhekk u li ▌tintbagħat minn dak l-impjegatur fi Stat Membru ieħor biex taħdem f’isem dak l-impjegatur, għandha tibqa’ soġġetta għal-leġiżlazzjoni tal-ewwel Stat Membru, sakemm it-tul ta’ żmien antiċipat ta’ dan ix-xogħol ma jaqbiżx l-24 xahar u sakemm dik il-persuna ma tkunx qed tieħu post persuna oħra impjegata li tkun intbagħtet skont dan il-paragrafu jew persuna li taħdem għal rasha kif imsemmi fil-paragrafu 2.

2.Persuna li normalment twettaq attività bħala persuna li taħdem għal rasha fi Stat Membru u li tmur biex twettaq attività simili fi Stat Membru ieħor għandha tibqa’ tkun soġġetta għal-leġiżlazzjoni tal-ewwel Stat Membru, sakemm it-tul ta’ żmien antiċipat ta’ din l-attività ma jaqbiżx l-24 xahar u sakemm il-persuna ma tkunx qed post persuna oħra impjegata li tkun intbagħtet skont il-paragrafu 1 jew persuna li taħdem għal rasha kif imsemmi f’dan il-paragrafu.

3.Meta persuna impjegata kif imsemmi fil-paragrafu 1 jew persuna li taħdem għal rasha kif imsemmi fil-paragrafu 2 ma tlestix ix-xogħol jew l-attività fl-Istat Membru l-ieħor u tiġi sostitwita minn persuna oħra fl-Istat Membru l-ieħor, il-persuna l-oħra għandha tkompli tkun soġġetta għal-leġiżlazzjoni tal-Istat Membru minn fejn tkun intbagħtet jew fejn normalment twettaq attività bħala persuna li taħdem għal rasha, dment li t-tul ta’ żmien totali tax-xogħol jew tal-attività mill-persuni kollha kkonċernati fl-Istat Membru l-ieħor ma jaqbiżx l-24 xahar u dment li jiġu ssodisfati l-kundizzjonijiet l-oħra stabbiliti fil-paragrafu 1 jew 2.”;

“4a. Persuna li qed twettaq attività f’impjieg jew f’xogħol għal rasha fi Stat Membru wieħed waqt li tirċievi benefiċċji tal-qgħad minn Stat Membru ieħor għandha tkun soġġetta għal-leġiżlazzjoni tal-Istat Membru li jħallas il-benefiċċji tal-qgħad.

5.Il-persuni msemmija fil-paragrafi 1 sa 4a għandhom ikunu trattati, għall-finijiet tal-leġiżlazzjoni determinata f’konformità ma’ dawn id-disposizzjonijiet, bħallikieku kienu qegħdin iwettqu l-attivitajiet kollha tagħhom bħala persuni impjegati jew bħala persuni li jaħdmu għal rashom u bħallikieku kienu qegħdin jirċievu d-dħul kollu tagħhom fl-Istat Membru kkonċernat.”;

“Benefiċċji tal-mard, tal-kura fit-tul, u benefiċċji ekwivalenti tal-paternità”;

“1. Dment li l-paragrafu 2 ma jipprevedix mod ieħor, persuna assigurata u l-membri tal-familja tagħha li joqogħdu fi Stat Membru għajr l-Istat Membru kompetenti għandhom ikunu intitolati għall-benefiċċji in natura li jkunu meħtieġa minħabba raġunijiet mediċi jew minħabba l-ħtieġa ta’ kura fit-tul matul iż-żjara tagħhom, b’kunsiderazzjoni tan-natura tal-benefiċċji u t-tul mistenni taż-żjara. Dawk il-benefiċċji għandhom jingħataw f’isem l-istituzzjoni kompetenti mill-istituzzjoni tal-Istat Membru taż-żjara, f’konformità mad-dispożizzjonijiet tal-leġiżlazzjoni ta’ dak l-Istat Membru, bħallikieku il-persuna kkonċernata kienet assigurata taħt dik il-leġiżlazzjoni.”;

‘1. Sakemm mhux previst mod ieħor b’dan ir-Regolament, persuna assigurata li tivvjaġġa lejn Stat Membru ieħor bl-iskop li tirċievi, matul iż-żjara, il-benefiċċji in natura kif msemmija fl-Artikolu 1(va)(i), għandha tikseb awtorizzazzjoni mill-istituzzjoni kompetenti.”;

“Artikolu 30

Kontribuzzjonijiet mingħand pensjonanti

1.L-istituzzjoni ta’ Stat Membru li taħt il-leġislazzjoni applikata minnha stess hija responsabbli biex tagħmel tnaqqis fir-rigward ta’ kontribuzzjonijiet marbuta ma’ mard, kura fit-tul, maternità u benefiċċji ekwivalenti tal-paternità, tista' titlob u tirkupra dan it-tnaqqis, ikkalkolat f’konformità mal-leġiżlazzjoni applikata minnha, sal-punt biss li l-ispejjeż tal-benefiċċji skont l-Artikoli 23 sa 26 ikollhom jitħallsu minn istituzzjoni ta’ dak l-Istat Membru.

2.Fejn, fil-każijiet imsemmija fl-Artikolu 25, il-kisba ta’ benefiċċji tal-mard, tal-kura fit-tul, tal-maternità u benefiċċji ekwivalenti tal-paternità tkun soġġetta għall-ħlas ta’ kontribuzzjonijiet jew pagamenti simili taħt il-leġiżlazzjoni ta’ Stat Membru li fih il-pensjonant/a kkonċernat/a jkollu/jkollha r-residenza tiegħu/tagħha, dawk il-kontribuzzjonijiet ma għandhomx jitħallsu minħabba din ir-residenza.”;

“3. Fejn membru tal-familja għandu dritt derivattiv għall-benefiċċji in natura skont il-leġiżlazzjoni ta’ aktar minn Stat Membru wieħed, ir-regoli ta’ prijorità li ġejjin għandhom japplikaw:(a)Fil-każ tad-drittijiet mogħtija fuq bażi differenti, l-ordni ta’ prijorità għandha tkun kif ġej:(i)drittijiet mogħtija abbażi ta’ attività bħala persuna impjegata jew bħala persuna li taħdem għal rasha tal-persuna assigurata;(ii)drittijiet mogħtija abbażi ta’ pensjoni li persuna assigurata tirċievi;(iii)drittijiet mogħtija abbażi tar-residenza tal-persuna assigurata;(b)fil-każ ta’ drittijiet derivattivi mogħtija fuq l-istess bażi, l-ordni ta’ prijorità għandha tkun stabbilita b’referenza għall-post ta’ residenza tal-membru tal-familja bħala kriterju sussidjarju;(c)F’każijiet fejn huwa impossibbli li tiġi stabbilita l-ordni ta’ prijorità abbażi tal-punt (a) jew (b), għandu japplika l-itwal perjodu ta’ assigurazzjoni tal-persuna assigurata taħt l-iskema nazzjonali tal-pensjonijiet.”;

“Artikolu 33a

Benefiċċji tal-kura fit-tul

1.Il-Kummissjoni Amministrattiva għandha, wara li tikkonsulta lis-sħab soċjali, tfassal lista dettaljata tal-benefiċċji tal-kura fit-tul li jissodisfaw il-kriterji stabbiliti fl-Artikolu 1(vb), filwaqt li tindika, f’kull każ, jekk humiex benefiċċji in natura jew benefiċċji fi flus u jekk jingħatawx lill-persuna li tirċievi l-kura jew lill-persuna li tipprovdi l-kura.

2.Meta benefiċċji tal-kura fit-tul li jaqgħu taħt dan il-Kapitolu jkollhom ukoll il-karatteristiċi ta’ benefiċċji kkoordinati taħt Kapitolu differenti tat-Titolu III, Stat Membru jista’, permezz ta’ deroga mill-paragrafu 1 ta’ dan l-Artikolu, jikkoordina tali benefiċċji f’konformità mar-regoli ta’ dak il-Kapitolu, dment li l-eżitu ġenerali ta’ tali koordinazzjoni jkun tal-anqas ugwalment favorevoli għall-benefiċjarji daqslikieku l-benefiċċji kienu kkoordinati bħala benefiċċji tal-kura fit-tul taħt dan il-Kapitolu u dment li jkunu elenkati fl-Anness XII, li jispeċifika liema Kapitolu tat-Titolu III japplika.

3.L-Artikolu 34(1) u (2) ta’ dan ir-Regolament għandu japplika wkoll għall-benefiċċji elenkati fl-Anness XII.”;

“Artikolu 34

Sovrapożizzjoni tal-benefiċċji tal-kura fit-tul

1.Fejn persuna li tirċievi benefiċċji tal-kura fit-tul fi flus mill-Istat Membru kompetenti skont l-Artikolu 21 jew 29 tkun intitolata wkoll, skont dan il-Kapitolu, li titlob benefiċċji in natura maħsuba għall-istess skop mill-istituzzjoni tal-Istat Membru ta’ residenza jew ta’ żjara, u dawk il-benefiċċji in natura jkunu soġġetti għal rimborż mill-istituzzjoni tal-Istat Membru kompetenti skont l-Artikolu 35, għandu japplika l-Artikolu 10. Għal dak l-għan, jekk il-persuna kkonċernata tirċievi dawk il-benefiċċji in natura, l-ammont tal-benefiċċji fi flus mogħtija mill-Istat Membru kompetenti għandu jitnaqqas bil-valur ta’ dawk il-benefiċċji in natura.

2.Żewġ Stati Membri jew aktar, jew l-awtoritajiet kompetenti tagħhom, jistgħu jaqblu fuq miżuri oħra jew fuq miżuri supplimentari li ma għandhomx ikunu anqas vantaġġużi għall-persuni kkonċernati mill-prinċipji stabbiliti fil-paragrafu 1.

3.Meta benefiċċji tal-kura fit-tul fi flus ikunu previsti fil-leġiżlazzjoni ta’ aktar minn Stat Membru wieħed matul l-istess perjodu u għall-istess tfal, ir-regoli ta’ prijorità f’każ ta’ sovrapożizzjoni stabbiliti fl-Artikolu 68(1) għandhom ikunu applikabbli.”;

“2. Jekk f’mument partikolari l-persuna kkonċernata ma tissodisfax, jew ma tibqax tissodisfa, l-kundizzjonijiet stabbiliti mil-leġiżlazzjonijiet kollha tal-Istati Membri li għalihom kienet soġġetta, l-istituzzjonijiet li japplikaw leġiżlazzjoni li l-kundizzjonijiet tagħha kienu sodisfatti ma għandhomx iqisu, meta jagħmlu l-kalkolu f’konformità mal-Artikolu 52(1)(b), il-perjodi magħmula taħt il-leġiżlazzjonijiet li l-kundizzjonijiet tagħhom ma ġewx sodisfatti, jew ma għadhomx sodisfatti, fejn dan jirriżulta f’ammont ta’ benefiċċju iżgħar.”;

“Artikolu 60a

Regoli speċjali dwar l-aggregazzjoni ta’ perjodi għall-benefiċċji tal-qgħad

Għall-finijiet tal-applikazzjoni tal-Artikolu 6 meta applikat fil-kuntest ta’ dan il-Kapitolu, huma biss il-perjodi li huma kkunsidrati skont il-leġiżlazzjoni tal-Istat Membru li fih ġew magħmula bl-iskop li jinkiseb u jinżamm id-dritt għall-benefiċċji tal-qgħad li għandhom jiġu aggregati mill-Istat Membru kompetenti.”;

“Artikolu 61

Regoli speċjali dwar l-aggregazzjoni ta’ perjodi ta’ assigurazzjoni, ta’ impjieg jew ta’ impjieg tal-persuna għal rasha u l-kompetenza għall-ħlas ta’ benefiċċji tal-qgħad

1.Ħlief fir-rigward ta’ persuni kompletament qiegħda kif imsemmi fl-Artikolu 65(2), (3) u (5), l-applikazzjoni tal-Artikoli 6 u 60a mill-Istat Membru tal-aktar perijodu reċenti ta’ assigurazzjoni, impjieg jew impjieg indipendenti għal rashom għandu jkun kundizzjonali fuq il-fatt li l-persuna kkonċernata tkun għamlet reċentement perjodu mingħajr interruzzjonijiet ta’ mill-anqas xahar ta’ assigurazzjoni, impjieg, jew impjieg għal rashom, f’konformità mal-leġiżlazzjoni ta’ d l-Istat Membru li taħthom qed titlob il-benefiċċji.

2.Meta persuna qiegħda ma tkunx għamlet perjodu mingħajr interruzzjoni ta’ mill-anqas xahar ta’ assigurazzjoni, impjieg, jew impjieg indipendenti fl-Istat Membru msemmi fil-paragrafu 1, dik il-persuna għandha tkun intitolata għall-benefiċċji tal-qgħad f’konformità mal-leġiżlazzjoni tal-Istat Membru preċedenti fejn tkun għamlet perjodu ta’ assigurazzjoni, impjieg, jew impjieg għal rasha, dment li tali perjodu kien perjodu mingħajr interruzzjoni ta’ mill-anqas xahar. L-Istat Membru li jsir kompetenti skont dan il-paragrafu għandu jipprovdi l-benefiċċji tal-qgħad, f’konformità mal-leġiżlazzjoni tiegħu, wara li japplika l-Artikoli 6 u 60a, sa fejn ikun meħtieġ, u f’konformità mal-Artikolu 64a.

3.Meta persuna qiegħda ma tkunx għamlet perjodu mingħajr interruzzjoni ta’ mill-anqas xahar ta’ assigurazzjoni, impjieg jew impjieg għal rasha f’wieħed mill-Istati Membri msemmija fil-paragrafu 1 jew 2 ta’ dan l-Artikolu, l-Istat Membru tal-perjodu ta’ assigurazzjoni, impjieg jew impjieg għal rasha l-aktar reċenti għandu jsir kompetenti, u għandu jipprovdi l-benefiċċji tal-qgħad, f’konformità mal-leġiżlazzjoni tiegħu, wara li japplika l-Artikoli 6 u 60a sa fejn ikun meħtieġ.

Artikolu 62

Kalkolu tal-benefiċċji

1.L-istituzzjoni kompetenti ta’ Stat Membru li l-leġiżlazzjoni tiegħu tipprevedi l-kalkolu ta’ benefiċċji fuq il-bażi tal-ammont tal-paga jew tad-dħul professjonali preċedenti għandha tikkunsidra esklużivament il-paga jew id-dħul professjonali li tkun irċeviet il-persuna kkonċernata fir-rigward tal-aħħar attività tagħha bħala persuna impjegata jew bħala persuna li taħdem għal rasha taħt dik il-leġiżlazzjoni.

2.Il-paragrafu 1 għandu japplika wkoll meta l-leġiżlazzjoni amministrata mill-istituzzjoni kompetenti tipprevedi perjodu ta’ referenza speċifiku għad-determinazzjoni tal-paga jew id-dħul professjonali li jservi bħala bażi għall-kalkolu tal-benefiċċji u meta, għall-perjodu kollu jew għal parti minnu, il-persuna kkonċernata kienet soġġetta għal-leġiżlazzjoni ta’ Stat Membru ieħor.

3.B’deroga mill-paragrafi 1 u 2 ta’ dan l-Artikolu, sa fejn huma kkonċernati l-persuni qiegħda koperti mill-Artikolu 65(2), l-ewwel u t-tieni subparagrafi, , l-istituzzjoni tal-Istat Membru ta’ residenza għandha tqis, skont il-kundizzjonijiet u l-limitazzjonijiet tal-leġiżlazzjoni li tapplika, il-paga jew id-dħul professjonali li l-persuna kkonċernata tkun irċeviet fl-Istat Membru fejn kienet soġġetta għal-leġiżlazzjoni tiegħu waqt l-aħħar attività tagħha bħala persuna impjegata jew li taħdem għal rasha, f’konformità mar-Regolament ta’ Implimentazzjoni.

Artikolu 63

Dispożizzjonijiet speċjali għat-tneħħija tar-regoli dwar ir-residenza

Għall-finijiet ta’ dan il-Kapitolu, l-Artikolu 7 għandu japplika biss fil-każijiet previsti fl-Artikoli 64, 64a u 65 u għandu japplika fil-limiti preskritti fih.

“(c) il-persuna qiegħda għandha żżomm l-intitolament tagħha għall-benefiċċji għal perjodu ta’ sitt xhur mid-data li fiha l-persuna qiegħda ma baqgħetx disponibbli għas-servizzi tal-impjiegi tal-Istat Membru minn fejn telqet, dment li t-tul ta’ żmien totali li matulu jingħataw il-benefiċċji ma jaqbiżx it-tul ta’ żmien totali tal-perjodu tal-intitolament tagħha għall-benefiċċji skont il-leġislazzjoni ta’ dak l-Istat Membru; is-servizzi jew l-istituzzjonijiet kompetenti jistgħu jestendu l-perjodu ta’ sitt xhur sa tmiem il-perjodu tal-intitolament għall-benefiċċji ta’ dik il-persuna;”;

‘3. Sakemm il-leġiżlazzjoni tal-Istat Membru kompetenti ma tkunx aktar favorevoli, bejn żewġ perjodi ta’ impjieg, il-perjodu massimu totali li matulu persuna qiegħda għandha tibqa’ intitolata għal benefiċċji skont il-paragrafu 1 ta’ dan l-Artikolu u l-Artikolu 64a għandu jkun ta’ sitt xhur; is-servizzi jew l-istituzzjonijiet kompetenti jistgħu jestendu dak il-perjodu sa tmiem il-perjodu tal-intitolament għall-benefiċċji ta’ dik il-persuna.”;

“Artikolu 64 a

Regoli speċjali għall-persuni qiegħda li jiċċaqilqu lejn Stat Membru ieħor mingħajr ma ssodisfaw il-kundizzjonijiet stabbiliti fl-Artikolu 61(1) u l-Artikolu 64

1.Fis-sitwazzjoni msemmija fl-Artikolu 61(2), l-Istat Membru li jsir kompetenti għandu jipprovdi benefiċċji tal-qgħad, f’konformità mal-leġiżlazzjoni tiegħu, għall-perjodu stabbilit fl-Artikolu 64(1), il-punt (c), jekk il-persuna qiegħda tagħmel lilha nnifisha disponibbli għas-servizzi tal-impjiegi fl-Istat Membru tal-perjodu ta’ assigurazzjoni, impjieg jew impjieg għal rasha l-aktar reċenti u tikkonforma mal-kundizzjonijiet stabbiliti skont il-leġiżlazzjoni ta’ dak l-Istat Membru. Ir-reġistrazzjoni mas-servizzi tal-impjiegi tal-Istat Membru tal-perjodu tal-assigurazzjoni, impjieg jew impjieg għal rasha l-aktar reċenti għandu jkollha l-istess effett bħar-reġistrazzjoni mas-servizzi tal-impjiegi tal-Istat Membru kompetenti. L-Artikolu 64(2) sa (4) għandu japplika mutatis mutandis.

2.Jekk il-persuna qiegħda msemmija fil-paragrafu 1 tixtieq tfittex xogħol fi Stat Membru ieħor għajr l-Istat Membru kompetenti għall-benefiċċji tal-qgħad jew l-Istat Membru tal-perjodu tal-assigurazzjoni, impjieg jew impjieg għal rasha l-aktar reċenti, l-Artikolu 64 għandu japplika mutatis mutandis. Għal dawk il-finijiet, l-Artikolu 64(1)(a) għandu jiġi interpretat bħala li jirreferi għas-servizzi tal-impjiegi tal-Istat Membru tal-perjodu tal-assigurazzjoni, impjieg jew impjieg għal rasha l-aktar reċenti.”;

“Artikolu 65

Persuni qiegħda li kienu residenti fi Stat Membru li mhux l-Istat Membru kompetenti

1.Persuna li hija qiegħda kompletament, parzjalment jew b’mod intermittenti u li, matul l-aħħar attività tagħha bħala persuna impjegata jew bħala impjegata għal rasha kienet residenti fi Stat Membru li mhux l-Istat Membru kompetenti, għandha tagħmel lilha nnifisha disponibbli ▌għas-servizzi tal-impjiegi fl-Istat Membru kompetenti, jew, fil-każ ta’ persuni li huma qiegħda parzjalment jew b’mod intermittenti, fejn applikabbli, għall-impjegatur li għalih tibqa’ disponibbli.

Tali persuna għandha tirċievi benefiċċji f’konformità mal-leġiżlazzjoni tal-Istat Membru kompetenti bħallikieku hija kienet residenti f’dak l-Istat Membru u għandha tkun soġġetta għad-drittijiet u l-obbligi stabbiliti minn dik il-leġiżlazzjoni. Dawk il-benefiċċji għandhom jingħataw mill-istituzzjoni tal-Istat Membru kompetenti.

2.B’deroga mill-paragrafu 1, persuna kompletament qiegħda ▌ għandha tagħmel lilha nnifisha disponibbli għas-servizzi tal-impjiegi fl-Istat Membru fejn għandha r-residenza tagħha ▌ dment li: (a)matul l-aħħar attività tagħha bħala persuna impjegata jew impjegata indipendenti, dik il-persuna kienet residenti fi Stat Membru li mhux l-Istat Membru kompetenti; (b)dik il-persuna tkompli tirrisjedi fl-Istat Membru ta’ residenza jew irritornat fih; u(c)dik il-persuna ma wettqitx perjodu mingħajr interruzzjonijiet ta’ assigurazzjoni, impjieg jew impjieg għal rasha ta’ 22 ġimgħa esklussivament skont il-leġiżlazzjoni tal-Istat Membru kompetenti.

Il-persuna kompletament qiegħda msemmija fl-ewwel subparagrafu għandha tirċievi benefiċċji f’konformità mal-leġiżlazzjoni tal-Istat Membru ta’ residenza bħallikieku hija kienet għamlet il-perjodi kollha ta’ assigurazzjoni, impjieg jew impjieg għal rasha skont il-leġiżlazzjoni ta’ dak l-Istat Membru. Tali benefiċċji għandhom jingħataw mill-istituzzjoni tal-Istat Membru ta’ residenza.

Persuna kompletament qiegħda msemmija f’dan il-paragrafu li tkun intitolata għal benefiċċji tal-qgħad biss skont il-leġiżlazzjoni nazzjonali tal-Istat Membru kompetenti mingħajr l-applikazzjoni tal-Artikolu 6 ta’ dan ir-Regolament, tista’, alternattivament, tagħmel lilha nnifisha disponibbli għas-servizzi tal-impjiegi f’dak l-Istat Membru u għandha tirċievi benefiċċji f’konformità mal-leġiżlazzjoni ta’ dak l-Istat Membru bħallikieku hija kienet residenti hemm.

3.Il-paragrafu 2 ta’ dan l-Artikolu ma għandux japplika għal persuna kompletament qiegħda li, matul l-attività l-aktar reċenti tagħha qabel ma saret qiegħda, għamlet perjodi ta’ assigurazzjoni bħala persuna li taħdem għal rasha jew perjodi ta’ impjieg għal rasha rikonoxxuti għall-iskop ta’ intitolament għal benefiċċji tal-qgħad fi Stat Membru għajr l-Istat Membru ta’ residenza tagħha, u li l-Istat Membru ta’ residenza tagħha jkun ippreżenta notifika, skont l-Artikolu 9, li tiddikjara li l-ebda kategorija ta’ persuni b’impjieg għal rashom ma hija koperta minn sistema ta’ benefiċċji tal-qgħad ta’ dak l-Istat Membru.

4.Jekk persuna kompletament qiegħda kif imsemmija fil-paragrafu 1, il-paragrafu 2, it-tielet subparagrafu, jew il-paragrafu 3, ta’ dan l-Artikolu ma tixtieqx issir jew tibqa’ disponibbli għas-servizzi tal-impjiegi tal-Istat Membru kompetenti wara li tkun irreġistrat hemm u tiddeċiedi li tfittex xogħol fl-Istat Membru ta’ residenza, l-Artikolu 64, bl-eċċezzjoni tal-paragrafu 1(a) tiegħu, għandu japplika mutatis mutandis.

5.Fejn persuna kompletament qiegħda msemmija fil-paragrafu 4 tiddeċiedi li tfittex xogħol fl-Istat Membru ta’ residenza u hija kienet preċedentement għamlet perjodi ta’ assigurazzjoni, impjieg jew impjieg għal rasha taħt il-leġiżlazzjoni ta’ dak l-Istat Membru, aggregati ma’ perjodi magħmula fl-Istat Membru tal-aħħar attività u Stati Membri oħra ta’ attivitajiet preċedenti, hija tista’, wara t-tmiem tal-perjodu li matulu hija tirċievi benefiċċji tal-qgħad mill-istituzzjoni tal-Istat Membru kompetenti skont il-paragrafu 4, titlob benefiċċji tal-qgħad taħt il-leġiżlazzjoni tal-Istat Membru ta’ residenza, bħallikieku hija kienet ikkompletat il-perjodi kollha f’dak l-Istat Membru. L-istituzzjoni kompetenti tal-Istat Membru ta’ residenza għandha tipprovdi benefiċċji tal-qgħad f’konformità mal-leġiżlazzjoni ta’ dak l-Istat Membru. Il-perjodu li matulu l-persuna qiegħda rċeviet benefiċċji taħt il-leġiżlazzjoni tal-Istat Membru kompetenti għandu jitnaqqas mill-perjodu korrispondenti ta’ intitolament għall-benefiċċji taħt il-leġiżlazzjoni tal-Istat Membru ta’ residenza.

6.Persuna kompletament qiegħda msemmija f’dan l-Artikolu tista’ tagħmel lilha nnifisha disponibbli għas-servizzi tal-impjiegi tal-Istat Membru kompetenti jew l-Istat Membru ta’ residenza, minbarra li tagħmel lilha nnifisha disponibbli għas-servizzi tal-impjiegi tal-Istat Membru ▌ li jipprovdi l-benefiċċji skont il-paragrafu 1 jew 2.”;

‘2. Fil-każ ta’ sovrapożizzjoni ta’ intitolamenti, il-benefiċċji tal-familja għandhom jingħataw f’konformità mal-leġiżlazzjoni indikata bħala dik li għandha prijorità skont il-paragrafu 1. L-intitolamenti għall-benefiċċji tal-familja permezz ta’ leġiżlazzjoni konfliġġenti għandhom jiġu sospiżi sal-ammont previst mill-ewwel leġiżlazzjoni għall-istess tip ta’ benefiċċji u għandu jingħata suppliment differenzjali, jekk ikun meħtieġ, għas-somma li taqbeż dak l-ammont. Madanakollu, ma hemmx rekwiżit biex jingħata tali suppliment differenzjali fir-rigward ta’ tfal li jirrisjedu fi Stat Membru ieħor meta l-intitolament għall-benefiċċji inkwistjoni jkun ibbażat fuq ir-residenza biss.

2a.Għall-fini tal-kalkolu tas-suppliment differenzjali għall-benefiċċji tal-familja skont il-paragrafu 2 għandu jkun hemm żewġ kategoriji ta’ benefiċċji tal-istess tip: (a)benefiċċji tal-familja fi flus li huma maħsuba primarjament biex jissostitwixxu id-dħul mhux gwadanjat, kollu kemm hu jew parti minnu, jew dħul li l-persuna ma tistax tiggwadanja, minħabba t-trobbija tat-tfal; u(b)benefiċċji tal-familja l-oħra għajr dawk imsemmija fil-punt (a).”;

“Artikolu 68b

Dispożizzjoni speċjali għall-benefiċċji tal-familja fi flus kontanti maħsuba biex jieħdu post l-introjtu matul il-perjodu tat-trobbija tat-tfal

1.Il-benefiċċji tal-familja msemmija fl-Artikolu 68(2), il-punt (a), ta’ dan ir-Regolament, li huma elenkati fl-Anness XIII, il-Parti I, ta’ dan ir-Regolament, għandhom jingħataw taħt il-leġiżlazzjoni tal-Istat Membru kompetenti unikament lill-persuna soġġetta għal dik il-leġiżlazzjoni. Ma għandu jkun hemm l-ebda dritt derivat ▌ għal tali benefiċċji. L-Artikolu 68a ta’dan ir-Regolament ma għandux japplika għal dawn il-benefiċċji u l-istituzzjoni kompetenti ma għandhiex tkun rikjesta li tieħu kont ta’ talba ppreżentata mill-ġenitur l-ieħor, gwardjan jew istituzzjoni li taġixxi ta’ gwardjan ta’ tifel jew tfal skont l-Artikolu 60(1) tar-Regolament ta’ implimentazzjoni.

2.Permezz ta’ deroga mill-Artikolu 68(2), f’każijiet ta’ sovrapożizzjoni ta’ drittijiet taħt leġiżlazzjoni konfliġġenti ▌ , Stat Membru jista’ jagħti benefiċċju tal-familja msemmi fil-paragrafu 1 ta’ dan l-Artikolu b’mod sħiħ lil benefiċjarju irrispettivament mill-ammont stabbilit mill-ewwel leġiżlazzjoni. L-Istati Membri li japplikaw tali deroga għandhom jiġu elenkati fl-Anness XIII, il-Parti 2, u jindikaw il-benefiċċju tal-familja li għalih tapplika d-deroga.”;

“(ea) tipprovdi opinjonijiet, jekk mitluba mill-Kummissjoni, fit-tħejjija bikrija tal-atti ta’ implimentazzjoni msemmija fl-Artikolu 88b ta’ dan ir-Regolament u fl-Artikolu 86a tar-Regolament ta’ Implimentazzjoni, u tagħmel kwalunkwe proposta rilevanti lill-Kummissjoni għar-reviżjoni ta’ dawk l-atti ta’ implimentazzjoni;”;

“Artikolu 75a

Obbligu tal-awtoritajiet kompetenti

1.L-awtoritajiet kompetenti għandhom, f’konformità mad-dritt u l-prattika nazzjonali tagħhom, jiżguraw li l-istituzzjonijiet rilevanti tagħhom ikunu informati dwar id-dispożizzjonijiet kollha, leġiżlattivi jew ta’ natura oħra, u japplikawhom, inkluż id-deċiżjonijiet tal-Kummissjoni Amministrattiva, fl-oqsma koperti minn u f’konformità mat-termini ta’ dan ir-Regolament bażiku u tar-Regolament ta’ Implimentazzjoni.

2.Sabiex tiġi żgurata d-determinazzjoni korretta tal-leġiżlazzjoni applikabbli, l-awtoritajiet kompetenti għandhom jippromwovu, fejn xieraq, il-kooperazzjoni bejn l-istituzzjonijiet tagħhom u korpi rilevanti oħra, bħal pereżempju l-ispettorati tax-xogħol, fl-Istati Membri tagħhom.”;

“Artikolu 87b

Dispożizzjoni tranżitorja relatata mad-dispożizzjonijiet imsemmija fl-Artikolu 91 ta’ dan ir-Regolament u fl-Artikolu 97 tar-Regolament ta’ Implimentazzjoni

1.L-ebda dritt ma għandu jinkiseb skont id-dispożizzjonijiet imsemmija fl-Artikolu 91, it-tielet paragrafu, ta’ dan ir-Regolament jew fl-Artikolu 97, it-tieni paragrafu, tar-Regolament ta’ Implimentazzjoni qabel id-dati rilevanti ta’ applikazzjoni msemmija fih.

2.Kull perjodu ta’ assigurazzjoni u, fejn jixraq, kull perjodu ta’ impjieg, impjieg tal-persuna għal rasha jew residenza magħmula skont il-leġiżlazzjoni ta’ Stat Membru qabel id-dati ta’ applikazzjoni rilevanti kif stabbiliti fl-Artikolu 91, it-tielet, ir-raba’ u l-ħames paragrafu ta’ dan ir-Regolament u fl-Artikolu 97, it-tieni, it-tielet u r-raba paragrafu, tar-Regolament ta’ Implimentazzjoni għandu jitqies mill-Istat Membru konċernat għad-determinazzjoni tad-drittijiet miksuba skont dawk id-dispożizzjonijiet.

3.Soġġett għall-paragrafu 1 ta’ dan l-Artikolu, id-drittijiet jistgħu jinkisbu skont id-dispożizzjonijiet imsemmija fl-Artikolu 91, it-tielet paragrafu, ta’ dan ir-Regolament u fl-Artikolu 97, it-tieni paragrafu, tar-Regolament ta’ Implimentazzjoni anke jekk dawn ikunu relatati ma’ kontinġenza li tinqala’ qabel id-data ta’ applikazzjoni ta’ dawk id-dispożizzjonijiet fl-Istat Membru kkonċernat.

4.Meta, skont it-Titolu II ta’ dan ir-Regolament, persuna tkun soġġetta għal-leġiżlazzjoni ta’ Stat Membru li ma tkunx dik li għaliha kienet soġġetta qabel ... [id-data ta’ applikazzjoni tal-emendi introdotti mir-Regolament emendatorju], il-leġiżlazzjoni applikabbli qabel dik id-data għandha tkompli tapplika għal perjodu tranżitorju li jdum sakemm is-sitwazzjoni tibqa’ l-istess. Dak il-perjodu tranżitorju għandu fi kwalunkwe każ jintemm f’… [10 snin wara d-data tad-dħul fis-seħħ tar-Regolament emendatorju].

Il-persuna kkonċernata tista’ titlob li l-perjodu tranżitorju ma jibqax jgħodd għaliha. Din it-talba għandha tiġi ppreżentata lill-istituzzjoni nominatamill-awtorità kompetenti tal-Istat Membru ta’ residenza. It-talbiet ippreżentati fi jew qabel... [27 xahar wara d-data tad-dħul fis-seħħ tar-Regolament emendatorju] jew qabel għandhom jitqiesu li ġew ippreżentati f’… [24 xahar wara d-data tad-dħul fis-seħħ tar-Regolament emendatorju]. It-talbiet ippreżentati wara ... [27 xahar wara d-data tad-dħul fis-seħħ tar-Regolament emendatorju] għandhom jitqiesu li ġew ppreżentati fl-ewwel jum tax-xahar wara d-data tal-preżentazzjoni tagħhom.

Dan il-paragrafu ma għandux japplika għall-Artikolu 12. L-Artikolu 12, fil-verżjoni fis-seħħ qabel ... [id-data tad-dħul fis-seħħ tar-Regolament emendatorju], għandu jkompli japplika għall-persuni impjegati li jintbagħtu fi Stat Membru ieħor, jew għall-persuni li jaħdmu għal rashom li jwettqu attività simili fi Stat Membru ieħor qabel ... [24 xahar wara d-dħul fis-seħħ tar-Regolament emendatorju].

5.It-Titolu III, il-Kapitolu 1, fil-verżjoni fis-seħħ qabel ... [id-data tad-dħul fis-seħħ tar-Regolament emendatorju], għandu jkompli japplika għall-benefiċċji tal-kura fit-tul li l-applikazzjonijiet għalihom ġew ippreżentati qabel ... [24 xahar wara d-data tad-dħul fis-seħħ tar-Regolament emendatorju].

6.It-Titolu III, il-Kapitolu 6, fil-verżjoni fis-seħħ qabel ... [id-data tad-dħul fis-seħħ tar-Regolament emendatorju], għandu jkompli japplika għall-benefiċċji tal-qgħad li l-applikazzjonijiet għalihom ġew ippreżentati qabelid-data ta’ applikazzjoni rilevanti kif stabbilita fl-Artikolu 91, it-tielet, ir-raba’ u l-ħames paragrafu, 3).

7.It-Titolu III, il-Kapitolu 8, fil-verżjoni fis-seħħ qabel ... [id-data tad-dħul fis-seħħ tar-Regolament emendatorju], għandu jkompli japplika għall-benefiċċji tal-familja għat-tfal li twieldu qabel ... [24 xahar wara d-data tad-dħul fis-seħħ tar-Regolament emendatorju].”;

“Artikolu 88

Id-delega ta’ setgħa biex temenda l-Annessi

Il-Kummissjoni għandha s-setgħa li tadotta atti delegati skont l-Artikolu 88a biex, minn żmien għal żmien, temenda l-Annessi ta’ dan ir-Regolament u tar-Regolament ta’ Implimentazzjoni wara talba mill-Kummissjoni Amministrattiva.

“Artikolu 88a

Eżerċizzju tad-delega

1.Is-setgħa li tadotta atti delegati hija mogħtija lill-Kummissjoni soġġetta għall-kundizzjonijiet stabbiliti f’dan l-Artikolu.

2.Is-setgħa għall-adozzjoni ta’ atti delegati msemmija fl-Artikolu 88 għandha tingħata lill-Kummissjoni għal perjodu ta’ żmien indeterminat mill-...[data tad-dħul fis-seħħ tar-Regolament emendatorju].

3.Id-delega ta’ setgħa msemmija fl-Artikolu 88 tista’ tiġi revokata fi kwalunkwe mument mill-Parlament Ewropew u l-Kunsill. Deċiżjoni li tirrevoka għandha ttemm id-delega tas-setgħa speċifikata f’dik id-deċiżjoni. Din għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Din ma għandhiex taffettwa l-validità ta’ kwalunkwe att delegat li jkun diġà fis-seħħ.

4.Qabel ma tadotta att delegat, il-Kummissjoni għandha tikkonsulta esperti nominati minn kull Stat Membru skont il-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet.

5.Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill..

6.Att delegat skont l-Artikolu 88 għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu it-tnejn infurmaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b’xahrejn fuq l-inizjattiva tal-Parlament Ewropew jew tal-Kunsill.”;

“Artikolu 88b

Setgħa biex jiġu adottati atti ta’ implimentazzjoni

1.Il-Kummissjoni għandha tadotta atti ta’ implimentazzjoni biex jispeċifikaw il-proċedura, inkluż fejn xieraq, il-limiti ta’ żmien, li għandhom jiġu segwiti sabiex jiġu żgurati kundizzjonijiet uniformi għall-implimentazzjoni tat-Titolu II ta’ dan ir-Regolament u tal-proċeduri korrispondenti stabbiliti fir-Regolament ta’ Implimentazzjoni. Dawk l-atti ta’ implimentazzjoni għandhom jistabbilixxu proċeduri standard għal:(a)il-ħruġ, il-format u l-kontenuti ta’ attestazzjonijiet li jiċċertifikaw il-leġiżlazzjoni dwar is-sigurtà soċjali li tapplika għad-detentur tagħhom, kif ukoll il-konferma awtomatika tar-riċevuta tat-talba għal tali attestazzjonijiet, liema konferma għandha tindika d-data tal-ħruġ tagħha u l-informazzjoni li tinsab fit-talba;(b)l-elementi li għandhom jiġu vverifikati qabel ma jkunu jistgħu jinħarġu, jiġu rtirati jew rettifikati l-attestazzjonijiet;(c)l-irtirar jew ir-rettifika tal-attestazzjonijiet mill-istituzzjoni emittenti f’konformità mal-proċedura stabbilita fir-Regolament ta’ Implimentazzjoni.

2.Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88c(2).

Artikolu 88c

Proċedura ta’ Kumitat

1.Il-Kummissjoni għandha tkun megħjuna minn kumitat. Il-Kumitat huwa kumitat skont it-tifsira tar-Regolament (UE) Nru 182/2011.

2.Meta ssir referenza għal dan l-Artikolu, għandu japplika l-Artikolu 5 tar-Regolament (UE) Nru 182/2011.”;

“Artikolu 91

Dħul fis-seħħ u applikazzjoni

Dan ir-Regolament għandu jidħol fis-seħħ fl-għoxrin jum wara li jkun ippubblikat f’Il-Ġurnal Uffiċjali tal-Unjoni Ewropea.

Huwa għandu japplika mill-1 ta’ Mejju 2010.

Minkejja t-tieni paragrafu, id-dati ta’ applikazzjoni li ġejjin għandhom japplikaw:(1)Id-dispożizzjonijiet li ġejjin. fil-verżjoni fis-seħħ minn … [id-data tad-dħul fis-seħħ tar-Regolament emendatorju], għandhom japplikaw minn dik id-data:(a)l-Artikolu 11(5);(b)l-Artikolu 50(2);(c)l-Artikolu 72(ea);(d)l-Artikoli 75a u 86;(e)l-Artikolu 87a(2)(f)l-Artikoli 87b, 88, 88a, 88b u 88c;(g)l-Annessi I, II, III, IV, VI, VIII, IX, X u XI.(2)Id-dispożizzjonijiet li ġejjin, fil-verżjoni fis-seħħ minn … [id-data tad-dħul fis-seħħ tar-Regolament emendatorju], għandhom japplikaw minn … [24 xahar wara d-data tad-dħul fis-seħħ tar-Regolament emendatorju]:(a)l-Artikolu 1, il-punti (i)(1)(ii), (va)(i), (va)(ia) u (vb); (b)l-Artikolu 3(1), il-punt (a); (c)l-Artikolu 9(1); (d)l-Artikolu 11(2);(e)l-Artikolu 12;(f)l-Artikolu 13(4a) u (5);(g)l-Artikolu 19(1);(h)l-Artikolu 20(1);(i)l-Artikolu 30;(j)l-Artikolu 32(3);(k)l-Artikolu 33a, 34, 60a, 61, 62 u 63;(l)l-Artikolu 64(1)(c) u (3);(m)l-Artikolu 64a, 65 u 65a;(n)l-Artikolu 68(2) u (2a);(o)l-Artikolu 68b;(p)l-Annessi XII u XIII.

Minkejja t-tielet paragrafu ta’ dan l-Artikolu, fir-rigward ta’ persuni li għalihom, matul l-aħħar attività tagħhom bħala persuna impjegata jew li taħdem għal rasha, il-Lussemburgu kien l-aħħar Stat Membru kompetenti, l-Artikoli 65, 65a u 86, fil-verżjoni fis-seħħ qabel ... [id-data tad-dħul fis-seħħ tar-Regolament emendatorju], għandhom japplikaw sa [5 snin wara d-data tad-dħul fis-seħħ tar-Regolament emendatorju].

Il-Lussemburgu jista’ jinnotifika lill-Kummissjoni li jkun meħtieġ li dak il-perjodu ta’ żmien imsemmi fir-raba’ paragrafu jiġi estiż sa ... [7 snin wara d-data tad-dħul fis-seħħ tar-Regolament emendatorju]. Tali notifika għal estensjoni għandha ssir fi żmien raġonevoli qabel it-tmiem tal-perjodu ta’ żmien msemmi fir-raba’ paragrafu. Din in-notifika għandha tiġi ppubblikata f’Il-Ġurnal Uffiċjali tal-Unjoni Ewropea.”;

“(12a) Għall-fini tal-identifikazzjoni tal-uffiċċju rreġistrat jew tal-post tan-negozju ta’ impriża, fejn persuna twettaq attività f’żewġ Stati Membri jew aktar, jenħtieġ li jitqiesu serje ta’ fatturi biex jiġi ddeterminat fejn jiġu adottati d-deċiżjonijiet essenzjali tal-impriża u fejn jitwettqu l-funzjonijiet tal-amministrazzjoni ċentrali. Eżempji ta’ fatturi bħal dawn huma l-fatturat, il-postijiet fejn isiru l-laqgħat ġenerali tagħha, u n-natura abitwali tal-attività mwettqa. Il-lista ta’ dawk eżempji ta’ dawn il-fatturi mhijiex eżawrjenti u fatturi oħra jistgħu jkunu rilevanti biex jiġi determinat il-post tal-uffiċċju rreġistrat jew tal-post tan-negozju ta’ impriża, fil-qafas ta’ valutazzjoni ġenerali, filwaqt li tingħata importanza dovuta lil kull fattur rilevanti skont iċ-ċirkostanzi tal-każ.”;

“(13a) Fejn persuna impjegata jew li taħdem għal rasha twettaq l-attività tagħha fi Stat Membru li mhuwiex l-Istat Membru kompetenti skont l-Artikolu 12 tar-Regolament bażiku, jenħtieġ li l-istituzzjoni kompetenti tal-Istat Membru li l-leġiżlazzjoni tiegħu tkun applikabbli tiġi infurmata b’dan minn qabel u titlob attestazzjoni kif imsemmija fl-Artikolu 19(2) ta’ dan ir-Regolament. L-għoti ta’ informazzjoni qabel it-twettiq tal-attività jippermetti lill-istituzzjonijiet kompetenti jivvalutaw is-sitwazzjoni tal-persuni kkonċernati minn qabel u jiżguraw, mill-bidu nett, id-determinazzjoni u l-applikazzjoni korretti tal-leġiżlazzjoni dwar is-sigurtà soċjali applikabbli, skont it-Titolu II tar-Regolament bażiku, u b’hekk jiġi ffaċilitat l-eżerċizzju tal-libertà tal-moviment għall-ħaddiema u tal-libertà li jiġu pprovduti servizzi, u tiżdied iċ-ċertezza legali fir-rigward tal-kopertura tas-sigurtà soċjali tal-persuna kkonċernata. Dan jippermetti wkoll koordinazzjoni aħjar bejn l-awtoritajiet nazzjonali, inkluż l-ippjanar tal-kontrolli. Fejn ġustifikat abbażi tan-natura jew it-tul tal-attività, jixraq li jiġi previst li jenħtieġ li l-għoti ta’ tali informazzjoni minn qabel u, b’mod partikolari, l-obbligu li tintalab tali attestazzjoni, ma japplikax għal vjaġġi jew attivitajiet ta’ xogħol b’tul ta’ żmien totali ta’ mhux aktar minn tlett ijiem konsekuttivi ta’ xogħol f’perjodu ta’ 30 jum konsekuttiv.(13b)L-attivitajiet fis-settur tal-kostruzzjoni juru karatteristiċi speċifiċi, bħal li jiddistingwuhom minn attivitajiet f’setturi ekonomiċi oħra. L-għadd kbir ta’ ħaddiema stazzjonati fis-settur tal-kostruzzjoni jammonta għal sehem għoli ta’ PDA1s maħruġa skont l-Artikolu 12 tar-Regolament bażiku u l-analiżijiet disponibbli jindikaw li spiss jiġu identifikati l-frodi, l-irregolaritajiet jew il-prattiki abbużivi fir-rigward ta’ dawk l-attivitajiet. Id-data disponibbli tindika wkoll li kemm l-għadd ta’ aċċidenti fuq il-post tax-xogħol, inklużi l-aċċidenti fatali, kif ukoll ir-rata ta’ inċidenza tal-aċċidenti fuq il-post tax-xogħol huma partikolarment għoljin fis-settur tal-kostruzzjoni. Il-kombinazzjoni ta’ dawk il-karatteristiċi tfisser li l-eżenzjoni tal-attivitajiet fis-settur tal-kostruzzjoni mill-obbligu li tiġi infurmata l-istituzzjoni kompetenti u li tintalab l-attestazzjoni dwar il-leġiżlazzjoni applikabbli, minn qabel, fil-każ ta’ attivitajiet li jdumu sa tlett ijiem tista’ tipperikola l-kisba tal-objettivi segwiti mir-Regolament bażiku u minn dan ir-Regolament. Barra minn hekk, iż-żamma ta’ dak l-obbligu għall-attivitajiet fis-settur tal-kostruzzjoni tikkontribwixxi għall-ħidma ta’ infurzar tal-ispettorati nazzjonali tax-xogħol jew ta’ awtoritajiet kompetenti oħra, li se jibbenefikaw mid-data ġġenerata għall-fini tat-twettiq ta’ valutazzjonijiet tar-riskju u l-identifikazzjoni effettiva ta’ prattiki frodulenti jew abbużivi.(13c)Sabiex tiġi żgurata l-applikazzjoni xierqa ta’ dan ir-Regolament, huwa tal-akbar importanza li tiġi żgurata l-konformità mal-obbligu li l-istituzzjoni kompetenti tiġi infurmata u li tintalab l-attestazzjoni dwar il-leġiżlazzjoni applikabbli, minn qabel. Għal dak l-għan, l-Istati Membri jistgħu, f’konformità mal-liġi nazzjonali, jirrikorru għat-teħid ta’ miżuri proporzjonati kontra l-impjegatur jew, fil-każ ta’ persuna li ma twettaqx attività bħala persuna impjegata, kontra l-persuna kkonċernata, għan-nuqqas ta’ konformità ma’ dawk l-obbligi.(13d)Sabiex dawk li qed ifittxu impjieg jiġu appoġġati fit-tfittxija tagħhom għal xogħol, filwaqt li jitqiesu r-realtajiet ta’ reġjuni transfruntieri, jenħtieġ li l-Istati Membri jinkoraġġixxu lill-membri u lis-sħab tan-network tas-servizzi Ewropej tax-xogħol (EURES) biex jipparteċipaw fi strutturi speċifiċi ta’ kooperazzjoni u servizzi, u jiżguraw li dawk li qed ifittxu impjieg, li joqogħdu fi Stat Membru li ma jkunx l-Istat Membru kompetenti, jkollhom aċċess għas-servizzi ta’ appoġġ ipprovduti f’reġjuni transfruntieri.(13e)Meta persuna qiegħda li tirċievi benefiċċji tal-qgħad tiddeċiedi li tmur fi Stat Membru ieħor biex tfittex xogħol hemmhekk, jenħtieġ li l-Istat Membru li jħallas il-benefiċċji u l-Istat Membru fejn il-persuna tmur tfittex impjieg jinfurmaw lill-persuna kkonċernata dwar is-servizzi ta’ appoġġ ipprovduti mill-EURES inkluż permezz tal-portal tiegħu, u l-possibbiltà li tirreġistra mal-EURES biex ittejjeb il-possibbiltajiet tagħha li ssib xogħol fl-Istat Membru l-ieħor. L-Istat Membru li jħallas il-benefiċċji jista’ jikkunsidra li jipprovdi lill-persuna kkonċernata bi gwida biex tirreġistra mal-EURES.”;

“(18a) Ċerti regoli u proċeduri speċifiċi huma meħtieġa għall-ħlas lura tal-ispiża tal-benefiċċji mġarrba minn Stat Membru ta’ residenza, fejn il-persuni kkonċernati huma assigurati fi Stat Membru differenti. Jenħtieġ li l-Istati Membri li jagħmlu talba għall-ħlas lura tal-ispiża tal-benefiċċji abbażi tan-nefqa fissa jinnotifikaw l-ispejjeż medji annwali għal kull persuna f’data ta’ skadenza fissa biex ikun possibbli l-ħlas lura malajr kemm jista’ jkun.”;

“(19) Jenħtieġ li l-proċeduri bejn l-istituzzjonijiet għall-assistenza reċiproka fl-irkupru ta’ talbiet dwar is-sigurtà soċjali jissaħħu sabiex jiġi żgurat irkupru aktar effettiv u l-funzjonament bla xkiel tal-iskemi tas-sigurtà soċjali. L-irkupru effettiv huwa wkoll mezz li jipprevjeni u jittratta l-abbużi u l-frodi u li jiżgura s-sostenibbiltà tal-iskemi tas-sigurtà soċjali. Dan jinvolvi li jiġu adottati proċeduri ġodda, li jużaw bħala bażi għadd ta’ dispożizzjonijiet eżistenti fid-Direttiva tal-Kunsill 2010/24/UE*, b’mod partikolari permezz tal-adozzjoni ta’ strument uniformi għall-infurzar u l-adozzjoni ta’ proċeduri standard għat-talbiet għal assistenza reċiproka u n-notifika ta’ strumenti u miżuri li jirrigwardaw l-irkupru ta’ talbiet għas-sigurtà soċjali

_______________

* Id-Direttiva tal-Kunsill 2010/24/UE tas-16 ta’ Marzu 2010 dwar l-assistenza reċiproka għall-irkupru ta’ talbiet relatati ma’ taxxi, dazji u miżuri oħra (ĠU L 84, 31.3.2010, p. 1, ELI: http://data.europa.eu/eli/dir/2010/24/oj)";

“(25) ▌ L-azzjoni li jiġi miġġielda l-frodi u l-iżbalji hija parti mill-implimentazzjoni xierqa tar-Regolament (KE) Nru 883/2004 u ta’ dan ir-Regolament. Għalhekk, huwa fl-interess taċ-ċertezza legali li dan ir-Regolament ikollu bażi legali ċara li tippermetti lill-istituzzjonijiet kompetenti jiskambjaw data personali mal-awtoritajiet rilevanti fi Stati Membri oħra marbuta mal-persuni li d-drittijiet u l-obbligi tagħhom kienu diġà ġew stabbiliti skont ir-Regolament (KE) Nru 883/2004 u dan ir-Regolament jew li għalihom japplikaw dawn ir-Regolamenti, sabiex jiġu prevenuti jew identifikati l-frodi u l-iżbalji bħala parti mill-implimentazzjoni xierqa kontinwa ta’ dawn ir-Regolamenti. Hemm bżonn ukoll li dawn l-iskambji jiġu ttrattati f’konformità mar-Regolament (UE) 2016/679 tal-Parlament Ewropew u tal-Kunsill*. Barra minn hekk, għall-fini tal-ġlieda kontra l-frodi u l-iżbalji u sabiex ikun ipprovdut servizz preċiż u effiċjenti għaċ-ċittadini mobbli, jenħtieġ li r-Regolament (KE) Nru 883/2004 u dan ir-Regolament jipprovdu bażi legali ċara għall-Istati Membri biex jiskambjaw informazzjoni ma’ xulxin, kemm f’ livell individwali individwali fir-rigward ta’ każijiet individwali kif ukoll f’livell ġenerali bi tqabbil tad-data.(26)Sabiex jitħarsu d-drittijiet tal-persuni kkonċernati, jenħtieġ li l-Istati Membri jiżguraw li kwalunkwe talba għal data u tweġiba għaliha jkunu meħtieġa u proporzjonati għall-implimentazzjoni xierqa tar-Regolament (KE) Nru 883/2004 u ta’ dan ir-Regolament,

_____________

* Ir-Regolament (EU) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1, ELI: http://data.europa.eu/eli/reg/2016/679/oj).";

“(ea) “frodi” tfisser kwalunkwe att intenzjonali jew ommissjoni intenzjonali biex tittieħed azzjoni, sabiex wieħed jikseb jew jirċievi benefiċċji tas-sigurtà soċjali jew biex jevita li jħallas il-kontribuzzjonijiet tas-sigurtà soċjali, kuntrarju għal-liġi tal-Istat Membru kkonċernat, għar-Regolament bażikujew għar-Regolament ta’ implimentazzjoni;(eb)“vjaġġ fuq xogħol” tfisser attività temporanja bħala persuna impjegata jew li taħdem għal rasha, li hija limitata fiż-żmien u li hija relatata mal-interessi kummerċjali tal-impjegatur jew, fil-każ ta’ persuna li taħdem għal rasha, il-persuna kkonċernata, minbarra l-forniment ta’ servizzi jew it-twassil ta’ merkanzija, iżda inkluż l-attendenza għal laqgħat ta’ negozju, avvenimenti kulturali u xjentifiċi, konferenzi u seminars, bħal dawk relatati mar-riċerka akkademika, jew attendenza ta’ taħriġ;”;

“2a. L-istituzzjonijiet għandhom jiskambjaw ukoll id-data meħtieġa biex jidentifikaw bidliet fiċ-ċirkustanzi rilevanti għal tali drittijiet u obbligi tal-persuni li għalihom japplika r-Regolament bażiku, kif ukoll biex jiġu identifikati l-ineżattezzi fid-data li fuqhom huma bbażati dawn id-drittijiet. Din id-data tista’ tiġi vverifikata billi titqabbel ma’ dik tal-istituzzjoni tal-Istat Membru l-ieħor ikkonċernat permezz tal-użu ta’ mezzi elettroniċi ta’ skambju ta’ data jew aċċess mogħti għall-bażi tad-data tal-istituzzjoni l-oħra. Tali verifika tista’ tikkonċerna każijiet individwali jew tista’ tintuża biex titqabbel id-data dwar diversi persuni simultanjament. Kwalunkwe talba għall-informazzjoni u kwalunkwe tweġiba għal din it-talba għandhom ikunu meħtieġa u proporzjonati.”

“5. Il-Kummissjoni Amministrattiva għandha tfassal lista indikattiva tat-tipi ▌ta’ data li jistgħu jiġu skambjati skont il-paragrafu 2a. Il-Kummissjoni għandha tagħti l-pubbliċità neċessarja lil din il-lista. ▌

6.L-iskambji tad-data skont il-paragrafu 2a għandhom jikkonformaw mar-Regolament (UE) 2016/679, ▌ ▌ skont l-Artikolu 77 tar-Regolament bażiku. Fejn meħtieġ, il-Kummissjoni Amministrattiva għandha tidentifika liema entitajiet għandhom ikunu intitolati li jagħmlu dawn l-iskambji.

Kwalunkwe deċiżjoni meħuda abbażi tad-data li toħroġ minn tali skambji ta’ data għandha tkun ibbażata fuq evidenza suffiċjenti u għandha tkun soġġetta għal rimedji effettivi.”;

“2. L-istituzzjoni tal-Istat Membru li tirċievi d-dokument għandha, mingħajr dewmien, tinnotifika lill-istituzzjoni tal-ħruġ fil-każ li ma tkunx ġiet ipprovduta kwalunkwe informazzjoni obbligatorja. L-istituzzjoni tal-ħruġ għandha jew tirrettifika d-dokument mill-iktar fis possibbli jew tikkonferma li l-kundizzjonijiet għall-ħruġ tad-dokument ma ġewx issodisfati. Meta l-informazzjoni obbligatorja nieqsa ma tiġix ipprovduta fi żmien 30 jum ta’ xogħol, l-istituzzjoni tal-Istat Membruli jirċievi d-dokument tista’ tipproċedi daqslikieku d-dokument qatt ma nħareġ. F’dak il-każ, dik l-istituzzjoni għandha tinforma b’dan lill-istituzzjoni tal-ħruġi.

3.Mingħajr preġudizzju għall-Artikolu 19a, meta jkun hemm dubju dwar il-validità ta’ dokument jew l-akkuratezza tal-fatti li fuqhom huwa bbażat id-dokument, l-istituzzjoni tal-Istat Membru li tirċievi d-dokument għandha titlob lill-istituzzjoni tal-ħruġ għall-kjarifika meħtieġa u, fejn xieraq, l-irtirar jew ir-rettifika ta’ dak id-dokument. L-istituzzjoni emittenti għandha tikkunsidra mill-ġdid ir-raġunijiet għall-ħruġ tad-dokument u, jekk meħtieġ, tirtirah jew tirrettifikah.

4.Meta jkun hemm dubju dwar l-informazzjoni pprovduta mill-persuni kkonċernati, il-validità ta’ dokument jew l-evidenza ta’ sostenn jew l-akkuratezza tal-fatti li fuqhom huwa bbażat id-dokument, kwalunkwe istituzzjoni kkonċernata għandha, sa fejn dan ikun possibbli, fuq talba mill-istituzzjoni kompetenti, tivverifika l-informazzjoni jew id-dokument.

5.Meta ma jintlaħaqx qbil bejn l-istituzzjonijiet ikkonċernati, il-kwistjoni tista’ titressaq quddiem il-Kummissjoni Amministrattiva mill-awtoritajiet kompetenti mhux qabel xahar wara d-data li fiha l-istituzzjoni li rċeviet id-dokument tkun ippreżentat it-talba tagħha. Il-Kummissjoni Amministrattiva għandha taħdem biex tirrikonċilja l-fehmiet fi żmien sitt xhur mid-data li fiha l-kwistjoni tkun tressqet quddiemha.

Fl-isforzi tagħha biex tirrikonċilja l-fehmiet differenti, il-Kummissjoni Amministrattiva tista’, skont l-Artikolu 72, il-punt (a), tar-Regolament bażiku, tadotta deċiżjoni dwar l-interpretazzjoni tad-dispożizzjonijiet rilevanti tar-Regolament bażiku jew tar-Regolament ta’ Implimentazzjoni. L-awtoritajiet kompetenti u l-istituzzjonijiet ikkonċernati għandhom jieħdu l-miżuri meħtieġa biex japplikaw tali deċiżjoni, mingħajr preġudizzju għad-dritt tal-awtoritajiet, tal-istituzzjonijiet u tal-persuni kkonċernati li jirrikorru għall-proċeduri u għat-tribunali previsti fil-leġiżlazzjoni tal-Istati Membri, fir-Regolament ta’ Implimentazzjoni jew fit-Trattat dwar l-Unjoni Ewropea jew fit-Trattat dwar il-Funzjonament tal-Unjoni Ewropea.”;

“1. Għall-finijiet tal-applikazzjoni tal-Artikolu 12(1) tar-Regolament bażiku, “persuna li twettaq attività bħala persuna impjegata fi Stat Membru f’isem impjegatur li normalment iwettaq l-attivitajiet tiegħu hemmhekk u li tintbagħat mill-impjegatur fi Stat Membru ieħor” għandha tinkludi persuna li tiġi reklutata bil-ħsieb li tintbagħat fi Stat Membru ieħor, sakemm, għall-perjodu ta’ mill-anqas tliet xhur immedjatament qabel il-bidu tal-impjieg tagħha, il-persuna kkonċernata tkun diġà ġiet soġġetta għal-leġiżlazzjoni tal-Istat Membru li fih huwa stabbilit l-impjegatur tagħha.”;

“1a Wara li persuna tkun wettqet attività bħala persuna impjegata jew li taħdem għal rasha fi Stat Membru ieħor skont l-Artikolu 12(1) jew (2) tar-Regolament bażiku għal total ta’ 24 xahar, b’interruzzjonijiet ta’ mhux aktar minn xahrejn, l-Artikolu 12(1) jew (2) tar-Regolament bażiku m’għandux japplika għal dik il-persuna fir-rigward ta’ dak l-Istat Membry sakemm ikunu għaddew mill-inqas xahrejn mit-tmiem tal-perjodu preċedenti ta’ attività hemmhekk. F’ċirkostanzi speċifiċi, tista’ tingħata deroga skont l-Artikolu 6(1) tar-Regolament bażiku. .”;

“3. Għall-finijiet tal-applikazzjoni tal-Artikolu 12(2) tar-Regolament bażiku, il-kliem “li normalment twettaq attività bħala persuna li taħdem għal rasha” għandha tirreferi għal persuna li abitwalment twettaq attivitajiet sostanzjali fit-territorju tal-Istat Membru li fih hija stabbilita. B’mod partikolari, dik il-persuna għandha tkun diġà qed twettaq l-attività tagħha għal mill-anqas tliet xhur qabel id-data meta hija tkun tixtieq tieħu vantaġġ mid-dispożizzjonijiet ta’ dak l-Artikolu, u, matul kwalunkwe perjodu ta’ attività temporanja fi Stat Membru ieħor, trid tkompli tissodisfa, fl-Istat Membru fejn hija stabbilita, ir-rekwiżiti għat-twettiq tal-attività tagħha sabiex hija tkun tista’ twettaqha meta tirritorna.”;

“5a. Għall-fini tal-applikazzjoni tat-Titolu II tar-Regolament bażiku “uffiċċju reġistrat jew post tan-negozju” għandha tirreferi għall-uffiċċju reġistrat jew il-post tan-negozju fejn id-deċiżjonijiet essenzjali tal-impriża jiġu adottati u fejn il-funzjonijiet tal-amministrazzjoni ċentrali tagħha jitwettqu.

L-identifikazzjoni tal-uffiċċju rreġistrat jew tal-post tan-negozju rilevanti għad-determinazzjoni tal-leġiżlazzjoni applikabbli għandha titwettaq fil-qafas ta’ valutazzjoni ġenerali, ibbażata fuq fatturi rilevanti għall-każ, filwaqt li tingħata l-importanza dovuta lil kull fattur rilevanti skont iċ-ċirkostanzi tal-każ. Il-Kummissjoni Amministrattiva għandha tistabbilixxi l-arranġamenti dettaljati għad-determinazzjoni.”;

“10. “Id-determinazzjoni tal-leġiżlazzjoni applikabbli skont l-Artikolu 13 tar-Regolament bażiku għandha tapplika għal massimu ta’ 24 xahar, filwaqt li titqies is-sitwazzjoni pproġettata għat-12-il xahar kalendarju li jkun imiss.

Ladarba jiskadi l-perjodu ta’ 24 xahar, il-leġiżlazzjoni applikabbli għandha tiġi vvalutata mill-ġdid fid-dawl tas-sitwazzjoni tal-persuna kkonċernata.”;

“12. Għall-fini tal-applikazzjoni tal-Artikolu 13 tar-Regolament bażiku, b’rabta ma’ persuna li tirrisjedi barra t-territorju tal-Unjoni u li twettaq l-attività tagħha bħala persuna impjegata jew persuna li taħdem għal rasha f’żewġ Stati Membri jew aktar, id-dispożizzjonijiet tar-Regolament bażiku u r-Regolament ta’ implimentazzjoni dwar id-determinazzjoni tal-leġiżlazzjoni applikabbli għandhom japplikaw mutatis mutandis dment li r-residenza ta’ dik il-persuna titqies li tkun fl-Istat Membru fejn twettaq il-parti l-kbira tal-attivitajiet tagħha f’termini ta’ ħin tax-xogħol fit-territorju tal-Unjoni.”

“Artikolu 15

Proċeduri għall-applikazzjoni tal-Artikolu 11(3), il-punti (b) u (d), l-Artikolu 11(4) u l-Artikolu 12 tar-Regolament bażiku (dwar id-dispożizzjoni tal-informazzjoni għall-istituzzjonijiet konċernati)

1.Meta, skont l-Artikolu 12 tar-Regolament bażiku, persuna twettaq l-attività tagħha fi Stat Membru li mhuwiex l-Istat Membru kompetenti taħt it-Titolu II tar-Regolament bażiku, l-impjegatur jew, fil-każ ta’ persuna li ma twettaqx attività bħala persuna impjegata, il-persuna kkonċernata għandha tinforma b’dan lill-istituzzjoni kompetenti tal-Istat Membru li l-leġiżlazzjoni tiegħu hija applikabbli, qabel il-bidu tal-attività u għandha titlob l-attestazzjoni msemmija fl-Artikolu 19(2) tar-Regolament ta’ Implimentazzjoni.

1a.Malli tirċievi t-talba msemmija fil-paragrafu 1, l-istituzzjoni kompetenti għandha toħroġ attestazzjoni tal-leġiżlazzjoni applikabbli għall-persuna kkonċernata. Meta dik l-attestazzjoni ma tinħariġx immedjatament, hija għandha toħroġ konferma awtomatika tar-riċevuta tat-talba, li għandha tikkostitwixxi evidenza li turi li l-istituzzjoni kompetenti ġiet infurmata f’konformità mal-paragrafu 1. L-istituzzjoni kompetenti għandha, mingħajr dewmien, tagħmel disponibbli lill-istituzzjoni nominata mill-awtorità kompetenti tal-Istat Membru li fih titwettaq l-attività, l-informazzjoni rilevanti dwar il-leġiżlazzjoni applikabbli għal dik il-persuna jew, fejn dik l-informazzjoni tkun għadha mhix disponibbli, l-informazzjoni dwar il-konferma tar-riċevuta.

1b.Il-paragrafi 1 u 1a ma għandhomx japplikaw għal vjaġġi fuq xogħol.

Barra minn hekk, bl-eċċezzjoni tal-attivitajiet fis-settur tal-kostruzzjoni kif definit fl-Anness 6, il-paragrafi 1 u 1a ma għandhomx japplikaw għal attivitajiet b’durata totali ta’ mhux aktar minn tlett ijiem konsekuttivi ta’ xogħol f’perjodu ta’ 30 jum konsekuttiv.

1c.F’sitwazzjonijiet li jaqgħu taħt l-Artikolu 12 tar-Regolament bażiku, fejn ma tkun inħarġet l-ebda attestazzjoni kif imsemmi fl-Artikolu 19(2) tar-Regolament ta’ Implimentazzjoni, l-impjegatur jew, fil-każ ta’ persuna li taħdem għal rasha, il-persuna kkonċernata, fuq talba tal-istituzzjoni kompetenti tal-Istat Membru li fih qed titwettaq l-attività, għandhom jipprovdu l-konferma tar-riċevuta msemmija fil-paragrafu 1a ta’ dan l-Artikolu, jew evidenza li turi li l-attività taqa’ taħt eżenzjoni kif imsemmi fil-paragrafu 1b ta’ dan l-Artikolu.

L-impjegaturi għandhom jibqgħu responsabbli biex jipprovdu l-evidenza meħtieġa u jipprovdu lill-persuni li jwettqu attività bħala persuni impjegati f’Stat Membru ieħor bid-dokumenti ta’ sostenn rilevanti għal dak l-għan. Din l-evidenza tista’ tiġi pprovduta f’forma stampata jew elettronika.

1d.Meta l-istituzzjoni kompetenti tal-Istat Membru fejn titwettaq l-attività jkollha dubju dwar l-informazzjoni pprovduta mill-impjegatur jew mill-persuna kkonċernata, il-validità ta’ dokument jew l-evidenza ta’ sostenn jew l-akkuratezza tal-fatti li fuqhom huwa bbażat id-dokument, dik l-istituzzjoni tista’ titlob lill-istituzzjoni kompetenti tal-Istat Membru li l-leġiżlazzjoni tiegħu hija applikabbli, biex tipprovdi aktar informazzjoni. L-Artikolu 19a u l-Artikolu 20(3) u (4) għandhom japplikaw.

2. Meta persuna koperta mill-Artikolu 11(3), il-punt (b) jew (d), tar-Regolament bażiku twettaq l-attività tagħha fi Stat Membru għajr l-Istat Membru kompetenti, l-impjegatur jew, fil-każ ta’ persuna li ma twettaqx attività bħala persuna impjegata, il-persuna kkonċernata, għandha tinforma b’dan lill-istituzzjoni kompetenti tal-Istat Membru li l-leġiżlazzjoni tiegħu hija applikabbli ta’ dan, kull meta jkun possibbli qabel il-bidu tal-attività. Dik l-istituzzjoni għandha, mingħajr dewmien, tagħmel l-informazzjoni dwar il-leġiżlazzjoni li tkun applikabbli għall-persuna kkonċernata disponibbli għal dik il-persuna u għall-istituzzjoni nominata mill-awtorità kompetenti tal-Istat Membru li fih titwettaq l-attività. Il-paragrafu 1b ta’ dan l-Artikolu għandu japplika mutatis mutandis.

3. Impjegatur fis-sens tal-Artikolu 11(4) tar-Regolament bażiku li għandu impjegat abbord bastiment li fuqu tkun qed tittajjar il-bandiera ta’ Stat Membru ieħor għandu, kull meta jkun possibbli minn qabel, jinforma b’dan lill-istituzzjoni kompetenti tal-Istat Membru li l-leġiżlazzjoni tiegħu hija applikabbli ta’ danskont l-Artikolu 11(4), it-tieni sentenza, tar-Regolament bażiku. Dik l-istituzzjoni għandha, mingħajr dewmien, tagħmel disponibbli l-informazzjoni dwar il-leġiżlazzjoni applikabbli għall-persuna kkonċernata, skont l-Artikolu 11(4) tar-Regolament bażiku, lill-istituzzjoni nominata mill-awtorità kompetenti tal-Istat Membru li l-bandiera tiegħu tkun qed tittajjar fuq il-bastiment li fuqu l-persuna impjegata twettaq l-attività tagħha.”;

“1. Persuna li twettaq attivitajiet f’żewġ Stati Membri jew aktar ▌għandha tinforma b’dan lill-istituzzjoni nominata mill-awtorità kompetenti tal-Istat Membru tar-residenza tagħha ta’ dan. Dik l-informazzjoni tista’ tingħata wkoll mill-impjegatur f’isem il-persuna.

2.L-istituzzjoni nominata tal-post ta’ residenza għandha, mingħajr dewmien, tiddetermina l-leġiżlazzjoni applikabbli għall-persuna kkonċernata, wara li jitqiesu l-Artikolu 13 tar-Regolament bażiku u l-Artikolu 14 tar-Regolament ta’ Implimentazzjoni. Jekk dik l-istituzzjoni tiddetermina li hija applikabbli l-leġiżlazzjoni tal-Istat Membru ta’ residenza, għandha tinforma lill-istituzzjonijiet nominati ta’ kull Stat Membru fejn qed titwettaq attività jew fejn jinsab l-impjegatur dwar id-determinazzjoni tagħha tal-leġiżlazzjoni applikabbli.

3.Jekk l-istituzzjoni nominata tal-post ta’ residenza tiddetermina li hija applikabbli l-leġiżlazzjoni ta’ Stat Membru ieħor, id-determinazzjoni għandha tkun proviżorja, u l-istituzzjoni għandha, mingħajr dewmien, tinforma lill-istituzzjonijiet nominati ta’ kull Stat Membru fejn titwettaq attività jew fejn jinsab l-impjegatur dwar din id-determinazzjoni proviżorja tal-leġiżlazzjoni applikabbli. Id-determinazzjoni proviżorja għandha ssir definittiva ▌ xahrejn wara li l-istituzzjonijiet nominati mill-awtoritajiet kompetenti tal-Istati Membri kkonċernati jkunu ġew infurmati dwarha, sakemm tal-anqas waħda minn dawk l-istituzzjonijiet ma tinformax lill-istituzzjoni nominata tal-post ta’ residenza sal-aħħar tal-perjodu ta’ xahrejn li għadha ma tistax taċċetta d-determinazzjoni proviżorja jew li għandha opinjoni differenti dwar dan.”;

“5. L-istituzzjoni kompetenti tal-Istat Membru li l-leġiżlazzjoni tiegħu hija determinata bħala applikabbli jew b’mod proviżorju jew b’mod definittiv għandha tinforma mingħajr dewmien lill-persuna kkonċernata u lill-impjegatur tagħha dwar id-determinazzjoni.”;

“2. Fuq talba tal-persuna kkonċernata jew tal-impjegatur tagħha, l-istituzzjoni kompetenti tal-Istat Membru li tiegħu l-leġiżlazzjoni hija applikabbli taħt it-Titolu II tar-Regolament bażiku għandha tipprovdi attestazzjoni li tali leġiżlazzjoni hija applikabbli u għandha tindika, fejn xieraq, sa liema data u taħt liema kundizzjonijiet. L-attestazzjoni għandha tinħareġ f’format standardizzat.”

“3. Kull meta istituzzjoni tintalab toħroġ attestazzjoni skont il-paragrafu 2, hija għandha twettaq valutazzjoni adegwata tal-fatti rilevanti għall-applikazzjoni tar-regoli stabbiliti fit-Titolu II tar-Regolament bażiku u għandha tikkonferma li l-informazzjoni li tinsab fl-attestazzjoni hija ▌korretta.”;

“Artikolu 19a

Kooperazzjoni fil-każ ta’ dubji dwar il-validità ta’ dokumenti dwar il-leġiżlazzjoni applikabbli

1.Minkejja l-Artikolu 5, meta jkun hemm dubju dwar il-validità ta’ dokument li juri s-sitwazzjoni tal-persuna għall-finijiet tal-leġiżlazzjoni applikabbli jew dwar l-akkuratezza tal-fatti li fuqhom huwa bbażat id-dokument, l-istituzzjoni tal-Istat Membru li tirċievi d-dokument għandha titlob lill-istituzzjoni emittenti għall-kjarifika meħtieġa u, fejn xieraq, għall-irtirar jew ir-rettifika ta’ dak id-dokument. L-istituzzjoni rikjedenti għandha tissostanzja t-talba tagħha u tipprovdi d-dokumentazzjoni ta’ sostenn rilevanti li tkun wasslet għat-talba.

2.Meta tirċievi talba bħal din, l-istituzzjoni tal-ħruġ għandha tqis mill-ġdid ir-raġunijiet għall-ħruġ tad-dokument u, meta jinstab li kien hemm żball, tirtirah jew tirrettifikah fi żmien 30 jum ta’ xogħol minn meta tasal it-talba. L-irtirar jew ir-rettifika għandu jkollha effett retroattiv. Madankollu, fejn ikun hemm riskju ta’ eżitu sproporzjonat, u b’mod partikolari, li jintilef l-istatus bħala persuna assigurata għall-perjodu kollu rilevanti jew parti minnu fl-Istati Membri kollha kkonċernati, l-Istati Membri għandhom iqisu jekk jiġix applikat l-Artikolu 16 tar-Regolament bażiku. Meta l-istituzzjoni tal-ħruġ tikkunsidra li, abbażi tal-evidenza disponibbli, m’hemmx dubju li l-applikant ta’ dokument wettaq frodi, hija għandha tirtira jew tirrettifika d-dokument mingħajr dewmien, b’effett retroattiv.

3.Jekk l-istituzzjoni tal-ħruġ, wara li tkun ikkunsidrat mill-ġdid ir-raġunijiet għall-ħruġ tad-dokument, ma tkunx tista’ ssib żbalji, hija għandha tgħaddi lill-istituzzjoni rikjedenti l-evidenza kollha disponibbli fi żmien 30 jum ta’ xogħol minn meta tasal it-talba. F’każijiet urġenti, meta r-raġunijiet għall-urġenza jkunu ġew indikati u sostanzjati b’mod ċar fit-talba, l-evidenza għandha tintbagħat fi żmien għaxart ijiem ta’ xogħol minn meta tasal it-talba, inkluż meta l-istituzzjoni tal-ħruġ ma tkunx lestiet id-deliberazzjonijiet tagħha skont il-paragrafu 2.

4.Meta wara li tkun irċeviet l-evidenza disponibbli, l-istituzzjoni rikjedenti jibqgħalha dubji dwar il-validità ta’ dokument, l-akkuratezza tal-fatti li fuqhom huma bbażati d-dettalji ta’ ġo fih, jew l-akkuratezza tal-informazzjoni li fuqha nħareġ id-dokument, tista’ tippreżenta evidenza għal dak il-għan u tagħmel talba ulterjuri għal kjarifika u, fejn xieraq, tirtira jew tirrettifika dak id-dokument mill-istituzzjoni emittenti f’konformità mal-proċedura u l-perijodi ta’ żmien stabbiliti f’dan l-Artikolu.

5.Jekk id-dubji tal-istituzzjoni li qed tirċievi t-talba, jippersistu u ma jintlaħaq l-ebda qbil bejn l-istituzzjonijiet ikkonċernati, japplika l-Artikolu 5(5).”;

“3. Għall-fini tal-applikazzjoni tat-Titolu II tar-Regolament bażiku, l-istituzzjonijiet tal-Istati Membri għandhom, mingħajr preġudizzju għall-Artikolu 19a tar-Regolament ta’ Implimentazzjoni, iwieġbu għall-mistoqsijiet li jaslu mill-istituzzjonijiet tal-Istati Membri l-oħra fi żmien 35 jum ta’ xogħol minn meta tasal it-talba.

4.Meta persuna twettaq attività bħala persuna impjegata jew bħala persuna li taħdem għal rasha fi Stat Membru ieħor mingħajr attestazzjoni kif imsemmija fl-Artikolu 19(2) tar-Regolament ta’ Implimentazzjoni, sakemm ma tkun meħtieġa l-ebda attestazzjoni skont l-Artikolu 15 tar-Regolament ta’ Implimentazzjoni, l-istituzzjoni rilevanti f’dak l-Istat Membru l-ieħor tista’ titlob informazzjoni dwar il-leġiżlazzjoni applikabbli għal dik il-persuna mill-istituzzjoni tal-Istat Membru li l-leġiżlazzjoni tiegħu tkun prima facie applikabbli.

Jekk l-istituzzjoni rikjesta ma tweġibx fi żmien 35 jum ta’ xogħol minn meta tirċievi t-talba, l-istituzzjoni rikjedenti tista’ tipproċedi bħallikieku ma nħarġet l-ebda attestazzjoni u għandha tinforma b’dan lill-istituzzjoni rikjesta. Jekk l-attestazzjoni tinħareġ sussegwentement mill-istituzzjoni rikjesta, dik l-attestazzjoni għandu jkollha, fejn xieraq, effett retroattiv.”

“Benefiċċji tal-mard, tal-kura fit-tul, u benefiċċji tal-maternità u benefiċċji ekwivalenti tal-paternità”;

“1. Għall-fini tal-applikazzjoni tal-Artikolu 19 tar-Regolament bażiku, il-persuna assigurata għandha tippreżenta lil min jipprovdi l-kura tas-saħħa jew il-kura fit-tul fl-Istat Membru taż-żjara dokument maħruġ mill-istituzzjoni kompetenti tagħha li jindika l-intitolament tiegħu jew tagħha għal benefiċċji in natura. Jekk il-persuna assigurata ma jkollhiex dokument bħal dan, l-istituzzjoni tal-post taż-żjara, fuq talba jew jekk ikun meħtieġ mod ieħor, għandha tikkuntattja lill-istituzzjoni kompetenti sabiex tikseb dokument bħal dan.”;

“3. Il-benefiċċji in natura msemmija fl-Artikolu 19(1) tar-Regolament bażiku għandhom jirreferu għall-benefiċċji in natura li jkunu provduti fl-Istat Membru taż-żjara, f’konformità mal-leġiżlazzjoni tiegħu, u li jsiru meħtieġa fuq bażi medika jew minħabba ħtieġa ta’ kura fit-tul bil-ħsieb li jiġi prevenut li persuna assigurata tiġi sfurzata tirritorna, qabel it-tmiem tat-terminu taż-żjara ppjanata, lejn l-Istat Membru kompetenti biex tikseb il-kura li teħtieġ jew il-benefiċċji għall-kura fit-tul.”:

“4. Fi kwalunkwe ħin matul il-proċedura tal-għoti tal-awtorizzazzjoni, l-istituzzjoni kompetenti għandha tirriżerva d-dritt li teżamina l-persuna assigurata permezz ta’ tabib jew persuna kwalifikata, f’konformità mad-dritt jew prattika nazzjonali, tal-għażla tagħha stess fl-Istat Membru ta’ residenza jew ta’ żjara.”

“2. L-istituzzjoni kompetenti għandha tinforma wkoll lill-istituzzjoni tal-post ta’ residenza jew żjara dwar il-ħlas tal-benefiċċji ta’ kura fit-tul fi flus kontanti meta l-leġiżlazzjoni applikata mill-istituzzjoni tal-aħħar tipprevedi l-benefiċċji in natura għal kura fit-tul, inklużi fil-lista msemmija fl-Artikolu 33a (1) tar-Regolament bażiku.”;

“1. Meta persuna jew grupp ta’ persuni jiġu eżentati fuq talba mill-assigurazzjoni obbligatorja kontra l-mard jew għall-kura fit-tul u dawn il-persuni għalhekk ma jkunux koperti minn skema ta’ assigurazzjoni kontra l-mard jew għall-kura fit-tul li għaliha japplika r-Regolament bażiku, l-istituzzjoni ta’ Stat Membru ieħor m’għandhiex, unikament minħabba din l-eżenzjoni, issir responsabbli mill-ħlas tal-ispejjeż tal-benefiċċji in natura jew fi flus kontanti pprovduti lil dawn il-persuni jew lil membru tal-familja tagħhom taħt it-Titolu III, il-Kapitolu I, tar-Regolament bażiku.”;

“3. L-istituzzjoni ta’ kull Stat Membru għandha tikkalkula, skont il-leġiżlazzjoni applikabbli tagħha, l-ammonti dovuti li jikkorrispondu għall-perjodi ta’ assigurazzjoni volontarja jew fakultattiva kontinwa li, skont l-Artikolu 53(3), il-punt (c) tar-Regolament bażiku, mhumiex soġġetti għar-regoli ta’ Stat Membru ieħor relatati mal-irtirar, it-tnaqqis jew is-sospensjoni.”;

“1. L-Artikolu 12(1) tar-Regolament ta’ implimentazzjoni għandu japplika mutatis mutandis għall-Artikolu 61 tar-Regolament bażiku. Bla ħsara għall-obbligi sottostanti tal-istituzzjonijiet involuti, il-persuna kkonċernata tista’ tippreżenta lill-istituzzjoni kompetenti dokument maħruġ mill-istituzzjoni tal-Istat Membru li kienet soġġetta għal-leġiżlazzjoni tiegħu fir-rigward tal-aħħar attività tagħha bħala persuna impjegata jew li taħdem għal rasha fejn huma speċifikati l-perjodi magħmula skont dik il-leġiżlazzjoni.

“Artikolu 54a

Proċeduri għall-applikazzjoni tal-Artikolu 61(2) tar-Regolament bażiku

1.Fis-sitwazzjoni msemmija fl-Artikolu 61(2) tar-Regolament bażiku, il-persuna qiegħda għandha tirreġistra bħala persuna li qed tfittex ix-xogħol mas-servizzi tal-impjieg tal-Istat Membru tal-aktar perjodu reċenti ta’ assigurazzjoni, impjieg jew impjieg għal rasha u għandha tippreżenta talba għall-benefiċċji lill-istituzzjoni ta’ dak l-Istat Membru. Jekk it-talba tiġi ppreżentata lill-istituzzjoni tal-Istat Membru msemmi fl-Artikolu 61(2) tar-Regolament bażiku, dik l-istituzzjoni għandha minnufih tgħaddi t-talba lill-istituzzjoni tal-Istat Membru tal-aktar perjodu reċenti ta’ assigurazzjoni, impjieg jew impjieg tal-persuna għal rasha biex din tiġi investigata. Id-data meta ġiet ippreżentata t-talba inizjali għandha tapplika għall-istituzzjonijiet kollha kkonċernati.

2.Wara l-investigazzjoni tat-talba mill-istituzzjoni tal-Istat Membru tal-aktar perjodu reċenti ta’ assigurazzjoni, impjieg jew impjieg għal rasha, jekk jiġi determinat li l-persuna qiegħda ma tissodisfax il-kundizzjonijiet għall-aggregazzjoni msemmija fl-Artikolu 61(1) tar-Regolament bażiku, u jkun evidenti mill-informazzjoni disponibbli lilha li l-persuna qiegħda għamlet il-perjodu neċessarju biex tkun intitolata tirċievi benefiċċji skont l-Artikolu 61(2) tar-Regolament bażiku, din għandha tibgħat minnufih dokument lill-istituzzjoni tal-Istat Membru msemmi f’dik id-dispożizzjoni. Jekk ma jkunx evidenti li l-persuna qiegħda għamlet il-perjodu meħtieġ sabiex tirċievi benefiċċji skont l-Artikolu 61(2) tar-Regolament bażiku, l-istituzzjoni tal-Istat Membru tal-aktar perjodu reċenti ta’ assigurazzjoni, impjieg jew impjieg għal rasha għandha tikkuntattja lill-istituzzjoni tal-Istat Membru msemmija f’dik id-dispożizzjoni, qabel ma tibgħat id-dokument, sabiex jiġi ddeterminat jekk il-perjodu speċifikat fih ġiex ikkompletat f’dak l-Istat Membru.

3.Id-dokument imsemmi fil-paragrafu 2 għandu jinkludi l-informazzjoni neċessarja dwar is-sitwazzjoni tal-persuna qiegħda. Il-Kummissjoni Amministrattiva għandha tiddetermina l-format u l-kontenut tad-dokument.”;

“1. “Sabiex tkun koperta mill-Artikolu 64, l-Artikolu 64a(2) jew l-Artikolu 65(4) tar-Regolament bażiku, persuna qiegħda li tmur fi Stat Membru ieħor għandha, qabel it-tluq tagħha, tinforma lill-istituzzjoni kompetenti u għandha titlobha dokument li jiċċertifika li hija żżomm id-dritt tagħha għall-benefiċċji skont il-kundizzjonijiet stabbiliti fl-Artikolu 64(1), il-punt (b) tar-Regolament bażiku.”;

“4. L-istituzzjoni fl-Istat Membru fejn il-persuna qiegħda tkun marret, għandha minnufih tibgħat dokument lill-istituzzjoni kompetenti bid-data meta l-persuna qiegħda rreġistrat mas-servizzi tal-impjieg u bl-indirizz il-ġdid tagħha.

Jekk, fil-perjodu li matulu l-persuna qiegħda tkun għadha intitolata għad-dritt għall-benefiċċji, tirriżulta kwalunkwe ċirkostanza li x’aktarx taffettwa d-dritt għall-benefiċċji, l-istituzzjoni fl-Istat Membru fejn il-persuna qiegħda tkun marret għandha tibgħat minnufih lill-istituzzjoni kompetenti u lill-persuna kkonċernata dokument li fih l-informazzjoni rilevanti.

L-istituzzjoni fl-Istat Membru fejn tkun marret il-persuna qiegħda, għandha tipprovdi informazzjoni rilevanti kull xahar dwar is-segwitu tas-sitwazzjoni tal-persuna qiegħda, b’mod partikolari jekk għadhiex irreġistrata mas-servizzi tal-impjiegi u jekk hijiex qed tikkonforma ma’ proċeduri organizzati ta’ verifika jew ta’ attivazzjoni jew kollokament f’impjieg.

5.L-istituzzjoni fl-Istat Membru fejn il-persuna qiegħda tkun marret, għandha twettaq jew tirranġa biex jitwettqu kontrolli, li għandhom isiru daqslikieku l-persuna kkonċernata kienet persuna qiegħda li qed tikseb il-benefiċċji taħt il-leġiżlazzjoni tagħha stess. Meta meħtieġ, għandha tinforma minnufih lill-istituzzjoni kompetenti jekk tinqala’ xi ċirkostanza li x’aktarx taffettwa l-intitolament tal-persuna qiegħda għall-benefiċċji, bħall-issoktar tax-xogħol.”;

“7. Il-paragrafi 2 sa 6 ta’ dan l-Artikolu għandhom japplikaw mutatis mutandis għas-sitwazzjonijiet koperti mill-Artikolu 64a(1)tar-Regolament bażiku.”;

“-1. L-istituzzjoni kompetenti għandha tinforma lill-persuni kompletament qiegħda kif msemmija fl-Artikolu 65(1), l-Artikolu 65(2), it-tielet subparagrafu, u fl-Artikolu 65(3), tar-Regolament bażiku bid-drittijiet u l-obbligi tagħhom u għandha tipprovdilhom dokumenti li jinkludu l-informazzjoni kollha meħtieġa relatata mar-riċeviment ta’ benefiċċji tal-qgħad f’konformità mal-leġiżlazzjoni rilevanti. L-istituzzjonijiet rilevanti għandhom jipprovdu lil xulxin bl-informazzjoni meħtieġa biex jappoġġaw l-attivitajiet ta’ tiftix ta’ impjieg ta’ persuni qiegħda li jirrisjedu fi Stat Membru ieħor għajr l-Istat Membru kompetenti u għandhom jinfurmaw lil xulxin dwar il-proċeduri u l-kundizzjonijiet ta’ kontroll applikabbli u s-servizz tal-impjiegi li għalih dawk il-persuni għandhom jagħmlu lilhom infushom disponibbli. L-istituzzjoni tal-Istat Membru ta’ residenza għandha, fuq talba tal-istituzzjoni kompetenti, tinforma minnufih lill-istituzzjoni kompetenti bi kwalunkwe ċirkostanza li tkun konxja minnha u li x’aktarx taffettwa l-intitolament għall-benefiċċji, b’mod partikolari, jekk persun kompletament qiegħda tkun sabet impjieg jew bdiet taħdem għal rasha fl-Istat Membru ta’ residenza.”;

“1. Meta, skont l-Artikolu 65(6) tar-Regolament bażiku, persuna qiegħda tiddeċiedi li tagħmel lilha nnifisha disponibbli għas-servizzi tal-impjiegi fl-Istat Membru li mhux qed jipprovdi l-benefiċċji minbarra l-Istat Membru li jipprovdi l-benefiċċji, billi tirreġistra hemm bħala persuna li qed tfittex impjieg, hija għandha tinforma lill-istituzzjoni u lis-servizzi tal-impjiegi tal-Istat Membru li qed jipprovdi l-benefiċċji.

Fejn mitlub mis-servizzi tal-impjiegi tal-Istat Membru li mhux qed jipprovdi l-benefiċċji, is-servizzi tal-impjiegi fl-Istat Membru li qed jipprovdi l-benefiċċji għandhom jibgħatu l-informazzjoni rilevanti li tikkonċerna r-reġistrazzjoni tal-persuna qiegħda u t-tfittxija tagħha għal xogħol.

Is-servizzi tal-impjieg tal-Istat Membru li mhux qed jipprovdi l-benefiċċji għandhom ukoll, fuq talba tal-istituzzjoni kompetenti, jinformaw minnufih lill-istituzzjoni kompetenti bi kwalunkwe ċirkostanza li huma konxji minnha u li x’aktarx taffettwa l-intitolament għall-benefiċċji, b’mod partikolari, jekk persuna kompletament qiegħda tkun bdiet impjieg jew bdiet taħdem għal rasha fl-Istat Membru ta’ residenza.”;

“Artikolu 56a

Miżuri mtejba ta’ appoġġ u kooperazzjoni għall-persuni qiegħda li għexu fi Stat Membru ieħor li mhux l-Istat Membru kompetenti

1.L-awtoritajiet kompetenti jew l-istituzzjonijiet kompetenti ta’ żewġ Stati Membri jew aktar għandhom jikkooperaw u jistgħu jaqblu dwar proċeduri u limiti ta’ żmien speċifiċi dwar il-segwitu tas-sitwazzjonijiet tal-persuna qiegħda kif ukoll miżuri oħra li jiffaċilitaw l-attivitajiet għal tfittxija ta’ impjieg tal-persuni qiegħda li jirrisjedu fi Stat Membru li mhux l-Istat Membru kompetenti.

2.L-Istati Membri kkonċernati għandhom jiżguraw li l-persuni qiegħda msemmija fl-Artikolu 65 tar-Regolament bażiku jkollhom aċċess f’kull wieħed mit-territorji tagħhom għan-network Ewropew tas-servizzi tal-impjiegi (EURES), u għas-servizzi ta’ appoġġ f’reġjuni transfruntieri, meta disponibbli, f’konformità mar-Regolament (UE) 2016/589 tal-Parlament Ewropew u tal-Kunsill*.

________________________

* Ir-Regolament (UE) 2016/589 tal-Parlament Ewropew u tal-Kunsill tat-13 ta' April 2016 dwar netwerk Ewropew ta' servizzi tal-impjiegi (EURES), aċċess tal-ħaddiema għas-servizzi ta' mobilità u integrazzjoni ulterjuri tas-swieq tax-xogħol u li jemenda Regolamenti (UE) Nru 492/2011 u (UE) Nru 1296/2013 (ĠU L 107, 22.4.2016, p. 1, ELI: http://data.europa.eu/eli/reg/2016/589/oj).

“Dispożizzjonijiet għall-applikazzjoni tal-Artikoli 60a, 61, 62, 64 u 65 tar-Regolament bażiku rigward persuni koperti bi skema speċjali għall-impjegati taċ-ċivil”;

“ - l-indiċi (i = 1, 2, 3 u 4) jirrappreżenta l-erba’ gruppi ta’ età użati għall-kalkolu tal-ammonti fissi:

i = 1: persuni ta’ taħt il-65 sena,

i = 2: persuni ta’ bejn il-65 u l-74 sena,

i = 3: persuni ta’ bejn il-75 u l-84 sena,

i = 4: persuni ta’ 85 sena u aktar,”;

“Artikolu 65

Notifika tal-ispejjeż medji annwali

1.L-ammont tal-kost medju annwali għal kull persuna f’kull grupp ta’ età għandu jkun notifikat lill-Bord tal-Verifika sa mhux aktar tard minn tmiem it-tieni sena wara s-sena in kwistjoni.

2.Il-kostijiet medji annwali notifikati skont il-paragrafu 1 għandhom jiġu ppubblikati kull sena f’Il-Ġurnal Uffiċjali tal-Unjoni Ewropea, wara l-approvazzjoni mill-Kummissjoni Amministrattiva.

3.Meta Stat Membru ma jkunx jista’ jinnotifika l-kostijiet medji annwali għal sena speċifika sad-data ta’ skadenza msemmija fil-paragrafu 1, għandu, sal-istess skadenza, jitlob awtorizzazzjoni mill-Kummissjoni Amministrattiva u mill-Bord tal-Verifika li juża l-kostijietmedji annwali għal dak l-Istat Membru kif ippubblikati f’Il-Ġurnal Uffiċjali tal-Unjoni Ewropea għas-sena ta’ qabel is-sena speċifika li fiha n-notifika hija pendenti. Meta jitlob l-awtorizzazzjoni, l-Istat Membru għandu jispjega r-raġunijiet għala mhux kapaċi li jinnotifika l-kostijiet medji annwali għas-sena in kwistjoni. Jekk il-Kummissjoni Amministrattiva, wara li tkun ikkunsidrat l-opinjoni tal-Bord tal-Verifika, tapprova t-talba tal-Istat Membru, il-kostijiet medji annwali għas-sena qabel is-sena li fiha n-notifika hija pendenti għandhom jiġu ppubblikati mill-ġdid f’Il-Ġurnal Uffiċjali tal-Unjoni Ewropea.

4.L-awtorizzazzjoni skont il-paragrafu 3 ma għandhiex tingħata f’sentejn konsekuttivi.”;

“2. Il-ħlas lura bejn l-istituzzjonijiet tal-Istati Membri, previsti fl-Artikoli 35 u 41 tar-Regolament bażiku għandu jsir permezz tal-korp ta’ kollegament. Jista’ jkun hemm korp ta’ kollegament separat għall-ħlas lura taħt l-Artikoli 35 u 41 tar-Regolament bażiku. It-talbiet reċiproċi jistgħu jiġu paċuti bejn il-korpi ta’ kollegament.”;

“3. Fir-rigward tal-Artikolu 6(5), it-tieni subparagrafu, u l-Artikolu 73(2), tar-Regolament ta’ implimentazzjoni, il-perjodu stabbilit fil-paragrafi 1 u 2 ta’ dan l-Artikolu m’għandux jibda qabel ma tkun ġiet identifikata l-istituzzjoni kompetenti.”;

“7. Il-Bord ta’ Verifika għandu jiffaċilita l-għeluq finali tal-kontijiet f’każijiet fejn ma jistax jintlaħaq saldu fil-perjodu stabbilit fil-paragrafu 6, u, fuq talba raġunata minn waħda mill-partijiet, għandu jagħti l-opinjoni tiegħu dwar tilwima fi żmien disa’ xhur wara x-xahar li fih il-kwistjoni ġiet referuta lilu.

“2. L-imgħax għandu jiġi kkalkulat abbażi tar-rata ta’ referenza applikata mill-Bank Ċentrali Ewropew għall-operazzjonijiet prinċipali tiegħu ta’ rifinanzjament b’żieda ta’ żewġ punti perċentwali. Ir-rata ta’ referenza applikabbli għandha tkun dik fis-seħħ fl-ewwel jum tax-xahar meta l-ħlas ikun dovut.”;

“1. Sakemm mhux previst mod ieħor fl-Artikolu 73 tar-Regolament ta’ Implimentazzjoni, jekk l-istituzzjoni ta’ Stat Membru tkun ħallset benefiċċji indebiti lil persuna, dik l-istituzzjoni tista’, skont it-termini u l-limiti stabbiliti fil-leġiżlazzjoni li hija tapplika, titlob lill-istituzzjoni ta’ kwalunkwe Stat Membru ieħor responsabbli mill-ħlas ta’ benefiċċji lill-persuna kkonċernata biex tnaqqas l-ammont imħallas indebitament minn arretrati jew ħlasijiet kurrenti li għandha tagħti lill-persuna kkonċernata irrispettivament mill-fergħa tas-sigurtà soċjali li taħtha jitħallas il-benefiċċju. L-istituzzjoni ta’ dan l-Istat Membru tal-aħħar għandha tnaqqas l-ammont ikkonċernat soġġett għall-kundizzjonijiet u l-limiti li japplikaw għal din it-tip ta’ proċedura ta’ tpaċija f’konformità mal-leġiżlazzjoni li hija tapplika bl-istess mod daqslikieku hija stess tkun għamlet il-ħlasijiet żejda, u għandha tittrasferixxi l-ammont imnaqqas lill-istituzzjoni li tkun ħallset il-benefiċċji indebiti.”;

“Artikolu 73

Saldu tal-benefiċċji indebiti fi flus u f’kontribuzzjonijiet ▌ fil-każ ta’ bidla retroattiva tal-leġiżlazzjoni applikabbli jew sitwazzjonijiet oħra fejn istituzzjoni ma kinitx kompetenti

1.Fil-każ ta’ bidla retroattiva tal-leġiżlazzjoni applikabbli, inklużi sitwazzjonijiet imsemmija fl-Artikolu 6(4) u (5) tar-Regolament ta’ implimentazzjoni, kif ukoll f’każijiet oħra fejn istituzzjoni li ma kinitx kompetenti ħallset jew ipprovdiet benefiċċji indebitament jew irċeviet kontribuzzjonijiet indebitament, dik l-istituzzjoni għandha tfassal dikjarazzjoni tal-ammont imħallas jew riċevut u għandha tibgħatha lill-istituzzjoni identifikata bħala li hija kompetenti għall-fini tal-ħlas lura, fi żmien sitt xhur minn meta l-bidla fil-leġiżlazzjoni applikabbli tkun ġiet determinata jew l-istituzzjoni responsabbli biex tagħti l-benefiċċji jew tirċievi l-kontribuzzjonijiet tkun ġiet identifikata.

2. Il-benefiċċji in natura ▌ għandhom jitħallsu lura mill-istituzzjoni identifikata bħala li hija kompetenti f’konformità mal-Artikoli 66 sa 68 tar-Regolament ta’ implimentazzjoni.

3.L-istituzzjoni identifikata bħala li hija kompetenti biex tħallas il-benefiċċji fi flus għandha tnaqqas l-ammont li għandha tħallas lura lill-istituzzjoni li ma kinitx kompetenti jew li kienet biss provviżorjament kompetenti mill-arretrati tal-benefiċċji korrispondenti li hija għandha tagħti lill-persuna kkonċernata u għandha ▌tittrasferixxi l-ammont imnaqqas lill-istituzzjoni li ħallset provviżorjament il-benefiċċji fi flus mingħajr dewmien.

Jekk l-ammont ta’ benefiċċji mħallsin indebitament jeċċedi l-ammont ta’ arretrati pagabbli mill-istituzzjoni identifikata bħala li hija kompetenti, jew jekk ma jeżistux arretrati, l-istituzzjoni identifikata bħala li hija kompetenti għandha tnaqqas dan l-ammont minn ħlasijiet li jkunu għaddejjin soġġett għall-kondizzjonijiet u l-limiti ▌ skont il-leġiżlazzjoni li hija tapplika, u tittrasferixxi mingħajr dewmien l-ammont imnaqqas lill-istituzzjoni li tkun ħallset indebitament il-benefiċċji fi flus għall-fini tal-ħlas lura tagħhom.

4.L-istituzzjoni li rċeviet kontribuzzjonijiet indebitament mingħand persuna fiżika jew ġuridika ma għandhiex tħallas lura l-ammonti inkwistjoni lill-persuna li ħallsithom sakemm dik l-istituzzjoni ma tkunx aċċertat is-somom in kwistjoni mill-istituzzjoni identifikata bħala li hija kompetenti .

Fuq talba mill-istituzzjoni identifikata bħala li hija kompetenti, li għandha ssir mhux aktar tard minn tliet xhur wara li tkun irċeviet id-dikjarazzjoni tal-ammont imħallas jew riċevut, l-istituzzjoni li rċeviet ▌ il-kontribuzzjonijiet indebitament għandha tittrasferixxi dawk il-kontribuzzjonijiet lill-istituzzjoni identifikata bħala li hija kompetenti għal dak il-perijodu għall-fini tas-soluzzjoni tas-sitwazzjoni fir-rigward tal-kontribuzzjonijiet dovuti mill-persuna fiżika jew ġuridika lilha. Il-kontribuzzjonijiet trasferiti għandhom jitqiesu li ġew imħallsa retroattivament lill-istituzzjoni identifikata bħala li hija kompetenti.

Jekk l-ammont ta’ kontribuzzjonijiet riċevuti indebitament jeċċedi l-ammont li l-persuna fiżika jew ġuridika għandha tagħti lill-istituzzjoni identifikata bħala li hija kompetenti, l-istituzzjoni li rċeviet il-kontribuzzjonijiet indebitament għandha tħallas lura l-ammont eċċessiv lill-persuna fiżika jew ġuridika kkonċernata, ikkalkulat f’konformità mal-liġi nazzjonali.

5.L-eżistenza ta’ limiti ta’ żmien skont il-leġiżlazzjoni nazzjonali ma għandhiex tkun raġuni valida għar-rifjut li jitħallsu t-talbiet bejn l-istituzzjonijiet skont dan l-Artikolu.

6.Fil-każ ta’ proċedura skont l-Artikolu 5(5) jew l-Artikolu 6(3) tar-Regolament ta’ implimentazzjoni, dan l-Artikolu m’għandux japplika għal talbiet ▌li huma eqdem minn 36 xahar fid-data li fiha nbdiet il-proċedura ▌.

7.Żewġ Stati Membri jew aktar jistgħu jiftehmu rigward dispożizzjonijiet u proċeduri speċifiċi li jkunu differenti minn dawk previsti fil-paragrafi 1 sa 6 ta’ dan l-Artikolu u jistgħu, b’rabta ma’ benefiċċji in natura, japplikaw l-Artikolu 35(3) tar-Regolament bażiku, dment li dawk id-dispożizzjonijiet u proċeduri ma jkunux ta’ żvantaġġ għall-persuni kkonċernati.

8.Il-Kummissjoni Amministrattiva għandha tistabbilixxi l-arranġamenti dettaljati għall-applikazzjoni ta’ dan l-Artikolu.”;

“- “id-data li fiha t-talba tkun dovuta” tfisser id-data sa meta kellu jitħallas id-dejn skont il-leġiżlazzjoni tal-Istat Membru tal-parti applikanti.”;

“4. Meta rifużjoni tal-kontribuzzjonijiet tas-sigurtà soċjali tirrigwarda persuna li tirrisjedi jew tkun qed iżżur Stat Membru ieħor, l-Istat Membru li minnu tkun trid issir ir-rifużjoni jista’, f’konformità mal-Artikolu 2(2) tar-Regolament ta’ implimentazzjoni, jinforma lill-Istat Membru ta’ residenza jew taż-żjara bir-rifużjoni li tkun ġejja, mingħajr ma jkun irċieva talba minn qabel biex jagħmel dan.”;

“Artikolu 77

Notifika

1.Il-parti rikjesta għandha, fuq talba tal-parti applikanti, u b’konformità mar-regoli fis-seħħ għan-notifika ta’ strumenti jew deċiżjonijiet simili fl-Istat Membru tagħha stess, tinnotifika lid-destinatarju bl-istrumenti u d-deċiżjonijiet kollha, inklużi dawk ta’ natura ġudizzjarja, li joriġinaw mill-Istat Membru tal-parti applikanti u li huma relatati ma’ talba jew l-irkupru tagħha.

2.It-talba għal notifika għandha tkun akkumpanjata minn formola standard li jkun fiha mill-inqas l-informazzjoni li ġejja u l-istrument jew id-deċiżjoni li għandu jiġi notifikat:(a)l-isem, l-indirizz u data relevanti oħra għall-identifikazzjoni tad-destinatarju;(b)l-għan tan-notifika u l-perijodu li fih għandha titwettaq in-notifika; (c)deskrizzjoni tal-istrument jew id-deċiżjoni li għandu jiġi notifikat u n-natura u l-ammont tat-talba kkonċernata; (d)l-isem, l-indirizz u dettalji oħra ta’ kuntatt dwar:(i)l-uffiċċju responsabbli li għandu x’jaqsam mal-istrument jew id-deċiżjoni li għandu jiġi notifikat; u(ii)fejn ikun differenti mill-uffiċċju msemmi fil-punt (i), l-uffiċċju fejn tista’ tinkiseb aktar informazzjoni dwar n-notifika jew dwar il-proċedura għall-kontestazzjoni tal-obbligu ta’ ħlas.

3.Il-parti rikjesta għandha, mingħajr dewmien, tinforma lill-parti applikanti bl-azzjoni meħuda fuq it-talba tagħha għal notifika u, partikolarment, bid-data li fiha d-deċiżjoni jew l-istrument ġew mgħoddijin lid-destinatarju.

4.Il-parti applikanti għandha tagħmel talba għal notifika skont dan l-Artikolu biss meta ma tkunx tista’ tinnotifika f’konformità mar-regoli li jirregolaw in-notifika tad-dokument ikkonċernat fl-Istat Membru tagħha, jew fejn tali notifika tagħti lok għal diffikultajiet sproporzjonati.

5.Il-parti rikjesta għandha tiżgura li n-notifika fl-Istat Membru tal-parti rikjesta tkun saret f’konformità mal-liġijiet, ir-regolamenti u l-prattiki amministrattivi nazzjonali fis-seħħ fl-Istat Membru tal-parti rikjesta.

6.Il-paragrafu 5 għandu jkun bla preġudizzju għal kwalunkwe forma oħra ta’ notifika magħmula minn awtorità tal-Istat Membru tal-parti applikanti f’konformità mar-regoli fis-seħħ f’dak l-Istat Membru. Awtorità fl-Istat Membru tal-parti applikanti tista’ tinnotifika kwalunkwe dokument direttament bil-posta reġistrata jew elettronikament lil persuna ġewwa t-territorju ta’ Stat Membru ieħor.”;

“1. Fuq it-talba tal-parti applikanti, il-parti rikjesta għandha tirkupra talbiet li huma s-suġġett ta’ strument li jippermetti l-eżekuzzjoni fl-Istat Membru tal-parti applikanti. Kwalunkwe talba għall-irkupru għandha tkun akkumpanjata minn strument uniformi li jippermetti l-eżekuzzjoni mill-Istat Membru tal-parti rikjesta.’;

“3. Qabel ma l-parti applikanti tagħmel talba għall-irkupru, għandhom jiġu applikati proċeduri xierqa ta’ rkupru disponibbli fl-Istat Membru tal-parti applikanti, għajr fis-sitwazzjonijiet li ġejjin:(a)fejn ikun ovvju li ma hemmx assi għall-irkupru fl-Istat Membru tal-parti applikanti jew li dawn il-proċeduri mhumiex ser jirriżultaw fil-ħlas sħiħ tat-talba, u l-parti applikanti għandha informazzjoni speċifika li tindika li l-persuna kkonċernata għandha assi fl-Istat Membru tal-parti rikjesta;(b)fejn ir-rikors għal tali proċeduri fl-Istat Membru tal-parti applikanti jagħti lok għal diffikultà sproporzjonata.

Fejn parti rikjesta tirċievi talba għall-irkupru minn parti applikanti, il-parti applikanti għandha, fuq it-talba tal-parti rikjesta, tipprovdi kwalunkwe informazzjoni addizzjonali li tkun meħtieġa mill-parti rikjesta fl-irkupru tat-talba. Il-parti applikanti m’għandhiex tkun obbligata tagħti l-informazzjoni speċifikata fl-Artikolu 76(3) ta’ dan ir-Regolament ta’ implimentazzjoni.

4.It-talba għall-irkupru għandha tinkludi wkoll dikjarazzjoni mill-parti applikanti li tikkonferma li l-kondizzjonijiet stabbiliti fil-paragrafi 2 u 3 ġew issodisfati.”;

“6. Ir-rikjesta għall-irkupru ta’ talba tista’ tkun akkumpanjata minn dokumenti oħra relatati mat-talba maħruġa fl-Istat Membru tal-parti applikanti.”;

“Artikolu 79

Strument li jippermetti l-eżekuzzjoni tal-irkupru

1.L-istrument uniformi li jippermetti l-eżekuzzjoni fl-Istat Membru tal-parti rikjesta għandu jirrifletti l-kontenut sostantiv tal-istrument inizjali li jippermetti l-eżekuzzjoni, u għandu jikkostitwixxi l-unika bażi għall-miżuri ta’ rkupru u ta’ prekawzjoni meħuda fl-Istat Membru tal-parti rikjesta. Dan ma għandux ikun soġġett għal kwalunkwe att ta’ rikonoxximent, ta’ suppliment jew ta’ sostituzzjoni f’dak l-Istat Membru.

2.L-istrument uniformi li jippermetti l-eżekuzzjoni għandu jinkludi:(a)l-isem, l-indirizz u kwalunkwe informazzjoni relevanti oħra marbuta mal-identifikazzjoni tal-persuna fiżika jew ġuridika konċernata u/jew il-parti terza fil-pussess tal-attiv tagħha;(b)l-isem, l-indirizz u kwalunkwe informazzjoni relevanti oħra marbuta mal-uffiċċju responsabbli għall-valutazzjoni tat-talba, u jekk differenti, l-uffiċċju fejn tista’ tinkiseb aktar informazzjoni dwar it-talba jew il-possibbiltajiet għall-kontestazzjoni tal-obbligi tal-ħlas;(c)informazzjoni relevanti għall-identifikazzjoni tal-istrument li jippermetti l-eżekuzzjoni tagħha, maħruġ fl-Istat Membru tal-parti applikanti;(d)deskrizzjoni tat-talba, inklużi n-natura, il-perijodu kopert mit-talba, id-data li fiha t-talba hija dovuta u kwalunkwe data rilevanti oħra fir-rigward tal-proċess ta’ eżekuzzjoni u l-ammont tat-talba, inklużi s-somma kapitali, kwalunkwe imgħax, multa, piena amministrattiva u l-introjti u l-kostijiet dovuti kollha l-oħra indikati fil-muniti tal-Istati Membri tal-parti applikanti u l-parti rikjesta;(e)id-data ta’ notifika tal-istrument lid-destinatarju mill-parti applikanti jew mill-parti rikjesta;(f)id-data li minnha u l-perijodu li matulu l-eżekuzzjoni tkun possibbli skont il-liġijiet fis-seħħ fl-Istat Membru tal-parti applikanti;(g)kwalunkwe informazzjoni relevanti oħra. ▌

Artikolu 80

Arranġamenti u skadenzi għal ħlasijiet

1.L-irkupru għandu jsir bil-munita tal-Istat Membru tal-parti rikjesta. Soġġett għall-Artikolu 85(1a), il-parti rikjesta għandha tħallas l-ammont kollu tat-talba li tirkupra lill-parti applikanti.

Meta jitħallas l-ammont tat-talba lill-parti applikanti, il-parti rikjesta għandha tipprovdi wkoll l-informazzjoni relevanti marbuta mal-identifikazzjoni tal-persuna fiżika jew ġuridika kkonċernata kif imsemmi fl-Artikolu 79(2) tar-Regolament ta’ Implimentazzjoni.

2.Fejn il-liġijiet, ir-regolamenti jew id-dispożizzjonijiet amministrattivi fis-seħħ fl-Istat Membru proprju tagħha jippermettu, il-parti rikjesta tista’ tagħti lid-debitur żmien biex iħallas jew tawtorizza ħlas bin-nifs. Kwalunkwe imgħax impost mill-parti rikjesta fir-rigward ta’ żmien addizzjonali bħal dan biex isir il-ħlas għandu jiġi ttrasferit ukoll lill-parti applikanti. Il-parti rikjesta għandha sussegwentement tinforma lill-parti applikanti bi kwalunkwe deċiżjoni bħal din.

Mid-data li fiha t-talba għall-irkupru tkun waslet, il-parti rikjesta għandha titlob imgħax għal kull ħlas tard skont il-liġijiet, ir-regolamenti u d-dispożizzjonijiet amministrattivi fis-seħħ fl-Istat Membru tal-parti rikjesta.

Artikolu 81

Kontestazzjoni dwar it-talba jew l-istrument li jippermetti l-eżekuzzjoni tal-irkupru tagħha u kontestazzjoni dwar il-miżuri ta’ eżekuzzjoni

1.Jekk, matul il-proċedura ta’ rkupru, it-talba, l-istrument inizjali li jippermetti l-eżekuzzjoni fl-Istat Membru tal-parti applikanti, l-istrument uniformi li jippermetti l-eżekuzzjoni fl-Istat Membru tal-parti rikjesta jew il-validità ta’ notifika magħmula minn awtorità fl-Istat Membru tal-parti applikanti jiġu kkontestati minn parti interessata, l-azzjoni għandha titressaq minn dik il-parti interessata quddiem l-awtoritajiet adatti tal-Istat Membru tal-parti applikanti, skont il-liġijiet fis-seħħ f’dak l-Istat Membru. Il-parti applikanti għandha tinnotifika lill-parti rikjesta b’din l-azzjoni mingħajr dewmien. Il-parti interessata tista’ tinforma wkoll lill-parti rikjesta bl-azzjoni.

2.Hekk kif il-parti rikjesta tkun irceviet in-notifika jew l-informazzjoni msemmija fil-paragrafu 1mingħand il-parti applikanti jew mingħand il-parti interessata, hija għandha tissospendi l-proċedura ta’ eżekuzzjoni sa meta tittieħed id-deċiżjoni tal-awtorità adatta f’dan il-qasam, sakemm il-parti applikanti ma titlobx biex tirkupra t-talba f’konformità mat-tieni subparagrafu ta’ dan il-paragrafu. Mingħajr preġudizzju għall-Artikolu 84 tar-Regolament ta’ Implimentazzjoni, il-parti rikjesta tista’ tieħu miżuri prekawzjonarji biex tiggarantixxi l-irkupru tat-talba sa fejn il-liġijiet jew ir-regolamenti fis-seħħ tal-Istat Membru proprju tagħha jippermettu tali azzjoni għal talbiet simili.

Minkejja l-ewwel subparagrafu, il-parti applikanti tista’, f’konformità mal-liġijiet, ir-regolamenti u l-prattiki amministrattivi fis-seħħ fl-Istat Membru proprju tagħha, tippreżenta talba raġunata lill-parti rikjesta biex tirkupra talba kkontestata, sakemm il-liġijiet, ir-regolamenti u l-prattiki amministrattivi rilevanti fis-seħħ fl-Istat Membru tal-parti rikjesta jipprevedu tali azzjoni. Jekk ir-riżultat tal-kontestazzjoni jkun sussegwentement favorevoli għad-debitur, il-parti applikanti għandha tkun responsabbli għall-ħlas lura ta’ kwalunkwe somma rkuprata, flimkien ma’ kwalunkwe kumpens dovut, f’konformità mal-leġiżlazzjoni fis-seħħ fl-Istat Membru tal-parti rikjesta.

3.Fejn il-kontestazzjoni tikkonċerna l-miżuri ta’ eżekuzzjoni meħudin fl-Istat Membru tal-parti rikjesta, jew il-validità tan-notifika magħmula minn awtorità tal-parti rikjesta, l-azzjoni għandha titressaq quddiem l-awtorità adatta ta’ dak l-Istat Membru f’konformità mal-liġijiet u r-regolamenti tiegħu.

Artikolu 81a

Irtirar u emendi

1.Il-parti applikanti għandha tinforma immedjatament lill-parti rikjesta dwar kwalunkwe emenda sussegwenti fit-talba tagħha għall-irkupru jew dwar l-irtirar tat-talba tagħha filwaqt li tindika r-raġunijiet għal tali emenda jew l-irtirar.

2.Jekk l-emenda tat-talba hija bbażata fuq deċiżjoni tal-awtorità adatta msemmija fl-Artikolu 81(1), il-parti applikanti għandha tikkomunika din id-deċiżjoni lill-parti rikjesta, flimkien mal-istrument uniformi rivedut li jippermetti l-eżekuzzjoni fl-Istat Membru tal-parti rikjesta. Il-parti rikjesta għandha tipproċedi b’miżuri oħra ta’ rkupru abbażi tal-istrument rivedut.

Miżuri ta’ rkupru jew ta’ prekawzjoni li diġà kienu ttieħdu abbażi tal-istrument uniformi oriġinali li jippermetti l-eżekuzzjoni fl-Istat Membru tal-parti rikjesta jistgħu jitkomplew abbażi tal-istrument rivedut, sakemm emenda tat-talba hija dovuta għall-invalidità tal-istrument inizjali li jippermetti l-eżekuzzjoni fl-Istat Membru tal-parti applikanti jew tal-istrument uniformi oriġinali li jippermetti l-eżekuzzjoni fl-Istat Membru tal-parti rikjesta.

L-Artikoli 79 u 81 għandhom japplikaw b’rabta mal-istrument rivedut.

3.Jekk it-talba tiġi emendata għal raġuni differenti minn dawk imsemmija fil-paragrafu 2 u tali emenda tinkludi tnaqqis fl-ammont tat-talba, il-parti rikjesta għandha tkompli kwalunkwe miżura ta’ rkupru jew ta’ prekawzjoni li diġà ttieħdet, li għandha tkun limitata għall-ammont tat-talba li għadu pendenti.

Artikolu 82

Limiti li japplikaw għall-assistenza

1.Mingħajr preġudizzju għall-kompetenza li tagħti l-assistenza, il-parti rikjesta m’għandhiex tkun obbligata:(a)tagħti l-assistenza prevista fl-Artikoli 78 sa 81 tar-Regolament ta’ implimentazzjoni jekk l-irkupru tat-talba jista’, minħabba s-sitwazzjoni tad-debitur, joħloq diffikultajiet ekonomiċi jew soċjali serji fl-Istat Membru tal-parti rikjesta, sakemm il-liġijiet, ir-regolamenti jew il-prattiki amministrattivi fis-seħħ fl-Istat Membru tal-parti rikjesta jippermettu azzjoni bħal din għal talbiet nazzjonali simili;(b)tagħti l-assistenza prevista fl-Artikoli 76 sa 81 tar-Regolament ta’ implimentazzjoni, jekk it-talba inizjali taħt l-Artikolu 76, 77 jew 78 tar-Regolament ta’ implimentazzjoni tapplika għal talbiet li għandhom aktar minn ħames snin, mid-data li fiha t-talba hija dovuta fl-Istat Membru tal-parti applikanti sad-data tar-rikjesta inizjali għall-assistenza.

Fir-rigward tal-punt (b), jekk it-talba jew l-istrument inizjali li jippermetti l-eżekuzzjoni fl-Istat Membru tal-parti applikanti jiġu kkontestati, il-perijodu ta’ ħames snin għandu jibda mid-data li fiha ma jibqax possibbli li tiġi kkontestata t-talba jew l-istrument li jippermetti l-irkupru.

Barra minn hekk, fejn jiġi aċċettat il-posponiment tal-iskadenza tal-ħlas jew tal-pjan ta’ ħlas bin-nifs mill-awtoritajiet tal-Istat Membru tal-parti applikanti, il-perijodu ta’ ħames snin għandu jibda mid-data li fiha l-perijodu kollu tal-ħlas wasal fi tmiemu.

Madankollu, f’każijiet bħal dawn, il-parti rikjesta ma għandhiex tkun obbligata tagħti l-assistenza fir-rigward ta’ talbiet li huma eqdem minn 10 snin, ikkalkolati mid-data li fiha t-talba hija dovuta fl-Istat Membru tal-parti applikanti.

2.Il-parti rikjesta għandha tinforma lill-parti applikanti bir-raġunijiet li għalihom tkun ċaħdet talba għal assistenza.”;

“Artikolu 84

Miżuri ta’ prekawzjoni

1.Fuq it-talba raġunata mill-parti applikanti, il-parti rikjesta għandha tieħu miżuri prekawzjonarji▌, f’konformità mal-liġi nazzjonali u l-prattika amministrattiva fis-seħħ fl-Istat Membru tagħha, biex tiżgura rkupru fejn talba jew strument li jippermetti l-eżekuzzjoni fl-Istat Membru tal-parti applikanti hu kkontestat fi żmien meta ssir it-talba, jew meta t-talba għadha mhix soġġetta għal strument li jippermetti eżekuzzjoni fl-Istat Membru tal-parti applikanti, sakemm il-miżuri prekawzjonarji jkunu wkoll possibbli, f’sitwazzjoni simili, skont il-liġi nazzjonali u l-prattiki amministrattivi tal-Istat Membru tal-parti applikanti.

Id-dokument imfassal biex jippermetti l-miżuri prekawzjonarji fl-Istat Membru tal-parti applikanti u li hu relatat mat-talba li għaliha tintalab, jew le, l-assistenza reċiproka, għandu jkun mehmuż mat-talba għall-miżuri prekawzjonarji fl-Istat Membru tal-parti rikjesta. Dan id-dokument ma għandu jkun soġġett għall-ebda att ta’ rikonoxximent, ta’ suppliment jew ta’ sostituzzjoni fl-Istat Membru tal-parti rikjesta.

2.It-talba għall-miżuri prekawzjonarji tista’ tkun akkumpanjata minn dokumenti oħra relatati mat-talba maħruġa fl-Istat Membru tal-parti applikanti.

3.Għall-finijiet ta’ implimentazzjoni tal-ewwel paragrafu, id-dispożizzjonijiet u l-proċeduri stabbiliti fl-Artikoli 78, 79, 81 u 82 tar-Regolament ta’ implimentazzjoni għandhom japplikaw mutatis mutandis.”;

“1. Il-parti rikjesta għandha tirkupra mingħand il-persuna fiżika jew ġuridika kkonċernata u żżomm kwalunkwe kost li ġġarrab marbuta mal-irkupru, f’konformità mal-liġijiet u r-regolamenti tal-Istat Membru tal-parti rikjesta li japplikaw għal talbiet simili.

1a.Fejn l-ispejjeż marbutin mal-irkupru ma jistgħux jiġu rkuprati mid-debitur flimkien mal-ammont tat-talba, dawk l-ispejjeż għandhom jew jitnaqqsu minn kwalunkwe ammont li effettivament ġie rkuprat jew, meta dan ma jkunx possibbli, għandhom jitħallsu lura mill-parti applikanti. Il-parti applikanti u l-parti rikjesta jistgħu jaqblu dwar arranġament ta’ ħlas lura speċifiku għall-każ, jew jistgħu jiddeċiedu li jirrinunzjaw għall-ħlas lura ta’ dawn l-ispejjeż.”;

“Artikolu 85a

Preżenza fl-uffiċċji amministrattivi u parteċipazzjoni fl-inkjesti amministrattivi

1.Bi qbil bejn il-parti applikanti u l-parti rikjesta u skont l-arranġamenti stabbiliti mill-parti rikjesta, uffiċjali awtorizzati mill-parti applikanti jistgħu, bil-ħsieb li jippromwovu l-assistenza reċiproka prevista f’din it-Taqsima:(a)ikunu preżenti fl-uffiċċji fejn l-awtoritajiet amministrattivi tal-Istat Membru tal-parti rikjesta jaqdu dmirijiethom;(b)ikunu preżenti waqt l-inkjesti amministrattivi li jitwettqu fit-territorju tal-Istat Membru tal-parti rikjesta;(c)jassistu lill-uffiċjali kompetenti tal-Istat Membru tal-parti rikjesta waqt il-proċedimenti fil-qorti f’dak l-Istat Membru.

2.Sakemm dan ikun permess mil-leġiżlazzjoni fis-seħħ fl-Istat Membru tal-parti rikjesta, il-ftehim imsemmi fil-paragrafu 1 jista’ jipprevedi li l-uffiċjali tal-Istat Membru tal-parti applikanti jistgħu jintervistaw l-individwi u jeżaminaw ir-reġistri.

3.Meta jaġixxu skont il-paragrafu 1 jew 2, l-uffiċjali awtorizzati mill-parti applikanti għandu jkollhom awtorità bil-miktub li tiddikjara l-identità tagħhom u l-kapaċità uffiċjali tagħhom.”;

“Artikolu 86a

Setgħa biex jiġu adottati atti ta’ implimentazzjoni

1.Il-Kummissjoni għandha, permezz ta’ atti ta’ implimentazzjoni, tispeċifika aktar il-proċedura għall-irkupru. Dawk l-atti ta’ implimentazzjoni għandhom jistabbilixxu:(a)l-arranġamenti prattiċi meħtieġa għall-applikazzjoni ta’ din it-taqsima fir-rigward tat-trażmissjoni tal-informazzjoni u d-dokumenti jew id-deċiżjonijiet b’mezzi elettroniċi lill-persuna kkonċernata f’konformità mal-Artikolu 4; (b)il-format tal-istrument uniformi msemmi fl-Artikolu 79; (c)l-informazzjoni li trid tingħata mill-parti rikjesta lill-parti applikanti dwar l-istat ta’ progress jew l-eżitu tat-talba u l-perijodu taż-żmien applikabbli f’dan ir-rigward;(d)il-miżuri li jridu jittieħdu mill-istituzzjonijiet ikkonċernati f’każ ta’ emenda jew irtirar tat-talba li hija s-suġġett ta’ talba għall-irkupru; (e)aktar regoli dettaljati meħtieġa għall-implimentazzjoni tal-Artikolu 75(2), l-Artikoli 76, 77, 78, 79, 80 u 81, l-Artikolu 82(1), l-Artikolu 83(1), it-tieni subparagrafu, u l-Artikoli 84, 85 u 85a; kif ukoll(f)l-istabbiliment ta’ limitu massimu għall-ammonti li għalihom tista’ ssir talba għall-irkupru.

2.Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88c(2) tar-Regolament bażiku.”;

“4. Il-paragrafi 2 u 3 għandhom japplikaw ukoll biex jiġi ddeterminat jew verifikat l-istat ta’ dipendenza ta’ benefiċjarju jew applikant għal benefiċċji għall-kura għat-tul imsemmijin fl-Artikolu 1(vb) tar-Regolament bażiku.”;

“6. Bħala eċċezzjoni għall-prinċipju ta’ kooperazzjoni amministrattiva reċiproka mingħajr ħlas fl-Artikolu 76(2) tar-Regolament bażiku, l-ammont effettiv tal-ispejjeż tal-verifiki msemmija fil-paragrafi 1 sa 5 ta’ dan l-Artikolu għandu jitħallas lura lill-istituzzjoni li ntalbet twettaqhom mill-istituzzjoni debitriċi li talbithom. Madankollu, jekk l-istituzzjoni li ntalbet twettaq il-kontroll tuża wkoll is-sejbiet għall-għoti tal-benefiċċji f’isimha stess lill-persuna kkonċernata skont il-leġiżlazzjoni li tapplika, ma għandhiex titlob l-ispejjeż imsemmija fis-sentenza preċedenti. ”;

“Artikolu 87a

Evalwazzjoni

Sa [5 snin wara d-data tad-dħul fis-seħħ tar-Regolament emendatorju], il-Kummissjoni għandha twettaq evalwazzjoni dwar il-konformità mal-limiti ta’ żmien imsemmija fit-Titolu II tar-Regolament ta’ implimentazzjoni u dwar l-implimentazzjoni tar-regoli fl-Artikolu 14(5a) ta’ dak ir-Regolament.

Fl-evalwazzjoni tagħha, il-Kummissjoni għandha tivvaluta wkoll jekk huwiex xieraq li l-kamp ta’ applikazzjoni tal-benefiċċji tal-kura fit-tul jiġi estiż skont ir-Regolament bażiku sabiex jiġu koperti l-benefiċċji relatati max-xogħol.

Il-Kummissjoni għandha tippreżenta rapport li jistabbilixxi r-riżultati ta’ din l-evalwazzjoni lill-Parlament Ewropew, lill-Kunsill u lill-Kumitat Ekonomiku u Soċjali. L-Istati Membri għandhom jipprovdu l-informazzjoni meħtieġa lill-Kummissjoni għat-tħejjija ta’ dan ir-rapport.”;

“Artikolu 93

Dispożizzjonijiet tranżizzjonali

L-Artikoli 87, 87a u 87b tar-Regolament bażiku għandhom japplikaw għas-sitwazzjonijiet koperti mir-Regolament ta’ implimentazzjoni.”;

“Artikolu 94a

Disposizzjonjiet tranżizzjonali li għandhom x’jaqsmu mal-benefiċċji tal-qgħad

1.L-Artikoli 56 u 70 u l-Anness 5, fil-verżjoni fis-seħħ qabel ... [id-data tad-dħul fis-seħħ tar-Regolament emendatorju], għandhom ikomplu japplikaw għall-benefiċċji tal-qgħad li għalihom l-applikazzjonijiet jiġu ppreżentati qabel id-dati rilevanti ta’ applikazzjoni kif stipulat fl-Artikolu 97, it-tieni paragrafu, il-punt (2), u t-tielet u r-raba’ paragrafu.

2.L-Artikolu 73, fil-verżjoni fis-seħħ qabel ... [id-data tad-dħul fis-seħħ tar-Regolament emendatorju] għandu jkompli japplika għal ħlasijiet ta’ talbiet li bdew qabel ... [24 xahar wara d-data tad-dħul fis-seħħ tar-Regolament emendatorju].

3.It-Taqsima 3 tal-Kapitolu III tat-Titolu IV, fil-verżjoni fis-seħħ qabel ... [id-data tad-dħul fis-seħħ tar-Regolament emendatorju], għandha tkompli tapplika għat-talbiet u l-kontestazzjonijiet magħmula qabel ... [24 xahar wara d-data tad-dħul fis-seħħ tar-Regolament emendatorju].”;

“Madankollu, bl-eċċezzjoni tal-Artikolu 107, ir-Regolament (KEE) Nru 574/72 għandu jibqa’ fis-seħħ u jkompli jkollu effett legali għall-finijiet ta’: ”;

“1a Għall-finijiet tal-leġiżlazzjoni msemmija fil-paragrafu 1, ir-regoli dwar il-konverżjoni tal-munita għandhom ikunu rregolati bl-Artikolu 90 ▌.”:

“Artikolu 97

Dħul fis-seħħ u applikazzjoni

Dan ir-Regolament għandu jiġi ppubblikat fil-Ġurnal Uffiċjali tal-Unjoni Ewropea. Għandu jidħol fis-seħħ fl-1 ta' Mejju 2010.

Minkejja l-ewwel paragrafu, id-dati ta’ applikazzjoni li ġejjin għandhom japplikaw:(1)Id-dispożizzjonijiet li ġejjin, fil-verżjoni fis-seħħ minn ... [data tad-dħul fis-seħħ tar-Regolament emendatorju], għandhom japplikaw minn dik id-data:(a)l-Artikolu 1(2);(b)l-Artikolu 2(2a), (5) u (6);(c)l-Artikolu 3(3);(d)l-Artikolu 19(2) u (3);(e)l-Artikolu 26(4);(f)l-Artikolu 43(3);(g)l-Artikolu 65;(h)l-Artikolu 66(2);(i)l-Artikolu 68(2);(j)l-Artikolu 75(1), (3) u (4);(k)l-Artikoli 85a, 86 u 86a;(l)l-Artikolu 87(4) u (6);(m)l-Artikolu 87c;(n)l-Artikolu 89(3);(o)l-Artikoli 92 u 93 u 94a;(p)l-Artikolu 96(1) u (1a);(q)l-Anness 1;(2)Id-dispożizzjonijiet li ġejjin, fil-verżjoni fis-seħħ minn … [data tad-dħul fis-seħħ tar-Regolament emendatorju], għandhom japplikaw minn … [24 xahar wara d-data tad-dħul fis-seħħ tar-Regolament emendatorju]:(a)l-Artikolu 5(2) sa (5);(b)l-Artikolu 14(1), (1a), (3), (5a), (10) u (12);(c)l-Artikolu 15;(d)l-Artikolu 16(1), (2), (3) u (5);(e)l-Artikolu 19a;(f)l-Artikolu 20(3) u (4);(g)l-Artikolu 25(1) u (3);(h)l-Artikolu 31(2);(i)l-Artikolu 32(1);(j)l-Artikolu 54(1);(k)l-Artikolu 54a;(l)l-Artikolu 55(1), (4), (5) u (7);(m)l-Artikolu 56(-1), (1) u (3);(n)l-Artikolu 56a;(o)l-Artikolu 67(3) u (7);(p)l-Artikolu 70,(q)l-Artikolu 72(1);(r)l-Artikoli 73 u 77;(s)l-Artikolu 78(1) sa (4) u (6);(t)l-Artikoli 79 sa 82 u l-Artikolu 84;(u)l-Artikolu 85(1) u (1a);(v)l-Annessi 5 u 6.(3)L-Artikolu 64, fil-verżjoni fis-seħħ minn … [data tad-dħul fis-seħħ tar-Regolament emendatorju], għandu japplika mill-1 ta' Jannar … [is-sena kalendarja wara s-sena kalendarja li fiha jidħol fis-seħħ ir-Regolament emendatorju].

Minkejja it-tieni paragrafu, il-punti (1) u (2) ta' dan l-Artikolu, fir-rigward ta' persuni li għalihom, matul l-aħħar attività tagħhom bħala persuna impjegata jew persuna li taħdem għal rasha, il-Lussemburgu kien l-Istat Membru kompetenti, l-Artikoli 56 u 70 u l-Anness 5, fil-verżjoni fis-seħħ qabel ... [id-data tad-dħul fis-seħħ tar-Regolament emendatorju], għandhom japplikaw sa ... [5 snin wara d-data tad-dħul fis-seħħ tar-Regolament emendatorju]. Matul dak il-perjodu ta' żmien, l-Artikolu 56a ma għandux japplika għal-Lussemburgu.

Il-Lussemburgu jista’ jinnotifika lill-Kummissjoni li huwa meħtieġ li l-perijodu ta’ żmien imsemmi fit-tielet paragrafu jiġi estiż sa … [7 snin wara d-data tad-dħul fis-seħħ tar-Regolament emendatorju]. Tali notifika ta’ estensjoni għandha ssir fi żmien raġonevoli qabel tmiem il-perijodu ta’ żmien stabbilit fit-tielet paragrafu. In-notifika għandha tiġi ppubblikata fil-Ġurnal Uffiċjali tal-Unjoni Ewropea.’;