A.billi d-Deċiżjoni ta’ Implimentazzjoni tal-Kummissjoni (UE) 2015/696 Id-Deċiżjoni ta’ Implimentazzjoni tal-Kummissjoni (UE) 2015/696 tal-24 ta’ April 2015 li tawtorizza t-tqegħid fis-suq ta’ prodotti li fihom, jikkonsistu minn, jew huma prodotti mill-fażola tas-sojja modifikata ġenetikament MON 87705 (MON-877Ø5-6) skont ir-Regolament (KE) Nru 1829/2003 tal-Parlament Ewropew u tal-Kunsill (ĠU L 112, 30.4.2015, p. 60, ELI: http://data.europa.eu/eli/dec_impl/2015/696/2021-02-16). awtorizzat l-introduzzjoni fis-suq ta’ ikel u għalf li fihom il-fażola tas-sojja ġenetikament modifikata MON 87705, li jkunu jikkonsistu minnha, jew li jkunu magħmulin minnha (“il-fażola tas-sojja ĠM”); billi l-ambitu ta’ dik l-awtorizzazzjoni jkopri wkoll l-introduzzjoni fis-suq ta’ prodotti, għajr l-ikel u l-għalf, li fihom is-sojja ĠM jew li jikkonsistu minnha għall-istess użi bħal kull fażola tas-sojja oħra, għajr għall-kultivazzjoni;

B.billi fit-8 ta’ Marzu 2024, Bayer Agriculture BV, ibbażata fil-Belġju, ressqet applikazzjoni lill-Kummissjoni f’isem Bayer CropScience LP, ibbażata fl-Istati Uniti, għat-tiġdid ta’ dik l-awtorizzazzjoni;

C.billi, fit-12 ta’ Jannar 2026, l-EFSA ħarġet opinjoni favorevoli dwar il-fażola tas-sojja ĠM L-Opinjoni Xjentifika tal-Bord tal-EFSA dwar Organiżmi Ġenetikament Modifikati bit-titolu “Assessment of genetically modified soybean MON 87705 for renewal authorisation under Regulation (EC) No 1829/2003 (application GMFF-2023-21236)” (Valutazzjoni tal-fażola tas-sojja ġenetikament modifikata MON 87705 għall-awtorizzazzjoni tat-tiġdid skont ir-Regolament (KE) Nru 1829/2003 (applikazzjoni GMFF-2023-21236)), EFSA Journal, 2026, 24(1):e9846, https://doi.org/10.2903/j.efsa.2026.9846., f’konformità mal-Artikoli 6 u 18 tar-Regolament (KE) Nru 1829/2003; billi l-EFSA kkonkludiet li l-applikazzjoni għat-tiġdid ma kien fiha l-ebda evidenza ta’ xi perikli ġodda, esponiment modifikat jew inċertezzi xjentifiċi li jbiddlu l-konklużjonijiet tal-valutazzjoni tar-riskju oriġinali dwar il-qamħirrum ĠM, adottata mill-EFSA fl-2012 “L-Opinjoni Xjentifika tal-Bord tal-EFSA dwar Organiżmi Ġenetikament Modifikati dwar l-applikazzjoni EFSA-GMO-NL-2010-78 għat-tqegħid fis-suq tal-fażola tas-sojja ġenetikament modifikata MON 87705 tolleranti għall-erbiċidi għall-użu fl-ikel u l-għalf, u l-importazzjoni u l-ipproċessar skont ir-Regolament (KE) Nru 1829/2003 minn Monsanto”, EFSA Journal, 2012, 10(10):2909, https://doi.org/10.2903/j.efsa.2012.2909. u fl-2013 Il-Bord tal-EFSA dwar l-Organiżmi Ġenetikament Modifikati, “Statement complementing the scientific opinion on application EFSA-GMO-NL-2010-78 to cover the safety of soybean MON 87705 oil for commercial frying” (Dikjarazzjoni li tikkomplementa l-opinjoni xjentifika dwar l-applikazzjoni EFSA-GMO-NL-2010-78 biex tkopri s-sikurezza taż-żejt mill-fażola tas-sojja MON 3507 għall-qali kummerċjali) EFSA Journal, 2013, 11(12):3507, https://doi.org/10.2903/j.efsa.2013.3507.; billi dawk l-opinjonijiet ma indirizzawx diversi impatti ambjentali, soċjoekonomiċi u kumulattivi usa’ li l-EFSA tqis li jaqgħu barra mill-mandat tagħha;

D.billi l-fażola tas-sojja ĠM għandha żieda fil-kontenut tal-aċidu olejku u turi tolleranza għall-erbiċidi li fihom il-glifosat;

E.billi l-valutazzjonijiet tar-riskju mwettqa mill-EFSA ma inkludewx studji tossikoloġiċi fit-tul jew analiżi dettaljata tal-effetti kumulattivi u kombinatorji, inklużi interazzjonijiet potenzjali ma’ residwi ta’ pestiċidi użati b’mod komuni fil-kultivazzjoni tal-fażola tas-sojja;

F.billi l-maġġoranza l-kbira tal-għelejjel ĠM, inkluża l-fażola tas-sojja ĠM, ġew ġenetikament modifikati sabiex ikunu tolleranti għal erbiċida “komplementari” waħda jew aktar li jistgħu jintużaw matul il-kultivazzjoni tal-għalla ĠM, mingħajr ma l-għalla tmut, kif ikun il-każ għal għalla mhux tolleranti għall-erbiċidi; billi hemm għadd ta’ studji li juru li l-għelejjel ĠM tolleranti għall-erbiċidi jirriżultaw f’użu akbar ta’ erbiċidi komplementari, fil-biċċa l-kbira minħabba li jfeġġ ħaxix ħażin tolleranti għall-erbiċidi;

G.billi l-għelejjel ĠM tolleranti għall-erbiċidi jillimitaw lill-bdiewa f’sistema ta’ ġestjoni tal-ħaxix ħażin li hija fil-biċċa l-kbira jew kompletament dipendenti mill-erbiċidi, u tagħmel dan billi titlob premium għaż-żrieragħ ĠM, filwaqt li toħloq dipendenza mill-użu ta’ erbiċidi komplementari bħala parti integrali mis-sistema ta’ produzzjoni; billi dipendenza akbar minn erbiċidi komplementari fuq azjendi agrikoli li jħawlu l-fażola tas-sojja ĠM se tħaffef il-feġġ u t-tixrid ta’ ħaxix ħażin reżistenti għal dawk l-erbiċidi, u b’hekk tiskatta l-ħtieġa ta’ aktar użu ta’ erbiċidi, ċirku vizzjuż magħruf bħala “l-ispirall tal-erbiċidi”; billi, bħala konsegwenza, l-impatti negattivi li jirriżultaw minn dipendenza eċċessiva mill-erbiċidi se jiggravaw is-saħħa tal-ħamrija, il-kwalità tal-ilma u l-bijodiversità ta’ taħt u ta’ fuq l-art, kif ukoll iwasslu għal żieda fl-esponiment tal-bniedem u tal-annimali, potenzjalment ukoll permezz ta’ żieda fir-residwi ta’ erbiċidi fuq l-ikel u l-għalf;

H.billi hemm għadd ta’ studji li juru li l-għelejjel ĠM tolleranti għall-erbiċidi jirriżultaw f’użu akbar ta’ erbiċidi komplementari, fil-biċċa l-kbira minħabba li jfeġġ ħaxix ħażin tolleranti għall-erbiċidi Ara, pereżempju, Bonny, S., “Genetically Modified Herbicide-Tolerant Crops, Weeds, and Herbicides: Overview and Impact” (Għelejjel, Ħaxix Ħażin, u Erbiċidi Ġenetikament Modifikati Tolleranti għall-Erbiċidi: Ħarsa Ġenerali u Impatt), Environmental Management, Jannar 2016, 57(1), pp. 31-48, https://doi.org/10.1007/s00267-015-0589-7 u Benbrook, C.M., “Impacts of genetically engineered crops on pesticide use in the U.S. - the first sixteen years” (L-impatti tal-għelejjel modifikati bl-inġinerija ġenetika fuq l-użu tal-pestiċidi fl-Istati Uniti - l-ewwel 16-il sena), Environmental Sciences Europe, it-28 ta’ Settembru 2012, Vol. 24(1), https://doi.org/10.1186/2190-4715-24-24.; billi, b’konsegwenza ta’ dan, huwa mistenni li l-fażola tas-sojja ĠM tkun esposta għal dożi kemm ogħla kif ukoll ripetuti ta’ glifosat, u li għalhekk il-ħsad jista’ jkun fih kwantità ogħla ta’ residwi u tal-prodotti ta’ degradazzjoni tagħhom (“metaboliti”);

I.billi għad hemm inċertezzi xjentifiċi sinifikanti rigward is-sikurezza tal-glifosat għas-saħħa tal-bniedem u għall-ambjent; billi l-EFSA kkonkludiet f’Novembru 2015 li huwa improbabbli li l-glifosat huwa karċinoġeniku u l-Aġenzija Ewropea għas-Sustanzi Kimiċi kkonkludiet f’Marzu 2017 li l-ebda klassifikazzjoni ma kienet iġġustifikata; billi, għall-kuntrarju, fl-2015, l-Aġenzija Internazzjonali għar-Riċerka dwar il-Kanċer, l-aġenzija speċjalizzata fil-kanċer tal-Organizzazzjoni Dinjija tas-Saħħa, ikklassifikat il-glifosat bħala sustanza probabbilment karċinoġenika għall-bnedmin; billi għadd ta’ studji xjentifiċi reċenti rieżaminati bejn il-pari jikkonfermaw il-potenzjal karċinoġeniku tal-glifosat Ara, pereżempju, https://doi.org/10.1016/j.mrrev.2019.02.001 https://doi.org/10.1093/ije/dyz017, https://doi.org/10.1371/journal.pone.0219610, u https://doi.org/10.1186/s13045-019-0767-9.; billi l-ġurnal “Regulatory Toxicology and Pharmacology” formalment irtira d-dokument xjentifiku “Safety Evaluation and Risk Assessment of the Herbicide Roundup and Its Active Ingredient, Glyphosate, for Humans” (Evalwazzjoni tas-Sikurezza u Valutazzjoni tar-Riskju tal-Erbiċida Roundup u l-Ingredjent Attiv tagħha, il-Glifosat, għall-Bnedmin), ippubblikat fis-sena 2000, li ntuża biex tiġi difiża s-sikurezza tal-glifosat f’ħafna valutazzjonijiet tar-riskju, peress li “tqajjem tħassib dwar il-kitba tiegħu, il-validità tas-sejbiet tar-riċerka fil-kuntest ta’ rappreżentazzjoni ħażina tal-kontributi mill-awturi u mill-isponsor tal-istudju u kunflitti ta’ interess potenzjali tal-awturi” https://doi.org/10.1006/rtph.1999.1371.;

J.billi l-valutazzjoni tar-residwi ta’ erbiċidi u l-metaboliti misjuba fi pjanti ĠM hija kkunsidrata li ma taqax taħt il-kompetenza tal-Bord tal-EFSA dwar Organiżmi Ġenetikament Modifikati u għalhekk ma titwettaqx bħala parti mill-proċess ta’ awtorizzazzjoni għall-OĠM; billi dan huwa problematiku minħabba li l-mod kif l-erbiċidi komplementari jiġu dekomposti mill-pjanta ġenetikament modifikata kkonċernata kif ukoll il-kompożizzjoni u għaldaqstant it-tossiċità tal-metaboliti, jistgħu jiġu affettwati mill-modifika ġenetika stess Dan huwa fil-fatt il-każ għall-glifosat, kif iddikjarat fl-Opinjoni Motivata tal-EFSA “Review of the existing maximum residue levels for glyphosate according to Article 12 of Regulation (EC) No 396/2005” (Rieżami tal-EFSA tal-livelli massimi ta’ residwi eżistenti għall-glifosat skont l-Artikolu 12 tar-Regolament (KE) Nru 396/2005), EFSA Journal, 2018,16(5):e5263, p. 12, https://doi.org/10.2903/j.efsa.2018.5263.;

K.billi l-analiżi tal-kompożizzjoni wriet li l-fażola tas-sojja ĠM għandha profil tal-aċidu grass mibdul b’mod sinifikanti meta mqabbla mal-kontroparti konvenzjonali tagħha, b’żieda fl-aċidu olejku u tnaqqis li jakkumpanjah fl-aċidu linolejku u l-aċidu palmitiku; billi t-tħassib xjentifiku jiffoka fuq l-implikazzjonijiet nutrizzjonali fit-tul tal-esponiment usa’ tal-popolazzjoni għal dan il-profil mibdul, b’mod partikolari għall-konsumaturi li jibbażaw ħafna fuq iż-żejt tal-fażola tas-sojja; billi l-EFSA qieset l-istimi tal-konsum fid-dieta biex tivvaluta r-rilevanza nutrizzjonali tal-bidliet, bl-użu ta’ suppożizzjonijiet differenti ta’ xenarji ta’ konsum u ta’ sostituzzjoni; billi l-EFSA rrakkomandat biss, abbażi ta’ dawn is-suppożizzjonijiet, pjan ta’ monitoraġġ ta’ wara t-tqegħid fis-suq iffukat fuq il-ġbir ta’ data dwar l-importazzjoni lejn l-Unjoni u t-twettiq ta’ valutazzjoni nutrizzjonali aġġornata jekk l-informazzjoni disponibbli dwar ix-xejriet tal-konsum kienet differenti minn dik użata matul il-valutazzjoni tar-riskju oriġinali;

L.billi r-Regolament (KE) Nru 1829/2003 jiddikjara li l-ikel jew l-għalf ĠM ma jridx ikollu effetti negattivi fuq is-saħħa tal-bniedem, is-saħħa tal-annimali jew l-ambjent, u jirrikjedi li l-Kummissjoni tqis kwalunkwe dispożizzjoni rilevanti fid-dritt tal-Unjoni u fatturi leġittimi oħra rilevanti għall-kwistjoni taħt kunsiderazzjoni meta tkun qed tabbozza d-deċiżjoni tagħha; billi dawn il-fatturi leġittimi għandhom jinkludu l-obbligi tal-Unjoni skont l-Għanijiet ta’ Żvilupp Sostenibbli (“SDGs”) tan-Nazzjonijiet Uniti (NU), il-Ftehim ta’ Pariġi dwar il-Klima ĠU L 282, 19.10.2016, p. 4. u l-Konvenzjoni tan-NU dwar id-Diversità Bijoloġika ĠU L 309, 13.12.1993, p. 3, ELI: http://data.europa.eu/eli/convention/1993/626/oj. (“KDB tan-NU”);

M.billi l-monitoraġġ u s-sorveljanza indipendenti tal-effetti negattivi potenzjali fuq il-bijodiversità, is-saħħa tal-ħamrija, il-pollinaturi u l-organiżmi mhux fil-mira għadhom mhumiex garantiti biżżejjed;

N.billi l-prinċipju ta’ prekawzjoni, imnaqqax fl-Artikolu 191 tat-Trattat dwar il-Funzjonament tal-Unjoni Ewropea, għandu japplika f’każijiet ta’ inċertezza xjentifika;

O.billi l-Unjoni, bħala Parti Kontraenti għall-KDB tan-NU u f’konformità mal-Artikolu 3 tagħha, għandha r-responsabbiltà li tiżgura li l-attivitajiet li jaqgħu fil-ġuriżdizzjoni u l-kontroll tagħha ma jikkawżawx ħsara lill-ambjent ta’ Stati oħrajn;

P.billi t-tiġdid min-naħa tal-Unjoni tal-awtorizzazzjoni tal-fażola tas-sojja ĠM ma jkunx konsistenti mal-impenji internazzjonali dwar it-tnaqqis tal-pestiċidi F’Diċembru 2022, ġie miftiehem qafas globali dwar il-bijodiversità fil-COP15 tal-KBD tan-NU li jinkludi mira globali sal-2030 għat-tnaqqis tar-riskju tal-pestiċidi b’mill-anqas 50 % (ara: https://ec.europa.eu/commission/presscorner/detail/mt/ip_22_7834)., minħabba ż-żieda fl-esponiment tal-bniedem, tal-annimali u tal-ambjent għall-glifosat f’pajjiżi li jkabbru din l-għalla ĠM tolleranti għall-erbiċidi, flimkien mar-riżultati fil-qasam tas-saħħa assoċjati potenzjalment serji;

Q.billi l-kultivazzjoni tal-fażola tas-sojja ĠM mhijiex permessa fl-Unjoni;

R.billi d-Deċiżjoni ta’ Implimentazzjoni tal-Kummissjoni (UE) 2026/1419 tippermetti importazzjonijiet fl-Unjoni li ma jikkonformawx mal-istandards osservati mill-bdiewa tal-Unjoni, u b’hekk dan ipoġġihom fi żvantaġġ kompetittiv;

S.billi l-konklużjonijiet tad-Djalogu Strateġiku dwar il-Futur tal-Agrikoltura fl-UE https://commission.europa.eu/strategy-and-policy/priorities-2019-2024/european-green-deal/agriculture-and-green-deal/strategic-dialogue-future-eu-agriculture_mt. jistiednu lill-Kummissjoni tivvaluta mill-ġdid l-approċċ tagħha dwar l-aċċess għas-suq għall-importazzjonijiet u l-esportazzjonijiet agroalimentari, minħabba l-isfida tal-istandards diverġenti tal-Unjoni u tas-sħab kummerċjali tagħha; billi relazzjonijiet kummerċjali aktar ġusti, fuq livell globali, konsistenti mal-miri għal ambjent b’saħħtu kienu waħda mit-talbiet ewlenin tal-bdiewa matul id-dimostrazzjonijiet tal-2023, l-2024 u l-2025;

T.billi l-Parlament saħaq ripetutament li l-Kummissjoni ma għandhiex tawtorizza OĠM f’każijiet li fihom ma tintlaħaq l-ebda maġġoranza kwalifikata mill-Istati Membri fil-Kumitat Permanenti dwar il-Pjanti, l-Annimali, l-Ikel u l-Għalf jew fil-Kumitat ta’ Appell, sabiex jiġi indirizzat id-defiċit demokratiku persistenti;

U.billi minkejja r-rikonoxximent tagħha stess tan-nuqqasijiet demokratiċi, in-nuqqas ta’ appoġġ mill-Istati Membri u l-oġġezzjonijiet tal-Parlament, il-Kummissjoni qed tkompli tawtorizza l-OĠM;

V.billi l-approċċ “saħħa waħda” jirrikjedi li titqies l-interdipendenza bejn is-saħħa tal-bniedem, tal-annimali, tal-pjanti u dik ambjentali meta jiġu vvalutati s-sostenibbiltà u s-sikurezza fit-tul tal-OĠM;