Leasú 1Togra le haghaidh treorachAithris 2(2)Leagtar síos le Treoir 2001/110/CE20 ón gComhairle sainmhínithe, ainmneacha, rialacha comhchoiteanna maidir le comhdhéanamh agus ceanglais lipéadaithe le haghaidh meala.
(2)Leagtar síos le Treoir 2001/110/CE20 ón gComhairle sainmhínithe, ainmneacha, rialacha comhchoiteanna maidir le comhdhéanamh, cáilíocht agus ceanglais lipéadaithe le haghaidh meala.
__________________
__________________
20 Treoir 2001/110/CE ón gComhairle an 20 Nollaig 2001 maidir le mil (IO L 10, 12.1.2002, lch. 47).
20 Treoir 2001/110/CE ón gComhairle an 20 Nollaig 2001 maidir le mil (IO L 10, 12.1.2002, lch. 47).
Leasú 2Togra le haghaidh treorachAithris 3(3)I bhfianaise an dlúthcheangail atá idir cáilíocht na meala agus a tionscnamh agus an gá nach gcuirfí an tomhaltóir amú maidir le cáilíocht an táirge, leagtar síos le Treoir 2001/110/CE rialacha maidir le lipéadú an tionscnaimh inar buaineadh an mhil. Go háirithe, ceanglaítear le hAirteagal 2(4) den Treoir sin an tír nó na tíortha tionscnaimh inar buaineadh an mhil a léiriú ar an lipéad agus foráiltear leis, más de thionscnamh níos mó ná Ballstát amháin nó tríú tír amháin an mhil, féadfar ceann amháin díobh seo a leanas a chur in ionad thásc éigeantach na dtíortha tionscnaimh, de réir mar is iomchuí: ‘cumasc de mheala AE’, ‘cumasc de mheala neamh-AE’, ‘cumasc de mheala AE agus neamh-AE’. D’fhéadfadh sé go ndearna na rialacha éagsúla arna nglacadh ag na Ballstáit ar an mbonn sin tomhaltóirí a chur amú agus d’fhéadfadh sé gur chuir siad bac ar fheidhmiú an mhargaidh inmheánaigh. I bhfianaise chuspóir na Straitéise Ón bhFeirm go dtí an Forc mar atá tomhaltóirí a neartú chun roghanna eolasacha a dhéanamh, lena n-áirítear maidir le tionscnamh a mbia, agus d’fhonn feidhmiú éifeachtúil an mhargaidh inmheánaigh a chaomhnú ar fud an Aontais trí chomhchuibhiú na rialacha lipéadaithe, is iomchuí athbhreithniú a dhéanamh le haghaidh lipéadú ar thionscnamh meala agus é a dhéanamh mar fhoráil go luafaí an tír nó na tíortha tionscnaimh ar an bpacáistíocht. I bhfianaise mhéid laghdaithe na bpacáistí nach bhfuil iontu ach riar amháin meala (pacáistí bricfeasta) agus na deacrachtaí teicniúla a eascraíonn astu, is iomchuí, dá bhrí sin, na pacáistí sin a dhíolmhú ón oibleagáid na tíortha tionscnaimh uile a liostú, i gcás gur de thionscnamh níos mó ná tír amháin an mhil.
(3)I bhfianaise an dlúthcheangail atá idir cáilíocht na meala agus a tionscnamh agus an gá nach gcuirfí an tomhaltóir amú maidir le cáilíocht an táirge, leagtar síos le Treoir 2001/110/CE rialacha maidir le lipéadú an tionscnaimh inar buaineadh an mhil. Go háirithe, ceanglaítear le hAirteagal 2(4) den Treoir sin an tír nó na tíortha tionscnaimh inar buaineadh an mhil a léiriú ar an lipéad agus foráiltear leis, más de thionscnamh níos mó ná Ballstát amháin nó tríú tír amháin an mhil, féadfar ceann amháin díobh seo a leanas a chur in ionad thásc éigeantach na dtíortha tionscnaimh, de réir mar is iomchuí: ‘cumasc de mheala AE’, ‘cumasc de mheala neamh-AE’, ‘cumasc de mheala AE agus neamh-AE’. D’fhéadfadh sé go ndearna na rialacha éagsúla arna nglacadh ag na Ballstáit ar an mbonn sin tomhaltóirí a chur amú agus d’fhéadfadh sé gur chuir siad bac ar fheidhmiú an mhargaidh inmheánaigh. I bhfianaise chuspóirí an Chomhaontaithe Ghlais agus chuspóir na Straitéise ‘Ón bhFeirm go dtí an Forc’ maidir le tomhaltóirí a neartú agus roghanna eolasacha á ndéanamh acu, lena n-áirítear maidir le tionscnamh geografach a mbia, agus ar mhaithe le feidhmiú éifeachtúil an mhargaidh inmheánaigh a chaomhnú ar fud an Aontais trí na rialacha maidir le lipéadú a chomhchuibhiú, is iomchuí athbhreithniú a dhéanamh ar na rialacha maidir le lipéadú ar thionscnamh meala agus foráil a dhéanamh gur cheart an tír thionscnaimh nó na tíortha tionscnaimh a lua in ord íslitheach, de réir a sciar faoi seach mar chéatadán de mheáchan na meala atá sa phacáiste, ar an bpacáistiú. I bhfianaise na spéise ar leith a léiríonn tomhaltóirí i dtionscnamh geografach na meala, i ndáil lena saintréithe agus lena cáilíocht, agus an gá atá le trédhearcacht iomlán san earnáil sin, ba cheart an tír thionscnaimh nó na tíortha tionscnaimh, eadhon an áit ar buaineadh an mhil, a bheith ar an lipéad sa réimse radhairc céanna le tásc an táirge. I bhfianaise mhéid laghdaithe na bpacáistí nach bhfuil iontu ach cuid amháin meala (pacaí bricfeasta) agus na deacrachtaí teicniúla a eascraíonn as sin, i gcás pacáistí beaga den sórt sin amháin, i gcás gur de thionscnamh níos mó ná tír amháin an mhil, ba cheart go bhféadfaí na tíortha tionscnaimh a shonrú ar an lipéad trí úsáid a bhaint as an gcód tíre ISO faoi seach.
Leasú 5Togra le haghaidh treorachAithris 3 c (nua)(3c)Is iondúil go ndéanann tomhaltóirí míthuiscint ar an téarma ‘mil scagtha’, a úsáidtear i dTreoir 2001/110/CE, agus ní dhéanann siad idirdhealú idir ultrascagachán agus scagachán a dhéanann beachairí tar éis a mil a bhaint chun cáithníní céarach agus ábhar coimhthíoch eile a bhaint. Chun a áirithiú go mbeidh faisnéis chruinn ar fáil do thomhaltóirí, agus inrianaitheacht agus infhíoraitheacht bharántúlacht meala agus tionscnamh meala, níor cheart go gceadófaí mil ultrascagtha, dá dtagraítear i dTreoir 2001/110/CE mar ‘mil scagtha’, a mhargú agus a lipéadú mar 'mil' a thuilleadh. Tagraíonn ultrascagachán do phróisis scagacháin trí úsáid a bhaint as mogall scagaire ar mhéid faoi 100 µm, rud a fhágann go mbaintear formhór na pailine ó mhil. Ós rud é gurb é pailin an phríomheilimint atá i mil a úsáidtear chun a bunús a rianú nuair a dhéantar anailís uirthi, fágann easpa pailine i mil go bhfuil sé beagnach dodhéanta na sonraí a sholáthraítear maidir le tír thionscnaimh nó tíortha tionscnaimh na meala a fhíorú. Dá bhrí sin, athraíonn ultrascagachán mil trí cheann dá príomh-chomhpháirteanna agus dá príomhthréithe a bhaint di, agus cuireann sé cosc ar a hinrianaitheacht, rud a chumasaíonn calaois agus tásca míthreoracha do thomhaltóirí. Más rud é, nuair a dhéantar tástáil ar tháirge a chuirtear ar an margadh mar mhil, gur beag an rian atá ann nó nach bhfuil rian ar bith de phailin ann, ba cheart toirmeasc a chur air, chomh maith leis an mbaisc ar cuid di é, más infheidhme, óna chur ar an margadh. Ba cheart, dá bhrí sin, Iarscríbhinn II a ghabhann le Treoir 2001/110/CE a leasú dá réir chun an leibhéal scagacháin a cheadaítear a shonrú. Ba cheart go mbeadh leibhéal den sórt sin de chineál nach n-athróidh go suntasach dlús agus speictream pailine na meala, ach ba cheart go mbeadh sé amhlaidh chun an chuid is mó den ábhar coimhthíoch sa mhil a bhaint.
Leasú 11Togra le haghaidh treorachAithris 5(5)In 2012, leasaíodh Treoir 2001/112/CE le Treoir 2012/12/AE ó Pharlaimint na hEorpa agus ón gComhairle22 chun na rialacha nua maidir le comhábhair údaraithe a léiriú, amhail na rialacha a bhaineann le siúcraí a chur leis, rud nach raibh údaraithe a thuilleadh i súnna torthaí. I bhfianaise an athraithe sin ar cheanglais chomhdhéanaimh maidir le súnna torthaí, ceadaíodh don tionscal sú torthaí úsáid a bhaint as, ar feadh bliain amháin, ráiteas a thabharfadh le fios nach bhfuil siúcraí breise i súnna torthaí ar bith, chun tomhaltóirí a chur ar an eolas agus é a chur ar a gcumas acu idirdhealú soiléir a dhéanamh láithreach idir súnna torthaí agus táirgí áirithe eile dá samhail i dtéarmaí siúcraí a chur sna táirgí. Dhealraigh sé go raibh an tréimhse ama ghearr sin neamh-leordhóthanach chun an tsochaí a chur ar an eolas, tar éis na rialacha nua maidir le comhábhair údaraithe, nach bhfuil sé údaraithe a thuilleadh siúcraí a chur i súnna torthaí. Mar thoradh air sin, i gcás cuid de na tomhaltóirí agus cleachtóirí sláinte, níl sé soiléir fós nach féidir siúcraí breise a bheith i súnna torthaí, contrártha le neachtair thorthaí.
(5)In 2012, leasaíodh Treoir 2001/112/CE le Treoir 2012/12/AE ó Pharlaimint na hEorpa agus ón gComhairle22 chun na rialacha nua maidir le comhábhair údaraithe a léiriú, amhail na rialacha a bhaineann le siúcraí a chur leis, rud nach raibh údaraithe a thuilleadh i súnna torthaí. I bhfianaise an athraithe sin ar cheanglais chomhdhéanaimh maidir le súnna torthaí, ceadaíodh don tionscal sú torthaí úsáid a bhaint as, ar feadh bliain amháin, ráiteas a thabharfadh le fios nach bhfuil siúcraí breise i súnna torthaí ar bith, chun tomhaltóirí a chur ar an eolas agus é a chur ar a gcumas acu idirdhealú soiléir a dhéanamh láithreach idir súnna torthaí agus táirgí áirithe eile dá samhail i dtéarmaí siúcraí a chur sna táirgí. Dhealraigh sé go raibh an tréimhse ama ghearr sin neamh-leordhóthanach chun an tsochaí a chur ar an eolas, tar éis na rialacha nua maidir le comhábhair údaraithe, nach bhfuil sé údaraithe a thuilleadh siúcraí a chur i súnna torthaí. Mar thoradh air sin, i gcás cuid de na tomhaltóirí agus cleachtóirí sláinte, níl sé soiléir fós nach féidir siúcraí breise a bheith i súnna torthaí, contrártha le neachtair thorthaí. Tá baint ag an iomarca saorshiúcraí nó milseoirí neamh-siúcra le héifeachtaí díobhálacha ar shláinte. Is minic nach rogha níos sláintiúla iad táirgí, amhail súnna próiseáilte, nó neachtair, a chuireann leibhéil laghdaithe siúcra chun cinn ná táirgí a bhfuil siúcra nádúrtha nó nach bhfuil aon siúcra breise curtha leo, agus nach bhfuil siad oiriúnach in ionad torthaí nó glasraí úra. Chun soiléireacht a chur ar fáil do thomhaltóirí agus do chleachtóirí sláinte, níor cheart lipéadú míthreorach a cheadú a spreagann súnna nó neachtair phróiseáilte a chur in ionad torthaí nó bia cothaitheach eile. Ba cheart do na Ballstáit agus don Choimisiún torthaí staidéar EFSA ar uasleibhéal iontógála inghlactha le haghaidh siúcraí cothaithe a urramú, go háirithe an moladh gur gá saorshiúcraí agus siúcraí breise a aicmiú le chéile i dtéarmaí na dtorthaí sláinte do shaoránaigh. Faoin 31 Nollaig 2024, ba cheart don Choimisiún togra a thíolacadh chun athbhreithniú a dhéanamh ar Rialachán (AE) Uimh. 1169/2011 ó Pharlaimint na hEorpa agus ón gComhairle* chun tomhaltóirí a chur ar an eolas ar bhealach níos fearr maidir le láithreacht agus méid na saorshiúcraí agus siúcraí breise i dtáirge.
__________________
__________________
22 Treoir 2012/12/AE ó Pharlaimint na hEorpa agus ón gComhairle an 19 Aibreán 2012 lena leasaítear Treoir 2001/112/CE ón gComhairle maidir le súnna torthaí agus táirgí áirithe comhchosúla a ceapadh lena gcaitheamh ag an duine (IO L 115, 27.4.2012, lch. 1).
22 Treoir 2012/12/AE ó Pharlaimint na hEorpa agus ón gComhairle an 19 Aibreán 2012 lena leasaítear Treoir 2001/112/CE ón gComhairle maidir le súnna torthaí agus táirgí áirithe comhchosúla a ceapadh lena gcaitheamh ag an duine (IO L 115, 27.4.2012, lch. 1).
* Rialachán (AE) Uimh. 1169/2011 ó Pharlaimint na hEorpa agus ón gComhairle an 25 Deireadh Fómhair 2011 maidir le faisnéis bhia a sholáthar do thomhaltóirí, lena leasaítear Rialacháin (CE) Uimh. 1924/2006 agus (CE) Uimh. 1925/2006 ó Pharlaimint na hEorpa agus ón Chomhairle, agus lena n-aisghairtear Treoir 87/250/CEE ón gCoimisiún Eorpach, Treoir 90/496/CEE ón gComhairle, Treoir 1999/10/CE ón gCoimisiún Eorpach, Treoir 2000/13/CE ó Pharlaimint na hEorpa agus ón gComhairle, Treoracha 2002/67/CE agus 2008/5/CE ón gCoimisiún agus Rialachán (CE) Uimh. 608/2004 ón gCoimisiún (IO L 304, 22.11.2011, lch. 18).
Leasú 13Togra le haghaidh treorachAithris 8(8)De thoradh dul chun cinn teicniúil, tá teicnící nua próiseála forbartha nó á bhforbairt chun siúcraí a fhaightear go nádúrtha a bhaint de shúnna torthaí agus de shúnna torthaí ó dhlúthán, chun aghaidh a thabhairt ar éileamh méadaithe tomhaltóirí ar tháirgí a bhfuil cion siúcra níos ísle acu. Is féidir táirgí den sórt sin a mhargú san Aontas a mhéid a chomhlíonann siad gach reachtaíocht ábhartha. Faightear na táirgí sin trí chóireáil nach ceann de na cóireálacha údaraithe i gCuid II, pointe 3, d’Iarscríbhinn I a ghabhann le Treoir 2001/112/CE í a chur i bhfeidhm, áfach, agus tá a gcion iomlán siúcra, ar a dtugtar leibhéal Brix do thuaslagán uiscí, níos ísle ná sin de shú a eastósctar as na torthaí. Mar thoradh air sin, b’fhéidir nach mbeadh an t-ainm táirge ‘sú torthaí’ nó ‘sú torthaí ó dhlúthán’ orthu.
(8)De thoradh dul chun cinn teicniúil, tá teicnící nua próiseála forbartha nó á bhforbairt chun siúcraí a fhaightear go nádúrtha a bhaint de shúnna torthaí agus de shúnna torthaí ó dhlúthán, chun aghaidh a thabhairt ar éileamh méadaithe tomhaltóirí ar tháirgí a bhfuil cion siúcra níos ísle acu. Níor cheart go n-úsáidfí milseoirí ná breiseáin mar thoradh ar na teicnící nua sin mar chúiteamh ar an éifeacht a bhíonn ag laghdú siúcra ar bhlas, ar uigeacht agus ar cháilíocht an táirge deiridh. Is féidir táirgí den sórt sin a mhargú san Aontas a mhéid a chomhlíonann siad gach reachtaíocht ábhartha. Faightear na táirgí sin trí chóireáil nach ceann de na cóireálacha údaraithe i gCuid II, pointe 3, d’Iarscríbhinn I a ghabhann le Treoir 2001/112/CE í a chur i bhfeidhm, áfach, agus tá a gcion iomlán siúcra, ar a dtugtar leibhéal Brix do thuaslagán uiscí, níos ísle ná sin de shú a eastósctar as na torthaí. Mar thoradh air sin, b’fhéidir nach mbeadh an t-ainm táirge ‘sú torthaí’ nó ‘sú torthaí ó dhlúthán’ orthu.
Leasú 14Togra le haghaidh treorachAithris 9(9)Tá fáil níos mó ar tháirgí den sórt sin ar mhargadh an Aontais. Chun cur ar an margadh inmheánach na dtáirgí sin a éascú, ag cur san áireamh freisin an gá atá le hathfhoirmliú táirgí a spreagadh chun an méid siúcraí atá i súnna torthaí a laghdú, ba cheart catagóir nua táirgí a chruthú le haghaidh súnna torthaí a bhfuil a gcuid siúcraí a fhaightear go nádúrtha bainte go hiomlán nó go páirteach agus na saintréithe fíor-riachtanacha fisiceacha, ceimiceacha, orgánaileipteacha agus cothaitheacha eile á gcoimeád. Ba cheart go mbeadh an t-ainm táirge ‘sú torthaí le siúcra laghdaithe’ nó ‘sú torthaí siúcra-laghdaithe ó dhlúthán’ ar na táirgí seo agus go mbeadh leibhéal Brix níos ísle ná leibhéal an sú a eastósctar as na torthaí. Chun comhsheasmhacht a áirithiú le Rialachán (CE) Uimh. 1924/2006 ba cheart an cion siúcra a laghdú 30 % ar a laghad i gcomparáid le sú torthaí agus sú torthaí ó dhlúthán. Is iomchuí, dá bhrí sin, an chatagóir nua táirgí a chur isteach i gCuid I d’Iarscríbhinn I a ghabhann le Treoir 2001/112/CE chomh maith le rialacha a leagan síos maidir le comhábhair údaraithe na dtáirgí sin, chomh maith leis na cóireálacha agus na substaintí údaraithe.
(9)Tá fáil níos mó ar tháirgí den sórt sin ar mhargadh an Aontais. Chun nuálaíocht a éascú a laghdaíonn méid na siúcraí atá i súnna torthaí agus a chuireann na táirgí sin ar an margadh inmheánach, ba cheart catagóir nua táirgí a chruthú do shúnna torthaí ar baineadh na siúcraí a fhaightear go nádúrtha astu ina n-iomláine nó i bpáirt, agus na saintréithe riachtanacha eile fisiceacha, ceimiceacha, orgánaileipteacha agus cothaitheacha á gcoinneáil. Ba cheart diantoirmeasc a chur ar aon chineál siúcra nó milseora breise, bídís nádúrtha nó saorga, sna táirgí sin. Ba cheart go mbeadh an t-ainm táirge ‘sú torthaí le siúcra laghdaithe’ nó ‘sú torthaí siúcra-laghdaithe ó dhlúthán’ ar na táirgí seo agus mbeadh leibhéal Brix níos ísle ná leibhéal an sú a eastósctar as na torthaí. Chun comhsheasmhacht a áirithiú le Rialachán (CE) Uimh. 1924/2006 ba cheart an cion siúcra a laghdú 30 % ar a laghad i gcomparáid le sú torthaí agus sú torthaí ó dhlúthán. Is iomchuí, dá bhrí sin, an chatagóir nua táirgí a chur isteach i gCuid I d’Iarscríbhinn I a ghabhann le Treoir 2001/112/CE chomh maith le rialacha a leagan síos maidir le comhábhair údaraithe na dtáirgí sin, chomh maith leis na cóireálacha agus na substaintí údaraithe.
Leasú 15Togra le haghaidh treorachAithris 16(16)I gcás ina méadaítear an chainníocht torthaí a úsáidtear chun subha agus glóthacha a mhonarú, laghdaítear an méid siúcra breise a theastaíonn chun an cion íosta d’ábhar tirim intuaslagtha a shroicheadh sna táirgí sin. Chun táirgeadh subh a spreagadh le leibhéal méadaithe cion torthaí agus ar an gcaoi sin chun tacú le margadh na dtorthaí agus ag cur san áireamh an gá atá le cion saorshiúcra a laghdú, ba cheart an chainníocht íosta torthaí atá le húsáid i monarú subh agus subh breise a leagtar síos in Iarscríbhinn I a ghabhann le Treoir 2001/113/CE a mhéadú. Chun táirgeadh glóthach a spreagadh le leibhéal méadaithe cion torthaí agus ar an gcaoi sin chun tacú le margadh na dtorthaí, ba cheart an chainníocht íosta torthaí atá le húsáid i monarú glóthach agus glóthach breise a leagtar síos in Iarscríbhinn I a ghabhann le Treoir 2001/113/CE a mhéadú. Ar an gcaoi chéanna, i bhfianaise cuidiú le tomhaltóirí roghanna bia sláintiúla, níos eolasaí a dhéanamh, is iomchuí úsáid na n-ainmneacha forchoimeádta a shainítear i gCuid I den Iarscríbhinn sin a údarú do tháirgí a bhfuil cion ábhair thirim intuaslagtha níos lú ná 60 % acu ach a chomhlíonann na coinníollacha is infheidhme maidir leis an maíomh cothaithe ‘siúcraí laghdaithe’ a leagtar síos san Iarscríbhinn a ghabhann le Rialachán (CE) Uimh. 1924/2006 a mhéid a bhaineann le siúcra laghdaithe.
(16)I gcás ina méadaítear an chainníocht torthaí a úsáidtear chun subha agus glóthacha a mhonarú, laghdaítear an méid siúcra breise a theastaíonn chun an cion íosta d’ábhar tirim intuaslagtha a shroicheadh sna táirgí sin. Chun táirgeadh subh a spreagadh le leibhéal méadaithe cion torthaí agus ar an gcaoi sin chun tacú le margadh na dtorthaí agus ag cur san áireamh an gá atá le cion saorshiúcra a laghdú, ba cheart an chainníocht íosta torthaí atá le húsáid i monarú subh agus subh breise a leagtar síos in Iarscríbhinn I a ghabhann le Treoir 2001/113/CE a mhéadú. Chun táirgeadh glóthach a spreagadh le leibhéal méadaithe cion torthaí agus ar an gcaoi sin chun tacú le margadh na dtorthaí, ba cheart an chainníocht íosta torthaí atá le húsáid i monarú glóthach agus glóthach breise a leagtar síos in Iarscríbhinn I a ghabhann le Treoir 2001/113/CE a mhéadú. Thairis sin, ba cheart gach comhábhar a lua ar an lipéad agus níor cheart laghdú ar an gcion siúcra a chúiteamh le milseoirí. Ar an gcaoi chéanna, i bhfianaise cuidiú le tomhaltóirí roghanna bia sláintiúla, níos eolasaí a dhéanamh, is iomchuí úsáid na n-ainmneacha forchoimeádta a shainítear i gCuid I den Iarscríbhinn sin a údarú do tháirgí a bhfuil cion ábhair thirim intuaslagtha níos lú ná 60 % acu ach a chomhlíonann na coinníollacha is infheidhme maidir leis an maíomh cothaithe ‘siúcraí laghdaithe’ a leagtar síos san Iarscríbhinn a ghabhann le Rialachán (CE) Uimh. 1924/2006 a mhéid a bhaineann le siúcra laghdaithe.
Leasuithe 20 agus 26Togra le haghaidh treorachAirteagal 1 – mír 1 – pointe 1 b (nua)Treoir 2001/110/CEAirteagal 2 – mír 2 – fomhír 2 pointe b(1b)In Airteagal 2, mír 2, cuirtear an méid seo a leanas in ionad na coda réamhráití de phointe b den dara fomhír:
“(b) seachas i gcás mil scagtha agus mil báicéara, féadfar ainmneacha na dtáirgí a fhorlíonadh le faisnéis a thagraíonn do na nithe seo a leanas:
“(b) Seachas i gcás mil báicéara, féadfar na hainmneacha sin a fhorlíonadh le faisnéis faoi na nithe seo a leanas maidir leis an mil:
– de bhunadh bláthach nó plandúil, má thagann an táirge go hiomlán nó go príomha ón bhfoinse a léirítear agus má léiríonn sé saintréithe orgánaileipteacha, fisiciceimiceacha agus micreascópacha an tionscnaimh shonraithe;
– tionscnamh réigiúnach, críochach nó topagrafach, má thagann an táirge go hiomlán ón bhfoinse léirithe;
– sainchritéir cháilíochta.”
Leasú 30Togra le haghaidh treorachAirteagal 1 – mír 1 – pointe 2 d (nua)Treoir 2001/110/CEIarscríbhinn II – mír 2(2d) In Iarscríbhinn II, cuirtear an méid seo a leanas in ionad an dara mír:
Nuair a chuirtear ar an margadh í mar mhil nó nuair a úsáidtear í in aon táirge a ceapadh lena chaitheamh ag an duine, ní chuirfear aon chomhábhar bia eile le mil, lena n-áirítear breiseáin bhia, ná ní chuirfear aon ábhair bhreise eile léi seachas mil. Caithfidh mil, a oiread agus is féidir, a bheith saor ó ábhair orgánacha nó neamhorgánacha atá coimhthíoch dá comhdhéanamh. Cé is moite de phointe 3 d’Iarscríbhinn I, ní mór gan aon bhlas nó boladh coimhthíoch a bheith air, gan tús a bheith curtha le coipeadh, gan aigéadacht a athraíodh go saorga a bheith aige nó a bheith téite ar bhealach ina scriostar na heinsímí nádúrtha nó ina ndearnadh iad a dhíghníomhachtú go suntasach.
"Nuair a chuirtear ar an margadh í mar mhil nó nuair a úsáidtear í in aon táirge a ceapadh lena chaitheamh ag an duine, ní chuirfear aon chomhábhar bia eile le mil, lena n-áirítear breiseáin bhia, ná ní chuirfear aon ábhair bhreise eile léi seachas mil. Caithfidh mil a bheith saor ó ábhair orgánacha nó neamhorgánacha atá coimhthíoch dá comhdhéanamh. Cé is moite de phointe 3 d’Iarscríbhinn I, ní mór gan aon bhlas nó boladh coimhthíoch a bheith air, gan tús a bheith curtha le coipeadh, gan aigéadacht a athraíodh go saorga a bheith aige nó a bheith téite ar bhealach ina scriostar na heinsímí nádúrtha nó ina ndearnadh iad a dhíghníomhachtú go suntasach nó gan a bheith nochta d’fholúsghalú. Caithfidh mil, i gcás ina margaítear mar mhil í nó ina n-úsáidtear í in aon táirge a ceapadh lena chaitheamh ag an duine, na saintréithe comhdhéanaimh a leagtar amach i bpointí 1 go 6 den Iarscríbhinn seo a chomhlíonadh. Ina theannta sin, i gcás ina margaítear mil mar “mhil amh” nó mar “mhil neamhthéite”, caithfidh sí na saintréithe comhdhéanaimh a leagtar amach i bpointe 6a a chomhlíonadh freisin.’
Leasú 35Togra le haghaidh treorachAirteagal 2 – mír 1 – pointe 1 – pointe dTreoir 2001/112/CEAirteagal 3 – mír 66.Gan dochar d’Airteagal 22 de Rialachán (AE) Uimh. 1169/2011 maidir le meascáin de shú torthaí agus de shú torthaí ó dhlúthán, agus maidir le neachtar torthaí a fhaightear go hiomlán nó go páirteach ó tháirge comhdhlúite amháin nó níos mó, beidh na focail ‘ó dhlúthá(i)n’ nó ‘go páirteach ó dhlúthá(i)n’ ar an lipéadú, de réir mar is iomchuí. Déanfar an fhaisnéis sin a iontráil gar d’ainm an táirge, a sheasfaidh amach go maith ó chúlra ar bith, i gcarachtair a bheidh infheicthe go soiléir.;”
“6. Gan dochar d’Airteagal 22 de Rialachán (AE) Uimh. 1169/2011 maidir le meascáin de shú torthaí agus de shú torthaí ó dhlúthán, do shú torthaí le siúcra laghdaithe, do shú torthaí le siúcra laghdaithe ó dhlúthán, agus do neachtar torthaí a fhaightear go hiomlán nó go páirteach ó tháirge dlútháin amháin nó níos mó, beidh na focail ‘as dlúthá(i)n’ nó ‘go páirteach as dlúthá(i)n’ ar an lipéadú, de réir mar is iomchuí. Déanfar an fhaisnéis sin a iontráil gar d’ainm an táirge, a sheasfaidh amach go maith ó chúlra ar bith, i gcarachtair a bheidh infheicthe go soiléir.;”
Leasú 39Togra le haghaidh treorachAirteagal 3 – mír 1 – pointe 1 – pointe b a (nua)Treoir 2001/113/CEAirteagal 2 – mír 4 a (nua)(ba)Cuirtear an mhír seo a leanas isteach:
"4a. Cuirfear tír thionscnaimh na dtorthaí agus an tsiúcra a úsáidtear chun táirgí a mhonarú a shainmhínítear in Iarscríbhinn I in iúl ar an lipéad. Má dhéantar táirge den sórt sin de chineál amháin torthaí, agus más de thionscnamh níos mó ná tír amháin na torthaí a úsáidtear, cuirfear na tíortha tionscnaimh ar an lipéad in ord íslitheach, de réir sciar gach tíre tionscnaimh de réir mheáchan an toraidh, agus an tsiúcra a úsáideadh chun an táirge a mhonarú.
Maidir le táirgí ina n-úsáidtear meascán de thorthaí éagsúla de thionscnamh níos mó ná tír amháin, cuirfear na tíortha tionscnaimh in iúl ar an lipéad in ord íslitheach de réir chion gach tíre tionscnaimh de mheáchan na dtorthaí a úsáidtear chun an táirge a mhonarú.
Sonrófar an sciar céatadáin de réir meáchain do gach tír thionscnaimh ar lipéad na bpacáistí agus úsáid á baint as na raonta seo a leanas:
>90 %
70 %-90 %
50 %-70 %
30 %-50 %
10 %-30 %
<10 %
Maidir le pacáistí ina bhfuil 30 g nó níos lú, féadfar an sciar céatadáin de réir meáchain do gach tír thionscnaimh a léiriú ar an lipéad ag úsáid ceann de na raonta seo a leanas:
>75 %
50 %-75 %
25 %-50 %
<25 %
Ní fhéadfar na tíortha tionscnaimh a lua ar an lipéad ach amháin i gcás pacáistí ina bhfuil níos lú ná 30 g trí úsáid a bhaint as cód tíre ISO 3166 alpha-2.”
Leasú 50Togra le haghaidh treorachIarscríbhinn II – mír 1 – pointe 1 – pointe bTreoir 2001/113/CEIarscríbhinn I – Cuid I– eang 5“– Is meascán é ‘marmaláid citris’, lena dtugtar raimhre ghlóthaithe oiriúnach, d’uisce, siúcraí agus ceann amháin nó níos mó de na táirgí seo a leanas a fhaightear ó thorthaí citris: laíon, purée, sú, eastóscáin uiscí agus scamh.”
“– Is meascán é ‘marmaláid citris’, lena dtugtar raimhre ghlóthaithe oiriúnach, d’uisce, siúcraí agus ceann amháin nó níos mó de na táirgí seo a leanas a fhaightear ó thorthaí citris: laíon, purée, sú, eastóscáin uiscí agus scamh. San ainm ‘marmaláid citris’, féadfar ainm an toraidh citris a úsáideadh a chur in ionad an téarma ‘citris’.”